Ahlan - أهلًا

في الحلقة دي بنتعرف أكتر على د. عادل نصحي، خادم كلمة ومعلم للإنجيل في مختلف كنائس العالم، وصاحب أهم الأصوات في الوجدان المسيحي، وباركنا بتسجيل الكتاب المقدس المسموع كاملًا، وبرنامج الخبز اليومي لسنين عديدة ..
بيشارك معانا مشواره مع الرب واختباره في الإيمان، وبيتكلم معانا بالتفصيل رحلة تسجيل الكتاب المقدس المسموع خلال ١٥ سنة، ودعوة الرب ليه للتفرغ للخدمة بعد سنين في العمل الوظيفي.

في الحلقة دي بنتعرف أكتر على مودي محروس، مرنم وقائد تسبيح في الكنيسة الإنجيلية بقصر الدوبارة، ومن قادة الخدمة بالرياضة، ربنا بيستخدمه في تلمذة الشباب وخدمة حياتهم وقيادة شعب الرب في الدخول لمحضره بالتسبيح والعبادة..

بيتكلم معانا علاقته بوالده وتأثيره في إدراك أبوة الله، وعن أكتر السمات الشخصية اللي كانت محتاجة شغل إلهي، وكمان أكتر الأوقات الصعبة اللي الرب استخدمها في تشكيله الشخصي، ومنها الخدمة العسكرية وانتقال مرشده الروحي.

في الحلقة دي بنتعرف أكتر على رنده عريضة، مرنمة أردنية الأصل خدمت بالتسبيح من صغرها، ابتدت في فريق ألحان الرجاء ولما انتقلت للعيش في مصر خدمت في فريق الحياة الأفضل بالترنيم وقيادة التسبيح والمشاركة بالتأملات الروحية المؤثرة..

بتشاركنا بأهم الاختبارات من طفولتها وشبابها، مرورًا بأصعب الأيام اللي استخدمها الرب في تشكيلها ومنها سلسلة من فقد الحبايب، وبتكلمنا كمان عن ارتباطها بماجد عادل وتأثيره عليها.

في الحلقة دي بنتعرف أكتر على فيليب بشاي، خادم ومعلم لكلمة الله، من مواليد محافظة أسيوط وهناك ابتدا شغله وخدمته. واتحرك خدم سنين في محافظة الغردقة، وبعدها في دولة الكويت..

بيحكي معانا بدايات اهتمامه بالكتاب المقدس وبالتفسير والتأمل فيها، وأهمية التواجد مع كنيسة محلية وجسد روحي، وأصعب الأوقات اللي مرت عليه وكان ليها دور في تشكيله الشخصي.

في الحلقة دي بنتعرف أكتر على إيهاب فاروق، خادم أطفال وكاتب وملحن العديد من ترانيم الأطفال في مطلع الألفية الجديدة زي طول ما الشمس، الرب معايا أنا مش قلقان، رجلك اليمين، أنا سامع مزيكا حلوة وغيرها، في ألبومات "توني وتمبل"، وهو كمان مؤسس فريق السفراء للترانيم ..بيتكلم معانا عن نشأته وطفولته في بيت مؤمن ومدارس أحد جمعية خلاص النفوس شبرا، وتأثير المجتمعات دي في تشكيل شخصيته الروحية، وشغفه للتسبيح والموسيقى وخدمة الرب وسط الأطفال.

في الحلقة دي بنتعرف أكتر على أنكل توفيق جورج، مبدع وخادم حقيقي الرب استخدمه في مشاريع كتيرة زي بيت لليان تراشر بأسيوط ومجلة هو وهي ومشروع فكر واعمل وبيت الواحة بالوادي، وغيرها..

بيشاركنا مفاتيح نجاح حياته الروحية والزمنية، وأهم المحاور اللي بيرتكز عليها تشكيل ربنا طول ال٩٠ سنة اللي فاتوا، وتعريفه للتحديات وكلمة المستحيل وازاي بالحرفة والأعمال البسيطة ساعد شباب وأسر كتيرة.

