بودكاست كلام في البرمجة

--

تعرف ان فيه وظيفة اسمها صياد ثغرات ؟

Bug Bounty Hunter

لو انت بتقرر تدخل في عالم الامن السيبراني فبتكون افضل واسهل مدخل ليك ..وبيتعمل مساقبات عالمية ممكن تكسب فيها جوايز 100,000 دولار واكتر 🔥

بس طبعا الاحتراف فيها مش سهل وبياخد وقت وبتغامر كتيير لانك ممكن تقعد احيانا بالشهور من غير متوصل لحاجة والناس الشاطرة كتير فالمنافسة عالية..استضفنا المهندس Mohammed Eldeeb اللي بدأ كصياد ثغرات وما شاء الله عليه انهاردة متخصص في الRed Team وبيقدم خدمات للموسسات المالية لتأمينها من الثغرات.

حلقة ثرية ومعلومات مفيدة جدا لكل حد مهتم يسمع الجوانب ده من عالم الامن السيبراني.

شركة بوكينج .. هل المنصة بتاعتهم معقدة ؟ويمكن دايما المستخدم مش بيشوف غير النتيجة النهائية لما يجي يعمل بحث عن حجز فندق او شالية ..لكن وراء المواليس عشان النتايج ده توصلك صح وتبقى دقيقة ففيه قرارات كتيرة بتتعمل في الProduct عشان يطلع بالمنظر ده .. وده معناه ان فيه ناس مهندسين .. وProduct Managers شاطرين شغالين في منصة عملاقة زي ده ..تعالوا نتعرف على الشغل وراء الكواليس في شركة بوكينج والتفكير في محرك البحث بتاعهم بيحصل ازاي مع الخبير الاسترتيجي Omar Sallam .. وهو مش مجرد شاطر كمدير منتج .. ده كمان اسس مجتمع للناس المهتمة بالتوجه ده اللي هو بقى ركن اساسي في نجاح جميع المنصات لانه هو اللي بيشتغل يوم بيوم مع المهندسين عشان يحققوا المنصات القوية اللي احنا مبقيناش بنستغنى عنها في حياتنا .. المجتمع اسمه برودكت بلس Prdkt+ | برودكت بلس .. وبيعملوا Summit سنوي في القاهرة باذن الله هكون Speaker هناك يوم 31/1/2026 .. هعلن قريب عن التفاصيل والحجز للي حابب نتقابل هناك 🤝🔥 حلقة قوية ومفيدة للناس في البيزنس والمعندسين اكتر كمان عشان يعرفوا ازاي يشتغلوا في شركات عملاقة زي بوكينج وينجحوا فيها صح 🔥🔥🚀🚀

تعالوا نتكلم بجد عن الكلاود في الشركات الكبيرة 👀مش أي كلاود .. نتكلم عن الشركات اللي بتبني أنظمة بتخدم ملايين المستخدمين يوميا.كتير من الناس لسه شايفة إن الـ Cloud مجرد:سيرفر أو Hosting .. تعمل عليه Deploy وخلاصلكن الحقيقة إن الموضوع أعمق وأعقد بكتير.في الشركات الكبيرة، الكلاود يعني:- قرارات معمارية مصيرية- Cost optimization وتسعير محسوب- Scalablity حقيقي وقت الضغط- High Availability وBusiness Continuity- Security وCompliance على مستوى مؤسسيوده كله بيقع تحت دور وظيفي مهم جدا اسمه Cloud Solutions Architect.في حلقة النهارده، معانا المهندس Mahmoud A. ATALLAHخبرة أكتر من 15 سنة في الـ IT والـ Infrastructure داخل شركات كبرى.حاليًا يشغل منصب استراتيجي كـHead of Azure Solutions في Bespin Global MEA, an e& enterprise company وهي شركة تابعة لمجموعة e& UAE (اتصالات الإمارات).شغله اليومي هو تصميم وبناء Cloud Architecturesلمشاريع ضخمة بتخدم ملايين المستخدمين على مستوى المنطقة.شوفوا الحلقة هتستفادوا من خبرات قوية جداً شاركها معانا ومعلومات عن ازاي تنجح صح في اتجاه الكلاود في الشركات الكبرى.

كل سنة آلاف الطلبة بيتخرجوا من هندسة اتصالات.وكل سنة عدد كبير منهم… بيسيب المجال.ناس بتتحول لبرمجة .. ناس تروح Product أو Data .. وناس تخرج من مجال التكنولوجيا بالكامل!

والغريب إن ده بيحصل في وقت .. كل نجاح تقني حوالينا مبني أساسا على الاتصالات.الإنترنت اللي بنستخدمه كل يوم .. الموبايل نت .. الـ Cloud .. وحتى الـ AI والأنظمة الموزعة ..

كل ده مش هيشتغل من غير Backbone اتصالات قوي.

فالسؤال الحقيقي هنا:

- ليه مهندسين كتير بيسيبوا مجال الاتصالات؟

- هل هندسة الاتصالات اختيار غلط فعلًا؟

- ولا المشكلة في إننا مش فاهمين المجال صح؟

- وشكل النجاح فيه عامل إزاي النهارده؟

في الحلقة رقم (48) من كلام في البرمجة .. قعدت أتكلم مع Amr Ashraf واحد من الناس اللي عايشين جوه المجال ده بقالهم سنين طويلة.

عمرو اشتغل في قلب صناعة الاتصالات:

- من تشغيل LTE و 5G RAN Optimization

- لقيادة R&D و Solution Architecture في DIGIS Squared

- وشارك في تنفيذ أول شبكة Open RAN تجارية في السعودية

- وساهم في بناء منتجات اتصالات بتستخدمها شركات عالمية

-

هل Microservices أفضل من الMonolith ؟ 🤔

في الحلقة دي استضفنا الخبير في هيكلة وتطوير الأنظمة البرمجية .. المهندس Hassan Ibrahim 🇵🇸 وهو حالياً شغال Principal Software Engineer في شركة Foodics وهي احدي أكبر شركات ادارة انظمة المطاعم والكافيهات في الشرق الأوسط.

تناقشنا ودخلنا بعمق في التحديات المختلفة التي بناء عليها بتاخد القرار انك محتاج Microservices Architecture في النظام عندك.

وده قرار صعب بيواجهه أي مهندس أو تيم شغال في مشروع جديد أو مشروع قديم Legacy عايزين ننقله نقلة نوعية عشان يخدم اتجاهات جديدة في البيزنس.

هل تبدأ بـ Monolith ولا تدخل من الأول في Microservices ؟

وإمتى فعلاً القرار ده بيكون صح ؟

هتسمع رأي حسن في المايكروسيرفس وليه ممكن تبقى سلاح ذو حدين

وهنتكلم كمان عن لحظة التحول بعد الـ MVP

وازاي التريد أوف Tradeoff الحقيقي بيكون بين سهولة التطوير واستقرار السيستم.

