Middagvervolgverhaal

Shereen is besig om vrae in die gemeenskap te vra, en Robert is glad nie gemaklik daarmee nie. Shereen en Fred moet saamwerk aan ‘n plan teen Robert. Lucian en Delia probeer die voedingsprogram by die skool aan die gang hou. Dit bring hulle nader aanmekaar.

Shereen probeer vir Fred oorreed om op te staan teen die beskuldigings. Shereen vind by Lucian uit dat Robert Peck terug is op die dorp, en dit pla haar baie. Amanda kry die perfekte tafels vir die kelder se nuwe proelokaal.

Robert Peck het groot planne vir ‘n nuwe ontwikkeling in die vallei. Wolfgang weet dat dit die lewe vir die wynboere moeilik sal maak. Sal Wolfgang saam met Robert werk, of nie. Fred, die skoolhoof, kry baie druk van die Distrikskantoor, en dink daaraan om sy goed te vat en die skool net te los.

David oorlaai Amanda met nuwe verantwoordelikhede, en sy begin die druk voel. Robert Peck is een van die groot wynmakelaars in die omgewing, en hy het ‘n nuwe besigheidsvoorstel vir Wolfgang. Dit klink baie aanloklik, maar komende van Robert af is dit dalk net te goed om waar te wees.

Amelia gaan praat met David oor ‘n besluit wat sy moet neem - ‘n baie belangrike besluit. Shereen vind uit van die aantygings teen die hoof van die skool, en trek dadelik ‘n verband tussen die aantygings en die werkers wat staak. Daar is iemand agter al hierdie gebeure.

Regardt besoek die Bergplaas om oor valleisake te praat, maar ook meer uit te vind oor die jong vrou wat verdwyn het. Bart maak ‘n draai by die skool se kombuis. Daar is iemand wat die skool beskuldig dat hulle van die voedingsprogram se geld steel.

Bart en Amanda ontmoet mekaar vir aandete. Sy vind uit dat hy meer as net ‘n speurder is, en hy ontdek haar ware passies. Daar is iets aan die broei tussen die twee. Die seisoenwerkers in die Vallei gaan op ‘n staking, en David moet die situasie ontlont om die oes te red.

Amelia wil by Regardt weet waarheen hy vir dae aan een verdwyn. Regardt wil by Amelia weet hoekom sy regtig teruggekom het plaas toe. Bart probeer by Lucian uitvind hoe die vorige aand se ete saam met Delia gegaan het, maar Lucian het onmiddellike sake waaraan hy moet aandag gee.

Shereen wil Delia meer betrek by die Bergplaas-kinders. David probeer vir Lucian oorreed om een van die ouer brandweerwaens na die kelder se klassieke motors-dag te bring. Bart, die polisiespeurder, ondervra Lucian oor sy verbinding met die Bergplaas-mense, en wat hy weet van die meisie se verdwyning daar.

Dis die dag van die druiwetrapfees. Die meeste mense stop eers by die kelder voor hulle na Die Eerste Wingerd toe gaan. David en Amanda geniet hulleself met die trap van die druiwe in die oop vaatjie. Amelia sien dit, en is nie gelukkig met hoe die dag uitgedraai het nie.

Delia is bekommerd oor die kinders se voedingsplan by die skool. Amelia vertel Amanda meer van die geskiedenis van Die Eerste Wingerd. Amelia wil betrokke raak by die byeboerdery, en sy laat Wolfgang presies verstaan hoe sy oor David en die Meyers voel.

Bart wil by Fred weet wat hy kan onthou van die drie vroue se verdwyning. Shereen moet Delia moed inpraat ná ‘n moeilike dag by die plaasskool. Wolfgang probeer aan Amanda verduidelik hoekom die Bonnets en die Meyers mekaar nie kan verdra nie.

Delia Davids, die nuwe juffrou by die plaasskool, beleef haar eerste dag van klas gee op die platteland. Shereen vertel vir Bart meer oor die gebeure van haar dogter se verdwyning 15 jaar gelede. David besluit dat die Kelder ook ‘n wyntrapfees sal hê, iets waarvan die Bonnets niks hou nie.

Fred Smith, die skoolhoof, en Shereen bespreek die nuwe juffrou wat by die plaasskool begin. Bart is besig om met polisielint die droë dam af te skort. Amelia konfronteer hom hieroor. Fred gaan hoor by David of hy die krieketspan sal afrig, en Bart ondervra Shereen oor die verdwyning van haar dogter.

