Kortom

Dean Balie deel die oudpolisieman en skrywer, Piet van Wyk, se ervaring van sy vriend Carlos met ons in die kortverhaal, CARLOS. Kayle Farmer lee die gedig, VURE, voor.

Nellie Alberts skryf in die kortverhaal, ELKE HOND KRY SY DAG, van ‘n tienerseun wat ‘n afgetrede polisiehond aanneem, en die avonture waarop hulle gaan. Die voorleser is Armand Martins.

TUSSEN TWEE VURE, Pieter van Wyk se ervarings as ‘n jong polisieman in ‘n veranderende Suid-Afrika, kom weer aan die beurt. Dean Balie deel oud-polisieman en deesdae advokaat, Piet van Wyk, se ervaring van sy dienstydperk in Laingsburg. Kayle Farmer lees ook ROEPER voor, ‘n gedig van Van Wyk, wat by die kortverhaal, ‘N NUWE PLEK, NUWE MENSE, aansluit.

Audrey Blignault deel in haar kortverhaal, ‘N RYSTOEL MET ROOI ROSE, die ervaringe van ‘n jong dogter wat vir die eerste keer in haar lewe sal weet hoe dit voel as oupa en ouma saam in die ouerhuis kom bly. Die voorleser is Bertha Le Roux-Wahl.

Dean Balie lees Pieter van Wyk se kortverhaal, TUSSEN TWEE VURE, oor ervarings as ‘n jong polisieman in ‘n veranderende Suid-Afrika.

Abraham H. De Vries vertel in sy kortverhaal, DIT WAS ‘N VOORGEVOEL, van twee boeties wat vir jare lank nie met mekaar gepraat het nie, maar wel tog op die punt staan om dalk vrede te maak, weens nuus wat hulle ontvang het. Die voorleser is Philru van Achterbergh.

Richard van der Westhuizen lees Jan Horn se twee kortverhale, ’N KAR HET KARAKTER en TOTSIENS MY SKATTEBOL, uit sy aweregse bundel, STORIES IN DIE WAAIGRAS.

Elsabe de Jager deel in haar kortverhaal, ‘N HOND SE HART, die ervaringe van ’n emigrant, en hoe so ‘n skuif ‘n dame en haar hele gesin vir altyd beïnvloed. Die voorleser is Sue Pyler-Slabbert.

Richard van der Westhuizen lees drie van Jan Horn se kortverhale voor, en vertolk as’t ware die rol van Jan Horn. Hy word met ‘n stofsuier gekonfronteer in DIE KIRBY; die Minister van “It is Forbidden” stem hom tot nadenke oor aaptwak in EN JY MAG NIE; en in DIE WHEATSTONE probeer ‘n konsertina bespeel tot groot ontstigting en onsteltenis van sy geliefde honde.

Nelia Engelbrecht vertel in haar kortverhaal, WRAAK PROE SOOS MELKSKOMMEL, van ‘n tienerseun se planne om die boelies in sy skool te uitoorlê. Die voorleser is Wiandré du Plessis.

Richard van der Westhuizen lees twee stories voor uit Jan Horn se gewilde bundel, STORIES IN DIE WAAIGRAS. WAAIGRAS EN DIE BARMHARTIGE SAMARITAAN en ’N WOORDEBOEK IN C SHARP is bekoorlike verhale vol pret en menslike patos.

Elma Potgieter vertel in haar kortverhaal, MY LIEFSTE KARA, van ‘n sielkundige se moeilike besluit. Hy moet beslis oor of hy ‘n dame gaan ontslaan wat ‘n erge senuwee-ineenstorting ervaar het weens ‘n plaasmoord. Die voorlesers is Estel de Beer en J.J. Roberts.

Richard van der Westhuizen lees twee stories voor uit Jan Horn se gewilde bundel, STORIES IN DIE WAAIGRAS. AS GEITJIES BOOMSLANGE WORD is so waar soos padda manel dra, of nie? En in DAAR’S WATER word daar water getref met ‘n onkonvensionele nie-wetenskaplike metode.

