Gervigreindarklúbburinn

Þátturinn er í boði ChatGPTnamskeid.is, eignaskanni.is.

Af hverju þarf að auglýsa Coca-Cola þegar nánast allir þekkja vörumerkið? Og hvað gerist þegar neytendur fara að spyrja gervigreindina hvað þeir eigi að kaupa?

Gestur þáttarins er Atli Sigurður Kristjánsson, framkvæmdastjóri markaðssviðs hjá Coca-Cola á Íslandi. Hann veitir innsýn í markaðsstarfið á bak við þekkt vörumerki og segir frá því hvernig hann notar gervigreind til að prófa hugmyndir, vinna með gögn og undirbúa kynningar.

Við ræðum um umdeildu Coca-Cola jólaauglýsinguna sem var unnin með gervigreind, endurkomu súperdósarinnar og hvernig vörumerki tengjast tónlist, íþróttum og daglegum venjum okkar. Einnig veltum við fyrir okkur hvort ekta efni og mannlegt innsæi verði enn verðmætari þegar allir geta framleitt auglýsingar á örskotsstundu.

Atli deilir jafnframt því hvernig hann myndi nálgast uppbyggingu nýs drykkjarvörumerkis með takmarkað fjármagn og aðgang að gervigreind. Hvernig finnurðu þörf á markaðnum, mótar skýra stefnu og tryggir að gervigreindin finni fyrirtækið þitt?

Þátturinn er í boði ChatGPTnamskeid.is, eignaskanni.is og akademias.is

Getur gervigreind hjálpað Íslandi að halda í við stærstu knattspyrnuþjóðir heims?

Ómar Smárason, skrifstofustjóri KSÍ, og Óskar Örn Guðbrandsson, sviðsstjóri markaðssviðs, ræða hvernig KSÍ er að innleiða gervigreind með skýrum ramma um gagnaöryggi, ábyrgð og mannlega yfirferð.

Í þættinum ræða þeir meðal annars:

⚽ Hvernig gervigreind sparar starfsfólki KSÍ margar klukkustundir
📊 Hvernig gögn og tækni nýtast við leikgreiningu og mótahald
🤖 Af hverju KSÍ leggur áherslu á Copilot og öruggt vinnuumhverfi
🙋‍♂️ Hvernig gervigreind getur létt undir með sjálfboðaliðum og minni íþróttafélögum
🧠 Hvers vegna gervigreind skilur gögnin betur en stemninguna í klefanum
🌍 Hvort tæknin geti hjálpað Íslandi að halda í við stærri knattspyrnuþjóðir

Áhugavert samtal um framtíð íslenskrar knattspyrnu, mannlegu hliðina á tækninni og hvers vegna þau sem tileinka sér ekki gervigreind gætu setið eftir.

🎧 Hlustaðu á þáttinn og fylgdu Gervigreindarklúbbnum á öllum helstu hlaðvarpsveitum.

Þátturinn er í boði ChatGPTnamskeid.is og eignaskanni.isHvað gerist þegar gervigreind mætir íslenskum tónlistariðnaði?

Í þessum þætti sest Stefán Atli niður með Þormóði Eiríkssyni, einum afkastamesta tónlistarframleiðanda landsins, sem hefur komið að hundruðum laga með mörgum stærstu nöfnum íslenskrar tónlistar.

Þormóður segir frá leiðinni frá Ísafirði inn í tónlistarbransann, hvernig stórsmellir verða til og hvað skilur góðan tónlistarframleiðanda frá manneskju sem einfaldlega kann vel á tónlistarforrit.

Samtalið færist svo yfir í gervigreindina. Þormóður hefur prófað tól á borð við Suno en segir að niðurstaðan skilji hann eftir með ákveðna „flatneskju“. Að hans mati getur of mikið framboð af tilbúnum hugmyndum jafnvel drepið sköpunarkraftinn í stúdíóinu. Hann ræðir líka höfundarrétt, þjálfun gervigreindarlíkana á tónlist án samþykkis og reynslu sína af því að heyra eigið lag birtast í gervigreindargerðu efni.

Þormóður telur þó ekki að gervigreind sé einfaldlega eitthvað sem eigi að hafna. Hann sér möguleika í nýjum verkfærum og tækni, en leggur áherslu á að tónlist snúist að lokum um mannlega tengingu, sköpunarferlið og það að læra að tjá sig í gegnum hljóðfæri.

Við ræðum einnig Herra Hnetusmjör, Saint Pete, JóaPé og Króla, Birni, tónlistarframleiðslu, tekjuskiptingu, unga tónlistarmenn, framtíð stúdíósins og hvaða erlendu listamenn Þormóð dreymir um að vinna með.

Af hverju að hringja í Krissa Haff þegar ChatGPT getur peppað þig allan sólarhringinn?

Í þessum þætti Gervigreindarklúbbsins er gestur minn Kristján Hafþórsson, betur þekktur sem Krissi Haff, félagsfræðingur, fyrirlesari og hlaðvarpsstjórnandi. Við ræðum jákvæðni án innantómra frasa, hugrekkið til að vera maður sjálfur og það sem mannleg samskipti hafa fram að færa á tímum gervigreindar.

Krissi segir frá því hvernig missir föður hans á unglingsárum mótaði sýn hans á lífið og hvers vegna jákvæðni snýst ekki um að vera alltaf hress. Við tölum um eiturjákvæðni, mikilvægi þess að halda í vonina og hvernig húmor fyrir eigin ófullkomleika getur létt lífið. Stundum þarf fólk ekki fleiri hvatningarorð – heldur einhvern sem hlustar og gefur því knús.

En getur hvatning frá gervigreind samt skipt máli? Krissi deilir reynslu sinni af hlýlegu samtali við Claude og segir frá því hvernig hann nýtir gervigreind í námi, fyrirlestrum og undirbúningi hlaðvarpsþátta. Við veltum fyrir okkur hvort tæknin geti hjálpað fólki að opna sig og orðið fyrsta skrefið í átt að samtali við aðrar manneskjur.

Við ræðum líka óttann við að missa vinnuna, sjálfstraust þegar gervigreind getur gert verkefnin okkar betur og hvers vegna góður aðstoðarmaður á ekki bara að vera sammála okkur. Krissi útskýrir jafnframt hvar hann vill draga mörkin þegar kemur að gervigreind og mannlegri sköpun.

Einlægt og létt samtal um von, hugrekki og að nýta tæknina án þess að missa sjónar á því mannlega.

Þátturinn er í boði chatgptnamskeid.is, eignaskanni.is og akademias.is.

Þátturinn er í boði ChatGPTnamskeid.is, eignaskanni.is og akademias.is

Villi Neto, leikari, grínisti og tónlistarmaður, mætir í Gervigreindarklúbbinn og útskýrir hvers vegna hann er í „meðvitaðri uppreisn“ gegn gervigreind.

Við ræðum hvort gervigreind geti skapað raunverulega list, hvað tapast þegar vélar taka yfir skapandi ferlið og hvort fyrirtæki séu of fljót að skera niður kostnað með því að láta listafólk og þýðendur víkja. Villi segir frá áhyggjum sínum af stolnum þjálfunargögnum, falsmyndum, tæknirisunum og því að mannleg kunnátta og sérkenni glatist.

Samtalið fer einnig inn á íslenska sögu, uppistand, Skaupið, Sælir Nilli, Jodie Foster, Jack Black og stressklósettferðina sem gervigreind mun seint skilja.

Getur gervigreind samið fyndið grín? Er ferlið jafn mikilvægt og lokaútkoman? Og hvað fékk Villa til að nota ChatGPT í eina skiptið sem tæknin bjargaði honum?

Hreinskilið, skemmtilegt og ögrandi samtal um mennskuna, listina og framtíðina.

Þátturinn er í boði ChatGPTnamskeid.is, eignaskanni.is og akademias.is

Hvað þarf til að stýra einu stærsta tölvuleikjaverkefni heims — og hvernig veit fjárfestir hvaða leikjahugmynd á möguleika á að slá í gegn?

Sigurlína Ingvarsdóttir hefur starfað við tölvuleikjagerð í tæp tuttugu ár. Hún hóf ferilinn hjá CCP, vann að The Division hjá Ubisoft og stýrði framleiðslu Star Wars Battlefront hjá EA DICE. Í dag fjárfestir hún í tölvuleikjafyrirtækjum á fyrstu stigum hjá Behold Ventures.

Í þættinum ræða Stefán Atli og Sigurlína meðal annars:

Hlustaðu á einlægt og fróðlegt samtal við eina reynslumestu konu Íslands í alþjóðlegum tölvuleikjaiðnaði.

