Barangay Love Stories

Mahalagang magpakatotoo sa sarili at nagawa na ni Jose o Josie iyun pero hindi sa harap ng kanyang kuya. Lalo pa kung ang pagpapakatotoo niyang ito ang magiging sanhi ng pagkawasak ng kanyang mahal na pamilya. Pakinggan ang kwento ni Josie sa Barangay Love Stories.

Mahilig sa sugal ang mommy ni Veron. Ayaw niya sanang tumigil sa pag-aaral pero dahil iyun ang gusto ng mommy niya sumunod na lang si Veron para magtrabaho sa Japan. 'Di nagtagal, siya ay nagkaroon din ng sariling pamilya pero nalaman niyang adik din sa sugal ang asawa niya at baon na pala sila sa utang. Pakinggan ang kwento ni Veron sa Barangay Love Stories.

Hindi lang pagtuturo ng lessons ang naging hamon para kay teacher Reynald, pati na rin ang pagtulong sa estudyante niyang si Arthur na may depresyon at problema sa pamilya. Pero ang problema ni Arthur ay nangangailangan din ng matinding pananalig sa Diyos para masolusyunan. Pakinggan ang kwento ni Reynald sa Barangay Love Stories.

Babaero si Hansel at alam ng lahat iyun. Kaya naman iwas ang matigas na si Trish sa gustong manligaw na si Hansel. Pero dahil talagang pursigido, mapapasagot din ni Hansel ang dalaga. Sa kung hanggang kailan sila magtatagal, si Hansel lang ang nakakaalam. Pakinggan ang kwento ni Hansel sa Barangay Love Stories.

Nahulog si Ely Jean sa best friend niya. At patuloy niya itong minahal nang tahimik at sinamahan na harapin ang buhay sa iisang bubong. Mahal ni Ely Jean ang best friend niya pero wala siyang magawa dahil lalaki ang gusto ni Rose. Pakinggan ang kwento ni Ely Jean sa Barangay Love Stories.

Kinder pa lamang si Celine ay crush niya na si Diego. Kaya nang maging sila nung siya ay 16 years old na, lubos talaga ang kaligayahan niya. Handa na si Celine at Diego na makasama ang isa't-isa habang buhay. Ngunit bigla siyang iniwan ni Diego at nang magbalik ito after more than 25 years, ang tanging naaalala nito ay ang mga panahon na magkasintahan pa sila. Pakinggan ang kwento ni Celine sa Barangay Love Stories.

Masarap sa pakiramramdam ang makatulong sa kapwa. Kaya naman kahit maasikaso, pinili pa rin ni Allaine na maging volunteer para ibsan ang hirap ng mga nangangailangan. At habang abala siya sa paggawa ng mabuti, isang kahindik-hindik na trahedya pala ang makakasalubong niya. Pakinggan ang kwento ni Allaine sa Barangay Love Stories.

Bukod sa pangongolekta ng mga manika, ang lola ni Chichay ay ring isang Espiritista. At ang mga manikang pagmamay-ari nito ay hindi lang basta manika, dahil bawat isa rito ay may kwento. Hindi naniniwala sa mga kababalaghan si Chichay pero mukhang magbabago ang isip niya dahil sa kanyang lola. Pakinggan ang kwento ni Chichay sa Barangay Love Stories.

Dahil kinahihiya niya ang kanyang ina, lumaking rebelde si Febs. Naging kabit ang nanay niya noon at ni hindi nga nito nila alam kung sino ang nakabuntis sa kanya. Sa kabila ng pagsusumikap ng nanay ni Febs, hindi naibsan ang pagkamuhi niya rito. At habang tumatanda siya, hindi niya namalayan na sumusunod na pala siya sa yapak ng taong kinamumuhian niya. Pakinggan ang kwento ni Febs sa Barangay Love Stories.

Hindi panganay si Nel pero dahil sa pagmamahal niya sa kanyang pamilya, napilitan siyang kumayod nang maaga para matustusan ang pangangailangan nilang lahat. Kaya nang maging mag-asawa sila ni Marie, ang pamilya pa rin ni Nel ang laging nauuna. At dahil hindi pa magawang bumukod ng mag-asawa, kahit sumusobra na, sinusunod pa rin ni Marie ang biyenan niya at ang mapang-api niyang bilas. Pakinggan ang kwento ni Marie sa Barangay Love Stories.

Kung kailan naka-move on at nagsisimula na ulit sa buhay si Diane mula sa trauma at panloloko sa kanya ng kanyang boyfriend for 8 years, ay saka naman siya kokontakin ng insurance agent ng ex niya. Ang dahilan ay para i-claim ang naiwang insurance money ng yumaong si Jeffrey. Wala naman sanang problema ito kay Diane kaso may ibang asawa at mga anak na ang cheater niyang ex. Pakinggan ang kwento ni Diane sa Barangay Love Stories.

