Nach Genre filtern
- 48 - مشوار لحي الميدان
بالحلقة الأولى من بسمة صباح، رح نتعرف على عائلة بسمة وصباح. شو مواقفهم من الثورة واختلافاتهم. العيلة بتروح مشوار على حي الميدان وهنيك بنتعرف ع أجواء البلد ببداية الثورة وشو عملت مايا بهالمشوار . لتعرفو أكتر تابعو الحلقة وتعرفو على عائلة بسمة وصباح المتميزة بالتأكيد.
Tue, 01 Dec 2020 - 29min - 47 - درعا محاصرة وتظاهرة الشموع
الحلقة التانية من بسمة صباح اليوم.. بعد سقوط شهداء بالجمعة العظيمة المشهورة ببداية الثورة . مايا وصديقها يزن يللي منخرطين بالثورة بشاركو مع رفقاتهم بالجامعة بتظاهرة للشموع نظموها الطلاب اللي موالين لكن انسانيين وضد العنف وضد سقوط شهداء. شو بصير بالتظاهرة وكيف بتنتهي؟ وشو الموضوع اللي واجهته بسمة بشغلها مع مديرها وكيف تصرفت؟ تابعو أحداث هي الحلقة اللي عم تتوضح فيها المواقف أكتر وأكتر.
Tue, 01 Dec 2020 - 38min - 46 - حمزة الخطيب.. وبسمة صباح في خطر
بالحلقة الثالثة من مسلسل بسمة صباح رح نحكي عن قصة الشهيد الطفل حمزة الخطيب يلي كسرت القلوب وعملت تفاعلات كبيرة بالثورة وبالعالم. كيف كانت تفاعلاتها على أرض الواقع وشو اللي تعرضله صباح بالجامعة؟ أما بسمة اللي وقعت على بيان بالحلقة الماضية شو كان رد الفعل عليه بشغلها وكيف انتهت القصة معها؟ أحداث كتيرة ومشوقة بهي الحلقة المهداة لروح الشهيد حمزة الخطيب خلينا نتابعها سوا.
Tue, 01 Dec 2020 - 26min - 45 - مدينة حماة تتصدر أحداث الثورة
بالحلقة الرابعة رح نتعرف ع الشب علاء ابن حرستا، وابن الثورة يللي رح يكون له دور كبير بالحلقات الجاية. و ليه راح صباح عند أمه اللي عايشة بمدينة حماة وشو صار معه هنيك؟ حماة اللي شهدت ساحة العاصي أحلى المظاهرات السورية فيها وانشهر مغني الثورة ابراهيم القاشوش وذاع صيته بكل مكان والكل حفظ أغنيته المشهورة وصار يرددها. تابعوا أحداث هي الحلقة الغنية بالمواقف الإنسانية وكيف انتهت رحلة صباح لحماة.
Tue, 01 Dec 2020 - 30min - 44 - مايا وسهيل في خطر!
بالحلقة الخامسة من بسمة صباح رح نشوف سهيل عم يمارس دوره كموالي مع الموالين، ويتظاهروا ضد السفارات الغربية للتنديد بتدخلها، وخاصة زيارة السفير الأميركي لحماة. شو رح يصير مع سهيل؟ وشو المواقف اللي ظهرت من أصدقاء صباح تجاه الثورة؟ وشو هي التظاهرة للي شاركت فيها عيلة بسمة وصباح واصدقائهم اللي مع الثورة وكيف انتهت؟
Tue, 01 Dec 2020 - 28min - 43 - ليلة القدر
الحلقة السادسة رح تحكي عن رمضان وتحديداً عن التحضيرات لليلة القدر . مين اللي اتصل بصباح وشو رح يصير معه نتيجة هالاتصال وكيف انتهت القصة بينه وبين بسمة؟ ... بسمة اللي عم تتجهز مع رفقاتها لتشارك بليلة القدر بجامع الرفاعي مع أول رمضان للثورة ٢٠١١ . شو صار بهي الليلة التاريخية وكيف انتهت الأمور مع عيلة بسمة وصباح. تابعوا هي الحلقة المشوقة بأحداثها لترجعو تعيشو الحدث وتتذكروا.
