異鄉90後 | 廣東話podcast

離開香港之後，先發現原來生活入面有咁多方便，係以前習以為常嘅事！ 今集 PY 同 Catherine 由執行李講起，比較香港、英國同韓國嘅交通、購物同飲食生活。由幾分鐘一班嘅地鐵、八達通支付嘅便利，到落街就有得食各國料理、行街唔使日曬雨淋嘅生活，原來香港嘅方便，真係住過外國先感受得更深？😅 究竟係香港太方便，定係只係環境同文化好唔一樣？歡迎同我哋傾吓💁‍♀️ -- Hosting provided by SoundOn

以前人生好似有條路跟住行就得：讀書、畢業、搵工、結婚、買樓、生仔… 但去到90後呢一代，選擇突然多咗：轉工跳槽、Freelance、Remote Working、創業、做YouTuber… 選擇多咗，真係代表自由、開心咗？ 今集同大家傾吓，以前係咪真係比較好，以及當世界有無限可能，我哋又應該點樣作出屬於自己嘅選擇！ -- Hosting provided by SoundOn

細個成日覺得大人好煩： 點解買嘢要格價？ 點解咁鍾意關心人哋食乜、做乜？ 點解朋友講自己嘅人生，大人總係忍唔住要畀意見？ 以前覺得「關你咩事」，人大咗先發現，自己好似慢慢都變成嗰個人： 工作上開始冇以前咁搏，覺得「做到咪算」； 買嘢開始識格價，幾蚊都想慳； 聽到朋友遇到問題，開始忍唔住有自己嘅睇法； 甚至一句「都係為你好」，以前最憎聽，而家自己都有機會講出口。 究竟我哋係變得市儈、固執，定係只係經歷多咗現實之後，開始有另一套價值觀？ 今集就由「30幾歲之後，我哋究竟變成咗咩人？」開始講起！ -- Hosting provided by SoundOn

你有冇試過：睇劇睇到一半，覺得太拖，就開始瘋狂快轉；煲幾個鐘湯，就有人問：「煮咁耐，下次唔好咁嘥時間啦！」 我哋好似由細到大都被灌輸咗一個觀念：時間要用得有效率，最好仲要有成果。 但如果你花咗時間喺一啲事情上，雖然冇乜實際成果，卻可以令你開心、放鬆、療癒，咁又算唔算「嘥時間」？ 今集我哋就同大家一齊重新諗吓，香港人口中成日講嘅「浪費時間」！ -- Hosting provided by SoundOn

早前有位準新娘想搞adult only婚禮，卻引起想帶小朋友參加婚禮嘅親戚不快，當事人喺threads吐苦水之後引發一場小風波。由婚禮限制鬧劇、紅白事相衝嘅迷信，講到輩分階級嘅枷鎖—點解亞洲人生活好似總係要「做俾人睇」，活得咁辛苦？今集《異鄉90後》，我哋一齊傾吓呢啲困住大家嘅「亞洲人情世故」! -- Hosting provided by SoundOn

忍咗幾個月，今集《異鄉90後》終於可以公開 PY 移英呢件事！明明喺台灣已經建立好生活，點解 PY 仲要搬去英國？ 今次搬走，唔係因為生活過得唔好，亦冇一個非常明確嘅目標，一切都係從呢個問題開始：「如果10年、20年後，我繼續留喺度，我會過緊一個點樣嘅人生？」 去到新地方，未必即刻搵到答案，但至少可以知道原來人生仲有其他可能。 今集《異鄉90後》，我哋由 PY 移英出發，傾下重新開始、退路、適應新環境，同埋點樣喺人生已經建立好一切之後，仍然有勇氣再試一次！ -- Hosting provided by SoundOn

古語有云：「讀萬卷書，不如行萬里路。」今集嘉賓阿Mac就由15歲開始踏出香港，走遍歐美留學，最後更成功喺美國發展事業。 留學真係有錢人嘅專利？原來唔少海外交流同留學計劃都設有獎學金，幫助年輕人走出世界，開闊眼界。究竟有咩方法？又點樣改變咗阿Mac嘅人生？今集《異鄉90後》同你一齊傾！ -- Hosting provided by SoundOn

不知不覺，《異鄉90後》嚟到第100集！🥳 今集亦終於請到第一位真正長住英國倫敦嘅嘉賓——Carrie，同大家分享佢移英4年嘅真實經歷。 由香港Luxury/ Retail Marketing轉戰英國銀行做Local Marketing，Carrie會同大家傾吓移民後點樣重新適應當地生活、打入英國職場，以及香港人最常遇到嘅文化差異。英國生活係咪真係想像中咁美好？Central London 近年治安變化有幾大？點解英國人咁重視Small Talk？廣告文化又點解咁鍾意「串人」？ 由飲食、語言、職場文化，到準備移英前應該點裝備自己，今集一次過分享。另外，PY亦會喺第100集公布一個新消息，到底係咩新計劃？答案就喺今集《異鄉90後》！ -- Hosting provided by SoundOn

講到移民，我哋成日聚焦喺離開嘅人身上——佢哋點適應新生活、點面對思鄉、點重新開始。但其實，留低嘅人又何嘗唔係經歷緊另一場離別？ 今集我哋邀請舞台劇《候鳥》演員蒙潔，一齊傾吓「去」與「留」背後嘅故事。當身邊嘅人一個個離開，作為留下來的人，應該點樣作出自己嘅選擇？曾經親密嘅關係，又會因為距離而變成點樣？候鳥會遷徙，留鳥會守候，但彼此之間，仲可以點樣靠近？ -- Hosting provided by SoundOn

每逢長假，就算只有三日，不少香港人都會即刻計劃外遊，就算只係去深圳、澳門，都照樣衝出去！🤔 但Catherine去咗韓國生活之後，竟然反而少咗想去旅行，甚至開始享受留喺當地慢慢生活。究竟係咩令佢心態有咁大轉變？香港人點解又特別鍾意一放假就離港？你又係「放假一定要飛」定係「留喺屋企最舒服」派？今集《異鄉90後》我哋同大家一齊傾下！ -- Hosting provided by SoundOn

（本集含少量劇情簡介，無劇透，請放心收聽🎧） 一個問題學生變成今日咁，到底係邊個造成？老師冇能力？學生太失控？家長縱容？定其實係成個教育制度出咗問題？ Netflix《鐵拳教育》表面講校園暴力，但其實更想討論教師教權、怪獸家長、網絡輿論，以至整個社會點樣一步步形成今日嘅教育困境。有韓國地方政府甚至諗住參考劇情，研究保護教權嘅措施。但教育問題真係可以靠一兩條政策解決？ 今集《異鄉90後》，我哋由《鐵拳教育》出發，一齊討論教育、家庭同社會之間嘅連鎖效應。 -- Hosting provided by SoundOn

