Vörumerki

Fatahönnuðurinn, verslunareigandinn og hlaðvarpsstjórnandinn Andrea Magnúsdóttir, konan á bak við Andrea by Andrea, er gestur okkar í þessum þætti. Við förum yfir vegferðina frá fyrstu skrefum hennar í fatahönnun og eigin rekstri yfir í að byggja upp vörumerki sem er orðið nátengt hennar persónulega vörumerki. Við tölum um sköpunarkraftinn, frelsið sem hún þarf til að vinna, reksturinn á bak við fallega heiminn og hvað þarf til að skapa upplifun sem fær viðskiptavini til að koma aftur. Við ræðum líka þróunina í verslunum almennt, fast fashion, hönnunarstuld og minnkandi virðingu fyrir hönnun. Þá segir Andrea frá erfiðu tímabili í lífi sínu þar sem breytingaskeiðið hafði mikil áhrif á líðan hennar, sköpun og vinnu. Og að sjálfsögðu förum við í hraðaspurningar þar sem Andrea þarf meðal annars að velja á milli útlits og þæginda og þarf að svara hverjum hún myndi.... ríða, giftast eða drepa. Önnur umræðuefni þáttarins eru meðal annars: Vegferð Andreu í tísku, hönnun og eigin rekstri Munurinn á vörumerkinu Andrea og persónulega vörumerkinu hennar Verslun vs. netverslun og breytt kauphegðun viðskiptavina Heildarupplifun kúnnans og hvað fær fólk til að koma aftur Hvað flokkast raunverulega sem góð kaup — verð, gæði eða hversu mikið flíkin er notuð? Útlit vs. þægindi og sterkt auga Andreu fyrir fagurfræði Starfsfólkskúltúrinn og hugsunin á bak við góða þjónustu Fullkomnunarárátta, persónulegar áskoranir og lífið á bak við vörumerkið -- 💛 Samstarfsaðilar VÖRUMERKIS eru Skór.is, Kristall Plús, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🎶Sérstakar þakkir fyrir hljóð og myndvinnslu: Eyþór Úlfar Þórisson 📲 Fylgdu okkur á Instagram @vorumerki

Vörurnar frá GoodGood eru fáanlegar í 31 landi og um 10.000 verslunum, þar á meðal hjá risum á borð við Walmart, Whole Foods, Kroger og Sprouts, og innan skamms bætist Target í hópinn. Færri vita þó kannski að þetta alþjóðlega vörumerki er alíslenskt. Garðar Stefánsson, forstjóri og meðstofnandi Good Good, og Lóa Fatou, framkvæmdastjóri rekstrarsviðs, eru gestir þáttarins og fara með okkur yfir ótrúlega vegferð vörumerkisins, sem hófst við lítið eldhúsborð í Hafnarfirði fyrir rúmum áratug. Í þættinum heyrir þú meðal annars um: Hvernig fyrsta Good Good sultan varð til úr umfram lager af sætuefni- og endaði sem metsölusulta á Amazon Hvernig „lítil“ verslunarkeðja reyndist vera 250 með verslanir, og varð stórt stökk inn á Bandaríkjamarkað Hvernig Good Good rataði í The Drew Barrymore Show – og hvað gerðist við söluna í kjölfarið. Mistökin, tollavesenið og stöðugu vandamálin sem fylgja því að byggja fyrirtæki á alþjóðlegum markaði. Hvernig teymið hugsar um vöruþróun, fókus og hvaða vörur eigi að halda áfram með. Hvernig Good Good ætlar sér að sækja enn lengra á bandaríska markaðinn, en þau eru nú þegar í topp tíu í sultum og númer þrjú í súkkulaðismjöri. Hvers vegna Nutella hefur í raun skapað tækifæri fyrir Good Good. Hvaða bragðtegundir þau myndu aldrei framleiða. Og hvers vegna lausnamiðað hugarfar skiptir öllu þegar „það er alltaf eitthvað vesen" Þetta er skemmtilegt, fróðlegt og hvetjandi spjall og sjaldgæft tækifæri til að skyggnast á bak við tjöldin hjá íslensku fyrirtæki sem á í viðskiptum við nokkrar stærstu verslunarkeðjur heims, og heyra hvað þarf í raun til að byggja vörumerki fyrir heimsmarkað. -- 💛 Samstarfsaðilar VÖRUMERKIS eru Skór.is, Kristall Plús, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🎶Sérstakar þakkir fyrir hljóð og myndvinnslu: Eyþór Úlfar Þórisson 📲 Fylgdu okkur á Instagram @vorumerki

