Popparasögur

Þriðji hlutinn og mögulega einum þeim merkilegasta í sögu hljómsveitarinnar Sniglabandsins. Í fyrstu tveimur hlutunum var farið yfir upphaf sveitarinnar, ótrúlegar uppákomur frá fyrstu árunum, mannabreytingar, sunnudagskvöldið á Gauki á stöng, vinsælustu útvarpsþætti landsins og svo margt fleira. Í þessum þriðja hluta er fjallað um merkilega ferð Sniglabandsins til Sovétríkjanna árið 1989 þar sem þeir fóru á fimm mótorhjólum og einni rútu í tónleikaferðalag.   Þeir segja frá því hvernig þeir gistu í heimahúsum og kynntust fólkinu, fullum ruslapokum af rúblum og vandræðunum við að eyða þeim, mútum til lögreglunnar, mafíunni sem elti þá, menningarsjokkinu og hvernig bréf frá Davíð Oddssyni, þáverandi borgarstjóra, bjargaði Didda frá öskrandi lögreglumanninum sem beindi að honum rifli. Þessi þáttur er í boði Kölska - kolski.is. Umsjón: Vignir Egill Vigfússon

Annar hluti viðtalsins við hljómsveitina Sniglabandið. Í fyrsta hlutanum var farið víða og sagt frá upphafi sveitarinnar, ótrúlegum uppákomum frá fyrstu árunum þar sem kom við sögu dvergur að þvo bíl, hestur í Bólstaðarhlíðarbrekkunni, Jónas Friðrik, Hells Angels, putti í auga og margt fleira. Í þessum öðrum hluta fara þeir Diddi og Skúli yfir það hvernig hljómsveitin fór að þróa þá list að taka við óskalögum fólks í salnum, sunnudagskvöldið á Gauki á stöng, útvarpsþættina sem voru þeir vinsælustu á landinu og karakterana og grínið sem var til þar, lögin sem urðu til í þáttunum, samstarfið við Nylon, tónleika sveitarinnar og tilkomu nýrra meðlima í bandið. Þetta er annar hlutinn af fjórum af sögu Sniglabandsins. Þessi þáttur er í boði Kölska - kolski.is. Umsjón: Vignir Egill Vigfússon

Hljómsveitin Sniglabandið hefur verið ein af vinsælustu hljómsveitum Íslands síðustu áratugi og er hvergi nærri hætt. Hvort sem fólk tengir hljómsveitina við að vera í góðu skapi, útvarpsþættina þeirra vinsælu, Jólahjól, bifhjólasamtökin Sniglana, ferðalag þeirra til Sovétríkjanna, sunnudagskvöld á Gauki á stöng eða annað þá hafa þeir félagar verið áberandi nær allt frá stofnun árið 1985. Í þessum fyrsta hluta fara þeir Friðþjófur Ísfeld Sigurðsson, eða Diddi, og Skúli Gautason yfir sögu sveitarinnar en auk þeirra eru í hljómsveitinni Björgvin Ploder, Einar Rúnarsson, Pálmi Sigurhjartarson og Þorgils Björgvinsson. Í þessum fyrsta hluta segja þeir frá upphafi Sniglabandsins, sveitaballabransanum, hljómsveitarrútunni sem var gamall matarvagn, hestinum í Bólstaðarhlíðarbrekkunni, fyrstu böllunum, mannabreytingum, Stebba Hilmars, eftirminnilegum uppákomum þegar gestir nálguðust sviðið í mismunandi tilgangi, dverg að þvo bíl, áherslubreytingum með nýjum mönnum og sérstöðu Sniglabandsins þegar kemur að sambandi við áhorfendur. Þetta er fyrsti hluti af fjórum af sögu Sniglabandsins. Þessi þáttur er í boði Kölska - kolski.is. Umsjón: Vignir Egill Vigfússon

Friðrik Dór hefur verið einn ástsælasti tónlistarmaður á Íslandi undanfarin eða allt frá því hann kom fram á sjónarsviðið með lög eins og Hlið við hlið, Leiðarlok og fleiri. Síðan þá hafa topplögin verið fjölmörg og vinsældir hans vaxið þrátt fyrir að hafa þurft að hafa fyrir hlutunum og takast á við áskoranir á leiðinni. Nýverið kom hann fram á tvennum tónleikum með SinfoniaNord í Hofi á Akureyri þar sem lögin hans voru spiluð í nýjum útsetningum og verða tónleikarnir endurteknir í Hörpu í lok október. Í viðtalinu talar hann um samstarf við menn eins og Erp Eyvindarson, Bubba Morthens og Jón bróður sínum Jónssyni, ævintýrið með IceGuys sem senn tekur enda og lukkuna á bak við það þegar Í síðasta skipti komst ekki í Eurovision. Friðrik talar einnig um hvernig tónlistin hefur þróast úr því að vera tímabundið ævintýri í að verða hans ævistarf, velgengnina í upphafi ferilsins, erfiðleikana sem fylgdu í kjölfarið, textagerðina og hvernig hversdagslegar setningar geta orðið að vinsælum lögum. Auk þess talar hann um breytingar á íslenskum tónleikamarkaði og hvernig hann sér fyrir sér næsta kafla á tónlistarferlinum. Þessi þáttur er í boði Kölska - kolski.is. Umsjón: Vignir Egill Vigfússon

