The Bardees Project Podcast - بودكاست مشروع برديس

في فرق بين إنك توقف لأنك فعلاً ما بتقدر، وإنك توقف لأنك بطّلت تصدق إنه في فايدة. هاي أول حلقة من سلسلة ثلاث حلقات عن كتاب (أبعد من المعتقدات) لنير إيال ، وبنبلّش من القوة الأولى للمعتقد: الانتباه.

وصلت لهدف ضلّيت سنين بدك إياه، وفرحت فيه يوم أو أسبوع، وبعدها حياتك رجعت عادية. وكأنك ما عملت إشي. بهاي الحلقة بحكي عن اسم هاي الحالة، وعن إشي واحد بيتغير فعلاً لما توصل.

أنا بوك وورم، وبقرا أربع كتب بنفس الوقت أحيانا، بس في نوع واحد من الكتب بتجنّبه من سنين. بهاي الحلقة رانية بتعمللي جلسة كوتشينغ على الهوا، وبتسألني أسئلة عميقة ما كنت مستعدة لأجوبتها.

مشينا وركضنا بماراثون عمان، وطلعنا منه بإشي أكبر من السباق. بحلقة اليوم بنحكي عن الرحلة الداخلية اللي بتصير جوا راسك وإنت ماشي، وعن أرقام صدمتنا، وعن ليش بعد خط النهاية ما بتضل نفس الشخص.

ليش آخر يوم طويل بتحسوا إنكم ما عملتوا إشي؟

باقي مية يوم بس على آخر السنة! بنحكي عن تحدي المئة يوم: كيف تختاروا عادات وتربطوها بأهدافكم، وتتبعوها بمرونة بدون ما تجلدوا حالكم إذا فوّتوا يوم

حلقة عالسريع! 10 دقايق بتكفي عشان تتحركوا بأهدافكم، بس في شرط واحد. بحكي كيف تخلوا البداية أسهل ما يمكن.

حلقة عالسريع! قائمة أهدافكم مليانة ومش عارفين وين تبلشوا؟ بهاي الحلقة بحكي كيف تختاروا شو بيستاهل تركيزكم بالفترة الجاية.

حلقة عالسريع! أيلول بداية جديدة زي كانون الثاني، بس بدون ضغطه. اللي راح خلص راح، وهاي فرصتك تبلش من جديد

عالسريع! "مش قادرة أسمع حالي": هيك حكولي أعضاء مجموعة الكوتشينج بعد الإجازات الطويلة. طريقتين ترجع فيهم تسمع حالك

حلقة عالسريع! فكرة تكررت معي بآخر جلسة مع مجموعة الأهداف: ما يُكتب يُنجز

برديس بتعترف: عندها بست فريند غير رانية، وهو الذكاء الاصطناعي. بهاي الحلقة بنحكي بصراحة عن كيف صار جزء من يومنا وشغلنا: من تحضير الورشات وإدارة مهام البيت والأولاد، لتعلم اللغات وبناء الخطط. بنحكي عن الخوف من الاعتماد الزائد، وليش جودة اللي بيطلع من الأداة بتعتمد على جودة اللي بندخله، وشو الأشياء اللي ما رح يقدر أي روبوت يستبدلها فينا.

طلعنا مرة بالقطار، هلق بدنا نطلع بالهليكوبتر. بهاي الحلقة بنحكي عن الزوم آوت: كيف نطلع فوق ونشوف حياتنا من بعيد بدل ما نغرق بتفاصيل اليومي. بنحكي عن عجلة الحياة، الرزنامة المرئية، التدوين، والأسئلة اللي بتغير القصة اللي براسنا. وليش مرات بنحتاج حدا يساعدنا نطلع فوق.

من حلقة 36 وإحنا بنحكي عن الفصول الأربعة للدورة الشهرية، ومن يومها صار جزء من لغتنا اليومية. بهاي الحلقة بنرجعلهم بعد سنين من نيشهم وتطبيقهم: شتاء، ربيع، صيف، خريف. كل فصل إله طاقته ومهامه اللي بتناسبه، وكل فصل إله جانب مضيء وجانب مظلم. بنحكي كيف نوظف طاقتنا حسب الفصل بدل ما نحارب حالنا

بحلقة 93 تحديت رانية تعمل تتبع لوقتها، وانضميت للتحدي معها. بهاي الحلقة بنفتح النتائج مع بعض. في رقم طلع معي صدمني، وفي شغلة اكتشفتها رانية عن رزنامتها ما توقعتها. وبنحكي عن الفرق اللي كلنا بنتجاهله بين إدارة الوقت وإدارة الطاقة

