BU SAÚDE

Nes episódiu nu tá fala di Acidente vascular cerebral ku Neurologista Dárius Lima, undi nu aborda aspektus importanti sima AVC sendu principal kausa di morti na Kabu Verdi, Via Verde AVC, identifika kes sinal di AVC partir di kel regra di 3F undi ki kualker pessoa tá podi identifica um alguém ki sa ta tem AVC I outros kestons importanti.

Temporada 2 Episódiu 2   Na episódiu di hoje nu xinta pa um konversa ku enfermeiro Arlindo Barros sobri kuidadu di pacienti pa familiares. Um di kes grandi problema na Kabu Verdi e baxu literasia na saudi principalmenti a disinformason di pacientis ku ses propi patologia i modi kes podi fazi manuntenson i opitimiza tratamentu. Rekuperason di quadrus agudu I manutenson di patologias di basi ta dipendi txeu di ilimentus exterioris un di kes e família ki podi da tantu konfortu emocional komu auxilia ku kumprimentu di terapêutika.

Na 2015 foi anunciadu primeru kursu di Medicina na Kabu Verdi pa Universidadi di Kabu Verdi ku apoio di Universidadi di koimbra. És programa di mestradu integradu bem pa kulmata lacunas na nós sistema di saudi I midjora kualidadi di servisu di saudi prestadu. Konvidadu des episódio e Médiku Helder Fernandes ki fazi parti di primeru turma di kursu abertu na 2015.

Episódiu di hoji tem komu tema: Ação Social e visitas domiciliares, nós sistema nacional di saudi e publiku i foi konsebidu pa sirvi populason geral. Se diskonsentrason ta fazedu através di Delegacias de Saúdi, ki normalmente ta coincidi ku koncelho ou Município di área denominada, ki sta dentu di base di divisão administrativa di país e que ta representa nível primário. Delegacia di saudi ta kontrola centro di saudi, posto di saudi i usb, em ki komunidadi e maior foku di intervenson ku visitas permanentes i campanhas de sensibilizason di diversus temas, i nex contexto ki convidada di hoje e Enfermeira Maria Madalena Monteiro ki tem especialidade na saudi pública.

Episódio di hoji tem komu tema: Terapia di fala. Sima nu sabi komunikason é desdi tempus primordias essencialidadi e necessidade entre humanus, ki ta resumi na mensagem emitidu pa emissor di forma a ser intendidu para receptor, ku tempo houve mudanças i kriason de padrões para melhor kompreson através di uniformização di certus aspectos da komunicação humana, i nes contexto ki convidado di hoje é Fonoaudiólogo Patrick da Moura,ki sta bem fazenu intendi um pouco sobri si área i terapia de fala.

I episódio di hoji tem komu tema: Kuidadus pré-natal, di akordu ku Inquérito Demográfico e de Saúde Reprodutiva (IDSR-II) 2005, Kuidadus pré-natais na mudjeres entri 15-49 anos es txiga di fazi pelo menus um konsulta médika pa um pessoal di saúde durante gravidez, serka di  97(%) Assistência a parto: Nascimentos ku assistência a partu pa um pessoal de saúde qualificado 78(%) Peso à nascença < 2,5 kg: Nascimentos vivos com peso inferior a 2,5 kilogramas 6(%), I tendu em konta es númerus i importância i prioridade di kuidadus pré-natal em kabu verdi ki nós konvidada di hoje e Dra Simone Barreto médika klinika geral.

Episódio di hoji tem komu tema: Intendi Hipertenson. Di akordu ku dadus di INE di 2017 ta fla ma cerca di 35% di populason kabuverdianu e hipertensu ou seja um na kada 3 kabuverdianu e hipertensu, números ki ta preokupa deixandu um alerta burmedju . I nex kontextu di bem intendi hiperteson ki hoji nu sta trazi komu konvidadu Dr Luís Dias, Médiku cardiologista licensiado pa Universidadi di Havana i fazi especializason na kardiologia pa Universidade di Coimbra i e atual chefi de departamento di Kardiologia di Hospital Agostinho Neto.