Læknavarpið

Lækning í Lágmúla 5 er sérfræðilæknastöð þar sem tólf sérgreinar eru undir sama þaki. Skurðstofan ehf. er í sama húsnæði og starfa einingarnar náið saman. Þeir Gísli Ingvarsson, húð- og kynsjúkdómalæknir og stjórnarformaður Lækningar og dr. Stefán E. Matthíasson, almennur- og æðaskurðlæknir framkvæmdastjóri Skurðstofunnar, mættu í Læknavarpið þar sem Kristborg Bóel Steindórsdóttir ræddi við þá um starfsemina og margt fleira. 

Geðlæknirinn og ljóðskáldið Ferdinand Jónsson er fluttur heim eftir rúmlega 28 ára dvöl í Bretlandi og starfar í dag á geðdeild Landspítalans við Hringbraut. Ferdinand var gestur Læknavarpsins þar sem hann talaði um starf sitt í Lundúnum, eigin veikindi, ljóðlistina og hvernig var að snúa heim á ný.

Jónas A. Aðalsteinsson tók síðastliðið haust við stöðu prófessors við læknadeild Háskóla Íslands og yfirlæknis húð- og kynsjúkdóma á Landspítala. Jónas sérhæfði sig í húðlækningum við University of Connecticut School of Medicine og lauk jafnframt sérnámi í húðmeinafræði frá Mount Sinai í New York. Kristborg Bóel Steindórsdóttir ræddi við Jónas í Læknavarpinu þar sem hann sagði frá námsárunum í Bandaríkjunum, rannsóknum sínum og fyrstu skrefunum í nýju starfi.

Adam Erik Bauer réttarefnafræðingur hefur starfað á rannsóknarstofu lyfja- og eiturefnafræði Háskóla Íslands frá árinu 2018. Þar vinnur hann nú að doktorsverkefni sínu en markmið þess er að skoða leiðir til þess að meta nýjungar og breytingar á íslenskum fíkniefnamarkaði og nota þær upplýsingar í þágu lýðheilsu. 

Alma Glóð Kristbergsdóttir er sérnámsgrunnlæknir á Landspítala. Leið hennar að læknisfræðinni er í senn óhefðbundin og heillandi. Það var undir lok menntaskóla sem hún áttaði sig á því hvert hugurinn stefndi, hana langaði til þess að hjálpa fólki. Það var svo tveggja mánaða dvöl í Kenýa sem veitti henni fullvissu um að stefnan væri rétt. Alma Glóð var gestur Læknavarpsins.

Per mentis er geðlækningastofa sem býður þjónustu í almennum geðlækningum, þar á meðal greiningu og meðhöndlun taugaþroskaraskana á borð við ADHD. Þjónustan er veitt í teymisvinnu geðlækna, hjúkrunarfræðinga og sálfræðinga. Kristófer Sigurðsson, stofnandi Per mentis, er mikill talsmaður teymisvinnu innan heilbrigðiskerfisins. Hann var gestur Læknavarpins og hér að neðan má sjá stutt brot úr því viðtali.

Klíníkin Ármúla er læknamiðstöð þar sem framkvæmdar eru fjölbreyttar aðgerðir, bæði þar sem sjúklingar útskrifast samdægurs og einnig þær sem krefjast innlagnar. Þeir Hjálmar Þorsteinsson, sérfræðingur í bæklunarskurðlækningum, Kristján Skúli Ásgeirsson, sérfræðingur í brjóstaskurðlækningum, og Hrólfur Einarsson, sérfræðingur í svæfinga- og gjörgæslulækningum, komu í Læknavarpið og sögðu frá ferlinu við stofnunina, starfseminni og baráttunni við kerfið.

Bjarni Geir og Guðrún ræða stöðu mála í sérhæfðri offitumeðferð á Reykjalundi.

Steinarr Björnsson, Þórður Ægir Bjarnason og Þórarinn Kristmundsson segja frá vegferð sinni í Læknavarpinu. 

Soffía hefur í starfi sínu greint tíu börn með beinkröm hérlendis og segir að íslensk börn séu almennt ekki að fá nægjanlegt magna D-vítamíns. Hvað er til ráða?

Þær Fehima Líf og Katla Rut komu í Læknavarpið á dögunum og sögðu frá því skemmtilega ævintýri þegar þær og tvær aðrar vinkonur úr menntaskóla komust í topp tíu í Gullegginu með hugmynd sína Vita.

Gunnar Guðmundsson fær sínar bestu vísindahugmyndir á fjöllum.

