Rearrange with Narek Amirkhanyan

«Chargers.am» ընկերության հիմնադիր Կարեն Դերձյանի հետ զրուցել ենք էլեկտրական ավտոմեքենաների, Հայաստանում լիցքավորման ենթակառուցվածքների զարգացման և չինական ավտոարտադրության հաղթարշավի մասին։ Քննարկել ենք «Tesla»-ի և չինական բրենդերի տարբերությունները, մարտկոցների ճիշտ խնամքն ու վերամշակումը, ինչպես նաև էլեկտրոմոբիլների աճող քանակի ազդեցությունը մեր էներգետիկ համակարգի վրա

«Onex» ընկերության համահիմնադիր և տնօրեն Սամվել Մարտիրոսյանի հետ զրուցել ենք համաշխարհային բեռնափոխադրումների կազմակերպման, Հայաստանում և Վրաստանում լոգիստիկայի զարգացման, ինչպես նաև 200 դոլարով սկսած Onex-ի ստեղծման ու հաջողության պատմության մասին։ Անդրադարձել ենք Temu հսկայի հետ համագործակցությանը, չինական բիզնես մշակույթի առանձնահատկություններին, ԱՄՆ-ում և Դելավերում հայկական պահեստ հիմնելու բարդ փորձառությանը և iPhone-ների գողության աղմկահարույց դեպքի ներքին մանրամասներին։ Սամվելը պատմել է նաև իր անձնական կյանքի մեծագույն կրքի՝ արկածային տուրիզմի, Պատագոնիայի սառցադաշտերի, Նեպալի հանդարտության և սպասվող Ալյասկայի նավարկության մասին։

Լրագրող Հայկ Մակիյանի հետ զրուցել ենք 2020 և 2023 թվականների պատերազմների, անհետ կորածների ցավոտ պատմությունների, հետաքննական լրագրության կարևորության և իրականության վավերագրման մասին։ Անդրադարձել ենք նրա երաժշտական անցյալին, «Հետք»-ի ստեղծագործական միջավայրին, արհեստական բանականության մարտահրավերներին, մարդկանց լսելու արվեստին և այն հոգեբանական հետքերին, որոնք պատերազմը թողել է մեր հասարակության ներսում

«Զանգեզուրի պղնձամոլիբդենային կոմբինատ»-ի տնօրենների խորհրդի անդամ Արտյոմ Պետրոսյանի հետ զրուցել ենք հանքարդյունաբերության ոլորտի առանձնահատկությունների, դժվարությունների, էկոլոգիական ռիսկերի, կոմբինատի պետական մասնակցության, կրթության կարևորության, Հարվարդում ու Քեմբրիջում սովորելու փորձառության և այլ հետաքրքիր թեմաների շուրջ։

Հանրային ռադիոյի արխիվի տնօրեն, երգիչ Արթուր Իսպիրյանի հետ զրուցել ենք հայկական ձայնային ամենամեծ արխիվի թվայնացման հսկայական աշխատանքի, ռադիոյի պատմության և բացահայտված գանձերի մասին։ 

Անդրադարձել ենք նրա երաժշտական ուղուն, 90-ականների լեգենդար ակումբային մշակույթին:

Մաթեմատիկոս, համակարգչային գիտությունների մասնագետ և «Deep Origin» ընկերության գիտական խմբի ղեկավար Հայկ Սարիբեկյանի հետ զրուցել ենք դեղերի հայտնաբերման հաշվողական մեթոդների, «MIT»-ում և Քեմբրիջում սովորելու առանձնահատկությունների, ինչպես նաև գիտության մեջ «AI»-ի դերի և մաթեմատիկական մոդելների կիրառելիության մասին։

Կինոռեժիսոր Գոռ Կիրակոսյանի հետ զրուցել ենք նրա ֆիլմերի ստեղծման պատմության, հայկական կինոբիզնեսի մարտահրավերների և սցենար գրելու կարգապահության մասին։ Քննարկել ենք «Մեծ պատմություն փոքր քաղաքում» ֆիլմի հաջողության գաղտնիքը, Հրանտ Թոխատյանի հետ աշխատելը և այն, թե ինչու է ռեժիսորի համար կարևոր լինել առաջին հերթին լավ պատմություն պատմող։

Սքայդայվինգի հրահանգիչ Րաֆֆի Թոխալյանի և Արթուր Պետրոսյանի հետ զրուցել ենք Հայաստանում էքստրեմալ սպորտի զարգացման, պարաշուտային թռիչքների անվտանգության մասին։ 

Անդրադարձել ենք նաև Արագածի բնապահպանական խնդիրներին, ուղղաթիռային փրկարարական աշխատանքներին և Երևանի հանրային տարածքների վերափոխմանը նոր սպորտային կենտրոն ստեղծելու համար։ 

Բլոգեր Տարոն Ավետիսյանի հետ զրուցել ենք Եվրոպայում (Լատվիա, Ֆրանսիա) ապրելու և սովորելու նրա փորձի, եվրոպական և հայաստանյան կրթական համակարգերի տարբերության ու հայրենադարձության դժվարությունների մասին: 

Անդրադարձել ենք Երևանի տրանսպորտային և ենթակառուցվածքային խնդիրներին, բնակարանների վարձակալության շուկային, ինչպես նաև այն սոցիալական ու բյուրոկրատական մարտահրավերներին, որոնց բախվում է երիտասարդը Հայաստանում:

Սթենդափեր և դերասան Մհեր Մխիթարյանի հետ զրուցել ենք իր ֆիլմերի, ուշադրության պակաս ունեցող մարդկանց, սոցցանցերում կոնտենտ ստեղծելու բարդությունների, քաղաքական հումորներ անելու և նոր ներկայացման մասին։

Խոսել ենք նաև՝ ինչով է տարբերվում Գլենդելի հանդիսատեսը, ինչպես են անդրադառնում թանկացումները, վարկերն ու տուգանքները կյանքի վրա, ինչպես նաև կինոբիզնեսի, հայկական սիթքոմների ու համացանցում մարդկանց ագրեսիվության մասին։

