Kapuso Mo, Jessica Soho Podcast

Pilipinas, dapat na daw mag-develop ng sariling energy resources | Kapuso Mo, Jessica Soho Podcast

PILIPINAS, NAGDEKLARA NG NATIONAL STATE OF ENERGY EMERGENCY! SARILING ENERGY RESOURCES NG BANSA, DAPAT NA RAW BIGYANG-PRAYORIDAD NG GOBYERNO, AYON SA CENTER FOR ENERGY RESEARCH AND POLICY

Nitong Marso 24, nagdeklara ang Pilipinas ng National State of Energy Emergency. Isa sa mga pangunahing dahilan nito ang pagbaba ng supply ng langis matapos magsara ang Strait of Hormuz na siyang ruta at dinaraanan ng humigit-kumulang 20% ng kabuuang suplay ng langis sa buong mundo.

Sa panayam ni Jessica Soho kay Atty. Noel Baga, co-convenor ng Center for Energy Research and Policy, ipinaliwanag niya ang mas malalim na ugat ng problema. Isa sa kanyang mga nakikitang solusyon, pagbibigay prayoridad ng gobyerno sa pagpapaunlad ng sariling energy resources sa bansa.

MGA MAGULANG NG NASAWING MARINE STUDENT NA SI KENNETH ALCEDO, HINDI MATANGGAP ANG NANGYARI SA KANILANG ANAK. ANG KANILANG MENSAHE SA MGA SUSPEK, IBINAHAGI NILA SA #KMJS

Kamakailan lamang, umugong ang balita ng pagkamatay ng isang 19-anyos na maritime student sa Cavite na si Kenneth Alcedo. Ang kanyang mga magulang, ibinahagi ang kanilang pagdadalamhati kay Jessica Soho.

Ano ang kanilang mensahe para sa mga may kinalaman sa pagkamatay ng kanilang anak?

TATLONG PILIPINO, NAGSILBI UMANONG ESPIYA NG TSINA!

Tatlong Pilipino ang nahuling umano’y espiya na nagtatrabaho para sa interes ng China. Paano nga ba sila nauwi sa pagtataksil sa sarili nilang bayan?

Ang isa sa mga sangkot, nakapanayam mismo ni Jessica Soho at isiniwalat niya ang madilim na mundo ng espionage sa bansa.

Panoorin ang video.

ILANG MGA IRANIAN NA NANINIRAHAN SA PILIPINAS, NAKAPANAYAM NI JESSICA SOHO! SA PANAYAM, IBINAHAGI NILA NA HINDI RAW SILA NANINIWALA SA KANILANG GOBYERNO AT SA MGA VIDEO NA INILALABAS NITO. BAKIT?

Sa pagpapatuloy ng gulo sa Middle East bunsod ng pag-atake ng Amerika at Israel sa Iran, kinumusta ni Jessica Soho ang ilang Iranians na naninirahan sa Pilipinas. Sa kanyang panayam, ibinahagi nila na hindi raw nila pinagkakatiwalaan ang kanilang gobyerno, ang state-owned media at maging ang video na nilalabas ng mga ito.

Panoorin ang video. #KMJS

SONNY TRILLANES, HINARAP ANG ALEGASYON NA NAKATANGGAP DAW SIYA NG PERA MULA KAY ZALDY CO UPANG BAYARAN ANG ICC O INTERNATIONAL CRIMINAL COURT NA SIYANG MAY HAWAK SA KASO NG EXTRA-JUDICIAL KILLINGS NI DATING PANG. RODRIGO DUTERTE
Sa pagsisimula ng pre-trial ng confirmation of charges hearing ni dating Pangulo Rodrigo Duterte, 18 ex-marines ang umaming naging taga-deliver umano sila ni dating Rep. Zaldy Co ng male-maletang pera sa mga pulitiko. Isa sa mga pulitikong tinutukoy nila… si Former Sen. Antonio “Sonny” Trillanes IV!
Dahil sa alegasyon, nagbigay ng pahayag sa #KMJS ang dating senator. Ano kaya ang kanyang masasabi na diumano'y isa siya sa mga nakatanggap ng pera mula sa dating kongresista at ginamit niya ito umano sa pagbabayad sa ICC upang imbestigahan ang extra-judicial killings ni dating Pang. Rodrigo Duterte?
Ang buong pahayag, panoorin sa Kapuso Mo, Jessica Soho Podcast.

