Todos os podcast | Lambóns dixitais

Os incesantes avances da Intelixencia Artificial ameazan o futuro dos programadores. Diso falamos con Rafael Grin Rivas, un dos responsables de Wenbii. Contamos tamén co fundador de Weblogs, Antonio Ortiz, para comentar con el o potencial de Claude, a plataforma de IA de Anthropic, e os riscos que supón a súa utilización sen límites. Con Antonio conversamos tamén sobre a responsabilidade legal dos buscadores. Javi Mos explícanos que é o freemium e Marcus Fernández anúncianos a próxima saída á venda do videoxogo "The Legend of Zelda: Ocarina of time" e o regreso de FIFA ao mundo dos vieoxogos en alianza con Netflix.

Leandro menéndez, organizador do Galicia Podcast Summit, fálanos da próxima edición deste encontro creado para impulsar e compartir o podcasting. Javi Mos cóntanos que o Reino Unido deulle un ultimato ás plataformas para que eviten a poublicación de fotos de menores espidos. Tamén nos fala dun experimento sobre o comportamento da IA en sociedade. Comentamos as posibles repercusións da saída a bolsa de Open IA. Marcus Fernández anuncia que Lobezno terá un videoxogo e que Xbox sacará ao mercado unha edición especial.

Neste programa coñecemos a Emilio Fernández, Milu, un blogueiro coruñés que cada semana, entre xornada e xornada de Liga, percorre tantos kilómetros como marque o resultado do seu equipo, o Dépor. Javi Mos cóntanos como uns hackers conseguiron enganar a IA de Meta para trolear contas de Instagram. Tamén comenta a intención de Google de permitir crear anuncios coa axuda da súa IA. Ademais falamos da nova familia de procesadores de Nvidia, os RTX Spark. Marcus Fernández anuncia que a nova versión do xogo Call of Duty non servirá paras a PS4, pero si para a Switch 2 e explica cales serán as novas funcións que aplicará gmail. Entre elas está a posibilidade de cambiar o noso enderezo electrónico.

Pronto se desenvolverá unha nova edición da Maker Faire Galicia. Dous dos organizadores do evento, Quique Saavedra e Tania Silva, fálannos dos contidos desta xornada de emprendemento e innovación social. Explicamos que é Ideolingal, un proxecto impulsado polo Instituto da Lingua Galega para investigar as ideoloxías lingüísticas e a construción de identidades en Galicia, centrando a súa atención no papel emerxente dos creadores de contido dixital. Javi Mos cóntanos as novidades publicitarias de Youtube para as televisións conectadas e anuncia que China implantará a Intelixencia Artificial como asignatura troncal. Marcus Fernández comenta a suba de tarifas de Starlink en España.

O 6 de xuño celébrase a X edición de Coruña Bloggers. Pilar Muiños fálanos deste encontro de creadores de contido en internet que ten un espírito solidario. Javi Mos danos consellos para evitar que as aplicacióins que descargamos no móbil colleiten a nosa información máis persoal e cóntanos como os contidos que permiten interaccións en tempo real lideran o consumo dixital. Marcus Fernández lembra que Elon Musk perdeu a demanda que presentou contra Open IA e avísanos sobre as novas condicións que implantou na súa rede X. A partir de agora hai que pagar para facer publicacións se se supera certa cantidade diaria.

Presentámoslles á Srtajeans, unha das creadoras de contido galegas máis populares en Youtube ou Instagram. Isabella Notaro, que é o seu verdadeiro nome, explícanos como é o seu traballo nas redes. Javi Mos cóntanos como proliferan as mensaxes de odio nas redes e explícanos como Instagram e Facebook van permitir que os pais revisen as conversas dos seus fillos coa IA. Marcus Fernández fálanos de Magnific, a plataforma española que utiliza Intelixencia artificial para o tratamento de imaxes, e anuncia que un xogo galego, Shadows of the Afterland, xa se pode descargar na Nintendo Switch.

Igalia é unha empresa coruñesa especializada na creación de software libre que captou a atención dun xigante da industria do videoxogo como Valve. Un dos fundadores de Igalia, Alberto García, cóntanos como a súa empresa está desenvolvendo compoñentes para a consola e as lentes Steam de Valve. No programa advertimos sobre a proliferación de calotes co emprego do QR Rishing, o uso de códigos QR para roubar información confidencial. Javi Mos fálanos do informe de Kaspersky, que revela que o 80 por cento dos usuarios españois almacena os seus datos sensibles en formato dixital. Marcus Fernández anuncia a próxima saida ao mercado do Steam Controller. Ademais comentamos a crise de X e a festa que organiza o Museo Estrella Galicia inspirada nos videoxogos, que contará con música en directo da coñecida pianista e streamer española Elesky.