Sobrang kinilig si Jenna nang sa wakas ay magkaroon na siya ng nobyo. Pero laking gulat niya nang may magmakaawa sa kanya na makipaghiwalay na siya sa nobyo niya. May asawa na pala si Joe. Kahit na ganun, si Jenna pa rin ang pinili ni Joe kaya malakas ang loob ni Jenna tuwing lumalapit sa kanya ang misis nito. Sa sobrang galit, sumumpa ang asawa ni Joe na magiging impyerno ang buhay ng mga nagtaksil sa kanya. Pakinggan ang kwento ni Jenna sa Barangay Love Stories.

Kahit na mahirap, buong puso ang pagtulong ni Yna sa ate niyang si Camille at sa anak nito. Naging sakitin si Camille matapos manganak kaya si Yna na ang bumuhay sa munti nilang pamilya. Sa kabila ng kanyang pagsusumikap, mararanasan niya ang isang nakagigimbal na pangyayari na magpapabago ng kanyang pagtrato ng mga tao sa paligid niya. At hindi lang siya ang makakaranas nito, pati na rin ang pinakamamahal niyang pamangkin. Pakinggan ang kwento ni Yna sa Barangay Love Stories.

Isang malaking kasiyahan para kay Gideon ang magkaroon ng kapatid na tulad ni Garrett. Para sa kanya, ang kuya Garret niya ang pinakamahalagang tao sa buhay niya. Pero hindi pwedeng habang buhay makakasama niya ang best friend, protector, at number-one supporter niyang kuya. Pakinggan ang kwento ni Gideon sa Barangay Love Stories.

Simula pagkabata, iba na ang trato kay Eryn ng kanyang ina. Galit, inis at pagkamuhi ang laging bumubungad sa kanya kapag ang nanay niya na ang kaharap niya. Sa murang edad, walang araw na hindi pinaramdam kay Eryn ang pagkasuklam ng kanyang kinilalang ina. Pakinggan ang kwento ni Eryn sa Barangay Love Stories.

Alam ni Hana na ang buhay ay hindi madali kahit na maganda, mabait at matalino ka pa. Kaya naman nang na-reliaze niya na mahal niya na ang best friend niya, hindi niya magawang magtapat dito lalo na nung nalaman niyang may gusto na itong ligawan. Pakinggan ang kwento ni Hana sa Barangay Love Stories.

Kapag nagmamahal ang isang tao, kailangan ng lakas ng loob para maipagpatuloy ang pag-ibig na iyun. Pero ganun din sa paghihiwalay, matinding lakas ng loob at tapang ang kailangan para iwanan ang taong dahilan ng pagiging malungkot at miserable mo. Ngunit kahit na mahirap at nakakapagod, hindi pa rin magawang iwanan ni Angel ang taong nagdudulot ng sakit sa kanyang damdamin. Pakinggan ang kwento ni Angel sa Barangay Love Stories.

May iba’t-ibang klase ng pag-ibig at hindi lahat ng ito ay dapat na pinaglalaban, lalo kung sa simula pa lang ay mali na ito. Dahil maagang naulila sa ama, kinailangan ng mama ni Josh at Aira na magtrabaho sa ibang lugar para matustusan ang kanilang pamilya. Dahil magkasamang lumaki, naging malapit nang husto ang magkapatid. At sa kanilang pagtanda, kasabay na umusbong ang pag-ibig ni Aira sa taong hindi pwede. Pakinggan ang kwento ni Aira sa Barangay Love Stories.

Amang lasenggo at inang cheater, iyan ang mga magulang ni Mae. Dahil dito hindi naging madali ang buhay nilang magkakapatid lalo pa nang iwan sila ng kanilang mama sa kamay ng mapanakit nilang ama. Ngunit hindi sila nawalan ng pag-asa at patuloy na lumaban sa buhay kahit pa aksidente siyang nabuntis ng kanyang kasintahan. Pakinggan ang kwento ni Mae sa Barangay Love Stories.

Ang isang anak ay kayaman ng mga magulang lalo na kung hirap magka anak ang mag-asawa. Kaya nang biyayaan ng sanggol sina Arceli at Domeng, abot langit ang tuwang kanilang nadama, lubos talaga nilang inaruga ang kanilang miracle baby. Ngunit sa hindi inaasahang pagkakataon ay mapapahamak ang pinakamamahal nilang anak sa piling ng kanyang tiyuhin. Pakinggan ang kwento ni Arceli sa Barangay Love Stories.

Dahil mahirap ang buhay, focus lang sa pagtatrabaho ang flower shop vendor na si Dahlia. Gusto niya mang ma-experience din ang pag-ibig na nagpapasaya sa iba ay wala siyang panahon para dito. Pero nang ma-meet niya ang masungit na si Alec na ayaw sa mga bulaklak, 'di nila aakalain na may pag-ibig palang uusbong sa kanila. Pakinggan ang kwento ni Dahlia sa Barangay Love Stories.

