Spektrum

Die Nasionale Vervolgingsgesag sê meer politieke druk moet toegepas word vir die uitlewering van die Gupta-broers. Die departement van hoër onderwys waarsku ongeakkrediteerde tersiêre instellings teen die uitreik van eredoktorsgrade. Die Wêreld Handelsorganisasie het nog nie Suid-Afrika se dispuut oor die streng swartvlekregulasies vir sitrusvrugte aangehoor nie. Ons vind uit waar dié proses staan.

In die vyfde van 'n reeks verkiesingsdebatte, fokus ons op Gauteng. Vyf van die provinsie se grootste partye neem deel: die ANC, die EFF, Action SA, die DA, en die Vryheidsfront Plus.

Daar is meer as 2 000 onopgeëisde lyke in die staat se lykshuise. Strafregtelike klagte is teen die burgemeester van die Matjhabeng-munisipaliteit, Thanduxolo Khalipha, aanhangig gemaak. 'n Suid-Afrikaner vertel van haar ervaring op 'n vliegtuig op pad Tel Aviv toe, terwyl Israel se weermag missiele moes afweer. Ons fokus op die rol van die media ná 30 jaar van demokrasie.

Die ANC verloor sy handelsmerksaak teen die uMkhonto we Sizwe-party. Miljarde rand word benodig om vakante poste vir dokters te vul. Suid-Afrika sak vyf plekke terug op die Wêreldenergie Trilemma-verslag. 'n Vergadering word gehou om planne te beraam om die droogte in Afrika te mitigeer. Ons fokus op die stand van basiese onderwys ná 30 jaar van demokrasie.

'n Gebrek aan hulpbronne word vir die skietdood van 'n polisiebeampte op die Kaapse vlakte blameer. Die Suid-Afrikaanse Inkomstediens waarsku nie-regeringorganisasies om nie deur terreurgroepe misbruik te word nie. Brittanje hernu sy terreurwaarskuwing aan toeriste oor Suid-Afrika.

Gesprekke aan die gang om die werksverliese by die Poskantoor te beperk. Kubaanse dokters wat in Suid-Afrika werk, is weer onder die vergrootglas. Reaksie op die groot aantal sake van geslagsgebaseerde geweld wat van die hofrol verwyder is.

Suzanne Paxton lei Spektrum se verkiesingsdebat in Mangaung in die Vrystaat. Die deelnemers is Logan Kruger van die ANC, Roy Jankiehlsohn van die DA, Heloise Denner van die Vryheidsfront Plus en Thomas Macingwane van die EFF.

Kommer oor 'n moontlike kernaanval deur Israel op Iran se kernfasiliteite. 'n Ekonoom verduidelik watter impak die spanning in die Midde Ooste op Suid-Afrika se ekonomie het. Die voormalige Openbare Beskermer in die hof oor die R10 miljoen wat sy nie kry nie weens wangedrag en onbevoegdheid.

Nóg 'n skerp styging in die brandstofprys voorspel. Die minister van hoër onderwys, Blade Nzimande, verdedig sy besluit om die NSFAS se raad te ontbind. G7-lidlande veroordeel Iran se aanval op Israel. Die parlement stel voor dat leefstyloudits op parlementariërs gedoen moet word.

Nog is het einde niet van die stryd tussen Jacob Zuma en die OVK oor sy kandidatuur. Noorweë moedig Suid-Afrika aan om 'n bemiddelingsrol in die konflikte in die Midde-Ooste en Oekraïne te speel. Twee van die wêreld se mees ikoniese luukse vaartuie kom in Tafelbaai aan.

Suid-Afrikaanse kiesers in die buiteland sal ook by erekonsulate kan stem. Die regering sê inwoners van Hammanskraal behoort teen September skoon water in hulle krane te hê. Vrystaatse boere is raadop oor die diefstal van mielies van hulle landerye af.

Suzanne Paxton lei Spektrum se Noordwes-verkiesingsdebat op die Noordwes-Universiteit se Potchefstroomkampus. Die deelnemers is Nathan Oliphant van die ANC, CJ Steyl van die DA, en dr. Pieter Groenewald van die Vryheidsfront Plus.

Jacob Zuma weer in die hof oor sy privaatvervolgingsaak. Die jongste nuus oor die gure weer in groot dele van die land. 'n Suid-Afrikaanse Judo-span palm verskeie medaljes in by 'n kampioenskap in Malta.