Athafnakonan Sylvía Briem Friðjónsdóttir er annar stofnenda Steindal ehf., sem flytur inn og markaðssetur vörumerki á borð við Töst, El Taco Truck og Red Bull á Íslandi. Sylvía hefur víðtæka reynslu af sölu, markaðssetningu og þjálfun. Hún starfaði um árabil hjá Dale Carnegie og hlaut þar alþjóðlega viðurkenningu sem besti þjálfari heims. Hún hélt auk þess úti geisivinsæla hlaðvarpinu Normið, ásamt Evu Mattadóttur um fimm ára skeið.  Í þættinum ræðum við hvernig Steindal varð til og hvernig fyrirtækið stækkaði gríðarlega á örfáum árum. Við förum meðal annars yfir um hvernig hugmyndin að Töst og hvernig þeim tókst að landa Red Bull-umboðinu á Íslandi í harðri samkeppni við fimm mun stærri fyrirtæki. Sylvía er einlæg og talar ekkert í kringum hlutina, hún talar opinskátt um ADHD, tilfinninguna að passa ekki inn í rammann sem fylgir hefðbundnu vinnuumhverfi og hvernig hún hefur skapað sér starfsferil sem hentar hennar styrkleikum. Sylvía lýsir sjálfri sér sem „spretthlaupara, ekki langhlaupara“ í vinnu og ræðir mikilvægi þess að þekkja eigin mörk, vinnulag og orku. Sylvía og Emil, eiginmaður hennar, eiga saman þrjá drengi og reka jafnframt fyrirtækið saman. Hún segir frá því hvernig þau ná að sameina hjónaband, fjölskyldulíf og fyrirtækjarekstur, hvaða áskoranir fylgja því að vinna náið með maka sínum og hvað þau hafa lært á leiðinni. Við ræðum einnig af hverju Sylvía og Eva ákváðu að setja Normið í pásu á toppnum eftir fimm ár og hvers vegna það getur stundum verið jafn mikilvægt að vita hvenær á að stoppa og hvenær á að halda áfram. Við hlustun færð þú meðal annars: Hagnýt dæmi um áhættur, fjármögnun og erfiðar ákvarðanir• Lærdóm af svikamáli sem kostaði milljónir• Nýtt sjónarhorn á kvíða, hræðslu og hvernig hægt er að vinna í gegnum hana• Hreinskilna umræðu um mistök, vörur sem gengu ekki upp og glansmynd frumkvöðlastarfsins• Hvatningu til að þora að vera byrjandi og læra hlutina á leiðinni• Innsýn í mikilvægi innsæis, þrjósku og þrautseigju í rekstri• Skilning á því hvernig hjónaband, fjölskyldulíf og fyrirtækjarekstur geta farið saman• Sjónarhorn konu sem hefur þurft að standa með sér í karllægum atvinnugeira• Hugmyndir um hvernig hægt er að byggja starfsferil í kringum eigin styrkleika og orku• Innblástur til að þekkja eigin mörk og vita hvenær tími er kominn til að stoppa Sylvía er hreinskilin, einlæg og full af orku og deilir bæði sigrum og áföllum af mikilli einlægni. Þetta er þáttur fyrir alla sem eru að byggja upp eigið fyrirtæki, hafa upplifað að passa ekki inn í hefðbundinn ramma, standa frammi fyrir mótlæti eða vilja heyra sanna sögu af frumkvöðlastarfi, ekki bara glansmyndina sem birtist á samfélagsmiðlum. -- 💛 Samstarfsaðilar VÖRUMERKIS eru Skór.is, Kristall Plús, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🎶Sérstakar þakkir fyrir hljóð og myndvinnslu: Eyþór Úlfar Þórisson 📲 Fylgdu okkur á Instagram @vorumerki

