Tempulli i Shëndetit

Me jetëgjatësi kuptojmë jo vetëm një jetë më të gjatë, por edhe më cilësore. Sot në Kinë numri i popullsisë së plakur është rritur, gjë që ka sjellë në fokus metodat e përmirësimit të shëndetit. Në këtë artikull, do të flasim pikërisht për përvojat e shëndetshme të të moshuarve në moshë të madhe, tha profesori i spitalit Xiangtan, Luo Xuehong. Sekreti i jetëgjatësisë së tij është mirënjohja. Mirënjohja e shpeshtë në jetën time "U linda në kohë të vështirë para themelimit të Republikës Popullore të Kinës, pra para 1 tetorit të vitit 1949. Kisha fat që arrita të shpëtoja nga kapja e ushtarëve japonezë dhe uria e madhe. Prindërit dhe gjyshërit e mi nuk dinin shkrim e këndim. Pas përfundimit të luftës, u diplomova në universitet me bursë nga shteti. Sot jam profesor i mjekësisë. Për këtë u jam mirënjohës prindërve që sollën në jetë dhe mësuesve që më dhanë dije. U jam mirënjohës miqve që më dhanë përkrahje dhe më inkurajuan. Falënderoj spitalin që më dha mundësinë të shfaq talentin tim. Falë falënderimeve të shumta që më japin të tjerët, unë kam vullnet të vendosur dhe një jetë shumë të larmishme. Kur përballem me vuajtje të madhe, mundohem të kem guxim për vazhdimësinë përpara, falë vlerësimeve për të gjitha përvojat e jetës, që më dhanë aq shumë lumturi. Falënderimi është një metodë e mirë për shëndetin". Mirënjohja është karakteristikë e rëndësishme personale "Jam një mjek që përballem me vuajtjet e pacientëve në shumicën e kohës. Kur shoh dhimbjen e tyre përpiqem të kuptoj ndjenjat e tyre dhe t'u jap ndihmë më të madhe. Duhet të jemi humanë kur i shërbejmë pacientëve dhe duhet t'i kushtojmë vëmendje të madhe cilësisë dhe dinjitetit të jetës së pacientëve. Duhet të përpiqemi jo vetëm për zgjatjen e jetës së pacientit, por edhe për përmirësimin e cilësisë së jetës së tyre. Zakonisht duhet të mbajmë një qëndrim jo ekstrem për probleme të ndryshme dhe duhet të pakësojmë nivelin e shqetësimeve e të mos grindemi për mosmarrëveshje të vogla dhe të mos synojmë shumë për famë dhe pasuri. Mbajtja e humorit pozitiv, shpërfillja e ngjarjeve të kaluara dhe ruajtja e qetësisë për ngjarjet e së ardhmes janë mënyra e mia efektive për të mbajtur nivel të qëndrueshëm të tensionit të gjakut. Mirënjohje për njohuri ndaj ushqimeve të shëndetshme Ushqimet e shëndetshme luajnë rol shumë të rëndësishëm për një jetë të gjatë dhe shëndetshme. Dieta ime është planifikuar sipas standardeve të Udhëzimeve Ushqimore të Qytetarëve Kinezë, hartuar nga Shoqata Kineze e Ushqimit. Çdo ditë, konsumoj drithëra të ndryshme, perime dhe fruta, mish, peshk, qumësht dhe vezë në sasinë e duhur. Synoj që të ha 70-80% të ngopjes së plotë në çdo vakt. Unë nuk ha dhe pi shumë brenda një kohe të shkurtër, nuk konsumoj aspak duhan dhe pije alkoolike. Pi çdo mëngjes një gotë ujë të ngrohtë 500-800 ml, konsumoj më shumë ushqime në mëngjes, përfshi llapa, vezë, qumësht, bukë në avull etj. Në drekë ha afro 100 gramë oriz, mish dhe perime të përziera së bashku, me një pjatë supë. Në darkë ha lehtë makarona, perime dhe fruta. Sot kam një linjë trupi të mirë as i dobët e as i shëndoshë. Mirënjohje për mësimin e vazhdueshëm Pas daljes në pension, jam ripunësuar nga spitali dhe vazhdova punën e mjekut deri në vitin 2018. Kur dola në pension ndieva se ky është fundi i karrierës sime, por jo fundi i jetës. Si të përshtatemi me jetën e re? Së pari, duhet të vazhdojmë mësimin. Kam blerë shumë gazeta dhe revista, si "të moshuarit kinezë", "gazeta e shëndetit", "mjekësia familjare" etj dhe përpiqem që t'i lexoj ato çdo ditë. Së dyti, duhet të vijoj shkrimin e artikujve mjekësor. Kam publikuar mbi 1 mijë artikuj të shkëlqyer shkencor. Kam shkruar librin "Le ta çmojmë jetën tonë, shënime nga specialisti i njohur i emergjencave", i cili ka marrë "çmimin më të lartë të veprave të shëndetshme". Së treti, këmbëngul për pjesëmarrjen në aktivitete të ndryshme në universitetin e të moshuarve. Kam marrë pjesë në klasat e fotografisë dhe aktivitete të fotove në natyrë. Madje fotoja ime "Argëtim në plazh" mori çmim në konkursin e 20-të të fotove artistike kombëtare në vitin 2018. Ndihem i plotësuar në jetë, ruaj një qëndrim pozitiv dhe optimist. Mirënjohja për miqtë e çmuar Në 10 vitet e fundit, përmes ekzaminimit mjekësor, kam zbuluar 12 probleme shëndetësore në trupin tim si hepatiti B, hipertension, kolesterol i lartë, acid i lartë urik etj. Përballë kaq shumë problemeve shëndetësore, shumë njerëz do shqetësohen tërë ditën. Por, unë mendoj se zbulimi i këtyre problemeve nuk është një lajm i keq, meqenëse unë do t'u kushtoj më shumë vëmendje ruajtjes së shëndetit tim. Kam dhjetra miq të mirë me jetë të gjatë. Disa prej tyre kanë qenë pacientë të mi, që pranuan shërbimin tim mjekësor për mbi 40 vjet. Deri sot, ata kanë një jetë shumë të mirë dhe mund të bëjnë turizëm jashtë vendit. Unë duhet të mësoj përvojat e tyre për ruajtjen e shëndetit të mirë në jetën e zakonshme. Këto janë disa përvojat e vlefshme të tyre: 1. Duhet të forcohet besimi për të kapërcyer sëmundje të ndryshme, duhet të besojmë se "Kemi aftësi të fortë të vetërregullimit. Nëse ruhen në mënyrë të përshtatshme funksionet e vetërregullimit, mund të frenohet përkeqësimi i këtyre sëmundjeve." 2. Duhet të këmbëngulim tek kontrolli i trupit në afat të përcaktuar. Duke iu referuar problemeve të zbuluara, duhet të përdorin ilaçet përkatëse dhe të pranojmë sugjerimet e mjekëve. 3. Duhet të njohim gjendjen aktuale të shëndetit tonë, në jetën e përditshme dhe të mos bëjmë aktivitete jashtë aftësive tona, e mos përpiqemi të marrim shumë fitime. 4. Duhet të bëjmë më shumë stërvitje fizike, të rregullojmë trupin, të forcojmë funksionet e ndryshme, duke përmirësuar shëndetin tonë. (Xu Guang)

Trupi ka nevojë për hekur për të prodhuar hemoglobinën. Trupi mund ta ketë më lehtë të thithë hekurin nga mishi se sa nga perimet ose ushqime të tjera. Për të trajtuar aneminë, mjeku mund të sugjerojë konsumin e një sasie më të lartë mishi, sidomos mish i kuq (mish lope apo mëlçi), si dhe pule, gjeldeti, mish derri, peshk. Spinaq dhe perimet të tjera me gjethe jeshile të errët, bizele, thjerrëza, fasule, soje. Fruta të thata, si kumbulla të thara, kajsi dhe rrush, drithëra. Hekuri gjithashtu mund të përfshihet në vitaminat shtesë, duke u kombinuar zakonisht me multivitamina dhe minerale të tjera që ndihmojnë trupin për të thithur hekur. Sasi të mëdha të hekurit mund të jenë te dëmshme, prandaj marrja e vitaminave shtesë dhe hekur duhet marrë vetëm kur rekomandohet nga mjeku. Nivelet e ulëta të vitaminës B12 mund të çojnë në anemi. Kjo lloj anemie shpesh trajtohet me vitaminë shtesë B12. Burime të mira të vitaminës B12 përfshijnë: Prodhime drithrash me vitaminë B12 shtesë. Mish viçi, mëlçi, pula, dhe peshk. Vezët dhe produktet e qumështit (qumësht, kos, djathë). Ushqime të fortifikuar me vitaminë B12, të tilla si soje, perime. Acidi folik (folate) është një formë e vitaminës B që gjendet në ushqime. Trupi ka nevojë për acid folik për të krijuar dhe për të mirëmbajtur qelizat e reja. Acidi folik gjithashtu është shumë i rëndësishëm për gratë shtatzëna. Kjo i ndihmon ato për të shmangur aneminë dhe nxit rritjen e shëndetshme të fetusit. Burime të mira të acidit folik përfshijnë: Bukë, makarona, oriz dhe me acid folik shtese. Spinaqi dhe të tjera perimet me gjethe jeshile të errët, fasule. Mëlçi viçi, vezë. Banane, portokall, lëng portokalli, dhe disa fruta të tjera dhe lëngje. Vitamina C ndihmon trupin për të absorbuar hekurin. Burime të mira të vitaminës C janë perime dhe fruta, sidomos agrume (portokall, mandarina, qitro, perime si speci jo djegës dhe fruta të ngjashme. Fruta të tjera të pasura në vitaminë C përfshijnë kivi, luleshtrydhe, dhe pjepër. Perime të pasura në vitaminë C përfshijnë brokoli, speca, lakër brukseli, domate, lakër, patate, dhe perimet me gjethe jeshile si rrepë dhe spinaq. Hemoglobina është lënda qe i jep ngjyrën gjakut dhe që transporton oksigjenin në pjesë të ndryshme te trupit. Shenjat apo problemet kryesore qe sjell anemia vijne pikërisht si pasojë e mosoksigjenimit të mirë të indeve. Prej shenjave te pergjithshme (jo specifike vetëm për aneminë) të anemisë jane lodhja, rrahjet e shpeshta te zemrës, vështirësia në frymëmarrje, zbehja në lëkurë dhe sy etj. Nëse anemia është e rëndë mund të shfaqen edhe probleme si zhurma në vesh, dhimbje koke, marrje mendsh, rënie në peshë, humbje e oreksit etj. Pra dhe anemia ka gradat e saj. Shkaqet e anemisë: Hemoragjitë Shkatërimi i tepërt i qelizave të kuqe të gjakut Helmimi me lëndë toksike p.sh plumb Disa infeksione Disa ilace Puna e tepërt e shpretkës Mungesa e lëndëve kryesore si hekuri, acidi folik, B12, bakri etj. Sëmundjet kronike p.sh sëmundja kronike e veshkave, ciroza etj. Megjithëse shkaktarët e anemisë ndryshojnë nga mosha në moshë përsëri shkaqet më të shpeshta janë mungesa e hekurit, mungesa e acidit folik dhe mungesa e vitaminës B12. Diagnoza e anemisë vendoset me analizat e gjakut kurse shenjat që vihen re ndihmojnë mjekun për diagnostikim dhe diagnozën diferenciale. Mungesa e hekurit Është shkaku me i shpeshtë i anemisë. Hekuri është një komponent i rëndësishëm i hemoglobinës. Shkaqet jane te shumta e mes tyre: Marrja e pakët me anë të dietës Thithja e pakët nga organizmi (problemet me sistemin tretës si sëmundjet apo disa infeksione parazitësh) Rritja e nevojës për hekur (p.sh në shtatzëni) Hemoragjitë kronike (këtu futen edhe menstruacionet) Si kurohet? Me marrjen e hekurit me anë të preparateve nga goja. Dy muaj pas përdorimit të preparatit hemoglobina do të vejë në gjendjen normale, por për të mbushur edhe depot e hekurit në trup duhet një kohë prej 6 muajsh. Për përthithjen sa më të mirë duhet marrë pa ngrënë por shpesh për të parandalaur disa efekte merret pas buke. Nuk duhet marrë bashkë me qumështin apo prodhimet e tij se i pakësojne thithjen. Tek gratë shtatzana dhe ato që japin gji duhet dhënë hekur shtesë. Acidi folik është i nevojshëm për rritjen dhe zhvillimin e qelizave të kuqe të gjakut të cilat përmbajnë hemoglobinë dhe transportojnë oksigjenin në pjesë të ndryshme të trupit. Alkoli është një prej lëndëve që ndikon për keq në metabolizmën dhe thithjen e acidit folik. Gjithashtu rritja e nevojës ps.h në shtatzani. Shkak tjetër për mungesën e acidit folik janë sëmundjet e traktit tretes, ilaçet kontraceptive orale, disa ilaçe të epilepsisë dhe të kancerit. Mungesa e vitaminës B12 Mungesa e një faktori të nevojshëm për thithjen e B12 (ky faktor prodhohet në stomak) sjell edhe mos përthithjen dhe si rrjedhojë edhe mungesën e vitaminës B12. Edhe vitamina B12 nevojitet për rritjen dhe zhvillimin e qelizave të kuqe të gjakut. Gjithashtu marrja e pakët nga jashtë shkakton mangësi sidomos tek vegjetarianët (por kjo do disa vite). Në disa nga problemet me stomakun, me ileumin terminal (një pjesë e zorrëve të holla) apo infeksione të parazitare, pankretiti kronik etj. gjithashtu shfaqet mungesa e B12. Edhe disa ilaçe ulin vlerën e B12. Cilat janë shenjat? Mungesa e ndjesisë në duar dhe këmbë Një gjuhë e dhimbshme dhe e enjtur (glossit) Diare Depresion Pakësimi i funksioneve intelektuale Mpirje në duar e këmbë Në shumicën e rasteve kurimi i anemisë varet direkt prej kurimit te sëmundjes bazë gjithashtu dhe dhënia apo vënia në vend e asaj lënde që mungon p.sh nëse ka hemoragji dhënia e gjakut e rrit hemoglobinën, nëse ka mungesë acidi folik apo B12 duhen dhënë nga jashtë ose duhet ushqyer me ushqime të pasura me këto lëndë. Duhet theksuar se kurimi i këtij problemi duhet bërë nën kontrollin e mjekut sepse duhet gjetur shkaku pas një vizite të detajuar dhe sigurisht një diagnozë e saktë është edhe çelësi i kurimit.

Në kohën e lindjes së fëmijës së dytë, mënyra e dhënies së dashurisë për fëmijët është një mësim i nevojshëm për çdo familje. Tani, më shumë nëna kineze janë më të prirura drejt lindjes së fëmijës së dytë. Ndryshe nga lindja e fëmijës së parë, kur nëna nuk kishte përvojë, lindja e fëmijës së dytë është më e lehtë, por dalin disa probleme të reja si për shembull: si të ndahet dashuria në mënyrë të ekuilibruar për dy fëmijët? Si t'i tregojë fëmijës së parë për ekzistencën e vëllait apo motrës? Si të shmanget ndenja e braktisjes apo e kushtimit më pak vëmendje të fëmijës së parë? Një vajzë 10 vjeçe ka humor të paqëndrueshëm. Ajo zemërohet shpesh dhe nuk ka dëshirë të shkojë në shkollë. Prandaj, prindërit vendosën ta çonin tek një psikolog. Pas bisedës me vajzën psikologu zbuloi se ajo ka një motër të vogël 6 vjeçe, që nuk e do. Ajo zemërohej kur shihte lodrat e reja të motrës të blera nga nëna dhe nisi ta pickonte të motrën fshehtas. Prindërit e vajzës u shqetësuan shumë për këtë reagim dhe thanë se kishin trajtuar njësoj të dyja vajzat. Kur nëna ishte shtatzënë dhe ia tregoi asaj këtë lajm, vajza kishte reaguar shumë negativisht dhe kishte qarë pa pushim. Ky është një shembull i konfliktit mes dy fëmijëve. Pas lindjes së motrës së vogël, vajza shfaqi pakënaqësi të grumbulluar ndaj nënës dhe motrës së vogël. Nëna i kishte treguar që do të kishte një motër të vogël pas shtatzënisë, por kur pa reagimet jo të mira të vajzës nëna nuk foli më për këtë çështje. Prandaj, vajza nuk u përgatit plotësisht psikologjikisht për ardhjen e motrës së vogël. Prandaj specialistët sugjerojnë që nëna duhet t'i tregojë fëmijës së madh prej nga koha e përgatitjes për shtatzëninë. Përgatitjet e plota për lindjen e fëmijës së dytë Lindja e fëmijës së dytë simbolizon sakrifikimin e kohës dhe energjisë. Nëna mund të heqë dorë nga studimet apo trajnimet për të rritur fëmijën e saj. Përveç kësaj, ardhja e fëmijës së dytë kërkon planifikim ekonomik. Shumë prindër pyesin mendimin e fëmijës së madh për lindjen e motrës ose të vëllait të vogël, por shumë nga përgjigjet mund të jenë JO. Fëmija e madh me vetëdije ose pa vetëdije frikësohet se prindërit do duan më shumë pjesëtarin e ri të familjes prandaj ata nuk duan ta ndajnë dashurinë që prindërit kanë për ta. Në kohët e sotme, prindërit respektojnë më shumë ndjenjat e fëmijës. Por kur vjen momenti, prindërit duhet t'u tregojnë fëmijëve sjelljet e përshtatshme për motrën ose vëllain e vogël. Në kohën e përgatitjes së lindjes së fëmijës së dytë, kur fëmija i madh shpreh zemërim ose humor negativ, prindërit pasi dëgjojnë këto shprehi duhet të flasin me fëmijët dhe të përpiqen t'ua shpjegojnë më mirë gjendjen. Kur prindërit vendosin për sjelljen në jetë të fëmijës së dytë, është më mirë që ata t'ja shpjegojnë fëmijës në këtë formë: "Do të bëhesh me një vëlla ose motër të vogël, që do të ketë baba dhe nënë të njëjtë me të. Ti do të bëhesh vëllai(apo motra) e madhe. Babai, nëna, gjyshi dhe gjyshja do t'ju duan shumë si gjithmonë." Këto fjalë të drejtpërdrejta mund ta ndihmojnë fëmijën të kuptojë ardhjen e fëmijës së dytë dhe të heqë shqetësimet e tij. Statusi "vëllai i madh ose motra e madhe" mund ta shtojë krenarinë tek fëmija. Në periudhën e shtatzënisë, nëna mund të shkojë së bashku me fëmijën e parë në spital për kontroll shëndetësor. Në procesin e kontrollit të shëndetit, fëmija i parë mund të njihet me informacione të hollësishme mbi shtatzëninë. Nëpërmjet dëgjimit të rrahjes së zemrës së fetusit dhe parjes së ekos, fëmija i parë mund të njohë më qartësisht ekzistencën e vëllait ose të motrës së vogël brenda barkut të nënës. Kur nëna ndjen lëvizjen e bebes në bark, mund t'ia tregojë fëmijës së parë që të prekë barkun e nënës për të ndier këtë lëvizje. Në këtë formë krijohet një lidhje psikologjike mes dy fëmijëve. Në kohën para lindjes, nëna mund të bëjë më shumë nga këto komunikime. Kur vjen koha për të shkuar në spital për lindjen e fëmijës së dytë, mund t'ia tregojë fëmijës së parë se vëllai ose motra e vogël do të lindë së shpejti dhe se ajo mund të shkojë në maternitet për të mirëpritur pjestarin e ri. Kur bebja e parë shkon në spital, nëna duhet ta përfaqojë. Inkurajimi i ndihmës së fëmijës së parë Pas lindjes së fëmijës së dytë, nëna do t'i kushtojë vëmendje më të madhe foshnjën e dytë. Miqtë dhe të afërmit do bëjnë vizita me dhurata për foshnjën e dytë. Në këtë periudhë, prindërit duhet të përgatisin para kohe edhe dhurata për fëmijën e parë, për ta shmangur ndjenjën e braktisjes tek fëmija i parë. Babai luan edhe një rol shumë të rëndësishëm në këtë fazë dhe duhet të shoqërojë beben për një kohë më të gjatë. Shtimi i kohës së shoqërimit të babait mund të neutralizojë pakësimin e kohës së shoqërimit nga nëna. Duhet të inkurajohet pjesëmarrja e fëmijës së parë në punët e thjeshta shtëpiake, si dërgimi i peshqirit, bërja e banjës së bashku me nënën për beben e dytë, marrja e lodrave për vëllanë ose motrën e vogël, shoqërimi i bebes së dytë. Kur fëmija i parë merr pjesë në procesin e rritjes së bebes së dytë, mund të pakësohet ndjenja e shpërfilljes së saj dhe mund të shtohet krenaria. Gjatë këtij procesi, fëmija e parë bëhet një forcë mbështetëse dhe e besueshme. Përveç kësaj, fëmija e parë mund të kuptojë më qartësisht përvojat e vështira të prindërve për rritjen e fëmijëve dhe të kuptojë procesin e rritjes së vet. Në fakt, fëmijët shqetësohen më shumë për pakësimin e dashurisë së prindërve pas lindjes së bebes së re. Fëmija e parë mund të shfaqë disa shenja si bebja e vogël, si psh kërkimi i një përqafimi nga prindërit, zemërimi i papritur si motra e vogël, pirja e ujit në biberon etj. Këto shfaqje janë për të rregulluar humorin e brendshëm të fëmijës dhe për të tërhequr vëmendjen e prindërve. Babai dhe nëna duhet të kuptojnë humorin dhe kërkesat e vërteta të saj dhe të mos e kritikojnë me fjalë të ashpra. Prindërit mund të plotësojnë këto kërkesa të vogla për t'i treguar se dashuria e prindërve është e pandryshuar. Prindërit luajnë rolin më kryesor në edukimin familjar. Në periudhë kyçe të formimit të karakteristikave personale të fëmijës, ata u japin mësime të rëndësishme për të pranuar ardhjen e anëtarit të ri të familjes dhe për dhënien e dashurisë familjare. Këto janë mësime të detyrueshme të "familjes me dy fëmijë".

Vitet e fundit po shtohet numri i njerëzve që mbajnë kafshë shtëpiake. Sipas një studimi në vitin 2015, në Kinë ekzistojnë të paktën 100 milionë kafshë shtëpiake që rriten nga familje apo individë. Kafshët shtëpiake janë shoqëruese të ngushta të njeriut, veçanërisht për të moshuarit. Në kohët e sotme, kafsha shtëpiake është bërë një anëtare e pashmangshme e familjes. Pas daljes në pension, fëmijët largohen në vende të tjera ose janë gjithë kohës shumë të ngarkuar me punë prandaj të moshuarit qëndrojnë të vetmuar në shtëpinë bosh. Në këtë fazë të jetës së tyre këshillohet mbajtja e një kafshë shtëpiake si mbështetje. Projekti "HenPower" ndryshon jetën e të moshuarve Një azil pleqsh në Britaninë e Madhe nisi projektin "HenPower", përmes të cilit të moshuarit nxiten të marrin pjesë në rritjen, ushqimin, përkujdesjen ndaj pulave dhe kafazeve. Ky projekt synon reduktimin e ndjenjës së vetmisë tek të moshuarit. Ata të cilët morën pjesë në këtë program u shprehën se pula u solli gëzim dhe u ndryshoi jetën. Disa madje u çuditën nga ndikimi pozitiv që sjell kafsha shtëpiake. E dimë se të moshurve u nevojitet shoqërimi i fëmijëve, por kafshët shtëpiake nuk e njohin gjuhën e njerëzve dhe nuk mund të komunikojnë me të moshuarit. Pra cilat janë arsyet që një kafshë shtëpiake mund të sjellë ndikim pozitive tek të moshuarit? Në fakt, rritja e kafshës shtëpiake mund të ketë ndikim pozitiv në jetën e të moshuarve, si për shembull, shton lëvizjet tek ta, rregullon humorin negativ, lehtëson problemet në marrëdhëniet familjare. Elementi më i rëndësishëm është mbushja e jetës së të moshuarve, duke u sjellë atyre më shumë gëzim në jetë. Personat që mbajnë kafshë, kanë shëndet më të mirë Sipas të dhënave mbi lidhjet mes rritjes së kafshëve shtëpiake dhe shëndetit, të moshuarit që kanë një kafshë shtëpiake jetojnë 20% më shumë se të tjerët që nuk mbajnë kafshë. Sipas një tjetër sondazhi, ndër të moshuarit me sëmundje zemre dhe që rrisin një kafshë shtëpiake jetojnë një vit më shumë se të tjerët. Gjatë procesit të mbajtjes së kafshës, shëtitjet me to, ushqimi dhe pastrimi i vendit ku ato qëndrojnë mund të shtojnë aktivitetet e të moshuarve, duke përmirësuar shëndetin e tyre. Përveç kësaj, kafshët shtëpiake mund t'i shoqërojnë të moshuarit deri në fund të jetës së tyre. Nën shoqërimin e kafshës shtëpiake, të moshuarit mund të ndjejnë më shumë ngrohtësi dhe të largohen me të qetë nga kjo botë. Kafshët shtëpiake përmirësojnë shëndetin psikologjik të të moshuarve Rritja e një kafshe shtëpiake jo vetëm do të përmirësojë shëndetin fizik të të moshuarve, por edhe atë psikologjik. Shumë të moshuar që punuan shumë, pas daljes në pension, patën shumë kohë të lirë. Por disa prej tyre nuk ishin të lumtur dhe patën ndjenjën e pavlefshmërisë. Por rritja e një kafshe shtëpiake u mbush jetën. Shumë njerëz mendojnë se ushqyerja e kafshës shtëpiake do të shtojë barrën, por të moshuarve u nevojiten këto ngarkesa të rëndësishme, të cilat mund të plotësojnë kohën e lirë të tyre. Kafshët shtëpiake u japin të moshuarve edhe dashuri. Kur të moshuarit largohen nga shtëpia, kafshët nuk duan të ndahen prej tyre dhe kur ata kthehen në shtëpi, mund të shohin gëzimin e kafshës. Këto komunikime humori mes të moshuarve dhe kafshëve shtëpiake janë shumë të rëndësishme për shëndetin psikologjik të të moshuarve. Kafshët shtëpiake bëhen urë komunikimi mes çiftit të moshuar Rritja e kafshëve shtëpiake mund të lehtësojë konfliktet familjare. Shumë çifte në moshë të thyer shndërrohen në fëmijë kur plaken. Çifti i moshuar mund të ketë konflikte të vogla dhe humbë durimin shumë shpejt. Këto konflikte mund të jenë të rrezikshme për të moshuarit me humor të paqëndrueshëm dhe shëndet të dobët. Mbajtja e kafshëve shtëpiake mund të ndihmojë në zhvendosjen e vëmendjes dhe lehtësimin e humorit negativ. Përveç kësaj, kafshët shtëpiake mund të bëhen urë komunikimi mes çiftit të moshuar. Këto kafshë mund të rregullojnë humorin e çiftit të moshuar. Të moshuarve u nevojitet në fakt shoqërimi i fëmijëve Të moshuarit pa një hobi dhe pas daljes në pension përballen me rrezikun më të madh të shfaqjes së Alzheimer-it. Por disa të moshuar nuk kanë shëndet të mirë për të marrë pjesë në aktivitete të ndryshme të këndimit dhe vallëzimit. Ata mund të marrin një kafshë shtëpiake, si psh peshqit dhe breshkat e ujit nuk kërkojnë shumë energji dhe kohë. Të moshuarit nuk janë të detyruar të bëjnë shëtitje me këto kafshë çdo ditë dhe nuk ngarkohen me shumë punë të tjera. Këto kafshë shtëpiake luajnë rolin e përmirësimit të humorit. Në procesin e ushqimit të kafshëve shtëpiake, të moshuarit mund të komunikojnë me këto kafshë, duke kaluar kohën e lirë të tyre nëpërmjet këtij komunikimi. Po ashtu për kujdesin ndaj kafshëve të moshuarit mësojnë njohuritë e duhura, njohuri të cilat janë stërvitje dhe veprimtari argëtuese. Në të njëjtën kohë, të moshuarit që rrisin kafshë shtëpiake mund të flasinme të moshuarit e tjerë që kanë të njëjtat kafshë për më shumë njohuri dhe për parandaluar shumë sëmundje përfshi Alzheimer-in, depresionin etj. Ekzistenca e kafshëve shtëpiake mund të përmirësojë perspektivën e të moshuarve për të ardhmen. Ata priten që të shohin ndryshimet dhe rritjen e kafshëve shtëpiake. Kur kafshët shtëpiake rriten me shëndet, ata do të jenë krenar për kontributin e tyre. Gjatë këtij procesi, të moshuarit mund të kujtojnë përsëri momentet e rritjes së fëmijëve të tyre, të cilat janë një formë ngushëllimi për ta. Në fakt kemi folur për shumë përfitime që sjell pasja e një kafshëve shtëpiake, por kjo gjë shfaq jetën e vetmuar të të moshuarve. Zgjidhjes së këtij problemi i nevojiten në fakt përpjekjet e fëmijëve, të cilët duhet të shoqërojnë prindërit në kohën e tyre të lirë, duke ofruar ngushëllim të vërtetë shpirtëror. Rritja e një kafshe shtëpiake mund të përmirësojë jetën e të moshuarve, por atyre u nevojitet edhe shoqërimi i fëmijëve. (Xu Guang)

Përqafimi është një nga gjërat më të mahnitshme që mund t'ia dhurojmë një personi. Përqafimi është në thelb një formë e terapisë. Kur ne pranojmë përqafime, ne kemi ndjenjën e komoditetit, kujdesit, dashurisë, kuptimit dhe shumë ndjenjave tjera të papërshkrueshme. Duke pasur këtë parasysh, a nuk do të pajtoheshit se duke u përqafuar çdo ditë do të ishte një ide shumë e mirë? Përqafimi përmban në vete më shumë sesa ç'shfaqet në sipërfaqe. Në fakt, ka edhe shkencë prapa asaj se çfarë ndodh brenda nesh kur pranojmë ose dhurojmë përqafim. Ndryshimet fiziologjike që i përjetojmë brenda nesh gjatë përqafimit janë me të vërtetë mbresëlënëse. Përqafimi e balancon sistemin nervor Vetëm duke ia dhuruar dikujt një përqafim, ju veçse e keni filluar balancimin e sistemit të tyre nervor. Duke e përqafuar dikë ju menjëherë ia lehtësoni dikujt ndjenjat e stresit. Shpeshherë ne e nënvlerësojmë fuqinë e përqafimit. Kur jemi duke u përqafuar, niveli i kortizolit që qarkullon përgjatë trupit reduktohet menjëherë. Kjo nënkupton se mendjet tona janë të afta për t'u qetësuar dhe për të menduar pa stres. Përqafimi e rritë disponimin Kur e përqafoni dikë, ju filloni rritjen e prodhimit të serotoninës në tru, kimikat që ju shton vetëbesimin. Përveç këtyre, përqafimi e relakson edhe trupin, si dhe e përmirëson shëndetin kardiovaskular. Përqafimi është një gjest shumë i fuqishëm nga këndvështrimi emocional, por edhe fizik. Duke e ditur këtë ne duhet të jemi të dashur çdo ditë duke filluar drejtë nga fëmijët tanë. Duket në fakt se fëmijët më të përqafuar janë gjithashtu ata me zhvillimin më të mirë të trurit. Koha e kaluar me familjen dhe me fëmijët jo vetëm që forcon lidhjet, por është gjithashtu në gjendje të japë përparësi të panumërta fizike. Një përqafim i thjeshtë që u jepet atyre që doni, për shembull, shkakton ndryshime të habitshme pozitive. Kur e shkëmbejmë këtë shenjë të dashurisë dhe afërsisë, oksitoni vjen në lojë, i njohur edhe si hormoni i dashurisë. Kjo substancë rregullon sjellje të shumta sociale jetike, të tilla si aftësia për t'u lidhur emocionalisht me miqtë dhe familjen. Ndihmon nënat gjatë lindjes dhe pastaj zhvillon lidhje të shëndosha me fëmijët e tyre duke i mbrojtur ato dhe duke i bërë ato të rriten më mirë. Prandaj mund të themi se mbijetesa jonë lidhet edhe me ekzistencën e këtij hormoni që nxit lidhjet sociale dhe rrit zhvillimin e trurit duke reduktuar ankthin dhe stresin. Prodhimi i saj stimulohet jo vetëm nga përqafimet, por edhe nga ushqimi me gji dhe nga kontaktet e lëkurës në lëkurë. Pra, imagjinoni se çfarë mund të ndodhë me një fëmijë që nuk përjeton përqafimet dhe dashurinë e atyre që duhet të kujdesen. Sipas hulumtimeve të reja nga Spitali i Fëmijëve Mbarëkombëtar në Ohajo, dashuria fizike që shprehet kryesisht përmes përqafimeve gjatë periudhës së zhvillimit të fëmijës është edhe më e rëndësishme sesa është menduar më parë. Studiuesit kanë vënë re se sa më shumë që të përqafosh një fëmijë, aq më shumë truri i tij ka mundësi të zhvillohet .Për të konfirmuar këtë, ekipi i ekspertëve mori 125 fëmijë, te të cilët shqyrtuan mënyrën se si ishin kujdesur prindërit e tyre në muajt e parë të jetës. Rezultatet treguan se fëmijët që kishin marrë më shumë dashuri nga prindërit e tyre ose stafi i spitalit treguan një përgjigje më të fortë të trurit. Shfaqjet e para të dashurisë nga ana e prindërve dhe atyre që kujdesen për fëmijët kanë efekte të qëndrueshme se si truri i fëmijës reagon ndaj manifestimeve të dashurisë dhe kjo konkretisht do të thotë se përqafimi menjëherë dhe për një kohë të gjatë i ndihmon fëmijët të përjetojnë dashurinë si një gjendje të këndshme sesa shtypëse, ndërkohë që stimulon përgjigjet pozitive të trurit. Sipas hulumtuesit Dr Nathalie Maitre, ky zbulim na tregon se diçka e thjeshtë sa të prekësh trupin ose të mbështjellësh fëmijën në krahë mund të bëjë një ndryshim të madh në mënyrën se si zhvillohet truri i tyre. Në thelb, pra, dashuria është jetësore jo vetëm nga pikëpamja emocionale, por edhe biologjike për zhvillimin e trurit të shëndetshëm. E vetmja gjë që mbetet është të bëjmë atë që instinktivisht çdo nënë dhe baba ndjen: përqafoni fëmijët tuaj sa më shumë që të jetë e mundur!

Me zhvillimin ekonomiko-shoqëror dhe përparimin tekniko-shkencor, ritmi i jetës sonë është bërë më i shpejtë. Flemë më vonë dhe punojmë natën, përgjumemi ditën, këto fenomene janë bërë të zakonshme ke shumica. Por, a e dini se kjo mënyrë e jetës mund të dëmtojë seriozisht shëndetin tonë, veçanërisht sistemin imunitar dhe funksionet e tij ? Sipas studimeve, këto zakone mund të shkaktojnë plakjen e parakohshme të organeve dhe të qelizave imunitare, mund të sjellin çrregullimet e funksionit imunitar, duke rritur moshën dhe ulur cilësinë e jetës. Të gjitha qeniet në univers, në sistemin diellor dhe botë vazhdojnë qarkullimin me ritëm dhe cikël. Prandaj, mund të shohim lëvizjet e diellit, të hënës dhe të yjeve, mund të shohim ndryshimin stinor dhe shndërrimin e ditës e të natës. Njerëzit janë qenie të gjalla në botë, prandaj funksionet fizike e aktivitetet e tyre zhvillohen sipas ritmit të natyrës. Për shembull, cikli menstrual i femrës lëviz sipas ritmit të hënës. Ndër të gjitha aktivitetet e jetës me ritëm, një funksion fizik më i njohur dhe më i rëndësishëm është fjetja natën dhe zgjimi ditën. Me lindjen dhe perëndimin e diellit, me shndërrimin e ditës e të natës, njerëzit jo vetëm kanë ligje të ndryshimit shpirtëror dhe të fjetjes, por kanë dhe ritmin e ditës dhe të natës në funksionet e tjera fizike. Në orë të ndryshme të ditës, këto funksione fizike ndryshohen në mënyrë të pandërprerë dhe periodike. Ky fenomen quhet ora biologjike apo kronometri i jetës sonë. Megjithëse ora biologjike ndikohet nga faktorët e mjedisit (si drita, temperatura, koha e ushqimit etj). ashtu si qeniet e tjera, ora biologjike e njerëzve është e skalitur brenda gjeneve tona. Nga studimet moderne, syri mund të ndiejë ndryshimin e dritës, që është sinjal i rëndësishëm i mjedisit për ruajtjen e ritmit të trupit mes dritës dhe natës. Sinjali i dritës stimulon përmes nervits optik sistemin nervor. Më vonë, sistemi nervor do t'i transferojë sinjalet tek sistemi endokrinal, i cili do të sekretojë hormonet përkatëse për të rregulluar funksionet e organeve të brendshme dhe të qelizave organike, duke ndikuar metabolizimin e glukozës, sekretimin e lëngut të tretjes, tensionin e gjakut, rolin imunitar dhe proceset e tjera të rëndësishme fizike. Funksionet fizike të trupit veprojnë me ritmin e dritës dhe të natës, duke ruajtur qëndrueshmërinë e mjedisit të brendshëm të trupit dhe gjendjen shëndetësore. Fjetja e vonshme mund të shkaktojë çrregullim të sistemit imunitar Në procesin e ndryshimit të ritmit mes dritës dhe natës, sistemi imunitar shfaq ritëm natyror më të dukshëm. Brenda një dite, funksionet e sistemit imunitar ndryshohen me ritëm. Funksionet imunitare të trupit mund të rregullohen përmes sistemit nervor, sistemit të sekretimit dhe sistemit imunitar. Kur jemi të relaksuar, niveli i aktivitetit të sistemit imunitar është relativisht i ulët dhe mund të kryhen punë dhe studim; kur sistemi imunitar ynë është aktivizuar, trupi ynë do të ndiejë lodhje dhe do dojë të flejë. Nga përvoja, në mëngjes dhe paradite kemi më shumë energji dhe humor më të qëndrueshëm. Në mbrëmje dhe në darkë ndihemi të lodhur dhe duam gjumë. Nëse duhet të punojmë në mbrëmje dhe s'mund të shkojmë të flemë në orët e vona të natës, mund të kemi shumë ndjenja parehatie. Gjëndra veshkore mund të sekretojë hormonin "glukokortikoid" që mund të frenojë reagimin imunitar të trupit dhe funksionet e qelizave imunitare. Në përgjithësi, në orën 7:00-8:00 të mëngjesit, trupi ynë mund të sekretojnë më shumë glukokortikoid për të garantuar nivelin relativisht të ulët të reagimeve të sistemit imunitar në paraditë dhe gjatë ditës. Energjia e trupit do të shpërndahen në aktivitetet e tjera fizike si ngrënia e ushqimit, mësimi, puna etj. Gjatë natës, me uljen e nivelit të glukokortikoid-it, sistemi imunitar i trupit dhe procesi i pezmatimit aktivizohen gradualisht, duke favorizuar heqjen e qelizave të sëmura dhe restauruar qelizat e dëmtuara. Në këtë moment, trupi ynë ndodhet në gjendje gjumi, prandaj ai nuk do të ndiejë lodhje dhe mund të ofrojë më shumë burime për sistemin imunitar, duke garantuar efekte më të mira. Prandaj, ruajtja e ritmit të mirë të fjetjes natën dhe të ngritjes në mëngjes është metodë e shëndetshme e jetës. Ora biologjike mund të rregullohet sipas nevojës Sistemet e ndryshme të organeve të trupit zhvillojnë aktivitete me ritëm të dukshëm, por për t'iu përshtatur ndryshimeve mjedisore natyrore, trupi ynë mund të veprojë jashtë ritmit të vjetër për një periudhë. Kur mjedisi është përmirësuar, mund të kthehemi në ritmin e vjetër të jetës. Sipas studimeve, në mjedisin plotësisht të errët, njerëzit dhe kafshët e tjera gjitare mund të ruajnë aktivitetet me ritmin biologjik origjinal për 7 ditë. Por me moshimin, aftësia e vetërregullimit të ritmit biologjik ulet në mënyrë të pandërprerë. Kjo është arsyja kryesore e pagjumësisë dhe lodhjes së shpeshtë të të moshuarve, të cilët shqetësohen nga çrregullimet e ritmit biologjik. Aftësia e vetërregullimit të ritmit biologjik të njerëzit është e kufizuar. Nëse vazhdon jeta e parregullt për një periudhë të gjatë, ora biologjike mund të çrregullohet, duke shkaktuar probleme dhe sëmundje të shpeshta. Një jetë e çrregullt shkakton dëme të dukshme për sistemin imunitar. Personat që flenë shpesh vonë ose udhëtojnë shpesh jashtë zonave të tyre kohore ndiejnë parehati të shpeshta si lodhje etj. Përveç kësaj, këta persona mund të kenë plakje të parakohshme të lëkurës dhe mund t'u dobësohet aftësitë e tyre imunitare. Këto metoda të parregullta të jetës mund të sjellin anormali në funksionet imunitare, duke ulur vitet e jetës dhe cilësinë e saj. Si të bëhen shprehi zakonet e shëndetshme? Një stil i shëndetshëm jetese është metoda kyçe për të jetuar sa më gjatë dhe për një jetë me cilësi. Po cilat janë masat për një jetë të shëndetshme? Së pari, duhet të kemi një ritëm ditor për studim, punë, ushqim etj., duke shmangur fjetjen e vonshme dhe ndryshimin e orës biologjike. Nëse për shkak të mësimit ose të punës duhet të flini vonë apo se udhëtoni shpesh, duhet të bëni pushim dhe vetërregullim të mjaftueshëm. Së dyti, ata që vuajnë nga pagjumësia dhe shprehitë jo të mira gjatë ditës, mund të bëjnë stërvitje fizike, mund të konsumoni dhe ushqime të shëndershme me vitaminë C dhe antioksidantë. Në përgjithësi, një stil i shëndetshëm jetese është i rëndësishëm për ruajtjen e funksioneve normale fizike të sistemit imunitar dhe metodë efektive për vonimin e plakjes, për një jetë më të gjatë dhe përmirësimin e cilësisë së jetës. Prandaj, duhet të flini herë për sa më pak rrudha në fytyrën tuaj.(Xu Guang)

Në Mjekësinë Tradicionale Kineze (MTK), disa njerëz jetojnë me formulën bimore kineze të njohur si "xiao yao wan" për përmirësimin e humorit, pakësimin e stresit dhe për një sërë sëmundjesh të tjera. Kjo formulë bimore përmban një varietet bimësh dhe e gjejmë në forma të ndryshme. Kjo formulë bimore përmban bimët si: 1.Bupleurum që përdoret për infeksione respiratore përfshi gripin, të ftohtin e zakonshëm, bronshit, pneumoni dhe simptomat e këtyre infeksioneve si ethe dhe kollitje. Disa njerëz e përdorin bupleurum për problem me tretjen përfshi diarrenë dhe kapsllëkun. Ka raste gratë e përdorin ku kanë dhimbje nga cikli (dysmenorrhea). Bupleurum përdoret për lodhje, dhimbje koke, tinnitus, pagjumësi, depresion, problem me mëlçinë dhe humbje oreksi. Bupleurum stimulon qelizat sistemit imuntar të punojnë më mirë 2. Dong quai (Angelica sinensis) është bimë që gjendet në Kinë, Japoni, dhe Kore. Bën pjesë në familjen e selinos dhe ka shumë vite që përdoret në Mjekësinë Tradicionale Kineze. Kjo bimë ka një efekt të madh në balancimin e sistemit të hormoneve femërore dhe shpeshherë është etiketuar si "xhenseni femëror." Suplementët Dong quai përmbajnë ekstraktin e rrënjës. Kjo rrënjë përmban shumë substanca që ndihmojnë shëndetin kundër inflamimit dhe stimuluese të sistemit imunitar. Dong quai përmban gjithashtu një sustancë të quajtur acid ferulic. Dong quai thuhet se ndihmon në trajtimin e alergjive, kapsllëkut, dhimbjes së kokës, tensionit të lartë të gjakut, pobleme me sinuset, osteoartritin dhe artritin rheumatoid. Megjithatë, Instituti Kombëtar i Shëndetit thekson se duhen ende kërkime shkencore për të vërtetuar këto. 3. Rrënjë Peonit të Bardhë kultivohen në mbarë Kinën, sidomos në Zhejiang, Anhui dhe Sichuan. Kjo bimë ushqen gjakun, rregullon menstruacionet, qetëson mëlcinë, largon dhimbjet dhe problemet me mbidjersitjen, dhimbjen në stomak, abdomen, dhimbjet e kokës dhe marramendjen. Kjo rrënjë do të jetë zgjedhja e parë dhe zakonisht kombinohet me rrënjën liquorice për të çliruar spazmat muskulare dhe problemet në stomak, zorrë dhe organet e brendshme. Nëse energjia yang është në hiperaktivitet në mëlçi kjo do të shkaktojë dhimbje koke dhe marrje mendsh 4.Rizomë e bardhë atraktilodi—Kjo bimë përdortet për problem me tretjen, stomakun, fryrjet, diarrenë, humbjen e oreksit dhe reumatizmën. Në MTK, atraktilodi përdoret si bimë për trajtimin e kancerit të mushkërive. Kimikatet tek kjo bimë përmirësojnë traktin digjestiv dhe pakësojnë dhimbjen dhe inflamacionin. 5.Poria, e quajtur gjithashtu Fu Ling, është një bimë e famshme kineze që është përdorur për mbi 2 mijë vjet. Kjo bimë heq lagështinë nga trupi.Kjo bimë sot kultivohet kryeisisht në Yunnan, Anhui, Hubei, Henan, Sichuan dhe në vende të tjera të Kinës. Ato që rriten në Yunnan kanë cilësi më të mirë. Iina ka rreth 30 mijë lloje bimësh dhe pothuajse pjesa më e madhe e tyre rriten në provincën Yunnan. Kjo bimë parandalon dhe qetëson gastritin dhe pakëson lëngjet e tepërta të stomakut Po ashtu ajo mund të ulë sheqerin në gjak. Ajo ka një rol të madh në heqjen e lagështisë nga trupi, forcojë shpretkën dhe stomakun dhe të qetësojë zemrën dhe nervat. Ajo përdoret kur keni vështirësi në urinim, edemë, kollë mbytëse, të vjella, rënie oreksi, diarre, të rrahura të forta të zemrës, ankt, pagjumësi, problem me kujtesën, gonorre etj. 6.Mendër-(Mentha piperita) është një bimë që përdoret për shumë funksione, ku më kryesori është të lehtësoj tretjen. Vaji i mentes përdoret edhe për aromaterapi. Ajo përdoret kundër erës së rëndë të gojës, ftohjes, dhimbjes së dhëmbeve, problemet me tretjen, zorrët, dhimbje mestruale, migrenë, infeksion të sinueseve dhe dhimbje koke. 7.Xhinxher Xhinxheri qetëson problemet me aparatin tretës, ndihmon me problemet e traktit gastrointestinal. Duke marrë 1 deri në 2 gramë pluhur xhenxhefili para një vakti, ju përshpejtoni tretjen me 50%. Xhinxheri jo vetëm që nxit tretjen, por edhe eleminon fryrjen dhe stabilizon nivelin e sheqerit në gjak . Disa gllënjka uji të ngrohtë me pak xhenxhefil qetësojnë mukozën e zorrëve dhe lehtësojnë dhimbjet. Çaji xhenxhefil mund të ju ndihmojë të humbni peshë duke përshpejtuar sistemit tuaj të tretjes, gjithashtu djeg yndyrë dhe rrit metabolizmin tuaj. Xhinxheri mund të qetësojë gjithashtu dhimbjet menstruale gjatë periodave. Hulumtimet tregojnë se marrja e 1500mg xhenxhefil për tre ditë rresh përpara ciklit do të reduktojë ndjeshëm dhimbjet menstruale dhe simptomat e tjera. 8. Jamballi, ose siç edhe njihet ndryshe si Likuiricia është përdorur kundër irritimeve dhe spazmave në sistemin tretës. Shumë prej formulave bimore përmbajnë këtë barishte për të ndihmuar përthithjen e ushqimeve nga sistemi tretës dhe të bimëve të tjera. Mjekësia popullore Aziatike e përdor rrënjën e jamballit për të larguar irritimet e mukusit dhe luftuar inflamacionin. Kjo rrënjë ka ndikim edhe tek gjendrat adrenale. Kërcenjtë e jamballit kanë përdorim të gjerë si erëza 1. Kuron ulçerën në stomak Jamballi ka vlera anti-bakteriale që e kanë bërë atë efikas kundër ulçerës në stomak, sidomos asaj të shkaktuar nga bakteri Helicobacter pylori (H. pylori). 2. Fyti i lënduar, kolla dhe të ftohtët 3. Kundër aciditetit të lartë dhe mbështetës ndaj sistemit tretës 4. Lufton inflamacionin dhe mbështesin sistemin imunitar 5. Kundër kapsllëkut 6. Kundër stresit Formula "Xiao yao wan" mund të jepet nga mjeku kinez për të luftuar ankthin, depresionin, dhimbjet e kokës, shterpësinë, migrenën, dhimbjet e menstruacioneve, mykun, ekuilibrin hormonal dhe për të përmirësuar humorin. Gratë shtatzëna nuk duhet të marrin këtë bimë!

Në ndeshjen finale të vitit 2018 të lojërave në internet "League of Legends", që u zhvillua në Incheon të Koresë së Jugut, skuadra kineze "IG" mundi ekipin kundërshtar "FNC", duke u shpallur kampione bote e "League of Legends". Anëtarët e ekipit "IG", që ishin papëlqyer nga brezi i vjetër për shkak të luajtjes së lojërave në internet, u bënë heronj të rinj të epokës së re. Si duhet t'i konsiderojmë lojërat në internet në këtë periudhë? Ana pozitive e lojërave në internet Tani, lojërat në internet janë bërë një industri të re, që mund ta quajmë si "industria e sportit elektronik". Në vitin 2018, lojërat e preferuara në internet si "League of Legends", "Glory of Kings", "Pro Evolution Soccer" etj, janë bërë programet e performancës në Lojërat e 18-të Aziatike në Xhakartë. Përveç kësaj, lojërat në internet janë bërë një kulturë tek të rinjtë, si kultura e futbollit, kultura e basketbollit etj. Me përparimin e teknologjisë, kultura e lojërave në internetit është një gjë e pashmangshme. Zhvillimi i lojërave në internet ndihmoi në nxitjen e zhvillimit ekonomik. Sipas të dhënave statistikore, 80% e të rinjve kanë luajtur lojëra në internet. Megjithëse prindërit u shqetësuan shumë nga ndikimi negativ që sjellin këto lojëra tek të rinjtë, ato mund të përmirësojnë aftësitë e reagimeve, të krijimtarisë, të njohjes e të bashkërendimit të syve me dorën dhe mund të shtojnë komunikimin shoqëror. Varësia e tepërt nga lojërat në internet mund të ndikojë shëndetin e personave, të shtojë shqetësimet dhe depresionin. Sipas të dhënave statistikore, 4.3% e të rinjve të grupmoshës 13-18 vjeçare mund të ketë probleme me varësinë nga lojërat online. Metodat e përshtatshme të përballimit të lojërave në internet Në jetën tonë, dëgjohen shpesh ndikimet negative të lojërave në internet ndaj të rinjve. Për shembull, një nxënës i mirë u bë negativ për shkak të luajtjes së lojërave në internet. Varësia e tepërt nga këto lojëra është një problem i pashmangshëm në shoqërinë e sotme. Profesori i Spitalit të Përgjithshëm të Zonës Ushtarake të Pekinit Tao Ran propozoi që të përcaktohet varësia nga lojërat në internet si çrregullim mendor. Në udhëzuesin diagnostikues dhe statistikor të çrregullimeve mendore në ShBA, varësia ndaj lojërave online u konsiderua si një gjendje që duhen bërë studime të mëtejshme. Standardet e diagnozës janë: pjesëmarrja e vazhdueshme dhe e përsëritur në lojërat e internetit dhe luajtja e tyre së bashku me të tjerët, kanë shkaktuar dëmtime dhe dhimbje të dukshme klinike. Për të rinjtë e varur nga lojërat në internet, duhet t'iu kushtojmë vëmendje të madhe karakteristikave psikologjike të tyre, duhet t'iu japim drejtimet e përshtatshme. Më shumti janë adoleshentët ata që luajnë këto lojëra pasi aftësitë e tyre të vlerësimit dhe të vetëkontrollit nuk janë të përpjekura plotësisht. Disa fëmijë ndodhen në "periudhën e dytë rebele", zhvillimet fizike të tyre janë më të shpejta se ato psikologjike. Shumë fëmijë përballen me probleme psikologjke mbi jetën, dashurinë dhe mësimet. Nëse s'mund t'i ndihmoni fëmijët të njohin dhe të zgjidhin këto probleme, ata mund të kërkojnë gëzimet, lehtësimet e paarritura në botën reale nëpër lojërave në internet pra në një botë virtuale. Familja duhet të formojë kufizimin e kohës së luajtjes së lojërave në internet. Në fillim, shumë familje nuk lejojnë kontaktin e fëmijëve me smartfonin dhe kompjuterin. Por fëmijët do të përdorin këto pajisje elektronike në të ardhmen. Nëse fëmijët zbulojnë se këto lojëra të internet janë aq interesante në kohën e papritur, ata do të lindin varësinë më të madhe ndaj tyre. Prandaj, është më e mirë që të përcaktohen qëndrimet e përshtatshme për pajisjet elektronike dhe lojërat në internet. Pajisjet elektronike moderne janë jo vetëm mjetet e lojërave, por edhe platforma të mira mësimore. Vetëkontrolli i kohës së luajtjes së lojërave në internet është metoda më e mirë. Terapia e sjelljes njohëse Kur fëmijët shfaqin fonemene të varësisë nga lojërat e internetit, cilat janë metodat e përshtatshme të trajtimit? Shumica e fëmijëve mund të mjekohen përmes terapisë së sjelljes njohëse. Në fakt, për problemet e varësisë nga lojërat e internetit, nuk ka ilaçet, ata përdoren kryesisht për lehtësimin e fenomeneve si ankthi, depresioni, pagjumësia etj. Fenomeni i varësisë nga lojërat e internetit duhet të trajtohet nga masat e ndërhyrjes psikologjike. Terapia e sjelljes njohëse fokusohet kryesisht për ndryshimin e ideve dhe ndjenjave të fëmijëve. Kjo terapi ka efekte të dukshme për lehtësimin e fenomenit të varësisë nga lojërat e internetit. Psikologët mund t'i ndihmojnë fëmijët për formimin e ideve dhe koncepteve të përshtatshme ndaj lojërave në internet, për të pakësuar kohën e luajtjes. Në këtë mënyrë mund të rregullohet humori i fëmijëve. Disa sugjerime për prindërit 1. Kontrolli i përmbajtjes së lojërave në internet. Prindërit duhet të njohin moshat e përshtatshme të lojtarëve që sugjerohen nga specialistët, duke shmangur lojërat e dhunshme dhe ato pornografike. 2. Nuk lejohet luajtja e lojërave të internetit, para se fëmijët të përfundojnë mësimet. Prindërit mund të bëjnë kontrata me fëmijët: mësimet dhe detyrat e shtëpisë janë më të rëndësishme se lojërat në internet, prandaj s'mund të luajmë lojëra në internet para përfundimit të detyrave. 3. Vendosja e kompujterit ose smartfonit në vende të dukshme dhe jo në dhomën personale të fëmijës. Kjo është për ta njohur dhe kufizuar kohën e luajtjes së lojërave të internetit. Prindërit mund të mbikëqyrin përmbajtjen e lojërave përkatëse. 4. Përkufizimi i kohës së përdorimit të lojërave në internet. Koha e përdorimit të lojërave të internetit duhet të jetë e ekuilibruar me kohën e mësimit dhe aktiviteteve. Prandaj prindërit duhet të përcaktojnë kohën e luajtjes së lojërave të internetit së bashku me fëmijët dhe të inkurajojnë më shumë kohën e aktiviteteve jashtë shtëpisë. 5. Prindërit mund të luajnë së bashku me fëmijët lojëra online, për të njohur gëzimet dhe ndjenjat e fëmijës në lojërat përkatëse. Komunikimi i barabartë me fëmijët është më i mirë se shmangja e kontaktit me lojërat e internetit. 6. Prindërit duhet të bëhen shembujt e fëmijës. Prindërit duhet të pakësojnë kohën e tyre të kontaktit me pajisjet elektronike dhe të organizojnë më shumë aktivitete familjare si sporte në natyrë, lexim, veprimtari të tjera argëtuese, duke pakësuar kohën e përdorimit të lojërave të internetit.(Xu Guang)

Një nënë nga ShBA-ja shprehet se ka vuajtur nga dhimbjet e mesit për një kohë të gjatë, përfshi dhimbjen e shpatullave dhe nervin shiatik pasi solli në jetë fëmijën e saj të parë. "Kisha dëgjuar më parë për akupunkturën, por asnjëherë nuk e vrava mendjen se për çfarë mund të shërbente ajo konkretisht e jo më të besoja se do më shpëtonte. Kur nisi të më dhimbje shpina për shkak të peshës që mora gjatë shtatzënisë, nuk doja të dëmtoja fëmijën duke pirë ilaçe, prandaj vendosa të duroja, ishte e tmerrshme", thotë nëna e re. Ajo shton se pasi e lindi vajzën e saj, ishte shumë e emocionuar, por prapë dhimbja vazhdonte dhe jo vetëm shpina, por edhe dhimbje në mes të shpatullave dhe nervi shiatik. "Nisa seancat e akupunkturës menjëherë dhe po bëhesha mirë nga dita në ditë" Ajo thotë se duke lëvizur shumë gjatë ditës, punuar shumë me fëmijën përfshi gjidhënien iu shtuan edhe më shumë dhimbjet e mesit dhe hernien diskale. Dhimbja shkoi drejt këmbëve. Ajo shprehet se nuk donte t'i nënshtrohej kirurgjisë, prandaj vendosi ta shëronte shpinën me mjete natyrore. Një nga këto ishte akupunktura "Shkova në një klinikë akupunkture në qytetin tim dhe në fillim isha pak në ankth. Nuk i kam qejf gjilpërat dhe prandaj më shkonin djersë të ftohta. Por më në fund pashë që gjilpërat nuk të dhimbnin. Ato janë aq të imëta sa zor se i ndien kur të hynë në trup. Po prisja që mjeku kinez të mi vendoste gjilpërat atje ku kisha dhimbje por ai më shpjegoi se në trupin tonë ka pika që lidhen me organe të ndryshme, prandaj gjilpërat në këmbë apo krah (madje dhe në vesh) faktikisht ishin pikat që shëronin problemin tim. Pas vizitës së parë në atë qendër, vijova trajtimet tri here në javë për disa muaj. Ndryshimi ishte i paparë." Ajo shpjegon se që nga ajo kohë, u është nënshtruar trajtimeve të akupunkturës të paktën një here në javë në tre vitet e fundit. "Nuk e ndalova asnjëherë akupunkturën, ndërsa tani po përgatitem të mbetem shtatzënë me fëmijën e dytë. Ka madje pika që ndihmojnë në shtimin e pjellorisë. Ato gjilpëra të imëta më shëruan dhe më dhanë mundësinë që të jem e gjallë dhe aktive për fëmijët e mi. Nëse mungoj në një nga seancat e ndiej shumë ndryshimin. Bëj akupunkturë edhe kundër ankthit." Akupunktura, nga pikëpamja e Lindjes, ka lidhje me energjinë dhe qarkullimin e saj në të gjithë trupin. Nëse kjo energji është e bllokuar, atëherë shfaqen dhimbja apo sëmundjet. Duke ndërhyrë me 20 gjilpëra në pikat strategjike në trup, akupunkturistët përpiqen të risjellin në ekuilibër qarkullimin e energjisë. Ndërkohë, mjekësia perëndimore po përpiqet ende të kuptojë si funksionon mekanizmi i akupunkturës. "Ka shumë detaje që ne nuk i kuptojmë ende, por veçanërisht, akupunktura duket se stimulon muskuj dhe nerva të veçanta duke aktivizuar ndryshime që pakësojnë dhimbjen dhe simptomat dhe nxisin procesin e shërimit," thotë Kwokming James Cheng, M.D., i cili në qershor nxorri një studim mbi Akupunkturë në Mjekësi që synon identifikimin e domethënies së saktë neurologjike të pikave të akupunkturës, aty ku futen gjilpërat. Studimet tregojnë se kjo terapi e lashtë mund të jetë një trajtim efektiv për një sere sëmundjesh, që nga dhimbjet e mesit tek nervi shiatik, dhimbjet e kokës, marrje mendsh, astmë etj. Akupunktura për Ankth dhe Depresion Një pengesë e vogël gjatë ditës mund të shkaktojë ankth të lehtë. Një shembull serioz është, humbja e punës, e cila mund të shkaktojë depresion serioz. Në të dyja rastet, akupunktura mund të ndihmojë. "Në fazën e tanishme me shumë pasiguri kam trajtuar shumë njerëz që janë nën stres", thotë Nicholas Zimet, një akupunkturist i licencuar në qendrën Meridian në Mineapolis. "Pas trajtimit, ata ndihen më të relaksuar dhe të aftë për t'u marrë me presionet e jetës". Po si ndodh kjo? Kur gjilpëra hyn në veshë, duar ose këmbë, thotë Dr. Cheng, truri juaj liron neurotransmetues dhe kimikate të tjera që ndikojnë stresin dhe gjendjen shpirtërore. Shkenca thotë: Sipas një studimi të fundit në Journal of Alternative and Complementary Medicine pacientët me depresion dhe me shkallë të lartë ankthi mund të përfitojnë nga akupunktura. Studimi, i cili e kombinon akupunkturën me një lloj qetësuesi Prozac thotë se kishte rezultate tek pacientët që nuk mund të duronin efektet anësore të ilaçeve, përfshi rënien e energjisë seksuale, probleme me ereksionin etj. Akupunktura për dhimbjet e mesit Trajtimi i dhimbjes së mesit me akupunkturë është shumë efektiv. "Akupunktura në këtë rast funksionon më mirë se çdo ilaç që u japim pacientëve", thotë Dr. Cheng. Shkenca thotë: Sipas një studimi të Universitetit të Michiganit këtë vit, studiuesit përdorën imazhe të trurit për të parë se si çpimi i lëkurës ndikonte aftësinë e trurit për të kontrolluar dhimbjen. "Akupunktura duket se ndihmon që receptorët e dhimbjes në tru të lidhen më lehtë me opioidet si endorfinë, ilaçi natyror kundër dhimbjes i trupit tonë," thotë Richard Harris. Nëse doni të provoni akupunkturën duhet t'i bëni seancat e trajtimit tek një mjek i licencuar

Avokado quhet ndryshe edhe dardhë aligatori dhe është një pemë e përhapur në Karaibe, Meksikë, Amerikën Jugore dhe atë Qendrore. Ky frut ka pak a shumë formën e një veze ose të një dardhe, zakonisht me përmasat e një dardhe ka një lëkurë të ndritshme në ngjyrë të gjelbër në kafe. Ai ka një përmbajtje më të lartë yndyrore se sa frutat e tjera dhe është shumë popullor në kuzhinën vegjetariane, duke u bërë një zëvendësues i shkëlqyer për mishin. Pse duhet të konsumojmë avokado? Studimet e fundit kanë treguar se nëse avokado shtohet në sallatën me spinaq apo karota rrit përthitjen e karotenoideve nga kjo sallatë me 200-400%. Në fakt studimet kanë treguar gjithashtu se përqëndrimi më i madh i karotenoideve tek avokado ndodhet menjëherë poshtë lëkurës e për këtë arsye mos e hiqni lëkurën më shumë seç duhet. Në këtë rast këshillohet që lëkurën e avokados ta hiqni me dorë tamam sikur po qëroni një banane, dhe jo duke përdorur thikën apo mjete të tjera. •Zakonisht mendojmë se karotenoidet gjenden më shumë tek portokalli apo perimet me ngjyrë të kuqe si karotat dhe domatet. Edhe pse këto perime janë burime të mira antioksidantësh, duket se edhe avokado përmban një sasi të konsiderueshme të tyre. Avokado përmban beta-carotene, alpha-carotene dhe lutein, por edhe karotenoide të tjera si neochrome, neoxanthin etj. •Shpeshherë avokado nuk ka nam të mirë për shkak të sasisë së yndyrës që përmban, por ajo futet në grupin e yndyrnave të mira. Vetitë anti-inflamatore që i gjejmë tek këto yndyrna kanë dëshmuar se ndihmojnë për lehtësimin e artritit Avokado përmban vitamin E, K, B si dhe shumë minerale si kalium, magnez etj. Veti anti-inflamatore Është një nga frutat që kryeson listen përsa i përket vetive të tij anti-inflamatore pasi ai përmban… •phytosterols, përfshi beta-sitosterol, stigmasterol, dhe campesterol •carotenoide antioksidantë, përfshi lutein, neoxanthin, neochrome, chrysanthemaxanthin, beta-cryptoxanthin, zeaxanthin, violaxanthin , beta-carotene dhe alpha-carotene. •përmban gjithashtu antioksidantë, si epicatechin dhe epigallocatechin vitamins C dhe E, dhe zink •Acide yndyrore omega-3 Kurë natyrale për artritin Artriti—përfshi osteoartritin dhe artritin reumatoid—janë probleme shëndetësore që kanë marrë të gjithë vëmendjen e duhur në sistemin shëndetësor. Kërkuesit kanë dalë në përfundim se avocado ka aftësi për të lehtësuar simptomat e artritit për shkak të përmbajtjeve që ka. Mbështet shëndetin kardiovaskular Në fakt kjo mund të jetë kontradiktore me atë që mendojnë shumica e njerëzve se avocado ka shumë yndyrë dhe nuk ka se si të shërbejë për shëndetin e zemrës. Por, studimet tregojnë pikërisht të kundërtën, pasi ky frut mund të ndihmojë për të ulur shumë rreziqe si dhe për të përmirësuar yndyrnat në gjak. Shumica prej nesh e di që shëndeti i zemrës përmirësohet nga marrja e acidit oleic (që ndodhet tek avokado) dhe nga marrja e acideve yndyrore omega-3 (që e gjejmë gjithashtu tek avocado në formën e acidit alpha-linolenic). Pra yndyrnat që i gjejmë tek avokado janë të dobishme për zemrën, për shkak se rrisin nivelin e kolesterolit të mirë në gjak (HDL) Avokado po ashtu përmban sasi të mëdha të kaliumit, i cili ndihmon të ulet tensioni i gjakut. Vetëm gjysma e avokados përmban 487 miligramë kalium, çka është më shumë se një banane. Një nga to është edhe beta-karoten, i cili ndihmon regjenerimin e lëkurës dhe ushqen flokët. Luteina është nutrient i rëndësishëm për shëndetin e syve, ndërsa redukton rreziku nga degjenerimi i makular, i cili është shkaku kryesor i verbërisë te personat më të vjetër se 60 vjeç. Nxit rregullimin e sheqerit në gjak Një nga aftësitë që ka avokadoja është se ndërhyn në rregullimin e nivelit të karbohidrateve dhe sheqerit në gjak. Në përgjithësi avokado është ushqim që përmban një sasi të paktë sheqeri dhe karbohidratesh, në të njejtën kohë një gotë avocado përmabn 7-8 gramë fibra, të cilat janë thelbësore për rregullimin e sheqerit në gjak. Avokado parandalon kancerin e lëkurës dhe prostatës Aftësia që ka avokado në parandalimin e e kancerit të gojës, lëkurës dhe prostatës është studiuar gjerësisht në laborator. Kjo aftësi vjen si pasojë e një miksi të pazakonshëm të vlerave anti-inflamatore dhe antioksidante. Këshilla për përdorimin e avokados Përdorni një thikë për ta ndarë avokadon në dy pjesë, ndërsa bërthamën hiqjani me ndihmën e një luge apo me majën e thikës. Më pas ndajeni avokadon në katër pjesë, secila nga gjysmat ndahet në dy pjesë. Më pas hiqjani lëvoren me dorë, tamam sikur po qëroni një banana, kjo bëhet për të ruajtur sasinë e madhe të karotenoideve që gjenden menjëherë pas lëkurës. Gjatë kontaktit me ajrin tuli i avokados mund të nxihet dhe për ta evituar këtë spërkateni me lëng limoni apo uthull. Mënyrat e shëndetshme të përgatitjes së avokados Sot në internet apo në libra gatimi gjenden shumë receta ku avokado ruhet e pagatuar dhe në fakt kjo është mënyra më e mirë për të përfituar të gjitha vlerat nga ky frut. Vende të ndryshme sot në botë e gatuajnë avocadon në mënyra të ndryshme. Për shembull, në Meksikë e presin avokadon në copa të vogla dhe ia hedhin supës së pulës pasi ajo është gatuar. •Mund ta hidhni në supë •Mund ta shtoni në salcat e ndryshme të sallatës për një ngjyrë mbresëlënëse. •Përzjeni avokado, qepë, domate, vaj ulliri për një sallatë të shijshme. •Shtojani sallatave apo sandwicheve.

Shumë familje zhyten në dëshpërim për shkak të prekjes së një prej familjarëve nga kanceri. Specialistët e shëndetit thonë se në fakt, shumë lloje kancerësh janë vetëm sëmundje kronike. Pas prekjes nga kanceri, nëse pacientët mund ta përballojnë këtë sëmundje me optimizëm dhe të marrin masa të duhura mjekësore, ata mund të bëjnë një jetë normale. Në vitin 2018, në Kinë u zbuluan 3 milionë e 804 mijë pacientë të prekur nga tumorë të ndryshëm, numër ky më i larti në botë. Shumë familje nuk gëzuan dot Vitin e Ri për shkak të shijes së hidhur. Por me zhvillimin e teknologjisë mjekësore, shumë lloje kancerësh mund të kontrollohen dhe të analizohen si sëmundjet kronike. Ky koncept po pranohet gradualisht nga shumë pacientë dhe familjarët e tyre. Në vitin 2017, një nënë e re Xiao Zheng zbuloi që ishte prekur nga tumori nazofaringeal. Atë vit, djali i saj ishte më pak se 2 vjeç. "Në të kaluarën, mendoja se tumori ishte një sëmundje e pashërueshme. Mendova se me t'u prekur nga kanceri, vdekja do vinte shumë shpejt. Kur mësova se vuaja nga kjo sëmundje u trondita. Mendova se isha shumë e re për të vdekur aq shpejt. Më vonë, im atë më shoqëroi për trajtim në spitalin e Pekinit nga mjekja Sun Yan. Atë kohë, ajo më shpjegoi se çfarë ishte tumori nazofaringeal dhe cilat ishin masat që duhet të ndërmerren për trajtim. Nëse këmbëngulem për ndërhyrjet mjekësore, do të kem përqindje të lartë të mbijetesës." Pas ndërhyrjeve të përshtatshme mjekësore, Xiao Zheng mund të bëjë aktivitete të ndryshme me djalin e saj dhe mund të marrë pjesë në aktivitete të ndryshme shoqërore me miq. Mjekja e saj është drejtore e degës së radioterapisë, Sun Yan. Si e sheh ajo këtë sëmundje? "Në të kaluarën mendohej se tumori malinj është një sëmundje e pashërueshme. Por çdo vit, çdo gjysmë viti, kemi disa metoda të reja të ndërhyrjes mjekësore dhe disa ilaçe të reja kundër kancerit. Kemi metodën e ekzaminimit të gjenomit. Tani kemi disa ilaçe për terapinë e synuar dhe terapinë imunitare. Sipas gjendjes së pacientit, mund të gjejmë metoda më të përshtatshme. Pacientët mund të përfitojnë më shumë raste dhe koha e mbijetesës mund të zgjatet. Gjatë kësaj kohe, mund të kemi më shumë metoda të reja mjekësore. Prandaj, mendoj se duhet t'i trajtojmë si sëmundjet kronike. Nëse mund të mbijetoni me qëndrim pozitiv, keni më shumë shpresa." Me zhvillimin e mjekësisë moderne, janë arritur rezultatet e mëdha në trajtimin e kancerit, por procesi i trajtimit është i gjatë dhe shoqërohet me dhimbje të madhe. Pacientëve u nevojiten shoqërimi dhe kujdesja e familjarëve. Por si është kanceri në syrin e familjarëve të pacientëve? Zonja Liu që punoi në Afrikë për shumë vjet, mësoi lajmin e prekjes së nënës nga kanceri i gjirit në vitin 2013. Në atë moment, ajo u zhyt në panik. Pas mjekimit prej 5 vitesh, sëmundja e nënës së zonjës Liu u shërua dhe ajo u çliruar nga depresioni "Kanë kaluar 5 vjet prandaj tani jam shumë e lehtësuar. Duke folur për kujdesjet e familjarëve ndaj pacientes, nëse ajo nuk ka nevojë të tepërt, duhet të jetojmë në gjendje normale. Në fakt, shqetësimi mund të sjellë ndikim negativ dhe të prishë atmosferën. Tani, kanceri është një sëmundje e zakonshme. Pacientët dhe familjarët nuk duhet të heqin dorë nga mjekimi. Në fakt, zhvillimi mjekësor në Kinë është shumë i shpejtë. Në tërë botën, po studiohen metodat për ta shëruar këtë sëmundje. Mendoj se kemi më shumë shpresa në të ardhmen." Sipas Mjekes Sun Yan, cilësia e mjekimit të kancerit në Kinë ndodhet në mesin e niveleve të përparuara ndërkombëtare. Në të ardhmen, ato do të përpiqen për të hartuar projektet më të hollësishme dhe më konkrete për pacientë të ndryshëm, me qëllim të pakësimit të dhimbjes së pacientëve dhe të zgjatjes së jetës. Për shumë familje që kërkojnë mjekim jashtë Kinës, mjekja Sun shprehet: "Tani niveli mjekësor i Kinës është shumë i lartë në disa fusha për trajtimin e kancerit. Nuk është nevoja që të dalim jashtë Kinës për shërbime mjekësore. Për shembull, në Kinë, niveli i trajtimit të tumorit nazofaringeal dhe të kancerit të ezofagut mund të jetë më i lartë se në vendet e tjera. Shumë nga studimet tona klinike janë përfshirë në librat udhërrëfyes të Europës dhe ShBA-së mbi trajimin e kancerit. Këto tregojnë se trajtimi mjekësor ndaj kancerit në Kinë është një zgjedhje shumë e mirë për pacientët."(Xu Guang)

Mungesa e disa baktereve specifike te zorrët mund të jetë shkak për çrregullime depresive tek individët, sipas studimit të botuar në revistën "Nature Microbiology" që përfshinte dy mostra prej mbi 1 000 individë të ekzaminuar. Udhëhequr nga Jeroen Raes e VIB-KU Leuven, në Belgjikë, studimi gjeti se dy lloje të baktereve, Coprococcus dhe Dialister, janë vazhdimisht në nivel të ulët në zorrët e njerëzve që vuajnë nga depresioni, dhe për këtë arsye një grup i ekspertëve kanë lidhur veprimtarinë e disa baktereve të zorrëve me shëndetin mendor, në veçanti aftësinë e baktereve për të prodhuar një substancë të ngjashme me 'dopaminën' (edhe një neurotransmitter lidhur me ndjenjën e kënaqësisë). Ekspertët kanë studiuar më parë gjenomën e baktereve të zorrëve të 1,054 personave të përfshirë në projektin "Flemish Gut Flora Projekt'' dhe më pas e përsërisnin analizën në një mostër të dytë prej 1,062 individësh që i përkisnin projektit hollandez "LifeLinesDEEP". Në mostrat e ekzaminuara ka pasur edhe pacientë të prekur nga çrregullime depresive. Në të dy rastet, studimet zbuluan dallimet në përbërjen e gjenomit të zorrëve të individëve të diagnostikuar me depresion në krahasim me subjektet e kontrollit të shëndetshëm. Gjatë zbulimit, shumëllojshmëria e llojeve të baktereve në zorrë të personave që vuajnë nga çrregullime depresive ishte më e pakët sesa e atyre pa çregullime. Çfarë janë probiotikët? Në vitin 2002, një grup i përbashkët studiuesish nga FAO dhe OBSH-ja i përkufizuan probiotikët si "mikro-organizma të gjalla që janë të dobishme për shëndetin tonë." Me fjalë të tjera, probiotikët janë "bakterie të mira" që paraqiten në zorrë. Ato gjenden tek ushqimet, por edhe në formë suplementi Në aparatin tretës gjenden mbi 500 lloje të ndryshme bakteriesh. Ato ndihmojë në ruajtjen e shëndetit të zorrëve, por edhe për tretjen e ushqimeve. Përfitimet shëndetësore nga probiotikët Studimet kanë treguar se probiotikët përmbajnë vitamina B, kalcium, hekur, zink, bakër, magnez dhe fosfor. Disa studime të tjera kanë treguar se probiotikët forcojnë imunitetin duke rregulluar aktivitetin e limfociteve dhe antitrupave Bakteriet e mira të grupit Lactobacillus luftojnë pezmatimin e mishit të dhëmbëve, duke mundësuar një gojë të shëndetshme. Si funksionojnë probiotikët? Studiuesit besojnë se çrregullimet në tretje ndodhin kur prishet ekuilibri i bakterieve të mira në zorrë. Kjo mund të ndodhë pas një infeksioni ose pas marrjes së antibiotikëve. "Probiotikët përmirësojnë funksionin e zorrëve," thotë Stefano Guandalini, profesor i pediatrisë dhe gastroenterologjisë pranë Universiteti të Chicago-s. Ai shton se këto mikro-organizma ndihmojnë gjithashtu për të luftuar bakterien që shkakton diarre. Probiotikët dhe sistemi imunitar Studimet kanë treguar gjithashtu se probiotikët ndihmojnë në ruajtjen e një sistemi të fortë imunitar. "Në shoqëritë me nivel shumë të lartë higjiene, kemi parë një rritje të theksuar të sëmundjeve autoimune dhe alergjive," shton Guandalini për WebMD. "Kjo mund të ndodhë për shkak se sistemi imunitar nuk njeh bakterie të reja." Në një studim të dy viteve më parë specialistët pranë Universitetit të Yale arritën në përfundimin se probiotikët janë efektivë për: - Trajtimin e diarresë - Trajtimin e inflamacionit të zorrëve tek të porsalindurit - Forcojnë sistemin imunitar -Trajtimin e vaginitis - Trajtimin e mykut Probiotikët mund të jenë të dobishëm edhe në uljen e rrezikut për infektim të veshit, apo problemeve me fytitn dhe ftohjen. Ushqimet që përmbajnë probiotikë： 1. Kosi Kosi, sidomos ai i bërë në shtëpi është një nga probiotikët më të mirë. Kosi përmban mikroorganizma të rëndësishëm për të mirëmbajtur florën tonë bakteriale, e cila na mbron ndaj mykut, helmimeve të ndryshme etj. Në librin " Dieta për çdo femër" shkruhet se probiotikët arrijnë t'i kthejnë organizmit bakteriet e mira në traktin digjestiv, të largojnë mykun nga trupi dhe ulin rrezikun e zhvillimit të infeksioneve. Për këtë kosi duhet konsumuar çdo ditë. Ai ka dhe shumë veti të tjera. 2. Kefiri I ngjashëm me kosin, kefiri është një produkt unik që përftohet nga fermentimi i qumështit dhe është një probotik i shkëlqyer. Ai është i dobishëm jo vetëm për shëndetin e zorrëve, por edhe për sistemin nervor dhe metabolizmin. Sipas disa studimeve të fundit ka rezultuar se kefiri përmban deri në 22 lloje të mikroorganizmave, shumica e të cilave janë Lactobacille. Një nga vetitë më të mira të tij është se normalizon mikroflorën, duke ndihmuar procesin e tretjes. Kefiri është i mirë edhe për njerëzit të cilët kanë alergji. Ai gjithashtu ndihmon në eliminimin e toksinave nga trupi dhe parandalon rritjen e mikrobeve patogjene. Ashtu si edhe kosi, kefiri forcon imunitetin. Ai përmban kalcium dhe është i mirë për të gjithë familjen, si dhe ka aftësi të pushojë dhimbjen e kokës 3. Turshitë Të gjitha perimet turxhi, në veçanti lakra, janë shumë të pasura në bakterie të mira, vitamina B, A, E dhe C. - Stimulojnë punën e pankreasit, duke e rregulluar nivelin e sheqerit në gjak. - Ulin shtypjen e gjakut në arterie. - Zbusin problemet e kapsllëkut Turshi shtëpie apo turshi industriale Tek turshitë industriale janë të pranishme sulfatet si konservues, që nuk këshillohen tek fëmijët që vuajnë nga astma, pasi shkaktojnë vështirësi në frymëmarrje. Po ashtu, turshitë e blera në treg përmbajnë shumë uthull, gjë që mund t'ju ngacmojë stomakun. Pjesa më e madhe e turshive industriale është e pasterizuar, nuk përmban baktere të mira por përmban sasi të mëdha të kripës, gjë që nuk është e shëndetshme. Nëse turshitë përgatiten vetë në kushtet e shtëpisë Bakteret e mira në turshi janë më të lira se sa probiotikët e gatshëm. Laktobacilet ndihmojnë tretjen. Enzimat gjithashtu e nxisin tretjen. Pastrojnë organizmin 4. Çokollata e zezë Tek çokollata e zezë me cilësi të lartë gjejmë 4 herë më shumë probiotikë, se tek kosi, dhe kjo është vetëm një nga dobitë e çokollatës së zezë. Studimet e fundit kanë treguar se falë rreth 300 përbërësve të ndryshëm që gjenden tek çokollata e zezë mund të keni shumë përfitime nga konsumimi i saj. Një prej dobive më të spikatura të çokollatës së zezë është se ajo ndihmon në parandalimin e sëmundjeve kardiovaskulare dhe tumoreve. Ajo përmban shumë antioksidues, të cilët mbrojnë organizmin nga sëmundjet, duke përfshirë edhe shfaqjen e tumoreve. Me konsumimin e çokollatës së zezë, rritet edhe niveli i endorfinave të cilat mes të tjerave lehtësojnë dhimbjet në trup. Çokollatat që përmbajnë mbi 70% kakao kanë rezultuar efikase edhe për dobësim pasi ato kontribuojnë për shkrirjen e yndyrnave. Ajo gjithashtu përmirëson punën e trurit, dhe lufton kollën. Kimchi është një formë e lakrës turshi në Azi. Është shumë pikante dhe është një shoqëruese e mirë e ushqimit në disa vende aziatike. Përveç probiotikëve që përmban, Kimchi është dhe një burim i shkëlqyer i beta-karotenit, kalciumit, hekurit dhe vitaminave A, C, B1 dhe B2. Kimchi është vlerësuar si një nga ushqimet më të mira probiotike. 6. Çaji "Kombucha" Ky është një formë çaji i fermentuar, që përmban një sasi të lartë bakteriesh të mira. Ky çaj është përdorur për shekuj dhe besohet se ndihmon në rritjen e energjisë, ju forcon shëndetin dhe ndoshta redukton edhe peshën tuaj trupore. Megjithatë ky çaj mund të mos jetë një zgjidhje e mirë sidomos për ata persona që kanë vuajtur më parë nga candida

