ទស្សនៈខ្ញុំគេ

តើអ្នកស្គាល់ Progress Principle ដែរទេ? Episode នេះនឹងបង្ហាញពីអត្ថប្រយោជន៍របស់វា នៅក្នុងការគ្រប់គ្រងបុគ្គលិក។

LinkedIn មិនមែនជាកន្លែងដើម្បីស្វែងរកការងារ ឬរៀនអនឡាញនោះទេ វាក៏ជាកន្លែងដែលអ្នកទទួលបានចំណេះដឹងដោយឥតថ្លៃពីអ្នកជំនាញជាច្រើនផងដែរ។ គេផុសឱ្យយើងអានហើយ តើចាំដល់ពេលណាទើបទៅរៀនពីគេ?

Episode នេះដកស្រង់ពី​ សម្តីរបស់ស្ទីវចប ដែលអ្នកអាចយកមកប្រើបាននៅក្នុងការងារ

សូមកុំធ្វើជាអ្នកដែលធ្វើការ១ឆ្នាំ ប៉ុន្តែទទួលបានបទពិសោធន៍ត្រឹមតែកន្លះឆ្នាំ។​ បើធ្វើការ១ឆ្នាំ អ្នកត្រូវតែមានបទពិសោធន៍គ្រប់១ឆ្នាំ។

តើប្រាក់ខែតិច ឬច្រើន ពិតជាមិនសំខាន់សម្រាប់បុគ្គលិកមែនដែរទេ? តើអ្នកគួរខ្វល់ថាបានធ្វើការជាមួយមេល្អ ឬមិនល្អដែរទេ?

នេះជាការពន្យល់ខ្លីពីអ្វីដែលខ្ញុំតែងតែលើកមកនិយាយនៅលើផតខាតនេះ

ក្នុង episode នេះ ខ្ញុំនឹងនិយាយពីស្ថិរភាពការងារ និងមូលហេតុដែលអ្នកមិនគួរខ្វល់ពីវាក្នុងពេលបច្ចុប្បន្ននេះ។ ក្រៅពីស្ថិរភាពការងារ អ្នកនៅមានរឿងមួយដែលត្រូវខ្វល់ គឺឱកាសការងារ។

សូមស្តាប់ episode 89 ដែលនិយាយពីវិធីបង្កើតឱកាសការងារ ដោយការរៀនជំនាញថ្មី។

ដោយសារមានគេផ្ញើជាសំណួរទាក់ទងនឹង internship របស់ខ្ញុំនៅលើផេកហ្វេសប៊ុកទស្សនៈខ្ញុំគេ ខ្ញុំក៏រៀបចំ episode នេះឡើង។​

ខ្ញុំនឹងនិយាយពីមូលហេតុដែលខ្ញុំមិនធ្វើ internship បន្តទៀត។

ក្នុង episode នេះ ខ្ញុំនឹងនិយាយអំពីរបៀបបង្កើតឱកាសការងារដល់ខ្លួនឯង ដោយរៀនជំនាញថ្មី។ ខ្ញុំក៏និយាយពីគន្លឹះដើម្បីរៀនទៅ មិនឈប់កណ្តាលទីផងដែរ។​

ការរៀនជំនាញថ្មី ជាវិធីធ្វើឱ្យខ្លួនអ្នកមានទីផ្សារក្នុងភ្នែកអ្នកដទៃ។

ក្នុង episode នេះ ខ្ញុំនិយាយអំពី checklist ដែលជាវិធីសាស្រ្តធ្វើការដ៏មានរបៀបមួយ។ អ្នកអាចប្រើ ​checklist ជាមួយកិច្ចការគ្រប់ប្រភេទ ជាពិសេសការងារដែលមានភាពសាំញ៉ាំ​ និង​មិនចង់ឱ្យកំហុសដោយអចេតនា។​

Checklist មិនមែនជាអ្វីថ្មីទេ ហេតុនេះអ្នកធ្វើការថ្មីៗ គួរតែមានជាប់ខ្លួន។

ក្នុង episode នេះ ខ្ញុំនិយាយពីការប្រើប្រាស់ To-do list ដែលអាចជួយឱ្យអ្នកមានពេលវេលាសម្រាប់ការងារ និង​ជីវិតផ្ទាល់ខ្លួន។ អ្នកមិនគួរធ្វើការរហូតដល់ភ្លេចខ្លួនមិនបានធ្វើរឿងខាងក្រៅទេ។​

អ្នកធ្វើការដើម្បីរស់ ត្រូវតែមានTo-do list ប្រភេទនេះ។

ក្នុង episode នេះ ខ្ញុំនឹងលើកឡើងពីទម្លាប់ល្អ៥យ៉ាងដែលអាចជួយឱ្យការងាររបស់អ្នកទៅមុខបានយ៉ាងល្អ និងបង្កើនភាពរីករាយនៅពេលធ្វើការទៀតផង។​

ទម្លាប់ទាំង៥នេះ យកចេញមកពីបទពិសោធន៍ការងាររបស់ខ្ញុំនៅក្នុងផ្នែកតិចណូឡូជី ហើយខ្ញុំនឹងបន្ថែមនៅពេលក្រោយទៀត បើសិនជាមានឱកាស។

ក្នុង episode នេះ ខ្ញុំលើកឡើងពីតុល្យភាពមួយរវាងការងារ និង​ការរស់នៅ។ បើការងារអ្នកមានគុណភាព ការរស់នៅរបស់អ្នកក៏គួរតែមានគុណភាពដែរ។​

ដើម្បីធ្វើបែបនេះបាន អ្នកត្រូវមានប្រាក់ខែសមតាមអ្វីដែលអ្នកផ្តល់ឱ្យទៅខាងក្រុមហ៊ុន។

បើមិនសាក ម៉េចនឹងដឹង?

ក្នុង Episode នេះ ខ្ញុំនឹងលើកពីអត្ថប្រយោជន៍តូចៗចំនួន៤ ដែលបានមកពីការរកស៊ីក្រៅម៉ោង ឬហៅថា ស៊ី project ក្រៅ។ បុគ្គលិកដែលដឹងពីរបៀបធ្វើការក្រៅម៉ោង តែងតែមានបទពិសោធន៍ការងារច្រើនជាង និងទូលាយជាងបុគ្គលិកដែលធ្វើការតែមួយកន្លែង។

ក្រៅពីចំណូលបន្ថែម អត្ថប្រយោជន៍ទាំង៤នេះ ក៏ជារឿងដែលអ្នកគួរមានចិត្តចង់សាកដែរ។

នៅក្នុង Episode នេះ ខ្ញុំនឹងលើកឡើងពី Motivation ថាតើវាជាអ្វី និងកើតចេញពីណាមក។ 

បន្ទាប់មកទៀត ខ្ញុំនឹងនិយាយអំពីគុណតម្លៃស្នូលរបស់មនុស្សម្នាក់ និង​របៀបស្វែងរកវាដោយខ្លួនឯង។

តើអ្នកណាមិនធ្លាប់ធ្វើការលើសម៉ោង?

ក្នុង Episode នេះ ខ្ញុំនឹងលើកឡើងពីចំណុចវិជ្ជមាន និងអវិជ្ជមាននៃការធ្វើការលើសម៉ោង។ អ្នកនឹងបានដឹងថា តើហេតុអ្វីបានជាការធ្វើការងារលើសម៉ោងប៉ះពាល់ដល់ជីវិតឯកជនរបស់អ្នក។

៨ម៉ោង ជាពេលវេលាសម្រាប់ធ្វើការ ប៉ុន្តែសួរថា តើអ្នកណាអាចធ្វើការពេញ៨ម៉ោងនោះ?

