戀戀曾文溪-陳雷小說廣播劇

你敢捌想過，這个世間上發生的所有的代誌，究竟是命中注定，抑是巧合拄強的？ 這个問題牽涉著宗教信仰佮理性科學長久以來的爭論，有人相信一切攏是天的安排，嘛有人認定所有代誌攏和物理學的機率有關係。 本集節目，咱就透過陳雷先這篇故事，好好仔來思考這个千百年來猶閣無一个定論的問題！ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

一粒菜粽牽起20冬斷線的記持，伊的阿媽在生的時上愛食廟前這攤菜粽，這項佇伊出國了不時數念的故鄉味，經過20冬後，已經無地揣。聽講賣菜粽彼個甘苦伯就是當年偷偷仔替佇228事件受難的湯德章律師收屍的好心人….. 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

佇股票市場趁著大錢的田僑仔，專工替閉思的查某囝揀1个讀醫學系的家教老師，用懸出行情幾偌倍的薪水佮一間媠噹噹的別莊，想欲涎伊做囝婿，結局？ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

1947年3月，中國軍隊佇基隆港口屠殺民眾，屍體擲入去海裡，血共港口的水染紅，袂輸紅色的牡丹花。 自彼日起，逐年的3月，彼陣冤枉死的學生囡仔攏會轉來港口聽候，聽候有人轉去共in的爸母通知，通知來收屍。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

佇彼个母語受著打壓的年代，台灣本成上濟人講的台語嘛予官方抹烏做粗魯無水準的方言， 受華語教育的少年輩自動切換頻道，台語毋敢傷講，專講北京語，年久月深，煞漸漸袂記得家己的母語，無打緊閣一代傳一代，致使台語面臨消失的危機….. 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

人咧講：有錢無錢，娶一個某好過年！ 對現代人來講，翁仔某會當久久長長、食老相作伴，是人生難得的福報。不過，婚姻若是無感情做基礎，純粹是買賣的姻緣，日子毋但袂久長，恐驚仔錢款款咧人做伊走，結局可能較毋值一隻貓！ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

敢是因為這400冬來一再受外來政權的殖民統治，台灣人無形中養成一種順從的民族性，對無合理、無公平的代誌，失去反抗的能力？ 離開故鄉20冬後的陳雷先轉來台灣，無意中佇一台落南的巴士頂，完成一場使人料想袂到的革命！ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

「愛」佮「恨」之間有時陣干焦隔一條線爾爾。 甚至，世間上有真濟「恨」攏是對「愛」生出來的，今仔日愛甲欲死欲活的人，有可能明仔載就變成萬惡不赦的冤仇人！ 陳雷先這篇偵探故事，描寫對愛變恨的過程，使人刻骨銘心，精彩萬分，值得逐家好好仔來品嘗 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

一蕊一蕊發佇路邊的春仔花，微微仔芳，䆀䆀仔媠，平凡過日子，無欲佮人相爭出頭。 毋過，彼陣人硬欲來𧿬踏，原本好好一蕊花，失去美麗的色澤佮芳氣，變做無魂附體的起siáu花。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

俗語講「千算萬算毋值天一劃」。有時陣，本成該當直行的路雄雄共你轉一個斡，行對予咱想袂到的所在去，親像過站的火車，無法度閣再翻頭。 因為一場意外無緣逗陣的愛人，分開幾十冬後佇車頂重逢，囥佇心內40冬的疑問，總算有機會當面向伊問起…… 使用音樂：My Memory (Paino & Violin Version) 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

這欉大樹，從日本人來到今，經過大砲的轟炸佮機關槍的掃射，猶原好好徛佇遐，繼續發青翠的枝葉，予眾人遮日歇涼。 想袂到，有一工大樹雄雄予人位腰斬齊齊，賰一箍車輪心。上毋甘的是阮阿公，艱苦甲當場死死昏昏去，因為伊佮大樹有一段無人知影的過去。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

生命無價，咱總是會想盡辦法來挽救親人的性命。為著惜伊一口氣無惜代價，甚至家伙開了了嘛無關係。 不而過，咱敢捌想過一件代誌：倒佇眠床頂無才調講話的病人，敢真正會感謝咱？或者是拄好顛倒反咧怨慼咱？ 陳雷先這篇「離手」，會當予咱一个無仝的思考。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

佇這个講究科學的文明時代，猶原有一寡代誌是科學無法度解釋的，譬如超自然的現象。 陳雷先本身是一位醫生，毋過伊捌親身經驗過一層玄奇的怪事，到今猶閣無法度解釋。 這集邀請逐家做伙來欣賞陳雷先這篇西洋的鬼仔古：聖誕節ê數念。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

凡事攏是一體兩面，有好也有bai，若俗語講的：有一好無兩好，有新婦就無牛母。 2个愛釣魚的換帖兄弟，定定釣魚咧比輸贏，這回品好，贏的人去招菜市仔的媠姑娘看戲，結局煞予咱想袂到…… 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