Þá er komið að seinni hlutanum í spjallinu við Franz Gunnarsson, gítarleikara, tónleikahaldara og margt fleira, sem hefur verið áberandi í íslensku tónlistarlífi síðustu áratugi, t.d. með hljómsveitum eins og Ensími, Dr. Spock og fleirum. Í fyrri hlutanum fór Franz yfir byrjunina með In Memoriam, Quicksand Jesus og Dr. Spock. Í þessum seinni hluta segir Franz frá hljómsveitinni Ensími, hvernig hún byrjaði eftir að hljómsveitin Jet Black Joe hætti á sínum tíma, Kafbátamúsík, vinnunni með Steve Albini, tilraunum þeirra til að slá í gegn erlendis, 30 ára afmælinu og fleiru. Hann talar einnig um það að blanda saman þessum tveimur ólíku hljómsveitum, Ensími og Dr. Spock, og því hvernig áfengi hefur haft áhrif á líf hans og tónlistarferil. Seinni hluti viðtalsins við Franz Gunnarsson. Umsjón: Vignir Egill Vigfússon

Franz Gunnarsson hefur komið víða við á sínum tónlistarferli, hvort sem það er sem gítarleikari, höfundur, sólólistamaður eða tónleikahaldari. Hann hefur verið í hljómsveitum eins og In Memoriam og Quicksand Jesus sem voru áberandi á tíunda áratug síðustu aldar en þekktastur er hann sennilega sem meðlimur bæði Ensími og Dr. Spock. Í þessum fyrri hluta af tveimur talar Franz um Músíktilraunir, rokksenuna og hvernig hún var þegar hann var að stíga sín fyrstu skref, upphaf Dr. Spock og Ensími, þátttöku í Söngvakeppni Sjónvarpsins og síðast en ekki síst mjög áhugaverðar tilraunir til markaðssetningar sem vöktu athygli almennings, fréttafólks og lögreglunnar. Þetta er fyrri hluti af spjallinu við Franz Gunnarsson. Umsjón: Vignir Egill Vigfússon

Hljómsveitin Á móti sól fagnar 30 ára afmæli um þessar mundir og ætlar af því tilefni að halda stórtónleika í Háskólabíói í október. Hljómsveitin var stofnuð eins og margar aðrar á sínum tíma til þess að spila á sveitaböllum, búa til smá pening fyrir meðlimi og hafa gaman. Fyrst um sinn var ruglast á hljómsveitinni og öðrum sólarböndum, þá sérstaklega SSSól. En í dag er hljómsveitin Á móti sól löngu orðin ein af þeim þekktari á landinu með fjöldann allan af vinsælum lögum og stóran aðdáendahóp um land allt. Í þessum þætti segja þeir Heimir Eyvindarson, stofnmeðlimur og einn aðallagahöfundur sveitarinnar, og Sævar Þór Helgason, gítarleikari, frá ferli Á móti sól, allt frá því hvernig þeir byrjuðu að spila á sveitaböllum, fóru út í það að taka upp plötu, ska-ið, mannabreytingar og tilkomu söngvarans frá Borgarfirði eystri sem átti eftir að hafa mikil áhrif á sveitina. Þeir segja einnig frá því þegar Spenntur sló í gegn á einni nóttu, dýrustu plötu Íslandssögunnar, tími Magna í Rockstar Supernova og ævintýrinu sem fylgdi í kjölfarið. Þeir segja frá stöðunni í dag, vinahópnum sem skiptir þá mestu máli, afmælistónleikunum og þeirri staðreynd að þeir eru enn á toppnum eftir 30 ár í bransanum. Umsjón: Vignir Egill Vigfússon

