كواليس

مرحبا اسمي دعاء ديلايت مدونة وصانعة محتوى اقدم لاول مرة بودكاست كواليس لشارك معكن كواليس رحلتي بعالم الوعي ، كواليس الامومة، العلاقات ، وكل دور عّم عيشو بحياتي او موقف عّم مر في . ليش اخترت اسم كواليس من بداية تأسيس المدونة ب ١٤/١/٢٠٢٠ كان الهدف من خلالا احكي عّن كواليس رحلتي بعالم الوعي لاني تعبت كتير من الصور الجاهزة والصفحات الاخيرة. يلي دائما كانت تحسسني اني ماني كافية او اني متأخرة او تحسسني بعدم الوضوح . كنت دائما عّم شوف صور الاشخاص والانجازاتن وكان عطول عندي فضول انو ياترى شو كان خلف كواليس هي النجاحات ، شو خلف كواليس نجاح او فشل العلاقات. اسم كواليس بيعني كمان انو القصص ما ضروري تكون كاملة انو هي ممكن تتغير تبعا للراوي و لشو كان وقع عالقصص بقلوبنا . بتتغير حسب المحفزات وخلفياتنا بالطفولة المختلفة يلي اجينا منا.