Þóra Hrund Guðbrandsdóttir er frumkvöðull, markþjálfi, markaðsfræðingur, gusumeistari og annar stofnenda Munum- vörumerkis sem hófst sem dagbók en hefur síðan þróast í mun stærri sýn og samfélag í kringum heilsu og vellíðan. Í þættinum ræðum við hvernig hugmyndin að Munum varð til og hvernig dagbókin seldist í allt að 12.000 eintökum á ári, þrátt fyrir vantrú margra á verkefninu í upphafi. Þóra segir einnig frá útrásinni sem þær fóru af stað með, hvers vegna þær ákváðu að hætta við hana og hvað sú ákvörðun kenndi þeim um vöxt, metnað og mikilvægi þess að vita hvenær tími er kominn til að breyta um stefnu. Þóra ræðir einnig hvernig hún velur verkefni út frá gildunum sínum, hvers vegna hún hefur sagt nei við öruggari leiðum og frá risastóru verkefni sem hún stefnir á að koma í framkvæmd. Við hlustun færð þú meðal annars: Innsýn í hvernig hugmynd getur orðið að raunverulegu vörumerki Hagnýt dæmi um fjármögnun, vöxt og erfiðar ákvarðanir Lærdóm af útrás sem var stöðvuð og stefnunni breytt Nýtt sjónarhorn á hugrekki, ótta og eftirsjá Skilning á því hvernig gildi geta hjálpað þér að taka skýrari ákvarðanir Innblástur til að láta vaða, jafnvel þótt óttinn sé enn til staðar Þóra er stútfull af orku og hugmyndum og svo mikilli ástríðu fyrir verkefnunum sínum að það er ekki hægt annað en að fyllast innblæstri og  hrífast með. Þetta er þáttur fyrir alla sem eru með hugmynd í maganum, standa frammi fyrir breytingum eða finna að þeir þurfa meira frelsi, meiri gleði og/ eða skýrari stefnu í lífið. --- 💛 Samstarfsaðilar VÖRUMERKIS eru Skór.is, Kristall Plús, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🎶 Sérstakar þakkir fyrir hljóð og myndvinnslu: Eyþór Úlfar Þórisson 📲 Fylgdu okkur á Instagram @vorumerki

Þessi þáttur fangar kjarnann í því sem Vörumerki snýst um: að sjá vandamál, fá hugmynd að lausn...og framkvæma hana. Ásthildur Gunnlaugsdóttir var aðeins 26 ára þegar hún fékk hugmynd að lausn við vandamáli sem hún hafði sjálf glímt við í starfi sínu sem förðunarfræðingur. Úr þeirri hugmynd varð Mist & Co., íslenskt vörumerki sem gerir þrif á förðunarburstum einfaldari, fljótlegri og fallegri. Í þættinum ræðum við meðal annars: - Framleiðsluferlið og þær óvæntu áskoranir sem koma upp þegar hugmynd á að verða að alvöru vöru- Umbúðirnar og hversu stóru hlutverk þær gegna í upplifuninni af vörumerkinu- Hvernig kokteilskóli fjármagnaði fyrstu framleiðsluna- Fyrsta fundinn með Hagkaup, þar sem Ásthildur mætti með frumgerð sem var, að hennar eigin sögn, „basically blað“- Samfélagsmiðla, frumkvöðlalífið og uppbyggingu vörumerkis frá grunni, frá hugmynd og konsepti yfir í sölu og dreifingu.- Spennandi hluti framundan hjá Mist & Co.  Mist & Co. er þó ekki eina fyrirtækið sem Ásthildur hefur komið á laggirnar. Hún og kærasti hennar stofnuðu einnig Kokteilskólann og Reykjavík Cocktails, samhliða því að eignast tvö börn á síðustu árum. Þetta er þáttur fyrir alla sem vantar innblástur til að byrja, framkvæma og halda áfram, fullur af raunverulegum ráðum og innsýn í allt það sem gerist á bak við tjöldin þegar vörumerki verður til. Og já… þú vilt líklega fara að þrífa förðunarburstana þína eftir þennan þátt. 🫣🦠- 💛 Samstarfsaðilar VÖRUMERKIS eru Skór.is, Kristall Plús, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🎶Sérstakar þakkir fyrir hljóð og myndvinnslu: Eyþór Úlfar Þórisson 📲 Fylgdu okkur á Instagram @vorumerki

