Besta platan

Tónlistarfólk er duglegt við að komast í kast við lögin. Í þætti vikunnar tökum við fyrir nokkra vel valda músíkbófa og spjöllum um glæpi þeirra.

Besta plata ensku sveitarinnar Talk Talk, sem leidd var af snillingnum Mark Hollis, er fjórða breiðskifa hennar, Spirit of Eden (1988). Arnar ræðir þessa sveit og samband sitt við hennar í þætti sem er ekki hjartaþáttur heldur taugakerfisþáttur❤🦚

Stórskáldið Leonard Cohen hafði ort sig ofan í brækur menningarvita víða, löngu áður en tónlistarferill hans hófst. Það var síðan á hans 54. aldursári sem hann gaf út sína vinsælustu plötu, I'm Your Man frá 1988.

Hvað er progg? Arnar leiðir okkur í mikla sannleika um 22 mínútna löng trommusóló, óskiljanlega texta um hinstu rök tilverunnar og þau 457 hljómborð sem Rick Wakeman notaði með Yes.

Olivia Rodrigo er ein allra stærsta poppstjarna samtímans. Hún skaust fram á sjónarsviðið ung að árum sem leikkona, en 18 ára gömul sendi hún frá sér sína fyrstu hljóðversplötu, Sour frá árinu 2021, sem er hennar besta — hingað til.

Þýska þrasssveitin Kreator hefur aldrei komist nálægt hinni óviðjafnanlegu Pleasure to Kill (1986) sem telst vera meistaraverk hennar. En sjálfsagt að ræða aðra möguleika. Þó það sé ekki til neins.

Ameríska pönkrokksveitin Descendents er umfjöllunarefni þáttarins og það eru tímamót í sögu hans þar sem enginn annar en Baldur gamli Ragnarsson velur sveit og plötu!

Frumburður Manchestersveitarinnar The Stone Roses frá 1989 þykir með helstu tímamótaverkum breskrar dægurtónlistar. BP-teymið fór í saumana á málinu með glóprik í einni og gítarfetil í hinni.

Ísland fyrir löngu. Verðbólga. Volgur ilmur af nýsoðinni ýsu. Sandkaka af þurrara taginu. Uppáhellingur úr köflóttum Thermos. Það er verið að lýsa eftir einhverjum í útvarpinu. Fleira er ekki í fréttum. Næsta lag: Ríó tríó.

Hvernig er lífið í tónleikarútunni? Borgar það sig að túra? Hvernig er maturinn? Og eru hljómsveitir alveg hættar að múna út um gluggann?

Bandaríska hljómsveitin The Byrds er með allra mikilvægustu hljómsveitum sjöunda áratugarins og liggja áhrif hennar víða í dag. Doktorinn stillir frumburði hennar, Mr. Tambourine Man, fram sem bestu hljóðversskífu hennar á meðan aðrir BP-liðar voru á annars konar „svifi“.

Danir eru þekktir fyrir ýmislegt, en þungarokk er ekki endilega eitt af því. Þeir hafa þó átt örfáa afbragðsgóða spretti — og Melissa með Mercyful Fate er einn sá allra besti.

BP-teymið svarar innsendum spurningum frá hlustendum í annað sinn og hefur gaman af!

Átjánda hljóðversplata Stevie Wonder er í lengra lagi – alls 104 mínútur og 29 sekúndur að lengd. En hún er alls engin hundasamkoma. Þvert á móti, þá er hún besta plata Stevies.

Hvar skal byrja þegar söng- og listakonan og allra handa táknmyndin Grace Jones á í hlut? Tja, kannski bara með því að renna henni í gegnum þrílaga síuna sem samanstendur af BP-teyminu okkar allra!

El Paso sveitin At The Drive-In var með áhugaverðustu síð-harðkjarnaböndum aldamótanna. Svanasöngur hennar, Relationship Of Command, þykir hennar besta og BP-liðar skröfuðu um hana og skeggræddu af þeirri list sem þeim er töm.

Önnur plata Dua Lipa kemst ansi nálægt því að vera hin fullkomna poppplata. Þegar þetta er skrifað er hún sjötta mest streymda hljómplata í sögu Spotify.

Það eru tímamót í sögu Bestu plötunnar. Þáttur 200! Úttekt á bandaríska nýaldar- og nýklassíkurfyrirbærinu Mannheim Steamroller lá því beint við.

„One hit wonders“ hljómar eins og algjört „fokk, hvað eigum við að tala um?“-umræðuefni, en við nálguðumst málið af okkar landsfrægu fagmennsku og natni. Enda er Besta platan „hlaðvarp fagurkerans“.