唔少人移民後，都會經歷職業同收入上嘅巨大轉變。有人做唔返原本嘅工作，有人要由低做起，甚至要接受收入比以前少一大截。但最難面對嘅，未必係人工少咗，而係原本建立多年嘅自我價值同安全感，好似一夜之間被打散。當連最基本嘅開飯錢都要重新努力爭取，難免會問自己：究竟我仲有無價值？當初嘅決定係咪正確？ PY同Catherine都曾經有類似嘅諗法，最後究竟係點樣調整心態？一齊嚟聽吓今集《異鄉90後》！ -- Hosting provided by SoundOn

**收聽今集節目時切勿飲食😂 某個韓國綜藝將「食蛇」當成大懲罰，令我哋發現——原來好多香港人食開、覺得好平常嘅食物，對外國人嚟講分分鐘係完全接受唔到😳 由雞腳、內臟、皮蛋、臭豆腐，到一啲連香港人自己都未必頂得順嘅食物，究竟有咩係香港人覺得無問題，但外國人一見就卻步？又有啲嘢食，其實香港人同外國人都一致覺得「真係唔得」？今集《異鄉90後》一齊講吓最令人無法接受嘅飲食文化差異！ -- Hosting provided by SoundOn

異鄉90後不知不覺已經過咗兩周年啦🥳今集我哋邀請到重量級嘉賓胡希文 Yoyo，同大家分享去年參演韓國音樂劇《初雪》嘅幕後點滴。由收到演出邀請、學習韓文、同韓國劇組排練，到製作規模同正式公演嘅經歷，Yoyo 都會一一同大家細說。原來喺韓國排音樂劇，最大挑戰未必係唱歌跳舞，而係個肝？🤔 究竟發生咩事，就要留意今集《異鄉90後》啦！ P.S.特別鳴謝游大東促成今次訪問！ -- Hosting provided by SoundOn

而家嘅學習模式同十幾年前好大分別，以前tablet唔俾帶返學校，而家幾乎人人帶一部返學，仲有用AI、補習等等。不過學習方法點變，最緊要係有嘢落到袋。究竟呢啲改變係好事定壞事，定係冇所謂？🤔 咁就要聽今集《異鄉90後》啦！ -- Hosting provided by SoundOn

自己支持嘅球隊贏波開心，買到個靚袋開心，食到好嘢又開心😌 雖然話做人最緊要開心，但係咪一定要一日到黑都咁開心？長期處於咁開心嘅情緒係咪好事？有研究指出，長期處於高能量反而係情緒響起警號🧐 今集《異鄉90後》就同大家講吓對快樂嘅睇法！ -- Hosting provided by SoundOn

早幾年移民潮嘅時候，移民KOL好似雨後春筍咁樣出現。但係時間耐咗，有部份KOL引發各種爭議，例如資訊不足、角度過於偏頗，或者變咗做廣告Channel等等。究竟我哋決定移居移民之前，應該點樣選擇適合嘅資訊？而呢啲KOL係咪完全冇用？咁就要聽我哋今集《異鄉90後》討論移民KOL啦～ -- Hosting provided by SoundOn

最近日本收緊永居政策，搞到唔少外國人叫苦連天。其實唔止日本，唔少地方嘅簽證條件越收越緊。雖然有唔少職位而家主要都係由外國人擔任，但咁嘅政策變化似乎將外國人拒於門外，同時又有啲吸納外國人才嘅政策到頭嚟成效甚微。究竟係咪真係需要外國人？我哋真係睇唔透🤷‍ -- Hosting provided by SoundOn

細個嘅時候，我哋成日覺得旗袍、裙褂、舊時代歌手呢啲嘢好老土，但係人大咗，反而開始慢慢欣賞到當中嘅美。可能係因為身處異地，用咗另一個角度去重新理解；又或者係經過新嘅包裝同演繹，先令我哋重新發現佢哋嘅價值。究竟係我哋變咗，定係佢哋變咗？今集《異鄉90後》同大家一齊講下「老土變寶」😌 -- Hosting provided by SoundOn

近年愈來愈多人開始享受一個人嘅時間，例如自己去旅行、食 lunch、甚至一個人揸車周圍走。獨處好似變成一種生活方式，唔單止可以放鬆自己，亦同城市節奏同居住環境（例如香港嘅土地供應）有關。不過，當「一個人」變成習慣，甚至開始依賴，會唔會對人際關係產生影響？今集《異鄉90後》就同大家傾吓一個人嘅時間！ -- Hosting provided by SoundOn

喺韓國生活耐咗，慢慢會發現由用微波爐、換毛巾，到搭公共交通工具，都有一啲幾「韓國式」嘅生活習慣。有啲令人睇到一頭霧水，有啲又覺得幾貼心，甚至希望佢哋可以一直保留落去。今集《異鄉90後》叫埋 嘉賓Celia，一齊同大家拆解幾個韓國人日常中又奇怪又有趣嘅小習慣！ -- Hosting provided by SoundOn

同長輩去旅行一向都係高難度挑戰，呢樣又唔like，嗰樣又唔適應🫩所以除咗衣食住行要準備周到，近年唔少人分享心得應付長輩，究竟呢啲心得係唔係work呢？無曬自由時間、對付長輩分分鐘仲攰過返工，點解仲要同長輩去旅行？今集異鄉90後PY同埋Catherine 同大家分享吓帶長輩旅行嘅親身經歷、仲有獨門秘訣！ -- Hosting provided by SoundOn

假如突然間有一日假，你哋會做啲乜？做事比較有目標嘅PY，就算放假都會對準目標買嘢睇嘢，而Catherine就會選擇漫無目的咁四圍行吓，或者瞓喺度乜都唔做。但係呢啲放假計劃，究竟係容易實行，定係只能流於幻想？今集異鄉90後同大家傾下放假大計！ -- Hosting provided by SoundOn

今集Catherine同PY講下最近煩緊乜，Catherine想喺Pre-wedding嗰陣著多條裙，PY就諗緊點樣戒多巴胺。唔好以為呢D煩惱得兩位主持自己先有，各位諗深一層可能都有呢個煩惱🧐 快啲聽下兩位主持點樣解決或者克服問題啦～ -- Hosting provided by SoundOn