Andreas Aðalsteinsson hjá auglýsingastofunni Sahara veit sannarlega eitt og annað um markaðssetningu, ekki síst þegar kemur að samfélagsmiðlum. Hann fer yfir það sem virkar í dag: hvað grípur athygli, hvað skapar tengingu og hvað hjálpar vörumerkjum að vaxa. Umræðuefni þáttarins eru meðal annars: Er „branding vs. sala“ röng spurning? Af hverju segir fylgjendatala ekki alla söguna? Hvaða íslensku áhrifavaldar standa sig best? Hvernig nær maður athygli fólks á fyrstu 3 sekúndunum? Hvað gerir content áhrifaríkt? Skiptir rétta tilfinningin meira máli en „súpa dagsins“? Andreas hjálpar okkur að setja hlutina í samhengi þegar kemur að skilaboðum, samfélagsmiðlum, auglýsingum og vexti. Þetta er þáttur fyrir frumkvöðla, fyrirtækjaeigendur, markaðsfólk og alla sem hafa einhvern tímann hugsað: „Við þurfum að vera virkari á samfélagsmiðlum… en hvað eigum við eiginlega að gera?“ -- 💛 Samstarfsaðilar VÖRUMERKIS eru Skór.is, Kristall Plús, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🎶Sérstakar þakkir fyrir hljóð og myndvinnslu: Eyþór Úlfar Þórisson 📲 Fylgdu okkur á Instagram @vorumerki

Í þættinum fáum við Hjört Sigurðsson, gervigreindarsérfræðing og stofnanda Mynstra, til að útskýra AI á mannamáli. Tilgangurinn er að átta sig á hvernig venjulegt fólk, frumkvöðlar og fyrirtæki geta byrjað að nota gervigreind til að einfalda lífið og spara tíma.  Stjarna þáttarins er þó án efa Magnús, persónulegi gervigreindaraðstoðarmaðurinn hans Hjartar. Hann les og svarar tölvupóstum, fer yfir verkefnalista, gerir matarplan, tekur til á SharePoint….og skrifar ljóð í frítímanum. Við ræðum líka bréfaklemmu-heimsendaspána, hvort AI muni taka yfir störfin okkar, hvað fólk gerir ennþá betur en gervigreind og hvar mörkin liggja. Í þættinum lærir þú meðal annars: Hvernig þú getur byrjað að nota gervigreind án þess að mikla það fyrir þér. Hvernig persónulegur AI-aðstoðarmaður getur létt þér amstur hversdagsins. Hvaða forrit eru best fyrir fyrstu skrefin og hvernig þú talar við gervigreindina svo hún skilji þig. Hvernig AI getur nýst í vinnu, rekstri, heimilislífi og hugmyndavinnu. Þetta er þáttur fyrir alla sem hafa hugsað: „Ég veit að ég ætti að vera að nota gervigreind… en ég veit ekki hvar ég á að byrja.“ Gervigreindin þarf ekki að vera flókin, tæknileg eða yfirþyrmandi. Ekki mikla þetta fyrir þér. Bara byrja! -- 💛 Samstarfsaðilar VÖRUMERKIS eru Skór.is, Kristall Plús, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🎶Sérstakar þakkir fyrir hljóð og myndvinnslu: Eyþór Úlfar Þórisson 📲 Fylgdu okkur á Instagram @vorumerki

Stútfullur þáttur af ráðum fyrir alla sem stefna á að stofna eigið fyrirtæki, hvort sem það er verslun, vörumerki, þjónusta, námskeið, vara..... eða bara hugmynd sem er farin að biðja um að verða að einhverju stærra.

