Folk Tales

Atithidevobhav ka sanskaar hum sab main bachpan se paya gaya hain. Mahua ke Ped ki kahani hain aise mukhiya ke baare main jo apne atithi seva ke liye hamesha charcha main rehte. Koi bhi atithi uske dwar se ati prasann ho apne ghar lauta karta. Mukhiya unhe wapas aane ka nimantran bhi dete. Dheere dheere Mukhiya aur uske bete ne jana ki kaise atithi ek hi phal kha kar pareshan ho rahe the. Mukhiya ka beta nikla sanjeevani ki khoj main jo unke atitihiyon ko khush kar, jhoomte huye wapas bheje. Suniye Mahua ka Ped aur janiye rehasya jhoomte atithiyon ka 

Hyderabad ke Nizam Meer Usman Ali Khan ki dariyadali aur kanjoosi ka saar hain ye Folk Tale. Shehar ke pragatisheel karyon ke liye mashoor Nizam chote chote kharchon par ghanto vichar karte the. Jab wo kahi jaate, tohfa lekar nahi jate lekin tohfa lekar wapas zaroor aate. Yun hi Datiya ke Maharaj se unhone datiya ke shudh ghee ke canister mangwaye jo mahino rakhe badboodar ban gaye. Aakhir kaise nijaad mila gaonwalo ko aur unke wazir ko is pareshani se, suniye Ghee Sad Gaya main 

Patni ke jaane ke baad Ramling ne gharelu karyo ko liye Bhanumati ko rakha. Bhanumti gharelu thi lekin bahut hi chatori thi aur khane peene ki cheezein wo jhatpat khatam kar deti. Ramling ko jab tak ye samajh aaya tab tak thodi der ho chuki thi lekin phir whi usne Bhanumati ko chetawani di ki use apni chatori zubaan par niyantran rakhna padega. Lekin aisa hua nahi, aaiye sunte hain kaise Ramling ko kaise chutkara mila Bhanumati se 

Arunachal Pradesh ki prajati Apatani ke mukhiya Donigarth ki putri Tamaang itni rupvati thi ki uska ujala rup dekh log usko surya devta ki putri kehte. Rup aur Gunno ke saath Tamaang ko nritya ka bhi shauk tha. Aise hi ek mele main use prem hua Abutani se aur dono ki Jodi bhi sundar thi lekin Abutani ek garib parrivar se tha. Devpurusho ki anumati, Tamaang ke pita ki teen shartein aur Abutaani ke beech Tamaang kya apne pyar ko pa payegi. Kaun hain pati folk tale main seekhe budhi ke prayog se sabhi samasyaon ka hal paya ja sakta hain 

Pyar ke saamne jap-tap sab pheeke pad jate hain. Folk Tales ke ye kahani hain Taraon aur Nagkanya ke prem ki jeet ki kahani. Ek ziddi manushya raja, ek naglok ka sarp raja, taraon ke machuare ka jaal aur nagkanya ki alokik shaktiyon ke beech aadharit hain ye kahani. Kabhi bhi kisi bhi paristithi main haar na maniye aur aage ki soch apna karm karte rahe, jeet nischit hain. Miliye Naagkanya se aur jaaniye phal saach ka saath dene ki. 

Aap sabhi ne orchid ke phoolon ko dekha bhi hain, saraha bhi hain, lekin kya aapne kabhi ye socha ki ye phool kaise astitva main aaye. Folk Tales ke ye kahani aapko lekar jayegi Arunachal Pradesh, jaha ek khushhaal rajya main ek paropkari raja aur uska parivar aur sukh samriddhi main nivas karte the. Raja ki beti vivah-yogya jab huyi to kai gunvaan aur paripakav prastav uske liye aaye jinhe wo thukrati rahi. Aakhirkaar raha aur rani ne haar maan li aur unki beti unhi ke saath rahi. Rajukumari apna samay rajmhala main beetati jaha ek din wo behosh payi jaati hain. Samay chalte koi ilaaj kaam nahi aata aur Raja and Rani bhagwaan ke sharno main samay beetate hain. Aise main ek din, ek yuvak basuri liye kehta hain wo Rajkumari ko hosh main la sakta hain. Jaane aage hote hain aur kya hain Orchid ke phoolon ki kahani. 

