همسات سورية

بيت الجدة هو المكان يلي فيه كل الذكريات الحلوة من لمة العيلة، وسفرالأكل المتنوعة واللذيذة. الجدة هي الأم التانية الحنونة يلي شو ماعملنا عندا ما في عقاب، مين منا ما غلط بصغره وهرب من أهله ليحتمي بجدته. الأيام الحلوة راحت بس هل يا ترى بترجع بعد كل ظروف الهجرة يلي صارت بالسنين الأخيرة بسوريا؟ خلونا نتذكر سوى أيام طفولتنا وذكرياتنا الحنونة بأصوات أهالي من الرقة عم يحنوا لذكرياتهم مع جداتهم بهي الحلقة من بودكاست من "همسات سورية".

ثقافات وتقاليد وأعراف.. لهجات مختلفة .. شكل التحية واللباس وتنوع الأكلات هاد يلي بميز سوريا بكل محافظاتها.

"بليلة بلبلوكي"، "بارد يا تمر هندي"، وغيرها الكتير من العبارات يلي ارتبطت بذاكرة الطفولة وأيام الدراسة، مين منا ما شم ريحة الكمون والليمون وراح فورا لعرباية الفول يلي  صاحبها بيتميز بأسلوبه اللطيف وضحكته يلي ما بتفارقه.

بيت السوريين خيمة مهترئة!

أعطال متكررة وما بتخلص بالسيارات، والسبب رداءة المازوت في شمالي سوريا، المازوت الأوروبي غالي والسائقين مجبورين على خلطة مع مازوت محلي "مُحسَّن".

دفتر السمان أو دفتر الدين، عبارة عن صفحات مكتوب فيها أسماء الناس مع المشتريات اللي أخدوها وما دفعوا حقها.

طلاب عم يكافحوا ويتحدوا كل ظروفن الصعبة حتى يقدروا يكفوا تعليمن الجامعي، بمنطقة عم تعاني من الفقر وضيق بالأحوال المادية، لكن رغم كل شيء عم يحاولوا يتجاوزا كل العقبات من توفير الأقساط الجامعية، لتأمين مواصلات، وتنسيق بين العمل والدراسة.

المسحر.. لمة العيلة.. والأكلات والمشروبات الشهية، موائد الإفطار المتنوعة والسكب بين الجيران. القعدة الرايقة بين وجبة الإفطار والسحور مع المعروك والحلويات والمشروبات الرمضانية.. تمر هندي وعرق سوس، ومتابعة المسلسلات يلي بتعطي هالشهر خاصية.. يلي ما بيحضر بصير يحب يحضر.. هي من أبرز طقوس شهر رمضان.

انقطاع المياه المستمر وعدم توفر الخزانات، بالإضافة لسوء جودتها، عم تسبب أزمة كبيرة لسكان مخيمات الشمال السوري، يلي عم يضطر بعضهم لتأجيل احتياجاتهم الأساسية.

المخرز لقب أطلق على الأشخاص يلي لجؤوا إلى عمليات النصب والاحتيال عالناس في ظل سيطرة تنظيم داعش بمدينة الرقة، بسبب شخص قام بعمليات نصب عالناس بحجة تشغيلهم وجني الأرباح من المبالغ، وبعد تجميع الأموال من الناس بيختفي الشخص، ويلي خلا الناس توثق أكتر حماية داعش لهدول الأشخاص ودعمهم خلاهم يأمنو ويحطوا مصاريهم.

نظام الكفيل أو بطاقة الوافد هو نظام معمول فيه بمناطق سيطرة الإدارة الذاتية بشمال شرق سوريا من سنوات، النازحين والقادمين لهي المنطقة واللي نفوسهم خارجها، محتاجين لكفيل من السكان المنحدرين من شمال شرق سوريا، بالإضافة لمجموعة أوراق من المختار وبراءة ذمة من الأمن الداخلي الأسايش وغيرها من الأوراق لإصدار بطاقة الوافد، ولازم يتم تجديدها كل ست شهور عن طريق الأسايش. قصص ومعاناة الناس بتسمعوها بهالحلقة.

