Jourys waves

تهدريزه علي سفرتنا لايطاليا واقتراحاتنا للحاجات والاماكن الي عجبونا

التطور السريع للذكاء الاصطناعي خلي واجدين خايفين من المستقبل وكيف ممكن يغيره 👾 وبعدين نذكروكم برسومات ايام زمان وسؤال مهم بكل بكل لماذا كلهم نكدددد 🥹

تجربتنا للسفر بابننا 🐳بحر 🐳 بعمر السنتين مابين المغامرات والذكريات الحلوه وحرق الدم والاعصاب😂

نيروز دكتوره واخذه شهاده ارشاد فالرضاعه الطبيعيه و عضوه فالجمعيه الليبيه للرضاعه الطبيعيه حتحكيلنا علي اهميتة الرضاعه الطبيعيه والمشاكل والحلول الي ممكن تصير

هدرزه عالتربيه و الفن و شوية اجابات علي اسئلة منكم

حلقتنا هدرزت فيها مع نصيب غريبي تغربها عن ليبيا وبدايه مشوارها كبلوغر و تأسيس مشروعها الخاص بيهار

بعد غياب طوييييييل ردينا مره اخري بحلقه جديده نشرحوا فيها علي التوكسك بيوبل وكيف نعرفوهم وكيف نتصرفوا معاهم. استمتعوا

حنحكوا علي شوية عادات وتقاليد واختلافات في رمضان بين الافراد والعائلات 🌙

في حلقة اليوم حنحكولكم علي حساسيه القمح والشعير ونعطوكم معلومات مفصله عليها و التعايش معاها والعلاجات الي يتتوفر فالمستقبل

شنو تعرفوا علي الموضه السريعه وليش هيا حاجه مش كويسه لنا وللعالم ........... هل الشركات الكبيره الي نحبوهن باسعارهم المقبوله زي زارا واتش اند ام وغيرهم طريقه صناعتهم للملابس اخلاقيه ولالا ؟

حاولت نلخص اهم الحاجات في مسيرة الطب مع انها معقده جدا لكن حاولت نبسط الي نقدر عليه من الثانويه التخصصيه لعند تخصصي توا فالجلديه والتجميل

الحلقه هذي مختلفه شويه لانها من بودكاست توليب 🌸 اسعدتني بانها دارت معايا لقاء في البودكاست اللطيف بتاعها . Enjoy listening

ردينااااا اخيرا في الموسم الثاني واول حلقه بنحكولكم انا والكوهوست بتاعي 🙏🙏 علي تركيا والحياه في تركيا ووضع الكورونا والسفر والمواصلات والوكال تقريبا كل شي 🧜🏼‍♀️🧜🏼‍♀️🧜🏼‍♀️🧜🏼‍♀️

فالحلقه حنتناقشوا علي اشكال العنصريه فالمجتمع الليبي اللي ممكن نكونوا مش عارفين او حاسين انها عنصريه من الاساس 🧜🏼‍♀️ نتمني الحلقه هذي تفتحلكم عيونكم علي بعض التصرفات الي ممكن تكونوا اتديروا فيها من دون وعي وتحاولوا تغيروها بعد اليوم 💜 استماع ممتع

رائد ناشط بيئي حيشرحلنا مجموعه من المشاكل البيئيه الموجوده في ليبيا حاليا و اسبابها وكيف نقدروا نقللوا منها 🌴حتفهموا اكثر ليش صاير تغيير في المناخ ومن المسوؤل عنده !🌴وهل ثقب الاوزون حقيقي ولا خرافه 🧜🏻🧜🏻🧜🏻🧜🏻🧜🏻🧜🏻🧜🏻🧜🏻🧜🏻🧜🏻🧜🏻🧜🏻🧜🏻🧜🏻تقدروا اتتبعوا حركه الشباب الليبي لاجل المناخ علي الفيس بوك (LYCM)

كل سفره اتعلمك الحداقه يقولوا وكل سفره حتكون فيها حاجات حلوه وذكريات و مواقف اتعلمك اكثر الحياه اسمعوا معانا نقاشنا علي السفر 💜

حلقه اليوم مع المصوره الاشهر في طرابلس حنان اسباقه😁 كيف وصلت للي هيا فيه شن تخصصها الاصلي و نقاشنا علي النظره السائده للاطفال من ام اجنبيه في ليبيا ...enjoy

هدرزنا علي عاداتنا وتقاليدنا في العراس الليبيه و الفرق بين الشرق والغرب وبرضو المصاريف ركيف تغيرن مع الزمن وخذينا ارائكم فالموضوع وتناقشنا فيهن 💜

حلقتي اليوم فيها تهدريزه مع اسراء 🌊اسراء عرفتوها من السوشيال ميديا ومجال التصوير لكن اسمعوا معايا جوانب جديده من حياتها ونقاشنا عن صعوبات الايام هذي فالقعده فالحوش وكذلك عن الجانب الفني في عيلتها و في ليبيا 🌸

حلقتنا اليوم طلبتوها واجد زرجي وانا حكينالكم علي تجربتنا فالاختلاف والحياه الزوجيه وكذلك صعوبات اول سنه زواج وغيرها من المفاهيم والمعتقدات السائده علي الزواج 🌊 الحلقه طويله شويه لان موضوع كبير و مسدنش حتي الوقت ان نحكوا في جميع جوانبه فحنديروله حلقه ثانيه خاصه بيه وباسئلتكم 🌊🌊🌊🌊 استمتعوا

حنحكيلكم علي العنايه بالشعر كيف نعرفوا شن المشكله الي عندك 💆🏼‍♀️ شن اسباب التساقط 💅🏽 كيف تختاري الشامبو والبلسم وغيرها من النصائح

حلقتنا اليوم فيها نقاش علي الفرق بين النقد والرأي ومفهومهن وكيف ممكن ياثروا عالاشخاص وهل من حق اي شخص ان ينتقد او لا وغيرها بطريقه تهدريز بسيطه وخفيفه ومعايا ضيف الحلقه للمره الثانيه زوجي شاركوني برائيكم فالحلقه علي اخر بوست فالانستقرام 🧜🏼‍♀️

لخصتلكم مجموعه خطوات ضروري اتديروا وانتوا فالحوش وبدائل طبيعيه لبعض الخطوات برضو عشان متوقفوش عنايه ببشرتكم وشعركم في الوقت هذا 🧜🏼‍♀️

مع تفاقم وضع فايروس كورونا خشينا في مرحله حظر التجول ناس واجد يقولوا انهم حيملوا ومش حيتحملوا . بالنسبه لعيلتي فنحن قاعدين نستغلوا فالوقت عشان انديروا كل الحاجات يلي كنا ناجلوا فيهم 🌊 زوجي هو ضيف اول حلقه معايا 🐋 لو حبيتوا المحتوي عقبولي ريفيو تساعدوني بيه ننشر البودكاست 💜

هالو انا جوري 🌊🌊🌊🌊🌊🌊🌊🌊🌊🌊صاحبة إنستقرام 🧜🏼‍♀️joury’s mermaids 🧜🏼‍♀️تعالوا معايا في حلقات حيكونن متنوعه من حياتي 🌊 مواضيع مهمه وهدرزه خفيفه وضيوف مميزين