Kocka është një nga organet më të forta të trupit tonë me funksione shumë të rëndësishme, si stërvitje, mbështetje dhe mbrojtje e trupit, rezerva mineralesh etj. Palca e kockës ka funksionin e prodhimit të gjakut. Rritja dhe zhvillimi i shëndetshëm i kockave luan rol të rëndësishëm për tërë jetën. Kockat e fëmijës rriten në mënyrë aktive Trupi i fëmijës ndodhet në fazën e rritjes shumë të shpejtë, kur metabolizmi i trupit është edhe shumë aktiv. Kjo është edhe faza e rëndësishme e rritjes së kockave, që ndikohet nga shumë elemente të ndryshme, si geni, ushqimi, metabolizimi i kalciumit e fosforit, stërvitje, hormonia etj. Kalciumi dhe fosfori janë elementet kryesore të kockave, të cilat luajnë rol bashkërendues për nxitjen e formimit të kockave. Pas lindjes së foshnjës, duhet t'i kushtohet vëmendje e madhe konsumit të kalciumit. Në periudhën e ushqimit të foshnjës me gji, fëmijët mund të marrin sasi të mjaftueshme të kalciumit përmes qumështit të gjirit. Por me rritjen e mëtejshme, fëmijët duhet të marrin më shumë kalcium nëpërmjet ushqimeve të tjera, për shembull, peshk, mish, fasule etj. Një fëmije nën 2 vjeç i nevojitet afro 400-600 mg kalcium në ditë. Fëmijës 3-12 vjeç i nevojitet 800-1000 mg kalcium në ditë. Vitamina D është elementi i rëndësishëm për rregullimin e metabolizimit të fosforit. Mungesa e vitaminës D mund të shkaktojë çrregullimin e metabolizimit të kalciumit dhe të fosforit, mund të sjellë rakitizmin e shformimin e fëmijës. Pas konsumit të ushqimeve që përfshijnë vitaminën D, rrezet ultravjollcë në lëkurë mund të nxisin thithjen e kësaj vitamine. Prandaj, fëmijët duhet të qëndrojnë më shumë në diell. Përveç ushqimeve, stërvitja është një metodë e mirë për rritjen e kockave. Sportet mund të nxitin metabolizimin e kockave dhe metabolizimin e kalciumit e të fosforit. Stërvitja mund të nxjerrë mbetjet e mineraleve brenda kockave dhe të nxitë rritjen e tyre. Adoleshentët duhet të parandalojnë shformimin e kockave Kockat e adoleshentëve kanë elasticitet dhe fortësi të madhe. Në këtë periudhë, nëse nuk i kushtohet vëmendje e lartë përgatitjes së zakoneve të mira të uljes dhe qëndrimit, mund të shkaktohet shformimi i kockave. Thyerja e kockave është një problem i madh në procesin e rritjes së kockave të adoleshentëve. Sipas hetimeve, vitet e fundit, është shtuar përqindja e thyerjes së kockave, e cila luan rol të rëndësishëm për shëndetin fizik e psikologjik, për rritjen normale të trupit të tyre. Elementet e rrezikshme të thyerjes së kockave janë të shumta, si stërvitja, aksidentet automobilistike etj. Masat parandaluese dhe të kujdesshme për thyerjen e kockave: 1. Informimi i duhur para stërvitjes: prindërit dhe mësuesit e edukimit fizik duhet të mësojnë njohuritë përkatëse si arsyet e thyerjes së kockave, anatominë e kockave etj. Ata do t'u mësojnë të rinjve për metodat e duhura të stërvitjes, metodat e mbrojtjes së kockave dhe të muskujve, duke shmangur plagosjet e shkaktuara nga stërvitjet e parregullta. 2. Informimi mbi sigurinë: tek adoleshentët duhet të shtohen njohuritë dhe përgatiten mësimet mbi metodat vetëmbrojtëse. Fëmijët mund të kuptojnë rëndësinë e veprimeve të rregullta të përditëshme. 3. Dieta e shëndetshme: përcaktohet dieta e shëndetshme për adoleshentët dhe garantohet struktura e arsyeshme e dietës. Duhet t'i informojmë adoleshentët për dëmet që sjellin pirja e duhanit dhe konsumi i pijeve alkoolike. Dendësia e kockave arrin në nivelin kulm në moshën e mesme Pas adoleshencës, shpejtësia e rritjes së dendësisë së kockave sa vjen dhe ngadalësohet. Nga mosha 20-29 vjeçare, dendësia e kockave rritet ngadalë me një shpejtësi 0.5%-1%. Nga mosha 30 vjeçe deri në moshën 39 vjeçe, dendësia e kockave arrin kulmin dhe mbetet e qëndrueshme. Kjo gjendje mund të vazhdojë për 5-10 vjet. Më vonë, me rritjen e moshës dhe ndryshimin e nivelit hormonal, metabolizmi i kockave hyn në periudhën e uljes së dendësisë së kockave dhe nis humbja e masës kockore në sasi të vogël. Dendësia e kockave të njerëzve në moshën e mesme ndikohet kryesisht nga këto elemente: 1.Pirja e duhanit: Nikotinët e përfshira në duhan mund të frenojnë sekretimin e estrogenit dhe të stimulojnë aktivitetin e osteoklastit, duke shkaktuar humbjen e mëtejshme të sasisë kockore. 2. Konsumi i pijeve alkoolike: konsumi i etanolit në sasi të madhe mund të shkaktojë osteoporozë. Etanoli shkakton ndikimet ndaj stomakut dhe zorrës, duke frenuar përthithjen e kalciumit. Përveç kësaj, etanoli ndikon qarkullimin e mëlçisë dhe frenon prodhimin e vitaminës D3, duke dëmtuar ekulibrin e mikro-strukturës së kockave dhe rëndësuar humbjen e kockave. 3.Stërvitja: Stërvitja luan rolin pozitiv për përmirësimin e dendësisë së kockave. Stërvitjet e përshtatshme mund të nxitë qarkullimin e gjakut, rritjen e formimin e kockave. Në të njëjtën kohë, stërvitjet mund të nxitin lëvizjen e stomakut dhe të zorrës, të shtojë thithjen kalciumit nga zorra. Por në këtë moshë, shtohen edhe rreziqet e thyerjes së kockave nga stërvitjet e papërshtatshme. Prandaj, duhet të keni kujdes për llojin dhe intensitetin e stërvitjes. Shumë elemente shkaktojnë humbjen e kockave në moshën e vjetër Pas moshës 40-vjeçare, kockat e trupit pakësohen me 2%-3% në vit. Pas moshës 65-vjeçare, kemi hyrë në periudhën zyrtare të humbjes së dendësisë së kockave. Me rritjen e moshës do të ulet sasia e ushqimeve të konsumuara, do të dobësohet aftësia e përthithjes së vitaminës D dhe kalciumit nga zorra. Në të njëjtën kohë, me uljen e stërvitjes në natyrë reduktohet vitamina D në organizëm. Me rritjen e moshës, struktura fizike e kockave të personave të moshuar do të ketë edhe ndryshimet përkatëse. Sasia e përgjithshme e mineraleve të personave të moshuar ndodhet në nivelin e ulët. Osteoporoza është problemi i zakonshëm tek të moshuarit. Prandaj, rreziqet e thyerjes së kockave janë shtuar shumë për personat e moshuar. Masat e përshtatshme për shtyrjen e humbjes së kockave Rregullimi i strukturës së ushqimeve: të moshuarit duhet të marrin kalcium dhe vitaminë D të mjaftueshëm përmes dietës. Qumështi dhe nënproduktet e tij, prodhimet e detit dhe fasulet janë ushqimet që kanë shumë kalcium. Përveç këtyre, kërpudhat, mëlçitë, vezët dhe ushqimet e tjera që kanë vitaminë D janë shumë të nevojshme për të moshuarit. Stërvitjet e lehta në natyrë: stërvitjet fizike jo shumë të forta mund të lehtësojnë fenomenin e reduktimit të masës kockore. Për shkak të karakteristikave të veçanta të të moshuarve, duhet të merren kryesisht me aerobi, ecje të shpejtë, vrap i ngadaltë, not, Taiji etj. Duhet të shmangen stërvitjet e forta. Nga ana tjetër, duhet të qëndrojmë në dritën e diellit për 20-30 minuta. Ndryshimi i shprehive negative: pirja e duhanit mund të shtojë dëmtimin e kockave dhe humbjen e kalciumit nga kocka. Konsumi i tepërt i pijeve alkoolike mund të shkaktojë pengesa për metabolizimin e kockave. Konsumi i kafesë së fortë mund të shtojë humbjen e kalciumit përmes urinës. Nëse ndryshohen këto zakone, mund të shtyni fenomenin e osteoporozës. (Xu Guang)

Duhet t'i kushtojmë vëmendje të madhe cilësisë dhe gjatësisë së jetës. Themi lamtumirë në mënyrë të lehtë "Kam shumë dhimbje në tërë trupin, kur pi ujë mund ta ndiej dhimbjen nga gryka deri në stomak. Më bëni edhe një qetësues me Dolantin, dua të fle gjumë." Kur mjekët kontrollojnë pacientët e torturuar nga dhimbjet, mund të dëgjojnë shpesh këto fjalë, por sasia e Dolantin-it e përdorur ka arritur në kufirin e sipërm. Shumë vullnetarë shoqërues në dhomat e spitalit patën e vënë re këtë gjë tek pacientët me tumor. Prej vjeshtës së vitit 2016, një grup vullnetarësh nisi praktikën mjekësore për lehtësimin e dhimbjeve të pacientëve dhe bisedoi me të sëmurët me tumor në fazën e vonshme. Pjesë e bisedimeve ishin njohuritë mbi tumorin, shëndetin, efektet anësore, kënaqësia për jetën shoqërore e familjare. Zv-drejtori i degës së mjekësisë geriatrike të Spitalit të Kolegjit Mjekësor të Bashkimit të Pekinit, Ning Xiaohong tha se sipas Organizatës Botërore të Shëndetësisë, kujdesjet lehtësuese (palliative care) janë masa mjekësore ruajtëse për pacientët me sëmundjet të pashërueshme, me qëllim të kontrollit të dhimbjes dhe fenomeneve të tjera përkatëse, duke përmirësuar cilësinë e jetës së pacientëve. Kujdesjet lehtësuese mund të lehtësojnë mbi 90% të dhimbjeve fizike, psikologjike dhe shpirtërore të pacientëve të prekur nga tumori në gradë të fundit. Në Britaninë e Madhe, Singapor, rajonin kinez të Tajvanit etj., procesi i zhvillimit të kujdesjeve lehtësuese zgjat për afro 10 vite, i cili kalon nëpër këto faza: shërbimet familjare, kujdesjet dhe përkrahjet e fondacioneve, formimi i degës mjekësore të kujdesjes lehtësuese deri në përkrahjen qeveritare. Në fazën e fundit të jetës së pacientëve të prekur nga tumori, duhet të përzgjedhim metodat më të përshtatshme mjekësore. Por shumë familjarë të pacientëve pyesin ende: "kur mund të shërohet sëmundja?" "A mund të shërohet kjo sëmundje?" "Njoftimi i lajmit të keq është një teknikë e veçantë mjekësore, që është shumë e vështirë për familjarët," u shpreh Ning Xiaohong. Nëse familjarët do të përballen me këtë sfidë, nuk e di si t'ua tregojë pacientëve lajmin e keq, duhet të kërkojnë ndihmë nga mjekët. Jo vetëm mjekët, por edhe familjarët duhet të ndihmojnë pacientët për të kaluar fazën më të fundit të jetës së tyre dhe duhet ta vënë vullnetin e pacientëve në vendin e parë. Duhet t'u japin pacientëve rastin e njohjes së faktit. Një paciente mbi 60 vjeçe u prek nga tumori i fshikëzës së tëmthit dhe qelizat kancerogjene ishin përhapur në organet e tjera të trupit. Ajo kishte edemë serioze në të gjithë trupin. Duke parë përkeqësimin e mëtejshëm të gjendjes shëndetësore të pacientes, mjeku mendoi se s'mund të bëhen ndërhyrje serioze mjekësore kundër sëmundjes. Pas diskutimeve me kolegët e tjerë, Ning Xiaohong bëri një vendim për të lehtësuar dhimbjet e pacientëve me përpjekjet më të mëdha, duke i dhënë asaj qetësinë në kohët e vonshme të jetës. Duke iu referuar fenomenit të pafuqishmërisë dhe anoreksisë së pacientes, mjekët i injektuan asaj glukokortikoid dhe deksametazon në sasi të vogël, edemat në gjymtyrët e poshtme të pacientes filluan lehtësimin shumë shpejt. Në ditën e 3-të, pacientja foli dhe qeshi: "Mbrëmë fjeta më mirë gjumë!" Bisedimet gjithashtu mund të lehtësojnë dhimbjet e pacientit. Për një paciente të prekur nga kanceri i vezores i fazës së vonshme, vullnetarët bënë bisedimet prej 4 orësh me të. Kjo paciente e moshuar jo vetëm u përgjigj për të gjitha pyetjet, por foli gjithashtu mbi konfliktet e familjes dhe shqetësimet e brendshme. Kujdesjet lehtësuese s'është dorëheqja nga mjekimi. Për pacientët e prekur nga kanceri i vonshëm, disa pacientë janë tepër të dobët dhe mjekët duhet të japin dorëheqjen nga kimioterapia për ta. Por mjekët duhet të komunikojnë plotësisht me pacientët dhe t'ua lehtësojnë dhimbjet atyre me metoda mjekësore, duke i dhënë përkrahje. Përballimi i vdekjes "Kafeneja e vdekjes" është aktiviteti i sallon-it i nisur nga Wang Ying në 2 vitet e fundit. Wang Ying do të ftojë familjarët e pacientëve të prekur nga tumori dhe personat me interes për të marrë pjesë në këto aktivitete, ku do të shpërndajnë opinionet dhe përvojat përkatëse mbi vdekjen. Në vitin 2008, Wang Ying krijoi Qendrën e Zhvillimit të Kujdesjes së Jetës në zonën Pudong të Shangait, ku bëri trajnimet e shërbimeve për shoqërimin e vullnetarëve ose të infermierëve ndaj pacientëve për kohët e vonshme të jetës së tyre, për të përmirësuar cilësinë e jetës së familjeve të prekura nga kanceri dhe të forcuar aftësinë e tyre përballë goditjeve të sjella nga vdekja. Sipas vëzhgimeve të Wang Ying-ut, afro 50% e të sëmurëve nuk iu tregua për sëmundjen e tyre të rëndë, për shkak se familjarët e tyre kanë merak për goditjen psikologjike që mund të marrë i sëmuri. Por nga ana tjetër i sëmuri do të ketë ankth, pasi ai nuk e di nga çfarë vuan saktësisht dhe mund të dyshojë efektet mjekësore të trajtimit. Disa të sëmurë mund të mendojnë se ata janë ndaluar nga të afërmit e tyre. Vullnetarët do të flasin me familjarët e të sëmurëve në këtë mënyrë: "Është më mirë që t'ua tregoni sëmundjen e vërtetë, të sëmurët mund të bëjnë planifikimin për jetën e mbetur." Por disa të afërmit s'mund të bisedojnë këtë temë me të sëmurët. Atyre u nevojtet ndihma e palës së tretë për t'ja thënë. Wang Ying bëri shumë trajnime për vullnetarët dhe familjarët e pacientëve mbi metodat e përshtatshme të bisedimeve me këtë temë. Të afërmit mund të njohin para kohe reagimet e mundshme të pacientëve dhe të dinë mënyrat e përballimit. Gjyshja Dong mbi 101 vjeçe u prek nga kanceri i mëlçisë për 6 vite dhe qelizat e kancerit u përhapën në organet e tjera të trupit. Shumë organet e saj nuk funksionojnë dhe ajo ka edemë serioze në tërë trupin. Çdo ditë, ajo injektohet nga mbi 2 litra ilaçe të lëngshme. Pas vlerësimeve të përgjithshme, mjekët janë të mendimit se gjyshja Dong ndodhet në fazën e fundit të jetës dhe duhet ta marrim masat e mjekimit qetësues e lehtësues. Ata sugjerojnë ndalimin e masave të ndërhyrjes mjekësore dhe përkrahjeve të tepërta ushqyese, por duhet të marrin masat për ta lehtësuar dhimbjet në trup. Pas komunikimit të plota mes vullnetarëve dhe familjarëve të gjyshes Dong, të afërmit e saj pranuan më në fund këtë projekt të mjekimit lehtësues. Sipas sugjerimeve të vullnetarëve, në fazën e fundit të jetës së gjyshes Dong, çdo familjar i saj shprehu "falënderimet", "keqardhjet", "dashurinë" dhe "lamtumirën". Pas zbatimit të projektit mjekësor lehtësues, ishin asgjësuar endemat e trupit të gjyshes Dong, të gjithë familjarët folën fjalët e fundit me gjyshen Dong, e cila u largua nga familjarët në qetësi dhe lehtësi. Dame Cicely Mary Saunders, krijuesja e kujdesjeve lehtësuese (palliative care) ka thënë: "Duhet t'i kushtojmë vëmendje të madhe cilësisë si dhe gjatësisë së jetës."(Xu Guang)

Lumturia. Është diçka që të gjithë e duam. Por çfarë është saktësisht lumturia? A mund ta përshkruajmë me një fjali? Nëse nuk jeni të sigurt për përcaktimin e saktë të lumturisë, nuk jeni të vetmit. Shumë filozofë kanë ide shumë të ndryshme për atë që është lumturia dhe si mund të arrihet. Dëshironi të kuptoni se si filozofët e ndryshëm përcaktojnë lumturinë? 1．Pikëpamja e Aristotelit për lumturinë Aristoteli thoshte, "Lumturia varet nga vetja jonë" dhe besonte se lumturia ishte qëllimi përfundimtar i ekzistencës njerëzore. Në vend që ta shihte lumturinë si diçka që mund ta përjetoni pas kalimit të një prove, ose kur argëtoheni me miqtë, Aristoteli mendonte se lumturia ishte një masë e gjithë jetës tënde dhe sa mirë e keni jetuar atë. Ai mendonte se lumturia ishte një qëllim fundor, jo vetëm një ndjenjë momentale. Aristoteli besonte se të gjitha gjërat e mëposhtme ishin të rëndësishme, kur përpiqeni të arrini lumturinë: Shëndeti; Paratë; Miqësitë; Marrëdhëniet; Dija. Sipas Aristotelit, vendimet që merrni, janë jashtëzakonisht të rëndësishme. Pra, ai mendonte se në vend të zgjedhjes së opsioneve që japin kënaqësi të çastit, duhet të përpiqemi të sillemi në mënyra që sigurojnë përfitime afatgjata. Për shembull, të dalësh të bësh vrap, në vend se të rrish ulur në divan gjatë gjithë mbrëmjes. Pikëpamja e Kantit për lumturinë Kant thoshte: "Lumturia është përmbushja e të gjitha prirjeve tona". Por cilat janë këto prirje? E para, Kant gjithashtu e pranonte faktin që jo gjithmonë e dimë se çfarë është më mirë për ne, duke shtuar se qeniet njerëzore nuk janë të afta që të përcaktojnë me siguri absolute, se çfarë do i bëjë me të vërtetë të lumtura. Kjo mund të tingëllojë kundër-produktive, por Kant besonte se sa më shumë që përpiqemi të jemi të lumtur, aq më të pakënaqur do të jemi. A keni provuar ndonjëherë kaq shumë për të shijuar diçka, e në fund keni përfunduar duke u ndjerë të zhgënjyer? Atëherë me siguri do ta kuptoni këtë teori. Në vend që të përpiqemi vazhdimisht të arrijmë gjërat që besojmë se do ta përmbushin lumturinë, Kant thotë se duhet të përqendrohemi në veprimin, apo në mënyrën që ne besojmë se është e drejtë. Kjo mund të përfshijë: Të bësh gjëra për të ndihmuar të tjerët. Të bësh gjëra që burojnë nga një ndjenjë detyre. Të përpiqesh të jesh sa më racional dhe moral që të jetë e mundur. Kjo nuk do të përfshinte: Tundimin për t'u pasuruar. Punën e madhe në kërkim të zotërimeve materiale. Fokusimin e madh në qëllimet egoiste. Pra, mesazhi themelor është ndalimi i fiksimit pas lumturisë dhe përpjekja për të qenë një njeri i mirë. Kur bëjmë gjënë e duhur, lumturia do të vijë natyrshëm. Pikëpamja e Niçes për lumturinë Niçja thoshte: "Ç'është lumturia? Ndjenja që fuqia rritet, që pengesa po kapërcehet". Niçja besonte se lumturia ishte një lloj fuqie që njerëzit mund të ushtronin mbi botën përreth tyre. Kjo mund të tingëllojë pak keq, por mund të shfaqet në shumë mënyra të padëmshme. Për shembull, për të qenë të lumtur, mund të dëshironi që: Të jetoni në vendin që dëshironi. Të punoni në një punë që ju pëlqen. Të keni marrëdhënie me njerëzit, sipas zgjedhjes suaj. Të kaloni kohën në mënyrën që dëshironi. Kur hiqet fuqia për t'i bërë këto gjëra, ndihemi të palumtur dhe përpiqemi të marrim përsëri kontrollin. Këtë mund ta bëjmë duke kërkuar një punë më të mirë, duke lënë një marrëdhënie jo të shëndetshme, apo duke u zhvendosur diku tjetër gjeografikisht. Niçja besonte se lumturia ishte e lidhur fort me aftësitë personale dhe nevojën për të jetuar jetën ashtu siç dëshironi. Pikëpamja e Sokratit për lumturinë Sokrati besonte se shumë përvoja që ne mund t'i përshkruajmë si të pëlqyeshme, si për shembull të ndjerit më mirë pas një sëmundjeje të gjatë, nuk janë lumturi e vërtetë – janë vetëm mungesë e vuajtjes. Ai mendonte se lumturia nuk duhet të bazohet në gjëra të jashtme, por mbi mënyrën se si ato përdoren. Për shembull: Përdorimi i parave për t'i dhuruar në një kauzë të mirë. Përdorimi i inteligjencës për të zgjidhur problemet. Përdorimi për mirë i forcës, dhe jo për të manipuluar të tjerët. Pra, nuk ka të bëjë me atë që keni – ka të bëjë me mënyrën si e përdorni atë. Çelësi i lumturisë Pra, me gjithë këto mendime të ndryshme, si mund ta arrijmë lumturinë? Më poshtë, një listë e disa ideve kryesore: Mos u përqendroni shumë në ndjekjen e lumturisë. Mundohuni të jetoni në mënyrë morale dhe racionale. Merrni kontrollin e jetës suaj, aty ku është e mundur. Mos e bazoni lumturinë në gjëra të jashtme, si paraja. Përdorni pikat e forta, si inteligjenca, për të bërë mirë. Lumturia është një qëllim final, jo një kënaqësi momentale

Në faqen e internetit është përhapur një pyetje shumë e preferuar: "Kur disa persona kthehen në shtëpi pas pune, përse qëndrojnë vetëm në makinë për një kohë të gjatë?" Një nga përgjigjet e vlerësuara shumë është se: "Në shumë raste, nuk dua të zbres nga makina, pasi më pret një moment kur duhet të përballoj të tjerët: kur largohem nga makina, do të përballem me problemet familjare, punët e shtëpisë, babain, djalin dhe burrin dhe nuk kam kohë të mendoj për vete. Ndërsa në makinë gjej kohë për veten dhe të reflektoj për veten." Mosha 30 vjeçe është një moshë ku ndahen shumë gjëra. Pas kësaj moshe, duhet të jeni i rritur, ngarkoheni me përgjegjësi familjare përfshi ushqimin e fëmijëve dhe përkujdesjen ndaj prindërve. Meshkujt e martuar pëlqejnë kohën e qëndrimit vetëm në makinë. Por përsa i përket femrave? Disa gra përgjigjen se është tualeti. Një nënë e re tha: "Kur u shqetësova shumë nga fëmijët, kur u grinda ashpër me tim shoq doja të hyja në tualet për t'u larguar nga kjo botë e tmerrshme." Sot ka shumë beqarë, të cilët refuzojnë të martohen. Ata e vazhdojnë marrëdhënien dashurore për një kohë të gjatë, por nuk martohen. Beqarët kanë frikë nga martesa, ndërkohë që të martuarit janë të lodhur nga kjo gjë. Por përse ndodh kjo? Së pari është perceptimi i gabuar për martesën: pritshmëria tepër e lartë për bashkëshortin ose bashkëshorten. Shumë persona janë të mendimit se bashkëshorti ose bashkëshortja duhet t'i kushtojnë vëmendje të madhe nevojave dhe ndjenjave të palës së tjetër dhe t'ua plotësojnë kërkesat. Në disa ditë para martesës, Xixi diskutoi me të dashurin e saj mbi dhuratën e martesës nga familja e burrit. Xixi këmbënguli se familja e burrit duhet të përgatisë dhuratën prej qindra mijë juanësh, e cila mund ta vërtetojë dashurinë e tij. I dashuri i saj tha se ai nuk e kishte këtë shumë lartë parash dhe nuk kishte dëshirë që t'u jepte prindërve të tij kaq shumë presion. Sipas mendimit të tij, pas martesës, përpjekjet e përbashkëta të çiftit në karrierë dhe familje janë më të rëndësishme se dhurata para martesës. Xixi mendoi se: "Ti nuk i kushton vëmendje të madhe ndjenjës sime. Nëse vepron në këtë mënyrë para martesës, mendo çfarë do bësh pas martesës." Prandaj, koha e dasmës u shty vazhdimisht. Në një program televiziv, po diskutohet problemi "pas martesës, duhet të ndahet prona e shtëpisë e burrit me gruan e tij apo jo?" Drejtuesja e programit paraqiti mendimet e saj se ndarja e pronës pasqyron në fakt problemet e anktheve, të dëshirave, të sigurisë në marrëdhëniet e dashurisë dhe të martesës. Së dyti, brenda martesës fokusi është tek integrimi i familjes dhe më pak vëmendje tej vetja Pas lindjes së fëmijës, zonja Lan dha shumë kontribut për familjen. Por ajo theksoi se i shoqi i saj nuk ndryshoi shumë. Në kohën e lirë pas punës, burri i saj vazhdoi të marrë pjesë në aktivitetet e ndryshme shoqërore dhe u kthye në shtëpi shumë vonë. Burri i saj ankohej shpesh se ishte shumë i lodhur dhe luajti lojëra në kompjuter ose telefon celular për t'u lehtësuar pasi i hodhi një sy fëmijës. Lan i ankohej shpesh se: "jemi në një familje, duhet të marrim pjesë së bashku për rritjen e fëmijës. Ti je babai i fëmijës dhe duhet të ndash me mua punët shtëpiake." Ajo i paraqiti kërkesa më konkrete, që burri i saj duhet të shoqërojë familjarët për të paktën 2 orë dhe duhet të qëndrojë në shtëpi për një ditë në fundjavë. Burri i saj s'mund ta refuzojë këtë kërkesa të arsyeshme, por ai u ngarkua me presionin më të madh. Koha personale pas punës u zu plotësisht. Para hyrjes në shtëpi, ai luajti lojërat e celularit për një moment ose piu një cigare në makinën e tij. Kjo është koha e vetme që ai ka për të ndejtur me vetveten. Nëse njëri nga bashkëshortët në martesë kërkon përfshirjen e anëtarëve të familjes dhe përballimin e përbashkët të çdo pune, pala tjetër është detyruar që t'i përgjigjet, por pakënaqësia e brendshme mund të rritet në mënyrë të fshehtë. Së treti, 4 "elementët e këqinj" në martesë: shkujdesja, kritika, përçmimi, vetëmbrojtja. Psikologu amerikan Gottman ka vendosur një "laborator të dashurisë" në Universitetin e Uashington-it. Pas studimeve prej 20 vitesh, ai zbuloi se elementet më shkatërruese në martesë janë shkujdesja, kritika, përçmimi dhe vetëmbrojtja. Kemi dëgjuar përgjigjet e shpeshta si: kur pyes çfarë dua të hajë, ai u përgjigj: "Të gjitha janë në rregull"; kur bën diçka pis etj., bashkëshortja kritikoi: "Përse kaq shumë gabime."; kur harron marrjen e pakos për të, ajo thotë: "S'mund të varem nga ti për asgjë."; kur nis debati në çift, ajo tha: "nuk ke asnjë gabim. Si mund të gabosh në çdo gjë?" Këto modele të papërshtatshme të komunikimit mund të shkaktojnë ftohje tej dy palët. Si t'i përballojmë me pozitivisht problemet e martesës? Si të trajtojmë konfliktet e brendshme familjare? Së pari, rritja e aftësisë së mendimit të vetes, ulja e pritshmërisë për palën tjetër dhe të përpiqemi për rritjen e vetëkujdesjes. Duhet të përpiqemi për uljen e ndikimeve nga informacionet e shumta të qarqeve të jashtme dhe të rritim aftësinë e mendimit të pavarur. Kur kemi pritshmëri shumë të lartë për palën tjetër, mund të zbulojmë diferencën shumë të madhe mes fakteve dhe imagjinatës. Në fakt, burri juaj është një njerëz i zakonshëm, që ngarkohet me presionin e kujdesjes së prindërve të tij, të shqetësohet nga qarja e foshnjës në natë, të zemërohet për shkak të dilemës në punë. Në këto momente, ai nuk ka aftësi të ngarkohet me detyra më të shumta familjare. Në këto momete, duhet të kujdeset më shumë për ndjenjat e veta. Pyes veten: "Përse lindin këto ndjenja? Çfarë mund të bëj unë për ta lehtësuar veten?" Pas punës së lodhshme në kompani, një grua u kthye në shtëpi dhe zbuloi se burri i saj e kishte bërë shtëpinë shumë rrëmujë. Ajo nuk u zemërua si në të kaluarën dhe fjeti një gjumë të ëmbël në dhomën e saj. Në ditën e dytë, kur u zgjua nga gjumi u ndje më mirë. Brenda martesës, nuk ekzistojnë shumë "arsye të duhura", të dyja palët duhet të bëjnë përpjekje sipas gjendjes aktuale për lumturinë e tyre individuale dhe të përbashkët. Së dyti, duhet të përgjigjemi me pozitivitet Sipas studimeve të laboratorit të dashurisë të Gottman-it, ndërkomunikimet mes çiftit sjellin ndikim të madh për marrëdhënien e ardhme. Në eksperimentet e tij, kur një palë i thërret palës tjetër: "shikoni zogjtë jashtë dritares", disa bashkëshortë do të hedhin një sy jashtë dritares, por disa tjerë vazhdojnë leximin e gazetave, duke mos vënë re fjalët e palës tjetër. Pas 6 vitesh, Gottman zbuloi se ndër çiftet e divorcuara në kohët e vonëshme, vetëm 33% të tyre reaguan me pozitivitet për thirrjen e palës tjetër. Reagimet pozitive sjellin këtë mesazh: kur një palë shprehu mendimet e saj, pala tjetër mund të ketë opinionet e ndryshme, por pala tjetër kishte dëgjuar seriozisht fjalët e saj. Nëse mund të bëni reagimet pozitive, duhet të përpiqeni për shprehjet e përshtatshme. Asnjë palë s'mund të bëhet gjithmonë "pala e arsyeshme" në marrëdhënien familjare. Çdo palë duhet të përballojë gabimet e veta dhe të bëjë reagimet e përshtatshme ndaj gabimeve. Duhet të pakësojmë fjalët si "Përse nuk veproni kështu?". Dhe përdorim fjalët si "Më duket se...", "Shpresoj se....". Këto fjalët mund të sjellin mendimet më pozitive në martesë. (Xu Guang)

Përdorimi i çajit, veçanërisht në këtë periudhë të vitit, është shtuar shumë. Madje, thuhet se po shikohet një përhapje akoma më e gjerë, qoftë në shtëpi, ashtu edhe në punë, saqë kafeja po shikohet me një tjetër "sy". Çfarë duhet të dimë për çajin Ka shumë arsye përse ne e shijojmë shumë një filxhan çaji: mund të na pëlqejë aroma, ngrohtësia që përçon në ditët e ftohta të dimrit, ose mund ta gjejmë shumë qetësuese pirjen e çajit përpara një oxhaku. Por çaji nuk ka vetëm efekte çlodhëse, ai i bën shumë mirë shëndetit. Çaji përmban antioksidues. Ashtu sikurse ne lyejmë hekurat me substanca të caktuara për t'i mbrojtur nga ndryshku edhe antioksiduesit shërbejnë për të mbrojtur trupin nga kthetrat e plakjes dhe nga efektet e ndotjes. Çaji përmban më pak kafeinë sesa kafeja. Kafeja zakonisht ka dy deri në tri herë më shumë kafeinë sesa çaji. Një filxhan kafeje përmban zakonisht rreth 135 miligramë kafeinë, ndërsa çaji përmban rreth 30 deri në 40 miligramë për çdo filxhan. Nëse pirja e kafesë ju shkakton ankth, pagjumësi apo dhembje koke, atëherë filloni të pini çaj. Çaji mund ta ulë rrezikun e atakut të zemrës dhe vdekjes së qelizave të trurit. Mpiksja e gjakut e formuar nga kolesteroli dhe trombocitetet e gjakut shkakton ndalimin e zemrës dhe shkatërrimin e qelizave të trurit. Duke pirë çaj ju i mbani arteriet tuaja të qeta dhe të pabllokuara. Një studim 6-vjeçar në Norvegji ka zbuluar se personat që pinë 2-3 filxhan çaj në ditë, kanë 70 për qind më pak rrezik të pësojnë një atak zemre, krahasuar me ata që nuk pinë çaj. Çaji mbron kockat. Nuk është vetëm qumështi ai që ndihmon në formimin e kockave të forta. Një studim që ka krahasuar personat që pinë dhe ata që nuk pinë çaj, ka zbuluar se personat që kanë pirë çaj për 10 vjet ose më shumë, kanë kocka më të forta, pavarësisht moshës, peshës, ushtrimeve fizike apo edhe pirjes së duhanit. Çaji të jep një buzëqeshje të ëmbël. Të pish çaj të bën mirë edhe për dhëmbët. Është sheqeri që ne i shtojmë, ai që mund të prishë efektin e çajit si zbardhues dhëmbësh. Provoni të pini çaj pa sheqer dhe do të shihni se është po aq i dobishëm sa larja e dhëmbëve. Çaji rrit imunitetin. Duke pirë çaj ju rrisni imunitetin e trupit tuaj ndaj infeksioneve të shumta. Kur 21 vullnetarë pinë secili nga pesë filxhan kafeje dhe çaji, studiuesit arritën në përfundimin se personat që kishin pirë çaj, kishin një sistem imunitar më të fortë. Çaji ju mbron kundër kancerit. Antioksidantët që përmban çaji luftojnë kancerin. Janë plot tetë studime që e mbështesin teorinë se, çaji është shumë i rëndësishëm për mbrojtjen nga pasojat negative të sëmundjeve të shumta. Ndaj bëni mira ta fusni çajin në listën e pijeve tuaja të përditshme. Çaji ju mban të hidratuar. Pijet që përmbajnë kafeinë, duke përfshirë edhe çajin, janë konsideruar si pije që nuk janë të nevojshme për rritjen e sasisë së lëngjeve që na duhen normalisht. Kjo, sepse kafeina është një pije diuretike ose thënë ndryshe që na shton nevojën për të urinuar. Megjithatë studimet e fundit kanë zbuluar se kafeina nuk përbën problem dhe se pijet që e përmbajnë atë ndihmojnë për sasinë e lëngjeve që duhet të marrim. Kafeina bëhet problem vetëm nëse pini njëkohësisht pesë ose gjashtë filxhanë pijesh që e përmbajnë atë. Çaji është pa kalori. Çaji nuk përmban asnjë kalori po të mos i hidhni sheqer apo qumësht. Të përdorësh qoftë edhe 250 kalori më pak në ditë ndihmon në humbjen e gjysmë kilogrami në javë. Nëse po kërkoni për një pije që nuk ka në brendësi kalori, çaji është i duhuri. Çaji rrit metabolizmin tuaj Shumë njerëz ankohen se kanë një metabolizëm të dobët dhe se nuk humbin dot peshë. Çaji jeshil ka treguar se rrit metabolizmin dhe se ju mund të digjni 70-80 kalori duke pirë pesë filxhanë në ditë. Duke e llogaritur për një vit mund të humbni rreth 3.6 kg vetëm duke pirë çaj jeshil. Pyetje mbi çajin Cili çaj është më i miri, jeshili, i ziu apo i bardhi? Nuk ka shumë ndryshim mes çajeve, sepse të gjithë përgjithësisht përmbajnë të njëjtën sasi të pigmenteve që treten dhe i japin vlera për shëndetin. Çaji jeshil dhe i ziu vijnë prej së njëjtës bimë, por çaji jeshil është tharë për më pak kohë, duke shmangur kështu procesin e fermentimit që gjendet te çaji i zi. Të bën po aq mirë çaji pa kafeinë? Disa kompani përdorin substanca kimike që i largojnë çajit kafeinën, disa të tjera përdorin procesin e ujit për këtë qëllim. Procesi me substanca kimike largon më shumë sesa duhet elementet e dobishme, ndaj duhet të lexoni me kujdes etiketat. Si të përgatisësh një çaj ideal? Për çajin e ngrohtë hidhni një filxhan me ujë për çdo tabletë çaji ose lugë nëse po përdorni çaj të tharë. Hidheni masën e çajit në një enë qelqi (materialet plastike apo metalike i japin shije të pakëndshme. Hidhni ujin e zier mbi enën me çaj, kini parasysh sesa më shumë ujë të hidhni, aq më e butë do të jetë shija.

Mbajtësit e një karte krediti shndërrohen në njerëz me borxhe Xiao Lu është një 30 vjeçar i cili para disa vitesh hapi kompaninë e tij. Me përhapjen e përdorimit të kartës së kreditit, Xiao Lu u bë një mbajtës i saj dhe nisi të blinte pa kriter nëpër qendra tregtare se ftonte miqtë për dreka-darka. Më vonë, me zhvillimin e biznesit të tij, Xiao Lu duhet të shtojë investimet në programet e ndryshme të kompanisë. Ai zbuloi se mund ta marrë hua nga karta e kreditit për të financuar kompaninë e tij, por nuk e kishte imagjinuar kurrë se shpërdorimi i kartës së kreditit do ta zhyste në borxh e do të shkaktonte një rrezik të fshehur. Me pagesat e normës së interesit, Xiao Lu u përball shumë shpejt me një borxh të lartë, që për ta paguar, duhet të merrte hua vazhdimisht por interesat nuk ndalnin së rrituri. Xiao Lu u ngarkua me borxhin më të madh. Më në fund, Xiao Lu kërkoi 17 karta krediti nga banka të ndryshme dhe ka mbipaguar për një borxh prej mbi 600 mijë juanësh. Ai s'mund të shlyejë këtë boxh dhe u dënua me burg. Xiao Hai është një djalë në të 20-tat. Në vitin e parë të punës, të ardhurat e tij mujore ishin rreth 2000 juanë. Por ai ka kërkuar 25 karta krediti brenda një kohe të shkurtër dhe është ngarkuar me një borxh shumë të madh. Në fillim, Xiao Hai shijoi gëzimin që i solli konsumi pa pagesë nga karta dhe kjo dëshirë për blerje iu shtua dita-ditës, por e ardhura e tij mujore nuk ndryshonte. Prandaj, ai kërkoi më shumë karta krediti për ta përmbushur dëshirën e pafundme të konsumit. Brenda një viti, ai kërkoi mbi 12 karta krediti dhe konsumoi produke me një vlerë prej mbi 130 mijë juanësh. Por e ardhura e përgjithshme vjetore e tij është vetëm mbi 20 mijë juanë. Ai u detyrua që ta marrë hua me interes të lartë për të shlyer borxhin e kartave të kreditit. Pasi prindërit e tij mësuan këtë gjë, ata paguan këtë borxh me të gjitha depozitat familjare. Por pas vetëm gjysmë viti, Xiao Hai s'mund të rezistojë joshjes së konsumit para kohe dhe kërkoi 13 karta të kredisë nga banka të ndryshme. Këtë herë, ai u ngarkua me një borxh prej 300 mijë juanësh. Më në fund, prindërit e tij janë detyruar që të shesin shtëpinë për të shlyer borxhet e të birit. "Llogaria psikologjike" mund të ngarkohet me borxh shumë të madh Karta e kreditit është një mjet pagimi me pak interes. Konsumi me kartë kryhet pa para në dorë dhe numri i klientëve që shijojnë ëmbëlsinë e sjellë nga konsumi me kartë krediti po rritet gjithnjë e më shumë. Por ky konsumi është një thikë me dy presa. Shumë njerëz që bëjnë blerje me kartë kreditë mund të zhyten në borxhe të mëdha. Sipas psikologëve, blerjet me kartë krediti mund të ketë këto rreziqe: Gëzime të menjëhershme psikologjike: konsumi mund t'na sjellë gëzimet. Me një kartë krediti, mund të përmbushim dëshirat e blerjes dhe zotërimit. Kur konsumojmë me kartë krediti, do të shijojmë më shumë gëzime të menjëhershme, duke stimuluar pasionin e konsumit të verbër dhe prishur planin e konsumit racional. Gabimet e verbra psikologjike: brenda kartës së kreditit, ekziston një vlerë për konsum. Duhet të kuptojmë që vlerë nuk do të thotë se duhet ta konsumojmë menjëherë. Por gjatë konsumit aktual, shumë persona mund të bëjnë gabim dhe ta konsiderojnë vlerën e kartës si aftësinë e konsumit të tyre. Prandaj, ata bëjnë blerje irracionale. Transferimi i përgjegjësisë: në procesin e përdorimit të kartës së kreditit, shumë persona nuk e marrin parasysh në mënyrë të mjaftueshme vetaftësinë për shlyerjen e borxhit. Prandaj, ata mënjanojnë përgjegjësinë e vetë të kthimit të borxhit në të ardhmen, duke e transferuar përgjegjësinë e kthimit të borxhit. Psikologjia e vonimit për pagimin: konsumi na sjell gëzimin, por pagimi është një proces i dhimbshëm. Në procesin e konsumit me para në dorë, konsumi lidhet ngusht me pagimin. Konsumi është zhvilluar në të njëjtën kohë të pagimit. Prandaj, dhimbja e pagimit mund të kompensojë gëzimin e konsumit, duke e frenuar në mënyrë të ashpër dëshirën e konsumit. Por, gjatë konsumit me kartë krediti, dhimbja e pagimit është vonuar deri në kohën e shlyerjes së borxhit. Prandaj, është dobësuar aftësia e vetëfrenimit gjatë konsumit. Llogaritë e ndryshme psikologjike: në procesin e administrimit të aseteve, janë formuar llogaritë psikologjike brenda trurit, të cilat mund të ndikojnë blerjet. Pagesa e bërë me kartë kreditit dhe ajo e bërë me para cash janë vendosur në llogari të ndryshme psikologjike. Sipas studimit të psikologëve, llogaria psikologjike e kartës së kreditit është më e madhe se ajo e parave në dorë. Në një eksperiment mbi konsumin në restorant, konsumuesit që paguan me kartë krediti llogarinë e drekës, bënë konsum shumë më të lartë se ata që puguan me para në dorë. 3 metodat për të shmangur borxhin e tepërt nga karta e kreditit Për shkak të rreziqeve të shumta psikologjike, duhet të vetëpërmbahemi dhe të tregohemi racionale gjatë blerjeve me kartë krediti. Këtu do t'ju prezantojmë 3 metoda për të shmangur borxhin e tepërt: Së pari, duhet të bëni vetëvlerësim psikologjike. Duhet të njihni vetveten. Nëse zbuloni se jeni person irracional dhe keni vështirësi të vetpërmbaheni, metoda më e mirë është refuzimi i përdorimit të kartës së kreditit dhe konsumi me kartën e debitit. Së dyti, duhet të bëni shpesh paralajmërime të vetes. Nëse është e nevojshme, mund të mbani disa letra apo shkrime me fjalët e paralajmërimit nga konsumi i tepërt i kartës së kreditit dhe vendosini ato në vende të dukshme. Së treti, duhet të kërkoni një kartë krediti që përkon me të ardhurat tuaja dhe mos kërkoni shumë karta. Duhet ta përcaktoni para kohe datën e kthimit të borxhit nga karta e rrogës, për të shmangur grumbullimin e interesit të borxhit të kartës së kreditit. Përveç kësaj, mund të shtyni procesin e konsumit me kartë krediti për 30 sekonda, kur mund të imagjinoni kohën e shlyerjes së borxhit në të ardhmen. Këto aktivitete psikologjike mund të rregullojnë dhe kontrollojnë veprimet e konsumit me kartë krediti.(Xu Guang)

Filloni ditën tuaj me këtë frut, qoftë duke e konsumuar atë të freskët apo në formë lëngu, pasi kështu lehtësoni funksionimin e trurit, duke e bërë mangon një aleat të vlefshëm, sidomos për ata që duhet të shfrytëzojnë në maksimum kapacitetet e tyre krijuese. Keni parasysh shprehjen e famshme : "Një mollë në ditë mban larg mjekun"? Rikujtojeni këtë shprehje edhe në rastin e mangos. Ky frut ekzotik cilësohet si burim shumë i mirë për shëndetin tonë. I pasur me shumë vitamina, mango duhet të bëhet patjetër pjesë e listës së ushqimeve që konsumoni. Madje dietologët për të përforcuar këtë ide japin tetë arsye përse nuk duhet të neglizhoni konsumimin e mangos, qoftë si frutë apo edhe lëng të freskët. Arsyet Së pari, falë vitaminës B6 e pranishme në mango, e cila luan një rol themelor në formimin e neurotransmetuesve, ndihmon për të siguruar humor të mirë dhe një pushim të shëndetshëm. Gjithashtu mango është edhe një burim i mirë i glutaminës (aminoacid), e cila përmirëson kujtesën dhe rrit përqendrimin. Filloni ditën tuaj me këtë frutë qoftë duke e konsumuar atë të freskët apo në formë lëngu, pasi kështu lehtësoni funksionimin e trurit, duke e bërë mangon një aleat të vlefshëm sidomos për ata që duhet të shfrytëzojnë në maksimum kapacitetet e tyre krijuese. Së dyti, përmban antioksidantë që janë tejet të domosdoshëm për lëkurën, (mes të cilëve lupoel, i cili njihet për vetitë e tij anti-inflamatore dhe antikancerogjene), kripëra minerale, (veçanërisht potasium, kalcium e magnez), si dhe vitaminat A, C dhe E. Të gjithë këta përbërës e bëjnë mangon një aleat të fuqishëm të bukurisë dhe shëndetit të lëkurës. Por edhe nëse nuk dëshironi ta konsumoni si frutë apo në formë lëngu, ju mund ta përdorni si maskë për fytyrën. Me fetat e mangos krijoni një pure, përziejeni me kos, vendoseni mbi fytyrë për rreth pesëmbëdhjetë minuta, më pas shpërlajeni me ujë të vakët. Së treti, mango pastron mëlçinë. Prania e disa antioksidantëve në mango lehtëson përpunimin e "mbeturinave" që grumbullon mëlçia. Kështu që konsumimi i rregullt i mangos, ndoshta në formën e lëngut në mëngjes, ndihmon mëlçinë për të kryer këtë funksion themelor për organizmin duke mbrojtur edhe nga rreziku i prekjes nga tumori. Së katërti, ndihmon në mbrojtjen e imunitetit. Sikurse e thamë më sipër ky frutë ekzotik burim i mirë i vitaminave A dhe C, të cilat mbrojnë organizmin nga radikalet e lira dhe forcojnë sistemin imunitar, në të njëjtën kohë ndihmon trupin tonë për t'u mbrojtur kundër infeksioneve të ndryshme, pa qenë e nevojshme të përdorim ilaçe. Së pesti, mban sytë tanë të shëndetshëm. Një mango mesatarisht përmban 72% të sasisë së rekomanduar ditore të vitaminës A, e cila është thelbësore për shëndetin e syve. Si rezultat konsumimi rregullisht i këtij fruti jo vetëm mbron shikimin, por edhe ndihmon për të parandaluar sytë e thatë dhe verbërinë. Së gjashti, është një frutë i mirë për verën pasi ruan shëndetin tonë nga goditjet e të nxehtit. Për shkak të përmbajtjes së lartë të ujit, mango shuan etjen. Provoni ta konsumoni atë si lëng të freskët, të përzier me ujë dhe akull, shikoni rezultatin dhe ndihmën që i jep trupit tonë për të ruajtur hidratimin dhe për të parandaluar goditjet e të nxehtit. Së shtati, redukton kolesterolin. Përqendrimi i lartë i fibrave dhe pektinës ndihmon për të ulur nivelet e kolesterolit, ndërsa përqindja e lartë e kaliumit (pasi mango përmban 564 mg, 16% e shumës së rekomanduar ditore të kaliumit) ju lejon të mbani nën kontroll tensionin e gjakut. Së teti, lehtëson tretjen. Enzimat e pranishme në sasi të mëdha në mango lehtësojnë tretjen, ndërsa fibrat (një frutë mbulon 20% të kërkesës ditore për fibra) janë të dobishme për shëndetin e zorrëve, sepse duke vepruar në peristalsi (muret e brendshme të zorrëve) të ndihmojnë në rast të kapsllëkut duke promovuar eliminimin e mbeturinave Mango është një frut i ëmbël dhe me shumë lëng. Referencat e para të dokumentuara për ekzistencën e mangos janë në shkrimet Hindu që datojnë në rreth 4000 përpara lindjes së krishtit. Mango konsiderohet i shenjtë në disa vende, sepse thuhet se Buda meditoi nën një pemë mangoje. Duke kërkuar një klimë të ngrohtë, mango rritet kryesisht në rajonet ekuatoriale, përfshirë Meksikën, Ekuadorin, Brazilin, Guatemalën dhe Haitin. Mangot janë të ëmbël, të shijshme dhe ekzotike. Ata janë gjithashtu mjaft ushqyes. Por të hahet një mango çdo ditë mund të mos jetë zgjedhja më e mirë, veçanërisht për njerëzit me kushte të caktuara, përfshirë diabetin dhe artritin. Çdo mango ka rreth 45.9 gram sheqerna - të cilat përbëjnë pothuajse shumën e plotë të 50.33 gram karbohidrateve të saj. Lloji kryesor i sheqerit në mango është fruktoza. Fruktoza mund të tretet vetëm nga mëlçia. Kjo mund të çojë në sëmundje si diabeti, sëmundjet e zemrës ose kanceri. Mangot kanë një përbërje të quajtur urushiol, një vaj që gjendet gjithashtu helmues për njerëzit që janë alergjikë. Shenjat që shfaqen mund të jenë si skuqje të lëkurës rreth gojës. Disa mango janë të detyruar të piqen më herët në mënyrë që ata të mund të hyjnë në treg më shpejt. Procesi përfshin një kimikat të quajtur karabit të kalciumit, i cili është një përbërës kancerogjen i njohur. Nqs hani mango çdo ditë rritet rreziku që të hani një mango të kontaminuar. Salmonella ndodh shpesh të gjendet në mango, sepse ajo merret gjatë kohës kur ato spërkaten me ujë.

Nga ushqimi te mendimet. Frutat dhe zarzavatet. Miti për vajin e ullirit Ushqimet që i bëjnë dëm organizimit. Jo vitamineve dhe suplementeve..... Të gjitha studimet kanë arritur në konkluzionet që duhet të largohemi nga produktet shtazore, mishi, me përjashtim të peshkut, burimeve të yndyrnave. Duke konsumuar mish, produktet e qumështit nga burime shtazore, ne shtojmë rrezikun për kancer, rrisim kolesterolin në gjak, etj. Përveç stresit dhe stilit të jetës, mënyra e të ushqyerit përcakton të ardhmen e rrugëtimit të shëndetit tonë- thotë z. Ramadani për "Shëndet Plus". Kur marrim ushqimin, duhet ta mendojmë atë si një shkallë inteligjente: Kur marrim fruta apo perime në natyrë, aty është koncentruar inteligjenca e natyrës: Aty është koncentruar drita, energjia apo ngjyrat. Rrushi i kuq është një antioksidant për organizimi falë inteligjencës së natyrës. Për të qenë një trup i shëndoshë, duhet të largohemi nga konsumimi i mishit, qumështit dhe bulmetrat në përgjithësi. Studimet e fundit tregojnë se edhe vaji i ullirit nuk është edhe aq i shëndetshëm sepse sasia e Omega 3 që është e domosdoshme përvlerat e tij si antioksidant, është 13 herë më e ulët sesa është menduar deri më tani, ndërsa ka 13 herë më shumë Omega 9 dhe 6 që është e dëmshme në sasi të mëdha. Për ata që konsumojnë 3-6 kafe në ditë janë më të mbrojtur nga sëmundjet kancerogjene ata që konsumojnë alkool, përmes kafes mbrojnë edhe mëlçinë. Për ata që kanë probleme me tensionin dhe pagjumësinë, mund të marrin kafe pa kafeinë. Një tjetër gjetje interesante është pija e verës, sidomos e kuqja. Nëse e konsumojmë këtë pije në masën e duhur, (1-2 gota në ditë) i bëjmë një shërbim të madh zemrës dhe jemi të mbrojtur nga sëmundjet kardiovaskulare. Hulumtimet flasin se vera ndikon pozitivisht edhe ndaj sëmundjeve kancerogjene. Një tjetër detaj është edhe vendi ku ushqehemi. Nëse ndodhemi në një mjedis relaksues dhe kreativ ushqimin e shijojmë dhe e tresim më mirë. Po ashtu, është shumë e rëndësishme se me kë drekojmë. Me një person që jemi në harmoni është provuar se gjatë ushqyerjes metabolizimi i organizmit është në parametra më të mira. Përsa i përket ushqimit z.Ramadani thotë se duhet të ushqehemi me produkte inteligjente. Me fruta dhe perime, me drithëra si thekër, tërshërë, etj.). Në vend të vajit të ullirit apo atij të zakonshëm, ne duhet të përdorim vaj lini, pasi ai ka 13 herë më shumë omega 3, e cila është e domosdoshme për trupin tonë. Ne duhet të heqim dorë absolutisht nga mishrat, qumështi dhe nënproduktet e tij, alkooli, pirja e duhanit etj. Duhet të shmangim përdorimin e ushqimeve të skuqura në vaj dhe pjekjet që bëhen në tym sepse tymi prodhon fenole, ku e kanë burimet disa sëmundjet kancerogjene. Një tjetër produkt i rrezikshëm është kripa. Le të ndalemi më konkretisht. Në Kongresin Botëror për Shëndetin, i mbajtur në Rio De Zhanerios, një profesor i Oxfordit i befasoi studiuesit kur tha se 3.5 milionë veta vdesin çdo vit nga duhani dhe po aq njerëz vdesin nga pasojat e kripës. Po ta heqim kripën nga përdorimi, tensioni i gjakut dhe veshkat do të punojnë normalisht. Kripa duhet që të vijë nga ushqimet natyrale dhe jo nga substanca që e marrim ne. Duhet të them se trupi është inteligjent dhe nëse përgjatë dy javëve do të mbajmë një rregull në mënyrën e ushqyerjes, do të kemi rezultate shumë pozitive. Një ushqim i keq, shkakton një gjendje të keqe në organizëm. Për shembull, ushqimi pas dy orëve kalohet dhe bëhet mendim; Një ushqim i gabuar sjell pasoja për organizimin, e lodh trupin, sjell mendime stresuese, kaotike. Nuk mund ta ndajmë më ushqimin nga të menduarit dhe të menduarit nga të ushqyerit. Edhe diçka tjetër: Duhet të kemi informacione për ushqimet që kanë vlerë për trupin tonë. Kjo kërkon ndryshim shprehish, të cilat janë të vështira për këdo, por jo të pamundura. Kjo duhet të bëhet në mënyrë që të arrijmë rezultate maksimale në shëndet. Kjo varet nga vendimet që marrim ne për jetë tonë. Z.Ramadani është kundër përdorimit të vitaminave dhe të suplementeve dietike. Ai e quan këtë një industri e madhe, sidomos në SHBA dhe të gjitha këto produkte janë manipulime të organizimit tonë. Ato kanë efekte negative; janë pasojë e shumë sëmundjeve të rënda; kancerogjene. Përjashtim është vetëm vitamina D3, substancë që gjenerohet në trupin e njeriut në momentin kur trupi u nënshtrohet rrezeve të diellit të paktën 15 minuta në ditë. Pas moshës 45-vjeçare rekomandohet një aspirinë 75-100 mg që është e mirë për mbrojtjen e sistemit kardiovaskular

Kohët e fundit, një derrkuc u bë shumë i preferuar për fëmijët kinezë. Emri i tij është "Peppa" dhe është personazh i një filmi vizatimor në gjuhën angleze "Peppa Pig" për fëmijët parashkollor. Në këtë film tregohet historia mes "Peppa Pig"-ut dhe familjarëve të tij, të cilat janë shumë interesante dhe me shumë moral. Ky film shfaq konceptin tradicional të familjes dhe miqësinë, duke u mirëpritur thellësisht nga fëmijët dhe prindërit e tyre në mbarë botën. Në këtë film shfaqet një familje me 4 anëtarë, tregimet janë të shkurtra dhe skenat të thjeshta. Por përse ky film tërhoqi kaq shumë fëmijë? Nëse pyesim fëmijët ata do na prezantojnë me naivitet pikëpamjet e tyre të brendshme. "Më pëlqen se babai dhe nëna e Peppa-s kërcejnë së bashku me fëmijët." "Më qëlqen se gjyshi ushqeu një dinozaur për Peppa-n dhe George!" "Kur George u mirëprit nga fëmijët e tjerë, Peppa u gëzua shumë!" Prindërit pozitivë dhe të durueshëm Nëse njollosim rrobat në moshën e vogël apo nëse gërvishtim mobiljet cili do të ishte reagimi i prindërve? Ka disa prindër që do t'i kritikonin rëndë fëmijët, por ka edhe nga ata që do e kishin marrë këtë ngjarje me sportivitet. Në këtë film vizatimor, babai dhe nëna e "Peppa Pig"-ut janë shumë të mirë dhe të butë. Kur Peppa dhe George doni të shkonin për kërcim jashtë, nëna e tyre jo vetëm që ju solli çizmet e shiut, por kërceu bashkë me ta. Kur Peppa-s iu prish kompjuteri, babai nuk e dënoi por ia riparoi atë dhe luajti lojëra online së bashkë me të. Këto veprime pasqyrojnë metodën e edukimit me " shumë ndikime". Psikologët kanë studiuar metodat e prindërve për rritjen e fëmijës për shumë kohë. Psikologu amerikan D. Baumrin analizoi se metodat e edukimit përbëhen nga dy elemente: elementi i kërkesave dhe elementi i reagimit. Edukimi me kërkesat lidhet me nivelin e kërkesave dhe kontrollit të prindërve për fëmijët. Prindërit që vendosin standardet më të larta dhe kanë kërkesa shumë të larta zbatojnë metodën e edukimit me nivelin më të lartë të kërkesave. Në të kundërtën, prindërit që janë më tolerant dhe më të butë me fëmijët, niveli i kërkesave të edukimit do të jetë më i ulët. Edukimi me reagimet lidhet me qëndrimet dhe emocionet e prindërve për fëmijët. Nëse prindërit mbajnë qëndrim më pozitiv dhe aktiv ndaj fëmijëve dhe ua plotësojnë shumë kërkesat, niveli i reagimeve të edukimit është më i lartë. Në të kundërtën, prindërit që mbajnë qëndrim më negativ ndaj fëmijëve dhe refuzojnë më shumë kërkesat e tyre, niveli i reagimeve të edukimit është më i ulët. Çdo fëmijë ëndërron që prindërit e tij të kenë qëndrim pozitiv dhe shumë durim. Pasi me inkurajimin e këtyre prindërve fëmijët do të kenë më shumë interes për botën e jashtme, do të kenë guxim për eksplorimin e gjërave të reja dhe do të jenë më aktivë në komunikimet shoqërore. Prandaj, "Peppa Pig" u pëlqye shumë nga fëmijët. Gjyshi dhe gjyshja që u përkushtohen shumë fëmijëve Përveç babait dhe nënës tolerante, edhe gjyshi dhe gjyshja e "Peppa Pig"-ut u pëlqyen shumë nga fëmijët. Kur prindërit e tyre kishin punë në mbrëmje, ata i kërkuan gjyshit dhe gjyshes të kujdesen për Peppa-n dhe George. Të dy fëmijët nuk kishin dëshirë të flinin herët dhe luajtën së bashku me gjyshërit. Kur prindërit u kthyen, të gjithë kishin rënë në gjumë për shkak të lodhjes nga lojërat. Në jetën aktuale të familjes kineze, shumë gjyshër i ndihmojnë nipërit dhe mbesat. Sipas të dhënave statistikore të Ministrisë kineze të Arsimit, 10 milionë fëmijë nën moshën 16 vjeç nuk edukohen nga prindërit. 84% e këtyre fëmijëve rriten nga gjyshërit. Në shumë familje kineze, prindërit janë kujdestarët kryesorë të fëmijës dhe gjyshërit ndihmojnë herëpashere për ruajtjen e fëmijëve. Sipas një raporti, në 80% të familjeve kineze, gjyshërit ndihmojnë për përkujdesjen e nipërve dhe mbesave. Por në realitet, gjyshërit nuk janë aq zemërgjerë si gjyshërit e "Peppa Pig"-ut. Sipas studimeve përkatëse, brezi i gjyshërve nuk është i ndjeshëm ndaj humorit të fëmijëve. Gjyshërit u kushtojnë vëmendje më të madhe ushqimeve dhe veshjeve të fëmijëve. Gjyshërit duan të ngarkohen me të gjitha punët shtëpiake, duke ndikuar aftësitë e veprimeve bashkërenduese të fëmijëve dhe penguar aftësinë e rregullimit të humorit të tyre. Nëse ekziston konflikti i koncepteve të edukimit mes gjyshërve dhe prindërve, do të ketë problem më serioz. Në flimin vizatimor, gjyshërit e "Peppa Pig"-ut japin shembuj shumë të mirë. Ata u kushtojnë vëmendje të madhe kërkesave të humorit të fëmijëve dhe luajnë lojëra së bashku me ta. Ata ruajtën edhe marrëdhënien harmonike me prindërit. Një vëlla i mirë si George Peppa ka edhe një vëlla të vogël me emrin George. Peppa pëlqen të luajë lojërat e ndryshme së bashku me vëllain dhe fëmijët e tjerë. Ato formojnë marrëdhënien shumë të mirë mes motrës dhe vëllait, e cila është një pjesë e rëndësishme në marrëdhëniet familjare. Fëmijët e mëdhenj mund t'i ndihmojnë prindërit pët t'u kujdesur për vëllezërit dhe motrat më të vegjël. Vëllezërit dhe motrat shoqërojnë njëri-tjetrin për një kohë më të gjatë, duke iu ofruar njëri-tjetrit ngrohtësi dhe përkrahje. Në familjet reale janë të pashmangshme konfliktet e ndryshme mes vëllezërve dhe motrave. Peppa dhe George kanë ndërtuar një marrëdhënie miqësore të ngushtë dhe pothuajse perfekte. Këto marrëdhënie pozitive mund të lehtësojnë problemet e konflikteve dhe zënkat, që ndodhin në ambiente dhe momente të pakëndëshme. Me procesin e rritjes fëmijët do të kërkojnë më shumë autoritet dhe status të barabartë, duke shkaktuar më shumë konflikt me fëmijët e tjerë. Kjo mund të shkaktojë ndrydhje në vetvete tek fëmijët. Në kohën e lirë, formimi i marrëdhënieve harmonike mes fëmijëve mund të përmirësojë mjedisin e fëmijëve. Prindërit duhet të punojnë për krijimin e një atmosfere harmonike tek fëmijët. Kjo është familja e "Peppa Pig"-ut, nëse prindërit dëshirojnë të njohin botën e brendshme të fëmijëve, duhet ta shohin këtë film vizatimor së bashku me fëmijët e tyre, për të mësuar nga durimi dhe dashuria e prindërve të "Peppa Pig"-ut. (Xu Guang)

A ju krruhen gjinjtë? Lëkura e thatë, ekzema, psoriaza ose infeksionet mykotike mund të jenë shkaqet. Duke përdorur një krem të mire kundër lëkurës së thatë apo ekzemës mund të lehtësohen të krruarat. Po ashtu kur laheni në vaskë nëse shtoni një filxhan bollgur mund t'ju ndihmojë me psiroazën. Mastitis dhe sëmundja Paget e gjirit (një lloj kanceri) mund të shkaktojë gjithashtu të krruara gjiri. Krruajtja e lëkurës mund të jetë e pakëndshme dhe shqetësuese. Dhe ajo bëhet më keq kur zhvillohet në zona të ndjeshme si gjinjtë tuaj. Por mos u panikosni. Ndonjëherë, krruajtja e gjirit mund të vijë si rezultat i një cope jo cilësore të recipetave që ju bën alergji ose mund të jetë dtergjenti me të cilat i lani ato. Ja 6 shkaqet e mundshme pse ju krruhen gjinjtë. 1. Tharja e lëkurës Lëkura juaj mund të thahet ose të humbasë yndyrën dhe ujin. Kjo mund të manifestohet me krruarje, skuqje dhe lëkurë të ashpër. Kjo mund të ndodhë nëse kaloni kohë të gjatë në dush dhe përdorni ujë tepër të nxehtë. Disa lloje sapunësh mund të shkaktojnë gjithashtu tharje të lëkurës. Si të veproni: Përdorni krem hidratues që ju mban lëkurën të hidratuar. Përdorni vajra natyralë si vaj kokosi dhe bajamesh. Është gjithashtu e këshillueshme të evitoni produktet si sapunë dhe të tjera që përmbajnë alkool, bojëra dhe kimikate të tjera. 2. Ekzema Ekzema është sëmundje e lëkurës që shkakton krruarje, lëkurë të thatë dhe skuqje të lëkurës përfshi atë në zonën e gjinjve. Edhe pse nuk dihet ende nga vjen kjo sëmundje mendohet sefaktori gjenetik dhe mjedisorë mund të kontribuojnë në të. Si të veprojmë: Përdorimi i kremit hidratues mund të ndihmojë. Mjeku mund t'ju japë kremin e përshtatshëm. Evitoni përdorimin e sapounëve, locioneve ose disa lloje copash që shkaktojnë irritim lëkure. Menaxhoni nivelet e stresit dhe substancat që jeni alergjikë– për shembull polenin dhe disa lloje ushqimesh. Dhe mos harroni, krruarja mund ta përkeqësojë ekzemën. 3. Psoriaza Psoriaza është një çrregullim i lëkurës me skuqje dhe irritim, po ashtu me petëzimin e lëkurës. Psoriaza mund të zhvillohet në zonën nën gjinjve, poshtë sqetullave etj. Specialistët theksojnë se psoriaza vjen si pasojë e imunitetit të dobët dhe qelizat e shëndetshme sulmohen gabimisht nga sistemi juaj imunitar. Disa faktorë si infeksionet (përfshi fytin dhe të ftohtin), lëkura e thatë, ajri i thatë, plagosjen e lëkurës, stresi, drita e diellit, alkooli si dhe disa ilaçe mund të nxisin sulmet e psoriazës. Si të veprojmë: Mjeku juaj mund të përshkruajë pomada bimore ose fototerapi. Në raste të rënda mund të përshkruhen ilaçe që funksionojnë në sistemin tuaj imunitar. Ndërkohë, duhet të evitoni substancat që mund të shkaktojnë sulm. Gjithashtu, shtoni një gotë thekër në vaskë. Pasi ju ndihmon në zbutjen e lëkurës 4. Infeksione mykotike Candida, një myk që rritet në trupin tonë zakonisht nuk është e dëmshme, por, disa faktorë si rënia e bakterieve të mira, të cilat frenojnë mbirritjen e candidës dhe rezultojnë në infeksione mykotike. Infeksionet mykotike mund të shkaktojnë shumë të krruara. Infeksionet në gjinjtë e gruas janë zakonisht të pranishme gjatë gjidhënies pasi myku shumohet në lagështi. Përveç krruajtjes së lëkurës, të çarat apo skuqjet e thithkave janë simptoma të tjera të një infeksioni mykotik. Si të veproni: Mjeku juaj mund t'ju japë një mjekim kundër mykut për të larguar infeksionin. Disa masa për një higjenë më të lartë duhet të merren për të siguruar mospërhapjen e infeksionit mykotik Lani shpesh duart tuaja dhe të fëmijës suaj Sterilizoni rrobat si peshqirë, recipeta etj. Zbuloni nëse familjarët e tjerë kanë myk 5. Mastitis (Inflamimi i gjirit) Mastitis është një gjendje ku gjiri inflamohet dhe forcohet. Kjo mund të vihet re kur qumështi mund të mbetet i bllokuar në kanale. Sipas specialistëve, qumështi mund të rrjedhë dhe të infektojë indet përreth dhe të shkaktojë inflamim. Po ashtu mund të shkaktohet edhe gjatë një infeksioni. Bakteria e njohur si stafilokok aureus që ndodhet në lëkurë mund të hyjë përmes të çarave të lëkurës dhe të çojë në infeksion. Simptomat e mastitis-it përfshijnë të krruara, rrjedhje nga thithkat, skuqje dhimbje dhe fryrje. Mund të keni temperature, të dridhura dhe të ndjeheni të lodhur. Si të veproni: Vizitohuni tek mjeku nëse mendoni se keni inflamim pasi kjo mund të çojë në abses të gjinjve. Mjeku juaj mund t'ju përshkruajë antibiotik që të sulmoni infeksionin. Ka raste që mund t'ua marrë infeksionin me shiringë. 6. Kancer Një lloj i rrallë i kancerit që njihet si sëmundja Pagete gjirit që përfshin thithkat dhe areolën, mund të shkaktojë të krruara. Gjithashtu mund të keni skuqje apo rrjedhje që mund të jenë gjak ose në ngjyrë të verdhë. Ka raste kur simptomat e sëmundjes Paget në gji mund të ngatërrohen shpesh me ekzemën. Si të veproni: Mjeku juaj do të bëjë një biopsy të thithkave për të diagnostikuar sëmundjen. Nëse keni sëmundjen Paget të gjirit, opsionet e trajtimit janë operacioni për të hequr të gjithë gjirin, radioterapia etj.

Imunoterapia është një nga mënyrat më të reja me të cilën mjekësia po përpiqet të luftojë kancerin. Imunoterapia është një metodë që e ndihmon pacientin të luftojë kancerin përmes sistemit të mbrojtjes natyrore të trupit. Kjo metodë është shpresëdhënëse dhe ka dhënë rezultate, por nuk është funksionale për të gjithë. Më 17 prill, profesori i Spitalit Popullor të Provincës së Guangdong-ut Wu Yilong shpalli suksesin e parë në provën klinike për një pacient të prekur me tumorin e mushkërisë në fazën e vonshme. "Në krahasim me kimioterapinë, ilaçi i imunologjisë kundër kancerit 'Nivolumab' mund të përmirësojë më shumë kushtet fizike të pacientit, duke përfshirë zgjatjen e jetës. Prandaj, imunoterapia kundër kancerit mund të bëhet një zgjedhje e re e trajtimit mjekësor për pacientin e prekur nga kanceri i mushkërisë." Më 28 gusht, ilaçi i parë i imunologjisë kundër kancerit në Kinë "Opdivo" u miratua për shitje në mbi 50 qytete të Kinës, duke simbolizuar trokitjen e fazës klinike të imunoterapisë në Kinë. Si funksionon kjo imunoterapi? Në trupin e një individ të zakonshëm lindin në mënyrë të pandërprerë qeliza tumoriale. Po përse "njerëzit e zakonshëm" nuk ndikohen nga to? Përse këto qeliza tumoriale nuk janë zhvilluar në kancer? Çdo lloj i kancerit shfaqet si rezultat i ndryshimit (mutacionit) apo dëmtimit të një apo më shumë gjeneve. Gjenet janë të pranishme në çdo qelizë të njeriut, dhe janë përgjegjëse për zhvillimin, funksionimin dhe ndarjen e qelizave. Mutacioni i gjeneve mund të ketë efekt të ndryshëm. Efekti varet nga vendi ku kanë ndodhur ndryshimet dhe nëse mutacioni ka shkaktuar ndryshimin e funksionit të proteinave të rëndësishme të qelizës. Falë sistemit imunitar, qelizat kanë aftësinë për të regjistruar ndryshimet në ADN, dhe t'i korrigjojnë ato para se këto pronësi 'të këqija' të transferohen në qeliza të tjera. Në rast se qelizat nuk janë në gjendje për ta korrigjuar atë, ndryshimi transferohet edhe tek qelizat e tjera. Këto qeliza me ADN të ndryshuar, kanë shumë mundësi të shndërrohen në kancerogjene. Në fakt, kjo është teoria e imunologjisë, shfrytëzimi i sistemit imunitar për asgjësimin e qelizave kancerogjene. Profesori Wu Yilong e shpjegoi sistemin e imunoterapisë në këtë mënyrë: sistemi imunitar ka aftësi të sulmojë qelizat e jashtme dhe qelizat abnormale. Por qelizat kancerogjene mund ta "mashtrojnë" sistemin imunitar në disa mënyra, për të shmangur mbikëqyrjen dhe asgjësimin e tyre. Kur gjenet dhe sistemi imunitar ynë janë ndryshuar dhe s'mund ta njohin qelizat e kancerit, tumori rritet. Prej viteve 70 të shekullit të kaluar, specialistët e fushës së kancerit kanë filluar studimin e metodave të reja për ta ndihmuar sistemin imunitar që të njohë dhe të sulmojë qelizat kanceroze. Kur këto qeliza ndryshojnë, ato do të "mashtrojnë" sistemin imunitar dhe njihen si "qeliza të mira" nga sistemi imunitar. Ndërmarrim masat përkatëse për ta riparuar sistemin imunitar, i cili mund të rifillojë sulmet ndaj qelizave kanceroze. Kjo terapi e re quhet imunoterapi, që mund ta ndihmojë sistemin imunitar të asgjësojë qelizat kanceroze. Imunoterapia synon aktivizimin e sistemit imunitar të trupit dhe asgjësimin e qelizave kanceroze nëpërmjet funksioneve imunitare të vetë organizmit. Nga metoda e kirurgjisë, kimioterapisë dhe radiologjisë dhe e terapisë së shënjestruar, imunoterapia nuk synon sulmet për qelizat kanceroze, por aktivizon sistemin imunitar të trupit. Rëndësia e qelizave T Qelizat T ndodhen në sistemin vaskular dhe janë jashtëzakonisht të rëndësishme në njohjen dhe shkatërrimin e infeksionit. Qelizat e kancerit sillen si qeliza normale, kështu që sistemi imunitar nuk kupton se ato janë të parregullta. Shkencëtarët i kanë modifikuar qelizat T që ato t'i njohin dhe sulmojnë qelizat e kancerit. Temperatura e lartë është një shenjë që qelizat T po e bëjnë punën e tyre. Nëse mjekët nuk mund të arrijnë ta ulin temperaturën e trupit tuaj, ata duhet ta zvogëlojnë nivelin e qelizave T me ilaçe të tjera dhe ta përfundojnë trajtimin e kancerit. Në vitin 2018, dy ilaçet e imunologjisë të miratuara në tregjet kineze janë "frena" të pikave të kontrollit. Këto ilaçe mund të përdoren përmes injektimit intravenoz. Avantazhet dhe disavantazhet e imunoterapisë Sipas profesorit Wu Yilong, imunoterapia është revolucioni i dytë i terapisë kundër kancerit. Revolucioni i parë është terapia në shënjestër . Imunoterapia ka dy avantazhe: së pari, kjo terapi është efektiv jo vetëm për kancerin e mushkërisë, por edhe për shumë lloje të tjera. Në krahasim me terapinë në shënjestër, imunoterapia mbulon më shumë probleme. Së dyti, nëse efekteti i kësaj terapie konfirmohet tek pacienti, vitet e jetës tek ai mund të zgjaten shumë. Për shembull, sipas të dhënave aktuale, 20% e pacientëve që i nënshtrohen imunoterapisë, mund të mbijetojnë për mbi 5 vjet, disa madje mund ta kurojnë kancerin dhe të mbijetojnë për një kohë të gjatë. Për shkak të advantazheve aq të dukshme, imunologjia e tumorit është bërë fokusi i studimeve mjekësore kohët e fundit. Si çdo gjë që ka dy anë, imunoterapia ka 3 disavantazhe përveç avantazheve: 1. Përqindja e efikasitetit të imunoterapisë është e ulët. Pacientët e favorizuar nga imunoterapia janë të paktë, me një përqindje prej 20%. Dmth, 1 ndër 5 persona mund të favorizohen nga kjo metodë. Terapia në shënjestër është efektive për 70-80% të pacientëve. 2. Koha e shfaqjes së efikasitetit të imunoterapisë është më e gjatë. Pas mjekimit me terapi në shënjestër për një muaj, mund të shikojmë efektet e dukshme ose jo. Por, imunoterapisë i nevojitet 3 muaj deri në 4 muaj për të gjykuar nëse ka qenë efektive ose jo. Koha e gjatë e gjykimit u sjell mjekëve sfidën e kontrollit të tumorit në fazën tjetër. 3. Disavantazhi i tretë i imunoterapisë është efektet anësore të veçanta. Sipas Wu Yilong-ut, efektet anësore vjen kryesisht nga aktivizimi i tepërt i sistemit imunitar. Këto efekte anësore mund të shfaqen në fenomenet e rritjes së temperaturës, të drithërimës, të lodhjes, të daljes së puçrrave, të diarresë, të dhimbjeve të kyçeve dhe të muskujve, të përziera etj. Reagimet më të ashpra përshijnë pezmatimet në organet e brendshme, çrregullimet e sistemit imunitar etj. Disa efekte anësore të imunoterapisë janë të reja për mjekët. Prandaj, specialistët e fushës duhet të grumbullojnë më shumë përvojat klinike. Profesori Wu Yilong na prezantoi se specialistët e shëndetit po eksplorojnë metoda të ndryshme për të zgjedhur pacientë të përshtatshëm për imunoterapinë. Tani, mjekët po përpiqen të studiojnë nivelin e TMB-së tek pacientët. Nëse ky nivel është i lartë atëherë efekti i imunoterapisë do të jetë më i dukshëm. Zoti Wu Yilong theksoi se në dhjetë vitet e ardhme, imunoterapia mund të jetë terapia kundër kancerit të mushkërisë me perspektivën më të mirë. Qarqet mjekësore shpresojnë se kjo terapi mund të bëhet armë efektive për kancerin e mushkërisë. (Xu Guang)

Në krahasim me të rinjtë, meshkujt e moshës së tretë kanë karakteristika dhe kërkesa të ndryshme psikologjike, të cilat shfaqen në disa fusha si: Dobësimi i aftësive të shqisave: aftësitë e shqisave të të parit, të dëgjuarit, të shijuarit, të nuhaturit etj, dobësohen. Ulja e dëgjimit do të ndikojë në komunikimin me të tjerër dhe mund të shkaktojë më shumë keqkuptim dhe shqetësim. Dobësimi i kujtesës: të moshuarit humbin shumë shpejt kujtesën afatshkurtër. Ata mbajnë më shumë mend kujtimet afatgjata dhe mund të përshkruajnë ndodhitë e asaj kohe në mënyrë të saktë dhe të gjallë. Dobësimi i inteligjencës: me rritjen e moshës, aftësia e të mësuarit dhe e zgjidhjes së problemeve tek të moshuarit do të dobësohen. Luhatja e madhe e humorit: të moshuarit mund të kenë humor më të paqëndrueshëm, duke u shfaqur me ngacmimet dhe zemërime të shpeshta. Të moshuarit duhet të komunikojnë më shumë me të tjerët. Qëndrueshmëria e karakteristikave të personalitetit: me rritjen e moshës, të moshuarit ruajtën qëndrueshmërinë më të lartë të karakteristikave të personalitetit të tyre në krahasim me të rinjtë. 4 presionet e zakonshme psikologjike për meshkujt e moshës së tretë Problemet psikologjike të meshkujve të moshës së vjetër lidhen ngushtë me fazat e zhvillimit të jetës dhe shfaqen kryesisht në këto 4 fusha: 1. Frika nga humbja: për shkak të përkeqësimit të shëndetit, të gjendjes trupore dhe aftësisë së vetë-kujdesjes, shumë të vjetër kanë ndjenjën e humbjes, duke shfaqur shenja ankthi, zemërimi etj. Frika më e madhe e të moshuarve është vdekja, sidomos për pacientët e prekur nga kanceri ose sëmundje të tjera të pashërueshme. Mbi 1/4 e të moshuarve shfaqin shqetësime të shpeshta për këtë gjë. Disa të moshuar thanë se nuk kanë frikë nga vdekje, por ata mendojnë shpesh për vdekjen dhe nuk duan që të qëndrojnë në shtrat për shumë vite para vdekjes. 2. Ankthi dhe depresioni: me plakjen e trupit, problemet e ankthit të depresionit bëhen më të dukshme. Të moshuarit me aftësi të humbura do të shtojnë ngarkesën ndaj familjarëve. Fëmijët e tyre janë të zënë me punë ose edukimin e brezit të ri dhe nuk kanë shumë kohë mjaftueshme për ta. Prandaj, të moshuarit mund të kenë depresion të madh. 3. Nënvlerësimi i vetes dhe vetmia: për shkak të humbjes së vendeve të punës dhe të plakjes së funksioneve të ndryshme trupore, të moshuarit kanë vështirësi të madhe për komunikimin me të tjerët dhe mund të ndjejnë thellësisht vetminë. Personat që më parë kishin një status të lartë në shoqëri do të ndiejë pafuqshmëri dhe mërzi të madhe, pasi dalin në pension. 4. Sindroma e të moshuarve të vetmuar: pas rritjes së fëmijëve, disa të moshuar jetojnë vetëm dhe kështu kanë ndjenjën e izolimit dhe të braktisjes. Ata mund të kenë një sërë sindromash si i vetmi, zbrazëti, hidhërim etj. Si të jetojmë së bashku me familjarët në mënyrë harmonike? Në përgjithësi, të moshuarit që komunikojnë më shpesh me familjarët jetojnë më gjatë dhe me një cilësi më të mirë jetese. Prandaj, bashkëjetesa me familjarët e tjerë është shumë e rëndësishme për të moshuarit. Nuk duhet të ndalojmë aktivitetet që na pëlqejnë pavarësisht moshës. Meshkujt e moshuar që s'mund të jetojnë të relaksuar duhet të bëjnë aktivitete të ndryshme për shëndetin fizik dhe psikologjik. Mund të fillojnë aktivitete që nga punët shtëpiake e deri tek punët e lehta vullnetare në komunitet. Fëmijët duhet të kuptojnë gjendjen fizike dhe kërkesat psikologjike të të moshuarve. Prindërit kanë punuar gjithë jetën për rritjen e fëmijëve dhe për mirëqënien dhe harmoninë e familjes. Familjarët duhet t'u kushtojnë vëmendje të madhe prindërve, për të pakësuar humorin e tyre të vetmuar dhe të ankthit, për t'u sjellë atyre gëzim dhe ngrohtësi, të cilat janë nevojat më të mëdha të të moshuarve dhe nuk mund të zëvendësohen me anën e materialeve. Në kohën e lirë, fëmijët duhet t'i shoqërojnë të moshuarit për shëtitje dhe të diskutojnë tema me interes për ta. Nëse është e nevojshme, mund t'i pyesni ata për disa probleme të jetës, në këtë mënyrë ju i vlerësoni ata dhe nga ana tjetër ata ndihen të dobishëm. Rregullimi i gjendjes psikologjike për periudhën e vonshme të jetës Dalja në pension zhvendos rolin shoqëror, nga një person në karrierë ose i rëndësishëm në një "njeri të lirë". Kjo gjë simbolizon humbjen e shumë funksioneve dhe shumë vlerave. Të moshuarit që kanë pasur arritje në punë mund të japin idenë si persona autoritarë dhe t'u kërkojnë të tjerëve që të dëgjojnë fjalët e tyre e t'i respektojnë. Këta meshkuj mund të kenë konflikte me familjarët pas daljes në pension. Për këtë ata duhet të bëjnë këto përpjekje: 1. Qartësimi i ideve dhe përcaktimi i statusit të ri: duhet të njohin ligjet e natyrës e të jetës. Të gjithë do të plaken një ditë, ky është ligj i pashmangshëm i jetës. Duhet të pranojmë fazën e re të jetës me qëndrim pozitiv. 2. Zbulimi i interesave të reja në jetën pas pensionit: meshkujt e moshuar mund të zbulojnë interesat e reja sipas kushteve praktike dhe ambientit aktual, si mbjellja e bimëve, peshkimi, vallëzimi, lojërat e shahut, stërvitjet sportive etj. Këto interesa mund të përmirësojnë gjendjen psikologjike dhe gjendjen shëndetësore. 3. Vazhdimi i mësimeve: gjendja e shëndetit psikologjik e meshkujve të moshuar mund të përmirësohet me ngritjen e nivelit arsimor. Personat me arsim më të lartë kanë shëndet më të mirë psikologjik. Mësimi luan rolin e rëndësishëm për shtyrjen e dobësimit të funksionit të njohjes. 4. Njohja e më shumë miqve: meshkujt e moshuar duhet të zgjerojnë komunikimin shoqëror, të shkëmbejnë idetë me personat në moshë të ngjashme, duke shprehur gjendjen e tyre të brendshme, duke ngushëlluar njëri-tjetrin gjatë komunikimit. Mund të zhvillohen aktivitete me interesa të përbashkëta me miqtë. Kontributi nga palët e ndryshme për të garantuar jetën e lumtur të të moshuarve Familja dhe shoqëria duhet të ofrojnë ndihmë të përbashkët për shëndetin psikologjik të të moshuarve, për të pakësuar pengesat psikologjike dhe për të përmirësuar cilësinë e jetës së tyre. Ruajtja e harmonisë familjare është gjëja më e rëndësishme. Të moshuarve u nevojtet shumë atmosfera harmonike e familjes. Ata duan që të shprehin idetë e tyre dhe të bëjnë komunikim të shpeshtë me fëmijët. Institucionet e studimit shoqëror duhet të forcojnë studimet për metodat efektive të ndërhyrjes psikologjike ndaj të moshuarve. Sektorët e shëndetit publik mund të zhvillojnë arsimet shëndetësore për të prezentuar njohurinë bazë mbi problemet psikologjike të meshkujve të moshuar, për të rritur vetëbesimin tek ta.