وفي نص الحلقة بنغوص في عالم الـ Domain Driven Design 🔥

هل لازم تتعلمه بالكامل ولا تاخد منه اللي يخدم مشروعك ؟

اسمع الحلقة من هنا وحقيقي مهمة جدا مينفعش تفوتها

️ كلام في البرمجة | ليه ممكن أنصح العميل بـ Excel… ومين أستحق أقوله “روح لأوراكل”؟ 💻☕

ليه ساعات أقول للعميل “خليك على Excel”،

وساعات تانية أقول له “حضّر ميزانية ملايين لأوراكل”؟

السر مش في الاسم…

السر في الاحتياج، والوعي، والتخطيط 🎯

💡 فيه عميل صغير كل اللي محتاجه جدول بسيط،

وفيه عميل تاني لو ماعملش نظام محترف،

ممكن يضيع شغله كله في ثانية!

اتكلمنا كمان عن:

☕ العلاقة بين إدارة البيانات والنسكافيه — سريعة التحضير، بس مش دايمًا نافعة 😄

🔐 أخطاء في أمن قواعد البيانات كلفت شركات ملايين

💾 وإزاي Oracle بتقدر تحميك قبل ما الكارثة تحصل

لكن أهم جزء في الحوار كان عن الجيل الجاي 👇

إزاي نخلق جيل روّاد في التكنولوجيا

مش مجرد ناس عندها شوية معلومات متفرقة،

لكن ناس عندها رؤية، منهج، وتجربة حقيقية تبني بيها المستقبل

ليه الشركات بقت بتجبر المبرمجين يستخدموا ادوات الـAI ؟

الموضوع بسيط .. مجال البرمجة طول عمره بيتطور .. والادوات ده سرعت اداء شغلنا وخليتنا ممكن ننتج احسن لو استخدمناها صح ..

ده كان احد المحاور الاساسية اللي ناقشناها في حلقة بودكاست مع Ahmed Mohamed .. اللي بدأ رحلته كـAndroid Engineer لحد موصل وبقى Mobile Architect ..

ومؤخرا بيركز اتجاه الفكر العام بتاع الSoftware Engineering ..

أحمد كان بيقولنا ان الشركة فرضت عليهم استخدام Cursor وكان بيجوا يحسابوا لو ماستخدمهوش .. واتكلمنا اكتر في محاور الموضوع

حلقة شيقة ومفيدة جدا استمتعت فيها واستفدت جدا منها ..

شوفوا الحلقة وشاركونا بآرائكم 🌹

حلقة جديدة ومميزة جدًا من كلام في البرمجة عن علوم البيانات مع صديقي Amr Saleh, MSc.

عمرو من الناس اللي بجد بتتعلم منهم كل مرة .. واحد من أقوى خبراء هندسة البيانات في المنطقة وصاحب شركة Kiwilytics اللي بتقدم حلول متقدمة لشركات كبرى عالميا

📈 الحلقة اللي فاتت مع عمرو حققت أكتر من 150 ألف مشاهدة وكان فيه طلب جماهيري انه ينورنا في حلقة تانية — والنهارده رجعنا بحوار أعمق وأوسع 🔥

🎓 عمرو كمان لسة منزل كورس يعملك كل حاجة محتاج تعرفها عشان تبقى Data Engineer شاطر

وعامل خصم لفترة محدودة ٥٠٪ عن طريق اللينك ده:

https://lnkd.in/dVTxzqf8

في الحلقة دي غطينا موضوعات حساسة ومهمة جدا عن تقاطع الذكاء الاصطناعي مع البيانات .. وازاي تطبيقات الـAI بتعتمد على جودة وتنوع الداتا.

💡 بعض المحاور اللي ناقشناها:

🔍 هل أقدر أثق في OpenAI أو أي Model بشكل كامل؟

🧠 ليه التجربة العملية أهم من أي موديل جاهز؟

🤖 إزاي بيستخدم عمرو الشات بوتس في شغله كـ Data Engineer؟

🛠️ هل لازم أي Data Engineer يلتزم بتقنيات معينة ولا يفضل مرن؟

👨‍💻 إزاي تبدأ وتبني مسارك كـ Data Engineer النهاردة؟

📅 الروتين اليومي لمهندس البيانات.. وهل شهادتك الجامعية شرط للنجاح؟

🔒 أصعب التحديات اللي واجهت عمرو.. ومن ضمنها قضايا Data Privacy وتأثير الذكاء الاصطناعي على سرية البيانات.

🎯 لحد فين ممكن يوصل الـ AI ببياناتنا؟ وإزاي بيشتغل الـ Recommendation Engine دلوقتي والمستقبل؟

الحلقة مليانة insights عملية وأفكار مهمة لأي حد مهتم بالـ Data Engineering وعلوم البيانات وانه يبقى متمرس فيها.

🔮 هل الكوانتم كومبيوتنج هو مستقبل الكمبيوتر؟ وهل ممكن يغير شكل العالم اللي احنا عايشينه؟ 🖥️✨

في الحلقة الجديدة من بودكاست كلام في البرمجة استضفنا حسام أحمد، واللي شغال على تطوير حلول تكامل مع الـ Quantum Systems.

اتكلمنا معاه عن أساسيات الـ Quantum Computing بشكل مبسط، وإزاي التكنولوجيا دي ليها استخدامات حقيقية النهاردة. وبعدها دخلنا على التحديات الكبيرة اللي بتواجه المجال زي موضوع الـ Error Correction، واللي بيخلي بناء كمبيوتر كوانتم مستقر تحدي ضخم.

كمان ناقشنا مستقبل الـ Quantum Computers خلال العشر سنين الجاية، وإمتى ممكن نشوف التبني الحقيقي للتكنولوجيا دي على نطاق واسع. وفي آخر الحوار، حسام شارك نصايحه: إزاي تبدأ في المجال، وهل لازم تسافر برة عشان تتعلمه، ولا ممكن تبدأ من مكانك.

الحلقة مليانة insights قوية جدًا وهتخليك تشوف الكمبيوتر من زاوية مختلفة 🚀
📌 متفوتهاش وتفرج للنهاية.

هل الذكاء الاصطناعي بقى جدير إنه يبني فرونت إند من الصفر؟ ✨

في الحلقة دي من البودكاست استضفنا المهندس Mohamed Abusrea الخبير في الFrontend وشغال حاليا Staff Frontend Engineer .. ناقشنا:

✨ إزاي دور الـ Frontend Developer اتغير عن زمان

✨ هل ممكن ناخد ديزاين من Figma ونطلعه مباشرة باستخدام AI

✨ قد إيه نثق في الكود اللي بيطلعه الذكاء الاصطناعي؟

✨ فكرة الـ "Vibe Coding" وأثرها على طريقة شغلنا

✨ وهل الشركات فعلًا هتعرف تتبنى أدوات الذكاء الاصطناعي ولا لأ؟

وكمان اتكلمنا عن أسئلة مهمة:

أبدأ بريآكت ولا نيكست مع الـ AI؟ ⚛️

هل الأفضل أسيب التحكم للأداة ولا أفضّل في إيدي؟

وليه أهم حاجة في الكارير هو الاستكشاف والتجديد المستمر 🧭

الحلقة دي فيها نقاش صريح جدا عن المستقبل، ومش بس للـ Frontend Developers، لكن لأي حد بيفكر إزاي الذكاء الاصطناعي هيغير شغلنا.