«Shell Armenia»-ի տնօրենների խորհրդի նախագահ Գևորգ Հարությունյանի հետ զրուցել ենք Հայաստանում վառելիքի շուկայի ձևավորման, «Shell»-ի Հայաստան գալու պատճառների և բերած փոփոխությունների մասին։ Խոսել ենք նաև՝ ինչ ռիսկեր կան նավթի շուկայում, ինչպես նորոմալիզացվեց բենզալցակայանում կին սպասարկողներ տեսնելը, հանդիպելը և այլն։

Ռեփեր, լեռնագնաց ու գործարար Հայկ Մարգարյանի հետ զրուցել ենք Էվերեստի գագաթը բարձրանալու փորձառության, 51 օրվա դժվարությունների և «Մահվան գոտում» կայացրած ծանր որոշումների մասին: 

Անդրադարձել ենք նաև նրա երաժշտական կարիերայի տրանսֆորմացիային, «Հայ տղեք» խմբի լեգենդար պատմությանը, սպասվող նոր ֆիլմին և այն կարևոր ընտրությանը, որը նրան տարավ դեպի բիզնես և առողջ ապրելակերպ:

«Մտքարան» ակադեմիայի հիմնադիր Արամո Ունանյանի հետ զրուցել ենք մեր մշակույթի, կրթության, գյուղերի զարգացման, Մատենադարանի հետ համագործակցության և Հայաստան տեղափոխվելու կարևորության մասին։

«ArmComedy»-ի Նարեկի և Սերգեյի հետ զրուցել ենք ընտրական գործընթացների, մեդիա դաշտի տրանսֆորմացիայի և քաղաքական քարոզչության արդյունավետության մասին։

Անդրադարձել ենք, թե ինչու են որոշ քաղաքական թեզեր աշխատում, ինչպես է հումորը դառնում զենք ամենալուրջ քննարկումների ժամանակ և ինչու է կարևոր պահպանել դիվանագիտական բալանսը գլոբալ աշխարհում։

Կենտրոնական բանկի նախագահ Մարտին Գալստյանի հետ զրուցել ենք Հայաստանի տնտեսության ներկա վիճակի, բանկային համակարգի տրանսֆորմացիայի և թվային դրամի հեռանկարների մասին: 

Քննարկել ենք կարդալու կենսական նշանակության, հասարակության սոցիալական բևեռացման և անշարժ գույքի շուկայում հնարավոր գնային ճշգրտումների մի շարք թեմաներ:

Սթենդափեր Էդո Հովսեփյանի հետ զրուցել ենք նրա նոր սթենդափի, հայաստանյան մեդիադաշտում կուտակված տոքսիկության ու ատելության մասին։

Անդրադարձել ենք հետպատերազմյան ազգային տրավմաներին, ընտրարշավների ժամանակ հնչող պոպուլիստական խոստումներին և ոստիկանության ու կայանման խնդիրներին։

«Tonir Wedding» նախագծի համահիմնադիրներ Հայկ Երանոսյանի և Սիրարփի Խոջաբաղյանի հետ զրուցել ենք հայկական ավանդական հարսանիքի իրական բովանդակության, ծեսերի խորհրդի և մեր մշակութային ինքնության վերականգնման մասին։

Տնտեսագետ-հետազոտող Վահրամ Ռևազյանի հետ զրուցել ենք Ադրբեջանի տնտեսության կառուցվածքի, նավթային ռեսուրսների սպառման վտանգի և դրա աշխարհաքաղաքական հետևանքների մասին։ 

Անդրադարձել ենք Իսրայելի և Թուրքիայի դերակատարմանը, Հայաստանի ներքին ինստիտուցիոնալ խնդիրներին, էլիտաների ճգնաժամին։

 «New Norm» ընկերության համահիմնադիր և տնօրեն Դիանա Հովհաննիսյանի հետ զրուցել ենք հոգեկան առողջության կարևորության, հոգեբանության մեջ տեխնոլոգիաների և արհեստական բանականության կիրառման, ինչպես նաև «New Norm»  հավելվածի ստեղծման մասին։ Անդրադարձել ենք սեփական էմոցիաները հասկանալու և կառավարելու մեխանիզմներին՝ խուսափելու համար վտանգավոր կախվածություններից։

«CivilNet»-ի Լրագրող Արշալույս Մղդեսյանի հետ զրուցել ենք հայաստանյան մեդիա դաշտի մարտահրավերների, քաղաքական գործիչների հետ աշխատանքի նրբությունների, տեղեկատվական հոսքերի կառավարման, առաջիկա ընտրությունների և տնտեսական զարգացումների շուրջ։

«Doping Creative Agency»-ի ստեղծարար տնօրեն Հովհաննես Մարգարյանի հետ զրուցել ենք մարքեթինգի և էմոցիաների կապի, գովազդային շուկայի տրանսֆորմացիայի, արհեստական բանականության «Փոքր Մհեր» «AI» անիմացիոն նախագծի, հայկական ինքնությունը մուլտֆիլմերում ճիշտ ներկայացնելու, միջազգային հարթակներում մրցունակ լինելու մասին:

Վավերագրող և լուսանկարիչ Արեգ Բալայանի հետ զրուցել ենք պատերազմի դաժան իրականության, կրակոցների տակ նկարելու բարդության և մարդու վարքի փոփոխության մասին։ 

Քննարկել ենք Արցախում ապրած տարիները, մասնագիտական ընտրությունն ու Հայաստանի բոլոր գյուղերը լուսանկարելու նպատակը։ 

Անդրադարձել ենք նաև բարու ու չարի ընտրությանը, պիտանի լինելու զգացողությանը և այն ներքին ուժին, որը թույլ է տալիս շարունակել ստեղծել։

«Rosslyn Foundry» հիմնադրամի տնօրեն Սեդրակ Մկրտչյանի հետ զրուցել ենք ինֆորմացիոն դարաշրջանի մարտահրավերների, հայկական համացանցի ձևավորման պատմության, արհեստական բանականության բերած տրանսֆորմացիաների մասին։