Çfarë po shtojnë në dietat e tyre nënat e reja të Hollivudit për të ndaluar shfaqjen e depresionit të paslindjes? Jo nuk janë mollët as portokajt; por placenta e tyre! Dy muaj më parë bashkëshortja e këngëtarit të suksesshëm John Legend, modelja e njohur Crissy Teigen habiti të gjithë kur pranoi se kishte ngrënë placentën e saj pasi solli në jetë fëmijën e dytë, djalin Miles, pasi po kalonte depresion post-partum. Një deklaratë e cila shokoi jo pak nëna, pasi ngrënia e placentës nuk është praktikë shumë e përhapur. Pasi Crissy-t, një emër tjetër i njohur në Hollywood ka pranuar se ka ngrënë placentën e saj. E ftuar në emisionin ''Informed pregnancy'' aktorja Hillary Duff është shprehur se kishte pirë një smotthie e cila kishte si përbërës manaferrat, lëng frutash dhe placentën të cilën e kishte hequr pasi lindi vajzën e saj Banks Violet. Aktorja nuk u ndal me kaq, por tregoi se ai ishte "smoothie" më e mirë që kishte provuar ndonjëherë. "Të them të vërtetën, nuk kisha provuar pije aq të shijshme që kur isha 10-vjeçe, kishte shumë kalori dhe shije shumë të mirë. Placentën e kisha vendosur me kuba akulli në frigorifer që ta konsumoja më vonë.''-tha ajo. Kim dhe Kourtney Kardashian apo dhe Coleen Rooney kanë ngrënë placentën e tyre. Kjo e fundit e ka marrë placentën e vet në formë ilaçi,pasi kompania që merret me këtë procedurë e kthen placentën e nënës në një kapsulë. Sipas kësaj kompanie ngrënia e placentës e ndihmonë nënën të rikuperohet nga lindja në mënyrë më natyrale. Ata pretendojnë se ajo është një sumplement i shëndetshëm për qumështin e nënës, parandalon depresionin mbas lindjes si dhe balancon hormonet. Sipas ekspertëve, placenta është e pasur me proteina, vitaminë B12 dhe hekur. Është e sigurt për nënën që mund ta hajë, sepse është pjesë e saj dhe nuk e dëmton. Ka disa nëna të reja jo vetëm nga fusha e modës apo e kinematografisë të cilat kanë theksuar në rrjetet shoqërore përfitimet që ka ngrënia placentës së tyre, përfshi lehtësimin e depresion postnatal, zëvendësimit e hekurit të humbur gjatë lindjes së fëmijës dhe shtimin e prodhimit të qumështit. Megjithatë, ngrënia e placentës nuk ka qenë diçka tradicionale në shumicën e kulturave dhe nuk ka pasur asnjë studim shkencor deri tani që vërtetonte përfitimet hëndetësores. Por nga ana tjetër, rreziku i infeksionit për shkak të kontaminimit është i lartë. Çfarë po shtojnë në dietat e tyre nënat e reja të Hollivudit për të ndaluar shfaqjen e depresionit të paslindjes? Jo nuk janë mollët as portokajt; por placenta e tyre! Ata e marrin atë në të gjitha format, pluhur, kapsulë etj, pasi sipas tyre është një pilulë magjike që largon depresionin e paslindjes, rregullon nivelin hormonal pas lindjes duke përmirësuar humorin dhe duke dhënë më shumë energji. Placenta është ajo që në gjuhën popullore e quajmë këmishë. Është organi kryesor përgjegjës për zhvillimin e duhur të fëmijës në mitër. Kur formohet plotësisht placenta, fëmija merr shtëpinë e parë. Nga njëra anë ajo i jep fetusit oksigjenin dhe lëndët e tjera ushqyese dhe nga ana tjetër – e mbron atë nga toksinat e dëmshme. Për këtë trend në rritje, u organizua një studim online tek 78.7 për qind e grave dhe 19.9 për qind e burrave. Rezultati tregoi se 66 për qind e pjesëmarrësve e kishin dëgjuar më parë këtë praktikë por vetëm 3.3 për qind kishin ngrënë placentë. Ato që kanë ngrënë placentat e tyre shpjegojnë dhe përfitimet që kanë marrë pres saj, por ka shumë pak fakte shkencore që mund ta provojnë këtë. Pas lindjes, nënat e reja e konsumojnë placentën e tyre në forma të ndryshme si kapsulë, pluhur, të gatuar e madje të gjallë. Ata thonë se ajo i sjell hekurin e humbur gjat lindjes, pasi palcenta ka shumë hekur. I ndihmon në largimin e dhimbjeve të paslindjes, stimulon gjendrat e qumështit falë hormonit lactogen, i ndihmon me largimin apo mosshfaqjen e depresionit postnatal falë hormoneve progesterone dhe CRH6. Por studimet nuk kanë arritur në ndonjë përfundimi vendimtar për përfitimet e ngrënies së placentës Megjithatë, ka studime që tregojnë se placentophagy (apo ngrënia e placentës), rregullon ciklin e estrogjenit dhe prodhimit të qumështit. Placenta është si çdo mish tjetër. Nëse nuk ruhet si duhet mund të prishet. Ngrënia e placentës së të tjerëve është një Jo e madhe pasi në këtë mënyrë mund të përhapet HIV dhe hepatitis B. Zakonisht placenta konsumohet e gatuar ose e tharë. Kush nuk mund ta hajë placentën? Sipas mjekëve, në qoftë se nëna ka temperaturë ose rrahje të shpejta të zemrës, ngrënia e placentës nuk do të ndihmojë. Në qoftë se në membranën e placentës ndodhet një infeksion, ai e përkeqëson gjëndjen e nënës.

Lëngu i portokallit është një domosdoshmëri për gratë shtatzëna në dietën e tyre. Një gotë në mëngjes me lëng portokalli mund të japë një sasi të mirë të vitaminës C që rrit imunitetin tuaj, ju mbron nga radikalet e lira, dhe rrit përthithjen e hekurit, së bashku me një mori e antioksidantësh të tjerë. Lëngu i portokallit përmban gjithashtu folate të cilat ndihmojnë në parandalimin e defekteve të tubit nervor dhe përmban kalium që mban në ekuilibër tensionin e gjakut. Zgjidhni lëng të freskët të përgatitur vetë në shtëpi në vend të atij të paketuar për të shmangur edhe diabetin. Shtatzënia vjen me një shumë rregullash në dietën tuaj! Ha këtë, mos ha atë… Në fakt edhe disa ushqime të shëndetshme duhet të shmangen pasi ato mund të përkeqësojnë problemet si urth dhe acid refluks. Portokalli është një agrume dhe mund të shkaktojë urth, prandaj shumë mund të pyesin a është e sigurt nëse një grua shtatzënë duhet të pijë lëng portokalli gjatë shtatzënisë. Përgjigja është "po." Nëse pihet në sasi të moderueshme, lëngu i portokallit nuk është vetëm i sigurt për gratë shtatzëna por ka edhe shumë përfitime shëndetësore. 5 arsyet pse gruaja shtatzënë duhet të pijë lëng portokalli 1. Përmban vitamin C Ndërkohë që vitamina C është shumë e rëndëishme gjatë shtatzënisë, suplementët me doza të larta mbi 2 gramë mund të jenë të dëmshme. Por nëse e konsumoni në ushqim kjo nuk është problem, prandaj merreni vitaminën C nga ushqimi. Një gotë lëng portokalli përmban 124 mg vitamin C, që është 1.45 herë më e lartë se 85 mg që ju nevojitet gjatë shtatzënisë. Vitamina C është një antioksidant i fuqishëm që i nevojitet trupit për ta mbajtur sistemin imunitar në formë. Ajo ofron mbrojtje kundër patogjeneve të jashtëm dhe radikaleve të lira në trup. Gjatë shtazënisë, trupi juaj gjeneron më shumë radikale të lira dhe prandaj ju nevojiten më shumë antioksidantë për të evituar shkatërrimin e qelizave si dhe të fetusit tuaj. Kjo është arsyeja pse gjatë kësaj faze të rëndësishme në jetën e gruas duhet të hani perime dhe fruta të freskëta. 2. Lëngu i portokalli shton përthithjen e hekurit Shtatzënia vjen me një kërkesë në rritje për hekurin falë rritjes së numrit të enëve të gjakut. Kërkesa e përditshme e hekurit është nga 18 mg në 27 mg, dhe ju duhet të jeni veçanërisht të kujdesshëm për të përmbushur nevojat tuaja ditore të hekurit dhe për të shmangur mungesën në fazat e mëvonshme të shtatzënisë. Mungesa e hekurit në dietë mund të ketë pasoja si anemia, lindja e parakohshme dhe zhvillimi i dobët i foshnjës. Ndërkohë që shtesat e shtatzanisë përmbajnë hekur, është më mirë që të merrni lëndë ushqyese nga burimet ushqimore. Prandaj duhet të konsumoni portokaj të pasur me vitamin C, pasi kjo vitamin shton përthithjen e hekurit. Prandaj kur hani spinaq ose shparg pini edhe një gote me lëng portokalli. 3.Lëngu i portokalli përmban folate Lëngu i portokallit mund të kontribuojë gjithashtu në marrjen e folateve ose vitaminës B9. Duke pasur parasysh se gjatë shtatzënisë, kërkesa e përditshme e folateve rritet nga 400 në 600 mcg, një gotë lëng portokalli mund t'ju ofrojë rreth 12% të kërkesës suaj ditore. Natyrisht, kjo duhet të plotësohet me ushqime të pasura me folate dhe me acid folik (forma sintetike e folatit) shtesë. Është shumë i rëndësishëm në shtatzëni, mbron zemrën, ul tensionin e lartë të gjakut, përmirëson funksionet kardiake dhe performancat fizike. Acidi folik, i njohur ndryshe si vitamina B9, është zbuluar në vitin 1939. Nuk prodhohet nga organizmi, ndaj duhet të merret përmes ushqimeve. Nevojat e përditshme, në gjendje normale, janë rreth 0.2 mg. Në dhjetëvjeçarët e fundit, është cilësuar si thelbësor në parandalimin e keqformimeve te të porsalindurit, sidomos ato që lidhen me tubin nervor e që nisin në fazën e parë të zhvillimit të embrionit. Gjatë shtatzënisë, nevoja për acid folik dyfishohet, sepse fetusi përdor rezervat e nënës. Por studimet e shumta kanë treguar se ai nuk është i domosdoshëm vetëm në shtatzëni. Ndikon në uljen e tensionit të lartë të gjakut, në parandalimin e zhvillimit të kancerit në prostatë, në punën e zemrës dhe performancave fizike. Gratë, sidomos ato që merren me sport dhe stërviten çdo ditë, mund të përballen me ndonjë situatë amenorreje, d.m.th. bllokimin e ciklit menstrual, që gjithmonë shoqërohet me rrezikun e zhvillimit të sëmundjeve kardiake. Por ky problem mund të evitohet përmes suplementeve të acidit folik, sipas një studimi të publikuar në "Clinical journal of sport medicine". Kështu, kërkuesit e "Medical College of Wisconsin a Milwaukee" në SHBA kanë zbuluar se acidi folik mund të përmirësojë fluksin e gjakut nëpër arterie, duke rritur kështu fluksin e gjakut në zemër. Acidi folik përdoret nga trupi për krijimin e gjakut shtesë, për të cilin ka nevojë organizmi gjatë shtatzënisë. Të gjitha gratë duhet të konsumojnë 0.4 mg acid folik në ditë. Ju duhet të filloni të merrni acid folik para se të ngeleni shtatzënë. Defektet e tubit nervor zakonisht zhvillohen shumë herët në shtatzëni, shpesh përpara se gratë ta kuptojnë që janë shtatzënë. Nëse jeni shtatzënë dhe nuk keni marrë acid folik, ju mund të filloni menjëherë për të parandaluar çdo defekt nervor që mund të zhvillohet në tre muajt e parë të shtatzënisë. Mungesa e acidit folik rrit mundësinë e një defekti të tubit nervor, që shoqërohet me defekte në zhvillimin e palcës kurrizore. Ushqimet ku gjendet Një dietë e pasur me acid folik duhet të përmbajë domosdoshmërish prime me gjethe jeshile, si spinaqi, brokoli, asparagët dhe lakra. Po ashtu, portokajtë, drithërat, agrumet dhe fruta si limoni, kivi, apo luleshtrydhet. Por duhet pasur kujdes, sepse është vërtetuar se gjatë gatimit shkatërrohet pjesa më e madhe e acidit folik që gjendet tek ushqimet. 4. Lëngu i portokallit ul tensionin e lartë të gjakut Lëngu i portokallit është burim i mirë i kaliumit, pasi një gotë përmban 496 mg kalium, ose rreth 10% të kërkesës suaj ditore. Kaliumi është thelbësor për funksionimin e shëndetshëm të zemrës, ekuilibrine lëngjeve të trupit dhe tretjen. Ai gjithashtu rregullon tensionin e gjakut dhe parandalon hipertensionin 5. Lëngu i portokalli i mbushur me antioksidantë Përveç vitaminës C, portokajt kanë edhe shumë karotenoide si alpha-carotene, beta-carotene, lutein dhe zeaxanthin. Beta-carotene është një antioksidant i fuqishëm që na mbron nga stresi oksidativ dhe inflamacioni. Beta-carotene konvertohet në retinol ose vitaminë A brenda trupit. Për më tepër, ajo njihet për përmirësimin e shëndetit të kockave dhe vonon shfaqjen e osteoporozës Portokalli ka gjithashtu 2 antioksidantë të tjerë që janë hesperidin dhe naringenin, që ndihmojnë në reduktimin e inflamacionit Kujdes! -Nëse pini lëng portokalli nga kutitë të paktën zgjidhni një pa sheqer. -Më mirë është të shtrydhni lëng të fresktët dhe konsumi edhe lëkurën pasi ajo ka përmbajtjen më të lartë të antioksidantëve. -Nëse vuani nga urthi uleni sasinë e portokallit që konsumoni. -Nëse vuani nga diabeti mire është të konsultoheni me mjekun për sasinë e portokallit që duhet të konsumoni.

Burrat e moshës së mesme janë vlerësuar gjithmonë me këto karakteristika: burrë i fortë me shumë energji, të suksesshëm në karrierë dhe përvojë të pasur shoqërore. Në shoqëri ose familje, meshkujt e moshës së mesme janë një forcë e vërtetë mbështetëse. Megjithatë kjo është edhe një periudhë shumë e ndjeshme pasi në këtë moshë birrat përballen me shumë çështje në martesë dhe familje, duke u ngarkuar me shumë presione të jetës dhe të punës. Kohët e fundit, UNESCO-ja bëri një raport, ku vuri në dukje se sipas statistikave të vendeve të ndryshme, meshkujt në moshën 43-45 vjeçare përballen me ndryshime të mëdha psikologjike. Prandaj, mosha 44-vjeçare është një pikë kthese. Në këtë moshë nis të bjerë energjia dhe shtohet ngarkesa emocionale apo fizike. Mosha 44 vjeçare është një prag i rëndësishëm për meshkujt. Sipas shumë rasteve të konsultimeve psikologjike, meshkujt në këtë moshë përballet me strese të ndryshme. Në përgjithësi, njerëzit e moshës mesatare mund të kenë "psikologji gri" në të cilën personat e moshës së mesme, sidomos meshkujt preken nga andropauza. Këto simptoma përfshijnë luhatje të dukshme emocionale, shqetësim e ankth, depresion, etj. Por, të prekurit me këto simptoma ka raste që nuk e pranojnë sëmundjen që po kalojnë. Psikologjia gri s'është problemi i vetëm njerëzve të moshës së mesme, por më shumë shfaqet tek kjo grupmoshë. Kjo situatë ndikon jo vetëm punën dhe jetën, por dëmton gjithashtu shëndetin e trupit. Arsyet e këtij problemi përfshijnë më parë elementet fizike. Në fazat e hershme të jetës si fëmijëria, adoleshenca dhe rinia, njerëzit përjetojnë rritje të vitalitetit, energjisë dhe inteligjencës. Por në moshën e mesme, trupi nis të venitet, ndalon rritjen dhe plaket ngadalë. Në këtë periudhë ndjejmë pafuqishmëri, na thinjen flokët, dalin rrudhat në fytyrë, jemi më të shëndoshë, bie metabolizmi etj. Përveç kësaj, do të kemi edhe elemente psikologjike: 1.Psikologjia e frenimit Në shoqërinë moderne me shumë konkurrencë dhe arritje shumë meshkuj të moshës së mesme kanë dëshirë më të madhe për status të lartë shoqëror. Shumë prej tyre bënë përpjekje të mëdha për të arritur sukses. Por meshkujt në këtë moshë nuk duan të shprehin vështirësi dhe presion të brendshëm pandaj përballen me frustrim dhe kriza të brendshme. 2. Ankthi Zoti Zhao është në moshën 45 vjeçare. Disa ditë më parë ai u njoftua në mënyrë të papritur për largimin nga vendi i punës. Ai u shqetësua aq shumë sa humbi shikimin. Ky është reagimi i trupit pas këtij shoku. Ankthi është një fenomen i zakonshëm tek burrat e moshës së mesme sidomos për shkak të presionit të punës dhe të familjes. 3. Vetmia Shumica e meshkujve të moshës së mesme preferojnë vetminë. Meshkujt në këtë moshë janë të zënë me detyra familjare dhe karrierën. Si rezultat, ata nuk kanë kohë të lirë për dalje me miqtë dhe shpesh ndihen të vetmuar. Ky fenomen nuk ndodh vetëm tek meshkujt me karrierë të zakonshme por edhe tek ata më të suksesshmit. 44-vjeçari Liu është menaxher. Ai tha se nuk kishte asnjë mik të ngushtë dhe nuk kishte dëshirë për komunikim të tepërt me nëpunësit e tjerë. Sipas përvojës së punës të tij, duhet të ruajë marrëdhënie jo të ngushta me kolegët. Sot në Kinë, meshkujt e moshës së mesme nuk kanë miq të ngushtë për të ndarë ankthet e brendshme. 4.Ndjenja e armiqësisë Meshkujt në moshën e mesme mund të kenë simpati për njerëzit e zhytur në dilemë të jetës, por mund të lindin qëndrimet armiqësore ndaj personave me karrierë shumë të suksesshme. Këto qëndrime armiqësore lidhen me inferioritetin e brendshëm. Në përgjithësi, burrat e moshës së mesme me karrierë të sukseshne do të ketë më shumë simpati, durim dhe bujari; në të kundërtën, nëse ata janë dështuar, do të kenë ankesa dhe pakënaqësi, duke shfaqur qëndrime armiqësore në marrëdhëniet shoqërore. 5. Depresion Zoti Zhang sapo mbushi 40 vjeç, por ai humbi gradualisht entuziazmin për jetën, duke mos marrë në dorë përgjegjësitë e veta por duke fajësuar të tjerët për të gjitha problemet. Depresioni i zotit Zhang erdhi nga ndodhitë e jetës së tij. Ai refuzoi kontaktin me të tjerët dhe punën e tij, duke ruajtur rolin e viktimës. Depresioni mund të zgjerojë fatkeqësinë e jetës, prandaj meshkujt e moshës së mesme të mërzitur me depresion, duhet të shkojne tek psikologu ose specialisti përkatës. Metodat e vetëmbrojtjes për psikologjinë gri: 1. Shtimi i stërvitjes Ushtrimet i bëjnë mirë jo vetëm shëndetit fizik dhe psikologjik, por edhe forcojnë lidhjet familjare dhe shoqërore harmonike. 2.Ulni pritshmëritë Meshkujt e moshës së mesme duhet të kenë pritshmëri reale të jetës dhe karrierës së tyre aktuale. 3. Jini optimist Në mohën e mesme, meshkujt ngarkohen me detyra të shumta, por në këtë kohë duhet të mbajnë një qëndrim pozitiv dhe të heqin dorë nga presioni i jetës. Ata duhet të nisin aktivitete që i bëjnë më lumtur dhe nuk u japin presion. 4. Të hapur ndaj ndryshimeve Duke hequr paragjykimet për ndryshimet e kohës integroheni më mirë në shoqëri, përfshi veshjet, muzikën etj. Këto mënyra të jetës mund të rregullojnë ritmin duke sjellë më shumë relaks dhe freski në jetën e një burri të moshës mesatare dhe mund të ndiheni me një qëndrim të ri psikologjik.(Xu Guang)

Thuhet se floku është gjysma e bukurisë, por kur ai është i shëndetshëm dhe me shkëlqim. Nëse floku do të na bjerë shumë do të përballemi me presion të madh për humbjen e bukurisë. Nga vjen rënia e flokëve? Sipas të dhënave të fundit rreth 250 milionë kinezë, mes të cilëve 130 meshkuj dhe 120 femra përballen me rënien e flokut. Ky numër po shtohet me 15% çdo vit. Shumë persona stresohen së tepërmi nga rënia e flokëve. Kur krehim ose lajmë flokët shohim që ato bien më tepër. Por kjo rënie a simbolizon problemin e alopecisë apo problem tjetër serioz të flokut? Sigurisht që jo. Në përgjithësi, një person ka afro 100 mijë flokë dhe do të humbasë shumë flokë çdo ditë. Nëse çdo ditë humbasim mbi 100 fije floku dhe ky fenomen zgjat për 2-3 muaj, duke shkaktuar pakësim të dukshëm të flokut atëherë, ky është problem i rënies së flokëve. Përse na bien flokët? Arsyet e rënies së flokut janë të shumta si sëmundjet e tiroides, lupusi, anemia, diabet, kontakimi me materiale kimike, radioaktiviteti etj. Por shumica e problemeve të rënies së flokut vjen për 3 arsye: alopecia areata, alopecia androgjenetike, telogen effluvium (humbja e flokëve pas një stresi, shoku ose ngjarje traumatike. Zakonisht ndodh në scalp) Alopecia areata: Alopecia areata mund të shfaqet brenda një nate dhe zona e humbjes së flokës mund të jetë shumë e dukshme. Në disa zona të kokës, skalpi mund të duket plotësisht, madje mund të shfaqet fenomeni i rënies së të gjitha flokëve. Shumë pacientë të prekur nga alopecia areata përballet me stres të madh, ankth, pagjumësi, lodhje dhe probleme të tjera, që shkaktojnë çrregullim të sistemit imunitar. Për shkak se alopecia areata shfaqet shumë shpejt dhe flokët në disa zona humbasin plotësisht, pacientët mund të kenë frikëra të ndryshme. Por në fakt, ky s'është një problem serioz. Nëse qetësohemi dhe rregullojmë gjendjen psikologjike, lehtësojmë presionin shpirtëror, garantojnë gjumë të plotë dhe bëjmë sa më parë vizita mjekësore si dhe përdorim ilaçe të përshtatshme, ky problem mund të zgjidhet brenda një kohe të shkurtër. Shumë pacientë mund të shërohen edhe pa ndërhyrje mjekësore. Mund ta vlerësojmë këtë problem si rënia e shpejtë e flokut dhe kthimi i shpejtë i tij. Alopecia androgjenetike: Kjo lloj alopecie haset zakonisht tek të rinjtë, kryesisht tek meshkujt. Sipas studimeve, 21.3% e meshkujve kinezë dhe 6% e femrave kineze kanë problemin e alopecias androgjenetike, domethënë afro 1 në 5 meshkuj kanë këtë problem. Meshkujt me këtë problem mund të jenë tullacë në zonën e përparme apo qëndrore të kokës dhe mund të kenë rënie të pandërprerë. Flokët e femrave me këtë problem mund të rrallohen dita-ditës, por nuk kenë problemin e daljes së tullës. Për shkak të shpejtimit të ritmit të jetës dhe ndikimit të elementeve negative si fjetja në orët e vona, konsumi i shumë ushqimeve të skuqura e të ëmbla, rritja e presionit shpirtëror etj, më shumë të rinj që lindën pas vitit 1990 përballen me problemin e alopeciasë androgjenetike. Alopecia androgjenetike lidhet kryesisht me trashëgiminë. Shumica e pacientëve të prekur me këtë problem vijnë nga familje me histori të kësaj sëmundjeje. Për shkak të geneve, njerëzit me këtë problem kanë nivel normal të hormoneve mashkullore, por ata kanë metabolizëm abnormal të hormoneve meshkullore në lëkurë të kokës, duke shkaktuar atrofi të folikulit të flokut. Shumica e pacientëve të prekur me alopeci androgjenetike kanë fenomenet e rritjes së yndyrës në skalp. Por siç e kemi përmendur, arsyja kryesore e alopecisë androgjenetike është elementi i trashëgimisë, prandaj yndyra e shumtë në kokë është vetëm fenomen shoqërues. Larja e shpeshtë e flokut s'mund të përmirësojë fenomenin e rënies, por madje mund të shkaktojë sekretimin e më shumë yndyrë në kokë. Prandaj, është më e mirë që t'i lani flokët njëherë në 2 ose 3 ditë. Mund të përdorni shampo kundër yndyrës. Nëse përdorim ilaçe për trajtimin e këtij problemi, trajtimi duhet të zgjasë për të paktën 3-6 muaj. Por alopecia androgjenetike lidhet me elementë të trashëgimisë dhe pas ndalimit të ilaçeve, problemi i alopecisë mund të rikthehet. Pacientët duhet të jenë të vetëdijshëm dhe të tregohen të duruar. Përveç elementit të trashëgimisë, stresi, pijet alkoolike, mungesa e stërvitjes, fjetja në orët e vona, ushqimet tepër të yndyrshme dhe pikante janë disa arsye të tjera të alopecisë androgjenetike. Këto janë arsyet që gjithnjë e më shumë të rinj të preken nga ky problem. Prandaj, ruajtja e zakoneve të shëndetshme të jetës dhe lehtësimi i presioneve të jetës janë shumë të rëndësishme për zbutjen e problemit të alopecisë androgjenetike. Telogen effluvium Ky është një problem shumë i zakonshëm klinik. Disa persona që preken nga ky problem për shkaqet fizike, si rënia e flokëve pas lindjes, rënia e flokëve në vjeshtë etj. Disa janë për shkaqe të sëmundjeve kronike, kirurgjisë, drogës, çrregullimit ushqimor, mungesës së ushqimeve, shok, helmim nga metalet e rënda etj. Telogen effluvium akute mund të shfaqet në 2-3 muaj pas shkaqeve përkatëse, duke u shoqëruar me rënien e shumë flokëve për 6 muaj. Fenomenet e 95% pacientëve mund të lehtësohen automatikisht brenda gjysmë viti. Por telogen effluvium kronik mund të zgjasë për mbi 6 muaj si dhe shumë vjet, kryesisht tek femrat 40-50 vjeçe. Shumë femra i kushtojnë vëmendje të madhe rënies së flokëve paslindjes, veçanërisht në 3 muajt pas shtatzënisë, kur niveli i hormonit femëror është shumë i lartë. Periudha e rritjes së flokës zgjatet dhe flokët janë më të errët dhe më të ndritshëm. Pas lindjes së fëmijëve, niveli i hormeve femërore bie shumë shpejt, duke asgjësuar rolin e frenimit të rritjes së flokëve. Shumë nga folikulat hyjnë në periudhë tkurrjeje dhe pushimi, duke u shfaqur fenomeni i rënies së flokut. Ky është një fenomen i zakonshëm fizik që shkaktohet nga ndryshimi i nivelit të hormoneve dhe kalon pas 2-6 muajsh, prandaj nuk duhet të shqetësoheni shumë. Nënat e reja me problemin e rënies së flokut pas lindjes, duhet të jenë pozitive, të shmangin humorin ekstrem dhe luhatjet emocionale, të garantojnë ushqim cilësor, pushimet dhe gjumin e mjaftueshëm. Përse na bie floku në vjeshtë? Rritja e flokëve ndikohet nga shumë elemente, duke përfshirë elementin stinor. Flokët mund të ndryshojnë sipas stinës. Marsi është kulmi i rritjes së flokëve. Në muajt e tjerë shpejtësia e rritjes së flokëve do të ulet gradualisht. Prandaj, rënia e flokëve në vjeshtë mund të zbutet me kalimin e stinës.(Xu Guang)

Gjithnjë e më shumë njerëz jashtë Kinës po e njohin Mjekësinë Tradicionale Kineze (MTK), këtë metodë të lashtë mijëravjeçare. Në Spanjë, për shembull, akupunktura kineze është një urë në rritje që lidh dy vendet. Spanja është një nga vendet e para në Europë që i hapi dyert MTK-së. Në vitet 1980, mjekësia kineze u fut në disa universitete të vendeve si Francë dhe Gjermani. Në Spanjë, Universiteti i Sevijës, Universiteti i Granadës dhe Universiteti Complutense i Madrid-it ishin tre universitetet e para që përqafuan akupunkturën dhe krijuan një program pasuniversitar trevjeçar mbi trajtimin e MTK-së. Mbi 10 universitete spanjolle e kanë tani akupunkturën si program studimi. Në fillim të viteve 1990, Universiteti i Yunnan-it i Mjekësisë Tradicionale Kineze në jugperëndim të Kinës hapi një shkollë MTK-je me autoritetet vendore të Katalonjës për kurse pasuniversitare për akupunkturë dhe masazh kinez. Kjo shkollë ofron dhe një program 5-vjeçar MTK-je. Sipas të dhënave të vitit 2017 nga Shoqata Mjekësore e Akupunkturës e Madridit, rreth 1,200 specialistë akupunkture kanë fituar praktikë mjekësore në Spanjë dhe rreth 1,500 specialistë janë kualifikuar në Kinë. MTK-ja, me çmim të ulët dhe opsione më të mira trajtimi, po fiton gradualisht popullaritet në shumë rajone dhe vende të botës. Metoda e lashtë e trajtimit po praktikohet në 183 vende dhe rajone të botës dhe deri tani qeveria kineze ka nënshkruar marrëveshje bashkëpunimi në MTK me mbi 40 vende dhe rajone dhe organizata ndërkombëtare, sipas Administratës Shtetërore të Mjekësisë Tradicionale Kineze, raportoi Xinhua. Deri tani, mjekësia tradicionale kineze është përhapur në 183 vende dhe rajone të botës. Në mbi 30 vende dhe rajone janë vendosur qindra universitete dhe institute të Mjekësisë Tradicionale Kineze, për të përgatitur vendësit për praktikimin e kësaj mjekësie të lashtë, por shumë efikase. Çdo vit, mbi 13 mijë studentë të huaj vijnë në Kinë për të mësuar mjekësinë kineze, afro 200 mijë pacientë të huaj kanë ardhur në Kinë për t'u trajtuar në klinikat dhe spitalet kineze me këtë mjekësi. Në vitin 2016 Spanja hapi spitalin më të madh në Europë të Mjekësisë Tradicionale Kineze, pas nëshkrimit të marrëveshjes së bashkëpunimit midis autoriteteve spanjolle dhe Bashkisë së Pekinit. Spitali u hap në Barcelonë të rajonit Katalonja dhe ndërtimi i tij kushtoi rreth 80 milionë euro, bën të ditur gazeta spanjolle "Expansion". Kjo do të jetë e para qendër e këtij lloji jashtë Azisë dhe Katalonja do të bëhet pike referimi për vendet e tjera europiane, thuhet në deklaratën për shtyp të autoriteteve vendore. Instituti i Tregtisë dhe Investimeve i Katalonjës do të ofrojë përkohësisht hapësirat e tij për krijimin e Qendrës së Promovimit dhe Zhvillimit të Mjekësisë Tradicionale Kineze. Marrëveshja dypalëshe përfshiu dhe lëshimin e diplomave të Mjekësisë Tradicionale Kineze, në sajë të bashkëpunimit midis Universitetit të Mjekësisë Kineze të Pekinit dhe Universitetit Pompeu Fabra. Gjithashtu spitali do të zhvillojë dhe studime kërkimore dhe shkencore në bashkëpunim me Institutin e Studimeve Biomjekësore të Barcelonës. Në kuadër të bashkëpunimit në fushën e praktikës klinike, Universiteti i Mjekësisë Kineze i Pekinit do të dërgojë mjekë pranë Qendrës Spitalore Universitare të Barcelonës për trajtimin e pacientëve në mbikqyrjen e autoriteteve shëndetësore vendëse. Kina ka shtuar përpjekjet për promovimin e Mjekësisë Tradicionale jashtë vendit, me synim pranimin e kësaj disipline të lashtë në botë. Xinyue Calduch, zëdhënës i Fondacionit të Mjekësisë Tradicionale Kineze me seli në Spanjë thotë se plani për ndërtimin e spitalit më të madh në Europë të Mjekësisë Tradicionale Kineze në Spanjë pasqyron qëllimin e Kinës për të promovuar këtë mjekësi natyrore. Sipas tij Mjekësia Tradicionale Kineze do të përhapet edhe në vende të tjera europiane, duke shmangur terapitë manipuluese që disa kinezë kanë përdorur deri tani në emër të kësaj mjekësie me moshë mijëvjeçare. Ndonëse Spanja nuk konsiderohet si një pioniere e Mjekësisë Tradicionale Kineze shumë spanjollë kanë nisur të kombinojnë mjekësinë perëndimore me trajtimet natyrore, kryesisht akupunkturën dhe trajtimet me barna. Sipas një studimi të Fondacionit të Mjekësisë Tradicionale Kineze 23.6 % e spanjollëve përdorin trajtimet mjekësore natyrore dhe janë të interesuar për mjekësinë tradicionale kineze. Ethet e MTK-së përhapen edhe në Suedi Ekspertët e mjekësisë në Suedi po sugjerojnë kombinimin e mjekësisë perëndimore me atë tradicionale kineze. Propozimet erdhën gjatë ceremonisë së diplomimit të grupit të parë të studentëve të Akupunkturës nga Federata Botërore e Akupunkturës dhe Shkencës. Doktor Yang Chungui, presidenti i Shoqatës së Akupunkturës dhe Shkencës të Suedisë tregon rëndësinë e diplomimit të këtyre studentëve. "Akupunktura praktikohet në 183 vende të botës sipas praktikës së formuluar nga Organizata Botërore e Shëndetësisë, një udhëzim që ka nevojë për praktikë të vazhdueshme. Kjo është hera e parë që provimet administrohen në Suedi." Shumica e këtyre studentëve e ushtrojnë akupunkturën prej vitesh dhe drejtojnë disa klinika. Ndërkohë tani ka nisur një fushatë për ta përfshirë trajtimin mjekësor në sistemin e kujdesit shëndetësor të vendit. Gustaf Foghammare, doktor psikiatër, bën thirrje për kombinimin e mjekësisë tradicionale kineze dhe saj perëndimore. "Është e shkëlqyer, është hapi i parë për të sjellë diçka të re në sistemin shëndetësor të vendit. Tani kemi grumbulluar plot eksperiencë në mjekësinë tradicionale kineze dhe jemi të gatshëm për të ofruar një shërbim më të mirë." Foghammare shton se shpesh e përdor mjekësinë tradicionale kineze për të trajtuar dhimbjet, alergjitë dhe lodhjen. Doktor Asa Haglund thotë se shpreson se mjekësia tradicionale do të përfshihet në sistemin e kujdesit shëndetësor të Suedisë. "Është shumë e rëndësishme për të ndihmuar njerëzit, kjo do të ndihmojë shumë veta dhe do të jetë mirë sikur të mund t'i kombinonim trajtimet ashtu siç bëhet në Kinë. Tani po kërkojmë që mjekësia tradicionale kineze të përfshihet në sistemin e kujdesit shëndetësor. Kombinimi do të jetë më i mirë." Një sondazh i fundit tregoi se 70 për qind e suedezëve të mirëshkolluar janë mjaft të hapur për t'iu nënshtruar trajtimeve të mjekësisë tradicionale kineze

Pirja e alkoolit në mënyrë të moderuar, është më e dëmshme nga sa mendohej më parë, sipas një studimi të ri që arrin në përfundimin, se nuk ekziston një nivel "i sigurtë" i konsumit të alkoolit. Studimi gjithëpërfshirës, i cili analizoi informacionin nga miliona njerëz në pothuajse 200 vende, zbuloi se alkooli është i lidhur me rreth 3 milionë vdekje në nivel global çdo vit, me rreth 1 në 10 vdekje të lidhura me përdorimin e alkoolit në mesin e njerëzve të moshës 15- 49 vjeç. "Pikëpamja e përfitimeve shëndetësore nga alkooli, ka nevojë të rishikohet"- shkroi një nga hulumtuesit në studimin e botuar në revistën e mirënjohur mjekësore "The Lancet'. Më 7 shtator, gjykata e Londrës shpalli se këngëtarja kryesore e grupit të rokut "Cranberries", Dolores O'Riordan kishte konsumuar pije të tepërta alkoolike dhe vdiq për shkak të mbytjes në vaskë. Kjo ishte një "tragjedi e papritur". Në 100 mililitra gjak të saj u gjetën 330 miligramë alkool, sasi kjo 4 fish më e lartë se standardi prej 80 miligramësh. Alkooli, droga, duhani etj., janë lëndë që krijojnë varësi. Për shkak të mbijetesës dhe gëzimeve, pothuajse të gjithë njerëzit mund të kenë kontakt me këto substanca adiktive. Konsumi i tyre mund të shkaktojë varësi dhe nëse konsumohen për një kohë të gjatë mund të shkaktojnë pasoja serioze. Më 25 qershor të vitit 2009, mbreti i popi-it Michael Jackson vdiq në një qendër mjekësore të Los Angeles-it në moshën 50 vjeçare. Sipas dëshmisë në gjyq dhënë nga mjeku personal, Conrad Murray, superylli vdiq nga një koktejl fatal qetësuesish të fortë që e ndihmonin të flinte. Sasia e tepërt e tyre i shkaktoi pushimin e papritur të zemrës. Megjithëse në revistën "The Lancet" është publikuar një raport mjekësor, ku sugjerohet se është më e shëndetshme mos të konsumohen pije alkoolike, por shumë njerëz nuk e pranojnë këtë sugjerim për shkaqe të ndryshme nga shoqëria, kultura, historia, biologjia etj. Arsyeja më thelbësore është nga fusha biologjike: prodhimi i substancave adiktive nga njeriu dhe ndikimi i këtyre substancave ndaj njeriut. Në historinë e evolucionit, njerëzit zotëruan metodat e mbjelljes së bimëve të ndryshme dhe të ushqimit të kafshëve. Gjatë këtij procesi, njerëzit zotëruan edhe metodat e prodhimit të lëndëve narkotike si duhan, droga qetësuese etj. Jemi krenarë për zotërimin e këtyre bimëve që formojnë qytetërimet e mëdha, por ato na kontrolluan. Kur jemi të varur nga këto lëndë, ndjenjat tona si gëzim, ngacmim, lumturi dhe kënaqësi do të kontrollohen nga to. Për shembull, pa ilaçe për lehtësimin e dhimbjes, disa pacientët e prekur nga sëmundjet kronike do të kalojnë ditët me dhimbje të madhe. Pa ndihmë të ilaçit qetësues, Michael Jackson kishte vështirësi të binte në gjumë. Pa ndikimin e alkoolit, Dolores O'Riordan s'mund të ndiente gëzim të mjaftueshëm. Substancat që krijojnë varësi kontrollojnë njerëzit përmes së njëjtës rrugë, reagim të trurit dhe sistemit nervor. Megjithëse alkooli, duhani dhe droga shkaktojnë reagimet e sistemit nervor nëpër metoda të ndryshme, parimet e ngacimit janë shumë të ngjashme. Karakteristika më e rëndësishme e përbashkët është shfrytëzimi i sistemit të shpërblimit të trurit dhe të nervave, për të sjellë gëzim. Në trurin e njeriut dhe të disa kafshëve, ekziston një sistem shpërblimi, që përbëhet nga dopamina apo hormoni i gëzimit, që transferon informacionet e ngacmimit dhe të gëzimit. Veprimet e ndryshme fizike të njerëzve, si ngrënia, pirja, seksi, gjidhënia etj stimulojnë këtë sistem shpërblimi. Kur qendra e dopaminës aktivizohet, do të jemi të lumtur, të gëzuar dhe të kënaqur. Duhani, alkooli, droga dhe substancat e tjera varësuese mund të stimulojnë këtë sistem shpërblimi. Kur njerëzit varen nga përdorimi i këtyre materialeve, veprimet normale fizike nuk mund të ofrojnë stimulimet e mjaftueshme për gëzimin, prandaj vështirë se mund të heqin dorë nga këto substanca. Ato mund të dëmtojnë trurin dhe shumë organe të tjera. Përdorimi i tyre për një kohë të gjatë mund të shkaktojë zvogëlimin e neuroneve të dopaminës, duke ulur në mënyrë të dukshme aftësitë e prodhimit, rezervës dhe lëshimit të dopaminës. Përdorimi i drogave përkatëse si heroina etj, mund të shkaktojë vdekjen e disa neuroneve dhe dobësim të funksioneve të transferimit të informacioneve të gëzimit. Përveç kësaj, konsumi afatgjatë i këtyre subtancave mund të pakësojë sasinë e dopaminës në tru dhe si rezultat mund të shkaktohet sëmundja e Parkinsonit. Me zvogëlimin e sasisë së dopaminës, veprimet e zakonshme fizike s'mund të ofrojnë ndjenjë të mjaftueshme gëzimi. Prandaj, njerëzit varen nga përdorimi i materialeve të tjera për të pasur ndjenja gëzimi. Me krijimin e shoqërisë, lëndët narkotike luajnë rolin e kontrollit nëpërmjet forcave shoqërore dhe kulturore. Për shembull, në një darkë, drejtori ekzekutiv i kompanisë ngriti një dolli për punonjësit e tjerë, punonjësit duhet të pijnë verën ose rakinë, meqenëse kjo tregon sjellje respekti ndaj shefit. Nëse hyni këtë organizatë, duhet të respektoni rregullat e saj. Nën stimulimin e alkoolit, mund të flasim më shumë fjalë dhe të heqim konfliktin e brendshëm, duke formuar një marrëdhënie më të mirë shoqërore. Pijet alkoolike, duhani dhe droga janë dëmtimet e dukshme për njerëzit, të cilët do të ngarkohen nga individi dhe familjet. Janë zhvilluar shumë studime për dëmet e shëndetit, që shkaktohen nga mbipërdorimi i lëndëve adiktive. Për shembull, shpërdorimi i pijeve alkoolike dëmton shëndetin e mëlçisë. Pijet alkoolike mund të shkaktojnë shumë sëmundje në sistemet nervore, kardiovaskulare, të frymëmarrjese, endokrinal, të riprodhimit etj. Nëse nuk do përdornin alkool apo substanca të tjera, Dolores O'Riordan dhe Michael Jackson do të vazhdonin jetën dhe karrierën e tyre të suksesshme. Nëse nuk konsumoni lëndë, shumica prej jush do të gëzoni një shëndet dhe jetë më të mirë. Megjithëse sot, mbi gjysma e njerëzve në botë s'mund të heqin dorë nga këto mjete, duhet të bëjmë përpjekje për kontrollin e sasisë së konsumit të tyre, për një shëndet më të mirë. (Xu Guang)

Stina e dimrit kërkon një përkujdesje të veçantë ndaj shëndetit për shkak të temperaturave të ulëta. Në dimër organizmi ynë ka nevojë për kujdes të brendshme (ndjenjat ushqimet etj), por edhe për një kujdes të jashtëm si për lëkurën, flokët etj. 1. Flini gjumë mjaftueshëm Gjumi luan një rol shumë të rëndësishëm për shëndetin pasi gjatë tij, truri dhe trupi ynë shplodhet dhe rikuperon energjitë. Specialistët theksojnë se për njerëz të ndryshëm, kohëzgjatja e gjumit është e ndryshme. Në dimër, duhet të flemë herët dhe të ngrihemi vonë. Dimri është stina e rezervës. Shumë kafshë hyjnë në letargji ose pakësojnë aktivitetet e tyre, për të rezervuar energji, në pritje të ardhjes së pranverës. Fjetja herët dhe zgjimi vonë mund të jenë në favor të rezervës së energjisë. Këshillohet që të flemë në orën 21:00 dhe të zgjohemi pas orës 7:00. 2. Konsumoni më shumjë fruta dhe perime Duhet të përpiqeni të konsumoni 5 porcione frutash dhe perimesh çdo ditë. Po ashtu konsumoni frutat e thata dhe farat për më shumë magnez, zink dhe minerale të tjera. Gjatë stinës së dimrit duhet të konsumojmë karotat, domatet, patatet,spinaqi, panxhari, brokolin dhe rrepat. Duhen zgjedhur fruta të pasura me vitaminë C, si agrumet, dhe me vitaminë E, që ndodhet te gruri, frutat e thata, vajin e ullirit dhe patatet. Perimet e dimrit si karotat, lakrat, patatet etj mund të konsumohen në formë sallate, të gatuhen supë po ashtu mund të gatuhen në avull. Nëse doni të evitoni marrjen e antibiotikës dhe vajtjen te mjeku duhet të mendoni për parandalimin e gripit. Si parandalohet gripi? Këshillat e mëposhtme janë të vlefshme për forcimin e sistemit imunitar gjatë stinës së dimrit. 1.Pini shumë ujë Në fakt uji është një element që duhet të konsumohet në çdo stinë, gjatë stinës së verës më shumë se në dimër. 2.Reduktoni nivelin e stresit Studimet kanë treguar se ata persona të cilët kanë nivel të lartë stresi preken më lehtë nga gripi dhe i ftohti. Minimizoni stresin duke mos punuar më shumë se çduhet. Caktoni një ditë në javë për ta shpenzuar me miqtë dhe familjen tuaj. 3. Bëni rregullisht ushtrime Është shumë e rëndësishme të bëni ushtrime përditë, edhe nëse ato zgjasin për 15 minuta çdo ditë. Bëni ecje në ajër të pastër dhe shijoni rrezet e diellit. 4. Lajini shpesh duart Kjo do t'ju vlejë për të mbajtur larg bakteriet dhe viruset nga duart dhe fytyra juaj. Mbani një shishe me dezifektues për duart në formë xheli, në rastet kur nuk keni mundësi për larjen e duarve. 5. Mos pini duhan Përveç ndikimeve të shumta në pamjen e jashtme, duhani dobëson ndjeshëm imunitetin dhe dëmton mushkëritë. 6. Hiqni dorë nga të gjitha llojet e sheqernave Këtu përfshihen jo vetëm tortat, biskotat apo dhe ëmbëlsirat e tjera, por edhe buka, orizi dhe makaronat. Mirë është që t'i reduktoni. Hiqni dorë plotësisht nga të gjitha llojet e pijeve me sheqer dhe gaz pasi të gjitha këto dobësojnë imuntetin. Një tjetër problem gjatë stinës së dimrit është dhe ndryshimi i humorit.. Ka njerëz që gjatë stinës së dimrit i kaplon ndjenja e depresionit, janë pa energji, nuk kanë dëshirë të bëjnë asgjë, e lënë veten pas dore, duan të qëndrojnë vetëm etj. Përveç këtyre simptomave shpeshherë ka dhe çrregullime të humorit, nuk ndjeheni mirë shpirtërisht, nuk keni durim, zemëroheni me lehtësi dhe shumë simptoma të tjera. Specialistët thonë se ndryshimi i humorit e ka burimin tek mungesa e dritës së diellit. Kjo gjendje prek pothuajse të gjitha moshat. Disa nga simptomat që tregojnë se vuani nga depresioni sezonal.. -Ndjenja e lodhjes Edhe pse flemë mjaftueshëm përsëri ndjehemi të lodhur dhe nuk kemi dëshirë të bëjmë asgjë. Ndihemi të përgjumur pothuajse gjatë gjithë ditës. Ndihemi pa energji Keni një ndjenjë pafuqie për të punuar, studiuar etj. Dëshironi të qëndroni vetëm në shtëpi. Shtim i dëshirës për të konsumuar ëmbëlsira Stina e dimrit na bën që të konsumojmë më shumë ushqime me sheqer, për të fituar më shumë energji. Kujdes nga përdorimi i ëmbëlsirave, nuk këshillohet pasi dobëson sistemin imunitar. Meqënëse shumica prej nesh kanë nevojë të theksuar për të konsumuar më shumë ushqime të yndyrshme apo ëmbëlsira, kjo gjë mund të sjellë edhe shtim në peshë. Vështirësi në përqëndrim Kur kemi çrregullime humori është vështirë të përqëndrohemi dhe të bëjmë një punë cilësore, po ashtu mbyllemi në vetvete duhet refuzuar qëndrimin madje dhe me personat e afërt. Mundohuni të ruani një qëndrim pozitiv. Kujdesuni për veten dhe për pamjen tuaj të jashtme. Vitamina C përmirëson humorin Konsumoni ato perime dhe frutat që përmbajnë vitaminën C pasi studimet kanë treguar se kjo vitaminë ju përmirëson humorin. Studimet kanë konfirmuar nevojën për vitaminë C, sidomos për të rritur funksionin e trurit, për shërimin e shpejtë të plagëve, për parandalimin e të ftohtit për shëndetin e kockave etj. Është një antioksidant fuqishëm për neutralizimin e radikaleve të lira. Specialistët e ushqimit rekomandojnë marrjen e 90mg vitaminë C në ditë për burrat dhe 75mg për gratë. Për shkak se trupi i njeriut nuk e prodhon apo ruan vitaminën C, sigurimi i saj nëpërmjet ushqimeve është shumë thelbësor. Një ndër ushqimet me përmbajtjen më të lartë të vitaminës C është speci. Pothuajse të gjitha agrumet janë me sasi të lartë të vitaminës C. Brokoli, gjithashtu përveç shumë vitaminash të ndryshme është dhe një burim i shkëlqyer i vitaminës C. I mbushur me vitamina A, C dhe E, e gjithashtu edhe me një numër të antioksidantëve, brokoli është një nga perimet më të shëndetshme që nuk duhet të mungojë asnjëherë në tavolinë. Vitaminë C gjithashtu përmban asparagu, ananasi, kivi, lulelakra, luleshtrydhet etj.

Më 28 nëntor, në kryeqytetin e Mauricit, Port Louis, u organizua konferenca e 13-të e Komisionit të Përhershëm të Qeverive për Mbrojtjen e Trashëgimisë Kulturore Jomateriale pranë UNESCO-s(Organizata Arsimore, Shkencore dhe Kulturore e Kombeve të Bashkuara). Drejtuesi i konferencës, ministri i Arteve dhe Kulturës të Republikës së Mauricit Prithvirajsing Roopun shpalli se "Metoda e banjës mjekësore me barna tibetiane, njohuria dhe praktika e kombësisë tibetiane të Kinës mbi shëndetin e jetës dhe parandalimin e sëmundjeve" u përfshi në Listën Përfaqësuese të Trashëgimisë Kulturore Jomateriale të Njerëzimit të UNESCO-s. Banjat mjekësore me barna tibetiane janë një pjesë përbërëse e rëndësishme e mjekësisë tibetiane, e cila bazohet në "5 elementet e jetës, tokë, ujë, zjarr, erë, iluzion". Ujërat termale, avujt që nxjerr uji i përgatitur me barna, mund të rregullojë ekuilibrin fizik e psikologjik, duke raujtur shëndetin dhe parandaluar sëmundjet. Kjo metodë e banjës mjekësore me barna tibetiane është shkruar në librin e njohur mjekësor tibetian, "Katër Tantras Mjekësor" dhe është një ndër metodat tradicionale mjekësore tibetiane nëpërmjet trajtimit të jashtëm. Sipas prezantimeve të profesorit të Kolegjit të Mjekësisë Tibetiane, Yang Ga, kjo metodë tradicionale ka paraqitur konceptin dhe sistemin e teorisë së mjekësisë tibetiane: "Banjat mjekësore me barna tibetiane kanë efektet shumë të dukshëm mjekësor. Në praktikë, kjo metodë nuk ka sjellë asnjë ndikim negativ dhe është pëlqyer shumë nga masat popullore." Mjekësia dhe barnat tradicionale tibetiane është një ndër katër mjekësitë kryesore tradicionale globale. Sipas prezantimeve nga Yang Ga, libri klasik mjekësor tibetian "Katër Tantras Mjekësor" vjen nga studimet e specialistëve tibetianë. Mjekësia dhe barnat tibetiane vijnë nga Rajoni i Xizang-ut. "Në të kaluarën, 'Katër Tantras Mjekësor' konsiderohej si libri i përkthyer nga sanskritishtja. Më vonë, specialistët bënë studim-kërkimet përkatëse. Unë bëra edhe disa punë studimore. Zbuluam se ky libër i mjekësisë tibetiane klasike ishte shkruar dhe hartuar nga specialisti tibetian Yutuo Yuandan dhe ajo ishte vepra studimore mjekësore nga kombësia tibetiane. Burmi i mjekësisë tibetiane dhe burimi i këtij libri janë në Rrafshnaltën Qinghai-Xizang." Përfshirja e kësaj metode në Listë mund të sjellë periudhë të artë për zhvillimin dhe mbrojtjen e mjekësisë dhe barnave tibetiane. Drejtori i degës së trajtimeve të jashtme të Spitalit të Mjekësisë Tibetiane të qytetit Shan'nan në Xizang, Zhaxi Langjie tha: "Jemi shumë mirënjohës për vendimin e pranimit dhe përkrahjes së mjekësisë tibetiane si trashëgimi. Metoda e banjës mjekësore me barna tibetiane u zhvillua në mënyrë të pandërprerë në Kinë dhe u zgjerua në mbarë botën. Sot, gjithnjë e më shumë njerëz po njohin metodën e banjës mjekësore dhe mjekësinë tibetiane. Profesori i degës sonë Ming Zhu është trashëgimtari i programit kulturor jomaterial të nivelit shtetëror, i cili jo vetëm po studion në praktikë klinike banjën mjekësore me barna tibetiane, por ka përgatitur shumë specialistë të barnave tibetiane. Këta talente mjekësore mund të trashëgojnë dhe përhapin metodën e banjës mjekësore me barnat tibetiane." Zv.ministri i Kulturës dhe Turizmit, Zhang Xu u shpreh se metoda e banjës mjekësore me barnat tibetiane është krijuar nga jeta praktike e masave popullore tibetiane dhe ka vitalitet të plotë. "Metoda e banjës mjekësore me barna tibetiane është bazuar nga njohuria tradicionale dhe praktika e masave popullore tibetiane për ruajtjen e shëndetit dhe trajtimin e sëmundjeve. Kjo metodë lidhet me jetën e përditshme të tyre. Ky program trashëgimtar ka paraqitur përvojat civile të trajtimit dhe të parandalimit të sëmundjeve nëpër banjës. Kjo metodë ka trashëguar dhe zhvilluar teorinë e mjekësisë tibetiane në aktivitetet shëndetësore moderne." Sipas Zhang Xu-së, pas hyrjes në Listën e UNESCO-s, metoda e banjës mjekësore me barna tibetiane do të njihet më tej nga gjithnjë e më shumë njerëz dhe mjekësia tibetiane do të përhapet më tej në botë, për të ndihmuar më shumë njerëz. "Besojmë se pas përfshirjes së banjave mjekësore me barna tibetiane në Listën e UNESCO-s, mund të forcohet njohja e popullit për këtë metodë dhe të nxitet dialogu mes kombeve të ndryshme për shëndetin e jetës dhe respektimin e natyrës. Kjo pasqyron marrëdhënien e qëndrueshme mes njerëzve dhe mjedisit të banimit, pasqyron gjtihashtu vëmendjen e madhe të komunitetit ndërkombëtar për mbrojtjen e njohurisë tradicionale dhe të trashëgimisë kulturore jomateriale praktike. Kina do të përmbushë aktivisht zotimet e saj, për të ngritur me përpjekje vitalitetin e kësaj metode dhe të nxitur trashëgiminë e saj, në dobi të më shumë banorëve falë njohurive dhe kësaj praktike të çmuar tradicionale." Metoda e banjës mjekësore me barna tibetiane përhapet kryesisht në Xizang, Qinghai, Sichuan, Gansu, Yun dhe provincat e tjera të Kinës jugperëndimore ku banon kombësia tibetiane. Kjo metodë mjekësore po përhapet gradualisht edhe në Rajonet Autonome të Kinës si Mongoli e Brendshme, Xinjiang etj. (Xu Guang)

Sigurisht, nëse ulim konsumin e kalorive që konsumojmë ose duke mos ngrënë asgjë do të humbasim peshë shpejt, por nëse agjëroni do të habiteni sa shpejt do të rrëzoni kilet e tepërta dhe se si trupi juaj do të ndihet më i relaksuar dhe më i fortë. Të gjithë ne agjërojmë, çdo natë gjatë gjumit. Disa njerëz vendosin të agjërojnë për arsye shpirtërore, gjatë Ramazanit ose gjatë Kreshmës për shembull. Para se të vendosni për nisjen e një programi agjërimi, mirë është të konsultoheni me një dietolog ose një mjek profesionist. Mirë është të mos agjëroni nëse jeni shtatzënë ose kanë diabet, anemi apo sëmundje veshkash. Duke agjëruar jo vetëm që do të humbni peshë, por agjërimin do ta ndihmojë trupin tuaj të ruajë energjinë që do të përdoret ndryshe për tretje. Në vend të kësaj, kjo energji mund të përdoret si një energji shëruese, kur ne jemi të plagosur dhe të sëmurë. Për shembull, kur kafshët plagosen, ato nuk do të shkojnë për të kërkuar ushqim. Në vend të kësaj, ato qëndrojnë pranë ujit derisa shërohen. Një hulumtim tek minjtë mbi agjërimin ka zbuluar se ata që agjëruan kishin ngadalësuar rritjen e qelizave kanceroze. Një studim mbi agjërim arriti në përfundimin se pas javës së 8-të, pjesëmarrësit kishin humbur peshën dhe yndyrën e tepërt në trupin e tyre. Gjithashtu, ata kishin ulur kolesterolin e keq dhe tensionin e lartë të gjakut. Përcaktoni cili PROGRAM Agjërimi është i përshtatshëm për ju Agjërim 16 orë – Caktoni një kohë 8 orëshe gjatë ditës që mund të hani. Për shembull, ju mund të zgjidhni ora 8:00 deri në 4:00 pm, që do të thotë se para orës 8 am dhe pas orës 16:00 nuk duhet të hani asgjë. Agjërim 20 orë - Ky program është i ngjashëm me atë të të 16 orëve, por më i vështirë pasi keni 4 orë më pak për ushqimin. Agjërimi i alternuar- Me këtë program, ju keni një periudhë prej 24-orësh ku nuk konsumoni asgjë dhe një periudhë 24-orësh, kur mund të hani ushqim të rregullt. Kur nisni një program agjërimi duhet ta ndiqni për të paktën 2 javë nëse nuk keni ndonjë problem shëndetësor. Në këtë mënyrë ju do të trajnojë trupin tuaj për të përdorin rezervat e dhjamit kur agjëroni. "Dieta e agjërimit", një mënyrë e mirë për të zgjatur jetën Kjo lloj diete është studiuar në mënyrë shkencore prej një numri relativisht të madh shkencëtarësh, nutricionistësh dhe mjekësh, dhe në mënyrë të posaçme nga Valter Longo i "Istituto di Longevità" në Universitetin e Karolinës së Jugut dhe përgjegjës i programit "Oncologia & Longevità" në Milano. Kjo diete konsiston në një regjim ushqimor që parasheh marrjen e kontrolluar të proteinave në masën 11­-14%, karbohidrateve 42­-43% dhe yndyrave deri në 46%, si dhe një reduktim të kalorive në masën 34­-54% në krahasim me normalen. Në realitet bëhet fjalë për një dietë atipike ku në një farë mënyrë agjëron, por duke ngrënë. Kjo dietë këshillohet të kryhet për pesë ditë rrjesht gjatë një muaji dhe tek personat e shëndetshëm, ajo mund te përsëritet çdo 3 deri 6 muaj, në varësi të gjendjes shëndetësore të personit. Përfitimet e këtij regjimi ushqimor lidhen në radhë të parë me zgjatjen e jetës dhe kjo është studiuar gjatë viteve të fundit në mënyrë shumë të thelluar edhe tek kafshët, ku është konstatuar se tek ato që janë ushqyer sipas saj është regjistruar një zgjatje jete deri në 11%, ndërsa është vënë re një reduktim i konsiderueshëm i faktorëve të rrezikut që çojnë në sëmundje tumorale, një përmirësim i sistemit imunitar, një reduktim i sëmundjeve inflamatore, një zvogëlim i humbjes së densitetit mineral kockor, rritje e numrit të qelizave staminale në organe të ndryshme. E eksperimentuar edhe në njerëz, për pesë ditë një herë në muaj, kjo dietë ka treguar se është në gjendje të minimizojë faktorët e rrezikut për sëmundjet kardiovaskulare dhe tumorale. Dieta nuk ka si qëllim rënien në peshë, por ka shumë përfitime për personat obezë nëse aplikohet njëkohësisht me dieta që synojnë këtë qëllim, reduktimin e masës yndyrore. Kushtet fizike të personit janë të rëndësishme dhe duhet të merren parasysh, përpara fillimit të saj. Mjekët këshillojnë që kjo dietë nuk vlen dhe nuk rekomandohet për personat mbi 65 vjeçarë. Duhet theksuar gjithashtu se dieta nuk parashikon kapërcimin e vakteve. Kjo madje mund të kthehet në kundërproduktive. Kapërcimi i vakteve, thonë ata, është një gabim që nuk duhet të lejohet. Pse nuk biem nga pesha pavarësisht se mbajmë dietë Gjithmonë në dietë por nuk bie nga pesha. Ku është gabimi? Ndoshta pikërisht te regjimi strikt, pasi nuk funksionojnë sepse ushqimi është edhe kënaqësi. Kështu thotë një nutricionist i universitetit të Firences, Lucia Baçiottini, i cili shpjegon se agjërimi apo heqja dorë nga disa kategori ushqimesh si produktet e qumështit apo mishi, yndyrat apo gluteni, i bën keq trupit dhe trurit dhe jo gjithmonë ndihmon të gjen linjat e tua. "Dietat strikte të bëjnë më keq pasi kemi nevojë të provojmë të hamë çfarë na pëlqen. Kush e mohon një gjë të tillë për një kohë të gjatë ndoshta dhe dobësohet, por rrezikon të "fiket", dhe nuk mund të provojë emocione pozitive", thotë Luca. Heqja dorë pa justifikime dhe e zgjatur, shkaktojnë mangësi dhe çrregullime. "Intolerancat janë sinjale të një fiziku që nuk arrin të menaxhojë mirë ushqimet e shëndetshme dhe të padëmshme pse se është kequshqyer për shkak të zgjedhjeve të pakuptimta, që kanë ndryshuar florën bakteriale të zorrëve", vijon më tej nutricionisti. Ai thotë se nuk duhet rënë në kurthin e regjimeve për "t'u pastruar" që shpesh joshin femrat që janë të dobëta. "Për t'u dobësuar shëndetshëm duhet të kuptosh vlerat pozitive të të gjitha ushqimeve, joindustriale, dhe të mos përjashtoni asnjë. Sekreti i një diete është tek racioni i përshtatshëm dhe ushqimet 'që të rrezikojnë' nga çokollata te pica, janë rrallë në tavolinë

Roma mbajti më 17 nëntor Konferencën e 15-të Ndërkombëtare të Mjekësisë Kineze. Tema e kësaj here është "Bota e Mjekësisë kineze dhe MTK-ja në mbarë botën----ndërtimi i një bashkësie fatesh të përbashkët të shëndetit të popullatës". Në konferencën dyditore morën pjesë qindra specialistë të mjekësisë kineze nga 31 vende dhe rajone të botës dhe diskutuan mbi teorinë bazë dhe përparimin e ri të studimeve klinike të mjekësisë kineze, eksplorimin e medikamenteve bimore kineze, standardet ndërkombëtare të mjekësisë kineze, integrimi i mjekësisë kineze me atë perëndimore etj. Në ceremoninë e hapjes, zv.drejtori i Administratës Shtetërore të Mjekësisë Kineze dhe kryetari i Federatës së Mjekësisë Kineze Botërore, Ma Jianzhong u shpreh se sipas vullnetit dhe ndërtimit të përbashkët të nismës "Një brez, një rrugë", Kina do të zgjerojë bashkëpunimin ndërkombëtar në fushën e mjekësisë tradicionale, duke nxitur këtë praktikë të lashtë mijëravjeçare në botë. Organizimi i kësaj konference synon nxitjen e zhvillimit të mëtejshëm të MTK-së dhe forcimin e ndikimit të statusit të saj në arenën ndërkombëtare, duke nxitur ndërtimin e një bashkësie fatesh të përbashkëta të shëndetit të njerëzve. Për këtë gjë, ai paraqiti 3 sugjerime: "Së pari, duhet të përmirësojmë aftësitë klinike të stafit shëndetësor të MTK-së, duke ruajtur më tej rolin e rëndësishëm të mjekësisë kineze në mbrojtjen e shëndetit; së dyti, duhet të nxisim zgjerimin e mëtejshëm të bashkëpunimit konkret në këtë fushë për t'u dhënë përgjigje shumë çështjeve të vështira mjekësore rajonale sipas kërkesave; së treti, duhet të nxitim më tej standardizimin dhe përmbushjen e rregullave ndërkombëtare të Mjekësisë dhe Farmaceutikës kineze, për të nxitur vendet e ndryshme që të hartojnë politika kombëtare mbi zhvillimin e mjekësisë tradicionale." Sot gjithnjë e më shumë vende dhe organizata ndërkombëtare po pranojnë parimet dhe karakteristikat e MTK-së. Drejtori i përgjithshëm i Organizatës Botërore të Ushqimit dhe Bujqësisë, José Graziano da Silva u shpreh në fjalimin e tij se Mjekësia Tradicionale Kineze ndihmon në ndërtimin e një bote me qarkullim të vazhdueshëm. "Së pari, koncepti i mjekësisë kineze, që është i ndryshëm nga ai i mjekësisë perëndimore, konsiston në vetërregullimin nga trupi me anën e metodave të gjithanshme dhe komplekse. Metodat e mjekësisë kineze përfshijnë dietën e shëndetshëm dhe të ekuilibruar, forcimin e stërvitjes, terapinë bimore, lehtësimin e presionit etj. Përveç kësaj, mjekësia dhe ilaçet kineze mund ta nxitin zhvillimin e qëndrueshëm të bujqësisë, meqenëse ajo mund ta nxisë rritjen e kërkesave për produkte bimore organike, duke krijuar një treg më tërheqës për bujqësinë familjare." Kryetari i Shoqatës së Mjekësisë Kineze në Itali, He Jialang u shpreh se mjekësia kineze është një mjekësi natyrore efektive, që u bë popullore gradualisht tek popujt e shumë vendeve të botës dhe sot ndodhet në një situatë të re në krahasim me të kaluarën. Prandaj, shkëmbimet akademike ndërkombëtare kanë luajtur dhe luajnë një rol të rëndësishëm në ndërkombëtarizimin e mjekësisë kineze. "Mjekësia Tradicionale Kineze ka mijëra vjet që trashëgohet brez pas brezi, falë efektivitetit të mirë që ka. Në kohët moderne, zhvillimi i mjekësisë kineze në vende të ndryshme varet gjithashtu edhe nga efektiviteti i saj. Sot, kemi ftuar shumë specialistë të njohur të mjekësisë kineze në Konferencën e Romës, për të publikuar rezultatet më të reja akademike mjekësore. Procesi i shkëmbimit dhe shpërndarjes mund të nxitë më tej globalizimin e MTK-së, duke dhënë kontribut për shëndetin e të gjithë njerëzve." Në këtë konferencë morën pjesë shumë profesionistë të sektorit të mjekësisë kineze në Romë. Laura Ciminelli është përgjegjëse e një qendre trajnimi të mjekësisë tradicionale kineze në Romë, që merret kryesisht me mësimdhënien mbi akupunkturën, masazhin dhe ruajtjen e shëndetit. Ajo u shpreh optimiste për perspektivën e zhvillimit të mjekësisë kineze në Itali. "Sipas opinionit tim, interesimi ndaj mjekësisë dhe bimëve kineze po rritet në mënyrë të pandërprerë. Shpresojmë të përfitojmë sa më shumë mbështetje nga mjekësia tradicionale kineze dhe të përdorim barnat bimore kineze, pasi ato janë prodhuar nga burime natyrore dhe kanë efekt të mirë. Por, tani, italianët kanë vështirësi në gjetjen e specialistëve të mjekësisë kineze dhe në marrjen e barnave të përshtatme kineze."(Xu Guang)

Duke mos pasur dhembje, gruaja shtatzënë është shumë më e relaksuar, është më bashkëpunuese dhe procesi i lindjes realizohet në kushte shumë më të favorshme si për nënën, për beben e gjithashtu edhe për stafin gjinekologjik që udhëheq lindjen. Për këtë, Kina do të nisë një program pilot që synon lindje natyrale pa dhimbje me ilaçe për të ulur ndjeshëm numrin e lindjeve me operacion. Komisioni Kombëtar i Shëndetit njoftoi të marten se programi pilot do të zbatohet në disa spitale në mbarë vendin dhe do të zgjasë deri në fund të vitit 2020. Nisja e programit që do të mundësojë lindjet natyrale pa dhimbje ishte në gushtin e vitit të kaluar, kur 26-vjeçarja shtatzënë, Ma Rongrong, të cilës i kishte mbetur një javë nga lindja u hodh nga kati i pestë i një spitali në Yulin të provincës Shaanxi, sepse nuk duronte dot dhimbjet e mëdha. Spitalet pjesëmarrëse në këtë program pilot do të përmirësojnë praktikat dhe menaxhimin e tyre të lindjeve natyrale me ndërhyrjen e anstezisë dhe duke shtuar trajnimet e stafit mjekësor, përfshi anestezistët, dhe mamitë, shkruhet në planin e Komisionit. Në prag të përfundimit të programit pilot, Komisioni do të ndajë të dhënat në të gjithë vendin. Deri në fund të vitit 2020, mbi 40 për qind e të gjitha lindjeve në spitalet pilot do të kryhen me anestezi epidurale. Kjo nënkupton vendosjen e një kateteri në hapësirën epidurale në regjionin lumbar, përmes të cilit administrohen anestetikë lokal, me anë të cilëve bllokohet dhembja pa e ndaluar procesin e kontraksioneve të mitrës që janë të domosdoshme për procesin e lindjes. Vendosja e kateterit epidural bëhen në hapësirën epidurale në nivel L2-L3 ose L3-L4, pra rreth 2 nivele më poshtë se sa niveli ku mbaron palca e kurrizit, pra në nivelin më të ulët të shpinës, çka e bënë të parrezikshme për lëndimin e palcës së kurrizit. Edhe pse shumë popullore në disa vende të botës, anestezia epidurale mungon në përgjithësi në Kinë për shkak se mungojnë anestezistët e kualifikuar. Disa ekspertë vlerësojnë se vetëm 10% e grave që duan të kenë fëmijë në Kinë mund ta përdorin teknikën e lindjeve pa dhimbje. Si rezultat, shumë gra duhet të vendosin ose të lindin me dhimbje, ose të bëjnë operacion me anestezi. Shifra e rreth 35 për qind e bebeve që kanë lindur me operacion në Kinë, është shumë më e lartë se standardi i rekomanduar ndërkombëtarisht për më pak se 15 për qind. Huang Yuguang, shefi i Departamentit të Anestezisë pranë Spitalit "Peking Union Medical College" dhe kryetar bordi i specialistëve të programit pilot, tha se spitalet pilot do të jenë spitale të mëdha ose shumë të specializuara, ndërkohë që lista e tyre do të bëhet publike së shpejti. Për të promovuar anestezinë epidurale në Kinë do të nevojitet një punë e madhe përfshi trajnim më të mire të anestezistëve dhe rregullave të procedurave kundër rrezikut të sigurisë, tha Huang. "Spitale të ndryshme mund të kenë profesionistë të ndryshëm," tha ai. "Ne duhet të hartojmë një udhëzues të unifikuar që mund të ndiqet nga të gjitha spitalet për të siguruar shërbim me cilësi të lartë dhe minimizuar rrezikun e pacientëve." Mungesa e anestezistëve në Kinë shkakton një pengesë të madhe në nxitjen e lindjeve natyrale pa dhimbje, tha ai. Në shumë spitale, departamentet me pakicë anestezistësh merren me operime. Aty ku nevojitet anestezia ata nuk kanë kohë për lindjet natyrale pasi numri i grave që lindin është tepër i lartë gjatë një dite. Çfarë duhet për të realizuar një lindje pa dhembje? 1. Anesteziologu që e ka njohurinë dhe përvojën e duhur për administrimin e kateterit epidural dhe menaxhimin e lindjeve pa dhembje. 2. Gjinekologu që ka përvojën e duhur në menaxhimin e lindjeve pa dhembje. 3. Mjetet e nevojshme për vendosjen e kateterit epidural. 4. Barërat e nevojshme për realizimin e lindjes pa dhembje. 5. Monitorimi i domosdoshëm i nënës dhe fetusit. Çfarë duhet bërë para se të realizohet një lindje pa dhembje? 1. Është e domosdoshme që disa ditë para lindjes të konsultohet anesteziologu, i cili merr informata nga shtatzëna për gjendjen e saj shëndetësore, për problemet e mundshme të mëhershme dhe dhënia e sqarimeve lidhur me procedurën e vendosjes së kateterit epidural. 2. Bërja e analizave të domosdoshme paraprake për të eliminuar ndonjë problem të mundshëm që do ta pamundësonte apo do ta bënte të rrezikshëm vendosjen e kateterit epidural. 3. Informimi për çdo hap që shoqëron vendosjen e kateterit dhe menaxhimin e mëtejshëm të lindjes pa dhembje. 4. Vendosja e besimit reciprok pacient-mjek. Teknika e vendosjes së kateterit epidural 1. Pozicioni ulur dhe shumë rrallë lateral 2. Gjetja e hapësirës interspinoze L2/L3 ose L3/L4 3. Dezinfektimi i lëkurës me Betadinë 4. Vendosja e mbulesës sterile me vrimë 5. Infiltrimi i lëkurës dhe hapësirës interspinoze me anestetik lokal 6. Gjetja e hapësirës epidurale me metodën e humbjes së rezistencës (shiringë me rezistencë të ulët e mbushur me aqua destilata) 7. Pas gjetjes së hapësirës, vendosja e kateterit 3-4 cm në hapësirën epidurale. 8. Fiksimi i kateterit 9. Testi i aspirimit dhe dhënia e test dozës me Lidokainë me Adrenalinë. 10. Fillimi i administrimit të anestetikut për ta realizuar lindjen pa dhembje. Kateteri epidural hiqet sapo të përfundoj procesi i lindjes

Nga 6 deri më 8 nëntor, në qytetin Huizhou të provincës Guangdong, u organizua Konferenca e 5-të e Shkencës së Mjekësisë Tradicionale Kineze. Në të morën pjesë 3 fituesit e Çmimit Nobel, 12 anëtarë të Akademisë Kineze të Shkencave, mbi 10 specialistë të MTK-së, mjekë të njohur tradicionalë kinezë dhe shumë specialistë. Mjekësia dhe barnat tradicionale kineze janë shumë të veçanta në Kinë. Kryetari i Akademisë së Shkencave të Mjekësisë Kineze, Zhang Boli është i mendimit se mjekësia tradicionale kineze është një praktikë e lashtë, por koncepti i saj nuk është i prapambetur. Mjekësia moderne thekson konceptet e shkencave sistematike, të mjekimit të saktë, të mjekësisë parandaluese dhe të ilaçeve të kombinuara. 3 mijë vjet më parë në librat e mjekësisë kineze përmenden koncepti i tërësisë, ruajtja e shëndetit, përdorimi i barnave të kombinuara. Zhang tha se mjekësia kineze ka disa dobësi. "Kemi 20 vjet që kemi nisur strategjinë e modernizimit të barnave. 2 dekada më parë paraqitëm objektivin e ndërkombëtarizimit të ilaçeve kineze. Në atë kohë, kishim shumë vetëbesim, por gjatë procesit u ndeshëm me shumë vështirësi për zbatimin e kësaj strategjie. Megjithatë, gjatë kësaj periudhe asnjëherë nuk ndaluam përparimin. Interesimi i vendeve të huaja për ilaçet kineze u shtua dita-ditës. Kultura perëndimore është shumë e ndryshme nga kultura kineze. Vendet e huaja kërkojnë kontrollin e cilësisë së ilaçeve kineze dhe qëndrueshmërinë e efektiviteteve të tyre." Zhang Boli vuri në dukje se konflikti i opinioneve mes mjekësisë perëndimore dhe asaj kineze është një proces i pashmangshëm. Në këtë proces, dy palët mësojnë nga njëri-tjetri, duke arritur mendime unanime për standardet e ilaçeve, administrimin dhe përdorimin e tyre. Deri tani, disa marka të regjistruara ilaçesh nga Kina janë studiuar për regjistrim ndërkombëtar. 5 prej tyre do të kalojnë në fazën e dytë të testimit klinik të FDA-së në ShBA. "Këto janë ilaçe kineze shumë të mira, por në vendet e huaja, do të vlerësohen me metodat më të ashpra dhe sipas standardeve të ilaçeve perëndimore. Ky është një proces afatgjatë, por edhe shumë i dobishëm, i cili ka nxitur zhvillimin e mëtejshme të studimit të ilaçeve kineze. Në të njëjtën kohë, konceptet e ilaçeve të kombinuara kineze dhe metodat e studimit të sistemit të ndërlikuar të ilaçeve kineze janë prezantuar në vende të ndryshme. Homologët e huaj kanë mësuar nga përvoja jonë gjithashtu. Administrata e Ushqimeve dhe Ilaçeve e ShBA-së, FDA, na tregoi se kishte mësuar shumë metoda të kinezëve në vlerësimin e ilaçeve bimore, si teknologjia e shenjave të gishtit, analiza e shenjave etj." Sot, mjekësia dhe ilaçet tradicionale kineze përdoren në 183 vende e rajone të botës. Organizata Botërore e Shëndetësisë ia kushtoi vëmendjen e madhe rolit të mjekësisë tradicionale kineze. Në dy konferencat e shëndetësisë botërore u miratuan rezoluta mbi mjekësitë tradicionale, e nisura nga Kina dhe u hartua Strategjia e Mjekësisë Tradicionale e OBSH-së të Viteve 2014-2023. Nënkryetari i Komitetit të Përhershëm të Asamblesë Kombëtare Popullore, Chen Zhu është i mendimit se mjekësia tradicionale kineze po përballet me një periudhë e artë zhvillimi dhe sistemi i bashkimit të avantazheve të mjekësisë kineze dhe mjekësisë perëndimore është një zgjedhje e pashmangshme për shëndetësinë globale. "Në praktikë, mjekësia tradicionale kineze paraqet karateristikat e mjekësisë së saktë. Mjekësia moderne shfaqi prirjen e vlerësimit të opinioneve të tërësisë dhe sistemike. Integrimi i mjekësisë kineze me atë perëndimore do të formojë një sistem të mjekësisë moderne që ndërthur epërsitë e dy palëve. Ky sistem do të nxisë përparimet dhe zhvillimet e mjekësisë, duke arritur efektivitet më të madh." Zv.drejtorja e Administratës Shtetërore të Mjekësisë Tradicionale Kineze, Yu Yanhong prezantoi 4 detyrat e ardhme të kësaj administrate, ku përmenden se krijimtaria është forca thelbësore për të rritur konkurrencën e mjekësisë dhe ilaçeve tradicionale kineze. "Duhet të punojmë për grumbullimin e forcave për nxitjen e krijimtarisë teknologjike në mjekësinë e ilaçet tradicionale kineze, duhet të nxitim ndërtimin e sistemit të laboratorëve të rëndësishëm mbi mjekësinë e ilaçet tradicionale kineze, duhet të përcaktojmë epërsitë e mjekësisë kineze në disa sëmundje dhe të shpjegojmë arsyet e efektivitetit mjekësor, duke përmirësuar konkurrencën thelbësore të mjekësisë dhe ilaçeve tradicionale kineze." Konferenca e Shkencave të Mjekësisë Tradicionale Kineze u mbajt për herë të parë në vitin 2014 nga Administrata Shtetërore e Mjekësisë Tradicionale Kineze. Kjo konferencë është bërë një platformë për përhapjen e shkencave të mjekësisë kineze dhe bashkimin e mjekësisë kineze e mjekësisë perëndimore. Gjatë kësaj konference, janë organizuar shumë raporte akademike mbi onkologjinë e mjekësisë kineze, burimet e barnave kineze, teknologjitë e metodat e reja mjekësore etj. (Xu Guang)

Vaji i bajames përdoret shumë në produktet kozmetike apo dhe recetat e bukurisë në kushtet e shtëpisë. Sot në internet qarkullojnë shumë receta dhe mënyra të përdorimit të këtyre dy vajrave. Vaji i bajames ka shumë efekte positive pasi është i pasur me acide yndyrore të shëndetshme si acid oleic dhe linoleik. Ka shumë forma të përdorimit të vajit të bajames duke nisur që nga lëkura, flokët dhe thonjtë. Ky vaj është i pasur me vitamina A, B dhe E, që luajnë një rol shumë të rëndësishëm për shëndetin dhe bukurinë e lëkurës. Megjithatë duhet ta zgjidhni këtë vaj të jetë sa më natyral. Për fytyrën •Është një hidratues shumë i mirë, i përshtatshëm për lëkurat e thata dhe mikse. Mjaftojnë vetëm disa pika dhe masazhoni butësisht me anë të gishtave deri sa lëkura ta përthithë plotësisht dhe pa bllokuar poret. •Ky vaj mund të përdoret edhe për të pastruar make-up-in. Mund ta përdorni në të gjithë fytyrën, për sytë madje edhe për ta hequr rimelin kundra ujit. •Ka një efekt mbresëlënës në reduktimin e rrathëve të zinj, qeskave apo syve të fryrë. Aplikojeni çdo natë para se të flini dhe do të mund të parandaloni edhe puçrat e aknet. •Ndihmon në reduktimin e shenjave të moshës si rrudhat e fytyrës apo ato rreth syve. Ky vaj ka veti te rigjeneruese për qelizat e lëkurës duke ju dhënë një pamje më të freskët e të re. •Mund ta përdorni edhe si eksfoliues duke e përzier me sheqer. Eksfolimi i lëkurës duhet të bëhet 2-herë në javë për të pastruar lëkurën e për të hequr qelizat e vdekura. Ky është një eksfoliant natyral dhe shumë efikas. •Vaji i bajames ka edhe veti shëruese në kurimin e ekzemave, skuqjes, inflamacioneve apo çrregullimeve të tjera të lëkures. Vaj bajame për flokët •Zbut, hidraton dhe i jep shkëlqim flokëve tuaj. Zëvendësoni balsamin tuaj i cili përmban silikon apo kimikate të tjera me vaj bajame natyral. Aplikoni disa pika në majat e flokëve dhe shpëlajini me ujë të bollshëm. •Falë acideve yndyrore të pangopura që ndodhen në vajin e bajames, i zbusin flokët duke depërtuar në thellësi.. •Ai gjithashtu vepron si mbrojtes ndaj faktorëve të jashtem si nxehtësia e tharëses së flokëve. •Bëni një masazh skalpit të kokës me vaj bajame për të stimuluar rritjen e tyre. Një herë në javë përzieni vaj bajame me disa pika vaji esencial, masazhoni skalpin dhe mblidheni me një peshqir të lagur me ujë të ngrohtë. Kjo shërben që vaji të thithet më mirë e më shpejt. •Në tjetër alternativë për të parandaluar rënien e flokëve është përzierja e vajit të bajames me vaj ulliri dhe vaj kastor ( vaj vegjetal i perftuar nga farat e bimes kastor) në sasi të barabartë. •Vaji i bajames gjithashtu ndihmon në trajtimin e zbokthit, duke e përdorur si maske. Përdorime të tjera të vajit të bajames Është perfekt si balsam buzësh dhe i zbut ato. Mund të bëni vetë një balsam natyral ta keni gjithmonë me vete (përzieni vazeline + vaj bajame + vaj esencial) Është shumë i mirë për masazhe për të çliruar stresin e jetës së përditshme. Më mirë të ngrohet pak para se të përdoret sepse ka më shume rezultat në lehtesimin dhe zbutjen e lëkurës njëkohësisht.   Përdoret edhe për trajtimin e shenjave të lëkurës, strijet apo smagliaturat duke masazhuar në zonat ku ndodhen ato. Në këtë mënyrë rritet qarkullimi i gjakut, ushqehet lëkura dhe bëhet më elastike. Idealja është ta bëni çdo ditë pas dushit. Pra siç e shihni përdorimi i vajit të bajames është i gjerë dhe ka shumë benefite. Atë mund ta gjeni lehtësisht në farmaci apo qendra të tjera, vetëm kujdesuni që të jetë natyral dhe i prodhuar në temperaturë të ftohtë. Mbajeni në vend të freskët dhe pa ndriçim. Vaji Argani kundër strijave pas shtatzanisë Vaji i arganit, i quajtur ndryshe edhe ari i shkretëtirës, është një vaj natyror i ekstraktuar nga fryti i pemës së arganit. Mbledhja e lëndës së parë bëhet në zonën jugperëndimore të Marokut. Siç kanë treguar shumë herë edhe studimet shkencore, vaji i arganit ndihmon në kurimin e lëkurës, duke i rikthyer asaj hidratimin, ushqyerjen, mbrojtjen, rigjenerimin, elasticitetin, si dhe përtharjen e plagëve. Gjithashtu, vaji i arganit është efikas kundër plakjes së lëkurës, nxit prodhimin e kolagjenit (një proteinë e nevojshme si për indet ashtu edhe lëkurën) dhe ndihmon në parandalimin e formimit të rrudhave. Substancat aktive që e bëjnë vajin e arganit një ilaç të mrekullueshëm Vaji i arganit përmban vitaminë E në sasi të mëdha, tre herë më shumë se vaji i ullirit. Këto substanca luajnë një rol të rëndësishëm në ruajtjen e vajit dhe parandalimin e rrudhave, si dhe kanë funksion mbrojtës kundër radikaleve të lira.   Ja sepse vaji i arganit përdoret si për trajtimin e psioriazës (sëmundje lëkure) ashtu edhe për mbrojtjen kundër rrezeve e nga burimet e tjera të dëmit oksidues. Vaji i arganit është i pasur me vitaminë A; acide yndyrore esenciale Omega 3 dhe Omega 6 rigjeneruese e antinflamatore; polifenole kundër rrudhave. Mos harroni se edhe pse është shumë hidratues, vaji i arganit nuk është i yndyrshëm. Si ta përdorni vajin e arganit për shëndetin dhe bukurinë e fytyrës, buzëve, flokëve, trupit, thonjve dhe strijave? Fytyrë: hidhni një pikë në mëngjes dhe një në darkë për të luftuar formimin e rrudhave dhe ngadalësimin e procesit të plakjes qelizore. Vaji i arganit vepron kundër akneve, rregullon prodhimin e yndyrës dhe parandalon formimin e shenjave në fytyrë. Buzë: mund të përdoret për skrab për rigjenerimin e lëkurës së buzëve. Mjafton të përzieni një lugë vaj argani dhe pak sheqer. Aplikojeni masën mbi buzë dhe fërkojeni pak, por pa e dëmtuar lëkurën. Mund ta përdorni këtë lloj skrabi një herë në javë. Është i mrekullueshëm. Flokë: i përshtatshëm për flokë të brishtë, të thatë, të hollë, pa shkëlqim dhe që nuk rriten. Lufton formimin e dy kokave, mjafton të hidhni disa pika mbi duar dhe ta aplikoni me kujdes mbi flokë. Mbajeni një orë më pas lajeni kokën siç bëni gjithmonë. Trup: vaji i arganit mund të përdoret si skrab edhe për trupin. Merrni tri lugë gjelle vaj argani dhe 3 lugë gjelle kripë të bardhë, pastaj aplikojeni mbi trup të zhytur në vaskë, ose në dush. Fërkoni më shumë pjesën e brendshme të kofshëve, vithet, krahët dhe këmbët. Thonjtë: ideal për forcimin e thonjve. Mund të aplikohet çdo mbrëmje mbi duar e thonj me një masazh në formë rrethore. Për një trajtim javor, zhytini për 10 minuta majat e gishtave në një përzierje vaji argani me lëng limoni, pastaj masazhojini. Strijat: Vaji i arganit mund të aplikohet edhe mbi lëkurë edhe në rast psoriazi (heq dhe redukton skuqjen dhe kruarjet e lëkurës), të çarat e shkaktuara nga shtatzënia, pas dushit për të zbutur dhe hidratuar lëkurën, në ujin e vaskës (10 pika vaj) për të larguar pluhurin dhe qelizat e vdekura nga lëkura, për t'i rikthyer elasticitetin lëkurës së gjoksit, për masazhe qetësuese dhe relaksimin e muskujve çdo dy ditë përdorimi. Me vajin e arganit mund të keni një lëkurë të shëndetshme, një fytyrë perfekte, një ngjyrë të bukur trupi dhe një pamje gjithmonë të freskët.