Egill Örn Rafnsson hefur átt langan og viðburðaríkan feril eftir að hafa byrjað mjög ungur að vinna sem tónlistarmaður. Hann var aðeins 15 ára þegar hann var farinn að spila á börum í miðborg Reykjavíkur og 18 ára þegar tónlistin varð að aðalstarfi. Fyrst með Buttercup, svo Ber, á sveitaböllum og í stúdíói. Hér á eftir fer hann yfir ferilinn, allt frá fyrstu árunum í skólahljómsveitinni og hljómsveitinni Sign, yfir í Buttercup og fjölmiðlafárið þegar hann var rekinn úr hljómsveitinni. Hann segir frá stofnun hljómsveitarinnar Ber og spilamennskunni um land allt, lífinu í rútunni, bömmerböllum, sveitaballalífinu og því að byggja eigið stúdíó. Hann talar um áhrif föður síns, Rafns Jónssonar heitins, á tónlistarferilinn, andlát hans árið 2004 og hvernig hann tók við af honum sem trommari í hljómsveitinni Grafík. Þá segir hann frá löngum tónleikaferðum erlendis og lífinu í London þar sem hann reyndi að fóta sig sem tónlistarmaður og var nálægt því að fá tækifæri með stórum hljómsveitum á borð við Queens of the Stone Age og Placebo. Hann segir frá því þegar Sign reyndi að meika það erlendis, tónleikaferðunum með Skid Row og þegar hann, fárveikur með 40 stiga hita, spilaði fyrir Dennis Rodman og meðlim Papa Roach á einum þekktasta tónleikastað Bandaríkjanna. Umsjón: Vignir Egill Vigfússon.

Kristjana Stefánsdóttir er ekki bara ein allra besta söngkona og tónlistarkona landsins. Hún er líka söngkennari, raddþjálfari, tónlistarstjóri, höfundur, dansari og svo mætti lengi telja. Hún hefur starfað með ótrúlega breiðum hópi íslensks tónlistarfólks, komið víða við í leikhúsi og síðustu ár hefur hún meira að segja ferðast um heiminn sem dansari. Hér á eftir ræðir hún um fjölbreyttan feril sinn í tónlistinni, allt frá Ritvélum framtíðarinnar til samstarfs við HAM, Pál Óskar, Bubba, Egil Ólafs og fleiri. Hún segir frá löngu og gefandi samstarfi sínu við Svavar Knút, tónlistinni, vináttunni og tónleikaferðum þeirra um landið. Hún segir einnig frá óvæntri leið sinni inn í dansheiminn og hvernig verkefni sem átti upphaflega aðeins að vera nokkrar sýningar hefur þróast í yfir 50 sýningar í meira en 30 löndum. Hún segir frá hugmyndum sínum að nýrri plötu, fullri skúffu af lögum og þeirri ákvörðun að sleppa tökunum á fyrir fram ákveðnum hugmyndum og leyfa verkefnum að þróast. Hún ræðir um sköpunina, kennsluna, raddþjálfunina, trúða, leikhúsið og hvers vegna hún myndi „geispa golunni“ ef hún væri ekki í einhverju skapandi Umsjón: Vignir Egill Vigfússon

Þá er komið að seinni hluta viðtalsins við Valdimar Guðmundsson, einn allra vinsælasta söngvara þjóðarinnar frá því hann kom fyrst fram á sjónarsviðið með hljómsveitinni Valdimar árið 2010. Í fyrri hlutanum var farið yfir hljómsveitina Valdimar, vinsælustu lögin, tónleikaferðalögin, lætin og allt það sem fylgdi fyrstu árum sveitarinnar. Í þessum hluta skyggnumst við hins vegar meira inn í önnur verkefni Valdimars og fólkið sem hefur haft áhrif á feril hans. Hér ræðir hann meðal annars um vinsælustu lögin sem hann hefur sungið, Hljómskálann, samstarfið við Magga Eiríks og Braga Valdimar, og útfarirnar. Hann segir frá leikhúsævintýrum sínum, meðal annars hlutverkinu sem Eddie í Rocky Horror, og hvernig leikhúsið hjálpaði honum að verða öruggari á sviði. Við förum líka yfir tilurð LÓN, jólatónleikana og jólalögin sem hafa gert desember að stórum hluta af tónlistarárinu hans, þar á meðal lagið Jólin eru okkar. Þá rifjar Valdimar upp kynni sín af Svavari Pétri, Prins póló, og segir frá áhrifum hans á sig. Þetta er seinni hluti viðtalsins. Umsjón: Vignir Egill Vigfússon.