Lisa is besig om haar tasse te pak. Sy wil wegkom van die plaas af, en is op pad na hulle vakansiehuis. Amelia konfronteer vir David omdat hy vir amper 12 jaar lank niks van hom laat hoor nie, maar nou skielik weer terug is in die vallei. Hy is hier vir ‘n ander rede as net om wyn te maak, en sy wil weet wat dit is.

Regardt en Amelia besef hulle sal moet saamwerk om die plaas te red. Amelia vind uit dat David die nuwe wynmaker is, en sy is glad nie gelukkig hiermee nie. Amanda Roux probeer vir David oortuig dat sy ‘n baie goeie bemarkingsbestuurder vir die kelder sal wees.

Groot aankondigings word by Die Eerste Wingerd gemaak. By die hotel word daar ‘n saamsingaand gereël, en die hele kontrei maak ‘n draai. Amelia Bonnet maak in die middel van die nag haar opwagting. Wat doen dié bekende aktrise op die plaas?

Amanda Roux daag by die hotel op. Sy is Wolfgang se susterskind, en het ‘n groot guns om te vra. Regardt Bonnet konfronteer vir Bart Voster oor hy lede van die Bonnetfamilie durf ondervra oor die lyk in die dam.

Speurder Bart Vorster ondervra vir Lisa Bonnet oor die lyk wat in die dam gevind is. Dis duidelik dat hy dink ’n misdaad is daar gepleeg. Anna McLean van die perdeplaas, Wolfgang en David wag by die hospitaal vir nuus oor Lucian.

Regardt het David se hulp nodig om die water van die plaasdam te pomp na die damme by die kelder. Sal David vir Regardt help? Lucian moet by die plaasskool gaan slange vang, en die skoolhoof moet help. Dinge loop skeef, en Lucian word gepik.

Wolfgang Roux probeer sy bes om ’n karaoke-aand vir die dorp te reël. Shereen het Lucian en die Brandweer se hulp nodig met haar klub vir ouer persone. David wil Wolfgang oortuig om hom te ondersteun teen Regardt.

Shereen en Lisa is bekommerd oor die nuwe onderwyser wat die departement na die plaasskool wil stuur. David Meyer, die nuwe wynmaker, kom dadelik agter dat Regardt Bonnet wynlote agter die koöperasies se rug aanplant en in die buiteland verkoop. Hier kom die eerste van vele groot argumente tussen David en Regardt.

Regardt is bekommerd oor die veiligheid in die vallei, en oor die water wat uit sy dam getap moet word. Lisa en Shereen bespreek die aanstelling van ‘n nuwe juffrou met die plaasskool se hoof. Wat sal Regardt doen oor al die water wat hy kan verloor?

Lucian en David bedink ‘n slim plan om die diewe by die waterpompstasie te vang. Regardt en sy ma Lisa is bekommerd oor die impak van die lyk in die dam op die plaas en op hulle familie.

Die dam op Die eerste wingerd moet leeggetap word om die res van die skelet te vind. Regardt Bonnet is baie ontsteld hieroor. David en Lucian moet saam ‘n buurtwag skof doen, en vind diewe by ‘n waterpomp. Sal hulle die diewe direk aanvat, of die polisie bel?

Speurder Bart Voster vind uit dat die vermiste kind weggeloop het na sy ouma toe. Die soektog word afgelas, maar net voor die duikers uit die dam kom, vind hulle ‘n deel van ʼn menslike skelet.

Die soektog na die vermiste kind beweeg van die rivier na die dam toe. David het grootgeword op Die eerste wingerd, en daar is nog onopgeloste sake tussen hom en die Bonnet-familie. Bart Voster, die polisiespeurder, neem die soektog oor en dadelik is daar spanning tussen hom en die mense van die Rooivallei.

Een van die plaaswerkers se kinders het tydens die storm verdwyn. Almal is bekommerd dat hy in die rivier verdrink het. Shereen Kannemeyer besoek DIE EERSTE WINGERD, waar sy in haar jong dae gewerk het. Regardt Bonnet ontmoet die nuwe wynmaker, David Meyer, by die kelder. Sal hulle die vermiste kind lewend kan vind?