តើជាមនុស្សប្រភេទមួយណា? ធ្វើការដើម្បីរស់ ឬរស់ដើម្បីតែធ្វើការ។

ក្នុង Episode នេះ ខ្ញុំនឹងលើកឡើងពីការចាត់ទុកការងារជាគោលដៅជីវិត។ 

ក្នុង Episode នេះ ខ្ញុំឆ្លើយសំណួរអ្នកស្តាប់ម្នាក់ដែលគាត់បានសួរតាំងពីប៉ុន្មានខែមុនមកម្ល៉េះ។ គាត់ឱ្យខ្ញុំលើកឧទាហរណ៍ជំនាញដែលងាប់ក្រឡា។ ជំនាញដែលអ្នកកំពុងមាន អាចនឹងបាត់ទីផ្សារម្តងបន្តិច បើអ្នកមិនចាប់អារម្មណ៍ពីការប្រែប្រួលក្នុងវិស័យរបស់អ្នក។

ខ្ញុំក៏និយាយពីការសង្កេតមើលជំនាញក្រាហ្វិចឌីហ្សាញក្នុងស្រុកខ្មែរផងដែរ។​ វាជាការសង្កេតមួយដែលគ្រប់លក្ខណៈទេ ប៉ុន្តែខ្ញុំអាចអះអាងថា ជំនាញនេះ មានការប្រកួតប្រជែងខ្លាំងជាងមុន ប៉ុន្តែប្រាក់ខែមិនកើនឡើងសោះ។

ក្នុង Episode ខ្ញុំនឹងលើកឡើងពីគំនិតមួយដែលខ្ញុំតែងតែប្រើនៅក្នុងការងារ។ ខ្ញុំនឹងបង្រៀនអ្នកពីការលក់ជំនាញ ដើម្បីកុំឱ្យអ្នកយល់ថា អ្នកធ្វើការដើម្បីតែអ្នកដទៃ។

ក្នុង Episode នេះ ខ្ញុំនឹងលើកពីពេលវេលាដែលអ្នកគួរធ្វើការក្នុងក្រុមហ៊ុនតូច និងពេលវេលាដែលត្រូវហក់ទៅរកក្រុមហ៊ុនស្តង់ដារ។ អ្នកមិនអាចធ្វើការងាប់ក្រឡាបានទេ។ ក្រុមហ៊ុនតូចមានអត្ថប្រយោជន៍របស់វាមែន ប៉ុន្តែបើដល់ពេលដែលអ្នកត្រូវលោតចេញហើយ អ្នកមិនព្រមចេញ អ្នកនឹងចាប់ផ្តើមបាត់ប្រយោជន៍វិញ។

បើអ្នកចូលចិត្ត motivation ហើយត្រូវការវាដើម្បីធ្វើការងារប្រចាំថ្ងៃរបស់អ្នក អ្នកនឹងជួបបញ្ហាហើយ។

នៅក្នុង episode នេះ ខ្ញុំនឹងបង្រៀនអ្នកពីវិធីបង្កើត motivation ដែលបានផលល្អជាការរង់ចាំវាពីអ្នកដទៃ។

វាគ្មានអ្វីប្រសើរជាងការធ្វើសកម្មភាពនោះទេ។

ក្នុង Episode ខ្ញុំនិយាយពី Linkedin ទៀតហើយ។​ បណ្តាញសង្គមដែលបង្កើតឡើងសម្រាប់អ្នកធ្វើការអាជីពគ្រប់ប្រភេទ។ 

បើអ្នកមិនទាន់មាន account ទេ អ្នកអាចនឹងបាត់បង់ឱកាសច្រើនណាស់ក្នុងការងារ ជាពិសេស បើអ្នកជាបុគ្គលិកជំនាញម្នាក់។

អ្វីដែល free ហើយអ្នកអាចប្រើជាប្រយោជន៍ឱ្យខ្លួនឯងបាន អ្នកគួរតែប្រើទៅ។

ក្រុមហ៊ុនណាក៏មានឱកាសសម្រាប់បុគ្គលិកដែរ ហើយជាទូទៅ ឱកាសទាំងនោះមានលក្ខខណ្ឌ។ បើអ្នកមិនដឹងពីលក្ខខណ្ឌទេ អ្នកក៏មិនអាចទទួលយកឱកាសនោះបានដូចគ្នា។

ក្នុង Episode នេះ ខ្ញុំលើកយកឱកាសមួយចំនួនដែលខ្ញុំធ្លាប់ជួប ដែលមានលក្ខខណ្ឌផ្សេងៗ។ លក្ខខណ្ឌខ្លះៗត្រូវបានគេលាក់មិនឱ្យបុគ្គលិកដឹងទេ ព្រោះវាមិនសូវទំនង។

បើអ្នកចង់បានឱកាស​ អ្នកត្រូវតែហ៊ានសួរពីលក្ខខណ្ឌឱ្យច្បាស់ជាមុនសិន។

អ្នកប្រាកដជាមិនចង់ឱ្យថ្នាក់លើមើលរំលងការខំប្រឹងរបស់អ្នកនោះទេ។ ក្នុង Episode នេះ ខ្ញុំនឹងលើកពីមូលហេតុ៣យ៉ាងដែលធ្វើឱ្យអ្នកមិនបានទទួលផលតបស្នងទៅនឹងការប្រឹងប្រែងធ្វើការរបស់អ្នក។ មូលហេតុទាំងនេះ ជាបទពិសោធន៍របស់ខ្ញុំផ្ទាល់ ហើយទើបតែកើតឡើងកាលពីដើមឆ្នាំទៀតផង។​

ការខំប្រឹង ត្រូវតែមានផលមកវិញ ប៉ុន្តែមុននឹងបានផល អ្នកត្រូវធ្វើរឿងមួយសិន។ 

Report ឱ្យបានលម្អិតពីអ្វីដែលអ្នកធ្វើ។

តើមានអ្វីដែលអ្នកមិនអាចរៀនបាន?

តើមានអ្វីដែលអ្នកគួរស្តាយក្រោយ បើសាលារៀនមិនបានបង្រៀនអ្នក?

Episode នេះជាការក្រើនរំលឹករបស់ខ្ញុំ អំពីការស្តាយក្រោយថាសាលាមិនបានបង្រៀនអ្នកគ្រប់យ៉ាង។

ក្នុង Episode នេះ ខ្ញុំនឹងលើពីអ្នកចេះស្ទើរ និងអ្នកចេះស្ទាត់។ តើអ្នកណានឹងមានឱកាសការងារច្រើនជាង? មូលហេតុអ្វីបានជាខ្ញុំហ៊ាននិយាយបែបនេះ?

តើក្រាហ្វិចឌីហ្សាញនៅមានទីផ្សារដែរទេ? បើមាន តើមានដល់កម្រិតណា? 

ក្នុង Episode នេះ ខ្ញុំនឹងបកស្រាយឱ្យអ្នកដែលចង់រៀនជំនាញ បានត្រៀមខ្លួន ត្រៀមចិត្តជាមុន។

ជំនាញក្នុងស្រុកខ្មែរ មានការផ្លាស់ប្តូរយឺតជាងបរទេស ហេតុនេះយើងមានពេលគ្រប់គ្រាន់ដើម្បីត្រៀមខ្លួនទទួលយកអ្វីថ្មីពីស្រុកគេ។

សំណួរពីអ្នកស្តាប់

បើរៀនក្រាហ្វិចឌីហ្សាញ តើគួររៀនដោយខ្លួនឯង ឬរៀននៅសាលា?

សំណួរពីអ្នកស្តាប់

ចង់ធ្វើការក្រាហ្វិចឌីហ្សាញ ចាំបាច់ត្រូវរៀនអាយធី៤ឆ្នាំដែរទេ?

សំណួរល្អ ហើយជាសំណួរដែលត្រូវនឹងបទពិសោធន៍របស់ខ្ញុំផ្ទាល់ទៀត។

Episode  នេះ ខ្ញុំនិយាយពី​ចំណង់ចំណូលចិត្ត (Passion)។ របៀបស្វែងរកចំណង់ចំណូលចិត្ត គឺមានតែសាកល្បងទេ ប៉ុន្តែសម្រាប់ការងារវិញ អ្នកត្រូវពីតម្រូវការទីផ្សារផងដែរ។ តើត្រូវគិតរបៀបណា?

គោលដៅក្នុងការងារ ធ្វើឱ្យអ្នកមើលឃើញពីតម្លៃការងារ។

ក្នុង Episode នេះ ខ្ញុំនឹងលើកសំណួរទាក់ទងនឹងគោលដៅក្នុងការងារមកឱ្យអ្នកគិត។ តើការដាក់គោលដៅក្នុងការងារ អាចជួយអ្វីអ្នកបានខ្លះ? គោលដៅច្រើនពេក ឬតិចពេក សុទ្ធតែជារឿងមិនល្អ ចុះប៉ុន្មានទើបចាត់ទុកថាល្អ?