Në kohët e sotme, trupi elegant është simboli i bukurisë. Shumë modele janë të dobëta dhe trupi i shëndoshë është shndërruar gradualisht në një vlerësim negativ shoqëror. Studimet shkencore vërtetojnë lidhjen mes trupit të shëndoshë dhe shumë sëmundjeve. Por gjatë periudhave të ndryshme historike, qëndrimi ynë mbi shëndoshjen ka ndryshuar shumë. Epoka e artë e njerëzve të shëndoshë Para dinastinës Çin (që filloi në vitet 221 para erës sonë) të Kinës është vlerësuar lart bukuria e kolme në poezitë e lashta. Femrat e bukura në ato vite ishin të rrumbullakosura. Në shoqërinë bujqësore, niveli i forcave prodhuese ishte shumë i ulët dhe problemi më i madh i njerëzve ishte sigurimi i ushqimit të mjaftueshëm. Trupi i shëndoshë përfaqësonte vitalitetin, forcën dhe aftësinë e lindjes. Në atë periudhë, gruaja e kolme që simbolizonte korrjet e mëdha dhe forcë të mjaftueshme prodhuese, pëlqehej shumë. Në dinastinën Tang (në vitet 618-907 pas erës sonë) të Kinës, femrat e bukura në pikturat e kësaj periudhe ishin të kolme. Edhe në Europë femrat e kolme ishin të preferuara. Këtë e shohim në figurat artistike të periudhës së hershme perëndimore, ku një trup i kolmë shihej si simbol i adhurimit të lindjes. Në fakt, perendesha e pjellorisë është e shëndoshë. Në shekullin e mesëm, bukuria e kolme ishte më e preferuara, meqë shëndoshja simbolizonte shëndetin dhe autoritetin. Por uria dhe fatkeqësitë e shpeshta natyrore shkaktuan mungesë ushqimore për shumë njerëz. Vetëm të pasurit kishin ushqim të bollshëm dhe trup të shëndoshë. Frika e njeriut ndaj urisë ka ndikuar në mënyrë të dukshme opinionet e shoqërisë për shëndoshjen. Në Rilindjen Evropiane, femrat e kolme ishin shumë të mirëpritura. Në këtë periudhë mbizotëronte humanizmi, një filozofi etike dhe një botëkuptim që drejtohen nga interesat, vlera dhe dinjiteti në veçanti të njerëzve. Eleganca dhe dobësimi simbolizojnë frenimin e dëshirave. Në veprat Michelangelo-s bukuria është e kolme. Vepra e Raphael-it "The Graces/Kharites", shfaq bukurinë e linjave të femrave të kolme. Shtimi i rezistencës ndaj mbipeshës Nga historia, njerëzit kanë zhvilluar luftra të vazhdueshme në një kohë të gjatë dhe sëmundja e uria nuk kanë munguar. Adhurimi estetik për mbipeshën ka zgjatur për një periudhë të gjatë. Por prej shekullit të 18-të, me zhvillimin dhe përparimin e pandërprerë të shoqërisë, kërkesat e mbijetesës bazë nuk ishin më problem thelbësor i njerëzimit, mbipesha nisi të lidhej gradualisht me vlerësimet negative si shëndet jo i mirë, mungesë të vetë-disiplinës etj. Qëndrimet e njerëzve për mbipeshën sa vinin e bëheshin më negative. Cilat janë këto qëndrime? Së pari, zhvillimi i shkencës ka ndikuar pikëpamjet e njeriut për mbipeshën. Pas krijimit të motorit me avull dhe përhapjes së trenit, ushqimet mund të transportoheshin në masë të madhe, ndërkohë që kostoja e transportit u ul ndjeshëm. Metodat e përparuara të prodhimit dhe kultivimit rritën sasinë e drithërave. Përparimi i teknologjisë mjekësore forcoi aftësinë e përballimit të sëmundjeve dhe të rreziqeve. Përmirësimi i materialeve në jetën tonë ka thyer konceptin e shoqërisë për bukurinë e kolme. Trupi i kolmë nuk është më karakteristikë e të pasurve. Sot gjithnjë e më shumë njerëz të zakonshëm po shëndoshen. Ngrënia e tepërt është konsideruar si veprim i papërgjegjshëm. Arsyja e tjetër e rëndësishme është opinioni negativ i mjekëve dhe specialistëve për mbipeshën. Sipas studimeve mjekësore, mbipesha mund të shkaktojë shumë probleme në organizëm. Në shekullin e 19-të, shkencëtarët europianë vunë në dukje se mbipesha mund të vijë nga çrregullimet endokrine dhe kjo është një sëmundje. Në kohët e mëvonshme, shkencëtarët zbuluan se mbipesha mund të shtojë përqindjen e sëmundjeve metabolike, si hipertensioni, diabeti, kolesteroli dhe tensioni i lartë i gjakut, sëmundjet koronare të zemrës, sëmundjet cerebrovaskulare, kanceri etj. Në vitin 1972, është përdorur treguesi i masës trupore (BMI) për të matur nivelin e mbipeshës të njerëzve. Në revistën "Lancet" të vitit 1833, u publikua një artikull, ku shkruhet se "në kohët e sotme, kontrolli i dietës është bërë një temë popullore për uljen e peshës. Njerëzit nuk flasin më për 'heqjen e dhjamit të tepërt'." Ulja e peshës përdorej vetëm në raste specifike në atë kohë, duke simbolizuar se shumë persona bënë përpjekje për uljen e peshës së tyre. Disa shkencëtarë zbuluan arye të tjera të shtimit të numrit të personave mbipeshë në kohët e sotme. Në lashtësi, njerëzit përballeshin gjithmonë me kërcënimin e mungesës ushqimore. Prandaj, kur njerëzit hanin ushqime, metabolizmi i trupit do të rezervonte materialet ushqyese, duke formuar dhjamin. Me zhvillimin e bujqësisë u zgjidh problemi i urisë dhe mungesës së ushqimeve, por sistemi metabolik i trupit vazhdon mënyrën e vjetër të grumbullimit të yndyrës, duke shkaktuar problemin e mbipeshës në kohët e sotme. Shëndeti është standardi i "bukurisë" Sipas standardeve estetike të vendeve të ndryshme, personat mbipeshë nuk kanë trup të bukur, pasi formimi i dhjamit dhe celuliti të jep ndjesinë e dikujt që nuk ka respekt për veten. Në Kinën e lashtë, femrat e holla dhe me stil ishin më të bukurat dhe më elegantet. Në pikturat e lashta kineze, pasqyrohen shumë femra elegante. Dashuria e kinezëve për trupin e hollë është forcuar edhe në shoqërinë e sotme. Trupi i hollë është konsideruar jo vetëm si elementet i bukurisë dhe shëndetit, por edhe si standard i aftësisë së vetkontrollit dhe përgjegjësisë shoqërore. Sot koncepti i shëndetit propozohet si standard i bukurisë. Nuk duhet të synojmë për formimin e trupit tepër të dobët ose tepër të shëndoshë por duhet të nisemi së pari nga trup i shëndetshëm. Ky koncept mund të na nxisë të bëjmë më shumë stërvitje dhe të kemi më shumë vetëkontroll, duke formuar një trup më të shëndetshëm dhe qëndrim më pozitiv. Por nëse synojmë që të bëhemi tepër elegantë kjo gjë mund të sjellë pasoja negative për shëndetin. Disa femra madje i nënshtrohen kirurgjisë për të hequr dhjamin e tepërt dhe kontrollojnë dietën e tyre në mënyrë të ashpër. Në kohë të ndryshme, standardi i bukurisë ka ndryshuar nga femrat e rrumbullakosura deri tek ato më elegantet. Por shëndeti, vetëbesimi, optimizmi dhe vetkontrolli janë elemente të pandryshuara të bukurisë. Bukuria shfaqet nga elemente të brendshme. (Xu Guang)

Mjekësia kineze përmban disa nga formulat më të mrekullueshme bimore që trajtojnë migrenën dhe dhimbjen e kokës në përgjithësi. Ato janë testuar nga banorët gjatë mijëra viteve dhe sot janë provuar si tepër efikase. Së pari duhet të kuptoni që mjekësia kineze është një mjekësi që nuk funksionon njësoj tek të gjithë. Psh, nëse 10 pacientë vijnë në klinikë me dhimbje koke, secili prej tyre mund të ketë të njëjtën diagnozë, por tek pacientë të ndryshëm trajtimi është i ndryshëm, varet nga problemet apo kushtet shëndetësore të gjithësecilit. Nëse pyesim një mjek kinez, "Çfarë ilaçi të përdor për këtë problem?" është një pyetje që nuk do merrni përgjigje të menjëhershme pasi në fillim duhen të merren parasysh kushtet tuaja aktuale të shëndetit si niveli i energjve Yin dhe yang në organe, qarkullimi i gjakut, bllokimi i meridianëve (kanale imagjinare energjie) dhe më pas mund të merrni formulën tuaj bimore për problemin që keni. Kur themi formulë kemi parasysh një përzierje bimësh në dozat e duhuara përgatitur nga mjeku kinez. Disa nga shkaqet e dhimbjes së kokës sipas Mjekësisë Tradicionale Kineze. Rritje të energjisë Yang në mëlçi. Tian Ma Gou Teng Yin është një nga formulat kryesore që përdoret kur forca Yang është në rritje në mëlçi. Shumë njerëz janë shprehur se kjo është një kurë magjike. Mendojeni energjinë Yang në mëlçinë tuaj si një person që është gati të shpërthejë. Kjo formulë bimore është e mirë për: dhimbjet e kokës në një anë, dhimbje në tëmtha, problem me shikimin, tinitus, marrje mendsh, rëndesë në kokë, gojë dhe fyt i thatë, të vjella, parehati, pagjumësi dhe ndjesi në pjesën e sipërme të trupit të të nxehtit. Kjo formulë u rekomandohet gjithashtu personave që vuajnë nga tensioni i gjakut, marrjemendsh, epilepsia, ose sëmundje kardiovaskulare. Mungesa e gjakut- Një nga formulat bimore për fuqizimin e gjakut është Si Wu Tang, që përdoret jo vetëm për dhimbjet e kokës dhe migrenën por për shumë gjëra. Mungesa e gjakut nuk nënkupton që ju nuk keni gjak të mjaftueshëm, por nënkupton që cilësia e gjakut nuk është në nivelin e duhur. Bimët në këtë formulë e ndryshojnë këtë problem. Kjo formulë rekomandohet gjithashtu për personat që vuajnë nga marrja e mendëve, paqartësi të shikimit, ngjyra e buzëve dhe e thinjve është e zbehtë, menstruacione të çrregullta, lëkurë të thatë, menorrhagia (apo gjakderdhje të lartë gjatë menstruacioneve),ciste etj. Kjo është gjithashtu formula klasike kineze për problemet me menstruacionet. Formula të tjera ndihmojnë në tonifikimin e gjakut janë Ba Zhen Tang dhe Shi Quan Da Bu Tang. Stanjacion apo ngërç të gjakut. Zakonisht kur njerëzit kanë gjak të mbetur ose të bllokuar në kokë kanë dhimbje të madhe si në rastin e migrenës. Kur gjaku lëviz dhe bllokohet, gjaku i ri nuk mund të hyjë në ato pjesë dhe kjo shkakton dhimbje. Ekzistojnë të paktën 15 bimë të ndryshme që konsiderohen si lëvizëse të gjakut. Dy formula të mira për qarkullimin e mire të gjakut në kokë janë Tong Qiao Huo Xue Tang dhe Tao Hong Si Wu Tang. Energji të bllokuar chi në mëlçi. Detyra e mëlçisë është që të sigurojë që gjërat po lëvizin mirë në trup. Kur energjia, oksigjeni apo gjaku nuk qarkullojnë si duhet, trupi do të jetë më në "stres". Sipas një proverbe kineze: Ai i cili pi ilaçet po neglizhon dietën çon dëm aftësitë e mjekut të tij. Prandaj duhet të hiqni dorë nga sheqeri, produktet OMGJ, soja dhe ushqime të tjera inflamatore. A është akupunktura një trajtim efektiv për migrenën dhe për llojet e tjera të dhimbjes së kokës? "Në fakt, Po," kjo është përgjigjja që japin praktikuesit e akupunkturës nëpër botë. Çdo ditë, personat me migrenë drejtohen drejt qendrave të akupunkturës në SHBA dhe Kinë në ndihmë për të gjetur një trajtim që do t'ua lehtësonte disi dhimbjet. Për ata të cilët kanë vuajtur prej vitesh nga dhimbjet e kokës, çlirimi i vjen si një mrekulli nga terapia më e vjetër kineze. Akupunktura për dhimbjet e kokës Akupunktura nuk është efektive vetëm për migrenën, por funksionon mrekullisht edhe për ata që kanë probleme me sinuset, tension të lartë të gjakut ose probleme me gjumin. Avantazhi më i madh që ka akupunktura kundrejt mjekësisë perëndimore është se nuk ka efekte anësore. Konceptet thelbësiore të Yin-it dhe Yang-ut si dhe energjisë jetike (Chi) janë shumë të rëndësishme, po ashtu edhe të të kuptuarit të sistemit të meridianëve. Të gjitha meridianët "Yang" të trupit takohen në kokë, duke lehtësuar qarkullimin gjakut dhe energjisë "chi" në kokë. Një mendje e kthjellët dhe kokë pa dhimbje varen shumë nga qarkullimi i mjaftueshëm i energjisë "chi" dhe gjakut, si dhe një balancë e forcave Yin dhe Yang. Sipas mjekësisë kineze ka shumë arsye që shkaktojnë dhimbjet e kokës. Më të zakonshmet janë: mungesa e energjisë Chi dhe gjakut, mosqarkullimi i mirë i gjakut në kokë; bllokim i meridianëve etj. Trajtimi me akupunkturë mund të harmonizojë organet, të ekuilibrojë energjitë Yin-Yang, si dhe të zhbllokojë meridianët e bllokuar. Hulumtuesit dhe shkencëtarët besojnë tani se akupunktura mund të sjellë shumë ndryshime biokimike në trup: Serotonina: Trajtimi me akupunkturë ndikon disa neurotransmetues të trupit, duke sjellë ndryshime në organizëm. Shkencëtarët kanë gjetur se nivelet e ulëta të serotoninës shkaktojnë dhimbje koke. Aftësia e akupunkturës për të rregulluar nivelet e serotoninës është studiuar hollësisht nga ekspertët në Kinë, Japoni dhe Kanada. Ndryshimet në nivelet e serotoninës në tru dhe në palcën kurrizore mund të arrihen shumë mirë me akupunkturë. Çlirimi i endorfinave me akupunkturë: Dr. Jisheng Han, profesor për akupunkturën, tha se stimulimi me anë të gjilpërave çliron nivele të ndryshme të endorfinës në sistemin qendror nervor. Endorfina është përgjegjëse per aktivizimin e shumë proceseve trupore që në vetvete ulin dhimbjen e trupit dhe përmirësojnë humorin. Fjala "endorfinë" do të thotë "morfinë brenda trupit". Endorfinat çlirohen nëpërmjet akupunkturës, masazhit, meditimit, seksit, aktiviteti fizik etj. Nëse vuani nga migrena mund të provoni të pickoni për disa çaste lëkurën mes gishtit të madh dhe atij tregues. Kjo mund të jetë pak e dhimbshme por me dhimbjen çlirohet endorfinë. Po ashtu endorfina çlirohet edhe duke ngrënë speca djegës, duke bërë sport, duke bërë akupunkturë, duke ngrënë çokollatë, duke qeshur sa më shumë, duke bërë banjo dielli, duke dëgjuar muzikën e preferuar, duke menduar pozitivisht, duke bërë yoga etj.. Efektiviteti i akupunkturës për migrenën është përfshirë në listën e Organizatës Botërore të Shëndetësisë per sëmundjet që arrin të trajtojë akupunktura. Barnat bimore kineze për trajtimin e migrenës Dhimbjet e kokës mund të shkaktohen nga faktorë të jashtëm, si kushtet e motit apo faktorë të tjerë mjedisorë; ose nga çekuilibra të brendshëm. Shqetësimet emocionale sidomos zemërim i vazhdueshëm, dhimbje koke dhe marrje mendsh, ankth; nervozizëm, pagjumësi shije të hidhur në gojë etj., trajtohen me gastrodiae elatae (tian ma) dhe uncariae (gou teng). Personat të cilët vuajnë nga migrena dhe po konsiderojnë mundësitë e trajtimit me akupunkturë dhe barna bimore duhet të kuptojnë që këto forma trajtimi nuk kanë asnjë efekt anësor dhe ofrojnë një trajtim të sigurt

Kinezët e kanë praktikuar artin e masazhit terapeutik të këmbëve për rreth 5,000 vjet. Libri më i vjetër që njihet në këtë fushë u shkrua 4,000 vjet më parë në Kinë, ku përshkruhen konceptet e zonave të masazhit dhe pikave të akupunkturës dhe refleksologjisë. Masazhi që nga kohët e lashta njihet dhe është pranuar si një nga metodat për parandalimin, trajtimin dhe eleminimin e sëmundjeve të ndryshme. Masazhi në të njëjtën kohë vë në funksionim mendjen, emocionet, trupin dhe shpirtin e njeriut dhe në këtë mënyrë arrihet relaksimi i thellë i trupit, mendjes, clirimi i stresit dhe toksinave, përmirësimi i rrjedhjes së oksigjenit në organizëm si dhe përmirësimi i qarkullit të lëngjeve trupore (gjakut dhe limfës). Teoria e Masazhit të Këmbëve në Mjekësinë Tradicionale Kineze Filozofia e Mjekësisë Tradicionale Kineze ka të bëjë me faktin se energjia chi "rrjedh" në trup nëpërmjet kanaleve imagjinare që i quajmë meridiane, të cilat funksionojnë si kanale komunikimi brenda trupit, duke bashkëvepruar me organet e trupit. Energjia chi përbëhet nga dy forca që janë yin dhe yang, që ekuilibrojnë njëra-tjetrën për ta mbajtur trupin të shëndetshëm. Nëse këto dy forca tek një person çekuilibrohen, lëvizja e energjisë chi përmes meridianëve mund të bllokohet, duke çuar në sëmundje, dhimbje ose forma të tjera mosfunksionimi. Sipas Mjekësisë Tradicionale Kineze një praktikues mund të zhbllokojë energjinë chi dhe të rikthejë ekuilibrin në trup duke vepruar mbi sipërfaqjen e zonave në lëkurë në pikat e akupunkturës. Këmbët përmbajnë shumë prej këtyre pikave të akupunkturës ose në pikat e reflekseve të këmbëve, duke mundësuar që energjia të rrjedhë lirshëm në çdo pjesë të trupit, përfshi trurin. Refleksologjia është një art i vjetër kurativ i cili bazohet në parimet e reflekseve të duarve dhe këmbëve të cilat korrespodojnë me çdo pjesë, organ dhe gjendër në trup. Mënyra sesi praktikohet është duke aplikuar dhe ushtruar presion me gishtin e madh të dorës në pjesën e poshtme të këmbës. Duke përdorur metoda teknike rezultati është reduktim stresi, i cili jep efekte pozitive si: - Largon dhe redukton stresin dhe tensioni. - Përmirëson fleksibilitetin e duarve dhe të këmbëve - Rikthen vitalitetin - Ndihmon në zvogëlimin e dhimbjeve - Stimulon të gjitha sistemet e trupit - Ndihmon në problemet e duarve dhe këmbëve - Eleminon toksinat nga ndryshimet e jetesës - Krijon një lidhje midis trupit-zemrës-mendjes Kërkimet në fushën e refleksologjisë nga Mjekësia Perëndimore Mjekët në perëndim tregohen skeptikë për energjinë chi dhe meridianët. Megjithatë ata kanë bërë disa kërkime lidhur me praktikën e akupunkturës, nga ku kanë dalë në përfundim se kjo metodë ka efekte të mëdha në mënyrën se si funksionon truri. Akupunktura e arrin këtë duke vepruar fillimisht në sistemin nervor, por gjithashtu ka rezultuar se aktivizon gjendrën e hipofizës, duke bërë që disa prej hormoneve të saj të stimulojnë gjendrat e tjera endokrine. Studimi i mjekëve të huaj ka dalë në përfundim se masazhimi i gishtit të madh të këmbës bën që truri ynë të funksionojë më mirë. Sipas refleksologjisë, këmba përmban shumë pika refleksive që korrespondojnë me të gjitha pjesët e trupit, gjendër apo organ. Në fakt, refleksologët gjejnë një hartë të të gjitha organeve të trupit të vendosura në shputën e këmbës. Shputat e këmbëve janë një qasje e fuqishme dhe e drejtpërdrejt e pikave të organeve të brendshme në trupin tuaj, pika të cilat mjeksia kineze i quan meridianë. Këta meridianë janë kanale energjie të çdo organi në trupin tuaj. Disa njerëz janë të mendimit se meridianët nuk ekzistojnë Brenda trupit ose tek shputat. Ata të cilët e kuptojnë mjekësinë kineze e dinë që sistemi i meridianëve lidhet ngushtë me sistemin nervor. Nëse besoni që keni nerva dhe një sistem nervor, besoni që keni meridianë gjithashtu, është pothuajse e njëjta gjë dhe kështu keni një hartë të qartë se ku ndodhen meridianët në trupin tuaj. Shputat e këmbëve kanë shumë mbaresa nervore, rreth 7,000 (pra meridianë) që lidhen drejtpërdrejt me organe të ndryshëm në organizëm. Ato janë qarqe elektrike shumë të fuqishme brenda trupit dhe zakonisht janë të fjetura sepse ne veshim këpucë dhe nuk bëjmë akupunkturë që të ndihmojë meridianët ose nervat. Prandaj mjekët kinezë sugjerojnë ecjen zbathur në park ose mbi guralecë! Një nga mënyrat më të mira për hapjen e këtyre rrugëve elektrike (meridianëve) dhe për të ndihmuar në pastrimin e organeve tuaja të brendshme është të ndani një qepë në pjesë dhe ta vendosni në shputat e këmbëve dhe pastaj të vishni çorape gjatë natës . Qepët janë të njohura si pastruese të ajrit dhe kur vendosen në lëkurë ato vrasin baktere dhe gjithashtu acidi fosforik (substanca që ndodhet tek qepa e që na bën të qajmë sa here që presim qepën) futet në rrugët e gjak dhe ndihmon në pastrimin e gjakut dhe vret shumë bakterie. Sipas Mjekësisë Tradicionale Kineze, nëse ushtroni presion në pikat refleksive që gjenden tek këmbët dhe që komunikojnë me trurin, atëherë do të kemi stimulim të energjisë chi dhe nxitje të ekuilibrit shëndetësor dhe të trurit. Refleksologët rekomandojnë se masazhi i këmbëve largon stresin dhe mundëson një ndjenjë shplodhjeje si dhe përmirëson cilësinë e gjumit; lehtëson dhimbjen e kokës, përfshi migrenën si dhe redukton nivelin e ankthit dhe depresionit. Pikat refleksive për trurin gjenden në majë të gishtit të madh të këmbës, po ashtu edhe në majë të dy gishtave të tjerë. Në gishtin e madh ju do të gjeni pikat refleksive për hipotalamusin, gjendrën e hipofizës etj, të gjitha këto shumë të rëndësishme për funksionin e trurit. Këto pika janë më të lehta për t'u gjetur nëse do të njiheni me grafikun apo hartën e refleksologjisë, që përmban të gjitha pikat për çdo organ apo gjendër të trupit. Në Kinë, masazhi i këmbëve është shumë i njohur dhe aplikohet nga pothuajse të gjithë. Ka shumë qendra që ofrojnë masazhe të tilla. Trajtimi nis së pari duke i futur këmbët në ujë të ngrohtë në një enë druri e mbushur edhe me kripëra dhe bimë relaksuese, ndërkohë që masazhatori nis masazhin në zonën e shpatullave dhe më pas me atë të këmbëve.

Të moshuarit mund të përballen me sëmundje të ndryshme orale, veçanërisht me problemet e dhëmbëve. Për shkak të gërryerjes prej dhjetra vitesh, dhëmbët do të hollohen dhe mund të thyhen lehtësisht, mund të ketë inflamacion të mishrave të dhëmbëve apo gingivitis etj. Kariesi Ndër problemet orale, incidenca e kariesit renditet në vendet e para. 98.6% e të moshuarve kanë problem. Çdo i moshuari ka 15.27 dhëmbët të prekur nga kariesi në nivel mesatar. Nëse ka prishje të dhëmbëve duhet të drejtohemi menjëherë tek dentisti, i cili do nis pastrimin e tyre: 1. Pastrimi i pllakave bakteriale. Duhet të pastrojmë në kohë bakteret e mbetura tek dhëmbët. Çdo ditë, në mëngjes dhe mbrëmje duhet të pastrojmë dhëmbët me furçë në drejtimin e duhur. Përdorimi i fijeve për dhëmbët mund të hyjë në mes të kanaleve mes dy dhëmbëve dhe të pastrojë ushqimet dhe bakteret e mbetura atje, të cilat furça jo gjithmonë i heq. 2. Përdorimi i fluorurit për parandalimin e kariesit. 3. Kontrolli i sasisë së sheqerit të konsumuar dhe pastrimi i dhëmbëve pas konsumit të ushqimeve të ëmbla. 4. Zhvillimi i kontrolleve orale periodike. Të moshuarit duhet të bëjnë të paktën një kontroll në vit dhe të mjekojnë sa më parë dhëmbët e prishur. Sëmundjet periodontale Kina po bëhet një vend me përqindje të madhe të të moshuarve. Sëmundjet periodontale, veçanërisht periodontitisi është bërë një problem i dukshëm oral. Periodontitisi ndahet në dy situata: 1. Problemet gingivale: pacientët e moshuar kanë rezistencë të dobët dhe disa sëmundjet sistemike. Përdorimi i disa ilaçeve mund të shkaktojë inflamimin e tepërt të mishit të dhëmbëve. Antibiotikët mund të shkatërrojnë ekuilibrin e mjedisit të baktereve. 2. Gingivitisi: gingivitisi mund të shoqërohet me erë të keqe të gojës në nivele të ndryshme dhe mund të shkaktojë pezmatim endodontik dhe sëmundje të rrënjëve të dhëmbëve, duke sjellë dhimbje të madhe dhe penguar përtypjen e ushqimeve. Nëse gingivitisi i të moshuarve nuk mund të mjekohet në kohë, mund të shkaktohet humbja e dhëmbëve. Metodat e përballimit: Kur ka fenomene të gjakderdhjes nga mishi i dhëmbëve gjatë larjes së dhëmbëve apo ngrënies ose lëvizjes së dhëmbëve, duhet të zhvillohen në kohë analizat mjekësore në stomatologji, për të hartuar një projekt të mjekimit dhe mirëmbajtjes së gingivalit nga mjekët. Mjekimi i gingivitisit ndahet në 4 procese: së pari, trajtimi bazë: pastron pllakët bakteriale dhe gurëzat. Së dyti, trajtimet me kirurgji në mish të dhëmbëve, do të zhvillohen në 4 javët pas procesit të parë. Së treti, trajtimi i riparimit, do të zhvillohet në 2 deri në 3 muaj pas operimit. Së katërti, trajtimi i mbështetjes në gingival do të zhvillohet me afat çdo 3 ose 6 muaj. Humbja e dhëmbëve Humbja e dhëmbëve është fenomen i zakonshëm tek të moshuarit. Kur të moshuarit humbin mbi 1/4 e dhëmbëve, do të ndikohen funksionet normale të gojës, veçanërisht funksioni i përtypjes, duke ndikuar më tej tretjen dhe thithjen e materialeve ushqyese. Mungesa e dhëmbëve për një afat të gjatë mund të ndikojë seriozisht shëndetin fizik dhe atë psikologjik, si dhe cilësinë e jetës. Prandaj, sugjerohet që të vendosen në kohë dhëmbët e humbur. 3 metodat e përballimit: Së pari, ruajtja e zakoneve të mira për shëndetin oral. Duhet të pastroni në kohë pllakat bakteriale të grumbulluara mbi dhëmbë. Është mirë që goja të lahet pas çdo vakti. Në mëngjes dhe mbrëmje, dhëmbët duhet të lahen me furçë. Së dyti, pastrimi i protezave të dhëmbëve çdo ditë. Së treti, ndiqni një dietë të shëndetshme ushqimore. Për shkak të dobësimit të funksioneve të përtypjes, konsumi i shumë ushqimeve është i kufizuar për të moshuarit. Kjo mund të shkaktojë kequshqyerje, prandaj, duhet t'i kushtoni vëmendje të madhe dietës së shëndetshme. Sëmundjet e mukozës në gojë Ulcerat janë ndër sëmundjet më të zakonshme të gojës te të moshuarit, pasi rrënjët e dhëmbëve të prishur dhe majat e dhëmbëve të mprehta mund t'i stimulojnë mukozës. Përveç kësaj, vendosja e protezave të dhëmbëve të papërshtatshme, përdorimi i padrejtë i furçave të dhëmbëve dhe pijet e nxehta mund të shkaktojnë dëmtimet e mukozës gojore. Metodat e trajtimit: 1. Heqja e zakoneve të pashëndetshme: nëse mukoza e gojës stimulohet nga veset negtive si duhanpirja, pijet alkoolike etj, mund të shkaktohen sëmundje të ndryshme në gojë. Duhet të merren masat e para për parandalimin e sëmundjeve, asgjësimin e stimulimeve negative, lënien e duhanit dhe pijeve alkoolike. 2. Analiza e hershme mjekësore: të moshuarit duhet t'i kushtojnë vëmendjet e mëdha ndryshimit të mukozës orale. Nëse ulcerat e gojës nuk ikin për një periudhë mbi 2 javore, duhet të bëni analizat mjekësore sa më parë. Duhet të hiqni sa më parë rrënjët e dhëmbëve të prishura, të rregulloni majat e dhëmbëve dhe të rivendosin protezat apo dhëmbë porçelani 3. Dieta e përshtatshme: duhet të shmangin ushqimet tepër të forta, tepër të ftohta ose tepër të nxehta. Ushqimet si spinaqi etj kanë riboflavinë dhe mëlçitë e kafshëve janë të pasur me vitaminë B, të gjitha këto mund të parandalojnë ulcerat e gojës, pezmatimet e gjuhës etj. Domatet kanë funksionin e asgjësimit të nxehtësisë së brendshme dhe lehtësimin e etjes. Ky frut mund të eleminojë thatësinë brenda gojës dhe gjakderdhjen e mishirave të dhëmbëve. (Xu Guang)

1. Mos e hani kurrë orizin e mbetur Ka shumë arsye për të dashur orizin: është i lehtë për t'u përgatitur, i shijshëm, dhe pothuajse shkon me çdo ushqim tjetër. Është një nga kokrrat më të vjetra të drithërave dhe një ushqim kryesor për miliona njerëz në të gjithë botën. Por a e dini se ka rregulla specifike për mbajtjen e orizit kështu që mund të hahet në mënyrë të sigurt ditën tjetër? Ajo që ju duhet të mbani mend kur është fjala për orizin është se si trajtohet kur është i gatuar. Orizi i mbetur kurrë nuk duhet të lihet në temperaturë dhome për një kohë të gjatë. Kjo është për shkak se orizi përmban një bakter, bacillus cereus , i cili mund të mbijetojë gjatë zierjes. Dhe nëse orizi i gatuar mbetet për një kohë të gjatë në temperaturë dhome, ky bakter mund të rritet dhe të çojë në helmim me ushqim. 2. Mos hani banane në mëngjes Nëse të duhet ta hash vaktin e mëngjesit me nxitim, një banane duket si një opsion perfekt. Është e shëndetshme, e pasur me vlera ushqyese dhe na siguron energjinë e duhur. Por, sipas një dietologu, ky frut me ngjyrë të verdhë për çudi është një nga ushqimet që nuk duhet të konsumohet asnjëherë në mëngjes. Edhe pse janë të pasur me kalium, fibër dhe magnez, bananet nuk janë një opsion i mirë për vaktin e parë të ditës. Arsyeja? Ato përmbajnë 25% sheqer natyral, që japin energji dhe ju ngopin për momentin, por më pas ju lënë në gjendje gjumi dhe lodhjeje, dhe pas pak orësh do të ndiheni të uritur. Sipas dr. Daryl Gioffre, nëse nuk e shoqërojmë bananen me yndyra të shëndetshme, shumë përfitime të bananes do të humbasin, ndërkohë që do të rritet niveli i sheqerit dhe acidit. Ato nuk janë, gjithashtu, të mira për të mbajtur sistemin digjestiv të shëndetshëm. "Në çdo formë që të konsumohet sheqeri, ai i nënshtrohet procesit të fermentimit, ashtu si birra dhe vera, dhe kthehet në acid dhe alkool në trupin tuaj. Kështu, bllokohet sistemi digjestiv", shpjegon dr. Gioffre. Sipas tij, është mirë që banania të shoqërohet me yndyra të shëndetshme, si gjalpë kikiriku, kos natyral, kanellë etj. Mos hani selino dhe spinaq të ringrohur Ngrohja e spinaqit nuk është shumë e sigurtë për shëndetin tuaj. Ai duhet të konsumohet vetëm atëherë kur gatuhet. Arsyeja për këtë janë nitratet që gjenden në spinaq. Kur ju e ngrohni atë, nitratet shndërrohen në nitrite, gjë që e bën spinaqin kancerogjen për trupin tuaj. Njerëzit zakonisht përdorin selino për të përgatitur supa. Ashtu si spinaqi, selinoja gjithashtu përmban nitrate që transformohen në nitrite pasi ngrohen. Nëse ju keni bërë një supë me selino, ju duhet ta hani të gjithë supën menjëherë, ose hiqni selinonë para se të ngrohni supën. E njëjta gjë vlen edhe për karotat. Mos i përzieni kurrë kastravecat dhe domatet në të njëjtën sallatë E vetmja gjë që njerëzit kërkojnë në një sallatë është një përzierje e përbërësve të shijshëm. Por, pavarësisht nga shija, ka edhe gjëra të tjera që duhet të merrni në konsideratë, pasi disa nga përbërësit nuk do të shkojnë së bashku në një sallatë. Të tilla janë domatet dhe kastravecët të kombinuar së bashku. Secila prej këtyre perimeve ka kohë të ndryshme e tretjes, dhe sipas "Ayurveda", duhet të dini kohën e saktë të tretjes së çdo ushqimi para se t'i përzieni përbërësit së bashku. Nuk është një ide e mirë të kombinoni përbërësit që kanë tretje të shpejtë me ata që treten ngadalë. Do të përfundojnë nëpër zorrë, pa u tretur plotësisht. Kjo do të ngadalësojë tretjen dhe fermentimin e sheqernave dhe niseshtesë, si dhe nuk do të lejojë të shijoni ushqimin siç duhet. Përveç kësaj, procesi i fermentimit mund të shkaktojë gazra, enjtje në stomak, dhimbje, si dhe probleme të zorrëve. Kastraveci dhe domatet nuk përputhen me njëri-tjetrin dhe nuk duhet të konsumohen bashkë. Kur ata arrijnë në stomak dhe fillon procesi i fermentimit acidet e lëshuara në zgavrën e barkut për tretje fillojnë të bëjnë punën e tyre Sekreti i dobësimit Sekreti i dobësimit është një vakt në ditë. Hani vetëm një herë, dhe mundësisht në darkë. Për të jetuar për një kohë të gjatë duhet të mësohemi të kemi një stomak që bën zhurmë, sipas autorit të librit "Fuqia magjike e agjërimit". Autori shpjegon metodën japoneze për mbajtjen e shëndetit, parandalimin e sëmundjeve dhe ngadalësimin e plakjes. "Studimet e fundit – thotë – kanë treguar se uria ka një ndikim themelor në mirëqenien fizike zhurma e stomakut është një shenjë që, në nivel qelizor, në organizëm ndodhin reaksione pozitive që madje edhe na rinojnë". Dr. Nagumo shpjegon se ai gjithashtu e ka testuar metodën vetë. Prej shumë vitesh ai ha vetëm një vakt në ditë.

Çrregullimet e gjumit shfaqen me sëmundjet psikosomatike Çfarë janë sëmundjet psikosomatike? Sëmundjet psikosomatike janë sëmundjet trupore të shkaktuara nga faktorët psikologjikë dhe jo nga ato fizikë. Kur një individ përjeton këto simptoma psikosomatike, çrregullimet e gjumit janë më të shpeshtat dhe më të dukshmet. Sipas përvojës klinike, fenomenet dhe sëmundjet psikosomatike kanë marrëdhëne të ngushtë. Një pacient i prekur nga sëmundje të ndryshme fizike do të ketë reagime të shumta emocionale, që janë fenomene psikosomatike, por jo sëmundje psikosomatike. Këtu ekzistojnë disa situata klinike: së pari, elementet psikologjike shkaktojnë çrregullim e sistemit nervor autonom (sistem që rregullon procese të caktuara të trupit, të tilla si tensioni i gjakut, frymëmarrja, muskujt etj). Së dyti, këto elemente psikologjike vazhdojnë për një periudhë dhe shkaktojnë çrregullim të funksioneve të sistemeve të organeve të brendshme, të enëve të gjakut dhe të sistemit nervor, por këto çrregullime fizike mund të lehtësohen më vonë. Së treti, kur fenomenet psikosomatike dhe sëmundjet psikosomatike vazhdojnë për një periudhë të gjatë, do të shkaktojnë çrregullime jo të lehta, të cilat çojnë më pas në sëmundje psikosomatike. Stimujt psikologjikë janë faktorë patogjenë Stimujt psikologjike në nivelin normal janë stimulij të mirë, por ata të tepërtit janë të dëmshëm si çdo gjë tjetër e dëmshme kur është në sasi të lartë. Në teorinë e Mjekësisë Tradicionale Kineze janë përmendur dëmtimet fizike të shkaktuara nga stimujt e tepërt dhe të vazhdueshëm. Në librin mjekësor "Huang Di Nei Jing", shkruhet:"zemërimi dëmton mëlçinë, gëzimi dëmton zemrën, pikëllimi dëmton mushkërinë, mendimi dëmton shpretkën, frika dëmton veshkën." Kjo teori përputhet me vëzhgimet klinike aktuale. Stimujt e tepërt psikologjik mund të ndikojnë cilësinë e gjumit. Ata persona të cilët përjetojnë një gëzim të madh ka raste kur nuk arrijnë të flenë gjithë natën, por ky fenomen nuk zgjat për një kohë të gjatë. Nëse fenomeni i çrregullimeve të gjumit zgjat për një kohë të gjatë, individët do të ndihen të dobët. Zemërimi i tepërt mund të shkaktojë dhimbje kockash në trup. Zemërimi i shpeshtë për një kohë të gjatë mund të dëmtojë shëndetin e mëlçisë, si dhe të shkaktojë kancer. Të menduarit e tepërt mund të ndikojë gjithashtu cilësinë e gjumit. Stimujt afatgjatë e të menduarit të tepërt janë rrënja e depresionit dhe ankthit. Sipas përvojës klinike, shumë pacientët e prekur nga çrregullimet e gjumit kanë fenomenin e vrasjes së mendjes më shumë se çduhet. Frika është një tjetër arsye që nxit reagim të menjëhershëm dhe faktor predispozues për çrregullimin e gjumit dhe shkak i ankthit. Faktorët psikologjikë përfshijnë shokun emocional, reagimet e shkaktuara nga presionet, depresion, stres mendor, të rrahura të shpeshta të zemrës, frymëmarrje e përshpejtuar etj. Personat që sapo janë ndarë nga personi i zemrës ose përjetuan zhgënjim në dashuri, s'mund të flenë mirë. Nxënësit që patën rezultate të mira në provim, mund të kenë vështirësi të madhe për të fjetur. Personat që humbën punën ose përballojnë vështirësi në punë do të kenë shqetësime dhe stres. Nëse humbin shumë para do të kenë paqëndrueshmëri emocionale. Konfliktet dhe zhgënimet në martesë mund të shtojnë stresin tonë dhe të shkaktojnë ankth dhe pagjumësi. Largimi nga vendlindja dhe malli për të afërmit e familjarët mund të shkaktojnë probleme me gjumin. Sipas përvojës klinike ndaj pacientëve me këto probleme, dyshimet dhe frika e tyre ndaj sëmundjeve mund të sjellin gjumë jo cilësor. Shumica e pacientëve me tumor kanë çrregullime me gjumin. Pacientët me sëmundjet kronike shpresojnë riaftësimin e shpejtë dhe kanë më shumë ankth, edhe ata nuk mund të flenë mirë. Në procesin e trajtimeve mjekësore, disa pacientët frikësohen nga efektet anësore të metodave mjekësore apo ilaceve dhe nuk janë rehat në shtretërit e spitalit. Pacientët që shqetësohen për çështjet familjare, të punës, të ardhmen profesionale, mësimet dhe të ardhurat përjetojnë shumë ankth. Personat që kishin shëndet të mirë në të kaluarën dhe një ditë zbulojnë se vuajnë nga sëmundje serioze, mund të përjetojnë traumë. Kur dëgjojnë lajmet e vdekjes së miqve ose të familjarëve, disa persona do të vuajnë aq shumë sa në fund preken nga sëmundje të ndryshme. Ata do të bëjnë shpeshherë analiza mjekësore për t'u siguruar që nuk vuajnë nga asgjë dhe më pas mund të bëjnë një gjumë të mirë dhe të zhvillojnë veprimtaritë e ditës. Të menduarit e tepërt për ekzistencën e sëmundjeve dhe pranimi i informacioneve të padrejta mjekësore nga interneti apo personat e pa autorizuar mund të ndikojnë tek shëndeti psikologjik. Elementët mjedisore shoqërore si lufta, përhapja e sëmundjeve ngjitëse, aksidentet, zhurmat e qytetit dhe ndotjet e dritës dhe e ajrit mund të ndikojnë gjithashtu cilësinë e gjumit. Në familje, shumë kriza familjare janë faktorët kryesore që shkaktojnë traumë shpirtërore, si vdekja e një prej familjarëve, divorci, vështirësia ekonomike, mbingarkesa e tepërt etj. Sindromat e stresit traumatik mund të shkaktojnë çrregullime të vazhdueshme të gjumit. Në mjedisin e punës, mungesa e interesit për punë, ndryshimi i herëpashershëm i vendeve të punës, marrëdhëniet e tensionuara ndërpersonale, pakënaqësia për mjedisin e punës, gabimet në punë, etj., mund të shkaktojnë tension dhe shqetësim të madh. Simptomat më të hershme të shkaktuara nga këto stimuj janë çrregullimet e gjumit. Përmirësimi i cilësisë së gjumit mund të shërojë sëmundjet e ndryshme psiko-fizike Sëmundjet fizike dhe ato psikologjike lidhen ngusht me kushtet trupore. Në teorinë e Mjekësisë Tradicionale Kineze theksohet lidhja mes kushteve trupore dhe gjumit. Shumë sëmundje fizike e psikologjike mund të lehtësohen përmes trajtimit psikologjik dhe përmirësimit të gjumit. Në librin "Huang Di Nei Jing", shkruhet: "Shumica e njerëzve kanë frikë nga vdekja dhe duan jetëgjatësi. U tregojmë të tjerëve lajme të mira, i këshillojmë të tjerët përmes metodave të përshtatshme, shumica e tyre mund të pranojnë sugjerimet dhe të përmirësojnë shëndetin psikologjik." Këto fjalë theksojnë rëndësinë e sugjerimeve psikologjike. Disa sëmundje psikosomatike mund të lehtësohen me përmirësimin e gjumit. Për shembull: hipnoza është një metodë e mirë për lehtësimin e shumë sëmundjeve psikosomatike. Ulçera e stomakut është sëmundja e parë që kurohet me hipnozë. Përveç kësaj, mjekët zbulojnë se pacientët me hipertension mund të kenë nivel më të qëndrueshëm të tensionit të gjakut, pas një gjumi të mirë. Alergjitë e ndryshme mund të lehtësohen gjithshtu duke përmirësuar cilësinë e gjumit. Dhimbjet e kokës, ankthi para një operacioni dhe problemet e ndryshme psikologjike mund të lehtësohen përmes hipnozës, duke pakësuar përdorimin e ilaçeve qëtësuese. (Xu Guang)

Psoriaza është një sëmundje e lëkurës e cila karakterizohet nga njolla të kuqe, bardha ose të argjendta në lëkurë. Lajmi i mirë është se shumë barna mund ta kontrollojnë psoriazën, dhe ndryshimet në mënyrën e të jetuarit – si dalja në diell për periudha të shkurtra dhe lënia e duhanit – mund të ndihmojnë. Çfarë është psoriaza? Psoriaza është një sëmundje kronike e lëkurës që shfaqet me njolla të trasha të lëkurës me ngjyrë të kuqe, të bardhë ose të argjendtë. Te lëkura normale, qelizat e lëkurës zhvillohen gradualisht dhe ndërrohen mesatarisht çdo katër javë. Qelizat e reja të lëkurës zhvillohen në brendi duke zëvendësuar ato të shtesave të jashtme, të cilat bien. Por te psoriaza, qelizat e reja të lëkurës dalin më shpejt në sipërfaqe të lëkurës, gjë që ndodh brenda disa ditëve, në vend të disa javëve. Ato grumbullohen njëra mbi tjetrën dhe formojnë njolla të quajtura pllakëza. Madhësia e këtyre pllakëzave në lëkurë mund të ndryshojë nga të vogla deri te të mëdha. Këto njolla zakonisht shfaqen tek gjunjtë, bërrylat, në lëkurën e kokës, duar, këmbë, ose në pjesën e poshtme të shpinës. Por, ajo mund të prekë çdo pjesë të trupit. Ky problem i lëkurës haset më shpesh tek të rriturit. Ajo mund t'i bëjë njerëzit të tërhequr, megjithatë shumë mënyra që mund ta mbajnë psoriazën nën kontroll. Shkaktarët e psoriazës nuk dihen por specialistët besojnë se në këtë është i përfshirë sistemi imunitar. Sëmundja po ashtu ka prirje për t'u trashëguar. Njollat e vogla të psoriazës shpesh mund të mjekohen duke përdorur rregullisht kremra që nuk përmbajnë steroide. Locionet, xheli dhe shampot nuk janë të efektshme edhe pse ato mund ta shtojnë ndjeshmërinë në diell. Ekspozimi i kufizuar ndaj diellit po ashtu mund të ndihmojë; lëkura e paprekur duhet të mbrohet me kremra kundër diellit. Nëse psoriaza prek lëkurën e kokës, shampot kundër zbokthit mund të ndihmojnë. Te rastet më të ashpra të psoriazës, ajo mund të mjekohen me preparate më të fuqishme të përshkuara nga mjeku. Edhe stresi mund të kontribuojë në përkeqësimin e psoriazës. Prandaj reduktimi i stresit ndihmon në disa raste. Trajtimi Trajtimi i psoriazës varet nga tipi, lokalizimi dhe shtrirja e sëmundjes. Të gjithë personat duhet të instruktohen për sa i përket shmangies së tharjes së tepërt ose irritimit të lëkurës së tyre dhe për të ruajtur hidrimin e përshtatshëm të lëkurës. Pjesa më e madhe e personave me psoriazë të lokalizuar, të tipit me pllaka, mund të trajtohet me glukokortikoide topikale me fuqi mesatare. Për trajtimin e psoriazës së kufizuar janë gjithashtu të efektshme një analog topikal i vitaminës D dhe retinoidi. Rrezet ultravjollcë, natyrale ose artificiale, janë një terapi e efektshme për shumë persona me psoriazë të përhapur. Agjentë të ndryshëm sistemikë mund të përdoren për sëmundjen e rëndë e të përhapur të psoriazës. Si ta trajtojmë psoriazën në kushtet e shtëpisë A ndihmojnë kripërat e Detit të Vdekur për ta lehtësuar psoriazën? Po bimët kineze? Homeopatia Qëllimi i kësaj mjekësie alternative është ta ndihmojë trupin në mekanizmat mbrojtës për të parandaluar apo trajtuar sëmundjet. Ata të cilët praktikojnë homeopatinë besojnë se marrja e substancave në doza të vogla, si sulfur ose nikel, mund të ndihmojë në trajtimin e psoriazës. Dieta Ushqimi ju ndihmon të kontrolloni inflamacionin dhe rrënjët e problemeve të lëkurës. Armiqtë e inflamacionit në pjatën tuaj janë Pesku si salmon dhe sardelet Drithërat integrale Vaji i ullirit Frutat dhe Perimet Reduktoni ushqimet që ju shtojnë inflamacionin, si mishi i kuq, ushqimet e fërguara, ushqimet e përpunuara dhe disa lloje karbohidratesh Terapia trup-Mendje Për të pakësuar stresin që përkeqësonpsoriazën, disa njerëz meditojnë. Yoga, gjithashtu, mund të jetë shumë e mire për menaxhimin e stresit. Terapi të tjera Bima kineze indigo naturalis është një kurë efektive alternative në trajtimin e psoriazës, sipas një studimi publikuar në "Archives of Dermatology". Bima e fuqishme, nga Strobilanthes formosanus Moore, mund të përzgjedhet me vaj esencial dhe të aplikohet në lëkurë, por këtë është mire që ta përgatisë mjeku. Kur shtohet në vaskë, kripa e Detit të Vdekur mud të ndihmojë në largimin e shtresës së sipërme dhe të pushojë të krruarat. Një mënyrë e lehtë për këtë është kripa Epsom, që ndihmon lëkurën në të njejtën mënyrë si dhe kripërat e Detit të Vdekur. Kur aplikohet drejtpërdrejt në lëkurë, aloe vera mund të ndihmojë në reduktimin e psoriazës. Njerëzit që vuajnë nga ky problem kanë parë përmirësim kur aplikojnë në lëkurë vajin e pemës së çajit apo uthull molle.

Nga datat 12 deri më 14 tetor, në qytetin Bad Pyrmont të Gjermanisë, u organizua Forumi i 10-të Europian mbi Mjekësinë Tradicionale Kineze, që quhet ndryshe Seminari i Arsimit të Akupunkturës Ndërkombëtare i Federatës së Shoqatave Botërore të Akupunkturës. Në këtë forum ishin të pranishëm rreth 50 përfaqësues të fushës së mjekësisë nga Gjermania, Kina, ShBA-ja, Austria, Australia etj., të cilët diskutuan mbi përhapjen e aplikimit klinik të Mjekësisë Tradicionale Kineze në vendet e tjera. Ish-kryetarja e Shoqatës Gjermane të Akupunkturës dhe drejtorja e Qendrës së Përgatitjes së Akupunkturës së Mjekësisë Kineze të Rostock-ut, Regina Schwanitz tregoi se shumë organe kërkim-zhvillimi dhe universitete gjermane zhvilluan një studim për vëzhgimet klinike, duke arritur zbulime të rëndësishme në fushën studimore të akupunkturës. Sipas rezultateve të studimeve të bazuara në fakte, shumë njerëz që nuk kishin besim tek akupunktura në të kaluarën, nisën pranimin e efikasitetit mjekësor të kësaj praktike. Rezultati i këtij studimi u përdor si një bazë e rëndësishme për pagesat e kompanive të sigurimeve ndaj pacientëve gjermanë që pranuan shërbime mjekësore të akupunkturës për dhimbjet kronike të mesit dhe gjurit. "Në Gjermani, kemi bërë studimin e vëzhgimeve të mjekësisë klinike mbi efikasitetin e akupunkturës, e cila është e përhapur shumë në botë. Rezultati i këtij studimi na tregoi se për problemet me gjymtyrët, akupunktura funksionon më mirë se ilaçet qetësuese dhe fizioterapia e mjekësisë perëndimore. Ky është një zbulim shumë i rëndësishëm. Akupunktura është pranuar nga shumë si metodë mjekësore efikase." Akademia Europiane Penzel është një akademi për trajnimin e terapisë së meridianëve të mjekësisë kineze, e themeluar nga Willy Penzel. Pothuajse në më shumë se 3 dekada, kjo akademi ka vendosur degë të saj në 25 vende përfshi Austrinë, Suedinë, Italinë etj., dhe deri tani numërohen mbi 65 mijë nxënës. Kryetari i akademisë Willy Penzel u shpreh se në procesin e mësimdhënies për metodat e mjekësisë kineze, heqja e paragjykimeve është një parakusht i trajnimit. "Gjatë mësimit të teorisë së mjekësisë tradicionale kineze, duhet të eliminojmë më parë paragjykimet dhe të mos japim konkluzione para se ta njohim atë. Shumë nxënës nuk kanë asnjë njohuri për mjekësinë tradicionale kineze para trajnimit. Disa nxënës mund të qeshin kur ta dëgjojnë këtë fjali, por kur ata të shohin efikasitetin e vërtetë do të tregohen seriozë." Sipas shpjegimit nga Wanghua, ish-rektori i Universitetit të Mjekësisë Tradicionale Kineze të Hubeit dhe nënkryetar i Shoqatës së Akupunkturës të Kinës, deri tani në mbarë vendin janë vendosur 25 institute të Mjekësisë Tradicionale Kineze dhe në dhjetra universitetet komplekse janë themeluar degë të MTK-së. Në Kinë, është formuar një sistem i plotë i përgatitjes së talenteve të MTK-së, që përbëjnë një forcë të rëndësishme për eksportin e Mjekësisë Tradicionale Kineze jashtë vendit: "Në Kinën e sotme, problemi i mungesës së talenteve është pakësuar ndjeshëm. Tani, problemi kryesor është përgatitja e talenteve më cilësorë të mjekësisë kineze. Në Kinë, po punohet kryesisht për formimin e universiteteve të nivelit të parë botëror dhe degëve të mësimit të nivelit të parë. Deri tani, 6 universitete të MTK-së janë vlerësuar si universitetet e nivelit të parë. Para 20 vitesh, delegacioni i mjekësisë tradicionale kineze të provincës Hubei ka bërë vizitë në qytetin Bad Pyrmont. I prezantuam këtij qyteti metodën e akupunkturës së MTK-së, e cila mund t'u vlejë banorëve vendës." Profesorja e Institutit Europian të Mjekësisë Tradicionale Kineze, Liu Jin punon si akupunturiste në Gjermani për mbi 20 vjet. Ajo u shpreh se zhvillimit të Mjekësisë Tradicionale Kineze i nevojitet jo vetëm modernizimi, por edhe lokalizimi: "Lokalizimi është elementi më kyç i zhvillimit të Mjekësisë Tradicionale Kineze. Për shembull, në Gjermani, administrimi i sektorit luan rol shumë të rëndësishëm, që ka ndikim vendimtar. Prandaj, duhet të zhvillojmë mjekësinë tradicionale kineze nëpërmjet organizatat mjekësore, shoqatat e akupunkturës dhe grupet e mjekësisë kineze. Para 10 vitesh, ish-kryetari i Shoqatës Gjermane të Akupunkturës më tregoi se në Gjermani, afro 50 mijë mjekë po përdorin akupunkturë dhe ky nuk është një numër i vogël. Këto suksese nuk mund të arrihen pa përpjekjen e shoqatave kryesore të akupunkturës në Gjermani." (Xu Guang)

Si një pjesë e rëndësishme përbërëse e kulturës tradicionale kineze, Kongfu-ja (quhet edhe si "Wushu") po mirëpritet gjithnjë e më shumë në vende të ndryshme vitet e fundit. Në vitet '70, filmat e Bruce Li-së kanë tërhequr vëmendje të madhe dhe janë pëlqyer shumë nga mosha të ndryshme. Në shekullin e 21-të, pas transmetimit të filmave të njohur me arte marciale si "Crouching Tiger, Hidden Dragon", "Heroi" etj., në kinematë e botës, Kongfu-ja kineze fitoi famë dhe ndikim më të madh. Ditët e fundit, në Berlin të Gjermanisë, u zhvillua Kampionati i Wushu-së. Po si është përhapja e Wushu-së në Gjermani. Më 6 tetor, afro 250 praktikantë të arteve marciale nga 25 ekipe përfaqësuese gjermane u mblodhën në Berlin për Kampionatin Gjerman të Wushu-së të vitit 2018, i cili organizohet nga Federata Gjermane e Wushu-së. Në këtë kampionat u përfshinë 3 programe: shfaqja e arteve marciale tradicionale, Taiji dhe arti luftarak Sanda. Sipas moshave të pjesëmarrësve në këtë kampionatit, u vendosën dy grupe: grupi i adoleshentëve dhe grupi i të rriturve. Kryetari i Federatës së Wushu-së të Gjermanisë, Roland Czerni prezentoi se Kampionati i Wushu-së i Gjermanisë u themelua në vitin 1981. Në fillim, kishte vetëm 15 klube të Wushu-së. Deri tani, mbi 100 grupe mund të marrin pjesë në kampionatet rajonale ose ato kombëtare. "Numri i pjesëmarrësve është më i paktë se ai që kisha parashikuar më parë, por ky numër po rritet gradualisht me një prirje pozitive. Shpresojmë se në kampionatet e ardhme, mund të tërhiqen më shumë sportistë të Wushu-së dhe mund të ketë më shumë programe të artit marcial të Kinës. Në krahasim me programet e tjera sportive, Wushu-ja ka një bukuri të veçantë, sepse ajo jo vetëm shfaq në mënyrë të qëndrueshme bukurinë sportive, por ka dhe përmbajtjet të pasura, si Sanda, shfaqja e arteve marciale dhe përdorimi i mjeteve të ndryshme. Shpresojmë që këto programe mund të shfaqen plotësisht në kampionatet tona të ardhshme." Në garat e ditës, stërvitësit nga provinca të ndryshme të Gjermanisë shfaqën artet marciale në mënyra të ndryshme, duke shkaktuar brohoritje dhe duartrokitje të pandërprera. Lukas Nuack nga klubi i Wushu-së "TSV Spandau 1860" është 16 vjeç dhe ka mbi 8 vjet që e praktikon këtë art. Ai mori pjesë në 20 konkurrime të ndryshme të Wushu-së dhe ka bërë shfaqje marciale në Changquan, shfaqje me topuz dhe shfaqje me shpata. Lukas Nuack i tregoi gazetarit: "Në fillim e mësova Wushu-në për një arsye të thjeshtë. Në klasën e 3-të të shkollës fillore, mësuesi më tha se çrregullimet e hiperaktiviteteve nga mungesa e vëmendjes (ADHD). Sipas provës, Wushu-ja është një stërvitje shumë e përshtatshme për mua. Duke u stërvitur Wushu pas mësimit dhe në fundjavë nisa të qetësohem gradualisht dhe sa vinte më pëlqente gjithnjë e më shumë kjo stërvitje. Tani po përpipem të konkurroj me këtë arte marcial. Në 8 vitet e fundit , anëtarët e ekipit të Wushu-së më janë bërë si anëtarët të familje. Nuk më shkon asnjëherë në mendje të tërhiqem. Dua të punoj më shumë dhe të forcohem më shumë. Mendoj se Wushu është një stërvitje që nuk shteron kurrë. Sa herë që e praktikoj zbuloj defekte në stërvitje. Me përpjekje të vazhdueshme do të punoj për realizimin e ëndrrës sime, që të marrë pjesë në konkurrimin e Wushu-së në përfaqësimin e ekipit kombëtar." Përhapja e Wushu-së në vende të tjera i atribuohet edhe rolit që kanë luajtur kinezët që jetojnë jashtë. Gjyqtarja kryesore e këtij kampionati Wu Min është edhe trajnere kryesor e ekipit kombëtar të Wushu-së të Gjermanisë. Ajo është profesioniste e Wushu-së. Pasi jetoi në Berlin në vitin 1998, ajo nisi karrierin e saj të Wushu-së: dha mësimet e Wushu-së dhe nisi misionin e përhapjes së Wushu-së në Gjermani dhe të standardeve të këtij arti marcial. Në intervistë, Wu Min u shpreh: "Në të kaluarën, në Gjemani, Wushu-ja ishte e panjohur nga shumica e gjermanëve. Por, pas punës së shumë viteve të 'stërvitësve tanë profesionalë', gjithnjë e më shumë miq gjermanë po trajnohen për Wushu dhe provojnë këtë stërvitje. Ky është një kampionat me përmasë të madhe, në procesin e përgatitjes së të cilit, ndihemi qartësisht me prirjet e zhvillimit dhe rritjes së Wushu-së në vendet e tjera. Falënderojmë kinezët në Gjermani dhe qeverinë e Berlinit që na dha mbështetje të madhe, duke nxitur zhvillimin e Wushu-së jashtë Kinës dhe shfaqjen e kulturës tradicionale kombëtare kineze në vendet e tjera." Drejtori i Qendrës së Kulturës Kineze Chen Jianyang mbajti një fjalim në ceremoninë e hapjes të kampionatit: "Në fakt, Wushu-ja kineze ka 20-30 vjet që është pranuar nga bota e jashtme dhe nga statistikat e tanishme në Gjermani rezultati është shumë i mirë. Sipas opinionit tim, është shumë e nevojshme që të forcohet përhapja e stërvitjes së Wushu-së në mbarë Gjermaninë, ku ka shumë sportdashës. Shumë shkolla e federata gjermane kanë stadiumet e veta. Prandaj, shpresojmë që organet e Wushu-së kineze mund të forcojnë përkrahjet për federatat e Wushu-së gjermane, si përgatitja e trajnerëve, shtimi i shkëmbimeve etj. Besoj se në të ardhmen gjithnjë e më shumë gjermanë do të mësojnë Wushu dhe Taiji."(Xu Guang)

Nga prodhimi i qelizave të kuqe të gjakut deri tek konvertimi i ushqimit në energji për të forcuar humorin dhe imunitetin, përfitimet potenciale të vitaminës B6 dhe efektet që ka kjo vitaminë ndaj shëndetit janë të paimagjinueshme. Ajo bashkëpunon me një sërë vitaminash dhe mineralesh të tjerë në trup dhe ndikon pothuajse tek çdo aspekt i shëndetit dhe mbështet funksionin e mëlçisë, qelizave të gjakut, lëkurës syve, sistemit nervor, etj. Çfarë është vitamina B6 dhe cili është roli i saj në organizëm. Vitamina B6, e njohur gjithashtu si pyridoxine, është një nga vitaminat e familjes B kompleks. Të gjitha vitaminat B, përfshi vitaminën B6, luajnë një rol të rëndësishëm në funksionet fizike dhe psikologjike. Sidoqoftë, ato janë më të famshme për ndihmën që japin në mbrojtjen e metabolizmit, mbështesin funksionet e nervave dhe të mëlçisë dhe mbajnë të shëndetshëm sytë dhe lëkurën. Vitamina B6 prodhon hemoglobinë që transporton oksigjen në qelizat e kuqe të gjakut në të gjithë trupin dhe ofron energji nga ushqimi që hamë, ekuilibron nivelet e sheqerit në gjak, vepron si një qetësues natyror, rrit humorin dhe forcon sistemin humanitar. Megjithatë, përfitimet e vitaminës B6 nuk mbarojnë këtu. Në fakt, studimet kanë treguar se vitamina B6 mund të ndihmojë në mbajtjen e enëve të shëndetshme të gjakut, zvogëlon simptomat e artritit reumatoid, parandalon gurët në veshka etj. Përfitimet e vitaminës B6 1. Mban të shëndetshme enët e gjakut Vitamina B6 nevojitet për të rregulluar nivelet e një kompleksi të quajtur homocistein brenda gjakut. Homocisteina është një lloj aminoacidi i fituar nga burimet proteinike, veçanërisht nga mishi. Nivelet e larta të homocisteinës në gjak lidhen me inflamacion dhe zhvillimin e sëmundjeve të zemrës dhe çështjeve të enëve të gjakut, të cilat mund të çojnë në atak në zemër Pa vitaminë B6 të mjaftueshme, homocisteina vendoset në trup dhe dëmton enët e gjakut. 2. Mbështet funksionin e trurit Vitamina B6 është konsideruar shpesh si vitamina e trurit sepse ndihmon në nxitjen e funksionit të duhur dhe zhvillimit të trurit dhe sistemit nervor. Studimet kanë treguar se mungesa e vitaminës B6 mund të ndikojë kujtesën të kontrobuojë në problem me sjelljen, shfaqjen e Alzheimer-it dhe dementias me moshimin. Një nga mënyrat se si vitamina B6 ndikon funksionin e trurit është duke kontrolluar nivelet e homocistinës, që janë vetëm një fakt risku për sëmundje zemre, por mund të dëmtojnë gjthashtu edhe neuronet e sistemit nervor qëndror. Vitamin B6 luan gjithashtu një rol të rëndësishëm në prodhimin e hormoneve si serotoninë dhe norepinephrinë, të cilat ndihmojnë në kontrollin e humorit, energjisë dhe përqendrimit. Kërkuesit besojnë se disa çrregullime të sjelljes tek fëmijët shkaktohen nga nivelet e ulëta të serotoninës. 3. Mund të përmirësojë humorin Të ngjashëm me vitaminën B6, disa ilaçe antidepresive shërbejnë për të rritur nivelet e serotoninës. Kërkuesit kanë zbuluar se vitamina B6 ka një ndikim domethënës në prodhimin si të serotoninës ashtu edhe të neurotransmetuesve GABA në tru. Këta janë përbërës të rëndësishëm që kontrollojnë humorin dhe nevojiten për të parandaluar depresionin, dhimbjen, lodhjen dhe ankthin. 4. Ndihmon në trajtimin e anemisë Vitamina B6 nevojitet për krijimin e hemoglobinës në gjak, që transportohet nga qelizat e kuqe të gjakut nëpër të gjithë trupin për të ndihmuar në transferimin e oksigjenit në qeliza dhe për të mobilizuar hekurin. Anemia mund të shfaqet kur dikush nuk prodhon qeliza të kuqe gjaku sa duhet, duke rezultuar në simptoma të anemisë si lodhje, dobësi, dhimbje etj. 5. Mbron shëndetin e syve Në shumë raste, një dietë e varfër me mungesë ushqyesish çon në probleme me sytë. Studimet kanë treguar se marrja e vitaminës B6 së bashku me vitaminat e tjera, përfshi folatet, mund të ndihmojë në parandalimin e çrregullimeve me sytë apo humbjen e shikimit. Në veçanti, vitamina B6 besohet se mbron kundër sëmundjeve të syrit që kanë lidhje me moshimin si degjenerimi macular, që është një nga shkaktarët kryesorë të humbjes së shikimit në mbarë botën. 6. Redukton simptomat e artritit reumatoid Nivelet e ulëta të vitaminës B6 lidhen me simptomat në rritje të artritit reumatoid, përfshi dhimbjet. Sipas studimeve njerëzit që vuajnë nga artriti kanë mungesë të vitaminës B6 e cila i shërben artritit pasi lagron inflamacionin dhe redukton simptomat e zakonshme 7. Mund të ulë nivelin e tensionit të lartë të gjakut Sipas studimeve tek kafshët vitamina B6 mund të ndihmojë në uljen e tensionit të gjakut dhe ndihmon në përmirësimin shëndetit të zemrës. 8. Rregullon ciklin e gjumit Vitamina B6 ndihmon në trupin të prodhojë melatoninë, që është një hormone i rëndësishëm që na ndihmon të flemë. Melatonina është përgjegjëse për rregullimin e orës së brendshme, duke ndihmuar trupin të njohë se kur duhet të zgjohet dhe kur duhet të flejë gjatë natës. 9. Parandalon gurët në veshka Ka prova që tregojnë se marrja e vitamiës B6 së bashku me minerale të tjera, përfshi magnezin mund të parandalojë ose trajtojë gurët në veshka. Mungesa e vitaminës B6 Mungesa e vitaminës B6 shkakton -Ndryshime në humor, si ankth dhe depresion -Konfuzion -Dhimbje muskujsh -Rënie energjie dhe lodhje -Përkeqësim të simptomave të anemisë Për shkak se vitamina B6 është shumë e rëndësishme për funksionin e nervave, mungesa e saj lidhet ndonjëherë me migrenën, dhimbjet kronike dhe depresionin. Personat që kanë mungesë vitamine B6 janë ata me problem veshkash, sëmundje autoimune ose varësi ndaj alkoolit. Ku ta gjejmë vitaminën B6 Mish gjeli, mish viçi, fistikët, toni, 1 avokado: 0.4 miligramë (30 për qind të kërkesës ditore), gjoks pule, fara luledielli, fara susami. Sa vitamin B6 na nevojitet Vitamina B6 është një vitamin e tretshme në ujë dhe një sasi e lartë e saj del me urinën dhe nuk qëndron në trup. Prandaj është tepër e rëndësishme të hani ato ushqime që përmbajnë nivel të lartë vitaminash B ose merrni shtesa ushqimore. Të rritur mbi moshën 19-vjeçare duhet të marrin të paktën 1.3 miligram vitamin B6 në ditë pork jo sasi rritet tek të moshuarit dhe tek gratë shtatzëna ose që ushqejnë fëmijën me gji.

A e keni pyetur ndonjëherë veten se çfarë e bën një "superushqim"? Apo se çfarë kanë të përbashkët superushqimet apo superpijet si vera e kuqe, çaji jeshil, lakra kaçurrele dhe boronica? Përgjigja është kuercetina, një përbërës natyror që na jep atë që kërkojmë të gjithë: jetëgjatësi, shëndetin e zemrës, fuqi, sistem të fortë imunitar etj. Studimet tregojnë se kuercetina ka veçori anti-kancer dhe nëse bashkohet me bromelainën, një enzimë anti-inflamatore bën çudira. Çfarë është Kuercetina? Kuercetina është një lloj flavonoidi që gjendet tek ushqimet bimore, përfshi perimet e gjelbra, domatet dhe brokolin. Konsideruar si një nga antioksidantët më të fuqishëm në dietën e njeriut, kuercetina luan një rol të rëndësishëm në luftën kundër radikaleve të lira, efektit të plakjes dhe inflamacionit. Si funksionon kuercetina dhe çfarë sasie na nevojitet? Studimet kanë treguar se ushqimet anti-inflamatore që përmbajnë kuercetinë mund të ndihmojnë kundër një sërë problemesh shëndetësore përfshi sëmundjet kardiovaskulare dhe të enëve të gjakut, alergjitë, infeksionet, lodhjen e vazhdueshme, artritin etj. Po sa na vlejnë flavonoidet? E thënë thjesht, ushqimet me nivel të lartë antioksidantësh vrasin radikalet e lira apo shkaktarët e shumë sëmundjeve. Kuercetina si një flavonoid i fuqishëm në dietën tonë vonon procesin e plakjes duke lehtësuar efektet negative të stresit oksidativ në organizëm, i cili ndodh tek të gjithë, por që shtohet nga dieta e varfër, niveli i lartë i stresit, gjumi jo i mirë dhe ekspozimi ndaj toksinave. Kuercetina luan rol në rregullimin e përgjigjes së sistemit imunitar ndaj faktorëve të jashtëm përmes enzimave dhe proteinave që shërbejnë për funksionimin e duhur qelizor. Nuk ekziston një dozë e posaçme ditore për kuercetinën, por kjo varet nga problemet me shëndetin. Është vlerësuar se shumica e njerëzve marrin nga 5- 40 miligramë në ditë nga konsumi i ushqimeve. Përfitimet e kuercetinës… 1. Redukton inflamacionin Kuercetina mund të ndihmojë në frenimin e dëmtimit të pjesëve të trupit të shkaktuar nga radikalet e lira, të cilat ndikojnë negativisht në punën e qelizave— përfshi dëmtimin e membranave qelizore, ndryshimin e mënyrës se si punon ADN-ja etj. Studimet e fundit tregojnë se inflamacioni është rrënja e të gjitha sëmundjeve, përfshi sëmundjet e zemrës, kancerin, çrregullimet mendore dhe sëmundjet autoimmune. Kuercetina lufton problemet që shkaktohen nga inflamacioni, përfshi- Arteriosklerozën, kolesterolin e lartë, sëmundjet e zemrës, diabetin, problemet me sytë, kataraktet, alergjitë, astmën, ulçerën e stomakut, infeksionet virale, inflamimin e prostates, problem me ovaret dhe fshikëzën e urines, probleme me lëkurën etj 2. Lufton alergjitë Kuercetina është një anti-inflamator natyral që ndihmon në alergjitë sezonale, ushqimore, astmën, dhe problemet me lëkurën. Histaminat janë substanca që çlirohen kur sistemi imunitar kap një alergji ose ndjesmëri dhe më pas shfaqen simptomat kur trupi reagon ndaj alergjentëve. Kuercetina ndihmon në stabilizimin e çlirimit të histamines nga disa qeliza imunitare, që rezulton në pakësimin e simptomave si kollë, sy me lot, sekrecione nga hundët, ethe në buzë, problem me tretjen etj. Në fakt, është aq efektive sa janë përdorur formulat e lashta bimore të Kinës për të frenuar alergjitë ndaj disa ushqimeve përfshi kikirikët. Studimet kanë treguar se kuercetina, një element natyror lufton disa alergji njësoj si ilaç-et, por pa shkaktuar efekte anësore. 3. Mbështet shëndetin e zemrës Falë aftësisë së saj për të pakësuar inflamacionin dhe stresin oksidativ, kuercetina u vlen njerëzve që vuajnë nga problemet me zemrën dhe venat. Për shembull, konsumi i një sasie të konsiderueshme të frutave dhe perimeve me ngjyrë të thellë që përmbajnë flavonoide lidhet me një rrezik më të ulët të sëmundjeve kardiovaskulare e madje të vdekjeve tek të rriturit. Studimet tek kafshët dhe tek disa njerëz kanë treguar se lloje të ndryshme flavonoidësh (kuercetina, resveratroli dhe katekina) mund të ndihmojnë në reduktimin e rrezikut të arteriosklerozës, një sëmundje e rrezikshme që shkaktohet nga trashja dhe ngurtësimi i mureve të arterieve. Pak nga pak zgavra e arterieve zvogëlohet, kështu që sasia e gjakut që e përshkron atë, pakësohet. Në këto rrethana indet vuajnë për oksigjen dhe lëndë ushqyese. Në se arterioskleroza prek enët që ushqejnë zemrën ose trurin, pasojat janë shumë të rënda dhe mund të të shpien deri në vdekje. Antioksidantët e ndihmojnë trupin kundër rritjes së kolesterolit LDL "të keq" si dhe ndihmojnë në rregullimin e tensionit të gjakut. Disa studime kanë treguar se kuercetina pakëson konsiderueshëm shanset për hipertension. Në fakt, nëse keni dëgjuar që vera e kuqe i bën mirë zemrës kjo vjen për shkak të sasisë së kuercetinës në të. 4. Ndihmon në largimin e dhimbjes Nëse merrni kuercetinë mund të reduktoni dhimbjet e mesit artritin, infeksionet e prostates dhe të traktit të frymëmarrjes. Kjo pasi kuercetina redukton dhimbjen inflamatore. Ka disa pacientë që pasi pinë suplemente kuercetinë dhe që vuanin nga dhimbje apo infeksion të fshikëzës së urinës (ndjenjë e madhe për të urinuar, djegie apo fryrje) patën më pak simptoma. Flavonoidet janë të lidhura gjithashtu në reduktimin e simptomave të prostatitis (apo inflamacionit të prostatës) dhe të artritit reumatoid. Ka dëshmi se kur pacientët me artrit rheumatoid heqin dorë nga "dieta tipike perëndimore" drejt një regjimi ushqimor me nivel të lartë antioksidantësh (si mana, fruta, perime, arra, fara), përjetojnë më pak dhimbje, duke e bërë kuercetinën një trajtim natyror për artritin. 5. Mbron lëkurën Kuercetina ndihmon kundër çrregullimeve si dermatitis. Sipas studimeve vetitë antioksidante dhe anti-inflamatore janë mënyra natyrale për të luftuar sëmundjet alergjike dhe inflamatore. 6. Mbron shëndetin e mëlçisë Ka shumë studime që dëshmojnë se kuercetina i sjell disa përfitime mëlçisë. Për shembull, studimet nga Instituti i Zhvillimit të Mjekësisë Bimore në Akademinë e Shkencave Mjekësore të Pekinit kanë arritur në përfundimin se tek minjët, "kuercetina shfaqi ndikim hepatombrojtës ndaj dëmtimit të mëlçisë nga alkooli, duke shtuar veprimtarinë e enzimës që metabolizon etanolin, duke shtuar veprimtaritë e sistemit antioksidativ kundër stresit oksidativ etj. Burimet më të mira natyrore të kuercetinës. Vera e kuqe, boronica, mollët, qepa e kuqe dhe çaji jeshil janë burimet më të mira të kuercetinës.Gjithashtu, specat, domatet, lakra, brokoli, spinaqi, lakra kaçurrele, lakra kineze bok choy, qitrot, kakao, shpargu, vaji i ullirit, groshët etj., përmbajnë kuercetinë.