Besta plata ensku þungarokkssveitarinnar Paradise Lost er platan One Second frá árinu 1997. Sitt sýndist sannarlega hverjum hvað þetta val varðaði og ég legg til að fólk spenni beltin áður en ýtt er á „play“.

Grautlina kexið hans Fred Durst er til umfjöllunar í þætti vikunnar. Hlustið ... og brjótið dót.

Vinsældir og áhrif Taylor Swift eru af slíkum toga að erfitt er að ná utan um það í knöppum texta líkt og þessum hér. Við ætlum ekki einu sinni að reyna það.

Víst varstu Elvis, kóngur klár. Í þessum þætti tökum við konung rokksins fyrir, skoðum arfleifðina, eigindin, útgeislunina og orkuna í kringum þetta magnaðasta fyrirbæri dægurmenningarinnar.

Það er nánast ómögulegt að gera fólki til geðs þegar þú ert öldruð rokkstjarna. En hvenær er kominn tími til að hætta?

Þessi plata Fleetwood Mac, sem doktorinn stillir fram sem hápunkti hennar (engin óvænt útspil hér), er um leið eitt nafntogaðasta verk poppsögunnar. Drama, dóp, skilnaðir og sértrúarsöfnuðir koma við sögu í æsispennandi þætti. Og smá tónlist meira að segja.

Bjartmar Guðlaugsson er fyndinn, sjarmerandi og alveg hryllilega töff. Ferillinn er langur og afurðirnar margar, sem væri svo sem ekkert merkilegt ef þetta væri ekki allt meira og minna gott. En „Í fylgd með fullorðnum“ er best.

Tónlistarfólkið sem við eigum í ástarsambandi við á svo einatt í ástarsambandi við hljóðfærin sem nýtt eru til að galdra fram ódauðlegar lagasmíðar. Hvaða slaggígjur, trumbur og bassa tekur þetta ágæta fólk með sér upp í rúm? Það kemur allt í ljós í þessum merkisfrímínútum og hver veit? Kannski verður eitt slíkt dregið fram þar og þá?

Beck mokaði út hitturum í gegnum næntísið og langt fram á annan áratug þessarar aldar, en það er ástarsorgar–ópusinn Sea Change frá 2002 sem Besta platan stillir fram sem hans bestu.

Þegar Beastie Boys risu upp úr öskustónni og teygðu sig í hljóðfærin á nýjan leik fæddist meistaraverkið þeirra. Check Your Head er besta plata þessa New York þríeykis en er BP þríeykið sammála um það?

Cannibal Corpse er umdeild sveit. Platan A Skeletal Domain frá 2014 er sú besta að mati Hauks, en það er ekki sjálfgefið að Doktorinn sé sammála.

Nú verður litið til þáttar sem er órofa partur af dægurtónlistarmenningu samtímans. Nöfn margra hljómsveita búa yfir stöðluðum leturgerðum og útliti, svokölluðu lógói (AC/DC, Rolling Stones) og sumar hverjar eiga sér meira að segja lukkudýr, Iron Maiden og ófrýnilega forynjan Eddie t.d. Allt þetta verður tekið til kostanna í sennilega myndrænasta þætti BP frá upphafi!

Babes in Toyland túruðu með öllum stærstu nöfnum alternative-rokksins í næntísinu og hefðu svo sannarlega getað náð lengra en þær gerðu, en eitthvað klikkaði. Já, saga þessa hávaðasama pönktríós frá Minneapolis er hálfgerð sorgarsaga, en þó með stórum sigrum inni á milli. Ekki síst persónulegum.

The Stranglers er ein mikilhæfasta rokksveit sögunnar. Íslandsvinir, grallarar, myrkramenn, mögulega pönkarar? Doktorinn teflir þriðju plötu sveitarinnar fram sem hennar bestu hvar þeir náðu hinum „sæta stað“ en sitt sýnist hverjum náttúrulega.

Diane Warren hefur komið 32 lögum á topp 10 í Bandaríkjunum, þar af 9 lögum í efsta sæti. Hún hefur verið tilnefnd 14 sinnum til Óskarsverðlauna, hlotið heiðursóskar, auk þess að hafa unnið Grammy, Emmy og tvenn Golden Globe-verðlaun. En hver er þessi dularfulla kona?

Fáir voru jafn öflugir í smellasmíðinni á níunda áratugnum og okkar allra besti maður, Lionel gamli Richie. Önnur sólóplata hans, Can’t Slow Down (1983), er troðfull af slíkum en stendur hún keik sem hans besta? BP-teymið skellti á sig mottum og rýndi í þetta álitamál.