這篇小說的標題真特別，叫做「The Unspeakable」，可能是陳雷先濟濟小說內面唯一1篇用英文號名的小說。 陳雷先講，這件代誌，伊一直揣無適當的字句來表達彼種深甲貼底的驚惶佮恐怖，bô-ta-uâ 只好借用英文標題來代替。 彼種心情，恐驚干焦經驗過白色恐怖的人，才有才調體會！ 本集部分音樂採自YouTube： #‘Gymnopédie No.1’－Erik Satie | 口琴 Harmonica｜Yen-Hua Wang/王衍華 #春之佐保姬/島嶼的歌吹過 #春のさほ姬/Sahohime, goddess of Spring/春之佐保姬 by Uongʉ 'e Yata'uyongana , arr. for guitar by Ahim Tân/陳永鑫 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

兩蔣戒嚴時代，老百姓四常的生活，攏有可能變成抓耙仔眼中的陰謀。「看一个影，生一個囝」抾字紙的是偷偷仔咧收集匪諜傳單，上教堂祈禱的是佮牧師暗中咧勾結，連佇菜市仔食一碗切仔麵嘛會予人掠去刑。 這陣聽起來譀呱呱的代誌，煞是台灣人彼个年代的日常！ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

清國時代，台南學甲有一个人，經營糖廍事業趁足濟錢，變成學甲的第一好額人，後世尊稱伊做｢學甲公」。 一般人可能叫是這个學甲公是對唐山來的漢人，才會遮會曉做生理。其實，學甲公的出身非常特別，伊是台灣土生土長的原住民。 這集節目，咱透過陳雷先的小說，做伙來熟似學甲公傳奇的一生。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

｢喙念經，手摸奶｣，這句話咧供體人講一套，做一套，言行無對同 。 偏偏眾人就是欣賞好喙水，口才愈好，愈受歡迎，袂去計較彼話是真是假，講會到敢做會到，聽了歡喜就好。 莫怪社會上詐騙的代誌遐呢仔濟，因為一般人就是愛聽好聽話！ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

白菜博士的白菜愈種愈媠，阿春的腹肚嘛愈來愈腫；白菜博士錢趁甲油洗洗，阿春的人生煞變做烏白。 台灣上媠的風景是人，上䆀的風景恐驚嘛是人，因為這塊土地有一寡自私ê人，干焦顧家己趁錢無顧別人的性命，予這塊美麗的土地沐著垃圾的坱埃。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

佇彼个股市上萬點、台灣錢淹跤目的年代，社會雖然富裕，毋過嘛有一寡烏暗的代誌位自私的人性生湠出來。 面對利害關係，無論是掠人的匪徒、救命的醫生，抑是食菜的出家人，攏有可能做出無情的代誌，蹧躂這塊土地上水的人情味！ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

台南佳里這个純樸的農村，過去有闊莽莽的甘蔗園，佇台糖五分仔車軁迵甘蔗園khin-khōng走的彼段日子，有一个儼硬閤tīng-tsiⁿ的查某囡仔，因為毋予人做養女，一生的運命就佇火車頂完全改變。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

人講食老「見講講過去，講過隨袂記」，較嚴重的閣會致著老人憨呆症。咱看失智的老人若囡仔，煩惱伊無法度正常生活，出門袂曉欲家己轉來。但是，你敢捌想過失智的人又閣按怎看待咱leh？ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

一个佇高雄大崗山砲兵部隊服役的阿兵哥，有一工坐野雞仔車經過台南的時，竟然拄著幾冬前佇夢中出現的查某囡仔；閣較玄奇的是，這个夢中查某囡仔竟然也會認得伊！？ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

查埔e讀台南一中，查某e讀台南女中，兩人相戀幾偌冬，想袂到對台大畢業彼年，查埔e煞來變心佮別人結婚，查某e凝心，嫁予一个伊無愛的好額同學，過彼富裕但是無心魂的日子。 30冬後，這對無緣鴛鴦佇大學同窗會相逢，查某e又閣揣著失去真久的心魂，做出一个予人料想袂到的決定，因為伊是熱人上sua尾的玫瑰。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

傳統社會，翁仔某冤家是人兜的家內事，外口人袂插得，所以只好用｢驚某大丈夫，拍某豬狗牛」來對查埔人做道德勸說，嘛加減安慰受害的查某人。 總是，這馬家暴的查埔人會受著法律的制裁，拍某這種代誌佇咱這陣的民主時代，已經加足少矣。所以翻頭來看這篇故事的時，一方面慶幸咱的國家進步，某毋免閣驚予翁拍；另外一方面，咱嘛會當智覺著一个道理，來實現台灣真正的公平正義。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