Անդրադարձել ենք նաև պատմական փաստերի ճշգրտմանը, հայկական տիպոգրաֆիկայի խնդիրներին, ընտանիքի ինստիտուտի փոփոխություններին և այն հարցին, թե ինչպես պահել սեփական մտածողությունը համատարած աղմուկի մեջ։

«Art Group»-ի հիմնադիր-տնօրեն Դավիթ Աբովյանի հետ զրուցել ենք տվյալների կենտրոնների աշխատանքի սկզբունքներից, Հայաստանում «AI»-ի հզորացման զարգացման հեռանկարներից և էներգետիկ համակարգի կարևորությունից։ 

Դավիթը պատմել է նաև բիզնեսում վստահության դերի, սխալների վրա սովորելու և գյուղատնտեսության մեջ ժամանակակից տեխնոլոգիաների կիրառման ու իր փորձի մասին։

Թաֆթս համալսարանի Ֆլետչերի իրավունքի և դիվանագիտության դպրոցի բիզնեսի զարգացման ղեկավար Սաթի Բոյաջյանի հետ զրուցել ենք արհեստական բանականության կողմից կրթական համակարգի և բիզնեսի վերափոխման մասին։

Aնդրադարձել ենք այն հմտություններին, որոնք անհրաժեշտ են նորավարտներին աշխատաշուկայում մրցունակ լինելու համար:

ԵՊՀ դասախոս Հարություն Հարությունյանի հետ զրուցել ենք կրոնի էվոլյուցիայի, հայոց հոգևոր ժառանգության և եկեղեցու պատմական ու ապագա դերակատարման մասին։ Քննարկել ենք անիմիզմից, շամանիզմից մինչև քրիստոնեության ընդունումն ընկած ուղին, անդրադարձել դրախտի անկման տեսությանն ու բազմաստվածությանը։ 

«Infocom»-ի անկախ լրատվական վերլուծական հարթակի հիմնադիր ու գլխավոր խմբագիր Սևակ Մամյանի հետ զրուցել ենք հայկական մեդիադաշտի ներկայիս վիճակի, անկախ լրագրության մարտահրավերների և ֆինանսավորման աղբյուրների, արհեստական բանականության ու դիփֆեյքերի ազդեցության մասին։

Ռամբալկոշեի հիմնադիր Վահան Ստեփանյանի հետ զրուցել ենք ժամանակակից աշխարհում երկարաժամկետ պլանավորման անհնարինության, տեխնոլոգիաների ու դիզայնի ունիֆիկացիայի, ինչպես նաև օֆլայն շփման անհրաժեշտության մասին։

Քննարկել ենք նաև քաղաքում հանրային և մշակութային տարածքների պակասի խնդիրը, նոր համայնքների ձևավորման անհրաժեշտությունն ու պետական համակարգի դանդաղկոտության հարցերը։

Ավետ Բարսեղյանի հետ զրուցել ենք հանրային կարծիքը հաղթահարելու, ստեղծագործելու, պատասխանատվության, երաժշտության, ֆիլմերի, արվեստի, ապագայի, նույնիսկ «AI»-ի ու ցեղասպանությունից օգուտ քաղելու մասին։ 

Բացահայտել ենք, թե ինչպես է նա հայտնվել այս դաշտում, ինչ ժամանակակից արտիստներ կան, և ինչպես է գրելը դարձել նրա կյանքի մասը։

Արման Հարությունյանի, Արթուր Հովսեփյանի և Վազրիկ Սեկոյանի հետ զրուցել ենք Հայաստանում առևտրի և նորաձևության ոլորտի զարգացման, օնլայն և օֆլայն առևտրի մրցակցության, մոլերի մշակույթի փոփոխության և տեխնոլոգիաների ու «AI»-ի ազդեցության մասին։

Քննարկել ենք նաև գնագոյացման նրբությունները, կեղծ ապրանքների դեմ պայքարի հարցն ու տեղական բրենդների աճող դերը շուկայում։

Տիգրան Համասյանի հետ զրուցել ենք նրա նոր ալբոմի ստեղծման, ստեղծագործական գործընթացի, պատերազմի թողած հետքերի և Հայաստանում ապրելու առանձնահատկությունների մասին։

Անդրադարձել ենք նաև երեխաների դաստիարակությանը, ժամանակակից տեխնոլոգիաների ազդեցությանը, առողջ ապրելակերպին ու էկոլոգիական խնդիրներին։

«ԿարդիոLաբ» բժշկական կենտրոնի հիմնադիր և տնօրեն Տաթևիկ Հովակիմյանի հետ զրուցել ենք երկար ու որակյալ ապրելու բանաձևի մասին.

Ծխախոտի, շաքարի, պասիվ կյանքի հետևանքները,

Սրտազարկի զոնաների վերահսկումը,

Մկանների ակտիվացումը, 

Քիչ սնունդն ու ապահովագրությունը։

Սերգեյ Սմբատյանի հետ զրուցել ենք կատարողական արվեստից, Սիմֆոնիկ նվագախմբից, Նարեկացուց, աշխարհին ներկայանալի լինելուց, դասական երաժշտությունից և շատ այլ թեմաներից։

Ճարտապետ Միսակ Խոստիկյանի հետ զրուցել ենք հայ ճատարապետության, շենքերի քարոզչության, Թամանյանի, Արմեն Խոստիկյանի, խելոք բանելրին դեմ լինելու, չենթարկվող հեղինակությունների, կանգ առնելու և շատ այլ հետաքրքիր թեմաների մասին։

Դերասան Սերգեյ Դանիելյանի հետ զրուցել ենք թատրոնից, սթենդափից, քաղաքականությունից, «AI»-ի՝ մարդուց խելացի լինելուց, երջանկությունը ընկալումներից և շատ այլ հետաքրքիր թեմաներից։

Շախմատիստ Լևոն Արոնյանի հետ զրուցել ենք վերջերս Մագնուս Կառլսենին հաղթելու, դասական շախմատից շախմատ 960-ի անցնելու, երաժշտության, գրականության ու աշխարհի չեմպիոն դառնալու մասին։