Sabbath voru afgreiddir í þætti #33 á „öld Bibbans“, en nú er komið að framhaldssögunni: sólóferli Ozzy Osbourne.

Gervigreind. Mun hún hjálpa okkur að búa til betri músík? Eða tortíma tónlist eins og við þekkjum hana?

Tónlistarhátíðir eru í fullum gangi um sumarmál og síðustu helgi lauk einni frægustu þeirra, Glastonbury. Tímasetningin til að fara yfir þennan geira popp- og rokkmenningarinnar er því fullkomin!

Hin írsk-enska sveit My Bloody Valentine er óhikað með áhrifamestu neðanjarðarsveitum allra tíma. Doktorinn sveiflar dúskinum af krafti og teflir hiklaust fram breiðskífu sveitarinnar frá 1988, Isn’t Anything, sem hennar bestu en bæði makker og upptökustjóri hafa margt til mála að leggja í þessu snúna máli.

Íslenska sumarveðrið í ár hefur valdið vonbrigðum til þessa, en hér er meðalið. Með Huey Lewis í eyrunum eru nefnilega allir dagar sólardagar.

Í þetta sinnið var hinn opni vettvangur frímínútnanna nýttur undir pælingar um tónlistargagnrýni. Hvað er hún, hvernig er hún og hvaða tilgangi þjónar hún? Ágætlega var mannað í setti þar sem fóru tveir tónlistarmenn og einn tónlistargagnrýnandi, gersamlega hokinn af reynslu.

Falsmálmurinn er fjarri góðu gamni í þætti vikunnar, þar sem fjallað er um bandarísku stórsveitina Manowar. Athugið að þátturinn spilast eingöngu á 10.

Frumburður Sinéad O’Connor frá árinu 1987 vakti gríðarlega athygli á þessari írsku söngkonu og er sú plata hennar sem doktorinn stillir fram sem hennar bestu. Að öðru leyti fór teymið á djúpið í vangaveltum um mikilvægi þessarar mjög svo áhrifaríku tónlistarkonu.

„Kubbinn“ þarf vart að kynna. Ekki bestu plötuna hans heldur. Hlustið bara og njótið.

Mikil költaðdáun fylgir bandarísku neðanjarðarrokksveitinni The Replacements sem tók drjúgan þátt í að kollvarpa tónlistarlandslagi níunda áratugarins. Haukur Viðar teflir fram þessari plötu hennar frá 1984 sem hápunkti meðfram því sem hann og félagar hans grennslast ærlega fyrir um áhrif þessarar merkissveitar.

Það er löngu búið að taka fyrir bestu plötu Metallica, en við vildum skoða aðeins „seinni hálfleikinn“ í tilefni af útgáfu nýju plötunnar.

Tónlist er nótur og hljómar en líka framsetning, stíll, sjarmi og holning. Í þessum frímínútum förum við ofan í rótina á bestu yfirskeggjum poppsögunnar. Já, þú last rétt!

Kaliforníusveitin Fear Factory kom eins og stafrænn stormsveipur inn í miðjan 10. áratuginn með sérstakri blöndu sinni af melódísku þungarokki og dynjandi teknói. Platan Demanufacture frá árinu 1995 er til umfjöllunar hér, enda besta plata Fear Factory.

Breska sveitin Suede tekin til kostana og hún skoðuð í krók og kima. Stóra samhengið, lagasmíðahápunktar, drama og allur pakkinn!!

Sveitarómatíkin svífur yfir vötnum í þætti vikunnar, þar sem tímabilið frá sirka stríðslokum og fram að bítlinu er tekið fyrir. Upp með söngbækurnar!

Norska eitíssveitin a-ha fór með himinskautum árin 1985 - 1988 og dældi út smellum linnulaust. En var eitthvað meira í gangi en “Take on Me” sem Haukur segir að kjarni níunda áratuginn í tónlist fullkomlega? Eru þetta einsmellungar eða þrettán-smellungar? BP-teymið lagðist í rannsóknir…

Djassgoðsögnin Billie Holiday lifði í 44 frekar nöturleg ár, en á þeim stutta tíma afrekaði hún meira en flestir. Hún gaf að vísu ekki út LP-plötur fyrr en undir lok ferilsins, en það er um nóg annað að tala.

Við kölluðum eftir spurningum úr sal og fengum þær. Hér eru svörin!

