Rokkland

Rokkland vikunnar er tvískipt. Í Fyrri hlutanum er Eivør í aðalhlutverki, en hún sem var að senda frá sér plötunaTungl sem er plata númer 11 hélt útgafutónleika í Eldborg á föstudagskvöldið fyrir fullu húsi. Á föstudagsamorguninn heimsótti hún Rokkland í std. 12 í útvarpshúsið – sagði frá nýju plötunni sem hún segir að sé einskonar afturhvarf til Færeyja, og svo spilaði hún 2 lög af plötunni á kassagítar og eitt eldra. Rokkland var á tónleikunum og við tölum um þá líka, en Eivør er á samningi hjá plötuútgáfunni Nuclear Blast sem einbeitir sér að þungarokki og Eivør sem er nýlega flutt heim til Færeyja eftir að hafa búð lengi í Kaupmannahöfn kemur reglulega fram á metal-hátíðum víða um heim. Í seinni hlutanum er einmitt smá þungarokk þar sem við sögu koma Sólstafir – Led Zeppelin – Sólför Dimma – Deep Purple – Rainbow og Metallica, en daninn Flemming Rassmusen sem tók upp þrjár af bestu (að margra mati) plötum Metallica á níunda áratugnum er að koma til landsins og halda fyrirlestur um samstarfið við Metallica 5. Nóvember nk. Allt tengist.

PS & CO er í aðalhlutverki í Rokklandi í dag. Þar er aðal maðurinn Pjetur Stefánsson myndlistarmaður og rokkskáld. Hann kemur í heimsókn í seinni hluta þáttarins og við spjöllum um nýju plötuna, Í Brennandi húsi, lífið og listina. Helgi Pjetur heitir maður sem var að senda frá sér sitt fyrsta lag og hann kallar sig HELGAR. Hann hefur komið nálægt músík á ýmsa vegu í langan tíma, en ekki sem flytjandi og höfundur fyrr en núna. Helgi Pjetur tók þátt í stofnun tonlist.is uppúr aldamótum og síðar stofnaði hann plötuútgáfuna Cod Music sem gaf mörgum ungum íslenskum listamönnum byr undir báða vængi. Eftir það fór hann í tæknigeirann og stofnaði ýmsi sprotafyrirtæki, en nú er það músíkin – Helgar. Þorleifur Gaukur Davíðsson er fimmti maðurinn í Kaleo – hefur verið að túra með þeim og taka upp í nokkur ár. Hann er staddur í kaliforníu og við heyrum aðeins í honum og kynumst tónlistarvinum hans sem eru að koma með honum til landsins í byrjum júní og saman ætla þau að spila í Fríkirkjunni, Midgard Basecamp á Hvolsvelli og á Vagninum á Flateyri.

Í Rokklandi vikunnar verður komið við í Færeyjum - Hafnarfirði og Akranesi. Við byrjum á að spjalla við færeysku tónlistarkonuna Gudrid Hansdottur frá Færeyjum. Hún bjó um tíma á Íslandi, hefur oft spilað á Iceland Airwaves, var að senda frá sér nýja plötu sem heitir Sýrublað (Hundasúra) og hún ætlar að spila á 9 tónleikum hringinn í kringum Íslandi dagana 20. - 29. október. Við förum Þaðan til Hafnarfjarðar á gítarveislu Bjössa Thor sem fór fram í Ægi 220 helgina 2. og 3. október sl. Með Bjössa spiluðu t.d. Óskar Logi, Brynhildur Oddsdóttir, Krummi Björgvins ofl auk Guðmundur Péturssonar sem skreyttur var með GULLNÖGLINNI sem veitt er árlega gítarleikara sem hefur sett mark sitt á íslenskt tónlistarlíf. Þriðji viðkomustaðurinn er svo Akranes, en Jónas Björgvinsson er fæddur og alinn upp á Akranesi en býr á Langholstveginum í Reykjavík þar sem hann rekur hljodver.is í bílskúrnum sínum. Jónas fór til Danmerkur og tók upp plötu þegar hann var rétt rúmlega tvítugur fyrir nokkuð mörgum árum, en svo gerði hann plötu númer 2 árið 2022. Nú er þriðja platan komin, platan Lífsins bók og það eru útgáfutónleikar í Tónabíó 22. október.

Það er friðarvika í Reykjavík þessa dagana – 40 ár frá fundi Reagan og Gorbachov í Reykjavík - Friðarsúlan í Viðey var tendruð á föstudaginn á afmælisdegi Lennons og stríð og friður er rauði þráðurinn í þessum þætti í dag. Séra Hildur Eir segir nokkur orð - Við minnumst leiðtogafundarins í Höfða 1986 Tölum um kjarnorkuvopn Ræðum við Höllu Tómasdóttur forseta Íslands í Viðey Yoko Ono talar ujm friðarsúluna og Ísland Jón Gnarr talar um Yoko Ono og frðarsúluna Vanessa O´Mara segir frá Power to the people festival í Maryland USA Tölum um Tom Morello sem stóð fyrir hátíðinni um síðustu helgi Sigurgeir Sigmundsson segir frá nýja laginu sínu sem hann kallar Kaos Og við heyrum hvað Hildur borgarstjóri sagði í Viðey við tendrum friðarsulunnar á föstudaginn. Þessi tónlist var leikin í þættinum: John Lennon / Imagine Strax / Moscow Moscow Sting / Russians Radiohead / 4 minute warning Yoko Ono / Walking on thin ice Yoko Ono Plastic Ono Band / Take me to the land of hell John Lennon / Love Plastic Ono Band í Háskólabíó / Give peace a chance John & Yoko / Happy Xmas war is over Plastic Ono Band / Power to the people Jack Sabbath / War pigs Foo Fighters / My hero Dave Matthews / Mercy mercy me Tom Morello / Power to the people Tom Morello / Soldier in the army of love Tom Morello / They can´t kill us all Sigurgeir Sigmundsson / Kaos Neil Young / Rockin in the freeworld

Í Rokklandi dagsins komum við við á þremur stöðum- Í seinni hlutanum kynnumst við starfsemi Miðstöðvarinnar í Grafarvogi, en Miðstöðin er einskonar school of rock Í Grafravogi. Skólameistari Miðstöðvarinnar er Ólafur Elíasson píanóleikari og kennari en hann hefur innréttað iðnaðarhúsnæði sem er í senn ævingahúsnæði fyrir hljómsveitir – hljóðver – tónlistarskóli og félagsmiðstöð fyrir ungt fólk sem ætlar sér að vera í músík og vera í hljómsveit. Miðstöðin hefur alið af sér hljómsveitir eins og White Signal – Karma Brigade – 5K sem spilar meðal annars á Kaleo tónleikunum á Þingvöllum – og Dóraog Döðlurnar. Rokkland heimsótti Miðstöðina í vikunni. Saxófónleikarinn Sonny Rollins lést í vikunni sem leið og Sigurður Flosason segir okkur aðeins frá Sonny Rollins sem var einn af þeim allra bestu og mikilvægustu – við höfum öll heyra hann spila án þess kannski að hafa pælt í því. En byrjum á Ívari Klausen (Ívar Andri Klausen) sem var að senda frá sér sína fyrstu sólóplötu um daginn. Ívar er að austan – tók þátt í Músíktilraunum á sínum tíma með hljómsveitinni Dopamine Machine, er að spila með hinum og þessum og er búinn að vera bassaleikari í MÚR árum saman.

Hljómsveitin Á Móti Sól á 30 ára afmæli um þessar mundir og tekur yfir Rokkland vikunnar. Hljómsveitin var upphaflega stofnuð af vinunum bassaleikaranum Þóri og hljóðborðsleikaranum Heimi og tilgangurinn var að spila á böllum. Á Móti Sól hefur gefið út talsvert af sínum eigin lögum og spilað um allt land í 30 ár. Þeir komu í Rokkland í std. 12 í Útvarpshúsið - sögðu sögur og spiluðu vel valin lög.

U2 er 50 ára – föstudaginn 25. september voru liðin 50 ár – HÁLF ÖLD síðan Larry Mullen 14 ára og nokkrir aðrir strákar – 15 og 16 ára í Mount Temple Comprehensive School í norður-Dublin hittust í eldhúsinu heima hjá Larry og U2 varð til. Öllum þessum árum síðar eru sömu fjórir strákarnir í þessari hljómsveit. U2 er langlífasta hljómsveit heims með sömu liðsskipan. Það eitt er virðingavert. Það Þarf sérstaka og einstaka karaktera til að halda út svona „hjónaband“ með þremur öðrum í hálfa öld. Á föstudaginn sagði U2 að það væri ný plata (16. Hljóðversplatan) að koma í nóvember – Carnaval de luz (Karnival ljóssins) og nýtt lag (Silencio) frumflutt – bæði á streymiveitum – í írska Ríkisútvarpinu RTÉ og á tvennum óvæntum og fríum tónleikum heima í Dublin. U2 mætti nefnilega í gamla skólann sinn og spilaði þar - á nákvæmlega sama stað og þeir spiluðu síðast 1978 – í þetta skiptið fyrir 1000 manns – krakkana í skólanum og kennara. Síðar um daginn spiluðu þeir á svölum veitingahúss við Crafton street í miðborg Dublin fyrir þúsundir sem söfnuðust saman. Rokkland vikunnar er helgað U2.

Steinar Berg Ísleifsson hlaut á dögunum heiðursverðlaun Íslensku tónlistarverðlaunanna fyrir ævistarf sitt. Steinar var áratugum saman einn mikilvægasti maðurinn í tónlistarlífinu á Íslandi. Hann gaf út fyrstu plötu Stuðmanna- Sumar á Sýrlandi. Hann fór með Mezzoforte til Englands. Hann gaf út fyrstu 10 plötur Bubba Morthens og svo Nýdönsk, Todmobile, Sálina hans Jóns Míns, Jet Black Joe og fleira og fleira. Hann rak plötubúðir og flutti inn erlendar plötur, var í fararbroddi í íslensku tónlistraútrásinni og tónlistarhátíðahaldi á Íslandi. Hann er fylginn sér og hefur oft séð möguleika þegar aðrir sáu ekki. Síðustu 20 árin hefur Steinar einbeitt sér að ferðaþjónustu í Fossatúni í Borgarfirði – og hann hefur líka skrifað bækur og lög. Steinar Berg er er þúsundþjalasmiður. Hann var gestur Rokklands fyrir viku og í dag er framhald - seinni hlutinn.

Grammy verðlaunin verða afhent í kvöld í Los Angeles í 67 sinn og við ætlum aðeins að skoða þau í fyrri hluta þáttarins. Oscarsverðlaunin verða svo afhent eftir mánuð, sunnudagskvöldið 2. mars og leikna heimildarmyndin um Bob Dylan, A complete unknown er með 8 tilnefningar. En hver er hann þessi Bob Dylan eiginlega? Og er hann eitthvað merkilegur? Þorgeir Tryggvason sem við þekkjum úr Kiljunni hjá Agli Helgasyni og liðsmaður Ljótu Hálfvitanna er Dylan-maður og ætlar að reyna að svara þessum spurningum. Hann fékk líka það verkefni að velja 10 lög með Dylan sem við ætlum að hlusta á brot úr amk – frá fyrstu árunum, af fyrstu plötunum hans – en myndin sem er tilnefnd til allra þessara verðlauna segir frá upphafsárum Dylans í New York, 1961 – 1965 þar sem hann breytist úr björtustu von þjóðlagatónlistarinnar í Bandaríkjunum, ungan mann sem syngur lög um áréttlæti heimsins, í rokkara með sólgleraugu og rafmagnsgítar sem syngur um eitthvað allt annað en það.

