Heimildin - Hlaðvörp

Talið er að endurbygging Børsen, einnar þekktustu byggingar Kaupmannahafnar, geti tekið 10 ár og kostnaðurinn verði að minnsta kosti einn milljarður danskra króna. Eigandinn, Danska viðskiptaráðið, hefur lýst yfir að húsið verði endurbyggt, en spurningin er hvort nýbyggingin eigi að vera nákvæm endurgerð hins upprunalega og hvort það sé framkvæmanlegt.

Í þættinum ræða Dagrún og Sigurlaug við Vilborgu Bjarkadóttur þjóðfræðing. Vilborg hafði lokið myndlistarnámi þegar hún kom inn í þjóðræðina og hefur sá bakgrunnur mótað hana sem rannsakanda, en strax í listnáminu fékk hún áhuga á sögnum og þá sérstaklega veikindasögum.

„Halló. Þú þarft að koma með okkur,“ segir lögreglan við mann sem verður færður á lögreglustöð vegna gruns um kynferðisbrot. Áður hafði leigubílsstjóri verið handtekinn vegna sama máls. Báðir mennirnir eru komnir í farbann. Á vettvangi er ný hlaðvarpssería þar sem Jóhannes Kr. Kristjánsson fylgist með störfum kynferðisbrotadeildar lögreglunnar á höfuðborgarsvæðinu. Hér er fyrsti þáttur.

Danska verslanasamsteypan Coop hefur um langa hríð glímt við rekstrarerfiðleika. Margs konar hagræðingar hafa ekki dugað til að koma rekstrinum í viðunandi horf. Nú hefur orkufyrirtækið OK ákveðið að koma Coop til bjargar og leggur til verulegt fjármagn.

Í 20. þætti af Pressu verður fjallað um versnandi fjárhagsstöðu fjölda heimila á Íslandi og hvað sé til ráða. Ýmsar kannanir hafa að undanförnu sýnt að byrðar fjölda fólks hafa þyngst. Þannig eiga fjögur af hverjum tíu sem eru á vinnumarkaði erfitt með að ná endum saman og tveir af hverjum tíu öryrkjum búa við verulegan efnislegan skort eða sárafátækt.

Á veggjum þekkts listasafns í Boston má sjá 13 tóma myndaramma. Myndunum úr römmunum var stolið fyrir 34 árum og hafa ekki fundist. Næturvörður á safninu hefur alla tíð legið undir grun um aðild að málinu, sem er talið mesta listaverkarán sögunnar. Hann lést fyrir nokkrum vikum.

Sænskt fyrirtæki sem rekur 400 apótek í heimalandinu hefur lagt bann við að ungmenni yngri en 15 ára geti keypt tilteknar húðvörur sem ætlaðar eru eldra fólki. Húðsjúkdómalæknar vara við síaukinni notkun ungra stúlkna á slíkum vörum.

Ef ekki verður gripið til sérstakra aðgerða verður íbúafjöldi Danmerkur um næstu aldamót aðeins helmingur þess sem hann er í dag. Fækkar úr sex milljónum í 2,5 milljónir og fækkunin verður enn meiri sé litið lengra fram í tímann. Danski utanríkisráðherrann hvetur landa sína til barneigna.

Á fyrstu tveimur mánuðum ársins jókst útflutningur Kínverja langtum meira en spáð hafði verið. Evrópusambandið og Bandaríkin gruna Kínverja um að beita óeðlilegum aðferðum til að halda uppi framleiðslunni og selja varning á undirverði til annarra landa.

Áhyggjulaust líf með sand af seðlum fékk skjótan endi þegar laganna verðir bönkuðu upp á hjá Sanjay Shah í lúxusvillu hans í Dubai í lok maí árið 2022 og smelltu á hann handjárnum. Nú er hann fyrir rétti í Danmörku, ákærður fyrir stærsta fjármálasvindl í sögu landsins.

Indversk matargerð er þekkt víða um heim og heiti margra rétta frá fjölmennasta ríki heims lætur kunnuglega í eyrum. Ef hægt er að tala um indverskan þjóðarrétt verður rauðgulur og bragðmildur réttur oft fyrir valinu. Nú er deilt um hver eigi heiðurinn af þessum rétti.