Ռեժիսոր Արեն Ոսկանյանի հետ զրուցել ենք իր ստեղծած կերպարների, մասնավորապես Լիպարիտի մասին, Կիրովականի առանձնահատուկ մթնոլորտի, սերիալների ու «Թքած» նախագծի փորձարարական լեզվի, գերեզմանափորի հետ զրույցի, 2026-ի պլանների և շատ այլ թեմաների մասին։ 

Հայաստանի Ամերիկյան համալսարանի Յակոբյան բնապահպանական կենտրոնի փորձագետ, ծրագրերի ղեկավար, դասախոս Հարություն Ալպետյանի հետ զրուցել ենք՝

Երևանի օդի աղտոտվածության իրական պատճառների,

շինարարական ու կենցաղային թափոնների կառավարման, 

Նուբարաշենի «անմար կրակի», 

մեթան գազի ու առողջությանը վնասող թունավոր արտանետումների, 

Սարքերով չչափվող վտանգավոր նյութերի և շատ այլ թեմաների շուրջ։

Լրագրող Գոհար Հայրապետյանի հետ զրուցել ենք հայրական ու մայրական բնազդների, երեխաներին հանրային դաշտում չվնասելու պատասխանատվության, մեդիայի «AI»-ով փոխակերպման,, հեշտ փողերին հավատալու վտանգի, մոնոէթնիկության դերի, սպորտում կայունության, «Z» սերնդից սովորելու և շատ այլ հետաքրքիր թեմաների մասին։

«Apple» ընկերությունում ինժիներ, ղեկավար և «Սաստիկ» ՀԿ-ի հիմնադիր Արմեն Խաչատրյանի հետ զրուցել ենք Հայաստանում չիպերի դիզայն անելու հնարավորությունների, քվանտային համակարգիչների զարգացումների, տեխնոլոգիական երկիր դառնալու, երկարաժամկետ մտածելու մշակույթի, վստահության պակասի, ազգային տեխնոլոգիական ֆոնդ ստեղծելու անհրաժեշտության, ինչպես նաև՝ «Apple»-ում աշխատելու փորձի ու նորարարությունների մասին։

Կոմպոզիտոր և պրոդյուսեր Լիլիթ Նավասարդյանի հետ զրուցել ենք Միշոյի, Իվետայի, Բրյունետի և այլ արտիստների հետ աշխատելու, ձայնը որպես կենդանի գործիք կիրառելու, տարբեր ժանրերում աշխատելու բարդության, երգի «պատրաստ» լինելու պահի, մարդկանց ներքին լարվածության ու ստեղծագործ արձագանքի, ծնող լինելու, ինչպես նաև՝ AI-ի, ձանձրույթի ու իրական շփումների մասին։

«Անդերսեն» իրավաբանական ընկերության կառավարող գործընկեր, իրավաբան Վարուժան Ավետիքյանի հետ զրուցել ենք՝

Ինչու են բազմաթիվ կառավարություններ տապալվում, 

Ինչ հետևանքներ ունի հարց լուծող դատարան չունենալը, 

Ինչպես է ժառանգված կոռուպցիան շարունակ ազդում դատական համակարգի վրա։

Ինչու մարդիկ այսօր վախենում են դատական գործընթացներից։

Խոսել ենք նաև օրենքների ու կյանքի իրական պահանջների տարբերության, աշխատող աղքատների և վերացող մասնագիտությունների մասին։

Դերասան Հրանտ Թոխատյանի հետ զրուցել ենք բոլորիս կողմից սիրված մի շարք ֆիլմերից և ներկայացումներից՝ «Մեր բակը», «Մեծ պատմություն փոքր քաղաքում», «Խաթաբալադա» և այլն։ Խոսել ենք թատրոնի արդիականությունից, «Տղամարդկանց ակումբ»-ից, դպրոցում դասավանդելուց,  $160,000 արժեցող Այբբենարանից և մի շարք այլ հետաքրքիր թեմաներից։

Կերոն զարգացման հիմնադրամի գործադիր տնօրեն Վանանե Արարքցյանի հետ զրուցել ենք Երևանի տարբեր շենքերին կյանք տալու, միջավայրը փոխելու, գրադարանային ճարտարապետության, դրսից մասնագետներ, մենեջերներ Հայաստան հրավիրելու,  ոչ ֆորմալ ժամանցի վայրեր ստեղծելու և շատ այլ հետաքրքիր թեմաների շուրջ։

Հանրային հեռուստատեսության գործադիր տնօրեն Հովհաննես Մովսիսյանի հետ զրուցել ենք՝  Հ1-ի Հայաստանի, լուրերի ընտրության, ուղիղ եթերներին ընդդիմադիր գործիչներին կանչել-չկանչելու, ԱՄՆ-ում մասնաճյուղ բացելու, թվայնացվելու, մանկական եվրատեսիլի, Ֆեստիվառի և շատ այլ թեմաների շուրջ։

«Այբ» դպրոցի գործադիր տնօրեն Դավիթ Սահակյանի հետ զրուցել ենք դպրոցական կրթության, մշակույթի, իրենց կյանքով ապրող երեխաների, կրթության պատվիրատուների, ծնողի հետ գործընկեր լինելու, կանոնները պահելու, կոռուպցիայի և շատ այլ հարցերի շուրջ։

Թումոյի զարգացման ուղղության տնօրեն Բեկոր Փափազյանի հետ զրուցել ենք արհեստական բանականության վտանգների, դրա հետ ընկերանալու գայթակղության և կրթության մեջ «AI»-ի դերի մասին։ Բեկորը պատմել է Թումոյի ստեղծած «AI» համակարգի, ինքնուսուցման ծրագրերի ու նոր սերնդի մրցակցային առավելությունների մասին։

«Կինոդարան»-ի գլխավոր պրոդյուսեր Ռաֆայել Թադևոսյանի հետ զրուցել ենք

որակով կինո ստեղծելու դժվարությունների, հայկական կինոն դրսում վաճառելու մասին։ 

Խոսել ենք նաև «Սուրբ» սերիալի, Միշոյի հետ նոր նախագծի, «Amazon»-ի հայկական սերիալներով հետաքրքրվելու, մենթոր ունենալու և այլ թեմաների շուրջ։ 