Í fyrsta Rokklandi ársins er boðið upp á lög sem eru kannski „bestu lög síðasta árs“ - en ekkert endilega – þetta er allt bundið við smekk þess sem hlustar – eða hvað? Ólafur Páll ætlar samt sem áður að spila lög sem honum þykja standa uppúr eftir árið, – íslensk og erlend og honum til aðstoðar er Birgir Örn Steinarsson sem heldur úti ásamt félaga sínum tónlistarsíðu á Facebook sem heitir Nýleg íslensk tónlist. Hann setti líka saman lagalista á Spotify um áramótin með 100 íslenskum lögum sem honum finnst standa uppúr eftir árið og heitir íslenskt / best 2024.

Magnús Jóhann lenti í þriðja sæti í Músíktilraunum fyrir áratug og síðan hefur hann gert ansi margt. Hann er búinn að spila inn á ótal plötur með hinum og þessum – stjórna upptökum á plötum hjá Flóna og Bubba Morthens - spila oftar en 30 sinnum í Gísla Marteini með allskonar fólki – gefa út margar plötur – þar af tvær með GDRN – spila með Stuðmönnum og Moses Hightower - gera tónleika með Sinfóníuhljómsveit Íslands og nú eru framundan stórónleikar í Háskólabíó á afmælisdaginn þegar hann verður 30 ára. Magnús Jóhann er gestur Rokklands í dag. Tónlist frá útsendingarlogg 2026-09-07 SCRITTI POLITTI - The word girl.

Tónlistarmaðurinn - leikarinn og leikstjórinn Hörður Torfason er gestur Rokklands vikunnar. Hann mætti í std. 12 í vikunni sem leið - við spjölluðum saman og hann spilaði nokkur lög. Við ræðum í þættinum um ástina - gamlar kærustur - búsáhaldabyltinguna - stofnun samtakanna 78 - foreldra og margt fleira. Hörður sem er fæddur árið 1945 hefur ekki mikið verið að halda tónleika undanfarið en brást vel við þegar við báðum hann um að koma og spila fyrir okkur - og spjalla.

Tónlistarmaðurinn KK - Kristján Kristjánsson ætlar að fagna 70 árum á jörðinni með afmælistónleikum í Háskólabíó 8. maí. Þegar hann varð 60 ára fyrir áratug heimsótti hann Rokkland í std. 12 í útvarpshúsið og ræddi við umsjónarmann um líf og störf Kristjáns. KK talaði um æskuna í Kaliforníu, pabbann sem týndist í Vietnam, um mömmu sína og systkini, um gítarana sína, unglingsárin á Íslandi, Bítlana, JJ Cale, Kris á Frakkastígnum, um Vegbúann, leikhúsið, útvarpið, Magga Eiríks, Bubba Morthens, eiginkonuna frá Akranesi, um óttann og margt fleira. Hann var með einn af gíturunum sínum með sér og spilaði nokkur lög eftir sig og aðra. Þessi þáttur er endurfluttur frá 2016.

Hljómsveitin Tíbrá frá Akranesi er jafn gömul U2 – var stofnuð árið 1976 og hefur verið starfandi með hléum síðan þá en var öflugust milli 1980 og 1990. Núna næsta laugardag ætlar Tíbrá að fagna 50 ára afmæli með tónleikum í Bíóhöllinni á Akranesi og Rokkland fór og hitti þá Eirík trommara og Flosa hljómborðsleikara á æfingu í vikunni! Rokkland spjallaði líka lítillega við sigursveit Músíktilrauna eftir sigurinn í Hörpu um daginn. Þetta eru þrír stákar í 10unda bekk sem kalla sig Galinn Gjóður og þeir hlusta aðallega segja þeir á Frank Zappa og Þursaflokkinn. Halldór Gunnars Pálsson segir okkur frá nýja laginu hans Bubba sem kom út í gær og heitir Við föllum – og Halldór er líka hljómsveutarstjóri Bubba á afmælistónleikunum sem verða í Laugardalshöll 6. Júní. Svo er það grjótmulningsvélin frá Akranesi – hljómsveitin Gaddavír sem sigraði í Wacken Metal Battle 2025 og tók þátt í Músíktilraunum fyrir áratug. Gaddavír fór út til þýskalands til að spila á Wacken Open Air – ásamt hljómsveitum frá 30 öðrum löndum í fyrra og var líka að senda frá sér plötuna Akranes krú. Brynjólfur Þór Guðmundsson Skagamaður og fréttamaður hér á RÚV er Wacken maður og hann ræddi við Gaddavír fyrir Rokkland.

Undanfarna fjóra sunnudaga hefur Sjónvarpið sýnt okkur bráðskemmtilega þætti um HlJóðrita – hljóðverið í Hafnarfirði sem er elsta starfandi hljóðver landsins - stofnað árið 1975 af nokkrum kraftmiklum ungum mönnum af miklum metnaði. Þættirnir segja sögu Hljóðrita – hvernig það skipti sköpum varðandi íslenska tónlist og útgáfu á sínum tíma en þar voru teknar upp allar vinsælustu plöturnar sem komu út á íslandi í áratug eða meira – Mannakorn – Spilverkið- Grýlunar – Villi Vill – Gunni Þórðar – Magnús Þór – Bubbi – Megas – Þeyr – Tappi Tíkarrass – Brunaliðið - Grafík – jólaplötur og svo framvegis. En tíminn leið og tímarnir breyttust – hljóðverum fjölgaði í borginni og um allt land og Hljóðriti missti flugið af ýmsum ástæðum. Það stóð til um tíma að loka alveg, rífa hljóðverið og breyta húsnæðinu í skrifstofur. En sem betur fer gerðist það ekki og það má segja að bjargvættur Hljóðrita sé rauðhærður eldhugi frá Keflavík sem heitir Guðmundur Kristinn Jónsson. Hann er búinn að ráða ríkjum í Hljóðrita í um 20 ár og Hljóðriti hefur verið hans heimavöllur meira en helming þess tíma sem Hljóðriti hefur verið aktífur. Í fjórða og síðasta Hljóðritaþættinum kemur vel fram hvað Kiddi – eins og hann er kallaður - Kiddi Hjálmur – Kiddi í Hljóðrita – Kiddi Baggalútur – Kiddi í Hljómskálanum – hefur haft mikil áhrif á íslenskt tónlistarlíf síðasta aldarfjórðunginn amk, en hann er lykilmaður í Hjálmum – Baggalúti – Hljómskálanum – Hljóðrita – Sigurði Guðmundssyni – Megasi og Senuþjófunum – Memfismafínunni - Ásgeiri Trausta – Árnýju Margréti og svo framvegis. Kiddi er gestur Rokklands þessa vikuna. Rokkland heimsótti hann í Hljóðrita.

Í þessum þætti rifjum við upp brot úr ýmsum Rokklandsþáttum frá árinu sem var að kveðja. Við heyrum í Björk – Roslíu – Páli Óskari og benna Hemm hemm – Atla rock´n roll ferðalangi – Hafdísi Huld – Hildi Völu – Ellen kristjáns - Robert Plant og Led Zeppelin – Bryan Adams – Steinari Berg og Mugison t.d.

Fyrsti þáttur Rokklands 2026 er á dagskrá í dag og gestur hans er Rúnar Þórisson sem heldur afmælis og ferilstónleika í Bæjarbíó í Hafnarfirði næsta laugardag. rúnar var gítarleikari í Grafík með Helga Björns og AndrEu Gylfa og Raafni Jónssyni og fleirum á sínum tíma – en hann var líka í Dögg, Haukum, Ýr og fleiri sveitum á sínum tíma og hefur svo gert nokkrar sólóplötur. Sú nýjasta heitir Svo fer og er nýkomin út. Við ræðum um allt mögulegt í þættinum og spilum músík sem Rúnar hefur gert og hefur haft áhrif á hann.

Roklkand vikunnar er tileinkað afmælistónleikum Rokkklands sem fóru fram í gærkvöldi í Hofi á Akureyri. Við heyrum öll lögin sem voru flutt og sögurnar á bakvið lögin. Við eigum eftir að útvarpa síðar upptökunum frá Hofi, en tónleikarnir voru líka teknir upp fyrir Sjónvarpið - RÚV.

Sigur Rós hélt núna í vikunni ferna tónleika í Royal Albert hall í London með London Contemporary Orchestra. Royal Albert hall sem Bítlarnir minnast á í laginu A day in the life – Royal Albert hall sem var tekin í notkun árið 1871 og var vígð af Viktoríu drottningu – enda er nafnið komið frá eiginmanninum Albert prins. Og þarna voru strákarnir okkar fjögur kvöld í röð og allt uppselt. Um þessar mundir er platan þeirra sem heitir Takk líka 20 ára og Rokkland vikunnar er endurunnið upp úr þætti númer 493 frá 4. september 2005 – þegar Takk platan var splunkuný.

Rokkland mælir með: september 2026 Belgíska hljómsveitin Deus kemur til landsins og spilar í Austurbæ - rifjum upp viðtal við Tom Barman úr DEUS frá 2006 þegar sveitin kom síðast til Íslands. Oasis - tölum um myndina Don´t look back in anger sem er verið að sýna í bíó um allan heim þessa dagana - líka á Íslandi.

Í Rokklandi vikunnar kynnumst við rokkhljómsveitinni The Hangmen frá Los Angeles sem spilar á tónleikum í Tjarnarbíó næsta föstudagskvöld ásamt Dr. Gunna (Hljómsveitin Dr. Gunni – hOFFMAN og Bleiku Böstunum. Bjössi Basti (Bjorn Helgi Baldvinsson sem t.d. stofnaði X-ið á sínum tíma og er söngvari Bleiku Bastanna stendur að tónleikunum og segir okkur frá The Hangmen. Við skoðum aðeins kanadísku hljómsveitina Angine De Poitrine sem hefur vakið mikla athygli undanfarið fyrir skemmtilegt stærfræði-jazz-proggrokk – feluleik og áhugaverða búninga. Svo er það Baldvin Hlynsson sem er hljómsveitarstjóri í Ormstungu í Þjóðleikhúsinu – upptökustjóri – lagasmiður og hljómborðsleikari í 70 ára afmælisbandi Bubba Morthens þar sem Halldór Gunnar Pálsson Fjallabróðir er hljómsveitarstjóri. Við kynnumst Baldvin en það er margt í gangi hjá honum alla daga. Svo kemur Iron Maiden aðeins við sögu en splunkunýrri heimildarmynd um Iron Maiden sem var frumsýnd síðasta föstudag.