Tue, 01 Dec 2020 - 37min - 42 - عيد ميلاد مايا ولكن؟
الحلقة السابعة رح تتابعوا أحداث عيد ميلاد مايا. بسمة حابة تحتفل لها بالمناسبة وشو بصير معهم بالسوق هنن وعم يشتروا أغراض لعيد ميلاد مايا. شو المفاجأة اللي محضرها يزن لمايا بهالمناسبة ؟؟وشو المفاجأة الأكبر والخطيرة اللي بتصير مع العيلة بعيد ميلاد مايا وكيف رح تنتهي؟؟ بالوقت نفسه سهيل لوين عم ياخدوه الموالين وشو بدهن منه وشو رأي اهله بالموضوع؟؟ أحداث كتيرة متل العادة تابعوها بأحداث هي الحلقة المشوقة جدا.
Tue, 01 Dec 2020 - 30min - 41 - سهيل في خطر!
بالحلقة الثامنة الحدث كبير ومشوق.. شو الخطر يلي تعرض له سهيل؟.. وكيف صباح وبسمة واجهوا القصة؟.. بمين شك صباح ومين يلي ساعده بالنهاية؟ تابعوا أحداث هالحلقة المشوقة يلي حاملة تفاصيل مفصلية وكتير من الرسائل.
Tue, 01 Dec 2020 - 34min - 40 - ليلة رأس السنة 2012
رح تسمعوا بالحلقة التاسعة من مسلسل بسمة صباح ، انتهاء سنة 2011 وعيلة بسمة وصباح عاشو أحداث وقصص أشكال ألوان، خلال الثورة السورية، كان آخرها خطف سهيل بالحلقة الماضية. يا ترى كيف قضو ليلة رأس السنة وليه بلش صباح يتبدل، وكتير قصص رح تعرفوها بالحلقة التاسعة هالأسبوع بأحداثها المشوقة كالمعتاد.
Tue, 01 Dec 2020 - 31min - 39 - عيلة بسمة وصباح في خطر!
أحداث جديدة بالحلقة العاشرة من الدراما الإذاعية "بسمة صباح"، واليوم رح نتعرف على أبو يزن للمرة الأولى، ونعرف موقفه من كل شي عم يصير بسوريا، وكمان رح نعرف ليش عيلة بسمة وصباح كلن تحت الخطر. مين ساعد العيلة هالمرة، وشو هو الخطر اللي تعرضوله.. تابعوا أحداث هالحلقة المشوقة ويلي بلش فيها تصعيد السلاح عالأرض بشكل أكبر.
Tue, 01 Dec 2020 - 29min - 38 - صوت السلاح أقوى!
بالحلقة 11 من المسلسل الإذاعي "بسمة صباح"، جيران مايا وبسمة بواجهوا خطر، وصباح بروح مشوار وبيحكي شي كتير مهم. كيف مايا وبسمة بواجهوا الخطر اللي تعرضوله جيرانهم؟، ومين اللي بساعدهم بهالمحنة؟، ورح تعرفوا كمان شو هو هالمشوار اللي راح عليه صباح؟ وشو حكى هنيك؟
Tue, 01 Dec 2020 - 32min - 37 - تلج.. وشهيد.. وتلج
الدنيا برد كتير وكأنها رح تتلج.. رح تعرفوا بالحلقة 12 لوين رايحة بسمة بهالبرد وليش طلبها مديرها السابق؟.. وشو بصير معها هي ومايا وليلى بهالبرد بالمشوار الخاص اللي كانو مقررين يروحو؟.. أما صباح مشواره باتجاه تاني وشو بيعمل بعد مايعرف وين راحت بسمة ومايا؟. أحداث مشوقة كالعادة بتنتهي مع مفاجأة من العيار التقيل لنانا.. لتعرفوا أكتر تابعوا هالحلقة الجديدة من المسلسل الإذاعي "بسمة صباح".
Tue, 01 Dec 2020 - 32min - 36 - شو قصة راما؟
الأخبار عم توصل من حمص المنكوبة بالحلقة 13 ، وبابا عمرو ممكن يقتحموها بأي لحظة وتسقط، بهالأجواء والترقب مين هالصبية راما اللي فاتت ع بيت بسمة وصباح وشو حكايتها؟.. وكيف تعاملت بسمة والعيلة معها وساعدوها؟.. وشو الاتفاق التي تم بين يزن وأبوه خلال وجودهم ببيروت؟.