O Laboratorio de Innovación e Economía Social de Galicia organiza unha charla sobre ciberseguridade, solucións e ferramentas para pemes da economía social. Vaina impartir o enxeñeiro informático Adrián Vidal. Con el falamos sobre xestores de contrasinais ou sobre como compartir información en rede de xeito seguro. Javi Mos comenta como a curto prazo podemos atopar publicidade nos LLM, os modelos de linguaxe de gran tamaño da intelixencia artificial. Tamén anuncia que Google Photos ofrece a posibilidade de retocar automaticamente as fotos que arquivemos. Marcus Fernández fálanos do próximo lanzamento dunha consola que supuxo unha revolución hai 35 anos, a Neo Geo AES+

Chega a cuarta edición de A Datolada, o encontro sobre analítica e datos no mundo dixital que se desenvolve na Coruña. Sobre esta peculiar reunión, na que se comparten experiencias nun ambiente de ocio, falamos con Brais Calvo. Ademais Javi Mos cóntanos como Google manipula os titulares dos medios de comunicación para xerar máis expectación e comentamos as denuncias que recibe Meta por invasión da privaciade co uso das súas lentes intelixentes.

O profesor da psicoloxía social da Universidade de Santiago Antonio Rial Boubeta advírtenos sobre algúns dos riscos que supón usar a IA indiscriminadamente. Rial cre que algúns pais confían excesivamente na Intelixencia Artificial cando consultan cousas relativas aos seus fillos. Tamén pensa que lle estamos entregando inconscientemente demasiados datos privados e alerta sobre o risco de facernos IA dependentes outorgándolle a estas ferramentas máis credibilidade e confianza da que debemos. Falamos tamén da campaña da Organización Médica Colexial contra as falsas terapias e tratamentos coas que os creadores de contido sementan as redes sociais. Javi Mos anunica a intención de OpenIA de crear unha "superaplicación" que reuna tódolos servizos de IA. Comentamos o ciberataque do que foi vítima a infraestructura na nube da Comisión Europea e explicamos o que son as "froitonovelas".

Dámoslles algúns consellos para non ser vítimas de calotes cando operamos co noso banco. Comentamos o anuncia de Whatsapp de que habilitará a opción de eliminar automaticamente as mensaxes temporais. Javi Mos cóntanos que un xuiz considerou culpable a Elon Musk de manipular o mercado para baixar o prezo das accións de Twitter. Marcus Fernández anuncia as novas aplicacións da IA Claude e preséntanos Breogan VSTi, a primeira gaita galega virtual

Conversamos cun especialista na relación da infancia coas novas tecnoloxías, o economista e experto en IA Enrique Javier Benítez. Marcus Fernández fálanos dun cambio trascendental en Europa no sistema de clasificación dos videoxogos por idades. Tamén nos presenta o DLSS5 de Nvidia, un salto na tecnoloxía gráfica dos videoxogos. Javi Mos advírtenos de que Meta eliminará o cifrado de extremo a extremo nas mensaxes de Instagram e de que haberá que pagar por preguntarlle a Grok en X.

Falamos coa desenvolvedora web brasileira Ana Rute Mendes sobre o papel das mulleres nbo ámbito tecnolóxico. Ana Rute, que traballa en Igalia, é unha das paticipantes na mesa redonda organizada por Wordpress Coruña co títuto "Error 404: mulleres en tech — fallo do sistema". Javi Mos cóntanos que Linkedin xa supera a Instagram en interaccións dos usuarios e que Youtube prevé ampliar a publicidade e que non se poda omitir nas aplicacións de TV. Marcus Fernández desvélanos que Play Station Store modifica os prezos dos seus productos dependendo do usuario interesado neles.