Në një konferencë shtypi të kohëve të fundit, Komisioni Shëndetësor Kombëtar i Kinës publikoi një dokument "Informacionet thelbësore të arsimit shëndetësor të të rinjve kinezë dhe interpretimi i tyre (në vitin 2018)". Sipas këtij dokumenti, të rinjtë duhet të të ndjekin një program të shëndetshëm ushqimor dhe të bëjnë stërvitje, duke krijuar një stil të shëndetshëm jetese. Mosha 10-19 vjeçare është periudha kyçe e zhvillimit të funksioneve fizike, psikologjike dhe shoqërore. Për të forcuar njohuritë shëndetësore tek të rinjtë kinezë, Komisioni Shëndetësor Kombëtar i Kinës publikoi këtë dokument. Drejtori i Qendrës së Njohurive Shëndetësore të Kinës, Li Changning prezentoi 9 pikat thelbësore të këtij dokumenti: "Së pari, krijimi i një stili të shëndetshëm jetese. Së dyti, përdorimi i syve në mënyrë racionale. Së treti, elementet kyçe të përmbajtjes së peshës së shëndetshme janë dieta e përshtatshme dhe stërvitjet. Së katërti, tuberkulozi është sëmundja infektive kronike e traktit respirator, duhet të trajtohet në kohë në spital. Së pesti, duhani dëmton e kërcënon seriozisht shëndetin. Së gjashti, forcimi i ndërgjegjësimit të vetë-sigurisë. Së shtati, mësimi i njohurive mbi shëndetin seksual dhe planifikimin familjar. Së teti, droga dëmton seriozisht shëndetin fizik dhe psikologjik. Së nënti, mësimi i metodave shkencore dhe përmbajtja e gjendjes psikologjike pozitive dhe të shëndetshme." Vitet e fundit, rritja e dukshme e përqindjes së fëmijëve dhe të adoleshentëve kinezë obezë ka tërhequr vëmendje të mbarë vendit. Sipas të dhënave, 1/3 e adoleshentëve mbipeshë do të ketë probleme të mbipeshës kur të rriten. Përmirësimi i ambjentit të banimit dhe sistemi i zhvilluar i transportit kanë kufizuar hapësirën e aktiviteteve tek të rinjtë dhe kanë ulur kohën e aktiviteteve në ambjente të jashtme tek fëmijët. Vitet e fundit, në qytetet kineze janë ndërtuar më shumë apartamente me kate të shumta dhe në fshatrat kineze, është shpejtuar procesi i urbanizimit. Prandaj, janë pakësuar shanset e stërvitjes apo aktiviteteve të të rinjve kinezë. Sipas studimit nga profesori i Universitetit të Pekinit, Ji Chengye, në rajonet kineze me ekonomi më të zhvilluar, përqindja e fëmijëve mbipeshë është më e lartë. Sipas teorisë shëndetësore, në procesin e rritjes së adoleshentëve, disa funksione fizike kanë nevojë për stimuj të nevojshëm të jashtëm. Nëse këta stimuj nuk mund të plotësojnë këto nevoja, adoleshentët nuk do të kenë rast të mirë për rritjen e trupit dhe disa funksione fizike nuk mund të zhvillohen si duhet. Prandaj, në kohët moderne, duhet të garantojnë stërvitjet e nevojshme për fëmijët dhe adoleshentët. Në dokument, janë paraqitur sugjerime konkrete mbi dietën e përshtatshme dhe stërvitjet shkencore. Për shembull, të rinjtë duhet të hanë 3 vakte në ditë, me sasi të përcaktuar dhe në orët e përcaktuara; garantimi i stërvitjes së mjaftueshme, reduktimi i qëndrimit ulur për një kohë të gjatë dhe shikimi i ekraneve (televizion, kompjuter, celular etj); çdo ditë, duhet të ketë stërvitje prej mbi 1 orësh me intensitet mesatar. Zv-drejtori i Qendrës Studimore të Stërvitjes Shëndetësore dhe Forcimit të Shëndetit pranë Administratës së Përgjithshme të Sportit të Kinës Zhang Li paraqiti sugjerimet e veta: "Sipas sugjerimeve të mia, në periudhën adoleshente, duhet të zgjedhim mbi 3 stërvitje dhe të këmbëngulim tek to për një kohë të gjatë. Ndër këto 3 stërvitje, duhet të ketë një stërvitje për përmirësimin e funksionit të zemrës, si vrap, biçikletë, not, badminton etj. Përveç kësaj, duhet të ketë një stërvitje si kërcim me litar, basketboll, gjimnastikë, artet marciale etj, pasi ato vlejnë për përmirësimin e shëndetit. Përveç kësaj, mund të zgjedhim një stërvitje që mbulon gjymtyrët e sipërme dhe ato të poshtme. Specialistët na këshillojnë se nuk duhet të merremi vetëm me një lloj stërvitje si futboll apo vrap. Duhet të luani edhe basketboll, pingpong etj. Këto janë për zhvillimet gjithëpërfshirëse." Në konferencën e shtypit po atë ditë u publikuan gjithashtu rezultatet mbikëqyrëse mbi cilësinë e shëndetit të banorëve kinezë: në vitin 2017, ky nivel ishte 14.18%, një rritje prej 2.6 pikë përqindjeje. (Xu Guang)

Tencent "Miying" është produkti i parë i teknologjisë së imazheve mjekësore të inteligjencës artificiale nga kompania "Tencent". Kjo teknologji është në gjendje të zbulojë sëmundjet që në fazat e para falë përdorimit të inteligjencës artificiale. Në vitin 2016, gjatë bashkëpunimit mjekësor me Komisionin e Shëndetit Kombëtar të qytetit Shantou, Kompanisë "Tencent" i lindi ideja e integrimit të inteligjencës artificiale me mjekësinë. Drejtori i lartë i Produkteve Mjekësore të Internetit të Sektorisë së Internetit dhe Bashkëpunimeve Zhou Xuan shpjegoi se: "Komisioni Kombëtar i Shëndetësisë i Qytetit Shantou paraqiti një kërkesë, ku shprehu shpresën se Tencent mund të zhvillojë një kontroll të përgjithshëm për 60 mijë banorët e ishullit Nanao, meqenëse vitet e fundit, shumë banorë të këtij ishulli janë prekur nga kanceri i ezofagut. Ata shpresojnë që ta njohin numrin e banorëve me ndryshimet patologjike nëpër kontrollit të përgjithshëm shëndetësor dhe të ndërmarrin masat e trajtimeve mjekësore sa më parë për pacientët. Sa më herët të zbulohet sëmundja aq më të larta janë shanset e shërimit dhe kostoja e kirurgjisë do të jetë shumë më e ulët, me një vlerë prej afro 20-30 mijë juanësh. Nëse problemet patologjike zbulohen në periudhë të vonëshme, përqindja e shërimit do të jetë e ulët dhe kostoja e kirurgjisë do të jetë tepër e lartë 100-120 mijë juanë. Pasi dëgjuam këtë kërkesë, menduam për bashkimin e teknologjisë së internetit me këtë kontroll shëndetësor." Në kohën e tanishme, metoda kryesore e kontrollit të kancerit është imazheria. Por gjatë kontrollit të përgjithshëm shëndetësor, do të bëhen shumë grafi dhe skanera. Nëse i kontrollojmë këto imazhe mjekësore manualisht do të na duhet shumë kohë dhe shumë punë. Nga ana tjetër, për shkak të çekuilibrit mes burimeve mjekësore dhe kufizimit të kushteve mjekësore, mjekët në krahinat e pazhvilluara të Kinës kanë vështirësi të madhe për kontrollin efektiv të kancerit në fazën e hershme. Për mbi 1 dekadë, gjiganti kinez "Tencent" trajtoi 1.5 miliard imazhe në platformat shoqërore të ndryshme çdo ditë, duke grumbulluar përvojat e teknologjisë së njohjes së imazhit. A mund të përdoret teknologjia e inteligjencës artificiale të njohjes së imazheve në spitalet baze për përmirësimin e teknologjisë mjekësore të mjekëve dhe rritjen e efikasitetit të punës të mjekëve në spitalet e nivelit 3A? Pas komunikimeve, mjekët shprehën interes të madh për këtë ide. Prandaj, Tencenti përzgjodhi testimin e parë mbi kancerin e ezofagut në Spitalin onkologjik të Universitetit të Sun Yat-sen-it. Pas studimeve dhe testimeve prej 8 muajsh, më 3 tetor të vitit 2017, Tencenti publikoi zyrtarisht produktin e imazheve mjekësore të inteligjencës artificiale "Miying". Në të njëjtën kohë, teknologjia e kontrollit të kancerit të ezofagut të hershëm u përdor në spitalet për prova klinike. Tani disa teknologji të kontrollit të kancerit po testohen në mbi 100 spitale të nivelit 3A, duke trajtuar mbi 70 milionë imazhe dhe duke u shërbyer mbi 400 mijë pacientëve. Duke filluar nga fusha e kancerit të ezogafut, "Miying" i Tencentit mbulon më shumë fusha për kontrollin e kancerit, si kanceri i zorrës së trashë, kanceri i mushkërive, kanceri i gjirit, etj. Spitali Shëndetësor i Nënës dhe Fëmijës në Shenzhen është partner bashkëpunimi për kontrollin e kancerit në qafën e mitrës. Kryetari i këtij spitali Yao Jilong e përkrahu këtë test dhe u shpreh: "Çdo përparim teknologjik nuk mund të ndahet nga testet klinike. Jemi spitali Shëndetësor i Nënës dhe Fëmijës i nivelit 3A i njohur në mbarë vendin. Kemi trajtuar shumë pacientë dhe modele bazë të kontrollit të kancerit të zverkut për shumë vjet. Është shumë e rëndësishme që të zbulojmë nëpërmjet metodave teknike dhe platformës aktuale." Integrimi i inteligjencës artificiale me mjekësinë është një gjë shumë e rëndësishme, por s'është një gjë e thjeshtë në praktikë. Për të shtuar njohjet reciproke në fushat profesionale të mjekëve dhe të inxhinierëve, mjekët do t'iu japin inxhinierëve leksionet shëndetësore dhe inxhinerët do t'iu mësojnë mjekëve njohurinë përkatëse mbi të dhënat e mëdha. Zv-drejtorja e Qendrës së Sëmundjeve të Ezofagut të këtij spitali, Li Qing tha: "Në fillim na u duk sikur flisnim gjuhë të ndryshme nga inxhinierët, por në fund arritëm ta kuptojmë njëri-tjetrin. Shpenzova dy muaj për leksionet e inxhinerëve, nga baza fizike tek zona e transformimit të zverkut, çfarë është zverku? Autopsia e zverkut, karakteristikat e ndryshimeve patologjike, karakteristikat e infeksioneve të tij, kanceri i zverkut etj. Këta inxhinierë janë shumë seriozë. Mjekët tanë mësuan shumë njohuri të re mbi algoritmet, mbi inteligjencën artificiale. Pas komunikimit dhe bashkëpunimit për një periudhë, kuptuam më në fund se çfarë imazhesh duhet të ofrojmë për të mësuar inteligjencën artificiale. Në të kaluarën, kemi bërë disa gabime, më vonë zbuluam se duhet t'i tregojmë karakteristikat e sëmundjeve në imazhet, për perfeksionimin e saj. Në fillim, inteligjenca artificiale njeh vetëm një imazh, më pas ajo mund të memorizojë më shumë informacione dhe të ketë aftësinë e mendimit." Mjekët u ofruan AI-së qindra mijëra imazheve për memorizim. Këto të dhëna garantojnë mjaftueshmërinë e informacioneve. AI-ja memorizon në mënyrë të vazhdueshme dhe pas marrjes së informacionit të shumtë, aftësia e njohjes dhe saktësia e saj shtohen me shpejtësi. Mjekja Li Qing ka pritshmëri të lartë për rolin e AI-së në kontrollin e kancerit të zverkut në fazën e hershme. Ajo u shpreh se megjithëse ekziston shumë punë në fazën fillestare të dhënies së informacionit për AI-në, kur ajo të përdoret në praktikë, do të ulet jo vetëm intensiteti i punës së mjekëve në spitalet e nivelit 3A, por gjithashtu do të zgjidhet problemi i pamjaftueshmërisë së burimeve mjekësore në krahinat bazë. Tani me AI, kontrolli i kancerit të ezofagut në fazën e hershme mund të zhvillohet edhe në zonat ku mungojnë mjekët. (Xu Guang)

Një gjeneratë e re antibiotikësh mund të vijë nga molekulat që ndodhen në mënyrë të natyrshme në organizmin e njeriut, si një enzimë që ndihmon në tretje. Në fakt, këto substanca janë në gjendje të vrasin baktere si Salmonela dhe Eskerikja koli si dhe mund të modifikohen për të luftuar superbakteret që janë rezistente ndaj barnave. Ky zbulim është arritur nga një kërkim i publikuar në revistën "ACS Synthetic Biology" dhe i realizuar nga Alberto Di Donato dhe Eugenio Notomista të Universitetit "Federico II" i Napolit si dhe nga Cesar de la Fuente Nunez i Institutit të Teknologjisë në Masaçuset (MIT). "Një seri antibiotikësh tradicionalë tashmë janë të paefektshëm sepse bakteret kanë mësuar të bashkëjetojnë me këto substanca, për pasojë objektivi thelbësor është që të përpiqemi të zhvillojmë një kategori të re molekulash ndaj të cilave bakteret nuk dinë të mbrohen", tha Di Donato. Në kërkimin e armëve të reja kundër baktereve, biologët dhe kimistët po përqëndrohen në disa substanca të prodhuara nga organizmi i njeriut që ndihmojnë sistemin imunitar që të luftojë infeksionet. "Megjithatë këto substanca nuk janë mjaftueshëm të fuqishme për të vepruar të vetme. Pra, ideja është që të individualizohen ato që arrijnë të luftojnë bakteret që më pas të përdoret biologjia sintetike për t'i modifikuar dhe për t'i bërë më të fuqishme", thotë De la Fuente Nunez. Për këtë qëllim studiuesit kanë krijuar një softuer që mundëson analizimin e strukturës së proteinave dhe të shohë nëse kemi grupe kimike në gjendje që të neutralizojmë bakteret. Ky softuer ka identifikuar rreth 800 prej këtyre proteinave dhe është vërejtur se një prej tyre, e pranishme në stomak, është në gjendje që të vrasë të paktën tre lloje bakteresh, si Slamonela, E. koli dhe Pseudomonas aeruginosa, që mund të infektojë mushkëritë. Tani kërkimet do të përqëndrohen në këtë enzimë, që mund të bëhet baza nga ku të prodhohen antibiotikë të rinj. Djepi i pesimizmit ndodhet në tru Djepi i pesimizmit është evidentuar në tru. Kjo është pjesa e quajtur nyja që lidhet me vendimet negative. Studimi, i publikuar në revistën Neuron, të nënshkruar nga grupi në "Massachusetts Institute of Technology" (MIT) drejtuar nga Ken-Ichi Amemori dhe Satoko Amemori, mund të ndihmojë për të kuptuar origjinën e depresionit dhe ankthit tek personat që kanë probleme neuropsikiatrike dhe për të zhvilluar trajtime të reja të mundshme. Studimi është pjesë e një projekti kërkimor në qarqet nervore që kontrollojnë emocionet, veçanërisht ato që lidhen me analizën e kostove dhe avantazheve në zgjedhje. Studiuesit kanë vërejtur tek minjtë e laboratorit , se stimulimi i kësaj pjese të trurit krijon një efekt paralizues, duke tkurrur aftësinë e tyre për të marrë vendime. Një situatë që zgjat edhe një ditë pas stimulimit të kesaj pjese të trurit. "Ne kemi vërejtur që stimulimi i bërthamës caudate i bën kafshët më hezituese duke i shtyrë ato të mbivlerësojnë shpenzimet kundrejt përfitimeve që mund të kenë në veprimet e tyre", theksojnë studiuesit. Hapi tjetër i studimit do të vlerësohet me anë të teknikave të imazherisë, nga rezonanca magnetike, veprimtaria e bërthamës caudate dhe lidhjet me sistemin limbik, djepi i emocioneve, tek personat që vuajnë nga depresioni dhe ankthi. Suksesi është i shkruar në gjene! Premisat për një jetë të suksesshme janë shkruar në një grup të vogël gjenesh, që normalisht të vetme nuk mjaftojnë që të bëheni persona të suksesshëm, por me siguri mundësojnë që të keni një avantazh, pavarësisht kontekstit dhe përkatësisë speciale, sipas një analize të zhvilluar mbi 20 000 persona mes SHBA-së, Britanisë së Madhe dhe Zelandës së Re, të publikuar në revistën e Akademisë Amerikane të Shkencave (PNAS) nga një grup ndërkombëtar i drejtuar nga Universiteti Duke, në SHBA. Ky studim ka mundësuar që të individualizohet një grup gjenesh që ndërhyn në ngjitjen sociale. Pesha e varianteve gjenetike që lidhen me suksesin është përkthyer në një pikaverazh, që është përdorur më pas si parametër për të krahasuar persona të ndryshme duke u bazuar në arritjet e bëra në jetë (për shembull niveli i edukimit, karriera profesionale apo të ardhurat). Rezultatet tregojnë se personat me pikaverazhin më të lartë janë ata me më shumë sukses, pavarësisht statusit social. Subjektet me pikaverazh më të lartë kanë tendencë të kenë rezultate më të mira në raport me prindërti, madje edhe vëllezërit, përtej kontekstit social ku janë rritur. Gjenet e suksesit veprojnë si një motor që aktivizon ngjitjen sociale, ndonëse shtyrja e tyre është shumë e limituar. Në fakt ato ndikojnë deri në masën 4% në lëvizshmërinë sociale. Efekti i aspirinës varet nga pesha e pacientit Efekti i një aspirine në ditë përsa i përket parandalimit të problemeve të caktuara shëndetësore, varet edhe nga pesha trupore e personit që e konsumon, sipas një studimi të publikuar në revistën "Lancet". Rezultatet e këtij studimit, ku përfshiheshin të dhënat e 10 studimeve të përzgjedhura rastësisht, tregojnë se doza e aspirinës dhe kilogramët e pacientit ndikonin dukshëm në efikasitetin e ilaçit. Një dozë ditore e aspirinës mes 75 dhe 100 miligramësh ul me 23% rrezikun nga vështirësitë kardiovaskulare te personat me peshë deri në 70 kilogramë. Por, ky efekt nuk arrihet te personat me peshë mbi 70 kilogramë. Për uljen e rrezikut të vështirësive kardiovaskulare, tek personat që kanë peshën më të lartë se 70 kilogramë nevojitet një dozë ditore mes 325 dhe 500 miligramësh.

Nga 18 deri më 19 shtator, në qytetin jugor të Polonisë Krakow, u organizua seminari i parë i integrimit të Mjekësisë Tradicionale Kineze (MTK) me mjekësinë perëndimore. Në këtë seminar morën pjesë specialistë të MTK-së nga Polonia, Kina dhe ShBA-ja. Specialistët diskutuan aktivisht integrimin e mjekësisë tradicionale kinez me mjekësinë perëndimore, që është konsideruar si drejtimi i zhvillimit të mjekësisë. Përgjegjësi i Qendrës së Mjekësisë Tradicionale Kineze dhe të Mjekësisë Perëndimore Xu Jiajie nga Universiteti i Kalifornisë shpjegoi të dhënat dhe përvojat mjekësore praktike në ShBA, duke e paraqitur modelin e ri të mjekësisë së integruar në bazë të gjendjes shëndetësore të pacientëve, duke i kushtuar vëmendje të lartë parandalimit të sëmundjeve. Sipas opinioneve të tij, integrimi i dy mjekësive mund të garantojë që trajtimet mjekësore të përputhen me rregullat ligjore dhe të jenë të zbatueshme në ekonomi. Prandaj, këto metoda mund të pranohen nga shoqëria, të jenë efektive e të arsyeshme sipas parimeve shkencore. "Në të gjithë botën, mjekësia e integruar është një drejtim shumë i mirë i zhvillimit të mjekësisë. Sistemi mjekësor i bazuar nga gjendja shëndetësore e pacientit dhe mjedisi shoqëror mund të luaj rol të madh në parandalimin dhe trajtimin e sëmundjeve. Ky është një model i sigurt dhe efektiv mjekësor, që mund të jetë në dobi të çdokujt. Mjekësia perëndimore ka efekte të dukshme në shpëtimin e jetës, por ka kosto shumë të lartë dhe nuk ka metoda të mira për trajtimin e sëmundjeve kronike. Kemi studiuar dhe praktikuar mjekësinë e integruar për mbi 20 vjet. Tani, në sistemet mjekësore të mbi 70 universiteteve amerikane, po nxitim përhapjen e mjekësisë së integruar." Mjeku Xu Jiajie analizoi dhe demonstroi hollësisht integrimin e mjekësisë tradicionale kineze me atë perëndimore. Sipas tij, ruajtja e epërsisë së mjekësisë biologjike në zbulimin e sëmundjeve, administrimi i sëmundjeve akute e stabilizimin e treguesve të jetës dhe zhvillimi i teorive të MTK-së si harmonia mes njeriut dhe natyrës, koncepti i ekuilibrit, transferimi i aftësisë së vetëshërimit të trupit etj. Ai propozoi metodat e përgjithshme mjekësore elastike që synojnë zbulimin e sëmundjeve të fshehura nga "rrënja", kontrollin e 3 parimeve kyçe si ekuilibri Yin-Yang, qarkullimi i mirë i energjisë Chi e i gjakut dhe mjaftueshmëria e Jing-ut, Chi-së dhe Shen-it. Ai sugjeroi konceptet e tërësisë së MTK-së dhe ato për trajtimin e problemeve lokale dhe të përgjithshme. Ai foli gjithashtu edhe për pjesëmarrjen aktive të pacientit në parandalimin dhe nxitjen e shëndetit. Profesorja e asociuar e Institutit të Mjekësisë Bazë Klinike të MTK-së pranë Akademisë së Shkencave të MTK-së shpjegoi rolin efektiv të mjekësisë kineze dhe historinë e saj të lashtë. Ajo foli për interesimin në rritje të qytetarëve polakë për të marrë pjesë në këtë seminar të MTK-së. Përveç kësaj, ajo tha se mjekësia popullore polake ka ngjashmëri me mjekësinë kineze. Për shembull, qelibari është një produkt i veçantë i Polonisë. Sipas teorisë së mjekësisë tradicinale kineze, qelibari qetëson nervat, ruan shëndetin e zemrës dhe lehtëson presionin. Polakët e kanë zakon konsumin e pijeve alkoolike të konservuar me qelibar. "Pas bisedimeve me mjekët polakë mësova se në Poloni ka një zakon të konsumit të qelibarit si psh: vendosja e qelibarit në fund të shishes së pijeve alkoolike. Çdo ditë, polakët konsumojnë pak pije alkoolike të përzier me lëndë qelibari, për qetësimin e nervave dhe lehtësimin e presionit. Në fakt, mjekët nga vendet dhe krahina të ndryshme tregojnë funksione të ngjashme të qelibarit. Kjo vërteton edhe teorinë efektive të Mjekësisë Tradicionale Kineze." Zhao Jing shtoi se sot, komuniteti ndërkombëtar i kushton vëmendje më të madhe MTK-së dhe po e pranon gjithnjë e më shumë mjekësinë kineze. Kina po nxit aktivisht përhapjen e MTK-së. Ky seminar ndihmon jo vetëm në përhapjen e kulturës së MTK-së dhe të asaj tradicionale kineze, por luan gjithashtu rol të rëndësishëm për ngritjen e niveleve mjekësore dhe shkëmbimin reciprok mjekësor mes punonjësve të shëndetësisë. Për skepticizmin ndaj teorive të MTK-së, Zhao Jing tha se është një gjë normale që të ketë opinione të ndryshme në fushat e ndryshme mjekësore. "Në vendet e huaja është propozuar kryesisht mjekësia e integruar. Disa mjekë perëndimorë janë treguar skeptikë për dëshmitë shkencore të Mjekësisë Tradicionale Kineze ose të mjekësive të tjera, por ata e nuk kundërshtuan, thjesht kërkuan më parë dëshmi shkencore për të përkrahur opinionet e tyre ose për të vërtetuar pamjaftueshmërinë e opinioneve të tjera. Këto qëndrime mund të nxitin më shumë persona që të marrin pjesë në studime mbi MTK-në. Më shumë persona do të studiojnë më parë efektet e saj dhe do të thonë më vonë mendimin e tyre." Sipas Zhao Jing-ut, mjekësia tradicionale kineze ka sistem të rreptë studimor dhe të qarkullimit. Disa amatorë të mjekësisë kineze shkaktuan dyshime tek të tjerë për këtë mjekësi. Monika Rybecka ka përfunduar doktoraturën në mjekësi në Institutin e Mjekësisë të Universitetit të Jagiellon-it. Ajo ka qenë në Kinë për të studiuar mbi MTK-në. Në seminar, ajo prezantoi zhvillimet e mjekësisë së integruar në botë. Ajo është e mendimit se integrimi i MTK-së me mjekësinë perëndimore është një fushë me potencial të madh në Poloni. "Mendoj se ka një potencial të madhe në Poloni për integrimin e mjekësisë tradicionale kineze me mjekësinë perëndimore. Në Poloni, ekzistojnë shumë probleme mjekësore, veçanërisht në sëmundjet kronike dhe ato me dhimbje tek të moshuarit. Na mungonin metodat efektive për përmirësimin e cilësisë së jetës së të moshuarve. Mendoj se mjekësia tradicionale kineze mund të hyjë në sistemin mjekësor polak për të zgjidhur këto probleme." Ky seminar u organizua në bashkëpunim me Institutin e Mjekësisë të Universitetit të Jagiellon-it dhe Institutin e Konfucit në Krakow të Polonisë. Tema e këtij seminari është diskutimi i mundësive të ruajtjes së efekteve sinergjike të MTK-së dhe mjekësisë perëndimore. Përveç specialistëve pjesëmarrës, ishin të pranishëm rreth 100 fansa të mjekësisë kineze dhe punonjës të shëndetësisë të cilët morën pjesë edhe në aktivitetet si Taiji, akupunkturë etj.(Xu Guang)

Hepatiti i referohet një inflamacioni të mëlçisë. Zakonisht shkaktohet nga një infeksion viral, por mund të ketë dhe shkaktarë të tjerë të hepatitit, si hepatiti autoimun ose hepatiti që ndodh si rezultat i mjekimeve, toksinave dhe alkoolit. Rreth 90% e të infektuarve me hepatit nuk janë në dijeni të infeksionit të tyre. Mëlçia si organ ndodhet në pjesën e sipërme djathtas të abdomenit tuaj. Ajo kryen disa funksione kyçe që kanë të bëjnë me metabolizmin e trupit të njeriut. Disa prej tyre janë: -filtrimi i toksinave -asimilimin e kolesterolit, hormoneve dhe barnave -shpërbërjen e karbohidrateve, yndyrave dhe proteinave -aktivizimin e disa enzimave që janë proteina esenciale për funksionet e trupit -depozitimin e glikogjenit, mineraleve, dhe vitaminave (A, D, E dhe K) sintetizon proteinën e gjakut si albumina etj. 5 llojet e hepatitit viral Infeksionet virale të mëlçisë që klasifikohen si hepatit, përfshijnë hepatitin A, B, C, D dhe E. Virusë të ndryshëm shkaktojnë secilin prej këtyre hepatiteve. Hepatiti A është një formë akute dhe kohë shkurtër e sëmundjes. Ndërkohë B, C dhe D janë forma përgjithësisht kronike. Hepatiti E është gjithashtu akut, por mund të jetë shumë i rrezikshëm në gratë shtatzëna. Nga studimet të kryera në Shqipëri rezulton se hepatiti B ka një prevalencë 7-9 % dhe hepatiti C, një prevalencë 0.5-1%. Hepatiti A Hepatiti A shkaktohet nga një infeksion me virusin e hepatitit A. Ky lloj hepatiti transmetohet më së shpeshti nga konsumimi i ushqimit ose i ujit të kontaminuar nga feçet e një personi të infektuar me hepatitin A. Hepatiti B dhe C Hepatiti B dhe C është një infeksion viral i mëlçisë i shkaktuar nga virusi i hepatitit B, që mund të shkaktojë infeksion akut dhe kronik të saj. Virusi i hepatitit B dhe C transmetohet nëpërmjet kontaktit me gjakun ose lëngje të tjera trupore (p.sh. sperma apo sekrecionet vaginale) të një personi të infektuar. Hepatiti D I quajtur edhe hepatiti delta, hepatiti D është një sëmundje serioze e mëlçisë e shkaktuar nga virusi i hepatitit D (HDV). HDV transmetohet nëpërmjet kontaktit të drejtpërdrejtë me gjakun e infektuar. Hepatiti D është një formë e rrallë e hepatitit, që ndodh vetëm me ndërthurje me hepatitin B. Virusi i hepatitit D nuk mund të shumëfishohet pa praninë e hepatitit B. Hepatiti E Hepatiti E është një sëmundje që vjen nga uji i ndotur. Hepatiti E gjendet kryesisht në zonat me higjienë publike të ulët dhe zakonisht rezulton nga ndotja e ujit të pijshëm nga fekale të infektuara. Kjo sëmundje është e pazakontë në Shqipëri. Megjithatë, rastet e hepatitit E janë raportuar në Lindjen e Mesme, Azi, Amerikë Qendrore dhe Afrikë. Simptoma të zakonshme të hepatitit Nëse keni forma infektive të hepatitit që janë kronike, si hepatiti B dhe C, nuk mund të keni simptoma në fillim. Simptomat mund të mos ndodhin derisa dëmtimi të prekë funksionin e mëlçisë. Shenjat dhe simptomat e hepatitit akut shfaqen shpejt. Ato përfshijnë: -lodhje -simptoma të ngjashme me gripin -urinë e errët -feçe e zbehtë -dhimbje barku -humbja e oreksit -humbje peshe e pashpjegueshme -zverdhja e lëkurës dhe syve, të cilat mund të jenë shenja të verdhëzës Hepatiti kronik zhvillohet ngadalë, kështu që këto shenja dhe simptoma mund të jenë të papërfillshme për t'u vënë re. Periudha e inkubacionit të hepatitit B është mesatarisht 75 ditë, por mund të variojë nga 1 deri 6 muaj. Shumica e njerëzve nuk përjetojnë asnjë shenjë gjatë fazës akute të infeksionit. Në disa njerëz, virusi i hepatitit B mund të shkaktojë infeksion kronik të mëlçisë, që më vonë mund të kalojë në cirrozë dhe kancer të mëlçisë. Në nivel global, më shumë se 240 milionë persona kanë hepatit kronik B dhe rreth 150 milionë hepatit C. Miliona të tjerë janë në risk për t'u infektuar. Mjaft njerëz me infeksion kronik nga virusi i hepatitit B ose C nuk janë në dijeni se janë të infektuar dhe vazhdojnë ta mbajnë këtë virus. Konkretisht, këshillohet që çdo individ duhet të jetë i ndërgjegjshëm në njohjen e simptomave dhe rrezikut të infektimit, marrjen e injeksioneve të sigurta, kryerjen e vaksinës që në moshën përkatëse, testimin e herë pas hershëm për të zbuluar praninë e sëmundjes, si dhe marrjen e mjekimit të duhur në kohë. Testimi Ekzistojnë teste të gjakut për secilin lloj të hepatitit viral. Disa teste kontrollojnë antitrupat ndaj virusit. Antitrupat janë proteina të gjakut që sistemi imunitar prodhon në përgjigje të virusit. Analiza të tjera të gjakut kërkojnë pjesë të virusit, të tilla si proteina ose materiali gjenetik. Disa teste tregojnë se ju keni një infeksion aktiv. Teste të tjera tregojnë se ju keni pasur atë, ose që ju keni fituar imunitet ndaj tij. Çdo person që rezulton pozitiv, megjithëse mund të mos ketë shenja klinike, duhet të ndiqet nga mjeku specialist përkatës, i cili sugjeron kryerjen e testeve të mëtejshme.

Vjeshta është stina e tretë e vitit. Ajo nis më 23 shtator dhe përfundon më 21 dhjetor. Kjo është stina e ndryshimeve, dita bëhet më e shkurtër dhe, edhe pse ajo shpesh është e ngrohtë dhe me diell gjatë ditës, ajo mund të jetë e ftohtë gjatë natës. Në vjeshtë, bien gjethet e pemëve. Përveç kësaj, vjeshta mund të sjellë erëra të forta dhe shumë shi. Shumë njerëz gjatë kësaj faze kanë ndryshime në trupin e tyre, disa mund të ndihen të lodhur, disa mund të kenë rënie të theksuar floku dhe disa të tjerë të lodhur shpirtërisht. Por, pse ndodh kjo? Sipas mjekëve kinezë ky fenomen vjen nga "pafuqishmëria emocionale". Aktivitetet shpirtërore personale lidhen ngushtë me temperaturën dhe ndriçimin e diellit. Gjatë verës, mund të kemi emocione më të forta dhe mund të ndjehemi më impulsivë, për shkak të kohës së gjatë të ndriçimit dhe temperaturës së lartë në verë. Me ardhjen e vjeshtës, veçanërisht pas "Sanataditës së Vjeshtës", gjendja shpirtërore nis të ndryshojë. Gjatë këtij procesi, lodhja shpirtërore dhe përgjumja janë sinjalet e para të uljes së aktiviteteve shpirtërore. "Pafuqishmëria emocionale" është reagimi i zakonshëm fizik dhe psikologjik përballë ndryshimit të stinës. Por, ka mundësi që ky fenomen të ndikojë në jetën dhe punën normale gjatë ditës. Prandaj, në këtë artikull, do të fokusohemi tek metodat praktike për shëndetin psikologjik në vjeshtë. Sipas teorisë së mjekësisë tradicionale kineze, organet e brendshme të trupit lidhen me tipe të ndryshme të ndjenjave që përputhen gjatë 4 stinëve të vitit. "Mushkëria" është organi që përgjigjet për mërzitjen. Në kulturën kineze shiu i vjeshtës përshkruhet me karakteristikën e "pikëllimit". Ulja e papritur e temperaturës mund të frenojë disa funksione fizike të trupit, duke shkaktuar çrregullimet e funksioneve të gjendrave endokrine, depresionin e mëtejshëm dhe vështirësi në përqendrim. Përveç kësaj, mund të keni rrahje të shpeshta të zemrës, ëndrra të shumta, pagjumësi dhe fenomenet e tjera të depresionit nën temperaturën e ulët. Rregullimi psikologjik është mënyra më efektive për parandalimin e uljes së humorit në vjeshtë. Kur lotoni, emocionet e brëndshme të ndryshura mund të dalin nëpërmjet funksioneve të frymëmarrjes së mushkërisë, e cila ruan rolin e "pastrimit" të shpirtit. Por, shfrytëzimi i tepërt i metodave kundër mërzitjes mund të harxhojë shumë energjinë "Chi" të mushkërisë. Prandaj, në librat e vjetra mjekësore të Kinës janë shënuar disa metoda për shëndetin fizik dhe psikologjik. 1. Fjetja e herët në mbrëmje dhe ngritja herët në mëngjes Në vjeshtë, duhet të rregulloni orarin e fjetjes dhe të ngriheni në përputhje me ndryshimin e kohës. Sipas teorisë kineze organizmi ynë lidhet ngusht me mjedisin e jashtëm. Fjetja herët mund të rezervojë energjinë "Chi" dhe "Yin" në veshkë dhe ngritja herët mund të nxisë lulëzimin e energjisë "Chi" dhe "Yang" në mushkëri. 2. Ruajtja e qëndrueshmërisë shpirtërore Ruajtja e qetësisë së brendshme dhe reduktimi i luhatjeve të humorit mund të lehtësojë ndikimet negative të ndjenjës së mërzitjes që lind në vjeshtë. Vjeshta është e ndryshme nga stina e verës, kur shprehem më lirshëm mendimet tona dhe interesohemi për gjërat e jashtme. Në vjeshtë duhet t'i kushtojmë vëmendje të madhe botës sonë të brendshme tonë dhe të kemi vetpërmbajtje ndaj botës së jashtme. Në fakt, stërvitjet me frymëmarrjen dhe meditimi janë metoda shumë të përshtatshme për të pakësuar luhatjen e humorit. 3. Stërvitjet e ngadalëshme Në vjeshtë, është e përshtatshme që të zhvillohen stërvitjet e lehta jashtë dhomës, të cilat mund të sjellin përmirësimin e gjendjes shpirtërore. sportet e përshtatshme përfshijnë vrapin e lehtë, shëtitjet, notin, stërvitjet"Taiji" ose ushtrime joge. Këto stërvitje mund të shmangin gjendjen e zymtë dhe mërzitjen e brendshme. 4. Shëtitja në natyrë Zhvillimi i turizimit në mjedise me gjelbërim është shumë i efektshëm për eleminimin e lodhjes emocionale dhe të mërzitjes. Vendet me gjelbërim na qetësojnë shpirtërisht, pasi ato kanë një forcë magjike për pastrimin e emocioneve negative. Kur zhytemi në bukurinë e natyrës, mërzia e lindur e brendshme tek ne largohet si me dorë, në mënyrë të natyrshme. Në fakt, vjeshta është edhe stina e përshtatshme e turizmit, kur gjethet e pemës janë shumëngjyrëshe. Ushqimet e vjeshtës Korrja e frutave të natyrës është shumë e ngjashme me përvetësimin e përvojës së jetës. Vjeshta është stina e korrjes dhe ka shumë fruta. Gjatë kësaj stine mund të përzgjedhim frutat e përshtatshme për ne: 1. Arra Arra është një nga ushqimet që ndihmon për ushqimin e trurit, bukurinë e lëkurës etj, gjithashtu është një frut shumë i mirë për shëndetin në stinën vjeshtë. Në Kinën e lashtë, arra njihej si "fruti i jetëgjatësisë". Ajo ndihmon për shëndetin e veshkave, sjell energji për mushkërinë dhe parandalon astmën si dhe vonon procesin e plakjes. Sipas nutristëve arrat përmbajnë acide yndyrore omega-3, proteina, karbohidrate, riboflavinë, karotene, vitaminën E, kalcium, hekur, fosfor etj. Vajrat yndyrore të arrës luajnë funksion të rëndësishëm për uljen e kolesterolit në gjak, për të parandaluar arteriosklerozën dhe sëmundjet kardiovaskulare e cerebrovaskulare. Kujdes: Sasia e përditshme e konsumit të arrave duhet të jetë rreth 40 gram, pra 4-5 arra. Në të njëjtën kohë, duhet të reduktoni konsumin e vajrave të tjera yndyrore, për të shmangur thithjen e nxehtësisë së tepërt. Gjithashtu, personat që vuajnë nga zjarri i brendshëm dhe mungesë të energjisë "Yin", apo ato që kanë kollë nuk duhet të konsumojnë shumë arra. 2. Gështenjat Gështenja është fruti i vjeshtës. Sipas mjekësisë kineze, ajo ka shije të ëmbël, karakteristika të ngrohta. Gështenja mund të nxisë funksionin e tretjes në stomak dhe punën e shpretkës, të furnizojë energjinë "chi" në veshkë dhe të nxisë qarkullimin e gjakut. Sipas mjekësisë moderne, gështenja përmban proteina, yndyrna, karbohidrate, vitaminë B, etj. Ndoshta nuk e dinit, por gështenja ka më shumë vitaminë C se domatja si dhe 10 herë më shumë se molla. Pse janë të mira gështenjat sipas mjekësisë kineze: 1. Furnizimi i energjisë "Yang" në veshkë: Brinjë derri me gështenja është një gatim i mirë dhe i shëndetshëm për furnizimin me energji "Yang" në veshkë, por edhe për favorizimin e energjisë "chi" dhe nxitjen e qarkullimit të gjakut. 2. Për të parandaluar diarrenë gështenja janë shumë efikase, por ato sjellin dhe përfitime të tjera për organizmin. 3. Kundër plakjes: Gështenjat janë frut i mirë kundër plakjes së parakohshme, gjithashtu çdo mëngjes dhe mbrëmje këshillohet për të moshuarit që kanë probleme me dhimbjet e mesit dhe gjunjve. Duhet të mbani mend se gështenjat kanë niseshte dhe koha e përdorimit të këtij fruti është mes dy vakteve ose të gatuara. 3.Stika pishe Stikat e pishës renditen në mesin e superushqimeve. Ato përmbajnë kryesisht acide yndyrore, proteina, karbohidrate, kalcium, hekur, fosfor. Sipas mjekësisë kineze, konsumimi i shpeshtë i tyre forcon shëndetin. Në mjekësinë kineze stikat e pishës furnizojnë me energji "chi" veshkën dhe nxisin metabolizmin e zorrës. Stikat lehtësojnë kollën, duke mbrojtur shëndetin e mushkërisë. Po ashtu ato janë tepër të shëndetshme për personat që vuajnë nga kapsllëku. Duhet të vini re se ata që vuajnë nga diarreja nuk duhet të konsumojnë tepër stika pishe. Po ashtu edhe ata që vuajnë nga problemet me tëmthin nuk duhet ta konsumojnë shumë këtë frut, pasi ka tepër yndyrna. 3. Dardha Dardha përmban kalcium, fosfor, hekur, glukozë, fruktozë, karotene dhe vitamina të ndyrshme. Sipas mjekësisë kineze, dardha nxit sekretimin e pështymës, eleminon etjen, pushon kollën dhe mbron shëndetin e mushkërive. Konsumi i dardhës ul përqindjen e prekjes nga gripi. Për këtë shumë mjekë e quajnë dardhën si një frut kundër sëmundjeve. Konsumi i dardhës mund të përmirësojë sistemin e frymëmarrjes dhe funksionet e mushkërisë. Dardhët mund t'i konsumoni sipas preferencave tuaja, në kinë atë e gatuajnë së bashku me orizin në formë supe. Duhet të mbani mend se dardha ka karakteristika të ftohtë. Prandaj, personat me stomak dhe shpretkë të ftohtë duhet të pakësojnë konsumin e këtij fruti. Personat me aciditet të lartë në stomak, nuk duhet të konsumojnë tepër shumë dardhë Këshilla të tjera për ftohjen në vjeshtë Gjatë stinës së vjeshtës, moti freskohet. Mjekët kinezë theksojnë se në këtë fazë duhet të tregohemi të kujdesshëm pasi ftohja e ajrit mund të na ndikojë në shëndet. Në Kinë thuhet se "era e vjeshtë pastron gjethet e rëna". Me anë të kësaj thënieje mjekët kinezë përshkruajnë karakteristikat e erës në stinën e vjeshtës. Sipas teorisë së mjekësisë kineze, era renditet si shkaktarja kryesore për shfaqjen e sëmundjeve.

Shumë specialistë sot nga vende të ndryshme të botës thonë se stresi i tepërt shkakton çrregullime në funksionet e zakonshme të trupit, duke prekur imunitetin. Sistemi imunitar është roje e shëndetit Sistemi ynë imunitar përbëhet nga organet imunitare, qelizat imune dhe molekula imune. Ky sistem është pjesa më e rëndësishme e trupit tonë, që ngarkohet me 3 detyra: mbrojtja imunitare, vetëstabilizimi dhe monitorimi. Mbrojtja imunitare është funksioni fizik më i rëndësishëm i sistemit imunitar. Kjo është aftësia e rezistencës kundër infeksioneve. Për shkak të aftësisë së mbrojtjes imunitare, njerëzit mund të lëvizin në këtë botë të mbushur me mikroorganizma, pa u shqetësuar për dëmtimin e qelizave të trupit apo infeksioneve nga bakteriet dhe viruset. Vetëstabilizimi është aftësia e pastrimit të qelizave të vdekura, për të shmangur ndërhyrjen e këtyre qelizave në trupin tonë. Monitorimi është një funksion shumë i rëndësishëm i sistemit imunitar. Kur sistemi imunitar zbulon mutacione genetike, mund të eleminojë këtë gene. Në gjendje normale, sistemi imunitar i trupit mund të luajë rolin e tyre në bashkërendim, për të garantuar qëndrueshmërinë dhe ekuilibrin e mjedisit të brendshëm të trupit. Në këtë mënyrë mund të vazhdojmë të kemi një jetë të shëndetshme. Por në disa situata, sistemi imunitar do të ketë çrregullime, që shkaktojnë dobësimet e mbrojtjes imunitare, të vetëstabilizimit dhe monitorimit. Rregullimet nëpër lidhjes së "sistemit nervor-sistemit endokrin-sistemit imunitar" Sistemi imunitar mund të ndikohet nga elementet e ndryshme si ushqimet, niveli hormonal, stresi etj. Ky sistem ndryshon gjithmonë. Lidhja e "sistemit nervor-sistemit endokrin-sistemit imunitar" është konsideruar si një ndër sistemet më të rëndësishme të rregullimit. Aktivitetet psikologjike dhe ndryshimi i humorit si stresi mendor, ankthi etj., mund të ndikojnë funksionet e sistemit nervor, duke shkaktuar çrregullimet e sekretimit të hormoneve, të cilat mund të dobësojnë aftësinë imunitare të trupit. Humori i keq ndikon negativisht sistemin imunitar Me zhvillimin e mjekësisë moderne, elementët psikologjikë dhe shpirtërorë ndikojnë sistemin imunitar përmes aktiviteteve të sistemit nervor. Prandaj, studimet mbi imunitetin tërhoqën shumë vëmendje. Timusi është organ i specializuar i sistemit imunitar, funksion të cilin e realizon nëpërmjet prodhimit të qelizave T. Çdo qelizë T sulmon një substancë të huaj, të cilën e identifikon nëpërmjet receptorëve specifikë të saj. Secila nga qelizat T sulmojnë antigenë të ndryshëm (substanca të huaja të ndryshme). Roli i timusit është të mbrojë nga kanceri. Në shekullin e 19-të, është zbuluar se në timus ekzistojnë shumë sisteme nervore. Këto nerva luajnë rolin e rregullimit për aktivitetet e qelizave të timusit. Në gjendje normale, nervat adrenergike mund të frenojnë aktivitetin e qelizave të timusit dhe nervat kolinergike mund të ngacmojnë aktivitetet këtyre qelizave. Sipas studimeve përkatëse, pacientët me sëmundjet mendore si depresion, etj mund të kenë anomali neurologjike, që shkaktojnë shpejtimin e ngushtimit të strukturave të timusit dhe çrregullimin e funksioneve nervore të këtij organi. Këta pacientë mund të kenë anomali të sekretimit dhe sasisë së qelizave IL-2 dhe IL-6. Çrregullimet e funksioneve të qelizave imunitare mund të shkaktojnë anomali të reagimeve imunitare. Kjo tregon se depresioni, stresi mendor dhe ankthi afatgjatë mund të shkaktojnë plakjen e përshpejtuar dhe çrregullim të funksioneve imunitare, duke sjellë sëmundje të ndryshme. Nga ana tjetër, disa neuro-transmetuesit mund të marrin pjesë drejtësisht në procesin e reagimeve dhe efekteve imunitare. Për shembull, histamina është një neuro-transmetues që lidhet me gjumin, sekretimin e hormoneve, rregullimin e temperaturës, oreksin, kujtesën dhe aktivitete të tjera të sistemit nervor. Prodhimi i histamines ndikohet nga aktivitetet psikologjike. Për shkak të ndryshimit të papritur të mjedisit të jetës etj, mund të kemi luhatjet të shumta humori, stres të madh mendor, ankth dhe gjendje të tjera abnormale psikologjike, mund të kemi kruarje të shpeshta të lëkurës neuro-pezmatime etj. Këto neuro-pezmatime të lëkurës mund të bëhen më të dukshme gjatë natës, duke ndikuar cilësinë e gjumës. Kontrolli i humorit duhet të zbatohet në praktikë Kur elementet psikologjike dhe mendore ndikojnë funksionet e sistemit imunitar, çrregullimet e sistemit imunitar mund të sjellin ndikim tek sistemi nervor qendror duke shkaktuar ethe, për përziera, lodhjes etj, të cilat do të ndikojnë më tej gjendjet psikologjike dhe mendore. Kjo mund t'u sjellë çrregullimeve në sistemin imunitar. Prandaj, duhet të merren masa aktive dhe ndërhyrje të përshtatshme. Sipas mjekësive të ndryshme kryesore që përfshin mjekësinë tradicionale kineze, stresi i tepërt mendor dhe ai psikologjik mund të shkaktojnë çrregullime dhe pengesa të funksioneve fizike që përshijnë funksionet imunitare. Prandaj, në jetën e përditshme, duhet të kemi qëndrim pozitiv dhe optimist, për të shmangur stresin, ankthin e tepërta dhe gjendje të tjera jo të mira psikologjike. Përballë problemeve, duhet të ruajmë qetësinë mendore dhe të mos shqetësohemi. Në kohën e zakonshme, duhet të shmangim luhatjet e tepërta të humorit. Në të njëjtën kohë, duhet të krijojmë shprehi të mira të jetës. Puna duhet të kombinohet me aktivitetet e pushimit. Duhet të heqim dorë nga duhanpirja, pirja e tepërt e alkoolit, duke krijuar një atmosferë të mirë jete dhe duke mbajtur një gjendje pozitive psikologjike dhe mendore. Kjo do të ulë rrezikun e çrregullimeve të funksioneve të sistemit imunitar të shkaktuar nga gjendja e keqe psikologjike si dhe do të vonojë procesin e parakohshëm të plakjes, duke ndihmuar në jetëgjatësi dhe përmirësuar cilësinë e jetës shëndetësore. (Xu Guang)

Në fillim të vjeshtës, shega është mbretëresha e frutave. Ajo përmban taninë, sheqer, proteina, vitaminë C etj. Shega përmban pothuajse dy herë më shumë vitamin C se molla. Sipas Mjekësisë Kineze ngrënia e shegës në vjeshtë na ndihmon të ruajmë lëkurën nga i ftohti I dimrit. Shega përdoret në forma të ndryshme si lëng, në gatim, në kokteje etj. Shega është një frut që është përdorur që nga koha e Hipokratit. Mjekësia tradicionale përdor lëkurën, gjethet dhe farat e saj për të luftuar diarrenë, dizenterinë kronike dhe plagët. Farat e pabëra përdoren për temperaturën, ndërsa të pjekurat për kollën. Në Romën Antike, ajo ishte e njohur për cilësitë kozmetike të saj. Kleopatra përdorte lëngun e saj në fytyrë, në flokë dhe në thonj. 12 fakte mbi shegën: 1. Shega njihet si simbol i pjellorisë dhe i fatit të mirë 2. Brenda një shege ka rreth 800 kokrra të vogla ngjyrë të kuqe 3. Lëngu i shegës shton prodhimin e rruazave të kuqe të gjakut dhe zvogëlon ngarkesën kardiake. 4. Ideale për fëmijët e vegjël që kanë kollë dhe temperaturë. 5. Lëngu i shegës është ideal për flokët, lëkurën dhe thonjtë falë përbërësve që ka 6. Shega është e mbushur me antioksidantë 7. Parandalon kancerin e mushkrive, të prostatës, të gjirit, gjithashtu diabetin, osteoporozën, etj. 8. Studimet e fundit tregojnë se konsumi i një shege si lëng rrit dëshirën seksuale. 9. Lëngu i shegës shuan etjen, hap oreksin dhe kthjellon mendimet 10. Shega reduktopn rrudhat në fytyrë dhe i jep freski asaj 11. Lëngu i shegës ka 3-4 herë më shumë antioksidantëve se rrushi i zi, çaji jeshil dhe vera e kuqe. 12. Është shumë e pasur me kalium, hekur dhe vitaminat A,C dhe E. Shega është një ndër frutat më të rrallë në tokë për nga vlerat që ka për shëndetin. Ajo është fryti "shërues" i pasur me antioksidantë, gjithmonë vlerësuar si simbol i shëndetit. Shumë studime kanë vërtetuar se shega është një nga frutat më shëruese në botë për shkak të ndikimit të dobishëm në sistemin kardiovaskular, nervor dhe eshtëror. Shkencëtarët konsiderojnë që ajo mund të reduktojë rrezikun nga sëmundjet e zemrës tek obezët me 17 për qind. Përveç dobive për zemrën dhe enët e gjakut, përbërësit e shegës pengojnë rritjen e kancerit të gjirit, prostatës, zorrës së trashë, leukemisë dhe parandalojnë ndryshimet të cilat nxisin rritjen e tumorit. Shega është po ashtu e mbushur me vitaminë C dhe konsiderohet mjekim i shkëlqyeshëm kundër proceseve inflamatore, ndërsa është burim i shkëlqyer i vitaminës B5, kaliumit,etj. Ajo shërben për forcimin e imunitetit dhe parandalimin e çrregullimeve shëndetësore. Sipas specialistëve nëse konsumojmë një gotë lëng shege në ditë do të jetojmë gjatë dhe të rinj falë antioksidantëve me shumicë tek shega. Shega i kthen elasticitetin lëkurës, duke luftuar njëkohësisht kundër ekzemave, psoriazës dhe lëkurës të djegur nga dielli. Acidet yndyrore që përmban reduktojnë ënjtjet dhe dhimbjet e muskujve. Shega është e pasur me fitoestrogjene, të cilat lehtësojnë simptomat e menopauzës dhe paramenopauzës si djersitja gjatë natës dhe mungesa e libidos. Përveç të gjitha këtyre që u theksuan, lëngu i shegës përmirëson edhe funksionin erektil dhe rrit cilësinë e spermës. Studimet shkencore të ditëve të sotme po hedhin dritë mbi të vërtetat; përse kjo bimë është bërë kaq e dashur deri mitike nga të gjithë popujt e botës!? Që në lashtësi, rreth 3000 vjet më parë, njerëzimi i ka pikasur cilësitë e veçanta të kësaj bime në drejtim të luftimit të sëmundjeve dhe përmirësimit të shëndetit njeriut. Studime shkencore rreth përfitimeve mjekësore nga shega kanë qenë të pakta. Deri tani, shkencëtarët e mjekësisë moderne janë befasuar nga të dhënat e para që kanë zbuluar në drejtim të dobive shëndetësore për njeriun, dhe e kanë cilësuar si një bimë "çudibërëse". Në kokrrat e shegës është zbuluar një lëndë që quhet punicalagins, një antioksidant që e përmban vetëm shega. Përdorimi i shegës në mjekësinë popullore Në mjekësinë popullore përdoren frutat dhe lëvozhgat e tyre, lulet, farat, rrënjët dhe lëvorja e degëve dhe e rrënjëve, e cila ka shije te athet dhe ere. Shega me farat e saj te kuqe si rubin është një frutë i shijshëm por edhe shume i vlefshëm për organizmin e njeriut. Ajo është konsideruar si frutë i fertilitetit. Lëngu i shegës përmban mesatarisht 12 për qind sheqer, acide organike, pektine, vitamine C etj. Lëngu dhe vaji i nxjerre nga farat e shegës është një antioksidant i fuqishëm. Vetëm 30 minuta pas marrjes se lëngut te shegës aktiviteti ynë rritet me 32 për qind. Lëngu i shegës shuan etjen, nxit oreksin dhe përmirëson tretjen e ushqimeve. Ai përdoret me sukses në sëmundjet e stomakut dhe te zorrëve, është freskues dhe mënjanon helmet e organizmit. Lëngu i shegës jep rezultate në luftimin e paraziteve që zhvillohen në zorre. Lulet e shegës përmbajnë tanine dhe kanë veti rrudhëse e tonike ; ato rekomandohen në dhimbjet e barkut, në hemorragji, në hemorroidet, si dhe për gargara të gojës, kundër ënjtjes se bajameve dhe acarimeve te mishrave te dhëmbëve. Lëngu i shegës përdoret me sukses në sëmundjet e stomakut dhe të zorrëve, është freskues dhe mënjanon toksinat (helmet) e organizmit. Ai (lëngu i portokallit) i jep freski mendimit të njeriut. Lulet e shegës përmbajnë tanine dhe kanë veti rrudhëse e tonike ; ato rekomandohen në dhimbjet e barkut, në hemorragji, në hemorroidet, si dhe për gargara (shpëlarje të gojës) kundër ënjtjes së bajameve dhe acarimeve të mishrave të dhëmbëve. Kuron: -Sëmundjet e stomakut -Sëmundjet e zorrëve -Dhimbjet e barkut -Hemorroidet -Ënjtjen e bajameve -Acarimin e mishrave të dhëmbëve Merren 20-30 gramë lule shege në një litër ujë dhe vihen të zihen për gjysmë ore. Nga ky çaj merren 2-3 gota çaji në ditë. Edhe lëvozhga e frutave të shegës ka veti regjëse. Lëvozhga e thatë, para se të përdoret, duhet të vihet në ujë për disa orë që të zbutet. Çaji i lëvozhgave të shegës përdoret kundër diarreve, si dhe për luftimin e krimbave parazitarë të zorrëve.

Rehabilitimi mjekësor përfshin ndërmarrjen e të gjitha masave mjekësore si shërimin medikamentoz, aplikimin e terapisë fizike, shfrytëzimin e pajisjeve mjekësore ndihmëse etj, me qëllim që personave të pa aftë t'u mundësohet shërimi dhe kthimi në familje e shoqëri. "I jam nënshtruar rehabilitimit mjekësor në spital për 4-5 muaj. Në fillim sapo hyra në spital isha me karrocë, por pas disa seancave terapi të rehabilitimit mjekësor mund të ngrihem nga shtrati dhe të ecë vetë." Pacienti me dëmtime të shtyllës kurrizore Chang Tangxi është një shembull i shumë paicentëve të pa aftë kinezë që i nënshtrohen rehabilitimit mjekësor, i cili mund të lehtësojë sëmundjen deri në shërim e madje të ngrejë cilësinë e jetës të pacientëve. Në Kinë, personat me aftësi të kufizuar, personat e plagosur nga aksidentet, të moshuarit, pacientët me sëmundjet kronike etj., kanë shumë nevojë për rehabilitim mjekësor. Sipas të dhënave, deri në vitin 2017, në Kinë ekzistojnë 8334 organe rehabilitimi mjekësor, ku janë të punësuar 165 mijë punonjës. Qendra e Rehabilitimit Mjekësor "Drita e Diellit" në zonën Song Jiang të qytetit Shangai-t është spitali i parë i rehabilitimit mjekësor publik në Shangai, që ofron shërbime për personat me aftësi të kufizuar. Ky spital ofron gjithashtu shërbimin e ekzaminimit mjekësor dhe trajnimin profesional për personat me aftësi të kufizuar. Terapisti i rehabilitimit Chen Bin u shpreh se më e rëndësishme është hartimi i një programi rehabilitimi për pacientët. "Ekipi i rehabilitimit përfshin kryesisht mjekë, fizioterapistë si ne, psikoterapistë dhe punonjës të shërbimit social. Kur vjen një pacient i ri , atëherë ne organizojmë të gjithë anëtarët e ekipit për të diskutuar gjendjen e pacientit. Në fillim, çdo anëtar bën vlerësim të vet dhe më pas i diskuton ata me kolegët. Në fund vendoset mbi programin e posaçëm që duhet të ndjekë pacienti. Çdo anëtar do ta pyesë pacientin mbi objektivin e tij të rehabilitimit. Ekipi i specialistëve duhet të konsiderojë më parë synimin e pacientit." Në këtë qendër të rehabilitimit mjekësor janë vendosur sisteme të ndryshme klinike dhe departamenti i sëmundjeve të brendshme, të jashtme, gjinekologji dhe pediatri. Në këtë qendër ka gjithashtu edhe departament të neurologjisë, të dëmtimeve të shtyllës kurrizore, të problemeve me kockat dhe kyçet, të mjekësisë tradicionale kineze etj. Rehabilitimi mjekësor është një proces i gjatë që kërkon përpjekje të përbashkëta të mjekëve dhe familjarëve të pacientëve. Ja si na shpejgon infermierja Wu Airong: "Kemi praktikuar teknika të ndryshme të rehabilitimit. Kemi hartuar masa e rregullore për përgatitjen e infermierëve, për të ngritur nivelin e tye profesional. Së dyti, po zgjerojmë shërbimet e rehabilitimit mjekësor. Shumë pacientë kanë nevojë për shërbime rehabilitimi në shtëpi, prandaj do t'i shtrijmë këto shërbime deri në familje dhe komunitet. Së treti, nxitim në mënyrë të pandërprerë përvojat e rehabilitimit, përdorim dhe përmirësuam mjetet e reja të rehabilitimit." Në vitin 2017, 8 milionë e 547 mijë persona me aftësi të kufizuar morën shërbimet bazë të rehabilitimit mjekësor, duke përfshirë afro 140 mijë fëmijë nën 6 vjeç. Qendra e Rehabilitimit Mjekësor "Drita e Diellit" mund të ofrojnë edhe shërbimet e rehabilitimit për fëmijët që kanë probleme me njohjen e funksioneve të përditshme si lëvizje, e folur, etj. Terapisti Zhang Beihua na flet për shërbimet e fëmijëve autistë. "Autizimi shkakton pengesën e komunikimit shoqëror. Për të trajtuar këta fëmijë ne përdorim 'analizën e veprimeve të aplikuara', për të trajnuar veprimet e tij. Në të njëjtën kohë, bëjmë shumë trajnime për komunikimin shoqëror, jo vetëm trajnime individuale, por edhe kolektive. Ne ftojmë prindërit për të marrë pjesë në këto trajnime, të cilët do t'u mësojnë fëmijëve të tyre si të komunikojnë më mirë në shoqëri pas zotërimit të këtyre metodave. Po ashtu ne ftojmë edhe disa fëmijë të zakonshëm si vullnetarë për të ndihmuar fëmijët autistë." Rehabilitimi mjekësor është një profesion i ri në Kinë, që po ndihmon shumë vetë, por Kina ka mungesë profesionistësh në këtë drejtim. Kërkesa për profesionistë në këtë fushë është 10 herë më e lartë se numri aktual i punonjësve. Prandaj, kjo qendër rehabilitimi mjekësor ngriti degën e rehabilitimit mjekësor në universitet dhe e ofroi bazë mësimore dhe praktike universiteteve të ndryshme. Mjeku i degës së rehabilitimit të koçkës dhe kyçeve Zhong Rongzhou u shpreh se kjo qendër po përpiqet të familjarizohet me përvojat moderne të rehabilitimit: "Në fakt, rehabilitim mjekësore dhe mjekim klinik janë integruar së bashku. Një mjek duhet të fillojë një plan të përgjithshëm, qysh nga momenti i kirurgjisë ndaj pacientit. Së dyti, pacientët që pranuam në qendrën tonë vuanin nga sëmundje të avancuara. Ata kishin probleme relativisht të ndërlikuara dhe ne ende nuk kemi teori të plotë për këto probleme, prandaj po punojmë më shumë për eksplorimin e praktikës klinike. Por, mjekësia tradicionale ka epërsi në këtë fushë. Nëse mund të zbulojmë disa informacione të rëndësishme në metodat e mjekësisë tradicionale, pacientët mund të kenë efektet më të mira mjekësore."(Xu Guang)

Me zhvillimin ekonomiko-shoqëror të Kinës, numri i banorëve të punësuar në provinca të ndryshme të vendit ka ardhur në rritje, duke shtuar kërkesat në fushën shëndetësore në këto zona. Më 24 gusht, përgjegjësi i Administratës Kombëtare të Sigurimeve Shëndetësore të Kinës (AKSSHK) u shpreh se Kina do të lehtësojë procedurat e rimbursimit të sigurimeve shëndetësore bazë ndër-provinciale, duke u dhënë mundësi banorëve të marrin shërbim shëndetësor në rajone të ndryshme. Sistemi ndër-provincial i sigurimeve shëndetësore në Kinë zbatohet në këtë mënyrë: Në momentin kur banorët, të cilët janë të përfshirë në skemën e sigurimeve shëndetësore bëjnë vizita mjekësore në provinca të ndryshme të Kinës, ata paguajnë vetëm pjesën e tyre të shpenzimeve shëndetësore, shpenzimet e tjera rimbursohen përmes agjencive të sigurimeve shëndetësore dhe organeve shëndetësore. Sot në Kinë është formuar sistemi i rimbursimeve të sigurimeve shëndetësore ndër-provinciale, që lidh të gjitha sistemet provinciale të sigurimeve, duke mbuluar ato për punonjësit në zonat urbane dhe rurale. Zv-drejtorja e AKSSHK-së Li Tao u shpreh se deri në gjysmën e parë të vitit 2018, 486 mijë persona morën rimbursim përmes sistemit kombëtar të shpenzimeve shëndetësore. Nga këto shpenzime, 11.83 miliardë juanë, fondi i sigurimeve shëndetësore rimbursoi 7 miliardë juanë, shifër mbi dyfishin e vitit 2017. "Deri në fund të qershorit të këtij viti në këtë sistem kombëtar janë regjistruar mbi 2.67 milionë vetë, 10,015 institucione shëndetësore dhe 95% të spitaleve të nivelit 3A-së kombëtar (spitalet e përgjithshme publike). Ky sistem ka lehtësuar shumë sfidat e rimbursimit të shpenzimeve shëndetësore ndër-provinciale, përfshi largësinë nga provinca në provincë, kohëzgjatja e rimbursimit, procedura e ndërlikuar etj." Megjithëse ky lloj rimbursim ka pasur suksese, nuk përjashtohen problemet. Për shembull, shumë të punësuar në krahina të ndryshme të vendit kanë vështirësi në plotësimin e dokumenteve përkatëse dhe ata ndryshojnë shpesh vendet e punës, prandaj ky sistem nuk mbulon përqindjen e mjaftueshme të të punësuarve në krahinat e ndryshme. Përveç kësaj, për shkak të kohës së shkurtër të funksionimit të këtij sistemit, institucioneve të kufizuara shëndetësore të mbuluar nga sistemi, mungesa e njohjes së procedurave dhe politikave përkatëse nga banorët etj, shumë pacientë që iu nënshtruan shërbimeve shëndetësore jashtë krahinës së tyre, u rimbursuan pas rikthimit në provincën e tyre ku ishin regjistruar për sigurimet. Duke marr shkas nga problemet e tanishme, Këshilli i Shtetit i Kinës organizoi më 22 gusht mbledhjen ekzekutive, për ta shtrirë rimbursimin ndaj shpenzimeve shëndetësore mes provincave, duke lehtësuar më tej procedurat e rimbursimeve. Pra një banor, edhe pse i regjistruar në një provincë specifike, ai gëzon të drejtën të tërheqë rimbursimin në një krahinë tjetër, njësoj si mund të vepronte në provincën e tij. "Të gjithë fshatarët që kanë punuar në qyete të tjera, të punësuarit në krahina të tjera, ata që ushtrojnë karrierën në provinca të tjera mund të marrin rimbursim nga sigurimet shëndetësore në provincën ku punojnë apo jetojnë. Duhet të garantohet vendosja e organeve shëndetësore që ofron rimbursimin e shpenzimeve shëndetësore ndër-provinciale në rajonet e nivelit bazë. Në fund të këtij viti, në çdo distrikt administrativ të qytezave, duhet të këtë të paktën një organ shëndetësor që përgjigjet për këtë rimbursim. Do të shpejtohet përfshirja e të gjitha organeve shëndetësore në sistemin unik të rimbursimit kombëtar dhe do të nxitet procesi i rimbursimit përmes internetit." Prej zbatimit të reformës së re në shëndetësi, Kina ka bërë shumë përpjekje për formimin e sistemit që garanton shërbime shëndetësore. Deri tani, janë formuar sigurime shëndetësore baze për pothuajse të gjithë banorët. Deri në fillim të këtij viti, mbi 1.35 miliardë kinezë u përfshinë në skemën bazë të sigurimeve shëndetësore, pra mbi 95% e popullsisë së përgjithshme. Me zgjerimin e mëtejshëm të rimbursimit të shpenzimeve shëndetësore përmes sigurimeve shëndetësore ndër-provinciale, çdo i regjistruar në sigurime mund të gëzojë rimbursim në çdo organ shëndetësor të Kinës.(Xu Guang)

A e dini se atletët më të mirë gjatë Lojrave të fundit Olimpike iu kthyen trajtimit me Mjekësi Tradicionale Kineze (MTK) si kupat për të rritur performancën e tyre? Në fakt, përdorimi i terapisë me kupa në mesin e atletëve është rritur gjatë dekadës së fundit. Floyd Mayweather, Andy Murray, Amir Khan janë ateletët e që u panë në Rio, me shenja të kuqerremta në trup gjatë garave të tyre. Po çfarë e bën kaq të famshme terapinë e kupave tek atletët? Terapia e kupave është një teknikë e lashtë e Mjekësisë Tradicionale Kineze, por që është përdorur edhe nga stërgjyshet tona. Kjo terapi u zhvillua mijëra vjet më parë. Qëllimi i hedhjes së kupave është shtimi i qarkullimit, lehtësimi i dhimbjes dhe nxjerrja e toksinave që depozitohen në indet e trupit tuaj. Historia e përdorimit të kupave në MTK është regjistruar nga herbalisti i njohur kinez Ge Hong. Në një libër të botuar gjatë Dinastisë Tang në Kinë, hedhja e kupave përdorej kryesisht për të kuruar dhe trajtuar tuberkulozin. Po ashtu hedhja e kupave si një metodë efektive trajtimi është përdorur kundër dhimbjes së kokës, dhimbjeve abdominale, dhimbjes së muskujve, qarkullimit të dobët, marrje mendsh, alergjive dhe dhimbjeve të tjera. Kupat janë të mira gjithashtu kundër ftohjes së vjetër. Në fakt kjo metodë tratimi është përdorur nga egjiptianët e lashtë, indianët e Amerikës së Veriut, grekët e lashtë si dhe në vende të tjeratë Azisë dhe Europës. Sot, kupat përdoren nga atletët për të rritur performacën dhe për t'u shëruar me shpejtësi nga lëndimet, po ashtu edhe nga yjet e Hollivudit për detoksifikim dhe rigjallërim. Një prej tyre është Jennifer Aniston e cila është një fanse e hershme e kupave dhe akupunkturës. Përfitimet e hedhjes së kupave * Ofrojnë çlirim të shpejtë dhe të menjëhershëm të dhimbjes së muskujve, fryrjeve dhe dhimbjeve të tjera. * Përmirësojnë qarkullimin e energjisë në trup. * Ndihmojnë në trajtimin dhe kurimin e çrregullimeve të energjisë në trup si pasojë bllokimit të gjakut dhe energji chi * Trajtojnë mpirjet dhe fenomenin "miza-miza" * Lehtësojnë dhimbjen e periodave, këmbët dhe duart e ftohta dhe probleme të tjera. * Nxisin imunitetin * Eleminojnë simptomat e diarresë, fryrjes së barkut dhe marramendjen Detoksifikojnë trupin * Trajtojnë problemet e frymëmarjes si grip, ftohje e zakonshme, astmë dhe bronshit. Moksibustioni Shumica e njerëzve kanë provuar akupunkturën dhe përjetojnë fuqinë magjike të shërimit, sidomos për dhimbjet kronike. Përveç akupunkturës ka edhe një metodë tjetër që quhet moksibustion, ideal për ata që kanë frikë nga gjilpërat. Moxibustioni fjalë për fjalë do të thotë "djegia e gjetheve të pelinit". Pelini (Artemesia Vulgaris) është një bimë që rritet në mbarë botën dhe është përdorur për qëllime mjekësore në shumë kultura, duke përfshirë edhe atë kineze. Stimulimi nga djegia së bashku me aromën e veçantë të barit (moxa) ruan shëndet të mirë dhe shëron sëmundjet. Moxibustion, një metodë e përdorimit të nxehtësisë së prodhuar nga djegia e drejtëpërdrejtë ose e tërthortë e moxa-s, një bimë mjekësore tradicionale kineze, që eksiton në pikat e akupunkturës në kohën e trajtimit mjekësor. Kështu akupunktura (zhenjiu) është një aplikim i përbashkët i futjes së gjilpërave në pikat e akupunkturës (Zhen) dhe i përdorimit të nxehtësisë së prodhuar nga djegia e nje bime mjekësore kineze (Jiu). Bima e pelinit rritet në Kinë, kultivohet dhe pasi thahet zakonisht paketohet në formën e purove, e cila përdoret më pas nga akupunkturisti. Ka shumë mënyra të përdorimit të moxa-s. Metoda më e njohur është ajo e ndezjes së moxa-s dhe mbajtjes së saj pranë pikes së akuptunkturës, dhe më pas nëpërmjet lëvizjeve mundësohet që ngrohtësia të hyjë në zonën e paracaktuar. Një metodë tjetër është aplikimi i një sasie të vogël të moxa-s në fund të gjilpërave. Kjo metodë mundëson një penetrim më të thellë në zonat e akupunkturës. Moxibustioni mund të përdoret gjithashtu drejtpërdrejt në lëkurë, por akupunkturisti duhet të ketë shumë përvojë për të mos djegur lëkurën tuaj. Teknikat e moxibustionit përdoret nga praktikuesit e akupunkturës për një numër arsyesh. Një nga aspektet më të rëndësishme të moxibustionit është përmirësimi i qarkullimt të gjakut. Nëse mendoni se thjesht me një të masazhuar në muskulin ku keni dhimbje do të përmirësoni qarkullimin e gjakut dhe të cliroheni disi nga dhimbja, atëherë do ta kuptoni se sa dobiprurës është aplikimi i metodës së moxibustionit. Shumë pacientë shprehen se mund të ndjejnë nxehtësinë që u depërton shumë thellë, duke mos u djegur lëkurën. Pikëpamja e teorisë tradicionale kineze konsiston në faktin se artriti mund të krijohet nga akumulimi i të ftohtit me lagështirën nga mjedisi i jashtëm, i grumbulluar në kyce. Kjo është një nga arsyet pse disa pacientë me artrit ankohen se kanë më shumë dhimbje në mot të ftohtë. Këtu mund të ndërhyjë moxibustioni, i cili mund të ndihmojë në ngrohjen e akumulinit të ftohtësirës dhe pse jo, ta eleminojë atë. Një nga kriteret themelore të diagnozës në mjekësinë kineze bazohet në faktin nëse gjendja e pacientit ka mangësira apo teprica. Nëse mund të imagjinoni një pacient që ka punuar për disa orë të zgjatura, duke punuar në vështirësi e duke bërë pune stresuese, sigurisht që do ndjejne dobësi, lodhje e plogështi. Kjo shihet dhe si një mungesë e energjisë Ekzistojnë shumë gjendje ku përdoret moxibustioni, dhe rëndësia që ka ai së bashku me akupunkturën. Në fakt, ekziston një thënie në mjekësinë tradicionale kineze, "një doktor, i cili përdor vetëm gjilpërat dhe mënjanon përdorimin e djegies së pelinit, nuk është një doktor profesionist". Moxibustioni mund të ndihmojë në trajtimin e sëmundjeve si： Hernie diskale Spondiliartrozë Artrit Dëmtimet nga sporti Kolit Ulcer Lodhje Po sa e sigurt është kjo metodë? Moxibustioni konsiderohet i pasigurt për ata që vuajnë nga diabeti. Për më tepër vajrat nga gjethet e pelinit mund të shkaktojnë reaksione toksike nëse pihen. Nëse po mendoni të trajtoheni me anë të moxibustion-it për ndonjë problem shëndetësor, sigurohuni që më parë të konsultoheni me mjekun. Vaçanërisht është e rëndësishme të konsultoheni me mjekun nëse dëshironi të përdorni moxibustion gjatë shtatzanisë. Moxibustioni i drejtpërdrejt mund t'ju djegë lëkurën. Moxibustioni mund të shkaktojë djegie dhe mund të jetë i rrezikshëm për pacientët me diabet për shkak të problemeve me infeksionin. Gjithashtu, duke u bazuar vetëm në këtë lloj trajtimi dhe duke mënjanuar kujdesin mjekësor për trajtimin e kancerit mund të ketë pasoja të rënda për shëndetin.

Dieta e duhur mund t'i japë trurit shumë ndihmë për të luftuar depresionin ose parandaluar atë. Ndiheni në depresion, çfarë po hani? Psikiatrit dhe terapistët shpesh nuk e bëjnë këtë pyetje, por një numër i madh hulumtimesh gjatë dekadës së fundit tregon se një dietë e shëndetshme, e pasur në fruta, perime, peshk dhe mish, mund të parandalojë depresionin. Ndërsa ushqimet e përpunuara rrisin rrezikun për sëmundje tek të gjithë, duke përfshirë fëmijët dhe adoleshentët. Sipas studimeve të fundit, një dietë e shëndetshme mund të parandalojë depresionin, por edhe ta trajtojë atë efektivisht. Kërkuesit me në krye Felice Jacka nga Universiteti Deakin në Australi, panë mundësinë e përmirësimit të dietës së pacientëve me depresion të rëndë për të pare se si do të ndikonte ajo në përmirësimin e humorit. Ata zgjodhën 67 njerëz me depresion në studimin e tyre, disa prej të cilëve ishin trajtuar me antidepresantë, disa me psikoterapi dhe disa të tjerë me të dyja. Gjysma e këtyre njerëzve shkuan tek dietologu për këshilla më të shëndetshme. Gjysma e tyre iu nënshtruan një terapi të luajtjes me letra ose të bisedimeve me njëri-tjetrin, terapi të thjeshta këto që janë provuar si efikase në trajtimin e depresionit. Pas 12 javësh, ata të cilët përmirësuan dietën u shfaqën disa herë më të lumtur se ata që morën mbështetje shoqërore. Studimi u publikua në janar 2017 në Revistën "BMC Medicine". Një tjetër studim në shkallë më të gjerë arriti në të njëjtat përfundime dhe tregoi se përmirësimi i humorit zgjati 6 muaj. Ky studim u kryesua nga kërkuesit në Universitetin e Jugut në Australi dhe u publikua në dhjetor 2017 në Revistën "Nutritional Neuroscience". Muajin e kaluar në Los Angeles në takimin vjetër të Akademisë Amerikane të Neurologjisë, kërkuesit nga Universiteti Rush në Chicago prezantuan rezultatet e studimit ku tregohej se të moshuarit që hanë perime, fruta dhe fara kishin më pak gjasa për zhvillimin e depresionit. Depresioni ka disa shkaqe—mund të jetë gjenetik, i shkaktuar nga ngjarje apo situate të caktuara, si vetmia ose ka ardhur si pasojë e stilit të jetës. Dhe në fund të fundit ai vjen nga një tru i pashëndetshëm dhe shpesh shumë njerëz e harrojnë këtë gjë. Një dietë jo e mirë e përkeqëson depresionin, duke mos i ofruar trurit shumëllojshmërinë e ushqimeve që i nevojiten, thotë Dr. Ramsey. Dhe ushqimi i gatshëm ose i skuqur përmban yndyrna të këqija që nxisin inflamacionin, që besohet se është shkak për depresion. Një dietë jo e mirë mund të ndikojë edhe mikrobiomën tonë—triliona mikroorganizma që jetojnë në zorrë. Ato prodhojnë molekula që mund të transformojnë prodhimin e serotoninës, një neurotransmetues që ndodhet në tru, thotë Lisa Mosconi, një neuroshkencëtare and përgjegjëse në Klinikën për Parandalimin e Alzheimer-it në Nju Jork. Bakteriet e mira dhe ato të këqija në zorrën tonë komunikojmë përmes një forme komplekse me trurin dhe mund të na ndryshojnë humorin, shton ajo. Prandaj duhet të rrisim nivelin e bakterieve të mira dhe të pakësojnë ato të këqija. Po çfarë të hamë? Dieta mediterriane me fruta dhe perime, vaj ulliri, kos dhe djathë, legume, arra, prodhime deti karbohidratet e shëndetshme dhe pak mish të kuq. Kompleksiteti i kësaj diete do të ofrojë ushqim për trurin, do të rregullojë kundërpërgjigjen inflamatore dhe do të mbështesë shtimin e bakterieve të mira në zorrë, thotë Dr. Mosconi, autor i librit "Ushqimi i Trurit: Shkenca e papritur e të ngrënit për fuqi konjiktive." A mundet që një dietë e mirë të zëvendësojë ilaçet apo terapinë? Jo për të gjithë. Por ata që janë në rrezik për depresion duhet t'i kushtojnë vëmendje ushqimit që konsumojnë. "Me të vërtetë nuk ka shumë rëndësi nëse keni nevojë për Prozac ose jo. Ne dimë që truri ynë ka nevojë për ushqim," tha Dr. Ramsey. Një dietë e shëndetshme mund të funksionojë mirë kur trajtimet nuk ofrojnë zgjidhje dhe kjo dietë nuk ka efekte anësore si antidepresantët. Një dietë e mirë mund të parandalojë problemet me zemrën, obezitetin dhe diabetin. Loretta Go, një konsulente 60-vjeçare në kompaninë Ballwin, Mo., ka dekada që vuan nga depresioni. Ajo përdori shumë antidepresantë dhe terapi të tjera të njohjes dhe sjelljes, por vetë sa u qetësua nga simptomat si pagjumësi, ndenjë të të qarit të shpeshtë dhe ndjenjës si e pashpresë. Rreth 5 vjet më parë, pasi mjeku që e ndiqte ishte gati t'i jepte një tjetër antidepresant, ajo refuzoi ilacin dhe këkroi tej trajtimet alternative. Ms. Go nisi kërkimet për depresionin dhe mësoi rreth rëndësisë së dietës. Kur lexoi se akazhut ishin shumë efektive në reduktimin e simptomave te depresionit, ajo nisi t'i hajë çdo ditë. Ajo braktisi ushqimet e skuqura, sheqerin dhe pijet me gaz, duke i zëvendësuar me perime dhe fruta, vezë, mish gjeli dhe tofu. Ajo hante në mëngjes bollgur, smoothie me fruta dhe perime jeshile. Brenda pak muajsh, Ms. Go u shpreh se vuri re ndryshim në humorin e saj. Ajo ndaloi së qari gjithë kohës. Pagjumësia u largua dhe ajo kishte më shumë energji. Ajo gjithashtu nisi të gëzohej përsëri në aktivitetet që më parë i pëlqenin por që kishte hequr dorë gjatë fazës së depresionit, si psh leximi i librave apo vajtja me një mike në restorant. Depresioni i Ms. Go nuk u kthye më kurrë! Dieta që ju mban të lumtur, çfarë të hani për të goditur depresionin Ekspertët thonë se është e rëndësishme të hani ushqim të balancuar, sidomos dietën e stilit mediterrian. Diosa nga vitaminat tek ushqimet janë shumë të rëndësishme. Vitamina B6: Thuhet se depresioni dhe ankthi vjen për shkak të nivelit të ulët të serotoninës, neurotransmetuesi kryesor që rregullon humorin dhe gjumin. Niveli i ulët i serotoninës lidhet me depresionin. Na duhet vitamin B6 çdo ditë në dietën tonë. Burimet e Vitaminës B6: Fistikët, hudhra, salmon, toni, mishi i pulës, spinaqi, lakra, bananet, patatja e ëmbël, avokado dhe drithërat integrale. Po ashtu acidet yndyrore omega-3 janë shumë të rëndësishme pasi nxisin prodhimin e hormonit që mbron neuronet dhe nxit prodhimin e qelizave të reja të trurit. Burimet: Salmoni dhe prodhimet e detit Probiotikët: Bakterie të mira në zorrë. Burimet: Kosi, lakra turshi, kefiri, dhe perime të tjera të turshi.

Në prag të Forumit të Bashkëpunimit Kinë-Afrikë (FOCAC) që do të mbahet në Pekin në fillim të shtatorit, u organizua në Pekin më 18 gusht Forumi i Bashkëpunimit Kinë-Afrikë mbi Barnat Tradicionale. Përfaqësuesit nga sektori i Shëndetit nga 14 vende afrikane si Maurici, Tanzania, Afrika e Jugut etj., dhe përfaqësues të Mjekësisë Tradicionale Kineze nga zona të ndryshme të Kinës zhvilluan diskutime mbi zhvillimin e mjekësisë tradicionale të vendeve afrikane, bashkëpunimi i mjekësisë tradicionale kino-afrikane etj. Në këtë forum, drejtori i Administratës Kombëtare të Barnave Tradicionale Kineze të Kinës Yu Wenming u shpreh se mjekësia tradicionale Kinë-Afrikë është një pjesë e rëndësishme përbërëse e qytetërimeve përkatëse dhe burim i rëndësishëm i shëndetit. Deri tani, bashkëpunimi i mjekësisë tradicionale Kinë-Afrikë është forcuar dita-ditës. Mjekësia tradicionale kineze është një mjekësi që i ka shërbyer dhe i shërben jo vetëm popullit kinez, por ka dhënë gjithashtu një kontribut të shquar në parandalimin e sëmundjeve të rrezikshme ngjitëse, të sëmundjeve të zakonshme si dhe në kujdesin ndaj shëndetit: "Së pari, mjekësia tradicionale kineze luajti rol kyç në parandalimin e trajtimin e sëmundjeve të rrezikshme ngjitëse në Afrikë. Në vitin 2015, studiuesja e Akademisë së Shkencave të Mjekësisë Kineze, Tu Youyou mori çmimin Nobel për kontributin e madh në zbulimin e studimin e ilaçit që mjekon malarjen, artemisinin. Ky është medikamenti kryesor për trajtimin e malaries, duke kontrolluar efektivisht përhapjen e kësaj sëmundje. Gjithashtu nuk është konstatuar asnjë vdekje e pacientëve të prekur nga kjo sëmundje. Ky ilaç u përshëndet nga publiku dhe qeveritë e vendeve afrikane. Së dyti, Mjekësia Tradicionale Kineze luajti rolin e veçantë në kujdesin ndaj shëndetit të popullatës afrikane. Kina ka forcuar shërbimet mjekësore ndaj popullit afrikan në mënyra të ndryshme, duke dërguar mbi 2000 specialistë të Mjekësë Tradicionale Kineze në Afrikë. Së treti, produktet e MTK-së luajtën rol të dukshëm praktik në kontinentin afrikan." Yu Wenming u shpreh se marrëdhënia kino-afrikane ndodhet në periudhën më të mirë historike dhe bashkëpunimi në fushën e Mjekësisë Tradicionale përballet me rast të rëndësishëm zhvillimi. Për përgatitjen e grupeve të ndihmës mjekësore në Afrikë, ndërmarrjet e njohura kineze si "Tongrentang" e Pekinit, "Tasly" e Tianjin-it dhe ndërmarrjet e tjera tradicionale kineze kanë vendosur degë të mjekësisë kineze në Afrikë. Po atë ditë, 120 përfaqësues të organeve shëndetësore të vendeve afrikane dhe të Kinës diskutuan temat si bashkëpunimi në fushën e mjekësisë tradicionale kino-afrikane. Shefi i Zyrës së Mjekësisë Tradicionale pranë Ministrisë së Shëndetit të Afrikës së Jugut Bruce Mbedzi u shpreh se vitet e fundit, mjekësia tradicionale e Afrikës së Jugut është zhvilluar me ritme të shpejta, por ky zhvillim ka sjellë edhe shumë sfida: "Ende nuk kemi një standard të përcaktuar për eksperimentet klinike dhe as një sistem të matur për garantimin e cilësisë. Duhet të përcaktojmë një standard për të garantuar cilësinë e mjekësisë sonë tradicionale. Tani, në tregun tonë, nuk ka asnjë masë mbikëqyrëse për mjekësinë tradicionale afrikane. Shpresojmë që të marrim ndihmë në këtë sfidë, për të garantuar zhvillimin e mëtejshëm të mjekësisë tradicionale afrikane, për të arritur të njëjtin sukses si mjekësia tradicionale kineze." Drejtori i Administratës Kombëtare të Barnave Tradicionale Kineze Yu Wenming u shpreh se bashkëpunimi në fushën e Mjekësisë Tradicionale mes Kinës dhe Afrikës duhet të zhvillohet sipas parimeve "diskutimet, ndërtimi dhe shpërndarja e përbashkët", duke realizuar bashkëpunim me përfitimet më të larta dhe sjellë përfitime si për popullin kinez ashtu edhe për popujt e Afrikës. "Së pari, u përmbahemi me vendosmëri diskutimeve të përbashkëta qeveritare dhe forcimit te mëtejshëm të nivelit të bashkëpunimit; së dyti, këmbëngulim tek ndërtimi i përbashkët organik dhe zgjerimi i mëtejshëm në fushat e bashkëpunimit, punojmë për të shtuar përkrahjen për formimin e platformave të bashkëpunimit ndërkombëtar, ato studimore dhe industriale; së treti, këmbëngulim tek shpërndarja e përbashkët e shërbimeve dhe zbatimi i mëtejshëm i marrëveshjeve të bashkëpunimit." Në kushtet e kërkesave të reja për kujdesin ndaj shëndetit në vendet e ndryshme afrikane, Kina dhe vendet afrikane do të ndërtojnë më shumë "qendra të mjekësisë tradicionale kineze", për të përhapur teknikat e përshtatshme të MTK-së, duke iu ofruar masave popullore afrikane shërbime më të mira. Kina i nxit ndërmarrjet e veta të prodhojnë barna kineze në vend dhe përkrah ndërmarrjet afrikane të zhvillojnë bashkëpunim në fushën e mjekësisë tradicionale në Kinë, duke ofruar barnda tradicionale dhe duke garantuar shëndetin e popujve kino-afrikanë.(Xu Guang)

Për disa javë, Nathan Suver një 35-vjeçar nga ShBA-ja kishte probleme dhe dhimbje me qafën. Ishte një dhimbje e vazhdueshme dhe pavarësisht se ai provoi shumë mënyra rezultuan pa sukses. Derisa, shkoi tek mjeku kinez i cili i bëri një trajtim me gjilpëra. 'Trajtimi me gjilpëra të ndihmon me dhimbjen,' më tha mjeku dhe nguli 100 gjilpëra tek trupi im. Në fillim më vendosi një gjilpërë në qafë dhemë pas në kyç të dorës. Në atë moment pata ndjenjën e rrufesë në të gjithë trupi." Trajtimi me gjilpëra ia vlejti pavarësisht një ndjesie të lehtë parehatie, por dhimbja u eleminua. Një javë më pas, i riu nga ShBA-ja e shkroi këtë sukses në rrjetet sociale. Akupunktura, nga pikëpamja e Lindjes, ka lidhje me energjinë dhe dhe qarkullimin e saj në të gjithë trupin. Nëse kjo energji është e bllokuar, atëherë shfaqet dhimbja apo sëmundjet. Duke ndërhyrë me 20 gjilpëra në pikat strategjike në trup, akupunkturistët përpiqen të risjellin në ekuilibër qarkullimin e energjisë. Ndërkohë, mjekësia perëndimore po përpiqet ende të kuptojë si funksionon mekanizmi i akupunkturës. "Ka shumë detaje që ne nuk i kuptojmë ende, por veçanërisht, akupunktura duket se stimulon muskuj dhe nerva të veçanta duke aktivizuar ndryshime që pakësojnë dhimbjen dhe simptomat dhe nxisin procesin e shërimit," thotë Kwokming James Cheng, M.D., i cili në qershor nxorri një studim mbi Akupunkturë në Mjekësi që synon identifikimin e domethënies së saktë neurologjike të pikave të akupunkturës, aty ku futen gjilpërat. Studimet tregojnë se kjo terapi e lashtë mund të jetë një trajtim efektiv për një sere sëmundjesh, që nga dhimbjet e mesit tek nervi shiatik, dhimbjet e kokës, marrje mendsh, astmë etj. Akupunktura për dhimbjen e kokës Për shumicën e njerëzve në Perëndim, sapo kanë një dhimbje koke menjëherë marrin një aspirinë apo paracetamol. Sipas akupunkturistëve neurokimikatet e lidhur me humorin dhe mirëqënien emocionale, si oksidi nitrik dhe serotonina, mund të luajnë gjithashtu një rol. "Gjilpërat dërgojnë sinjale në tru për të rregulluar nivelet e këtyre neurokimikateve," thotë Dr. Cheng. Shkenca thotë: Nëse dhimbja juaj e kokës zgjat për disa ditë gjilpërat mund të ndihmojnë. "Akupunktura është një trajtim parandalues për të reduktuar nivelin dhe shpeshtësinë e dhimbjes së kokës," thotë Klaus Linde, një studiues nga Universiteti Teknik në Munich, të Gjermanisë. Sipas një raporti të fundit nga 11 studime tek njerëzit me dhimbje të shpeshtë koke, Dr. Linde zbuloi se rreth gjysma e pacientëve që i ishin nënshtruar akupunkturës kishin një reduktim me 50 për qind të numrit të ditëve me dhimbje koke, krahasuar me një rënie në 16 për qind të atyre që përdorën qetësues. Akupunktura për problemet gastrointestinale Saverio Mancina nuk mund të hante asgjë. "Kishte një dhimbje të tmerrshme dhe diarre të vazhdueshme," tha mjeku i tij. Për 3 vjet asnjë lloj mejkimi nuk e ndihmoi dot Saveroin, ndërkohë që të gjitha testet mbi parazitët dhe sëmundjen celiake ishini negative. Për të alternuar dietën ushqimore me ushtrimet ai shtoi edhe akupunkturën. Pas tre seancash, simptomat e tij pothuajse u zhdukën. Kur Mancina iu nënshtrua akupunkturës, praktikuesi i tij i vuri gjilpëra në krahë dhe këmbë. Shkenca thotë: Aftësia e akupunkturës për të luftuar stresin mund të jetë një pjesë kyçe e efektivitetit të saj në çrregullimet gastrointestinale, thotë Tony Chon, shefi i praktikës së akupunkturës në Klinikën Mayo në Rochester, Minnesota. "Dimë që ekziston një lidhje e fortë mes stresit dhe disa problemeve gastrointenstinale, përfshi problemet me tretjen," thotë Dr. Chon, "dhe akupunktura është përdorur prej shekujsh për lehtësim dhe trajtim." Në një studim të vitit 2007 nga Universiteti i Arizonës, njerëzit me ulcer apo djegie në fyt si pasojë e acideve iu nënshtruan seancave të akupunkturës dy herë në javë. Simptomat e tyre u përmirësuan ndjeshëm në krahasim me ata që morën ilaçe. Dhimbja e tyre e kraharorit u ul me 82 për qind, djegiet ranë me 83 për qind dhe acidi refluks me 77 për qind. Studiuesit thanë se trajtimi me gjilpëra çon në uljen e aciditnë stomak dhe përshpejton tretjen, prandaj kjo bën që të ketë më pak acid në ezofag. Akupunktura për dëmtimet nga sporti Shumë atletë të dëmtuar përdorin akupunkturën për çlirim. Kur luante në NFL, Tiki Barber kishte probleme me muskujt. "Akupunktura ndihmon trupin të marrë veten më shpejt nga lëndimet e ndryshme," thotë Marianne Fuenmayor, shefja e departamentit të akupunkturës në Kolegjin Paqësor të Mjekësisë Orientale në New York. Një teori, sipas Dr. Cheng, është se trupi i përgjigjet gjilpërës duke shtuar më shumë qarkullimin e gjakut të oksigjenuar në zonën e vrarë, gjë që ndihmon në përshpejtimin e procesit të shërimit. Shkenca thotë: "Unë e kam përdorur akupunkturën shumë efektivisht për të trajtuar shtrembërimet e kyçit të këmbës, dhimbje të muskujve, problemet me bërrylat dhe tendinat", thotë John Cianca, një specialist i rehabilitimit në Kolegjin Baylor të Mjekësisë në Houston. Këtë vit, një studim i Johns Hopkins zbuloi se njerëzit me tendinitis kronik ose artrit që kishin seanca akupunkture 20-minutëshe dy herë në javë për 6 javë kishin më pak dhimbje. Akupunktura për Ankth dhe Depresion Një pengesë e vogël gjatë ditës mund të shkaktojë ankth të lehtë. Një shembull serioz është, humbja e punës, e cila mund të shkaktojë depresion serioz. Në të dyja rastet, akupunktura mund të ndihmojë. "Në fazën e tanishme me shumë pasiguri kam trajtuar shumë njerëz që janë nën stres", thotë Nicholas Zimet, një akupunkturist i licencuar në qendrën Meridian në Mineapolis. "Pas trajtimit, ata ndihen më të relaksuar dhe të aftë për t'u marrë me presionet e jetës". Po si ndodh kjo? Kur gjilpëra hyn në veshë, duar ose këmbë, thotë Dr. Cheng, truri juaj liron neurotransmetues dhe kimikate të tjera që ndikojnë stresin dhe gjendjen shpirtërore. Shkenca thotë: Sipas një studimi të fundit në Journal of Alternative and Complementary Medicine pacientët me depresion dhe me shkallë të lartë ankthi mund të përfitojnë nga akupunktura. Studimi, i cili e kombinon akupunkturën me një lloj qetësuesi Prozac thotë se kishte rezultate tek pacientët që nuk mund të duronin efektet anësore të ilaçeve, përfshi rënien e energjisë seksuale, probleme me ereksionin etj. Akupunktura për dhimbjet e mesit Trajtimi i dhimbjes së mesit me akupunkturë është shumë efektiv. "Akupunktura në këtë rast funksionon më mirë se çdo ilaç që u japim pacientëve", thotë Dr. Cheng. Shkenca thotë: Sipas një studimi të Universitetit të Michiganit këtë vit, studiuesit përdorën imazhe të trurit për të parë se si çpimi i lëkurës ndikonte aftësinë e trurit për të kontrolluar dhimbjen. "Akupunktura duket se ndihmon që receptorët e dhimbjes në tru të lidhen më lehtë me opioidet si endorfinë, ilaçi natyror kundër dhimbjes i trupit tonë," thotë Richard Harris. Nëse doni të provoni akupunkturën duhet t'i bëni seancat e trajtimit tek një mjek i licencuar.