Fylgdu Gervigreindarklúbbnum þar sem þú hlustar og deildu þættinum með einhverjum sem hefur áhuga á tölvuleikjum, nýsköpun eða framtíð gervigreindar.

Þátturinn er í boði ChatGPTnamskeid.is, eignaskanni.is og akademias.is

Hvað verður um tónlistarmenn þegar gervigreind getur samið, sungið og pródúserað lag á nokkrum sekúndum?

Í þessum þætti Gervigreindarklúbbsins sest Darri Tryggvason, betur þekktur sem Háski, niður með Stefáni Atla og ræðir tónlistina, sköpunina, íslenska tónlistarbransann og áhrif gervigreindar á framtíð tónlistar.

Háski segir frá því hvernig verkefnið byrjaði nánast sem djók, hvernig hann var lengi „undercover“ og hvernig lög eins og Hvert ertu að fara? breyttu ferlinum hans. Hann ræðir líka tímabilið þar sem hann reyndi að leggja Háska-nafnið til hliðar og gefa út persónulegri tónlist undir eigin nafni — áður en hann fann sig aftur í Háska.

Við ræðum meðal annars:

hvort gervigreind muni minnka sköpunargáfu eða einfaldlega verða nýtt verkfæri tónlistarmanna,

hvernig Háski hefur prófað Suno og notar AI í hugmyndavinnu,

hvar mörkin liggja á milli AI sem verkfæris og AI sem býr til alla listina,

hvers vegna persónuleiki og „heimurinn í kringum listamanninn“ skipta sífellt meira máli þegar offramboð verður á tónlist,

hvers vegna Spotify-streymi eru ekki endilega það mikilvægasta fyrir tónlistarmann,

og hvað þarf raunverulega til að skara fram úr í íslenska tónlistarbransanum.

Háski segir meðal annars að þegar gervigreind sé farin að búa til allt lagið, þá sé að hans mati „sálin alveg farin“ — en hann telur jafnframt að tæknin sé komin til að vera og mikilvægt sé að læra að nýta hana rétt.

🎧 Hlustaðu á þáttinn og fylgdu Gervigreindarklúbbnum á Spotify og Apple Podcasts.

Þátturinn er í boðiChatGPTnamskeid.is, eignaskanni.is og akademias.is.

Er gervigreind að hjálpa okkur að hugsa betur — eða er hætta á að við hættum smám saman að hugsa sjálf?

Gestur þáttarins er Ketill Berg Magnússon, framkvæmdastjóri mannauðs hjá Heilsugæslu höfuðborgarsvæðisins, heimspekingur og fyrrverandi framkvæmdastjóri Festu. Hann hefur lengi unnið á mörkum siðfræði, mannauðsmála og ábyrgs reksturs.

Í þættinum ræða Stefán Atli og Ketill meðal annars:

Af hverju gervigreind ætti að styðja mannlega dómgreind en ekki taka yfir ákvarðanir.

Hvernig gervigreind getur endurtekið gamla fordóma við ráðningar.

Hvort treysta megi gervigreind þegar kemur að uppsögnum starfsfólks.

Af hverju skólar ættu að kenna á gervigreind í stað þess að banna hana.

Hvers vegna gagnrýnin hugsun verður ein verðmætasta hæfni framtíðarinnar.

Þeir ræða einnig viðkvæm heilbrigðisgögn, grænþvott, sjálfbærni og ábyrgð stjórnenda þegar tæknin gefur röng eða ósanngjörn svör.

„Gervigreind hugsar ekki. Hún er í rauninni bara tölfræði.“

Hlustaðu á þáttinn og fylgdu Gervigreindarklúbbnum á Spotify svo þú missir ekki af næsta þætti.

Þátturinn er í boði ChatGPTnamskeid.is, eignaskanni.is og akademias.is.

Getur gervigreind orðið raunverulega fyndin — eða þarf hún fyrst að skilja sársauka, reynslu og mannlega bresti?

Gestur þáttarins er Hugleikur Dagsson, teiknari, rithöfundur og grínisti sem hefur í meira en tvo áratugi fengið Íslendinga til að hlæja, hneykslast og velta því fyrir sér hvort þeir hafi yfirhöfuð mátt hlæja.

Í þættinum ræðum við meðal annars:

Hvað gerðist þegar Hugleikur lét gervigreind semja brandara í sínum stíl

Hvort gervigreind geti skapað list eða sé aðeins verkfæri listamannsins

Óttann við að gervigreind taki störf og geri menninguna einsleitari

Fyrsta brandara Hugleiks og hvernig hugmyndirnar verða til

Hvers vegna hann tók sér pásu frá uppistandi

Vélmenni framtíðarinnar og drauminn um fyndið ellihjúkrunarvélmenni

ChatGPT mætir einnig óvænt í þáttinn, reynir að vera fyndið og fær hreinskilið svar frá Hugleiki.

Hlustaðu á Gervigreindarklúbbinn og fylgdu þættinum þar sem þú hlustar á hlaðvörp.

Þátturinn er í boði ChatGPTnamskeid.is og eignaskanni.is.

Þátturinn er einnig í boði Akademias.is.

Hvað gerist þegar barni er talin trú um að skóli sé ekki fyrir það — en verður síðan afburðanemandi um leið og námsumhverfið breytist?

Jóhanna Birna Bjartmarsdóttir er lesblind, með ADHD og einhverf. Hún fór óhefðbundna leið fram hjá framhaldsskólanum, lauk BA- og MS-gráðum við University of Florida og stofnaði menntatæknifyrirtækið HARTS. Hún segir að taugafjölbreytileikinn hafi ekki horfið — umhverfið hafi einfaldlega loksins gert henni kleift að nýta styrkleika sína.

Í þættinum ræðum við meðal annars:

Hvernig gervigreind getur orðið „great equalizer“ fyrir nemendur með ólíkar námsþarfir.

Hvernig nota má NotebookLM, myndræna framsetningu og æfingaspurningar til að læra betur.

Hvar mörkin liggja milli gagnlegs stuðnings og þess að gervigreindin verði „þroskaþjófur“.

Af hverju bann við ChatGPT leysir ekki vandann og hvers vegna kenna þurfi gagnrýna notkun tækninnar.

Hvernig HARTS og verkefnið Skóli fyrir öll vinna að auknu aðgengi, sterkari skólatengslum og jafnari námstækifærum.

Þarf stundum að laga barnið að skólakerfinu — eða skólakerfið að barninu?

Hlustaðu á þáttinn og fylgdu Gervigreindarklúbbnum á Spotify og samfélagsmiðlum.

Þátturinn er í boði ChatGPTnamskeid.is og eignaskanni.is

Samstarfsaðili þáttarins er Akademias.is.

Er raunverulega hægt að fjárfesta sig til auðs — eða verður fólk ríkt með því að losa sig við skuldir?

Björn Berg Gunnarsson, sjálfstæður fjármálaráðgjafi, fyrirlesari og höfundur bókarinnar Peningar, sest í stólinn og ræðir fjármálalegt svigrúm, algengustu mistökin með peninga og hvers vegna sálfræðin skiptir oft meira máli en stærðfræðin.

Í þættinum ræðum við meðal annars:

• Hvers vegna Björn myndi aldrei biðja ChatGPT um álit á peningum
• Af hverju almenn sparnaðarviðmið af TikTok henta ekki öllum
• Hvernig niðurgreiðsla skulda getur breytt fjárhagslegu frelsi fólks
• Hvaða eina tölu Björn myndi skoða fyrst í fjármálum einstaklings
• Hvernig gervigreind getur einfaldað heimilisbókhald og greint útgjöld
• Hvort gervigreind geti gert fjármálaráðgjafa óþarfa

Björn útskýrir einnig hvers vegna margir reyna að leysa of stórt fjármálaverkefni í einu og leggur til einfaldari byrjun: tíu mínútur í viku í eitt afmarkað verkefni.

Hlustaðu á þáttinn og fylgdu Gervigreindarklúbbnum á Spotify, Apple Podcasts og samfélagsmiðlum.

Þátturinn er í boði ChatGPTnamskeid.is, eignaskanni.is og Akademias.is

Er gervigreindin að hjálpa okkur að hugsa — eða er hún smám saman farin að hugsa fyrir okkur?

Helgi Hrafn Gunnarsson, forritari og fyrrverandi þingmaður Pírata, mætir í Gervigreindarklúbbinn og ræðir af hreinskilni um gervigreind, gagnrýna hugsun, persónuvernd og framtíð samfélagsins.