Swaar reën en koue teister groot dele van die land. Die Hugenote-tonnel vir alle verkeer oopgestel. Die MK-party pak die OVK oor Jacob Zuma se diskwalifikasie.

Die SAUK se bestuurshoof verduidelik die openbare uitsaaier se benarde finansiële posisie. Vuilbeksiekte breek uit onder duisende skape wat van Oos-Londen af na die Midde-Ooste verskeep gaan word. Koue en nat weer op pad na groot dele van die land.

In die tweede aflewering van ‘n reeks verkiesingsdebatte, val die kollig op die Wes-Kaap. Ons gaste is van die ses groot partye, na aanleiding van hoe meer as 2 miljoen Suid-Afrikaners in die 2019 algemene verkiesing gestem het.

Die Veelpartyhandves maak sy plan bekend om basiese dienslewering in die land te verbeter. Die Umkhonto weSizwe-party appelleer teen die Verkiesingskomissie se besluit dat Jacob Zuma nie op dié party se kanidatelys mag verskyn nie. Navorsing deur Statistieke Suid-Afrika wys beduidende veranderinge in die tersiêre kwalifikasies wat Suid-Afrikaners verwerf.

Die Hooggeregshof het 'n dringende aansoek van Nosiviwe Mapisa-Nqakula om haar in hegtenisneming te verhoed, van die rol geskrap. Burgerlike organisasies betoog teen die Bela-wetsontwerp in George in die Wes-Kaap. Israel het wetgewing aanvaar wat uitsendings van die nuusagentskap Al Jazeera verbied.

Die African Farmers’ Association of South Africa vra dat die droogte in die Vrystaat tot 'n ramp verklaar word. Verkeersowerhede landwyd ontplooi vir Paasverkeer. In Turkye ly president Erdogan se AK-party 'n groot nederlaag in die plaaslike verkiesings.

Verskeie organisasies en opposisiepartye beoog regsaksie teen die onteieningswetsontwerp. Laerskool Vergenoegd in Delft is sedert Februarie sonder elektrisiteit, omdat sy beurskantoor versuim het om Eskom te betaal. Oos-Kaapse oeste lyk treurig weens langdurige droogte.

Die Belfast- Emakhazeni-verkiesingsdebat is die eerste van 'n reeks gesprekke wat van nou af tot en met die laaste debat in Pretoria op 24 April weekliks by verskeie plekke landwyd sal plaasvind. Die Nkangala-distriksmunisipaliteit is die oorhoofse baas en het beheer oor dorpe soos Machadodorp, nou bekend as Entokozweni, en Dullstroom. Die streek is bekend vir sy forelvisvangdamme en pragtige natuurskoon, wat helaas nou bedreig word deur verskeie mynbedrywighede, sommige daarvan onwettig. Ander probleme wat Belfast teister is gruwelike paaie en riool wat sommer straat afloop, en selfs in die visdamme ingepomp word.

Die Nasionale Vergadering gaan 'n mosie van wantroue in die speaker, Nosiviwe Mapisa-Nqakula, debatteer. Die Hooggeregshof beslis dat die MK-party se registrasie vir die algemene verkiesing wettig is. Die President van Suid-Soedan, Salva Kiir, eis dat die konflik in die Demokratiese Republiek van die Kongo dringend beëindig moet word.

Die Speaker van die Nasionale Vergadering, Nosiviwe Mapisa-Nqakula, nader die hof in 'n poging om 'n stokkie voor haar inhegtenisneming te steek. 'n 22-jarige verdagte verskyn in die Sekhukhune-landdroshof in Limpopo in verband met beweerde matriekeksamen-bedrog. Die Departement van Basiese Onderwys wysig van die klousules in die voorgestelde Wetsontwerp op Basiese Onderwys.

Die Speaker van die Nasionale Vergadering bring 'n dringende hofaansoek om haar inhegtenisneming te verhoed. Nog reaksie op die dood van Markus Jooste. Klein voertuigwerkswinkels word verbied om polisievoertuie te herstel.

President Cyril Ramaphosa spreek die land toe as deel van Menseregtedag-vieringe in Johannnesburg. Die Gautengse Departement van Gesondheid bevestig dat elf gesondheidsfasiliteite se telefone nie werk nie. Meer as 30 Russiese missiele is om Kijif afgeskiet.

