L'instrumentala

Dal marsch «Hello, Sunshine» fin a la polca «Blumengrüsse» En l'instrumentala dad oz faschain nus bainvegni al mais da matg e giudain numerusas cumposiziuns davart la natira, saja quai melodias da flurs, dad utschels, da la plievgia u simplamain dad ina bella spassegiada or en la natira u ina saira tut patgifica sin balcun u en curtin.

En l'instrumentala dad oz faschain nus in viadi musical tras noss chantun Grischun. Las musicantas ed ils musicants da las suandantas musicas èn pronts e sunan per vus marschs, polcas ed inqual toc musica da divertiment. La musica Greina Vrin, Vignon, musica Suraua, Danis-Tavanasa Surrein/Rabius, Mustér, Glion, Falera, Sagogn, Domat, musica Union Chur, Cazis, Lantsch, Vaz-Lai, Cocordia Müstair, Tschierv-Fuldera-Lü, Scuol, Zernez e la musica da Samedan.

L'instrumentala dad oz preschenta dus discs ch'èn cumparids l'ultim temp. «Streaming» è in disc divertent, delectant ed animant cun la Black Dyke Band e «Violet Volume 1» è in disc ch'empermetta in viadi musical per cor ed olma da la Brass Band Willebroek. La Black Dyke Band, pli baud la Black Dyke Mills Band, è ina da las pli veglias ed enconuschentas bands da brass da l'Engalterra. Ella n'è betg mo ina da las pli enconuschentas bands da brass dal mund, ma strusch ina musica po sa mesirar cun lur prestaziuns. La Black Dyke ha gudagnà 30 giadas il British Open, l'emprima giada l'onn 1862. La National Championship han els gudagnà 24 giadas e 13 èn els stads campiuns europeics. La Black Dyke Band è adina puspè sin turnea e quai en blers pajais e sin blers continents. Dapi intgins onns èn els era preschent al Swiss Open Contest a Lucerna che ha lieu quest onn per la 34avla giada. (21.09.2024) Lur concert da gala fascinescha mintg'onn. La Brass Band Willebroek da la Belgia è vegnida fundada l'onn 1979 ed ella vegn dirigida dapi la fundaziun da Frans Violet. Er la Brass Band Willebroek tutga tranter las bands las pli famusas. La band ha recaltgà in mantun titels; 2 giadas campiuns mundials, 3 giadas campiuns europeics e 22 giadas campiuns da la Belgia.

Ils 16 da mars 2008 ha il Cerchel musical dalla Surselva envidà ad in concert sut il motto «Fusion». Dirigent era lura Marcel Cadalbert, in dals commembers ch'era dapi bunamain l'entschatta da la partida da l'ensemble da brass da la Surselva. Dà il motto al concert ha ina cumposiziun da Gian Andrea Casanova, «Fusion». In toc ritmic e plain energia. Era quel è d'udir en l'Instrumentala che porta in concert divertent, virtuos e sin aut nivel musical.

Jacob de Haan è naschì ils 28 da mars 1959 a Heerenveen NL. El vala sco in dals pli populars cumponists da musica instrumentala dal temp actual. Sias cumposiziuns, per gronda part ovras sin incumbensa, èn enconuschentas sin l'entir mund. «Oregon» (dal 1988) è si'ovra che vegn probabel preschentada il pli savens sin l'entir mund. Cun quella ha el chattà attenziun internaziunala. Adina puspè è il cumponist da chattar sin ils programs da concert da nossas societads da musica sco era sco cumponist d'ovras a festas da musica chantunalas e districtualas. L'Instrumentala festivescha il giubilar cun sia musica.

Emna sontga, l'emna nua ch'il temp para quasi da star airi ed ins sa tschenta en ina fasa pli calma. Era l'instrumentala vegn per ina giada pli ruassaivla. D'ina vart pudais tadlar chorals fins e pensivs. E da l'autra vart, chanzuns da saira, chanzuns meditativas, ina motetta e chanzuns da laud. Redacziun: Christa Soliva

La primavaira è arrivada, dapi las 04.06 oz a bunura avain er tenor il chalender primavaira ! Linstrumentala dad oz beneventa la stagiun dal prosperar, dal chatschar e dal flurir cun ina bella schelta da melodias primavaunas. Ils utschels chantinan puspè ti mordio e laschan giudair nus mintga damaun lur melodias e gist uschia èn era las musicantas ed ils musicants da lunsch e damanaivel pronts e sunan per vus bleras melodias da primavaira. As legrai sin la «Fanfare du printemps» cun la Fanfare de lEr inf mont 210/85, sin il valzer «Frühlingsstimmen» cun il Rundfunk Blasorchester Leipzig, sin lenconuschenta chanzun duffants «Alle Vögel sind schon da» cun la Wingates Brass Band ni er la chanzun populara tessinaisa « Linverno è passato». Redacziun: Christa Soliva

En l'instrumentala dad oz faschain nus in viadi musical tras noss chantun Grischun. Nus udin musicas da giuvenils existentas ma er furmaziuns ch'i na dat betg pli. Musicantas e musicants e lur dirigents(as) èn pronts è sunan per vus marschs, ma era tocs da divertiment. Per part èn las registraziuns live, sunà da las diversas festas da musica da giuvenils ni da lur concerts annuals.