L'instrumentala

La musicanta da hobi fa il mument in praticum tar RTR. Annica Dermon deriva da la Val Lumnezia e suna gist en duas societads da musica il cornet. Ses plaschair e gust vid la musica da brass mussa ella era cun l'instrumentala ch'ella ha mess ensemen.

Musicantas e musicants han rimnà in bouquet da musica instrumentala preferida. Questa furmaziun datti dapi l'onn 2014 – fundada ord spir entusiassem per la musica boema e morava. Quai ch'ha cumenzà ina giada cun 10 musicantas e musicants engaschads è oz creschì ad in ensemble motivà da 14 musicistas e musicists. Els collia cunzunt ina chaussa: il plaschair da far musica cuminaivlamain. Lur repertori è uschè varià sco lur public: Da cumposiziuns modernas fin a melodias enconuschentas stendan els l'artg sur l'entira sparta da la musica da trategniment. Lur motto principal: far musica cun schlantsch, cun sentiment ed adina era cun cor.

Il dirigent e cornetist passiunà ama ils marschs. Ses pli bels ha el mess ensemen per l'emissiun. Musica e chant èn las grondas passiuns da Duri Janett. El ha dirigì il chor sco era la musica da Tschlin. Adina plaschì fitg bain ad el han ils marschs. En l'emissiun preschenta el ses marschs favurits e po era raquintar ina u l'autra istorgia vitiers.

Dapi blers onns suna la musica il stil da "Blaskapelle". Questa giada, gist curt avant la concurrenza svizra da las armonias u Blaskapelle tradeschan musicantas e musicants lur tocs predilets. Bun divertiment.

Remo Meier oriund da Sta. Maria suna dapi intgins onns en la furmaziun. Il motto da Dorfspatzen Oberägeri è "erfrischend anders" ed uschia preschentan els era lur giavischs musicals en l'emissiun. Remo Meier alias Tubameier suna la tuba e beneventa vus en stget jauer.

Il musicist e dirigent dat invista en ses gust musical. Reto Lehner è fitg activ ed engaschà en la scena da musica instrumentala en l'Engiadina. El suna en la musica da Zernez e dirigia la musica da giuvenils La Plaiv Zernez. Il matg ha el dirigì cun success l'Uniun musicala Engiadina, ina musica ad hoc ch'è sa preschentada a la Festa federala da musica a Bienna.

Il dirigent, musicist e suprastant dal district da musica Surselva preschenta ses giavischs musicals. Dapi intgins onns dirigia Adrian Degonda la Societad da musica Trun ed el suna er eufonium en l'Uniun da musica Sagogn. E sper l'activitad sco dirigent e musicant s'engascha el er en la suprastanza dal district da musica IV, il district da musica Surselva. Per «L'Instrumentala» ha el mess ensemen ses tocs favurits.

Ils gusts musicals da Lantsch. Musicantas e musicants da l'Uniaun da musica Lantsch ha mess ensemen in'emissiun divertenta cun buna musica instrumentala. Bun divertiment.

L'episoda da quest venderdi vegn da musicantas e musicants da Sumvitg/Cumpadials. L'uniun è vegnida fundada il 1895 e commembras e commembers han grond plaschair da preschentar in'ura cun lur giavischs musicals. In'ura che fa curturella. Bun divertiment.

Marschs, polcas, solos e hits da rock e pop - uschè vast è la glista da giavischs musicals da musicantas e musicants da la Societad da musica Suraua. In'ura delectaivla che fa buna luna.

In'ura cun musica instrumentala en plaina variaziun creada da la furmaziun populara engiadinaisa. Ils Fränzlis da Tschlin datti dapi il 1983. Part da la furmaziun actuala èn: Domenic, Anna Staschia, Cristina, Madlaina e Curdin Janett cun clarinetta, gìa, cello, bratscha e cuntrabass. Partind da la musica populara tradiziunala engiadinaisa sa movan els era gugent en auters munds da musica e dattan uschia adina puspè nova tempra al tun popular engiadinais.

In'emissiun musicala cun giavischs da la Musikgesellschaft Obersaxen. Sursaissa – Obersaxen – è in'insla tudestga amez la Surselva. Ses bel dialect gualser è er d'udir en l'emissiun nua che commembras e commembers da la musica expriman lur giavischs da musica e las istorgias vitiers. Bun divertiment.

Musicantas e musicants da la Societad da musica Danis-Tavanasa han mess ensemen in'ura da musica divertenta. Las commembras ed ils commembers han pudì giavischar lur tocs preferids da musica instrumentala. E quest concert sin giavisch fa gust da tadlar. As persvadì sez.

D'udir è musica da brass, musica da films ed intgins marschs. En quell'ura musica instrumentala preschentan commembras e commembers da la Societad da musica Mustér lur giavischs. Ina paletta da bellas melodias per giuven e vegl.