Sara Lind Pálsdóttir var aðeins 21 árs þegar hún opnaði tískuvöruverslunina Júník. Þrátt fyrir enga reynslu úr viðskiptalífinu, en með brennandi áhuga á tísku og fatnaði, sá hún gat á markaðnum og ákvað að stökkva í djúpu laugina. 15 árum síðar er Júník ein þekktasta fataverslun landsins og Sara sjálf löngu orðin órjúfanlegur hluti af vörumerkinu. Í þættinum fer Sara yfir ótrúlega sögu Júník: fyrstu árin, LA-ferðirnar, djammkjólana, útvarpsauglýsinguna sem allir þekkja, samfélagsmiðlana, áhrifavalda, sumartískuna og margt fleira. Við ræðum líka hvernig það hefur verið að vera andlit vörumerkis í 15 ár, vinnuna á bak við tjöldin, mörkin á milli vinnu og einkalífs, kjaftasögurnar, nafnlausar Facebook-færslur og hvernig hún ákvað að taka á þeim, auk alvarlegra veikinda sem settu lífið, vinnuna og forgangsröðunina í nýtt samhengi. Einlægt, skemmtilegt og djúsí spjall við ofurkonuna Söru í Júník.-- 💛 Samstarfsaðilar VÖRUMERKIS eru Skór.is, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🎶Sérstakar þakkir fyrir hljóð og myndvinnslu: Eyþór Úlfar Þórisson 📲 Fylgdu okkur á Instagram @vorumerki

Davíð Örn Símonarson, framkvæmdastjóri og annar stofnandi Smitten, er fyrsti viðmælandi okkar í seríu 2 af Vörumerki. Í þættinum ræðum við söguna á bak við skemmtilegasta dating-app í heimi, hvernig app verður að vörumerki, fjármögnun fyrir frumkvöðlaverkefni og bókina sem kveikti frumkvöðlaeldinn hjá Davíð. Davíð segir frá verkefnunum, tilraununum og lærdómunum á undan Smitten og af hverju það hefur aldrei komið til greina að gefast upp. Svo förum við auðvitað í stóru spurninguna: Hvernig er hinn fullkomni Smitten-prófíll? Hvaða myndir virka? Hverjar alls ekki? Hver eru rauðu flöggin? Og hvernig byrjar maður samtal án þess að segja bara „hæ“? Mögulega fórnar Margrét sér fyrir málsstaðinn... og skráir sig á Smitten í þættinum. Davíð hjálpar henni að velja réttu myndirnar og hikar ekki við að benda á þær sem eru ekki málið.  Þetta er þáttur fyrir alla sem vilja heyra skemmtilegt samtal um frumkvöðlastarf, vörumerki, lærdóm og fjármögnun, nú eða bara þá sem vilja fullkomna Smitten-prófílinn sinn. --- 💛 Samstarfsaðilar VÖRUMERKIS eru Skór.is, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu.🔊 Sérstakar þakkir fyrir hljóð- og eftirvinnslu: Eyþór Úlfar Þórisson 📲 Fylgdu okkur á Instagram @vorumerki

Í fyrsta þætti s02 ræðum við miklar breytingar í persónulega lífinu hjá Margréti frá síðustu seríu og sjálfsmyndarkrísu sem Arna hefur staðið frammi fyrir eftir að hún sagði skilið við auglýsingastofuna Sahara.  Á ólíkan hátt fundum við okkur báðar á þeim stað þar sem við þurftum að spyrja okkur: ….Hver er ég þá? Þá segir Arna frá hugmyndinni á bakvið H9 Studio og Margrét fer yfir stöðuna á vörumerkinu sínu. Þetta er þáttur fyrir alla sem standa á tímamótum eða þurfa smá hvatningu til að taka næsta skref. 💥 Bara byrja - og gera það svo vel!  --- 💛 Samstarfsaðilar VÖRUMERKIS eru Skór.is, Góa, Tekk, Miðbær Selfoss og Oche.💡 Sería 2 af VÖRUMERKI er framleidd með styrk frá Menningar-, nýsköpunar- og háskólaráðuneytinu. 📲 Fylgdu okkur á Instagram @vorumerki