Tue, 01 Dec 2020 - 32min - 35 - بسمة في المجهول
بالحلقة 14 من بسمة صباح قرب عيد الأم.. وعيد الثورة الأول.. بسمة معجوقة وفايقة من الصبح بدها تروح ع بيت أهلها.. ياترى وين بيت أهل بسمة؟.. وشو بصير معها هنيك؟.. شو بتتصرف بالمحنة الصعبة اللي واجتها وكيف بتنتهي معها القصة؟.. صباح ومايا وسهيل ويزن وليلى ونانا.. كلهم رح يمرقو بوقت صعب كتير بمحنة بسمة.. ومين بيجي وبفاجىء الكل آخر الحلقة؟
Tue, 01 Dec 2020 - 35min - 34 - صباح في امتحان صعب
بسمة عم تتعافى بعد حادث التفجير الصعب اللي عاشته ونجت منه بأعجوبة، وصباح بينحط بامتحان تقرير مصير صعب كتير، يا ترى كيف رح يقدر ينجح فيه؟، ومايا ويزن عم يساعدو العالم اللي بلشت تنزح، شو المشاكل اللي رح تواجهن؟.
Tue, 01 Dec 2020 - 29min - 33 - والشهيد حبيب الله
مين الشهيد اللي رح يحزنوا عليه كتير بسمة وصباح وولادهم؟، وشو رح يصير وقت يعرفوا بقصة استشهاده وكيف رح يتصرفوا ؟، وصباح شو القصة الغريبة اللي رح تصير معه وكيف رح يتصرف؟. قصتين مع بعض بالحلقة نفسها رح تظهر الفرق بالأخلاق والإنسانية بين الناس بوقت المحن والأزمات اللي عم تمر عالكل بدون استثناء.
Tue, 01 Dec 2020 - 29min - 32 - تبدلات وتطورات
هل يمكن للانسان أن تتبدل مواقفه بين ليلة وضحاها؟ كل شي ممكن! وهل من المقنع أنو نكتشف أن مايا ويزن ونانا وسهيل غيروا مواقفهم فجأة؟ شو اللي صار معهم حتى صار عندهم قناعات جديدة و انقلبت مواقفهم وكيف بسمة وصباح رح يتقبلوا هالتبدل المفاجىء؟ ومين الضيوف الحبايب اللي رح يجوا ع بيت بسمة وصباح فجأة وكيف رح يتقبلوا تبدل المواقف؟ القصة مخربطة وفايتة ببعضها، لحتى نفهم شو سبب هالخربطة تابعوا هالحلقة المميزة من مسلسل "بسمة صباح".
Tue, 01 Dec 2020 - 28min - 31 - وين مسافرة بسمة؟
بسمة عم تحضر حالها تسافر..كيف ووين وليش؟ بالوقت نفسه مايا عم تمر بمشاكل بالجامعة..مين اللي اعتدى عليها وكيف انتهت القصة ؟ وهل انتهت فعلا من حالها ولا يزن عمل شي ليساعد مايا؟ "كل هالقصص والأسئلة رح تعرفو أجوبتها بس تتابعو الحلقة ١٨ من مسلسل "بسمة صباح.
Tue, 01 Dec 2020 - 32min - 30 - عجقة عرس
ضرب وقصف وقذائف بس الحياة دايماً تستمر، الكل عم يحكي بمواضيع الزواج، بس عرس مين اللي عم يتحضرله وينعجقوا منشانه بهالحلقة؟ شو بصير؟ وكيف؟ ومين رح يحضر العرس؟.. كله رح تتابعوه بهالحلقة المشوقة كالعادة من مسلسل بسمة صباح.
Tue, 01 Dec 2020 - 34min - 29 - شو عملتي بصباح يا بسمة؟
شو المشوار اللي رايحة عليه بسمة؟ مين رح يرافقها؟ وصباح مين رح يكون معه بغياب بسمة وشو رح يصير معه؟ مايا ونانا عم يتقاربو أكتر والسبب.. مشوار بسمة؟ شو السر بهالمشوار وكيف بينتهي؟ وشو الحدث الكبير اللي رح يكركب الدنيا من يوم ورايح؟. أكيد من هالليلة شغلات كتير رح تتغير .. فينا نقول قرب الزلزال الكبير.. كله بالحلقة المشوقة من مسلسل "بسمة صباح".