Die Kommunikasie-werkersvakbond verwerp die SAUK se loonverhogingsaanbod. Die Suid-Afrikaanse Raad vir Opvoeders is bekommerd oor 'n toename in gevalle van lyfstraf en seksuele wangedrag in van die land se skole. Antony Blinken vergader met Arabiese leiers oor Gasa.

Die ANC en die Umkhonto We Sizwe-party draai tans in die hof. Waar is Joslin Smith? Ons praat met die polisie oor die kind se verdwyning, vandag presies ‘n maand gelede. Daar blyk geen einde te wees aan Johannesburg se waterprobleme nie.

Menseregte kom onder die soeklig tydens 'n spesiale konferensie in Boksburg. 'n Vierde verdagte verskyn in die hof in verband met die verdwyning van die sesjarige Joslinn Smith, Gerda Steyn laat wéér 'n Frith van der Merwe-rekord spat.

Nóg 'n hittegolf op pad. Gebreekte seekabels veroorsaak internetprobleme. Vandag is Wêreld Slaapdag.

Dit gons steeds oor die besluit om die Takatso/SAL-transaksie te kanselleer. Die regering maak nuwe planne bekend om die land se sukkelende munisipaliteite te help. TikTok se uurglas loop waarskynlik leeg in die VSA.

Die polisie het skokgranate en traangas gebruik om 'n groot skare by die Joslin Smith-mensehandelhofsaak in Vredenburg in die Wes-Kaap te beheer. Ontstoke inwoners van Westbury in Johannesburg eis antwoorde kort ná die wrede moord op 'n plaaslike sake-eienaar, Ashwin McCabe. KwaZulu-Natal maak gereed vir moontlike oorstromings wanneer die tropiese storm, Filipo, die provinsie tref.

'n Mosie om die Ekurhuleni-burgemeester aan die Oosrand, Sivuyile Ngodwana, te onttroon, word weer aangehoor. Talle VIGS-lyers in Mosambiek word siek nadat die regering hulle medikasie verander. Graan SA sê Suid-Afrika se graanoes kan moontlik vanjaar kleiner wees weens 'n tekort aan opvolgreën én die voortdurende hittegolftoestande.

Verwikkelinge in die Joslin Smith-sage. Die Menseregtekommissie eis dat skole se uniforumbeleid hersien word. Meer as 30 fietsryers trap van Oos-Londen na Kaapstad vir siek kinders in die Oos-Kaap.

Die spanning loop hoog by Lourierpark in Bloemfontein - ons praat met 'n grondwetkenner. 'n Onteiende Zimbabwiese boer stap na Windhoek om te protesteer teen 'n tribunaal wat op niks uitgeloop het nie. 'n Akteur sê meer flieks soos DEATH OF A WHISTLEBLOWER moet gemaak word.

Kommer oor grootskaalse grondbesetting in die suidweste van Bloemfontein. Vetsug lei tot verskeie siektes - ons praat met 'n kenner. Hewige donderbuie en hael vir die Wes- en Oos-Kaap voorspel.

Die polisie skaal die soektog na die vermiste sesjarige Joslin Smith af. Die motief vir die moord op die kletsrymer, Kiernan AKA Forbes, bly ’n raaisel. Die dood van 100 Palestyne tydens die verskaffing van hulpvoorraad in Gaza, ry vredesgesprekke dalk in die wiele.

Die soektog na die sesjarige Joslinn Smith verskerp. Ons kry die jongste nuus oor die brande in die Baai. Frankryk sê hy is bereid om soldate na Oekraïne te stuur.

Die president benoem adjunkhoofregter Mandisa Maya as die volgende hoofregter. Munisipale bestuurders kan dalk persoonlik verantwoordbaar gehou word vir swak watervoorsiening, indien nuwe wetgewing deurgevoer word. Die Lions verwag 'n verwoede aanslag van die Sharks in hulle Verenigde Rugbykampioenskap-wedstryd Saterdag in Johannesburg.

Die Vryemarkstigting sê die misdaadkrisis moet hoog op die agenda van politieke partye se verkiesingsveldtogte wees. Motoriste kan steeds 'n verhoging in die brandstofprys verwag. Burgerregtegroepe hou 'n beraad oor die Bela-wetgewing.