Sæmundur Rögnvaldsson er nýdoktor og sérnámslæknir í lyflækningum. Hann var valinn Ungur vísindamaður Landspítala vorið 2025 og nú á dögunum fékk hann um 60 milljóna króna rannsóknarstyrk frá World Cancer Research Fund. Styrkur þessi er til þess að rannsaka tengsl næringar og líkamsþyngdar við forstig mergæxlis og þróun þess yfir í mergæxli.

Það er óhætt að segja að Margrét Aðalsteinsdóttir sé flestum læknum kunnug, því hún hefur starfað á skrifstofu Læknafélags Íslands í meira en þrjá áratugi.
Nú stendur Magga Aðal, eins og hún er kölluð af samstarfsfólki sínu, á tímamótum, því um mánaðamótin febrúar/mars hættir hún formlega störfum og fer á eftirlaun.

Halldór Bjarki Einarsson er heila- og taugaskurðlæknir sem starfar við háskólasjúkrahúsið í Álaborg, en hefur frá því í júní tekið að sér afleysingar á Landspítalanum. Nýverið flutti hann erindi um uppgötvun sína á nýju afbrigði heilaæxlis en það var á fundi Félags um innkirtlafræði um sjúkdóma í heiladingli og nýrnahettum, sem haldinn var í sjötta sinn hér á landi í október síðastliðnum.

„Ég vil vera til gagns,“ segir Ásgeir Haraldsson, barna- og ónæmislæknir, og fer yfir ferilinn og stöðu vísinda í Læknavarpinu, hlaðvarpi Læknablaðsins. Síðasti vetur var Barnaspítalanum erfiður vegna streptókokkasýkinga. Hann segir mikilvægt að hafa varann á fyrir veturinn.

Þáttastjórnandi: Gunnhildur Arna Gunnarsdóttir

Stef: Doctor Victor

„Það stríðir gegn öllum mínum prinsippum fyrir íslenskt þjóðfélag að fólk þurfi að borga fyrir bakaðgerðirnar hjá okkur úr eigin vasa,“ segir Hulda Brá Magnadóttir, sem ásamt Guðrúnu Guðmundsdóttur, býður fyrstu skurðaðgerðir við brjósklosi utan Landspítala. Hulda Brá er fyrsta íslenska konan til að útskrifast sem heila- og taugaskurðlæknir. Hún segir frá ferli sínum í Læknavarpinu, hlaðvarpi Læknablaðsins.

„Við megum ekki gleyma að vísindi eru mjög góð fjárfesting,“ segir Sæmundur Rögnvaldsson Ungur vísindamaður Landspítala 2024. Jón Gunnlaugur Jónasson Heiðursvísindamaður Landspítala segir vísindastarf orðið flóknara með árunum. Þeir fara yfir þróunina, bakgrunn sinn, vísindin og markmið í Læknablaðinu, hlaðvarpi Læknablaðsins.

Þáttastjórnandi: Gunnhildur Arna Gunnarsdóttir

Stef:Doctor Victor

„Ég myndi vilja að við gerðum allar nýrnaígræðslur sem sjúklingar okkar þurfa hér á Íslandi,“ segir Jóhann Jónsson læknir í Læknavarpinu, hlaðvarpi Læknablaðsins. Jóhann hefur unnið bróðurpart starfsævinnar í Bandaríkjunum. Hann sleppti aldrei hendinni af Íslandi og vann að því í fríum sínum að koma líffæraígræðslum upp á Landspítala. Rúm 20 ár eru frá fyrstu aðgerðinni þar — sem hann einmitt gerði.

Þáttastjórnandi: Gunnhildur Arna Gunnarsdóttir

Stef:Doctor Victor

Ragna Kristín Guðbrandsdóttirer ung en þó komin á stað sem enginn annar Íslendingur hefur áður náð á hennar aldri. Hún er rétt við það að útskrifast sem læknir aðeins 23 ára gömul. Fædd aldamótaárið og með Íslandsmeistaratitil í klassískum kraftlyftingum. Veikindi föður hennar gáfu henni tilgang og kraft til að verða læknir. Hún fetar í fótspor móður sinnar sem er læknir og er ekki ein um það því yngri bróðir hennar stefnir sömu leið. 

Þáttastjórnandi:Gunnhildur Arna. Stef:Doctor Victor. Bakhjarl: Teva

Við mat á geðrænum veikindum er lykilatriði að gera vandaða geðskoðun. Horfa þarf í útlit, hegðun og hugsun einstaklingsins. Engilbert Sigurðsson, prófessor í geðlæknisfræði og yfirlæknir á Landspítala, Tómas Hrafn Ágústsson, sérnámslæknir í geðlækningum og Magnús Haraldsson, geðlæknir á geðsviði Landspítala, fara klínískt og yfir aðferðafræði við geðskoðun í Læknavarpinu, hlaðvarpi Læknablaðsins.