Lars Løkke Rasmussen utanríkisráðherra Danmerkur var nýlega á Indlandi og heimsótti stærsta sjúkrahús landsins. Hann kvaðst vonast til að indverskir hjúkrunarfræðingar vilji flytja til Danmerkur þar sem mikill skortur er á hjúkrunarfólki. Slíkar hugmyndir hafa vakið gagnrýni.

Í dönsku tímariti um varnar- og öryggismál birtist fyrir skömmu grein ásamt viðtali við Henrik Lyhne, liðsforingja í danska hernum. Þar líkir hann hernum við hænsn, sem eru varnarlaus í myrkri. Herinn skorti allan búnað til næturhernaðar, fyrir utan allt annað, þrátt fyrir fögur loforð stjórnmálamanna.

Í 19. þætti af Pressu verður til umræðu um­deild laga­setn­ing sem heim­il­ar af­urða­stöðv­um í kjöt­iðn­aði að hafa með sér mikla sam­vinnu og umfangs­mik­ið sam­starf. Gestir verða þeir Ragnar Þór Ingólfsson, formaður VR, Breki Karlsson, formaður Neytendasamtakanna, og Ólafur Stephensen, framkvæmdastjóri Félags atvinnurekenda.

Þáttar­öð­in Á vett­vangi fer í loft­ið á Heim­ild­inni þann 22. apríl og verða þætt­irn­ir fjór­ir og birt­ir viku­lega.

Leiðari Þórðar Snæs Júlíussonar úr 44. tölublaði Heimildarinnar, sem kom út 15. mars 2024. „Það þarf ekki að hræðast stanslaust framtíðina. Hún er björt. Ísland er eitt besta, öruggasta og ríkasta land í heimi. Það þarf bara að taka aðeins til og láta gangverkið virka fyrir fjöldann, ekki fyrst og síðast fyrir hina fáu valdamiklu,“ skrifar hann.

Leiðari Þórðar Snæs Júlíussonar úr 44. tölublaði Heimildarinnar, sem kom út 1. mars 2024. „Við þurfum aðallega að hætta að tala, og fara að gera. Með því er hægt að sækja fjármögnun til að rétta við innviði landsins. Veita íbúum jöfn tækifæri í lífinu. Líka þessum 412 sem fá vernd hér árlega,“ segir hann um innviði og flóttafólk.

Mar­okkó­menn hafa kom­ið ær­lega á óvart á heims­meist­ara­móti karla í fót­bolta. Hér seg­ir Ill­ugi Jök­uls­son sögu lands­ins.

Rithöfundurinn Sjón varð nýlega sextugur og gaf Forlagið út ritsafn hans af því tilefni. Verk Sjóns spanna tæpa hálfa öld. Hann settist niður með blaðamanni Stundarinnar og ræddi um bækurnar sínar og ferðalag sitt sem skrifandi manns.

Illugi Jökulsson veltir því fyrir sér hvernig sá undarlegi maður Elagabalus entist í fjögur löng ár á valdastóli Rómaveldis þótt margir miklu hæfileikaríkari keisarar entust mun skemur.

Illugi Jökulsson minnist þess að fyrir rúmum hundrað árum síðan voru manndráp fyrri heimsstyrjaldar komin í fullan gang.

Illugi Jökulsson hafði á táningsaldri mikinn áhuga á sjóorrustum og las af áfergju um þær stærstu þeirra. Löngu seinna komst hann að því að lítt þekkt orrusta skipti kannski meira máli en þær flestar.

Illugi Jökulsson býr hér til sögu um það sem hefði getað gerst ef vísindamenn á tímum Rómaveldis hefðu fylgt eftir uppfinningu sem búið var að gera– en enginn vissi til hvers átti að nota.

Blaðamenn Stundarinnar ræða efni og vinnslu nýjasta tölublaðs Stundarinnar. Margrét Marteinsdóttir ræðir uppljóstrun úr hálfrar aldar gömlum dagbókum unglingsstúlku sem lýsir kynferðislegum samskiptum sínum við gagnfræðaskólakennarann Jón Baldvin Hannibalsson. Valgerður Þorsteinsdóttir, segir frá fundi dagbókanna, sem móðir hennar heitin, Þóra Hreinsdóttir, skrifaði um samband sitt við Jón og dularfullum draumi sem leiddi til þess að lykilgagn í málinu kom í leitirnar. Blaðamaðurinn Ingi Freyr Vilhjálmsson rekur sögu ásakana og málsvarnar Jóns Baldvins, þann áratug sem liðin er frá því fyrst var fjallað um ásakanir gegn honum. Aðalsteinn Kjartansson lýsir raunum blaðamanns við að fjalla um mikilvægt málefni á mannamáli og Freyr Rögnvaldsson fer yfir rannsóknarskýrslu um Laugalandsheimilið og viðbrögð þeirra sem þar dvöldu.