Valdimar Guðmundsson hefur verið einn vinsælasti söngvari íslenskrar tónlistar undanfarin ár. Hvort sem það er með hljómsveitinni Valdimar, LÓN, Memfismafíunni eða öðrum verkefnum hefur rödd hans verið áberandi í íslensku tónlistarlífi. En ferðalagið að þessum tímapunkti hófst löngu áður en Valdimar varð þekktur sem söngvari. Sem ungur strákur lærði hann á básúnu og síðar tónsmíðar, en það var ekki fyrr en um tvítugt sem hann fór að taka sönginn alvarlega. Síðan gerðist ýmislegt. Lagið „Yfirgefinn“ varð óvænt einn af stóru smellum sveitarinnar, Valdimar varð um tíma þekktur sem „læti-gaurinn“ og nafnið Valdimar reyndist síðar ekki endilega auðveldasta nafn í heimi þegar söngvarinn fór að gefa út tónlist utan sveitarinnar. Í þessum fyrri hluta viðtalsins rifjar Valdimar upp fyrstu skrefin í tónlistinni, frá því hann söng Bryan Adams fyrir langömmu sína, yfir í fyrstu hljómsveitirnar og stofnun hljómsveitarinnar Valdimars. Hann segir frá uppganginum eftir Undraland, þróun sveitarinnar og tónlistarinnar, samstarfinu við Pétur Ben og hvernig það breytti nálgun þeirra á textagerð. Við förum líka yfir lögin sem urðu að uppáhaldi hjá hlustendum, tónleikaárin, óvæntar vinsældir og hvernig hljómsveit sem varð til án mikilla væntinga varð að einni allra stærstu á Íslandi. Þetta er fyrri hluti viðtalsins. Umsjón: Vignir Egill Vigfússon.

Eyjólfur Kristjánsson hefur verið gríðarlega áberandi í íslensku tónlistarlífi í rúm fjörutíu ár. Hann er söngvari, gítarleikari, píanóleikari, laga- og textahöfundur og maðurinn á bak við nokkur af þekktustu lögum íslenskrar poppsögu. Hann steig sín fyrstu skref á sviði sem fjórtán ára strákur í Kerlingarfjöllum, fór síðan í vísnabransann með Hálft í hvoru og varð síðar einn af liðsmönnum Bítlavinafélagsins. Eftir það fór allt á fullt með sveitaböllum um allt land, metsöluplötum og lögum sem urðu stórir smellir. Hér á eftir talar hann um Hálft í hvoru, Bítlavinafélagið, sólóferilinn og samstarfið og vináttu við Stefán Hilmarsson, Björn Jörund, Björgvin Halldórsson og fleiri.  Hann segir frá Söngvakeppni sjónvarps og Eurovision-ferðum sínum, þar á meðal ótrulegu kvöldi með Mel Gibson í Dublin. Hann rifjar upp hvernig lög eins og „Ég lifi í draumi“, „Nína“ og „Álfheiður Björk“ urðu til. Hann segir líka frá því sem hefur gengið á undanfarna áratugi í tónlistarbransanum, nýju plötunni og því hvað það er sem heldur honum enn gangandi eftir öll þessi ár í tónlistinni. Umsjón: Vignir Egill Vigfússon