Í þættinum ræðum við meðal annars:

Af hverju Helgi telur okkur vera „hvergi nærri AGI“

Hvort gervigreind hefði orðið til án höfundarréttarbrota

Hvernig djúpfalsanir geta ógnað lýðræði og kosningum

Hvort hægt sé að hætta á Facebook án þess að detta út úr samfélaginu

Af hverju það er enginn svindlkóði fram hjá sjálfstæðri hugsun

Helgi varar við því að gervigreind sé mikill „people pleaser“ sem geti styrkt rangar hugmyndir og gefið okkur svörin sem við viljum heyra. Stærsta hættan sé því ef til vill ekki tæknin sjálf — heldur að við hættum að spyrja spurninga.

🎧 Hlustaðu á þáttinn og fylgdu Gervigreindarklúbbnum á Spotify til að missa ekki af næsta þætti.

Þátturinn er í boði ChatGPTnamskeid.isogeignaskanni.is

Hvað gerist þegar gervigreind getur búið til fullkominn klón af þér — og látið hann vinna meðan þú sefur?

Rósa Björk, betur þekkt sem Goonhunter, mætir í einlægt og skemmtilegt spjall. Hún segir frá því hvernig hún byrjaði að streyma tölvuleikjum, hvernig Goonhunter varð til og góðgerðarstreymunum sem hún hefur haldið fyrir Píeta.

Rósa ræðir einnig gróft netáreiti sem varð kveikjan að fyrsta góðgerðarstreyminu hennar og hvernig hún ákvað að láta eitthvað gott spretta úr erfiðri reynslu.

Í þættinum ræðum við meðal annars:

Uppruna Goonhunter og fyrstu skrefin í streymi og tölvuleikjum

Góðgerðarstreymi Rósu fyrir Píeta og persónulegu söguna á bak við þau

AI-klóna, sýndaráhrifavalda og framtíð efnissköpunar

Djúpfalsanir, raddklónun og notkun efnis án samþykkis

Hvernig gervigreind gæti breytt tölvuleikjum og samfélagsmiðlum

Hvernig Rósa notar ChatGPT í daglegu lífi og reynslu hennar af að halda ChatGPT-námskeið

Reiknirit sem virðast stundum þekkja okkur betur en við þekkjum okkur sjálf

Getur gervigreind gert lífið einfaldara án þess að taka spennuna úr því? Og verður bráðlega ómögulegt að greina raunverulegt fólk frá AI-persónum?

Hlustaðu á nýjasta þátt Gervigreindarklúbbsins og fylgdu þættinum þar sem þú hlustar á hlaðvörp.

Getur gervigreind búið til tónlist sem kemur frá hjartanu?

Í þessum þætti af Gervigreindarklúbbnum sest KK niður með Stefáni Atla í einlægt og skemmtilegt samtal um tónlist, sköpun, tæknibyltingar og gervigreind.

Þátturinn er í boði ChatGPTnamskeid.is og eignaskanni.is

KK rifjar meðal annars upp árin þegar hann ferðaðist um Evrópu með fjölskyldunni og spilaði á götum úti, segir ótrúlegu söguna á bak við Kærleik og tíma og ræðir langt samstarf sitt og vináttu við Magnús Eiríksson.

En svo færist samtalið inn í framtíðina.

🎵 Hvað gerist þegar hver sem er getur búið til heilt lag á nokkrum sekúndum með gervigreind?

🤖 Er Suno framtíð tónlistarinnar — eða bara leikfang?

❤️ Getur gervigreind nokkurn tímann skapað tónlist sem hefur sömu mannlegu tengingu og tónlist sem kemur frá raunverulegri reynslu?

🎸 Myndi KK sjálfur nota ChatGPT eða gervigreind við lagasmíðar?

💿 Og hvað hefur gerst við tónlistarbransann eftir ferðalagið frá vínyl og kassettum yfir í geisladiska, Spotify og nú gervigreind?

KK er ekki hræddur við tæknina. Hann segist vel geta hugsað sér að nota gervigreind sem verkfæri til að fá hugmyndir og innblástur — en fyrir honum er eitthvað í listinni sem er stærra en tæknin.

„Þegar hjartað talar þá heyrir hjartað.“

🎧 Hlustaðu á nýjasta þátt Gervigreindarklúbbsins og fylgdu hlaðvarpinu þar sem þú hlustar.

Þátturinn er í boði ChatGPTnamskeid.is og Eignaskanni.is

Hvar á gervigreind heima í sveitarfélögum — og hvar eigum við að draga mörkin?

Í þessum þætti ræðum við við Jónas Má Torfason um AI í opinberri þjónustu, lýðræðislega ábyrgð, gagnavinnslu og ákvarðanatöku. Getur gervigreind hjálpað bæjarfélögum að vinna betur úr gögnum, greina þjónustuþörf og undirbúa betri ákvarðanir — eða er hætta á að við förum að útvista of mikilli mannlegri dómgreind til tækninnar?

Við förum líka yfir Kópavogsmálin, leikskóla, barnafjölskyldur, fasteignagjöld og framtíð bæjarins.

Þátturinn er í boði ChatGPTnamskeid.is

Í þessum þætti af Gervigreindarklúbbnum fær Stefán Atli í heimsókn Erlu Símonardóttur, stofnanda Bella Books AI, sem er að þróa gervigreindarlausn sem sjálfvirknivæðir bókhald fyrir eldri bókhaldskerfi.

Erla segir frá rúmlega 20 ára reynslu sinni úr bókhaldi og fjármálastjórnun, meðal annars hjá Deloitte, sem rekstraraðili eigin bókhaldsstofu og sem fjármálastjóri. Hún útskýrir hvernig hugmyndin að Bella Books AI varð til eftir margra ára umræður um hvers vegna bókhald væri enn svona handvirkt – og hvernig gervigreind getur nú tekið yfir tímafrek verkefni án þess að fórna mannlegu eftirliti.

Í þættinum ræða þau meðal annars:

Þetta er þáttur fyrir alla sem starfa við bókhald, fjármál, rekstur eða hafa áhuga á því hvernig gervigreind er að umbreyta einum hefðbundnasta geira atvinnulífsins. 

Þátturinn er í boði ChatGPTnamskeid.is

Í þessum þætti af Gervigreindarklúbbnum ræðir Stefán við Hlöðver, framkvæmdastjóra hjá APRÓ, um stöðu gervigreindar á Íslandi, raunverulegt virði tækninnar og hvers vegna fyrirtæki þurfa að hugsa stærra en bara að nota AI til að skrifa tölvupósta eða taka saman texta.

Hlöðver segir frá því hvernig APRÓ er að byggja upp nútímalegt upplýsingatæknifyrirtæki með áherslu á hugbúnaðarþróun, skýjaþjónustu, gagnagrunna, DevOps og gervigreind. Hann ræðir líka hvers vegna mörg fyrirtæki eru enn föst í „hype-inu“ og ná ekki mælanlegum árangri — ekki vegna þess að tæknin sé ekki nógu góð, heldur vegna þess að fólk, ferlar og viðskiptasamhengi eru ekki nægilega vel undirbúin.

Í þættinum er farið yfir:

Af hverju fyrirtæki ættu að byrja á fólkinu og hæfninni, ekki tækninni sjálfri

Lykilskilaboð Hlöðvers eru skýr: hugsa stærra, byrja smærra og skala hratt þegar eitthvað virkar.

Gervigreind í sveitarfélögum, stjórnmálum og skólamálum með Einari Jóhannesi

Í þessum þætti af Gervigreindarklúbbnum ræðir Stefán Atli við Einar Jóhannes, oddvita Miðflokksins í Kópavogi, um hvernig gervigreind getur haft áhrif á sveitarfélög, stjórnsýslu, skólamál og stjórnmál á Íslandi.

Einar deilir sýn sinni á tækifærin sem felast í sjálfvirknivæðingu, gagnadrifinni stjórnsýslu og betri nýtingu upplýsinga hjá sveitarfélögum. Þeir ræða meðal annars hvernig AI gæti einfaldað umsóknarferli, aukið gagnsæi, bætt þjónustu við íbúa og hjálpað fólki að finna réttindi sín í flóknu kerfi.

Þátturinn fer einnig inn á gagnrýna umræðu um spjaldtölvuvæðingu í skólum, samfélagsmiðlanotkun barna, siðferðislegar hættur gervigreindar í stjórnmálum, deepfake-myndbönd, falsfréttir og hvernig eldri borgarar og almenningur geta lært að nota tæknina á öruggan hátt.

Líflegur og opinskár þáttur um framtíðina, tæknina og spurninguna: hvernig notum við gervigreind vel — án þess að hlaupa of hratt?