Illugi Jökulsson heldur áfram að rekja sögu Herúla og þeirrar kenningar að þessi dularfulla þjóð hafi endað hér uppi á Íslandi.

Illugi Jökulsson var spurður í Bónus einu sinni, og síðan á Facebook, hvenær hann ætlaði að skrifa um Herúlakenninguna. Ekki seinna en núna!

Illugi Jökulsson furðar sig á því að venjulegur embættismaður í Rómaveldi hinu forna skuli lentur í trúarjátningu okkar. Og reynir að sjá fyrir sér íslenskan embættismann í sömu stöðu.

Illugi Jökulsson velti því fyrir sér af hverju höfuðborg Íslands skyldi endilega rísa á sama stað og fyrsti landnámsmaðurinn byggði sinn bæ. En komst svo að því að spurningin var á misskilningi byggð.

Illugi Jökulsson segir frá afdrifaríkri loftárás á þýska orrustuskipið Tirpitz sem metsöluhöfundurinn Alistair MacLean tók þátt í. MacLean var á sínum tíma einn vinsælasti spennusagnahöfundur í heimi og alltént hér á Íslandi.

Hvorki Evrópusambandið né ný stjórnarskrá eru forgangsmál í nýrri kjarnastefnu sem Kristrún Frostadóttir vinnur að sem formannsframbjóðandi í Samfylkingunni. Hún leitar til landsbyggðarinnar og vill að fólk með háar tekjur sjái hag sinn í að kjósa Samfylkinguna. Hún segir að sér hafi brugðið þegar umfjöllun um hana hófst fyrir síðustu kosningar.

Illugi Jökulsson rekur hér eitt af sárafáum dæmum sem sagan kann að greina frá um að öflugir leiðtogar óttist ekki að velja öfluga eftirmenn, ólíkt til dæmis Alex Ferguson!

Illugi Jökulsson reynir ekki einu sinni að draga fjöður yfir hvað honum finnst Úkraínumálið núna svipað haustinu 1938 þegar Adolf Hitler þóttist þurfa að „vernda“ þýska íbúa Súdetalanda.

Illugi Jökulsson rifjar upp vel þekktan atburð frá árinu 1920, en þá var framtíð Tyrklands mjög óráðin eftir fyrri heimsstyrjöldina. Það munaði furðulega litlu að þetta stóra land yrði limað alveg sundur.

Illugi Jökulsson segir gamla sögu um líklega fyrstu alþýðubyltingu sem gerð hefur verið í veröldinni.

Illugi Jökulsson lítur svo á að hann hafi sloppið naumlega við að verða því hugarfari Íslendingasagnanna að bráð, sem heltók Snæbjörn í Hergilsey og allt hans fólk.

Illugi Jökulsson "hélt alltaf" með Karþagómönnum í styrjöldum þeirra við Rómverja, þótt stuðningurinn hafi komið meira en 2.000 árum of seint. Og hann hefur alltaf fussað yfir áróðri Rómverja um grimmilegar mannfórnir fjenda þeirra.

Illugi Jökulsson fór að skoða hverjir væru fyrirmyndirnar að uppáhaldspersónu hans í uppáhaldsskáldsögu hans, Hundrað ára einsemd eftir García Márquez.

Ill­ugi Jök­uls­son hef­ur í und­an­förn­um flækj­u­sög­um ver­ið að kanna hvað hæft sér í þeirri þjóð­sögu, sem Rúss­ar og stuðn­ings­menn þeirra halda gjarn­an fram, að Rúss­ar hafi sí­fellt og ein­lægt mátt þola grimm­ar inn­rás­ir úr vestri og Vest­ur­lönd hafi alltaf vilj­að þeim illt.

Í síðasta þætti hóf Illugi Jökulsson að kanna styrjaldarsögu Rússlands til að vita hvað sé hæft í þeirri trú margra Rússa að land þeirra hafi sífellt sætt grimmum árásum frá erlendum ríkjum, ekki síst Vesturlöndum. Því sé eðlilegt að þeir fái að hafa Úkraínu sem „stuðpúða“ gegn hinni miskunnarlausu ásælni vestrænna stórvelda. Í síðasta þætti höfðu ekki fundist slík dæmi, því oftar en ekki voru það Rússar sem sóttu fram en vörðust ei. En í frásögninni var komið fram á 19. öld.