近排唔同熱潮來去如風，好似大寶冰室、甘棠、杜拜朱古力、尋秦記等等。諗返起以前興嘅嘢，可以屹立不倒到今時今日嘅五隻手指都數得曬，點解佢哋會留得低呢？潮流退卻之後，留落嚟嘅影響又會係乜？快啲聽下今集《異鄉90後》講下今期韓國、台灣同香港流行過嘅嘢 😎 -- Hosting provided by SoundOn

呢集《異鄉90後》由 PY 帶大家睇兩套外國劇集。一套講外星病毒入侵，中招之後竟然可以獲得全世界嘅知識，聽落好似好正，但 PY 同 Catherine 卻覺得未必係一件好事；另一套就以以巴衝突同反恐為主題，PY 睇嘅時候都要一路分析。究竟點解呢？快啲嚟聽吓 PY 今集推介咩劇集啦！ -- Hosting provided by SoundOn

最近大家翻睇舊劇，Catherine都唔例外，龜速睇緊尋秦記😂除咗尋秦記同埋「銀行家の女」名媛望族之外，Catherine同PY都想同大家推介吓啲「舊」作。今集Catherine就同大家介紹別開生面嘅港劇同揭露體壇陰暗面嘅紀錄片，睇過嘅可以再睇多次，未睇過嘅不妨開嚟睇啊💁‍♀️ -- Hosting provided by SoundOn

有冇發覺同人吹水嗰陣會有以下情況？ 1. 冇人接到個話題 2. 成日傾到不歡而散 3. 對方聽到反曬白眼 出現以上情況，你有可能俾人覺得係好kam嘅話題終結者🧐 究竟呢個係咪死症？有冇辦法解決？快D聽最新一集《異鄉90後》啦😎 -- Hosting provided by SoundOn

雖然成日話要出街食飯振興經濟，但係有好多位都咪話唔谷氣！某啲舖頭要排隊等位都算，入到去用餐時間有限制，仲要有最低消費，分分鐘飯都未食完就趕你走，嗌少兩道菜仲會公審你… 歡迎聽吓今集《異鄉90後》，同大家討論出街食飯。 -- Hosting provided by SoundOn

以前細個成日聽人講話要30歲前結婚，但現實就係無論香港、台灣定韓國，大家都過曬30歲先結婚，而且平均結婚年齡一年遲過一年😂點解大家都選擇遲結婚，又或者唔結婚，甚至連拖都唔拍呢？遲結婚還遲結婚，韓國嘅結婚率竟然觸底反彈，結婚場地又勁搶手，究竟係咩一回事？一齊聽下《異鄉90後》，聽下非科學分析遲結婚原因！ -- Hosting provided by SoundOn

廣東話係我哋眼中難學又難精，連PY同Catherine都唔知點樣教另一半講廣東話， 所以今集請嚟廣東話老師Carmen，講解吓10年嚟點樣由淺入深咁教學。 究竟對外國人嚟講，廣東話最易同最難學嘅係乜、有無方法可以快啲開口講到…？仲有一個字原來我哋竟然自己都讀錯，搞到成日誤會人哋有懶音，呢個究竟係咩字呢？我哋一齊聽吓今集異鄉90後！ P.S. 前2分鐘開場白有少少雜音，後面會正常翻，本集技術問題請多多包容>< -- Hosting provided by SoundOn

而家嘅你係點形成？其實同成長背景有好大關係，例如家庭教育、學校生活、甚至童年經歷，都默默塑造咗你嘅行為同習慣，即係做事有條理、敢唔敢打小強、對食嘢嘅控制等等。當中有啲影響係正面嘅，但亦有啲可能係被忽略嘅童年陰影，甚至演變成心理創傷。 今集《異鄉90後》就同大家一齊傾吓，童年經歷究竟點樣影響我哋嘅性格，同埋我哋又可以點樣面對呢啲影響。 -- Hosting provided by SoundOn

上集我們講到30歲之後，開始自己唔夠成熟，又未學齊應有技能；而呢集我哋就講下去到呢個年齡，健康同友誼開始好難維持… 究竟兩樣嘢都係一去冇回頭，定係有方法減慢衰老同友誼永固？想知PY同Catherine點諗，就要聽今集《異鄉90後》啦！ -- Hosting provided by SoundOn

雖然已經年過30，但係PY同Catherine覺得同自己無論心態定金錢上，都同小時候認知中嘅30歲有一段距離。有時候生活上面對某啲挑戰，難免都會手足無措。究竟喺廿幾歲嘅時候，使唔使為30大關提早做好準備，定係其實順其自然就OK ？ -- Hosting provided by SoundOn

雖然成日話奇怪規則背後，總有暖心原因，但係有時返工某D規則又真係好R頭：幾時放假有限制、點send message又有守則要跟、WFH都要check下你IP地址… 究竟呢啲規則睇唔順眼只係打工仔心態問題，定係世代差異？ -- Hosting provided by SoundOn

而家大家生活都離唔開AI，無論係Gen圖、翻譯、編行程、計數，甚至係道歉都用AI，生活似乎方便咗好多，但AI學嘅嘢越多，我哋學到嘅嘢似乎越少，甚至越嚟越唔用腦？🤔 不過有啲嘢始終係AI取代唔到，究竟係咩呢？咁就要留意今集嘅異鄉90後啦！ -- Hosting provided by SoundOn

學英文、普通話、日文、韓文或其他外語，總有數之不盡嘅樽頸位，好似早前大家好辛苦咁準備韓文考試TOPIK，結果一個＂圓形監獄＂考起唔少考生🤔 唔少人會因為呢D樽頸位而受挫，更會因此而放棄學外語。不過呢啲位其實係咪咁難克服，定係Not a big deal？今集《異鄉90後》我哋用自己嘅親身經驗，同大家講下學外語嘅困難之處！ -- Hosting provided by SoundOn

《異鄉90後》節目有史以來首次迎嚟聽眾做嘉賓😍 Joyce移民去澳洲之後，時間多咗，居住環境大咗，平日WFH但竟然仲可以日行萬步，究竟點解呢？ 大家提到澳洲，就一定會諗起袋鼠同樹熊，不過阿Joyce話，防曬同防蚊產品先係澳洲特產，送禮自用都啱使🤣 除此之外，今集仲講吓澳洲嘅衣食住行，究竟澳洲有幾大、有幾熱？ 想知道澳洲港人係點生活，就要留意今集《異鄉90後》啦！ -- Hosting provided by SoundOn