«Նոր հայեր», «Ուրախների և  հնարամիտների ակումբ»-ի վառ ներկայացուցիչ, «Top 10 of Rabiz»-ի համահիմնադիր Վարդան Զադոյանի հետ խոսել ենք հումորի բնույթի, արվեստի ու ժամանակակից հասարակության մասին. ինչպես է սթենդափը ձևավորում իր լսարանը, ինչու է կարևոր «չգիտեմ» ասելը, ինչպես են երաժշտությունն ու գումարը ազդում ստեղծագործողի մոտիվացիայի վրա։ Զրուցել ենք նաև գովելու մշակույթի բացակայության, երիտասարդների ու մեծերի հումորի տարբերության, հավատքի ու կրոնի ազդեցության, ճաշակի ձևավորման, ինչպես նաև տեխնոլոգիաների դերի մասին արվեստում։

«xDrive» ընկերության հիմնադիր և տնօրեն Արտաշես Ստեփանյանի հետ զրուցել ենք Երևանի երթևեկության ծանր վիճակի, անընդհատ խցանումների ու անկանխատեսելի վարորդական վարքագծի մասին․ 

- Ինչու՞ ենք վթարի ենթարկվում հենց այն ժամանակ, երբ վստահ ենք մեզ վրա,

- Ինչու՞ է վարել սովորելը երբեմն ավելի թանկ, քան վարորդական վկայական գնելը և

- Ի՞նչ վտանգավոր հետևանքներ կան ամենօրյա վթարներից։

«Մեդիամաքս»-ի տնօրեն Արա Թադևոսյանի հետ զրուցել ենք հետպատերազմյան շրջանի քաղաքական զարգացումների, զինվորական և քաղաքական ղեկավարության անտեղյակության, Դավիթ Տոնոյանի հետ զրույցներից ձևավորված գրքի, Թրամփի ուղու, հասարակական տրամադրությունների և պետական կառավարման համակարգի խնդիրների շուրջ:

«Gravity Production»-ի հիմնադիր, ռեժիսոր Արամայիս Հայրապետյանի հետ զրուցել ենք Արկադի Դումիկյանի 45,000 հոգանոց համերգի կազմակերպչական մարտահրավերների, բեմից հանդիսատեսի հետ աշխատելու, ռիսկի դիմելու, ֆիլմ նկարելու փորձի և «չի լինի»-ներին չհավատալու մասին։

Երգչուհի Սոնա Ռուբենյանի հետ զրուցել ենք երաժշտության, զգուշավոր դառնալու, երաժշտությամբ այսօրվա միջավայրի արտացոլման և շատ այլ հետաքրքիր թեմաների շուրջ։

Սոնան պատմեց հին երգերը կենդանացնելու, արխիվից անհայտ ստեղծագործությունները նոր լսարանին հասցնելու, մասսայականացնելու փորձերի մասին։

Տնտեսագետ Տիգրան Ջրբաշյանի հետ զրուցել ենք տարատեսակ միֆերի, հայ-թուրքական սահմանների բացվելու, պատասխանատվությունից խուսափելու, մեր ազգային ԴՆԹ-ի, հարմարվելու կարողության, ճշմարտությունը բարձրաձայնելու քաջության և շատ այլ հետաքրքիր թեմաների մասին։ 

Ռադիոհաղորդավար Արամ Չախոյանի հետ զրուցել ենք ամենատարբեր թեմաներից՝ գիտության «ինչու»-ներ, երաժշտություն լսելու ու յուրացնելու ձևեր, մերժված լինելու համարձակություն, ֆիզիոլոգիապես մի քիչ կին տղամարդիկ և այլն։ Այնպես որ ձեզ սպասվում է բազմաժանր զրույց։ Բարի դիտում, լսում։

Արվեստաբան, Գաֆեսճեան արվեստի կենտրոնի ցուցադրությունների գծով տնօրեն Արմեն Եսայանցի հետ զրուցել ենք արվեստի իմաստից մինչև գնի ձևավորում։

Քննարկել ենք՝ ինչու է հինը մեզ միշտ ավելի արժեքավոր թվում, ինչու են աճուրդներում գները դառնում աստղաբաշխական, ինչպես է մշակույթի ֆինանսավորումը ազդում արվեստագետների վրա և արդյո՞ք ժամանակակից արվեստը իրականում հասկանալի է մեզ։

Վիրուսաբան Հովակիմ Զաքարյանի հետ զրուցել ենք՝ ինչու «COVID»-ը դեռ չի վերացել, ինչպես են աշխարհն ու Հայաստանը արձագանքում համավարակներին, ինչ վտանգներ են թաքնված տիզերից փոխանցվող հիվանդություններում և որքանով ենք պատրաստ հաջորդ մեծ համավարակներին։Խոսել ենք նաև արագ տարածվող վիրուսների, պատվաստանյութերի հանդեպ անվստահության աղբյուրների, Օքսֆորդի հետ համագործակցության, հիվանդությունները կանխելու, ծերացումը դանդաղեցնելու հնարավորությունների մասին։

Երաժիշտ Հայկ Կարոյի հետ զրուցել ենք երաժշտության, ինքդ քեզ հայտնաբերելու, Ջիվան Գասպարյանի հայտնիության, փողային գործիքների, երաժշտության մեջ անկեղծության ու ռաբիսի մասին։

Լրագրող և ռեժիսոր Արթուր Բախտամյանի հետ զրույցել ենք հետևյալ թեմաների մասին.