Stuðningsmenn Rússa halda því gjarnan fram að eðlilegt sé að Rússar vilji hafa „stuðpúða“ í vestri — það er að segja Úkraínu — því svo margoft hafi rússneska ríkið og rússneska þjóðin verið nánast á heljarþröm eftir grimmar innrásir úr vestri.

Helgi Seljan ræðir forsíðuúttekt Stundarinnar um íslenska leigumarkaðinn við blaðakonurnar Margréti Marteinsdóttur og Ölmu Mjöll Ólafsdóttur sem sökkt hafa sér ofan í það að reyna það sem stjórnvöldum hefur mistekist, að greina og kortleggja falda hluta húsnæðismarkaðarins, en segja í leiðinni sögur af fólkinu sem neyðist til að búa sér þar heimili, oft við erfiðar en líka hættulegar aðstæður. Helgi ræðir líka kosningaumfjöllun Stundarinnar. Freyr Rögnvaldsson blaðamaður segir frá Kosningaprófi Stundarinnar, sem yfir 10 þúsund manns hafa þegar tekið og ræðir við Aðalstein Kjartansson blaðamann um kappræður oddvita framboðanna sem bjóða fram í Reykjavík fyrir þessar kosningar, sem sýnt verður í beinni á heimasíðu Stundarinnar miðvikudaginn 11. maí klukkan 14.

Illugi Jökulsson játar fúslega að hafa sérkennilegt gaman af herskipum og hefur jafnvel sést lesa um sjóorrustur sér til skemmtunar. En hér fagnar hann því að ekki varð af einum slíkum slag.

Helgi Seljan ræðir við blaðamenn Stundarinnar um efni nýjasta tölublaðsins. Í forsíðuumfjölluninni er meðal annars sagt frá því að íslenska lyfjafyrirtækið Actavis seldi 32 milljarða taflna, eða þriðjung allra morfínlyfja í Banda­ríkjunum 2006 til 2012, á meðan notkun slíkra lyfja varð að faraldri í landinu. Fyrirtækinu var stýrt af Róberti Wessman hluta tímans og var í eigu Björgólfs Thors Björgólfssonar allan tímann.

Það hefði sennilega orðið niðurstaðan ef Neville Chamberlain hefði ekki látið Hitler blekkja sig upp úr skónum í München. Og heimurinn hefði orðið óþekkjanlegur.

Illugi Jökulsson rifjar hér upp dramatíska ævi ungversks fræðimanns af Gyðingaættum, sem dýpkaði mjög skilning okkar á Jesú frá Nasaret.

Barbara F. Walter er sér­fræð­ing­ur í að­drag­anda borg­ara­stríð­anna í fyrr­um Júgó­slav­íu. Hún kveðst sjá flest merki þess sem þá gerð­ist nú að verki í Banda­ríkj­un­um.

Ill­ugi Jök­uls­son held­ur áfram að rekja hina lit­ríku sögu Úkraínu. Þeg­ar hér er kom­ið sögu hef­ur Úkraína (oft­ast) ver­ið máls­met­andi ríki í þús­und­ir ára, en Rúss­land er enn ekki orð­ið til.

Illugi Jökulsson hreifst í æsku af sögunni góðu um Ísraelsmenn sem brutu niður múra Jeríkó með lúðrablæsti en las ekki framhaldið fyrr en löngu síðar.

Í þessum þætti er Illugi Jökulsson enn á snærum persónusögunnar eins og oft, bæði fyrr og síðar. Hér skoðar hann tvo ástfangna austurríkismenn.

Illugi Jökulsson harmar allar þær bækur og öll þau leikrit sem týnd eru frá fornöld

Illugi Jökulsson telur að Gelimer konungur hefði kannski ekki átt að syrgja bróður sinn

Hér rekur Illugi Jökulsson hausinn inn í rykfallinn sal í þeim kastala sem mannkynssagan er og reynir að kynnast hinni dularfullu þjóð Avara.

Illugi Jökulsson segir frá baráttu Býsans og Persíu sem endaði með sigri múslima!