Tue, 01 Dec 2020 - 38min - 28 - شرارة البركان
شو رايحين مايا ويزن يعملو ببيروت وشو بصير معهم هنيك؟ بهالوقت صباح وليلى وبسمة مين ناطرين وبالهم مشغول عليه؟ يوم أكيد رح يكون تاريخي وفاصل بالحدث الكبير اللي رح يصير .. واللي قبل مو متل اللي جاية.. شو هالحدث الكبير المجلجل ومين رح يجي بنص الليل بهالليلة الصعبة؟
Tue, 01 Dec 2020 - 32min - 27 - نحن في الملجأ
أهل يزن بدن يجو يطلبو مايا، ما حبكت معهم إلا هلق.. وقت الامور تدهورت بسرعة وبسمةوصباح ومايا وسهيل صارو بالملجا! شو رح يصير معهم تحت؟ ومين رح يجي يزورهم بالملجأ؟ وكيف رح يدبروا راسن؟ الوضع أكيد مو منيح والكل مشغول باله عليهم. وبهالظروف الصعبة معلقين بين الموت والحياة شو بصير بالملجأ حدث كبير بهز وجدانهم؟.. تابعو معنا الأحداث الموجعة والمشوقة واللي عم تبتدي فيها مرحلة جديدة مختلفة عن كل شي مرق، حلقة ٢٢ مميزة، مابتتفوت تابعوها معنا.
Tue, 01 Dec 2020 - 34min - 26 - ملجأ وشهيد وقهر
بسمة وصباح وسهيل ومايا لسى بالملجأ مع عالم كتير وبلش رمضان وإرباكات كتير، مو بس هيك معهم الشهيد اللي استشهد بالحلقة الماضية، شو بدن يعملو فيه وكيف رح يدفنوه؟ والدنيا شوب وبلشت ريحته تطلع المسكين ؟ كيف رح يحلوها؟ بالوقت نفسه يزن ونانا وليلى وأم بسمة وأم صباح كلن بقلق كبيروماعرفانين كيف يطمنوا عليهم؟
Tue, 01 Dec 2020 - 31min - 25 - ملجأ وهروب ومفاجآت
عيلة بسمة وصباح لسه بالملجأ، للحلقة التالتة وماخلصوا. الرعب لساته مخيم والأكل بلش يخلص .. شو بيتصرف سهيل؟ ويزن ونانا شو بيعملو ليساعدوهم؟ مين رح يجي عالملجأ ويساعدهم؟ ولوين رح يروحوا؟ مفاجآت كتيرة بهالحلقة مع قهر وخوف ومواقف مختلفة لكل الأطراف. بسمة البطلة دايماً شو بتتصرف وشو المفاجأة الكبيرة اللي رح تتفجر بهالمعمعة؟
Tue, 01 Dec 2020 - 30min - 24 - وين اختفى يزن؟
بسمة وصباح وسهيل ومايا لساتهن هربانين بعد ما انكتبلن عمر جديد وطلعوا من الملجأ بحرستا، بسمة اللي فجرت مفاجأة من العيار التقيل بالحلقة الماضية شو رح تعمل؟ وشو وضعها؟ وأعصابها؟ وكيف عيلتها تقبلو هالقصة؟ أما نانا المسكينة اللي تورطت مع يزن وكانت السبب أنو يطلع من حرستا شو وضعها مع أبو يزن؟ ياترى رح يوصلوا بالسلامة بعد هالأيام العصيبة وكيف رح تتقبل مايا اختفاء يزن؟
Tue, 01 Dec 2020 - 39min - 23 - مايا ويزن وانكسار
بعد ماعرفو وين يزن شو رح يساووا؟ شو هالمصايب اللي نزلت عليهم دفعة وحدة؟ خوف وانكسار ونزوح ومصيبة يزن؟ وفوقها الهم اللي حاملته بسمة وماعرفانة كيف ترتاح منه؟ مايا شو الخطر اللي عليها وين بتروح وشو هالمفاجأة الصعبة اللي بتتلقاها بهالزيارة؟ ويزن؟ كيف رح تنتهي قصته وبأي طريقة؟
Tue, 01 Dec 2020 - 32min - 22 - أحداث كبرى
يزن صار بأميركا.. هل مايا وأهلها صدقوا هالرواية؟ ليش راح يزن ع أميركا أساساً؟ وبسمة شو تاعبها فوق كل هالهموم وشو بدها تساوي وهل صباح موافق؟ كيف رح تنتهي الحلقة وشو الحدث الكبير اللي بصير إضافة لكل الأحداث اللي عم تصير؟
Tue, 01 Dec 2020 - 29min - 21 - حياة جديدة ولكن؟!