Í seinni hluta Rokklands í dag kíkjum við í Sandgerði og heimsækjum feðgana Jóa og Ása – Jóa í Messoforte og Ása tromara son hans sem reka í Sandgerði Stúdíói Paradís sem er byggt á landi sem afi Ása – KK – hljómsveitarstjórinn KK (Kristján Kristjánsson – KK sextett) átti. Við heyrum spjall við Ása og strákana í hljómsveitinni Sú Ellen frá Neskaupsstað sem er jafn gömul Rás 2 og er búin að vera að taka upp plötu í Paradís. Þaðan lá leiðin á Selfoss á HELLFOSS – nýja þungarokkshátíð sem 12 hljómsveitir spiluðu á um helgina á Sviðinu á Selfossi. Dr. Spock – Une Misere – Volcanova – Slysh – Auðn og fleiri. Rokkland spjallaði við Rúnar Hroða Geirmundsson stjórnanda Hellfoss , Sigga Pönk -Smára Tarf – Finna á Prikinu og Óttar Proppé. Svo setjum smá fókus á Minnieapolis – ICE - Bruce Springsteen og Billy Bragg. En byrjum á Elínu Hall sem Rokkland spjallaði við á Eurosonic festival í háskólaborginni Groningen í Hollandi um miðjan janúar.

Cell 7 – Ragna Kjartansdóttir var að senda frá sér þriðju og persónulegustu plötuna sína. Þar syngur hún og rappar um ástina og lífið – sambandsslit og að að finna ástina upp á nýtt sem fullorðin manneskja. Cell 7 er gestur Rokklands. Svo förum við aðeins yfir 3 af lögunum sem verða flutt á Rokklands afmælistónleikunum í Hofi Á Akureyri 1. nóvember nk. Eitt eftir Joni Mitchell, eitt eftir Bubba – skoðum aðeins söguna á bakvið lögin auk þess sem útsetjarar laganna segja aðeins frá, þau Þórður Magnússon sem útsetti Bubba lagið og Sóley Björk Einarsdóttir sem útsetti Joni. þorvaldur Bjarni Þorvaldsson útsetti Led Zeppelin meistaraverkið Stairway to Heaven og hann segir frá auk þess sem við skoðum sögu lagsins. Við heyrum líka í hljómsveitinni Oyama í std. 12

Rokkland er 30 ára í ár og af því tilefni erum við að endurflytja nokkra vel valda gamla þætti á Rokklands-tímanum í sumar. Rokkland dagsins er endurflutt frá 8. júní 2008 og þetta er Bítlaþáttur. Í helstu hluverkum eru Paul Mccartney, Liverpool, Hljómar frá Keflavík, og 100 Íslendingar sem smelltu sér í bítla-pílagrímsferð til Bítla-borgarinnar undir dyggri fararstjórn Jakobs Frímanns Magnússonar Stuðmanns, þáverandi miðborgarstjóra Reykjavíkur og formanns FTT sem stóð fyrir ferðinni.

Í tilefni af 30 ára afmæli Rokklands endurflytjum við vel valda þætti á Rokklands-tímanum í sumar. Þáttur vikunnar var upphaflega á dagskrá 6. júlí 1998, sunnudaginn eftir tónlistarhátíðina Popp í Reykjavík, og var tileinkaður hátíðinni sem sett var upp í þeim tilgangi að gera kvikmynd um tónlistarlífið í Reykjavík sumarið 1998.

***Valur Gunnarsson er gestur Rokklands í dag en í nýjustu bók sinni sem heitir Berlínarbjarmar: Langamma, Bowie og ég – er Valur að flétta saman allskyns sagnfræði og pælingum – hrærir heimspólitíkinni og stríðsbrölti saman við rokk og ról- David Bowie og Bítlana, Við ætlum að tala um Berlín og Bowie – Elvis og Springsteen og U2 – kalda stríðið – og hvort Bítlarnir hafi fellt Berlínarmúrinn á sínum tíma með opnunarhljómnum í hard Days night eins og sumir hafa haldið fram. ***Við minnumst líka Tálknfirðingsins Árna Grétars Jóhannessonar sem kallaði sig Futuregrapher, en hann er látinn. Bifreið sem hann ók hafnaði í sjónum í Reykjavíkurhöfn á gamlársdag. Hann var fluttur meðvitundarlaus á sjúkrahús en komst aldrei aftur til meðvitundar. Árni hafði háð langa baráttu við sjálfan sig. Við rifjum upp viðtal við Árna og Jón Ólafsson frá 11. október 2015 en þá voru þeir félagrnir nýbúnir að gefa út plötu saman, plötuna EITT – fyrstu af þremur sem voru planaðar. Hinar tvær hafa ekki enn komið út.

Hljómsveitin Todmobile hlaut á dögunum heiðursverðlaun ÍTV fyrir framlag sitt til tónlistarlífsins á Íslandi í næstum 40 ár, en rætur hljómsveitarinnar liggja allt aftur til tímans þegar rokk í Reykjavík var að verða til. Þorvaldur Bjarni heldur áfram að segja frá í Rokklandi vikunnar!

Í Rokklandi vikunnar heyrum við söguna á bakvið eitt af lögunum (Life on Mars eftir Bowie) sem verða flutt á 30 ára afmæli Rokklands í Hofi á Akureyri 1. nóvember, en þar mun SinfoniaNord – Todmobile bandið og fjöldi frábærra söngvara flytja haug af frábærum lögum. Við heyrum líka aðeins í hljómsveitinni Oyama sem er afskaplega fín hljómsveit sem gaf út plötuna Everyone Left fyrir tæpu ári. Oyama kom í sdt. 12 í vikunni og tók upp fjögur lög fyrir Rokkland sérstaklega og við heyrum tvö af þeim á eftir. En mesta púðrið fer í þá Benna Hemm Hemm og Pál Óskar Hjálmtýsson sem sendu frá sér plötu á föstudaginn sem heitir Alveg og varð eiginlega til ALVEG óvart. Þetta er áhugaverð plata og mikilvæg, hún á erindi við samtímann á margan hátt. Á plötunni eru þeir að fjalla um ýmis mikilvæg málefni sem koma okkur öllum við og pakka þeim inn í sykursætt og huggulegt popp.

Rokkland dagsins er endurfluttur þáttur frá 20. Júní 2010 og hann stendur undir nafni í dag vegna þess að í dag er Rokklandið tileinkað Rokk-hátíð með stóru R-i – nefnilega Download þungarokkshátíðinni 2010. Þar komu fram margar af stærstu rokksveitum sögunnar - AC/DC – Rage Against The Machine - Motörhead, Megadeth og Aerosmith - Lamb Of God  - Stone Temple Pilots - Stone Sour - Bullet For My Valentine - Saxon, Slash og Billy Idol t.d. Rokkland var á Download.

Rokkland dagsins er dálítið sérstakt vegna þess að þar verður útvarpað styttri útgáfu af útför Björgvin Halldórssonar sem var mikil tónlistarveisla eins og við var að búast. Björgvin (Bo Halldorson var lagður til hinstu hvílu á þriðjudaginn síðasta og mörg hundruð manns fylgdu honum síðustu metrana í Hallgrímskirkju. SÝN sá um beina útsendingu frá útförinni á Visi og við á Rás 2 fengum leyfi hjá Sýn og fjölskyldu Björgvins til að útvarpa hluta af útöförinni í Rokklandi í dag. Þau sem sungu í útförinni voru landslið og vinir Börgvins: Eyþór Ingi Gunnlaugsson, Páll Rósinkranz, mugison, Daníel Ágúst, Ragnheiður Gröndal og Sigríður Thorlacius– Fóstbræður og svo börnin hans 2 af þremur – Krummi Bjorgvinsson og Svala Björgvins. Andrea Ingvarsdottir söng með þeim. Óskar Einarsson spilaði á píanó og var tónlistarstjóri og Guðmundur Pétursson spilaði á gítar. Jakob Frímann talar og líka Ari Eldjárn. Prestur var Guðni Már Harðarsonsem stjórnaði öllu saman. Í lok þáttar eru svo brot frá nokkrum heimsóknum Björgvins í Rokkland gegnum tíðina ❤ 🎵

Rokkland er 30 ára í ár – og af Því tilefni erum við að endurflytja vel valda þætti í sumar – af þessum 1379 sem eru búnir – og þátturinn í dag er frá 21. júní 2015 og er að uppistöðu upptaka frá tónleikum sem Kítón stóð fyrir í Hörpu í tilefni af hundrað ára afmæli kosningaréttar kvenna þann 19. júní með hátíðartónleikum. Á öldum áður þóttu konur ekki hafa hæfileika til að iðka tónlist og leifar af þeim hugarburði sitja enn eftir í jafnréttisbaráttunni þar sem kvenhöfundar tónlistar á Íslandi fá tæplega tíu prósent af útgreiddum stefgjöldum þrátt fyrir mikla grósku í tónlistarlífinu almennt. Íslenskir kvenhöfundar í tónlist eru því í forgrunni þetta kvöldið með sérstökum kynjasnúningi þar sem karlflytjendur syngja lög kvenhöfunda við undirleik og hljómsveitarstjórn kvenna. Grýlan Ragga Gísla, Dúkkulísurnar og Kolrassa Krókríðandi verða að lokum með heljarinnar endurkomu. Kvenhöfundarnir eru meðal annarra Björk Guðmundsdóttir, Emilíana Torrini, Hafdís Huld, Ingibjörg Þorbergs, Lára Rúnars, Ólöf Arnalds, Ragnheiður Gröndal, Sóley, Svala Björgvins, Védís Hervör og Þórunn Antonía. Flytjendurnir eru meðal annarra Arnór Dan, Björgvin Halldórsson, Bubbi Morthens, Friðrik Ómar, Friðrik Dór, Helgi Björns, Jón Jónsson, Páll Óskar, Raggi Bjarna og Valdimar. Listrænn stjórnandi er Védís Hervör Árnadóttir og framkvæmdastjóri er Diljá Ámundadóttir. Höfundur óþekktur er titill tónleikanna og er tilvísun í fjöldann allan af vísnakverum og nótnablöðum þar sem höfundur er skráður óþekktur. Þjóð- og mannfræðilegar rannsóknir benda til þess að í lang flestum tilfellum sé um konur að ræða en ekki þótti mikilvægt að skrásetja þeirra verk til jafns við karlmenn.

Rokkland er 30 ára í ár og af því tilefni erum við að endurflytja nokkra vel valda gamla þætti á Rokklands-tímanum í sumar, og Rokkland vikunnar er frá 2007 (þáttur 601) endurkoma Led Zeppelin í London 2007.

Í Rokklandi vikunnar er skautað yfir ævi og feril Arethu Franklin sem ung að árum fékk viðurnefnið Queen of soul.