النهارده مستضيف واحد من أقوى العقول في مجال الـ Software Architecture، مازن رفعت 👨‍💻
📌 أكتر من 12 سنة خبرة في المجال
📌 Chief Software Architect في Crossover
📌 اشتغل كـ Engineering Manager في Upwork
📌 خبرة ضخمة في AWS كـ Cloud Native Architect

في الحلقة دي غطّينا مواضيع هتغيّر طريقة تفكيرك لو نفسك تبقى Software Architect:

إيه هو الـ Software Architect فعلًا؟ 🤔

إيه الفرق بين دوره ودور باقي الفريق؟

إزاي تبدأ الطريق وتبني نفسك لحد ما توصل للمستوى ده؟ 🚀

هل تغيير الشركة كل فترة صحي ولا لأ؟

تأثير تسارع الـ Startups على شغلنا

هل المسمى الوظيفي بيفرق فعلًا؟

وهل ممكن تحول من Cloud Native لـ Software Architect؟

💡 الحلقة مليانة نصايح عملية من خبرة سنين، سواء كنت لسه بتبدأ أو خلاص قربت على الـ Senior level.

حلقة خطيرة جدًا عن مستقبل الأمن السيبراني في عصر الذكاء الاصطناعي نزلت دلوقتي على اليوتيوب! 🚨🤖

استضفنا فيها زياد حماد، خبير الأمن السيبراني واللي اشتغل مع شركات عالمية في مجال الحوسبة السحابية، واتكلمنا عن الهجمات الذكية اللي بتحصل باستخدام الـAI، وإزاي حتى الشات بوت ممكن يكون وسيلة للاختراق!

ناقشنا أمثلة حقيقية لهجمات حصلت، منها هجمات توجيه نصي، ومشاكل اختراق حسابات جيت هب، وازاي بعض الشركات بتقول إنها بتحمي بياناتك بس الحقيقة ممكن تكون عكس كده...

اتكلمنا كمان عن فرص الشغل في المجال ده، وإيه المطلوب عشان تبدأ طريقك في السيكيوريتي، خصوصًا مع التطور المرعب للذكاء الاصطناعي.

📺 شوفوا الحلقة كاملة ومتنسوش تقولوا رأيكم في التعليقات!

تفتكر إنك خلاص اتأخرت تبدأ من جديد؟ 💭 الحلقة دي هتغيّر وجهة نظرك تمامًا!

حلقة النهاردة استضفنا فيها المهندس / أحمد يونس Ahmed Younes، اللي عنده قصة انتقال مهني ملهمة لكل الناس اللي بتفكر تعمل Career Shift.

من أول ما بدأ في الهندسة المدنية، وسفره لأمريكا عشان يشارك في مسابقة كبيرة تبع الجامعة .. لحد ما اشتغل في شركة السويدي وسافر يشتغل في زامبيا!

وبعدها رجع وقت الكورونا وقرر يعيد حساباته ويدوّر على شغفه الحقيقي .. وبدأ يتعلم من الصفر لحد ما وصل يشتغل في شركات كبيرة زي Valeo واتصالات &e وVodafone (VOIS).

اتكلمنا عن دور مدير المشروع التقني ودور الوظيفة ده في الشركات انهاردة

حلقة دسمة عن عالم التقنيات المالية .. نزلت دلوقتي على اليوتيوب! 🚀 🔥

نورنا فيها المهندس Mostafa Menessy الـCo-Founder والـCTO لشركة Paymob واحدة من أنجح شركات المدفوعات الرقمية في الشرق الأوسط.

دخلنا في التقنيات اللي بتستخدم انهاردة في نجاح شركة Fintech بتقدم Digital Payments Solutions ... وإزاي البنية التحتية المظبوطة بتساهم في نجاح شركة Fintech.

اتكلمنا عن التحديات اللي بتعدي بيها عشان تقدر انها تستقبل فلوس من العملاء والمخاطر اللي ممكن تحصل وازاي بيتواكبوا معاها ..

فيه مفاجئات كتيير انا نفسي مكنتش اعرفها عن العالم ده استفدت منها جدا في الحلقة ده.

📺 شوفوا الحلقة ومتنسوش تقولولنا رأيكم!

ليه لحد دلوقتي — في 2025 — شركات كبيرة بترجع تبني ‎iOS و Android‎ Native رغم كل الزحمة حوالين Cross-Platform؟ 🤔

في أحدث حلقة من بودكاست «كلام في البرمجة» استضفت ‎Mostafa Nafie‎، ‎Staff iOS Engineer، وفتحنا سوا ملف التقنيات متعددة المنصات:

React Native: سرعة الوصول للسوق ومرونة JavaScript، لكن إزاي الـ bridging layer ساعات يرفع الـ CPU والـ memory footprint.

Flutter: تجربة واجهات موحدة بفضل ‎Skia‎، وأداء شبه-native، مقابل حجم Binary أكبر وتحديات دمج الـ Platform-specific SDKs.

Kotlin Multiplatform: “share بزمتك واكتب الباقي Native” — مشاركة منطق الأعمال من غير ما تضحّي بـ UX native، بس محتاج خبرة Android وiOS في نفس الفريق.

حلّلنا الtrade-offs لكل اختيار: الأداء، تجربة المستخدم، حجم الفريق، وسرعة التحديث. وفي الآخر جاوبنا على سؤال: إمتى تختار Native خالص؟ — لما تحكمك متطلبات Performance قاسية، Hardware APIs متقدمة، أو لما يكون الـ UX هو كل حاجة للمنتج.

اختيارك للغة البرمجة مش قرار تقني بس، ده قرار بزنس كمان..ليه في لغات برمجة كتيير وازاي بقدر احدد اللغة الافضل بالنسبة للمشروع اللي ببنيه؟هل انت عارف انك لازم قبل متدخل في الTechnical انك تفهم الBusiness وراء الموضوع ؟

وده لانه في حاجة اسمها Product Market Fit بتعملها الاول تحدد بيها انت عايز ايه وهتشغل الSoftware بتاعك فين وبيخدم مين وعايز تطلعه في قد ايه وقت ... بعديها المعادلة ده لو خلصتها بتيجي المعادلة الاصعب وهي اختيار التقنية ولغة البرمجة المناسبة ..