MGA RETIRADONG MARINO, ISINIWALAT ANG KANILANG DIUMANO PAGTATRABAHO AT PAGHAHATID NG MALE-MALETANG PERA KAY DATING REP. ZALDY CO NA SIYANG ISA SA MGA SANGKOT UMANO SA KATIWALAAN SA FLOOD CONTROL PRJECTS

Sa gitna ng pre-trial ni Dating Pangulong Rodrigo Duterte sa International Criminal Court, 18 dating miyembro ng Philippine Marines ang lumapit sa media at isiniwalat ang kanilang diumano’y pagtatrabaho kay dating Rep. Zaldy Co. Ang kanilang serbisyo sa dating kongresista… paghahatid ng male-maletang pera na kung tawagin nila ay “basura”.

Sa kanilang panayam sa #KMJS, ibinahagi rin nila ang kanilang nalalaman patungkol sa diumano’y koneksyon sa dating senador na si Antonio "Sonny" Trillanes IV sa mga perang ipinapadala sa dating kongresista. Sino-sino nga rin ba ang iba pang mga politiko na maaring sangkot rito?

At, totoo nga bang DDS o Diehard Duterte Supporter sila? Ang buong panayam, mapapanood sa Kapuso Mo, Jessica Soho Podcast.

CARLA ABELLANA, IKINASAL SA KANYANG HIGH SCHOOL SWEETHEART MATAPOS ANG 20 TAONG HINDI NILA PAGKIKIKITA. PAANO NGA BA MULING NABUHAY ANG KANILANG PAG-IIBIGAN?

20 taon na ang nakalipas nang maghiwalay ang aktres na si Carla Abellana at ang kanyang high school sweetheart. Pero nitong Disyembre, nagulat ang lahat sa balitang ikinasal si Carla kay Dr. Reginald Santos.

Sa panayam ni Jessica Soho, ibinahagi ng aktress kung paano nga ba muling nabuhay ang kanilang pag-iibigan!

CONG. EDGAR ERICE, BAKIT TINAWAG NA ‘BIGGEST, GRANDEST HEIST’ ANG UNPROGRAMMED APPROPRIATIONS SA 2026 BUDGET?

Kamakailan, pinirmahan na ni Pangulong Marcos ang 6.7 trillion pesos na National Budget para sa taong 2026. Ngunit ang ilang grupo at kongresista, umalma lalo na sa usapin ng unprogrammed appropriations na inuugnay sa korapsyon at pagkaantala ng ilang proyektong magbibigay serbisyo sana sa Pilipino.

Sa panayam ni Jessica Soho kay Rep. Edgar Erice, ibinunyag ni Erice ang kanyang mga nalalaman patungkol sa pagkakahati-hati ng 2026 National Budget.

Paano nga rin ba nakaapekto ang mga nagdaang anomalya sa gobyerno sa pagkaantala ng ilang proyekto sa bansa?

CONG. LEANDRO LEVISTE, ISINIWALAT ANG KANYANG NALALAMAN TUNGKOL SA 'CABRAL FILES' AT SA MILYON-MILYONG NATATANGGAP NG MGA MAMBABATAS KADA TAON

Sa pagkamatay ni dating DPWH Usec. Maria Catalina Cabral, umugong ang balita na mayroon siyang hawak umanong mga sensitibong impormasyong patungkol sa mga kumita sa flood control projects. Sa panayam ni Jessica Soho kay Batangas 1st District na si Cong. Leandro Leviste, ibinahagi ng mambabatas ang kanyang mga nadiskubre patungkol dito kabilang na ang umano'y anomalya sa 700 billion pesos na National Expenditure Program o panukalang budget ng DPWH sa buong bansa.

Samantala, ang Maintenance and Other Operating Expenses (MOOE) ng kongreso para sa taong 2026, umabot na daw sa 18 billion pesos mula sa 10 billion pesos na halaga nito noong 2025! Mayroon nga bang nakukuhang kickback ang ilang mga mambabatas dito sa mga nakalipas na taon?

Ang buong panayam kay Cong. Leandro Leviste, tampok sa Kapuso Mo, Jessica Soho podcast.

DOH SECRETARY TEODORO "TED" HERBOSA, SINAGOT ANG ISYU PATUNGKOL SA 400 OUT OF 600 HEALTH CENTERS NA HINDI UMANO NAPAPAKINABANGAN

Kamakailan, naging usap-usapan ang tungkol sa mga ipinatayong 400 out of 600 health centers na hindi umano napapakinabangan. Sa panayam ni Jessica Soho, ibinahagi ng Department of Health (DOH) Secretary na si Dr. Teodoro "Ted" Herbosa ang kanyang mga nalalaman patungkol sa isyung ito.