Abri le Roux vertel in sy kortverhaal, PRETORIA SE TEATERSPOOK, van die manwales van die spook in die Masker Teater in Pretoria. Die voorleser is Eddie de Jager.

Richard van der Westhuizen lees twee stories uit ‘n oud SAUK-ner, Jan Horn, se bundel, STORIES IN DIE WAAIGRAS voor. Jan vertel van sy kinderdae waar hy op die Vaalhartsbesproeiingsskema grootgeword het in SOETDORING-KRISMIS. In KERSNAG OP DIE HONGAARSE GRENS, vertel hy van sy pa wat met ‘n verbeeldingryke Kersverhaal-idee die Russiese vlag gehys het, en dit later met die Bethlehemster vervang het. Dit het hom byna in die tronk laat beland.

De Klerk Oelofse lees WÊRELDBEKER-EINDSTRYD 2019 en DIE TOEKOMS voor uit Dana Snyman se bundel, WIE DE HEL IS JOHNNY JOUBERT: NOTAS VAN ’N RUGBYLIEFHEBBER. Dana het die 2019-eindstryd tussen die Springbokke en die Engelse Rose tydens ‘n letterkunde-naweek deur ‘n Bodorpse en Onderdorpse skrywersbril gekyk, en deel sy ervaring weergaloos.

Trisha Hugo vertel in haar kortverhaal, DIE LAASTE GYM, van ’n vrou wat op soek is na ‘n rusplek vir haar naderende herfsjare. Dit delf in diepte oor die soort vra wat sy haarself moet afvra om die gepaste tuiste te vind. Die voorleser is Marelize Engelbrecht.

De Klerk Oelofse lees DIE PLATTELAND IN voor uit Dana Snyman se bundel, WIE DE HEL IS JOHNNY JOUBERT: NOTAS VAN ’N RUGBYLIEFHEBBER. Die vergete dae van plattelandse klubrugby-glorie speel soos ‘n klankfilm voor jou verby.

Audrey Blignault beskryf in haar kortverhaal, MAL HANSIE, kinderonskuld en watter uitwerking die verlies daarvan op ‘n jong dogter kan hê. Die voorleser is Mia-Anne O’Kennedy.

Nathan Trantraal vertel jou in sy kortverhaal, AMMEL IN OS HYS, hoe dit is om in ‘n gesin groot te word wat uit gangsters bestaan. Die voorleser is Christo Davids.

De Klerk Oelofse lees twee nostalgiese kortverhale voor uit Dana Snyman se bundel, Wie de hel is Johny Joubert: Notas van ’n rugbyliefhebber. EINDSTRYD en DANKIE OOM MANNETJIES neem ons terug na die nostalgiese Griekwa-Curriebekeroorwinning oor Noord-Transvaal in die begin jare 70 van die vorige eeu.

Blyde Schoeman lees J.J. Roberts se kortverhaal, IN DIE GLINSTERENDE GLAS. Dit handel oor ‘n meisie wat tydens Paasfees geloofsantwoorde soek in ‘n kerk.

Anrich Herbst lees Pieter van der Westhuizen se kortverhaal, PINKSTERVREUGDE, voor. Pinkster is ‘n persoonlike belewenis, maar dit kan ook ‘n wrang smaak laat.

L.A. Grobler vertel in sy kortverhaal, EK & MY MENSE, van lawwighede wat die mensdom aanvang, gewoonlik onverwags. Die voorleser is Stephanus Stanton.

Frieda van den Heever lees Alida de Bruyn se kortverhaal, WAAR DIE GROND NOG FLUISTER.

Gerda Taljaard vertel in haar kortverhaal, ‘N SKOON BLADSY, van ‘n dame wat ‘n nuwe lewe saam met haar suster wil begin, veral nadat haar suster met geheueverlies wakker word in die hospitaal. Die voorleser is Elsabe de Jager.