Vaise desenvolver na Coruña a primeira edición de Lareira Conf, un encontro do ecosistema dixital e tecnolóxico galego. Falamos cunha das súas promotoras, Andrea Magán. Anímase o debate sobre a conveniencia de prohibir o uso de redes sociais aos menores de 16 anos. Javi Mos traenos a listaxe das aplicacións máis descargadas no mundo e fálanos do xornalista da BBC que enganou a Chat GPT. Marcus Fernández ponnos exemplos da desinformación que circula por X e comenta o expediente que lle abriu a CNMC a Ibai Llanos

Falamos con Pablo Vilar, "Pablichor", deseñador gráfico e fanático do automobilismo, sobre os simuladores de rallys. Xavi Mos desvélanos que hai influencers que promocionan entre a mocidade o xogo en casinos ilegais e, tamén, que Meta está simulando coa súa IA actividade nas redes de persoas falecidas. Marcus Fernández coméntanos novas aplicacións de Whatsapp e de Google Chrome.

Javi Mos danos conta dun calote dixital no que as vítimas son profesionais do sector. Ademais comenta a intención de Google de que a sía IA ofreza comparativas de productos nas pescudas e a de Tik Tok de amosar contidos próximos á localización do usuario. Marcus Fernández anúncianos o próximo lanzamento de videoxogos de 007 e de John Wick e tamén os plans de Movistar para implantar conexións de 10 gigas.

A empresa coruñesa Aruma Studios lanza o videoxogo "Shadows of the afterland". O seu fundador, Rubén López, cóntanos todo o que debemos saber sobre esta aventura. Javi Mos cóntanos que o tiktoker Khabi Lame vendeu a empresa que xestiona a súa marca e actividades comerciais por 800 millóns de dólares. O comprador poderá desenvolver un xemelgo dixital do influencer. Javi tamén comenta as ganancias de Meta do ano pasado, máis de 200 mil millóns de euros. Marcus Fernández confírmanos que o agardado xogo GTA 6 estará dispoñible o 19 de novembro para PS5 e XBox. Ademais falamos do ataque de Pavel Durov, o propietario de Telegram, contra o presidente do goberno español despois do anuncio de que se prohibirá o acceso dos menores de 16 anos ás redes sociais en España.

A responsable de Avatares, Carmen Fernández Morante, explícanos polo miudo en que consiste este proxecto que poñen en marcha a Xunta e a USC para mellorar a atención educativa ao alumnado ingresado en centros sanitarios. Comentamos o anuncio do presidente do goberno, Pedro Sánchez, de que España prohibirá o acceso ás redes sociais aos menores de 16 anos. Decubrimos as razóns polas que Elon Musk une nunha mesma empresa as súas divisións espacial e de intelixencia artificial.

Neste programa conversamos cun experto en intelixencia artificial, asistentes de IA e ChatGPT. O finés Lasse Rouhiainen é cofundador da Unidade ELLIS de Alicante, unha fundación destinada á investigación en intelixencia artificial centrada nos seres humanos. Javi Mos comenta o estudo piloto que realizará a Universidade de Santiago para que os cativos que estén hospitalizados poidanparticipar nas clase coa axuda dun robot. Marcus Fernández explícanos o que é Molt Bot, un asistente de IA de código aberto que permite realizar tarefas directamente no noso ordenador. Ademáis falamos da decisión da BBC de preparar contidos específicos para Youtube.

Comentamos o proxecto de lei orgánica que regulará o dereito a recxtificación nas redes sociais e as "medidas" que anuncia X para restrinxir a capacidade de IA Grok de sexualizar persoas. Falamos do lanzamento de dous videoxogos con selo galego: "After Juice: Animal Disco Mafia" e "Super Woden: Rally Edge". Descubrimos un aspirador que sobe escaleiras e limpa os chanzos. Anunciamos a chegada de anuncios a Chat GPT e as novas modalidades de pagamento que prevé polo seu uso.

Comentamos o listado dos términos máis buscados en google en España en 2025. Explicamos como pretenden as autoridades australianas aplicar a prohibición de que os menores de 16 anos utilicen as redes sociais. Descubrimos como a IA de Grok pode converter imaxes en pequenos videos. Celebramos que o Flight Simulator de Microsoft xa se poda utilizar na PS5

Entende a IA o galego? Están adestrados os sistemas de Intelixencia Artifical para procesar contidos no noso idioma? A estas preguntas respóndenos Senen Barro, catedrático de Ciencias da Computación e IA da Universidade de Santiago, que participa no proxecto Ilenia, que ten como obxectivo xerar recursos dixitais que permitan desenvolver aplicacións multilingües nas diferentes linguas de España. Javi Mos explícanos o que significa Rage bait, a palabra que a Universidade de Oxford elixiu como máis representativa do ano. Marcus Fernández comenta a noticia da prórroga concedida polo goberno para a implantación nas empresas de Verifactu, o sistema de facturas dixitalizadas. Ademais falamos do novo videoxogo Marvel Cosmic Invasion