في الحلقة دي بنتعرف أكتر على ق. ناشد غالي، راعي الكنيسة الرسولية بالشرابية. خادم وواعظ ليه تأثير واسع وسط الكنيسة العربية، لأنه بيتميز بالبساطة اللغوية والعمق الكتابي اللي بيخليه قادر يوصل لكل الفئات الاجتماعية والعمرية..بيفتح قلبه لينا في الحلقة دي عن طاعته لصوت الرب وخطته لحياته، وبدايات التشكيل الإلهي من طفولته حتى الجامعة في أسيوط، والتحديات اللي قابلها في التفرغ للخدمة بعد موسم من النجاح المهني.

في الحلقة دي بنتعرف أكتر على آن ألفريد، مرنمة كتبت ولحنت عدد من ترانيم الشباب، واتميزت بموهبتها الواضحة في التمثيل وكتابة الدراما..

بتشارك معانا تأثير الأسرة والوالدين في تشكيل حياتها الروحية وتطوير مواهبها، وبتكلمنا عن فصل مؤلم في حياتها وهو مرض السرطان وكواليس الوقت الصعب ده في حياتها.

في الحلقة دي بنتعرف أكتر على محب صفا، موزِّع موسيقى وأصوات ومرنم وملحن ومهندس صوت وقائد فريق التسبيح بالكنيسة الإنجيلية عين شمس ومن الموسيقيين اللي ليهم تاريخ منوَّر وبصمة واضحة ولون مميَّز وتأثير كبير في الإنتاج الموسيقي للترانيم المسيحية .. بيتكلم معانا عن تحدياته الشخصية وإيمانه، وتأثير والده في حياته، وبيشاركنا بأحلامه في الخدمة وعمل الله في الكنيسة.

في الحلقة دي بنتعرف أكتر على عصام خليل، خادم شباب في كنايس الإخوة وخدم أجيال كتيرة طول سنين عديدة فاتت، والرب شجعه في تأسيس مجلة نحو الهدف للشباب وبرنامج فاحصين الكتب لدراسة الكتاب المقدس ومؤتمرات بصمة لشباب ثانوي وجامعة ..بيتكلم معانا عن علاقته بأسرته وبالأخص والدته وتأثيرها القوي عليه، وعن تحدياته الشخصية وهو في مرحلة الشباب وكمان في خدمته مع الشباب لاحقًا واختلاف الأجيال وازاي اشتغل على تطوير نفسه مهاريًا وروحيًا، وبيشاركنا عن مرحلة تفرغه للخدمة وأبرز الشخصيات المؤثرة في حياته

في الحلقة دي بنتعرف أكتر على د. حليم حسب الله، طبيب بيطري سابقًا وخادم متفرغ للرب وكارز مشتعل بالنفوس ..

بيتكلم معانا عن تأثير الأسرة على شخصيته، وبيتكلم عن تدرج إتساع دواير تأثيره مع خروجه من القرية للمدينة، واختبارات روحية مع الله في وقت عمله الوظيفي، وثم تحديات التفرغ للخدمة، وبيشاركنا بالجانب الإنساني ليه كزوج وكأب

في الحلقة دي بنتعرف أكتر على ق. عاطف سامي، راعي في الكنيسة الإنجيلية بقصر الدوبارة، وربنا استخدمه في زرع خدمات في الكنيسة المحلية وبداية مشاريع روحية كبرى ..

بيشاركنا بخبرته الروحية الكبيرة في مساعدة أجيال وتسليمهم مسؤوليات الكنيسة، وبيحكي لنا عن طفولته وتأثير جده برنابانوس وعيلته في تشكيل وعيه وشخصيته، وكمان مشواره مع سلوى شريكة حياته وانتقالها للسما

في الحلقة دي بنتعرف أكتر على أكرم حليم، مرنم وقائد تسبيح وعنده مواهب كتيرة زي التمثيل والدوبلاج ..

بيشاركنا بطفولته وعلاقته بأسرته وتأثيرها على شخصيته، وخدمته مع الأطفال بطرق مبتكرة، وبداية خدمته في التسبيح مع فريق الحياة الأفضل، وإزاي بيشوف تحديات الخدمة في الجيل ده

في الحلقة دي بنتعرف أكتر على ثامار زنانيري، مرنمة أردنية وقائدة تسبيح وكتبت ولحنت ترانيم كتيرة باللهجة الأردنية ..