Þátturinn er í boði ChatGPTnamskeid.is

Í þessum þætti af Gervigreindarklúbbnum fær Stefán Atli til sín Gísla Rafn Ólafsson– tæknisérfræðing, fyrrverandi 5. varaforseta Alþingis og höfund bókarinnar The AI Fluent Leader.

Þeir ræða hvernig gervigreind er ekki bara tæknibreyting heldur algjör hugarfarsbreyting fyrir fyrirtæki, stjórnendur og samfélagið allt. Gísli segir frá bókinni sinni og hvers vegna framtíðarleiðtogar þurfa að skilja hvernig á að vinna með gervigreind – í stað þess að leyfa starfsfólki einungis að nota hana án skýrrar stefnu.

Ranga nýtingu: Hvernig fyrirtæki eru að nota gervigreind á rangan hátt í dag.

Forskot leiðtoga: Hvers vegna leiðtogar sem ná tökum á gervigreind (e. AI fluent leaders) munu skara fram úr.

Framtíðartækni: Stafræna tvíbura (e. digital twins) og AI-erindreka (e. AI agents).

Umbreytingu rekstrar: Hvernig gervigreind getur gerbreytt stjórnun, markaðssetningu og ákvarðanatöku.

Gagnadrifna framtíð: Forspárgreiningu (e. predictive analytics) og framtíðarhorfur.

Vinnutímann: Hvort 40 stunda vinnuvikan muni heyra sögunni til.

Vinnumarkaðinn: Borgaralaun, sjálfvirkni og breytingar á störfum.

Lífbjargir: Hvernig gervigreind getur bjargað mannslífum í hamförum.

Aðlögunarhæfni: Af hverju fyrirtæki þurfa að vera liðug í breytingum (e. change native).

Hvernig IKEA endurþjálfaði 8.500 starfsmenn í stað þess að segja þeim upp vegna tilkomu gervigreindar.

Viðbrögð banka þegar hraðbankar komu fyrst fram á sjónarsviðið.

Hvernig gervigreind getur fundið ósýnileg mynstur í rekstrargögnum sem mannsheilinn greinir ekki.

Hvers vegna leiðtogar sem horfa fram hjá gervigreind gætu einfaldlega misst af lestinni.

„AI will not replace leaders — it will expose them.“

Frábær þáttur fyrir alla sem vilja skilja hvernig gervigreind mun móta fyrirtæki, störf og samfélagið á komandi árum.

Þátturinn er í boði ChatGPTnamskeid.is

Þátturinn er í boði ChatGPTnamskeid.is Í þessum þætti af Gervigreindarklúbbnum fær Stefán Atli til sín markaðsmanninn og stofnanda BIEN,Einar Ben, í opið og djúpt spjall um markaðsmál, vörumerki og hvernig gervigreind er að umbreyta skapandi greinum hraðar en flestir átta sig á.Einar segir frá ferðalagi sínu úr lögfræði og sálfræði yfir í markaðsmál, hvernig hann byggði upp eigið auglýsingafyrirtæki með áherslu á færri en vandaðri verkefni, og hvers vegna góð vörumerki byrja alltaf á góðri vöru og þjónustu – en ekki bara flottu lógói. Þeir ræða líka hvernig ekta efni (e. authentic content) og sterk sagnamennska muni áfram trompa gervigreindarsull (e. AI slop), og af hverju fyrirtæki ættu stundum frekar að draga úr magninu til að vanda efnið betur.Þátturinn kafar djúpt í hvernig gervigreind er að breyta markaðsheiminum: allt frá TikTok, auglýsingastefjum (e. jingles) og vörumerkjahönnun yfir í sjálfvirkni, skapandi vinnu og framtíð litlu markaðsstofanna. Einar segir meðal annars frá einni af fyrstu íslensku auglýsingaherferðunum sem nýtti gervigreind strax árið 2017 – verkefni sem vann til verðlauna erlendis og notaði Google Vision API til að sérsníða skilaboð út frá Instagram-hegðun fólks.Þeir ræða einnig:Samspil gagna og innsæis: Af hverju þetta tvennt er besta blandan.Vörumerkjavitund: Hvernig hún byggist upp jafnt og þétt með tímanum.Endurkomu auglýsingastefja: Af hverju grípandi stef eiga fullt erindi aftur í dag.Hraða á kostnað sálarinnar: Hvernig gervigreind getur aukið afköst en á sama tíma rænt sálunni úr sköpunarferlinu.Virði mannlega þáttarins: Hvers vegna maðurinn verður verðmætari eftir því sem gervigreindin verður betri.Íslenska „einhyrninga“: Af hverju Ísland ætti að stefna að því að ala af sér fleiri slík vaxtarfyrirtæki.Framtíðarsýnina: Hvernig umhverfið verður þegar ein manneskja með 50 gervigreindarfulltrúa (e. AI agents) byggir næsta billjón dollara fyrirtækið. Þetta er þáttur fyrir alla sem hafa áhuga á markaðsmálum, vörumerkjum, sköpun, nýsköpun og framtíð gervigreindar í atvinnulífinu. Einar Ben færir okkur hreinskilin, hagnýt og afar mannleg sjónarhorn á þá gervigreindarbyltingu sem á sér stað einmitt núna.

Þátturinn er í boði HBHF.is og ChatGPTnamskeid.is 🎙️

Í þessum þætti af Gervigreindarklúbbnum fær Stefán Atli til sín Hjört Sigurðsson, byggingarverkfræðing og stofnanda Mynstru, fyrirtækis sem sérhæfir sig í hagnýtingu gervigreindar, sérstaklega innan byggingariðnaðarins.

Hjörtur segir frá vegferð sinni úr hefðbundnum verkfræði- og stjórnunarstörfum yfir í gervigreindarævintýrið. Hann lýsir því hvernig LinkedIn varð óvæntur vettvangur fyrir hann til að miðla hugmyndum sínum og hvernig gervigreindaraðstoðarmaðurinn Magnús hjálpar honum í daglegum störfum — við að lesa tölvupósta, flokka verkefni, skrifa drög að svörum og halda utan um vinnuflæðið.

Þeir Stefán ræða hraða þróun gervigreindar, muninn á líkönum á borð við Claude, GPT og Codex, og hvernig mismunandi gervigreindarlausnir virðast búa yfir ólíkum „persónuleika“. Hjörtur bendir á að gervigreind sé ekki eitt allsherjar töfratól, heldur verkfæri sem þarf að nota af dómgreind, sérstaklega þar sem fólk hættir stundum að staðreyna svörin sem hún gefur.

Stór hluti þáttarins fer í að ræða hvernig gervigreind getur breytt byggingariðnaðinum. Hjörtur segir frá lausnum eins og Verkgreini, sem getur rýnt útboðsgögn, fundið misræmi, greint áhættur og þannig sparað fyrirtækjum umtalsverðan tíma og fjármuni. Þá ræða þeir hvernig bætt gögn, BIM-líkön, sjálfvirk greining og gervigreind geta dregið úr ágreiningi, sóun og mistökum við framkvæmdir.

Að lokum fara þeir í stærri framtíðarpælingar: Mun gervigreind leiða okkur í átt að útópíu eða dystópíu? Munu störf hverfa? Eru borgaralaun eða „universal high income“ hluti af framtíðinni? Og munu vélmenni á endanum breyta jafnvel hefðbundnum iðnaðarstörfum?

Þetta er lifandi, fróðlegt og stundum heimspekilegt samtal um gervigreind, byggingariðnað, framtíð vinnunnar, gervigreindarfulltrúa (agents), vélmenni og þá sérstöku tilfinningu þegar tæknin fer að virka óhugnanlega mannleg.

Þátturinn er í boði HBHF.is og ChatGPTnamskeid.is.Í þessum þætti af Gervigreindarklúbbnum fær Stefán Atli til sín Eyþór Mána Steinarsson, stofnanda og framkvæmdastjóra Hopp, í líflegt samtal um gervigreind, samgöngur, nýsköpun, pólitík og það hvernig einstaklingar geta haft raunveruleg áhrif á samfélagið.Eyþór segir frá því hvernig forritun varð hans fyrsta leið til að móta heiminn í kringum sig — og hvernig sama hugsunarháttur leiddi hann síðar inn í frumkvöðlastarf, Hopp, samgöngumál og stjórnmál. Þeir ræða hvernig gervigreind er að breyta hugbúnaðargerð, gera litlum teymum kleift að afkasta miklu meira og færa okkur nær heimi þar sem fólk getur smíðað sérsniðnar lausnir á eigin vandamálum.Samtalið fer víða: frá sjálfkeyrandi bílum og deilibílum til framtíðar SaaS-fyrirtækja, nýsköpunarumhverfisins á Íslandi, hlutverks ríkisins og sveitarfélaga, og þess hvort gervigreind muni taka störf af fólki eða fyrst og fremst auka getu þeirra sem kunna að nýta hana.Eyþór bendir á að tæknin komi ekki í stað mannlegs innsæis, sköpunarkrafts og reynslu — heldur geti hún gert gott fólk enn öflugra. Í lokin deilir hann einföldu en sterku ráði til ungs fólks: að valdefla sjálft sig, finna eitthvað sem það getur skarað fram úr í og trúa því að það geti haft áhrif á umheiminn.Þetta er þáttur um framtíðina, en líka um ábyrgð, forvitni og bjartsýni.