وهو ده كله محور الحلقة الجديدة اللي نزلناها من بودكاست كلام في البرمجة.استضفنا Mohammed Osama اللي شغال حاليا Engineering Manager في شركة Yassir ..

وهو مذاكر كويس تقنيات زي PHP وGO وNode.js .. وكمان خاض التجربة العملية في الاختيار والتحول من تقنية لاخرى خلال مشواره في مجال البرمجة ..

واتكلمنا في آخر الحلقة عن معلومات مهمة هتفيدك في التفكير بعقلية الManager الشاطر اللي عايز ينجح وينجح الناس اللي معاه .. فانصحكم تحضروا الحلقة لحد الآخر عشان تستفيدوا من كل افكار وتجاربه ..

حلقة جديدة من بودكاست كلام في البرمجة🚀 🎙️استضفنا المهندس Ash ‎Ashmawy، المؤسس والمدير التنفيذي لشركة Kemet Trading، واتكلمنا عن عالم العملات الرقمية، رحلة البيتكوين، وتكنولوجيا الـ Blockchain بشكل مستفيض.جاوبنا على أسئلة زي:- إزاي بتشتغل العملات الرقمية؟ - وليه العالم بيتحرك بقوة تجاهها؟واتكلمنا مع Ash ‎Ashmawy عن طريقة تفكيره كـ CEO .. وإزاي قدر يبني شركة من الصفر في المجال المستقبلي المعقد ده ... ويخلق ثقافة عمل حديثة بأفكار زي الاجازات المفتوحة (Unlimited PTO) وعدم وجود ساعات عمل مقيدة .. والتحول الرقمي الحقيقي جوه الشركات.حلقة مليانة تفاصيل قيّمة لأي شخص مهتم بالبيتكوين، مستقبل الاقتصاد الرقمي، وريادة الأعمال.

مستعد تتعرف على روكستار الأندرويد 🔥

الضيف بتاع الحلقة دي هو Ahmed Adel Ismail، عنده أكتر من 10 سنين خبرة وساهم في تطوير تطبيقات عالمية في أكبر الشركات:

SadaPay | Swvl | Talabat | TryCarriage | Vodafone

تخيل كل الخبرات دي مجمعة في عقل واحد، بيشاركنا النهارده كل التفاصيل والحكايات اللي ورا الكواليس! 😎

في الحلقة ده دخلنا في حوارات شيقة وتقيلة:

🔸 إزاي كوتلن بقت الـ Game Changer لتطوير تطبيقات الأندرويد؟ وهل فلاتر تقدر تنافس بجد؟

🔄 رحلة التحوّل من Backend لموبايل ديفلوبر: خطوات عملية من أرض الواقع.

🧠 أهم الـ Design Patterns اللي بتخليك تعمل أبلكيشن مستقر وقابل للتطوير.

🤖 إزاي الذكاء الصناعي بيغير شكل شغلنا كمبرمجين؟ وهل فعلاً البرمجة في خطر؟

📲 قصص نجاح من خبرته في الشركات الكبيرة اللي اشتغل فيها.

المرادي الحلقة مختلفة بجد! 🤩

استضفنا ‎م. أحمد متولي Ahmed Metwally، اللي مشهور بمحتواه اللي بيقدمه: "أخوك الكبير متولي" ☁️🔥

واحد من أكتر الناس اللي فعلاً بيساعدوا أي حد يدخل مجال الكلاود والديف أوبس بطريقة بسيطة وعملية، ومن واقع سنين خبرة طويلة مع أكبر الشركات وبناء منصته التعليمية الخاصة.

واللي يسمعه، يحس إنه أخوك اللي فاهم الطريق كويس وبيحكيهولك عشان تختصر سنين من التعب والتوهان.

في الحلقة دي من بودكاست كلام في البرمجة، اتكلمنا عن:

•⁠ ⁠تبدأ إزاي مشوارك في الكلاود والديف أوبس بخطوات واضحة

•⁠ ⁠ليه Linux وTerraform مهمين لأي حد ناوي يتطور

•⁠ ⁠هل شهادات AWS كفاية؟ ولا فيه حاجات تانية أهم؟

•⁠ ⁠تأثير الذكاء الاصطناعي على شغل الديف أوبس والمطورين

•⁠ ⁠وقصة تأسيس Metwally Labs من البداية لحد ما بقت علامة معروفة

مستني تعليقاتكم كالعادة ✌️👇

أنت تعرف إن كل أجهزتنا ممكن تكون مخترقة وإحنا مش حاسين؟! 🚨في الحلقة الجديدة من بودكاست «كلام في البرمجة» مع المهندس أيمن، هتكتشف عالم الاختراق الأخلاقي (Ethical Hacking) من جوّا، وهتعرف إزاي ممكن تحمي نفسك وشركتك، أو حتى تبدأ رحلة احترافك في مجال الأمن السيبراني.🔸 في الحلقة دي هنحكي لك:يعني إيه فعلًا أمن سيبراني (Cyber Security) ببساطة ومن غير تعقيد؟إزاي البنوك بتأمّن نفسها، وهل ممكن تحصل اختراقات رغم كل التأمين؟يعني إيه Malware وExploit وPayload؟ وإزاي تحمي نفسك منهم؟قبعات الهاكرز: مين هما الـ White Hats والـ Black Hats، وأنت ممكن تبقى أنهي قبعة؟إزاي ممكن الذكاء الاصطناعي يخترق أجهزتك ويهدّد خصوصيتك؟قصص وتجارب واقعية جدًا من حياة أيمن في اكتشاف الثغرات الأمنية وتأمين الشركات الكبرى.🔹 لو بتسأل نفسك:إزاي أدخل مجال الـ Ethical Hacking من غير ما أدرس كمبيوتر ساينس؟إيه هي المهارات اللي الشركات فعلًا محتاجاها؟إزاي ممكن أبني نفسي في المجال ده وأبقى مطلوب في السوق؟

مهندس ديكور × بيزنس مان 💼✨في الحلقة دي استضفنا المهندس محمد علي، مؤسس شركة Mohamed Ali Designs ، واللي جمع بين الإبداع الفني في الديكور والاحتراف في إدارة البيزنس.اتكلمنا عن:🔹 الفرق بين المهندس والمصمم؟🔹 تأثير أدوات الـ AI على مجال التصميم والديكور🔹 التحديات اللي واجهته في تأسيس شركته، ومحطات الفشل اللي عدا بيها🔹 ليه بعض البيزنسات بتفشل؟ وإزاي تتفادى ده؟🔹 عدد المشاريع الناجحة اللي نفذها🔹 هل ينفع حد يقوم بدور مهندس ديكور؟ وأهمية التخصص🔹 وناقشنا كمان فكرة السفر والشغل برا مصر💡 حلقة ملهمة لأي حد بيدمج بين الشغف والإبداع وإدارة المشاريع، سواء في الديكور أو أي مجال تاني!