各位身在海外嘅港人每次返香港，指定動作除咗係呻天氣熱😂 仲會食盡香港獨有嘅美食。Catherine喺中秋唔單止食茶餐廳、邊爐放題，仲大膽挑戰$33凍檸茶，究竟味道如何呢？今次仲發現香港飲食業嘅變化，究竟邊啲品牌淡出市場，邊啲又慢慢走入民居呢？ 除咗飲飲食食之外，Catherine仲打開遊客mode，去咗各大香港景點，當中滿意度最高嘅，竟然係遊客巴士線喎🤔 想知點解，就要聽今集《異鄉90後》啦😏 -- Hosting provided by SoundOn

今次PY帶大家去英國！雖然成日俾人話係美食沙漠，不過唔係冇好嘢食，只係好食嘅嘢同英國關係不大🤔 除此之外，喺英國有唔少香港人熟悉嘅嘢，包括飲食、交通，同埋＂OOO＂🤣 就算係第一次去英國，都好有親切感。 想知PY喺英國有咩見聞，就要收聽今集《異鄉90後》啦！ -- Hosting provided by SoundOn

最近韓國天氣慢慢轉涼，似乎冇夏天咁容易食物中毒，但PY同Catherine睇返過往經驗，幾乎都係冬天中招🧐 而且唔只關季節事，喺任何地方食飯都有機會出事，就連百貨公司都出現過致命食物中毒事件😱 點解有D地方好似成日都有食物中毒？我哋又應該要點自保？ -- Hosting provided by SoundOn

無論香港、台灣定韓國，騙徒行騙手法越來越多，電腦、短訊、求職，甚至係攞快遞都可以呃到錢🥲 都已經見到咁多人上當，但係點解仍然越來越多人墮入圈套？我哋可以做嘅係盡力預防，定係只能斬腳趾避沙蟲？ -- Hosting provided by SoundOn

香港人去台灣同韓國最鍾意去Cafe，貪佢比香港平一大截，同埋打卡位夠多🧐 Jansen今次仲帶我哋去台北咖啡店，試下世界各地嘅手沖咖啡☕ 至於當地人就鍾意去Cafe溫書同開工，但似乎俾有心人濫用，帶晒架生擺大檔開工，除此之外仲有好多令人咋舌嘅使用情況🤔 究竟Cafe要點出招對付呢D怪客，而我哋想响Cafe辦公溫書又應該點做好？《異鄉90後》同大家傾下港台韓咖啡店！ -- Hosting provided by SoundOn

近排Catherine開始鍾意睇棒球，八月中仲特登去台北同PY一齊睇富邦嘅比賽（當然主要係去睇Kapo啦😁），發現韓國同台灣嘅棒球比賽氣氛真係好唔同，特別係台灣啦啦隊風氣開始盛行，唔止帶動現場氣氛，仲吸引到唔少新手入場，而呢股啦啦隊旋風似乎吹緊返韓國🤔 除咗啦啦隊之外，仲有啲乜嘢可以吸引到人睇棒球或其他運動賽事呢？今集《異鄉90後》就同大家傾吓台灣同韓國嘅棒球風氣！ -- Hosting provided by SoundOn

香港速度滾軸溜冰運動員王蘊妮Mimi唔經唔覺已經踏入30大關，佢曾經揚言2018年雅加達亞運之後退役，不過到今時今日仍然繼續向前衝，究竟咩原因令佢堅持？目前又有冇退役打算？為咗有更好嘅訓練質素，Mimi唔少時間喺海外受訓，佢點樣打破國界，同世界各地嘅選手打成一片？香港令佢最牽腸掛肚嘅究竟係啲咩呢？🤔 今集《異鄉90後》，同港隊代表傾下運動員生涯嘅喜悅、困境同將來！ -- Hosting provided by SoundOn

早排Jupas放榜，錄取比例得36%，係近5年最低，點解考生少咗反而少人入到U？🤔 你又有冇留意到，愈來愈多成績優異嘅考生集中揀醫科，反而以前眼中嘅「神科」已經冇咁受歡迎？ PY同Catherine有諗過，除咗公開試之外，學術以外嘅成績可唔可以成為升學門票？咁樣做又會唔會帶嚟新嘅問題？《異鄉90後》同大家一齊探討公開試呢個「必要之惡」。（呢度俾返credit 試當真） -- Hosting provided by SoundOn

各位今日又過咗500年啦，馬浚偉都唔知游咗幾多次水 暴雨同颱風愈來愈多，就算做足預防操施，都可能避免唔到損失。既然係咁，作為老闆、打工仔、活動主辦或者其他身處崗位應該要點樣應對，定係只能坐穩呢？ 喺任何天氣，最好就喺安全地方聽《異鄉90後》啦！ -- Hosting provided by SoundOn

（本集內容含劇透，請小心服用） Netflix《母胎單身戀愛大作戰》近排成為Threads熱話。本身唔多睇戀愛綜藝嘅PY同Catherine睇得勁投入，唔只係睇住12位A0求偶又搞笑又激氣，仲可以了解韓國文化同埋仲未出到Pool嘅原因。呢個節目唔止係為A0而設，仲可以話係咁多位嘅反面教材🤣 今集我哋會從唔同角度拆解呢套綜藝，無論你係戀綜老手定新入坑，一齊嚟聽吓你對角色、文化同拍拖觀嘅睇法啦！ -- Hosting provided by SoundOn

韓國人眼中，台灣街頭嘅市井風情就係所謂嘅「台灣感性」；而香港，喺佢哋眼中就等於霓虹燈、西式建築同懷舊氣息。講真外國月亮好似真係特別圓，佢哋影啲平平無奇嘅街角，都影到成幅畫咁😂 但點解佢哋會對呢啲元素咁著迷？ 至於我哋自己心目中最有「香港感性」嘅建築同景象，其實早就逐漸消失。問題係，呢啲唔見咗嘅，真係只係景點咁簡單？今集《異鄉90後》，PY同Catherine講下香港同台灣感性 -- Hosting provided by SoundOn

近年聽到部份海外港人計劃二次移民/移居，而今集嘉賓Eric過往亦因為種種原因，曾經喺英國同澳洲居住，最後定居美國波士頓。雖然要不斷移居，聽見都覺得攰，但過程令佢領略到何謂生活同快樂。 想知道點解Eric會走遍四大洲，同埋點樣調整心態適應新地方，就要收聽今集異鄉90後啦！ -- Hosting provided by SoundOn