May mga tao na gagawin ang lahat magkaroon lamang sila ng anak. Pero may mga tao ring nagiging magulang kahit hindi pa sila handa. Pareho itong naranasan ni Elena at ng kanyang asawa. Ang batang binitawan nila noong hindi pa sila handa ay ang batang aasam-asamin pala nila sa kanilang pagtanda. Pakinggan ang kwento ni Elena sa Barangay Love Stories.

The typical-bookworm Lovelle meets the crush-ng-bayan Deo. Kahit hindi makapaniwala si Lovelle ay magsisimula ang kanilang love story. Malaki ang contribution ng looks sa confidence ng isang tao. Pero imporante rin ang assurance na pinaparamdam sa iyo ng mahal mo para maging confident ka sa sarili mo at sa relasyon niyo. Pakinggan ang kwento ni Lovelle sa Barangay Love Stories.

Minsan, hindi natin hinahanap ang pag-ibig pero kusa itong dumarating. Ngunit hindi lahat ng pag-ibig ay totoo dahil ang iba ay gusto lang manggamit at manlinlang, katulad ng pag-ibig ni Lester kay Faye. Pero kahit na ganun, magagawa pa rin ni Faye na ipagpatuloy ang kanilang relasyon. Pakinggan ang kwento ni Faye sa Barangay Love Stories.

Nang mamatay agad ang pinakamamahal na asawa ni Manuel, sinabi niyang hindi na siya muling magmamahal. Iyun ay hanggang sa makilala niya si Clara na madalas ding dumalaw sa puntod ng yumao nitong ama. Mahirap makipagrelasyon sa taong malayo ang agwat sa edad mo. Pero minsan, mahirap makipagrelasyon dahil hindi mo alam kung hanggang kailan kayo magkakasamang dalawa. Pakinggan ang kwento ni Manuel sa Barangay Love Stories.

Marami ang mas naghirap dahil sa pandemya at isa dun sina Nida at Jojo. Matapos nilang mawalan ng trabaho, nanirahan sila sa kanilang tricycle at kumapit sa mga pagpag maitawid lanmang nila ang araw-araw. Bukod sa pagpag, kinaya rin ni Nida na kumapit sa isang gawain na labag sa kanyang kalooban. Para kay Nida, mas madaling sumuko kaysa lumaban pero ang mister niya, piniling ilaban silang dalawa. Pakinggan ang kwento ni Nida sa Barangay Love Stories.

Malaki ang obligasyon ng mga magulang sa kanilang anak. Ngunit walang obligasyon ang anak sa kanilang mga magulang. Liban na lamang kung napalaki sa katuwiran ang anak, tiyak na hindi ito makakalimot na igalang, mahalin, at suportahan ang kanyang mga magulang katulad ng ginawa ni Bless sa kanyang nanay at tatay kahit may mga kapansanan na ito. Pakinggan ang kwento ni Bless sa Barangay Love Stories.

Nang biglang bawian ng buhay ang papa ni Karina, nahirapan ang kanyang mama na itaguyod siya dahil sa mga naiwang utang ng kanilang padre de pamilya. At nang hindi na makuha ni Karina ang dating karangyaan at 'pagmamahal' na nais niya sa piling ng kanyang mama, kay Anjo niya ito nahanap. Maganda naman ang naging simula nila ni Anjo pero magbabago ito sa pagdating ng tatay ni Anjo. Pakinggan ang kwento ni Karina sa Barangay Love Stories.

Ang gusto lang naman ni Marie ay magkapagtrabaho nang maayos at tahimik para makapagpadala ng pera sa kanyang pamilya. Pero simula nang makilala niya si Ryan, lagi siyang nasasangkot sa gulo. At ang mas kinaiinis pa niya ay may gusto raw sa kanya si Ryan kaya hindi siya nito tinatantanan. Pakinggan ang kwento ni Marie sa Barangay Love Stories.

Lampas na sa kalendaryo si Lyca pero NBSB pa rin siya. Mas inuna ang pamilya kaya hindi naasikaso ang sarili niyang love life. Pero kahit na ganun ay never naman siyang na-pressure pero nainis, oo, sa laging pagtatanong ng mga kamag-anak niya kung kailan siya mag-aasawa. Kaya nang ma-meet niya si Erwin na mas bata sa kanya, maging willing kaya si Lyca na babaan ang standards niya para magkajowa na? Pakinggan ang kwento ni Lyca sa Barangay Love Stories.

Mahirap maging mahirap. Lahat gagawin ni Dado para mapakain ang kanyang pamilya kahit pa magbenta siya ng katawan. Kaya nang makilala niya si Tonya, isang mayaman na naghahanap ng lalaking tutugon sa pangangailangan ng kanyang laman, guminhawa bigla ang buhay ni Dado pati ng kanyang pamilya. Pero sa pagbabalik ng ex girlfriend ni Dado, makukuntento pa rin kaya siya sa kaligayahan na dulot ng pera? Pakinggan ang kwento ni Dado sa Barangay Love Stories.