ក្នុង Episode នេះ ខ្ញុំនឹងលើកឡើងពីអត្ថប្រយោជន៍របស់ជំនាញបច្ចេកទេស ឬ technical skill។

តើមូលហេតុអ្វីបានជាអ្នកត្រូវមានវាមុន ដើម្បីធ្វើការបានល្អ?

ម៉ាឃីធីង ជាផ្នែកមិនច្បាស់លាស់ ហើយត្រូវការសាកល្បងរហូត។ វិធីដែលប្រើបានផលពីមុន មិនប្រាកដថាប្រើបានផលទៀតទេ។ ពេលជួបវិបត្តិ ក្រុមហ៊ុនមិនអាចសាល្បងចំណាយលុយផ្តេសផ្តាសបានឡើយ។

ក្នុង Episode នេះខ្ញុំនឹងនិយាយពីមូលហេតុដែលផ្នែកម៉ាឃីធីង ជាផ្នែកដែលគេត្រូវកាត់មុនគេ ពេលជួបវិបត្តិ។ ខ្ញុំប្រើបទពិសោធន៍ផ្ទាល់ខ្លួន និង​តួនាទីរបស់ម៉ាឃីធីងមកឆ្លើយសំណួរនេះ។​

សម្រាប់អ្នកដឹកនាំក្រុមទាំងអស់ មិនអាចមិនរវល់នឹងការមិនពេញចិត្តរបស់កូនក្រុមបានទេ។ ធ្វើការមិនសប្បាយចិត្ត មិនអាចធ្វើការបានល្អទេ។

ក្នុង Episode នេះ ខ្ញុំនិយាយពីការប្រើអ៊ីម៉េលសម្រាប់បុគ្គលិកថ្មីថ្មោងដែលទើបនឹងចេញរកការងារធ្វើ។ ការធ្វើខ្លួនឱ្យ Professional ចាប់ផ្តើមឡើងពីការប្រើអ៊ីម៉េលនេះឯង។

ក្នុង Episode នេះ ខ្ញុំនិយាយពីសៀវភៅថ្មីរបស់ខ្ញុំដែលកំពុងតែសរសេរ។ សៀវភៅ ក្បួនធ្វើខ្ញុំគេ ជាសៀវភៅមួយទៀតដែលខ្ញុំសរសេរឡើងដើម្បីផ្តល់ជាគន្លឹះល្អៗសម្រាប់អ្នកធ្វើការសម័យថ្មី។

ក្នុង Episode នេះ ខ្ញុំនឹងលើកឡើងពីចំណុចសំខាន់២យ៉ាងដែលបុគ្គលិកត្រូវមាន បើសិនជាចង់ជោគជ័យក្នុងការងារ។ ចំណុចទាំង២នោះ គឺ ជំនាញ និង​ចំណូលចិត្ត។

អ្នកមិនអាចទៅធ្វើការ ដោយគ្មានជំនាញបានទេ ហើយអ្នកក៏មិនអាចប្រើជំនាញបានល្អដែរ បើគ្មានចំណូលចិត្ត។

ក្នុង Episode នេះ ខ្ញុំនឹងលើកឡើងពីកិច្ចការមួយដែលជាទូទៅត្រូវបានគេចាត់ទុកថាជារឿងខាតពេល។ នោះគឺ ការប្រជុំ។

តើការប្រជុំរបៀបណាដែលមានប្រយោជន៍ដល់បុគ្គលិក? ឬក៏ការប្រជុំទាំងអស់ សុទ្ធតែគ្មានប្រយោជន៍ទេ?

តើអ្នកគួរធ្វើបែបណាដើម្បីរំដោះខ្លួនពីការប្រជុំដែលមិនចាំបាច់?

ក្នុង Episdoe នេះ ខ្ញុំនឹងលើកយកចំណុចមួយដែលខ្ញុំសម្គាល់ឃើញ គឺការឲ្យតម្លៃខុសគ្នារវាងបុគ្គលិកបរទេស​ និងបុគ្គលិកខ្មែរ។

តើអ្វីជាចំណុចខុសគ្នារវាងបុគ្គលិកទាំង២នេះ?

ក្នុង Episode នេះ ខ្ញុំនឹងឆ្លើយសំណួររបស់អ្នកស្តាប់ម្នាក់ទាក់ទងនឹងការច្រណែននៅកន្លែងការងារ។

ការច្រណែនក្នុងការងារ មិនមែនជាទំនួលខុសត្រូវរបស់អ្នកទេ ប៉ុន្តែអ្នកអាចធ្វើរឿងខ្លះដើម្បីឲ្យងាយស្រួលទាំងអស់គ្នាបាន។

ក្នុង Episode នេះ ខ្ញុំនឹងឆ្លើយសំណួរអ្នកស្តាប់ម្នាក់ដែលបានសួរទាក់ទងការរៀនតាមអនឡាញ។ 

ជំនាញដែលគ្មានសញ្ញប័ត្រនៅខាងក្រៅ ជាជំនាញដែលអ្នកណាក៏អាចរៀនបាន ប៉ុន្តែសម្រាប់អ្នកធ្វើការ ចាំបាច់ត្រូវដឹងថា តើរៀនហើយ អាចជួយអ្វីដល់ស្ថាប័នការងាររបស់ខ្លួន។

ក្នុង Episode នេះ ខ្ញុំនឹងលើកពីបញ្ហាដដែលៗមួយសម្រាប់បុគ្គលិកថ្មីដែលទើបនឹងធ្វើការក្នុងក្រុមហ៊ុនថ្មី។ 

បុគ្គលិកថ្មី ដែលភ្លេចគិតថាបុគ្គលិកចាស់បានធ្វើអ្វីខ្លះសម្រាប់ក្រុមហ៊ុន ច្រើនតែធ្វើឲ្យរឿងតូចក្លាយជារឿងធំ រហូតមិនអាចកែប្រែអ្វីទាំងអស់។

តើបុគ្គលិកថ្មី គួរតែផ្តល់អ្វីខ្លះទៅដល់ក្រុមហ៊ុន មុននឹងលើកយោបល់ផ្លាស់ប្តូរ។

ស្ទីវចប ធ្លាប់និយាយថា អ្នកមិនគួររស់នៅដើម្បីជីវិតអ្នកដទៃទេ។ ពាក្យនេះ ត្រូវបានគេចាត់ទុកថា ជាការជម្រុញឲ្យមនុស្សចាប់ផ្តើមអាជីវកម្មខ្លួនឯង។

ក្នុង Episode នេះ ខ្ញុំនឹងលើកពីជ្រុងមួយទៀតដែលអ្នកមិនគិតដល់ ឬអ្នកដទៃមិនបានលើកមកនិយាយពីមុនមក។​ ការធ្វើការឲ្យគេ ក៏ជាអ្វីដែលស្ទីវចបចង់ប្រាប់អ្នកដែរ។​

ពេលវេលាអ្នកមានតម្លៃណាស់ ហេតុនេះកុំទៅធ្វើជាសហគ្រិន បើអ្នកមិនចង់ធ្វើសហគ្រិន។

ក្នុង Episode  នេះ ខ្ញុំនឹងលើកពីដំណោះស្រាយផ្ទាល់ខ្លួនចំពោះការងារដែលអ្នកស្អប់។ ខ្ញុំមិនលើកពីការងារដែលអ្នកមិនចូលចិត្តទេ ព្រោះវានៅមានកម្រិតដែលអាចស្រោចស្រង់បាន។

ស្តាប់ទាំងអស់គ្នា ព្រោះ Episode នេះខ្លីទេ។

ក្នុង Episode នេះ ខ្ញុំនឹងឆ្លើយសំណួរមួយរបស់អ្នកស្តាប់ទាក់ទងនឹងបញ្ហាប្រាស្រ័យទាក់ទង។ គាត់បានផ្ញើសារមកកាន់ហ្វេសប៊ុកផេករបស់ខ្ញុំ ហើយខ្ញុំមើលឃើញថាសំណួររបស់គាត់ ក៏អាចស៊ីគ្នាជាមួយ Podcast នេះ។