Richard van der Westhuizen lees Pieter van der Westhuizen se kortverhaal, TE DIK VIR ’N DAHLIA, voor.

Fanie Viljoen vertelin sy kortverhaal, STERT, van ‘n keuse wat ‘n jong seun moet maak. Hoe ver sal hy deur groepsdruk en nuuskierigheid gelei word? Sal hy betyds kan stop voor spyt begin intree? Die voorleser is Hanno van Zyl.

Richard van der Westhuizen lees die tweede deel van Pieter van der Westhuizen se kortverhaal, MANNETJIES GERICKE, voor. Die verhaal ontvou in die tyd van die Coalbrookmynramp in Suid-Afrika.

Johan de Nysschen vertel in sy kortverhaal, LETSELS, van ‘n dame se romantiese herinneringe wat vlamvat nadat sy ‘n man in ‘n koffiewinkel herken het. Karen Wessels is die voorleser.

Richard van der Westhuizen lees die eerste deel van Pieter van der Westhuizen se kortverhaal, MANNETJIES GERICKE, voor. Die verhaal ontvou in die tyd van die Coalbrookmynramp in Suid-Afrika.

Dineke Volschenk vertel in haar kortverhaal, DIE KUNS VAN ONDERHANDELING, hoe ‘n vrou ‘n slinkse plan moes beraam om ‘n dief uit te oorlê tydens ‘n huisbraak. Die voorleser is Yvette Johnson.

Richard van der Westhuizen lees Pieter van der Westhuizen se kortverhaal, MUNCHAUSEN, voor.

Fanie Viljoen beskryf in sy kortverhaal, SUPERZERO’S, twee jongs seuns se eerste besoek aan ’n gym, en al die kaskenades wat daar gebeur tydens ‘n oefensessie. Die voorleser is Brendan Kruger.

Richard van der Westhuizen lees Pieter van der Westhuizen se kortverhaal, BIDURE EN ’N MIDDERNAGDIENS, voor.

J.J. Roberts beskryf in sy kortverhaal, MET ‘N STUKKIE VONKEL & SAND, ’n vrou se ervaring van ’n Nuwejaarspartytjie, en hoe dit haar onverwags beïnvloed het. Die voorleser is Eloise Cupido.

Kersliggies en geskenke. Blinkgoed, breekgoed, klere en snuisterye uit kerspapier. Dalk is jou hart warm, of dalk is jy teleurgesteld in jou geskenkie. In ‘n spesiale Kortom op Kersdag leer ons weer die simboliek van ‘n geskenk in die Kerstyd. Anrich Herbst lees Pieter van der Westhuizen se kortverhaal, DIE LORRETJIE, voor.

Emma Bekker beskryf in haar kortverhaal, WE FREAKKINGS, ‘n ma wat vertel oor ‘n besonderse Kerskonsert waarin haar seun gespeel het. Die voorleser is Marina Coetzee.

Deel 2: ‘n Byt van ‘n hond op ‘n ongelukkige plek het gelei tot Pieter van der Westhuizen se verhaal, KLOTE PETOORS. Frieda van den Heever is die voorleser.

Johan Joubert lees L.A. Grobler se kortverhaal, WESKUSVAKANSIES IN SUIDWES, voor. Dit handel oor al die humoristiese gebeure wat tydens só ‘n vakansie gebeur.

Deel 1: ‘n Byt van ‘n hond op ‘n ongelukkige plek het gelei tot Pieter van der Westhuizen se verhaal, KLOTE PETOORS. Frieda van den Heever is die voorleser.

Christelle van Rooyen-Wessels skryf in haar kortverhaal, HARTSNAAR, van twee boeties wat hulle verlede in die oë moet staar, en besluit wat die pad vorentoe is. Mortimer Williams is die voorleser.

Deel 2: Richard van der Westhuizen lees Pieter van der Westhuizen se kortverhaal, DIE APTEKERSBLONDINE.