Söngvarinn, gítarleikarinn og tónlistarmaðurinn Chris Cornell úr Soundgarden og Audioslave stytti sér aldur fyrir rúmri viku eins og margir eflaust vita og Rokkland vikunnar er helgaður Chris, lífi hans og verkum. Chris sem er fæddur og alinn upp í rokkborginni Seattle í Bandaríkjunum varð 52 ára gamall. Hann framdi sjálfsmorð eins og það er kallað á hreinni og beinni íslensku á hótelherbergi í Detroit Rock City eftir að hafa spilað tónleika með gömlu hljómsveitinni sinni, Soundgarden, í Fox Theatre fyrr um kvöldið. Hann fór upp á hótelherbergi eftir tónleikana, hringdi í konuna sína, hún hafði orð á því að hann væri eitthvað skrýtinn og hann sagði að það væri hugsanlega vegna þess að hann hefði tekið tveimur kvíða-töflum of mikið. Hann hafði lengi verið að díla við kvíða og þunglyndi og var á lyfjum sem heita Ativan, en ein af aukaverkunum ku vera sjálfsmorðshugsanir. En svo hefur meira komið í ljós varðandi þetta mál síðustu daga og það er talið að hann hafi innbyrt eitthvað meira en þessi kvíðalyf þetta kvöld. Chris byrjaði ungur að nota fíkniefni og var búinn að vera án alls slíks árum saman en það má vera að hann hafi nýlega byrjað að nota eitthvað aftur. Chris Cornell hélt tvisvar tónleika á íslandi. Hann spilaði lágstemmda sóló-tónleika í Eldborg í Hörpu í fyrra, en kom með hljómsveit í Laugardalshöllina fyrir áratug. Í þeirri heimsókn óskaði ég eftir að fá viðtal við hann og Ísleifur Þórhallsson tónleikahaldari bjargaði því og mætti með honum í útvarpshúsið við Efstaleiti. Við heyrum talsvert af því spjalli í þættinum en við ræddum um æskuárin, unglisgsárin, áhrifavalda, upphaf Soundgarden, um Temple of the Dog og Eddie Vedder, um plötur Soundgarden, um Audioslave ofl. Við ætlum við að kynnast þessum merkilega náunga frá Seattle aðeins betur.

Bryan Adams er aðalgestur Rokklands að þessu sinni. Hann var með tvenna tónleika hérna um daginn í Eldborg í Hörpu sem seldist upp á - á svipstundu. Rokkland spjallaði við hann nokkrum dögum áður en hann kom og við heyrum það spjall í þættinum í bland við músíkina hans Bryans Adams.

Það eru tvær magnaðar konur í aðalhlutverki í Rokklandi í dag – Reykvískar tónlistarkonur – Ellen kristjáns og Björk. ***Kvikmyndin Cornucopia er nýjasta verk tónlistakonunnar Bjarkar. Myndin verður frumsýnd í kvikmyndahúsum á Íslandi þann 1.febrúar næstkomandi og síðar á árinu um heim allan. ***Í Cornucopia kannar Björk samband náttúru, tækni og mannsins við umhverfið í gegnum tónlist. Myndin byggir að mestu á tónlist af plötu hennar Utopia, þar sem Björk kemur inn á mál sem eru henni hugleikin t.a.m. umhverfismál, jafnrétti og femínisma. ***Ný heimildarmynd um Ellen kristjáns verður sýnd í Sjónvarpinu í kvöld. Hún heitir Engin önnur en ég ér og er mjög persónuleg.

***Hljómsveitin Skálmöld hélt tónleika í Eldborg í Hörpu í nóvember þrjú kvöd í röð þar sem þeir strákarnir spiluðu öll lögin af öllum sex plötunum sem hljómsveitin hefur gefið út. Þetta gekk allt upp hjá Þeim. Hugmyndin fæddist á bar í útlöndum eftir vel heppnaða tónleika og var svo framkvæmd. Þetta var mikið þrekvirki sem kallaði á miklar æfingar og sum lögin höfðu aldrei verið spiluð á tónleikum. Núna ætlar Skálmöld að spila brot af þvi besta frá þessum Eldborgartónleikum á tvennum tónleikum í Hofi á Akureyri í byrjun febrúar og þeir eru gestir Rokklands í seinni hlutanum þeir Jón Geir trommari og Þráinn Árni gítarleikari. ***Stína Ágústsdóttir er úr vesturbænum í Reykjavík, hún dansaði mikið og söng þegar hún var stelpa, en lærði svo verkfærði, stofnaði hugbúnaðarfyrirtæki í London eftir nám, girftist svo manni úr Grindavík, flutti með honum til Kanada, svo til Stokkhólms þar sem þau búa í dag og Stína er enn að syngja og dansa. Hún sendi frá sér plötuna Your Unfaithfully í haust, en þar eru með henni flottir gaurar – þrír íslenskir - Mikael Máni Ásmundsson – Magnús Jóhann – Magnús Trygvason Eliassen og einn Svíi – Henrik Linder. Stína heimsótti Rokkland í vikunni sem leið áður en hún tók flugið heim til Svíþjóðar eftir áramót með fjölskyldunni á íslandi. En við byrjum á smá led Zeppelin.

Rokkland er 30 ára í ár – og af Því tilefni eru afmælistónleikar í HOFI 1. Nóvember. En við erum líka að endurflytja vel valda þætti í sumar – af þessum 1379 sem eru búnir – og þátturinn í dag er frá 14. september 2014 og í aðalhlutverki er hljómsveitin U2 og platan Songs of innocence sem kom út þarna í septmeber 2014 með miklum látum í tengslum við kynningu Iphone 6 á blaðamannafundi í Cupertino í Kaliforníu. Þetta er platan sem Apple gaf öllum notendum I-tunes - og það voru ekki allir hrifnir af því.

í Rokklandi vikunnar rifjum við upp þátt nr. 466 í tilefni af 30 ára afmæli Rokklands - Iron Maiden kemur til Íslands árið 2005.

Neil Young kemur við sögu í þættinum en það var að koma út plata sem gefin er út honum tiul heiðurs – en líka til að safna peningum fyrir Bridge skólann í Kaliforníu sem fyrrum eiginkona hans, Pegi, stofnaði fyrir næstum 40 árum. Bridge skólinn er fyrir fjölfötluð börn – eins og Ben son þeirra Neil og Pegi. En Neil er líka að fara að senda frá sér nýja plötu með nýrri hljómsveit, The Chrome Hearts, og er á leiðinni í tónleikaferð. Hann verður 80 ára í nóvember. Luiciano Pavarotti kemur líka við sögu, Hörður Torfason, Fiona Apple, Brandi Carlile, Elvis og fleiri.

Úrslit Músíktilrauna 2025, Brimbrot og Rúnar Júlíusson

...í gömlum glæðum segir máltækið. Hljómsveitin Quarashi kom eins og stormsveipur inn í íslenskt tónlistarlíf fyrir 20 árum síðan. Þetta er mikið notaður frasi og hann er sannur í þessu samhengi, ?Quarashi kom, sá og sigraði. En Quarashi hætti síðan og til minningar um hljómsveitina og feril hennar kom út safnplata árið 2011 sem heitir Quarashi Anthology. En þrátt fyrir að Quarashi hafi þakkað fyrir sig og hvatt fyrir rúmum áratug hafa þessir gaurar sýnt það í verki að lengi lifir í gömlum glæðum og það er oft erfitt að slökkva alveg. Og á meðan það er glóð þarf ekki nema örlítinn andvara til að hleypa upp neistaflugi þannig að úr verður heilmikið bál. Og Quarashi logaði glatt á Þjóðhátíð í Eyjum um síðustu helgi, sveitin spilaði á laugardagskvöldinu fyrir fullum dal af fólki, það eru tónleikar á NASA næsta föstudagskvöld, fyrr í sumar sendi Quarashi frá sér nýtt lag og myndband og það er hugsanlega plata á leiðinni. Þeir eru gestir mínir í Rokklandi í dag þeir Sölvi og Steini úr Quarashi.

Wacken Open Air - Janne Schaffer og Marianne Faithful

Rokkland með Hljómum og The Beatles í Liverpool.

Hljómsveitin Todmobile hlaut á dögunum heiðursverðlaun ÍTV fyrir framlag sitt til tónlistarlífsins á Íslandi í næstum 40 ár, en rætur hljómsveitarinnar liggja allt aftur til tímans þegar rokk í Reykjavík var að verða til. Þeir Þorvaldur Bjarni Þorvaldsson og Eyþór Laxdal Arnalds höfðu þekkst frá 6-7 ára aldri og fyrsta hljómsveitin hans Þorvaldar sem hét Exodus spilaði í Stundinni okkar. Skúli Sverris spilaði á bassa í Exodus og Björk Guðmundsdóttir söng. Eyþór Arnalds stal Björk svo úr Exodus og í Tappa Tíkarrass. Seinna voru þeir Eyþór og Þorvaldur skólabræður í tónfræðideild Tónlistarskólans í Reykjavík og þriðja púslið í Todmobile framlínuna var svo söngkonan Andrea Gylfadóttir sem hafði slegið í gegn með hljómsveitinni Grafík og hafði lokið prófi sem óperusöngkona frá Söngskólanum í Reykjavík með hæstu einkun. Todmobile sló í gegn með fyrstu plötunni sinni- Betra en nokkuð annað sem kom út 1989 og þegar ÍTV voru afhent í fyrsta sinn árið 1994 fékk Todmobile næstum öll verðlaunin. Hljómsveitin hefur verið starfandi með hléum allar götur síðan 1988 og á undanförnum árum hefur Todmobile einbeitt sér að því að halda stóra tónleika í stærstu tónleikahúsum landsins. Þau hafa fengið erlendar stórstjörnur til samstarfs við sig – hetjur og átrúnaðargoð sérstaklega Þorvaldar Bjarna sem hefur mest verið við stýrið í Todmobile- Jon Anderson úr Yes og Steve Hacket úr Genesis - og núna síðast voru það Nik Kershaw – Midge Ure úr Ultravox og Tony Hadley úr Spandau Ballet. Þorvaldur Bjarni segir frá í Rokklandi vikunnar!