Tvær áhrifaríkustu þungarokkssveitir allra tíma eru Black Sabbath og Celtic Frost. Besta platan hefur þegar farið í saumana á Black Sabbath en nú er það svissneska sveitin Celtic Frost sem feðraði nærfellt allt öfgarokk samtímans. Doktorinn teflir fram To Mega Therion (1985) sem hátindi sveitarinnar en auk þess velta þeir félagar fyrir sér mótunarárum hinna ýmsu öfgarokksstefna (e. extreme metal) á árabilinu 1984 - 1987.

Tom Waits er skrítin skrúfa, sem er í guðatölu hjá enn skrítnari skrúfum. Platan Swordfishtrombones frá 1983 varð ofan á hjá Hauki, en það var hnífjafnt í efstu sætum framan af. Afsakið biðina.

Í þessum frímínútum - sem voru teknar upp í miklum kvöldúlfsham - hallar þríeykið sér aftur, gæðir sér á Conga-bitum og sýpur á kamillutei. Eftir þétta upptökulotu var ákveðið að pæla aðeins í hinni íslensku tónlistarútrás sem á sér langa og áhugaverða sögu. Frá Thor’s Hammer til Árnýjar Margrétar, allar þessar þreifingar eru varðaðar sigrum jafnt sem sorgum í mismunandi mæli. Hvað þarftu að hafa klárt? Hvernig ætlarðu að plana þig? Eða var bara vaðið af stað?

Indie-uppskafningarnir í The Decemberists voru iðnir við kolann á fyrsta áratug þessarar aldar, stefndu í að verða risaband, en náðu því aldrei almennilega. Það vill svo til að Haukur tilheyrir sértrúarsöfnuðinum í kringum sveitina og tilnefnir hann fjórðu plötuna, The Crane Wife frá 2006, sem þeirra bestu.

Rokksveitin Jet Black Joe spratt fullsköpuð úr höfði Seifs sumarið 1992 og fyllti ljósvakabylgjurnar með glæsismíðinni „Rain“. Frumburður hennar kom út þá um haustið og teflir doktorinn henni fram sem bestu plötu sveitarinnar.

Vínarborg í upphafi 19. aldar. Ljósakrónur, pípuhattar, púðruð andlit ... og mjög mikið af kynsjúkdómum.

Dauðarokkssveitin Death frá Florida, leidd af höfuðsnillingnum Chuck Schuldiner, er ein allra áhrifamesta sveit af þeim toganum. Schuldiner var sannur brautryðjandi þessa tónlistarforms sem reist hæst á árabilinu 1988 - 1993. Doktorinn telur þriðju breiðskífu hennar, Spiritual Healing (1990), vera hennar bestu og var sæmilega tekist á um þetta athyglisverða val.

Dolly Parton hefur gefið út 65 stúdíóplötur, þar af 48 sólóplötur. Það er því óðs manns æði að reyna að finna út úr því hvaða plata er raunverulega best. Við gerðum heiðarlega tilraun til þess, en stærsta áskorunin var að ná utan um heildarmyndina, því Dolly Parton er ekki bara stór biti. Dolly Parton er flugmóðuskip!

Rokkballöður. Æðsta listformið? Eða kannski bara fíflagangur? Besta platan skoðaði fyrirbærið ofan í kjöl — og bjó til lista!

Genesis er óneitanlega eitt af stærstu nöfnunum í popp/rokkheimum og ferill hennar æði fjölvíður. Doktorinn tefldi fram fyrstu plötunni sem út kom eftir að Peter Gabriel hafði sagt skilið við bandið sem hápunkti en þar heldur Phil nokkur Collins í fyrsta sinn um hljóðnemann. Umdeilt val, sannarlega.

Karate er mögulega „gleymd“ hljómsveit. Hún starfaði vel úti á jaðrinum alla sína tíð, þar til hún var lögð niður árið 2005. En hún er komin aftur á stjá og því er vel við hæfi að skoða þetta aðeins.

Þið kannist mögulega við Bítlana, en hversu vel þekkið þið börnin þeirra? Besta platan fór aðeins yfir þennan fríða barnaskara og afrek hans á tónlistarsviðinu.

S02E52  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E51  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E50  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E49  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E48  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E47  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E46  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E45  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E44  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E43  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E42  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E41  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E40  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E39  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E38  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E37  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E36  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E35  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E34  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E33  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E32  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E31  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E30  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E29  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E28  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E27  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E26  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E25  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E24  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E23  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E22  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E21  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E20  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.

S02E19  – Helstu upplýsingar: www.bestaplatan.com/pistlar  – Heimsækið www.bestaplatan.com fyrir allt eldra efni.