بتتكلم معانا طفولتها ونشأتها وبدايات خدمتها بالتسبيح وازاي اتشجعت في كتابة ترانيمها بلغتها وطريقتها الخاصة، وبنشوف التحديات اللي قابلتها في مشوارها مع الرب من نفسها والمجتمع

في الحلقة دي بنتعرف أكتر على بيبو مشرقي، قائد تسبيح في الكنيسة الإنجيلية بقصر الدوبارة، ومن الخدام اللي على قلبهم من سنين يشجع المسبحين وشعب الرب على الوقوف قدام الرب ويقدموا ذبيحة تسبيح وصلوات طول الوقت ..

بيتكلم معانا عن بداياته وتأثير جده عليه وازاي اتعامل مع أوقات الفقد المتكررة في حياته، وكمان بيتكلم عن بدايات تلحين الكلمة وولادة بيت الصلاة في مصر

في الحلقة دي بنتعرف أكتر على مايسترو ناير ناجي، القائد الأساسي لأوركسترا مكتبة الإسكندرية والمدير الفني السابق لأوركسترا الأوبرا المصرية والمؤسس والمدير الفني لكورال القاهرة الاحتفالي ..

بيتكلم معانا بحرية عن تجربته المهنية بكل أطوارها، وإزاي بيعيش ابن الله في العالم، وبيحكي عن نشأته في الإسكندرية وقيادة فريق البشارة للترنيم، ومشواره مع شريكة حياته دينا إسكندر

في الحلقة دي بنتعرف أكتر على فيليب ويصا، قائد تسبيح وربنا استخدمه في ترجمة ترانيم تعبدية تساعد شعب الله في الدخول لمحضره بالتعبد والسجود ..

بيشهد عن أمانة ربنا معاه، وعن دعوته في خدمة التسبيح وكمان إزاي ربنا بيقوده في إنه يكون نور في المجال المهني في العالم بكل الطرق والأشكال، حكى لينا عن طفولته وازاي اتقابل مع الرب والتحديات اللي واحهها

في الحلقة دي بنتعرف أكتر على هرماس سمير، قائد تسبيح من عشرات السنوات، وكتب ولحن مئات الترانيم اللي استخدمها الرب على لسان شعبه في كل مكان للتسبيح والدخول محضره ..

بيتكلم معانا عن بداياته مع الرب وازاي اتعلم العود والترنيم، ورؤيته في التسبيح والعبادة الحية في الكنيسة، وبدايات خدمة خيمة التسبيح وأشواق قلبه ناحية شعب الله

في الحلقة دي بنتعرف أكتر على سعيد رمضان، مرنم وكاتب وملحن لعديد من الترانيم المؤثرة والمنتشرة بين الكنايس العربية، وليها طابع شرقي بسيط ..

بيتكلم معانا عن نشأته وطفولته وبدايات خدمته، وأكتر المواقف المؤلمة اللي قابلته في المشوار وطلع منها اختبارات روحية لتشكيل حياته

في الحلقة دي بنتعرف أكتر على ليديا شديد، مرنمة لبنانية وخادمة للرب في أماكن كتيرة ..

بتشارك معانا عن سكة تجهيز ربنا لموهبتها وشخصيتها من الطفولة لغاية اليوم، وأصعب الأوقات اللي عدت بيها، وكمان تاريخ استخدام الرب ليها في خدمة الترانيم

في الحلقة دي بنتعرف أكتر على ق. يوسف سمير، راعي الكنيسة الإنجيلية بمصر الجديدة وواعظ ومرنم ومسئول عن عمل روحي بنطاق واسع في مصر ..