Ontmoet die mense van Rooivallei: Die Bonnets wat op DIE EERSTE WINGERD bly; Shereen Kannemeyer, sakevrou en gemeenskapsaktivis; Wolgang Roux, die hoteleienaar; en Lucian Bantjies die Brandweerhoof. Dit is ‘n rustige gemeenskap, tot ’n storm losbars en David Meyer opdaag.

Jaffie is geskok deur Oom Vaaltyn se vertelling van wat van die Meester geword het, en wat dit van hom geverg het om sý roeping te vervul. Kort daarna beleef Jaffie waarskynlik die grootse skok van sy lewe, naas die verlies van sy geliefde Mama Mamra. Gelukkig skuil daar ’n helder silwer randjie om elke donker wolk, en kry Jaffie geleentheid om Oom Vaaltyn se dodelike krinkslagbyt meesterlik toe te pas. Op die koop toe kan hy pronk met die heel mooiste eselnooientjie in die kontrei aan sy sy!

Almal wat die humeurige Jode-dier, Lewinog, ken, is verstom oor sy gedrag toe hy sy jong eselsvul buite ’n winkel in Jerusalem begin losmaak. Vaaltyn maak Jaffie bewus van die kruis wat vaalhaar-esels op hulle rûe het en wat dit beteken. Hoekom is die kruis op swarthaar-esels se rûe ’n fout? Jaffie hoor wie die Meester is. Klein Valta se belewenis laat alle eseldiere verstom staan.

Oeroom Gerson vertel aan die ou-esels in Nasaret waarom die ou seuntjie van Nasaret na die wêreld gestuur is. Jaffie wonder wat ’n moeder van smarte is. Oorlee Mama Mamra laat Jaffie erg kopkrap oor wat moederskap is.

Jaffie wonder waarom Oom Vaaltyn die naam, Jerusalem, telkens fluister wanneer hy na dié antieke stad verwys. Oeroom Gerson deel ’n wyse woord met ’n groep van die ou-esels op die oop plein voor die tempel in Jerusalem.

Oeroom Gerson se wyse beginsel, baie praat, bietjie dink, slaan Jaffie dronk. Oom Vaaltyn probeer Jaffie oortuig dat selfs die regte Ribbok moontlik ’n sagte, liefhebbende eseldier mag wees, en nie ’n afskuwelike eseldierasie nie. Die Rabbi van Nasaret spreek die ou seuntjie van Josef en Maria aan soos geen ander ou seuntjie nog ooit aangespreek was of sal wees nie.

Jaffie hoor van ’n groot kerk met ’n ronde dak soos ’n tamaai groot bergskilpad se dop. Oom Vaaltyn moet verduidelik hoe Oeroom Vaaltyn kon weet dat Maria ’n kramp in haar hart gekry het. Vaaltyn onthou waarom hy die naam, Nasaret nie moes vergeet nie. Oeroom Gerson gee insae in sy leerskool saam met die ou seuntjie van Josef en Maria.

Josef, Maria en die ou kindjie pak ’n lewensgevaarlike tog aan. Jaffie se vroeëre begeerte om eendag deur ’n woestyn te loop, word onverwags in die kiem gesmoor. Vaaltyn vertel van die Asem van die Dood.

Jaffie hoor van Oeroom Vaaltyn se buitengewone geboorte. Twee swarthaar-esels loop hulle rieme liederlik styf teen ’n vaalhaar-eselsvul. Klein Vaaltyntjie word deur ’n onbekende mensdier van sy geliefde Mama Bekka weggeneem.

Oeroom Hakon voer ’n heldhaftige stryd teen tyd en gevare om sy roeping te vervul. Jaffie hoor hoe wonderbaarlik die liefde gesorg het vir Oeroom Hakon, Josef en Maria in die dorre woestyn. Oeroom Hakon kry ’n baie spesiale boodskap, en Jaffie kan nie glo wat sy oë sien nie.

Vaaltyn vertel Jaffie wat Oeroom Hakon gedoen het om te verhinder dat Herodes se bose plan slaag. Oeroom Gerson gee ’n les oor die liefde, en Jaffie hoor waarom dit nooit raadsaam is om terug te verlang as jy moet vorentoe gaan nie.