عيلة بسمة وصباح مشغولين بمليون قصة، أهم شي يلاقوا بيت جديد ويستقروا، ومين حيكون صاحب هالبيت الجديد؟.. باختصار عم يبلشوا حياة جديدة بعد مانزحوا من حرستا وماحدا بيعرف بيرجعوا ع بيتهم أو لأ. بالمقابل مين اللي عم يخطط لمساعدتهم؟ وشو المفاجأة اللي محضرلن ياها؟.. مفاجأة حلوة أكيد مقابلها مفاجأة كبيرة ومحزنة رح ينصدموا فيها كلهم عدا بسمة ومايا.. ليش مايا وبسمة ماعرفوا شو هي هالمفاجأة الحزينة؟
Tue, 01 Dec 2020 - 33min - 20 - البيت الجديد
عيلة بسمة وصباح بلشو يرتبو حياتهم وبيتهم الجديد وهنن حاسين كأنو ماعاد إلهم رجعة ع بيتهم بحرستا.. يعني قبلوا بالواقع الجديد متل كل الناس اللي نزحت وتكركبت حياتها. يمكن هنن محظوظين أكتر بسبب الناس اللي بتحبهم ومنهم علاء القبضاي اللي جبلهم عفش بيتهم. وع هالأساس بلشو يتأقلمو ويرتبوا أوضاعهم. بس لسى في شي معكر عليهم، وخاصة مايا اللي لهلق ماعرفت شو صار مع يزن وقلبها محروق عليه. حتى بسمة ماعرفت ويمكن قلبها عم يقسى ع بنتها كرمال تخفف عنها هالمحنة. بالبيت الجديد اللي لسى ماسكنوه في تفاصيل جديدة وجيران جدد ومعطيات جديدة. منها حلو ومنها بيوجع الراس.
Tue, 01 Dec 2020 - 34min - 19 - قلوب مكسورة
بسمة لسى عم تتحضر للانتقال للبيت الجديد وتشتري غراض لترتبه خصوصي بعد ماقررت أم نانا تجي تزورهم. وصباح من طرفه عم ينهي الأمور الضرورية للبيت ومنها علاقاته مع الجيران بالحارة اللي بلش الاحتكاك معهم من الحلقة الماضية. ياترى شو قصة صاحب البيت أبو دياب وشو رح يكتشف صباح فجأة عنه؟ ومايا.. مسكينة مايا.. يللي لهلأ ماعرفت شو وضع يزن وليش راح وتركها؟ مين اللي رح يتصل بمايا فجأة وشو رح تتصرف؟ وأهلها شو رح يصير فيهم بسبب تصرفها؟
Tue, 01 Dec 2020 - 34min - 18 - يوم المفاجآت
العيلة لسه عم تنهي التفاصيل الزغيرة لتسكن بالبيت الجديد، بس مايا عقلها بمطرح تاني، مع مين رح تتواصل؟ ولمين رح تحكي وعن يزن وكيف رح يتصرف؟ وشو رح يصير ببيت أهلها لبسمة المشكلجية؟ وكيف رح تنفد من القصة؟ بالأخير رح يطلع هاليوم المليان بالمفاجآت عيد ميلاد صباح، شو محضرين له العيلة؟ ومين رح يجي لعندن؟ ومين ماجدة وشو الخبر اللي رح يوصلها لمايا؟
Tue, 01 Dec 2020 - 35min - 17 - أحوالنا الجديدة
تغيرت أحوال عيلة بسمة وصباح بانتقالهم للعيش وسط الشام.. بس قلبهم لسه معلق ببيتهم بحرستا اللي تركوه ونزحو متلن متل كل هالسوريين، شو الخبر اللي بيوصلهن عن بيتهم بحرستا؟ وكيف ردة فعلهن؟ بالوقت نفسه شو اللي رح يشغل مايا بهالوقت؟ شو همها وشو مخططاتها ومع مين رح تنسق؟ وشو المشوار اللي بتروحه مع حازم بالسر عن أبوها؟ وشو بصير معن هنيك؟ سهيل كمان بقصصه وحماته جاية تزورن بالبيت والاستعدادات عم تترتب لاستقبالن بالزيارة الأولى لأم نانا، وكيف وصل الخبر لمؤيد عن مكان سكن صباح الجديد ويلي ساكنة فيه طليقة مؤيد وشو رح يتصرف مؤيد؟
Tue, 01 Dec 2020 - 38min - 16 - أسرار واكتشافات