شبكات الإنترنت بشمال شرقي سوريا، كيف عم تتوفر حالياً؟.. وشو هي الصعوبات يلي عم يعانوا منها سكانها؟... وقديش تكلفتها؟، اسمعوها عبر هالبودكاست من "همسات سورية"

قرار العودة للدراسة الجامعية بعد انقطاع فترة طويلة من الزمن صعب، وبيحتاج  الكتير من الجرأة والجهد، في شمال غرب سوريا نساء ورجال قرروا يتخذوا قرار العودة للدراسة الجامعية، وعم يتحملوا مسؤوليات كتيرة منها: مسؤولية العيلة والعمل، ليقدروا يوصلوا لهدفهم ويحققوا أحلامهم. ​​​​​​​

العشائر هي مجموعة من الناس بتجمعهم صلة قرابة، وكبيرهم بيكون شيخ العشيرة، بيحط نظام بيتبعو كل أعضاء عشيرته.

ترمس شاي أو عدة المتة مع كمشة بزر، هيك بتكون استعدادات أهالي الرقة قبل ما يروحوا عالكازية أو حتى ليشتروا ربطة خبز، طوابير من الناس شي واقف وشي قاعد ناطر دورو ليقدر يعبي شوية بنزين أو مازوت، وياترى ايمت بيجيه الدور؟ بعد ما يقرر المسؤول عن الكازية إنو بطل في بنزين.

"ايمت بدنا نفرح فيك"، جملة منسمعها بشكل متكرر بمجتمعاتنا، وكتير من الأوقات كتر الحكي بموضوع الزواج بيسبب ضغط على الشباب، وبخليهم يرضخوا للأمر الواقع ليرتاحوا من نق الأهل والأقارب، ومزح أصدقائهم المتزوجين يلي بعمرهم "ما بدك تتزوج، "مالك رجال" وغيرها..

كل مرحلة من حياتنا بتحمللنا الكثير من الذكريات، ودائماً ذاكرتنا بترتبط بأول مرة، وأول يوم بالبلد الجديد.. أو بالبيت الجديد، أهالي المخيمات جمعتهم ذكرى وحدة بأول يوم بالخيمة يلي مليان قصص و مشاعر ملخبطة بين الخوف والأمل، وبين الحزن والشعور ببعض الأمان، بس الأكيد انو بيبقى أملهم بالعودة لبيوتهم هو حلم مشترك، سمعوا تفاصيل هالذكرى بهالبودكاست من همسات سورية.

الوضع الأمني واحد ، بس الظروف المادية بتختلف بين عوائل سكان شمال غرب سوريا، وهالشي واضح من الرحلات والمشاوير يلي عم تكون بمثابة تنفس لالهم من أجواء القصف وضجيج المدينة عوائل عم تقصد المناطق السياحية، متل العاصي ودركوش وعين الزرقا، ليقضوا فيه أيام العطلة ويعملوا نشاطات مختلفة متل السباحة أو الشواء،  وعوائل عم تقتصر طلعاتهم لحديقة عامة أو زيارة أحد الأقارب بسبب قلة المحروقات والإمكانية المادية القليلة … لتعرفوا أجواء النزهات أكتر اسمعوا هالبودكاست.

الهوية الشخصية ودفتر العائلة، وثيقتين أساسيتين، لتقدر تتنقل بين المناطق المحاصرة من قبل النظام، ومسيطر عليها من قبل فصائل عسكرية مختلفة، بين مناطق إدلب وشمال حلب على الرغم من قربهم لبعض، حركة مقيدة ومضايقات على المعابر، خلت الناس تحد من زياراتها العائلية، وتتواصل عبر وسائل التواصل الاجتماعي على الرغم من قرب المناطق، متل المسافر برا البلد.. قصص هالناس كتيرة اسمعوها بهالبودكاست.

كراسي وطاولات على ضفة نهر الفرات، بيتقدم فيها صحون المازا والمقبلات والمشروبات الروحية، أماكن بسيطة بيعتبروها البعض ملجأ للترويح عن النفس ولنسيان ضغوط الحياة، الحانات في الرقة.. تعرف على قصص روادها بهالبودكاست من همسات سورية.

زلاغيط ودبكات ومباركات.. مو بس بالأفراح، هيك بصير لما بتوصل العروس الزرقا للبيوت. فرحة السوريين بالحصول على جرة غاز، متل يلي عم يحضر عرس، وحزنهم على فراقها، متل يلي عم يودع مسافر.. لتعرفوا ليش اسمعوا هالبودكاست من همسات سورية.

