CCK Luganda

Ekitundu ky’ebyawandiikibwa kino kitwoleka nti mu mbeera zonna, Katonda asigaza abantu abamusinza mu mazima era nga muno mwe mwali Obadiya. Wakati mu kuttibwa kwa bannabbi ba Mukama mu Isiraeri, Obadiya yateeka obulamu bwe mu katyabaga olw’abaweereza ba Katonda. Teyakoma ku kubakweka kyokka, naye yabaliisanga emigaati n’okubanywesanga amazzi mu biro eby’enjala.

Ne mu mbeera ng’ab’obuyinza bakutte amakubo amabi okuva ku Katonda, eyinza okubeerayo abali wansi w’ab’obuyinza obwo abakola ebyo Katonda by’ayagala.

Katonda ajja kusigala nga ye Katonda eyatutonda, atulinako obuyinza ne bwe tunadduka okuva ku by’atwetaaza. Kino nno kye kigenda okuvaako ebibonerezo eby’olubeereerera eri abamujeemera n’emirembe eri abakola okwagala kwe.

Emitima gyaffe ng’abantu gisalawo bingi mu bulungi bw’amawanga gaffe, amaka gaffe, emirimo gyaffe, ekkanisa zaffe, obuweereza bwaffe, enkolagana zaffe n’abantu ba bannaffe.

Abalina emitima egitatya Katonda bagoberera ebibi ebiri mu mitima gyabwe ate abo abalina emitima egitya Katonda bagoberera ebirungi obuva mu kutya Katonda.

Kale nno twekebere emitima gyaffe. Twesabirenga, twenenye, tusabirenga emitima gya bannaffe okukyusibwa okugondera Katonda Omuyinza w’Ebintu byonna.

Bwe tutegeera nti ye Katonda alaba era tunaddangamu n’okukola ebyo ebigwanira okulabwa amaaso ge agalaba buli wamu era agalaba buli kimu.

Tuwenga Mukama ekitiibwa ekija mw’ekyo kyali era kye tumutegedde okubeera; tetulina kumutegeerako bye tumutegeerako naye nga tebirina kye bikyusa ku bulamu bwaffe. Kino tukirabira ku Yerobowaamu nti yategeera nti Katonda ayinza okubuulira ebifa ku mwana we ali mu Isiraeri okuyita mu nnabbi Akiya ali mu Yuda, wabula ate n’alowooza nti ayinza obutalaba nti muka Yerobowaamu y’azze awali nnabbi okwebuuza ku bikwata ku mwana.

Okufa kwa Kristo kulaga obukalaativu bwa Katonda ku kubonereza obujeemu gy’ali nti kubanga ajja kubonereza abajeemu gy’ali, kye yava awa bonna akabonero n’obuddukiro obuwonya omusango okuyita mu kufa kwa Yesu Kristo okutueesa okusaasirwa.

Bwe tumanya okusaasira n’ekisa kya Katonda, tuddukirenga eri Mukama obutavanga w’ali olw’okusaasira kwe n’ekisa kye mu mbeera z’obulamu bwaffe zonna.

Katonda akoze kyonna okutulaga ekisa n’okusaasira kwe. Tuddemu nga  bwe kyetaagisa eri ekisa kino.

Katonda ayinza byonna, amanyi byonna, tewali kintu na kimu kibaawo nga tamanyi era tewali kiyinza kubaawo ekisukkuluma obuyinza bwe, okumanya kwe wamu n’amaanyi ge.

Twekuumirenga mukkukiriza ne mukutya Mukama

Buli kintu ekisikiriza bantu abalala okujja gy’oli kimanye nti Mukama akuwadde mukisa okukozesa ekintu ekyo okulaga abantu abo b’aleese mu ngeri eyo okumutegeera nti ye Katonda.

Kino kitegeeza nti ebyo byonna Mukama by’atuyinzisa okukola, oba nabyo, bikozesebwa mu kuzimba obwakabaka bwe nga tebirina kukoma ku bwakabaka abwaffe wadde ettutumo lyaffe waabula okukozesebwa okwagala kwe.

i. Mukama atuukiriza ebisuubizo bye eri abantu be.

ii. Mukama awulira okusaba akw’abantu be era addamuu bwe tusaba.

iii. Ebimu ku bigenderwa bya Katonda okulaga enkolagana ye n’abantu be omuli okukola ebintu eby’enjawulo mu bulamu bwabwe n’okuddamu okusaba kwabwe kwe kulaga abatannaba ku mukkiriza mu mawanga gonna nti Mukama ye Katonda w’ensi zonna.

iv. Kubanga Mukama mwesigwa eri abantu be era ng’ali wamu nabo, kyekiva kigwanira abantu be okuba n’emitima emituukirivu eri Katonda n’okutambuliranga mu Kigambo kye.

Okusaba kwaffe kusinziire ku nkolagana gyetulina ne Katonda, n'okumumanya ki ky'ali.

Buli kintu n’obumanyirivu bwonna Katonda bw’atuwa aba atuwadde busobozi bwa kutuukiriza bigendererwa Bye eri bantu bannaffe okubasobozesa nabo okutuukiriza ebigendererwa bya Katonda mu bwakabaka bwe.

Kale tuwengayo obudde okuzuula ebyo Katonda by’atuwadde obusobozi okukola, tubyongereko okukula era tumanye na butya bwetuyinza okubikozesa okuzimba obwakaba bwe.

Leero Katonda atuwadde okubeerawo kwe okuyita mu Mukama waffe Yesu Kristo eyayambala omubiri gw’abantu, n’agufuula Yekaalu ya Katonda esinga eyazimbibwa Sulemaani.

Kabaka Asinga Suleiman Ajja_ 1 Bassekabaka 4_1-34 [06-21-2026]

Katonda ayagala okweraga eri omuntu era ne leero yeeraga gye tuli mu Byawandiikibwa, mu Mwana we Yesu Kristo naye era nga bw’ali Katonda, ayinza okweraga ng’akozesa engeri ez’enjawulo.

Katonda waffe ye Katonda atuukiriza ebisuubizo, obunnabbi ne bwe biba nga birina gwe bitasanyusa. Naye ajja kusigala nga mwesigwa okubonereza olw’obubi eri abateenenya n’okuwa okubulokozi eri abo bonna abassaamu ekitiibwa mu bwesigwa bwe.

Abafuzi b’ensi bafa naye abakkiriza Kristo tuli wansi w’obufuzi bwa Mukama waffe Yesu Kabaka atafa era abeera omulamu emirembe gyonna.

Bwe tumanya ebyo Katonda by’agala tukole, tumusabe amagezi, amaanyi n’obusobozi okubituukiriza mu kiseera kyabyo ekituufu.

Ennyanjula y'ebyafaayo bya bassekabaka ba Isiraeri ne Yuda.

Omutume Yokaana alabula abakkiriza ku basomesa abalimbalimba ababunye ensi abasomesa ebyawukana n’enjigiriza entuufu ku kujja kwa Mukama waffe Yesu Kristo mu mubiri.

Tugobererenga obulungi

Amazima ge tujulira ye Mukama waffe Yesu Kristo gwe twayitibwa okufaanana mu bulamu bwaffe era buli ky’amazima kyonna ekitusomesebwa tukikola kubanga Omwoyo w’Amazima atuula mu ffe olw’okukkiriza Mukama waffe Yesu Kristo. Kino kifuula obulamu bwaffe obw’enjawulo ne tusobola okujulira amazima omuli n’okukola obulungi ab’oluganda.

Okuzuukira kwa Kristo kwekukakasa ebyawandikibwa