Þáttastjórnandi: Gunnhildur Arna Gunnarsdóttir. Stef: Doctor Victor. Bakhjarl:Teva

„Aftur til náttúrunnar,“ segir Michael Clausen, barna- og ofnæmislæknir á Landspítala, að sé meginþema í lækningum nútímans. „Lífsstíllinn er lykilatriðið þegar kemur að heilsu,“ segir hann og hvetur fólk til að lifa nær náttúrunni og forðast efni sem trufla líkamsstarfsemina. Ofnæmi fari vaxandi í vestrænum heimi. Michael er gestur Læknavarpsins að þessu sinni.

Þáttastjórnandi: Gunnhildur Arna Gunnarsdóttir. Stef: Doctor Victor. Bakhjarl: Teva

Styrkja þarf utanumhald með konum sem þjást af endómetríósu hér á landi. Þetta segir Hildur Guðjónsdóttir kvensjúkdómalæknir nýkomin frá Svíþjóð þar sem hún vann með öflugu teymi að endómetríósu. Hildur er gestur Læknavarpsins, hlaðvarps Læknablaðsins og fer hún yfir einkenni og meðferð við þessum sjúkdómi sem hrjáir um tíundu hverja konu.

Þáttastjórnandi: Gunnhildur Arna. Stef: Doctor Victor. Bakhjarl: Teva

„Já, þetta er svolítið ég. Ég er svo fljótur að ákveða mig,“ segir Tómas Guðbjartsson hjartaskurðlæknir og lýsir því hvernig hann stökk til Nepal þegar sænskur skurðlæknir leysti hann af á skurðdeildinni. Hann kleif Island Peak, eða Imja Tse-fjallið, 6165 metra hátt, í fjallasal Nepal og nýtti ferðina til góðs. 400 börn hafa nú fengið hlý föt frá Íslandi.

Þáttastjórnandi: Gunnhildur Arna. Stef: Doctor Victor. Bakhjarl: Teva

Ágústa Waage svæfingalæknir hefur nú gengið Kambaslóðina á enda frá Mexíkó til Kanada, 4265 kílómetra. Hún flosnaði upp úr framhaldsskóla á Íslandi, ók trukk fyrir Sameinuðu þjóðirnar í Bosníustríðinu, en lauk svo við lækna- og sérnám í Svíþjóð. Þar starfar hún og sér ekki fram á að koma heim. Ágústa segir söguna í Læknavarpinu.

Þáttastjórnandi: Gunnhildur Arna. Stef: Doctor Victor. Bakhjarl: Teva.

„Stolt,“ segir Sigríður Dóra Magnúsdóttir spurð hvað hún ætli að taka út úr starfi sínu sem forstjóri Heilsugæslu höfuðborgarsvæðisins. „Ég veit þetta verður ekki aðeins dans á rósum, en þetta er gríðarlegt tækifæri,“ segir hún í Læknavarpinu, hlaðvarpi Læknablaðsins, við þessi tímamót.

Þáttastjórnandi: Gunnhildur Arna. Stef: Doctor Victor. Bakhjarl: Teva.

Sigurdís Haraldsdóttir krabbameinslæknir segir okkur frá eftirliti sem hefur verið komið upp á Landspítala með einstaklingum í mikilli hættu á að fá briskrabbamein, því nýjasta í krabbameinslækningum og lífi sínu í Bandaríkjunum í nýjum þætti Læknavarpsins, hlaðvarpi Læknablaðsins.

Þáttastjórnandi: Gunnhildur Arna. Stef: Doctor Victor. Bakhjarl: Teva.

„Ég gerði mér grein fyrir því að þetta væri allt annað starf en það sem ég er að koma úr,“ segir Helgi Hafsteinn Helgason krabbameinslæknir kominn til starfa á Selfossi eftir um 23 ár í Hollandi.

Þrír krabbameinslæknar eru á Heilbrigðisstofnun Suðurlands. Ásamt Helga þeir Hlynur Níels Grímsson og Sigurður Böðvarsson. Gunnhildur Arna ræðir við þá um vöxt stofnunarinnar, áskoranir og tækifæri. Þáttastjórnandi: Gunnhildur Arna. Stef: Doctor Victor. Bakhjarl: Teva.

„Ég þarf ekki að bæta við CV-ið. Það er algjör óþarfi. Það les það enginn lengur,“ segir Sigurður Guðmundsson, smitsjúkdómalæknir og fyrrum landlæknir, í einlægu viðtali við Gunnhildi Örnu í Læknavarpinu – hlaðvarpi Læknablaðsins. Sigurður er á krossgötum, er að ljúka störfum, og gerir upp ferilinn í þessum þætti.

Þáttastjórnandi: Gunnhildur Arna. Stef: Doctor Victor. Bakhjarl: Teva.