ការប្រាស្រ័យទាក់ទងមានច្រើនសណ្ឋានណាស់ ហើយអ្វីដែលខ្ញុំលើកឡើងនេះ ក៏មិនគ្រប់ជ្រុងជ្រោយដែរ ប៉ុន្តែវាជាចំណុចចាប់ផ្តើម

ក្នុង Episode នេះ ខ្ញុំនិយាយពីសៀវភៅកត់ត្រាដែលខ្ញុំប្រើក្នុងពេលប្រជុំ។ អ្នកដែលមានការប្រជុំច្រើន ប្រាកដជាដឹងពីអត្ថប្រយោជន៍នៃការកត់ត្រាដាក់សៀវភៅហើយ។ ខួរក្បាលរបស់អ្នក អាចចងចាំរឿង​បានច្រើន តែវាមិនធានានៅពេលដែលវាភ្លេចអ្វីមួយទេ។ 

កុំទុកចិត្តខួរក្បាលរបស់អ្នក ត្រូវទុកចិត្តលើអ្វីដែលអ្នកកត់ទុកវិញ។​

សៀវភៅកត់ត្រាមិនថ្លៃទេ ប៉ុន្តែអ្វីដែលអ្នកអាចភ្លេច មានតម្លៃជាង។

ក្នុង Episode នេះ ខ្ញុំនឹងលើកពីបុគ្គលិកដែលស្មោះត្រង់ដែលស្មោះត្រង់នឹងក្រុមហ៊ុន។ 

តើសកម្មភាពអ្វីខ្លះដែលអាចសម្គាល់បានថា អ្នកណាម្នាក់ស្មោះត្រង់នឹងក្រុមហ៊ុន? 

បញ្ជាក់ បុគ្គលិកដែលស្មោះត្រង់នឹងក្រុមហ៊ុន មិនសំដៅលើបុគ្គលិកដែលធ្វើការរាប់ឆ្នាំក្នុងក្រុមហ៊ុនដដែលទេ។​ 

ក្នុង Episode នេះ ខ្ញុំនឹងយករឿងគោលការណ៍ក្រុមហ៊ុនមកបកស្រាយ និង​ឲ្យជាយោបល់ខ្លះៗទាក់ទងនឹងមូលហេតុនៃការបង្កើតគោលការណ៍ទាំងនោះឡើង។

គោលការណ៍របស់ក្រុមហ៊ុន ជួយឲ្យអ្នកក្លាយជាបុគ្គលិកដែលមានវិជ្ជាជីវៈ។

ក្នុង Episode នេះ ខ្ញុំនឹងលើពីមូលហេតុដែលអ្នកមិនគួរខ្លាចការរៀនជំនាញថ្មី។ ការរៀនអ្វីថ្មី អាចជារឿងពិបាក ប៉ុន្តែបើសិនជាអ្នកជាបុគ្គលិក វាជាផ្នែកមួយនៃការងារអ្នក។ 

ជំនាញរបស់អ្នកត្រូវតែថ្មីជានិច្ច បើអ្នកមិនចង់បាត់បង់ការងារ។ 

ក្នុង Episode នេះ ខ្ញុំនិយាយពីអ្នកដែលងប់នឹងការងារ និង​លទ្ធផលដែលពួកគេទទួលបានបន្ទាប់ពីនោះ។ ការងាររបស់អ្នក មិនអាចជួយអ្នកដែលមានជីវិតដែលពេញលក្ខណៈទេ។ អ្នកត្រូវការលើសពីការងារ បើអ្នកចង់បានជីវិតដែលមានន័យពេញលេញ។​

អ្នកអាចមិនចាប់អារម្មណ៍នៅពេលនេះ ប៉ុន្តែដល់ពេលមួយអ្នកនឹងស្តាយក្រោយអ្វីដែលអ្នកមិនបានធ្វើកន្លងមក។ ការងាររបស់អ្នកនឹងស៊ីពេលវេលាអ្នកអស់ដោយមិនដឹងខ្លួន។

ក្នុង Episode នេះ ខ្ញុំនឹងលើកពីមតិ២ដែលទាក់ទងនឹងការធ្វើខ្លួនជាបុគ្គលិក និង​សហគ្រិន។ តើការធ្វើការឲ្យគេ វាមិនមានតម្លៃក្នុងសង្គមសោះមែនដែរទេ? តើវាអន់ជាងអ្នកដែលចេញរកស៊ីដោយខ្លួនឯងដែរទេ?

សហគ្រិនភាព កំពុងត្រូវបានគេលើកសរសើរ ប៉ុន្តែមិនមានគេនិយាយដល់ចំណុចល្អនៃការធ្វើជាបុគ្គលិកគេនោះទេ។ 

នៅក្នុង Episode ខ្ញុំនឹងឆ្លើយសំណួរមួយទាក់ទងនឹងការកុហកនៅពេលសម្ភាសការងារ។ តើអ្នកគួរកុហកដែរទេ? ហើយបើអ្នកមិនកុហក តើគួរប្រើរបៀបណា ដើម្បីឲ្យការសម្ភាសនោះមានផលល្អសម្រាប់អ្នក?

ការសម្ភាសការងារ ជាចំណុចចាប់ផ្តើម ហើយក៏ជាចំណុចបញ្ចប់របស់អ្នកដូចគ្នា។

ក្នុង Episode នេះ ខ្ញុំលើកយកយោបល់ផ្ទាល់ខ្លួនមួយទាក់ទងការធ្វើការលើសម៉ោង។ អ្នកខ្លះ គិតថា បើធ្វើការលើសម៉ោង បានន័យថាអ្នកមិនឆ្លាតទេ ទើបត្រូវធ្វើការលើសម៉ោង។ តាមបទពិសោធន៍ការងារផ្ទាល់ខ្លួន ធ្វើឲ្យខ្ញុំមើលឃើញផ្សេងពីនេះ។

អ្នកធ្វើការឆ្លាត ធ្វើការបានលទ្ធផលដល់គោលបំណងខ្លួនឯង។ ការធ្វើលើសម៉ោង អាចបង្ហាញថាអ្នកកំពុងចង់បានអ្វីមួយខ្លាំងក៏ថាបាន។​

ក្នុង Episode នេះ ខ្ញុំនឹងលើកយកដំបូន្មានដែលគេនិយាយជាទូទៅមកសាកប្រើក្នុងពិភពការងារ។ កុំព្យាយាមផ្លាស់ប្តូរអ្នកណាម្នាក់នៅកន្លែងការងារ។

អ្នកគ្រាន់តែជាបុគ្គលិកម្នាក់ប៉ុណ្ណោះ មិនមែនជាគ្រូពេទ្យចិត្តសាស្ត្រដែលមានលទ្ធភាពអាចកែប្រែមនុស្សនោះទេ។

ធ្វើការរបស់អ្នកឲ្យបានល្អ ជារឿងចាំបាច់ទីមួយក្នុងនាមជាបុគ្គលិក។ អ្នកណាដទៃមានចរិតបែបណា ឬគិតបែបណា មិនពាក់ព័ន្ធនឹងអ្នកទេ។​

ក្នុង Episode នេះ ខ្ញុំលើកឡើងពី Promotion ដែលបុគ្គលិកទាំងអស់ត្រូវតែចង់បាន។ 

នៅក្នុង Episodeនេះ ខ្ញុំនឹងនិយាយពីការងារ ២ប្រភេទដែលខ្ញុំធ្លាប់ជួបប្រទះ កន្លងមក។ ការងារប្រភេទទី២ ជាការងារដែលខ្ញុំយល់មានតម្លៃសម្រាប់អ្នកធ្វើការគ្រប់រូប ហើយជាការងារដែលយើងគួរតែដេញចាប់ឲ្យបាន។

ខ្ញុំក៏បានលើកពីហ្វេសប៊ុក group ដែលខ្ញុំបង្កើតឡើងមក ដើម្បីចែករំលែកពីបទពិសោធន៍ក្នុងការងារផងដែរ។ បើចង់ដឹងច្បាស់ អាចចូលទៅក្នុងហ្វេសប៊ុក ហើយវាយពាក្យថា​ បុគ្គលិកឆ្លាតអ្នកទាំងអស់គ្នានឹងឃើញរូបមនុស្សចង្កឹះដែលជាតំណាងរបស់ទស្សនៈខ្ញុំគេហើយ។