你敢有想過，你的退休生活欲按怎過？ 一位認真教冊30冬、真受家長肯定的國校老師， 伊退休了毋是綴人去環遊世界，嘛毋是四界去peh山𨑨迌， 顛倒是去卯一个無人欲做的穡頭，舞甲身體重耽去蹛院。 伊為啥物無欲享福煞去夯這个枷？ 聽完陳雷先這篇｢素花老師｣你就知影其中的緣故。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

咱台灣歷史第2久的台南市立圖書館，是日本時代1919年9月13創立，到這個月已經滿104歲矣。 只是，圖書館原本是咱擴充知識、追求學問的文化場所，想袂到這間圖書館過去捌偷藏一个恐怖的秘密！ 這集節目，咱就透過陳雷先ê小說來解密圖書館彼段烏暗的歷史。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

正常來講，無人佮意輸的感覺，人人攏想欲贏 ─ 拍球袂當輸，相諍一定愛贏；跋筊閣較免講，為著欲贏，啥物齣頭就變(pìnn)會出來，親像選舉！ 但是萬一若輸，付出的代價可能真大，甚至會｢操家滅族｣。 這集節目咱欲來探究這件因為跋輸筊引起的滅門命案。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

新聞報講，今年5月，二次大戰期間被強迫去前線服務日本兵的上尾一个台灣慰安婦阿媽，等袂著日本政府的道歉，恬恬離開人間。 這幾十冬來一直有人呼籲台灣人袂當予這段歷史消失，愛持續要求日本政府對所有的慰安婦佮in的家屬賠償、會失禮。 只是，戰後仝款佇軍中設妓女戶服務國軍的國民黨政府，煞毋捌聽著當年予人拐騙抑是強逼去831出賣肉體的的受害者佮家屬出來抗議。 兩蔣時代的軍中樂園，是用偌濟台灣婦女的目屎換來的？今仔日咱欲透過陳雷先e這篇〈失樂園〉，𤆬逐家來瞭解彼段被人選擇性遺忘的歷史。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

這幾冬有一句咧呵咾台灣的流行語，講：｢台灣上媠ê的風景是人」 確實有影，咱會當位真濟古早風俗發現，台灣自古就是一个足有人情味的社會，譬如｢貺餅」這个古早禮，到今猶原普遍存在佇台灣社會。 佇這个農曆7月，咱嘛欲來分享一篇陳雷先e寫的鬼仔古，順紲深入來了解｢貺餅」這个傳統的風俗。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

台灣人注重傳宗接代，講｢好歹粿愛會甜，好歹查某愛會生」。 佇傳統社會，新婦娶入門，上重要的任務就是生湠後代，有人甚至共規个家族的興旺，寄託佇未出世的囡仔身上，造成一寡予人料想袂到的結局。 這集節目，咱做伙來思考龍年生龍囝這層代誌。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

俗語講：｢查埔輸筊會起痟，查某輸筊會做婊」，偏偏世間上就是有人想欲靠博筊翻身，甘願為錢賭性命，舞甲弄家散宅，甚至家破人亡。 不過，陳雷先e有一篇小說，標題號做｢跋筊出頭天」，敢講真正親像人咧供體的，｢無博袂出名，愛博才會贏」？咱做伙共故事聽落去，你就知影！ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

相信大部分的人攏會數念囡仔時代的生活，可能是因為彼是人生上無煩無腦的一段日子，尤其佇過去彼个人佮大自然猶閣足親近的年代，真濟以早的囡仔耍佮做伙𨑨迌的同伴，攏成做大漢以後上難忘的記持。只是，當年鬥陣𨑨迌的囡仔伴是毌是佮咱有仝款的心晟，彼就真歹講矣。今仔日咱欲綴陳雷先的這篇草地揣牛，轉去伊懷念的故鄉走揣伊日思夜夢的囝仔時代的記持。 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

你敢捌聽過關廟腔？過去的關廟人、歸仁人講話有一个特殊的腔口，佇陳雷e小說內面有特別用羅馬字記錄落來。咱陳雷小說廣播劇第1集就欲予逐家來聽看覓--a，關廟腔的氣口是生做啥款！ 觀看劇本版 戀戀曾文溪官網 戀戀曾文溪FB粉專 戀戀曾文溪IG 聽節目抽小說 #文化部影視及流行音樂產業局 補助 #網路版剔除多數音樂歌曲，完整版請於每週日上午10點、晚上9點收聽曾文溪電台FM89.9

本系列節目是戀戀曾文溪-台語文學廣播劇第2季：陳雷小說廣播劇 2023年7月30日起，曾文溪廣播電台FM89.9每週日上午10:00-11:00首播、晚上9:00-10:00重播 2023年8月30日起，Podcast 每週三上架，歡迎喜愛台語文學廣播劇的朋友訂閱收聽！