Entrevistamos a Fina Paulos Lareo e a Óscar Manuel Rey, dous profesores do IES de Baio pioneiros no uso da IA no ensino. Estes dous docentes acaban de publicar un libro que se chama "Intelixencia artificial para a sociedade". Javi Mos comenta a noticia de que a empresa 2Way vai ofrecer a posibilidade de falar con persoas falecidas creando os seus avatares. Tamén avanza que TikTok permitirá que limitemos o número de videos feitos con IA que queremos ver. Marcus Fernández fálanos da alianza entre Unity e Epic Games para publicar xogos creados por Unity dentro de Fortnite e descúbrenos que a IA tamén pode calcular a idade das persoas a través das súas fotos.

Analizamos as consecuencias da caída experimentada por Cloudflare, a plataforma que utilizan X ou Chat GPT para filtrar o seu tráfico web e previr ataques. Javi Mos comenta o informe da USC sobre "Infancia, adolescencia e benestar dixital", un estudo que desvela que o 10% dos menores recoñecen sufrir ciberacoso, que o 40 por cento dispoñen de móbil aos 10 anos e que moitos acceden ao porno nas redes a esa idade. Marcus Fernández anuncia que Valve vai lanzar a Steam Machine, un ordenador personalizado que serve de consola, e cóntanos ademais que a revista Game Informer volve editarse en papel. Tamén falamos da multa que a CNMV lle impuxo a X por acoller publicidade de entidades ilegais que promoven calotes financieiros.

Neste programa coñecemos o proxecto Talentos Inclusivos. O seu coordinador, Javier Pereira, explícanos como o Centro de Investigación en Tecnoloxías da Información da UDC e ASPACE traballan para espertar vocacións STEM (Science, Technology, Engineering and Mathematics) entre os máis novos e dar a coñecer a realidade da discapacidade. Javi Mos cóntanos como a IA xa é quen de organizar as portadas dos medios dixitais para que gañen audiencia. Marcus Fernández fálanos dos problemas laborais da empresa Rockstar Games que están provocando retrasos no lanzamento do videoxogo Grand Theft Auto 6.

Para saber máis sobre SINTE, o Foro Inernacional de Arte e Cultura Dixital que se desenvolverá en Compostela, falamos co seu coordinador, Xulio Vázquez, e coa Directora de Acción Cultural da Cidade da Cultura. Probamos Pomelli, unha IA que crea de xeito autónomo anuncios para calquera negocio. Javi Mos comenta a noticia de que Samsung introducirá anuncios nas súas neveiras intelixentes. Marcus Fernández fálanos do superlativo crecemento de Nvidia. Abordamos a polémica suscitada pola decisión de Coca Cola de crear o seu anuncio de Nadal con IA.

O fundador de Makers Galicia, Enrique Saavedra, fálanos da XI edición da Maker Faire, un encontro que reune empresas, investigadores e profesionais para compartir coñecementos no eido da innovación e a sustentabilidade. Explicamos que é a AEO, a Answer Engine Optimization, a técnica para conseguir que a IA lle de preferencia aos contidos que desexamos. Ademais contamos por que as institucións están optando por reducir o investimento publicitario en redes e optando de novo polos medios tradicionais.

Iago Gordillo preséntanos Pixel á Feira, o primeiro Salón Galego do Videoxogo, que se desenvolverá no Pazo de Congresos de Compostela. Explicamos como funciona Comet, un navegador impulsado por IA que se pode descargar de balde. Marcus Fernández cóntanos que a plataforma Tinder xa ten versión en galego e comenta o "apagón" sufrido polos servizos na nube de Amazon. Xavi Mos desvélanos que Chat GPT se prepara para funcionar como rede social e que China lle vai esixir aos influencer que acrediten formación nas materias das que falan.

O convidado do programa é José Manuel Martínez Pérez, o fundador de Mobify, unha aplicación de móbil galega que permite alugar vehículos híbridos en moitos puntos da nosa comunidade. Ademais, Javi Mos comenta o descenso do uso das redes sociais e os cambios que a IA pode provocar na publicidade en internet. Marcus Fernández descúbrenos a ferramenta PictureMe, que nos permite retocar os nosos retratos fotográficos, e repasa dous eventos que se desenvolveron este mes en Galicia, o Xuventude Galicia Net Intermax e os Ecommerce Days de Pontevedra.