Ang ilan sa mga nakikitang solusyon ni Dr. Herbosa upang mas maging maayos ang healthcare system ng bansa, ibinahagi niya rin sa #KMJS. Panoorin ang video.

HEALTHCARE SYSTEM SA PILIPINAS, NASA ICU NA AT MALAPIT NANG MAMATAY, AYON KAY DR. TONY LEACHON. MAHIGIT P130 BILLION NA PARA SA HEALTHCARE SYSTEM NG MGA PILIPINO, KINUHA RAW NG GOBYERNO?!

Ang Internist at Cardiologist na si Dr. Anthony “Tony” Leachon, kilala sa pagiging kritikal at matapang na tagapagsulong ng reporma sa sistemang pangkalusugan ng ating bansa.

Sa panayam sa kanya ni Jessica Soho, inisa-isa niya ang ilan sa mga isyung kinakaharap ng Kagawaran ng Kalusugan kabilang na ang tinatawag niyang ‘Undas Hospital’ o ospital na nawawala na parang kaluluwa na counterpart aniya ng flood control scandal ng DPWH.

Kung ang ating bansa ay isang pasyente, nasaan na nga ba tayo?

ANAK NG PEOPLE’S CHAMP AT DATING SENADOR MANNY PACQUIAO NA SI EMAN PACQUIAO, IKINUWENTO ANG ILANG MAPAPAIT NA KARANASAN NG KANYANG KABATAAN BAGO PASUKIN ANG LARANGAN NG BOXING

Ang bagong mukha ng boxing at anak ng ‘People’s Champ’ Manny Pacquiao na si Eman Pacquiao, nakapanayam ni Jessica Soho. Dito, ibinahagi niya ang ilang mapapait na karanasan sa kanyang buhay bago sumalang sa industriya ng boxing.

Kumusta kaya ang relasyon ni Eman sa kanyang ama?

KUYA KIM, EMOSYONAL NA IBINAHAGI ANG MGA ALAALA NG YUMAONG ANAK NA SI EMMAN

Nitong Oct. 24, marami ang nagulat nang ianunsyo ni Kuya Kim Atienza at ng kanyang asawa na si Felicia ang pagpanaw ng kanilang bunsong anak na si Emman.

Sa pag-uwi ng mga abo ni Emman sa Pilipinas, nakapanayam ni Jessica Soho si Kuya Kim.

Emosyonal niyang ibinahagi ang pinagdaraanan ng kanilang pamilya at maging ang masasayang alaala niya sa kanyang bunsong anak.

Ang buong panayam, panoorin sa video na ito ng Kapuso Mo, Jessica Soho Podcast.

Para sa mga nais kumonsulta o humingi ng tulong sa mga eksperto tungkol sa usapin sa mental health, tumawag sa mga sumusunod na hotline:

National Center for Mental Health Crisis Hotline

Smart: 0919-057-1553

Globe: 0917-899-8727

Tawag Paglaum - Centro Bisaya

0966-467-9626

0939-936-5433

0939-937-5433

Hopeline Philippines (Natasha Goulbourn Foundation)

02-8804-4673

0917-558-4673

0918-873-4673

In Touch: Crisis Line

0919-056-0709

0917-800-1123

0922-893-8944

#KMJS

FATHER EUGENE, IBINAHAGI ANG ILANG MGA NAKAKAKILABOT NA DIUMANO'Y PAGSAPI NG DEMONYO SA ISA SA MGA MAGKAKAIBIGANG NAGLARO RAW NG SPIRIT OF THE GLASS!

Si Father Eugene David na isa sa mga exorcist ng Saint Michael Center for Spiritual Liberation and Exorcism, nakapanayam ni Jessica Soho para sa #KMJSMulto. Sa panayam, ibinahagi niya ang ilan niyang nakakakilabot na mga karanasan sa pagsagawa ng eksorsismo.

Ano-anong aktibidad nga rin ba ng mga tao ang maaaring maging instrumento ng demonyo upang maghasik ng kadiliman sa mundo?

Ang buong kuwento ng kanyang pakikipagbuno sa kampon ng kadiliman para matulungan ang mga sinasapian, panoorin sa video.