Í fyrri hluta viðtalsins við Birgi Örn Steinarsson, BiggaMaus, var farið yfir sögu Maus fyrstu tíu ár sveitarinnar. Biggi hélt þá til London og þar biðu hans ótrúleg ævintýri sem innihéldu alþjóðlega pródúsera og óvænta vináttu við meðlim í The Cure. En þrátt fyrir byrjun sem lofaði góðu náði sólóferillinn ekki þeim hæðum sem Biggi hafði vonað. Platan sem hann varði tveimur árum í að gera floppaði, hann flutti aftur til Íslands, tók þátt í stofnun tímaritsins Monitor og lenti í fjölmiðlastríði við Bubba Morthens sem átti eftir að hafa gríðarleg áhrif á feril hans. Eftir mörg ár þar sem ekkert hafði gerst hjá Bigga, ef frá eru taldir örfáir tónleikar með Maus, tók hann þá ákvörðun árið 2021 að fara aftur af stað. Fyrst kom eitt lag, svo annað og síðan heilt nýtt sólóverkefni. Hann fann nýja vinnuaðferð, nýtt fólk, nýtt frelsi og uppgötvaði að hann þurfti engan annan til að geta verið tónlistarmaður. Í seinni hluta viðtalsins ræðir Biggi um ævintýrið í London, íbúðina ótrúlegu sem hann fékk hjá gítarleikara The Cure, Id og erfiðu viðbrögðin við henni og Silvíu Nótt og ferðina til Los Angeles. Hann segir frá því hvernig hann fann aftur leiðina inn í tónlistina, endurvakningu sólóferilsins, stöðunni með Maus í dag, TikTok-ævintýrinu, nýju tónleikahugmyndinni Heima session og því að vera loksins orðinn algjörlega sjálfstæður tónlistarmaður. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Birgir Örn Steinarsson, BiggiMaus, hefur lengi verið hluti af íslensku tónlistarlífi. Hann stofnaði hljómsveitina Maus sem ungur maður og fór með vinum sínum í gegnum Músíktilraunir, plötuútgáfur, tónleika og tilraunir erlendis. Hann fór líka í gegnum tímabil þar sem allt virtist ganga upp og svo önnur þar sem hljómsveitin og ferillinn voru nálægt því að gliðna í sundur. Í þessum fyrri hluta viðtalsins ræðir Biggi um feril hljómsveitarinnar Maus, pönkið sem hefur fylgt honum alla tíð, upphafið, allar plöturnar, vinsælustu lögin, pressuna sem fylgdi velgengninni, þegar þeir ákváðu að slíta samstarfi um sinn og þegar hann loks sagði upp vinnunni sinni og ákvað að hverfa til London. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Trommuleikarinn Birgir Nielsen hefur átt langan og viðburðaríkan feril. Hljómsveitirnar hans eru til dæmis fjölmargar og má þar nefna Vini Vors og Blóma, Sælgætisgerðina, Land og syni, Klaufana og nú síðast Gosana frá Vestmannaeyjum. Hér á eftir fer Birgir yfir ferilinn, allt frá því að hann byrjaði að spila á trommur í Breiðholtinu, yfir í velgengnina með Vinum vors og blóma, óvænta innkomu í Land og syni og öll ævintýrin með þeim bæði hérlendis og erlendis og sunnudagskvöldin með Sælgætisgerðinni. Hann segir frá þjóðhátíðarlögunum, kántríævintýrinu með Klaufunum og ferðunum til Nashville, sólóverkefnunum sínum, tónlistarlífinu í Vestmannaeyjum, hvalahljóðum, Hljómey, Gosunum og hvað það er sem fær hann til að halda áfram að spila og skapa tónlist. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Nú er verslunarmannahelgin 2026 framundan og er vel hægt að færa rök fyrir því að sjaldan eða aldrei hafi verið jafn mikið í boði fyrir fólk sem vill njóta íslenskrar tónlistar þessa helgi. Sem fyrr eru fastir liðir á sínum stað, eins og Þjóðhátíð í Vestmannaeyjum, en nú virðist meira hafa verið lagt í aðrar hátíðir, sérstaklega hvað varðar tónlistardagskrá, og er Ein með öllu á Akureyri besta dæmið um það. Í þennan þátt mætir maður sem þekkir íslenskan tónlistarbransa mjög vel. Hann fer hér aðeins yfir þessa helgi, stöðuna á tónlistarviðburðum á Íslandi miðað við áður og hvernig þessi helgi, sem býður upp á flesta íslenska tónlistarviðburði, hefur þróast undanfarin ár. Maðurinn er Einar Bárðarson og fór spjallið fram í sveitasælu á Suðurlandi rétt fyrir þessa miklu tónlistarhelgi til þess að spá í spilin. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Einn maður, einn gítar og þúsundir radda sem sameinast á Brekkunni á Þjóðhátíð í Vestmannaeyjum. Á yfirborðinu virðist Brekkusöngurinn einfaldur en á bak við þessa einu klukkustund á sviðinu liggja margir mánuðir af undirbúningi, greiningu og vinnu. Fyrir Ágúst Þór Brynjarsson, sem mun stýra sínum fyrsta Brekkusöng á Þjóðhátíð í sumar, er þetta ekki aðeins stærsta svið sem íslenskur tónlistarmaður getur stigið á, heldur afrakstur margra ára markvissrar vinnu. Frá fyrstu trúbadoragiggunum á Norðurlandi, Söngvakeppninni og tímanum með Færibandinu og Stuðlabandinu hefur hvert skref verið undirbúningur fyrir þessa klukkustund í Eyjum. En fæstir átta sig á vinnunni sem liggur að baki, greiningu á eldri Brekkusöngvum, endalausum æfingum, lagavalinu og fleiru. Í þessu viðtali ræðir Ágúst Þór um ferðalagið að Brekkusöngnum, hvernig hann undirbýr sig fyrir stærsta verkefni ferilsins, lærdóminn sem hann dró af Stuðlabandinu, þegar hann grét í langan tíma eftir Söngvakeppnina og hvers virði það er að taka af skarið. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Flestar hljómsveitir verða vinsælar eftir að lag frá þeim slær í gegn í útvarpi eða á streymisveitum. En Stuðlabandið fór aðra leið. Í stað þess að byggja ferilinn á útvarpsspilun og vinsælum lögum hefur hljómsveitin skapað sér sterkt orðspor sem ein allra besta sveitaballahljómsveit landsins. Frá fyrstu æfingum í bílskúr í Ölfusi, þar sem unga stráka dreymdi um það að verða eins og Skítamórall, SSSól og Sálin hans Jóns míns, hefur leiðin legið á stærstu svið landsins. Í dag er Stuðlabandið ein þekktasta hljómsveit þjóðarinnar og fastur liður á hátíðum eins og Þjóðhátíð, Lopapeysunni og Kótelettunni. En á bak við gleðina, sviðsljósið og stóru augnablikin er saga um metnað, þrautseigju og vinnusemi. Í þessu viðtali ræða þeir Marinó G. Lillendahl og Magnús Kjartan Eyjólfsson um ferðalagið frá bílskúrnum að stærstu hátíðum landsins, breytingar á sveitaballamenningunni, kraftinn í lifandi tónlist og hvernig bandið hélt áfram eftir að Magnús greindist með krabbamein árið 2024.  Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Tónlistarhátíðin Bræðslan hefur verið haldin á Borgarfirði eystri síðan árið 2005 og fagnaði 20 ára afmæli á síðasta ári. Í dag er þetta orðin ein stærsta tónlistarhátíð landsins og jafnframt sú sem er erfiðast að fá miða á því aðeins eru tæplega eitt þúsund slíkir seldir á hverja hátíð. Á hátíðinni í ár, sem verður haldin laugardaginn 25. júlí, munu koma fram Ásgeir, Raven, Skandall, Greifarnir, Land og synir og Sólstrandargæjarnir. Auk þess verða margs konar viðburðir í bænum í vikunni fyrir Bræðsluna. Í þessum þætti verður rætt við Magna Ásgeirsson, heimamann og einn af stofnendum og skipuleggjendum Bræðslunnar, um hvernig hátíðin varð til, hvernig hún hefur þróast í gegnum árin og hvernig hún hefur haldið í sinn einstaka anda þrátt fyrir sívaxandi vinsældir. Við förum yfir undirbúninginn fyrir hátíðina í ár, hvernig dagskráin verður til og hvað þarf að gerast áður en fyrstu tónarnir hljóma í gömlu bræðslunni. Við rifjum upp eftirminnileg tónlistaratriði, ræðum áhrif Bræðslunnar á samfélagið á Borgarfirði eystri, lítum á dagskrá ársins og veltum fyrir okkur framtíð hátíðarinnar. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Einar Björnsson hefur verið viðloðinn íslenskt tónlistarlíf í næstum 40 ár og óhætt að segja að hann hafi unnið með flestu, ef ekki öllu, vinsælasta tónlistarfólki landsins á þessum tíma. Hann var aðeins 17 ára gamall þegar Björgvin Halldórsson heitinn gaf honum tækifæri sem hljóðmaður og þar með var leið hans í lífinu ákveðin. Síðan þá hefur hann stýrt hljóði fyrir flestar af stærstu hljómsveitum Íslands, séð um tæknimál á Þjóðhátíð í Vestmannaeyjum í rúman aldarfjórðung, átt hljóðkerfaleigu, skemmtistað, útvarpsstöð og nú síðast setti hann af stað tónlistar- og matarhátíðina Kótelettuna á Selfossi sem er orðin ein best sótta tónlistarhátíð landsins á hverju ári. Einar ræðir hér áratugalanga reynslu sína úr íslenska tónlistarbransanum, gullöld sveitaballanna, og hvernig bransinn hefur breyst með nýjum tíma, breyttum venjum og stærri viðburðum. Hann fer yfir tíma sinn á Þjóðhátíð í Vestmannaeyjum og segir frá stofnun Kótilettunnar á Selfossi og hvernig fyrsta hátíðin varð til á aðeins 11 dögum. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Það hafa fáar íslenskar hljómsveitir komið inn á íslenskan tónlistarmarkað með jafn miklum látum og Botnleðja gerði árið 1995. Það ár sigruðu þeir Músíktilraunir og gáfu út plötuna Drullumall og hvort tveggja vakti verðskuldaða athygli. Rúmum 30 árum og fjölmörgum plötum síðar eru strákarnir úr Hafnarfirði enn að, og nú stíga þeir aftur á svið á heimavelli sínum í Bæjarbíói, í Hjarta Hafnarfjarðar. Í þættinum á eftir ræða Halli og Heiðar um upphaf Botnleðju og sigurinn í Músíktilraunum, fyrstu árin og viðhorfið til tónlistarbransans, óvænt kynni og tónleikaferð með Blur, samstarf við Sinfóníuhljómsveit Íslands, tilraunir erlendis og útgáfu á ensku, Eurovision-ævintýrið og hvernig málamiðlanir, eða skortur á þeim, hafa mótað ferilinn, mögulega nýja plötu og tónleikunum í Bæjarbíói. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Árið 2026 voru 40 ár síðan hljómsveitin Greifarnir sigraði Músíktilraunir og varð á skömmum tíma ein vinsælasta hljómsveit landsins. Stuttu síðar kom lagið Útihátíð út og varð allra vinsælasta lagið á Íslandi það sumar. Greifarnir ferðast nú um landið á tónleikaferðalagi eða sveitaballaferðalagi sem þeir kalla Síðasta sveitaballið. Í þessum þætti tala þeir um hvernig sveitaballa- og tónlistarbransinn hefur breyst á síðustu 40 árum, sigurinn í Músíktilraunum 1986 og hvernig hann breytti lífi þeirra á skömmum tíma, fyrstu árin, mikla spilamennsku, kostnaðinn við frægðina, áhrif hennar á fjölskyldu- og einkalíf, vinsælustu lög sveitarinnar, endurkomuna árið 1995, um pressuna sem fylgdi vinsældunum og framtíð Greifanna eftir þetta sumar. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Tónlistarmaðurinn Sigurður Guðmundsson er svo sannarlega maður margra hatta. Hann er söngvari, píanóleikari, gítarleikari, bassaleikari, upptökumaður, laga- og textahöfundur og eflaust margt fleira. Hér á eftir talar hann um hljómsveitirnar sínar, Hjálma, Góss, Mefismafíuna, Senuþjófana og fleiri. Hann segir frá samstarfinu með Megasi, Sigríði Thorlacious, Braga Valdimar og fleirum. Hann segir líka frá því hvernig hann fór til Ítalíu til að læra ljósmyndun en endaði sem tónlistarmaður á Íslandi, hvernig það er að vera tónlistarmaður á Íslandi og fer yfir ferilinn. Þessi þáttur er í boði Skógarbaðanna í Eyjafirði – Forestlagoon.is. Umsjón: Vignir Egill Vigfússon.