Jaffie hoor van die Nag toe die Dood op die Wind gery het. Oeroom Hakon maak ’n belangrike toespraak. Jaffie hoor van die bose plan van die wrede Koning Herodes, en waar kraaie hulle stemme vandaan gekry het.

Oom Vaaltyn loop sy rieme styf. Jaffie leer van Oeroom Hakon se heldedade en van die oorlog waarin hy die vaalhaar-esels aangevoer het. Oom Vaaltyn se verlange na oorlee Nig Mamra raak vir hom te veel.

Vaaltyn en Jaffie loop hulle rieme styf in die fyntuin. Jaffie hoor hoekom die son bloedrooi sak en wat dit beteken as die tarentale teen sononder skree. Jaffie leer ’n les wat hy nie lig sal vergeet nie.

Bekka en Mofta kom tot ’n verrykende besef wat hulle nageslagte vir ewig sal beïnvloed. Jaffie verstaan nie waarom die wêreld ná daardie besondere nag in Bethlehem nooit weer dieselfde sou wees nie. Jaffie doen iets wat hy gesweer het hy nooit sou doen nie.

Meer verstommende inligting oor ’n besondere nag in die stal van Bethlehem kom vir Jaffie aan die lig. Vaaltyn vertel Jaffie van die teken van die Groot Swaar wat alle skaapdiere op hulle koppe dra in die vorm van gedraaide haartjies wat die mensdiere kroontjies noem. Jaffie is geskok om te hoor wat Koos Kaller aan skaapdiere doen en wil weet of dit met die ou kindjie wat in die stal gebore is, ook sal gebeur.

Bekka, die vaalhaar-esels se stammoeder, en Mofta, die koeidiere se stammoeder, bevind hulle in ’n stal in Bethlehem. Bekka is vroeër die aand aangegryp deur die groot hoeveelheid eseldiere, koeidiere, osdiere en kameeldiere wat sy so vreedsaam bymekaar sien lê het op die markplein waarna sy ’n voorgevoel gekry het, want sy het haar ongebore Vaaltyntjie in haar voel opspring. Mofta beaam dat daar iets anders in die lug is. Dit was die begin van ’n nag wat hulle albei nooit sal vergeet nie.

Vaaltyn is geskok oor Jaffie se onkunde oor die vaalhaar-esels se geskiedenisse en roemryke voorgeslagte. Dat hy selfs dúrf vra of Oergrootjie Bekka – ’n stammoeder – ’n koeidier was! Vaaltyn benadruk hoe jaloers die twee onstigtelike koeidiere, Vlermuis en Witlies, sal wees as hulle moet uitvind van watter adellike afkoms die fatsoenlike Moffie is! Jaffie hoor vir die eerste keer van die mensdiere wat Kersfees vier.

Jaffie gedra hom baie sleg in die koeikraal en haal homself die gramskap van Oom Vaaltyn op die hals. Jaffie hoor vir die eerste keer dat Tant Moffie, al is sy ’n koeidier, sy oorlee Mama Mamra se beste vriendin op Uitkyk was. Vaaltyn vertel Jaffie iets van Moffie wat hom verby sy stuitjie laat gril! Hy leer ook van die herkoms van muildiere en botterkoppe – en kry die ernstige vermaning van Oom Vaaltyn om tog nooit tot daardie vlak te daal nie.

Jaffie moet erken dat hy die storie van Weltevrede en die nimmereindigende botterblomvelde nie kan glo nie, wat Vaaltyn ontstel. Vaaltyn wens hy kon na Weltevrede gaan waar Mamra op hom sou wag. Jaffie wil weet waar die Bokveld is, en hy hoor vir die eerste keer van die binneste en die buitenste esel. Hy maak ook vir die eerste keer kennis met die wysheid van Oeroom Gerson.

Vaaltyn en Jaffie onthou ’n dag wat hulle nooit sal kan vergeet nie. ’n Dag wat vir die res van sy lewe by Vaaltyn sal spook. Vaaltyn onthou ’n gesprek met Ribbok en sy vaalhaar-eselbloed raak sommer weer opnuut aan die kook! Jaffie ontvang ontstellende nuus van Vaaltyn waarmee hy nog lank sal worstel.

Vaaltyn skraap moed bymekaar om met Jaffie te praat oor sy oorlee Mama Mamra. Hy onthou ’n gesprek met Mamra waartydens sy haar spyt uitgespreek het oor ’n vreeslike ervaring wat sy moes deurmaak. Tóg het sy daardie dag ’n belangrike vraag aan Vaaltyn gestel, wat sy hart baie bly gemaak het.