Í þessum þætti sest ég niður með mömmu minni, Baldvinu Snælaugsdóttur (Baddý). Upphaflega átti þátturinn að snúast um rúmlega 25 ára feril hennar í markaðsmálum, eftirminnilegar herferðir og lífið í bransanum.En úr varð djúpt og persónulegt samtal um það þegar lífið fór á hvolf á einni nóttu, eftir að hún veiktist alvarlega í kjölfar heilaskurðaðgerðar fyrir nokkrum vikum. Við ræðum örvæntinguna á spítalanum, bataferlið og hvernig hugsanir og baráttustraumar fólksins hennar skiluðu sér á ögurstundu þegar mest á reyndi.Hún segir einnig frá því hvernig hún hafði fundið þetta á sér og gert ráðstafanir í vinnunni, meðal annars með því að stíga til hliðar og ráða eftirmann sinn sem markaðsstjóra Kringlunnar aðeins nokkrum dögum áður en hún fór í aðgerðina. ❤️ Mamma hefur alltaf verið mín fyrirmynd, en aldrei meira en einmitt núna. Þetta er sagan hennar, og sagan okkar beggja. Þátturinn markar lok fyrstu seríu Vörumerkisins.Í næstu seríu hefst nýr kafli þar sem þið fáið að fylgjast enn meira með mínu ferli við að byggja upp eigið vörumerki, Avelin Rae. ---- ✨ Þessi þáttur er í boði 👟 Skór.is  & Alfreð: Kynntu þér Hæfnileitina! ♡  Þátturinn er tekinn upp í Tekk stúdíói.📱 Fylgdu Vörumerki á bakvið tjöldin á Instagram @vorumerki

Viðmælandi þáttarins að þessu sinni er ekki forstjóri stórfyrirtækis eða virtur aðili í markaðsbransanum. Heiðbjört Ósk er kona sem við getum margar tengt við, móðir, snyrtifræðingur, sem eftir 15 ár í sama starfi var farin að finna fyrir leiða og þörf fyrir breytingu. Þegar sonur hennar veiktist alvarlega og var frá skóla í tæp tvö ár fór Heiðbjört að kenna honum heima. Það kveikti neista hjá henni sem hún ákvað að fylgja og hún skráði sig í kennaranám.Nú þremur árum síðar hefur lífið tekið algjöra U-beygju. Auk þess að hafa skipt um starfsvettvang gaf Heiðbjört á dögunum út sína fyrstu bók; Mamma, sagan þín, og stofnaði útgáfufélag. Í þættinum ræðum við ferlið við bókaútgáfuna og hversu mikið gæfuspor það reyndist henni að viðurkenna að hún þyrfti ekki að gera allt ein. Hún segir frá því hvernig það að fá fleiri með sér í lið gerði ferlið skemmtilegra og mun árangursríkara. Önnur umræðuefni þáttarins eru m.a: Mikilvægi þess að láta ekki starfstitla skilgreina sig. Af hverju stefnubreytingar eru aldrei mistök heldur merki um vöxt. Hvernig móðurhlutverkið varð til þess að hún fór að sjá sína eigin móður í nýju ljósi og hvernig bókin hennar er hönnuð sem brú milli kynslóða til að varðveita sögu móðurinnar. Hvernig bókaævintýrið hefur opnað á fleiri tækifæri og aukið sjálfstraust. Tölvupóstar til þjóðþekktra kvenna og hvers vegna svar frá einni þeirra grættu Heiðbjörtu. Fyrstu skrefin fyrir þá sem langar að breyta um stefnu eða prófa nýjan starfsvettvang. Þetta er þáttur sem minnir okkur á að stærstu tækifærin leynast oft í óvæntum áskorunum og það er aldrei of seint að fylgja hjartanu og prófa eitthvað nýtt 🤍📖 Söguspor og bókin „Mamma, sagan þín" ✨ Þessi þáttur er í boði 👟 Skór.is  & Alfreð: Kynntu þér Hæfnileitina! ♡  Þátturinn er tekinn upp í Tekk stúdíói.📱 Fylgdu Vörumerki á bakvið tjöldin á Instagram @vorumerki