Kaceri i mushkërive shkaktohet nga tumoret malinje në bronke. Vitet e fundit, ky kancer është bërë vrasësi Nr. 1 i kancerit tek njerëzit në mbarë botën. Incidenca e sëmundjeve dhe shkalla e vdekshmërisë të tij janë më të larta. Shumica e pacientëve të prekur nga ky kanceri janë mbi moshën 40 vjeçare. Numri i meshkujve të prekur është afro 2-4 herë më i lartë se tek femrat. Mushkëritë tona janë në kontakt të përditshëm me ajrin e jashtëm. Çdo minutë, mushkria bën 16-20 frymëmarrje në mënyrë të vazhdueshme. Por si ta mbrojmë këtë organ të rëndësishëm. Së pari do të diskutojmë çfarë e shkakton kancerin e mushkrive dhe si ta parandalojmë atë. 1. Pirja e duhanit Sipas të dhënave, 90% e kancerit të mushkërisë lidhet ngushtë me pirjen e duhanit. Benzopyrene, nikotina, nitrosamina, polonium etj në cigare mund ta shkaktojnë kancer. Në krahasim me ata që nuk pinë duhan, duhanpirësit kanë rrezik 4-10 herë më të lartë të prekjes nga kanceri i mushkrive. Incidenca e kancerit të mushkërisë do të jetë më e lartë, nëse filloni duhanpirja nis në moshë më të vogël, me kohë më të gjatë, me sasinë më të madhe të duhanpirjes. Në të njëjtën kohë, duhanpirësit pasiv kanë gjithashtu rrezik të lartë meqenëse ata thithin këtë tym pa marrë asnjë masë mbrojtëse. Pas duhanprirjes brenda dhomë, nikotina, gazi toksik, metali i rëndë dhe materialet e tjera që shkaktojnë kancerin mund të mbeten në mur, mobilje, rroba, flokë, gishta etj. Kundërmasa: Lini duhanin Rreziku i kancerit të mushkërisë mund të ulen dukshëm nga viter e dorëheqjes nga duhanpirja. Pas 12 orësh që keni lënë duhanin, sasia e monoksidit të karbonit do të ulet dukshëm; pas 2 -3 javësh gjaku do të qarkullojë më mirë dhe funksioni i mushkërisë do të përmirësohet; pas 1-9 muajsh, do të përmirësohet dukshëm situata; pas 1-5 vitesh, elementet e rrezikut do të përgjysmohen; pas 10 vitesh, rreziku i vdekjes për shkak të kancerit të mushkërisë do të ulet deri në nivelin mesatar; pas 15 vitesh, rreziku do të ulet në nivelin e personave që nuk pinë duhan. 2. Arsyet e profesioneve Elementet profesionale që shkaktojnë kancerin e mushkërisë të njerëzve, përfshijnë asbestin, arsenik, krom, nikel, berilium, qymyrguri, gaz sinus, eter triklorometil, rrezatimi jonizues, uraniumi, radium etj. Këto elemente mund të shtojnë rreziqet e kancerit të mushkërisë për 3-30 herë. Asbestin është materiali më i rrezikshëm i kancerit të mushkërisë. Personat që kontaktojnë me asbestin, përballojnë 800% të rreziqeve të kancerit të mushkërisë. Kundërmasa: Qëndrojuni larg këtyre materialeve. Në fakt, shumica e materialeve të dëmshme vjen nga materialet e dekorimit. Prandaj, duhet të zgjidhni materiale me standardet më të larta të shëndetit. Përpiqemi për ta garantuar qarkullimin e ajrit përmes hapjes së dritareve dhe derës. Duhet të shmangim qëndrimin afatgjatë në bodrum ose në dhomë të pa ajrosur 3. Ndotja e ajrit Ndotja e ajrit është një nga elementet më të dukshme për rritjen e rrezikut të prekjes nga kanceri i mushkërive. Gazrat e dëmshëm përfshijnë tymrat e fabrikës dhe shkarkimet e automjeteve, ndotja e ajrit brenda dhomës, tymi i vajit, tymi nga djegia e qymyrgurit etj. Kundërmasat: Vendosni maska në kohën e smogut dhe mbani në shtëpi një pastrues ajri për filtrimin e grimcave të dëmshme. Kur ajri është i pastër mund të lini dritaret hapur për ajrim. 4. Dietat e paekuilibruar dhe mungesa e stërvitjes Sipas të dhënave, rreziku i kancerit të mushkërisë do të rritet, nëse nuk konsumoni perime dhe frutat e mjaftueshme me betakaroten. Prandaj, duhet të hani frutave dhe perime të gjelbra, të verdha, portokalli ku janë të pasura me betakaroten dhe vitaminë A, për të ulur rrezikun e kancerit të mushkërisë. Përveç kësaj, rritja e forcave dhe rezistencave të muskujve që përgjigjen për frymëmarrjen, mund të favorizojnë shëndetin e mushkërive. Frymëmarrja është një stërvitje e efektshme për të forcuar muskujt përkatëse. Masat: Stërvituni si ngjitja e shkallëve, ngarja e biçikletës, noti, yoga, Tai Chi, vrapi etj.  Duhet të konsumojmë dietë të ekuilibruar me perime e fruta. Duhet të pakësohet konsumi i ushqimeve me yndyrë të ngopur dhe kolesterol të keq. Përveç kësaj, duhet të konusmoni drithëra integrale, peshk, mish pule dhe fruta të thata. 5. Elementet e tjera Pneumonia interstitale, skleroderma pulmonare, pneumonia lipoide, fibroza pulmonare interstitale kronike, tuberkuloz, elementet e trashëgimit dhe ndryshimi i gjeneve mund të shkaktojnë kancerin e mushkërisë. Rreziku i kancerit të mushkrise te pacientët me tuberkuloz do të rritet 10 herë më shumë se tek personat e shëndetshëm. Kundërmasat: Shkuarja tek mjeku, zbulimi në kohë dhe mjekimi i vazhdueshëm i këtyre sëmundjeve. Grupi i personave me rrezik të lartë: 1) Mosha mbi 55 vjeç, personi ka pirë duhan për mbi 30 vjet.  2) Mosha mbi 50 vjeç, personi ka pirë duhan mbi 20 vjet dhe i hapur ndaj elementeve të tjera të rrezikut të kancerit të mushkërisë (si histori në familje, profesion m,e rrezik të lartë etj). (Xu Guang)

Ulja e masës dhjamore dhe forcimi i muskujve janë objektivi i shumë njerëzve. Shumë persona kanë ëndrrën e pakësimin të dhjamit, dhe formimin e një trupi të skalitur me muskuj. Sipas specialistëve, hapi i pari është përcaktimi i objektivave të përshtatshme të reduktimit të dhjamit. Më pas të nisim metodat e përshtatshme për ta mbështetur këtë objektiv. Thelbi është ekuilibri i trupit. Formimi i ekuilibrit të ri të trupit dhe ruajtja e tij Synimin për dobësim po e përshkruajmë në këtë mënyrë: trupi ynë ka një qarkullim në nivele të ndryshme të ekuilibruara, objektivi i reduktimit të masës dhjamore bëhet për realizimin e ekuilibruar me më pak dhjamë. Për ta arritur këtë, duhet të bëjmë rregullimin e trupit, për shembull: të rrisim muskujt, të përmirësojmë metabolizmin etj. Këto ndryshime të trupit mund të sjellin një ekuilibër të ri me më pak dhjamë. Gjatë procesit të rregullimit të trupit, masat e papërshtatshme mund të çojnë në një ekuilibër të ri me më shumë dhjamë. Ky rezultat vjen nga mënyrat e gabuara dhe kërkon shumë kohë për t'u ndrequr. Rezultati i suksesshëm dhe efektiv i vazhdueshëm i uljes së dhjamit duhet të shoqërohet me një sërë ndryshimesh në metabolizëm, sekretim hormonal etj. Kryesisht, këto ndryshime ndodhin në mënyrë graduale. Shumica e "metodave të shpejta për dobësim" që zhvillohen me anë të medikamenteve, kontrollit të dietës apo sportit, s'mund të kenë efekt afatgjatë. Këto metoda synojnë vetëm rënien e menjëhershme në peshë, por nëse nuk ndryshohen elementet e tjera të brendshme të trupit, s'mund të krijohet ekuilibri i ri. Dhjami i pakësuar do të rikthehet përsëri shumë shpejt. Përveç kësaj, ekziston tjetër element i rëndësishëm që anashkalohet shpesh: nëse mund të vijojë ose jo humbja e peshës. Kjo lidhet ngushtë me presionin e shkaktuar nga masat përkatëse. Stërvitja dhe aktivitetet e tjera si dieta, puna, studimi etj., mund të harxhojnë energjinë dhe gjithashtu i sjellin trupit presion të lartë fizik dhe psikologjik. Sasia e stërvitjes, intensiteti dhe kohëzgjatja e saj etj, janë elementet që i shtojnë presion fizikut; sfidat, ndërlikimet, niveli i rreziqeve, niveli i rezistencës etj, i shtojnë presion anës psikologjike. Përballë këtyre presioneve, trupi ynë do të ketë një sërë reagimesh. Gjatë procesit të reduktimit të masës dhjamore, trajtimi i presioneve përkatëse është shumë i rëndësishëm. Përballë sfidave të tjera, konsumi i ushqimeve mund të lehtësojë presionet. Por, gjatë procesit të dobësimit, duhet të kontrollojmë dietën. Prandaj, kemi vështirësi më të madhe në këtë mision. Si të tregohemi autentikë në uljen e masës dhjamore Gjatë dobësimit duhet të kini parasysh disa parime: 1. Mos kopjoni verbërisht metodat e të tjerëve. Përballë të njëjtave sfida, disa individë mund të jenë më imun, ndërsa disa të tjerë do të hasin vështirësi. Disa njerëz do të kenë efekte të dukshme dhe të vazhdueshme nga metada që kanë zgjedhur, por tek disa të tjerë ato metoda nuk funksionojnë sa duhet. 2. Mos synoni rezultat të menjëhershme, jini realistë dhe mos provoni metoda ekstreme (si stërvitje të tejmundimshme apo dietat drastike). Prandaj, trupi ndodhet përkohësisht në një gjendje të çekuilibruar. Për shkak se presionet e mëdha të trupit vijnë nga metoda sfiduese, s'mund të vazhdojnë për një afat të gjatë, s'mund të sjellin ndryshimet e kërkuara, prandaj efektet e këtyre metodave zhduken sa hap e mbyll sytë. 3. Mos realizoni objektivin nëpërmjet vetëm një mënyre pasi kjo do të shkaktojë vetëm një ndryshim të caktuar në trup. Efektet e saj janë të kufizuara dhe nuk kanë jetëgjatësi. 4. Mos synoni verbërisht tek metodat më të shkëlqyera, pasi çdo metodë duhet të mbështet tek statistikat e hollësishme dhe tek një grup i gjerë. Për shembull, sportistët e klubeve shtetërore të sportit kanë trajtim të veçantë nga grupi i posaçëm shkencor. Çdo ditë, urina dhe gjaku i sportistëve analizohet përmes treguesve fizik. Në të njëjtën kohë, dietologët, masazhistët dhe mjekët e grupit ofrojnë garantimin ushqimor dhe shëndetësor. Strategjitë e përshtatshme shkencore për reduktimin e masës dhjamore duhet të përfshijnë këto pika të rëndësishme: 1. Duhet të zgjidhni metodat e përshtatshme sipas vetë gjendjes suaj. Për shembull, individët obezë nuk duhet të vrapojnë për kohë të gjatë për të shmangur dëmtimin e kyçeve në gjymtyrët e poshtme. Personat e dobët nuk duhet të kontrollojnë në mënyrë të tepërt dietën për të shmangur rënien e mëtejshme të sheqerit në gjak. Personat mbipeshë të shkaktuar nga problemet në sistemin endokrinal duhet të trajtojnë më parë sëmundjet përkatëse. 2. Duhet të dobësoheni gradualisht duke evituar ndryshimin e madh brenda një kohe të shkurtër. Ata të cilët nuk stërviten duhet të nisin gradulaisht vrapin çdo ditë. Personat që planifikojnë dhe mbajnë dietë duhet ta bëjnë këtë gradualisht dhe jo të pakësojnë ushqimin 50%-75% të sasisë së përditshme të konsumuar më parë. 3. Duhet të merrni masa të ndryshme komplekse dhe shmangni varësinë afatgjatë tek një metodë e vetme. Për shembull, ata që vuajnë nga mbipesha duhet të nisin kontrollin e ushqimit që hanë çdo ditë dhe në fillim të bëjnë pak stërvitje. Pas dobësimit dhe forcimit të muskujve, mund ta shtojnë gradualisht intensitetin e stërvitjes. Në të kundërt, personat e dobët duhet së pari të bëjnë stërvitje të lehta dhe më pas të kontrollojnë dietën. Pas forcimit të trupit, mund të kontrollni gradualisht ushqimin. 4. I kushtoni vëmendje të lartë rregullimit të ritmit dhe presionit, për të garantuar vazhdueshmërinë e metodave dhe efikasitetin. Për shembull, mos shtoni pa menduar sasinë e stërvitjes dhe provoni disa lloje ushtrimesh. Gjatë kontrollit të asaj çka konusmoni, mos pakësoni në mënyrë të vetme konsumin e ushqimeve me energji të lartë dhe duhet të rregulloni raportion strukturor të dietës. Stërvitja e tepërt dhe kontrolli i tepërt i thithjes së energjisë nuk janë të vazhdueshme. Thelbi i dobësimit është përshtatja e kushtetve të trupit, ekuilibrimi i trupit dhe rregullimi i gjendjes trupore. (Xu Guang)

Frutat janë të pasura në vitamina dhe e mbajnë lëkurën e freskët. Ato nuk kanë yndyrë dhe disa prej tyre ndihmojnë për të humbur kilet e tepërta. Rregulli i artë për t'u dobësuar është të hani më pak dhe të stërviteni më shumë. Por ritmi i jetës moderne u ka rrëmbyer njerëzve mundësinë dhe kohën për ushtrime apo gatime të shëndetshme, thotë Bruce Rosengarten, presidenti i një kompanie në Azi. "Meqënëse nuk mund të ushtroheni rregullisht ju shtoni në peshë, prandaj duhet të keni kujdes për ushqimet që konsumoni," thotë Rosengarten. Kryesisht, frutat me sasi të lartë uji dhe fibrash janë një zgjedhje e mirë për kontrollin e peshës, pasi ato ndihmojnë të ndiheni të ngopur pa marrë shumë kalori. Pjesa më e madhe e frutave janë të pasura në vitamin dhe mikroelemente të rëndësishme për trupin. Megjithatë, duhet të kini kujdes pasi frutat përmbajnë dhe sheqer. Sigurisht që jo të gjitha frutat përmbajnë të njëjtin nivel sheqeri. Disa fruta, edhe pse janë të ëmbla, mund të ndihmojnë organizmin në heqjen e dhjamit. Për shembull, shalqiri dhe ananasi edhe pse të ëmbël, ndihmojnë në përshpejtimin e metabolizmit, duke ndihmuar organizmin të largojë helmet –përfshi yndyrnat. Për më tepër, ka disa fruta që në mjekësinë kineze klasifikohen si fruta "të ftohta" – si dardha, shalqiri dhe kivi – që këshillohen gjatë verës. Në verë, dietologët kinezë na këshillojnë që të evitojmë frutat me karakteristika të ngrohta si liçi apo durian. Shalqi - 25kalori për 100g Shalqiri është një frut me karakter të ftohtë sipas Mjekësisë Tradicionale Kineze që ndihmon në sistemin urinar. Tanina tek shalqiri mund të largojë zjarrin e brendshëm në trup dhe është i pasur me fibra që ndihmojnë për zorrët dhe largojnë helmet. Ngrënia e shalqirit gjithashtu ndihmon në zgjerimin e enëve të gjakut, sipas MTK-së. Shalqiri është një burim i shkëlqyer fibrash dhe vitaminash C, A dhe B. Për më tepër ai përmban kalium dhe minerale të tjera si hekur, kalcium magnez dhe fosfor. Uji tek shalqiri ndihmon në hidratimin e trupit, gjatë muajve të nxehtë. 1. Kontrollon tensionin e lartë të gjakut Shalqiri ndihmon në mbajtjen nën kontroll të tensionit të lartë të gjakut. Falë kaliumit dhe magnezit tek shalqiri ruhet shëndeti i enëve të gjakut, dhe përmirësohet qarkullimi i gjakut. Nëse vuani nga hipertensioni, pini një gotë lëng shalqiri çdo ditë. 2. Shalqiri të dobëson Shalqiri ka pak kalori dhe nuk përmban kolesterol apo yndyrna. Një substancë e rëndësishme tek shalqiri që ndihmon për t'u dobësuar quhet citrulline. Me një përmbajtje mbi 90 për qind ujë, shalqiri të jep ndjesinë e ngopjes. Përpiquni që këtë verë ta zëvendësoni kekun apo ëmbëlsirat me shalqi. 3. Hidraton trupin Shalqiri përmban mbi 90% ujë dhe ndihmon në hidratimin e trupit dhe ruajtjen e elektroliteve. Sipas një studimi në vitin 2009 nga Universiteti i Aberdeen për Mjekësi u zbulua se kombinimi i kripërave minrealve dhe sheqerit natyral tek shalqiri arrin të hidratojë më mirë organizmin se uji. Gjatë ditëve të nxehta të verës, konsumoni një ose dy gota me lëng shalqiri në ditë për të qëndruar të hisratuar. 4. Përmirëson shëndetin e syve Shalqiri është një ushqim tepër i mirë për sytë, pasi është një burim i shkëlqyer i beta-carotene që në organizëm shndërrohet në vitaminë A, prandaj thuhet se shalqiri ndihmon në përmirësimin e shikimit. Plus, shalqiri përmban vitaminë C, lutein dhe zeaxanthin që janë tepër të rëndësishme për të ruajtur sytë nga infeksioni. Konsumoni një tas shalqi çdo ditë, pasi ndihmoni shëndetin e syve. 5. Mban të shëndetshme veshkat Duke qenë një diuretik natyral, shalqiri është shumë i dobishëm për shëndetin e veshkave. Ndihmon në heqjen e toksinave nga trupi, pastron mëlçinë, stimulon funksionin e veshkave dhe redukton acidin urik në gjak. Nëse keni problem me urinimin konsumoni shalqi ose lëng shalqiri për të zgjidhur këtë problem. Shënim: Shalqiri duhet të evitohet nga njerëzit me probleme të rënda në veshka. Pra, konsumoni shalqi përditë për të përfituar kaq shumë nga një frut me shije perfekte dhe freskuese. Ananasi - 41kalori per 100g Ananasi është një frut "neutral" që i bën mirë stomakut dhe përmirëson tretjen- një lajm i mirë për njerëzit me problem me yndyrën e tepërt. Ananasi gjithashtu përmirëson qarkullimin e gjakut si dhe ndihmon në lehtësimin e inflamacionit dhe edemës. Dardha - 44kalori per 100g Dardha futet tek kategoria e frutave "të ftohtë" sipas MTK-së dhe ndihmon në shëndetin e mushkrisë dhe sistemit të frymëmarrjes. Ka vitamin dhe minerale dhe pak kalori. Një dardhë me madhësi mesatare përmban rreth 5g fibra, sa 1/4 e kërkesës ditore. Sigurisht që fibrat ndihmojnë në absorbimin e yndyrës. Pitaya (fruti i dragoit) - 51kalori për 100g Fruti i dragoit është gjithashtu një furt i "ftohtë" që rekomandohet në verë. Jo vetëm që ka shumë vitamina e fibra dhe pak kalori, por ai pasur dhe në acide yndyrore dhe antioksidantë që vonojnë plakjen. Gjithashtu ky frut largon toksinat. Grejpfruti - 35kalori per 100g Grejpfruti futet gjithashtu tek frutat e "ftohta" dhe rekomandohet në stinën e verës. Aurantina tek ky frut pakëson oreksin. Ai përmban gjithashtu përbrësin organik nootkatone që përshpejton djegien e dhjamit, prandaj themi se grejfruti na dobëson. Po ashtu konsumi i vazhdueshëm i këtij fruti përmirëson metabolizmin dhe largon helmet. Gatimi me fruta Përveç ngrënies si fruta të freskëta, ata mund të përmbajnë veti të mira edhe kur gatuhen. Frutat e pasura në enzima si - ananas, papaja, mango, kivi apo mollë rekomandohen kryesisht për gatim pasi ndihmojnë në tretjen e proteinave dhe yndyrës. Për ata që kanë një sistem të dobët imunitar, frutat mund t'i ndihmojnë kur hanë peshk ose mish. Është e vërtetë që disa vlera humbasin tek frutat pas gatimit, përsëri mbetet një sasi e mirë. Vitaminat C dhe B shkatërrohen lëhtësisht në temepratura të larta, por vitamin A, proteinat, fibrat dhe karbohidratet nuk ndikohen nga temperatura e lartë. Në MTK, disa fruta mund të kineme shumë vlera kur gatuhen. Për shembull, dardha e gatuar heq zjarrin e brendshëm dhe pushon kollën. Hidet e gatuara ndihmojnë stomakun dhe shëndetin në përgjithësi. Femrat gjatë menstruacioneve ose lehonat nuk duhet të hanë ushqime të ftohta përfshi frutat që karakterizohen si të ftohta.

Sipas të dhënave, rreth 50 për qind e kinezëve vuajnë nga fryrja e barkut dhe gazrat për shkak të konsumit të qumështit ose nënprodukteve të tij. Pra, pothuajse gjysma e kinezëve kanë intolerancë ndaj laktozës, transmeton Nanfang Daily. Për shumë persona konsumi i qumështit çon në shfaqjen e problemeve shëndetësore, të cilat manifestohen me dhimbje dhe fryrje të barkut, si dhe simptoma të tjera dalluese të aparatit tretës. Organizmi nuk përthith dot përbërësit e qumështit duke çuar kështu në shfaqjen e alergjisë, e cila në gjuhën mjekësore njihet edhe si intolerenca ndaj qumështit apo nënprodukteve të tij. Me intolerancë ndaj qumështit kuptojmë në fakt mungesën e tolerancës ndaj një përbërësi të tij, që quhet laktozë (e njohur ndryshe në jetën e përditshme si sheqeri që përmban qumështi). Pra në thelb intoleranca ndaj qumështit është në fakt intolerancë ndaj laktozës që përmban qumështi, paaftësia për të tretur dhe absorbuar (thithur) laktozën, duke rezultuar me simptoma klinike. Laktoza është një molekulë e madhe e sheqerit që përbëhet nga dy molekula të tjera më të vogla, glukoza dhe galaktoza. Në mënyrë që laktoza të thithet nga zorrët dhe më pas të shpërndahet në gjithë organizmin duhet së pari të ndahet në glukozë dhe galaktozë. Pikërisht në këtë nivel molekular bëhet thithja nga qelizat sipërfaqësore të zorrëve të holla. Zbërthimi i laktozës në molekula më të vogla, bëhet në sajë të një enzime tretëse që quhet laktazë, e cila vendoset në sipërfaqen e qelizave të zorrëve të holla. Intoleranca ndaj laktozës shkaktohet pikërisht nga mungesa e plotë e enzimës laktozë, ose nga aktiviteti i reduktuar i saj. Alergjia ndaj qumështit është zakonisht gjenetike, sipas shkencëtarëve. Mungesa e plotë e enzimës mungon zakonisht që nga lindja për shkak të ndryshimeve që pësojnë gjenet në barkun e nënës. Në këtë rast, shenjat klinike nisin menjëherë pas lindjes. Më shpesh hasim mangësinë e enzimës për shkak të sëmundjeve që dëmtojnë qelizat e zorrëve të holla. Gjithashtu mund të jetë e programuar gjenetikisht ulja e nivelit të laktazës nga fëmijëria në drejtim të moshës së rritur. Intoleranca ndaj laktozës është më e zakonshme në popullsinë aziatike duke prekur rreth 90 për qind të të rriturve në disa komunitete. Njerëzit me prejardhje nga Evropa veriore kanë afërsisht një normë rreth 5 për qind të intolerancës ndaj laktozës. Është e rëndësishme të theksohet se mungesa e laktazës nuk është e njëjtë me mungesën e tolerancës ndaj laktozës. Personat me një intolerancë të butë ndaj laktozës shpesh nuk kanë simptoma klinike pas pirjes së qumështit. Po ashtu mund të mos kenë simptoma të shprehura edhe personat me mangësi të moderuar të laktazës. Simptomat kryesore që flasin për intolerancë ndaj qumështit Simptomat kryesore të intolerancës ndaj laktozës përfshijnë aparatin tretës dhe shprehen kryesisht me dhimbje barku, fryrje barku, gazra, diarre, të përziera dhe të vjella. Për fat të keq këto simptoma mund të shkaktohen edhe nga sëmundje të tjera, kështu që duhet një ekzaminim i kujdesshëm për të bërë diagnozën diferenciale, dhe për të konfirmuar saktësisht sëmundjen nga se vuan pacienti. Ashpërsia e simptomave të intolerancës ndaj laktozës ndryshon shumë nga personi në person. Një arsye për këtë, është fakti se njerëz të ndryshëm kanë sasi të ndryshme laktoze në dietën e tyre ushqimore. Sa më shumë laktozë në dietë, aq më të shprehura janë edhe simptomat klinike. Po ashtu, njerëz të ndryshëm mund të kenë përgjigje të ndryshme për të njëjtën sasi laktoze të marrë nga dieta ushqimore. Disa mund të kenë simptoma të lehta dhe disa mund të kenë simptoma të moderuara. Arsyeja për këtë nuk është e qartë, por mendohet se ka të bëjë me ndryshimet e florës bakteriale të zorrëve. Po si ta trajtojmë këtë problem? Në përgjithësi njerëzit e vendosin vetë diagnozën e intolerancës ndaj laktozës dhe hezitojnë të shkojnë tek mjeku, kur kanë shenja të lehta klinike. Ata kërkojnë ndihmë vetëm kur shqetësimet e aparatit tretës janë shumë të dukshme. Pacientët fillojnë vetë një dietë të përjashtimit, dietë që eliminon qumështin dhe produktet e tij. Dieta me eliminim është një mënyrë edhe për të vënë diagnozën. Por, që ajo të ketë vlerë duhet të jetë rigoroze, pra kërkon këshilla nga një dietolog dhe të zbatohet në mënyrë të përpiktë. Dieta gjithashtu duhet të jetë e vazhdueshme dhe e mjaftueshme në kohë për të vlerësuar në mënyrë të qartë nëse gjendja përmirësohet apo jo. Në këtë rast eliminimi i të gjitha produkteve të qumështit duhet të eliminojë plotësisht simptomat, nëse shkaku i vërtetë është intolerancë ndaj këtij komponenti të qumështit. Nëse një person ka intolerancë, brenda disa orëve pas pirjes së një gote qumësht do të zhvillohen simptomat gastrointenstinale. Është e rëndësishme që qumështi të jetë pa yndyrë në mënyrë që të eliminohet mundësia e intolerancës ndaj yndyrave. Cilat janë burimet e laktozës në dietën e përditshme ushqimore? Edhe pse qumështi dhe produktet që rrjedhin nga ai janë të vetmet burime natyrore të laktozës, ajo shpesh është "fshehur" edhe në ushqime të tjera, transmeton "Dita". Njerëzit që kanë tolerancë shumë të ulët ndaj laktozës duhet të marrin informacione të sakta për shumë produkte ushqimore që mund të përmbajnë laktozë, madje edhe në sasi të vogla. Të tilla mund të përmendim bukën, drithëra të përpunuara (cereale të ndryshme), patate, margarinë, biskota, qumështi pluhur. Përveç burimeve të ushqimit laktoza mund të jetë e "fshehur" edhe në disa lloje ilaçesh. Laktoza mund të përdoret si bazë lidhëse e elementëve kimikë, nga të cilët përbëhen shumë lloje medikamentesh. Kështu për shembull pilulat kontraceptive përmbajnë laktozë, po ashtu edhe disa tabletave që përdoren për uljen e aciditetit të stomakut. Megjithatë, këto produkte tipike mund të ndikojnë vetëm në disa njerëz me intolerancë të rëndë ndaj laktozës sepse sasia në këto raste është shumë e vogël. Shumica e njerëzve për fat kanë një intolerancë të mesme ndaj laktozës, kështu që mund të jetë e nevojshme të eliminohet vetëm qumështi, kosi, gjiza dhe akullorja. Edhe pse kosi përmban sasi të mëdha të laktozës ai shpesh tolerohet mirë nga njerëzit që vuajnë nga kjo intolerancë. Kjo për arsye se kosi përmban baktere që kanë vetë laktozë, duke bërë zbërthimin e laktozës. Në vend të qumështit të zakonshëm mund të përdoret fare mirë qumështi i sojës dhe qumështi i orizit. Pakësimi i qumështit dhe produkteve të tij në dietë mund të çojnë në uljen e nivelit të kalciumit dhe të vitaminës D. Kjo rrit rrezikun për osteoporozën dhe thyerjet kockore. Prandaj është e rëndësishme që këta persona të plotësojnë dietat e tyre me kalcium dhe vitaminën D.

Zonja Li është një mike e imja në fushën psikologjike dhe diskutojmë shpesh për probleme të ndryshme psikologjike. Në një mëngjes, ajo më telefonoi për ndihmë: "Nipi im 9 vjeç nuk kishte dëshirë të shkonte muajin e fundit në shkollë, pasi ai nuk arrinte të kapte shokët në mësime. Ai nuk kishte oreks dhe flinte shumë vonë. Në shumicën e kohës, ai luante lojëra në celular ose në internet deri vonë. Në të kaluarën, atij i pëlqente që të vinte për qejf në shtëpinë time, por nuk erdhi këtu për një kohë të gjatë. Ai mërzitej shpesh për probleme të vogla dhe shpesh thoshte se jeta nuk ka asnjë kuptim dhe vdekja është më e mirë se mbijetesa. Zonja Li u merakos shumë për nipin e saj dhe u çudit për simptomat e këtij fëmije. Nga përshkrimet që më bëri, konstatova se nipi i saj ishte prekur nga depresioni dhe iu sugjerova prindërve të shkojnë tek një psikolog fëmijësh për ndihmë profesionale. Përqindja jo e ulët e depresionit të fëmijës Shumë prindërit nuk i kuptojnë arsyet e depresionit të fëmijës. Ata mendojnë se fëmijët janë naivë, nuk interesohen për ushqimet, për shtëpinë, për shpenzimet e jetës, për marrëdhëniet e ndërlikuara shoqërore, për punët e kompanisë dhe ato shtëpiake. Përse preken fëmijët nga depresioni? Sipas të dhënave, përqindja e depresionit tek fëmijët është shumë e lartë dhe barazon atë të të rriturve. Në Australi, përqindja e depresionit të fëmijës është 12.1%; në Suedi 11.4%; ndër fëmijëve nën 13 vjeç, përqindja e depresionit arrin në 10%. Depresioni shfaqet më së shumti në periudhën fillestare të adoleshencës dhe tek djemtë kjo sëmundje shfaqet më herët, 1 apo 2 vjet më herët se tek vajzat. Fenomenet më të shpeshta të depresionit të fëmijës janë pesimizmi, rënia e energjisë, vështirësi në përqendrim, humbja e interesit për aktivitete që më parë i pëlqenin, shtim i ndjenjës së vetë-fajësimit dhe pavlefshmërisë etj. Nga fëmijëria deri në adoleshencë, niveli i depresionit te vajzat rritet dukshëm. Para adoleshencës, niveli i depresionit tek djemtë është më i lartë sa tek vajzat. Pas adoleshencës, rezultati është i kundërt. Kjo lidhet me ndryshimet fiziologjike të trupit të vajzës në adoleshencë dhe presioni i sjellë nga këto ndryshime. Prandaj, nëse keni djem në familje të moshës 11-12 vjeç, duhet t'i kushtoni vëmendje të madhe ndryshimit të humorit të tyre. Ndërsa për vajzat, duhet t'i kushtoni vëmendje të madhe shëndetit psikologjik në periudhën e adoleshencës. Përse preken fëmijët nga depresioni ? 1. Gjenetika Sipas opinioneve nga fusha e gjenetikës, përqindja e depresionit të personave nga familja me historinë e depresionit është 8-20 herë më të lartë se tek njerëzit e zakonshëm. Nëse ata kanë lidhje më të ngushtë të gjakut, përqindja e depresionit do të jetë më e lartë. Prindërit që janë agresivë, bëjnë kritika, refuzime, armiqësi etj ndaj fëmijës mund të shkaktojnë ose të përkeqësojnë fenomenet e depresionit të fëmijëve dhe të adoleshentëve. Për të shmangur këtë gjendje, prindërit duhet t'iu japin fëmijëve më shumë mbështetje dhe ngrohtësi. Nëse nënat kanë ndjeshmëri të lartë për fëmijët, mund të ulen fenomenet dhe përqindja e depresionit të fëmijës. 2. Metodat e arsimit dhe cilësia e martesës së prindërve Në familje, marrëdhënia mes fëmijës dhe nënës shkakton ndikim më të madh për depresionin e fëmijës. Nëse prindërit kanë vetë-kontroll të dobët psikologjik dhe shprehin zemërimet, pakënaqësitë dhe ankesa të ndryshme ndaj fëmijëve të tyre, atëherë këta të fundit do të preken më shpejt nga depresioni. Në klinikën e psikologjisë së fëmijës, ishte një fenomen i zakonshëm që nëna e pacientit të vogël të pranonte trajtimet mjekësore nëpër ilaçeve kundër ankthit dhe depresionit. Nëse prindërit divorcohen shtohet përqindja e mundësisë së prekjes së fëmijëve nga depresioni. Vajzat janë më të ndjeshme dhe preken më lehtë se djali nga divorci i prindërve. Por me kalimin e kohës, pas 2 vitesh nga divorci, bie rreziku i depresionit. Me pak fjalë, nëse marrëdhënia e prindërve është thyer dhe nuk mund të riparohet, mënyra më e mirë është dhënia fund e saj, sesa të ketë grindje dhe armiqësi mes dy prindërve. 3. Qëndrimi afatgjatë në konvikt dhe ndryshimi i shpeshtë i shkollave Kur fëmijëve u mungojnë përkrahjet nga shoqëruesit, mësuesit dhe miqtë, ata mund të preken më shpejt nga depresioni. Ata mund të preken nga ndjenja e vetmisë, për shkak të mungesës së miqve. Marrëdhëniet jo të mira me shokët mund të shkaktojnë pakënaqësi tek fëmijët në shkollë. Kur mjedisi i tyre i jetës ndryshohen për shkak të banimit, jetesa në konvikt, transferimit të shkollës dhe shtëpisë etj, do të shtohet risku i prekjes me depresion. Sipas të dhënave nga klinika e psikologjisë, shumë fëmijë që e vizituan këtë klinikë ishin rritur në familje të tjera apo konvikte para moshës 3 vjeçare. Prandaj, duhet të shmangim largimin e fëmijëve në moshë të vogël. 4. Mungesa e vetëbesimit dhe mbyllja në vetvete Duke folur për elementet e karakteristikave, fëmijët me varësi të lartë nga të tjerët, niveli i ulët i vetë-respektit, autokritikës, mbyllja në vetvete, mospërshtatja e mirë me mjedisin, luhatjet e shpeshta të humorit, mungesa e iniciativës mund të ndikojnë tek prekja nga depresioni. Kur përballojnë goditje të jashtme, disa fëmijë do të bëjnë auto-kritikë dhe do ta mohojnë veten. Nëse kjo situatë vazhdon për një kohë të gjatë, këta të rinj do të preken më shpesh nga depresioni. 5. Dobësimi i trupit ndikon tek humori Shëndeti fizik është bazë e shëndetit psikologjik. Fëmijët me nivel të ulët të shëndetit fizik mund të kenë më shumë probleme me depresionin. Sëmundjet e trupit mund të formojnë ndikimet e ndryshme për fëmijët. Procesi i trajtimit të sëmundjeve do të çrregullojë seriozisht rendin e mësimeve dhe të jetës normale të fëmijës. Fëmijët e sëmurë do të përballen me zhgënjim dhe kufizim. Këta fëmijë do të kenë ndjenjën e mungesës së vetëbesimit, ankthit, izolimit etj, të cilat do të ndikojnë gradualisht tek zhvillimi i karakteristikave të fëmijëve. Në krahasim me të rriturit, depresioni i fëmijëve nuk shfaqet me fenomenet tipike dhe mund të shpjegohet si "shqetësimet e adoleshencës". Tek personat që mungojnë njohuritë psikologjike mund të mendojnë se faza e shqetësimeve të adoleshencës mund të kalohet shumë shpejt pas inkurajimeve dhe sugjerimeve të përshtatshme. Por sipas përvojës klinike, depresioni i fëmijëve mund të shfaqet me fenomenet më serioze dhe të zgjasë për një kohë më të gjatë. Luhatjet e humorit të fëmijëve mund të jenë më të shpejta. Efektet e ilaçeve kundër depresionit ndaj fëmijëve janë më të dobëta. Vetëvrasja është bërë arsyja e parë e vdekjes së fëmijëve. Prandaj, duhet të zbulojmë sa më parë depresionin e fëmijëve dhe të shmangim elementet e ndryshme që shkaktojnë depresionin e fëmijëve. Marrëdhënia shumë e rëndësishme mes nënës dhe foshnjës Faza foshnjore është periudhë shumë e rëndësishme e formimit të marrëdhënies mes nënës dhe foshnjës, që është marrëdhënia e parë shoqërore e njeriut. Kjo marrëdhënie është baza e rëndësishme për formimin e sigurisë dhe besimit. Mjedisi i pasigurt në fazën e parë mund të shkaktojë karakteristikat e ankthit dhe depresionit të fëmijëve, të cilat mund të zgjaten deri në periudhën e adoleshencës dhe kur rriten. Dashuria dhe vlerësimet pozitive në procesin e rritjes së fëmijëve Dashuria, trajtimi i mirë, respekti ndaj fëmijëve është shumë i rëndësishëm. Këto veprime mund t'i ofrojnë fëmijës ndjenjën e sigurisë dhe të jenë një burim i rëndësishme i vlerës së fëmijës. Çdo person dëshiron që marrë dashuri dhe vlerësime pozitive nga të tjerët, veçanërisht nga personat e rëndësishëm, si prindërit, mësuesit etj. Nëse fëmijës i mungon dashuria, ai do të ketë më shumë vështirësi për të mësuar komunikimet shoqërore pozitive. Prandaj, prindërit duhet të njohin nevojat e brendshme të fëmijëve, duhet të dëgjojnë fjalët e tyre dhe t'u përgjigjen pyetjeve të tyre. Dhënia e dashurisë ndaj fëmijëve është një proces i gjatë. Prindërit duhet t'i kushtojnë vëmendje të madhe këtij procesi. (Xu Guang)

Plakja është një fazë e pashmangshme e jetës sonë. Çdokush do të përballet me venitjen e fytyrës dhe lëkurës. Por shumë njerëz, sidomos femrat duan që të plaken sa më vonë. Po nga se vjen plakja e lëkurës. Së pari, plakja e lëkurës është një "proces i oksidimit" i trupit. Në fakt, hekuri i ndryshkur dhe ngjyra që merr molla pas qërimit të lëkurës janë gjithashtu reagime të zakonshme kimike. Prandaj, nëse duam të kemi lëkurë të bukur, masat e ndryshme për mbrojtjen e lëkurës janë në fakt masat anti-oksiduese. Antioksidantë për të eleminuar radikalet e lira Oksidimi i lëkurës vjen kryesisht nga ndikimi i radikaleve të lira, të cilat janë mbetjet e aktivitetit fizik të trupit që grumbullohen brenda qelizave. Tani, produktet kozmetike për lëkurën synojnë kryesisht pakësimin e radikaleve të lira të cilat janë përgjegjëse për rrudhat. Radikalet e lira kanë rol transformues të energjisë brenda trupit. Kur ka shumë prej tyre, mund të shpejtojë harxhimi i energjisë dhe procesi i plakjes së trupit. Duke folur për problemet e plakjes, shumë persona, veçanërisht femrat do të kenë një ndjenjë meraku. Prandaj, ato janë më të kujdesshme ndaj ruajtjes së rinisë së lëkurës dhe përdorin shumë produkte për mbojtjen e saj. Këto produkte ndihmojnë në pakësimin e radikaleve të tepërta në lëkurë, duke i shndërruar në ujë ose në materiale të tjera të padëmshme, të cilat do të dalin nga trupi me anë të djersës apo mënyrave të tjera. Me studimin e mëtejshëm për dëmtimin e lëkurës nga drita e diellit, shkencëtarët zbuluan se kremërat kundër diellit parandalojnë dhe lehtësojnë dëmtimet dhe plakjen e lëkurës që vjen si pasojë e rrezeve të diellit. Disa specialistë thonë se një krem i mirë mbrojtës kundër diellit mund të pengojë 55% të radikaleve të lira. Efektiviteti i mbrojtësve kundër diellit varet nga niveli i përthithjes nga lëkura e trupit. Radikalet e tepërta që shkaktojnë ndikim të fortë oksidimi, mund të helmojnë organet e qelizave dhe dëmtojnë funksionet fizike normale, duke shkaktuar sëmundje dhe plakje. Por radikalet e lira në nivel të ulët mund të luajnë rol të rëndësishëm në rregullimin e sistemit imunitar, kundër infeksioneve etj, duke ruajtur shëndetin e trupit. Prandaj, objektivi anti-oksidant nuk synon asgjësimin e plotë të radikaleve të lira, por mbajtjen e tyre në një nivel të ulët që mund të garantojë ekuilibrin mes shëndetit dhe lehtësimit të plakjes. Ushqimet që përmbajnë antioksidantë Në organizmin e njeriut ekzistojnë elemente të ndryshme të antioksidantëve që mund të mbajnë në nivel radikalet e lira, ndërsa një sasi e mirë e antioksidantëve mund të merren përmes ushqimeve. Antioksidantët më të lartë gjenden tek perimeve dhe disa fruta. 1. Vitamina E Kjo është një vitaminë e rëndësishëm dhe antioksidant që ul nivelin e radikaleve të lira dhe shmang dëmtimet e membranës qelizore duke mbrojtur enët e gjakut, zemrën, mëlçinë, gjirin, sytë, lëkurën etj. Kjo vitaminë pakëson plakjen dhe parandalon sëmundjet e ndryshme kronike. Trupi ynë s'mund të prodhojë vitaminën E, prandaj ajo duhet të merret përmes ushqimeve. Disa nga ushqimet që përmbajnë vitaminën E janë farat e lulediellit, arrat, lajthia, kikirikët etj. Këto ushqime mund të ndihmojnë në riparimin e qelizave të lëkurës. Por nuk duhet të konsumojmë tepër nga këto ushqime, për shkak të nivelit të lartë të yndyrës, që mund të shkaktojë mbipeshë. 2.Vitamina C: Vitamica C shpesh është cilësuar si vitamina e mrekullive, pasi ajo ndihmon të gjithë trupin. Marrja e suplementeve të vitaminës C mund të pakësojë dukshëm reaksionet e oksidimit. Sasia e sugjeruar e saj është 0.5-3 gramë në ditë. Vitamina C mund të ruajë shumë organe të trupit nga plakja dhe ka efekt të zbardhjes së lëkurës. 3. Astaxanthin Astaxanthin është një pigment i kuq dhe ka një strukturë të ngjashme si β-karotene. Ajo ekziston gjerësisht në natyrë, kryesisht brenda algave të detit, salmoni, karkalec, gocë deti etj. Një nga arsyet më të mëdha të plakjes dhe kancerit të lëkurës është rrezatimi i rrezeve ultravjollcë. Ky antioksidant i fuqishëm mund të mbrojë nga rrezatimi ultraviolet, duke eleminuar efektivisht radikalet e lira në lëkurë. 4. Çaji Çaji është një pije e rëndësishme për mbrojtjen e shëndetit në kulturën e Lindjes. Ai ka shumë funksione si në kozmetikë, për rënien e peshës dhe ruajtjen e shëndetit. Katekina që pëmban çaji është një antioksidant shumë i fuqishëm. Sipas studimeve përkatëse, kremërat me çaj ulin me afro 1/3 të peroksidëve të lëkurës, të cilat mund të shkaktojnë dëmtimin dhe plakjen e lëkurës. 5. Farat e rrushit Antocianina , antioksidant tek farat e rrushit është shumë e fuqishme. Farat e rrushit mund të parandalojnë dhe reduktojnë dëmtimin e lëkurës nga rrezatimi ultravjollcë, mund të riparojnë kolagjenin e dëmtuar dhe fibrat elastike. Ato mund të parandalojnë shfaqjen e rrudhave në lëkurë, të eleminojnë radikalet e lira dhe të reduktojnë pezmatimin e lëkurës. 6. Isoflavonet tek kokrrat e sojës Isoflavonet tek kokrrat e sojës mundësojnë një lëkurë të butë dhe delikate për femrat. Ato ndihmojnë gjithashtu në zbukurimin e gjinjve. Isoflavonet kanë aftësi të heqin radikalet e lira të tepërta. 7. Likopeni Likopeni është një ndër antioksidantët më të fortë, që është zbuluar vitet e fundit. Ky antioksidant përfshihet në shumicën e frutave dhe perimeve, sidomos tek domatja. Struktura e veçantë kimike e tij mund të asgjësojë radikalet e lira. Konsumi i ushqimeve që përfshijnë shumë antioksidantë është një garanci për shëndetin e lëkurës. Përveç ushqimeve duhet të krijoni dhe disa shprehi të shëndetshme si mos flini vonë, ulni konsumin e ushqimeve pikante, ruani humor të mirë dhe merruni me aktivitet sportiv. Këto janë disa nga sekretet për një lëkurë të magjishme dhe të shëndetshme. (Xu Guang)

Dukesha e Sussex-it, Meghan Markle shkëlqen e tëra. Aktorja dhe filantropistja është një fanse e mjekësisë kineze, për të cilën thotë se i ka ndryshuar jetën, në veçanti akupunktura dhe kupat. Ato e lehtësojnë nga problemet që ka me migrenën. Në shumë intervista televizive dhe për revistat të njohura ajo është shprehur se ka kohë që është një ndjekëse e përkushtuar e praktikave të lashta kineze, si akupunktura ashtu edhe kupat— dhe në fakt me të drejtë! Këto trajtime tradicionale holistike janë më të preferuarat e shumicës së yjeve, por edhe të njerëzve të zakonshëm, pasi ato shërojnë. Akupunktura është pjesë e Mjekësisë Tradicionale Kineze e cila daton mbi 3 mijë vjet më parë, por edhe më herët. Ajo bazohet në besimin se qeniet e gjalla kanë energji të jetës, që quhet "Chi", e cila qarkullon në meridianet (kanale imagjinare të energjisë) në trup. Nëse ka çrregullim të qarkullimit të energjisë "Chi" atëherë lind sëmundja. Akupunktura kryhet me gjetjen e pikave të duhura në trup dhe futjen e gjilpërave në vendet e caktuara. Akupunktura trajton shumë sëmundje duke nisur që nga migrena, ftohjet, pucrrat në fytyrëm artriti, dhimbje mesi, astmën, ekzemën, ndihmon për dobësim etj. Akupunktura është totalisht natyrale, pa efekte anësore dhe ju ndihmon për forcimin e sistemit imunitar, po ashtu largon dhimbjet për shkak se gjatë akupunkturës çlirohen endorfinat. Po ashtu, lehtëson dhembjet tek pacientët që vuajnë nga kanceri pasi kanë përdorur kimioterapinë. Markle përdor gjithashtu joga për fytyrën. Mund të tingëllojë e çuditshme, por funksionon. Meghan e përdor këtë lloj joge çdo ditë pë kundër plakjes së lëkurës. Joga e fytyrës ndihmon për të tonifikuar lëkurën e saj. Pra dukesha është e dhënë pas mjekësisë së Lindjes pasi ajo beson se kjo mjekësi e mbaj energjike, larg sëmundjeve dhe të re, njësoj si edhe Gwyneth Paltrow dhe Jennifer Aniston, të cilat përdorin kupat. Një tjetër sekret i bukurisë së Meghan është joga Bikram që konsiston në 26 qëndrime ose (asanas) dhe në dy ushtrime me frymëmarrjen. Praktikohet për disa minuta në një dhomë të nxehtë. Temperatura e lartë e dhomës ndihmon në ngrohjen e muskujve duke rritur fleksibilitetin. Toksinat çlirohen nëpërmjet frymëmarrjes dhe lëkurës nga djersitja. Pas një seance 90 minutëshe do të keni një ndjenjë relaksi shpirtëror, mendor dhe fizik. Bikram Yoga është mënyra më e mirë për të rënë në peshë. Mund të digjni 600 deri në 1,000 kalori për çdo seancë. Studimet kanë treguar se yoga Bikram funksionon 100% në të gjithë trupin. Seria e zgjatimeve dhe ushtrimet mikes forcojnë muskujt, kyçet, ligamentet, tendinat, organet, nervat dhe gjendrat. Të gjitha qëndrimet e kësaj joge fokusohen 100% tek trupi i njeriut, duke ndihmuar në lëvizjen e oksigjenit në organizëm. Yjet e tjera që e përdorin këtë jogë janë Jennifer Aniston e cila thotë se "këmbët dhe krahët e mia janë me muskuj" falë kësaj joge. Përvec tyre edhe George Clooney, Madonna, David Beckham, Carmen Electra etj janë fansa të kësaj joge. Kupat janë gjithashtu shumë të preferuara nga Meghan dhe yje të tjera. Kupat janë një formë e mjekësisë alternative kineze me origjinë mbi 5000 vjeçare. Nga shumë studime të përbashkëta australiano-kineze, në vitin 2012 rezultoi se hedhja e kupave, nëse kombinohet me trajtime të tjera si akupunktura etj, ndihmon në shërimin e akneve dhe paralizave faciale, spondiliartrozës, heqin të ftohtin dhe largojnë toksinat nga trupi. Kjo metodë është përdorur që nga gjyshet tona, të cilat mesa duket ia dinin vlerën kësaj terapie. Kupat e qelqit ku brenda ndodhen fitila me alkool apo substanca bimore ngrohen dhe vendosen mbi shpatullat e të sëmurit. Lihen disa minuta derisa krijojnë vakum, i cili shkakton fryrje dhe skuqeje të lëkurës për shkak të zgjerimit të enëve të gjakut. Zakonisht kupa lihet nga 5-10 minuta. Ashtu si akupunktura, kupat ndjekin linjën e meridianëve. Në shpinë ndodhen 5 linja meridianësh, dhe këto janë zonat ku vendosen më shpesh kupat. Duke përdorur këto pika, hedhja e kupave ndihmon në çlirimin e energjisë "chi", po ashtu edhe për funksionet e përmendura më sipër. Duke shënjestruar kanalet e meridianëve, kupat 'hapin' këto kanale imagjinare – të cilat janë rruga ku kalon energjia e jetës në trup duke mundësuar një rrjedhje të lirshme të forcës së jetës "chi". Toksinat çlirohen, pastrohen bllokimet, dhe venat e arteriet pastrohen me këtë metodë. Në fakt kupat mund të hidhen edhe në duar, kyçe, e këmbë në raste të veçanta. Ky trajtim është i vlefshëm po ashtu edhe për mushkritë, dhe mund të luajë rol pozitiv në trajtimin e astmës. Faktikisht, problemet me frymëmarrjen janë problemet që kupat i zgjidhin mirë. Tremijë vjet më parë, në librat e lashtë kinezë rekomandohej që kjo metodë të përdoret për trajtimin e tuberkulozit pulmonar (të mushkrive). Nëse dikush ka stres, ose ka probleme me supet, shpinën etj., energjia në trupin e tyre mund të jetë e bllokuar,' shpjegon Ian Stones, anëtar i Këshillit Britanik të Akupunkturës, që praktikon hedhjen e kupave prej 6 vitesh. Ai shprehet se praktikuesit kanë pranuar se kjo metodë largon dhimbjen e muskujve, zhduk celulitin dhe madje edhe depresionin. Hedhja e kupave do t'ju lehtësojë pa masë, thotë ai, duke shtuar se pas trajtimit do të keni disa shenja në trup që janë të përkohshme dhe se nuk duhet të alarmoheni. Praktikuesi i kupave në Mbretërinë e Bashkuar, Dr Nish Joshi, duket se është përgjegjës për shenjat e aktores Gwyneth Paltrow, e cila u paraqit në premierën e filmit të vitit 2004 me shenja kupash në kurriz. Në uebsajtit e Dr. Nish Joshi rekomandohet se kupat janë të vlefshme për qarkullimin e duhur të limfës në trup, përmirësimit të qarkullimit të gjakut, duke ndihmuar që lëkura të duket më e shëndetshme dhe duke larguar celulitin'. Specialisti i hedhjes së kupave Saud Hadi thotë: 'Ekzistojnë një numër pikash në çdo anë të shtyllës kurrizore që korrespondojnë me organet përkatëse. Organi më i rëndësishëm për pjellorinë është veshka, e cila konsiderohet si burimi i jetës në mjekësinë kineze. Ai shton se megjithëse hedhja e kupave është totalisht një praktikë e sigurt, nuk do t'ja këshillonte grave shtatzëna. Në Kinë, hedhja e kupave është pjesë integrale e mjekësisë dhe praktikohet në spital për një sërë problemesh. (Albana)

Vera është një stinë e nxehtë dhe një periudhë e vitit kur na pëlqen të provojmë ushqime sidomos freskuese. Ndërsa mendja na shkon tek ditët me diell dhe plazhi apo ekskursionet në fshatrat turistike, imazhet ushqimore që na krijohen janë pije të freskëta dhe shporta me fruta të ëmbla verore. Prandaj paraardhësit rekomandojnë përbërës të caktuar për ushqimet e verës. Këto janë ushqime "ftohëse" dhe ushqyese për ditët e nxehta kur djersitemi dhe kur oreksi bie e sistemi i tretjes preferon diçka të lehtë. Ngjalat në ujin e freskët që rriten në kënetat dhe orizoret njihen ndryshe si huangshan ose ngjalat e verdha. Ato janë të ftohta, sipas librave të mjekësisë tradicionale kineze. Ngjalat e verdha nuk kanë hala të vogla si ngjalat e detit apo të lumenjve. Ato janë më të vogla dhe rriten deri në 60 cm. Ato jetojnë gjatë dhe shiten zakonisht të gjalla në një basen me ujë. Është shumë e vështirë ta kapësh ngjalën me dorë, pasi rrëshqet. Ky peshk dallohet, sepse forma e tij si gjarpër, ngjyra që shkon nga e gjelbra e mbyllur e deri te e zeza, ndërsa barkun e ka të verdhë në të bardhë. Ky lloj peshku bëhet shumë aktiv në mbrëmbje e natën vonë, apo deri në orët e para të mëngjesit, pastaj e ul aktivitetin. Ky peshk ushqehet me krimba, peshq të vegjël. Ka edhe ngjalë të egër, është ajo e detit. Është në formë gjarpri, me ngjyrë karote. Ka dhëmbë të mprehtë dhe ushqehet me peshq të tjerë, kryesisht të ngordhur. Gjendet si në detin Adriatik ashtu dhe në Jon. Arrin deri në 2 metra gjatësi, dhe ka peshë të konsiderueshme që arrin deri në 50 kilogramë. Nuk preferohet për t'u ngrënë pasi ka shumë hala. Kur vizitova Shangain disa vite më parë, pashë që ngjalat përgatiteshin atypëraty nga shitësit në treg, të cilët e pastronin edhe ta jepnin në formë filetoje. Ngjalat e verdha e kanë sezonin në fillim të verës. Kjo është koha më e mirë për t'i shijuar ato. Zakonisht janë të kultivuara dhe prodhimi është më i lartë në provincat jugore të Kinës. Një thënie e vjetër nga kulinaria, në verë ngjalat e verdha janë më të ushqyeshme se xhenseni. Mishi i tyre përmban proteina dhe yndyrna, kalcium, kalium dhe disa vitamina B, prandaj është një ushqim tepër i mirë. Për kinezët, çdo gjë e ngjalës ka përfitime shëndetësore－halat, lëkura, gjaku etj. Në librat klasike të mjekësisë kineze madje rekomandohet shndërrimi i kokës dhe halave në pluhur dhe përzierja e saj me verë të bardhë dhe kjo përzierje i jepet grave me probleme gjinekologjike. Mishi i ngjalave është shumë i ushqyeshëm për ata që vuajnë nga anemia. Ai është gjithashtu një ilaç që përshkruhet shpesh për ata që vuajnë nga infeksionet e tringëllimë në veshët ose veshi i mesit, ekzema, kolla ose problemet me tretjen, ndër sëmundje të tjera. Megjithatë ekziston një pjesë e ngjalës që duhet evituar me çdo kusht, mukoza që sekreton. Kjo toksinë duhet të fërkohet me shumë kripë dhe shplahet mirë. Toksinat largohen me nxehtësinë prandaj ngjalat duhet të gatuhen mirë. Ka shumë gatime tradicionale me ngjala që janë popullore në menutë e verës në restorantet në Kinë. Për shembull në familjet në hutongët e Pekinit ngjalën e skuqin me speca të freskët pikantë. Së pari ata e presin në fije të holla ngjalën,pasi e kanë pastruar kuptohet dhe e skuqin me qepër të njomë dhe xhenxhefil në rende, më pas shtojnë ngjalën dhe specat në tigan. Peshku është marinuar më parë me kripë dhe piper të zi. Kur provova ngjalë për herë të parë ishte e gatuar në avull me shumë xhenxhefil dhe salcë të verdhë të ëmbël. Më pas shija rregullohet me vaj të nxehtë kikiriku dhe susami. Në Zhongshan, të provincës Guangdong ngjala gatuhet në poçe balte me oriz në zjarr të ngadaltë për të ruajtur shijen dhe aromën. Sigurisht që askush nuk e gatuan ngjalën aq mirë sa shangajasit, të cilët e kanë bërë këtë ushqim specialitet rajonal. Përfitimet nga ngjalat： 1. Rifreskon trupin Ngjalat përmbajnë një substancë që rifreskon mbarë trupin. Kjo e bën atë një ushqim perfekt për verën. Përveç kësaj, ngjala ndihmon trupin të luftojë helmet dhe qelizat e vdekura. 2. Ul kolesterolin e keq Ekzistojnë dy tipe kolesteroli i mirë dhe i keq. Kolesteroli i mirë ndihmon në mirëfunksionimin e trupit, ndërsa ai i keqi do të shumohet në gjak dhe do të krijojë një shtresë në muret e zemrës. Kjo shtresë do të bëhet një pengesë për qarkullimin e lire të gjakut dhe fillesa e shumë sëmundjeve përfshi të zemrës. Ngjala ndihmon në shkatërrimin e kiolesterolit të keq dhe moslejimin e kalimit në gjak. 3. E mirë për sytë dhe trurin Nga studimet paraprake të disa shkencëtarëve, ngjala ka treguar se luan një rol të madh në zhvillimin e trurit dhe të funksionit normal të sistemit nervor. Ajo gjithashtu i bën mire syve. 4. Shtesë ushqimore Në shumë vende aziatik, përfshi Japoni dhe Korenë e Jugut, gjithashtu edhe në disa vende europiane, njerëzit po zhvillojnë supplement ngjale që besohet se sjell fuqi sidomos tek të moshuarit. Koreanët besojnë gjithashtu se ngjala është burimi më i mirë i staminës, vitalitetit dhe energjisë. 5. Forcon kockat Ngjala ka sasi të lartë fosfori në tulin e saj. Nëse doni të keni kocka të forta dhe të shëndetshme, duhet të konsumoni rregullisht ngjala. Ngjalat do t'ju ndihmojnë gjithashtu të minimizoni humbjen e densitetit kockor si dhe osteoporozën. Ndoshta do mendoni që kjo është njësoj si të pini qumësht, apo hani kos ose konsumoni karkaleca deti, por sasia e fosforit tek ngjalat është më e lartë. 6. Parandalon aneminë Ngjala ka gjithashtu përmbajtje të lartë në hekur, i cili është shumë i nevojshëm për gjakun sidomos për hemoglobinën në qelizat e gjakut. Hemoglobina nevojitet ndërkohë që oksigjeni përçohet në trupin tuaj nga gjaku. Duke marrë sasinë e duhur të hekurit në gjak parandalojmë aneminë. Po ashtu ju ndihmon në forcimin e sistemit imunitar. 7. Lufton kancerin Kanceri është sëmundja më vdekjeprurëse në botë. Ka shumë tipe kanceresh si të gjakut, mushkrisë, gjirit etj. Hulumtuesit kanë arritur në përfundimin se shumica e grave kanë prirje për kancer gjiri. Prandaj këshillohet që grate të hanë më shumë ngjala pasi ato kanë një substance të quajtur Arginine, që është shumë e rëndësishme dhe redukton dhe parandalon rritjen e kancerit të gjirit.

Kalciumi është një ndër mineralet më të rëndësishme të trupit dhe zë rreth 1.5-2% të peshës sonë trupore. Në trupin e një individi të rritur ka 1.2 kg kalcium, 99% e të cilit ndodhet në kocka dhe dhëmbë. Ai është përgjegjës për eshtrat, dhëmbë të shëndetshëm dhe parandalimin e osteoporozës si dhe ka funksione të tjera të rëndësishme për organizmin e njeriut. Ndihmon në ruajtjen e shëndetit të zemrës, nervave dhe muskujve. Është sidomos i rëndësishëm në parandalimin e krijimit të mpiksjeve të gjakut. Ndihmon në parandalimin e alergjive, depresionit dhe zbut problemet e muskujve dhe kyçeve. Një nga funksionet e këtij minerali është edhe ndikimi i tij pozitiv në hormonet e trupit dhe enzimat. Mungesa e kalciumit mund të shkaktojë osteoporozë tek të rriturit dhe rakitizëm tek fëmijët. Për gratë shtatzëna, kalciumi gjithashtu është jetik. Sipas propozimeve të Organizatës Botërore të Shëndetësisë(OBSH), nënat shtatzëna që konsumojnë ushqime me pak kalcium duhet të konsiderojnë marrjen e suplementeve të kalciumit, që sipas sugjerimeve të mjekëve kinezë kjo sasi duhet të jetë 600 miligramë në ditë, që në 14 javët e para të shtatzënisë. Disa gra shtatzëna në moshë të madhe ose që kanë simptoma të dukshme të mungesës së kalciumit si spazma muskulare etj, mund të marrin suplemente kalciumi më parë. Rreziqet e mungesës së kalciumit në periudhën e shtatzënisë Gjatë shtatzënisë, do të ruhet në trupin e nënës së ardhme sasi e lartë kalciumi që do të shërbejë për formimin e kockave dhe dhëmbëve të foshnjës. Nëse nënat shtatzënë nuk konsumojnë ushqime me sai të mjaftueshme kalciumi, atëherë do të ngadalësohet formimi i kockave i fetusit dhe të ulet niveli i kalciumit të gjakut tek këto gra, duke shkaktuar fenomenet e spazmës së këmbëve, dobësimin e kockave, osteoporozë etj. Spazmat në këmbë: ky fenomen shfaqet zakonisht në 5 muajt e parë pas ngeljes shtatzënë dhe më shpesh shfaqet gjatë natës. Hipertensioni gjatë shtatzënisë: ky problem lidhet me mungesën e kalciumit gjatë kësaj faze. Gruaja shtatzënë me këtë fenomen mund të shkojnë në spital për analizë mjekësore. Lëvizja e dhëmbëve: kalciumi është elementi kryesor përbërës i kockave dhe dhëmbëve. Nëse grave shtatzëna u lëvizin dhëmbët dhe niveli i përqëndrimit të kalciumit në gjak është më i ulët se standardi ose ka simptoma të uljes së dendësisë së kockave, këto mund të jenë sinjale të mungesës së kalciumit. Dhimbja e nyjave dhe legenit: nëse kanë mungesë kalciumi gratë shtazëna do të jenë dhimbje kyçesh dhe legeni. Nevoja e kalciumit në faza të ndryshme të shtatzënisë Në fazën fillestare të shtatzënisë, në 12 javët e para, embrioni rritet me një shpejtësi relativisht të vogël. Sasia e kalciumit e kërkuar nga gratë shtatzëna është e përafërt me atë para shtatzënisë. Kërkesa ditore për kalcium është 800 miligramë. Gratë shtazëna mund të konsumojnë disa ushqime që përmbajnë kalcium dhe garantojnë një dietë të ekuilibruar. Në periudhën e mesme të shtatzënisë, nga 13 javë deri në 26 javë, formohet skeleti i foshnjës dhe embrioni rritet me shpejtësi të madhe. Gratë shtatzëna duhet të shtojnë konsumin e ushqimeve të pasura me kalcium. Në këtë periudhë, kërkesa ditore për kalcium është 1000 miligramë. Në fazën e vonshme të shtatzënisë, nga 27 javë deri në lindjen e bebes, embrionit i nevojitet më shumë mineral kalcium pasi skeleti rritet shumë. Sasia e kalciumit që nevojitet në këtë fazë çdo ditë varjon 1200 miligramë-1500 miligramë. Vitamina D është aleatja e elementit të kalciumit, pasi ajo bën përthithjen e këtij elementi. Metoda më e mirë për të marrë vitaminën D është banja e diellit. Rrezet ultravjollcë që vijnë nga drita e diellit, mund të ndihmojë kompozimin e vitaminës D. Nënat shtatzëna duhet të qëndrojnë në diell çdo ditë por duhet ta bëjnë këtë në orët e para kur dielli nuk është shumë i fortë dhe me interval 30 minuta. Përveç kësaj, gratë shtatzëna mund të konsumojnë ushqime si kërpudha, peshk, mëlçi, etj, ushqime që përmbajnë më shumë vitaminë D. Ku ta gjejmë kalciumin Mënyra më e mirë e marrjes së kalciumit është konsumi i ushqimeve të pasura me këtë mineral. Ja disa prej tyre. 1. Qumësht Në 250 mililitra qumësht gjenden 300 miligramë kalciumi, që mund të përvetësohet shumë shpejt nga trupi. Qumështi dhe nënproduktet e tij si djathë, kos etj., janë ushqime të shkëlqyera për furnizimin me kalcium. 2. Fasulet e ndryshme Fasulet e ndryshme kanë proteina bimore dhe janë të pasura me kalciume. 3. Karkalecat e detit Karkalecat e detit janë një ushqim që kanë shumë kalcium. 25 gramë karkaleca kanë 500 miligramë kalciumi. Supa me karkaleca është një zgjedhje e shkëlqyer për nënat shtatzëna. 4. Perimet me gjethe jeshile Edhe perimet me gjethe jeshile kanë kalcium. Konsumoni çdo ditë këto perime në sasinë 250 gram për të marrë 400 miligramë kalcium. Ushqimet që ndikojnë negativisht në përthithjen e kalciumit: 1. Kripa Kripa përfshin elementin e natriumit. Veshkat bëjnë filtrimin e sasisë së tepërt të natriumit çdo ditë. Kur shkarkohen 100 miligramë natriumi, do të humbasin në të njëjtën kohë afro 26 miligramë kalcium. Prandaj, gratë shtatzëna duhet të konsumojnë më shumë ushqime të lehta dhe mos konsumojnë shumë kripë. 2. Pijet me gaz dhe kafe Këto pije kanë acid fosforik, i cili mund të shkaktojë humbjen e kalciumit. Prandaj, nëna shtatzëna duhet të shmangin përdorimin e këtyre pijeve. 3. Ushqimet e yndyrshme Konsumi i ushqimeve me shumë yndyrë mund të shkaktojë grumbullimin e yndyrave në sistemin e tretjes. Dekompozimi i këtyre yndyrave të tepërta mund ta sjellë shumë acide yndyrore, të cilat mund të pengojnë përvetësimin e kalciumit nga trupi ynë.

Stina e verës është stina e pushimeve. Shumë njerëz drejtohen drejt vendeve të freskëta për t'i ikur të nxehtit. Mënyra më e thjeshtë për të larguar nxehtësinë e jashtme është ruajtja e qetësisë së brendshme. Në lashtësi, në Dinastinë Tang të Kinës, poeti i njohur Bai Juyi (që jetoi në vitet 772-846 pas erës sonë) vizitoi murgun e njohur budist Heng Ji gjatë verës së nxehtë. Ai zbuloi se murgu Heng Ji po kryente ritualin e përditshëm të meditimit në një nga ambientet e Tempullit, ku ishte shumë nxehtë. Pasi murgu Heng Ji mbaroi meditimin, Bai Juyi e pyeti: "Përse nuk meditoni në një ambient të freskët?" Heng Ji iu përgjigj se "këtu është më fresk." Bai Juyi nuk e kuptoi këtë përgjigje dhe e pyeti përsëri: "këtu është shumë vapë, si mund të ndieni freski?" Heng Ji i shpjegoi se gjatë meditimit, ai ruan qetësinë e brendshme dhe ndien që dhoma është e freskët. Bai Juyi-t i pëlqeu shumë kjo gjë dhe shkruajti një poezi: "shumë njerëz kërkojnë me ankth për një vend të jashtë të freskët, vetëm murgu budist qëndroi qetësisht brenda dhomës së nxehtë. Pavarësisht se ambienti ku ai meditoi nuk ishte i frekët, murgu ndieu freski nga qetësia së brendshme." Kjo poezi është shkrimi më i lashtë i Kinës mbi largimin e vapës përmes relaksimit të brendshëm. Qetësia e brendshme i sjell trupit freski Në të kaluarën, një qytetar kinez shprehet se nuk e kishte ditur domethënien e arritjes së qetësisë së brendshme për të larguar vapën e verës. Por para disa ditësh, ai u takua me një zotëri të veshur me kostum në verën e nxehtë, i cili nuk djersitej, ndërsa të tjerët të veshur me bluza me mëngë të shkurtra dhe pantallona të shkurtra, u djersitën. Ai mendoi në atë moment se nëse dikush mediton shpesh gëzon freskinë e trupit. Pas disa ditësh, vetë ai provoi efektet e qetësisë së brendshme për të lehtësuar vapën. Në një ditë shumë të nxehtë, punoi para kompjuterit dhe u djersit shumë. U mërzit ndërkohë që fshinte shpesh djersën. Në atë kohë iu kujtua poezia e lashtë "ndiej freski të natyrshme nga qetësia e brendshme". Nuk mendoi më për djersën që dilte pandërprerë dhe u përpoq të qetësohej gradualisht. Pas pak kohësh, djersa e tij u zhduk vetvetiu. Në këtë moment ai e kuptoi rolin e madh të meditimit. Roli i madh i aluzionit psikologjik Po përse qetësia shpirtërore ka kaq efekt të madh? Sipas filozofisë tradicionale kineze, arsyja vjen nga integrimi i emocioneve të brendshme me ambientin e jashtëm dhe nga integrimi trup-shpirt. Sekretin e kanë zbuluar paraardhësit kinezë. Kur kemi ankth, do të kemi vapë, siklet, afsh të brendshëm. Kur jemi të qetë, temperatura e trupit bie, presioni i gjakut bie dhe frymëmarrja rregullohet së bashku me rrahjet e zemrës. Sipas studimeve shkencore moderne, kur jemi të shqetësuar zemra na rreh më shpesh dhe rritet presioni i gjakut, duke shkaktuar dhe rritjen e nxehtësisë së trupit. Në të kundërt, kur jemi të qetë çdo gjë në trup qetësohet. Për më tepër kur ndihemi të qetë nga brenda, ulet edhe ndjeshmëria e trupit ndaj të nxehtit të jashtëm. Teoria e psikologjisë së aluzioneve mund të zbulojë më tej sekretet e qetësisë së brendshme. Aluzioni psikologjik është metodë e veçantë e ndikimeve psikologjike, e cila mund të sjellë ndikim në kushte jo konfrontuese. Aluzioni nuk është sugjerim dhe nuk jep shpjegim. Ai nuk është as urdhër, që detyron të tjerët. Henry K. Beecher, studiues i Shkollës Mjekësore të Harvard-it bëri një eksperiment, ku konfirmoi ekzistencën e efektit placebo. 100 studentë e institutit të mjekësisë u ndanë në dy grupe me nga 50 vetë në grup. Studentët e grupit të parë u përdorën ilaçin e kuq, një ilaç stimulues, ndërsa grupi i dytë konsumoi ilaçin blu, një ilaç qetësues. Por në fakt, ilaçi kuq ishte ilaç qetësues, ndërsa ai blu ishte stimulues. Sipas efekteve të ilaçeve, studentët që konsumuan ilaçin e kuq duhet të ishin më të qetë, ndërsa studentët e grupit të dytë duhet të ishin të stimuluar. Por rezultatet konkrete ishin të kundërta, studentët e grupit të parë që konsumuan ilaçin e kuq ishin më të stimuluar. Studentët e grupit të dytë të qetë. Përse ndodhi kjo? Ky është roli i i aluzionit psikologjik, i cili solli ndikim të dukshëm tek trupi ynë. Ndjenja e të ftohtit dhe e të nxehtit forcohen nga mendimet Në jetën tonë, efekti placebo shfaqen në çdo kohë. Një psikolog bëri një eksperiment mbi ndikimet e lëkurës. Psikologu ngjiti një letër të lagur mbi lëkurën e eksperimentuesve dhe u tregoi se kjo është një letër me funksion të veçantë, që mund të rrisë temperaturën në atë pjesë të lëkurës të mbuluar me letër. Ai u kërkoi eksperimentuesve që të ndiejnë ndryshimin e temperaturës në atë pjesë të lëkurës. Pas mbi 10 minutash, ai hoqi këtë letër të lagur nga lëkura dhe ajo pjesë ishte e skuqur. Kur prekim këtë pjesë të lëkurës, mund të ndiejmë nxehtësi. Por në fakt, kjo ishte një letër e lagur e zakonshme. Aluzioni psikologjik mund të shkaktojë skuqjen e lëkurës. Ka një histori tjetër kur pas punës një punëtor është lënë në një depo të mybllur frigoriferike. Në mëngjesin e ditës tjetër ai u gjend i vdekur nga i ftohti. Në fakt një natë më parë, depoja nuk kishte energji elektrike dhe temperatura e dhomës frigoriferike ishte pothuajse e njëjtë me atë të ambientit të jashtëm. Ky ambient kurrsesi nuk mund të shkaktonte vdekjen e njeriut. Ky është roli i aluzionit psikologjik. Ky punëtor mendoi se ishte në frigorifer me temperaturë tepër të ulët dhe se do vdiste. Ai u pushtua nga një frikë e madhe dhe temperatura e trupit u ul nga mendimet e tij. Pra ai humbi jetën nga këto mendime të paqëna. Si mund të ruhet qetësia e brendshme në verën e nxehtë? Tani, e kuptojmë se në verën e nxehtë, metoda më e shkëlqyer për uljen e temperaturës së trupit është ruajtja e qetësisë së brendshme. Në jetën e përditshme jemi të ngarkuar nga punët e ndryshme. Ruajtja e qetësisë së brendshme nuk është një mision i lehtë. Si mund të ruhet kjo qetësi? Në një botë të jashtme të zhurmshme, duhet të tregohemi të përmbajtur të qetë dhe mos të ulim padurimin. Një poet i madh kinez Sushi thotë se duhet të tregohemi të duruar që të kemi freski." Freskia vjen nga gjendja e qetë dhe pa shqetësime. Çdo ditë, gjeni një orar të përshtatshëm për meditimin, largohuni nga stresi i ditës, dëshira dhe ankthi. Në kohën e lirë mund të bëni gjëra që ju pëlqejnë për ta harruar të gjitha shqetësimet. Nëse mund të zbuloni se të gjitha shqetësimet janë të pavlefshme mund të largohemi prej tyre, qetësia e brendshme do të vijë natyrshëm dhe me të do të vijë edhe freskia. (Xu Guang)

Acidi folik quhet ndryshe vitamina B9, është tepër i rëndësishme për rritjen e qelizave dhe forcimin e metabolizmit. Studimet kanë treguar se shumë njerëz sot në botë nuk marrin sasi të mjaftueshme të kësaj vitamine. Ushqimet që kanë përmbajtje të lartë të acidit folik përfshijnë perimet e gjelbra si spinaqi, brokoli, sallata jeshile, bamjet, shpargu, frutat si bananet, pjepri, dhe limonat, po ashtu fasulet, kërpudhat, mishi kryesisht mëlçia dhe veshkat), lëngu i portokallit dhe i domates. Por duhet pasur kujdes, sepse është vërtetuar se gjatë gatimit shkatërrohet pjesa më e madhe e acidit folik që gjendet tek ushqimet, prandaj këshillohet që të konsumoni më shumë fruta dhe perime të gjalla. Acidi folik përdoret për të luftuar aneminë dhe rritur aftësinë e zorrëve për të përthithur si duhet elementët ushqyes. Acidi folik përdoret gjithashtu edhe për probleme të tjera si koliti, sëmundjen e mëlçisë dhe problemet me veshkat. Acidi folik nuk prodhohet nga organizmi prandaj duhet të merret me anën e ushqimit. Kërkesat ditore për acid folik janë rrethu 400 mikrogram. Acidi folik është tepër i domosdoshëm për gratë që panifikojnë të mbesim shtatzënë 3 muaj para, pasi ai parandalon keqformimet tek të porsalindurit, sidomos ato që lidhen me tubin nervor e që nisin në fazën e parë të zhvillimit të embrionit. Gjatë shtatzënisë, nevoja për acid folik dyfishohet, sepse fetusi përdor rezervat e nënës. Acidi folik përdoret nga trupi për krijimin e gjakut shtesë, për të cilin ka nevojë organizmi gjatë shtatzënisë. Ju duhet të filloni të merrni acid folik para se të ngeleni shtatzënë. Defektet e tubit nervor zakonisht zhvillohen shumë herët në shtatzëni, shpesh përpara se gratë ta kuptojnë që janë shtatzënë. Nëse jeni shtatzënë dhe nuk keni marrë acid folik, ju mund të filloni menjëherë për të parandaluar çdo defekt nervor që mund të zhvillohet në tre muajt e parë të shtatzënisë. Mungesa e acidit folik rrit mundësinë e një defekti të tubit nervor, që shoqërohet me defekte në zhvillimin e palcës kurrizore. Përdorime të tjera të acidit folik Acidi folik ndihmon personat që kanë probleme me kujtesën, sëmundjen e Alzheimerit, problemet me humbjen e dëgjimit, parandalon problemet me shikimin si pasojë e degjenerimin makular, parandalon problemet me dobësimin e kockave, depresionin, dhimbjet muskulore, parandalon një sëmundje lëkure që quhet vitiligo, etj. Disa persona e aplikojnë acidin folik drejtpërdrejt tek mishrat e dhëmbëve për të luftuar infeksionet. Sipas një studimi femrat që merren me sport duhet të konsumojnë ushqime që përmbajnë acid folik. Sipas Medical College of Wisconsin në SHBA është arritur në përfundimin se acidi folik mund të përmirësojë fluksin e gjakut nëpër arterie, duke rritur kështu fluksin e gjakut në zemër. Si funksionon? Acidi folik i duhet trupit për zhvillimin normal. Ai merr pjesë në prodhimin e ADN-së si dhe në funksionet e tjera të trupit. Acidi folik përdoret gjithashtu për të trajtuar disa tipe anemish dhe probleme të tjera në organizëm, sidomos personat që kanë probleme me tretjen, sëmundje veshkash ose ata që abuzojnë me alkoolin. Kur përdoret acidi folik për shkak të mungesës së tij, atëherë duhet të përdoret së bashku me vitaminën B12. Për më tepër, këto dy vitamina funksionojnë së bashku për të nxitur shëndetin mendor. Acidi folik përdoret gjithashtu për reduktimin e toksinave nga ilacet methotrexate tek pacientët me psoriazë dhe artrit reumatoid. Burimet e acidit folik: Perimet me gjethe jeshile Fasulet, bizelet dhe thjerrëzat Limoni, portokalli, banane dhe pjepër Buka dhe cerealët Përmbledhje: -Acidi folik nxit prodhimin e eritrociteve dhe të leukociteve si dhe trombociteve në disa anemi megaloblastike. -Acidi folik është pluhur kristalor i verdhë , portokalli pa erë e pa shije. -Gjendet te mëlçia , e verdha e vezës, orizi, drithërat, zarzavatet me gjethe jeshile, karotat, kungulli, pjeprat, qershitë etj. -Përdoret në mjekësi në rast anemie -Është thelbësor në procesin e rruazave të kuqe të gjakut, shërben në trajtimin e anemive. -Zierja e produkteve ushqimore e shkatërron acidin folik. -Mungesa e acidit folik nuk shkakton probleme neurologjike , ndryshe nga mungesa e vitaminës B12. -Rezervat me acid folik mjaftojnë për disa muaj. -Pamjaftueshmëria me acid folik është pasojë e dietës së keqe, e mosthithjes së ushqimeve nga zorra, e kërkesave të rritura të organizmit nga shtatzënia. -Sasia e mjaftueshme është 400 mikogramë në ditë. -Acidi folik parandalon tensionin e lartë të gjakut. -Acidi folik të mbron nga kanceri i zorrës së trashë. -Marulet, spinaqi, rrepa drithërat, farat e lulediellit janë të pasura me acid folik. Po ashtu panxhari i kuq është një perime që ka përmbajtje të lartë acidi folik, kalium, kalcium dhe antioksidantë betacyanin, që i jep dhe ngjyrën. Lëngu i panxharit të kuq përmban sheqer natyral, jod, baker dhe vitaminë B1, B2, C and bioflavonoide. Disa praktikues të mjekësisë holistike besojnë se kombinimi i lëngut të panxharit me lëngje të tjera si karotë, mollë dhe trangull është një mënyrë e shkëlqyer për pastrimin dhe shëndetin e veshkave.