នៅក្នុង Episode នេះ ខ្ញុំនឹងលើកពី

ខ្ញុំសង្ឃឹមថា Podcast នេះ នឹងមានអ្នកចូលចិត្តច្រើន

នៅក្នុង Episode នេះ ខ្ញុំនិយាយពីការធ្វើការងារពីផ្ទះរបស់ខ្ញុំ ក្នុងអំឡុងពេលមានមេរោគរាតត្បាត។

នៅក្នុង Episode នេះ ខ្ញុំនឹងលើកយកតួអង្គ Hero ម្នាក់នៅក្នុងរឿង Avengers ដើម្បីបកស្រាយចំណុចសំខាន់មួយនៅក្នុងការងារ។ អ្នកដែលមិនទាន់បានមើលរឿងនេះ គួរតែចំណាយពេលមើលវា ព្រោះវាល្អមើល។

ភាពឆ្លាត អាចជួយសម្រួលការងារបានច្រើន។ បុគ្គលិកឆ្លាត អាចសម្រេចកិច្ចការបានល្អជាងបុគ្គលិកដែលមិនសូវឆ្លាត។

ក្នុង Episode នេះ ខ្ញុំនឹងលើកពីហេតុផលដែលយើងត្រូវរៀនពីមនុស្សដែលឆ្លាតជាងយើងក្នុងការងារ។ បើក្រុមហ៊ុនយើង គ្មានអ្នកណាឆ្លាតជាងយើងទេ នោះប្រហែលជាដល់ពេលដែលត្រូវប្តូរកន្លែងការងារហើយ។

វប្បធម៌ចែករំលែក មិនមែនជាវប្បធម៌របស់ខ្មែរ ប៉ុន្តែនៅស្រុកខ្មែរយើង អ្នកណាក៏ស្គាល់ពីវាដែរ។ គ្រាន់តែមិនសូវមានអ្នកចូលរួមធ្វើ និង​កែប្រែវាឲ្យក្លាយជាវប្បធម៌ក្នុងស្រុកប៉ុណ្ណោះ

នៅក្នុង Episode នេះ ខ្ញុំនឹងរអ៊ូពីរឿងខ្វះអ្នកចែករំលែកបទពិសោធន៍ការងារនៅក្នុងស្រុកខ្មែរ។ បើសិនជាមានពេលចែករំលែកអ្វីដែលមិនសូវមានប្រយោជន៍ យើងក៏គួរតែមានពេលចែករំលែកអ្វីដែលទាក់ទងនឹងការងារដែរ។

ការចែករំលែក ចាប់ផ្តើមពីយើងទាំងអស់គ្នា។ បើគ្រាន់តែនិយាយ វាមិនអាចកើតឡើងបានទេ។

ទស្សនៈដែលថា លុយ មិនអាចទិញសុភមង្គលបាន ជាទស្សនៈអវិជ្ជមានអំពីលុយ។ ក្នុងនាមជាបុគ្គលិក មិនគួរគិតបែបនេះទេ។

នៅក្នុង Episode នេះ ខ្ញុំនឹងលើកឡើងពីភាពខុសគ្នារវាងការស្គាល់តម្លៃលុយ និង​ការឲ្យតម្លៃលុយ។ បើយើងមិនចែកឲ្យដាច់ យើងនឹងធ្វើការដើម្បីលុយ ដោយខុសរបៀប ហើយយើងគ្មានសុភមង្គលទេ។ ស្គាល់តម្លៃវា យើងនឹងចេះចាយវាយ។

បុគ្គលិក និង​លុយ ចែកគ្នាមិនដាច់ឡើយ។

អ្នកវិនិយោគ ធ្វើការវិនិយោគដើម្បីពង្រីកទ្រព្យសម្បតិ្តខ្លួនឯង ចំណែកយើងដែលជាបុគ្គលិក ក៏ត្រូវតែវិនិយោគដូចគេដែរ។ បុគ្គលិក វិនិយោគលើខ្លួនឯង។

នៅក្នុង Episode នេះ ខ្ញុំនឹងលើកឡើងពីការវិនិយោគទាំង៣របស់បុគ្គលិក។ ខ្ញុំក៏លើកពីបទពិសោធន៍ខ្លួនឯងក្នុងការវិនិយោគលើសមត្ថភាពការងារផងដែរ។ បើយើងខ្វល់ពីខ្លួនឯង យើងនឹងវិនិយោគមកលើខ្លួនឯងមិនខាន។

ការងារ និងអាជីព ជារឿងខុសគ្នា។ មនុស្សជាច្រើនអាចមានការងារធ្វើបាន ប៉ុន្តែមានមនុស្សតែមួយចំនួនប៉ុណ្ណោះ ដែលមានអាជីពច្បាស់លាស់។ អាជីព ធ្វើឲ្យមនុស្សមានភាពច្បាស់លាស់ និង​កេរ្តិ៍ឈ្មោះនៅក្នុងសង្គម។

ក្នុង Episode នេះ ខ្ញុំនឹងលើកឡើងពីភាពខុសគ្នា រវាងអ្នកដែលដេញចាប់ការងារ និង​អ្នកដែលដេញចាប់អាជីព។ ខ្ញុំក៏លើកពីមូលហេតុដែលយើងមិនគួរមើលរំលងពីចំណុចល្អរបស់អ្នកធ្វើការដែរ។

បុគ្គលិកទាន់សម័យ ត្រូវតែភ័យពេលអត់មានអាជីពច្បាស់លាស់។

ការធ្វើអ្វីដែលយើងចូលចិត្តតែមួយមុខ មិនអាចធានាថាយើងអាចរកបានការងារល្អនោះទេ។

នៅក្នុង Episode នេះ ខ្ញុំនឹងលើកពីវិធីស្វែងរកការងារដែលស៊ីនឹងខ្លួនឯង។ ការងាររបស់យើង គួរតែផ្តល់អត្ថន័យដល់ជីវិត មិនមែនធ្វើឲ្យយើងខ្ជះខ្ជាយពេលវេលានោះទេ។

បុគ្គលិកឆ្លាត រកការងារដែលត្រូវចិត្ត ទើបដាក់ចិត្តដាក់កាយធ្វើ។

បុគ្គលិកដែលទៅធ្វើការដោយមិនដឹងពីផ្ទៃក្នុងរបស់ក្រុមហ៊ុន ច្រើនតែមិនសប្បាយចិត្ត ឬគិតថាការងារខ្លួនឯងគ្មានន័យអ្វីសោះ។ បុគ្គលិកប្រភេទនេះ​ កម្រនឹងទទួលបានការតម្លើងឋានៈណាស់។

ក្នុង Episode នេះ ខ្ញុំនឹងលើកពីមូលហេតុដែលបុគ្គលិកថ្មីចាំបាច់ត្រូវតែសួរនាំពីរចនាសម្ព័ន្ធរបស់ក្រុមហ៊ុន។ ទោះចង់ ឬមិនចង់ក៏ដោយ ក៏ត្រូវដឹងឲ្យបានគ្រប់ដែរ​ មុននឹងចូលធ្វើការ។

អ្នកណាក៏រៀនតាមគេដែរ ។ អ្នកដែលពូកែរៀនតាមគេ នឹងមើលឃើញខ្លួនឯងទទួលបានជោគជ័យនៅក្នុងការងារ។

នៅក្នុង Episode នេះ ខ្ញុំនឹងលើកឡើងពីការរៀនតាមគេ ២លំដាប់ និងអត្ថប្រយោជន៍របស់វា។ ការរៀនតាមគេដែលត្រឹមត្រូវ ទាមទារឲ្យពាក់ព័ន្ធជាមួយការគិត។​ យើងមិនអាចរៀនតាមគេតែសម្បកក្រៅបានរហូតនោះទេ។ 

អ្នកដទៃ ជាគ្រូរបស់យើង ប៉ុន្តែយើងត្រូវរើសរបៀបរៀនដោយខ្លួនឯង។

បុគ្គលិកទាំងអស់មិនត្រូវគិតថា ចាំអាយុច្រើនបន្តិច ចាំចាប់យកអាជីពឲ្យច្បាស់លាស់ទេ។ ការសម្រេចចិត្តរឿងអាជីព គួរតែធ្វើឲ្យហើយនៅពេលយើងនៅក្មេង។