Pagtitiis at mahabang pasensiya, iyan ang ilan sa mga kailangang ugali kung papasok ka sa isang relasyon. Pero hindi na nakapagtiis si Cristine kaya nakipag-break siya sa kanyang boyfriend na si Ronnel. Ang inaasahang bagong pag-ibig na magpapasaya sa kanya, mas nagdala lang ng mas malalim na sakit sa puso niya. Buti na lang handa pa rin si Ronnel na magsimula ulit sila ngunit handa na rin kaya si Cristine? Pakinggan ang kwento ni Cristine sa Barangay Love Stories.

Hindi inaasahan ni Carla na matutupad ang kanyang hiling na sana ay mawala na ang kanyang nanay para wala nang mang-utos at magpagalit sa kanya. Pero hindi naman talaga ganun ang nais niyang mangyari. Ang pagpanaw ng madiskarte niyang ina ay malaking kawalan para sa kanilang pamilya kaya kahit na mahirap, pinilit ng kanyang tatay na patapusin silang lahat sa pag-aaral. Pakinggan ang kwento ni Carla sa Barangay Love Stories.

Sabi nila you can't be friends with your ex, pero para sa iba mas mabuti nang maging kaibigan ang taong dati mong minahal kaysa hayaan siyang mawala at tuluyang lumayo sa buhay mo. Immature pa sina Kisses at Reese nang simulan nila ang kanilang relasyon, kaya hindi nagtagal ay naghiwalay rin sila. Ngunit kahit na ganun ay hindi nito napigilan ang paglago ng kanilang friendship na maituturing na "the best" para sa kanilang dalawa. Pakinggan ang kwento ni Kisses sa Barangay Love Stories.

Bago pa isilang si Shane ay binawian na ng buhay ang kanyang ama. Kaya lumaki siyang sinasalo ang lahat ng galit at init ng ulo ng kanyang ina na naiwan mag-isa para buhayin siya. Kaya nang maagang mabuntis si Shane ng kanyang nobyo, natakot siyang ipagpatuloy ito dahil sa tingin niya ay hindi niya kayang maging isang mabuting ina para sa magiging anak nila. Pakinggan ang kwento ni Shane sa Barangay Love Stories.

Marami nang naging karelasyon si Epoy at lahat ng iyun ay nag-fail. Kaya nang makilala niya si Maricar, ginawa niya ang lahat para mapanatili kung anong meron sila kahit pa kabit lang siya. Nalaman ng buong opisina ang kataksilan nila at pareho sila nawalan ng trabaho. Hindi man afford ni Epoy ang maluhong buhay ni Maricar, ibibigay niya ang lahat para lang sa pinakamamahal niya. Pakinggan ang kwento ni Epoy sa Barangay Love Stories.

Nasira man ang pamilyang akala ni Gwen ay perpekto na, nakatagpo naman siya ng lalaking magmamahal at susuporta sa kanya. Kaso nga lang hindi pabor dito ang kanyang ama. Anong dahilan? Hindi rin alam ni Gwen at tila hirap na hirap ang papa niyang magpaliwanag. Iniwan na nga sila ng kanyang mama, pati ang lalaking minahal niya ay pilit na nilalayo ng kanyang ama. Pakinggan ang kwento ni Gwen sa Barangay Love Stories.

Dahil sa hirap ng buhay, pagtatrabaho sa abroad ang nakitang paraan ni Mimz para kumita nang mas malaking pera. Ito ay isang desisyon na matagal niyang iniwasan dahil ayaw niyang iwan ang kanyang pamilya at ang lalaki unang nagpatibok ng puso niya. Gusto ni Mimz na hintayin siya ni Renz pero tingin niya ay unfair iyun sa binata. Pakinggan ang kwento ni Mimz sa Barangay Love Stories.

Hindi mawawala ang away sa isang relasyon. Pero kung may kasama na itong sakitan, ibang usapan na iyun. Mahaba-haba rin ang panahon na hinintay ni Enrico para maging sila ni Wena. At dahil na rin sa wagas at tunay niyang pag-ibig para sa kanyang misis, hindi talaga siya bumitaw kahit pa mas naging malala ang pananakit nito sa kanya nang mawala ang first baby sana nila. Pakinggan ang kwento ni Enrico sa Barangay Love Stories.

Nasa kutson na, lumipat pa sa papag. Imbes na makipaghiwalay, nakipag-cool off lang muna si Oliver sa gf niyang si Kim. Diniretso niya na lang sana sa hiwalayan kung magtataksil lang din pala siya. Sa huli, nagmakaawa siya kay Kim na makipagbalikan muli. Tatanggapin ulit ni Kim si Oliver pero there's a catch. Pakinggan ang kwento ni Oliver sa Barangay Love Stories.

First love ni Anne si Jeff, first relationship din. Pero kahit na gaano nila kagusto ang isa't-isa dahil hindi buo ang loob nila na ipaglaban at panatilihin ang pag-ibig na meron sila, nauwi rin ito sa hiwalayan. Sa muling pagsisimula ni Anne, babalik ulit si Jeff pero si Anne may bago nang karelasyon at hindi siya masaya, kaya tatanggapin niyang muli si Jeff. Pakinggan ang kwento ni Anne sa Barangay Love Stories.