Deel 1: Richard van der Westhuizen lees Pieter van der Westhuizen se kortverhaal, DIE APTEKERSBLONDINE.

L.A. Grobler vertel jou meer van ‘n spookagtige ervaring by ‘n ou murasie in sy kortverhaal, NAG BY DIE OU MURASIE. Die nuuskierige voorleser is J.J. Roberts.

Frieda van den Heever lees die tweede deel van Pieter van der Westhuizen se kortverhaal, DIE KYK, waarin ‘n jong vrou vernietig word deur dorpsdwase se liegstories.

C. Louis Leipoldt vertel in sy kortverhaal, DIE TRANSPORTRYER SE STORIE, van ‘n transportryer se vreemde ontmoeting met twee Boerekinders tydens een van sy togte. Die verbaasde voorleser is Sean Brebnor.

Frieda van den Heever lees die eerste deel van Pieter van der Westhuizen se kortverhaal, DIE KYK, waarin ‘n jong vrou vernietig word deur dorpsdwase se liegstories.

Woon saam met Willem D. Kotze in sy kortverhaal, BRUILOF VIR OOM WESSEL, ‘n bruilofonthaal by. Die opgewonde voorleser is Izel Bezuidenhout.

Anrich Herbst lees Pieter van der Westhuizen se kortverhaal, WIE WEET WAT MENS NOOIT VAN WEET NIE. ‘n Jong seun wat deur sy pa verwerp word omdat hy nie eintlik in sport belangstel nie en boonop in vroueklere betrap word, se lewe rafel uit, en hy moet die skerwe optel.

P.J. Bosman vertel jou van ‘n intense snoekerspel in sy kortverhaal, SNOEKER. Andreas Jordaan is die voorleser.

Frieda van den Heever lees Maretha van der Westhuizen se kortverhaal, KOUE BOBOTIE, voor. Die waarheid moet uit wanneer ma, suster en dogter saam eet, oor waarom pa die pad gevat het.

Audrey Blignault deel in haar kortverhaal, DIE ROOI GRANAAT, ‘n baie intieme tienerherinnering. Dit handel oor ’n meisie se eerste liefde. Imarie Oberholzer is die verliefde voorleser.

Anrich Herbst lees Maretha van der Westhuyzen se kortverhaal, DIE FIXER UIT DIE KLEIN-KAROO, voor.

Dink saam met Dot Serfontein terug aan ‘n geliefde troetelkat uit haar jeug in die kortverhaal, OUKAT. Elma Potgieter is die stem wat hierdie merkwaardige kat se storie voorlees.

Frieda van den Heever lees Maretha van der Westhuyzen se kortverhaal, ‘N TRIO VAN VALS NOTE, voor. ‘n Onskuldige kooroefening lei tot ’n verhouding, wat lei tot tragiese gevolge, of nie? Die waarheid moet uit, maar tersefdertyd is dit die waarheid wat seer maak.

Helm Jooste vertel in sy kortverhaal, STUITIGHEDE OP KEETMANS, van ‘n snaakse onderonsie wat sy vriende ervaar het met ‘n jong skooljuffrou tydens ‘n besoek aan Keetmanshoop. Cassius Davids is die voorleser wat hierdie grappige gebeurtenis gestalte gee.

Anrich Herbst lees 'n kortverhaal voor oor die slaggat waarin baie ouer welgestelde mans al getrap het. Hoe lui die spreekwoord? ‘n Ou bok laaik mos groen blare! DROOMVROU deur Maretha van der Westhuizen sal dalk vir jou laat peins oor 'n paar gedagtes.

Emma Bekker vertel in haar kortverhaal, SYBOKHAAR, van ‘n tienerherinnering wat deur ‘n kombers in ‘n kunsmuseum na vore gebring word. Juanita de Villiers is die voorleser wat hierdie herinnering ‘n stem gee.