الحلقة رقم (27) من بودكاست كلام في البرمجة! 🎙️🚀ليه Flutter جامد وكسب في سوق الموبايل؟ 📱🔥في الحلقة دي استضفنا طارق العبد  @TarekAlabd  ، وناقشنا تجربته الكبيرة مع Flutter، وليه بقى من أقوى أدوات تطوير تطبيقات الموبايل.أهم المحاور:🔹 الفرق بين Flutter و React Native 🔹 هل لسه نحتاج نتعلم Swift أو Kotlin؟ 🔹 نبدأ بـ نيتف ولا كروس بلاتفورم؟ 🔹 أداء التطبيقات وأهمية Testing 🔹 إزاي تتعلم Flutter صح؟ (Roadmap) 🔹 ونصايح قوية لأي حد ناوي يدخل سوق الموبايل📌 شوف الحلقة دلوقتي، ومتنساش تعمل لايك وشير!

إزاي تبقى شاطر في الباك إند؟ 🤯🔥في الحلقة دي استضفنا محمد كمال Mohammed Kamal وهو حاليا شغال Staff Backend Engineer في مجال الFintech، واللي عنده خبرة ضخمة في توسيع الأنظمة الحية (Real-time Systems) وبناء البنية التحتية للباك إند بكفاءة عالية.اتكلمنا عن:🔹 إزاي تبقى Backend Developer شاطر؟ وأهم المهارات اللي تخليك سينير حقيقي.🔹 الفرق بين التطبيق (Application) والمنتج (Product)، وإمتى نقدر نقول إننا بنبني منتج حقيقي؟🔹 مهارات حل المشاكل بفعالية، وليه مش لازم تتعلم تقنيات كتير بدون فهم عميق؟ 🤔🔹 إزاي تطلع نفسك من الـ Comfort Zone؟ وأهمية التطوير المستمر في الكارير بتاعك.🔹 اختيار لغة البرمجة للباك إند – هل في لغة واحدة تقدر تعمل بيها كل حاجة؟🔹 ما تقعش في غرام التقنية! ليه بعض المطورين بيتمسكوا بتقنيات معينة بشكل غير عقلاني؟🔹 أهمية تعلم System Design – إزاي بيفرق معاك في سوق العمل وامتى تبدأ تتعلمه؟🔹 إيه الفرق بين System Design و Design Patterns؟ 🤓🔹 Monolithic vs Microservices – أيهم الأفضل وإمتى تستخدم كل واحد فيهم؟🔹 إزاي تختار محرك قاعدة البيانات المناسب؟ ونقاش متعمق عن MongoDB.🔹 رحلة محمد في كلية الهندسة لمدة 8 سنين! 🏫 وازاي كانت تجربة مختلفة.🔹 الحياة في أمريكا، وأبرز التحديات اللي واجهها هناك.💡 لو عايز تبقى سينيور باك إند حقيقي، وتحترف بناء الأنظمة، الحلقة دي كنز من المعلومات والنصايح!📌 شوف الحلقة دلوقتي، وما تنساش تعمل لايك وشير مع أصحابك المهتمين بالبرمجة!

من هندسة الميكاترونكس إلى أكبر قناة مراجعات طعام في العالم العربي! 🍔📹في هذه الحلقة، استضفنا عمرو شريف ‪@AmrSherif‬ ، اليوتيوبر الشهير اللي بدأ رحلته من الهندسة إلى عالم صناعة المحتوى، وناقشنا أهم المحطات اللي شكّلت مسيرته المهنية ووصوله لأكثر من مليون مشترك على يوتيوب! 🎥🔥أبرز المواضيع اللي ناقشناها:🔹 هل التعليم الجامعي ضروري؟ وكيف ساعدت دراسة الهندسة في تشكيل شخصية عمرو؟🔹 عقدة المهندس والألقاب – ليه بعض الناس بتمسك بالمسمى الوظيفي، وإزاي عمرو تخطى ده؟🔹 متى قرر عمرو ترك الهندسة نهائيًا؟ وهل فكر في موازنة الهندسة مع يوتيوب؟🔹 كيف تتحول الهواية إلى بيزنس ناجح؟ ودور الشغف في تحقيق النجاح.🔹 هل لازم تشتغل في حاجة بتحبها؟ ولا ممكن تنجح في حاجة مختلفة تمامًا؟🔹 هل فكر عمرو في تعلم البرمجة؟ وهل كان هيكون مهندس ناجح لو استمر؟🔹 كيف يستخدم صناع المحتوى الذكاء الاصطناعي؟ وهل AI هيستبدلهم مستقبلًا؟ 🤖💡 حلقة ملهمة لأي شخص بيفكر يغير مساره المهني أو يبدأ رحلته في صناعة المحتوى!📌 شوف الحلقة دلوقتي، وما تنساش تعمل لايك وشير مع أصحابك المهتمين!

استضفنا في الحلقة إيمان عبدالغفار Eman Abdelghaffar، المهندسة المبدعة والخبيرة في لغة Go Lang! 🦫💻📌 أبرز المحاور اللي ناقشناها:- كيف Go Lang بتعيد تشكيل مستقبل لغات البرمجة في الـ Backend؟منذ إطلاقها، قدرت Go تحقق أداء عالي جدًا وتتفوق على لغات برمجة تقليدية بفضل بساطتها وقوتها، وده جعلها خيار أساسي في الأنظمة الضخمة والبنية التحتية السحابية.- إيه اللي بيميز Go Lang عن غيرها؟إيمان شاركتنا تجربتها الطويلة مع Go، وشرحت ليه المطورين اللي بيجربوها بيفضلوا استخدامها في المشاريع اللي بتتطلب أداء عالي، وقابلية توسع، وسهولة في الصيانة.- أمثلة عملية وتطبيقات Go Lang:تكلمنا عن إزاي Go بتستخدم في شركات ضخمة زي Google وغيرها لتطوير خدمات سحابية ضخمة وأنظمة ميكروسيرفس (Microservices) بكفاءة ملحوظة. 🚀💡 لو مهتم بالبرمجة أو بتحب لغات الـ Backend، دي حلقة مش هتتفوت! هتفهم ليه Go بتكتسب شهرة كبيرة، وإزاي ممكن تبدأ رحلتك معاها.📌 شوف الحلقة دلوقتي، وما تنساش تعمل لايك وشير مع أصحابك المهتمين بالتكنولوجيا!