ក្នុង Episode នេះ ខ្ញុំនឹងប្រាប់ពីមូលហេតុដែលយើងគួរតែចាប់យកអាជីពឲ្យបានមុនអាយុ៣០ឆ្នាំ។ ខ្ញុំក៏លើកពីវិធីដែលងាយស្រួលបំផុតដើម្បីមានអាជីពច្បាស់លាស់ដែរ។ អ្នកដែលគ្មានអាជីព ប្រៀបដូចជាអ្នកដែលប្រឹងធ្វើការរាប់ឆ្នាំ ហើយមិនបានទទួលកន្លែងពិសេសក្នុងពេលជប់លៀងដែរ។

អាជីព មានន័យណាស់សម្រាប់អ្នកធ្វើការ។

ការងារច្នៃប្រឌិត ជាការងារមួយប្រភេទដែលទាមទារឲ្យបុគ្គលិកប្រើប្រាស់ភាពច្នៃប្រឌិតរបស់ខ្លួន ជំនួសឲ្យការធ្វើតាមច្បាប់ទម្លាប់។ ការងារប្រភេទនេះ តែងតែជួយឲ្យអាជីវកម្មងាយស្រួលក្នុងការប្រកួតប្រជែងជាមួយគេ។ 

នៅក្នុង Episode នេះ ខ្ញុំនឹងលើកពីចំណុចសំខាន់៣យ៉ាងដែលអ្នកធ្វើការក្នុងផ្នែកនេះ គួរតែចងចាំទុក។ ខ្ញុំក៏បានលើកពីការងារមួយចំនួនដែលរាប់ជាផ្នែកច្នៃប្រឌិតផងដែរ។ តាមបទពិសោធន៍របស់ខ្ញុំ ការងារប្រភេទនេះ ទើបមិនធ្វើឲ្យបុគ្គលិកធុញទ្រាន់។

ភាពច្នៃប្រឌិត ជួយឲ្យការងារមានអត្ថន័យ។

បើអ្នកប្រើហ្វេសប៊ុក គួរតែប្រើ LinkedIn ដែរ ព្រោះវាជាបណ្តាញសង្គមសម្រាប់អ្នកធ្វើការ។ 

ក្នុង Episode នេះ ខ្ញុំនឹងលើកពីអត្ថប្រយោជន៍របស់បណ្តាញសង្គមដ៏ធំមួយនេះ ដែលអាចជួយដល់ការងាររបស់អ្នកបាន។ អ្វីក៏ដោយ ឲ្យតែប្រើត្រូវ ប្រាកដជាអាចជួយអ្នកបាន។

ការងារសម័យថ្មី ត្រូវការ tool សម័យថ្មីដើម្បីជួយ។

ធ្វើការងារស្ងាត់ៗ បាត់អស់ក្រេឌីត។

ក្នុង Episode នេះ ខ្ញុំនឹងលើកឡើងពីវិធីគិតថ្មីមួយសម្រាប់បុគ្គលិកទាំងអស់។ វិធីគិតនេះ មាន៣ជំហានដែលជួយឲ្យអ្នកមើលឃើញថា ការប្រូម៉ូតខ្លួនឯង ជារឿងចាំបាច់ក្នុងការងារ។

ក្នុង Episode នេះ ខ្ញុំនឹងពណ៌នាពីបុគ្គលិកមួយប្រភេទដែលតែងតែដើរតួកម្សត់នៅក្នុងការងារ ហើយចូលចិត្តទម្លាក់កំហុសទៅលើអ្នកដទៃ។ ពួកគាត់កម្សត់ ព្រោះមិនចេះប្រូម៉ូតការងារខ្លួនឯងប៉ុណ្ណោះ។ 

កំហុសគ្រប់យ៉ាង មកពីខ្លួនឯងមិនចេះលើកការងារដែលខ្លួនធ្វើ។

ទោះបីជាអ្នកគិតថា ការនិយាយលេង ជារឿងមិនបានការក៏ដោយ ក៏អ្នកត្រូវតែចូលរួមជាមួយបុគ្គលិកដទៃទៀតដែរ ដើម្បីបង្កើតទំនាក់ទំនងក្នុងការងារ។ ទំនាក់ទំនងល្អ ធ្វើឲ្យការងារមានភាពរលូន។ ការនិយាយលេង អាចជាឱកាសល្អសម្រាប់ប្រូម៉ូតពីខ្លួនឯង។

នៅក្នុង Episode នេះ ខ្ញុំនឹងលើកឡើងពីវិធីដែលអ្នកអាចប្រូម៉ូតខ្លួនឯងបាននៅពេលនិយាយលេងជាមួយបុគ្គលិកដទៃ។ ឱកាសប្រូម៉ូតខ្លួនឯងមានគ្រប់ពេល ហេតុនេះអ្នកគួរតែចេះប្រើវា។

បុគ្គលិកដែលមានទម្លាប់អាន អាចឈានទៅមុខលឿនជាងបុគ្គលិកដទៃ។

នៅក្នុង Episode នេះ ខ្ញុំលើកឡើងពីមូលហេតុដែលធ្វើឲ្យការអាន ជាគន្លឹះអភិវឌ្ឍខ្លួនឆាប់រហ័សរបស់បុគ្គលិកសម័យថ្មី។ ទោះបីជា អ្នកមិនចូលចិត្តអានសៀវភៅក៏ដោយ ក៏ត្រូវតែគិតពីការងារខ្លួនឯងដែរ។ ការអាន ជាទម្លាប់អ្នកមាន តែអ្នកអាចយកវាមកធ្វើជាទម្លាប់របស់បុគ្គលិកដែលមានកំណើតបានដូចគ្នា។

នៅក្នុងការងារ មានបុគ្គលិក២ប្រភេទ គឺបុគ្គលិកដែលពូកែសួរនាំ និង​បុគ្គលិកដែលមិនខ្ចីសួរអ្នកណាទាំងអស់។ បុគ្គលិកទាំង២ប្រភេទនេះ អាចធ្វើការបានដូចគ្នា ប៉ុន្តែអ្នកដែលមិនចេះសួរ អាចនឹងនាំបញ្ហាដល់ការងារ។

នៅក្នុង Episode នេះ ខ្ញុំនឹងលើកឡើងពីបញ្ហាដែលបុគ្គលិកមិនចេះសួរ នាំចូលក្នុងដំណើរការងារ។ ខ្ញុំក៏លើកពីវិធីមួយចំនួនដែលជម្រុញឲ្យគាត់ហ៊ានសួរ ឬសាកល្បងសួរនៅក្នុងក្រុមការងារផងដែរ។

សួរច្រើន មិនធ្វើឲ្យគេធុញទេ តែធ្វើខុសព្រោះមិនបានសួរមុន ទើបគេធុញ។

ក្រុមហ៊ុនតែងតែទុកពេលឲ្យបុគ្គលិករៀនបន្ថែម ប៉ុន្តែបុគ្គលិកខ្លះរៀនលឿន ខ្លះទៀតរៀនយឺត ដែលនាំឲ្យរាំងស្ទះដល់ការងារ។

ក្នុង Episode​ នេះ ខ្ញុំនឹងលើកយកមូលហេតុដែលនាំឲ្យបុគ្គលិកខ្លះរៀនយឺត។ ដំណោះស្រាយ គឺងាយស្រួលណាស់។ បើចង់ដឹងច្បាស់ ត្រូវតែស្តាប់ដោយខ្លួនឯង។

ការរៀនក្នុងការងារ ទាមទារឲ្យមនុស្សចេះឆ្ងល់។

ក្រុមហ៊ុនមួយចំនួន​ ត្រូវការបុគ្គលិកដែលមានបទពិសោធន៍ស្រាប់ដើម្បីចូលមកធ្វើការ។ ពួកគេមិនចង់ខាតពេលជាមួយអ្នកដែលមិនធ្លាប់ធ្វើការ។