Dashuria e vërtetë ndaj fëmijës nënkupton që t'i shihni "fëmijët problematikë" si fëmijë normal dhe problemet e tyre si sfida normale. 1. Përse tim biri nuk i pëlqen mësimi? Në një takim për shpërndarjen e përvojës së psikologjisë arsimore të javës së kaluar, një baba paraqiti disa pyetje dhe pyetja e fundit e tij ishte: "Djalit tim nuk i pëlqen mësimi, si mund ta rrisë interesimin e tij për të studiuar?" Pasi të gjithë pjesëmarrësit zunë vendet psikologia i pyeti: "A interesoheni për punën tuaj?" Të gjithë prindërit u përgjigjën duke qeshur, "Shumë"! A na pëlqen puna që bëjmë? Shumica e njerëzve punojnë vetëm për të siguruar të ardhura pavarësisht se nuk iu pëlqen puna që bëjnë. Në këto kushte pse prindërit mendojnë që fëmijët e tyre duhet ta pëlqejnë studimin? Përse disa e kanë të vështirë të pranojmë faktet që fëmija i tyre nuk interesohet për këtë gjë? 2. Përse ime bijë përsërit të njëjtat gabime? Një nënë ngriti shqetësimin se vajza e saj nuk e dëgjon. Kur mësuesja e pyet ajo nuk i kthen përgjigje pyetjeve, edhe pse i di përgjigjet. Nëna ka folur disa herë me vajzën e saj për këtë problem, por pa efektivitet. Nëna u shpreh se ishte përpjekur për ta mos ta kritikuar vajzën, por e bija nuk duhet të përsëris të njëjtat gabime. Pas analizës, psikologia pa që kjo nënë nuk e pranon vajzën e saj. Ajo nuk e kupton këtë gjë dhe shprehet se nuk e kritikoi vajzën e saj, por e inkurajon atë vazhdimisht. Psikologia i tha se shpehja e nënën për të bijën 'ajo nuk mund të bëjë gabimet e përsëritura' simbolizon se nuk mund të pranoni gabimet e përsëritura të vajzës, apo jo? Por në fakt, e kemi problemin e përsëritjes së gabimeve? A kemi vështirësi për të korrigjuar problemin tona?" Nëna u zhyt në mendime dhe nuk foli. Në fakt, jo të gjithë fëmijëve u pëlqen shkolla dhe fëmijët nga natyra priren të përsërisin gabimet. Këto janë probleme të zakonshme tek fëmijët dhe prindërit duhet të tregohen më të mirëkuptueshëm me qëllim që fëmijët ta kalojnë këtë fazë. 3. Rezultati i tim birit në provim është i ulët Pasi im bir Lin Ken hyri në shkollën fillore, rezultati në provimin e parë mbi alfabetin ishte shumë i ulët. Ai mori 35 pikë nga 100 të mundshme. Pasi mësova këtë lajm më kaloi një ndjenjë depresioni. Isha shumë e ngarkuar në punë dhe doja që pas punës të qetësohesha, por në vend të kësaj marr lajm të keq. Lin Ken nuk mësoi mbi alfabetin në kopsht si nxënësit e tjerë të shkollës fillore, prandaj pati një rezultat të dobët në provimin e tij. Nëse nuk përballojmë si duhet rezultatin e keq në këtë provim, ai do të humbë besimin në vetvete për të ardhmen. Prandaj, ndihma ndaj djalit ishte shumë e rëndësishme në atë moment. Rregullova humorin tim brenda 2 sekondave. I thashë: "Nuk është një dështim i madh, 100 minus 35 pikë sa mbeten?" Ai u përgjigj: "65 pikë." Atëherë i thashë- Po, prandaj mund të shtosh 65 pikë në provimin tjetër!" Ai tha me gëzim: "Po, mund të rris pikët më shumë në të ardhmen." "Ok, le të studiojmë së bashku për ta zbuluar problemet e provimit." Në këtë moment, babai i Lin Ken-it po punonte në një kompani. Së bashku me Lin Ken diskutuam për njohuritë alfabetike të librit mësimor. Më në fund, zbulova të gjitha problemet e tij dhe e ndihmova për korrigjimin e të gjitha gabimeve në provim. Ai u gëzua shumë për zgjidhjen e të gjitha problemeve dhe rifitoi vetbesimin. Në fakt, kur isha në moshën e Lin Ken-it, nuk pata rezultate të mira në provim. Nëna ime kishte qenë një nxënëse shumë e shkëlqyer, ajo më donte shumë por nuk e pranonte që vajza e saj të kishte rezultate jo të mira në shkollë. Pasi mora rezultate negative në provim, nëna më kritikoi me fjalë shumë të ashpra. Kur dëgjova këto kritika u zhgënjeva shumë dhe mora përsëri rezultate negative në provimet e tjera. Ky është kujtimi i keq i fëmijërisë sime. Tani, u bëra vetë nënë. Por për shkak të dhimbjes sime si fëmijë, e kuptova dhimbjen e djalit tim. Për shkak se kisha para shumë përvojë të hidhur, kuptova më thellësisht dhimbjen e fëmijës. E kuptova vështirësinë e presionin e fëmijës, kur ai konsiderohet si një "fëmijë problematik". Por, në fakt, djali im nuk ka problem. E pranova rezultatin jo të mirë të tij në provim dhe u përpoqa që ai të ruajë vetë-respektin dhe vetë-besimin. Kjo është pasuria më e çmuar e fëmijës, që duhet të mbrohet nga prindërit. Por këto karakteristika delikate mund të shkatërrohen nga një fjali e thjeshtë të prindërve: Përse merrni rezultate kaq të dobëta në provim? 4. Si ta mësojmë fëmijët? Tani, le të kthehemi tek pyetja e parë e babait: Përse djalit tim nuk i pëlqen mësimi? Sipas opinionit tim, është një gjë shumë e vështirë që të kemi interes për mësimet shkollore. Çdo njeri e ka aftësinë e të mësuarit, psh kemi mësuar të ecim, të flasim etj. Kemi marrë këto teknika pa trajnim sistematik, por i mësuam nën gëzimet e prindërve, jo nën kritikat dhe presionin e tyre. Nëse duam që fëmijët tanë të kenë interes për mësim, duhet të njohim më parë si të lind interesi. Më parë, duhet të pranojmë faktet si fëmija është fëmijë normal dhe jo problematik. Gjatë procesit të mësimit, një fëmijë normal duhet të kapërcejë vështirësi të mësimit, të fitojë vetëbesim dhe të gëzohet nga arritjet nga përpjekjet e veta. Ky është një proces i vështirë dhe i gjatë. Në fillim, duhet të pranojmë se ai është një fëmijë "normal" dhe më pas ta ndihmojmë që të pranojë procesin e vështirë të mësimit, më në fund ai mund të ketë interes për mësimin pas kapërcimit të vështirësisë së mësimit. 5. Si të inkurajojmë dhe të përkrahim fëmijët? Kalojmë tek pyetja e dytë e nënës: Si të inkurajoj dhe përkrah fëmijët? Kjo është një nënë e mirë. Ajo ka durim dhe i kushton rëndësi ndjenjës së vetërespektit të vajzës. Por ajo nuk e pranon totalisht vajzën e saj. Nëse një vajzë ka frikë që të flasë me zë të lartë, a është ky një gabim? Jo. A është një veprim i papranuar? Jo. Në fakt, vajza nuk u shfaq në mënyrë të shkëlqyer. Kjo është një vështirësi e fëmijërisë dhe jo një gabim i fëmijës. Vajza juaj nuk është fëmijë problematik, por një fëmijë që përballon sfidën. Nuk duhet ta kritikojmë si vajza problematike. Nëse unë do të isha nëna e saj, do t'i thoja se nuk është faji juaj që nuk mund të flisni me zë të lartë në klasë, por vetëm një vështirësi juaja. Edhe nëse nuk e kapërceni këtë problem, nëna përsëri ju do njësoj dhe ju përkrah. Kjo është mbështetja më e fortë për vajzën tuaj. Në fakt, dashuria pa kushte mund t'i japë fëmijës një "forcë hyjnore". (Xu Guang)

Specialistët e Mjekësisë Tradicionale Kineze zhvilluan shtatë trajtime që mund të luftojnë rezistencën në rritje ndaj antibiotikëve, një kërcënim global për shëndetin publik që mund t'u marrë jetën 10 milionë vetëve çdo vit deri në vitin 2050. Trajtimet bazohen në përvojën klinike të Mjekësisë Tradicionale Kineze që ndihmojnë kundër rezistencën antimikrobiale, që ndodh kur mikroorganizmat, si bakteret dhe viruset, transformohen kur ekspozohen ndaj antibiotikëve. Antibiotikët sa vijnë e po bëhen më pak efektive dhe infeksionet e vazhdueshme në trup, duke rritur rrezikun e përhapjes së sëmundjeve tek të tjerët. Për të zhvilluar trajtimet, Akademia Kineze e Shkencave Mjekësore mori disa përdorues të antibiotikëve dhe i trajtoi me barna kineze që luftojnë bakteriet dhe viruset, sipas drejtorit të akademisë, Zhang Boli. Megjithatë, ai tha se duhen kryer më shumë testime klinike para se antibiotikë e mjekësisë tradicionale kineze të përqafohen dhe nxiten ndërkombëtarisht. "MTK-ja është veçanërisht e efektshme në mposhtjen e toksinave që lëshojnë qelizat e vdekura, "tha ai, duke cituar përvojën klinike." Është një metodë gjithëpërfshirëse në krahasim me qasjen e mjekësisë perëndimore". Organizata Botërore e Shëndetësisë ka paralajmëruar se po përhapen gjerësisht forma të reja të rezistencës ndaj antibiotikëve në mbarë botën, që kërcënojnë aftësinë e njerëzimit për të trajtuar sëmundjet e zakonshme infektive dhe si rezultat do të kemi zgjatje të sëmundjeve, paaftësi dhe vdekje. Organizata Botërore e Shëndetësisë rezistencën kundër antibiotikëve e klasifikon një "kërcënim serioz", që nuk është më një parashikim për të ardhmen, por është duke ndodhur tani, në çdo vend të botës, me mundësinë për të prekur cilindo. Bakteret rezistente ndaj antibiotikëve gjenden kudo. Në njerëz, kafshë, ushqim dhe mjedis (në ujë, tokë, dhe ajër). Ato mund të përhapen midis njerëzve dhe kafshëve, dhe nga një person në një tjetër. Turizmi favorizon përhapjen e tyre. Një studim në Suedi me të rinj që lëvizën për pushime në vende të ndryshme të botës, tregoi se ndërsa asnjë prej tyre që nuk kishte pasur baktere rezistente në zorrë, kur u kthyen, 1/4 i kishin marrë ato. Dhe sot, në pak orë, njerëzit mund të lëvizin në gjithë botën duke e globalizuar problemin. Rezistenca nuk është e kufizuar vetëm në vendet në zhvillim, por edhe ato të zhvilluara. Zhang tha se MTk-ja po punon në adresimin e problemeve, të cilat mjekësia perëndimore ka dështuar të luftojë. Përvoja e mëparshme ka treguar se ilaçet e Mjekësisë Tradicionale Kineze mund të përdoren si zëvendësuese në praninë e disa sëmundjeve virale. I kryesuar nga Komisioni Kombëtar i Shëndetit dhe i Planifikimit Familjar , instituti zhvilloi në fillim të vitit të kaluar një kërkim të nivelit të lartë me pjesëmarrjen e kryespecialistëve nga fusha e mjeksëisë në lidhje me përgjigjet e MTK-së ndaj rezistencës kundër mikrobeve, sipas Cao Hongxin, ish-kreu i Shkencës dhe Teknologjisë në Administratën Shtetërore të MTK-së. Në këtë ekip ishte dhe Tu Youyou, nobelistja kineze në Mjekësi. Tu fitoi Çmimin Nobel në vitin 2015 për zbulimin e saj të artemisinin-it, trajtimit kundër malaries një medicament i MTK-së. Xiao Yonghong,professor për sëmundjet infektive në Universitetin e Mjekësisë të Zhejiang-ut tha se kërkuesit nga vendi dhe bota kanë studiuar mjekësi kineze me shpresën se do të gjejnë kura alternative ndaj antibiotikëve për reduktimin e rezistencës bakteriale, por ende nuk është bërë ndonjë progres i dukshëm. "Tani, ilaçet që disponon MTK-ja nuk mund të luftojnë bakteriet të vetme dhe as sëmundjet infektive," tha ai. "Ato mund të luajnë më mirë rolin e barnave shtesë." "Me kërkime të mëtejshme dhe zhvillim të ilaçeve të MTK-së në të ardhmen, mund të zbulohen barna kineze që do të luftojnë me efektivitet infeksionet" Edhe nëse ilaçet e mjekësisë kineze do të zëvendësojnë antibiotikët në të ardhmen ende nuk dihet nëse do të krijojë rezistencë si antibiotikët deri në momentin që përdoren tek pacientët, tha ai. Sun Jing, një profesore e asociuar mbi sigurinë e medikamenteve pranë Akademisë Kineze të Shkencave Mjekësore shfaqet më optimist. "Disa ilaçe të Mjekësisë Tradicionale Kineze prodhojnë një ndikim anti-inflamator dhe kundër infeksioneve që mund të përdoren si zëvendësues të antibiotikëve," tha ajo, duke shtuar se disa ilaçe që janë përzierjet e elementeve të MTK-së dhe substancave të Mjekësisë Perëndimore, përdoren gjithashtu si antibiotikë, por ende nuk është e qartë se cila nga të dyja e prodhon efektin e antibiotikut. Ajo shton se duhen më shumë përpjekje për të nxitur kërkimet e MTK-së që ndihmojnë në uljen e përdorimit të antibiotikëve sintetikë në uljen e efekteve të baktereve rezistente ndaj ilaçeve. "Deri tani nuk mund të them që ilaçet e mjekësisë kineze mund të zëvendësojnë plotësisht antibiotikët. Megjithatë, shpresojmë që përdorimi i antibiotikëve do të pakësohet me kërkime shkencore ndaj alternativave të mundshme," thotë ajo. Kina përdor çdo vit gjysmën e sasisës së antibiotikëve të mbarë botës. -Deri pak vite më parë, një infeksion urinar, me një mjekim të shkurtër me antibiotikë të thjeshtë, shërohej. Sot kjo s'ndodh. Bakteret janë bërë të afta t'i mposhtin antibiotikët e zakonshëm. Në një numër vendesh, që shtohen çdo ditë, infeksionet urinare janë bërë rezistente ndaj antibiotikëve. Aktualisht, rreth 700 mijë njerëz në vit vdesin në botë nga infeksionet rezistente kundër antibiotikëve, shifër që rritet vazhdimisht dhe mund të arrijë në 10 milionë në vitin 2050. Kjo kushton jo vetëm jetë njerëzore, por dhe kosto të lartë financiare për Sistemet e Kujdesit Shëndetësor. Venki Ramakrishnan, fitues i çmimit Nobel në Kimi për vitin 2009, ekspert i Biologjisë Molekulare në Universitetin e Kembrixhit, për rezistencë kundër antibiotikëve, thekson : "Bota tashmë ka njohuri të shumta rreth funksionit të baktereve, biologjisë molekulare, gjenetikës, mikrobiologjisë dhe mënyrës së bërjes së antibiotikëve, prandaj dhe lufta kundër baktereve rezistente ndaj antibiotikëve mund dhe duhet të fitohet."

Të dhënat zyrtare tregojnë se në Kinë ka mbi 450 milionë kinezë që vuajnë nga miopia dhe të rinjtë kanë incidencë të lartë për t'u prekur nga ky defekt. Tema kryesore e Ditës së 23-të të Shëndetit të Syve në Kinë më 6 qershor, ishte zbatimi i "masave shkencore për parandalimin e miopisë dhe rëndësisë shëndetit të syve të fëmijëve". Miopia është një anomali refraktive në të cilën rrezet paralele që vijnë nga një objekt në një distancë të caktuar, nuk shkojnë drejtpërdrejt në retinë por përqëndrohen përpara saj, duke sjellë edhe reduktimin e shikimit nga larg. Faktorët që mund të ndikojnë negativisht në progresionin e miopisë janë qëndrimi në ambiente me pak dritë gjatë fëmijërisë, fokusimi tek kompjuteri apo telefoni për një kohë të gjatë apo shumë orë leximi nga afër. Një studim ka treguar se incidenca e miopisë ishte më e lartë te fëmijët që në dy vitet e para të jetës kishin fjetur me dritën e ndezur. Në raste të rralla, miopia ka natyrë patologjike dhe shkaktohet nga një degjenerim i retinës që në moshën të vogël. Zonja Longqin, profesore okuliste në Spitalin e Bashkimit të Pekinit, u shpreh se problemet e përgjithshme e miopisë së të rinjve shfaqen që në moshë të vogël, dhe më pas përkeqësohet me shpejtësi. Sipas të dhënave, 30% e nxënësve të shkollave fillore, afro 60%-80% të nxënësve të shkollës së mesme dhe afro 90% e studentëve vuajnë nga problemi i miopisë. Zv-drejtorja e Politikës dhe Menaxhimit Shëndetësor të Komisionit Shëndetësor Kombëtar të Kinës, Jiao Yahui u shpreh se qeveria kineze dhe sektorët përkatës kanë hartuar plane të hollësishme për ruajtjen e shëndetit të të rinjve, të cilat bashkohen me masat komplekse të sektorët e arsimit, të sporteve etj, me qëllim që të parandalohen sëmundjet e syve tek të rinjtë. "Së pari, kemi forcuar politikat. Në vitin 2016, publikuam së bashku opinionet mbi forcimin e punës për parandalimin e miopisë tek të rinjtë, duke paraqitur 5 kërkesa mbi këtë drejtim tek të rinjtë, që përfshijnë planet e trajnimit dhe të zhvillimit shëndetësor, formimin e grupit të specialistëve, zhvillimin e masave parandaluese të miopisë, përfshirjen e shëndetit të syve në objektet e vlerësimit gjithëpërfshirës mbi shëndetin publik, hartimin e materialeve për shëndetin e syve etj." Jiao Yahui u shpreh se shkolla është fusha kryesore e aktiviteteve të nxënësve. Prandaj, Komisioni Shëndetësor Kombëtar i Kinës dhe Ministria e Arsimit kanë hartuar një sërë planesh, për mundësimin e një mjedisi të mirë për shëndetin e syve. "Kemi paraqitur kërkesat konkrete për ndriçimin e klasave, cilësinë e bankave, dërrasat e zeza, komputerët e përdorur nga nxënësit, kohëzgjatjen e mësimit gjatë ditës etj, për të përmirësuar mjedisin e ambjenteve në shkolla, mënyrën e përdorimit të syve nga nxënësit, duke ndihmuar në parandalimin e miopisë." Jiao Yahui bëri të ditur se sipas Planit të 13-të 5-vjeçar mbi Shëndetin e Syve në Kinë, nga viti 2016 deri në vitin 2020, do të zhvillohen ekzaminimet shkencore për anomalitë refraktive të syrit tek të rinjtë, për të parandaluar dëmtimin e syve. Ditët e fundit, u publikuan një serë udhëzimesh për Parandalimin e Miopisë, për Trajtimet Mjekësore të Ambliopias dhe të Strabizmit, të hartuara nga okulistët. Këto udhëzues iu shpërndanë organeve shëndetësore dhe okulistëve që të rrisin aftësinë e shërbimeve. Ata janë gjithashtu materiale informuese për nxënësit dhe prindërit që të përdorin shqisat e të parit në mënyrë të drejtë. Kryetari i grupit teknologjik Wang Ningli u shpreh se amblyopia është një problem shumë i shpeshtë tek fëmijët. Ambliopia (syri dembel) karakterizohet me pasivitet, mungesën e një sy në pamjen. Në oftalmologji amblyopia është konsideruar si një nga shkaqet kryesore të reduktimit të njëanshëm. Në të gjithë botën ambliopia prek rreth 2% të popullsisë. "Tek fëmijët e moshës 6-14 vjeçare, afro 3% e tyre preken nga ambliopia, që prek funksionet e shikimit, zhvillimet dhe njohjen vizuale. Prandaj, e vëmë theksin shumë tek kjo gjë përmes materialeve informuese. Kjo do të ketë rëndësi historike për standardizimin e tregut të trajtimit mjekësor ndaj ambliopias." Wang Ningli u shpreh se ambliopia dhe strabizmi lidhen ngushtë. Në librat udhërrëfyes, janë përcaktuar ekzaminimet përkatëse mbi strabizmin dhe metodat efikase të trajtimeve. (Xu Guang)

Në Kinë, patëllxhani është pjesë e pandarë e gatimeve vendase. Patëllxhanët janë konsumuar prej mijëra vitesh në Kinë and gatuhen në avull, të skuqur apo turshi. Patëllxhanët njihen si "aubergine" në disa vende europiane dhe "brinjal" në Azinë Juglindore. Në fakt shumë prej nesh mund ta quajmë patëllxhanin perime, por ai është një frut botanik që gatuhet si një perim. I përket familjes Solanacaea që ka lidhje me domatet, patëllxhanët rriten njësoj si domatet. Ekzistojnë qindra lloje patëllxhanesh që ndryshojnë nga forma, përmasa dhe ngjyra si jeshile, të bardha, vjollcë dhe portokalli. Patëllxhani duhet të gatuhet mirë për të neutralizuar farat e hidhura. Disa njerëz e dashurojnë këtë frut, disa të tjerë e urrejnë. Patëllxhanët janë një zëvëndësues perfekt i mishit në dietat vegjetariane. Ato mund të forcojnë kockat, parandalojnë osteoporozën, reduktojnë simptomat e anemisë, fuqizojnë funksionet e trurit, përmirësojnë shëndetin kardiovaskular, sistemin tretës, ndihmojnë me rënien në peshë, mbajnë diabetin nën kontroll, ulin stresin, mbrojnë foshnjet nga defektet e lindjes, madje edhe parandalojnë tumoret. Vlerat fantastike të patëllxhanit vijnë kryesisht nga vitaminat dhe mineralet. Patëllxhani është i mbushur me vitamina C, K, B6, magnez, fosfor, bakër, fibër, acid folik, potas dhe mangan. Popullariteti i patllëxhanëve nisi në Lidnjen e Mesme dhe më pas u përhap drejt Indisë, Azisë Juglindore dhe më pas në Kinë. Në gatimin shumë të dashur në Greqi, por edhe në vendet përreth musakaja psh－përmban feta patllëxhanësh me mish të grirë të pjekur me një shtresë beshameli mbi ta－ose baba ghannouj, një gatim i preferuar në rajonin e Lindjes së Mesme, patëllxhanë të pjekur të bërë në formë pureje. Në Indi, patëllxhanët gatuhen me curry, ndërkohë në Tajlandë gatuhen në supë me erëza djegëse. Patëllxhanët përmbajnë nikotinë, por duhet një sasi shumë e lartë që të barazojë nikotinën e një cigareje. Në mjekësinë kineze, patëllxhani konsiderohet si ushqim "freskues" dhe rekomandohet në verë. Është i pasur në kalcium, kalium dhe vitamina, sidomos vitaminë E. Sipas Mjekësisë Tradiconale Kineze, patëllxhani është shumë i mirë për qarkullimin e gjakut dhe sistemin tretës. Shumë njerëz gabojnë kur skuqin patëllxhanin. Pavarësisht shijes që skuqja mund t'i japë patëllxhanit, ky proçes shkatërron shumë prej vlerave të patëllxhanit, të bën të shtosh në peshë dhe ndikon për keq tek zemra. Gjatë skuqjes, patëllxhani thith më shumë yndyrë seç është e nevojshme. Tentoni skuqje sa më të lehtë dhe zgjidhni pjekjen si metodën më të mire. Proçesi i pjekjes nga ana tjetër ruan të gjitha vlerat e patëllxhanit dhe nuk shton yndyrën Përfitimet shëndetësore nga patëllxhani 1. Diabeti i tipit 2: Prania e fibrave dhe e karbohidrateve tek patëllxhani kontrollon përthithjen e glukozës dhe ul nivelet e glukozës në gjak, tek pacientët me diabet të tipit 2. Prezenca e fenoleve e bën këtë perime të shkëlqyer për diabetikët. 2. Shëndeti i zemrës: Kaliumi hidraton trupin dhe parandalon sëmundjet koronare të zemrës. Elementët ushqyes ndihmojnë në reduktimin e kolesterolit dhe përmirësojnë qarkullimin e gjakut. Elemente të tjera ushqyese si folatet, magnezi, kaliumi, vitamina B3 dhe B6, antioksidantët dhe beta karoteni ulin rrezikun për sëmundje zemre. Patllëxhani ka nivel tepër të ulët të yndyrës, kripës dhe kolesterolit. 3. Shëndetin e trurit: Elementet ushqyese tek kjo perime mbrojnë membranat e qelizave dhe shkatërrojnë radikalet e lira si pasojë e stresit oksidativ, si dhe mbajnë të kthjellët trurin dhe kujtesën. Vitaminat B kompleks kanë funksion çlirues kundër stresit. 4. Rregullon hekurin: Hekuri është një element tepër i rëndësishëm transportimin e oksigjenit, por nëse është me tepricë shkatërron trupin. Nasunin, tek patllëxhani ndihmon në largimin e hekurit të tepërt në trup. 5. Humbje në peshë: Patllëxhani ka përmbajtje të lartë uji, ka pak kalori dhe është një burim i shkëlqyer fibrash dietike, të cilat na bëjnë ndihemi të ngopur për një kohë të gjatë, si dhe menaxhojnë nivelet e sheqerit në gjak dhe përshpejtojnë nxjerrjen e shpejtë të toksinave. Gjithashtu forcon metabolizmin dhe bën që trupi të djegë më shpejt yndyrën, e kështu humbni më shpejt në peshë. 6. I bën mirë tretjes: Supa prej patëllxhani dhe domate hap oreksin dhe ndihmon për një sistem të shëndetshëm tretës. Antioksidantët dhe fibrat rregullojnë lëvizjen e zorrëve, po ashtu parandalojnë kancerin e zorrëve dhe lehtësojnë pasoja nga hemorroidet, koliti, gastritis dhe inflamacioni i stomakut. Supa me patëllxhan pure dhe hudhra ndihmon në largimin e infeksioneve 7. Anti bakterial: Vitamina C tek patëllxhani është një burim i mirë kundër viruseve dhe kundër bakterieve. 8. Lëkurë të pastër: Patëllxhanët janë të pasur në minerale, vitamina dhe fibra dietike. Sa më e lartë përmbajtja e ujit, aq më e hidratuar fytyra dhe pa rrudha. Antioksidantët, antocianina, veprojnë si substance kundër moshimit. 9. Forcon flokët: Mineralet, vitaminat dhe përmbajtja e lartë e ujit tek patëllxhanët ndihmon në ushqimin e skalpit, parandalon djegien e fundeve të flokëve dhe i mban flokët të shëndetshëm dhe të fortë. Enzimat ndihmojnë në stimulimin e folikulit të flokëve dhe ofrojnë shkëlqim për flokun tuaj. 10. Për shëndetin e shpretkës: Ata të cilët vuajnë nga malaria, duhet të pjekin patëllxhanë me sheqer dhe ta konsumojnë në stomak bosh çdo mëngjes që të ushqejnë shpretkën. 11. Lufton pagjumësinë: Nëse keni vështirësi të flini, hani një patllëxhan të pjekur në darkë. Nëse e bëni këtë rregullisht është provuar se kuron pagjumësinë. 12. Kundër hemorroideve: Patëllxhanët janë përdorur për mijëra vite në mjekësinë tradicionale kundër hemorroideve. 13. Parandalon kancerin e zorrës së trashë: Fibrat tek patëllxhani ulin riskun e prekjes nga kanceri i zorrës së trashë, pasi ato thithin toksinat dhe kimikatet. Antioksidanti, acidi klorogjenik, lufton radikalet e lira në trup si dhe mbron qelizat e shëndetshme nga transformimi i tyre në qeliza tumoriale. 14. Ndihmon në lënien e duhanit: Patëllxhani përmban një sasi të ulët nikotine, që ndihmon duhanpirësit në përpjekjen e tyre për të lënë duhanin 15. I mbushur me vitamina dhe minerale: Patëllxhani përmban një sasi të konsiderueshme proteinash, vitamine C dhe hekuri. Ai është gjithashtu një burim i mirë i kalciumit, kaliumit, fosforit, acidit folik dhe beta karotenit. 16. Kuron disa sëmundje: Studimet kanë treguar se patëllxhani ka veti kurative, kuron astmën, problemet me dhëmbët dhe parandalon trashjen e arterieve.

Gjithçka që duhet të dini për Koenzima Q10 është një antioksidant shumë i fuqishëm për organizmin, lufton radikalet e lira, mbështet shëndetin e zemrës, parandalon plakjen e lëkurës si dhe rrit nivelin e përgjithshëm të energjisë. Koenzima Q10, e njohur gjithashtu si ubikuinon, u zbulua në vitin 1957 në Institutin Madison të Enzimave në SHBA, nga Fred L. Crane dhe kolegët e tij. Që prej vitit 1960, universitetet dhe kërkuesit kanë publikuar më shumë se 1,600 artikuj në gazetat mjekësore që demostrojnë dobitë dhe rëndësinë e këtij antioksidanti të fuqishëm. Në vitin 1978, Peter D. Mitchell fitoi çmimin Nobel për Kimi, me zbulimin e tij rreth rëndësisë së Co Q10 në prodhimin e energjisë. Koenzima Q10 është një përbërës i tretshëm në yndyrë që sintetizohet nga trupi dhe gjithashtu konsumohet në dietën ushqimore, kryesisht nga produktet e mishit, shpendëve dhe peshkut. Të gjitha kafshët, përfshirë njerëzit, mund të sintetizojnë ubikuinonet; dhe për këtë, koenzima Q10, teknikisht, nuk mund të konsiderohet si vitaminë. Ajo gjendet në të gjitha membranat qelizore si dhe lipoproteina. Organet me përqëndrimin më të lartë të CoQ10 janë zemra, mushkëritë dhe mëlçia. Është interesant fakti se këto organe punojnë 24 orë në ditë duke kryer veprime jetike të shumëfishta. 95 përqind e kërkesave për energji të trupit tonë kërkojnë ndihmën e CoQ10. Kjo koenzimë fuqizon sistemin imunitar dhe ndihmon me mbrojtjen e qelizave të trurit. Bazuar në studimet, marrja mesatare e koenzimës Q10 në Danimarkë u vlerësua me 3-5 mg/d. Shumica e njerëzve marrrin më pak se 10 mg/d CoQ10 nëpërmjet ushqimit të tyre. Burime të pasura CoQ10 ushqimore përfshijnë kryesisht mishin, veçanërisht mishin e organeve (mëlçia dhe zemra), shpendët dhe peshkun. Burime të tjera përfshijnë vajin e sojës dhe të kanolës dhe arroret. Gjithashtu, burime si perimet, vezët, dhe bulmetrat përmbajnë sasi të vogla të kësaj CoQ10. Shumë sëmundje përfshi çrregullimet gjenetike lidhen me nivelet e ulëta të kësaj koenzime. Megjithëse tek mishi dhe peshku ekziston një sasi, por nuk është e mjaftueshme për të rritur nivelin e energjisë në organizëm. Pas shumë studimesh nga Kina dhe Japonia tregohen vlerat mjekësore të koenzimës Q10 për shëndetin e zemrës dhe të trurit. Më pas shkencëtarët amerikanë vijuan studimet e kolegëve nga lindja e largët, duke përdorur doza të mëdha në studimet e tyre për të pare efektet. U vlerësua se një minimum prej 60 mg nevojitet për të luftuar efektin e statinës, dhe 100 deri në 200 për problemet kardiake,. Për sëmundjet neurologjike nevojitet 200-600 mg. Vegjetarianët kanë mungesë të theksuar të kësaj koenzime dhe i tregojnë shenjat e mungesës së Q10-s pas moshës 40-vjeçare, pavarësisht sa e pasur është dieta e tyre. Pse na duhet koenzima Q10: •Një antioksidant që u nevojitet qelizave të trupit për prodhimin e energjisë,. •Gjendet tek zemra, mëlçitë dhe veshkat. •Sa më mirë ta prodhojnë energjinë këto organe dhe ta mbrojnë vetveten nga radikalet e lira, aq më të shëndetshëm dhe më të rinj do të dukeni. •Studimet kanë treguar se mungesa e kësaj koenzime rritet me kalimin e kohës. •Roli i saj më i madh është në luftimin e sëmundjeve të zemrës •Shumë studime kanë arritur në përfundimin se Q10 ul tensionin e gjakut vetëm pak javë pas nisjes së përdorimit, po ashtu ndihmon në parandalimin e dëmeve si rezultat i kimioterapisë. •Koenzima Q10 përmirëson energjinë, obezitetin dhe sistemin e dobët imunitar. Çfarë thotë shkenca për efektivitetin e kësaj CoQ10 Suplementet e CoQ10 mund të sjellin benefite tek pacientët me çrregullime kardiovaskulare. Studimet kanë treguar se kjo konezimë ka efekte pozitive kundër dobësimit të muskujve, çrregullimeve në sistemin riprodhues, kancerit dhe sëmundjeve të tjera. Nga studimet ka rezultuar se pacientët me probleme në zemër, me marrjen e CoQ10 patën një përmirësim të funksionit kardiovaskular dhe u ndjenë më mirë. Hulumtimet kanë treguar që mbron enët e gjakut dhe redukton rrezikun Është dëshmuar e shkëlqyeshme në parandalimin e migrenës dhe ruajtjen e qelizave të trurit. Ky antioksidant i fuqishëm redukton tensionin e gjakut dhe është i shkëlqyeshëm për shëndetin dhe pamjen e lëkurës. Po ashtu përmirëson cilësinë e spermës Ulja e lëvizshmërisë së spermës (përqindja e spermës që mund të lëvizë normalisht përpara), është shkaku i shpeshtë i sterilitetit. Hulumtimet e realizuara kohë më parë kanë treguar se përdorimi i suplementëve me përmbajtje të koenzimës Q10 mund të përmirësojë lëvizshmërinë e spermës te meshkujt sterilë. Përfundimi vjen pas një analize të spermës së qindra meshkujve, si dhe nivelit të koenzimës Q10.  Cilat janë efektet anësore? Studimet nuk kanë raportuar për efektet serioze anësore, megjithatë më të zakonshme përfshijnë pagjumësinë, marrje mendsh, dhimbje abdominale, marrje mendsh, ndjeshmëri ndaj dritës, dhimbje koke dhe këputje. Koenzima Q10 nuk duhet të përdoret nga grate shtazënëa ose ato që ushqejnë fëmijën me gji.

Në paraditen e 29 majit, u organizua ceremonia e hapjes së Qendrës së Mjekësisë Tradicionale Kineze kino-izraelite (QMTKKI), e cila ndodhet në Klinikën "Moav" në qytetin jugor të Izraelit, Arad. Kjo qendër u hap pas miratimit të Ministrisë kineze të Shëndetësisë. Qyteti Arad ndodhet në jug të Izraelit në kufi me shkretëtirat Negeva dhe Judean, si dhe 25 kilometra në perëndim të Detit të Vdekur. Nëse niseni me makinë nga Arad për në Detin e Vdekur arrini për 20 minuta. Aradi është një qytet me ajër të freskët dhe peizazh të bukur natyror. Paraditen e 29 majit, shumë të ftuar nga pala kineze dhe izraelite shkuan në Klinikën "Moav", për ta festuar ceremoninë e hapjes së Qendrës së Mjekësisë Tradicionale Kineze kino-izraelite. Pas ceremonisë, një specialist kinez në qytetin Zhejiang të Kinës jugore bëri një analizë mjekësore online për një pacient izraelit. Klinika "Moav" u themelua nga Zhang Fan dhe bashkëshorti i saj Gidon Gur në vitin 2003. Në fillim, ajo ishte një klinikë e vogël me një staf prej vetëm 2 personash. Sot ajo është shndërruar në një qendër klinike me 21 punonjës dhe ofron çdo javë shërbime mjekësore për afro 300 pacientë, 70% e të cilëve janë femra. Kjo qendër klinike përbëhet nga 6 dhoma, 1 dhomë për shpërndarjen e ilaçeve tradicionale kineze dhe 1 farmaci tradicionale kineze, që është farmacia e vetme për ilaçet bimore miratuar nga Ministria e Shëndetësisë e Izraelit. Sipas Zhang Fan-it, kjo qendër klinike ofron kryesisht shërbimet e analizës mjekësore dhe të tregtimit të ilaçeve kineze. Tani, Klinika "Moav", ka zhvilluar bashkëpunime me Shoqatën e Bimëve Farmaceutike të Izraelit, duke ndërtuar dy baza për mbjelljen e bimëve mjekësore. "Patëm bashkëpunim me Shoqatën e Bimëve Farmaceutike të Izraelit dhe mundësuam mbjelljen e bimëve mjekësore kineze në Izrael. Po punojmë edhe për mbjelljen e bimëve të egra mjekësore izraelite. Po bashkëpunojmë me spitalin "Bellison", ku zbatohet ndërthurja e mjekësisë kineze dhe asaj perëndimore për sëmundjet tumoriale. Roli i barnave kineze është ulja e efekteve anësore të kimioterapisë dhe të radioterapisë, duke e përmirësuar cilësinë e jetës së pacientëve dhe luajtur rolin e trajtimeve mbështetëse. Kemi marrë pjesë në një program shëndetësor të Bashkisë së qytetit Arad. Sipas planit, do të zhvillojmë bashkëpunim me Spitalin e Mjekësisë Kineze të Provincës Zhejiang dhe Universitetin e Mjekësisë Kineze, për të realizuar trajnim dhe shërbime mjekësore përmes internetit, duke shfrytësuar plotësisht pajisjet përkatëse online." Sekretari i Komitetit të Partisë Komuniste të Spitalit të Mjekësisë Kineze të Provincës Zhejiang(SMKPZ), Huang Chi u shpreh se kjo qendër është projekt i bashkëpunimit ndërkombëtar në kuadër të nismës "Një brez, një rrugë" pranë Administratës Kombëtare të Mjekësisë Tradicionale Kineze. Ky program do të realizohet dhe zbatohet së bashku nga SMKPZ dhe Klinika "Moav". "Shpresojmë se ky program do të nxisë studimet shkencore të ilaçeve kineze, të kulturës së mjekësisë kineze dhe të veprimtarive klinike të mjekësisë kineze. Bashkëpunimi ynë me Klinikën "Moav", përfshin mbjelljen e bimëve mjekësore kineze dhe studimet mjekësore. Shpresojmë që kultura dhe teknika e mjekësisë tradicionale kineze do të t'u vijnë në ndihmë banorëve izraelitë dhe për zhvillimin e mëtejshëm të mjekësisë izraelite." Nënkryetari i Universitetit të Mjekësisë Kineze Li Junwei u shpreh se mjekësia kineze u pranua shumë mirë nga pacientët izraelitë. Në vendet e huaja, shumë probleme shëndetësore të pacientëve të huaj janë zgjidhur nëpër klinikës së mjekësisë kineze. Përveç bashkëpunimeve me klinikën e mjekësisë kineze, organet dhe shkollat mjekësore në Izrael, mund të ftojnë specialistët e mjekësisë kineze në Izrael për ta përhapur përvojën e tyre mjekësore. "Politikat izraelite synojnë zgjidhjen e problemeve shëndetësore të banorëve afër shtëpisë së tyre, që përputhet me shpirtin e shërbimeve të mjekësisë kineze. Prandaj, përzgjedhim një klinikë të mirë për të formuar një qendër të mjekësisë kineze dhe për ta përhapur atë në klinika të tjera në Izrael. Kemi zhvilluar bashkëpunime edhe me grupin mjekësor Nr. 2 të Izraelit, 'Maccabi', i cili ofron kryesisht shërbimet mjekësore nëpër lagje. Kemi në plan të bashkëpunojmë edhe me organet arsimore të mjekësisë kineze në Izrael. Përveç kësaj, kultura e mjekësisë kineze është një pjesë e rëndësishme e kulturës tradicionale të Kinës. Përhapja e kulturës kineze tek vendet përgjatë nismës 'Një brez, një rrugë' është një detyrë jona." Drejtori i Komisionit Administrativ të Zonës së Detit të Vdekur, Dov Litvinoff u shpreh se ata do të zhvillojnë studimet shkencore mbi ilaçet kineze së bashku me Qendrën. Ata do të zhvillojnë studimet mbi trajtimin e tumoreve, duke kombinuar ilaçet bimore lokale me barnat kineze. "Bashkëpunimi ynë me Qendrën e re është shumë i rëndësishëm. Kemi një qendër shkencore që merret me studimin e sëmundjet e ndryshme në kushte ekstreme. Ilaçet tradicionale kineze janë ndër ilaçet bimore të studimit në zonën e Detit të Vdekur. Prandaj, shpresojmë se bashkëpunimi me qeverinë, spitalet kineze dhe Klinikën "Moav", mund t'na sjellë më shumë turistë dhe më shumë barna kineze në Izrael." Kryebashkiaku i Arad-it, Nisan Ben-Hamo u shpreh se formimi i QMTKKI-së në qytetin e tij, bashkëpunimi mes qeverisë kineze, bashkisë së qytetit Arad dhe Komisionit Administrativ të Zonës së Detit të Vdekur janë shumë të rëndësishme për Aradin dhe Izraelin. Aradi dhe QMTKKI-ja do të zhvillojë bashkëpunime për programet shëndetësore. "Ngritja e QMTKKI-së luan një rol shumë të rëndësishëm për Aradin dhe Izraelin. Shpresojmë se ky bashkëpunim mund të nxisë përhapjen e mjekësisë kineze dhe të barnave kineze në Izrael, meqenëse zbuluam se ilaçet e zakonshme nuk kanë efekte për disa sëmundje, por mjekësia dhe ilaçet tradicionale kineze luajnë një rol shumë të madh për këto sëmundje." (Xu Guang)

Kohët e fundit Kina ka marrë një sërë masash për hapjen e sektorit shëndetësor, përfshi shtimin e bashkëpunimit me vende e të ndryshme, miratimin e importit të vaksinave dhe të medikamenteve nga jashtë etj. Këto masa të fundit u ndërmorrën për të përmbushur kërkesën në rritje të banorëve si dhe për të nxitur zhvillimin e sektorit shëndetësor. Kohët e fundit, ky sektor ka pasur zhvillime pozitive. Së pari, u hoqën tarifat doganore dhe u ul TVSH-ja për ilaçet kundër kancerit. Që prej 1 majit, Kina hoqi tarifat doganore për 28 ilaçe të importuara, përfshi medikamentet kundër kancerit; Kina reduktoi 3% të taksave mbi vlerën e shtuar për ilacet e importuara të anti-kancerit, që përfshihen në listën e sigurimeve shëndetësore. Në të njëjtën kohë, për ilaçet kundër kancerit që bëjnë pjesë në listën e sigurimeve shëndetësore, qeveria kineze do të negociojë për çmimin e blerjes; për ilaçet e anti-kancerit që nuk përfshihen në listën e sigurimeve shëndetësore, qeveria do të nisë punën për standardet e futjes në këtë listë. Këto masa mund të ulin më tej çmimet e ilaçeve kundër kancerit, duke lehtësuar barrën ekonomike të pacientëve dhe duke e bërë më praktik procesin e trajtimit. Një familjare e një pacienti të prekur nga kanceri i mushkërive, zonja Wu shprehu pritshmëri të lartë: "Ilaçet e importuara janë shumë të shtrenjta. Ilaçet e prodhuara në Kinë shiten me një çmim prej 100 juanësh, por ato të importuarat shiten me çmim mbi 1000 juanë. Por disa ilaçe të importuara kanë cilësi të mirë. Shpresojmë që masat e uljes së taksave të hynë sa më parë në fuqi." Përveç kësaj, deri në fund të prillit, vaksina HPV 9-valente që parandalon kancerin cervikal u miratua me kushte në pjesën kontinentale të Kinës. Në krahasim me proceset e gjata të miratimit për vaksinat 2-valente dhe 4-valente, koha e miratimit e vaksinës 9-valente është vetëm 8 ditë. Zv-drejtori i Qendrës së Eksplorimeve Shkencore të Shoqatës së Farmaceutike Kineze Xiao Lu vuri në dukje se miratimi i shpejtë i kësaj vaksine vjen nga dy arsyet: së pari, kjo vaksinë përputhet me standardet dhe kërkesat e miratimit ; së dyti, Kina ka vendosur "kanalin e gjelbër" të miratimit me prioritet për ilaçet që mungojnë dhe ato të reja të rëndësishme. "Përveç vaksinës, edhe barnat e tjera të reja gëzojnë kanalet e gjelbra. Për shembull, ilaçi i importuar, vaksina kundër virusit Ebola etj, po kalon në 'kanalet e gjelbra' të miratimit nga Qendra e Vlerësimit të Ilaçeve." Zv-drejtori i Departamentit të Regjistrimit të Administratës së Ushqimeve dhe të Ilaçeve të Kinës Li Jinju u shpreh se për t'u ofruar pacientëve ilaçe ndërkombëtare me përparësi dhe sa më cilësore, Kina do të përmirësojë më tej procesin e miratimit dhe shqyrtimit, për të shkurtuar kohën e futjes së ilaçeve të importuar në treg në të ardhmen. "Do ndryshojmë procesin e kualifikimit të praktikës klinike nga sistemi i miratimit deri tek sistemi i regjistrimit. Do të ndryshojmë procesin e aplikimit të përvojës klinike nga sistemi i miratimit tek sistemi i skadencës. Në të njëjtën kohë, janë publikuar edhe një sërë udhëzimesh për të mbrojtur të dhënat statistikore. Përveç kësaj, në bazë të garantimit të sigurisë së pacientëve, do të lehtësojmë procesin e miratimit dhe shqyrtimit të ilaçeve ndaj sëmundjeve të rralla, duke pakësuar praktikat klinike." Përveç fushës mjekësore, Kina ka nxitur edhe hapjen e sektorit të shërbimeve mjekësore. Kohët e fundit, Komisioni Kombëtar për Shëndetin dhe Planifikimin Familjar të Kinës publikoi një serë dokumentesh për rritjen e mëtejshme të nivelit të hapjes të sektorit shëndetësor tek fondet e huaja, sipas të cilave është hequr kufizimi i përqindjes së aksioneve të huaja prej 70% për klinikat e përbashkëta me kompanitë e huaja. Deri tani, klinikat dhe spitalet me investime të përbashkëta mes Kinës dhe vendeve të tjera janë Spitali kino-amerikan, Yihe, Spitali Familja e Përbashkët, Spitali Cilin etj. Këto spitale me investimet e huaja ofrojnë shërbime mjekësore për pacientët me të ardhura të larta. Stafi, cilësia dhe pajisjet në këto spitale janë të një standardi shumë të lartë. Profesori i Departamentit të Politikës Shëndetësore dhe të Administrimit pranë Institutit së Shëndetit Publik të Universitetit të Pekinit Zhou Zijun u shpreh se zhvillimet e organeve mjekësore me investimet e huaja mund të plotësojnë kërkesat e ndryshme të tregut dhe të rrisin nivelin e përgjithshëm të shërbimeve të tanishme mjekësore. "Ato plotësojnë kërkesat e ndryshme të tregut, meqenëse investimet e huaj mjekësore që hynë në tregun e Kinës, u shërbejnë pacientëve të veçantë. Për shembull, Spitali i Familjes së Përbashkët u shërben kryesisht pacientëve të huaj në Kinë dhe pacientëve kinezë me të ardhura të larta. Futja e investimeve të huaja në fushën mjekësore do të na sjellë metoda më të rregullta, veçanërisht për trajtimet mjekësore ndaj tumoreve dhe sëmundjeve të rralla."(Xu Guang)

Në kohën që po jetojmë dëgjojmë shpesh ankesa për mbingarkesë. Dhe ata të cilët ankohen shpesh për këtë nuk janë të varfrit. Shumica e tyre janë të shtresës së mesme ose punonjës të administratës. Gjithashtu, ata që kanë makina luksoze dhe banojnë në vila ankohen shpesh për jetën. Ata nuk ankohen për lodhjen fizike, por për atë psikologjike. Përse lodhemi psikologjikisht? Filozofi i lashtë taoist Zhuang Zi e ka përshkruar kështu dukurinë e shqetësimit tek njeriu: "Me lindjen e njeriut, lindën dhe shqetësimet." Kjo është një shprehje shumë e saktë për shqetësimet e jetës. Në lashtësi filozofët konfucistë u bënin thirrje funksionarëve dhe intelektualëve kinezë që të shqetësoheshin për fatet e shoqërisë dhe shtetit. Këto shqetësime mund të nxitnin ambicien e intelektualëve për të punuar më shumë për të mirën e shoqërisë. Konfuci ka thënë: "Nëse nuk interesohemi për të bërë një planifikim afatgjatë, do të shqetësohemi nga sfidat e së ardhmes së afërt." Është e nevojshme dhe e pashmangshme që të shqetësohemi për gjërat e rëndësishme në jetë. Por, nëse analizojmë shqetësimet e përditshme, do të zbulojmë faktin se shumica e shqetësimeve janë të pakuptimta ose të panevojshme për jetën tonë. Në shumë raste, shqetësohemi për probleme shumë të vogla ose ndodhi të parëndësishme. Këto shqetësime ndikojnë në shëndetin tonë dhe ulin nivelin e lumturisë sonë. Prandaj, duhet të përpiqemi që të largojmë shqetësimet e panevojshme dhe të pakuptimta. Si të largojmë shqetësimet e panevojshme? Në fillim duhet të gjejmë kohën e posaçme për përballimin e shqetësimeve. Psikologu amerikan Roland shpjegon një metodë të veçantë për të trajtuar shqetësimet e ditës. Ai nuk na sugjeron që të largohemi nga shqetësimet, por propozon që të ballafaqohemi me problemet në një kohë të veçantë të ditës. Nga të dhënat del përballimi i plotë i shqetësimeve në një kohë të caktuar mund të na ndihmojë të kontrollojmë humorin. Kjo i ngjan metodës së trajtimit të pagjumësisë. Nëse keni frikë se nuk do të flini, mund të trazoheni më tej nga problemi i pagjumësisë; nëse përballeni me problemin e pagjumësisë gjatë natës, mund të bini në gjumë më shpejt. Disa nga veprimet që mund të kryeni: 1. Gjatë ditës mundohuni të ndërprisni mendimet negative dhe të mos shqetësoheni duke menduar apo duke imagjinuar gjëra të paqena. Për këtë mund të bëni zhvendosjen e mendimeve, p. sh., nëse ju vjen një mendim negativ në kokë, menjëherë mendoni diçka pozitive ose përqendrohuni tek një objekt, lule etj. Thuajini vetes që ju keni orarin tuaj të posaçëm për t'u merakosur. 2. Çdo ditë përcaktoni një kohë prej 30 minutash për përballimin e shqetësimeve. 3. Kur ju shfaqet stresi apo mendimet negative në kokë, mos qëndroni në karrigen tuaj të zakonshme të punës ose të pushimit, për të shmangur lindjen e humorit negativ. Gjithashtu, mos e planifikoni kohë e përballjes së shqetësimeve para gjumit, pasi mund të mbeteni pa gjumë. 4. Mos hiqni dorë nga ky vendim, gjithmonë zbatojeni kohën që keni vendosur për përballimin e shqetësimeve. Nëse do t'i respektoni këto hapa me kujdes, atëherë me kalimin e kohës mërzia që ju kaplon nga të menduarit e tepërt apo mendimet negative do të largohet njëherë e mirë. Buzëqeshni për largimin e shqetësimeve Mund të bëni një stërvitje të tillë: mundohuni të merrni frymë thellë dhe të qetësoheni, më pas mundohuni të buzëqeshni për 15-30 sekonda. Pas kësaj, pavarësisht sa i madh është shqetësimi, humori i keq zvogëlohet ose edhe zhduket pas buzëqeshjes në fytyrë. Ju mund ta provoni këtë përsëri përballë pasqyrës dhe do të ndiheni me të vërtetë shumë mirë. Disa mund të pyesin se si ka mundësi që kjo buzëqeshje e stimuluar largon shqetësimin. Sekreti i kësaj metode është marrëdhënia mes "qeshjes" dhe "gëzimit". Çfarë është qeshja? Qeshja është shprehja e fytyrës kur jemi të gëzuar. Çfarë është gëzimi? Cili është ndryshimi mes qeshjes dhe gëzimit? Sipas psikologëve, qeshja është ndryshimi i trupit për të çliruar humorin. Gëzimi është përvoja e brendshme për humorin. Në përgjithësi, së pari ndodh që gëzohemi dhe më pas qeshim. Por, në të kundërt, ndryshimi i muskujve të fytyrës për formimin e qeshjes mund të sjellë gëzim të brendshëm, duke ndryshuar humorin e brendshëm. Për shkak se truri regjistron lidhjen mes buzëqeshjes dhe përvojës së gëzimit, kur përpiqeni të rregulloni muskujt e fytyrës, rregullohet në të njëjtën kohë dhe gjendja shpirtërore. Si rezultat, shqetësimet e brendshme pakësohen dhe largohen përmes buzëqeshjes suaj. Si të largojmë shqetësimet Po e ilustrojmë këtë me historinë e një nëne me dy djemtë e saj. Djali i madh shiste ombrella, kurse i vogli prodhonte kripë që e thante në diell. Në ditët me diell, nëna merakosej: "Sot është ditë me diell, djali i madh e ka shumë të vështirë që të shesë ombrella." Në ditët me shi, ajo përsëri shqetësohej: "Sot është ditë me shi, djali i vogël nuk mund ta thajë kripën." Ngaqë kështu nëna ishte gjithmonë në merak, u sëmur. Të dy djemtë nuk e dinin si t'i lehtësonin shqetësimet e nënës së tyre. Por në atë kohë erdhi një plak i mençur, që i tregoi nënës së tyre një mënyrë për lehtësimin e shqetësimeve: "Në ditët me diell, që janë të përshtatshme për prodhimin e kripës, duhet të gëzohesh për punën e djalit të vogël. Në ditët me shi, kur shiten shumë ombrellat, duhet të gëzohesh për punën e djalit të madh. Nëse e ndryshon modelin e humorit kështu, të gjitha shqetësimet do të largohen." Nëna e zbatoi këtë këshillë dhe humori i saj u përmirësua, duke gëzuar një shëndet më të mirë. Historia e nënës dhe e djemve të saj mund të shfaqet në variante dhe rrethana të ndryshme. Për shembull, nëse kompania juaj jep p. sh. 10 mijë lekë të rinj shpërblim për fundvit, ju mund të mërziteni për një vlerë kaq të vogël. Por nëse e ndryshoi mënyrën e të menduarit, duke thënë: "Sot kam marrë 10 mijë lekë shpërblim, që është më mirë se aspak," mund t'ju lindë ndjenja e gëzimit dhe humori t'ju përmirësohet. Jeta është e tillë. Kur përballemi me fate të njëjta, e shikojmë këtë gjë nga perspektiva të ndryshme dhe mund të kemi humor të ndryshëm. Nëse i shikojmë problemet e jetës nga një perspektivë më pozitive, do të gëzojmë një gjendje shpirtërore më pozitive në jetë. Jeta jonë gjithmonë ka dy anë: pozitive dhe negative. Le të shpresojmë dhe të përpiqemi që të gjejmë sa më shumë gjëra pozitive të jetës sonë. (Xu Guang)

Kina është në prag të zhdukjes së malaries, njoftoi një prej autoriteteve të lartë të shëndetësisë në një mbledhje të Asamblesë Botërore të Shëndetësisë, në të cilën Pekin u vlerësua për përpjekjet në luftën kundër sëmundjes vdekjeprurëse. Cui Li, zëvendësministrja e Komisionit Kombëtar të Shëndetit të Kinës, drejtoi të marten një veprimtari me temë "Përpjekjet e udhëhequra nga vendi dhe ato në pronësi të vendit për zhdukjen e malaries për arritjen e mbulimit shëndetësor universal" në Gjenevë gjatë Asamblesë Botërore të Shëndetësisë. Drejtori i përgjithshëm i OBSH-së Tedros Adhanom Ghebreyesus përshëndeti Kinën për përpjekjet e saj kundër malaries. Tedros theksoi se që nga viti 2000, është bërë një përparim i madh por "ne jemi në udhëkryq," ndërsa theksoi se lufta kundër malaries duhet të jetë e vazhdueshme. "Kemi mbi 200 milionë raste të malarias në vit dhe mbi 90 përqind e tyre janë në Afrikë, prandaj fokusi tek Afrika është i rëndësishëm," tha Tedros, i cil është specializuar për malarien përpara postit të ri në OBSH vitin e kaluar. Zyrtarët kinezë shpjegojnë se në rastin e Kinës, për të përmbushur dhe vlerësuar procesin e zhdukjes dhe për të arritur qëllimin e çertifikimit nga Organizata Botërore e Shëndetësisë, Kina ka miratuar verifikimin në nivel qarkun, prefekture dhe nën-kombëtar që nga viti 2012. Cui shtoi se Ministria e Shëndetësisë e Kinës në bashkëpunim me 12 ministra miratuan Planin Kombëtar për Zhdukjen e Malaries 2010-2020, për të nisur fushatën mbarëkombëtare për zhdukjen e kësaj sëmundjeve. Ajo tha se qëllimi i përgjithshëm i fushatës kundër malaries në Kinë është zhdukja e plotë në vend e kësaj sëmundjeje deri në vitin 2020. Tu Youyou, e para kineze fituese e çmimit Nobel në shkencë, pas marrjes së tij ka deklaruar se "nuk ka ndonjë rëndësi të madhe çmimi, por rëndësi ka përdorimi i zbulimit të saj". "Të fitosh apo jo Nobelin nuk ka rëndësi për mua, por është një nderim për mjekësinë tradicionale kineze, një burim frymëzimi që duhet vazhduar më tej". Me këto fjalë është shprehur Nobelistja 80 vjeçare kineze Tu. Kush është Tu Youyou Zonja Tu fitoi çmimin Nobel për Fiziologji dhe Mjekësi për studimin e saj që i kushtohet trajtimit të sëmundjes së malaries. Ajo e ndan çmimin e akorduar nga Akademia Suedeze me irlandezin William Campbell dhe japonezin Satoshi Omura. Shkencëtarja kineze Tu ka zbuluar Artemisinin,një medikament që ul ndjeshëm nivelin e vdekshmërisë tek personat e prekur nga malaria. Në një intervistë për agjencinë kineze të lajmeve Xinhua, menjëherë pas marrjes së Nobelit, zonja Zu u shpreh që terapia kundër malaries bazohet në kërkimet e saj në mjekësinë tradicionale kineze. Duke e cilësuar çmimin si një nder të madh, ajo ja dedikon më së shumti bashkëpunëtorëve të saj në studim duke thënë se "Nobeli u takon shkencëtarëve dhe përpjekjeve të tyre, për të sjellë mjekësinë tradicionale kineze në vëmendje të komunitetit shkencor ndërkombëtar". "Artemisinin është një dhuratë për popujt e botës nga mjekësia tradicionale kineze, tha nobelistja Tu. Ajo ka nënvizuar se sa e rëndësishme është lufta kundër malaries dhe sëmundjeve të tjera infective, si dhe mbrojtja e shëndetit të njerëzve kudo në botë. Në një letër urimi, kryeministri kinez Li Keqiang vlerëson nobelisten Tu dhe shprehet se " Çmimi i dhënë shkencëtares Tu simbolizon përpjkejet e Kinës në fushën shkencore dhe teknologjike, si dhe kontributin e shquar të mjekësisë tradicionale kineze, duke nxjerrë në pah zhvillimin e vrullshëm të Kinës dhe rritjen e prestigjit të saj në arenën ndërkombëtare". Studjuesja Tu ka treguar në intervistë se çfarë pune kolosale është kryer prej saj dhe ekipit të studjuesve kinezë, duke analizuar elementet e efektshëm të krimbit të drurit në rreth 190 prova. Për tu siguruar për mjekimin e ri që kishin zbuluar, shkencëtarja Tu dhe ekipi isaj e kanë provuar atë së pari personalisht, në mënyrë vullnetare. Çmimi Nobel dhe kontributi i TMC Pas dhënies së çmimit, kryetari i Komitetit të Nobelit, Juleen R. Zierath ka thënë për mediat ndërkombëtare se "frymëzimi që shkencëtarja kineze Tu ka patur për shpikjen e saj nga mjekësia tradicionale kineze është shumë i rëndësishëm. Ndërsa vetë shkencëtarja Tu thotë se një pjesë e vlerësimit të studimit i takon mjekësisë tradicionale kineze por e kombinuar me teknologjinë moderne. Shkencëtarë të ndryshëm kinezë kanë vlerësuar studimin e zonjës Tu dhe ekipit të saj për trajtimin e sëmundjes së malaries, bazuar dhe në metodat e mjekësisë tradicionale kineze. Por ata venë në dukje se kjo nuk është e mjaftueshme pa rezultatet shkencore të studimit. Chen Zufeng professor i Universitetit të Framacisë Fudan në Shangai duke komentuar vlerësimin e zonjës Tu me çmimin Nobel është shprehur se zbulimi është rezultat i kërkimeve në barnat e mjekësisë tradicionale kineze dhe modernizimi i shkencës së farmakologjisë. Ndërsa Rao Yi kryetar i Shkollës së Shkencës në Universitetin e Pekinit ka thënë se mjekësia tradicionale kineze ka ende shumë hapësirë për zbulime shkencore në të mirë të njerëzimit. Vlerësime Bu Pengbin, një ish-student i mjekësisë tradicionale kineze në Akademinë Kineze të Shkencave Mjekësore thotë se zonja Tu shpesh vizitonte laboratorët e kësaj Akademie dhe nxitte studentët për studimin e mjekësisë tradicionale. Ndonëse një 80 vjeçare, Nobelistja Tu thotë se ajo ka ende shumë për të bërë në fushën e zbulimit shkencor. Në qytetin e saj të lindjes Ningbo në provincën lindore Zhejiang ndodhet shtëpia e fëmijërisë e zonjës Tu, ku ajo ka banuar deri para se të niste studimet universitare në Pekin. Pas marrjes së çmimit Nobel nga bashkëqytetarja e tyre banorë të moshave të ndryshme të këtij qyteti bëjnë foto në këtë shtëpi, ku 80 vite më pare u lind dhe u rrit Nobelistja e pare kineze në fushën e shkencës Tu Youyou

Sekretet e Vitaminës K, për çfarë na shërben dhe ku ta gjejmë Vitamina K kryen një sërë funksionesh, të cilat e bëjnë të domosdoshme për organizmin e njeriut. Ajo nuk duhet të mungojë asnjëherë në ushqimet që konsumojmë, pasi ndikon direkt në mbrojtjen e kockave, koagulimin e gjakut dhe kalcifikimin e enëve të gjakut. Mungesa e vitaminës K është më e rrallë te të rriturit, por shpesh paraqitet te fëmijët. Vitamina K ndodhet në ushqime bimore, sikurse janë perimet e gjelbra dhe po ashtu prodhohet edhe në trup. Ajo vjen në dy forma vitamina K-1 dhe gjendet në bimë, sikurse spinaq dhe kale. Forma e dytë njihet si vitamina K-2 dhe gjendet në trup. Të dyja këto vitamina K-1 dhe K-2 prodhojnë proteine që ndihmojnë qarkullimin e gjakut, duke mos lejuar koagulimin e tij. Ka disa arsye pse fëmijët kanë mungesë të kësaj vitamine, si për shembull pirja e qumështit të gjirit që ka sasi të ulët të vitaminës K, mos transferimit të vitaminës K nga placenta e nënës te foshnja e saj dhe se të sapolindurit nuk mund të prodhojnë vitaminë K-2 në ditët e tyre të para të jetës. Dietikët dhe ekspertët e të ushqyerit rekomandojnë që meshkujt e rritur duhet të konsumojnë të paktën 120 miligramë (mg) në ditë vitaminë K dhe gratë të konsumojnë 90 mg në ditë. Ushqimet me sasi të larta në vitaminë K përfshijnë perime të gjelbra dhe produkte të qumështit të fermentuara. Nëse një person është diagnostikuar me mangësi të vitaminës K, atyre u jepet një shtesë vitaminë K e quajtur phytonadione. Doza e dhënë varet nga mosha dhe shëndeti i individit. Doza e zakonshme për të rriturit varion nga 1 deri në 25 mg. Një mjek gjithashtu do të marrë në konsideratë nëse një person po merr antikoagulues, pasi këto mund të ndërveprojnë me vitaminën K. Vitamina K është një vitaminë që luan një rol të rëndësishëm për shëndetin e kockave dhe të zemrës. Ekspertët e AgroWeb.org shprehen se pamjaftueshmëria e vitaminës K në organizëm mund të shkaktojë trombozë, gjakderdhje dhe probleme serioze me kockat. Disa prej shenjave dhe simptomave të mungesës së vitaminës K përfshijnë lehtësitë në nxirje të lëkurës, rrjedhje të gjakut prej hundëve ose mishrave të dhëmbëve, gjakderdhje në sistemin tretës.. Njerëzit që vuajnë nga kequshqyerja kronike, varësia ndaj alkoolit apo problemet shëndetësore që kanë të bëjnë me paaftësinë e përthithjes së vitaminave, janë më të rrezikuar ndaj pamjaftueshmërisë së vitaminës K. Kjo vitaminë e rëndësishme gjendet në shumë burime natyrale. Kryesisht te barishtet si kale, spinaqi, pazia, gjethet e rrepave dhe te perimet si lakrat e vogla, lulelakra, brokoli, shpargu, majdanozi dhe sallata jeshile. Burime të tjera të vitaminës K janë qepët e njoma, kumbullat, kastraveci, mëlçia e viçit, çaji jeshil, peshku, vezët, borziloku i thatë, krundet e grurit dhe produktet e fermentuara të bulmetit si kosi dhe djathi. Kundër mpiksjes së gjakut Një nga funksionet primare të vitaminës K është të stabilizojë mpiksjen e gjakut, një fenomen që kërkon vazhdimësi të molekulave që qarkullojnë në gjak. Vitamina K luan një rol kyç në procesin e mpiksjes që ndodh gjatë lëndimeve fizike ose çarjes së damarëve. Vitamina K ndihmon në transportimin e kalciumit në gjak, një mineral i nevojshëm për mpiksjen e gjakut. Përmirëson shëndetin e kockave Kjo vitaminë e rëndësishme luan një rol kryesor në përmirësimin e shëndetit të kockave dhe ulur rrezikun e frakturave të tyre. Vitamina K është veçanërisht e rëndësishme për femrat pas menopauzës të cilat rrezikohen nga osteoporoza. Organizmi ka nevojë për vitaminë K për të transportuar kalciumin, aq shumë i dobishëm për formimin e kockave. Sasitë e mjaftueshme të vitaminës K, veçanërisht të asaj K2 janë të dobishme për aktivizimin e osteocalkinës. Ajo është një proteinë që qarkullon në gjak dhe që ndërlidh jonet e kalciumit me strukturën e kockës. Kjo proteinë i bën kockat më të forta. Mbështet shëndetin e zemrës Vitamina K është e mirë edhe për shëndetin e zemrës. Pikë së pari, ajo ndihmon në uljen e tensionit të gjakut duke parandaluar akumulimin e mineraleve në enët e gjakut. Kjo e ndihmon zemrën të pompojë gjak më lehtë. Vitamina lufton inflamacionin dhe mbron qelizat përbërëse të damarëve, venave dhe arterieve. Një gjë e tillë pakëson gjasat e një arresti kardiak ose ataku në zemër. Zgjeron ndjeshmërinë ndaj insulinës Vitamina K është e vlefshme për të përmirësuar rezistencën ndaj insulinës dhe pakësuar rrezikun e shfaqjes së diabetit. Mbështet funksionet e trurit Kjo vitaminë lufton inflamacionin dhe mbron trurin ndaj stresit oksidues që shkaktohet nga radikalet e lira. Stresi oksidues mund të dëmtojë qelizat e trurit dhe të shkaktojë sëmundje të ndryshme si Alzhaimeri, Parkinsoni e të tjerë Vitamina K është ndoshta një nga vitaminat më pak të njohura, por ndër më të rëndësishmet për organizmin e njeriut. Vitamina K sintetizon proteinat të cilat janë thelbësore për mpiksjen e gjaku. Nëse një njeri gjakoset, nëse ka mungesa të kësaj vitamine, gjakderdhja nuk do t'i ndalojë duke i rrezikuar jetën. Ajo bashkëpunon me vitaminë D për të kontribuar në shëndetin e kocakve. Nivelet e ulëta të vitaminës K mund të rrisin rrezikun e thyerjes së kockave sidomos në moshat e treta. Erëza të tilla si borzilok, trumzë, majdanoz. Të gjitha perimet jeshile si: lakër jeshile, spinaq etj Panxhar, rrepë, dhe zarzavate të tjera. Lakër brukseli, brokoli, lakër, dhe lulelakër. Piperi kuq, spec i kuq, pluhur djegës, dhe kerri. Burime të tjera: shparguj, kopër, bamje, turshi, soje, vaj ulliri dhe fruta të thata.

31 maji është Dita Botërore Pa Duhan. Tema e këtij viti është duhani dhe sëmundjet e zemrës. Sipas të dhënave, Kina, prodhuesja dhe konsumatorja më e madhe në botë e duhanit, ka mbi 300 milionë duhanpirës ose 44 për qind të totalit botëror. Më 11 maj, Qendra e Kontrollit dhe Parandalimit të Sëmundjeve të Kinës dha shumë informacione dhe mesazhe sensibilizuese për një jetë të shëndetshme pa duhan. Në to theksohet se duhanpirja aktive dhe pasive shkaktojnë sëmundje kardiovaskulare dhe cerebrovaskulare. Specialistët e shëndetit publik kanë bërë thirrje që të shtohet kontrolli dhe të lihet duhani. Në Kinë çdo vit humbasin jetën mbi 1 milion vetë për shkak të duhanit. Më 11 maj, Qendra e Parandalimit dhe Kontrollit të Sëmundjeve dhe 8 sektorë të tjerë publikuan informacione sensibilizuese për kontrollin e duhanit Zv-drejtori i Qendrës së Kontrollit të Sëmundjeve Li Xinhua: "Sëmundjet kardiovaskulare dhe cerebrovaskulare janë shkaqet kryesore të vdekshmërisë në botë. Në Kinë, mbi 40% pacientëve vdesin për shkak të sëmundjeve kardiovaskulare dhe cerebrovaskulare. Pirja e duhanit dhe duhanpirja pasive duhet të shmangen për të parandaluar sëmundjet kardiovaskulare dhe cerebrovaskulare. Duhanpirja mund të shkaktojë dëmtime në zemër, duke rritur rrezikun për sëmundje koronare; sipas studimeve, pirja e një cigare në ditë mund ta shtojë me 74% rrezikun për sëmundje zemre tek meshkujt dhe me 119% tek femrat. Këto janë disa statistika të rëndësishme." Zv.shefi i Spitalit të Anzhen-it, specialisti i sëmundjeve kardiovaskulare dhe cerebrovaskulare Zhou Yujie u shpreh se pirja e duhanit dëmton arteriet cerebrovaskulare dhe të qafës, duke rritur rreziqet e apopleksisë. Konsumi i duhanit për një kohë të gjatë shton riskun për sëmundje zemre dhe shkalla e vdekshmërisë do të jetë më e lartë. Përveç kësaj, pirja pasive e duhanit mund të dëmtojë me shpjetësi arteriet kardiovaskulare dhe cerebrovaskulare, duke shkaktuar gjithashtu sëmundje zemre dhe apopleksi. "Tymi i duhanit dëmton endotheliumin (Veshja e butë dhe delikate e enëve të gjakut). Kolesteroli i lartë, pirja e duhanit, tensioni i lartë, ose diabeti mund të dëmtojë endotheliumin duke krijuar një vend për kolesterolin që të hyjë në murin e arteries. Kjo mund të shkaktojnë plakjen e arterieve dhe arteriosklerozë të parakohshme. Këto fenomene mund të shkaktojnë sëmundjet koronare të zemrës. Prandaj, duhanpirja është shumë e dëmshme. Përveç kësaj, duhanpirja pasive shkakton edhe më shumë dëme. Femrat kanë rezistencë më të ulët nga duhani, sistemi i tyre endokrin është më i paqëndrueshëm. Gjatë adoleshencës, femrat janë të forta, por gjatë menopauzës duhanpirja mund t'u sjellë dëme të mëdha." Në vitin 2003, Kina nënshkroi Konventën Kornizë për Kontrollin e Duhanit të OBSH-së, e cila u zyrtarizua në vitin 2006. Deri tani, në mbi 10 qytete si Pekin, Shangai, Shenzhen etj, është miratuar ligji pa duhan, që mbulon 1/10 të popullsisë së përgjithshme kineze. Përfaqësuesi i OBSH-së në Kinë Gauden Galea tha se Kina ka bërë arritje të mëdha në luftën kundër duhanit. "Në vitet e fundit, Kina ka bërë shumë progres në kontrollin e duhanit. Sivjet është viti i 3-të i zbatimit të rregullave të kontrollit të duhanit në Pekin. Janë zbatuar rregullat e kontrollit të duhanit në Shangai për 1 vit. Në qytetin e Shenzhenit, janë shpallur rregullat e ndalimit të përgjithshëm të duhanit. Në qytetet e tjera, si Xi'an, Hangzhou etj, është hartuar ose planifikuar ligji pa duhan." Megjithatë ende ekzistojnë shumë sfida në masat e ndalimit të duhanit në Kinë. Një prej tyre është se nuk janë hartuar rregullat e kontrollit të duhanit në nivelin kombëtar, ekzistojnë ende reklama promovuese për shitjen e duhanit, tarifat e duhanit nuk janë rritur në nivelin e kërkuar nga OBSH-ja etj. (Xu Guang)

A e dinit se kikirikët përmbajnë më shumë antioksidantë se karotat dhe mollët? Kikirikët janë të pasur me kalcium që ndihmojnë për forcimin e kockave dhe hekur që ndihmon kundër anemisë. Vetitë shëndetësore të kikirikëve Kikirikët përmbajnë sasi të madhe proteinash gjë që e bën atë një ushqim te preferuar të atyre që merren me body-building si dhe për ata që janë të dobët dhe nën peshë. Kikirikët jane një burim i mirë i koenzimes Q10 e cila mbron zemrën gjatë periudhës së mungesës së oksigjenit psh, nëpër lartësira,si dhe ndihmon arteriet e bllokuar. Kikirikët kanë më shumë antioksidantë se manaferrat dhe luleshtrydhet dhe janë shumë më të pasur me antioksidantë se mollët, karotat apo panxhari. Kikirikët pa kripë ndihmojnë arteriet e zemres. Një e katërta e filxhanit me kikirikë përmban yndyra te pangopura aq sa një lugë gjelle vaj ulliri të cilat ndihmojnë për uljen e koresterolit në gjak. Përmbajtja e lartë e kikirikëve me niacinë ndihmon në shërimin e qelizave te dëmtuara te sëmundjes Alzheimer dhe problemeve të moshës. Kikirikët përmbajnë vitaminë E, një antioksidant i fuqishëm që ka treguar se redukton ndjeshëm rrezikun e kancerit dhe sëmundjeve kardiovaskulare. Kikirikët përmbajnë hekur, element thelbësor për funksionimin e duhur të qelizave të kuqe të gjakut. Kikirikët janë të pasur me kalcium që ndihmojnë për forcimin e kockave. Studimet tregojnë se duke shtuar qoftë shumë pak kikirikë në dietën tuaj mund të zvogëloni LDL kolesterolin(e keq) me 14%. Kikirikët përmbajnë fibra që ndihmojnë për të ulur rrezikun e kancerit të zorrës së trashë Kikirikët ndihmojnë për të përshpejtuar rritjen e hormoneve mashkullore dhe femërore. Individët me probleme veshkash ose fshikëzën e tëmthit duhet të shmangin kikirikët, sepse ato përmbajnë sasi të mjaftueshme oxalatesh, të cilat mund të kristalizohen dhe të shkaktojnë probleme shëndetësore. Individët me probleme me tiroidet mund të shmangin kikirikët sepse përmbajne goitrogens që ndërhyjnë me funksionimin e gjendrës tiroide. Një studim i ri ka arritur në rezultatin se duhet bërë e kundërta, pasi shmangia e plotë e alergjentëve të kikirikëve nga dieta e fëmijëve të vegjël e bën organizmin më të dobët dhe rrit shanset e alergjisë në moshë të rritur. Për vite me radhë prindërit janë përpjekur me të gjitha mënyrat për të shmangur kikirikët nga dieta e fëmijëve, me shpresën se ata nuk do të shfaqnin alergji prej kikirikëve në moshë të rritur. Kur dy vëllezërit Dogherty zgjedhin diçka për të ngrënë, 10-vjeçari Garrett mendohet mirë. Ai ka alergji nga kikirikët dhe çdo gjë e sheh me atë sy: "Kjo ka kikirikë, kjo tjetra ka fara luledielli por është pjekur me vaj kik iriku. Nuk e di a mund ta ha. Kjo tjetra është me bajame". Nëna e tij, Dana shpjegon çfarë ndodh kur ai ha diçka me kikirikë: "I zihet fryma nëse ha apo thjesht është në kontakt me diçka që përmban kikirikë. I gjithë organizmi i tij pushon së funksionuari dhe i mbyllen rrugët e frymëmarrjes". Është një shqetësim i vazhdueshëm për prindërit e fëmijëve me alergji nga kikirikët, të cilët në çdo moment mund të jenë në rrezik jete. Tani një studim i ri ka ngritur hipotezën se duke prezantuar kikirikët në dietën e fëmijëve pa mbushur një vjeç, ata zhvillojnë imunitet ndaj përbërësit që shkakton reaksion. Dr. Rebecca Gruchalla, specialiste për alergjitë në Universitetin e Teksasit në Dallas, shpjegon: "Kur tek fëmijët që janë në rrezik të shfaqin alergji nga kikirikët, pasi që në moshë foshnjore kanë alergji nga veza, apo kanë ekzemë të theksuar, fillojmë një dietë me përmbajtje kikiriku nga mosha 4-11 muaj, shanset e tyre për të shfaqur alergji nga kikiriku në moshë të rritur janë shumë më të ulëta". Instituti Kombëtar i Sëmundjeve Alergjike dhe Infektive në Shtetet e Bashkuara i cilësoi si "rezultate të papara" përfundimet e këtij studimi dhe shtoi se ato kanë potencialin të ndryshojnë metodologjinë në parandalimin e alergjive nga ushqimi. Studiuesit e shoqëruan njoftimin me një paralajmërim të rëndësishëm: të gjitha foshnjat e përfshira në këtë studim u kontrolluan me kujdes për të garantuar që nuk kishin alergji nga kikirikët. Foshnjave iu bë një analizë në lëkurë dhe vetëm kur rezultatet dolën negative, u ekspozuan ndaj dietës me përmbajtje kikirikësh. Studiuesit paralajmërojnë prindërit, sidomos nëse ata vetë kanë alergji nga kikirikët, t'u bëjnë fëmijëve analiza për të vërtetuar se fëmija nuk do të ketë reaksion nga kikirikët, para se të fillojnë dietën. Studimi përmbys një bindje që ka ekzistuar prej vitesh tek prindërit, por edhe tek personeli mjekësor, transmeton Koha.net. Deri tani mendohej se fëmijët e vegjël nuk duhet të konsumonin produkte ushqimore me përmbajtje kikiriku në moshë të vogël, me bindjen se ishte më mirë që fëmija të fillonte të hante kikirikë në moshë më të rritur, kur ishte zhvilluar sistemi imuntar. Nga studimi i ri rezulton se sistemi i imunitetit mund të modifikohet me prezantimin e hershëm të produkteve që shkaktojnë alergji, duke e ndihmuar organizmin t'u përshtatet dhe t'u rezistojë këtyre produkteve. Dy për qind e fëmijëve në Shtetet e Bashkuara vuajnë nga alergji ushqimore, në disa raste në nivele kërcënuese për jetën. Ende nuk ka një metodë për të kapërcyer alergjitë nga kikiriku, i cili shkakton një ndër reaksionet më të rënda tek njeriu. Por së paku studimi i ri ndihmon prindërit të parandalojnë prekjen e fëmijëve nga kjo alergji 12 fakte interesante për gjalpin e kikirikut 1. Për të bërë një kavanoz me gjalp kikiriku nevojiten rreth 700 kikirikë. 2. SHBA-ja është prodhuesja dhe konsumatorja më e madhe e gjalpit të kikirikut në botë. Wisconsin është prodhuesi më i madh u gjalpit të kikirikut në Amerikë. 3. Një amerikan konsumon rreth 3 kg gjalp kikiriku në vit 4. Mbi 90% e familjeve në Amerikë konsumojnë gjalp kikiriku 5. Rreth 800 milionë dollarë shpenzohen për gjalp kikiriku në SHBA çdo vit. 6. Dy prej ish-presidentëve amerikanë, Thomas Jefferson dhe Jimmy Carter, ishin fermerë kikirikësh dhe kanë kontribuar shumë në prodhimin e gjalpit të kikirikut në SHBA. 7. Biznesi i gjalpit të kikirikut zë mbi 4 miliardë dollarë të GDP-së në SHBA. 8. Sasia e gjalpit të kikirikut që hanë çdo vit ameriaknë do të mbushte "Grand Canyon", madje dhe do të tepronte. 9. Një fëmijë amerikan konsumon rreth 1500 sanduiçë me gjalp kikiriku nga shkolla fillore deri në gjimnaz. 10. Ekziston një fobi që lidhet me gjalpin e kikirikut. Ka njerëz që kanë frikë se gjalpi do t'i mbetet në qiellzë dhe kjo fobi quhet Arachibutyrophobia. 11. Rreth 10 miliardë sanduiçë me gjalp kikiriku me sasinë e gjalpit të kikirikut që konsumojnë amerikanët në vit 12. Gjalpi i kikirikut përmban mbi 30 elementë ushqyes dhe kuron shumë sëmundje.