Frieda van den Heever lees ‘n kortverhaal voor oor keuses. ‘n Vrou wat gekonfronteer word deur haarself oor haar lewe en waar sy staan. ONDERWEG NA OMDRAAI deur Maretha van der Westhuizen sal dalk vir jou ook heling bring.

Abraham H. De Vries vertel in sy kortverhaal, DIE MATRAS, hoe eenvoudige dade soms die meeste liefde in ‘n huwelik wys. Rian Terblanche gee ‘n stem aan hierdie toegewyde eggenoot.

Margit Meyer-Rödenbeck lees Belinda Nel se kortverhaal, SOUT.

Gaan saam met Adriaan Steyn Hendricks na ‘n verjaarsdagpartytjie in sy kortverhaal, DERTIG. Die karakter Gysbert word 30 jaar oud, en bepeins sy stand in die lewe. Kaz McFadden is die voorleser wat hierdie verjaarsdagman lewe gee.

Margit Meyer-Rodenbeck lees Martin T. Laubscher se kortverhaal, POPSPEEL, voor uit die US-Woordfeesbundel, 100%.

Fransulene van der Merwe onthul in haar kortverhaal, GENADEBROOD, hoe vaderfigure soms gevind kan word op onverwagse plekke. Erin Patience gee lewe aan die tiener wat hierdie vader ontdek.

Maria Vos lees Stefaans Coetzee se ongepubliseerde kortverhaal, SEUN.

Bianca du Plessis neem jou palet op reis in haar kortverhaal, TAMATIEBREDIE. Dit handel oor ‘n wewenaar wat moet aanpas by die lewe van enkelouer wees. Solomon Cupido is die voorleser wat hierdie wewenaar ‘n stem gee.

Maria Vos lees Stefaans Coetzee se ongepubliseerde kortverhaal, SEUN. ‘n Ou man se hartseer oor die verlies aan sy seun word met groot deernis vertel.

Dot Serfontein skryf oor haar ma in haar kortverhaal, BOETA. Dit handel oor haar mooiste herinneringe van hierdie spesiale persoon. Gretha Brazelle is die voorleser wat Dot se herinneringe lewe gee.

Maria Vos lees ‘n ongepubliseerde eksklusiewe kortverhaal van Stefaans Coetzee, PAPPA SE GEDIGTE, voor.

Michéle Meyer neem jou op ‘n wraaktog deur die wildtuin in haar kortverhaal, SOET. Mandi Du Plooy-Baard is die voorleser.

Ervaar die wonder van die Paasverhaal deur die oë van ‘n Romeinse slaaf in J.J. Roberts se kortverhaal, MUTATIONEM (DIE VERANDERING). Casper Lourens is die voorleser

Ilne Fourie lees Estelle Brits se kortverhaal, BLIND DATE IN DIE DONKER.

Leon van Nierop lees Willem D. Kotzé se kortverhaal, KOM UIT, EK WIL VERBY GAAN. Die strorie laat jou ervaar hoe ‘n boer se oorlewingsdrang kan inskop as hy droogte in die oë staar.

Audrey Blignault nooi jou na ‘n oorslaappartytjie in haar kortverhaal, DIE WIND VAN DIE SEE AF. Saam met die karater Amanda sal jy ‘n paar interessante feite ontdek oor haar vriendin se familie. Lelia Etsebeth is die voorleser.

Ilne Fourie lees Estelle Brits se kortverhaal, IEMAND IN DIE SPIEËL. Karli raak die kluts kwyt wanneer sy telkens iemand skrams in die spieël sien. Haar man Riaan, wat terloops die kat in die donker knyp, blyk simpatiek te wees met haar illusies, maar dan verras die skrywer ons en Riaan aan die einde van die verhaal.

Abraham H. De Vries neem jou op ‘n jagtog in sy kortverhaal, BERT DIE JAGTER. Reginald Hufkie is die leser wat Bert se avontuur lewe gee.