Aníta Hirlekar, margverðlaunaður íslenskur fatahönnuður, ræðir sinn einstaka feril sem hefur leitt hana að því að hanna fyrir risastór erlend merki og klæða áhrifamesta fólk landsins. Við fáum að heyra um það þegar forsetinn okkar, Halla Tómasdóttir, hafði samband við Anítu á 📲Messenger þegar hana langaði í kjól og hvernig það þróaðist í samstarf þeirra á milli.  Við ræðum tískubransann sem er harður heimur, hönnunarstuld, jafnvægið á milli þess að skapa og reka verslun. Við ræðum einnig um sköpunarferlið, sjálfstraust og ferlið við að finna eigin stíl, auk þess sem Aníta gefur ungum hönnuðum góð ráð.  💡 Þáttur sérstaklega fyrir þá sem hafa ekki fundið sig í hefðbundnu námi, eða eru að stíga sín fyrstu skref í hönnun, list eða frumkvöðlastarfi. Fyrir alla sem elska tísku og fallega hönnun og vilja fá fágæta innsýn inn í heim íslenskrar fatahönnunar. 🪡 Aníta Hirlekar ✨ Þessi þáttur er í boði 👟 Skór.is  & Alfreð. Kynntu þér Hæfnileitina! ♡  Þátturinn er tekinn upp í Tekk stúdíói.📱 Fylgdu Vörumerki á bakvið tjöldin á Instagram @vorumerki

Guðrún Helga Sørtveit segir frá því hvernig vörumerkið hennar, Fyrsta árið, varð að veruleika eftir nokkurra ára umhugsun.📖 Við ræðum allt ferlið, frá hugmynd, hönnun og framleiðslu yfir í markaðssetningu og sölustaði. 💬 Hún ræðir áskoranir sem fylgja því að vera áhrifavaldur með tugþúsundir fylgjenda, athugasemdir á djamminu, dónaleg skilaboð og þá tilfinningu að allir hafi skoðun á henni. 💡 Guðrún deilir góðum ráðum um árangursríkt samstarf fyrir áhrifavalda og hlaðvarpsstjórnendur og útskýrir af hverju góðar hugmyndir eru sterkasti sölupunkturinn.  Þáttur fyrir alla sem eru eða langar að byggja upp eigið vörumerki, hafa áhuga á samfélagsmiðlamarkaðssetningu eða vilja bara þá sem vilja fá innsýn inn í áhrifavaldaheiminn. ---- ☁️ Fyrsta árið 💡Þessi þáttur er í boði Alfreð. Kynntu þér Hæfnileitina! ♡ Þátturinn er tekinn upp í Tekk stúdíói.📱 Fylgdu Vörumerki á bakvið tjöldin á Instagram @vorumerki

Guðmundur Heiðar Helgason er hugmynda- og textasmiður og ráðgjafi í almannatengslum hjá vörumerkjastofunni Tvist. 🚌 Hann starfaði sem upplýsingafulltrúi hjá Strætó í nokkur ár og segir frá nokkrum af þeim flóknu málum sem hann þurfti að takast á við. Þar af ber eitt mál hæst, sem hann segir það erfiðasta sem hann hafi tekist á við á sínum ferli. Þetta er spjall af betri gerðinni sem inniheldur bæði persónulegar frásagnir og pælingar um okkar uppáhalds umræðuefni, vörumerki. Gummi er óhræddur við að segja hlutina beint út og hikar ekki við að benda á mál sem honum þykir hafa mátt tækla betur út frá PR-sjónarmiðum.  Hann segir frá því hvaða íslensku vörumerki honum finnst bera af, og veltir því fyrir sér hvort ferskleiki sé ofmetinn og kunnugleiki vanmetinn? 🤔 Þáttur sem enginn áhugasamur um markaðsmál, almannatengsl og sterk vörumerki má láta framhjá sér fara. ---- 💡Þessi þáttur er í boði Alfreð. Kynntu þér Hæfnileitina! ♡ Þátturinn er tekinn upp í Tekk stúdíói.📱 Fylgdu Vörumerki á bakvið tjöldin á Instagram @vorumerki