- Ինչու՞ մեզ դուր չի գալիս այն, ինչ ուրիշներն են մեզ ասում,

- Ինչպե՞ս էր ժամանակին հայը «առաքինության» հոմանիշ,

- Կա՞ արդյոք հայի հավաքական կերպար,

- Քաղաքները ինչպե՞ս են վերաբերվում իրենց հավաքական ֆուտբոլային թիմին,

- Ու՞մ են հիշում այսօր՝ մարդու՞ն, թե՞ փողոցի անունը։

«AOByte» ընկերության հիմնադիր-տնօրեն Տիգրան Սարգսյանի հետ զրուցել ենք «AI»-ով կոդ գրելու, թվայնացման գնի, ծրագրավորման ավտոմատացման, անգործ մնալու, ինչ-որ բան ստեղծելու էժան գնի և շատ այլ հետաքրքիր թեմաների շուրջ։

«Yerevan for kids» նախաձեռնության անդամներ Հայկ Զալիբեկյանի և Նարե Իսպիրյանի հետ զրուցել ենք Հայաստանի բակերի իրական պատկերի, խաղահրապարակների պակասի, միջավայր ստեղծելու փոխարեն կենաց խմելու մշակույթի, մոլերում մեծացող երեխաների, թվային մանկության, և շատ այլ թեմաների շուրջ։

Ռեփեր «A. Chilla»–ի՝ Նարեկ Հովսեփյանի հետ զրուցել ենք նոր ֆիլմում բռնցքամարտիկի կերպար մարմնավորելու, համերգից առաջ հուզվելու, փոփ մշակույթի ազդեցության, նոր արտիստների պակասի, թմրամոլության մասին ստեղծված երգի շուրջ եղած քննարկումների մասին։

Քննարկել ենք նաև գրելու կարիքի, ապրելակերպի փոփոխվող մոդելի մասին և թե ինչու է քիչ աշխատելը մեղքի զգացում առաջացնում։

Հայկական «Շադոմատիկ» խաղի համահիմնադիր և խաղի դիզայներ Արսեն Ավոյանի հետ զրուցել ենք՝ ինչպես է ստեղծվել հայկական խաղ, որն արդեն հասել է միջազգային շուկա, ինչ դեր ունի դիզայնը խաղ ստեղծելիս, ինչ ազդեցություն ունեն սոցցանցերը, արագ դոպամինը, էկրանային կախվածությունը։

Քննարկել ենք նաև՝ ինչու է կարևոր ուղեղը մարզելը և ինչու ենք միայն մեզ դուր չեկած բաները ստուգում։

Ալեքսանդր Եսայանի և Րև Լիբարիդյան հետ զրուցել ենք, թե ինչու է հենց հիմա Հայաստանը կանգնած նոր շրջափուլի առաջ։

Ինչ է իրականում ԱԲ գործարանը, ինչու է այն հավակնում դառնալ ոչ միայն տարածաշրջանի, այլ՝ աշխարհի կենտրոններից մեկը, և ինչ կապ ունի այս ամենը $500 միլիոնանոց ներդրման, «Nvidia»-ի, և ազգային անվտանգության հետ։

«Electric Architects» արվեստանոցի հիմնադիր Մարիաննա Կարապետյանի հետ զրուցել ենք՝ ինչպես է քաղաքը հիշողություններ ձևավորում կամ ջնջում դրանք, ինչու 20 տարի անց Երևանում տեղ չի լինի գերեզմանների համար, և արդյոք արհեստական բանականությունը կփոխարինի ճարտարապետներին։

Զրուցել ենք նաև այն մասին, թե որտեղ է ճաշակի սահմանն ավարտվում ու սկսվում ճարտարապետական քաոսը։

Գարիկ Պապոյանի հետ զրուցել ենք նոր ֆիլմ նկարելու մասին, ռաբիսից մինչև ռոք, կրոնից մինչև աթեիզմ, դեբատների մշակույթի ու համընդհանուր հումորի բացակայության մասին։ Քննարկել ենք՝ ինչպես ենք կորցնում մեզ հետ մնալու ժամանակը 21-րդ դարի վազքում,  ինչու է դժվար չսիրած ժանրերով ստեղծագործելը ու ինչու է կարևոր ոչ թե հարմարվելը, այլ նորը ստեղծելը։

«Neoxon» ընկերության հիմնադիր Արմեն Հարությունյանի հետ զրուցել ենք ֆինանսական տեխնոլոգիաների զարգացումների, բանկերի թվայնացման, կրիպտոարժույթների, մարդու ագահության ու տեխնոլոգիական մեղքի մասին։ 

Նաև խոսել ենք ավատարների, տեղական շուկայի խնդիրների ու այլ վտանգների մասին, որոնք գալիս են ոչ դրսից, այլ ներսից։

«Կարաս» գինիների վաճառքի և մարքեթինգի տնօրեն, «FairWind» և «3 շիշ գինի» խմբագիր Վարդգես Հովեյանի հետ խոսել ենք ավանդույթի մեջ մնալու, մյուզիքի, արագ փողի փոխարեն դանդաղ կապիտալի, ինչպես նաև վազելու և առողջ ապրելակերպի, կենտրոնացման խնդրի ու գրելու ունակությունը չկորցնելու մասին։

12 տարեկան Դանիել Ղազարյանի հետ զրուցել ենք Նադալի ստորագրությունը ստանալուց, խոհարարությունից, փողից ու երազանքներից, AI օգտագործելու փորձից, սիրած գրքերից ու մուլտֆիլմերից։ Դպրոցում միշտ չէ, որ ստացվում է, բայց հետաքրքրասիրությունն ու համառությունը առաջ են տանում։

Գրաֆիկական դիզայներ Գարեգին Մարտիրոսյանի հետ զրուցել ենք՝  150 տարեկան տպագրական հաստոցով բիզնես սկսելու, 6 կգ-անոց տառատեսակներ գնելու, դիզայնը որպես գիտություն ընկալելու ու Հայաստանում դիզայնի արդյունաբերությունը վերարժևորելու մասին։

Հայաստանը այս տարի Եվրատեսիլում ներկայացնող Պարգի հետ զրուցել ենք Եվրատեսիլի, Հայաստան տեղափոխվելու, սպորտի և այլ թեմաների մասին։

Խոսել ենք նաև՝ ինչպես է անցնում նախապատրաստական փուլը, ինչպես են երգ գրել թիմով, ինչ դեր ունի ճաշակը երաժշտության մեջ և ինչ է նշանակում հայտնվել 200 միլիոն մարդու առաջ։