KOMEDYANTENG SI ATE GAY, MAS NANINIWALA NA RAW NGAYON NA MAYROONG HIMALA DAHIL SA PAG-IMPIS NG KANYANG BUKOL SA LEEG NA DULOT NG STAGE 4 CANCER

Ang komedyanteng si Ate Gay, ibinahagi kamakailan na mayroon siyang stage 4 cancer. Sa kanyang pagbahagi ng kuwento sa #KMJS, napakaraming anghel raw ang tumulong sa kanya upang malabanan niya ang kanyang sakit. Katunayan, ang 10cm na bukol sa kanyang leeg, unti-unti nang umimpis.

AKBAYAN REPRESENTATIVE CHEL DIOKNO, ISINIWALAT KUNG SAAN POSIBLENG NAPUPUNTA ANG UNPROGRAMMED APPROPRIATIONS FUND

Aprubado na ng Kamara ang 6.7 trilyong pisong panukalang 2026 National Budget.

287 ang bumoto na sumang-ayon sa panukalang ito habang 12 ang bumotong ‘no,’ kanilang na si Akbayan Rep. Chel Diokno.

Ang isa sa sinabi niyang dahilan ay ang 243 billion na halagang inilaan para sa unprogrammed appropriation funds. Bakit nga ba siya tutol dito? Saan ba dapat napupunta ang perang ito?

At ngayong mahigit isang buwan na ang lumipas mula nang buksan ang imbestigasyon kaugnay ng maanomalyang flood control projects, ang tanong ng mga tao— bakit tila wala pa ring napapanagot?

DATING SEN. GRINGO HONASAN, NA MINSAN NANG SINUBUKANG PABAGSAKIN ANG GOBYERNO, BAKIT SINABI NA NAKADIKIT NA SA ATING KULTURA AT SISTEMA ANG KORAPSYON?

Sa idinaos na kilos-protesta nitong Setyembre, may ilang mga retiradong heneral at opisyal ng Armed Forces of the Philippines na diumano’y kaalyado ng mga Duterte ang nanghimok sa Chief of Staff ng AFP na mag-withdraw ng suporta sa administrasyon.

Ano nga ba ang masasabi rito ni Gringo Honasan na minsan ding nanguna sa ilang kudeta laban sa administrasyon ni Pangulong Cory Aquino? Panoorin ang video.

SEN. PING LACSON, IBINUNYAG ANG NALALAMAN TUNGKOL SA ‘CONGTRACTORS’ AT MAANOMALYANG INSERTIONS SA BUDGET
Bago nagbitiw sa pwesto bilang chairman ng Senate Blue Ribbon Committee, nakapanayam ni Jessica Soho si Sen. Ping Lacson.
Ang mga nalalaman ni Lacson kaugnay ng insertions sa maanomalyang infrastructure projects, kanyang isiniwalat!
May nalalaman din nga ba si Pang. Bongbong Marcos sa mga insertions na ginagawa ng mga senador sa ilang budget deliberations?

VINCE DIZON, NAGSISISI BA NA NAGING KALIHIM NG DEPARTMENT OF PUBLIC WORKS AND HIGHWAYS? MAYOR BENJIE MAGALONG, BAKIT NAGBITIW BILANG SPECIAL ADVISER NG ICI O INDEPENDENT COMMISSION FOR INFRASTRUCTURE

DPWH SEC. VINCE DIZON, BAGUIO CITY MAYOR BENJIE MAGALONG, SINAGOT ANG MGA ALEGASYON TUNGKOL SA KANILA 

Nakapanayam ni Jessica Soho si Baguio City Mayor Benjamin Magalong bago siya nagbitiw sa puwesto bilang special adviser ng Independent Commission for Infrastructure. Nakapanayam niya rin si DPWH Secretary Vince Dizon. Sa pagkakadawit ng pangalan nina Rep. Zaldy Co at Rep. Martin Romualdez sa maanomalyang flood control projects, ano na rin nga ba ang estado ng imbestigasyon tungkol dito? 

Ang ilang isyu na kanila ring kinakaharap, sinagot nila sa #KMJS.

CONG. KIKO BARZAGA, SINAGOT ANG ILANG PARATANG SA KANYA NG ILANG MAMBABATAS

Ang Cavite’s 4th District Representative na si Cong. Kiko Barzaga, nakapanayam ni Jessica Soho. Sa kanyang full interview, sinagot niya ang ilang paratang sa kanya na pagiging isang nepo baby at hindi siya mentally fit na maging isang mambabatas.