"Kung sino pa ang seryoso, sila pa ang madalas maloko." Ganyan ang love life ni Cyrus, kung kailan handa na siyang magpakasal ay saka naman siya iniwan ng dalawang babaeng pumasok sa kanyang buhay. Pero may mas masakit na katotohanan pa pala siyang mararanasan na dala rin ng dalawang babaeng ito. Pakinggan ang kwento ni Cyrus sa Barangay Love Stories.

Maraming tao ang matalino pero pagdating sa pag-ibig, nagiging tanga. Walang ibang ginusto si Kate kun'di ang mahalin pabalik ng taong gusto niya. Pero kahit anong pag-aalaga at pagmamahal ang ipakita niya ay hindi talaga siya magawang seryosohin ni Joe. Ang mas masakit pa, okay lang kay Kate ang ganung set-up nila. Pakinggan ang kwento ni Kate sa Barangay Love Stories.

Matapos mamatay ang asawa ni Miranda ay mag-isa niyang pinalaki ang apat nilang anak. Hindi naging madali ang buhay nila lalo pa't nagpatong-patong ang mga problema na kailangan niyang harapin. Hanggang sa tuluyan ngang nabawasan ang panahon niya para gabayan ang kanyang mga anak. Pakinggan ang kwento ni Miranda sa Barangay Love Stories.

Laging magkasama si Amy at ang kanyang lola tuwing bakasyon. Pero simula nang magkatrabaho si Amy, halos hindi na niya mabigyan ng oras ang tumatanda niyang lola. Ikaw, kailan mo huling dinalaw ang mga mahal mo? Pakinggan ang kwento ni Amy sa Barangay Love Stories.

Dahil likas na matulungin ang ama ni Alek, buong akala niya ay normal lang na patuluyin ni tatay niya ang ex-girlfriend nito sa kanilang bahay. Pero ang dapat tatlong araw lang na pakikituloy nito ay naging isang linggo, hanggang sa umabot na nga ng buwan. Ano ang plano ng dating kasintahan ng tatay nila na para bang nanay na kung umasta sa kanilang tahanan? Pakinggan ang kwento ni Alek sa Barangay Love Stories.

Sa panahon ng pandemya, ang paghahanap ng pag-ibig online ay mas naging patok. Kaya kahit na-ghost na si Miko ng kanyang online gf, hindi pa rin siya nawalan ng pag-asa na makahanap ng bagong love life online. Pero si Celine na naging chatmate ni Miko, ayaw raw muna ng label. Mahihintay ba nila ang isa't-isa? Pakinggan ang kwento ni Miko sa Barangay Love Stories.

Pangarap ni Teng na makawala sa kahirapan at sigurado siya na sa Maynila niya iyun matatagpuan. Kaya kahit ilang ulit siyang pinigilan ng kanyang mga magulang, lumuwas pa rin papuntang Maynila si Teng kasama ang kasintahang si Rose baon ang kanilang munting naipon at malaking pangarap. Pakinggan ang kwento ni Teng sa Barangay Love Stories.

Matagal nang kilala ni Erik ang babaeng kanyang papakasalan, si Leonor. Kaya nang bawian ito ng buhay, hindi siya magawang pakawalan ni Erik. Pero sabi nga ni Sofia na nakaranas ng parehong pangyayari, hindi mo kailangang palayain ang taong mahal mo kapag nawala siya sa iyo, sarili mo ang dapat mong palayain sa lungkot, sakit, at lumbay nang sa gayon ay matuto ka kung paano maging masaya ulit. Pakinggan ang kwento ni Erik sa Barangay Love Stories.

"Lumaki ako na walang tatay at sira ang pamilya. Kaya naniniwala ako na hindi lahat ng tao ay deserve na maging masaya kasama ang mga magulang nila" - Ganyan ang pag-iisip ni Eunice kaya naman wala siyang preno sa pakikipagrelasyon lalo na kung pamilyado na ang lalaki. Pero kakayanin niya kaya ang kabayaran sa paglalaro niya ng apoy? Pakinggan ang kwento ni Eunice sa Barangay Love Stories.

Nang mawala ang daddy ni Dimple, walang ibang choice ang kanyang mommy kun'di ang dumoble-kayod para sa kanilang pamilya. Kahit na mahirap at malalayo sila sa isa't-isa, pumayag magtrabaho sa ibang bansa ang kanyang mommy, kaya iniuwi niya sa probinsya si Dimple para iwan ito kay Mamang. Hindi man naging madali ang simula ng buhay probinsya ni Dimple kasama ang kanyang lola, ito naman ang isa sa pinakamagandang alaala ng kanyang buhay. Pakinggan ang kwento ni Dimple sa Barangay Love Stories.