Þátturinn er í boði ChatGPTnamskeid.is og HBHF

Í þessum sérstaka samstarfsþætti leiða Gervigreindarklúbburinn og BÍÓfíklar hesta sína saman á Podcaststöðinni. Strákarnir kafa djúpt ofan í heim gervigreindar í kvikmyndum — allt frá klassískum hrollvekjum til hjartnæmra framtíðarsýna.Stefán Atli, Tómas og Kjartan ræða helstu stórvirkin sem hafa mótað hugmyndir okkar um vélar, meðvitund og framtíð mannkyns. Meðal mynda sem teknar eru fyrir eru:Her & Ex Machina (Ást og meðvitund)The Matrix & Terminator (Uppreisn vélanna)2001: A Space Odyssey & Blade Runner (Heimspekilegar pælingar)A.I. Artificial Intelligence, Interstellar og fleiri! Stóru spurningarnarÞátturinn fer út fyrir hvíta tjaldið og spyr spurninganna sem brenna á mörgum í dag:Mun gervigreind taka störfin okkar?Getur tækni öðlast sjálfstæðan vilja?Hvað verður um tilgang mannsins ef vélar geta gert allt betur en við?Er framtíðin meira í ætt við Wall-E, Her eða The Matrix? ChatGPT fær nýtt nafn: TalaÍ þættinum fær ChatGPT sjálf að koma við sögu, svara spurningum og velja sínar uppáhalds gervigreindarmyndir. Hún fær meira að segja nýtt, íslenskt nafn í þættinum: Tala.Þetta er léttur, fyndinn og hugmyndaríkur þáttur fyrir alla sem elska bíó, tækni og stóru spurningarnar um hvert við stefnum sem tegund.

Þátturinn er í boð chatgptnamskeid.is & hbhf.is.

Í þessum samstarfsþætti með HEIMSENDA tekur Stefán Atli á móti gamla æskuvini sínum Stefáni Þór Þorgeirssyni — leikara, leiðsögumanni og hlaðvarpsstjóra Heimsenda. Leiðir þeirra lágu fyrst saman þegar þeir voru tíu ára gamlir og gerðu stuttmyndir undir merkjum M5 Studios í Flataskóla.Þeir ræða hvernig leiklistin og Japan mótuðu Stefán Þór, leikritið hans „Fyrirlestur um gervigreind“ sem sýnt var 13 sinnum, og hvað það felur í sér að vera bjartsýnn á framtíð gervigreindar. Umræðan er víðtæk og spennir allt frá bókum Harari og Kevins Kelly til sviðsmynda um heimsenda. Þá ræða þeir listir í markaðshagkerfi, sjálfkeyrandi Tesla-bíla og velta því fyrir sér hvort gervigreindin muni taka yfir bankakerfið árið 2030 — og hvort við myndum þá ekki bara fara í leikhús eins og venjulega.

Þessi þáttur er í boði HBHF.isog ChatGPTnamskeid.is.

Í þættinum fær Stefán Atli sjálft ChatGPT í heimsókn í skemmtilegt, forvitnilegt og óvenjulegt spjall um gervigreind, framtíðina og samband manns og vélar. Velt er upp þeirri spurningu hvort gervigreind geti nokkurn tímann „skilið“ heiminn á sama hátt og manneskja, hvaða hættur og tækifæri felast í þróuninni og hvernig fólk getur nýtt gervigreind sér til framdráttar strax í dag.

Einnig er kafað í stærri spurningar um siðferði, ábyrgð og meðvitund. Rætt er hvaða störf munu breytast mest á næstu árum og hvernig heimurinn gæti litið út árið 2035. Samhliða þessu fléttast inn persónuleg saga Stefáns af því hvernig hann fann sitt hlutverk í heimi gervigreindarinnar og hvernig hann hefur kennt þúsundum Íslendinga að virkja tæknina. Hér mætast léttur húmor, djúpar pælingar og spennandi framtíðarsýn í einum og sama þættinum.

Í þessum þætti af Gervigreindarklúbbnum fær Stefán Atli til sín lögmanninn og fyrrverandi forsetaframbjóðandann, Arnar Þór Jónsson, í djúpt og opið samtal um gervigreind, samfélag og framtíð mannkyns.Arnar Þór ræðir um hættuna sem hann telur felast í því að einstaklingar og þjóðir afsali sér ábyrgð – hvort sem það er gagnvart stjórnmálum, alþjóðastofnunum eða tæknifyrirtækjum. Hann dregur upp mynd af heimi þar sem gervigreind og miðstýrt vald gætu smám saman tekið yfir ákvarðanatöku, ef ekki er staldrað við og spurt mikilvægra spurninga.Farið er yfir áhrif stórvelda, fjölmiðla og áróðurs, auk þess sem rætt er um hvort gervigreind geti þróað með sér vitund og hvaða siðferðilegu áskoranir fylgja þeirri þróun. Þá velta þeir Arnar og Stefán fyrir sér stöðu Íslands í þessari tæknibyltingu – bæði hættum og tækifærum.Þátturinn er heimspekilegur, fróðlegur og vekur hlustendur til umhugsunar um frelsi, ábyrgð og framtíðina í heimi þar sem tæknin þróast hraðar en nokkru sinni fyrr.

Þátturinnn er í boði HBHF.is - Hugbúnaðarhús Framtíðarinar og ChatGPTnamskeid.is

Þátturinn er í boði HBHF.is Bílaleigu Akureyrar og ChatGPTnamskeid.isÍ þessum þætti af Gervigreindarklúbbnum ræðir Stefán Atli við tónlistarmanninn Andra Þór Hjartarsson um tónlistarferðalagið hans – frá því að fá gítar 12 ára, taka sjö ára hlé frá tónlist og snúa svo aftur með fullum krafti, yfir í að verða eftirsóttur skemmtikraftur og söngvari í hljómsveitinni Alles Okei.Andri segir frá fyrstu giggunum, Flateyrarmyndbandinu sem vakti mikla athygli á TikTok, og hvernig hann nýtir samfélagsmiðla til að byggja upp persónulegt vörumerki. Þeir ræða einnig gervigreind í tónlist – sem verkfæri í lagasmíðum, við að læra texta og fá innblástur – og velta fyrir sér hvort AI geti búið til „ekta“ poppslagara eða hvort mannlegi þátturinn sé ómissandi.Einnig kynnir Andri nýja lagið sitt „Silfurhjarta“, persónulegt lag um ást, árekstra og það að vita hvar maður hefur fólk.Skemmtilegt, heiðarlegt og áhugavert spjall um tónlist, sköpun og framtíð tónlistariðnaðarins á tímum gervigreindar.

Þátturinn er í boði HBHF.is Bílaleigu Akureyrar og ChatGPTnamskeid.is

Í þessum þætti ræðir Stefán Atli við Gísla Konráðsson,tæknistjóra og leikjahönnuð með yfir 20 ára reynslu í leikjaiðnaðinum.

Gísli segir frá því hvernig hann hóf feril sinn hjá
EVE Online
hjá
CCP Games,
vann sig upp í stærri hlutverk og starfaði síðar erlendis, meðal annars í Kína.

Hann kom einnig að þróun dansa og tjáningar í
Fortnite
fyrir
Epic Games,
og útskýrir hvernig Fortnite er ekki bara leikur heldur samfélagsmiðill.

Í dag er hann tæknistjóri hjá
Avio,
sem þróar ökuherma fyrir flugvelli. Þar nýtist leikjafræði til að bæta öryggi og þjálfun.

Stór hluti umræðunnar snýst um hvernig gervigreind breytir þróunarferlum. Gísli notar AI-„útsendara“ til að keyra prófanir, greina kóða og hraða ítrun. Að hans mati verður skapandi hugsun sífellt mikilvægari á meðan handavinna minnkar.

Hann telur íslenskan leikjaiðnað standa sterkan í dag með yfir 20 fyrirtæki, en að næsta stóra alþjóðlega sprengingin sé enn fram undan.

Þátturinn er innsýn í leikjagerð, nýsköpun og hvernig hugmyndir verða að veruleika á tímum gervigreindar. 