مايا عم تعمل اتصالات وتنسيق هون وهون، القصص اللي عم تساويها فيها ريحة أسرار، شو مخبية عن أهلها وشو هو الشغل اللي قررت تشتغله، وليش كل هالتكتمات؟ وبسمة ضمن الاكتشافات رح تتعرف على ماجدة، مين بتكون ماجدة؟ أما سهيل اللي عم يشتغل بمحل حازم، مين رح يزوره وشو الشكوك يلي رح تصيرعند سهيل؟ مو بس سهيل كمان مايا صار عندها شكوك تجاه حازم بس ليش؟ وشو اللي صار؟ بالأخير بهي الحلقة المليانة أسرار واكتشافات، ليش العميد بيطلب صباح لبيته وشو بدو يبلغه؟
Tue, 01 Dec 2020 - 34min - 15 - مفاجأة ثقيلة جداً
مايا لسى منهمكة بشغلها السري الجديد والخيوط عم تتجمع والشكوك عم تزيد على حازم، ليش؟ شو اللي صار حتى تغيروا اتجاه هالشب اللطيف اللي وقف جنبن؟ هل هو لطيف فعلا وهنن عم يظلموه؟ وبسمة وصباح عم يتابعو تحركات ولادن والقلق سيد الموقف، ياترى جميل فعلا ورا قصة استشهاد شهاب ابن ابو دياب المسكين؟ ولا في حدا تاني غير متوقع؟ بالأخير شو حيساوي سهيل؟ وشو رح يكتشف بخصوص مايا ومفاجأتها الكبيرة؟
Tue, 01 Dec 2020 - 37min - 14 - سهيل بورطة
مايا هربت ع بيروت.. شو رح تكتشف اكتشافات ووين رح تسكن بهالروحة اللي ماكانت لا عالبال ولا عالخاطر؟، والسبب حازم.. شو لسه محضرلهون مفاجئات؟، شو الورطة اللي رح يوقع فيها سهيل وكيف رح يطلع منها ومين رح يوقف جنبهون؟، أما صباح وبسمة كيف تقبلو هروب مايا المفاجىء وشو القرارات اللي رح ياخدوها؟.
Tue, 01 Dec 2020 - 35min - 13 - صباح تحت الخطر
مايا بلشت ترتب أمورها ببيروت وواضح إنه ماعاد إلها رجعة.. قصص حازم وخياناته عم تنكشف شوي شوي.. وصباح شو بصير معه بالجامعة ومين بضايقه؟ في تلفون بيجي لبسمة.. تلفون مصيري.. شو هو ومين المتصل وشو الموضوع؟ أما سهيل اللي حط براسو الجواز مع نانا هل رح يتم هالموضوع؟ وشو المفاجأة اللي رح تصير نهاية الحلقة؟
Tue, 01 Dec 2020 - 35min - 12 - يا خسارة يا بسمة
وين أخدوا صباح؟ اعتقلوه؟ ليش ومين ورا هالقصة؟ قصة ولا تقرير كيدي؟ اكيد وراها حدا بيكره صباح وبدو يأذيه؟ مين هو وشو بيعمل ليثبت تقريره الكيدي؟ وبسمة المسكينة اللي وقعت عالدرج شو صار معها؟ سهيل ونانا وليلى وماجدة كلن حوالين بسمة اللي جانة لتعرف وين صباح؟ ومايا شو بتعمل بس تعرف بهالأخبار؟ بالاخير شو تهمة صباح وهل رح يقدر يطلع منها؟
Tue, 01 Dec 2020 - 31min - 11 - مايا إلى أين؟
العيلة عم تلملم جروحاتها وشو كتيرة هالجروح والأحزان. يا ترى مايا بتضل ولا بترجع ع بيروت؟ ومؤيد شو صار فيه وشو القصاص اللي تلقاه من الجامعة بعد تقريره الكيدي اللي أدى لاعتقال صباح؟ شو رد فعل صباح ع المصير اللي وصل إلو مؤيد، وشو هالشي رح يتسبب لماجدة؟، حازم شو صار فيه ومين اتصل بسهيل وشو خبره بخصوص حازم؟ وشو هي المفاجأة اللي بتصير بالنهاية وشو دور جميل بالقصة؟
Tue, 01 Dec 2020 - 32min - 10 - عروستنا الحلوة
جميل اللي ماشافوا منو غير العنتريات الفارغة ومشكوك بأمره أنه شبيح.. فجأة طلع معدنه الأصلي كأبن بلد ودافع عن مايا وتلقى رصاصة بدل منها.. يا ترى شو رح يصير فيه؟، رح يموت أو يعيش؟ وعيلة بسمة وصباح شو رح يعملو؟، وماجدة اللي ولادها رح يروحوا ع حلب شو رح تساوي؟ ومايا.. رح ترجع ع بيروت لأنو الخطر لسه كبير عليها ولا رح تضل مع أهلها؟ وشو رح يقرروا صباح وبسمة بخصوص مايا ومين هي عروستنا الحلوة؟