Marami siguro ang mayroong kamag-anak na mahilig makialam sa buhay ng iba katulad na lamang ng tita ni Dana. Halos lahat na lang sa buhay niya ay ginagawang isyu ng kanyang tita, simula sa kanyang trabaho, love life, social media posts, pati na rin ang kanyang timbang. Buti na lang suportado pa rin si Dana ng kanyang mama. Pakinggan ang kwento ni Dana sa Barangay Love Stories.

Mahirap mawalan ng magulang lalo na kung ikaw ang dahilan kung bakit sila napahamak. Aminado si Maris na lumaki siyang spoiled at daddy's girl. Dahil din sa ugali niyang ito kaya nakatagpo ng panganib ang kanyang daddy. Walang araw na lumipas na hindi siya nagsisisi sa kanyang nagawa. Ngunit may isang tao na mas malaki ang galit sa kanya, ang kanyang mommy. Pakinggan ang kwento ni Maris sa Barangay Love Stories.

Bata pa lamang si Yana ay alam na niya na isa siyang ampon. Ngunit kahit na ganon ay hindi kailanman nabawasan ang pagmamahal na pinaramdam sa kanya ng kanyang nanay Elena. At sa pagbabalik nga ng totoong ina ni Yana, kahit ayaw niyang sumama sa inang nagluwal sa kanya, pinilit siya ng kanyang nanay Elena para mabigyan sila ng chance na makilala ang isa't-isa. Pakinggan ang kwento ni Yana sa Barangay Love Stories.

Nang biglang umuwi ang papa ni Geraldine galing abroad, hindi niya alam ang gagawin niya sa tuwang kanyang nadarama. Pero ang permanenteng pag-uwi pala nito ay dahil nakonsensya siya sa kasalanang nagawa niya sa kanyang mag-ina habang nagtatrabaho siya sa malayo. Mahirap magpatawad at lalong mas mahirap para kay Geraldine na makitang mawasak ang munting pamilyang kanyang iniingatan at inaasam-asam noong simula pa nang siya ay magkamuwang. Pakinggan ang kwento ni Geraldine sa Barangay Love Stories.

Matagal nang gusto ng NBSB na si Vina na magkaroon ng boyfriend. Kaya nang mapansin siya ng kanyang crush na si Justin, hindi na siya nagpaligoy-ligoy pa at siya na ang nanligaw. Ngunit hindi dito pabor ang kanyang pinsan/bff na si Althea dahil sa usap-usapang manyak at chickboy daw si Justin. Sa kabila nito, walang nakapigil kay Vina na habulin ang akala niyang 'the one' para sa kanya. Hanggang sa wakas ay natupad nga ang panalangin ni Vina na maging kasintahan si Justin. Pakinggan ang kwento ni Vina sa Barangay Love Stories.

Simula nang bumaba ang grades ni Jackie sa school, akala ng kanyang mommy ay kailangan niya ng gabay ng isang ama. Kaya naman inilapit niya si Jackie kay Brother Kelvin, ang Pastor ng kanilang simbahan, sa pag-aakalang matutulungan nito ang dalaga. Paano kung ipagkatiwala ka ng iyong ina sa taong may balak pala na masama sa iyo? Pakinggan ang kwento ni Jackie sa Barangay Love Stories.

Wala nang hihigit pa sa pagkakaroon ng isang masaya at buong pamilya, ganyan ang nasa isip ni Hannah. Kaya nang mawala ang kanyang mama, malaki ang naging epekto nito sa kanilang pamilya lalo na sa kanilang ama. Hanggang sa magkawatak-watak na nga sila nang ibahay ng kanyang ama ang bago nitong girlfriend. Nang bumukod si Hannah, akala niya doon na magtatapos ang masasakit na pangyayari sa buhay niya dahil nakilala niya na ang lalaking nagpakita at nagparamdam sa kanya ng pag-ibig, pero nagkakamali siya. Nagsisimula palang pala ang tadhana. Pakinggan ang kwento ni Hannah sa Barangay Love Stories.

Masarap magmamahal ngunit kapag ikaw ay nasakal, matuto kang bumitaw. Pero sa pagbitaw ni Aya, banta ang inabot niya kay Jed. Noong una, ayaw pa ni Aya na mawala si Jed sa kanya kaya pumayag siyang isuko sa binata ang kanyang pagkababae. At makalipas ang ilang buwan, napilit ulit si Aya na i-video ni Jed ang ginagawa nila sa pag-aakalang mananatiling pribado ang mga videos na iyun. At nang maghiwalay nga ang dalawa, nagbanta si Jed na ikakalat niya ang mga videos na iyun kapag hindi nakipagbalikan sa kanya si Aya. Pakinggan ang kwento ni Aya sa Barangay Love Stories.

May pag-ibig talaga na kahit gaano katotoo at kasigurado ay hindi mo mailalaban. Ganyan ang pag-ibig ni Amelia at Roger. Dahil bata pa sila nang panahong sila ay nagkakilala at nag-ibigan, hinadlangan ito ng mga magulang ni Roger dahil ayaw nilang isang katulong ang makatuluyan ng kanilang anak. Handa man lumaban si Roger para kay Amelia, mukhang sila ang ayaw ipaglaban ng tadhana. Hanggang kailan makapaghihintay ang mga pusong tunay na nagmamahal? Pakinggan ang kwento ni Amelia sa Barangay Love Stories.