«Յելլ էքսթրիմ պարկ»-ի հիմնադիր Տիգրան Չիբուխչյանի հետ զրուցել ենք Ենոքավանը զարգացնելու ծրագրերի մասին ու թե ինչ է տվել իրեն «MBA»-ը, ինչպես են հովանավորներ հայտնվել «Ապագա»-ի համար, ինչու՞ պետության ներգրավումը բարդ տրվեց, ինչպես են ռիսկի տակ դրվել ընտանեկան խնայողությունները և թե ինչու դեռ չենք կարողանում իրար վստահել։

«Limitless Asset Management» ընկերության հիմնադիր Արտյոմ Զաքարյանի հետ զրուցել ենք համաշխարհային ճգնաժամի, դոլարի, վարկերի, բանկերի, Թրամփի, սպասվող համաշխարհային փոփոխությունների և դրա հետևանքով մեզ սպասվող նորությունների մասին։

«imID» ընկերության գործադիր տնօրեն Կարեն Մկոյանի հետ զրուցել ենք թվային ինքնության ապագայի, տվյալների անվտանգության, մենեջմենթի հանրային ընկալման, վարքագծային փոփոխությունների, ազգային գաղափարի, բիզնեսում դերի, մշակույթի, վստահության կնիքի կարևորության ու այն ճանապարհի մասին, որ անցել են 0-ից մնայուն արժեք ստեղծելու համար։

Բասիստ, «SOAD»-ի 1-ին անդամներից Դավիթ Հակոբյանի հետ խոսել ենք երաժշտության, «System Of A  Down»-ի, հայ լինելու, Գլենդելի հայկական համայնքի, Ռիկ Ռուբինի հետ հադիպման, Ջիվան Գասպարյանի հետ աշխատելու և շատ այլ թեմաների շուրջ։

«Սիմփսոններ»-ի անիմացիոն թիմում աշխատող Ելենա Գեոդակյանի հետ զրուցել ենք Հոլիվուդում անիմացիաներ սարքելու անցած ճանապարհի, «Warner Brothers»-ում և «Սիմփսոններ»-ում աշխատելու փորձի, անիմացիայի թանկ լինելու պատճառների, արհեստական բանականության ազդեցության, Թումոյում դասավանդելու, ԱՄՆ-ի մշակութային արտահանման և Հայաստանի հետ կապը պահպանելու մասին։

«TCF» ընկերության համահիմնադիր և տնօրեն Նարեկ Վարդանյանի հետ զրուցել ենք նորարարական տեխնոլոգիաների, արհեստական բանականության ազդեցության, խելացի սարքերի, թռչող մեքենաների, ներդրումների ու խնայելու մշակույթի, համառության կարևորության, Չինաստանում ու ԱՄՆ-ում հաջողելու, ինչպես նաև ապագայի մասնագիտությունների մասին։

«Krisp» և «10web» ընկերությունների համահիմնադիր Արտավազդ Մինասյանի հետ զրուցել ենք ինչպե՞ս ներդրում անել սթարթափում, արժե՞ պետական ֆոնդեր ստեղծել ՏՏ ոլորտի համար, ինչպես օրն արդյունավետ կազմակերպել ու մեր փորձը փոխանցել փոդքասթով։

Զրուցել ենք նաև՝ ի՞նչն է սահմանափակում մարդկանց, ինչպես որոշել ուղղությունը բիզնեսում, ինչու են որոշումները կարևոր ամեն օր, և ինչ ազդեցություն կարող է ունենալ ՏՏ ոլորտը Հայաստանի ՀՆԱ-ի վրա։

Իրավապաշտպան, Հայաստանի ամերիկյան համալսարանի դասախոս Սիրանուշ Սահակյանի հետ խոսել ենք գերիների իրավունքների պաշտպանության, Արցախի ապօրինի շրջափակման, խաղաղության հնարավորությունների, պետությունների շահերի, պատմության խեղաթյուրման, համախմբման անհրաժեշտության և անհատական պատասխանատվության մասին։

«Երևան» ամսագրի գլխավոր խմբագիր Արտավազդ Եղիազարյանի հետ խոսել ենք «Անորայի»  ստացած 5 օսկարից, ճաշակի սուբյեկտիվությունից, «Երևան» ամսագրի ձևավորման ընթացքից, Միշոյի ու Մեսչյանի Երևանի ընկալումներից, Փարաջանովից, լեզվի ու հայհոյանքի ընկալումներից, ինչպես նաև՝ Երևանը բացահայտող պատմություններից։

Առաջին ալիքի «Մեդիա ակադեմիա» հիմնադրամի գործադիր տնօրեն Հրաչուհի Ութմազյանի հետ զրուցել ենք խոսելու ունակության, հայերենից և օտար բառերից, մեծերի պատմությունները հանրայնացնելուց, գենի հանդեպ պատասխանատու լինելուց, մարդկանց նմանություններից ու շատ այլ հետաքրքիր թեմաներից։

Հայաստանի կենսաինֆորմատիկայի ինստիտուտի տնօրեն Լիլիթ Ներսիսյանի հետ զրուցել ենք ԴՆԹ-ի խմբագրման, ՌՆԹ-ի մասին դավադրության տեսությունների, պատվաստանյութերի փորձարկման, կլոնավորման փորձերի, մեզ կառավարող բակտերիաների և շատ այլ հետաքրքիր թեմաների շուրջ։

Սթենդափեր Արթուր Չապարյանի հետ զրուցել ենք իր նոր ներկայացման, կիսատ գործ անելու, արտագաղթի, մերժման մշակույթի, կոնֆլիկտներից խուսափելու, բարդ բաներ անելու և շատ այլ հարցերի շուրջ։

https://www.rearrange.am

Հայրենադարձ, ծրագրավորող Նժդեհ Սատուրյանի հետ զրուցել ենք ՀՀ տեղափոխվելու, մեր պահելաձևերի, Երևանի առավելությունների և շատ այլ հարցերի շուրջ։