Isa si Cong. Kiko Barzaga sa mga mambabatas na kabilang sa henerasyong Gen Z. Ano kaya ang kanilang magiging ambag sa pamahalaan? Sila na nga ba ang magsisimula ng tunay na pagbabago?

MAYOR VICO SOTTO, IPINAHAYAG ANG KANYANG SALOOBIN SA MAG-ASAWANG DISCAYA AT SA ISYU NG DIUMANO KORAPSYON SA GOBYERNO
Si Mayor Vico Sotto, nakapanayam ni Jessica Soho.
Ipinahayag niya ang kanyang mga saloobin patungkol sa mga isyu ng mga Discaya at ang mga alegasyon ng korupsyong kinasasangkutan ng mga ito,
May pag-asa pa nga ba tayong makaahon sa korapsyon?
Ang FULL INTERVIEW ni Mayor Vico Sotto panoorin sa Kapuso Mo, Jessica Soho Podcast.

Ang binansagang 'Nation’s Son', 'Kaldag King', at 2nd Big Placer' sa PBB Collab Edition na si Will Ashley, aminadong "Mama's Boy"! Ang kanya kasing ama, pumanaw na noong siya'y bata pa.

Sa panayam ni Jessica Soho, ibinahagi rin ni Will kung paano siya nagsimula sa kanyang showbiz career at kung paanong pirming nakasuporta sa kanya ang kanyang ina.

“SININDIKATO NA ANG BUONG GOBYERNO.”

‘Yan mismo ang mabigat na pahayag ni Cong. Toby Tiangco sa panayam niya kay Jessica Soho kung saan ibinunyag ni Tiangco kung paano na-manipula ang budget sa Kongreso.

Dito rin niya ikinuwento ang kanyang personal na relasyon kay Speaker Martin Romualdez at kung bakit hindi na sila nag-uusap ngayon.

Naniniwala rin si Tiangco na kailangang magpaliwanag si Cong. Zaldy Co sa bilyon-bilyong inilaan nitong pondo sa iba-ibang proyekto.

Panoorin kung paano nagkaroon ng insertions, ghost projects at kung paanong tila naging negosyo ang pambansang budget sa KAPUSO MO, JESSICA SOHO PODCAST.

DATING COA COMMISSIONER HEIDI MENDOZA AT DATING FINANCE UNDERSECRETARY CIELO MAGNO, ISINIWALAT ANG DIUMANO KATIWALIAN SA ILANG PROYEKTO NG GOBYERNO

Nagpapatuloy ang Special Report ng #KMJS sa usapin ng mga diumano maanomalyang proyekto ng gobyerno at kung paano raw nagagawang makapangurakot ng ilan ng bilyon o trilyong piso.

Jessica Soho, nakapanayam sina dating COA Commissioner Heidi Mendoza at dating Finance Undersecretary Cielo Magno. Gaano nga ba kalala ang korapsyon sa ating bansa?

Panoorin ang uncut interview sa KAPUSO MO, JESSICA SOHO PODCAST.

Mula sa paggawa ng TikTok videos at pagsali sa PBB Celebrity Collab Edition, ang “Island Ate ng Cebu” ay isa na ngayong hinahangaang breakout star.

Sa panayam ni Jessica Soho, hindi napigilan ni Shuvee na mapaluha habang ikinukuwento ang sakit at hirap na pinagdaanan niya bago marating ang tagumpay bilang breakout star ng taon.

Panoorin ang uncut interview ni Shuvee sa KAPUSO MO, JESSICA SOHO PODCAST.

MGA PERANG KINURAKOT, SA CONDO NA NILALAGAY DAHIL 'DI NA KASYA SA VAULT?!
MAYOR MAGALONG,  IBINUNYAG ANG UMANO’Y ANOMALYA SA MGA PROYEKTO NG GOBYERNO
Malaking porsyento ng bilyones na nakalaan para sana masolusyunan ang problema sa baha, napupunta lang daw sa kickback?! Sa isang panayam ni Jessica Soho kay Mayor Benjamin Magalong, isiniwalat ni Magalong ang mga umano'y anomalya sa mga proyekto ng gobyerno.
Ang uncut version ng naging rebelasyon ng alkalde kaugnay ng isyung ito, tampok sa unang KAPUSO MO, JESSICA SOHO PODCAST.