Gen Z喺唔少人眼中不外乎以下印象：可以整頓職場、乜嘢事都擺晒上網、熱愛（改良版） Y2K，同時又好鍾意拍短片等等。不過有啲標籤，究竟真係咁率直勇敢，定係只係未受過社會毒打？而我哋又應該點樣看待Gen Z？就要留意今集異鄉90後啦！ p.s. 本集白花油味極濃，並疑似有向全世界挑機成份，敬請留意 🤣 -- Hosting provided by SoundOn

為咗食好嘢排長龍，買公仔爭崩頭，為咗小卡同入簽售買幾廿隻碟，整體嚟講可以話使錢嘅方式越嚟越神奇🤣 當然使錢係為咗得到快樂，但係呢個快樂會唔會維持到好耐？使嘅錢同得到嘅快樂又係唔係成正比？今集異鄉90後同大家講吓拗晒頭嘅使錢方式！ -- Hosting provided by SoundOn

年過30，錢冇咗仲可以賺返嚟，但身體健康同青春小鳥一樣一去不回來，失眠、消化不良、鼻鼾、感冒越搞越耐…我哋用盡唔同方法減慢衰退，不過PY竟然話，有時問ChatGPT反而仲有用😲 係真唔係呀？今集《異鄉90後》講下點樣保持身體健康！ -- Hosting provided by SoundOn

我哋成日覺得韓國人好排外，不過dancer界可能唔同講法啦🤔 今集嘉賓Melo喺韓國打穩陣腳， 又做TXT、ITZY等伴舞，仲有為廣告編舞，更加成功實現同偶像BTS同框合作，拍MV嗰陣企喺Jimin附近添！ 除咗本身舞蹈實力夠勁，原來外國人身份係一個優勢！😳 但係Melo話大家如果想進軍韓國，一定要做好一件事。想知係咩？咁就要留意今集異鄉90後啦！ -- Hosting provided by SoundOn

今時今日識新朋友，唔問星座唔問血型，反而係直接問：「你MBTI係乜？」而且喺韓國見工，仲會問到MBTI！究竟MBTI係點樣測出嚟？嗰四個英文字母真係代表晒你全部性格？如果你測出係INFJ，咁你係咪永遠都係INFJ？你嗰MBTI其實會唔會變，定係天生就整定？ 今集《異鄉90後》兩位E/伊人同大家傾下MBTI，分享文化差異下對MBTI嘅理解，仲會講下相反人格係咪真係會嘈交！ -- Hosting provided by SoundOn

人越大，處理嘅人際關係問題越多，例如點樣同同事維持良好關係，keep住識好多年嘅朋友，仲有同屋企人嘈少兩句交。結果發現和平共處嘅方法，竟然係要保持距離？🤔 今集《異鄉90後》PY、Catherine同大家一齊討論成長後面對嘅人際關係！ -- Hosting provided by SoundOn

泰國唔止有 T-Pop、Spa 同美食，原來仲可以做心理治療？🧘‍♂🛁 今集《異鄉90後》請嚟喺清邁工作嘅心理康復治療師 Conan，分享佢點樣幫助病人戒癮、走出童年創傷同情緒低谷。你以為呢類治療好貴？一聽話要成5萬蚊可能會嚇親，但聽完佢講你就會發現：其實真係唔「泰」貴😌 香港人面對嘅心理創傷往往來自童年經歷、職場壓力，或者生活環境轉變。作為治療師，Conan 有咩建議可以幫大家整理情緒？而佢自己身處異鄉，又點樣面對低潮？ 想知道泰國心理康復治療有咩做？記得收聽今集！ -- Hosting provided by SoundOn

今集係《異鄉90後》第50集，同時亦都迎嚟節目一周年啦！與此同時，失業一排嘅Catherine都終於搵到工，可以話係雙囍臨門（？）💃 究竟Catherine點樣渡過6個月空窗期？面試前要點做準備？最後又係點搵到啱心水嘅offer？希望今集可以幫到大家早日獲得心水offer🥰 -- Hosting provided by SoundOn

今集《異鄉90後》請嚟重量級嘉賓—台灣職業棒球啦啦隊嘅香港成員嘉寶 Kapo！👏 回顧佢成長之路，從韓國、台灣留學到加入富邦，睇起上嚟佢嘅人生好似好運到連環中六合彩，但其實背後付出咗唔少努力同汗水㗎 🥺 而台灣啦啦隊近年越嚟越受歡迎，嘉寶又點樣憑自己優勢突圍而出？啦啦隊生活係真·姊妹情，定係爭妍鬥麗呢？今集《異鄉90後》帶大家深入了解嘉寶背後嘅熱血故事🤓 -- Hosting provided by SoundOn

5月係台灣同唔少韓國納稅人報稅嘅日子，兩地報稅同收退稅都好方便，撳幾個掣交幾份文件就搞掂😎不過想扣多D稅，就要花多啲時間研究啦！捐錢同供養家人有免稅額就不在話下，估唔到睇演唱會、租樓同洗多D錢都可以扣稅？！ 想知台韓兩地可以點慳稅，就要聽今集《異鄉90後》啦~ p.s 而家香港稅務易唔記得密碼，係咪仲要等收信reset？LOL -- Hosting provided by SoundOn

台灣過往畀人感覺係有休閒、人情味同對人親切，但PY喺台灣生活幾年，有時都幾難適應到，係覺得太慢同太客套，定係比較鍾意香港嘅直來直往呢？與此同時，PY同Catherine都覺得，台灣有啲特點係值得香港借鏡，究竟係邊啲特點呢？就要收聽今集《異鄉90後》啦~ -- Hosting provided by SoundOn

喺韓國生活，會發現韓國人做唔少事情都有一定規律：搏命考試、着衫唔好標奇立異，就連度content都最好跟風，一切係咪因為韓國人鐘意play safe？俾人話階級制度分明嘅韓國人，又會唔會有一日打破呢啲規則？今集PY同Catherine 同大家深度講下韓國人！ -- Hosting provided by SoundOn

今集我哋繼續同Jansen傾吓香港同台灣嘅網絡文化。台灣搞電商似乎發展得比香港快，除咗香港門市買嘢太方便，原來仲同香港人怕hard Sell有關？🤔 近排Facebook有被年輕人唾棄嘅趨勢，成日俾人話驅風油味重，但係Facebook原來仍然係使用率最高嘅社交媒體，究竟佢係咪未死得呢？Threads目前仲未有賣廣告功能，但Jansen發現原來已經有人已經靜靜雞開始賣廣告，點樣可以睇得出呢？想知就要收聽今集異鄉90後啦💁‍♀ -- Hosting provided by SoundOn