استضفنا في الحلقة دي Ayman Bazaraa، رائد الأعمال التسلسلي وأحد الشخصيات البارزة في مجال التكنولوجيا والتعليم. أيمن عنده مسيرة حافلة مليئة بالنجاحات في تأسيس الشركات الناشئة وبناء الفرق التقنية القوية! 💡💻📌 أبرز المواضيع اللي غطيناها:- مستقبل الذكاء الاصطناعي وتأثيره على وظائف هندسة البرمجيات: كيف AI بيساهم في إعادة تشكيل أدوار المهندسين ودخول أدوات جديدة بتغير طريقة العمل التقليدية؟ 🤖- نجاح أيمن في تأسيس وإدارة العديد من الشركات الناشئة، خصوصًا منصة Sprints اللي عملت نقلة نوعية في مشهد تعليم التكنولوجيا وإعداد الكوادر المؤهلة.- تجربته في تأسيس شركات زي MicroDoers وAvelabs، واللي نجح في تطويرها حتى استحوذت عليها شركات كبرى زي Arrow من قائمة Fortune 500. 🚀ما يميز أيمن هو شغفه بإطلاق إمكانيات الإنسان من خلال التكنولوجيا، سواء كان في بناء فرق تقنية عالمية أو في قيادة الابتكار في التعليم التقني.💡 الحلقة دي مهمة جدًا لأي حد مهتم بمستقبل البرمجة وأثر الذكاء الاصطناعي على الوظائف، وكمان للمهتمين بريادة الأعمال وبناء شركات ناجحة في مجال التكنولوجيا.📌 شوف الحلقة دلوقتي، ومتنساش تعمل لايك وشير مع أصحابك!🔗 لينك الفيديو في أول كومنت ⭐️الحلقة رقم (23) من بودكاست كلام في البرمجة! 🎙️🚀استضفنا في الحلقة دي Ayman Bazaraa، رائد الأعمال التسلسلي وأحد الشخصيات البارزة في مجال التكنولوجيا والتعليم. أيمن عنده مسيرة حافلة مليئة بالنجاحات في تأسيس الشركات الناشئة وبناء الفرق التقنية القوية! 💡💻📌 أبرز المواضيع اللي غطيناها:- مستقبل الذكاء الاصطناعي وتأثيره على وظائف هندسة البرمجيات: كيف AI بيساهم في إعادة تشكيل أدوار المهندسين ودخول أدوات جديدة بتغير طريقة العمل التقليدية؟ 🤖- نجاح أيمن في تأسيس وإدارة العديد من الشركات الناشئة، خصوصًا منصة Sprints اللي عملت نقلة نوعية في مشهد تعليم التكنولوجيا وإعداد الكوادر المؤهلة.- تجربته في تأسيس شركات زي MicroDoers وAvelabs، واللي نجح في تطويرها حتى استحوذت عليها شركات كبرى زي Arrow من قائمة Fortune 500. 🚀ما يميز أيمن هو شغفه بإطلاق إمكانيات الإنسان من خلال التكنولوجيا، سواء كان في بناء فرق تقنية عالمية أو في قيادة الابتكار في التعليم التقني.💡 الحلقة دي مهمة جدًا لأي حد مهتم بمستقبل البرمجة وأثر الذكاء الاصطناعي على الوظائف، وكمان للمهتمين بريادة الأعمال وبناء شركات ناجحة في مجال التكنولوجيا.📌 شوف الحلقة دلوقتي، ومتنساش تعمل لايك وشير مع أصحابك!

ضيفنا في الحلقة دي كان د. محمد عبده Mohammed Abdou Tolba، خبير الذكاء الاصطناعي وإنترنت الأشياء وصاحب خبرة مميزة في مجال تطبيقات السيارات ذاتية القيادة! 🚗🤖 د. محمد حاصل على شهادة الدكتوراه وتركزت أبحاثه على تكامل الذكاء العميق (Deep Learning) وإنترنت الأشياء (IoT) في تطبيقات السيارات ذاتية القيادة، خصوصًا في تحسين وظائف مثل: - تجنب الحوادث (Crash Avoidance) - التخطيط للمسار (Path Planning) - الفرملة التلقائية عند الطوارئ (Automatic Emergency Braking) 📌 أبرز ما تناقشناه في الحلقة: - كيف تقنيات الذكاء الاصطناعي وإنترنت الأشياء بتغير قواعد اللعبة في عالم السيارات الحديثة؟ - كيفية بناء أنظمة هجينة مثل SDC-Net و SDC-Net++، واللي بتعتمد على شبكات عصبية متعددة المهام لتوفير استجابات دقيقة للحوادث، وتوصيل البيانات عبر أنظمة المركبات المتصلة (Connected Vehicles). - أهمية محاكاة القيادة باستخدام أدوات مثل CARLA Simulator لتطوير بيانات دقيقة لأنظمة القيادة ذاتية التحكم. حلقة استثنائية لكل المهتمين بمجالات التكنولوجيا، الذكاء الاصطناعي، وإنترنت الأشياء! 🔥 📌 شوف الحلقة دلوقتي، ولا تنسَ تعمل لايك وشير عشان تعم الفائدة!

استضفنا في الحلقة دي المهندس المبدع عمر خالد Omar Khaled، الخبير في مجال اختبار البرمجيات (Software Testing) وأتمتة الاختبارات (Automation Testing)! 🤖💻 عمر شاركنا خبراته العملية في المجال، واتكلمنا عن مستقبل عالم اختبار البرمجيات مع التطور الكبير في تقنيات الأتمتة. 🚀 اتعرفنا على: الفرق بين الاختبار اليدوي (Manual Testing) والاختبار المؤتمت (Automated Testing). - كيف ممكن تبدأ رحلتك المهنية في المجال وتطور مهاراتك لتواكب سوق العمل. - التحديات اللي بتواجه مهندسي اختبار البرمجيات ودورهم المهم في تحسين جودة المنتجات التقنية. - حلقة شيّقة ومليانة معلومات مفيدة لأي حد مهتم بعالم البرمجة والجودة أو حابب يتخصص في مجال الاختبارات. 🎯 📌 شوف الحلقة دلوقتي، وما تنساش تعمل لايك وشير مع أصحابك عشان تعم الفائدة!

استضفنا المهندس المبدع محمد مجدي أبومسلم Mohamed Magdy AbuMuslim الخبير في مجال الأمن السيبراني (CyberSecurity)! 💻🛡️ محمد اشتغل في شركات عالمية زي PwC وMicrosoft، وكمان أسس أول فريق Offensive Security في مايكروسوفت مصر! 🚀 في الحلقة دي، غطينا مواضيع شيّقة ومهمة جدًا عن عالم الهاكنج وتأمين معلوماتك الشخصية في زمن السرقات الرقمية. مش بس كده، اتكلمنا عن إزاي تبدأ رحلتك في المجال ده ونمط الحياة اللي ممكن تتوقعه كمهندس أمن سيبراني. حلقة أساسية لأي حد مهتم بالمجال أو بيفكر يدخل فيه. وكمان هتفهم إزاي تأمن نفسك وتحمي معلوماتك من الهاكرز. 🔒 📌 شوف الحلقة دلوقتي، ومتنساش تعمل لايك وشير مع صحابك عشان الفايدة تعم!