Rokkland leiðir hlustendur að þessu sinni um rætur hryntónlistarinnar í tónlistarborgunum Nashville og Memphis, en umsjónarmaður slóst í för með félögum úr FTT (Félag tónskálda og textahöfunda) til landsins sem gaf okkur rokk, soul, kántrí, fönk, jazz og blús. Rúmlega 40 manna hópur tónlistarmanna, maka þeirra og vina lagði upp í ferðalag til Ameríku fyrir rúmri viku í þeim tilgangi að komast að rótum rytmans eins og fararstjórinn, Jakob Frímann Magnússon orðaði það svo skemmtilega. Í Nashville var farið í Country Music Hall of Fame og síðan í Creative Workshop Recording hljóðverið þar sem tekið var upp nýtt lag sem varð til í þar og þá. Þaðan var haldið niður til Memphis þar sem byrjað var á að heimsækja Jack White í Third Man Records og síðan sjálfan Elvis í Graceland. Daginn eftir var farið í STAX museum þar sem sálartónlistin varð til á sjöunda áratugnum og svo Sun hljóðverið þar sem Elvis, Jerry Lee Lewis og Johnny Cash hófu ferilinn. Þaðan var svo farið í Royal studios, hljóðver sem hefur verið í eigu sömu fjölskyldunnar síðan 1956. Þar tók Keith Richards upp fyrstu sólóplötuna sína, þar hefur Mark Ronson unnið talsvert á undanförnum árum og sumarsmellur Bruno Mars, Uptown Funk, var tekinn upp þar. Súpergrúppa var sett saman í ferðinni sem samanstóð af hljómborðsleikara Stuðmanna, gítarleikara Sálarinnar, bassaleikara og píanóleikara Hjaltalín og trommara Deep Jimi & The Zep Creams og rokksveitar Rúnna Júl. Með sveitinni sungu svo söngvarar Sálarinnar, Baggalúts og Stuðmanna auk Björgvins Halldórssonar. Nokkur lög voru hljóðrituð í ferðinni, ný lög sem Bragi Valdimar Skúlason setti saman; Mojo og Hjartað mitt, og Björgvin Halldórsson hljóðritaði lagið sem Elvis söng fyrir Sam Phillips í Sun hljóðverinu 1956, That´s allright mama. Frá Memphis var svo haldið til Clarksdale þar sem blúsinn varð til, farið á Krossgöturnar sem sagan segir að blúsmaðurinn Robert Johnson hafi gert samning við sjálfan kölska, en Johnson varð afburðar-gítarleikari á aðeins nokkrum mánuðum og það gat hann ekki þakkað neinum öðrum en sjálfum myrkrahöfðingjanum sem tók sál hans í staðinn. Robert Johnson er ein helsta fyrirmynd manna eins og Eric Clapton og Keith Richards lést aðeins 27 ára gamall og lögin hans 29 sem voru hljóðrituð hafa verið hljóðrituð aftur og aftur og aftur í gegnum tíðina ? hann lést árið 1938. Við komum líka við á Ground Zero blúsklúbbnum í Clarksdale sem þeir eiga saman leikarinn Morgan Freemann og bæjarstjórinn í Clarksdale, Bill Luckett, en hann er auðvitað vinur fararstjórans, Jack Magnet. Á leiðinni var r

Rokkland dagsins er endurfluttur þáttur frá 13. Maí 2012 og gestur þáttarins er James Taylor sem var þegar þátturinn var frumfluttur á leiðinni til Íslands til að spila í Eldborg. Rokklandi náði sambandi við James Taylor í síma og Taylor var til í að spjalla um heima og geima – hann var skemmtilegur og örlátur á tíma sinn.

Rokkland dagsins er endurfluttur þáttur frá 14. desember 2008 og gestir þáttarins eru þeir Stebbiog Gummi úr Sálinni hans Jóns Míns. Þegar þátturinn var frumfluttur var Sálin að fagna 20 ára starfsafmæli og af þvi tilefni gaf útgáfufyrirtæki þeirra -  Sena frá sér þrjár afurðir sem allar bera heitið “Hvar er draumurinn”. Sálin kom fram í fyrsta skipti í mörg ár á 60 ára afmælistónleikum Stebba í Eldborg í Hörpu um síðustu helgi.

Í Rokklandi vikunnar ætlum við að hlusta á eina plötu eins og við gerum stundum í þessum þætti: Geislavirkir með Utangarðsmönnum sem Alda music gaf nýlega út í 45 ára afmælisútgáfu sem hefur bæði að geyma upphaflegu plötuna með Sigurður var sjómaður og Hiroshima, og líka ensku útgáfuna sem var hugsuð fyrir útlönd. Hún var gefin út í litlu upplagi en var aldrei fáanleg hér á Íslandi. Í aðalhlutverki eru tveir Utangarðsmenn af fimm, bræðurnir og gítarleikararnir Michael og Daniel Pollock. Þeir segja okkur frá þessari mögnuðu plötu sem kom út árið 1980 – fyrir 45 árum – og markaði nýtt upphaf í tónlistarlífinu og menningunni á íslandi. Utangarðsmenn er hljómsveitin sem Bubbi sló í gegn með og hljómsveitin sem kveikti neistann sem varð á endanum kvikmyndin Rokk í Reykjavík – og svo framvegis og svo framvegis.

Rokkland er 30 ára í ár og af því tilefni verða nokkrir eldri þættir endurfluttir á Rokklands-tímanum í sumar. Þáttur dagsins er frá 3. Júlí árið 2011 og var sendur út beint frá Roskilde festival, en Hróarskelduhátíðin fer einmitt fram núna í vikunni og um næstu helgi.

Bubbi Morthens er maður dagsins í Rokklandi en hann ætlar ekki að segja margt sjálfur í dag. Við eigum öll okkar uppáhalds Bubba – hann er búinn að vera yfir og allt um kring síðan við vorum börn svo mörg – hann er alltaf þarna- eins og Esjan. Stundum finnst okkur hann frábær og stundum kannski ekki - en við höfum alltaf skoðun á honum – alveg eins og hann hefur skoðun á öllu. Eiríkur Örn Norðdahl skrifaði skemmtilegan pistil á Facebook í gær: "Tónlistina þarf ekkert að ræða. Hún er fyrir löngu handan þess að vera góð eða slæm – við debaterum ekki klassíkina –hún er einsog norðanáttin og sumarsólin, óaðskiljanlegur hluti af tilverunni hér". Rokkland vikunnar er þannig að samferðafólk Bubba – gamlir samstarfsfélagar og nýjir, og vinir eins og Guðmundur Pétursson, Jakob Smári Magnússon, Jón Óskar, Elín Hall, Ragga Gröndal, Ólafur Egill og Esther Talía, Þorleifur Guðjónsson, Stefán Jón Hafstein, Sigrún Stefánsdóttir, Halldór Gunnar Pálsson, Inga Sólveig, Silja Aðalsteinsdóttir og Halla Tómasdóttir forseti íslands segja okkur frá sínum Bubba – Bubbi og ég - Bubbi og við.

Gestur Rokklands þessa vikuna er enginn annar en píanósnillingurinn OKKAR – Víkingur Heiðar Ólafsson En Víkingur Heiðar er með 2 og hálfa milljón hlustenda á mánuði á Spotify - hann ferðast um heiminn þveran og endilangan og spilar í glæsilegustu tónleikahúsum heims – Carnegie Hall – Royal Albert Hall- og svo framvegis. Hann býr á Seltjarnarnesinu - spilar yfir 100 tónleika á ári í útlöndum - er dáður og virktur – gefur út hjá elsta plötufyrirtæki heims – hinu virta Deutche Grammophone. Hann hefur komið fram hjá Jools Holland á BBC – var í löngu viðtali hjá upptökustjóranum Rick Rubin fyrir skemmstu og þannig mætti lenggi halda áfram. Víkingur Heiðar er stórstjarna – og ekki bara í útlöndum vegna þess að við landar hans erum líka afskaplega hrifin af honum. Hann er að spila í Eldborg í Hörpu í næstu viku – þrisvar sinnum – miðvikudag – skírdag og laugardaginn fyrir páska. Hann gaf sér tíma til að koma í upptöku fyrir Rokkland í stúdíó 12 í stuttu stoppi hérna heima - hann stoppaði í tæpa tvo sólarhringa – var að koma frá París þar sem hann var að spila – og var á leiðinni til Bandaríkjanna til að spila nokkra tónleika – áður en hann kom svo aftur heim – og hann var veikur. Undir lok þáttarins förum við svo í Hljóðrita í Hafnarfiði og hlustum á Vintage Caravan ásamt Tómasi Jónssyni og Eyþóri Inga spila og syngja Deep Purple – en þeir eru með tónleika í Eldborg og Hofi núna í apríl þar sem þeir ætla að spila Deep Purple – og ég get sagt ykkur að það er ekki hægt að gera það betur en þeir gera það. Frábærir!

Það er sunnudagur í aðventu í dag og Rokkland dagsins ber þess merki. Við komum aðeins við í aðventugleði Rásar 2 sem fór fram á föstudaginn – heyrum í Páli Óskar og Benna Hemm Hemm sem fluttu meðal annars lagið hans Magga Eiríks, Gleði og friðarjól. Ólöf Arnalds var að senda frá sér plötuna Spíru á föstudaginn. Spíra er fimmta platan hennar og sú fyrsta sem er öll sungin á Íslensku síðan fyrsta platan, Við og við kom út 2007. Ólöf Arnalds kemur í heimsókn í seinni hluta þáttarins en fyrri hlutinn er að mestu helgaður plötuni Majones jól sem kom 2006 en var að koma út á vinyl í fyrsta skipti í vikunni. Bogomil Font og Samúel Jón Samúelsson rifja upp hvernig það vildi til að þessi plata kom út.

ROKK GEGN HER voru tónleikar eða listahátíð sem ungt fólk stóð fyrir í Laugardalshöll í september fyrir 45 árum síðan. Unga fólkið sem stóð fyrr þessu var úr röðum herstöðvarandstæðinga – friðarsinna sem vildu losna við bandaríska herinn af keflavíkurflugvelli í nafni friðar – sögðu að herstöðin í Keflavík virkaði hreinlega eins og segull fyrir kjarnorkusprengjur – á marga vegu. Þeir Sveinn Rúnar Hauksson og Tolli Morthens sem voru í fararbroddi fyrir þessa tónleika koma í heimsókn og rifja þá upp. En Árný Margrét sem er að fara að halda sín lengstu sóló-tónleika á Íslandi kemur líka í heimsókn. Hún er líka að fara að gefa út nýja útgáfu af plötunni sinni I miss you – I do - og þar að auki er hún að fara í tónleikaferð um Bandaríkin með Of Monsters And men. Byrjar í október og verður allan nóvember.

Hildur Vala er aðalgestur Rokklands í dag - hún hélt upp á 20 ára tónlistarafmæli með tónleikum í Salnum laugardaginn fyrir viku. Það eru 20 ár síðan hún bar sigur úr býtum í annari Idol stjörnuleitinni og varð landsþekkt á augabragði. Síðan eru liðin 20 ár - hún er að vinna í fjórðu stóru plötunni og hún á líka fjögur börn sem komu í heiminn á þessum 20 árum. Hildur Vala er tónlistarkennari við FÍH í dag og hefur látið til sín taka í KÍTÓN. Það er um nóg að tala. Páll Óskar og Benni Hemm Hemm koma aðeins við sögu, líka Atli Þór Matthíasson sem fer í Rock´n roll trip á sumrin sem hann er allan veturinn að undirbúa. Og svo eru 30 ára afmælistónleikar Rokklands í Hofi á Akureyri 1. nóvember - við skoðum það aðeins.

Í Rokklandi dagsins/vikunnar kemur Daníel – Danny Pollock í heimsókn, en hann er búin að vera forstöðumaður TÞM Tónlistarþróunarmiðstöðiní meira en 20 ár á Grandanum í Reykjavík. Þar æfa um það bil 40 hljómsveitir alla daga í 15 æfingaherbergjum en nú er uppnám í tónlistarborginni Reykjavík vegna þess að TÞM missir húsnæðið í lok apríl og hvað þá? Við ætlum að spjalla um TÞM og líka gömlu hljómsveitina hans Danna, Utangarðsmenn - og útrásardrauma þeirra sem voru sannarlega til staðar fyrir 45 árum síðan. Og núna fyrir síðustu jól kom plata Utangarðsmanna – Geislvirkir út í viðhafnarútgáfu með aukaplötu sem er öll sungin á ensku. Europe´s Biggest Gig er sameiginlega útvarpsútsending 5 Evrópskra útvarpsstöðva sem átti sér stað síðasta þriðjudag og gengur út á að kynna nýja tónlist frá þessum 5 sömu löndum fyrir útvarpshlustendum þessarara sömu landa - 5 listamenn/hljómsveitir sem spiluðu LÆV í stúdíóum þessara fimm útvarpsstöðva sem voru BBC Radio One, RTÉ 2 á Írlandi, WDR 1 í þýskalandi og Antenna 3 í Portúgal. Okkar listamaður – þeas okkar Íslendinga og Rásar 2 var Spacestation Hver stöð fékk hálftíma til umráða og við heyrum okkar hluta af þessu prógrammi í Rokklandi.