Haraldur Ari Stefánsson sló í gegn með hljómsveitinni Retro Stefson. Hann hefur síðan getið sér gott orð sem leikari og mun gefa út sína fyrstu sólóplötu í haust. Í þessum þætti talar hann um tímann sinn með Retro Stefson, tímabilið sem þau bjuggu í Berlín, lokatónleikana, come-back, sviðsframkomu, ferðalögin um Evrópu, leikhúsið, söngleikina, áhrifavaldana, áskoranirnar, sólóplötuna, framtíðina og fleira. Umsjón: Vignir Egill Vigfússon

Kristján Kristjánsson, KK, hefur verið eitt af stærstu nöfnunum í íslenskri tónlist allt frá því hann sló í gegn með plötunum Lucky One og Bein leið, snemma á tíunda áratug síðustu aldar. Hann varð nýverið 70 ára og hefur verið að fagna þeim áfanga með tónleikum víða um land að undanförnu og mun gera það út árið. Í þessu spjalli segir hann frá því þegar hann þróaðist úr því að vera Kristur á Frakkastígnum yfir í það að vera KK. Frá buskinu í Skandinavíu, frá Vegbúanum, KK-bandinu, vináttunni og samstarfinu við Magga Eiríks, blúsinum, áhrifum í tónlist, ferðalögunum, samstarfinu við unga fólkið og mörgu fleira.Umsjón: Vignir Egill Vigfússon

Hrafn Thoroddsen hefur farið víða á síðustu rúmlega 30 árum í íslensku tónlistarlífi og verið í hljómsveitum eins og Ensími, Jet Black Joe og Warmland, Hérna segir hann frá því hvernig hann hætti í skóla 19 ára gamall eftir að hafa gengið til liðs við Jet Black Joe, þegar hann fór sveitaballarúntinn með Helga Björns og SSSól, stofnaði Ensími sem hann hefur verið í forsvari fyrir í 30 ár, upptökurnar með Steve Albini, samstarfið við Bubba, spillerí með Egó, túrana erlendis með Barða í Bang Gang, dúettinn Warmland, sólóplöturnar, Heima með Helga og margt fleira. Umsjón: Vignir Egill Vigfússon.

Erna Hrönn hefur verið afar áberandi í íslensku tónlistarlífi síðustu 20 ár. Henni hefur verið lýst sem ríkisbakrödd, hún hefur tekið þátt í 60 lögum í undankeppni Eurovision, tvisvar sinnum tekið þátt í keppninni sjálfri og syngur núna 80´s lög um land allt með hljómsveitinni Hr. Eydís svo fátt eitt sé nefnt. Hér fer hún yfir ferilinn og hvernig henni hefur aldrei liðið betur eftir að hafa tekist á við andlega og líkamlega erfiðleika. Umsjón: Vignir Egill Vigfússon

Skálmöld er ein allra vinsælasta þungarokkshljómsveit Íslandssögunnar. Hér er rætt við þá Snæbjörn Ragnarsson (Bibba), Þráin Árna Baldvinsson, Jón Geir Jóhannsson og Björgvin Sigurðsson (Böbba). Auk þeirra eru í hljómsveitinni Baldur Ragnarsson og Gunnar Ben. Þeir tala um samstarfið við Sinfó, sögurnar, textana, aðdáendurnar, samstarfið, framtíðina, mögulega plötu og fleira. Viðtölin voru tekin upp á Græna hattinum á Akureyri. Umsjón: Vignir Egill Vigfússon.