Në Spitalin Nr. 1 pranë Universitetit të Mjekësisë Tradicionale Kineze në Hunan ndodhet një çift i njohur mjekësh të thyer në moshë. Specialisti për sëmundjet e mëlçisë 84 vjeçari, Chen Ningsheng dhe specialistja e Departamentit të Gjinekologjisë 81 vjeçarja, Yang Bingxiu. Ata bëjnë një jetë të shëndetshme si dhe kanë pasur shumë arritje në karrierat e tyre mjekësore. Edhe pse ata janë mbi 80 vjeç, gëzojnë shëndet shumë të mirë dhe mendje të kthjellët dhe nuk vuajnë nga problemet fizike të moshës. Edhe sot ata vazhdojnë punën si mjekë në spital në shërbim të pacientëve. "Unë jam përkrahësi i saj, ajo është sekretarja ime" "Sivjet është 60 vjetori i njohjes tonë. Gjatë këtyre 6 dekadave, kemi pasur zënka, por e kemi mbështetur njëri-tjetrin deri në ditët e sotme." tha profesorja Yang Bingxiu. Në shtatorin e vitit 1962, profesori Chen Ningsheng dhe profesorja Yang Bingxiu u diplomuan në Universitetin e Mjekësisë Tradicionale Kineze në Guangzhou. Ata u njohën në universitet. "Kemi përjetuar ditë shumë të vështira, por nga ana tjetër kemi shijuar edhe ditë të ëmbla me kalimin e kohës. Kemi ndier lumturi të madhe. Tek çiftet grindja është e pashmangshme. Kur një palë është shumë e zemëruar, pala tjetër nuk do të përgjigjet për të vazhduar grindjen. Por pasi ai të qetësohet unë do t'i tregoj se cili ishte gabimi i tij," profesorja Yang Bingxiu. Gëzimi më i madh vjen nga puna Në qarkun e mjekësisë tradicionale kineze në provincën Hunan, profesori Chen Ningsheng dhe profesorja Yang Bingxiu janë të njohur për profesionalizmin e lartë mjekësor, zemërgjerësinë dhe kontributin që kanë dhënë në punë. Ata janë mjekë të njohur dhe shumë fisnikë që kanë ndihmuar shumë pacientë. "Paga jonë është e mjaftueshme për të mbuluar shpenzimet mujore. Ne jemi shumë të fokusuar tek puna dhe gjërat e tjera nuk janë tepër të rëndësishme. Pacienti është Zoti ynë. Pasi japim diagnozë të drejtë, bëmë recetë të saktë, duke u shërbyer pacientëve me gjithë zemër." Ajo u lumtuar dhe këmbënguli në punën e përditshme dhe nuk mori parasysh moshën e saj mbi 80 vjeç. Këta dy mjekë të njohur mbi 80 vjeç vazhduan punën gjatë ditës nga e hëna deri në të premten. Çdo ditë, ata duhet të përshkruajnë diagnozë për mbi 30 pacientë. "Për shkak të intensitetit të punës, nuk pimë shumë ujë në mëngjes, për të shmangur urinimin e shpeshtë," tha profesori Chen Ningsheng. Ai shtoi se qëllimi i tij nuk është fitimi i shumë parave ose arritja në një pozicion të lartë, por ai ka vullet të madh që të "bëhet një specialist i njohur i mjekësisë tradicional kineze. Mendoj thotë ai se misioni primar i mjekut është t'u shërbyejë pacientëve që ata të mundin sëmundjet. Prandaj, nuk ekziston mosha e pensionit për mua. Dëshiroj që të vazhdoj punën e mjekut edhe 20 vjet të tjera." Dieta, gjumi dhe fiskultura e vazhdueshme "Kryesisht punojmë paradite dhe harxhojmë shumë energji shpirtërore dhe fizike. Prandaj, duhet të hamë mëngjes të pasur. Pas dreke, flemë pak gjumë", u shpreh profesorja Yang Bingxiu. Ky çift planifikoi një jetë shumë të rregullt. Çdo ditë, ata flenë për 1-2 orë gjatë mesditës për të rikthyer energjinë. Para orës 23:00, ata shkojnë në shtrat dhe ngrihen në orët e përcaktuara në mëngjes. Në mëngjes, ata hanë vezë, bukë kineze dhe një supë me hide, fara lotus, etj. "Ka raste kur hamë edhe pak oriz ngjitës", thotë profesorja Yang. Yang Bingxiu tha:"Në të kaluarën, vuaja nga një shëndet jo i mirë, por kuptova metodat e ruajtjes së shëndetit dhe kisha kujdes për oreksin. Për shembull, pasi zbulova se niveli i acidit në gjak ishte i lartë hoqa dorë nga nga ushqimi im i preferuar tofu (djathë soje), që ka aciditet të lartë." Sipas saj, vakti normal ditor është një pjatë me mish, perime dhe një supë. Kur nuk ndihej mirë, profesorja Yang piu çaj xhenseni rreth 3-5 gramë. Profesori Chen pëlqen çajin dhe ushqimet e lehta dhe jo ato të yndyrshme. Si gjithmonë, pas një sy gjumi në mesditë, Chen luan pingpong me të rinjtë. Ai thotë se stërvitja e përditshme ka shumë rëndësi. "Pingpong-u është hobi im që kur isha student. Që nga ajo kohë kam luajtur pingpong për mbi 60 vitet, kam luajtur pingpong çdo ditë." Cheng Ningsheng-u është i mendimit se Pingpong-u është një ndër stërvitjet e përshtatshme për të moshuarit, pasi nuk kërkon shumë forcë. Kjo lojë mund të luhet në të katërta stinët. Intensiteti i stërvitjes mund të kontrollohet nga vetë personi. Gjatë lojës përfshihen katër gjymtyrët, forcohet imuniteti i trupit, parandalohen sëmundjet dhe përmirësohen aftësitë e shikimit dhe të dëgjimit. "Sivjet, jam 84 vjeç. Nuk kam asnjë probleme me shikimin apo dëgjimin. E them me plot gojën se gëzoj një shëndet të mirë. Eci shumë shpejt dhe lehtësisht. Kur lexoj, nuk vë syze. Besoj se shëndeti i mirë im vjen nga këmbëngulja e stërvitjes me pingpong-un," thotë profesori Chen. Profesorja Yang Bingxiu ka hobi të ndryshme nga burri i saj. Asaj i pëlqen të mbjellë bimë dhe të rrisë peshq. Në fundjavë, çifti mbjell perime së bashku. "Jam shumë e gëzuar gjatë kohës që mbjell perime, gjatë kohës së vaditjes, plehërimit etj. Dua të shoh rritjen e perimeve", tha profesorja Yang (Xu Guang)

Kolesteroli i lartë, e njohur si hiperkolesterolemia është një faktor risku madhor për sëmundjet kardiake dhe infarktin e trurit. Nivelet jo normale të LDL-kolesterol (i njohur si kolesteroli i keq) dhe HDL kolesteroli (i njohur si kolesteroli i mirë) trajtohen me dietë me përmbajtje të ulët yndyre, rritjen e aktivitet fizik, si dhe medikamente siç janë statinat. Çfarë është kolesteroli? Ne mund të lidhim kolesterolin e lartë me ushqimet e pasura me yndyrë, por shumica e kolesterolit total në organizëm prodhohet në trupin tonë. Mëlçia prodhon 75% të kolesterolit që qarkullon në organizëm, pjesa tjetër prej 25% vjen nga ushqimet. Në kushte normale kolesteroli ndihmon qelizën në punën dhe rolin e saj. Statistikat tregojnë se kolesteroli është dukshëm i lartë në mbi 100 milion amerikanë. Kolesteroli në gjak Mbi 1/3 e kolesterolit në gjak transportohet nga HDL (lipoproteina me densitet të lartë). Duke ndihmuar në largimin e kolesterolit të keq dhe parandalimin e depositimit të tij në brendësinë e arterieve, është quajtur kolesteroli i mirë. Personat me nivele të larta HDL kolesterol, janë më të mbrojtur nga sëmundjet kardiovaskulare. Dieta me yndyrna të mira, si vaji i ullirit mund të ndihmojë në rritjen e HDL kolesterolit. Kolesteroli dhe historia familjare Kolesteroli vjen nga dy burime, – ushqimet dhe ai në organizëm- ku secili mund të kontribuojë në rritjen e kolesterolit. Disa njerëz trashëgojnë gene të cilët nxisin proshimin e shtuar të kolesterolit. Tek të tjerët, dieta është shkaku kryesor. Yndyrnat e saturuara ndodhen në ushqime me bazë shtazore, ku futen mishi, veza, qumështi dhe nënproduktet e tij. Në shumë raste, kolesteroli i lartë vjen nga kombinimi i dietës me faktorin gjenetik. Ushqimet që përmbajnë sasi të lartë kolesteroli Prodhimet e mishit (qingjit, viçit, gjeli i detit, derrit, mishi i gjuetisë), dhe nënproduktet e tij (sallameri, proshutat, meseritë e konservat) bulmeti dhe nënproduktet e tij (gjalpi, djathi kaçkavall, margarina, majonezat), ëmbëlsirat dhe produktet e përpunuara me yndyrë, vaji i lulediellit. Rekomandohen peshku, filetot e pulës, viçit, deri 2 vezë në javë, si dhe të gjitha llojet e zarzavateve frutat dhe perimet e freskëta. Nga frutat e thata rekomandohet, arrat, bajame, lajthi, kumbulla, kikirikët. Vaji i ullirit është i vetmi i rekomanduar. Me përmbajte të lartë antioksidantësh dhe OM3 rekomandohet frutat e freskëta dhe me ngjyrë (shega, mani, rrushi, qershia, kumbullat, boronica, manafera), si dhe frutat e thata dhe disa lloje çajrash. Simptoma Nuk ka ankesa nga kolesteroli i lartë. Por nëse nivele të larta të kolesterolit shoqërohen me faktorë të tjerë rreziku, atëherë mund të shoqërohet me komplikacione serioze. Komplikacionet Kolesteroli, sëmundjet kardiake të trurit dhe organeve të tjera: ekziston një lidhje ndërmjet kolesterolit të lartë, sëmundjeve kardiake, infarktit të trurit, diabetit dhe enëve të gjakut, që shoqërohet me një rrezik të lartë për sëmundjet kardiovaskulare. Kjo përfshin sëmundjen e arterieve koronare, infarktin e trurit dhe sëmundjen vaskulare periferike. Kolesteroli i lartë gjithashtu lidhet me diabetin dhe hipertensionin. Parandalimi apo menaxhimi i këtyre problemeve kërkon njohjen, bashkëpunimin me mjekun e pacientin. Përtej atakut kardiak Pllakat yndyrore të depozituara në arteriet koronare, janë të forta në pjesën e jashtme dhe të buta në brendësi. Nëse shtresa nga jashtë çahet mbi pllakën e butë shtohen element të gjakut dhe formohet një masë që quhet "tromb". Nëse ai mbyll plotësisht arterien, në këtë mënyrë mbyll qarkullimin e gjakut në një territor të caktuar të muskulit të zemrës. Nëse nuk ndërhyret në kohën e duhur për largimin e trombit dhe rikthimin e fluksit të gjakut, muskuli i zemrës shkon drejt dëmtimit të parikthyeshëm (në rastin e infarktit të zemrës "koha e artë" është nga ora 0-3-të, në rutinë rreth orës 3-6-të dhe optimal deri ora 12-të, më pas rezultatet janë ato të dëshiruara). Trajtimi: koronarografia dhe angioplastika urgjente Realizon hapjen e enës së gjakut dhe përmirëson fluksin e gjakut, nëpërmjet tubave të hollë të cilët arrijnë deri afër arterieve të zemrës, më pas në vendin e mbyllur apo të ngushtuar realizohet zgjerimi i saj me anën e një baloni që fryhet në brendësine e enës. Procedohet më pas me vendojsen e një rrjetë metali speciale, që quhet "stent" i cili arrin të mbajë të hapur enën dhe fluksin e gjakut sa më të gjatë. Realizon hapjen e enës së gjakut dhe përmirëson fluksin e gjakut, nëpërmjet tubave të hollë të cilët arrijnë deri afër arterieve të zemrës, më pas në vendin e mbyllur apo të ngushtuar realizohet zgjerimi i saj me anën e një baloni që fryhet në brendësine e enës. Procedohet më pas me vendojsen e një rrjetë metali speciale, që quhet "stent" i cili arrin të mbajë të hapur enën dhe fluksin e gjakut sa më të gjatë. Çfarë është infarkti i trurit? Infarkti i trurit është urgjencë mjekësore dhe një nga shkaqet kryesore të vdekjes mbarë botën. Ai ndodh pasi një enë gjaku në tru çahet ose më e zakonshme kur ajo mbyllet nga një tromb. Nëse nuk trajtohet menjëherë qelizat e trurit mund të vdesin shpejt dhe si pasojë mund të kemi një invalidizim ose humbjen e jetës. Nëse dikush manifeston shenjat e infartkit të trurit, më duhet të kërkojë ndihmën mjekësore pa vonesë. Kolesteroli dhe sëmundja vaskulare periferike Kolesterol i lartë gjithashtu mund të çojë në sëmundje vaskulare periferike. Kjo u referohet enëve të gjakut jashtë zemrës dhe në tru. Në këto kushte, depozitimet yndyrore veshin shtresën e brendshme të enëve e gjakut duke ndikuar në uljen e fluksit të tij. Kjo ndodh kryesisht në enët karotide, femorale dhe këmbës. Kolesteroli dhe Diabeti Diabeti mund të prishi balancën midis nivelit të HDL dhe LDL kolesterolit. Njerëzit që kanë diabet kanë predispoziten të kenë vlera të larta të LDL të cilat ngjiten në muret e enëve e gjakut dhe dëmtojnë më lehtë ato. Glukoza ngjitet me lipoproteinat (të cilat bëjnë transportin e kolesterolit në gjak). Në këto kushte kompleksi glukoze –LDL qëndron më gjatë në qarkullimin e gjakut duke çuar në formimin e plakës yndyrore. Njerëzit me diabet kanë tendencën të kenë nivele të ulëta të HDL dhe TG të larta, duke rritur rrezikun për sëmundje të zemrës dhe enëve të gjakut.

Sëmundja e Parkinson-it vjen nga çrregullimet e sistemit nervor qendror, incidenca e të cilës po rritet gradualisht. Shumë të moshuar lodhen nga kjo sëmundje kronike dhe tejet e vështirë. Në periudha të ndryshme të zhvillimit të kësaj sëmundjeje, simptomat dhe shkallët janë të ndryshme. Mënyrat kryesore të trajtimit janë përdorimi i ilaçeve dhe ndërhyrja kirurgjike. Në periudha të ndryshme të zhvillimit të sëmundjes, cilat janë metodat më të përshtatshme për të frenuar përkeqësimin dhe për të përmirësuar cilësinë e jetës? Sëmundja e Parkinson-it shkaktohet nga vdekja e qelizave të trurit Brenda trurit të njeriut ekzistojnë shumë qarqe nervore që kontrollojnë lëvizjet. Të gjitha aktivitetet fizike dhe gjuhësore realizohen përmes sekretimit të substancave kimike në tru, që mund të ndryshojnë potencialet e veprimeve të qelizave të trurit, duke drejtuar lëvizjet e muskujve. Shkaku kryesor i sëmundjes së Parkinson-it vjen nga vdekja e qelizave të trurit, që përgjigjen për sekretimin e dopaminës. Pa dopaminë të mjaftueshme, pjesë të trurit bëhen tejmase aktive dhe i sëmuri humbet kontrollin dhe muskujt humbasin elesticitetin, e për pasojë i sëmuri ka lëkundje trupit, ngurtësim muskujsh, vështirësi në gëlltitje etk. Nëse shkoni në spital, mjekët mund të sugjerojnë furnizimin e dopamines dhe korrigjimin e gjendjes jonormale të potencialeve të rrjetit nervor. Baza për shfaqjën e sindromës idiopatike të Parkinsonit është mungesa edopaminës, sidomos në substantia nigra, pra përfshinë rrugët dopaminergjikenë mes substantia nigra dhe striatumit. Histologjikisht vërehet një humbje eneuroneve nigrostriatale dopaminergjike. Biokimikisht vjen deri te një mosbalancim në mes të acetilkolinës (nucleus caudatus) dhe antagonistitdopaminës (substantia nigra), pra në mes sistemit kolinergjik dhe dopaminergjik. Deficiti i dopaminës është përgjegjës për simptomet minus si hipo- dheakinezia, çrregullimet e reflekseve posturale, ndërsa mbizotërimi kolinergjik për simptomet plus si tremori dhe rigori Periudha e artë e trajtimit me ilaçe është 4-5 vjet Ilaçi "Levodopa" që ndihmon për sekretimin e dopaminës dhe ilaçet e tjera pakësojnë dekompozimin e dopaminës dhe mund të lehtësojnë shumë shpejt simptomat e sëmundjes së Parkinson-it. Përdorimi i ilaçeve mund të kontrollojë simptomat dhe përmirëson cilësinë e jetës. Ky ilaç u krijua rreth viteve 60. Në atë periudhë, të gjithë studiuesit shprehën qëndrim pozitiv për trajtimin me ilaçe dhe besojnë se kjo është metoda më e mirë për kontrollin e sëmundjes së Parkinson-it. Por, pas 4-5 vitesh, efekti i "Levodopa"-s bie dhe kështu duhet të shtohet vazhdimisht sasia e ilaçeve. Efektet anësore të ilaçit përfshijnë lëvizjen jonormale të muskujve dhe fenomenet "on-off": "Off" është koha kur trupi s'mund të lëvizë, "On" është koha kur trupi mund të lëvizë normalisht. Por, kalimi mes fenomenit "off" dhe fenomenit "on" është shumë i shpejt dhe i paparashikuar. Pacienti do të provojë lehtësimin e papritur dhe përkeqësimin e papritur të sëmundjes. Sipas të dhënave, pas 4-5 vitesh të përdorimit të Levodopas, 12-60% e pacientëve mund të provojnë simptomat "on-off", 8-64% e pacientëve mund të përballojnë lëvizjen jonormale të muskujve. Çrregullimet e lëvizjes mund të bëhen arsye kryesore të shëmtimit të pacientëve të prekur nga sëmundja e Parkinson-it. Në periudhën e vonshme, përdorimi i ilaçeve mund të shkaktojë çrregullimet e lëvizjes. Pakësimi i sasisë së ilaçeve dhe ndalimi i përdorimit të ilaçeve s'mund të kontrollojë simptomat e sëmundjes. Prandaj, mjekët duhet të bëjnë një plan të përshtatshëm për medikamentet sipas kushteve konkrete të secilit pacient. Kirurgjia është metoda tjetër efektive përveç ilaçeve Ndërsa një trajtim kirugjik i quajtur Stimulimi i Thellë i Trurit mund të trajtojë simptomat tek shumë pacientë. Sinjale të vogla dërgohen nga një stimulues nëpërmjet elektrodave të lidhura me trurin. Ky lloj trajtimi kirurgjik ul veprimtarinë e trurit në nivelin normal. Deri tani, metoda më e sigurt kirurgjike është vendosja e stimuluesit në këtë pikë të trurit. Çfarë problemesh na zgjidh vendosja e stimuluesit të elektrodës në tru? Stimuluesi mund të lehtësojë në mënyrë të dukshme simptomat, si lëkundje e trupit, ngadalësimi i lëvizjes etj. Ky stimulues mund të lehtësojë çrregullimet e lëvizjes, të ndihmojë uljen e sasisë së ilaçeve të përdorura. Kjo kirurgji nuk dëmton strukturën e organeve trunore. Nivelet e stimulimit mund të rregullohen jashtë trupit. Cilët janë pacientët e përshtatshëm për vendosjen e stimuluesve në tru? Përdorimi i ilaçeve është metoda më efektive dhe më thelbësore për sëmundjen e Parkinsonit. Vendosja e stimuluesit të elektrodës në tru është metoda shtese përveç mjekimit me ilaçe. Pacientët që pranojnë këtë kirurgji duhet të jenë nën moshën 75-vjeçare. Pacientët që u prekën nga sëmundja e Parksionit për mbi 5 vjet dhe nuk patën rezultat nga ilaçet i nënshtrohen kirurgjisë. Por, pacientët me uljen e aftësisë së njohjes dhe simptomat psikologjike nuk duhet të pranojnë ndërhyrjen kirurgjike. Stimuluesi në tru mund të zgjidhë të gjitha problemet e sëmundjes së Parkinsonit? Stimuluesi në tru është "ilaçi elektronik" për sëmundjen e Parkinsonit-it, që nuk mund të zgjidhë të gjitha problemet e sëmundjes. Me kalimin e kohës, sëmundja avancon. Stimuluesi përmes elektrodave lehtëson por nuk shëron plotësisht, prandaj pacientët duhet të kenë pritshmëri reale për efektet mjekësore të këtij stimuluesi. Cilat janë rreziqet nga kjo kirurgji Vendosja e stimuluesit përmes elektrodave në tru është një kirurgji me plagë minimale dhe ka prirje të shërimit të shpejtë dhe rrezik të ulët. Rreziku më i lartë kirurgjik është gjakderdhja brenda trurit. Nga statistikat, prej vitit 2000, tek mbi 1000 kirurgji të tilla, vetëm 1.5% e pacientëve patën fenomenin e gjakderdhjes brenda trurit, edhe pse nuk shkakton problem të madh. Pra hapi i parë i furnizimit me dopaminë është përdorimi i ilaçeve. Meqënëse kjo metodë është e përkohshme, ajo zëvendësohet me vendosjen e stimuluesit në tru për të normalizuar gjendjen. (Xu Guang)

Pranvera është stina kur ndodh dhe ndryshimi më i madh i motit. Në mëngjes dhe mbrëmje, temperatura është e ulët. Në mes të ditës, temperatura ngrihet shumë. Pas dimrit, trupi ynë s'mund të përshtatet menjëherë me këtë ndryshim kaq të papritur brenda periudhës afatshkurtër. Në këtë stinë, imuniteti i trupit është relativisht i dobët, dhe bakteret, viruset dhe mikroorganizmat e tjera mund të hyjnë në trupin tonë, duke rritur rrezikun e prekjes nga sëmundjet e ndryshme, si gripi, fruthi, lia e dhenve, shytat, etj. Në të njëjtën kohë, me rritjen e temperaturës, shtohen edhe rreziqet e sëmundjes së dorë-këmbë-gojës. Në kopshtet e fëmijëve apo shkolla mund të përhapen sëmundjet ngjitëse përmes rrugëve të frymëmarrjes. Në këtë artikull, do t'ju prezentojmë disa masa parandaluese për virozat e stinës. 1. Gripi tek fëmijët shoqërohet shpesh me temperaturë të lartë Për shkak të llojshmërisë, viruset e gripit shkaktojnë përhapjen e gripit kryesisht përmes teshtimës. Përveç kësaj, produktet e prekura nga viruset mund ta përhapin gripin. Nëse një fëmijë është i prekur nga gripi ai brenda një jave mund të jetë përhapës i virusit. Në 3 ditët e para pas infektimit, virusi është më i fortë dhe mundësia për t'u infektuar është më e lartë. Për fëmijët e prekur nga gripi, simptomat akute përfshijnë temperaturën e lartë deri në 40 gradë, të ftohtin, rënie të rezistencës, dhimbje koke, marramendje; dhimbje fyti etj; fenomenet e lehta përfshijnë kollën, sekrecione të hundës etj. 2. Simptomat fillestare të fruthit të fëmijës duken si ato të gripit Fruthi përhapet kryesisht në stinën e dimrit dhe të pranverës. Fëmijët e moshës 1-5 vjeçare përballen me rrezik më të madh të prekjes. Vitet e fundit, për shkak të vaksinimit të gjerë ndaj fruthit, mosha e prekjes nga kjo sëmundje është shtyrë. Pacienti i prekur është burimi i vetëm i përhapjes. Nga 2-5 ditë pas skuqjes së lëkurës, pacienti mund të ketë rrezikun e përhapjes së kësaj sëmundjeje. Kur fëmijët preken nga fruthi, simptomat e para duken si ato të gripit, që shfaqen me ethe të lartë, kollë, teshtimë, sekrecione nga hunda, skuqje të qepallave, dalje lotësh, pika të bardha brenda gojës etj; në ditën e 4-t, në pjesën e prapme të veshit, shfaqen puçrra të vogla të kuqe, pas 2 ditësh, skuqja e lëkurës përhapet në të gjithë trupin. Ky fenomen zgjat për 4-7 ditë. Më vonë, skuqja lehtësohet dhe mbeten pika të vogla me ngjyrë kafe në trup. Simptomat e tjera zhduken gradualisht. Foshnjat e prekura nga fruthi mund të kenë pezmatime të fytit, pneumoni etj. 3. Lia e dhenve mund të përhapet në shkollë Lia e dhenve mund të përhapet gjerësisht tek grupe të ndryshme të njerëzit. Fëmijët e moshës 1-14 vjeç mund të preken më shpejt nga lia e dhenve. Lia e dhenve është sëmundja shumë infektive. Pacientët e prekur nga kjo sëmundje fitojnë imunitetin dhe nëse e kanë kaluar njëherë nuk do të preken më nga kjo sëmundje. Lia e dhenve përhapet kryesisht nëpër pështymës dhe objektet e infektuara. Fëmijët e prekur nga ky virus mund të kenë ethe të lartë, dhimbje koke, parehatshmëri të trupit, ulje oreksi etj. Brenda 24 orësh pas shfaqjes së simptomave të sëmundjes, mund të ketë skuqje të lëkurës, të cilat do të lehtësohen dhe asgjësohen gradualisht. Në përgjithësi, skuqja do të shfaqet kryesisht në trup, fytyrë dhe kokë. Brenda 6 ditësh, këto skuqje do të shfaqen përkatësisht dhe do të asgjësohen gradualisht. Nëse nuk i kruani këto puçrra atëherë nuk do të mbeten shenja më vonë. 4. Prekja nga shytat mund të ofrojë imunitet Shytat janë sëmundje ngjitëse që prekin gjendrat e pështymës dhe shkaktojnë ënjtje në gushë. Kjo sëmundje përhapet kryesisht nëpërmjet pështymës. Në dimër dhe pranverë, shytat mund të përhapen më shpesh. Kjo sëmundje ngjitëse prek kryesisht fëmijët e moshës 5-15 vjeç. Pas prekjes së kësaj sëmundjeje, mund të fitojmë imunitet dhe të mos prekemi ë asnjëherë. Shumica e fëmijëve të prekur nga shytat kanë simptoma akute, si ngritje e temperaturës deri në 39 gradë, ndjesi i ftohti, dhimbje grykësh, dhimbje koke, dhimbje muskujsh, rënie oreksi, të përziera, të vjella, etj. Pas disa orësh, ënjtje në gushë bëhet më e dukshme. Lëkura e gushës bëhet më e shndritshme, por nuk skuqet. Kur hapet goja dhe përtypet, fëmija do të ketë më tepër dhimbje të gushës. Pas 1-4 ditësh, dhimbja e gushës nga njëra anë do të shkaktojë ënjtjen e gushës në anë të tjetër. 5. Është shumë e rrezikshme që fëmijët nën 3 vjeç të preken nga sëmundja e dorë-këmbë-gojës. Sëmundja e dorë-këmbë-gojës është një sëmundje ngjitëse e zakonshme, që përhapet kryesisht tek fëmijët nën 5 vjeç. Shumica e fëmijëve mund të vetëshërohen brenda një jave. Vetëm disa fëmijë të prekur nga kjo sëmundje mund të kenë komplikacione serioze në sistemin nervor dhe atë të frymëmarrjes. Nëse këto fenomene komplekse përkeqësohen shumë shpejt, mund të shkaktojnë vdekjen e fëmijës. Viruset e kësaj sëmundjeje përhapen kryesisht nëpër aparatin tretës dhe atë të frymëmarrjes. Shumica e fëmijëve të prekur nga kjo sëmundje shfaqin simptoma akute si ngritje e temperaturës, kollë, sekrecione nga hunda, rënie oreksi, të përziera, të vjella, dhimbje goje, ulçer etj. Në gjymtyrët e sipërme dhe të poshtme mund të shfaqen skuqje të lëkurës, të cilat nuk sjellin dhimbje, kruarje. Këto skuqje do të largohen gradualisht pa lënë shenja. 6. Masat për parandalimin e sëmundjeve ngjitëse në aparatin e frymëmarrjes Sëmundjet e ndryshme ngjitëse duhet të trajtohen në metoda të ndryshme, por masat parandaluese bazë janë të pandryshuara. Duhet të ndërmerren masat komplekse parandaluese, që përfshijnë kryesisht: a. Hapni shpesh dritaret për ajër të freskët, për të pakësuar numrin e mikroorganizmave në ajrin e dhomës. Pastroni dhomën për të krijuar një mjedis të mirë familjar. b. Shmangni vizitat në vende të mbipopulluara dhe me ndotje c. Ruani shprehi të shëndetshme të jetës: bëni stërvitje të shpeshta për forcimin e imunitetit, dieta me ushqime të ekuilibruara, veshje të përshtatshme sipas ndryshimit të klimës. d. Kur shfaqen fenomene të rritjes së temperaturës etj, duhet të kërkoni sa më parë ndihmë mjekësore. Është më mirë që të vendosni një një maskë për në spital. e. Nëse është përcaktuar që jeni prekur nga sëmundje ngjitëse, duhet të merrni masat e ndalimit, për ta shmangur përhapjen e mëtejshme të sëmundjeve. f. Duhet të bëni vaksinim, që është masa më e mirë për parandalimin e sëmundjeve të ndryshme ngjitëse. (Xu Guang)

Një jastëk në formën e një pande, i quajtur "PlusMe" është një pajisja më e re novative eksperimentale, e dizajnuar për të ndihmuar fëmijët me autizëm. Jastëku u krijua në kuadër të projektit "motivimi i fëmijëve me çrregullime të spektrit të autizmit për të ndërvepruar në shoqëri përmes përdorimit të veshjeve të posaçme" të zhvilluar në Institutin e Shkencave dhe Teknologjive Njohëse (ISTC-CNR), nga grupi i hulumtimit të Locen, në bashkëpunim me terapistët e qendrës së rehabilitimit INI dhe kërkues nga Instituti i Neuropsikiatrit të Fëmijëve në Universitetin "Sapienza" të Romës. Jastëku vendoset rreth qafës. Forma dhe konsistenca e tij janë projektuar posaçërisht për të ngjallur lidhjen emocionale, nëpërmjet një kontakti fizik të sigurt dhe të rehatshëm. Kur fëmija prek jastëkun me një pjesë trupi , ai lëshon dritat me ngjyrë dhe tingujt e shkurtë ose muzikë bazuar në pikën ku është prekur. Këto janë stimuj të perceptuar si shpërblim për fëmijët dhe të aftë për të tërhequr vëmendjen e tyre. Përmes tabletit të kontrollit mund të zgjidhni kombinime të ndryshme të dritave dhe tingujve me ngjyrë. Jastëku "PlusMe" mund të ndërmjetësohen nga një i rritur, nga terapisti ose prindi, në varësi të reagimeve të fëmijës, nëpërmjet një aplikacioni, për shembull duke aktivizuar tingujt dhe ngjyrat më të dobishme dhe duke hequr ato më pak të pëlqyera. "Terapisti mund të krijojë, nëpërmjet jastëkut dhe kontrollit të tij, shumë aktivitete, duke e përshtatur për llojin e fëmijës që trajtohet. Kjo është ideja kryesore e projektit: kontrolli i "PlusMe" ndahet midis fëmijës dhe terapistit: i pari aktivizon përgjigjet e jastëkut nëpërmjet prekjeve dhe përkëdheljeve terapisti ose prindi mediat përmes tabelës kontrolluese. Nëse fëmija dëshiron dritat dhe muzikën e preferuar , ai duhet të ndërveprojë me terapistin. Ky model i sjelljes potencialisht mund të nxisë, mbështesë dhe përforcojë zhvillimin e shkathtësive themelore sociale, si për shembull kontaktet e syve, kërkesat e shkëmbimit ndërpersonal dhe vëmendjen e përbashkët ", shpjegon ekipi. Autizmi po shndërrohet në një sfidë thelbësore për shëndetin publik, kjo për shkak të përhapjes së tij në rritje, por dhe për kostot shoqërore dhe ekonomike që ka. Ndaj, vendet e Europës Juglindore kanë shprehur angazhimin për bashkëpunimin në një rrjet të përbashkët në mënyrë të organizuar për t'i dhënë një përgjigje kësaj sfide. Shenjat e kësaj sëmundje shfaqen tek fëmijet pas moshës 1-2 vjeç, ndërkohë që specialistët e shëndetësisë apelojnë për sensibilizimin e opinionit publik për përkrahje ndaj fëmijëve autistë dhe integrimin e tyre në shoqëri. I identifikuar në vitin 1943, autizimi është një çrregullim ende jo shumë i njohur. Trajtimi i tij, sipas specialistëve, duhet të kthehet në prioritet të politikave shëndetësore dhe sociale, duke treguar më tepër vëmendje ndaj fëmijëve që preken nga kjo sëmundje. Në Shqipëri është folur pak për autizmin dhe rastet e fëmijëve të ndjekur në mënyrë sporadike tregojnë për mungesë të informacionit në popullatë për këtë sëmundje, mosdiagnostikim të saktë, etj. Nëse prindi nuk e njeh dhe nuk e pranon situatën siç është, atëherë asnjë terapi nuk mund të funksionojë në përmirësimin e gjendjes, ndaj dhe është punuar shumë në drejtim të njohjes së autizimit, duke u përqëndruar tek prindërit dhe opinioni publik për ta pranuar këtë çrregullim. Njerëzit që vuajnë nga ky çrregullim i rëndë i funksioneve trunore (për rrjedhojë sjelljes njerëzore), shpesh kanë një rreze të kufizuar interesash dhe shfaqin sjellje dhe mënyra përsëritëse të tyre, si dhe kundërveprime të ndryshme në mjedisin dhe rrethanat e përditshme. Sipas klasifikimit ndërkombëtar të sëmundjeve të Organizatës Botërore të Shëndetësisë, "autizmi shfaqet tek fëmijët para moshës tre vjeçare dhe shoqërohet me vonesa në ndërveprimet e tyre shoqërore, gjuhë, shenja, apo lojëra përfytyruese". Mjekët pohojnë se autizmi mund të identifikohet që në muajt e parë të jetës. Shenjat e hershme të sindromës së autizmit mund të kuptohen nga një specialist kur fëmija është në muajin e pestë, ndërsa shenjat më të dukshme variojnë nga 18 deri në 36 muajsh. Karakteristikë e kësaj sindrome është se fëmija mund të zhvillohet pa shfaqur shenja shumë të dukshme të çrregullimit deri në moshën 16-18 muajsh dhe pas kësaj moshe, nëna mund të identifikojë probleme në zhvillimin e tij. Fëmijët autikë kanë probleme të komunikimit, mbyllen në vetvete, nuk krijojnë lidhje emocionale, nuk shoqërohen me moshatarët, fiksohen pas një sendi apo objekti, në shumicën e rasteve janë hiperaktivë, por nuk përjashtohen rastet hipoaktivë. Çrregullimet e gjuhës dhe komunikimit, simptomat më karakteristike te fëmijët autikë, evidentohen kur fëmija nis të flasë, prandaj dhe prania e tyre përbën një nga kriteret diagnostikuese. E folura herë mungon, herë është e vonuar, ose dhe atipike. Shenjat e hershme të autizmit lidhen edhe me çrregullimet e zhvillimit, që së bashku me ato gjuhësore, sipas mjekëve, janë shpesh motivi i parë i konsultimit, para çrregullimeve të sjelljes (mbyllja në vetvete, etj). Por, ka edhe simptoma të veçanta si vetëdëmtimi, që vëzhgohet ndonjëherë herët. "Sa më shpejt të identifikohet dhe sa më e lehtë të jetë si formë, aq më e mirë është ecuria e fëmijës", thonë mjekët, sipas të cilëve, në ndryshim nga e kaluara, fëmijët autikë sot kanë të ardhme. Lidhur me përhapjen e këtyre çrregullimeve, raportimet vlerësojnë se në botë 3-4 fëmijë në 1000 vuajnë nga autizmi infantil. Autizimi prek më tepër meshkujt, sesa femrat e vlerësuar në raportin 4:1. Edhe pse për të kuruar simptoma specifike të autizimit ka barna, gjithnjë e më tepër specialistët flasin për teknikat arsimore dhe integruese në shoqëri. Mjekësia ende nuk ka mundur të qartësojë shkaqet e autizmit, ndërsa përpjekjet e shkencëtarëve vazhdojnë të jenë të mëdha. Edhe pse rrallë observohet më shumë se një rast autizmi në familje, observimi i një përqindjeje të konkordancës së rritur te binjakët monozigotë ka treguar rëndësinë e faktorit gjenetik tek autizmi. Sipas një studimi të fundit, "fëmijët e lindur para kohe janë dy deri tre herë më shumë të rrezikuar të shfaqin simptoma të autizmit, para moshës dyvjeçare, ndërsa shkaktarët e çrregullimeve që vështirësojnë komunikimin dhe ndërveprimin e fëmijëve me rrethin, mbeten të panjohura". Studimi hedh hipotezën se lindja para kohe nuk është e lidhur në mënyrë direkte me shfaqjen e autizmit, por shkaktari që nxit autizmin është njëkohësisht shkaktar i lindjes para kohe. Bazuar në të dhënat, nga 75 mijë të sëmurë me paaftësi, 10 për qind e tyre janë fëmijë, paaftësia e të cilëve mund të jetë fizike, sensore, neurologjike, psikiatrike, intelektuale ose e natyre tjetër. Ndërkohë, 14-20% e fëmijëve paraqesin në stade të ndryshme të jetës së tyre një çrregullim të shëndetit mendor. Ndërsa, Kina numëron 10 milionë të prekur nga autizmi, ndër të cilët mbi 2 milionë fëmijë nën 14 vjeç. Specialistët që trajtojnë sëmundjen e autizmit shpesh bëjnë thirrje për ta njohur më mirë atë dhe për tu ardhur në ndihmë të prekurve dhe familjeve të tyre. Vitet e fundit, përqindja e personave të prekur nga autizmi është rritur ndjeshëm, madje sipas të dhënave zyrtare çdo vit në Kinë shënohen afro 200 mijë pacientë të prekur nga autozmi. Në krahasim me vendet e zhvilluara, Kinës i mungojnë shumë profesionistët në fushën e autizmit. Logopedët dhe mjekët e riaftësimit janë të pamjaftueshëm përsa i përket numrit të madh të autistëve në vend. Ndaj duhet më shumë punë dhe pjesmarrje në veprimtarinë e trajtimit të autizmit, për nxitjen e shpejtë të sektorit të riaftësimit të të prekurve nga autizmi.

"Armët" e mjekëve dietologë Nëse ilaçet e ndryshme janë "armët" e mjekëve, ushqimet janë "armët" e mjekëve dietologë. Pacientët i marrin elementet ushqyese nëpërmjet ushqimeve të ofruara nga mjekët dietologë, të cilët analizojnë nevojat ushqimore themelore dhe karakteristikat konkrete të të sëmurëve. Ushqimet e përshtatshme jo vetëm forcojnë imunitetin e të sëmurëve e lehtësojnë përkeqësimin e sëmundjeve, por edhe përmirësojnë aftësinë e tolerancës ndaj sëmundjeve të të sëmurëve. Planifikimi i të ushqyerit në spital përputhet me parimet e trajtimeve mjekësore, kërkesat ushqimore dhe rregullat shëndetësore. Disa të sëmurë ankohen se ushqimet e ofruara nga dietologjia janë tepër të lehta dhe të pashijshme. Në këto ushqime mungon shija e kripës. Por ky nuk është faji ynë. Dashuria jonë për shijet formohet ngadalë mbi bazën e shijeve të mëparshme. Fëmijëve të vegjël nuk u pëlqejnë shijet e rënda. Sipas Tabelës së Referencës për Dietën e Kinezëve (TRDK), një të rrituri i nevojiten vetëm 5 gramë kripë në ditë. Një dietë me shumë kripë mund të shtojë rreziqet e hipertensionit dhe kufizimi i kripës mund të ulë nivelin e tensionit të gjakut të të sëmurëve. Prandaj, ushqimet që këshillohen nga dietologjia janë të shëndetshme dhe përputhen me kërkesat fizike të të sëmurëve. Ata të cilët vuajnë nga hipertensioni, duhet të kufizojnë konsumin e kripës. Të sëmurët me diabet duhet të hanë ushqime të veçanta për kontrollin e nivelit të sheqerit në gjak. Ata që vuajnë nga mbipesha duhet të jenë një dietë me më shumë fibra. Pacientët me sëmundje të ndryshme duhet të hanë ushqime të ndryshme. Ushqimet bazë në spital Tani le të paraqesim disa nga ushqimet bazë në spitalet kineze: 1. Dieta e zakonshme. Dieta e zakonshme quhet edhe si dieta e rregullt dhe zë 50%-60% të ushqimit të spitalit. Kjo dietë kërkon një raport të përshtatshëm të elementeve ushqyese, të përcaktuar nga TRDK-ja. Gjatë shtrimit në spital, pacientët që nuk kanë probleme të tretjes dhe përtypjes mund ta konsumojnë këtë dietë. Kjo dietë përfshin shumë ushqime të freskëta. 2. Dieta e butë. Dieta e butë, siç e thotë edhe emri, nuk përmban ushqime të forta, por që mund të përtypen lehtë. Ushqimet që përmban kjo dietë mund të treten më lehtë në krahasim me ato të dietës së zakonshme. Ajo përfshin edhe përbërës ushqimorë të ekuilibruar. Dieta e butë është e përshtatshme për të sëmurët me funksione tretjeje disi të dobët, me temperaturë normale ose temperaturë pak të lartë, me probleme përtypjeje të shkaktuara nga heqja e dhëmbëve etj. Kjo dietë është e përshtatshme edhe për të moshuarit ose fëmijët 3-4 vjeç. Disa pacientë me ulçerë në sistemin e tretjes, pas ndërhyrjes kirurgjikale në anus, zorrën e trashë, rektum etj., mund ta përdorin këtë dietë. Dieta e butë përmban orizin, makaronat, mishin e pulës, peshkun, mishin e derrit të payndyrshëm dhe perimet e pasura me fibra. 3. Dieta gjysmë e lëngshme. Kjo dietë përfshin ushqimet e përpunuara në gjendje gjysmë të lëngshme, të cilat janë shumë të holla dhe të buta. Ato mund të përtypen, gëlltiten dhe treten lehtë. Të sëmurët me temperaturë të lartë, sëmundje goje, vështirësi të gëlltitjes, dëmtime në rrugët e tretjes, dobësi trupore dhe pas kirurgjisë, mund ta përdorin këtë dietë, që përfshin llapatë e orizit, të miellit, mishin e zbutur të derrit dhe të pulës, peshk dhe karkaleca deti. Pas zierjes, këto mishra mund të grihen për t'u bërë qofte, ndërsa patatet mund të bëhen pure. 4. Dieta e lëngshme. Kjo është dietë me përbërës ushqimorë të paekuilibruar që konsumohet përkohësisht. Kjo dietë përfshin kryesisht ushqimet e lëngshme dhe mund të konsumohet pa u përtypur. Në këtë dietë përmbahen shumë pak ushqime të forta. Ajo nuk shkakton ndonjë ndikim në gojë. Kjo dietë mund të ndahet edhe në lloje të ndryshme për pacientë me sëmundje të ndryshme, si pacientët me temperaturë shumë të lartë, që nuk kanë fuqi për të përtypur ose me vështirësi të madhe në gëlltitje. Në këtë dietë përfshihen qumështi, kosi, supa e orizit, supa me mish, vezët e lëngshme, supa e karrotës, lëngjet e frutave etj. (Xu Guang)

Shkrimi i keq i mjekëve është një nga çështjet më të diskutuara për pacientët, kur këta të fundit duhet të "deshifrojnë" një recetë. Sipas një raporti të Akademisë së Shkencave të Institutit Kombëtar të Mjekësisë në SHBA, fakti që infermierët apo farmacistët nuk mund të dallojnë qartë emërtimin e barnave nga shkrimi i keq i mjekëve, shkakton vdekjen e paqëllimshme të rreth 7 mijë personave çdo vit në SHBA. Sigurisht që jo të gjitha rastet rezultojnë fatale, pasi më të shumtë janë pacientët që thjesht pësojnë komplikacione të lehta shëndetësore. Për ta minimizuar këtë problem, kompanitë e teknologjisë në bashkëpunim me institucionet parashikojnë që të fusin në përdorim sistemin e përshkrimit të barnave përmes teknologjisë, e cila do të përdoret nga mjekët dhe do bënte që të evitoheshin gabime të tilla, që shumë njerëzve u kushtojnë edhe jetën. Google, Aetna, Dell e shumë spitale në Amerikë tashmë kanë prezentuar këtë sistem që mjekëve do t'u ofrohet pa pagesë. Shkrimi i keq i mjekëve është fenomen sa i njohur edhe i komentuar me humor, por pakkush e di se sa jetë njerëzish kushton, përveç vetë mjekëve, ata duhet ta dinë mirë por e marrin përsipër rrezikun çdo ditë, sepse mesa duket për ta ngelet thjesht statistikë. Dhe kur vjen puna tek statistikat, në SHBA çdo vit vdesin 7000 njerëz dhe dëmtohen rreth 1,5 milionë vetëm prej recetave me shkrim të keq të mjekëve, shkurtimeve dhe ngatërrimit të dozave nga farmacisti që e lexon, ose më mirë të themi mezi e lexon. NEPSI (National e-prescribing Patient Safety Initiative) në SHBA u ka ofruar akses dhe përdorim falas mjekëve për të shkruar receta elektronike falas, ku njëkohësisht programi kontrollon për kombinime të rrezikshme të ilaçeve dhe kontrollon që farmacia të sigurojë dozat e duhura. Gabimet e mjekëve mbajnë vendin e tretë në botë për vdekjet e pacientëve, shto këtu edhe gabimet e farmacistëve në deshifrimin e recetave, do ta kuptoni pse njihni personalisht aq shumë raste njerëzish që kanë gjetur vdekjen ose janë përkeqësuar për shkak të gabimeve të mjekëve. Sipas disa analistëve shkrimi i keq i mjekëve vjen për shkak të punës së ngarkuar, ata janë shumë të zënë për shkak të numrit të lartë të pacientëve gjatë një dite. Në Kinë ky problem është zgjidhur duke e printuar recetën nga kompjuteri dhe problemi është i zgjidhur. "Kur shkruajnë mjekët janë të fokusuar tek diagnoza dhe llojet e ilaçeve, më shumë se tek mënyra e të shkruarit," thotë Keya Shivadey, specialist gjinekolog në një qendër mjekësore në Dubai. Si pacientë, gjithmonë kemi parë që është shumë e vështirë të kuptojmë ndonjë fjalë apo dhe gërmë nga receta. Por, nga ana tjetër kemi besim të plotë tek aftësitë e farmacistëve se ata do të jenë në gjendje të deshifrojnë shkrimin e mjekut. Në fakt farmacisti ka pasur një punë të vështirë gjatë viteve akademike në mbajtjen mend të termave dhe medikamenteve, por sipas disave puna më e vështirë në planet, që u ka rënë për pjesë farmacistëve, është pikërisht deshifrimi i shkrimit të mjekut. Receta elektronike? Pse jo Për të zgjidhur këtë problem shumë sugjerojnë që të përdoret receta elektronike.Të shpresojmë se ashtu si në Kinë, receta elektronike do bëhet praktikë edhe në Shqipëri për të zgjidhur të gjitha problemet që vijnë nga shkrimi i mjekut dhe për të lehtësuar punën e farmacistit.

Shpesh njerëzit mendojnë se e njohim shumë mirë trupin e tyre, se si ai funksionon dhe proceset që ndodhin në të në çdo kohë. Por në fakt, trupi i njeriut është aq kompleks dhe misterioz sa ndonjëherë ngatërron edhe njohësit më të mirë, doktorët dhe shkencëtarët. Trupi i njeriut është një sistem tepër kompleks dhe shumë i ndërlikuar, që pavarësisht studimeve mijëravjeçare ende i befason studiuesit me të rejat që zbulojnë. Pse njeriu është i veçantë? Sepse trupi jonë është i mbushur me surpriza dhe aftësi të pabesueshme. Për shembull e dini që njeriu mund të jetojë pa ushqim për 70 ditë, por nuk mund të jetoj 11 ditë pa gjumë. E dini që sipërfaqja e mushkërive tona është e barabartë me atë të një fushe tenisi? E dini se pa gishtin e vogël, njeriu do të humbte 50% të fuqisë së dorës? Apo se informacioni kalon nëpër qendrat nervore të njeriut me 400 km në orë? Apo se dhëmbët e njeriut janë po aq të fortë sa dhëmbët e peshkaqenit? Një njeri mund të jetojë pa pjesën më të madhe të organeve të tij. Trupi ynë mund të duket i dobët, por mund të mbijetojë pa stomak, pa 75 % të mëlçisë, 80 % të zorrës, dhe pa një veshkë. -11% e popullsisë së botës është mëngjërashe - Kockat më të vogla në trupin e njeriut ndodhen në vesh- - Njëra këmbë ka 26 kocka - Mesatarisht truri i njeriut përmban 78% ujë - Gjuha juaj shërohet më shpejt se çdo pjesë tjetër e trupit - Nëse putheni për 1 minutë digjni 26 kalori - Sëmundjet më të shpeshta mendore janë ankthi dhe depresioni - Lëkura është organi më i madh i trupit - Gishti më i ndjeshëm është gishti tregues -Gratë trokasin qepallat më shpesh se burrat -Një njeri merr frymë 23 mijë here në ditë - Goja prodhon 1 litër pështymë në ditë - Në kokë gjenden 22 kocka -Muskujt më active janë në sy -Mëlçia ka mbi 500 funksione -Truri përdor 25% të të gjithë oksigjenit që thithim -Kuajt kanë 18 kocka më shumë se njerëzit - Trupi i njeriut përmban enë gjaku në total arrijnë në 96,000km - Bebet kanë 350 kocka (deri në moshën 5-vjeçare sasia e kockave ulet në 206) -Ne përdorim 72 muskuj të ndryshëm kur flasim - Një njeri shkon në tualet mesatarisht 6 herë në ditë -Gjaku është 6 herë më i trashë se uji - Syri ynë mund të shquajë hijet e së gjelbrës më shumë se çdo ngjyrë tjetër. -Kur qeshim vëmë në punë 17 muskuj - Gjate gjithë jetës i biem pothuajse dy herë përqark botës duke ecur - E qeshura ul nivelet e stresit dhe forcon sistemin imunitar -Vetëm truri, përdor 20 % të oksigjenit që hyn në trupin tonë dhe që transportohet në gjak. Masa cerebrale është e barabartë me 2 % të trupit tonë, por konsumon më shumë oksigjen se çdo pjesë tjetër e trupit. - Shkencëtarët konfirmojnë se sa më i madh të jetë heresy juaj i inteligjencës (IQ), më shumë ëndërroni. Kjo nuk duhet t'ju bëjë të mendoni se në qoftë se nuk kujtoni ëndrrat tuaja nuk jeni inteligjent sepse pjesa më e madhe e ëndrrave ka një gjatësi shumë të shkurtër. - Numri i baktereve në gojën e njeriut është i barabartë me numrin e popullsisë totale të botës ose edhe më shumë. - Sa më e ftohtë të jetë dhoma ku flini, aq më shumë ka mundësi të shihni ëndrra të këqija. - Qimet e fytyrës rriten shumë më shpejt se çdo qime tjetër në trup. Nëse jeni meshkuj e dini shumë mirë se sa shpejt rritet mjekra, mjafton të mendosh se në qoftë se një mashkull nuk do ta priste mjekrën e tij gjatë jetës, kjo e fundit do të bëhej më e gjatë se nëntë metra. - Tretja e ushqimit realizohet në të gjitha hallkat e organeve të aparatit tretës. Duhet të kalojnë së paku 12 orë që trupi ta tretë ushqimin. - Shpejtësia e teshtitjes së njeriut është 160 km/orë. -Duket se truri ynë punon si një kompjuter, në orët e gjumit, duke qëndruar vazhdimisht në funksion. Këtë gjë është zbuluar nga një studim i kryer prej Universitetit të Los Axhelesit. Ndërsa jemi duke fjetur, truri ynë arkivon kujtimet pa u ndalur asnjëherë dhe vë në rregull informacionet e mbledhura gjatë ditës. Ndërkaq, ai preokupohet që të "fshijë" të gjitha të dhënat e panevojshme. - Skeleti është një mrekulli inxhinierike i cili është i përbërë me bashkimin e 206 pjesëve të ndryshme të eshtrave. Trupi i njeriut në saje të këtyre pjesëve të nyjëzuara me njëra tjetrën posedon një aftësi të jashtëzakonshme të lëvizjes. Eshtrat janë jashtëzakonisht të forta dhe në gjendje që të përdoren me lehtësi, edhe në vendet ku eshtrat nyjëzohen njëra me tjetrën vërehen argumentet e krijimit, sipërfaqet e fërkimit të nyjave janë të mbuluara me një shtresë kërcore të hollë dhe pupore dhe në këtë shtresë gjendet një lëng i rrëshqitshëm, nëse ashti e shtyp atë në ndonjë vend, ky lëng nga puporet del jashtë dhe e mundëson sipërfaqen e nyjes të rrëshqasë si vaj. Njeriu në saje të këtij ndërtimi të përsosur lëvizjet e tij i realizon me gjithëdije dhe shpejtësi të madhe.

Qumështi i gjirit të nënës është ushqimi më i mirë dhe më i shëndetshëm për beben. Ushqyerja me gji – gjëja më e natyrshme, por nuk është edhe gjithmonë pa probleme. Pas lindjes së bebes, çdo nënë dëshiron që të ushqejë me gji fëmijën. Por në jetën praktike, ushqimi me gji nuk është një punë e lehtë. Ka raste kur thithat futen brenda, duke e bërë të vështirë thithjen e qumështit nga bebja. Një tjetër problem është ai i pamjaftueshmërisë së qumështit dhe i dhimbjeve të pakëndshme – plagë, të çara dhe lytha në lëkurën e thimthave. Këto probleme mund të bëhen sfidat më të mëdha të nënës së re. Në këtë artikull, do të analizojmë vështirësinë e ushqimit me gji dhe si t'i trajtojmë këto sfida. 1. Çarja e thimthave Vetëm 35% e foshnjave kanë shansin që të ushqehen me qumështin e nënës në mbarë botën, përqindje kjo më e ulët se standardi i Organizatës Botërore të Shëndetësisë në 80%. Ky fenomen vjen për shkaqe të ndryshme. Çarja e thithave është një nga sfidat më të mëdha që zakonisht ndërprerin gjidhënien. Disa probleme të tjera të dhimbshme janë gjakderdhja, ulçera, mastiti apo infeksioni i indit të gjirit etj. Specialistët sugjerojnë se nënat mund të bëjnë disa hapa për ta lehtësuar dhimbjen e gjirit: Gjatë ushqimit me gji, nëna duhet t'i japë më parë foshnjës gjirin që i dhemb më pak, për të pakësuar forcën e thithjes në gjirin tjetër. Foshnja me gojën e saj mbulon pjesën më të madhe të areolës (rrethi i errët te thimthat), duke thithur thellë thimthën në gojën e saj; Thithja bëhet në mënyrë ritmike, e fortë dhe me pushime të shkurtra; Kur të rritet sasia e qumështit, mund të ndieni se si foshnja gëlltitet; Përveç kësaj, mund t'ia ushqeni më shpesh fëmijën me gji për ta zbrazur qumështin e rezervuar në gji. Pas gjidhënies ilaçi më i mirë për majat e gjirit është vetë qumështi, prandaj mund ta përdorni këtë metodë për të evituar infektimin apo çarjet. Nëse keni shumë dhimbje për shkak të sasisë së lartë të qumështi në gji dhe foshnja s'mund ta thithë atë, nëna mund të ndalojë gjidhënien për 24 orë dhe ta thithë qumështin nëpërmjet pompës së gjirit. Kjo është edhe një metodë efektive për të pakësuar inflamacionin dhe probleme të tjera. 2. Dhimbja e gjirit nga qumështi i tepërt Dhimbja e gjirit nga sasia e lartë e pa nxjerrë e qumështit ndodh shpesh në javën e parë pas lindjes së bebes. Kur ndryshon niveli hormonal shtohet lëvizja e brendshme e gjakut tek gjiri dhe do të rritet sekretimi i qumështit në gji, prandaj gjiri do të zmadhet për shkak të rezervimit të qumështit. Për lehtësimin e dhimbjes së gjirit, nënat duhet të fillojë ushqimin me gji bebes sa më parë pas lindjes së bebes. Nënat që ushqejnë beben më shpesh hasen me më pak probleme. Nëse bebja s'mund të thithë plotësisht qumështin e nënës, nëna duhet të përdorë pompën e posaçme për thithjen e qumështit. Nëse gjiri i nënës ngurtësohet, nëna duhet t'i japë më shpesh qumësht bebes, pavarësisht ditë apo natë. Gjatë ditës dhe natës, nëna duhet ta ushqejë foshnjën sa herë që ajo ka uri, duhet hequr steriotipi se foshnja duhet të pijë me orare të rregullta, thonë pediatrit. 3. Çrregullimet emocionale të nënës Çrregullimet emocionale tek nënat e reja janë ndër problemet më të përhapura dhe më bezdisëse gjatë gjidhënies. Sipas Shoqatës Amerikane të Psikologjisë, 1/7 e femrave preken nga depresioni post natal (pas lindjes së bebes), sëmundje kjo që shfaqet në forma të ndryshme. Disa nëna me raste serioze të depresionit kanë madje mendime të dëmtojnë veten dhe beben. Specialistët sugjerojnë se familjarët duhet ta vënë theksin tek nëna në periudhën e ushqimit me gji. Kur zbulojnë se nëna e re po vuan nga depresioni pas lindjes duhet të kërkojnë menjëherë ndihmë mjekësore. Së pari analizohet situata e sëmundjes dhe pas bisedës me psikologun, mjekët mund të zbulojnë burimet e depresionit dhe të lehtësojnë fenomenet e kësaj sëmundje nëpërmjet metodave përkatëse. Në të njëjtën kohë, dashuria e vazhdueshme familjare mund të ndihmojë kthimin e nënës në jetën normale. Në hapin e tretë, nëse simptomat e depresionit të nënës nuk lehtësohen dukshëm, duhet që nëna të survejohet gjatë kohës që qëndron me beben, pra mos ta lini vetëm, e gjitha kjo për të parandaluar ndonjë ngjarje të papritur. 4. Stërvitjet e përshtatshme për rikthimin e linjave trupore Pas lindjes së bebes, shumë nënat shqetësohen për përkeqësimin e linjës trupore. Disa nëna madje heqin dorë nga gjidhënia për shkak të frikës së dobësimit të gjirit. Por në fakt, ushqimi me gji nuk do të shkaktojë dobësimin ose rënien e gjirit. Nëse nënat e reja mund të bëjë disa stërvitje të lehta, gjiri i tyre do të ruajë fortësinë dhe linjën. Sekretimi i qumështit në gji mund të harxhojë energjinë e trupit, duke ndihmuar rinormalizimin e linjës trupore të nënës. Ushqimi me gji mund të forcojë edhe komunikimin mes bebes dhe nënës, duke shtuar dashurinë dhe afrimitetin. Ushqimi me gji është metoda efektive për paradanlimin e depresionit tek nënat e reja. Specialistët sugjerojnë se çdo nënë e shëndetshme mund të lëvizë në 24 orë pas lindjes së bebes. Pas 2-3 ditësh, nënat mund të bëjnë stërvitje lehtare, si tendosja e gjymtyrëve të sipërm etj. Pas një jave, nënat mund të bëjnë disa stërvitje për rinormalizimin e linjës trupore. Nënat mund të pyesin specialistët për stërvitjet e përshtatshme pas lindjes. 5. Përkrahja shoqërore Periudha e ushqimit me gji është fazë e veçantë që lidhet me jetën e dy brezave. Prandaj, përkrahjet e vazhdueshme janë shumë të rëndësishme për familjen e ardhme. Nëna e re duhet të përballojë ndryshimin e rolit të saj, që është një procesi i përshtatjes. Gjatë këtij procesi, nëna mund të shqetësohet shumë dhe të përballojë sfida të ndryshme si depresioni, mbindjeshmëri etj. Sipas të dhënave, fëmijët mund të ndjejnë shumë humorin e nënës gjatë periudhës së gjidhënies. Kur nëna shqetësohet, fëmijët mund të ndiejnë këtë ndjenjë negative gjatë ushqimit. Prandaj, përkrahja familjare e shoqërore ndaj nënës është shumë e rëndësishme. Kur nënat kanë shëndet të ekuilibruar emocional, bebja e saj do të rritet shëndetshëm si fizikisht ashtu edhe psikologjikisht.(Xu Guang)

Infeksionet urinare janë një problem që hasen më shumë tek grate se tek burrat. Ndoshta një herë në jetë të gjithë preken nga ky problem. Por si çdo sëmundje çelësi qëndron tek parandalimi. Pini shumë ujë që të nxirrni jashtë bakteriet nga trakti urinar. Pini ujë dhe kur të shihni që urina juaj ka ngjyrë të çelët atëherë jeni i hidratuar sa duhet. Pra, pini ujë dhe boshatiseni vazhdimisht fshikëzën e urinës për të evituar infeksionet në kanalin urinar. Infeksionet e kanalit urinar janë ndër infeksionet më të shpeshta tek të rriturit, sidomos tek gratë. Por këto infeksione shpeshherë mund të mos trajtohen si duhet. "Mbipërdorimi i antibiotikëve për të trajtuar infeksionet krijon të tjera probleme," thotë Dr. Michael O'Leary, urolog i njohur. Si fillon… Sistemi urinar përbëhet nga veshkat, të cilat filtrojnë toksina dhe ujë shtesë nga gjaku për të krijuar urinën që kalon në fshikëz; dhe uretër, dhe më pas del jashtë. Infeksione urinare ndidhin kur sasia e urinës qëndon në fshikëz për një kohë, një vend perfekt për shtimin e bakterieve. Kjo sasi mund të vijë nga një pengesë e rrjedhës urinare ose nga një prostatë e zgjeruar, ose mund të ndodhë nëse bakteret "e këqija" futen në uretër dhe shkojnë drejt fshikëzës. Shkaqe të tjera përfshijnë aktivitetin seksual, gurët në veshka, dhe mungesa e estrogjenit tek gratë (estrogjeni ndihmon në mbrojtjen kundër infeksioneve). Simptomat dhe rreziqet Simptomat e infeksioneve urinare përfshijnë urinim të shpeshtë, një ndjesi urgjente urinimi dhe djegie gjatë urinimit. Nëse një infeksion veshkash nuk trajtohet, mund të përhapet në veshka, dhe bakteriet mund të futen lehtë në gjak. Diagnoza dhe trajtimi Diagnostikimi i një infeksioni urinar kërkon analizat e urinës për të parë nëse ka bakterie si dhe numrin e qelizave të bardha të gjakut, duke treguar praninë e infeksionit. Nëse një test rezulton pozitiv, është i nevojshëm analizimi i baktereve në laborator për të parë se cili është bakteri shkaktar i infeksionit. Trajtimi bëhet zakonisht me antibiotikë, por një infeksion më i avancuar mund të kërkojë antibiotikë më të fortë që i jep mjeku. Dr. O'Leary thotë se gjatë këtij procesi shumë mjekë e mbidiagnostikojnë një infeksion urinar. "Gratë në moshë të thyer kanë baterie dhe qeliza të bardha në urinë. Por nëse një person nuk ka simptoma, nuk ka infeksion urinar, pra nuk ka nevojë të trajtohet me antibiotikë. Çfarë duhet të bëjmë… Shkoni tek mjeku në fillim sapo të shfaqen simptomat. Sa më herët ta kapni infeksionin urinar, aq më lehtë është për ta kururar. Gjithashtu parandalojeni duke pirë shumë ujë dhe duke qëndruar të hidratuar. "Nuk ka nevojë të pini 12 gota në ditë, por qëndroni të hidratuar edhe, e fruta e supëra gjatë ditës," thotë Dr. O'Leary, "pini lëngje të shëndetshme për të nxjerrë jashtë bakteriet përmes urinimit. Këshillohet që ta zbrasni mire fshikëzën çdo ditë, urinoni pas seksit dhe për gratë këshillohet të përdorni një krem vaginal me estrogjen. Roli i dietës për uljen e rrezikut nga infeksionet urinare Megjithëse infeksione urinare mund të mos jenë plotësisht të parandalueshme, dieta ndihmon shumë në këtë drejtim • Boronica e kuqe: Kjo lloj boronice ndihmon në parandalimin e infeksioneve urinare por nuk i trajton ato. Ky frut bën që bakteriet të mos të ngjiten në muret e kanalit urinar. Shtoni boronicë të kuqe në sallatë ose në oriz, përdorni lëngun e saj ose mund ta merrni edhe në formë suplementi. • Boronica: Ashtu si boronica e kuqe, boronica e zakonshme ndihmon në parandalimin e ngjitjes së bakterieve në muret e kanalit urinar. Hidheni boronicën në sallatë, lëngje të bëra vetë ose në kos. • Vitamina C: "Ky vitamin ndihmon në bërjen e urinës më acide që parandalon rritjen e bakterieve," thotë Dr. Suzanne Salamon, nga Harvard Medical School. Ajo rekomandon marrjen e një suplementi 500 - 1,000 miligramë vitaminë C çdo ditë ose marrjen e saj përmes ushqimit përfshi specat e kuq, portokallet, limonët etj • Probiotikët: Këto produkte përmbajë coloni bakteriesh të "mira". Sipas disa studimeve probiotikët ndihmojnë në parandalimin e infeksioneve urinare. Kosi dhe djathi janë probiotikë shumë të mire. Disa femra rrezikojnë të preken më shumë nga ionfeksionet urinare krahasuar me të tjera. Por cilat janë shkaqet kryesore që çojnë në shfaqjen e këtij infeksioni. Dehidratimi: Dehidratimi vjen si pasojë e mos-konsumit të shpeshtë të ujit dhe lëngjëve të tjera, si rrjedhojë urinoni më pak dhe kjo sjell shfaqjen e infeksioneve urinare. Mbajtja e urinës: Nëse duhet të shkoni në tualet, shkoni. Gjithçka tjetër mund të presë. Në të kundërt, bakteret mund të ngecin në traktin urinar dhe të shkaktojnë infeksione. Fshirja në drejtimin pas-para: Letra higjienike mund t'i shtyjë bakteret drejt uretrës, ndaj sigurohuni që gjithnjë të fshiheni në drejtimin para-pas. Konsumimi i tepruar i kafes, lëngjeve të frutave dhe alkoolit: Sa më e errët pija, aq më të shumta janë gjasat që të funksionojë si diuretik, duke ju bërë që të urinoni më shumë. Alkooli mund të irritojë fshikëzën, po ashtu edhe lëngjet e frutave me tepricë

Tuberkulozi quhet edhe "murtaja e bardhë" dhe vazhdon të jetë një nga sfidat e mëdha shëndetësore në Kinë dhe botë. Çdo vit 8-10 milionë veta preken nga tuberkulozi dhe 1.3 milionë humbin jetën për shkak të kësaj sëmundjeje. Pra, mesatarisht një pacient i ri preket nga tuberkulozi në sekondë dhe çdo 15 sekonda një person humb jetën nga kjo sëmundje. Tani le të njohim më hollësisht këtë sëmundje ngjitëse. Karakteristikat e tuberkulozit: Tuberkulozi është një sëmundje infektive e shkaktuar nga një mykobakter tuberkular shumë i vogël, i cili në të shkuarën është emërtuar "verem". Zakonisht ky mikrob sulmon mushkëritë, por mund të prekë gjithashtu edhe organe të tjera të trupit të njeriut, si truri, kockat, gjëndrat limfatike, zemra e lëkura, teksa prek edhe gjakun. Ai ka një diametër prej 1-4 mikronësh, afro 1/60 të diametrit të qimes së kokës. Prandaj, syri ynë s'mund ta shikojë drejtpërdrejt këtë mikrob. Atij i pëlqen mjedisi i oksigjenit, prandaj edhe fokusi i infeksionit janë mushkëritë, organi më i pasur me oksigjen. Mykobakteri tuberkular do një mjedis me temperaturë të ulët. Ai mund të jetojë për 4-5 vjet në temperaturë nga minus 6 gradë deri në minus 8 gradë. Ky mikrob rritet shumë ngadalë. Këto lloj mikrobesh shumohen për një brez brenda 14-24 orësh. Por mikrobi Escherichia coli shumohet për 20 minuta. Mykobakteri tuberkular "frikësohet" nga tre elemente: nxehtësia, drita dhe alkooli. Ai mund të shkatërrohet brenda një minute në një temperaturë 95 gradë celcius, nga drita e diellit, për 2-7 orë, ose nga ndriçimi i rrezeve ultraviolet, për 10-20 minuta. Qëndrimi në alkool të përqendruar, 70%-75%, për 20-30 minuta, po ashtu mund ta asgjësojë atë. Pra, mund ta zhdukim mikrobin e tuberkulozit kryesisht nëpërmjet këtyre tre mënyrave. I sëmuri me tuberkuloz është burimi kryesor i prekjes nga mikrobi Escherichia coli. Ky mikrob s'mund të zhvendoset vetë, por kërkon një "mjet transporti", i cili është pështyma e pacientëve me tuberkuloz. Kolla dhe tështima e të sëmurëve me tuberkuloz mund të lëshojnë një sasi të madhe pështyme. Mikrobi Escherichia coli hyn në ajër nëpërmjet pështymës. Kur personat e shëndetshëm e thithin këto ajër, Escherichia coli hyn në trupin e tyre. Le t'u përgjigjemi tani disa pyetjeve lidhur me sëmundjen e turbekulozit. 1. Tuberkulozi është sëmundje ngjitëse apo jo? Si përhapet ai? Siç e thamë, tuberkulozi është një sëmundje ngjitëse, që përhapet kryesisht nëpërmjet rrugëve të frymëmarrjes nëpërmjet pështymës së të sëmurëve me tuberkuloz. Por disa të sëmurë me tuberkuloz nuk nxjerrin jashtë pështymë që përmban mikrobin Escherichia coli. Sipas vlerësimeve, një i sëmurë me tuberkuloz pështyma e të cilit përmban mikrobin Escherichia coli, që nuk merr trajtim mjekësor, mund të prekë 10-20 njerëz. Përveç kollës dhe teshtimës, edhe ushqimet e ngrëna nga të sëmurët me tuberkuloz mund ta përhapin këtë sëmundje. 2. Si mund ta gjykojmë nëse jemi prekur nga tuberkulozi apo jo? Së pari, duhet të dimë nëse ka të sëmurë me tuberkuloz përreth nesh apo jo. Së dyti, duhet t'i kushtojmë vëmendje të madhe gjendjes sonë shëndetësore. Prekja nga mikrobi Escherichia coli nuk është barazi me prekjen nga tuberkulozi. Kur dobësohet imuniteti, infeksioni mund të përkeqësohet, duke çuar në sëmundjen tuberkulare. Kjo gjendje shfaqet kryesisht pas një ndërhyrjeje kirurgjikale, tek të sëmurët me diabet, te njerëzit që ndiejnë dobësi etj. Së treti, duhet të njohim simptomat e sëmundjes së tuberkulozit, si lodhja, pafuqia, temperatura e ulët pasdite, humbja e oreksit, kolla, djersitja natën, dhimbja e gjoksit etj. 3. Si diagnostikohet tuberkulozi? Nëse keni simptomat e mësipërme, duhet të shkoni sa më parë në spital për të bërë analizat mjekësore. Analiza e pështymës është metoda kryesore për përcaktimin e sëmundjes së tuberkulozit. Infeksioni në mushkëri mund të shkaktojë që pështyma të përmbajë mikrobin Escherichia coli, që mund të zbulohet pas analizës. Përveç kësaj, radioskopia është gjithashtu një metodë shumë e rëndësishme për diagnostikimin e tuberkulozit. 4. Cilat janë masat e nevojshme që duhen marrë në jetën e përditshme prej të sëmurëve nga tuberkulozi? Pushimi dhe gjumi i mjaftueshëm janë kërkesat baze për pacientët e prekur nga tuberkulozi. I sëmuri me tuberkuloz duhet të flejë të paktën tetë orë në ditë. Gjatë periudhës së mjekimit, ai duhet të pushojë në shtrat për një kohë të gjatë. Ai nuk duhet të lexojë shumë libra, të shikojë shumë televizor ose të luajë me kompjuter. I sëmuri me tuberkuloz mund të bëjë aktivitete të përshtatshme, fillimisht brenda në shtëpi, si ecejake etj., pastaj duhet të shtohet dalëngadalë intensiteti i aktivitetit. Përveç kësaj, të sëmurët prej tuberkulozit duhet t'i kushtojnë vëmendje ndryshimit të motit e të mjedisit dhe të mos dalin jashtë në mot të keq, si për shembull kur fryn erë e madhe, ka mjegull etj. Nëse ka ndonjë punë urgjente, ai duhet të veshë maskë para se të dalë nga shtëpia. 5. Cilat janë ushqimet që duhet të hanë të sëmurët me tuberkuloz? Tuberkulozi është një sëmundje kronike që harxhon shumë energji. Duhet t'u kushtohet vëmendje e madhe ushqimeve, të cilat duhet të plotësojnë jo vetëm nevojat normale fizike, por edhe nevojat e energjisë së harxhuar nga kjo sëmundje. Lëndët e nevojshme ushqyese përfshijnë: proteinat, karbohidratet, yndyrën, vitaminat etj. Nuk ekzistojnë rregulla konkrete për sasinë e përshtatshme të lëndëve ushqyese, e cila varet nga karakteristikat fizike individuale. Në përgjithësi, duhet të hahen ushqime të ndryshme, si drithërat, mishi, veza, perimet etj. 6. Gratë e sëmura me tuberkuloz, a mund të lindin fëmijë? Pas shtatzanisë, metabolizimi, sekretimi, qarkullimi i gjakut, frymëmarrja dhe imuniteti i grave ndryshojnë, prandaj të sëmurat me tuberkuloz nuk duhet të lindin fëmijë para se të shërohen nga kjo sëmundje. Por, pas ndërhyrjes mjekësore përkatëse, kur pështyma e tyre nuk përmban Escherichia coli dhe shenjat e sëmundjes zhduken për një vit, ato mund të lindin fëmijë. Ato mund të pyesin mjekët për kohën konkrete të shtatzanisë. 7. Si mund të parandalohet përhapja e tuberkulozit? Së pari, duhet t'i kushtohet vëmendje e madhe ngrënies së ushqimeve dhe aktiviteteve të përshtatshme, për ta forcuar imunitetin. Është shumë e vështirë që të shmangni marrjen e mikrobeve Escherichia coli, por nëse keni imunitet të fortë, mund t'i asgjësoni këto mikrobe brenda trupit. Së dyti, duhet të garantohet qarkullimi i ajrit brenda shtëpisë, duke hapur dritaret, meqenëse lëvizja e ajrit mund të ulë dendësinë e mikrobeve Escherichia coli. Së treti, nëse kontaktoni me të sëmurët me tuberkuloz, duhet të mbani maskë. Dhomat ku rrinë këta të sëmurë duhet të dezinfektohen. (Xu Guang)

21 marsi ishte Dita Botërore e Gjumit. Në një raport të publikuar së fundmi, shumë të rinj kinezë kanë probleme me gjumin, si gjumë jocilësor dhe koha e pamjaftueshme e gjumit. Afro 60% e të rinjve nën 30 vjeç në Kinë vuajnë nga pagjumësia. Gjatë një pyetësori, shumë u ankuan për cilësinë e dobët të gjumit. "Nëse kam fat, mund të fle mirë për 4-5 orë në natë. Nëse nuk fle mirë, bëj një gjumë të rehatshëm vetëm për 2-3 orë. Cilësia e dobët e gjumit vjen nga presioni i madh i jetës." "Ka disa netë që fle mirë; në disa të tjera jo. Gjumi i dobët vjen kryesisht nga presioni në punë. Nëse nuk kam stres në punë, mund të fle mirë." "Nuk kam bërë gjumë të mirë kohët e fundit, sepse më zgjojnë të qarat e fëmijës, përndryshe do flija më mirë." Ditët e fundit, Shoqata kineze e Studimeve mbi Gjumin publikoi studimin mbi gjumin "Mbi përdoruesit e internetit, 2018". Në këtë studim thuhet se 56% e përdoruesve të internetit kanë probleme me gjumin, si gjumi i dobët, gjumi i lehtë etj. Arsyeja kryesore që ndikon cilësinë e gjumit është presioni i madh i punës, stresi i ndryshëm në jetën e përditshme, mjedisi, zakonet personale etj. Ndërsa, punonjësit në fushat financiare, të shërbimeve, të shërbimeve publike etj., mund të përballojnë sfidat e pagjumësisë. Në Kinë, më shumë të rinjtë bezdisen nga çrregullimet e gjumit. Sipas të dhënave, mbi 60% të pacientëve të moshës 25-29 vjeçare shqetësohen për cilësinë jo të mirë të gjumit. Ata banojnë kryesisht në metropole. Personat që flenë më pak jetojnë në Pekin. Qytetet e tjera me probleme të gjumit tek banorët janë Guangzhou dhe Shangai. Po përse të rinjtë nuk flenë mirë? Ja si përgjigjen ata: "Më del gjumi nga ëndërrat e çuditshme, pasi gjatë ditës kam shumë stres për të fituar të drejtën e studimit në një gjimnaz të mirë. Kjo gjë më ndikon tek gjumi dhe shpesh ëndërroj sikur nuk dal mirë në provim." "Fjeta pak tani në mëngjes pasi natën nuk munda. Në darkë luajta shumë lojëra në internet." Sipas të dhënave, çrregullimet e gjumit lidhen ngushtë me sëmundjet kardiovaskulare dhe cerebrovaskulare. Grupi mjekësor i drejtuar nga kryetari i Spitalit Nr 6 pranë Universitetit të Pekinit, Lu Lin edhe zbuloi se ndër të moshuarve me çrregullimet e gjumit, rreziku i depresionit po shtohet në mënyrë të dukshme. Çrregullimet e gjumit janë edhe elementet e rrezikshme për sëmundjet e Alzheimerit. Për këtë gjë, drejtori i Qendrës së Gjumit të Spitalit Nr 1 pranë Universitetit Jinan, Pan Jiyang vuri në dukje se shprehitë pozitive të jetës mund të garantojnë një gjumë të mirë. "Duhet të përpiqemi të flemë në orën 11:00 dhe të ngrihemi në orën 7:00, pavarësisht ditë pune apo fundjavë. Kjo gjë bëhet për të krijuar një ritëm biologjik të mirë, që favorizon fjetjen dhe zgjimin në orë të përshtatshme." Përveç kësaj, mjeku Pan vuri në dukje se ata që vuajnë nga insomnia të përdorin medikamente bimore ose të marrin masa të tjera të ndërhyrjes mjekësore. Por në Kinë, ata që vuajnë nga pagjumësia nuk kërkojnë ndihmë mjekësore. Sipas të dhënave nga Shoqata Kineze e Studimit të Gjumit, ndër 5000-6000 pacientët kinezë që kanë probleme me gjumin, vetëm 2% marrin medikamente apo terapi mjekësore. (Xu Guang)

Mënyra se si prindërit sillen ndaj fëmijëve (me dashuri ose jo) deri në vitin e tyre të dytë ndikon direkt në zhvillimin e trurit dhe funksionimin e tij në moshën e rritur.Një studim i Universitetit të Uashingtonit ka konstatuar se zhvillimi i trurit të fëmijës varet nga kujdesi dhe dashuria e nënës.Shkencëtarët në bazë të skanimeve të trurit të trevjeçarëve kanë konstatuar që truri i fëmijës për të cilin prindërit janë kujdesur vazhdimisht është më i madh se truri i fëmijëve të cilët janë neglizhuar nga prindërit. Rritja e qelizave trunore varet nga sasia e dashurisë që e merr fëmija, ka vërtetuar studimi. Në fotografinë është paraqitur truri i dy-trevjeçarëve. Truri i parë i takon fëmijës prindërit e të cilit janë kujdesur për të, ndërsa i dyti fëmijës së lënë pas dore. Mënyra se si veprojnë prindërit me fëmijën deri te viti i dytë ndikon direkt në atë se si do të funksionojë truri i tij në moshë të rritur. Neglizhenca dhe abuzimi janë faktorë që ndikojnë në inteligjencën e ulët, pamundësinë e ndierjes së dhembshurisë, prirjes kriminale dhe varësisë nga drogat. "Prindërit duhet të mendojnë mirë se në çfarë mënyre sillen ndaj fëmijës, sepse kjo ndikon në zhvillimin total të tyre, madje dhe në madhësinë e trurit. Volumi i reduktuar i trurit lidhet me sëmundjen e Alzheimerit, depresionin dhe skizofreninë", – ka theksuar udhëheqësja e hulumtimit, Joan L. Luby. Hulumtimet e mëhershme kanë vërtetuar që dashuria e nënës ndikon në mënyrë pozitive në trurin e fëmijës, veçanërisht në hipokampus, pjesën e trurit përgjegjës për mësim, kujtesë dhe përballjen me stres. Truri i fëmijëve është një organ veçanërisht i prekshëm, i ndikuar nga faktorë të ndryshëm. Një bebe lind me të gjitha qelizat e trurit që i nevojiten, por këto nuk janë të lidhura. Lidhjet që do të zhvillohen në vitet e ardhshme do të lejojnë fëmijën të mësojë botën përreth tij. Në moshën 3 vjeçare, do të jenë krijuar rreth një trilionë lidhje. Ushqimi luan rol kryesor në krijimin e këtyre lidhjeve dhe formimit të duhur të trurit. Furnizimi me ushqyesit e duhur, të përmendura më poshtë, do të sigurojnë çdo gjë që duhet për trupin e fëmijës për të arritur rritje optimale. Proteinat Truri i bebeve në zhvillim ka nevojë për proteina ose me saktë aminoacide për të krijuar neurotransmetues. Neurotransmetuesit lejojnë qelizat e trurit të komunikojnë mes tyre. Për shembull: triptofani aminoacid është pararendësi i prodhuesit të serotoninës, e cila lejon gjumë të mirë. Norepinefrine, një neurotransmetues përgjegjës për mundësinë e të qenurit vigjilent krijohet nga aminoacidi tyrosine. Foshnjat kanë nevojë për 9-11 gramë proteina në ditë, të cilat ata i gjejnë lehtësisht në qumësht, ndërsa fëmijët 2-4 vjeç kanë nevojë për rreth 13 gramë mesatarisht (në varësi të peshës) të cilat ata i marrin me konsumin e qumështit dhe ushqimeve të ngurta. Energji - Kalori Një studim i publikuar në vitin 2008 në Indi, ku shumë fëmijë konsiderohen që vuajnë nga kequshqyerja, tregoi se disa prej tyre vuanin nga zhvillim dhe aftësi njohëse të vonuara. Kaloritë e duhura dhe kryesisht karbohidratet sigurojnë karburant për funksionimin normal të trurit. Fëmijët 2-5 vjeç kanë nevojë për 1000 deri në 1600 kalori në ditë në varësi të karakteristikave trupore dhe aktivitetit të tyre. Për të siguruar mjaftueshmërinë e energjisë së ofruar nga ushqimi, kontrollo gjithmonë grafikët e peshës dhe gjatësisë. Nëse ato janë në përputhje me limitet, atëherë nuk ka vend për shqetësim. Yndyrnat Yndyrnat janë të domosdoshme për rritjen normale dhe formimin e sitemit nervor, të të parit dhe funksionit të trurit. Qumështi i nënës përmban acide yndyrore të polysaturuara DHA dhe AA, të cilat konsiderohen si të domosdoshme përderisa ato nuk mund te prodhohen nga trupi i njeriut. Ushqimet e fëmijëve janë të fortifikuara me këto yndyrna. Disa studime tregojnë se qumështi organik është shpesh më i pasur se qumështi i prodhuar artificialisht. Përveç rrethanave të veçanta dhe vetëm pas rekomandimit të pediatrit apo një nutricionisti, asnjëherë mos përjashto apo redukto yndyrnat në dietën e një bebeje apo fëmije nën 5 vjeç. Vitaminat dhe mineralet Disa vitamina dhe minerale ndikojnë shumë në formimin e trurit të fëmijës. Këto përfshijnë hekur, zink, bakër, jod, selenium, vitaminë A, kolinë dhe acid folik. Qumështi i nënës dhe formulat për bebet përmbajnë të gjitha këto ushqyes. Nevojat e një foshnjeje janë të vogla dhe zakonisht plotësohen me konsumin e qumështit. Hekuri është i vetmi përjashtim. Studimet që kanë vlerësuar fëmijët me nivele të ulëta hekuri tregojnë performancë të ulët në testet e aftësive njohëse dhe nuk mund të ndjekin me lehtësi shokët e tyre përsa u përket ritmeve të zhvillimit.

Zonja Guly nga Uzbekistani nuk mund të ngelte shtatzënë dhe shumë mjekë në vendin e saj nuk i kishin dhënë shpresa. Por, ajo me një dëshirë të madhe për t'u bërë nënë, nuk u dorëzua dhe pas kërkimeve të shumta erdhi në një spital në Rajonin Autonom të Kinës veriperëndimore, Xinjiang. Ky vendim i saj i realizoi ëndrrën. Falë këmbënguljes dhe përkushtimit të madh të mjekëve kinezë, ndodhi mrekullia, ajo mbeti shtatzënë... "I falënderoj nga zemra mjekët kinezë që më trajtuan me shumë seriozitet dhe përkushtim. Kushtet mjekësore në Kinë janë tepër të mira." Guly është një ndër 10 mijë pacientët e huaj që janë tratuar në rajonin e Xinjiang-ut, i cili kufizohet me 8 vende të tjera dhe ka nivelin më të lartë shëndetësor. Që nga propozimi i nismës "Një brez, një rrugë", nisi ndërtimi i qendrës së shërbimeve mjekësore ndërkombëtare dhe forcimi i shkëmbimeve shëndetësore ndërkombëtare në këtë rajon. Zv.Drejtoresha e Spitalit Popullor të Xinjiang-ut, Mayinuer Niyazi na shpjegon gjendjen e pacientëve dhe epërsinë e Qendrës. "Mendoj se është diçka shumë pozitive që pacientët e huaj vijnë në rajonin e Xinjiang-ut për diagnostikim, pasi këtu cilësia e shërbimit është shumë e lartë dhe çmimet janë të arsyeshme. Përveç kësaj, ngjashmëria kulturore dhe gjuhësore është një tjetër arsye pse pacientët e huaj vendosin të vijnë në këtë rajon." Për të përmbushur kërkesat shëndetësore të pacientëve të huaj në spitalet lokale të Xinjiang-ut, janë ndërmarrë disa masa. Në 5 spitale të nivelit 3A-së të Xinjiang-ut, janë ngritur departamente për shërbime ndërkombëtare dhe janë punësuar mjekë që flasin gjuhë të ndryshme. Deri tani, në këto 5 spitale, ka 500 shtretër për pacientët e huaj dhe janë ofruar shërbimet mjekësore për 10 mijë pacientë të vendeve të tjera. Mayinuer Niyazi na tregon se: "Vitet e fundit, në spitalet e ndryshme të Xinjiang-ut, janë forcuar shërbimet mjekësore ndaj pacientëve të huaj. Në disa spitalet, janë hapur departamente të posaçme për vizitat e të huajve dhe aty janë vendosur mjekë dhe punonjës të tjerë që mund të flasin gjuhën ruse dhe kazake. Ata merren me shërbimet e dërgimit me ambulancës, trajtimit shëndetësor, shtrimit në spital, ofrimit të vakteve, rezervimit të biletave të avionit etj, duke krijuar më shumë lehtësi për të huajt që nuk flasin gjuhën kineze. Në festa të veçanta perëndimore, punonjësit e këtyre spitaleve vizitojnë dhe mundohen të shoqërojnë pacientët e huaj të shtruar në spital, për ta shtuar atmosferën festive. Këto shërbime janë vlerësuar lart nga pacientët e huaj. Përveç kësaj, në shumë spitalet e nivelit 3A, janë formuar platforma shërbimi shëndetësor jashtë kufijve, ku mund të zhvillohet diagnostikim i sëmundjes përmes internetit. Kjo mënyrë është shumë e mirë dhe kursen kohë." Pra, niveli akademik shëndetësor i rajonit të Xinjiang-ut ka tërhequr interesin e vendeve fqinje. Ngritja e qendrës së shërbimeve mjekësore ndërkombëtare ofron shans për bashkëpunim ndërkombëtar mes Xinjiang-ut dhe vendeve fqinje. Autoritetet e shëndetit dhe organet përkatëse të Xinjiang-ut bashkëpunuan në niveleve të ndryshme për përgatitjen e talenteve, për studime të ndryshme shkencore etj. Zv.drejtorja e Spitalit Popullor të Xinjiang-ut Mayinuer Niyazi shprehet: "Vitet e fundit, studimet shkencore në rajonin e Xinjiang-ut janë zhvilluar me një ritëm tepër të shpejtë. Sipas të dhënave, organet shëndetësore të vendeve fqinje organizuan vizita dhe trajnime në spitale të ndryshme të rajonit. Me ftesën e vedneve fqinje, organizuam edhe vizitat dhe shkëmbimet e grupeve të specialistëve të shëndetit në vendet e tjera. Në disa spitale të rajonit Xinjiang-ut, janë përgatitur uebsajet në gjuhën ruse dhe angleze, të cilat shfaqin plotësisht epërsinë dhe efikasitetin e mjekësisë së Kinës." Tani, me përkrahjen e qeverisë, po nxitet në mënyrë të pandërprerë ndërtimi i qendrës së shërbimeve mjekësore ndërkombëtare në rajonin e Xinjiang-ut. Më shumë pacientë nga vendet fqinje shkojnë atje trajtim mjekësor. Qendra shërbimeve mjekësore e Azisë Qendrore e Perëndimore në Xinjiang ka shumë perspektiva. Mjekësia Tradicionale Kineze mund të përhapet edhe jashtë Kinës. Mayinuer· Niyazi tha: "Rajoni i Xinjiang-ut është një dritare e hapjes në Kinën perëndimore. Ky rajon ka epërsi të veçanta rajonale, kulturore, teknologjike etj., të cilat hodhën një bazë shumë të mirë për ndërtimin e qendrës së shërbimeve mjekësore ndërkombëtare. Tani është faza fillestare e ndërtimit të qendrës së shërbimeve në Xinjiang. Duhet të shtojmë përpjekjet për përgatitjen e mjekëve dhe punonjësve të tjerë me qëllim që ata të kuptojnë gjuhë të huaja etj. Por, besoj se me përkrahjen e pandërprerë të qeverisë, do të shpejtohet ndërtimi i qendrës së shërbimeve mjekësore ndërkombëtare dhe kështu pacientët e huaj do të trajtohen me shërbime tepër cilësore."(Xu Guang)