Bob Dylan á afmæli - hann er 85 ára í dag og þess vegna er Rokkland vikunnar helgað honum og hans músík. Bob Dylan er einn merkasti tónlistarmaður sögunnar og ég er búinn að vera aðdáandi síðan ég var 15 ára eða þar um bil. Hann var hafinn upp til skýjanna af ungu fólki um allan heim þegar hann kom fram fyrst fyrir meira en 60 árum – rétt rúmlega tvítugur spámaður með gítar sem söng fyrst og fremst um óréttlæti heimsins og illsku mannanna. Hann olli mörgum miklum vonbrigðum þegar hann fór af þeirri braut nokkrum árum síðar og fór að spila einskonar Bítlarokk – syngja illskiljanlega texta – og líka um ástina. Síðan þá hefur margt gerst og Dylan hefur verið meira og minna á tónleikaferðalagi í næstum 40 ár – hann er t.d. að spila í allt suma í Bandaríkjunum. Plöturnar eru margar eins og raddirnar og karekterarnir sem hann hefur sýnt okkur gegnum tíðina. Hver er hann eiginlega þessi maður? Guðmundur Andri Thorsson er Dylan maður og hann er gestur Rokklands á morgun. Guðmundur þýddi sjálfsævisöguna Chronicles sem kom út fyrir nokkrum árum og þar er í bókarlok viðauki frá Guðmundi Andra – lagalisti sem hann setti saman. Við skoðum hann í Rokklandi og förum hingað og þangað.

Það er fyrsti í aðventu í dag og við verðum í aðventufötunum í seinni hluta Rokklands í dag – heimsækjum Jonna í Reyjavík record Shop á Klapparstígnum og hann velur fyrir okkur 5 jólalög sem passa fyrir fyrsta í aðventu og heyra aðeins um búðina hans og hvað hann er að gefa út líka. Svo er það Pétur Ben og nýja platan hans sem heitir Painted Blue, þriðja sólóplatan hans á 19 árum. Pétur hefur líka samið tónlist fyrir kvikmyndir og sjónvarpsþætti – td. Kvikmyndina Málmhaus og þáttaröðina Fangar og Pétur hlaut Edduverðlaun fyirr hvort tveggja. Hann hefur unnið líka sem upptökustjóri – útsetjari og gítarleikari fyrir hina og þessa - Nick Cave og Warren Ellis, Mugison, Efterklang, Oyama, Slowblow, Valdimar, Sóley, Amiina, Lay Low og Emiliönu Torrini og Bubba. Svo minnumst við Jimmy Cliff sem lést síðasta mánudag – 81 árs, en Jimmy Cliff er einn af merkisberum Reggí-tónlistarinnar og á stóran þátt í því að fólk opnaði eyrun fyrir reggí-músíkinni frá Jamaíka.

Rokkland vikunnar er endurtekið frá 8. júní 2003 og í brennidepli er hljómsveitin Radiohead og platan Hail to the thief sem kom út 9. júní 2003. Radiohead tilkynnti núna í vikunni að það væri tónleikaferð framundan um nokkur Evrópulönd.

Rokkland er 30 ára í ár og af því tilefni verða nokkrir eldri þættir endurfluttir á Rokklands-tímanum í sumar. Þátturinn sem við heyrum núna er frá 31. Ágúst 2014 og maður dagsins er Karl J. Sighvatsson – orgel og hljómborðs-séníið Kalli Sighvats - Skagamaðurinn Kalli sem var lykilmaður í öllum helstu hljómsveitunum þegar rokkið var að slíta barnsskónum á Íslandi. Hann var í Dátum, Flowers, Náttúru, Trúbroti og Þursaflokknum – og spilaði eftir það inn á fjölda platna með hinum og þessum....þar á meðal Utangarðsmönnum og Mannakorni. Kalli er einn merkasti og flinkasti tónlistarmaður sem íslendingar hafa átt –sannkallað séní, en kalli var bara 40 ára gamall þegar hann lést í bílslysi á Hellisheiðinni sumarið 1991.

Steinar Berg Ísleifsson hlaut á dögunum heiðursverðlaun Íslensku tónlistarverðlaunanna fyrir ævistarf sitt sem er langt og umfangsmikið. Steinar var áratugum saman einn mikilvægasti maðurinn í tónlistarlífinu á Íslandi. Hann var útgefandi sem gaf út plötur með flestum helstu stjörnum íslensks tónlistarlífs: Stuðmenn, Spilverk þjóðanna, Þú og ég, HLH flokkinn og Björgvin, Laddi, Start, Jóhann Helgason, Eiríkur Hauksson, Mezzoforte, Bubbi Morthens, Utangarðsmenn, Egó, Greifarnir, Todmobile, Nýdönsk, Sálin hans Jóns míns, Bjartmar Guðlaugsson, Stjórnin, Jet Black Joe, Maus, Bang Gang, Ragga Gröndal og svo framvegis. Steinar Berg er gestur Rokklands þessa vikuna.

U2 fær stærsta plássið í Rokklandi vikunnar en þessi gamla og merkilega hljómsveit frá Dublin sem á hvorki meira né minna en 50 ára afmæli í ár sendi algjörlega óvænt frá sér sér 6 laga plötu á Öskudag sem heitir einmity Days of Ash. Þessi plata er mikil fríðar-pólitík og ekki veitir okkur nú af þessa dagana en að berjast fyrir friði – tala fyrir honum og syngja um hann. U2 aðdáendur skoða plötuna með umsjónarmanni lag fyrir lag: Hildur Eir Bolladóttir prestur á Akureyri, Jón Knútur Ásmundsson á Reyðarfirði, Illugi Jökulsson, Helga Vala Helgadóttir og Arnar Eggert Thoroddsen. Svo ætlum við að skoða Fela Kuti sem hlaut dögunum Grammy verðlaun fyirr avistarfið - Lifetime Achievement Award fyrstur Afríkumanna og næstum 30 árum eftir að hann lést. Við beinum sjónum að Elvis myndinni sem er verið að sýna í kvikmyndahúsum í borginni þessa dagana – td. í kvöld. Baz Luhrman gerði þessa mynd sem er byggð upp á áður óséði efni frá árunum 1970-1972 að mestu. Olivia Dean var sigursælust á Bresku tónlistarverðlaununum (Brit Awards) sem voru afhent í Manchester í gærkvöldi. Björk var á svæðinu og steig á svið með vinkonu sinni Rosaliu sem hluta verðlaun sem „alþjóðlegur listamaður ársins“.

Sykurmolar tengja Rokkland vikunnar saman! Ein af plötum síðasta árs er platan hans Kaktusar Einarsson – Lobster Coda. Hún var tilnefnd til Íslensku tónlistarverðlaunanna í flokknum plata ársins - Kaktus er sonur Einars Arnar Sykurmola. Rokkland hitti Kaktus á Eurosonic Festival í Hollandi fyrr á árinu og átti við hann gott spjall sem við heyrum í seinni hluta þáttarins í dag og tónlistin af Lobster Coda er í forgrunni. En í fyrri hlutanum er það strórstjarnan Rosalía frá Spáni og nýja platan hennar LUX sem er mikið masterpís. Sykurmolinn Björk er ekki bara ein helsta fyrirmynd Rosaíu heldur líka gestur á plötunni. Og Daníel Bjarnason er í stóru hlutverki á þessari mögnuðu plötu, hann stjórnaði London symphony Orchestra á plötunni og hann er gestur Rokklands í dag.

Rokkland vikunnar er endurfluttur þáttur frá 7. nóvember 2010 og hann var settur saman úr brotum úr ýmsum þáttum frá fyrstu 15 árum Rokklands. Við sögu koma t.d. Oasis, Björk, U2, Strokes, White Stripes, Beatles, Rolling Stones, Led Zeppelin, Hróarskelduhátíðin, John Lennon, Neil Young, Coldplay, Wilco, Micahel Jackson, Blur og Jeff Buckley.

Rokkland vikunnar fjallar um Brian Wilson leiðtoga Kaliforníu-hljómsveitarinnar Beach Boys og meistaraverk hans og sveitarinnar, plötuna Pet Sounds, en Brian Wilson féll frá á dögunum. Brian Wilson er einn af stærstu meisturum popp og rokksögunnar. Hann er .t.d. maðurinn sem Paul McCartney segir að sé séní, og Gunni Þórðar segir það líka. Paul hefur sagt að Brian Wilson hafi haft áhrif á sig bæði sem lagasmið og bassaleikara. Áhrif Pet Sounds plötunnar sem er ellefta breiðskífa Beach Boys leyna sér ekki í rokksögunni og poppfræðingar segja að það megi greina þau t.d. hjá sveitum og listamönnum eins og Fleet foxes, Of Montreal, Neutral Milk Hotel, Apples in Stereo, R.E.M. meira að segja My Bloody Valentine, Animal Collective, Radiohead og Bítlunum. Allt eru þetta lærisveinar Brians Wilson, eins og Gunni Þórðar sem er gestur þáttarins, en hann var lykilmaður í vinsælustu hljómsveit Íslands (Hljómum) þegar Beach Boys kepptust um hylli æskunnar í heiminum ásamt Bítlunum. Brian Wilson segir líka sjálfur frá í þættinum. Hann er á þeirri sköðun eins og Gunni Þórðar og flestir, að Pet Sounds sé besta plata Beach Boys. Þátturinn var áður á dagskrá í september 2016.

Hafdís Huld kemur í heimsókn og spjall en hún sendi frá sér plötuna Darkest night í fyrra. Hafdís er svo eiginlega alltaf mest spiluð á Spotify á Íslandi – platan hennar Vögguvísur sem kom út 2012 er yfirleitt öll inn á top 50. Marianne Faithful og Dolly Parton koma aðeins við sögu, og Múr sem var valin bjartasta vonin á íslensku tónlistarverðlaununum í vikunni sem leið, líka Spacestation sem fékk verðlaun fyrir ROKK-lag ársins, og svo er það Supersport sem fékk verðlaun fyrir ROKK-plötu ársins. Rokkland spjallaði við Bjarna Daníel úr Supersport á Eurosonic festival í Hollandi í janúar. Rokkland er 30 ára í ár.

Aðventugleði Rásar 2 fór fram föstudaginn 5. desember – var send út beint hér á Rás 2 og á RUV 2. Við fengum fjölda af frábæru tónlistarfólki í heimsókn allan daginn: Jazzkonur, Margrét Eir mætti með kór og hljómsveit, Vitringarnr þrír komu í heimsókn með svaka band, Dóra og Döðlurnar. Við vorum með atriði frá Akureyri – Svavar Knút og Jónínu Björt, og svo komu Páll Óskar og Benni Hemm Hemm líka í heimsókn.