Vir die radio verwerk deur Eben Cruywagen. Oom Vaaltyn is omgekrap omdat Jaffie by hom melk soek. Sy gedagtes dwaal na gelukkiger dae toe hy met sy geliefde Mamra kon praat oor Jaffie wat gespeen moet raak...

Cor konfronteer sy pa, en verwyte en beskuldigings word afgevuur. Dan gee Cor die doodskoot – hy het Piet se ou selfoon in die hande gekry. Piet het geen ander keuse as om in te gee aan Cor se vereiste nie. Cor skakel ‘n ou vriend, en Maureen gee aan Cor die kinderboekie met sy gunsteling storie wat sy vir hom as klein seuntjie gelees het. Dan val daar ‘n foto agter uit die boekie... Wie is Cornelius de Lange?

Cor en Anika geniet ‘n romantiese ete by ‘n eksklusiewe restaurant. Cor druk vir Anika in ’n hoek, en haar en Piet se skelm verhouding word ontbloot. Cor vind uit dat hierdie nie die eerste keer is nie en dat sy pa bekend daarvoor is om skelm verhoudings te hê. Janine is opgewonde oor Stefan se besluit om hulp te kry. Dan is daar ‘n klop aan die deur... Stefan het nooit by die sentrum aangemeld nie.

Cor besluit om vir ‘n laaste keer sy pa te oorreed om die aanstelling van die nuwe bestuurshoof te heroorweeg. Cor vind ‘n ou foto van hom in Maureen se handsak. Maureen gee aan Cor ‘n peperduur hotelrekening wat hy aan Piet moet oorhandig. Cor pols vir Piet oor die rekening. Dan is daar ook sy pa se skielike reisplanne na Parys, en die bekende parfuumreuk in sy kantoor...

Groot is Cor se verbasing as hy die skielike ommeswaai in sy broer sien. Stefan besluit om homself by ‘n rehabilitasiesentrum in te boek. Cor vertel aan Stefan dat hulle pa besluit het om ‘n nuwe bestuurshoof van buite af aan te stel. Die gesin klink oudergewoonte ‘n glasie op veiligheid en voorspoed. Soms besef ‘n mens nie jy deel ‘n laaste oomblik saam met jou geliefdes nie, maar Stefan weet wel dit is die geval.

Daar heers ‘n somber gevoel in die kantore van Fortuna Trans. Rian is pas gearresteer vir die moord op Shorty Swanepoel. Anika is bekommerd oor die toekoms van Fortuna Trans. Piet en Cor het ‘n hewige woordewisseling. Piet is teleurgesteld in Cor, en beskou hom as ‘n verraaier. ‘n Nuwe aanstelling moet gemaak word - Fortuna Trans sal nie verder deur ‘n Du Preez bestuur word nie.

Rian blaas in Cor se nek oor hulle volgende aflewering in Mosambiek. Cor sit met sy hande in sy hare, want hulle het nie meer ‘n drywer nie. Norman kuier by Laurinda. Vir die eerste keer voel hy veilig, en in sy ouma se teenwoordigheid deel hy ‘n bietjie van sy seer. Rian word ingeroep deur sersant Fortuin vir ‘n laaste ondervragingsessie. Dan is daar ‘n klop aan die deur. Rian was reg – “familie” het ‘n ingewikkelde definisie by Fortuna Trans.

Piet beveel Anika en Cor om hom dadelik te kom sien. Piet is woedend omdat die verdwyning van sy kleinkind van hom weggesteek is. In ‘n oomblik van woede raak hy persoonlike inligting kwyt wanneer hy vir Anika uittrap. Cor is agterdogtig. Waarom praat sy pa met Anika asof hy haar veel beter ken as wat hy voorgee? Sy is tog net die assistentsekretaresse, dan nie?

Sandra Jacobs word deur speursersant Fortuin ondervra. Arend Fillis onderbreek hulle ondervragingsessie met ontstellende nuus oor Stefan. Piet is woedend, en wil dadelik vir Stefan afdank, maar Sandra en Janine kom tot sy redding. Dan deel Sandra ‘n geheim wat die twee Du Preez-broers al vir so lank wegsteek. Miskien is hierdie die antwoord tot Norman se skielike omwenteling en vreemde gedrag?