بهاي الحلقة رانية طلعت معها كلمة "الخفة" بصفحات الصباح. ليش عم نحس بثقل مع إنه عم نشتغل على حالنا؟ بنحكي عن التفكير الزائد اللي بيخلينا ننسى نعيش تفاصيل الحياة الحلوة الصغيرة. وعن التلفون اللي صار مرجعيتنا. 4 ساعات باليوم = 60 يوم بالسنة. كيف نرجع للخفة؟

بهاي الحلقة بنحكي عن عملية الطرح. ليش دايما بنفكر نضيف لحياتنا وما بنفكر نشيل؟ دماغنا مبرمج على التجميع من أيام الإنسان الأول. بنحكي عن التعزيل كعادة يومية مش مشروع موسمي، وكيف 15 دقيقة بتايمر بتغير كل شي. ورانية بتفاجأ قديش أنجزت برف واحد بربع ساعة.

الحلقة المية من بودكاست مشروع برديس! سجلناها لايف على إنستغرام بعد غيبة ثلاث سنين عن اللايف. جاوبت على أسئلتكم عن الاستمرارية وبناء العادات واتخاذ القرارات والأمومة والطاقة الإيجابية. من 29 آذار 2020 لليوم، شو تغير وشو تعلمت

حلقة احتفالية لايف اسألوني شو ما بدكم

حلقة جديدة من سلسلة أنا ورانية. هالمرة برديس بتفتح موضوع حسّاس عندها: الغيرة، التعلّق بالنتائج، والإحساس إنه مهما عملت مش عم توصل زي ما بدها. ورانية بتاخدها برحلة كوتشينج عن السماح بالمشاعر، الفرق بين الشغل والنتيجة، وإنه انطلاق أي حلقة هو خط البداية مش خط النهاية. حلقة صادقة عن بناء الإرث، المتعة اللي ورا اللي بنعمله، ودور الكوتش كشريك أفكار.

بهاي الحلقة لعبنا لعبة! سحبنا بطاقات محادثة من كتاب ساوندتراكس لجون أكف وعملنا تأمل عليهم. بنحكي عن الأسطوانة المشروخة اللي براسنا وكيف نبدلها بأفكار إيجابية. عن كلمة "لسا" اللي بتفتح مساحة بدل ما نسكر الباب على حالنا. وعن الإيداع بالعلاقات وليش الأحلام بدها إذن.

بهاي الحلقة من سلسلة "أنا ورانية" بنحكي عن مراحل تحقيق الأهداف: احلم، خطط، نفّذ، راجع. برديس حاسة حالها على القطار بمرحلة تنفيذ، ورانية بتسألها شو يعني. بنحكي عن الفرق بين المهام والأهداف، ليش بنعلق بمرحلة التخطيط وما بنبلش، كيف نضل متواصلين مع أهدافنا، وليش الأهداف لازم تكون مرئية عشان ما ننساها. وبنحكي عن مرحلة الحلم وليش بنخاف نحلم أحلام كبير

بهاي الحلقة بنحكي عن السعادة والوقت. شو علاقة الساعات الحرة بسعادتنا؟ دراسة كبيرة بتقول إنه في عدد ساعات معين لإلنا باليوم إذا قل عنه أو زاد بنكون أقل سعادة. بنحكي عن كتاب ساعات أسعد وكيف نطوّل شعور السعادة بممارسات صغيرة يومية.

في هاي الحلقة من سلسلة "أنا ورانية"، بنحكي عن الحلقة المفقودة بتحقيق الأهداف: الالتزام. المعلومة موجودة والخطة جاهزة بس ليش بنبلش وما بنكمل؟ بنحكي عن طاقة البدايات واختيار التوقيت المناسب، ليش خيبة الأمل المتكررة بتسرق ثقتنا بنفسنا، والفرق بين الاستمرارية والكمالية. بنشارككم كيف المرونة بالعادة بيساعدوا نكمل بدل ما نوقف.

في هاي الحلقة من سلسلة "أنا ورانية"، برديس بتطلب من رانية تساعدها ترجع على الجيم بعد عشر سنين. رانية كخبيرة بالرياضة والالتزام بالجيم بتشاركنا فكرة "الجيم شوبينج": قبل ما تسجلي، جربي، زوري، اختاري. بنحكي عن نقاط الاحتكاك اللي بتخلينا نترك الجيم، من الصفة للأواعي للشنطة للفطور. وليش "ليش بدك تعملي رياضة" هو أهم سؤال تسأليه لحالك.

في سادس حلقة من سلسلة "أنا ورانية"، رانية بتسأل برديس عن التايم بلوكينج، تقسيم الوقت، اللي هي أداة بتستخدمها برديس من سنين. بنحكي كيف بتقسم يومها لبلوكات على الورق بثلاث أعمدة: الساعات، الخطة، والواقع. كيف بتخطط لبكرا قبل ما تروح من شغلها، وليش هيك أحسن من تخطيط الصبح. وكيف رانية بدها تبلش بتتبع وقتها أول عشان تعرف وين عم بروح وقتها.