بيتكلم معانا عن مشوار التشكيل الإلهي في تجهيز إناءه لخدمة السيد، من مراحل الطفولة وإلتحاقه بكلية اللاهوت ودعوته للخدمة والتحديات اللي بيواجهها

في الحلقة دي بنتعرف أكتر على يوسف ناثان، معلم ودارس في كلمة الله، والمسؤول عن كتاب الخلفيات التوضيحية للكتاب المقدس وغيرها من البرامج الدراسية

بيتكلم معانا عن المحطات وأهم الأشخاص اللي كان ليهم تأثير ودور في تشكيل وعيه وشخصيته، وعن تحديات الخدمة اللي واجهته علشان يحقق رؤيته

في الحلقة دي بنتعرف أكتر على إسحاق كرمي، قائد تسبيح وعنده رؤية في قيادة شعب الرب في التلمذة وطلب وجه الله في الكنيسة ..

بيتكلم معانا عن نشأته في كنيسة الإيمان ڤيكتوريا، وازاي اتقابل مع ربنا بعد تحديات روحية وصحية، وعلاقته بأسرته اللي كلها مواهب بتمجد الله

في الحلقة دي بنتعرف أكتر على بولس بشرى، مؤسس وقائد فريق التسبيح في مصر من سنة ١٩٧٩، وملحن العديد من آيات المزامير ورنمتها كل الكنايس ..

بيكلمنا عن نشأته وسبب حبه لكلمة ربنا والتسبيح لأسماء الله، ورحلة تأسيس فريق التسبيح والتحديات اللي واجهها كقائد في الخدمة

في الحلقة دي بنتعرف أكتر على منال سمير، مرنمة وكاتبة ترانيم وملحنة للأطفال والكبار، ومن علامات فريق الحياة الأفضل وليها تاريخ كبير وتأثير واضح في الترنيمة العربية ..

بتتكلم معانا عن نشأتها وبدايات كتابة الترانيم ورؤيتها في خدمة الأطفال، وكمان وقت الهجرة مع زوجها خارج مصر وازاي ربنا شكل حياتها في الأوقات الصعبة دي.

في الحلقة دي بنتعرف أكتر على ماهر فايز، مرنم وكاتب وملحن لترانيم مصرية مؤثرة، وقائد لحركة وفريق الكاروز للترنيم ..

هايتكلم معانا عن أوقات التأهيل الروحي وفترات الإماتة عن الذات، في دواير الخدمة الكنسية والعلاقات وبداياته في التسبيح. وكمان أفكاره عن الأبوة الروحية، وتطور شكل التكريس عبر الأجيال، والتحديات اللي بيقابلها في نفسه وفي العالم الخارجي.

في الحلقة دي بنتعرف أكتر على جمال المطيعي، أو أنكل چيمي اللي خدم سنوات طويلة آلاف الشباب في بيت السلام بالعجمي ..هايتكلم معانا عن دعوة الرب ليه في خدمة الموائد، وازاي ربنا جهز شخصيته للمهمة دي، والتحديات اللي قابلها مع أسرته علشان يسيب الشغل والقاهرة ويخدم الرب في العجمي

في الحلقة دي بنتعرف أكتر على نانسي فلتس، مرنمة بصوت مميز من زمان وترجمت عشرات الترانيم المهمة في كنايسنا العربية، وكمان الرب بيستخدمها في الكتابة وتدوين التأملات المشجعة ..

هاتتكلم معانا عن التحديات اللي قابلتها ورا بعض وازاي ربنا شكِّل فيها عن طريق علاقتها بشخصية الأب ومرض الأم وانتقال أهل جوزها والتعلق بأولادها وكمان ظروفها الصحية المفاجئة

في الحلقة دي بنتعرف أكتر على مفدي موسى، مرسل لسنوات طويلة في الحقول الأفريقية وبيتلمذ آلاف من المرسلين المحليين في بلادهم ..

هايتكلم معانا عند تحديات الخدمة، ومراحل تطورها معاه من أيام نشأته وشبابه وحتى يومنا هذا

في الحلقة دي بنتعرف أكتر على كيرلس مجدي، مرنم وعازف عود ومن قادة التسبيح في الكنيسة الانجيلية بقصر الدوبارة ..