之前我哋有提到港台韓網絡文化大不同，PY同Catherine講到興起，於是搵埋Jansen用專業角度講吓香港同台灣嘅社交平台 🤓 原來有啲香港受歡迎嘅app台灣係唔用，而且仲有啲抗拒𠻹 🤔 港台兩地用社交媒體嘅態度好唔同，Threads嘅演算法唔止激起兩地網民矛盾，仲成功打低其他平台成為近年兩地網民最愛。除此之外，網絡文化同傳媒標題黨原來息息相關，同埋香港網民凡事愛留言+1🤨 究竟係咩一回事呢？即刻聽下今集《異鄉90後》啦！ -- Hosting provided by SoundOn

搶到平機票嚟台灣韓國，但係budget有限唔知做乜？今集《異鄉90後》PY同Catherine講下荷包乾都有大把嘢玩，學化妝跳舞、踩單車、行古蹟唔使錢之餘，食飯仲可以任食？ 喺咪真係咁着數，到底有冇伏呢？一齊嚟聽下第43集啦！ -- Hosting provided by SoundOn

最近 Threads 資訊多到 PY 同 Catherine 都頂唔順，但資訊再氾濫，都唔及網民把火咁旺🔥 日日見到大家唔係嬲爆爆，就係 mean 爆、負能量爆棚🤧 今集《異鄉90後》就同大家傾下香港、台灣同韓國三地嘅網絡文化，最後發現，大家最需要嘅，可能唔係發洩，而係……愛 ❤️ -- Hosting provided by SoundOn

韓劇呢幾年越做越勁， Netflix有《魷魚遊戲》， Disney+有《異能Moving》，仲有《淚之女王》、《背着善宰跑》等作品，但係有陣時，PY同Catherine會懷念《天國的階梯》同《大長今》等以前嘅韓劇🤔 究竟係科技同金錢嘅發達，追唔上舊時嘅情懷，定係乜嘢原因呢？依家OTT平台咁流行，韓劇產量比以前多咗好多，究竟韓國影視發展又係咪一片光明呢？今集同大家一齊講下韓劇！ -- Hosting provided by SoundOn

韓國嘅出生率排第尾咁滯，想結婚嘅人越來越少，但係戀愛綜藝咁多，睇得出大家都有一顆恨拍拖之心😍 不過想喺韓國有艷遇，唔只要識韓文，仲要了解約會文化，如果唔係一個唔留神就俾人當乞兒㗎啦！ 話時話，台灣明明緊貼韓國潮流，製作唔少綜藝節目，但係仲未有台灣戀綜，會唔會係同節奏慢太多有關🤔 想聽吓我哋點講港台行嘅曖昧同約會文化，就要聽我哋今集《異鄉90後》啦 🤓 -- Hosting provided by SoundOn

Catherine今集一邊錄音，一邊食韓國人最愛嘅鯛魚燒，點知食食吓發現入面原來係血汗嘅味道😢 畢竟鯛魚燒就算越來越貴，仍然係打工仔收工之後慰藉心靈嘅平價食物。 諗起韓國升職難度高，OT公司度縮唔補水，其實台灣打幾份工都唔夠錢使，要靠出差OT瘋狂搵錢，就覺得手上面嘅鯛魚燒啖啖皆辛酸 😭 -- Hosting provided by SoundOn

喺台灣，創業似乎唔係啲咩難事，簡單到有部車仔就可以做老闆🤔移民台灣嘅阿玥都唔例外，喺2020年開展咗第一個事業——香港老火湯店之後，發展嘅事業百足咁多爪，不過好多經營時間都唔長，究竟係過江龍不及地頭蟲，定係老火湯味道唔夠貢丸湯咁濃？（純食字請見諒😂） 累積唔少經驗之後，阿玥終於迎嚟曙光，究竟佢係點樣搵到出路呢？今集我哋就聽吓在台港人嘅屢敗屢戰創業之路🤓 -- Hosting provided by SoundOn

最近澳門成為Threads嘅焦點，發現世人對呢個地方有太多誤會😮‍💨 今集我哋請嚟在港澳門代表軒仔aka港澳第一打野(@hkmo.survivalist) 講吓： - 一樣係講廣東話，香港人有時竟然聽唔明？ - 香港有啲咩驚喜&驚嚇？ - 除咗使唔使用VPN之外，仲有聽過邊啲 有關澳門嘅奇怪問題？ - 澳門有咩嘢食，香港係搵唔到？ 仲有更多內容，就要聽吓今集異鄉90後啦😌 -- Hosting provided by SoundOn

90後開始慢慢踏入3字頭階段🤧 愈來愈感受到身體冇以前咁fit，所以大家都開始努力養生，又做運動又食supplement。 特別係台灣做gym平，韓國又出林林種種營養劑，照計啱曬PY同Catherine啦😎 但有人反而愈養愈傷生，究竟係咩事？今集異鄉90後會傾下養生🤓 -- Hosting provided by SoundOn

今日係初七人日，首先祝各位生日快樂🎂 同時又要講聲開工大吉😂 相信咁多位已經返曬工同逗/派完利是，不過希望各位未有咁快開人年啦！畢竟返工唔只要開啲毫無意義嘅會，仲要見住D辦公室小人，好難唔激到彈起，但有時又好難開口鬧人，心入面chok住chok住😒 今集我哋講下港台韓三地嘅會議文化同辦公室小人，幫一眾打工仔開下年😎。 -- Hosting provided by SoundOn

又嚟到新年啦，台灣同韓國都會過節，不過派利是習俗同香港有好大分別，唔似得香港幾乎見人就派，但係台灣人依然對於派利是好頭痛，點解呢😯韓國同大中華最大分別係新年主色調係白色，新年收到白色利是都忍唔住講句大吉利是😂 今集我哋仲會講下台韓新年送禮、衣着、賀年活動等，同大家拜定個早年。先祝大家新年快樂身體健康心想事成龍馬精神學業進步快高長大……（下刪一萬字） *下星期異鄉90後將會休息過新年，我哋開年嗰陣再見😎 -- Hosting provided by SoundOn