Rian het pas terug gekeer van die Kaap, en stel voor hulle moet begin beplan vir hulle volgende onwettige aflewering, maar Cor weier. Laurinda kuier by Janine, en saam deel hulle gelukkige herinneringe wanneer hulle deur ou familiealbums blaai. Stefan kom besope by die huis aan. Dit ontlok ‘n woordewisseling tussen hom en Janine. Dan sien hy ‘n bekende gesig in een van Janine se familiealbums...

Maureen en Anika probeer hulle bes om Fortuna normaal te laat funksioneer ná die dood van hulle kollega, Shorty de Lange. Cor vind ‘n besope en onsamehangende Stefan in sy kantoor. Stefan smeek huilend om vergifnis, maar wie is die meisie waarvan Stefan praat, en wat weet speursersant Fortuin alles? Cor se agterdog en vrese word al hoe groter. Wat steek sy broer vir hom weg?

Piet en Anika geniet ‘n romantiese aandjie uit. Piet het vir hulle ‘n duur hotelkamer met Franse sjampanje bespreek. Anika speel steeds die slagoffer, en probeer op Piet se gevoel speel. Piet en Cor geniet ‘n rustige potjie gholf om te ontspan. Cor wil weet watter parfuum hang in sy pa se motor, en Piet dink vinnig ‘n verskoning uit. Cor kry iets interessant in die motor se paneelkissie, wat Laurinda se wêreld uitmekaar laat tuimel.

Almal is nog ontsteld ná Shorty se dood, en speursersant Fortuin wat gedurig oor hulle skouer loer maak dinge net erger. Anika praat per ongeluk haar mond verby, en lap belangrike inligting uit wat speursersant Fortuin oor die foon bespreek het. Sandra vind uit van Norman se verdwyning in Mosambiek. Sy het skielik ‘n belangrike oproep wat sy moet maak.

Fortuin beskou Shorty se misdrywe as swak bestuur, en ‘n roekelose fout van Stefan se kant af. Stefan pleit onskuldig, en verdedig Rian se skielike verdwyning Kaap toe asook die saak van aanranding teen hom. Fortuin krap verder in Stefan se verlede. Rian het vir speursersant ‘n interessante brokkie inligting meegedeel. Wie is Andriëtte Grobbelaar?

Rian word voor stok gekry deur sy pa en sy oudste broer. Rian hou vol dat hy homself teen Shorty moes beskerm. Noudat Shorty uit die prentjie is, kan hulle gerus wees dat die dissiplinêre verhoor geskrap sal word, want die aanklaer is oorlede. Norman word steeds geteister deur nagmerries. Janine bring vertroosting en veiligheid, maar wanneer Norman in sy slaap begin praat, hoor sy ontstellende inligting.

Rian is terug van ‘n belangrike vergadering in die Kaap, en Cor is briesend. Rian erken dat hy wraak wou neem op Shorty. Die twee broers beraam planne, en stem ooreen om Shorty as die sondebok uit te maak en alles te ontken. Maurene en Anika probeer nog die skielike dood van Shorty verwerk. Sommer gou deel hulle skindernuus, en vind uit dat hulle dalk meer weet as wat die skuldiges besef.

Speursersant Allister Fortuin is die ondersoekbeampte na die onnatuurlike dood van Shorty Swanepoel. Arend Fillis is eerste in die spervuur. Janine is bekommerd oor Norman, en vind vertroosting by haar skoonma. Dan onthul sy ‘n skokkende skets wat Norman by die spelterapeut geteken het. Hoekom staan Shorty se naam op die skets?

‘n Dringende vergadering word belê ná die skokbevinding in die werkswinkel. Sandra Jacobs is aan die woord en verduidelik aan Piet en Stefan du Preez watter gevolge hulle, as maatskappy, in die oë sal moet staar. Cor is geskok oor die nuus, maar moet katvoet dans rondom Stefan se vrae. Vervalste nommerplate en verdunde diesel kom aan die lig. Wat het werklik in Mosambiek gebeur?

Stefan en Janine het ‘n onrustige nag. Norman is veilig en ongedeerd terug by die huis, maar duidelik is alles nie pluis nie. Arend is agterdogtig oor Shorty se motor wat reeds by die werkswinkel staan, maar nêrens te vinde is nie. Geheime en bespiegelinge word vertroulik onder mekaar gedeel. Miskien is alles net Arend se verbeelding? Tot hy afkom op ‘n grutoneel...