Í þættinum fer Skúli Bragi yfir gervigreindarlæsi, félagslegt netöryggi og áhrif gervigreindar á lýðræði, þjóðaröryggi og upplýsingaumhverfið. Hann útskýrir hlutverk Netvís, Safer Internet Center Íslands, sem sinnir fræðslu, vitundarvakningu og rannsóknum – bæði meðal barna, ungmenna og fullorðinna.

Ein meginniðurstaðan er að fólk ofmetur oft eigin hæfni til að greina djúpfalsanir og rangar upplýsingar. Traust á hefðbundnum miðlum er enn tiltölulega hátt, en samt sækir ungt fólk í auknum mæli upplýsingar fyrst á samfélagsmiðla, þrátt fyrir að treysta þeim síður. Þetta skapar brothætt upplýsingaumhverfi þar sem þekkt andlit (fréttafólk, stjórnmálamenn) eru sífellt oftar misnotuð í falsað efni.

Skúli ræðir einnig kosningar og lýðræði, sérstaklega hættuna í tengslum við þjóðaratkvæðagreiðslur þar sem já/nei-skilaboð eru auðveld í misnotkun. Hann leggur áherslu á að Ísland sé ekki undanskilið erlendum áhrifum – netið hafi engin landamæri – en varar jafnframt við óþarfa ótta. Lausnin felst í undirbúningi, greiningartólum, samstarfi við samfélags- og gervigreindarfyrirtæki og markvissri fræðslu.

Í umræðu um börn og ungmenni kemur fram mikilvægi þess að eiga samtöl í öruggu rými um erfið málefni. Að segja einfaldlega „treystu engu“ sé hættuleg skilaboð; markmiðið sé fremur að kenna fólk að stoppa, greina rauð flögg og hugsa gagnrýnið. Gervigreind er ekki í eðli sínu slæm – notkunin ræður úrslitum.

Að lokum er Skúli bjartsýnn. Hann sér gervigreind sem öflugt tæki sem getur styrkt lýðræði, aukið aðgengi að flóknum upplýsingum og hjálpað stofnunum eins og Alþingi að verða skilvirkari – svo lengi sem manneskjan heldur áfram að hugsa, efast og taka ábyrgð.

Gervigreindarklúbburinn: Maggi Mix og tónlist framtíðarinnar

Þátturinn er í boði HBHF.is og ChatGPTnamskeid.is.

Í þessum þætti af Gervigreindarklúbbnum ræðir Stefán við Magga Mix, gleðigjafa þjóðarinnar, sem hefur skapað sér einstaka stöðu með gervigreindartónlist, húmor og óvæntum vinsældum á netinu.

Maggi segir frá upphafi ferilsins – allt frá einföldum Facebook-myndböndum á gamla upptökuvél yfir í markvissa notkun á nýjustu tækni. Hann lýsir tónlistarsköpun sinni sem tilraunakenndu ferli þar sem lag getur orðið til á hálftíma þegar allt smellur saman, en stundum þarf meiri yfirlegu. Markmiðið er þó ætíð það sama: að gleðja fólk, fremur en að elta frægð eða frama.

Í þættinum er kafað djúpt í hvernig gervigreind nýtist í tónlistarsköpun. Maggi lítur á tæknina sem innblástur en ekki svindl og ræðir opinskátt um:

Takmarkanir og höfundarrétt: Hvar liggja línurnar?

Tækniótta: Hvers vegna óttinn við gervigreind er oft ýktur.

Vistkerfi sköpunar: Hvernig hann notar AI í kover-myndir, Spotify Canvas-myndbönd og á samfélagsmiðla – þar sem TikTok spilar lykilhlutverk.

Að lokum ræðir Maggi viðbrögð almennings, gagnrýni og meme-menningu internetsins. Framtíðarplönin eru skýr: nýtt lag á hverjum föstudegi, minna stress og ómæld gleði. Lokaorðin eru einföld og mannleg: Ef eitthvað er gott og skemmtilegt, þá er sjálfsagt að njóta þess. 🎶✨

AI sem vinnutæki, ekki svindl

Þátturinn er í boði HBHF.isogChatGPTnamskeid.is

Í þessum þætti fær Stefán Atli Rúnarsson, Einar Þorsteinsson til sín í Gervigreindarklúbbinn í ítarlegt og framtíðarmiðað samtal um gervigreind, tækni og samfélagsbreytingar.

Gestur þáttarins er Einar Þorsteinsson, fyrrverandi borgarstjóri Reykjavíkur og oddviti Framsóknar í borginni. Hann segir stuttlega frá sjálfum sér, fer yfir feril sinn í fjölmiðlum og borgarstjórn og hvað hefur helst mótað sýn hans síðustu ár.

Megináhersla þáttarins er á gervigreind í samgöngumálum: hvernig snjllar ljósastýringar, skynjarar og gagnadrifin umferðarkerfi geta bætt flæði, aukið umferðaröryggi og dregið úr töfum – bæði strax og til lengri tíma litið. Einnig er rætt um sjálfkeyrandi bíla, róbótataxíur og hvernig þessi tækni gæti breytt því hvernig við nýtum bíla, almenningssamgöngur og borgarrými.

Þátturinn fer svo í nýjustu þróun í róbótatækni, meðal annars Tesla Optimus, og veltir upp spurningum um áhrif hennar á þjónustu, heimilisstörf, borgarrekstur og störf framtíðarinnar. Jafnframt er fjallað um öryggi, löggjöf, siðferðileg álitaefni og hvort stjórnsýslan sé nægilega hröð og sveigjanleg í heimi sem breytist svona hratt.

Þetta er bæði raunsætt og framsækið samtal — skýr tímamynd af stöðu gervigreindar í samfélaginu í byrjun árs 2026.

Þátturinn er í boði HBHF.is og ChatGPTnamskeid.is

Í þessum þætti Gervigreindarklúbbsins ræðir Stefán Atli við Ingbjörg Isaksen, þingflokksformann Framsóknarflokksins og þingmann Norðausturkjördæmis, um hagnýta notkun gervigreindar í þingstörfum.

Ingbjörg lýsir því hvernig gervigreind nýtist fyrst og fremst til tímasparnaðar: að draga saman frumvörp, greina breytingar milli framlagninga, flokka umsagnir í nefndum og ná yfirsýn yfir umfangsmikil gögn sem annars gætu verið hundruð blaðsíðna. Hún leggur áherslu á að gervigreind sé verkfæri, ekki ákvörðunartæki—gagnrýnin hugsun og persónuleg sannfæring þingmanna verði alltaf að vera í forgrunni.

Samtalið snertir einnig stjórnsýslu og gagnsæi, þar sem rætt er um tækifæri til að einfalda ferla með betri tengingu kerfa (t.d. samráðsgátt, Ísland.is), og hvernig tæknin getur losað um endurtekna bakvinnslu svo fólk einbeiti sér að mannlegum samskiptum. Þá er farið yfir nýsköpunarumhverfi, skattalega hvata, aðgengi að sérfræðingum og mikilvægi þess að kerfið verði liprara fyrir lítil og meðalstór fyrirtæki.

Að lokum horfir Ingbjörg fram á veginn: gervigreind mun að hennar mati styðja nefndarstörf, bæta yfirsýn og auka skilvirkni, en aðeins ef henni er beitt af ábyrgð og meðvitund um mannlega þáttinn—frjóa hugsun, samræður og lýðræði.

Þátturinn er í boði HBHF.is – Bílaleigu Akureyrar og ChatGPTnamskeid.is

Í þessum þætti af Gervigreindarklúbbnum ræðir Stefán Atli við Arnar Eggert Thoroddsen, kennara við Háskóla Íslands, blaðamann og tónlistargagnrýnanda, um áhrif gervigreindar á menningu, fjölmiðla og tónlist. Arnar deilir reynslu sinni af því að nota gervigreind í ritstörfum, meðal annars við gerð bókar sinnar um sögu íslensks popps fyrir alþjóðlegan lesendahóp.

Spjallið fer í dýpt um það hvernig gervigreind styttir leiðir í upplýsingaleit, en getur jafnframt verið villugjörn og „bullað“ þegar hún er leiðrétt. Þeir ræða hvort gervigreind geti raunverulega „skilið“ tónlist án mannlegrar upplifunar, og hvernig algóritmar – sérstaklega á streymisveitum og samfélagsmiðlum – móta hvað fær athygli og hvað gleymist.