في خامس حلقة من سلسلة "أنا ورانية" بنحكي عن أداة تدوين غيّرت روتيننا الصباحي، صفحات الصباح من كتاب طريق الفنان لجوليا كاميرون. رانية ملتزمة فيها من سنة وأربع شهور وبتعتبرها زي فرشة الأسنان. بنحكي كيف نعملها، ليش بتهدينا، كيف بتساعدنا نلقط أنماط تفكيرنا، وليش تيم فيريس بيسميها أرخص علاج نفسي بحياته. وبنشارككم كمان عن أداة ثانية من الكتاب، موعد الفنان مع النفس.

في رابع حلقة من سلسلة "أنا ورانية" بنفتح المكالمة الأسبوعية وبنوريكم بالضبط كيف شكلها من جوا. بعد ما حكينا بالحلقة الماضية عن المراجعة الأسبوعية، اليوم بنحكي عن الجزء الثاني — شراكة الأهداف. كيف بنتبع أهداف بعض، شو الأسئلة اللي بنسألها، ليش "متى ووين" أهم من "بدي أعمل"، وكيف خيبة الأمل من حالنا بتسرق ثقتنا بنفسنا. بنشارككم أسئلة عملية تقدروا تستخدموها مع شريك أهدافكم من أول مكالمة.

في ثالث حلقة من سلسلة "أنا ورانية" بنرجع لموضوع قريب لقلوبنا — المراجعة الأسبوعية. آخر مرة حكينا عنها كانت من 6 سنين بأوائل حلقات البودكاست، واليوم بنشارككم كيف بنعملها بـ 2026 بعد 8 سنين من شراكة الأهداف. كيف بنتذكر نجاحاتنا وتحدياتنا، وين بنكتبها، كيف بنخطط للأسبوع الجاي، وليش هاي العادة أهم من الاستيقاظ المبكر. المراجعة الأسبوعية هي لحظة صدق مع الذات — مش بس شو أنجزنا، كمان وين كنا أحسن نسخة من حالنا ووين لأ.

في ثاني حلقة من سلسلة "أنا ورانية" بنقلب الأدوار — هالمرة أنا اللي بشارك تجربتي ورانية بتسألني. الموضوع: الهدف المالي. هدف أخذ معي سنة ونص يتحقق — كيف سيطرت على حياتي المالية، بلشت أتبع مصاريفي، بطلت أتفاجأ بالفواتير، وصرت أخطط للمصاريف الكبيرة. بنحكي عن تتبع المصاريف كعادة يومية، المعتقدات المالية اللي كانت تحبسني، والفرق بين الحرمان والتخطيط الواعي. إذا المال مصدر ضغط بحياتك — هاي الحلقة إلك.

رانية عندها هدف ظل ينتقل معها من سنة لسنة لمدة ٦ سنين، رغم إنها دارسة تغذية وعندها كل المعرفة والرياضة ما وقفت. لغاية ما قررت تعمل إشي مختلف

جربها قبل ما تلتزم فيها موسم تخطيط الأهداف قد بدأ!

ولماذا يمكن أن تود فعل ذلك أيضا؟ موسم تخطيط الأهداف قد بدأ!

فكرة جديدة عن التغيير تحتاج سماعها شرح الفصل الثامن والأخير من كتاب How to Change - Katy Milkman

عمرك أعدت استخدام المنشفة بالفندق؟ اليوم بشرحلك السبب! شرح الفصل السابع من كتاب How to Change - Katy Milkman

شرح الفصل السادس من كتاب How to Change - Katy Milkman

شرح الفصل الخامس من كتاب How to Change - Katy Milkman

شرح الفصل الرابع من كتاب How to Change - Katy Milkman

شرح الفصل الثالث من كتاب How to Change - Katy Milkman

شرح الفصل الثاني من كتاب How to Change - Katy Milkman

شرح الفصل الأول من كتاب How to Change - Katy Milkman

ضيفة الحلقة أنا! والمستضيفة شريكة أهدافي وصديقتي رانية خوري

تعرف على أمثلة على معتقدات مالية مقيدة نؤمن بها تؤثر سلباُ على علاقتنا بالمال وعن عقلية الوفرة والكثرة مقابل عقلية القلة، وعن الفرق بين الغني والثري وكيف تتحررمن المعتقدات المقيدة وتستبدلها بمعتقدات جديدة تعرف أيضاً على قصة المستشارة المالية كرستين حدادين الملهمة صاحبة خبرة تزيد عن 20 سنة في شركات الخدمات المالية