O noso convidado é Carlos Vieito, politólogo e experto en comunicación dixital, que nos fala do seu premiado videopodcast "Exército Mekemeke". Con el comentamos tamén as dificultades para conseguir que as plataformas incorporen o idioma galego. Explicamos como vai afectar a lei audiocisual aos influentes. Os que teñan millóns de seguidores terán que declarar os ingresos publicitarios cando superen os 300 mil euros. Javi Mos preséntanos LoveArt.ai, unha web que permite editar imaxes de balde con intelixencia artificial. Marcus Fernández descubre un teléfono español que bloquea o acceso ás redes sociais.

Faltan poucos dias para que comece o Xuventude Galicia Net, que ese ano chega a súa vixesimo quinta edición. O director do evento, Ricardo Durán, cóntanos que ofrece nesta ocasión este encontro de profesionais e siareiros da informática e as novas tecnoloxías. Ademais falamos cun dos relatores que participará, o divulgador Raul Ordóñez. Marcus Fernández comenta as novidades que prepara Instagram tras acadar os tres mil millóns de usuarios.

Conversamos con Gabi García, un mestre de infantil que elabora vídeos en galego con milleiros de seguidores en redes. Falamos do aumento dos suicidios de menores como consecuencia do uso das redes sociais. Xavi Mos comenta a perda de influencia dos influencers. Marcus Fernández preséntanos os Gemini Stickers e anuncia o próximo lanzamento dunha versión do Football Manager de fútbol feminino. Ademais analizamos a integración de Gemini no navegador Chrome e a alianza entre Open IA e Nvidia.

Entrevistamos a Esteban Vázquez, director xeral de Tesla Technologies, unha empresa compostelá que acaba de presentar un proxecto que revoluciona a personalización de contidos nas retransmisións deportivas. Javi Mos fálanois da iniciativa da Xunta de impulsar unha lei sobre acoso e violencia dixital. Comentamos a noticia de que o 30 por cento dos menores españois acceden a portais de apostas deportivas. Marcus Fernández presenta as novidades de Apple e a aplicación de móbil creada para que os pais controlen o uso que fan os seus fillos da PlayStation.

Falamos con Carlos Lijó, un dos creadores de Carmucha VST, a primeira ferramenta galega de percusión libre, accesible e de balde que permite achegar os ritmos tradicionais á percusión moderna. Javi Mos alértanos sobre a proliferación nas redes de perfís xerados por IA que ofrecen información falsa ou pouco rigorosa. Ademais danos chaves para identificar avatares que semellan persoas reais. Marcus Fernández preséntanos a ferramenta Paint a place e comenta o éxito do videoxogo Hollow Knight Silksong.

As novidades e a actualidade tecnolóxica do mundo cibernético da man de Carlos García Verdugo, Marcus Fernández e Javi Mos. Nesta primeira entrega coa entrevista a Abel Alves, creador da webserie O bunker

A principios de xullo desenvolverase na Coruña Mundos Dixitais, o Congreso Internacional de Animación, Efectos Dixitais e Novos Media. Sobre o seu contido fálanos o director, Manuel Meijide. Javi Mos comenta a intención de Meta de incluir publicidade en Whatsapp e as próximas novidades de Instagram. Debullamos o videoxogo The Alters e Marcus Fernández subliña a perda de interese comercial polas canles de TDT.

A experta en ciberseguridade de R, Susana Rey, fálanos da falta de concienciación sobre os calotes en internet e dalle ás empresas algúns consellos para protexerse. Javi Mos comenta a tremenda reducción de buscas en internet por mor da irrupción da IA e as consecuencias que terá en aspectos como a veracidade e a pluralidade dos contidos na rede. Marcus Fernández desvela que case toda Galicia segue sen cobertura 5G. Ademais presentamos novos videoxogos como 007 First Light, Keeper ou Silent Hill F.

Conversamos con Ramón Santos, responsable dunha pequena mercería da Coruña, "La Crisálida", que consegue millóns de visualizacións nas redes sociais. Javi Mosd cóntanos como unha empresa estafou a centos de persoas promocionándose a través de influencers. Dani Portela fálanos da saida ao mercado da Nintendo Switch 2 e do comezo do Summer Game Fest. Marcus Fernández explícanos como podemos instalar o whatsapp nun IPAD.