Tama bang sa iba mo iganti ang galit mo para sa isang tao? Dahil sa kanyang ama, walang masayang alaala si Bela sa kanyang pagkabata. Ito rin ang rason kaya nagkaroon siya ng galit sa mga lalaki. Lahat ng karelasyon ni Bela ay hindi niya sineryoso, pati ang sarili niya ay hindi niya na rin natutunang pahalagahan. Plano niyang magdala ng sakit ng ulo sa tatay niyang ayaw siyang pakawalan. Ngunit ito lang ba talaga ang paraan para makamit niya ang isang maayos na buhay? Pakinggan ang kwento ni Bela sa Barangay Love Stories.

Paano ka magmamahal nang tama kung wala nitong nagturo sa iyo? Dahil bunga si April ng pananamantala, hindi siya binigyan nang lubos na pagmamahal ng kanyang mama. Nang makaipon nang kaunti, tumakas siya sa mental abuse ng kanyang ina pero pisikal na pang-aabuso naman ang inabot niya sa relasyon na kanyang napasukan. Buong buhay ni April gusto niya lang mahalin at magmahal pero mukhang hirap itong ibigay sa kanya ng mga tao. Pakinggan ang kwento ni April sa Barangay Love Stories.

Respeto. Ito ang isa sa pinakamahalagang bagay na kailangan nating ibigay hindi lang sa mga tao kun'di pati sa lahat ng nakapaligid sa atin. Hindi lang daw tayo ang nakatira sa mundong ito, mayroon ding hindi nakikita ng ating mga mata. Sa ngalan ng views, itong mga nilalang na ito ang gustong ma-document ni JD para sa kanyang vlogs. At dahil sa biglang paggambala ng grupo ni JD sa isang abandonadong bahay, didikit sa kanila ang hanap nilang misteryo nang higit pa sa kanilang inaasahan. Pakinggan ang kwento ni JD sa Barangay Love Stories.

Mahirap daw magkaroon ng maayos na kinabukasan ang isang tao na may masaklap at bayolenteng nakaraan. Ganyan ang kabataan ni Jake. Pero sa kabila ng madilim na parte ng buhay niyang iyun, nagdala ng liwanag si Giselle. Si Giselle ang unang tao na nagtiwala at naniwala sa kanya kaya na-inspire si Jake na magbago. Sa kanilang pagsasama naramdaman niya ang tunay at lubos na kasiyahan. Lumipas ang panahon, hindi aakalain ni Jake na iiwan siya ng kanyang liwanag, pero ang mahalaga wala siyang pinagsisisihan at malaki pa rin ang pasasalamat niya sa masasayang alaalang nabuo niya kasama ang pinakamamahal niyang asawa. Pakinggan ang kwento ni Jake sa Barangay Love Stories.

Dahil sa hirap ng buhay, napilitan si Rachel at ang kanyang nanay na makipagsapalaran sa Maynila. Ngunit nang unti-unti na sana silang nakakaraos sa buhay ay bigla namang nawalan ng trabaho si Rachel dahil sa pandemya. Buti na lang at mabait ang landlord nilang si Mang Simon. Bilang pagsunod sa batas, hindi muna ito naningil ng upa sa kanyang mga tenants kaya gayon na lang ang pasasalamat nila. Pero nang magsimula ang General Community Quarantine, nagsimula na ring maningil ulit si Mang Simon ng renta. At dahil sapat lang sa kanilang pangkain ang kinikita ni Rachel, hindi pa rin siya makabayad ng mga utang niya sa renta. Kaya imbes na pera, ibang bagay na lang ang hiningi ni Mang Simon na ipambayad ni Rachel sa kanya. Pakinggan ang kwento ni Rachel sa Barangay Love Stories.

Ang mga bata ay parang blank canvas kung saan ang pintor ang bubuo ng mga linya, hugis, at kulay na gusto niya sa painting niya. Katulad ng pintor ay ganito rin ang trabaho ng matatanda na dapat gumagabay sa paglaki ng mga bata. Pitong taon pa lamang si Elias nang una siyang yayain ng kanyang ninang Loren na 'maglaro'. Hindi niya maintindihan sa una pero nagustuhan niya naman ito kaya tinuloy nila iyun hanggang sa kanyang paglaki. Sino ba ang dapat managot sa maagang pagkamulat ng isang bata sa paggawa ng isang kasalanan, ang bata ba mismo o ang taong nagpalaki sa kanya? Tunghayan ang sikretong 'paghulma' ni Loren sa pinakamamahal niyang inaanak. Pakinggan ang kwento ni Elias sa Barangay Love Stories.