شعار علاقاتي الجديد

هناك نوع من المشاكل التي نريدها وليس علينا أن نخشاها

اسمعوا هاي الحلقة لترفعوا معنوياتكم

نصائح غير تقليدية لتنظيم وقتك

مُرضي الآخرين، المتسائل، الملتزم، المتمرد هل تعرف لأي من أي الشخصيات تميل؟ جرب اختبار تحليل الشخصية في وصف الحلقة

وقصتي مع القراءة عبر السنين

ما هو وما هي مكوناته الثلاث

هذه العلامات ممكن تكون بدايات الاحتراق

نصائحي للاستيقاظ باكرا وشرح العادات الصباحية الستة حسب كتاب معجزة الصباح

تنظيم روتين المساء هو السر

هل أنت من هؤلاء الأشخاص الثمانية؟

سبع نصائح لتستغلوا العطلة صح

تعلم من أخطائي

الاستقالة ليست بالضرورة الإجابة

نحن والفصول والمواسم والأهداف

لزيادة الإنتاجية والتركيز اتبع هذه الخطوات كل أسبوع

تذكير صغير مع محبتي

احنا مش مثل قبل أكتوبر 2023

انضموا لتدريب ابن عاداتك لتغير حياتك عبر الرابط في الأسفل الآن لتتغلبوا على هذه العادة السلبية وكتيرغيرها

شرح كتاب فن الرعاية الذاتية القصوى للكاتبة شيريل ريتشاردسون: 12 طريقة عملية وملهمة لتحب نفسك أكثر

شرح أسباب وأعراض الاحتراق النفسي والوظيفي و قصتي مع الاحتراق

إعادة نشر الحلقة الثانية من بودكاست ماما سيما الذي كنت ضيفة فيه للحديث عن خطوات ونصائح لتخطيط الأهداف

إعادة نشر الحلقة الأولى من بودكاست ماما سيما الذي كنت ضيفة فيه للحديث عن خطوات ونصائح لتخطيط الأهداف

شرح كتاب حسن علاقتي بمنزلي: تعزيل البيت بسرعة الحياة-دانا وايت -بهدف تقليل الفوضى وتبسيط الأغراض

شرح كتاب: كيف يمكنك إدارة وترتيب منزلك دون أن تفقدي عقلك-دانا وايت

نوع من التدوين خاص بالحلم بالمستقبل

خطط وقتك بهذه الطريقة

طريقتين لتخطيط أهداف الشهر وأسرار لنجاحها

نوع من التدوين مفيد لما يكون تفكيرك علقان بقصة

وكيف تجاوبه كل يوم صباحاً

بعد سنتين من أول مرة حكيت فيها عن الاحتراق في الحلقة الأولى، بحكي عنه بمقابلة مع الرائعة آمال القادري

وشو أحلى إشي صار فيه؟ إذا مو عارف، خليني أساعدك

وأكاذيب أخرى نصدقها

في هذه الحلقة أشارك معكم ست نصائح لإعادة الالتزام بقرارات السنة الجديدة أو بأهدافك بشكل عام وخاصة أهداف العادات، أي منها المفضل لديك؟

أشارك معكم في هذه الحلقة كيفية اختيار كلمتكم للسنة التي ستكون منارة تقودكم وتلهمكم خلال السنة لتتقدموا في حياتكم وتعيشوا حياتكم كما أنتم ترغبون وتحققوا أهدافكم

طقوس بدء يوم العمل بإنتاجية عالية

طقوس إنهاء يوم العمل بأربع أسئلة

أشارك معكم في هذه الحلقة طريقة تساعدكم على البدء بالمهام بسهولة أكبر: أترك فتات خبز

عبر بودكاست دفتري حوار مع برديس سميرات حول صناعة المحتوى الرقمي على منصات التواصل الاجتماعي، برديس بتعمل محتوى في تطوير الذات من خلال طرح مشاركة النصائح والتطبيقات العملية في هذا الموضوع

القانون الرابع- اجعل العادة مشبعة مناقشة كتاب العادات الذرية-جيمس كلير

القانون الثالث- اجعل العادة سهلة مناقشة كتاب العادات الذرية-جيمس كلير

القانون الثاني- اجعل العادة جذابة مناقشة كتاب العادات الذرية-جيمس كلير

القانون الأول- اجعل العادة واضحة مناقشة كتاب العادات الذرية-جيمس كلير

كيف تبني العادات في أربع خطوات بسيطة مناقشة كتاب العادات الذرية-جيمس كلير

كيف تشكل العادات هويتك مناقشة كتاب العادات الذرية-جيمس كلير