Pita ka prem beti ke liye saare sansaar se badh kar hota hain, phir chahe koi kuch bhi kahe. Issi prem ki kahan hain Tejimola ki jisko uska pita, Basant apne prano se zyada pyar karta tha. Apne doosre vivah se wo khush to tha, lekin uski patni, Minti, Tejimola ko sagi maa ka pyar dene main asmarth rahi. Uski nafrat sirf yehi nahi ruki, usne purzor koshish ki Tejimola ko apne aur Basant ke Jeevan se dur karne ki. Kya uske napaak iraade beti-baap ko alag karne main kamyaab hop aye. Suniye kahani Tejimola ki, only on Folk Tales 

Baatein utni hi karni chahiye jinko aap sambhal paaye. Naam bade, darshan chote, hum sab ne suna hain aur kai baar dekha bhi hain. Pol khul gayi kuch aisi hi kahani hain ek maulvi sahib ke baare main jinki baatein unki pahuch ke bahut upar thi. Ek shaam dawat ke bulawa ke chalte, wo pahuche mezbaan ke ghar lekin waha pahuch aisa kya hua ki maulvi sahab ko ulte muh lautna pada. Ruhani takat ka najayaz fayda uthana kitna mehenga pada maulvi sahab ko, suniye Pol Khul Gayi main. 

Jeevan ka sachcha sukh samajhdari aur saral Jeevan jeene main hain. Homan ke pita ki mrityu uparant uski Ma ne usse paal poskar bada kiya. Homane ke 4 chacha the jo us se bahut irshya karte the. Homane apni samajhdari se kathin paristithiyon se bachte bachate har kathinai se nikal sahi Salamat ghar wapas aata, aur bahut dhan lata. Ye dekha dekhi, uske chaaron chacha bhi dhan ikkatha karne ki koshish main har paintre ki nakal karte jo ulta padta. Kya ye nakal kar dhan kamana chaaron chachaon ko raas aaya? Kaise paya Homane ne laalchi chacho se chutkara, aaye sune Folk Tales ki iss kahani main

Sarvgun sampan Torali ki sundarta aur guno ka bakhaan gaon gaon main tha. Anant Phukan yehi sunte sunte usse vivaah ka prastav le Torali ke pita ke paas pahuchta hain. Vivaahite ho, Torali aur Anant sukh se apna Jeevan vyatit kar rahe the. 5 putron se dono ka Jeevan bhar jata hain lekin vyapaar main dheere dheere nuksan hona shuru hota hain. Ek durghatna main Anant apni aankhein kho deta hain. Torali ke upar ghar chalane aur sambhalne ka bhaar pad jata hain. Torali bhagwaan se ek aur putr mangti hain jo uska sahara bane aur bhagwan use ek Saanp pradan karte hain. Torali ke dukho ka upay kya ye saanp hain. Jaaniye Folk Tales ki iss kahani main. 

Gaon Silchar main rehta tha Jayant Phukan, jo ek vivaah ke chalte, ek haat-bazaar pahucha. Saji huyi dukaane dekh wo khush ho mele se nikalne ko hua tp uski nazar padi jo raat ke iss pehar bhi khuli thi. Jayant ki jigyasa usse waha le gayi. Waha pahuch uski mulaqat dukaandaar se huyi jisne use bataya ki wo salay bechta hain. Poori taran na maante huyi bhi, Jayant ne apni jeb se 2000 rupaye us dukaandar ko de, 2 salah kharidi. Kya thi ye salah? Kya Jayant ne salah par amal kiya? Jaaniye iss Folk Tale main Jayant Phukan aur in salahon ke baare main.