ضيف الحلقة هو لؤي علي، اللي كان شغال كـ Lead Product Manager في واحدة من أنجح الشركات الناشئة في الشرق الأوسط Rabbit، واللي بتوصل السوبرماركت والطلبات المنزلية في 20 دقيقة! 🚀 لؤي حكالنا عن رحلته من أول يوم في الشركة، وازاي ساهم بدوره في إدارة المنتجات في بناء تجربة مختلفة تمامًا للعملاء، وحققوا إنجاز يعتبر الأول من نوعه في المنطقة. اتكلمنا كمان عن التحديات اللي قابلها، والقرارات اللي غيرت شكل الشركة، وأسرار النجاح في سوق كله منافسة. بودكاست خفيف ومليان حكايات عن النجاح في الشركات الناشئة وأفكار لأي حد مهتم بريادة الأعمال أو تطوير المنتجات. 💡 اتفرج على الحلقة ومتنساش تعمل لايك وشير مع صحابك! ✌️

ضيف الحلقة هو المهندس / محمود الرفاعي المتخصص في تطوير تطبيقات ال3D .. والذي يعتبر من اغرب التخصصات والنادر السماع عنه انهاردة. اتكلمنا عن بداية رحلته في تطوير تطبيقات الفلاش (كان مشهور زمان العاب الفلاش كلنا كنا بنلعبها) .. وهو يعتبر من أول المبرمجين في مصر اللي بدأوا في التخصص ده .. واستكمال رحلته لكيف اصبح اليوم Lead 3D Software Developer .. بودكاست شيق وممتع وبيفتح آفاق جديدة تستدعي التفكير .. شوفوا الحلقة ومتنسوش تعملوا لايك للحلقة وشير مع صحابكم. ✌️🚀

ضيف الحلقة هو المهندس / وليد عبد الحميد - مدير تطوير البرمجيات في شركة FlairsTech التي تضم أكثر من 1300 موظف عبر 5 مكاتب حول العالم. تناقشنا في الحلقة عن كيفية إدارة فريق تقني بحجم 300 مبرمج بنجاح داخل شركة عالمية بهذا الحجم، وتحدثنا عن التحديات اليومية التي تواجه مدراء البرمجيات في قيادة فرق ضخمة، مع تسليط الضوء على أهمية القيادة الفعّالة في تحقيق أهداف الشركة. ناقشنا أيضًا كيفية بناء ثقافة عمل إيجابية، وإدارة المشاريع بطريقة مرنة تتماشى مع متطلبات السوق، وأهمية تطوير مهارات الفريق بشكل مستمر. لو انت شغال في مجال البرمجة أو عاوز تطور مهاراتك في القيادة، الحلقة دي مليانة نصايح ودروس مهمة هتساعدك تفهم التحديات وتعرف إزاي تتعامل معاها بسهولة. شوفوا الحلقة، واستفيدوا من خبرات وليد، ومتنسوش تعملوا شير مع زملائكم المهتمين بالمجال ✌️🚀

ضيف الحلقة هو الأستاذ الدكتور / أحمد النجار - رئيس قسم علوم الحاسب في كلية حاسبات والذكاء الأصطناعي جامعة بني سويف. تحدثنا عن تحديات التعليم الجامعي .. واسباب شكوى بعض الطلاب انه مش قادر يتواكب مع تحديات كلية حاسبات واو انه مش بيحصل على معلومات بشكل وافي من اعضاء هيئة التدريس .. طرحنا المواضيع من جميع الابعاد بالمشاكل الشائعة والحلول المترتب على الطالب عملها وعلى أعضاء هيئة التدريس في الجامعات المختلفة. ناقشنا البرامج التدريبية العملية التي قدمها في الكلية عندهم وكيف اسهمت في تغيير طريقة تفكير الطلاب. في اعتقادي هذا فيديو مهم جداً لاي بيدرس في الكلية او اتخرج حديثاً عشان يتعلم ازاي يفكر في المجال ويفهم التحديات المختلفة .. والفجوة بين الكلية وسوق العمل من حيث المسؤولية المتوقعة على الطالب اتجاه تخرجه لسوق العمل. شوفوا الحلقة ومتنسوش تعملوا شير مع صحابكم ✌️🚀

ضيف الحلقة هو المهندس / محمد رجب ...مدير تقنية المعلومات في شركة OnCare المتخصصة في الانظمة الطبية التي تساعد في تحسين الخدمة الطبية للمرضى وربط الخدمة الطبية بين المستشفيات والمؤسسات الطبية والمريض. شارك معنا تجربته الصعبة التي بدأت رحلته في التخصص في هذه الأنظمة التي تخدم هدف انساني نبيل.

ضيف الحلقة هو المهندس / شادي عبدالعزيز ... خبير في الأنظمة العملاقة واشتغل مع شركات في ألمانيا .. تحدثنا عن تقنيات مختلفة بتفضلها الشركات الكبيرة في المشاريع الكبيرة مثل الJava .. وكيف تقارن بتقنية مثل الNode.js. شاركنا أيضاً خبراته في العمل مع شركة Siemens ورحلة السفر إلى ألمانيا وتجربته خلال السنوات مع الشركات هناك ونصائح للراغبين في السفر تكون مفيدة لهم.

ضيف الحلقة هو المهندس / محمد عوضين .. الخبير الاستراتيجي في إدارة منتجات السوفتوير او كما تسمى Product Management .. اشتغل مع شركات حول العالم من ضمنهم BMW و Mercedes .. حدثنا عن تخصص الProduct Management وكيف يمكن ان نطور مهاراتنا للدخول في هذا التخصص المميز في مجال البرمجة .. وهو يعتبر مميز لانه يدمج كل الافكار بين التطوير والتصميم والUser Research المتطلبة لنجاح منتجات البرمجيات ..

ضيف الحلقة هو المهندس / أحمد فتحي .. خبرة 18 سنة في مجال هندسة البرمجيات .. وحالياً هو Senior Engineer Manager ومؤسس لشركة المدرسة التي تساهم في تعليم البرمجة. تحاورنا معاه في بداية الكلام حول فيديو أثار جدل ناس كتير وهو "تعلم البرمجة في 4 شهور وتشتغل في مايكروسوفت" .. واتكملنا معاه أكثر في الخبرة العملية التي قدر يحصل عليها للنجاح في إدارة مشروعات كـSenior Manager من شركات عالمية كبيرة اشتغل فيها وكان منهم CrossOver ..

ضيف الحلقة هو المهندس / إسلام المهندس .. خبرة اكتر من 14 سنة في تخصص تطوير الألعاب Game Development. التخصص ده ممتع وطول عمره غامض بالنسبة ليا .. شارك معانا الخبرات اللي مر بها في التخصص والالعاب الناجحة اللي هو بناها .. وكمان اتكلمنا عن تخصص الAR/VR لانه جزء من التخصص ده بيخدم الالعاب .. وهو اسلام عنده شركته الخاصة وهي Alkottab اللي بيخرج منها العاب بتخدم مجالات مختلفة .. وكمان عنده الشركة الجديدة المتخصصة في تطبيقات الAR/VR وهي ParallexVR ..