Illugi Jökulsson segir frá Heraklíusi Býsanskeisara og ógurlegum vandræðum hans.

Illugi Jökulsson fjallar um Wilson Bandaríkjaforseta sem var bæði merkur hugsuður og rasisti.

Illugi Jökulsson verður stundum soldið ergilegur þegar ráðamenn þjóðarinnar afbaka Íslandssöguna í hátíðarræðum og komast svo upp með að yppta bara öxlum og endurtaka sama fleiprið í næstu tölu.

Þegar Írenu, einu keisaraynju hins fágaða Býsansríkisins, barst bónorð Karlamagnúsar, villimanns úr vestri.

Þótt saga Rómaveldis nái í raun yfir 2.000 ár – allt frá fyrsta uppgangi smáþorpsins við Tíberfljót til falls hins austurrómverska Býsans-ríkis árið 1453 – og um 160 menn bæru keisaranafn, þá var aðeins ein kona þar á meðal sem ríkti í raun og veru. Og hvernig reyndist hún?

Illugi Jökulsson gluggar í ævisögu Gyðu Thorlacius frá upphafi 19. aldar

Illugi Jökulsson segir frá spádómi sem rættist — að sumu leyti!

Hvenær sigraði kristindómurinn? Í jötunni í Betlehem þegar Jesúbarnið fæddist? Eða við Milvíubrúna árið 312 þegar keisaraher Konstantínusar lagði fyrst til orrustu undir merkjum frelsarans frá Nasaret — og sigraði? Og hefði ósigur í þeirri orrustu getað kostað að kristindómurinn hefði aldrei orðið barn í brók?

Val Ingólfs Arnarsonar á bæjarstæði hefur lengi þótt furðulegt. Hvers vegna fór hann um frjósöm héruð til að byggja „útnes þetta“? Á árunum upp úr aldamótum beindist athygli fræðimanna að rostungaveiðum, sem kynnu að hafa skipt þarna miklu máli. Þær kenningar tók Illugi Jökulsson saman í tímaritinu Sagan Öll árið 2007 og rifjar upp hér — að gefnu tilefni!

Eyríkið Barbados í Karíbahafi gerðist um daginn lýðveldi þegar landsmenn afsköffuðu Elísabetu Bretadrottningu sem þjóðhöfðingja en kusu söngkonuna Rihönnu um leið þjóðhetju. Saga Barbados er mörkuð blóði og kúgun en nú vilja landsmenn líta fram á veginn.

Illugi Jökulsson segir frá Souchon aðmírál sem ber furðu þungar syndir.

Illugi Jökulsson sá lest Rómafólks á ferð um svipað leyti og hann las söguna um Bláskjá

Illugi Jökulsson segir frá Ásgeiri Sigurðssyni sem fór utan til að læra smíðar

Illugi Jökulsson furðar sig á því af hverju víkingar námu ekki Ameríku

Illugi Jökulsson segir frá tignarfjölskyldu í Róm — en það fór hörmulega fyrir henni

Venjulega er það merki um að söguáhugamenn séu hrokknir upp af standinum þegar þeir fara að fabúlera um „hinar týndu ættkvíslir Ísraels“. En eins og Illugi Jökulsson fjallar hér um eru jafnvel alvöru fræðimenn ekki alveg fráhverfir þeirri hugmynd að Gyðingar kunni að hafa flækst alla leið til Afganistans í árdaga.

Illugi Jökulsson fjallar um sorglegan þátt í Íslandssögu

Bæði í Súdan og Eþíópíu er nú barist innanlands. Borgarastríð kraumar enn undir niðri í Sómalíu og í Suður-Súdan. Einræðisstjórnir halda fólki niðri í Egiftalandi og Eritreu.

Illugi Jökulsson segir frá lítt þekktu Gyðingaríki syðst í Arabíu

Illugi Jökulsson býr til sögu um hvað hefði þá gerst

Illugi Jökulsson rakst í Damaskus á mann sem leit úr nákvæmlega eins og Assad forseti

Illugi Jökulsson endurskoðar álit sitt á neðanmálsgrein úr Íslandssögunni

Illugi Jökulsson reynir að gera upp aðdáun sína á Míþridatesi Pontuskóngi

Er Abdulrazak Gurnah frá Tansaníu? Eða alls ekki þaðan, heldur frá Sansíbar? Eða Bretlandi? Eða Svahílí-ströndinni? Eða kannski frá Óman? Lífið er flókið eftir umrót nýlendutímans. Og hvaðan er Freddie Mercury?