Sirrý Arnardóttir er ein reyndasta fjölmiðlakona landsins með yfir þrjátíu ára reynslu í faginu.Við ræðum hvernig áfangi hjá henni fyrir nokkrum árum landaði mér draumastarfinu, sem jafnframt markaði upphafið að mínum fjölmiðlaferli. Við förum yfir fjölmiðlastarfið, kosti og galla, breytingar á fjölmiðlaumhverfinu síðustu ár og ráð fyrir þá sem langar að starfa í faginu. Þá bregður Sirrý sér í kennarahlutverkið og gefur mér gagnleg ráð varðandi þetta hlaðvarp. (Note to self: muna að anda) Sirrý hefur undanfarin ár starfað sem stjórnendaþjálfari, kennari og rithöfundur og hefur kennt fjölda fólks í öllum stéttum að koma fram með öryggi, fagmennsku og einlægni að leiðarljósi. Í þættinum deilir hún meðal annars sínu allra besta ráði þegar kemur að samskiptum og framkomu. Hint: 🏓Skylduhlustun!  📱 Fylgdu Vörumerki á bakvið tjöldin á Instagram @vorumerki ♡ Þátturinn er tekinn upp í Tekk stúdíói.

Eva Laufey Kjaran Hermannsdóttir þekkir markaðsmál frá sjónarhorni bæði áhrifavalds og markaðsstjóra. Hún hefur skapað sín eigin tækifæri í gegnum árin og staðið af sér fjölmiðlastorma. Við ræðum „stóra kökudeigsmálið,“ hvort Tax Free dagar Hagkaups séu barns síns tíma, hugsanlega hagsmunaárekstra og hvort nokkur munur sé á manneskjunni og vörumerkinu Evu Laufey. 🎙️ Þáttur um að takast á við nýjar áskoranir, vera óhræddur við að gera mistök og treysta því að hlutirnir fari eins og þeir eiga að fara.📱 Fylgdu Vörumerki á bakvið tjöldin á Instagram @vorumerki♡ Þátturinn er tekinn upp í Tekk stúdíói.

Einlægt spjall við Vilmu Ýr Árnadóttur, sem eftir 19 ár í sama starfi ákvað að stökkva út í djúpu laugina, fylgja innsæinu og byrja upp á nýtt. Í dag rekur hún sitt eigið fyrirtæki, Vilma Home, sem hefur vaxið hratt undanfarið ár. Við ræðum ferlið sem það er að byggja upp vörumerki frá grunni og Vilma segir meðal annars frá mistökum sem kostuðu hana margar milljónir.Þetta er þáttur stútfullur af góðum ráðum og hvatningu fyrir þá sem langar um að breyta til eða jafnvel stofna eigið fyrirtæki 💡 ♡ Fylgdu Vilmu á Instagram @vilma_home♡ Fylgstu með Vörumerki á bakvið tjöldin @vorumerki ♡ Þátturinn er tekinn upp í Tekk stúdíói.

Sesselía Birgisdóttir þekkir svo sannarlega sterk vörumerki, hún hefur stýrt markaðsstarfi og stafrænum umbreytingum hjá fyrirtækjum eins og Advania, Högum, Póstinum og Vodafone. Í þessum fyrsta þætti deilir Sesselía því hvernig hún beitti sömu aðferðum til að byggja upp sitt eigið vörumerki og hvernig sú ákvörðun átti eftir að hafa fjölmörg tækifæri í för með sér. 💡🎙️ Skylduhlustun fyrir þá sem vilja styrkja ímynd sína, auka sýnileika og tengslanet, en fyrst og fremst- skapa ný tækifæri á eigin forsendum! 📱 Fylgdu Vörumerki á bakvið tjöldin á Instagram @vorumerki♡ Þátturinn er tekinn upp í Tekk stúdíói.