Stuðmenn héldu upp á 50 ára afmæli meistaraverksins Sumar á Sýrlandi í Eldborg tvisvar á laugardaginn. Rokkland var á svæðinu á fyrri tónleikunum og ræddi við Stuðmenn og konur. Rokkland var líka á svæðinu í Austurbæ á föstudaginn þegar glaðasti trommari íslandssögunnar – Jón Geir Jóhannsson trommari úr Skálmöld – Ampop og fleiri sveitum hélt upp á 50 ára afmæli sitt, – með tónleikum þar sem 6 af hljómsveitum Jóns Geirs spiluðu fyrir fullu húsi.

Í Rokklandi vikunnar kynnumst við hinum 34 ára Jesse Welles sem ætlaði sér alltaf að verða tónlistarmaður en gafst svo upp þegar ekkert gekk fyrir nokkrum árum og flutti aftur heim til Ozark í Arkansas. Það var svo þegar hann sat við hlið föður síns sem hafði fengið hjartaáfall - á sjúkrahúsi – sem hann ákvað að halda áfram í músíkinni en skipta um aðferð. Síðan 2024 hefur Jesse Welles gefið út 8 plötur og honum er líkt við ungan Bob Dylan. Í einu nýjasta laginu hans (No Kings) syngur Joan Baez með honum. Við kynnumst Jesse Welles í Rokklandi vikunnar og Bubbi Morthens leggur orð í belg. Við förum líka á Eurosonic festival í Hollandi og hittum þar Maríu Rut Reynisdóttur framkvæmdastjóra Tónlistarmiðstöðvar Íslands og þá Kára og Haukur úr hljómsveitinni MÚR sem spilaði á hátíðinni og er á hraðri siglingu út í heim þessa dagana.

Bruce Springsteen og Donald Trump koma aðeins við sögu í Rokklandi vikunnar - en forsetinn sagði á Truth Social um daginn að hann hefði aldrei verið hrifinn af Bruce eða hans músík og hans róttæku vinstri pólitík. Hann væri hæfileikalaus ýtinn asni sem hafi stutt Crooked Joe Biden – þann heilalausa hálfvita – versta forseta sögunnar. Við skoðum þetta aðeins og hvað varð til þess að forsetinn skrifaði svona um Bruce sem hann hélt uppá í eina tíð amk. Svo er það U2 - Bono og Joe Rogan – Bono heimsótti Joe Rogan á dögunum og sumir segja að Rogan hafi „grillað“ lágvaxna söngvarann frá Dublin. U2 hlaut á dögunum heiðursverðlaun Ivor Novello og við það tilefni spiluðu allir 4 liðsmenn U2 opinberlega saman í fyrsta sinn í 5 ár. Það er ný U2 plata á leiðinni. Susanne Vega var að senda frá sér nýja plötu sem við skoðum aðeins en fyrri hlutinn fer í restina af ferðasögu Þeirra Gulla og Finnboga um Bandaríkin. Í síðasta þætti sem hægt er að hlusta á á ruv.is og í RÚV spilaranum (appinu) voru þeir í Memphis og Nashville, heimsóttu Elvis, Sun, Stax ofl. Þeir enduðu sitt langa ferðalag (5800 km) í Chicago og Minneapolis Þar sem þeir heimsóttu blús-útgáfuna Chess Records og heimavöll Prince – Paisley park.

Rokkland vikunnar er endurfluttur frá 13. nóvember 2005 og viðfangsefnið er þá - 60 ára Neil young. Hann var nýbúinn að senda frá sér plötuna Praire Wind.

Rokkland er 30 ára í ár og af því tilefni höfum við verið að endurflytja gamla þætti í sumar. Rokkland stendur heldur betur undir nafni í dag vegna þess að við heyrum brot úr tveimur þáttum þar sem eru í aðalhlutverki tvær magnaðar og frábærar ROKK-hljómsveitir; Utangarðsmenn og Oasis. Í seinni hlutanum heyrum við brot úr þætti 176 (21. mars 1999) þegar Utangarðsmenn komu saman í fyrsta skipti síðan 198, en hljómsveitin skrapp með miklum hvelli. Þeir fóru í tónleikaferð um Ísland sumarið 2000, enduðu í Laugardalshöll og svo sprakk allt aftur. Í fyrri hlutanum rifjum við þátt frá 9. september 2019, Þátt 1152 - sem fjallar um Oasis og plötuna Definitely Maybe sem þá var 25 ára.

Í Rokklandi vikunnar förum við í ferðalag að rótum rythmans með tveimur gömlum vinum og tónlistaráhugamönnum sem hafa safnað músík – plötum og diskum síðan þeir voru börn – eiga óheyrilegt magn af plötum – hafa klikkaðan áhuga á músík – og annar þeirra á græjum lika – hljómflutningstækjum – og báðir safna þeir fyrst og fremst geisladiskum – segja að það sé besta formatið og sándið. Þetta eru þeir Finnbogi Marinósson og Gunnlaugur Sigfússon sem eiga það líka sameiginlegt að hafa gert þætti fyrir Rás 2. Gulli gerði 4 þætti um sögu Stax útgáfunnar í Memphis í fyrra og var þar áður í Plötuskápnum á föstudagskvöldum. Finnbogi leysti Gest Einar jónasson stundum af á sínum tíma með Hvíta máva. Þeir Finnbogi og Gulli fóru í ferð til USA – músíkferð – að Rótum rytmans. Þeir ferðuðust gegnum 12 af ríkjum bandaríkjunum - keyrðu c.a. 5800 km á 20 dögum og viðkomustaðir voru: Suður Karólína - Georgía - Norður Karólina - Alabama - Tennessee - Mississippi - Kentucky - Ohio - Michigan - Illinois - Wisconsin - Minnesota. Þeir Gulli og Finnbogi segja frá í Rokklandi -

Í Rokklandi vikunnar heyrum við söguna á bakvið eitt af lögunum sem verða flutt á 30 ára afmæli Rokklands í Hofi á Akureyri 1. Nóvember – þar sem SinfoníaNord – todmobile bandið og fjöldi frábærra söngvara flytja haug af frábærum lögum, lagið The Trooper eftir Iron Maiden. ABBA kemur við sögu en Rokkland var í London um síðustu helgi á ABBA Voyage í ABBA Arena og var hann Ray sem er búinn að fara 24 sinnum á ABBA Voyage, en Ray er búinn að vera aðdáandi síðan hann var 13 ára, í næstum hálfa öld. Hann sá ABBA á sviði í gamladaga og hitti hljómsveitina þegar hún kom til Englands. En Robert Plant söngvari Led Zeppelin er í aðahlutverki í Rokklandi vikunnar. Hann er orðinn 77 ára og var að senda frá sér plötuna Saving Grace. Við förum yfir árin 40+ sem hafa liðið eftir að Led Zeppelin lagði upp laupana.

Í Rokklandi vikunnar heyrum við söguna á bakvið eitt af lögunum sem verða flutt á 30 ára afmæli Rokklands í Hofi á Akureyri 1. nóvember – þar sem SinfoníaNord, Todmobile bandið og fjöldi frábærra söngvara flytja haug af frábærum lögum. Við heyrum líka um endurkomu Oasis en Rokkland var á lokatónleikum Oasis í Bretlandi 28. september sl. á Wembley Stadium. Rokkland kom líka við í einum sögufrægasta rokkklúbbi breta í Oasis ferðinni – 100 Club þar sem Oasis spilaði einu sinni – og Kinks og Who, Rolling Stones, Jimi Hendrix, Muse, Cure ofl. 320 manna staður við Oxford Street númer 100. Sama fjölskyldan hefir rekið staðinn í næstum 70 ár. Eyrarrokk er rokkhátíð eins og nafnið gefur til kynna sem fór fram í fimmta sinn á Akyreyri á dögunum á Eyrinni. Rögnvaldur gáfaði er einn af skipuleggjendum og Rokkland heimsótti hann og Bigg Maus sem er einn af þeim sem spilaði á hátíðinni í ár.

Dúettinn GG Glús var að senda frá sér plötuna Make it right sem er önnur stóra platan þeirra og í raun einskonar systurplata plötunnar Punch sem kom út 2019. GG Blús er tveggja manna blúshljómsveit – skipuð þeim Gumma trommara og Gumma gítarleikara sem syngja báðir og svo eru þrjár konur gestir á plötunni, Brynhildur Oddsdóttir, Bryndís Ámundsdóttir og Unnur Birna Björnsdóttir. Þeir Gummi og Gummi koma í heimsókn í Rokkland. Pétur Ben var með tónleika í Iðnó á fimmtudaginn en undanfarin 11 ár hefur hann eingöngu sent frá sér 2 ný frumsamnin lög, og það nýjasta; Painted blue pt. 2 kom út í vikunni. Pétur kemur í heimsókn. Dóra og Döðlurnar kepptu í Músíktilraunum í ár í fjórða sinn. Þær ætluðu að vinna, en það gekk ekki eftir. Þær sendu nýverið frá sér lagið Leyndarmál og eru að spila hér og þar í sumar. Þungarokkshljómsveitin Sleep Token frá London er leyndardómsfull og áhugaverð hljómsveit. Sleep Token var að senda frá sér plötu númer fjögur og hún fór beina leið í toppsæti Breska vinsældalistans núna í vikunni. Við kynnumst Sleep Token aðeins í Rokklandi vikunnar og minnumst Chris Cornell úr Soundgarden og Audioslave, en hann lést þennan dag – 18. Maí fyrir 8 árum.

Borgarlistamaður 2025 – Ragga Gísla er gestur Rokklands þessa vikuna. Ragga úr Grýlunum og Stuðmönnum sem er búin að gleðja okkur Íslendinga með söng og músík og frumleigheitum ýmiskonar. Og Ragga á sér svo margar hliðar en hún er alltaf í tengingu við sjálfa sig. Hún veit hvað hún vill og er með stíl sem hefur einnkennt hana í áratugi. Ragga er söngkona/tónlistarmaður/tónmenntakennari/Stuðmaður/tónskáld/Grýla og svo margt fleira. Ragga er fyrirmynd kvenna í músík og kvenna almennt - hún stofnaði fyrstu kvennahljómsveitina á Íslandi og hún er mikill jafnréttissinni. Rokkland vikunnar er RögguRokkland!

Atli Örvarsson sagði skilið við hljómsveitalífið á Íslandi fyrir rúmum 30 árum – hætti í Sálinni hans Jóns Míns sem þá var vinsælasta hljómsveit landsins og fór til Ameríku í nám í hinum virta Berklee tónlistarháskóla með höfuðáherslu á kvikmyndatónlist. Í beinu framhaldi kláraði hann mastersnám í North Carolina School of Arts. Síðan þá hefur hann samið og útsett tónlist fyrir kvikmyndir og sjónvarpsþætti sem við þekkjum flest – og Atli Örvarsson er í dag eitt eftirsóttasta kvikmyndatónskáld í heims. Hann hefur hlotið allskyns viðurkenningar - verið tilnefndur til Grammy verðlauna og fyrir tveimur árum hlaut hann Bafta verðlaun fyrir tónlistina í sjónvarpsþáttunum Silo sem sýndir eru á Apple TV+. Atli er líka einn af sigurvegurum Músíktilrauna – sigraði 17 ára með Stuðkompaníinu sem hann var ásamt Kalla bróður sínum og fleiri strákum frá Akureyri. Lukkan hefur verið í liði með Atla – honum hefur gengið alveg ótrúlega vel, en hvað er þetta mikið lukka og hvað mikið af allt öðru? Við ætlum að kynnast Atla Örvarssyni í Rokklandi í dag – hann segir sjálfur sögu sína en hann verður á sviðinu í Hofi á Akureyri á skírdag með SinfoniuNord – stjórnar hljómsveitinni og músíkin er öll eftir hann.