„Hversu lengi þurfum við að treysta kerfi sem hefur ítrekað brotið á okkur og brugðist okkur?“

Fyrir 100 árum, þann 16. desember 1920, varð einn mannskæðasti jarðskjálfti sögunnar í Kína. Einmitt þá áttu sér stað ógurlegar róstur í landinu.

Sjálfstæðisstríð Íra stóð sem hæst fyrir réttri öld.

Warren Harding má búast við að losna loksins úr sæti versta Bandaríkjaforsetans þegar farið verður að meta forsetatíð Donalds Trump.

… og Konstantínópel varð þess vegna ekki grísk borg að nýju

Fyrir einni öld stofnuðu Spánverjar útlendingahersveit til að kveða niður uppreisn hinna stoltu Rif-búa í Marokkó gegn yfirráðum þeirra. Spánverjar gripu til hinna hræðilegustu glæpa til að knésetja skæruliðaforingjana Abdelkrim.

Fyrir réttri öld var Rauði herinn að knésetja afkomendur hinna stoltu Mongóla í Mið-Asíu. Sumir muna þá atburði betur en aðrir, eins og Illugi Jökulsson leiðir í ljós.

Rauði herinn virtist þess albúinn að kremja frjálst Pólland í ágúst 1920. Pólverinn Felix Dsersinskí beið eftir að hefja „sverð byltingarinnar“ á loft yfir löndum sínum. En Józef Piłsudski leiðtogi Pólverja var ekki búinn að gefast upp.

Í sumarbyrjun 1920 virtist hið nýja pólska ríki standa með pálmann í höndunum gagnvart hinum Rauða her kommúnistastjórnarinnar í Rússlandi. En skjótt skipast veður í lofti og allt í einu var tilveru Póllands enn á ný ógnað.

Við lok síðari heimsstyrjaldar gafst Bretum tækifæri til að vinda ofan af kúgun og misrétti nýlendustefnu sinnar. En í Keníu tóku þeir þveröfugan pól í hæðina, sem endaði með grimmilegri uppreisn rúmum 20 árum síðar.

Bandaríkjamenn reyna nú að átta sig á að svört líf skipti máli, ekki síður en hvít. Ekki drógu þeir réttan lærdóm af skelfingu sem átti sér stað í borginni Duluth fyrir einni öld.

Morð sem framið var í augsýn hundraða vegfarenda framan við lúxushótel í París fyrir réttri öld átti eftir að skipta verulegu máli fyrir sögu og þróun í litlu landi í öðrum enda Evrópu.

Skærustu stjörnur þöglu myndanna í Bandaríkjunum skinu skært árið 1920 en engar þó skærar en Douglas Fairbanks og Mary Pickford.

Hingað til hefur Illugi Jökulsson rifjað upp í þessari þáttaröð um atburði ársins 1920 borgarastríðið í Rússlandi, uppgang Hitlers í nasistaflokknum þýska, glæpaöldu vegna bannáranna í Bandaríkjunum, réttarhöld gegn anarkistum vestanhafs og kvikmyndagerð á þvísa ári. En nú er röðin komin að Mexíkó.

Síðari hluta apríl 1920 var haldin ráðstefna í ítalska bænum San Remo þar sem nokkrir vestrænir herramenn hlutuðust til um landamæri og landaskipun í Mið-Austurlöndum, náttúrlega án þess að spyrja íbúa sjálfa. Hinir vestrænu leiðtogar litu sumir að því er virðist á þetta sem framhald krossferðanna.

Illugi Jökulsson heldur áfram að rifja upp atburði fyrir réttri öld og nú segir af frægu morðmáli sem vakti gríðarlega athygi í Bandaríkjunum og varð þungamiðja í miklum pólitískum deilum. Halldór Laxness var meðal þeirra sem mótmæltu örlögum tveggja ítalskra stjórnleysingja.

Danir hafa aldrei komist nær því að afskaffa kónginn en um páskana fyrir réttri öld þegar Kristján 10. var sakaður um valdaránstilraun.

Kvikmyndin Skápur doktors Caligaris er viðurkennd sem eitt helsta snilldarverk kvikmyndasögunnar. Hún hefði getað beint kvikmyndasögunni inn á braut expressjónisma að útliti og sviðsmynd, en það fór á annan veg.