Hindi madaling limutin ang pag-ibig na buong akala mo ay totoo na. Kaya minsan, kahit masakit pipilitin mong magtiis maisalba lamang ang pag-ibig na iyun. Ganun ang nangyari kay Jessa, nang makilala niya si Raul binigay niya ang sarili niya nang buong-buo sa pag-aakalang siya na ang natatanging pag-ibig para sa kanya. Ngunit nang malaman ni Raul na menor edad pa lamang si Jessa, ilang ulit niyang sinubukang itigil ang lihim nilang relasyon ngunit mas humigpit lang ang kapit ni Jessa sa kanya. Hanggang sa wala na siyang ibang magawa kun'di itanan si Jessa para maitago ang pagbubuntis nito. Masaya na sana si Jessa dahil akala niya pananagutan siya ni Raul pero mas hihirap lang pala ang sitwasyon lalo na nang ipakilala sa kanya ang misis ni Raul. Pakinggan ang kwento ni Jessa sa Barangay Love Stories.

Bata pa lamang si Anastacio nang mamatay ang kanyang mga magulang, tatlo silang magkakapatid at wala silang choice kun'di ang makitira sa masungit nilang tiyahin. Pero hindi nagtanggal ay tumakas sila sa bahay na 'yun dahil hindi na nila kaya ang pangmamaltrato sa kanila. Lumaking mag-isa si Anastascio dahil iniwan siya ng kanyang mga kapatid pero buti na lang ay nakilala niya si Lucas, ang kaibigang makakatuwang niya sa hirap ng buhay at magpapagaan sa nahihirapan niyang puso. Pakinggan ang kwento ni Anastacio sa Barangay Love Stories.

Nagtatrabaho bilang isang security guard ng bangko si Arnel. Nang makita niya ang batang lansangan na si Dondon na pilit sinusubukang basahin ang tarpaulin ng milk tea, tinulungan niya ito. At doon nga nagsimula ang pagkakaibigan ng dalawa, pareho man silang may pinagdaraanang hirap sa buhay hindi iyun naging hadlang kay Arnel na tulungan si Dondon. Pangarap niya kasi sanang maging teacher, at si Dondon na nga ang tutupad ng pangarap na iyun kahit saglit lang. Walang sukatan ang tulong. Maliit man o malaki, ang tulong ay tulong. Pakinggan ang kwento ni Arnel sa Barangay Love Stories.

Nang ikasal si Evelyn kay Melbert, tumira muna sila sa bahay ng pamilya ni Melbert pero plano rin talaga nilang bumukod. Ngunit nang magkaroon na nga sila ng munti nilang bahay, hindi pa rin sila makaiwas sa gulo na dala ni Remjun at Cora na kuya at hipag ni Melbert. Nung minsang magkasakit si Melbert at hindi na talaga alam ni Evelyn kung saan siya makakahingi ng tulong, kay Remjun siya lumapit pero hindi ito pumayag na tumulong. Kaya naisip na lang nila na ibenta kalahati ng lupang ipapamana kay Melbert. Naipagamot ni Evelyn ang kanyang asawa at bumuti ang lagay nito pero nang malaman nina Remjun na nagbenta sila ng lupa, halos magpatayan ang magkapatid dahil sa sama ng loob. Kapag lupa na ang awayan, nakakalimutan talaga ng iba kung sino ang kadugo nila. Pakinggan ang kwento ni Evelyn sa Barangay Love Stories.

Walang magulang ang may gustong maligaw ng landas ang kanilang mga anak. Kahit naging rebelde si Susan noong kabataan niya, hindi ganung kinabukasan ang pinangarap niya para sa kanyang anak na si Shamara. Marumi, magulo, at nakakadiri - iyan ang pwedeng itawag sa nakaraan ni Susan. Naging kabit siya nang hindi niya alam at para sa kapakanan ng anak niya, pinagpatuloy niya ito kahit pa hindi niya gusto. At nang malaman ito ni Shamara, wala siyang ibang ginawa kun'di kamuhian ang kanyang ina. Kahit pilit nang tinutuwid ni Susan ang mga pagkakamali niya mukhang hindi siya agad patatahimikin ng kanyang mga pagkakasala sa nakaraan.

Pakinggan ang kwento ni Susan sa Barangay Love Stories.

Madalas ang mga taong humuhusga sa atin ay mga taong hindi natin kilala. Pero kapag mahal sa buhay na ang nangmamata sa atin, sino ba namang hindi masasaktan.

Hindi kinakahiya ni Joey ang trabaho niya bilang macho dancer, lalo pa't alam niya sa sarili niya na wala naman siyang ginagawang masama. Dahil mabilis ang kita  rito, ito ay trabahong hindi niya mabitawan agad kahit pa halos itakwil siya ng kanyang nagbibinatang anak. Pero hindi na muna importante 'yun dahil mas mahalaga sa kanya na mapakain ang kanyang munting pamilya at higit sa lahat maipagamot ang sakit na sinisikreto ng kanyang asawa.

Pakinggan ang kwento ni Joey sa Barangay Love Stories.