Brais Calvo preséntanos a terceira edición da Datolada, o evento sobre analítica dixital e datos que se desenvolve en Compostela. Xavi Mos anuncia que Meta comeza a empregar os datos das nosas redes sociais para adestra-la súa IA. Ademais fálanos da contaminación que xeran os grandes centros de datos. Dani Portela desvela que o videoxogo Elder Ring se vai convertir en película e Marcus Fernández convídanos a ve-los episodios de "Galician Friki" na Galega.

Neste programa comentamos o retraso dun ano na nova entrega do videoxogo máis vendido do mundo, o Gran Theft Auto. Dani Portela fálanos doutro videoxogo de éxito, o Clair Obscur Expedition 33. Marcus Fernández proba o Notebook LM, un ferramenta de IA de Google que pode xerar resumes e explicacións sobre os documentos cargados polo usuario. Xavi Mos analiza o aumento de usuarios de whatsapp e a caída de X.

A radio e a televisión públicas de Galicia seguiron funcionando durante as horas en que o noso pais perdeu a subministración eléctrica. Iván Nogueira explícanos que medios técnicos se utilizaron para fgacelo posible. Marcus Fernández suxire aparellos que podemos incluir no noso kit de supervivencia e Dani Portela enumera videoxogos que evocan un mundo sen enerxía.

Marcus Fernández explícanos como utilizar IA para crear música. Javi Mos fálanos do custo económico que supón "ser educado" nas nosas interactuacións nas redes ou coa IA. Tamén comenta o intento de TikTok de competir con Google incorporando reseñas de localizacións e a inclusión das verificacións de contas en BlueSky. Dani Portela fálanos da remasterización do xogo Oblñivion para XBox e do lanzamento dun novo xogo da Guerra das Galaxias.

Entrevistamos a Sara Pérez Lantes, unha das organizadoras da Atlantic Games Conference que se desenvolveu en Carballo. Analizamos polo miudo a nova Nintendo Switch 2 e o seu prezo. Xavi Mos explícanos como Google está tentando eliminar as recensións falsas de establecementos comerciais e da proposta de TikTok para os artistas. Marcus Fernández proba no seu móbil utilidades da Intelixencia Artificial.

Javi Mos desvélanos que datos recollen as redes sociais dos nosos móbiles (dende crenzas políticas ou relixiosas ata estatísticas de saúde pasando por cualificacións crediticias). Falamos da posibilidade de que, grazas á IA, os contidos de internet sexan traducidos a calquera idioma. Dani Portela ofrécenos un anticipo da presentacion da Nintendo Switch 2. Marcus Fernández cóntanos como podemos ter o DNI no móbil.

A avogadas Elisa Branco axúdanos a entender o que é a ciberresiliencia. Comentamos con Javi Mos e Marcus Fernández a metedura de pata dos altos cargos do goberno estadounidense que incorporaron nun chat de Signal a un xornalista. Analizamos a pretensión de Instagran de crear "comunidades". Avanzamos os contidos da futura lei de protección de menores na contorna dixital. Falamos do lanzamento do xogo Assassins Creed Shadows.

Daniel Portela, Javi Mos e Marcus Fernández desvélannos cales son as plataformas de comercio en liña con máis clientes en España. Tamén nos advirten dos riscos que corremos se utilizamos as redes sociais durante a xornada laboral, anuncian os videoxogos de colección que están saíndo ao mercado e comentan as medidas que adopta Meta para eliminar a moderación nas súas redes.

Con Marcus Fernández e Javi Mos repasamos as novidades da última edición do Mobile World Congress de Barcelona. Comentamos a proxima desaparición de Skype, a presentación de Alexa Plus e a estrea da película Grand Theft Hamlet.

Entrevistamos a Manuel Otero, un dos artífices de Devmo, un estudo galego de desenvolvemento de videoxogos para que nos fale do seu proxecto "The pet squad". Javi Mos cóntanos os últimos pasos dados pola administración española para protexer á infancia en internet. Marcus Fernández comenta a estratexia de Apple de incrementa-los prezos da súa liña máis barata. Ademáis presentamos os videoxogos "Monster Hunter Wild" e "Sayonara Wild Hearts".

Javi Mos fálanos da estratexia de Meta de crerar perfís de IA que interactúen cos usuarios das redes sociais e repasa a actualidade de X, Blueskay e Telegram. Dani Portela avanza os videoxogos que sairán ao mercado este ano. Marcus Fernández comenta as novidades presentadas na maior feira tecnolóxica do mundo que se desenvolveu en Las Vegas.