Tue, 01 Dec 2020 - 32min - 9 - ليلة عيد ليلة عيد
حزن وموت وتهجير ونزوح وأوجاع كتيرة بس بسمة بتضل بتعقد الأمل، واتفاءل بركي بكرا أحلى. عم تزين شجرة الميلاد لتجمع الحبايب وهي اللي بتضل بتجمعن، نانا وسهيل عم يحضروا يسافروا، بس نانا مترددة شوي، والنازحين من حرستا عم يعانوا من مشاكل، شو هي المشاكل ومين رح يحلها وكيف؟ وشو قصة العميد صفوان ومين اللي بيتواصل مع صباح، وكيف رح تكون ردة فعله. سهرة الميلاد مين رح يجتمع بهالبيت الطيب وشو رح يصير؟
Tue, 01 Dec 2020 - 33min - 8 - حين تغضب بسمة
ليش تم اغتيال العميد صفوان بعبوة ناسفة؟ وشو تأثير هالقصة على عيلة بسمة وصباح؟ وشو ممكن يكون ارتداداتها لاحقا عليهم؟ مين اللي اتصل بصباح وليش بسمة غضبت كل هالغضب؟ ووين رح تروح بسمة وشو رح تعمل ؟ وكيف حتكون ردة فعل صباح والعيلة على تصرف بسمة؟ أما مايا يلي صارت ببيروت، مين رح يزورها بالبيت ومين يلي رح يتصل فيها؟
Tue, 01 Dec 2020 - 32min - 7 - حلب يا حلب
الدنيا برد، وبلشت مشاكل المازوت والكهربا عم تقطع، وعجقة والعالم بلش يضيق خلقها من هالقصص، شوفي بحلب كمان؟ شو صاير وليش زعلو كل هالزعل ومين اللي انقتل بحلب؟.. ومايا شو قصة هالتلفونات الغامضة اللي عم تجيها؟، ومين رح يتدخل؟، كمان شو قصة ماجدة وشو رح يصير معها هالمسكينة وكيف صباح وبسمة وسهيل وتانا بيتلقو الأخبار؟، وبالأخير الكل زعلان إلا مايا.
Tue, 01 Dec 2020 - 32min - 6 - نانا نانا.. يا نانا
شو المشوار اللي راحته بسمة وماقالت لحدا؟ ومتل العادة صباح بيغضب من تصرفاتها، ورد فعله هالمرة غير شكل! نانا وسهيل شو عم يخططوا؟ وين طلع الرجال يلي عم يتصل بمايا ومين وراه، وكيف رح تنحل القصة ومين رح يساعدها وكيف؟ شو عاملين بالجامعة منشان تفجير جامعة حلب وشو رد الطلاب وصباح ع هالقصة؟ بالأخير شو اتفقوا نانا وسهيل وشو المشوار اللي بروحو عليه وشو رح يصير بهالمشوار؟
Tue, 01 Dec 2020 - 32min - 5 - سهيل المسكين
مرقت أيام على استشهاد نانا المسكينة بقذيفة الهاون ولهلق الجرح كبير، والحزن كبير كتير. يا خسارتك يا نانا ويا خسارة أحلامك يا عروس أنت وسهيل، كل شي راح عند سهيل ووقف الزمن وانكسر قلبه للأبد. ومايا صارت بأميركا عند جوزها وحبيب عمرها يزن وعم يحضروه لعملية ومين بيعرف يمكن يطيب ويمكن يضل مشلول كل عمره. بسمة وصباح اللي قلبهون مكسور على نانا وعلى مليون قصة وقصة، تعبو كتير واللي مرقوا فيه هالتلات سنين بهد الجبال، رغم هيك بسمة ما بتوقف عن إيمانها بدورها بالثورة. ياترى مع مين عم تتواصل وشو عم تساوي بالسر، وقذائف الهاون بلشت تنزل عالناس متل المطر بقلب الشام وصارت الهم الكبير، يا ترى سهيل كيف رح يطلع من عزلته وشو المفاجاة اللي محضرها وكيف رح يكون رد فعل بسمة وصباح على مفاجاة سهيل من العيار التقيل؟
Tue, 01 Dec 2020 - 35min - 4 - انفجار جديد
سهيل تطوع بالدفاع الوطني وامه وابوه متضايقين كتير وانفجار كبير رح يحدث بيناتن، بسبب هالقصة وسهيل تغير كتير.. ليش؟ وكيف رح يطلع من هالقصة ومين رح يساعده؟ انفجار تاني رح يكركب الدنيا، وين رح يصير وشو نتائجه؟ يزن بين الموت والحياة، ومايا و ابوه جنبه، ياترى كيف رح ينتهي الموضوع؟