Die Swart Prokureursvereniging sê daar is steeds ongelykhede in die regsprofessie. Werklose gesondheidswerkers hou 'n optog na die Uniegebou. Die Uitgewersvereniging van Suid-Afrika sê die voorgestelde wysigings aan die Wet op Outeursreg sal meer skade doen as goed.

Die DA gaan die ANC van minagting van die hof aankla oor die kaderontplooiingsdokumente. Die uitgebreide polisiesoektog na die sewejarige Joslin Smith van Saldanhabaai, wat Maandag as vermis aangemeld is, duur steeds voort. Israel stuur 'n afvaardiging na Parys, Frankryk, vir onderhandelinge oor 'n moontlike skietstaking met Hamas.

Die minister van finansies, Enoch Godongwana, moes 'n moeilike begroting laat klop, maar nie almal is tevrede nie. Die Oos-Kaapse premier, Oscar Mabuyane, lewer sy provinsiale-rede in 'n provinsie wat gebuk gaan onder ongelykheid, armoede en die verval van infrastruktuur. Daar is nog tyd om te registreer om te stem vóór die president die verkiesingsdatum na verwagting môre sal proklameer.

Die DA se hofaansoek om kaderontplooiing ongrondwetlik te verklaar, is van die hand gewys. Die Wêreldgesondheidsorganisasie is bekommerd oor 'n ongekende toename in gevalle van masels. Die Nasionale Vergadering sal vanmiddag oor die geskorste Wes-Kaapse regterpresident John Hlophe se toekoms besluit.

Dienslewering is hoog op die agenda van Noordwes se provinsiale rede. Kommer oor toenemende geweld in skole. Suid-Afrika lewer betoë by die Internasionale Geregshof oor die regsgevolge van Israel se besetting van die Palestynse gebiede sedert 1967.

OUTA vra die parlement om die Wysigingswetsontwerp op die Algemene Intelligensiewette terug te trek. Die agteruitgang en opheffing van die platteland is in die kollig by 'n konferensie op Bothaville. Die nuwe politieke party, Change Starts Now, stel sy verkiesingsmanifes bekend.

Die Johannesburg- en Tshwane-metro's kan dalk miljoene kwyt wees weens die onderbesteding van hulle begrotings. ie algemene verkiesing raak hoogs mededingend met politieke partye wat hulle op Gauteng en KwaZulu-Natal toespits. Die Landbank bly 'n wanbetaler op sy skuld.

'n Bomaanval op die Suid-Afrikaanse militêre basis in die Kongo eis die lewe van twee soldate. Die parlement ontvang minstens 22 000 insette oor die voorgenome spioenasiewetsontwerp. Rare siektes beteken ook dikwels onbetaalbare behandeling - dis die ervaring van ongelukkige pasiënte.

Gift of the Givers staan inwoners van die Sentraal Karoo by. Die Turkse ambassadeur vertel hoe die massiewe aardbewing 'n jaar gelede, steeds die land benadeel. 'n Oproep dat mense betyds vir kanker toets.

Die Vrystaat moes die afgelope dekade R1,3 miljard rand se onbestede geld aan die nasionale regering terugbetaal. Sowat 2 900 soldate word in die DRK ontplooi. Wêreldradiodag word vandag gevier.

Die DA lê klagtes van korripsie teen die adjunkpresident. Wat veroorsaak die hoër vlakke van beurtkrag? Die Kai! Garib-munisipaliteit word MRK toe gesleep oor 'n gebrek aan skoon drinkwater en sanitasiedienste aan Kakamas en Keimoes.

Die president sinspeel daarop dat die Wetsontwerp op die Nasionale Gesondheidsversekering binnekort onderteken sal word. Opposisiepartye in die parlement is nie beïndruk met die staatsrede nie. Ons praat met 'n kenner oor hoe jy geldsake binne jou verhouding moet hanteer.

Nog geen verdagtes is vasgetrek in verband met die moord op 'n IVP-raadslid en 'n leerling in Kwazulu-Natal nie. Nog 'n hofpoging deur die EFF misluk teen die skorsing van parlementslede. Moenie te veel van vanaand se staatsrede verwag nie, sê die politieke ontleder, Lesiba Teffo.