هايفتح لنا قلبه ويتكلم عن الأوقات الصعبة اللي عدى بيها علشان يعرف خطة ربنا لحياته وشغله وخدمته

في الحلقة دي بنتعرف أكتر على ناصف صبحي، مرنم وكاتب وملحن ترانيم أطفال وكبار وليه بصمة كبيرة وتأثير مهم في تاريخ الترنيمة المصرية ..

هايتكلم معانا عن مرحلة انتقاله للقاهرة وبداية موسم الشغل كرجل أعمال ناجح، وازاي بعد كده ربنا دعاه للتفرغ للخدمة

في الحلقة دي بنتعرف أكتر على نادرة نبيل، مرنمة ومن قادة التسبيح في كنيسة قصر الدوبارة ..

هاتتكلم معانا عن محطات التشكيل المؤلمة اللي عدت بيها، زي انتقال زوجها المفاجئ ووالدها وكمان اختبارها مع مرض السرطان كذا مرة

في الحلقة دي بنتعرف أكتر على بهجت عدلي، مرنم وكاتب وملحن ترانيم كتيرة في اجتماعات كنايسنا ..

هايتكلم معانا عن نشأته وحبه للترانيم ومخاوفه وأفكاره عن الخدمة وازاي ربنا اشتغل في حياته عن طريق ناس تانية

في الحلقة دي جبت أصحابي فام وجون ..

يعني قطبي الصعيد أسيوط والمنيا، وهاندردش في أفكار عن التأثير والقدوة، ويعني إيه أكون مسئول عن اللي باعيشه واللي باقوله

في الحلقة دي بنتعرف أكتر على كيرو عياد ..

مشوار مليان تشكيل ومذاكرة واجتهاد في معرفة ربنا في كتابه وحقه، وبنشوف ازاي اتعرف على الرب بطريقة مش تقليدية ..

وبنشوف أحلامه للشباب، وكمان مخاوفه وتحدياته اليومية

في الحلقة دي جبت أصحابي شادي وبرتو ..هانتكلم عن المواسم المختلفة اللي بتيجي بمفاجآت مش متوقعة، وبتكون إيه ردود أفعالنا قدام أمواج التغييرات والصدمات اللي بتخبط في وشنا من غير مقدمات

في الحلقة دي بنتعرف أكتر على وفيق رمزي ..

خادم للرب وسط أجيال كتيرة، وبنشوف تأثير والده عليه في طفولته في تكوين شخصيته ونشأة أفكاره الروحية ..

وبنعرف إزاي حصلت النقلة من مدرس ناجح لخادم للإنجيل

في الحلقة دي بنتعرف أكتر على مدحت صبري ..

خادم أطفال مبدع وصاحب بدايات لرؤى وخدمات للأطفال من زمان

هايحكي لنا عن طفولته وبداياته مع الرب، وحكايات مثيرة في شغله

وبنشوف ازاي ابتدا خدمته، وازاي ابتدا عم كمبش وغيره من الشخصيات

في الحلقة دي جبت أصحابي أندرو وريم ..

هانتكلم عن ذكرياتنا مع مواهبنا، ويعني إيه شغف وإننا نحب الحاجة حاسسين ناحيتها بإنجذاب ..

وياترى خدمة ربنا شغف والا ضرورة!؟

في الحلقة دي بنتعرف أكتر على بيشوي فيليب ..

خادم وسط الشباب وقائد تسبيح

وعنده اختبار تغيير مختلف، وإزاي ارتبط بشريكة حياته واتفرغ للخدمة ومحطات عميقة في حياته

في الحلقة دي بنتعرف أكتر على مينا جميل ..

مرنم وكاتب وملحن لترانيم مؤثرة كتيرة ..

وبنكتشف إزاي إيد ربنا شكلته في شغله ومع أسرته، وعلاقته بالأب والأم، ومحبته للخدمة والتسبيح

في الحلقة دي بنعرف إيه اللي حصل في يوم الخميس ١٢ مايو ٢٠٢٢ مع أندرو بهير ..