Tue, 01 Dec 2020 - 32min - 3 - ناعورة حماه
سهيل لسه غرقان بحزنه الكبير على نانا، وأمه وأبوه غرقانين معه بالهم.. شو كترت الهموم على هالعيلة وشو بدن يتحملوا ليتحملوا، مين اللي بيجي الصبح وبدق عليهن الباب؟ هل هي مفاجأة حلوة أو مو حلوة؟ وشو سر زيارة هالضيف المهم وشو رح يصير؟ وعيد الأم اليوم والكل حزين على الأمهات اللي راحوا ولادهن، شو رح يحضر سهيل لأمه وشو رح يصير بالمشوار اللي رح يروحوه هو وليلى؟ وشو هالحدث الكبير اللي رح يصير؟ وشو ردة فعل سهيل وبسمة وصباح ومايا وأبو يزن على هالحدث الكبير اللي رح يهز الشارع الدمشقي بقوة ؟ وكيف رح تنتهي الحلقة مع الضيف اللي إجا زارهم على غفلة؟
Tue, 01 Dec 2020 - 35min - 2 - وثائق وصور
ليلى وبسمة عم يخططوا يخبوا الوثائق لحتى يترجموها، وين رح تخبيهن بسمة؟ وليش صباح رفض يترجم الوراق؟ وكيف بسمة عم تتعامل مع سهيل بعد ما تغير؟ وسهيل رح يوافق يسافر بالأخير متل ماعم تحاول مايا تقنعه؟ ولا رح يضل مصصم على انه يضل ولو حياته وحياة أهله بخطر؟
Tue, 01 Dec 2020 - 37min - 1 - لوين رايحين يابسمة صباح؟
كيف طلعت عيلة بسمة وصباح ولوين راحوا؟ شو اللي مرق معهم عالطريق؟ مين اللي رافقهم بهالرحلة وشو صار خلالها ولوين وصلوا ووين تفرقوا؟ وين صار سهيل وشو كان ناوي يعمل خلال الرحلة؟، ووين صارت مايا؟ وشو رح يصير مع صباح وبسمة؟ شو العرض اللي رح يجيه لصباح؟ وكيف رح يرد؟ أسئلة كتيرة ومفتوحة على أجوبة مريرة.. كيف رح تنتهي الحلقة الأخيرة من مسلسل بسمة صباح؟ هل هي النهاية؟ ولا لسى الدرب طويل؟ وشو الحدث الكبير اللي رح تنتهي فيه الحلقة ورح يرجع يفتت القلب عن جديد؟
Tue, 01 Dec 2020 - 35min
Podcasts ähnlich wie بسمة صباح
- 8 Hour Binaural Beats 8 Hour Sleep Music
- La Venganza Será Terrible (oficial) Alejandro Dolina
- El Director - Invertir en Bolsa y finanzas Arnau Nogués
- Bloomberg Surveillance Bloomberg
- Deportes COPE COPE
- Tiempo de Juego COPE
- Daniel Martínez - Buenas Compañías Daniel Martínez
- El Estoico | Estoicismo en español El Estoico
- Fede Tessore - El Podcast Federico Tessore
- Podcast de Historia Deconstruida Gabriel Rodríguez
- Venganzas del Pasado Juan Schwindt
- Carlos Pagni en Odisea Argentina LA NACION
- Historia en Podcast Lucas Botta
- Libros para Emprendedores Luis Ramos
- Libros de Desarrollo Personal Nadia Benites
- Claudio Zuchovicki en Neura Neura
- Meditación Guiada Pérez.Mtz.Perla 2-1
- Audiolibros Por qué leer Por qué leer
- Psicologia Al Desnudo | @psi.mammoliti Psi Mammoliti
- Cuentos de medianoche Radio Nacional Argentina
- Historias de nuestra historia Radio Nacional Argentina
- Sueños eróticos Stefano Patricia
- The Go Radio Football Show Podcast thegoradiofootballshow
- Noticias Univision Univision