الخوف من الاعتقال والموت تحت القصف ماترك خيار قدامهم إلا إنهم يعبروا الحدود التركية، برحلة إذا نجحت رح تكون فرصة جديدة قدامهم للحياة.. على طريق التهريب نساء وأطفال بالعتمة بين الجبال، وصوت الرصاص آخر همهم.. قصص السوريين اسمعوها بهالبودكاست.

منطقة جبلية وأراضي صحراوية لـ أرض مليانة ورد ونباتات..هيك النازحين تأقلموا مع ظروف سكنهم الجديد بالمخيمات وأمنوا الحل بأحواض زريعة ورود تعطي جمالية وخضرة بتوفر اكتفائهم الذاتي.. لتعرفوا كيف عم يتم العناية بالنباتات اسمعوا هالبودكاست من همسات سورية.

تضخم سكاني وما في فرص عمل، والشغل صعب وساعات الدوام طويلة، والمعاش يا دوب يكفي حق ربطة الخبز.. معاناة عمال المياومة بالداخل السوري يلي بتتشابه أيضاً مع معاناة النساء يلي عم تضطر تشتغل بالحقول الزراعية.. لتعرفوا أكتر اسمعوا هالبودكاست من همسات سورية.

القرطاسية، لباس المدرسة، ورسوم التسجيل للمرحلتين الابتدائية والإعدادية، غلاء معيشي والمدارس الخاصة رسومها بالدولار.. المدارس بعيدة وما في مواصلات. هيك عم يستقبلوا الأهالي بشمال سوريا بداية العام الدراسي.. تحديات وصعوبات اسمعوها بهالبودكاست.

حيوانات نجوا من الجوع والموت تحت القصف..قطط وكلاب وعصافير رافقوا صحابهم برحلة النزوح ليوصلوا لمكان آمن نوعا ما .. بالمخيمات تربية الحيوانات وَنس ولكسب المال اسمعو المزيد بهالبودكاست.

بين حاويات القمامة،أطفال عم تتجول بشوارع الرقة لتحصل لقمة العيش.. أطفال شردتهم الحرب في ظل تفكك أسري ووضع اقتصادي سيء.. أسباب تشرد الأطفال ومعاناتهم اسمعوها بهالبودكاست

عتم ونباح كلاب.. أطفال عم يحلموا بتلفزيون يونسهم.. بالنهار ضو الشمس وبالليل ضو القداحة هي مصادر الإنارة لغالبية أهالي المخيمات بالشمال السوري، ووسط العتمة قصص كتيرة مخباية سمعوها بهالبودكاست.

لعب الورق والطاولة، وشغل المونة هيك عم تكون أجواء السهر للنازحين بالمخيمات..رجال ونساء عم يخلقوا أجواء تناسب سكنهم ليتذكروا شي من سهرات الماضي.. تفاصيل تجاوزوها وتفاصيل ما قدروا يتجاوزوها رح تسمعوها بهالبودكاست.

البدلة البيضة حلم كل بنت من لما توعى عالدنيا..الفستان الأبيض المرتبط بالعروس وصالة الأفراح ..كيف انكسرت هالقاعدة بمخيمات النازحين وكيف صار شكل زفة العريس شو يلي اختفى من هالطقس وشو يلي ضل؟ تابعوا بهالبودكاست

طوابير من الناس رجال ونساء واقفين لوقت طويل بمخيمات الشمال السوري، مو ليشتروا ربطة خبز أو جرة غاز، ناطرين يجي دورهم ليقضوا حاجتهم بدورات المياه. مواقف بيتعرضولها ما فكرتوا فيها من قبل رح تسمعوها بهالبودكاست.

يتزايد تزويج الطفلات السوريات في تركيا رغم منع القانون التركي له، وكل محاولات منظمة حقوق الإنسان للتوعية ضده.. و السؤال المطروح دوما مالذي يدفع الأهل إلى تزويج بناتهن صغيرات!! تابعوا معنا هالبودكاست من راديو روزنة

سنا، سيدة متزوجة ومقيمة مع أهل زوجها في سوريا، بينما يعمل الزوج في لبنان، تعرضت للتحرش الجنسي أكثر من مرة من قبل شقيق زوجها (سلفها) وحاول أن يعتدي عليها، بحثت سنا عن حل لمشكلتها ولكن البعض نصحها بالتكتم والصمت حفاظاً على علاقة زوجها بأخيه.

جميلة، فتاة سورية تعرضت للاغتصاب من قبل أقرب الناس لها، والشخص الذي يفترض أن يكون مصدراً للأمان والحماية، أجبرها على الصمت لسنوات، ولكن في نهاية الأمر انتصرت جميلة على خوفها وفضحته أمام والدتها واستطاعت النجاة منه.