就快睇到農曆新年，或者有人會想改頭換面迎接新一年。不過對於醫美，有人有期待，又怕受傷害🫣 所以今集我哋韓國醫美醫院市場推廣專員Jojo大家講解各種整容常見問題，包括但不限於： 整容有冇後悔藥？又使唔使定期維修？ 近年最Hit整容模版係邊位？🧐 流水線定非流水線好啲？ 踏入30歲最應該接受做咩項目？ 八兩金有冇機會整成車銀優？ 從事醫美係咪賺好多？🤩 要有咩資格先至可以入行？ 想知答案嘅話，就要收聽今集異鄉90後啦！ *本集節目內容為嘉賓個人看法，接受醫療項目前，應先向專家徵詢意見。 -- Hosting provided by SoundOn

雖然已經唔係年尾，叱咤都搞埋嘈咗幾日LOL 不過PY、Catherine同嘉賓Celia回顧埋台灣嘅大小事😎 台灣2024年嘅環保政策、天災、棒球威水史，有啲可能聽過，有啲可能唔記得咗，趁2025年啱啱開波，我哋重溫下呢啲事之後，一齊嚟打開新一頁啦！ -- Hosting provided by SoundOn

PY同Catherine終於喺首爾見面啦👏今集聯同Super E新抱Celia一齊回顧韓國嘅2024年！ 大事回顧就唔到我哋做啦，有啲唔大又唔細嘅事件例如氣候卡、實歲制度、冰糖葫蘆衰落、最新爆紅食物，仲有港產片陸續喺韓國上映，你又記唔記得呢？ 唔記得都唔緊要，立即收聽今集同我哋一齊回顧呢啲唔算大，但後勁都唔細嘅事件🤓 -- Hosting provided by SoundOn

仲有唔夠一個禮拜就聖誕啦，韓國就算得一日假放，慶祝節日依然包羅萬有，當中竟然包括睇中秋燈飾😦係咪搞錯咗啲乜？ 台灣直頭冇假放，索性集中火力慶祝跨年，不過大家有冇發現，台灣慶祝任何節日都係要唱歌？韓國當然都會慶祝新年啦，不過PY同Catherine就已經講到明唔再跟風迎接新一年啦，究竟點解呢？今集《異鄉90後》同大家講解台韓嘅聖誕新年啦🤓 -- Hosting provided by SoundOn

台灣同韓國可以話係宗教狂熱嘅地方，PY同Catherine都試過俾異端宗教人士傳教，究竟當時係點樣全身而退？仲有一招大絕！不過竟然同XXX有關？😧 眾所周知台灣做marketing好犀利，估唔到宣傳宗教同心靈課程都有一手，Catherine仲話甘拜下風，係咩手段咁強勁？而家即刻聽聽最新一集《異鄉90後》啦 😇 -- Hosting provided by SoundOn

隨住BIGBANG強勢回歸MAMA舞台，一眾K-pop老海鮮都興奮到上晒水，不過竟然有00後或10後問GD即係乜😱個Generation gap幾時變得咁大？ 其實唔止GD同BIGBANG，有好多消失咗嘅90後回憶，包括ETV、兒童快報/周刊、兒歌、mp3機等等，問而家啲小朋友應該都唔識😢 今集等Catherine同PY同大家想當年啦😭😭 -- Hosting provided by SoundOn

今集《異鄉90後》首次請嚟台灣嘅代表👏 住喺台中嘅Clare嚟到係咁吐苦水，因為政府部門做嘢實在慢到激死人，不過仔細聽，似乎唔止係慢咁簡單🤔 生活咗三年幾，雖然社交少咗，不過人就健康咗，做完運動多仲可以抬返包米屋企，點解台灣可以咁搞笑😂 想知就要收聽今集podcast啦🙆‍♀ -- Hosting provided by SoundOn

PY同Catherine近排各自陷入請人同搵工地獄，唔好睇PY請人好似好爽，收到一大堆唔關事嘅CV都咪話唔頭痕😑 Catherine搵工搵得好慎重，特別想避開Start up，原因同過去慘痛（？）經歷有關？除此之外，台灣同韓國招聘市場仲有好多伏位，想知有咩Kam嘢就要聽今集《異鄉90後》啦！ -- Hosting provided by SoundOn

台灣同韓國本土品牌大家可以數得出幾多個？嚟到韓國點都會經過Spao，但有冇覺得佢某啲產品好熟口面😂台灣嘅NET價錢實惠，不過PY竟然未買過，睇吓啲衫嘅款式似乎知道原因🤔 台灣有經濟實惠嘅大同電鍋，韓國價錢高達港紙$3,000嘅Cuckoo電飯煲，價錢差天共地，但共通點都係同日本有關🤫點解大家以前鍾意用LG同HTC手機，但而家反而係俾Samsung同Apple稱霸市場？今集《異鄉90後》就研究吓台灣韓國嘅本土品牌。 -- Hosting provided by SoundOn

今集節目可能離晒題，因為我哋迎嚟第一位00後嘉賓兼第一代Threads頂流Jasmine（@jeongggminn_）👏 香港出世，韓國血統嘅佢俾人話過係Fake Korean，因為韓文曾經淨係識打招呼，同大家一樣由零開始學韓文，又唔食泡菜，究竟覺得自己係香港定韓國人？香港對佢嚟講又算唔算異鄉？ 想知道呢位港產韓妹嘅成長同心路歷程，就要聽今集《異鄉90後》啦❤ -- Hosting provided by SoundOn

作為精明（？）消費者，PY同Catherine會用盡各種窿路拎優惠：信用卡要攞盡優惠，電子支付要儲分，交通費唔係買月票，就係用盡轉乘優惠，連電話費都有方法可以慳😎 但係呢個世界冇免費午餐，優惠嘅嘢係咪真係唾手可得呢？ -- Hosting provided by SoundOn

台灣同韓國便利店勁多神奇產品賣，唔單止有各大網紅聯乘產品，仲有瀉藥賣！不過共通點就係：伏🥶 咁兩地便利店仲有冇好嘢推介？ 麥當勞、Starbucks、KFC去到邊都總有一間喺左近，但原來喺香港、台灣同韓國定位差好遠，究竟有咩分別呢🤔 -- Hosting provided by SoundOn

日本係香港人嘅天堂，同時係全球打工仔嘅地獄，但究竟有幾地獄？今集嘉賓阿瓜同我哋講下喺日本返工有咩伏位。 估唔到最令佢痛苦嘅唔係日本人嘅工作方式，而係寫報告？😨 仲有啲咩係令阿瓜頭都大埋？ -- Hosting provided by SoundOn