Skálmöld er ein allra vinsælasta þungarokkshljómsveit Íslandssögunnar. Hér er rætt við þá Snæbjörn Ragnarsson (Bibba), Þráin Árna Baldvinsson, Jón Geir Jóhannsson og Björgvin Sigurðsson (Böbba). Auk þeirra eru í hljómsveitinni Baldur Ragnarsson og Gunnar Ben. Þeir tala um e-mailið sem kom þessu af stað, fyrstu tónleikana, tónleikaferðirnar, markaðssetningu og fleira. Viðtölin voru tekin upp á Græna hattinum á Akureyri. Umsjón: Vignir Egill Vigfússon.

Þriðji og síðasta hluti viðtalsins við Jónas Sig.   Hér er rætt um hans langvinsælasta lag, Hafið er svart, hljómsveitina Dranga, Áhöfnina á Húna, tónleikamaraþon, Milda hjartað, textana, sögumanninn og nýju plötuna sem kemur vonandi út á þessu ári.   Umsjón: Vignir Egill Vigfússon

Annar hluti af þremur í viðtalinu við Jónas Sig.   Hérna segir hann frá leiðinni aftur á toppinn. Hvernig hann þurfti að takast á við sjálfan sig, fyrstu tónleikaferðinni um Ísland, lögin sem urðu til, Ritvélum framtíðarinnar og mörgu fleiru.   Umsjón: Vignir Egill Vigfússon

Jónas Sigurðsson hefur verið mjög áberandi í íslensku tónlistarlífi síðustu tvo áratugi.   En áður, fyrir rúmum 30 árum, sló hann í gegn með hljómsveitinni Sólstrandargæjunum og þá sérstaklega laginu Rangur maður. Sú hljómsveit spilaði síðast saman árið 2001 en ætlar að koma saman á ný á Bræðslunni í sumar.Þetta er fyrsti hluti af þremur af viðtalinu við Jónas.Umsjón: Vignir Egill Vigfússon

Guðrún Árný Karlsdóttir hefur verið ein vinsælasta söngkona landsins undanfarna áratugi. Hérna ræðir hún um Sing-Along, Söngkeppni framhaldsskólanna, Eurovision, Brekkusönginn, jarðarfarir, plöturnar sínar, tónmenntakennslu, framtíðina og fleira. Umsjón: Vignir Egill Vigfússon

Seinni hluti viðtalsins við Hreim í Landi og sonum.Hérna ræðir hann um það fer að hægjast um hjá Landi og sonum, hvernig hann þurfti að enduruppgötva sig sem tónlistarmann, Þjóðhátíðarlögin og fyrstu viðtökunum á laginu Lífið er yndislegt, vinamissi og endurkomu Lands og sona í sumar.   Umsjón: Vignir Egill Vigfússon.

Hreimur Örn Heimisson, Hreimur í Landi og sonum, hefur farið víða á sínum tónlistarferli.Í þessum fyrri hluta ræðir hann um það þegar Land og synir slógu í gegn á einni nóttu með laginu Vöðvastæltur, hvernig hljómsveitin fékk fimm plötu samning við útgáfufyrirtæki í Bandaríkjunum og misstu fljótt eftir árásina 11. september, hvernig honum bauðst að svíkja aðra meðlimi hljómsveitarinnar og hvernig þeim gekk að takast á við breyttan veruleika.   Umsjón: Vignir Egill Vigfússon.

Umfjöllun um rokkhátíð alþýðunnar, Aldrei fór ég suður árið 2026. Hátíðin fer fram á Ísafirði um páskana eins og hún hefur gert allt síðan árið 2004.   Í þættinum er rætt við Skítamóral (Adda Fannar), Amabadama (Sölku Sól), Úlfur Úlfur (Arnar Freyr) og Spacestation (Björgvin).   Umsjón: Vignir Egill Vigfússon

Umfjöllun um rokkhátíð alþýðunnar, Aldrei fór ég suður, árið 2026. Hátíðin fer fram á Ísafirði um páskana eins og hún hefur gert allt síðan árið 2004.   Í þættinum er rætt við Friðrik Dór, Pál Óskar, Kristján Frey, rokkstjóra Aldrei fór ég suður, og Kusk og Óvita, Kolbrúnu og Hrannar.   Umsjón: Vignir Egill Vigfússon