Conversamos con Rubén Sánchez, secretario xeral de Facua, sobre a maneira de enfrontarse aos bulos en internet e ao acoso nas redes sociais. Dani Portela desvélanos cal é o videoxogo máis caro do mundo. Javi Mos cóntanos que os anciáns que usan internet teñen menos risco de deprimírense. Marcus Fernández fálanos do expediente aberto pola Unión Europea á plataforma de comercio electrónico Temos.

Debatemos sobre o rol desenvolvido polas redes sociais na DINA de Valencia. Falamos das "vantaxes" da Play Station 5 Pro. Preguntámonos se ten futuro o sistema "game pass" implantado por Microsoft para acceder aos seus xogos. Presentamos a iniciativa da editorial Xerais de publicar audio-libros

Unha empresa galega, D3 Applied Technologies, está detrás do deseño hidrodinámico e aerodinámico dun dos competidores na Copa América de Vela. Falamos co seu CEO, Gonzalo Redondo. Coñecemos a Alex González, o creador do primeiro videoxogo galego que se comercializou, "The Wall".

No programa de hoxe Javi Mos fálanos das atrocidades que se poden ver nas redes e dos efectos sicolóxicos que causan nos moderadores de contidos de Meta ou TikTok. Javi Portela preséntanos o "Alarmo" de Nintendo e con Marcus Fernández saberemos en que consiste o E-Alert, o sistema que lle permite ás autoridades enviarnos mensaxes de alerta aos nosos móbiles.

No programa de hoxe Javi Mos fala dos esforzos da administración española por limita-los discursos de odio nas redes. X e Facebook son as máis reticentes a retirar mensaxes denunciadas por este motivo. Dani Portela avalía a nova edición do xogo de terror "Silent Hill". Marcus Fernández comenta a sentenza que obriga a Google a aceptar, en EE.UU., que na súa propia plataforma Google Play haxa tendas de aplicacións xestionadas por terceiros.

Neste programa Javi Mos comenta un estudo da OMS que analiza o grao de adicción dos adolescentes europeos ás redes sociais. Dani Portela presenta os novos xogos para a Play Station 5 e fala dos seus trailers. Marcus Fernández subliña a depreciación da rede X dende que a mercou Elon Musk e revélanos o proxecto no que traballa Meta: unhas lentes con IA que ten sorprendentes aplicacións.

Rocío Fernández, unha das organizadoras do "Lérez up", cóntanos todo o que ofrece este salón do videoxogo e a cultura friki. O noso colaborador Dani Portela comenta os plans de futuro de EA Sports, a división de xogos deportivos de Electronic Arts. A empresa baralla xa cobrarlle a clubes e xogadores por aparecer nos seus xogos. Javi Mos desvela as novas funcionalidades que lle ofrece Meta aos anunciantes e Marcus Fernández repasa o estado das batallas legais entre X e Brasil e Apple e a Unión Europea.

Entrevistamos á enxeñeira de sistemas María Sierra, unha das responsables da oficina en Galicia da consultoría SDGroup. Os nosos colaboradores Marcus Fernández, Javi Mos e Dani Portela analizan as prestacións e o prezo da Play Station 5 Pro, fálannos do xogo "O escudeiro valente", descúbrennos a nova aplicación Stik e infórmannos sobre as novas alianzas entre empresas de telecomunicacións en España.

Marcus Fernández comenta os últimos episodios das batallas xudiciais que manteñen Telegram co estado francés e Elon Musk con Brasil. Ademáis analiza os últimos produtos lanzados por Apple: o Apple Watch series 10 e os Air Pods 4. Tamén nos fala do novo dron de DJI. Dani Portela ofrécenos a súa experiencia de xogo con Astro Bot e Space Marine.

Programa especializado en novas tecnoloxías

Programa especializado en novas tecnoloxías

Programa especializado en novas tecnoloxías.

Programa especializado en novas tecnoloxías

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías.

Programa especializado en novas tecnoloxías

No Lambóns Dixitais desta semana analizamos os últimos datos do estudo de "we are social" que indican que Facebook, a pesar das sucesivas polémicas e crises de reputación que protagoniza nos últimos tempos, segue sendo a rede social lider no mundo. Ademais, Javi Mos comentaranos algunha das estratexias que utilizan os políticos para captar o voto dos indecisos. Na sección de videoxogos Dani Portela sinala as novas presentacións de Sony e na súa sección habitual, Marcus Fernández, comentará o máis destacado da actualidade tencolóxica da semana. Nesa sección falará tamén sobre a estrea do novo plató 300 da CRTVG, cunha pantalla de 35 metros.