住喺港人最愛嘅台灣同韓國，地方大過香港咁多，理論上就算唔飛出去，玩嘅嘢都多過香港好多，但係點解PY同Catherine會玩厭咗？🤔 以前喺香港，外遊首選去日本，但去咗第二度生活，首選都仲係日本😂 除咗日本真係有咁好玩，仲有冇其他原因？ -- Hosting provided by SoundOn

PY同Catherine趁中秋假期返咗幾日香港，發現香港唔單止比以前更熱更濕，仲發現到好多驚喜。 最神奇係香港茶餐廳服務態度竟然好咗😱 遊客嚟到香港未必識搵正宗奶茶檸茶，又唔知點樣先搵到好玩地方。 PY同Catherine度咗一兩個屎橋，希望可以振興香港旅遊業😂 旅發局歡迎入黎聽聽呀。 （最後分享啲冇人想知嘅私事，大家可以直接飛咗佢） -- Hosting provided by SoundOn

英國土木工程系畢業➡返香港做翻譯➡創立Joy文藝生活站成為調香師 三個step好似完全冇關係，但呢啲都係今集嘉賓Umi嘅足跡😎 點解當初佢唔揀留喺英國，選擇返香港呢？有得揀又會唔會返去英國？ 自資6位數創立香水品牌，目前仍然等緊收成期，但佢話仲未使食樹皮… 究竟有咩方法令佢可以頂得住呢？ -- Hosting provided by SoundOn

眾所周知，台灣同韓國都過中秋，不過慶祝方法同香港有啲出入… 台灣買月餅要排一個鐘隊，但係打開盒竟然唔係雙黃白蓮蓉🤔 韓國新抱最驚就係過中秋，唔一齊過節竟然會降低離婚率😂究竟係點解？ 無論身處邊度，成班人定一個人過中秋，都可以聽住我哋節目賞月過節 祝大家中秋節快樂！ -- Hosting provided by SoundOn

喺韓國同台灣生活咗幾年，總有啲嘢係頂唔順 相信唔只係我哋，嚟玩嘅咁多位都應該都對以下情況反曬白眼： - 的士司機無啦啦同你講政治同催婚 - 隨時隨地吐痰同除鞋 - 條路行到一半無啦啦斷開 仲有更多奇難雜症，今集PY同Catherine一齊同大家慢慢呻 -- Hosting provided by SoundOn

我哋終於衝出亞洲，請嚟喺比利時大學做訪問學者嘅90後Hugo講下喺當地同台灣生活！ 點知講講下搞到PY同Catherine都想去比利時玩一轉，究竟係咩咁吸引？ 係寧靜小鎮嘅魅力？ 任食薯條嘅威力？ 定係可以瘋狂打羽毛球嘅誘惑……a_a？ 今集就同大家闖入學術界，感受喺外地研究漢學嘅文化氣息啦！ -- Hosting provided by SoundOn

香港雖然係咁話個市跌緊，但樓價同租金對比其他亞洲地區依然望塵莫及，咁台灣同韓國上車又係咪咁易？ 唔好諗住做無殼蝸牛好過癮，台韓租樓有大把氹你踩，有人仲因為中招走上絕路，究竟係咩陷阱呢？ 《異鄉90後》帶大家一次過睇盡台韓房地產。 -- Hosting provided by SoundOn

到而家唔都明，點解而家韓國仲可以熱過香港同台灣🥵 不過熱還熱，韓仔似乎又唔係好興着短褲，唔熱㗎咩😂 台灣有對鞋本身係軍靴，搞搞下變咗全民必備item，究竟係咩嚟？ 仲有喺外國街頭點樣可以一眼認出香港人呢？ 《異鄉90後》熱辣辣出爐，大家歎涼浸浸冷氣聽啦😏 -- Hosting provided by SoundOn

嚟到農曆7月，《異鄉90後》就同大家講下台韓迷信Culture Shock啦！ 台灣人熱愛拜拜，見到神都拜就不在話下，其實韓國都係迷信到塔羅店開到一街都係😂 不過記得唔好係神都拜，如果唔係神都幫你唔到😏 茶室、沖咖啡同Helper呢幾個terms咁平平無奇，估唔到同黃色事業有關🤔 台灣同韓國仲會用奇招宣傳黃色事業，究竟有神奇？想知就要而家即刻聽《異鄉90後》啦！ （本集內容冇鬼同老少咸宜，請放心收聽） -- Hosting provided by SoundOn

做韓國新抱成日俾人印象要過0尊生活，唔止要低聲下氣，仲要俾奶奶用泡菜抽撃幾廿巴😭 不過我哋第一位嘉賓Celia @celia.koreadiary 話畀大家知，只要你發揮Super E精神，奶奶都可以被征服！ 究竟Celia點樣同奶奶變friend？ 做韓國人妻搵工又會唔會俾人為難？ 極外向嘅佢又點樣喺韓國識朋友？ 今集《異鄉90後》帶大家打開征服韓國（奶奶）秘笈😂 -- Hosting provided by SoundOn

今次我哋講奧運！ 今次唔少老將帶住新星一齊登場，仲有運動員今次係最後一戰T_T 身在台灣韓國睇奧運氣氛始終唔及香港？ 唔少選手今次入唔到奧運，未必係實力唔好，只係唔夠運？ 韓國唔怕睇唔到奧運，只怕你睇韓國選手精彩畫面睇到驚😂 鍾志光原來識翻譯（不過譯錯曬） 方力申泳會事件、詹氏姊妹、黃大憲…….運動協會同選手嘅爭議有時仲精彩過場比賽 大賽期間叫炸雞2個鐘都好小事，運滯啲嘅半夜先食到飯（仲要收錯餐） 無論身處邊度，依然為港隊打氣❤ -- Hosting provided by SoundOn

呢位病人，今次係你喺異鄉90後診所第9次掛號啦，今次我哋會同你進行以下療程： 韓國嘅醫療保險幾貴，搞到Catherine成日要睇醫生回本😂 韓國扭親腳醫足2個月，仲要嚟個五花大綁？ 台灣睇醫生竟然平過買咖啡？ PY喺韓國患罕見病😱但原來呢個病只係… 台灣掛號方法點解被稱為I人福音？ 韓國乜嘢病都係打針搞掂，但乜嘢針要10萬咁貴？ 請閣下到異鄉90後YouTube、Spotify、Apple Music同KKBOX接受療程。祝閣下身體健康，人冇事先做到世界冠軍💪 -- Hosting provided by SoundOn