سمر، فتاة سورية تزوجت من مقاتل أجنبي خلال الحرب في سوريا، ورفض هذا الزوج إثبات هويته أو أي معلومة عنه، وبعد مضي ثلاثة أشهر من زواجهما رحل دون أن يخبرها أو يطلقها، رحل وكأن شيئاً لم يكن، وترك الفتاة حاملاً بطفل لا يعرف اسم والده الحقيقي أو جنسيته!

آية، ضربها زوجها في ليلة "الدخلة"، لأنه بعد ممارسة العلاقة الجنسية معها لم ير دماء كما تسمى مجتمعياً (العلامة)، أي أن عذرية الفتاة مرتبطة بنقطة دم، واتهمها بشرفها وعفتها، وأخذها إلى أكثر من طبيب وأكدوا له أن غشاء البكارة لدى آية مطاطي ولا يفض إلى بعد الولادة الأولى أو عبر تدخل طبي، ورغم ذلك استمر بضربها وتعنيفها وتوجيه الاتهامات لها.

ناديا، فتاة سورية خطبها شاب مقيم في أوروبا، وطلب منها أثناء مكالماتهما، خلع ملابسها ومجاراته في حديثه الجنسي، بحجة أنه زوجها شرعياً، وبعد فقدان الأمل من لم الشمل فسخت خطوبتها، ولكن تبين لاحقاً أن الشاب سجل محادثاتهما معاً وبدأ يبتزها.

سوزان صبية سورية، عاشت تجربتين مساكنة فاشلتين، والتنين انتهوا بسرعة ووحدة منهم كانت مؤلمة كتير. تجاربها الفاشلة عززت عندها فكرة أن معظم الرجال بمجتمعنا بشوفوا المساكنة على إنها وسيلة لقضاء وقت وعلاقة جنسية بدون أي التزامات عاطفية أو قانونية.

رشا، صبية لبست الحجاب بالاجبار لما كانت صغيرة بعمر 11، وحاولت الرفض لكن أمها وخالاتها أقنعوها بضرورة لبسه، ولأن المجتمع بفضل الفتاة المحجبة، ولكنها أخبرت عائلتها بأنها ستخلعه يوما ما، وعندما دخلت الجامعة خلعت الحجاب ودعهما والدها في قرارها.

طبيب مثلي الجنس، يعيش في المجتمع السوري يخفي ميوله الجنسية، ينجذب للرجال، ويبحث عن أقرانه عن طريق الانترنت، يخاف من الفضيحة في المجتمع ومن ردة فعل أهله إن كشف أمره، لديه حياة علنية ترضي المجتمع، وحياة سرية يبحث فيها عن راحته.

ميسون، سيدة سورية تعرضت للخيانة من قبل زوجها عدة مرات، وبكل مرة حاولت اتخاذ موقف صارم والمطالبة بالطلاق، كانت تواجه رفض عائلتها وتمسكهم ببقائها مع زوجها الخائن، أقنعوها بأن صبرها عليه رح يهديه ويصلح حاله، كبرت ومضت السنوات ولسه عم تعيش معو، خوفاً على مستقبل اولادها ومن كلمة "مطلقة".

ماجدة، متزوجة وعندها 3 أطفال، لجأت مع عائلتها إلى تركيا، زوجها رفض العمل بحجة عدم تحمله العمل كأجير عند الناس، فحملت ماجدة مسؤولية إعالة عائلتها، وكانت تعاني من عدم مساعدة زوجها لها في الاهتمام بالأطفال والمنزل، ولأنه يعتقد بأن العمل في المنزل من مسؤولية المرأة وحدها، ومن المعيب على الرجل أن يقوم به.

ياسمينة، سيدة سورية تم اعتقالها واغتصابها، وواجهت عند خروجها من السجن، نظرة المجتمع القاسية، ومقاطعة أخوتها إلها ومحاولة التحريض على قتلها بحجة غسل العار.

نور، صحفية سورية عانت من حكم المجتمع على عمل النساء في مهن معينة من ضمنها الصحافة، وهاد الحكم قائم على نظرة المجتمع للمرأة الصحفية بأنها تتنازل على عن شرفها وأخلاقها مقابل أن تحصل على عملها، وأنها بتختلط بالناس كتير وما في عندها حدود بالتعامل.