Cor vind vir Norman in ‘n verlate pakskuur tussen Ponta do Ouro en Ponta Milimangala. Cor bel vir Stefan om hom in te lig dat hulle op pad is, maar dat daar ‘n klein ongelukkie met een van die Mosambiekse drywers was. Rian vind vir Shorty waar hy besig is om aan ‘n trok te werk. Hy het slegs een doel voor oë – die waarheid en wraak.

Rian word uit ‘n belangrike vergadering geroep om dadelik vir Sandra van HR te sien. Shorty versoek ‘n dissiplinêre verhoor en steun vanaf die KBVA. Cor bel vir Rian met die nuus dat Norman steeds skoonveld is. Rian begin besef Shorty se stories klop nie, en hy weet dalk meer as wat hy voorgee. Met die gebruik van ‘n toep vind hulle gou Norman se laaste selfoonkoördinate. Sal Cor betyds wees?

Janine en Stefan ontspan heerlik in ‘n afgesonderde ruskamp naby Johannesburg. Janine is bekommerd as sy steeds nie vir Norman in die hande kry nie. Rian stel Stefan gerus dat alles goed afgeloop het, en hy jok flink deur te sê dat Cor en Norman besluit het om nog ‘n paar dae langer in Mosambiek te bly. Shorty het pas teruggekeer van Mosambiek. Rian konfronteer hom, en gou klap die vuiste, maar hierdie keer slaan Shorty terug...

Cor en Shorty vier die suksesvolle aflewering van hulle onwettige goedere. Cor is veral opgewonde oor hoe maklik hulle die paneelkameras kon ontduik, maar raak dan bekommerd omdat Norman nog nie tuis is nie. Shorty speel dom en sê hy het hom by die strand afgelaai soos beveel. Anika dreig Piet met ‘n verdraaide storie van hulle skelm verhouding. Piet beloof haar ‘n vakansie in Frankryk vir haar stilswye. Die telefoon lui. Dit is Cor, met ontstellende nuus...

Dit is die geselskap se eerste dag in Mosambiek. Cor geniet sy broerskind se entoesiasme en leergierigheid. Hulle meld aan vir die aflaai van die kratte. Rian bel om te hoor of die spesiale “transaksie” al plaasgevind het. Cor verseker hom dat hulle vir Norman by die strand sal aflaai voor hulle geheime ontmoeting met die smokkelbaas, Galish. Shorty laai vir Norman by die strand af, maar sommer gou sien Norman dat hy nie op ‘n see-uitstappie is nie...

Arend Fillis word ingeroep vir ‘n ontmoeting met Sandra Jakobs. Maureen stel hom gerus dat hierdie ‘n onskuldige ontmoeting is. Arend voel egter dat daar meer agter hierdie vergadering skuil as wat Sandra voorgee. Sandra laat val dat daar ongerymdhede in die werkswinkel plaasvind. Arend besef vinnig hy is nie net aangestel as motorwerktuigkundige nie.

Dit is die aand voor die groot aflewering van Mosambiek. Janine voel onrustig oor die feit dat Norman saamgaan. Sy voel dat Cor nie bevoeg is om as voog op te tree nie. Stefan stel haar gerus, en stel voor dat hulle vir ‘n naweek weggaan om te gaan ontspan en te vergeet van al die Fortuna-familiedrama.

Rian flankeer skaamteloos met Anika en maak ‘n aanbod dat sy sy persoonlike assistent kan word vir dubbeld haar salaris. Arend sien iets verdag op Shorty se lessenaar, maar speel dom. Arend noem dat mensehandel ‘n groot probleem is, en dat hy wil weet wat is die sekuriteitsmaatreëls rakende die Fortuna-trokke is wanneer hulle oor die grens gaan. Dan kry Shorty ‘n slinkse plan...

Laurinda nooi vir Janine om by haar te kom tee drink. Piet daag by die huis op met ‘n bos lelies. Laurinda kry dadelik snuf in die neus. Piet speel dom oor die geheime stemboodskap, en noem dat dit vir Cor of Rian bedoel was. Hy beskuldig Anika dat sy rooihakskene het, en dat sy ‘n romantiese verhouding met een van die twee broers wil aanknoop.