Neste episodio de Lambóns Dixitais falamos sobre os 'Talentos Inclusivos', co motivo da presentación da cuarta edición deste proxecto na Domus da Coruña. O responsable do proxecto 'Talentos Inclusivos' e subdirector do CITIC, Javier Pereira, explica polo miúdo todos os detalles desta iniciativa.

Esta semana en Lambóns Dixitais falamos con Eva Vidal, directora da Casa do Neno e César Machado, coordinador TIC do centro educativo, que veñen de recibir o distintivo de Samsung Intelixente School polo seu impulso da aprendizaxe a través dun uso responsable da tecnoloxía. Falaremos con eles do uso da tecnoloxía na educación.

Neste episodio de Lambóns Dixitais poñemos o foco nas presentacións máis importantes e curiosas do CES 2024. Robots domésticos, televisores transparantes ou asistenets virtuais inspirados nos vellos tamagochi. Marcus Fernández e Dani Portela avanzan o máis salientable do amosado na feira "tech" máis importante do ano

Felicitamos a fenesa Alicia Puentes, gañadora do premio Playstation Talents na categoría de Arte polo xogo 'Avy. Fábulas da noite' desenvolvido por un equipo da Universidade da Coruña. Abraíamonos ao saber que TikTok chegou aos dez mil millóns de dólares en investimentos dos usuarios e comparamos X co novo Threads.

Carlos García Verdugo tivo un programa moi "amoroso" xunto cos seus habituais Marcus Fernández, Javi Mos, Dani Portela e a súa “chorada inicial” de cada xornada. “Amor a un clic”, novo programa da TVG con Paula Chaves, ´Pauliña, á que entrevistaron. As redes sociais levárons casi 4.000 millóns de euros en publicidade nos últimos 5 anos. Denuncian a Meta por competencia desleal neste eido. The Game Awards. Baldurs Gate 3: xogo do ano, mellor xogo de rol, mellor actuación, mellor multixogador , apoio da comunidade. E toda a actualidade tecnolóxica das últimas semanas.

Emocionado adeus a Miguel López, El Hematocrítico: A Coruña acolleu hoxe un acto civil de despedida. A suscrición sen anuncios de Meta é vista como ‘unha chantaxe' por Europa pese a venderse como intento de axustarse ás súas normas. Novo termo: o 'sharenting', o perigo de expoñer os menores nas redes sociais. Xa chegaron as primeiras entregas do PS Portal. Ven ser unha tablet con mandos aos lados, tipo switch. Instagram permite a descarga de Reels. Touri e Tamar Novas participarán na vindeira edición de SINFILTRO. Movistar publica o seu mapa de cobertura 5G

Neste capítulo de Lambóns Dixitais repasamos o tema de moda: a intelixencia artificial e temos con nós a Adrián Fernández Mouriño, director executivo do grao e mestrado en Deseño e Desenvolvemento de Videoxogos da UNIR e doutor en Narrativa de Videoxogos pola UDC, así como autor de libros como "Sobre Mario, El padre de las almas oscuras" e "Los secretos de las Tierras Intermedias". Está a ultimar o lanzamento de "Los secretos de Hyrule", un libro que verá a luz o 29 de novembro no que explorará a historia e a mitoloxía da saga The Legend of Zelda

Neste capítulo de Lambóns Dixitais repasamo as novas métricas que ten previsto incorporar Comscore as principais novedades no videoxogos, co anuncio do GTA6 e pararemos un anaquiño para analizar as principais novedades sobre intelixencia artificial desta semana

Neste capítulo de Lambóns Dixitais entrevistamos a Mónica Seoane, unha das socias da compañía Narón DataSpartan, empresa organizadora do Corunna Innovate Summit. Mónica comentaranos todo o que vai acontecer neste congreso sobre innovación que se celebra na Coruña

No Lambóns Dixitais 7x06 entrevistamos a Santiago Moroño, director técnico de Strelia Electrotecnia e vogal do COETTGA. Santiago falaranos sobre un valioso nforme que elaborou sobre a radiación dos móbiles

No quinto capítulo da sétima temporada os lambóns dixitais entrevistan a Vicente Moret, catedrático da UDC e un dos persoeiros máis relevantes na computación cuántica no noso país. Vicente comentaranos como é o proxecto do supercomputador cuántico do CESGA, que sitúa a Galicia na vangarda europea neste sector