Ons besoek die skryfwêreld van Maretha van der Westhuisen, voorsitter van die Klein Karoo Skrywersvereniging. Oud en jonk sal resoneer met hierdie storie, want ouma gee vet in die aftreeoord. Daar is ook ’n troue en ’n wittebrood in haar kortverhaal, TROUSTREKE. Die voorleser is Frieda van den Heever.

Rina Nienaber lees Jennie Kruger se kortverhaal, DIE VROU EN DIE KAT. Dit handel oor hoe die liefde iemand tot die uiterste kan dryf.

Ons besoek eers ’n begraafplaas, en dan is dit aftreeoord toe, maar dis nie so neerslagtig as wat dit klink nie. Frieda van den Heever lees voor uit Maretha van der Westhuisen, voorsitter van die Klein Karoo Skrywersvereniging se boek, SKAKERINGS VAN KORT. Sy noem die verhale BEGRAAFPLAASMANNE en AFTREESTREKE.

Jaco Jacobs neem ons in sy kortverhaal, SWEEF, deur die hartkamers van ’n tienerseun, om die liefde vir die eerste keer te ervaar. Rico Immelman is die stem wat hierdie warboel van emosies lewe gee.

Pieter van Zyl lees ‘n trio ongepubliseerde verhale van Heinrich van der Mescht voor - DIE FOTO, DIE BRIEF en DIE BOEKE.

In Cliffordene Norton se kortverhaal, DIE UBER-RIT, ontdek ons watter vrese die ouderdom kan bring, en of die hoofkarakter dit sal oorwin tydens ‘n interessante Uber-rit. Ilse Klink is die voorleser.

Pieter van Zyl lees Heinrich van der Mescht se kortverhaal, DIE KOPPIES.

Carl Trautman lees Eben Venter se kortverhaal, HY’T NIE GEWEET NIE, NOU WEET HY, waarin ‘n tienerseun se gedagtes moet leer plekmaak vir dié van manwees.

Richard van der Westhuizen lees Gert Sarrisam se kortverhaal, DIE NAGMERRIERIT MET DIE PIEJOU.

Vier Oujaarsaand onder die sterre saam met JJ Roberts in sy kortverhaal, SONDER VUURWERKE. Daar word besin oor die gedagtes en gevoelens wat saam met Oujaarsaand kom. Dihan Keun is die voorleser.

Pieter van Zyl lees Heinrich van der Mescht se kortverhale, DIE HEILIGE BROOD en MONSIEUR MICHEL BONNET.

Sit saam met skrywer Martie Swanepoel aan by die vername Mev. Botha se Kersonthaal. Rika Sennett lees haar Kers-kortverhaal, BEGEERTE.

Pieter van Zyl lees Heinrich van der Mescht se kortverhale, MY EIE SEUN en WALK OF FAME.

Gaan  saam met die skrywer, Helm Jooste, op reis in sy kortverhaal, DIE LAFENISSE, om sy eerste kar te gaan koop. Dis ‘n reis wat jy nie gou sal vergeet nie! Luan Jacobs is die voorlesr, wat jou sal laat lê soos jy lag.

Skrywer Jelleke Wierenga vertel in haar kortverhaal, DOMIEE, hoe lank die staaldop van ‘n geestelike leier kan sterk staan, voor die menslikheid begin deurslaan. Pietie Beyers is die voorleser wat hierdie leier se binneste laat lewe kry.

Ons ontsluit die misterie van die Ossewa Brandwag-spioen, Robey Leibrandt. Dit kom uit ware verhale van die Namakwaland wat deur Gert Sarrisam geskryf is. Die titel van die boek is, AS MURASIES KON PRAAT. Die voorleser van die tweede en laaste deel van OUPA SE VREEMDE BESOEKER is Richard van der Westhuizen, wat op Springbok grootgeword en Robey Leibrandt geken het. Leibrandt het ‘n slaghuis bedryf, en was huisvriende met Richard se pa.