"Memories of a Poet" by Nyein Wai

ရေးသူပြောသူ မျှဝေယူကြတဲ့ ကဗျာလောကသဘောကို ဇောချွေးဆိုတဲ့ကဗျာနဲ့ ရှာဖွေတင်ပြထားတာမို့ သောတရှင်များ နားဆင်မှတ်သားနိုင်ပါတယ်။

ကဗျာဆရာတွေဟာ ကဗျာ့နည်းပရိယာယ်၊ ကဗျာ့အတတ်ပညာနဲ့ အဖိနှိပ်ခံဘဝတွေကို သက်သေခံပြီး မှတ်တမ်းတင်ကြပါတယ်။ ကဗျာဆရာငြိမ်းဝေ(ကဗျာ့အိုးဝေ)ဟာလည်း သက်ရှိသက်သေ တစ်ဦးဖြစ်တယ်ဆိုတာ ဒီအပိုင်းမှာ အထင်းသားတွေ့ရမှာပါ။

အဖ မဲ့ သားသမီးများ သားသမီးမဲ့ အမိအဖများစွာ ကျုပ်တို့ တိုင်းပြည်မှာတစ်ရက်ချင်းပိုပိုများလာကြပါတယ်။ နှစ်သစ်ကူးသည့်တိုင် ဆက်လက်တိုက်ပွဲဝင်နေရဆဲဖြစ်တဲ့ အိမ်ဝေးသူရဲကောင်းများနဲ့ အနယ်နယ်အရပ်ရပ်က ချစ်မိတ်ဆွေများအတွက် ကဗျာဆရာလှိုင်းထက် ရဲ့ အဝယ်တော် ဆိုတဲ့ကဗျာလေးကို ကျနော်ငြိမ်းဝေ ခံစားတင်ဆက်လိုက်ရပါတယ်။

ကဗျာဆရာတွေဟာ ဘယ်အခန်းကဏ္ဍကနေပြီး ပြည်သူ့ဖက်က ရပ်နေကြသလဲ။ အာဏာရှင်ရဲ့ စိစစ်ရေးအမှောင်ခန်းကို ပရိယာယ်ဝင်္ကဝုတ်နဲ့ ဘယ်လိုကျော်ဖြတ်ခဲ့လည်း ဆိုတာ သက်သေပြခဲ့တဲ့ ပထမဆုံးကဗျာတစ်ပုဒ်အကြောင်းကို တင်ဆက်ထားပါတယ်။

ခေတ်တစ်ခေတ်အကြောင်းကိုသိချင်တဲ့အခါမှာ ကဗျာတွေထဲမှာ ပြန်ရှာကြည့်လို ဆိုကြပါတယ်။ စစ်ဖိနပ်အောက်က ရုန်းကန်သံတွေဟာ ဒီနေ့ဒီအချိန်အထိ သောင်ရင်းမြစ်တစ်လျှောက် ပဲ့တင်ထပ်နေခဲ့တာ နှစ်ခုနှစ်ဆယ် ကျော်ခဲ့ပါပြီ။ "မိုးပြိုည"ဆိုတဲ့ ဒီကဗျာတစ်ပုဒ်ကလည်း ခေတ်ပျက်ကြီးထဲက မှတ်တမ်းတစ်စောင်ပါပဲ။

နားဆင်ကြပါအုံးဗျာ

ရက္ခိုင့်တပ်မတော် ဒုစစ်ဦးစီးချုပ် ဒေါက်တာ ညိုထွန်းအောင်ဟာ "သူပုန်ဖြူ"ပါပဲ။ ကဗျာဆိုတာ ရင်ခုန်သံပါပဲလို့ ဆရာကြီး ဒဂုန်တာရာက ပြောခဲ့သလို သူပုန်ဖြူရဲ့ တော်လှန်သော ရင်ခုန်သံဟာ ငြိမ်းဝေကို လာငြိတယ် ၊ မြန်မာပြည်သူတွေကို သွားငြိတယ် ၊ ခင်ဗျားတို့ ကျွန်တော်တို့လူငယ်တွေကိုလည်း လာငြိခဲ့ပါတယ်။

နားဆင်ကြပါအုံးဗျာ။

ဦးငြိမ်းဝေရဲ့ အတွေ့ကြုံများထဲက တစ်ခုဖြစ်တဲ့ တောတောင် အတွင်း ဖြတ်သန်းမှုများက စိတ်ထိခိုက်စရာ ၊ မှင်သက်အံ့သြစရာ ကောင်းလှပါတယ်။ ၅ နှစ်အရွယ် ကရင်ကလေးငယ်နှင့်အတူ စစ်ပြေးကြရင် အဖေနဲ့ဝေးရတဲ့ ကရင်ကလေးငယ် ၊ တစ်ဦးတည်းသော သားငယ်ကို ထားခဲ့ရတဲ့ ကဗျာဆရာငြိမ်းဝေတို့ရဲ့ အဖြစ်အပျက် မှတ်ဥာဏ် တစ်ပိုင်းတစ်စ ကို မွန်ဂိုလီယား ကဗျာဆရာ ရဲ့ " စစ်ပွဲ" ဆိုတဲ့ ကဗျာနဲ့ ခံစား ဝေမျှထားပါတယ်။ နားဆင်ကြပါအုံးဗျာ။

ကဗျာဆရာ ငြိမ်းဝေဟာ မြန်မာပြည်ဖွား ခေတ်ပေါ် ကဗျာ လမ်းသစ်ဖောက်ခဲ့သူ ကဗျာစွန့်ဦးဆရာတစ်ီဥးဖြစ်တဲ့ မောင်ချောနွယ်ရဲ့ ကဗျာ " ပင်မှည့်တေး" ကိုခံစား တင်ဆက်ထားပါတယ်။ ခေတ်တစ်ခုကို အတူဖြတ်သန်းခဲ့ကြတဲ့ ကဗျာဆရာ တစ်ဦးက တစ်ဦးအပေါ် ဂုဏ်ပြုခံစားတင်ဆက်ထားခြင်းဟာ ချစ်စဖွယ်ပါပဲ။ နားဆင်သူတွေ အတွက် ချစ်သူစစ်စစ်နဲ့ ရန်သူစစ်စစ်ကို ခွဲခြားနိုင်ဖို့ ဆုတောင်းပေးလိုက်ပါတယ်။

သောတဆင်ကြပါအုံးခင်ဗျာ။

ကဗျာဆရာ ငြိမ်းဝေဟာ လွန်ခဲ့သော နှစ် ၃၀ က သူကြုံဆုံခဲ့ရသော စစ်ဒဏ်သင့် ကရင်ပြည်နယ် ကြုံစိန်ရွာ မှ ငယ်ရွယ်စွာ အသက်ဆုံးပါးခဲ့ရသော ကရင် သူနာပြုဆရာမလေး နော်ဖောကေ နဲ့ ဘဝနောက်ခံတူ နိုဘယ်ဆုရ စစ်ပြေးကဗျာဆရာမ မင်ချူးရာ ရဲ့ " နယ်စပ်ကိုဖြတ်ကျော်၍" ဆိုတဲ့ ကဗျာကို ရွတ်ဆို ဝေမျှဖြစ်ခဲ့ပါတယ်။ နားဆင်ခံစားကြပါအုံးခင်ဗျာ။