لما اتعرض لحادث ودخل في غيبوبة طويلة، والرب اتدخل بمعجزة

هانشوف إزاي اليوم ده فرق في حياة أندرو والناس اللي حواليه

في الحلقة دي بنعرف إيه اللي حصل في يوم الأربعاء ١ مارس ٢٠٢٣ مع دانيال نادر ..

لما شريكة حياته راحت السما بعد صراع ٣ سنين مع المرض، وبنشوف معاملات ربنا معاهم في الفترة دي وبعدها كمان

في الحلقة دي بنتعرف أكتر على مينا عوني ..

وبنشوف تاريخ معاملات الله معاه علشان يجهزه لرؤية كبيرة زي إنه يشوف أجيال من الأطفال بتعبد ربنا وتصلي وتسبحه

في الحلقة دي بنعرف إيه اللي حصل في يوم الجمعة ٢ نوفمبر ٢٠٠٧ مع ساندرا جرجس ..

لما فقدت أسرتها في حادث صعب وهي ٩ سنين، وده فرق في حياتها بعد كده من كل النواحي

في الحلقة دي بنتعرف أكتر على جون مفدي ..

من خدام الشباب في بلادنا العربية، ومرنم وكاتب وملحن ترانيم إنجليزي جميلة

بيحكي لنا عن رحلة التشكيل في سفره وهجرته وتأثير والده على حياته والتحديات اللي شافها في مشواره الروحي

أهلًا بيكم في بودكاست أهلًا ..

البودكاست اللي فيه بنتقابل وبنحكي مع ناس زيينا جايز تعرفهم وجايز لأ ..

بنعرفهم عن قرب وعمق أكتر، ونشوف كواليس تشكيل ربنا في حياتهم علشان يوصلوا للنسخة اللي هما عليها دلوقتي ..

في بودكاست أهلًا .. نتأمل الإناء طور التشكيل

بنتأمل ضعفهم قبل قوتهم ..

بنتأمل حيرتهم قبل حكمتهم ..

بنتأمل فشلهم قبل إنجازاتهم ..

بنتأمل إيد الخالق المبدع في قصتة الفريدة مع كل شخص ..

لو انت لسه بتسمعني، فغالبًا إنت بالك طويل

اسمع بقى التتر ده

في الحلقة دي بنتعرف أكتر على د. زكريا إستاورو ..

من أهم وأبرز الكارزين والخدام في العصر الحالي للكنيسة العربية ..

هانتكلم معاه عن حياته الشخصية، ومراحل تشكيل شخصيته، ونسمع أكتر منه عن إختبارات وقصص وخبرته في الخدمة

في الحلقة دي بنتعرف أكتر على يوسف تيناوي (چو)

خادم وسط الشباب، والرب بيستخدمه من خلال السوشيال ميديا في نشر كلمته ..

هانتكلم عن محطات التشكيل في حياته وشغله وسفره بره مصر سنين وخدمته جوه كنيسته الكاثوليكية

في الحلقة دي بنتعرف أكتر على ماريا ألفونس ..

خادمة للرب وعاشت مرسلة لأكتر من ١٠ سنين في جنوب السودان ..

هانتكلم عن رحلة التشكيل بكل مراحلها، ومشوار التبعية من صغرها ومواضيع تانية زي ارتباطها ورجوعها للخدمة في مصر

في الحلقة دي بنتعرف أكتر على د. باسم رشدي ..

كاتب ترانيم جميلة منتشرة في كنايسنا وخادم لكلمة ربنا ..

هانتكلم عن مراحل صعبة عدت في حياتة فيها ألم وتشكيل ..

وهايتكلم كمان عن تعاملات ربنا معاه في وقت الألم

في الحلقة دي بنتعرف أكتر على ديفيد ويصا ..

خادم ومعلم لكلمة ربنا ..

هانحكي عن السوشيال ميديا وتأثيرها علينا ..

وبنتكلم عن مراحل تشكيل ربنا لحياته زي الأسرة والشغل والكنيسة

في الحلقة دي بنتعرف أكتر على سامي سمير، مرنم وصاحب صوت أيقوني مستحيل تنساه .. وبنتكلم عن محطات في حياته زي الهجرة وبيته وظروف صعبة عدّى بيها