Kaapstad se burgemeester vra dat die president bendebedrywighede in die metro tydens sy staatsrede bespreek. Opgraderingswerk by Koeberg se eenheid 2 het begin, en sal na verwagting teen September afgehandel wees. Hittegolf-toestande heers oor verskeie dele van die land.

Die Staat sê hy kan nie dokters bekostig nie. Gemengde reaksie op die nuwe minimumloon. 'n Meningsopname voorspel slegte nuus vir die ANC.

Kommer oor nie-regeringsorganisasies wat fokus op geslagsgeweld. Petrol en diesel is Woensdag duurder. Namibië kry dalk 'n vrouepresident.

Stemgeregtigdes kan die naweek registreer om te stem. Werkers van Metrobus in Johannesburg keer terug werk toe ná 'n marathonvergadering tussen bestuur en werkers. Brande in die Wes-Kaap woed steeds voort.

'n Versoek vir die aanstelling van 'n onafhanklike ondersoekeenheid om korrupsie te bekamp. Minder matriekleerlinge in Afrikaanse skole neem Wiskunde en Fisiese Wetenskappe. Kommer oor die min jong stemgeregtigdes wat registreer vir die algemene verkiesing.

Die Internasionale Monetêre Fonds gradeer Suid-Afrika se ekonomiese groeivooruitsigte af, grootliks weens die voortslepende kragkrisis. Die veiling van Nelson Mandela se besittings in New York word ingevolge 'n hofbevel opgeskort. Pas op! Jy beland dalk in ernstige sop weens identiteitsbedrog.

Nieregeringsorganisasies is bekommerd oor die ineenstorting van die regering se inbelsentrum vir gevalle van geslagsmisdaad. Die ondersoeke na die Julie 2021-onluste in Kwa-Zulu Natal en Gauteng is afgehandel - ons kry nog reaksie van ontleders. Suid-Afrika se wynuitvoere neem vir 'n tweede agtereenvolgende jaar af.

Die moordverhoor van die ontslape topspeurder, Charl Kinnear, begin vandag in die Hooggeregshof in Kaapstad. Brandbestryders werk steeds om brande in die Breedevallei- en Witzenberg-gebiede onder beheer te bring. Die ondersoekverslae oor die onluste in Julie-2021 in Kwazulu-Natal en Gauteng word bekendgestel. Die kredietgraderingsagentskap, Moodies, se verslag oor dopmaatskappye laat die rooi ligte flikker.

Gautengse hospitale koop kos ten duurste van Limpopo af aan. 'n Vrystaatse stadion van R261-miljoen s 'n wit olifant. Watter impak het diesel, wat met paraffien gemeng is, op jou voertuig?

Afriforum vra vir ingryping van die regering om waterslaai uit die Vaalrivier te verwyder. Die pluimveebedryf wag nog vir goedkeuring van entstof teen die H7-voëlgriep. Suid-Afrika se gemengde gevegkuns-wêreldkampioen, Dricus Du Plessis, is terug in die land.

Die Caledonian-sokkerstadion in Pretoria se multimiljoen-rand opgraderingsprojek sloer. Die gemeenskap en politieke partye soek antwoorde. Ons vind uit hoe die Vrystaatse-dorp, Clarens, dit regkry om beurtkrag vry te spring. Meer as 160 gerehabiliteerde aasvoëls kry 'n nuwe tuiste by die Shamwari-reservaat in die Oos-Kaap. Swede is nog 'n stap nader aan NAVO-lidmaadskap.

Die Onafhanklike Verkiesingskomissie sê planne vir die komende registrasienaweek is goed op dreef. Die ANC in die Wes-Kaap vra vir 'n ondersoek na die voorgestelde Wetsontwerp op Provinsiale Magte. Tientalle vulstasies verdun glo hulle dieselvoorraad met paraffien.

Die regering beloof om binne drie jaar volhoubare waterdienste aan Suid-Afrikaners te lewer. Groot ontsteltenis oor die verkoop van Madiba se persoonlike besittings. Die kommissie van ondersoek na die dodelike Marshalltown-brand in Johannesburg verlede jaar, hervat vandag.

Sal Oscar Pistorius op parool vrygelaat word? Die DA kla president Cyril Ramaphosa by die Menseregtekommissie aan. Die Reserwebank word nader gehark om te help met die regering se begrotingstekort.