នៅក្នុង Episode នេះ ខ្ញុំនឹងលើកឡើងពីមូលហេតុ៣យ៉ាងដែលក្រុមហ៊ុនត្រូវការអ្នកបទពិសោធន៍ស្រាប់។ ការឲ្យតម្លៃទៅលើបទពិសោធន៍របស់បុគ្គលិក អាចជារឿងល្អសម្រាប់យើង ហេតុនេះយើងគួរតែប្រមូលវាឲ្យបានច្រើន។

អ្នកធ្វើការណាក៏ដោយ ក៏ចាប់ផ្តើមឡើងពីប្រាក់ខែតិចដែរ។ ប្រាក់ខែតិច ជាការដាស់តឿនខ្លួនឯង។

នៅក្នុង​ Episode នេះ ខ្ញុំនឹងលើកឡើងពីអ្វីដែលប្រាក់ខែតិច ជួយដាស់តឿនបុគ្គលិកទាំងអស់។ កុំតូចចិត្តនឹងប្រាក់ខែតិច តែត្រូវចាត់ទុកថា នេះជាការចាប់ផ្តើមរបស់អ្នក ក្នុងជីវិតការងារ។ 

ការហ្វឹកហ្វឺនបុគ្គលិក ជាវិធីសាស្ត្រមួយដែលគេប្រើដើម្បីធ្វើឲ្យក្រុមហ៊ុនរីកចម្រើន ប៉ុន្តែការហ្វឹកហ្វឺននេះ មិនបានយកទៅប្រើលើបុគ្គលិកគ្រប់ជាន់ថ្នាក់នោះទេ។ ជាលទ្ធផល ក្រុមហ៊ុនច្រើនតែពូកែតែផ្នែកខាងលើ តែខ្សោយខាងអនុវត្ត។

ក្នុង​ Episode នេះ ខ្ញុំលើកឡើងពីបញ្ហានៅក្នុងក្រុមហ៊ុនដែលហ្វឹកហ្វឺនបុគ្គលិកមិនអស់ផ្នែក។

វប្បធម៌ចែករំលែកនៅកន្លែងការងារ ជួយឲ្យដំណើរការការងារ កាន់តែរលូនជាងមុន។ បុគ្គលិកច្រើនតែយល់ច្រឡំថា ខ្លួនត្រូវលាក់អ្វីដែលខ្លួនឯងចេះ ដើម្បីរក្សាប្រយោជន៍ផ្ទាល់ខ្លួន ប៉ុន្តែការធ្វើបែបនេះ ប៉ះពាល់ដល់ក្រុមហ៊ុន និង​បុគ្គលិកខ្លួនឯងខ្លាំងណាស់។

ក្នុង Episode នេះ ខ្ញុំនឹងលើកឡើងពីមូលហេតុដែលបុគ្គលិកត្រូវចែករំលែកបទពិសោធន៍ការងាររបស់ខ្លួន។ ខ្ញុំក៏បានលើកពីវិធីសាស្ត្រ៣យ៉ាងដែលអាចជួយឲ្យពួកគេចែករំលែកបានដោយសេរីផងដែរ។

គ្មានការចែករំលែក គ្មានការរីកចម្រើន។

អ្នកមិនអាចរំពឹងលើជំនាញមួយដើម្បីឈរជើងលើទីផ្សារការងារបានទៀតទេ។ យ៉ាងហោចណាស់ ក៏ត្រូវមានជំនាញត្រៀមមួយសម្រាប់ប្រើពេលអាសន្នដែរ។

នៅក្នុង Episode នេះ ខ្ញុំនឹងលើកពីអត្ថប្រយោជន៍ទាំង៥ ដែលអ្នកនឹងទទួលបាន បើសិនជាមានជំនាញត្រៀមជាប់ខ្លួន។ ខ្ញុំក៏បានលើកឡើងពីវិធីរៀនជំនាញសម្រាប់បុគ្គលិកដែលរវល់នឹងការងារពេញម៉ោងផងដែរ។

ជំនាញត្រៀម ជាកង់សាកួររបស់អ្នកដែលចូលចិត្តប្តូរការងារ។

ការងារដែលអ្នកកំពុងធ្វើប្រចាំថ្ងៃ នឹងកំណត់ថាអ្នកជាមនុស្សរបៀបណា។

នៅក្នុង Episode នេះ ខ្ញុំលើកឡើងពីគំនិតដែលបុគ្គលិកគ្រប់រូប ត្រូវមានការងារ២ ដើម្បីភាពរីកចម្រើនរបស់ខ្លួនឯង។ ខ្ញុំនឹងបង្ហាញថា បុគ្គលិកខ្ជិល ជាបុគ្គលិករបៀបណា។

នៅក្នុង Episode នេះ ខ្ញុំនឹងឆ្លើយតបទៅនឹងសំណួរ៣ទៀតពីអ្នកស្តាប់៖

ទី១ តើគួររើសយកមួយណារវាង ការងារដែលមានប្រយោជន៍ច្រើន និង​ការងារដែលអាចផ្គត់ផ្គង់គ្រួសារបាន?

ទី២ តើនិស្សិតដែលកំពុងសិក្សា គួរធ្វើការងារបែបណា?

ទី៣ តើនិស្សិតគួរធ្វើបែបណាដើម្បីទទួលបានពត៌មានទាក់ទងនឹងការងារដែលខ្លួនចង់ធ្វើ?

លោកអ្នកដែលមានសំណួរផ្សេងទៀត អាចផ្ញើចូលមកកាន់ផេកហ្វេសប៊ុក ទស្សនៈខ្ញុំគេ បាន។ ខ្ញុំនឹងរៀបចំឆ្លើយជា Episode បែបនេះនៅពេលក្រោយទៀត។

ធ្វើការគ្មានសេរីភាព ប្រៀបដូចជាអ្នកទោស ហេតុនេះ ទើបបុគ្គលិកដែលធ្វើការយូរឆ្នាំ មិនពេញចិត្តនឹងការងារខ្លួនឯង។ ពួកគេបាត់សេរីភាពនៅពេលធ្វើការ ហើយមិនដឹងថា ខ្លួនឯងអាចទាមទារសេរីភាពមកវិញបានទៀត។

នៅក្នុង Episode នេះ ខ្ញុំនឹងលើកពីមូលហេតុដែលបុគ្គលិកត្រូវការសេរីភាព និង​វិធីសាស្ត្រទាមទារយកសេរីភាពនៅកន្លែងធ្វើការ។ ខ្ញុំក៏បានលើកពីវិធីចរចាដែលពឹងលើប្រយោជន៍ផងដែរ។

ដើម្បីសេរីភាព អ្នកទាំងអស់គ្នាត្រូវតែស្តាប់ឲ្យចប់។

គ្មានអ្នកណាចូលចិត្តការស្តីបន្ទោសនៅកន្លែងការងារទេ ប៉ុន្តែបើសិនជាអ្នកបង្កើតកំហុស អ្នកចាំបាច់ត្រូវតែរៀនទទួលការស្តីកំហុសនោះដោយស្ម័គ្រចិត្ត។ បើសិនជាអ្នកត្រូវគេស្តីបន្ទោសដោយមិនមានហេតុផលច្បាស់លាស់ អ្នកប្រហែលជាត្រូវគិតពីអត្ថន័យរបស់វា។

ក្នុង Episode នេះ ខ្ញុំនឹងលើកឡើងពីតំណភា្ជប់រវាងការស្តីបន្ទោស និង​ទំនួលខុសត្រូវ។ ខ្ញុំក៏លើកឡើងពីចំណុច២យ៉ាងដែលជួយឲ្យអ្នកមានទំនួលខុសត្រូវខ្ពស់ជាងមុនដែរ។

ទំនួលខុសត្រូវ មានប្រយោជន៍នៅក្នុងការងារ។ 

គ្មានអ្នកណាចូលចិត្តមនុស្សអួតទេ ហើយរឹតតែគ្មានអ្នកណាចង់ធ្វើការជាមួយមនុស្សអួតទៀតផង។ ការអួត ជាសកម្មភាពរបស់មនុស្សមិនស្មោះត្រង់ ដែលធ្វើដើម្បីទាក់ទាញចំណាប់អារម្មណ៍។ ការប្រូម៉ូតខ្លួនឯង ស្រដៀងគ្នានឹងការអួតដែរ ប៉ុន្តែធ្វើឡើងដោយភាពស្មោះត្រង់ និងមានគោលបំណងច្បាស់លាស់។