ضيف الحلقة هو المهندس / عمرو صالح .. خبرة اكتر من 12 سنة في تخصص علوم البيانات Data Science - Data Engineering. جاوبنا على كل الأسئلة المتعلقة بتخصصات ووظائف علوم البيانات .. وهو سافر نيوزلندا واشتغل مع اكبر شركة اتصالات هناك وصمم الانظمة المتعلقة بتحليل البيانات واستخراج المعلومات وانشاء التقارير.

عنده شركته الخاصة Kiwilytics اللي بتقدم خدمات الأنظمة اللي بتخدم التخصص ده .. وأيضاً بيوفر فرص للشباب المتحمس اللي عايز يدخل التخصص ده يتدرب عنده في الشركة يبدأوا من الصفر وممكن ياخدوا الفرصة انهم يشتغلوا على انظمة تعمل في شركات على مستوى العالم. وهو برده بيقدم Roadmap لاي حد حابب يدخل التخصص .. وهو شخص مرح وبشوش وانا سعدت جداً باستضافته وصديق ان شاء الله لسنين قادمة. شوفوا الحلقة ومتنسوش تعملوا شير مع صحابكم ✌️🚀

ضيف الحلقة هو المهندس / يحيى العربي (أنا 😁) .. وبيستضفني صديقي د. أحمد عبدالمنعم (صاحب قناة منعش) لانه من اقرب الناس ليا اللي حضر معايا من البداية وقدر يطلع خبايا وقصص نجاح وفشل مرينا بيها مع بعض 💪

بتكلم عن المهارات المهمة اللي اكتستبها على مدار السنين اللي ساعدتني انجح واوصل بكرم ربنا للمكان اللي وصلتله انهاردة .. وبتكلم عن ازاي بدأ "يحيى تك" وايه الاهداف بتاعتنا ..

ضيف الحلقة هو المهندس / محمد ابو سريع .. من قناة ‪@FathyAndAbusrea‬ من أشهر المبرمجين اللي موجودين على منصات التواصل الإجتماعي واحد من مؤسسين المدرسة المشهورة ب boot camp و تكلمنا عن نشأتها و مساعدتهم لنشر العلم و تعليم الناس .. واتكلمنا عن رحلته في المانيا و الإمارات و سبب الرجوع لمصر ومشواره مع الفرونت اند .. حقيقي شرفنا واتبسطت جدا في البودكاست ده ..❤️

ضيف الحلقة هو المهندس / علي شاهين .. من أشهر المبرمجين العرب المؤثرين على وسائل التواصل الاجتماعي وصاحب شركة IT Legend للخدمات البرمجية والكورسات البرمجية .. ساعد ناس كتير على دخول المجال .. ربنا ينفع بيه ويعينه على استمرار نفع الناس.

ضيف الحلقة هو الأستاذ / أحمد فتحي .. شغال HR آخر 10 سنوات وخبرة متخصصة في تعيين المبرمجين لشركات السوفتوير .. بيشارك معانا المعايير اللي انت لازم تحققها كمبرمج عشان يقبلك في الشركة سواء كنت جونيور او سينيور .. وهو اشتغل في شركات كتير محلية وعالمية فاتعامل مع جنسيات من الشرق والغرب .. وحقق قصة نجاح في التعيين قوية جداً مع شركة من الشركات الصاعدة بقوة في الشرق الأوسط .. حقيقي من الحلقات الخفيفة على القلب وممتعة جداً.

ضيف الحلقة هو المهندس / مؤمن عادل .. اشتغل في واحدة من اكبر شركات التكنولوجيا المالية Fintech وهي شركة فوري .. قعد هناك حوالي 5 سنين مر فيهم بتجارب استفاد منها جداً في مشواره المهني .. واشتغل برده في شركة الأهلي ممكن .. شركة تابعة للبنك الأهلي المصري متخصصة في الخدمات المالية .. شارك معانا في الحلقة ده بعض من التجارب ده .. وانشأ شركته الخاصة مع زملاء ليه من أيام الجامعة وعملوا مشاريع ناجحة في السوق المحلي.

ضيف الحلقة هو المهندس / محمد مخلص والي .. خبير استراتيجي في إدارة شركات البرمجيات للنجاح وتحديداً الشركات الناشئة .. شغال في المجال لأكثر من 15 سنة .. وقضى منهم 11 سنة في ألمانيا 🇩🇪 اشتغل في شركات كبيرة رنانة في أوروبا متخصصة في الE-Commerce زي Zalando وOmio .. واحدة من الشركات اللي ناس كتير في العالم العربي بتستخدم تطبيقاتها هي Delivery Hero وده الشركة الأم لشركة Talabat وHunger Station وFood Panda الرائدين في تقديم خدمة توصيل الطعام إلى المنازل في أوروبا والشرق الأوسط. والنهاردة هو شغال Head Of Engineering في شركة Yassir. 🟣 حقيقي له تجارب وقصص تدل على الخبرة العميقة في المجال وكان بدأ مطور تطبيقات موبيل Mobile App Development .. وبكرم ربنا اتفتحت قدامه فرص قوية جداً في أوروبا للعمل مع شركات رائدة هناك.

ضيف الحلقة هو المهندس مازن رأفت شغال بقاله اكتر ١٠ سنين Software Engineer وعنده خبرة كبيرة فيه الشغل مع شركات الريموت وتحديدا الشركة المشهورة Crossover ... فهو بدأ معاهم من بدري خالص كمبرمج صغير وما شاء الله انهاردة هو معاهم كـChief Software Architect. شارك معانا تجاربه كلها في شغل الريموت والنظام بيمشي ازاي مع شركات الريموت وبكل التفاصيل اللي ممكن تفيدك عن الاتجاه المستقبلي ده. آنا شخصياً استفدت جداً من الكلام معاه رغم اننا صحاب من زمان.

بنتكلم في الحلقة ده عن ازاي مشاريع السوفتوير بيتم ادارتها باستخدام الAgile عشان تقدر انها تنجح وتستمر.

المهندسة منى فوزي شغالة ومتخصصة Agile Coach بتمرن الناس في الشركات على ازاي يستخدموا الAgile ويتعاملوا معاه.

ضيف الحلقة هو المهندس بسام الشرقاوي صاحب شركة Sprints.ai المتخصصة في توفير دورات تدريبية متكاملة في البرمجة بفكر ومنظور حديث يحاكي سوق العمل. دماغه في التفكير عالية وعنده كايرزما قوية بيقدر يعبر عن أفكاره بسلاسة.