Þátturinn snertir einnig heimspeki Marshall McLuhan,hugmyndina um að miðillinn sjálfur sé merkingin, og mikilvægi þess að viðhalda gagnrýninni hugsun á tímum ofgnóttar upplýsinga. Lokaorðin eru skýr: verum óhrædd við tæknina, en alltaf gagnrýnin. 🎧

Þátturinn er í boði HBHF.is – Bílaleigu Akureyrar og ChatGPTnamskeid.is
Í þessum þætti Gervigreindarklúbbsins ræðir Stefán við Sæunni Gísladóttur, sérfræðing hjá Rannsóknamiðstöð Háskólans á Akureyri, um gervigreind frá sjónarhorni rannsókna, jafnréttis og sköpunar.
Sæunn segir frá starfi sínu við gagnadrifnar rannsóknir og hvernig gervigreind er þegar farin að breyta vinnuferlum í akademíu — allt frá afritun og þýðingum yfir í greiningu þema í viðtölum. Hún varar þó við blindu trausti á tæknina, sérstaklega þegar unnið er með viðkvæm gögn og minnihlutahópa.
Spjallið dýpkar þegar rætt er um bókina Ósýnilegar konur, gagnahlutdrægni og hættuna á því að gervigreind magni upp skekkjur sem þegar eru til staðar í samfélaginu. Þá er einnig farið yfir áhrif AI á fjölmiðla, stefnumótun, ráðningar, tungumál og minni málsamfélög eins og íslensku.
Að lokum ræðir Sæunn um sköpun, útgáfu skáldsögunnar Kúnstpása og hvort gervigreind geti nokkurn tímann orðið innblásin — eða hvort hún verði alltaf fyrst og fremst öflugt hjálpartæki mannsins.
Fróðlegt, gagnrýnið og mannlegt samtal um gervigreind, ábyrgð og framtíðina. 🎧

Þátturinn er í boði HBHF.is – Bílaleigu Akureyrarog ChatGPTnamskeid.is

Í þessum þætti Gervigreindarklúbbsins ræðum við við Þórönnu Jónsdóttur um gervigreind frá yfirveguðu, jarðbundnu og mannlegu sjónarhorni. Í stað þess að falla í gryfju tæknilegrar ofurhype-frásagnar, beinist samtalið að því hvernig gervigreind birtist í raunveruleikanum: í starfi, við ákvarðanatöku, í ábyrgð og í daglegu lífi okkar allra.

Mannleg dómgreind: Hvernig gervigreind getur bæði stutt við og skekkt mat okkar á hlutunum.

Mörk sjálfvirkni: Hvar dregnum við línuna á milli tæknilegrar skilvirkni og persónulegrar ábyrgðar?

Gagnrýnin hugsun: Hvers vegna verður hún mikilvægari en nokkru sinni fyrr eftir því sem kerfin verða snjallari.

Þóranna talar af reynslu um flókið samhengi, óvissu og þá áskorun að vinna með tækni sem er öflug en engan veginn óskeikul. Þátturinn snýst í grunninn um samband manns og vélar: hvernig við nýtum verkfærin án þess að láta þau móta okkur án meðvitundar, og hvaða spurningar við þurfum að spyrja áður en við treystum gervigreind fyrir of miklu.

„Þetta er samtal sem á erindi við alla – jafnt þau sem vinna við tækni og þau sem vilja einfaldlega skilja í hvaða átt samfélagið stefnir.“

🎧 Fyrir þau sem vilja ræða gervigreind af yfirvegun, dýpt og skýrleika – án óþarfa hávaða.

Helstu umræðuefni þáttarins:

Þátturinn er í boði HBHF.is – Bílaleigu Akureyrar og ChatGPTnamskeid.is.Í þessum þætti af Gervigreindarklúbbnum fær Stefán til sín frænda sinn og vin úr viðskiptafræðinni, Úlfar Konráð Svansson. Úlfar hefur unnið sig upp í markaðsstarfinu, allt frá vöruhúsi og búðargólfi yfir í vörumerkja- og markaðsstjórnun hjá Artasan. Þeir ræða hraðann sem einkennir dagvöruheiminn, hvernig hann mótar markaðshugsunina og hvaða vörumerki Úlfar er með á sinni könnu (m.a. Match Attax/Topps, Oat King og fleiri).Samtalið leiðist einnig að skapandi verkefnum Úlfars: góðgerðarverkefninu Landvörðunum, sem safnaði fyrir Barnaspítala Hringsins, og nýja „pöbbkviss“-verkefninu ullari.is. Þar sjá tilbúnir spurningapakkar loksins til þess að enginn þurfi að „fórna sér“ sem spyrill.Svo kemur gervigreindarvinkillinn sterkt inn. Úlfar segir frá því hvernig hann notar ChatGPT og Copilot daglega í vinnu – við hugmyndavinnu, tölvupósta, Excel-formúlur og hraðari útfærslur. Hann ræðir líka hvar mörkin liggja: að mannlegi tónninn og snertingin þurfi alltaf að vera til staðar til að fínpússa efnið áður en það fer í birtingu. Í lokin er stóra ráðið einfalt: Bara byrja – gera gervigreind að vana, fá „auka augu“ og láta hana styðja við hugsunina frekar en að skipta henni út.

Þátturinn er í boði HBHF.is – Bílaleigu Akureyrar og ChatGPTnamskeid.is.

Í þessum þætti spjallar Stefán við Lindu Heimisdóttur,framkvæmdastjóra Miðeindar – stærsta máltæknifyrirtækis Íslands. Linda fer yfir ferðalag sitt frá málvísindum og doktorsnámi í Cornell yfir í það að leiða fyrirtæki sem hefur mótað framtíð íslenskrar máltækni. Hún útskýrir hvernig Miðeind þróar vörur eins og Málstað, býr til öfluga málrýni, þýðingarvélar, talgreiningu og hýsir Snöru – stærsta safn rafrænna orðabóka fyrir íslensku.
Við ræðum einnig stórar sögur: heimsókn íslensku sendinefndarinnar til OpenAI áður en ChatGPT kom út, hvernig Miðeind hjálpaði OpenAI að fínstilla íslensku í GPT-4 með viðgjafarnámi og hvernig fyrirtækið þróaði íslenska stigatöflu fyrir stór málílíkön. Linda talar opinskátt um muninn á GPT-4 og GPT-5, styrkleika Gemini og hvaða líkan stendur sig raunverulega best í íslensku.

Þátturinn er í boði HBHF.is – Bílaleigu Akureyrarog ChatGPTnamskeid.is.Aron Atli Gunnarsson er tuttugu og eins árs gamall frumkvöðull sem hefur á ótrúlega skömmum tíma skapað sér nafn í heimi gervigreindar og SaaS-lausna. Hann bjó á Bali síðustu fjóra mánuði þar sem hann vann fyrir erlend fyrirtæki, þróaði gervigreindarverkfæri og hjálpaði hugbúnaðarfyrirtækjum að skala kerfin sín.Aron hóf ferilinn í efnisgerð og markaðssetningu, stofnaði síðar eigið gervigreindarfyrirtæki og færði sig svo markvisst yfir í ráðgjöf þar sem hann vinnur beint með SaaS-stofnendum um allan heim. Í dag hjálpar hann fyrirtækjum að vaxa hraðar með því að fínstilla ferla, smíða skalanleg kerfi og nýta gervigreind af öryggi og skýrleika.Í þessum þætti förum við yfir ferðalagið, vangaveltur hans um framtíð gervigreindar og hvernig ungur Íslendingur getur byggt upp alþjóðlegan feril á netinu – hvar í heimi sem er.

Þátturinn er í boði HBHF.is

Bílaleigu Akureyrarog

ChatGPTnamskeid.is

VÆB-bróðirinn Hálfdán Helgi Matthíasson sest niður og fer yfir ótrúlegt ferðalag VÆB frá fyrstu lögunum yfir í sigur í Söngvakeppninni 2025 og fulltrúahlutverk Íslands í Eurovision með laginu „Róa“. Hálfdán talar opinskátt um sköpunarferlið, hvernig tónlistin þeirra hefur þróast og hvaða hlutverk gervigreind gegnir, hans skoðanir á gervigreind bæði í daglegu lífi og í framtíð tónlistarsköpunar.

Þátturinn er í boði: ChatGPTnamskeid.is, Bílaleigu Akureyrar, og HBHF.is – Hugbúnaðarhús Framtíðarinnar.

Í þessum þætti fáum við að kynnast Stefáni Baxter, einum af reyndustu tækni- og frumkvöðlum landsins. Hann hóf ferilinn aðeins 18 ára, eftir að hafa skotið sér út úr námi og beint inn í upplýsingatækniheiminn — og hefur síðan þá starfað í tæknigeiranum í nær fjórar áratugi.