Սթենդափեր Էդուարդ Հովսեփյանի հետ զրուցել ենք սթենդափի, ռուսների Հայաստանը լքելու, տաբու թեմաների, հայերի՝ հումորի վրա չծիծաղելու, Երևանի աղտոտվածության, համբերատար լինելու և շատ այլ հետաքրքիր թեմաների շուրջ։

«Արմենպրես» լրատվականի խմբագիր, կինոման Արման Գասպարյանի հետ զրուցել ենք կարճատև դոպամին ստանալու, խնդիր լուծող ուղեղի, հոբբին բիզնես դարձնելու, տիեզերքի անվերջության, մարդու կորսվող ունակությունների, ֆիլմերի, մեր ստեղծած աշխարհների, հորինելու ունակության, շատ բան չիմանալու և շատ այլ հետաքրքիր թեմաների շուրջ։

Կիբերանվտանգության մասնագետ Սամվել Մարտիրոսյանի հետ զրուցել ենք թվային աշխարհի կտրուկ փոփոխություններից, Ֆեյսբուքի գրաքննությունից, թվային մանիպուլյացիաներից, ալգորիթմներից, ֆասթֆուդից դեպի առողջ սնունդ անցնելու քարոզչությունից  և այլն։

Հայաստանի ազգային պոլիտեխնիկական համալսարանի ռեկտոր Գոռ Վարդանյանի հետ զրուցել ենք մրցակցային կրթության, համալսարանի մրցունակության, նորարությունների,  դպրոցի և համալսարանի ուսերին դրված պատասխանատվության, կիրթ մարդ ձևավորելու, միջազգային նյութերի անվճար հասանելիության  և շատ այլ հարցերի շուրջ։

Գիտնական Հրանտ Խաչատրյանի հետ զրուցել ենք «Open A»I-ի նոր մոդելների, թանկ ալգորիթմների, աշխատանք կորցնել-գտնելու, պետության «AI» կիրառելու, ակնկալվող վգանգների և հնարավորությունների և շատ այլ հարցերի շուրջ։

Լրագրող և խմբագիր Նիկոլայ Թորոսյանի հետ զրուցել ենք 2024-ին տեղի ունեցած տարբեր իրադարձությունների, լրատվական դետոքսի,  չպլանավորված ապրելու, տաքսի վարելով այլ իրականություն տեսնելու և շատ այլ հարցերի շուրջ։

Ալեն Շադունցը իրանագետ է, միջազգայնագետ և դասախոս։ Ալենը նաև կրթություն է ստացել Օքսֆորդում։

Ալենի հետ զրուցել ենք տարածաշրջանում տիրող իրավիճակի, գերտերությունների,տաք և սառը պատերազմների, սոցիալական անհավասարության, Հայաստանից օգուտ քաղելու, մեդիայի բևեռացնող բովանդակության և շատ այլ հարցերի շուրջ։

Կազմակերպական վերափոխման քոուչ Արմինե Մկրտչյանի հետ զրուցել ենք կազմակերպություններում եղած խնդիրների, անգիտակից կողմնակալությունների, մեր հիշողությունները կառուցելու, էգոյի և նարցիսիզմի, գործ անելու և ձևացնելու, մեր ցանկալի և սարսափելի կերպարների և շատ այլ հարցերի շուրջ։

Ռեժիսոր և անիմատոր Նաիրա Մուրադյանի հետ զրուցել ենք ֆիլմերի, մուլտֆիլմերի ստեղծման գործընթացի, երաժշտական խմբերի, ստեղծագործ մտքի, ապագայի անկանխատեսելիության և շատ այլ հարցերի մասին։

Պրոֆեսիոնալ թենիսիստուհի Էլինա Ավանեսյանի հետ զրուցել ենք թենիսի, դժվարությունները հաղթահարելու, ՀՀ քաղաքացիություն ստանալու, մարզիչին փոխելու, հոբբիների և շատ այլ հարցերի մասին։

«Ոսկե ծիրան» կինոփառատոնի տնօրեն Կարեն Ավետիսյանի հետ զրուցել ենք ֆիլմերի, կոմերցիայի և արվեստի համընկնումների, երաժշտության, մեր պահելաձևերի և նախասիրությունների փոփոխության, տեխնոլոգիաների զարգացման հետևանքով կինոյի ապագայի,  «Ոսկե Ծիրան»-ի, Քևին Սփեյսիի Հայաստան գալու և շատ այլ հետաքրքիր թեմաների շուրջ։

Անասնաբույժ Վահե Մկրտչյանի հետ զրուցել ենք էխինոկոկի մասին միֆերի, կատաղության դեպքերի, մոծակների միջոցով տարածվող հիվանդությունների, որակավորում չունեցող մասնագետների և շատ այլ թեմաների մասին։

Երևանի Ճարտարապետության և շինարարության  համալսարանի դասախոս, ճարտարապետ Տիգրան Գալստյանի հետ զրուցել ենք ճարտարապետության, տեխնոլոգիաների և քաղաքականության ազդեցության, վերելակի հայտնագործման, հողի վրա մեր իրավունքների, ամենահետաքրքրիր քաղաքների  և շատ այլ թեմաների մասին։

 «Մեդիամաքս»-ի տնօրեն Արա Թադևոսյանի հետ զրուցել ենք նորագույն Հայաստանի պատմության, «Վանոն ու Վազգենը» գրքի, հոկտեմբերի 27-ի, հաղթանակի ընկալման, մեդիադաշտի և շատ այլ թեմաների շուրջ։

Կապանի մաթեմատիկայի խմբակի համահիմնադիրներ Գարիկ Ավետիսյանի և Ալեքսանդր Կալայանի հետ զրուցել ենք Կապանում մաթեմատիկայի խմբակ բացելու, միջազգային օլիմպիադաներին մասնակցելու, փոքր ու մեծ հաղթանակներ գրանցելու,  կրթված լինելու, տրամաբանությամբ, հաշվարկներով ուղեղը մարզելու և շատ այլ թեմաների շուրջ։