នៅក្នុង Episode នេះ ខ្ញុំនឹងលើកពីចំណុចខុសគ្នារវាងការអួត និង​ការប្រូម៉ូតខ្លួនឯងនៅកន្លែងការងារ។ លោកអ្នកក៏នឹងដឹងពីវិធីដែលខ្ញុំប្រូម៉ូតខ្លួនឯងផងដែរ។ 

ការប្រូម៉ូតខ្លួនឯង ជារឿងចាំបាច់របស់បុគ្គលិកម្នាក់ៗ ជាពិសេសអ្នកដែលមិនចង់ធ្វើការងាប់ក្រឡា។

មានតែការផ្លាស់ប្តូរទេ ដែលមិនចេះផ្លាស់ប្តូរ។ នេះជាការពិតមួយដែលកើតឡើងគ្រប់វិស័យទាំងអស់ ហើយអ្នកដែលបដិសេធការផ្លាស់ប្តូរ នឹងត្រូវគេទុកចោលមួយកន្លែង។

នៅក្នុង Episode នេះ ខ្ញុំនឹងលើកឡើងពីជំហ៊ានទាំង៤សម្រាប់ផ្លាស់ប្តូរជំនាញរបស់លោកអ្នក។ ខ្ញុំក៏បានពន្យល់ពីមូលហេតុដែលលោកអ្នកត្រូវផ្លាស់ប្តូរជំនាញរៀងរាល់៥ឆ្នាំម្តងដែរ។ 

ជំនាញថ្មី មនុស្សថ្មី បុគ្គលិកថ្មី។

តាមប្រទេសដែលរីកចម្រើន ការមាន Mentor ជារឿងធម្មតានៅក្នុងការងារ និង​ការធ្វើជំនួញ។ នៅកម្ពុជា ក៏មានលេចឡើង Mentor មួយៗដែរ ប៉ុន្តែមិនច្បាស់ថា តើអ្នកណាជាអ្នកជួយពិតប្រាកដ ហើយអ្នកណាជាជនបោកប្រាស់។

នៅក្នុងEpisode ខ្ញុំនឹងចែករំលែកបទពិសោធន៍ផ្ទាល់ខ្លួនទាក់ទងនឹងការមាន Mentoរ។ ក្រុមហ៊ុនរបស់ខ្ញុំគ្រប់គ្រងដោយថៅកែបរទេស ហេតុនេះគាត់តែងតែនាំយកវិធីសាស្ត្រល្អពីបរទេសមកប្រើក្នុងក្រុមហ៊ុនជានិច្ច។ ខ្ញុំទទួលផលប្រយោជន៍ទាំងនេះ ហើយគិតថាលោកអ្នកគួរតែទទួលបានដូចគ្នា។

ការមាន Mentor ជាជំហានជោគជ័យរបស់បុគ្គលិកគ្រប់រូប។

មិនថានៅក្នុងការងារប្រភេទអ្វីក៏ដោយ ការមានអ្នកចាំជួយនាំផ្លូវ ជារឿងល្អបំផុត។ អ្នកមិនចាំបាច់ធ្វើខុសដោយមិនដឹងខ្លួន ឬចំណាយពេលស្វែងរកចម្លើយដោយខ្លួនឯងនោះទេ។ 

Mentor ជាផ្លូវការនៅក្នុងអាជីព ហេតុនេះបើសិនជាអ្នកមិនចេះពីវិធីបង្កើតទំនាក់ទំនង នោះអ្នកក៏មិនអាចទាញយកប្រយោជន៍ពី Mentor ដែរ។

នៅក្នុង Episode​ នេះ សុខម៉េង នឹងប្រាប់ពីវិធីសាស្រ្តកសាងទំនាក់ទំនងល្អជាមួយ Mentor របស់អ្នក។

សាលារៀន យកលុយពីសិស្ស ប៉ុន្តែមិនអាចផ្តល់សមត្ថភាពក្នុងការងារឲ្យសិស្សបាន។ កន្លែងការងារ ឲ្យលុយមកយើងវិញ ហើយអាចផ្តល់សមត្ថភាពក្នុងការងារមកយើងទៀតផង។ វាដូចជាមិនសមហេតុសោះ។

នៅក្នុង Episode នេះ ខ្ញុំនឹងអានអត្ថបទមួយដែលខ្ញុំសរសេរនៅលើប្លក់របស់ខ្ញុំ និងបន្ថែមយោបល់ខ្លះទៀតដែលខ្ញុំគិតថាអាចជួយកែប្រែកម្មវិធីសិក្សានៅតាមសាលារៀនបាន។

Link សម្រាប់អត្ថបទ

ក្រុមហ៊ុនធំៗ តែងតែខ្វល់ខ្វាយពីសមត្ថភាពបុគ្គលិក ហើយគេចង់ឲ្យបុគ្គលិករបស់គេទាំងអស់ប្រើប្រាស់សមត្ថភាពឲ្យដល់កម្រិតក្នុងពេលធ្វើការ។ ក្នុង Episode នេះ ខ្ញុំនឹងលើកយកមូលហេតុពីរយ៉ាងដែលបង្កឲ្យបុគ្គលិកមិនធ្វើការអស់ពីសមត្ថភាព។ ខ្ញុំក៏បានលើកយកវិធីគិតមួយបែបទៀតដែលអាចឲ្យអ្នកធ្វើការគ្រប់គ្នា លែងលាក់សមត្ថភាពនៅពេលធ្វើការ។

ពាក្យណែនាំដែលខ្ញុំចង់ចែករំលែក គឺ សមត្ថភាព ទាល់តែធ្វើឲ្យអស់ ទើបវាកើន។

លោកអ្នកអាចអានបន្ថែមបាននៅលើប្លក់របស់ខ្ញុំ។

ការរំខាននៅកន្លែងការងារ មិនមែនជាបញ្ហាថ្មីនោះទេ សម្រាប់អ្នកធ្វើការគ្រប់ជាន់ថ្នាក់។ នៅក្នុង Episode នេះ សុខម៉េង នឹងលើកយកវិធីសាស្ត្រ៧យ៉ាងដែលអាចជួយលោកអ្នកបញ្ឈប់ការរំខាននៅកន្លែងការងារបាន។ លោកអ្នកនឹងមានពេលវេលាគ្រប់គ្រាន់សម្រាប់ធ្វើការ និងមិនចាំបាច់យកការងារមកធ្វើបន្តនៅផ្ទះទៀតឡើយ។

ជារៀងរាល់ថ្ងៃពុធ Podcast ទស្សនៈខ្ញុំគេនឹងលើកយកវិធីសាស្ត្រល្អៗ សម្រាប់ជួយការងាររបស់លោកអ្នក ហេតុនេះកុំភ្លេចតាមដានស្តាប់ទាំងអស់គ្នា។

ក្នុង Episode ខ្ញុំនឹងលើយកបីសំណួររបស់អ្នកស្តាប់ Podcast ទស្សនៈខ្ញុំគេ ដែលបានផ្ញើមកតាមរយៈទំព័រហ្វេសប៊ុក។

សំណួរទី១ ៖ បើសិនជារៀនដល់ឆ្នាំទី៣ហើយ តែមិនទាន់បានធ្វើការឲ្យត្រូវជំនាញ តើគួរធ្វើបែបណា?

សំណួរទី២ ៖ តើគួរធ្វើបែបណា ទើបអាចជៀសផុតពីមហិច្ចតារបស់អ្នកដទៃ?

សំណួរទី៣ ៖ តើមាន Tool អ្វីដែលអាចប្រើសម្រាប់កត់ត្រាក្នុងការងារ?

សម្រាប់អ្នកស្តាប់ដែលមានសំណួរផ្សេងទៀតទាក់ទងនឹងការងារ ឬអាជីពរបស់ខ្លួន អាចផ្ញើមកកាន់ទំព័រហ្វេសប៊ុក ទស្សនៈខ្ញុំគេ បាន។ ខ្ញុំនឹងរៀបចំជាចម្លើយនៅក្នុង Episode បន្ទាប់ទៀត។