Stefán hefur stofnað og byggt upp fjölmörg fyrirtæki, tekið þátt í fjórum exitum — þar af þremur mjög farsælum — og upplifað eitt fyrirtækjafall svo stórbrotið að það er næstum eigin saga út af fyrir sig. Hann hefur unnið með gervigreind lengur en flestir, allt frá dögum þar sem complex event processing og ákvörðunatré voru talin „AI“.

Í dag leiðir hann Smart Data, fyrirtæki sem vinnur með hagnýtingu gervigreindar í rekstri, gagnaúrvinnslu og ákvarðanatöku. Við förum í gegnum ferilinn, sögurnar, lærdóminn og hvernig hann sér íslensk fyrirtæki nýta AI á næstu árum.

Þátturinn er í boði HBHF.is,

Bílaleigu Akureyrar og

ChatGPTnamskeid.is.Í þessum þætti tekur Gervigreindarklúbburinn á móti

Adda Nabblakusk, einum litríkasta og frumlegasta hreyfihönnuði landsins. Addi hefur unnið að plötuumslögum og sjónrænum heimum fyrir listamenn á borð við Herra Hnetusmjör, Iceguys, Inga Bauer og Jón Jónsson, auk þess að skapa eigin karaktera, sögur og teikni- og hreyfimyndaheim sem bera skýrt Nabblakusk-fingrafar.Við ræðum tíu ára feril hans í hreyfihönnun, hvernig hann byggir upp hugmyndir og hvað drífur hann áfram í sköpun. Síðan köfum við ofan í gervigreindina: óöryggi, siðferðislegar spurningar, hvernig tæknin breytir skapandi geiranum og hvaða hlutverk hún á — eða á ekki — í listsköpun framtíðarinnar.Þessi þáttur er blanda af húmor, heiðarleika og sköpunarkrafti, þar sem Addi Nabblakusk talar opinskátt um listamannslífið á tímum gervigreindar. Þetta er ómissandi spjall fyrir alla sem lifa og hrærast í sköpunarheiminum.

Þátturinn er í boði:

ChatGPTnamskeid.is,

Bílaleigu Akureyrar og

HBHF.is – Hugbúnaðarhús Framtíðarinnar.

Í þessum þætti tekur Gervigreindarklúbburinn á móti Róberti Einars stofnanda Qwerty og einum reyndasta grafíska hönnuði landsins. Róbert hefur starfað í hönnun í nær tvo áratugi, allt frá prentverki og pakkningahönnun til UI/UX, alþjóðlegra vörumerkja og stórra stafræna verkefna. Hann hefur hannað allt frá Boli-bjórnum, Old Islandia Gin og Myrká Whisky yfir í ICE nikótínpúðana sem nú eru seldir í tugum landa.

Við ræðum hvernig gervigreind er að breyta hönnunarheiminum — frá hugmyndavinnu og skissum yfir í pakkningar, reglugerðir, stafræna upplifun og hönnunarferla sem áður tóku vikur en taka nú mínútur. Róbert talar opinskátt um tól, vinnubrögð og framtíðina.

Þátturinn er í boði:
ChatGPTnamskeid.is
Bílaleiga Akureyrar
HBHF.is – Hugbúnaðarhús Framtíðarinnar

🎧 Bjarki Pétursson – Að draga úr sóun, nýta gervigreind og byggja upp betri rekstur

Í þessum þætti er gestur minn Bjarki Pétursson, stofnandi Zenter og forstjóri Laufsins.
Bjarki hefur starfað í sölu og markaðsmálum í nær tvo áratugi og segir frá því hvernig hann fór úr hefðbundnum markaðsveruleika yfir í að nota gervigreind daglega í vinnu og stefnumótun.

Við ræðum hvernig Laufið forðast orðið “sjálfbærni” og einblínir í staðinn á það sem skiptir mestu máli – að draga úr sóun og byggja upp skilvirkari rekstur með ánægðari viðskiptavinum, minna rusli og meiri arðsemi.
Hann fer líka yfir hvernig gervigreind er að umbreyta markaðssetningu og hvaða tækifæri íslensk fyrirtæki hafa til að taka forystu í nýrri, snjallri rekstrarhefð.

Þessi umræða er hagnýt, heiðarleg og full af reynslu úr íslensku atvinnulífi – og sýnir hvernig hægt er að nýta tækni til að gera hluti bæði betri og einfaldari.

Þátturinn er í boði: ChatGPTnamskeid.is, Bílaleigu Akureyrarog HBHF.is - Hugbúnaðarhús Framtíðarinnar.

Í þessum þætti ræðum við við Írisi Líf, stofnanda Accounta og Virkum AI, um hvernig hún sér gervigreind umbreyta fjármálum, bókhaldi og frumkvöðlastarfi. Við förum yfir hvernig sjálfvirkni getur gert bókhald aðgengilegra, hvernig AI er notað í ferla eins og reikningagerð og samskipti, og hvaða hæfileikar verða verðmætastir í nýrri tækniöld fjármála.

Þátturinn er í boði HBHF - Hugbúnaðarhús Framtíðarinnar, chatgptnamskeid.isog Bílaleigu Akureyrar!

Í þessum þætti af Gervigreindarklúbbnum spjöllum við við

Ólaf Kristján Valdimarsson, fjölhæfan hagfræðing og fjárfestingasérfræðing sem hefur unnið í allt frá fjármálum og stjórnun yfir í byggingarvinnu og sjónvarpsverkefni. Hann og konan hans, Guðrún sigruðu aðra seríu af sjónvarpsþættinum Viltu finna milljón. Við förum yfir lífsreynslu hans, tímann eftir slysið, sem breytti miklu og hvernig breiður bakgrunnurinn mótar sýn hans á gervigreind. Ólafur talar um hvernig AI mun endurhugsa sparnað, fjárfestingar, vinnumarkaðinn og daglegt líf — og hvernig tækni getur hjálpað fólki að taka betri ákvarðanir og nýta tímann skynsamlegar. Þetta er opinskátt og fræðandi samtal við mann sem hefur lifað margt og horfir á framtíðina með skýra sýn.

Spjall við Róbert Helgason

Í þessum þætti af Gervigreindarklúbbnum ræðum við við Ólaf Hrafn Steinarsson, forstjóra Aska Studios og einn áhrifamesta einstakling Íslands í tölvuleikjagerð. Hann leiðir teymið á bak við nýja leikinn Gang of Frogs og hefur áratugareynslu úr íslenskum esports- og leikjaheimi.

🎙️ Gunnur von Matern – Skapandi hugsun og gervigreind í norrænu ljósi

Í þessum þætti ræðum við við Gunnu von Matern, Head of Digital Strategy hjá NORD DDB, um hvernig gervigreind er að umbreyta skapandi greinum, hönnun og stefnumótun á Norðurlöndum. Gunnur hefur yfir tíu ára reynslu af því að sameina stafræna stefnu, UX og nýsköpun og hefur unnið með alþjóðlegum vörumerkjum eins og McDonald’s, Telenor, Electrolux og Securitas.

Við förum yfir hvernig AI getur bæði aukið mannlega sköpun og breytt því hvernig við hugsum um vinnu, menningu og framtíð hönnunar. Hún talar um tækifærin sem Ísland hefur á þessu sviði, áskoranirnar sem fylgja, og hvernig fyrirtæki geta orðið leiðandi í að samþætta gervigreind á siðferðilega og skapandi hátt.

Ingi Bauerræddi við okkur um ferilinn, tónlistina, gervigreind í tónlist og alemnnar pælingar um gervigreind!

Í þættinum með Jónasi ræðum við upphaf gervigreindar, áhrif stóru fyrirtækjanna í Kísildalnum og hvernig þau móta framtíðina. Spjall um tæknina, hugmyndirnar og fólkið sem er að breyta heiminum.

Fylgiði Gervigreindarklúbbnum á samfélagsmiðlum!

Samtal um hugmyndir, framtíð og leiðirnar sem við veljum þegar við byggjum eitthvað frá grunni. Guðmundur Andri Ólasson einn eiganda Viralis Markaðsstofu deilir hugsunum, reynslu og sýn á það hvernig við sköpum og tengjumst í síbreytilegum heimi.

🎙️ Gervigreindarklúbburinn – samtöl um framtíðina
Í þessum þætti ræðir Stefán Atli við Magneu Gná, yngsta borgarfulltrúa sögunnar, og Lilju Rannveigu ritara Framsóknarflokksins um áhrif tækni, gervigreindar og nýrrar hugsunar á samfélagið. Samtalið snýst um framtíð borgarinnar, ungt fólk í leiðtogahlutverkum og hvernig við getum nýtt nýja tækni á manneskjulegan hátt.