Í Rokklandi vikunnar kynnumst við Jarðfræðiprófessornum Ívari Ben sem var að senda frá sér sína fyrstu plötu – og á vinyl. Hann er búinn að vera að búa til lög árum saman en svo vatt þetta upp á sig og nú er komin út plata. En í fyrri hluta þáttarins kynnumst við Bad Bunny sem vakti mikla athygli fyrir skemmtiprógrammið sem boðið var upp á í hálfleik á Superbowl í bandaríska fótboltanum síðasta sunnudag – Ofurskálinni. Þetta 13 mínútna skemmtiatriði Bad Bunny frá Puerto Rico hefur skipt fólki í fylkingar og einn af þeim sem er óánægður er foringinn í hvíta-húsinu í Bandaríkjunum sem sagði á samfélagsmiðlinum sínum að þetta atriði hafi verið eitt það versta frá upphafi skemmtiatriða á Superbowl og móðgun við mikilleika Bandaríkjanna. Þá hafi dansatriðin verið ógeðsleg, sérstaklega fyrir börnin sem horfðu á. „það skilur enginn orð af því sem þessi gaur segir“ sagði hann líka – en hann söng á spænsku sem er hans tungumál og móðurmál eins og c.a. 45 milljóna bandaríkjamanna – c.a. 13% bandarísku þjóðarinnar.

Egill Ólafsson kemur aðeins við sögu í Rokklandi í dag, Steindór Andersen sem lést núna á dögunum – mikill heiðursmaður – vann mikið með Sigur Rós – einn helsti kvæðamaður Íslands undanfarna árutugi – Soffía Björg Óðinsdóttir – Teitur Magnússon – Mark Knopfler – allskonar – splunkuný músík og eldri. En við heyrum líka á eftir í Karli Hallgrímssyni sem er Meistaranemi í stjórnun menntastofnana, en hann er búinn að vera að vinna að rannsókn um hvaða svipmyndir af skólastarfi og hvaða viðhorf til náms og menntunar birtast í textum íslenskra dægurlagatextahöfunda? Hann er búinn að gera tvo þætti um málið fyrir Rás 2 – sá fyrri er á ruv.is og í spilaranum og seinni er á dagskrá 1. Maí.

Bítlarnir eru besta hljómsveit sögunnar og John mikilvægasti Bítillinn. Já þetta eru sannarlega fullyrðingar en höfum þetta svona í dag. Og ég ætla að bæta um betur og segja: jólalag Lennons – Happpy Christmas - War is over er hugsanlega og líklega og jafnvel það Bítlalag (köllum það Bítlalag) sem á eftir að lifa lengst allra Bítlalaga. Við köfum við tilurð lagsins í Rokklandi dagsins og skoðum hvaðan það kom - og hvað var að gerast í lífi Bítlastrákanna á þessum tíma rétt eftir að hljómsveitin lagði upp laupana árið 1970-1971. Við kíkjum líka á Akranes og hittum þá Jón Jónsson, KK, Mugison og Þorleif Gauk í Bíóhöllinni á Akranesi, en þeir komu við þar rétt fyrir jól.

Rósa Guðrún Sveinsdóttir kemur í heimsókn með splunkunýja plötu sem heitir Drangar. Hafdís Huld Þrastardóttir kemur aðeins við sögu – en meira í næsta þætti eftir viku. Mikael Máni Ásmundsson kemur aðeins við sögu – hann er á tónleikaferðalagi um landið. Við heyrum lögin sem tilnefnd eru til ÍTV í flokknum Önnur tónlist – og rifjum upp þegar Bubbi Morthens mætti í Morgunútarpið á Rás 2 árið 1986 og frumflutti lag sem heitir Aldrei fór ég suður. Og það er fleira. Rokkland er 30 ára í ár.

Rokkland í dag - The Icelandic Pop Orchestra sem fór í Abbey road til að taka upp plötu. Útgáfutónleikarnir eru á sama tíma og þátturinn (sunnudagur 2. mars kl. 16.00). Í þessari stóru hljómsveit eru t.d: Þórir Baldursson, Tryggvi Hübner, Björn Thoroddsen, Lýður Árnason og Vignir Jóhannsson. Þeir Vignir og Lýður eru gestir Rokklands í dag. Robert Flack kemur líka við sögu - Daníel Hjálmtýsson og Neil Young sem ætlar að spila í Evrópu í sumar.

Mugison er maður dagsins í dag. Hann hlaut Krókinn 2024 – viðurkenningu Rásar 2, fyrir framúrskarandi tónlistarflutning á árinu, eiginlega fyrir tónleikaferð ársins. 5. apríl í fyrra hélt hann tónleika í Súðavíkurkirkju – fyrstu tónleikarnir í 100 kirkjum í 100 póstnúmerum í fyrra, Tónleikaröðina kláraði hann í Hallgrímskirkju í Reykjavík skömmu fyrir jól, þá búinn að spila í 100 kirkjum í 100 póstnúmerum á rétt um níu mánuðum sem er magnaður árangur og skemmtilegt uppátæki. Mugison tók upp tónleika númer 97 í Hallgrímskirkju í Saurbæ, fyrir sig og Rás 2. Rokkland var á tónleikunum og tók Mugison tali fyrir og eftir tónleika. Við heyrum það og alla tónleikana í Rokklandi dagsins.

Í Rokklandi dagsins er rifjaður upp þáttur frá 2014 þar sem Stuðmennirnir Valli, Kobbi, Egill og Bjóla segja frá tiluðr plötunnar Tivoli sem er önnur plata Stuðmanna og kom út haustið 1976.

Tónlistarheimurinn hefur hreinlega farið á hliðina síðustu vikurnar eftir að David Bowie féll frá, 69 ára aða aldri. Fólk hefur keppst við að mæra hann, allskyns fólk, tjónrmálamenn og aðrir tónlistarmenn. Marilyn Manson lét t.d. hafa það eftir sér að líf hans hafi hreinlega breyst þegar hann heyrði plötuna Scary Monsters á sínum tíma. Plöturnar hans seljast sem aldrei fyrr og þessa vikuna á hann 5 af 10 mest seldu plötunum í Bretlandi. En ekki nóg með það heldur á hann 12 plötur á topp 40 og af 80 mest seldu plötunum á hann 18 stykki. Elvis er sá eini sem hefur átt 12 plötur í einu á topp 40, en það gerðist einmitt eftir að hann lést árið 1977. En svona lítur Bowie vinsældalistinn breski út þessa vikuna. 01 - BLACKSTAR (2016) 03 - BEST OF BOWIE (2002) 05 - NOTHING HAS CHANGED - THE VERY BEST OF DAVID BOWIE (2014) 09 - HUNKY DORY (1971) 10 - THE RISE AND FALL OF ZIGGY STARDUST (1972) 20 - ALADDIN SANE (1973) 27 - LOW (1977) 28 - "HEROES" (1977) 30 - DIAMOND DOGS (1975) 31 - THE NEXT DAY (2013) 32 - STATION TO STATION (1976) 36 - SCARY MONSTERS (1980) 42 - LET'S DANCE (1983) 43 - YOUNG AMERICANS (1975) 52 - THE MAN WHO SOLD THE WORLD (1970) 63 - PIN UPS (1973) 66 - LODGER (1979) 79 - SPACE ODDITY (1969) Í þessum öðrum þætti af þremur skoðum við tímabilið frá 1973 til 1987 í lífi Bowie, en á þessum árum var Bowie allt í senn; tilraunaglöð fyrirmynd, unglinga-ídol og rokkstjarna. Bowie segir sjálfur frá einu og öðru. Tony Visconti upptökustjóri og vinur kemur við sögu, en hann er einn nánasti samstarfsmaður Bowie frá upphafi og allt til enda. Hann var með honum á "fyrstu" plötunni ? Space Oddity 1969, The Man who Sold the World, Low, Heroes, Lodger, Scary Monsters and Super Creeps, Young Americans og líka á Black Star og plötunum þremur þar á undan. Mike Garson píanóleikari Bowie´s allar götur frá 1973 og þar til hann steig síðasta á svið verður á línunni í þættinum og talar um tímana þegar hann var með Bowie í Philadelphia að taka upp Young Americans og um Diamond Dogs túrinn ofl. Svana Gísladóttir sem býr í London og gerði myndböndin við lögin Black Star og Lazarus með Bowie stuttu áður en hann lést kemur líka við sögu, og eins Ragnheiður Hanson sem féll 13 ára gömul fyrir manninum og söngvaranum og stóð síðar að hans einu heimsókn til Íslands ? tónleikunum í Laugardalshöll 1996. Björn Jörundur úr NýDönsk segir frá í þættinum, en hann jeillaðist 8 ára gamall af David Bowie og það eina sem hann óskaði sér í afmælishjöf þegar hann var 9 ára var nýja platan frá David Bowie - platan Lodger. Fyrsti þátturinn um

....eins og listaverk í sjálfu sér. Við erum auðvitað að tala um David Bowie sem lést tveimur dögum eftir að varð 69 ára og sendi frá sér nýjustu plötuna sína - Black Star. Tónlist hefur svo mikil áhrif á okkur á allan mögulegan hátt, og þó svo David Bowie hafi ekki þekkt mig og þig ? þá þekktum við hann. Hann söng okkur í svefn og í stuð. Við höfum dansað með honum ? við sáum hann í bíó, sáum hann í Skonrokki og á MTV, heyrðum í honum í útvarpinu, sáum hann á tónleikum. Við fylgdumst með hans sí-kviku hreyfingum og dáðumst að honum í BRAVO og límdum myndir af honum upp á vegg á Akranesi, Akureyri og í Keflavík. Hann var vinur okkar....þó svo hann hafi ekki þekkt okkur...þannig. Í þessum fyrri þætti af tveimur skauta ég yfir síðustu 10 árin í lífi Bowie og síðan fyrstu árin. Bowie segir sjálfur frá einu og öðru, Tony Visconti upptökustjóri og vinur kemur við sögu, en hann er einn nánasti samstarfsmaður Bowie frá upphafi og allt til enda. Hann var með honum á "fyrstu" plötunni - Space Oddity 1969 og líka á Black Star. Svana Gísladóttir sem býr í London og gerði myndböndin við lögin Black Star og Lazarus með Bowie stuttu áður en hann lést kemur líka við sögu, og eins Ragnheiður Hanson sem féll 13 ára gömul fyrir manninum og söngvaranum og stóð síðar að hans einu heimsókn til Íslands - tónleikunum í Laugardalshöll 1996. Og svo er það auðvitað tónlistin - maður lifandi!