Dit is Arend Fillis, die nuwe motorwerktuigkundige van Fortuna Trans, se eerste dag. Maureen hou dadelik van hierdie onskuldige jong seun met sy mooi maniere. Shorty hou niks van die gedagte dat hy ‘n stertjie gaan kry om op te pas nie. Sommer gou stel hy belaglike eise en opdragte aan Arend, wat Arend maar gedweë moet uitvoer. Shorty kry die gevoel dat Stefan hom dophou, maar hy sien sommer gou Arend is skadeloos. Of is hy?

Anika en Piet het ‘n geheime ontmoeting waar hulle ontbyt geniet by hulle gunsteling koffiewinkel. Rian sien hulle toevallig raak, en die paartjie moet vinnig kleitrap en die ontmoeting afmaak as ’n sake-ete. Rian vind uit dat Norman saam Mosambiek toe gaan, en hy sien rooi. Cor het weer sy eie kop gevolg.

Cor wys vir Norman hoe lyk die trokke en die nuwe paneelkameras van Fortuna Trans. Hy verduidelik wat die kameras alles kan doen, en manipuleer die situasie met Norman se voorliefde en passie vir rekenaarspeletjies en elektronika tot sy voordeel. Shorty keur dit glad nie goed nie. Cor vra vir Stefan of Norman kan saamkom Mosambiek toe, en gebruik hul wankelrige verhouding as troefkaart. Sal Stefan instem?

Cor en Shorty probeer ‘n stokkie voor die nuwe paneelkameras se beeldmateriaal steek. Cor kry, met die hulp van ‘n jong IT-student, ‘n spesiale program wat ‘n gedokterde filter oor die beelmateriaal kan plaas. Cor oortuig vir Norman om van syfers en boekhou te vergeet, en liewer te fokus op die nuwe paneelkameras van Fortuna Trans. Norman is dadelik geïnteresseerd. Miskien is Fortuna Trans nie so vervelig soos wat hy gedink het nie.

Sandra, die personeelhoof van Fortuna Trans, word dringend ingeroep om aan die drywers ‘n inligtingsessie aan te bied oor paneelkameras. Shorty is nie ten gunste van hierdie instelling nie. Hy voel die drywers word dopgehou omdat hulle nie vertrou word nie. Sandra verseker hom dat dit slegs vir hulle eie veiligheid is. Stefan deel die nuus met Shorty van ‘n nuwe aanstelling, wat Shorty warm onder die kraag maak.

Die drie broers ontmoet vir ‘n vergadering om die installering van die nuwe paneelkameras te bespreek. Gemoedere vat vlam, en Rian probeer vredemaker speel. Cor en Shorty ontmoet in die werkswinkel om die paneelkameras uit te toets. Sommer gou sien hulle dat hierdie hoogs gevorderde tegnologie is, en dat hulle vinnig ‘n plan sal moet beraam om hulle smokkelary en misdrywe te pleeg. Het Cor dalk reeds ‘n oplossing?

Piet en Laurinda du Preez geniet ‘n heerlike verrassingsontbyt, wat Laurinda vir hulle voorberei het. Laurinda noem aan Piet dat daar ‘n vreemde betaling uit haar bankrekening plaasgevind het - ‘n peperduur rekening vir ‘n hotelkamer. Piet trap klei, en skuif die blaam op ‘n CA van die Kaap. Dan kry Laurinda ‘n baie interessante stemboodskap, wat nie vir haar bedoel was nie...

Anika sien toevallig vir Cor in The Drunken Sailor-kuierkroeg. Sy is woedend, en voel misbruik en seergemaak dat Cor net verdwyn het sonder om haar te laat weet waar hy is. Stefan haal vir Norman oor die kole oor sy swak punte vir rekeningkunde. Norman voel sy pa is onbetrokke, en plaas onnodige druk op hom. Janine probeer vredemaker speel, maar is onsuksesvol.

Cor is tuis. Stefan wil hom ‘n paar warm klappe gee, maar Piet tree tussenbeide. Hy beskou Stefan se gedrag as kinderagtig en onvanpas. Cor beplan ‘n gesellige braai saam met sy ouers, waar hy hulle wil bederf met springbokfilet ná sy jagekskursie. Cor ontmoet vir Shorty in ‘n kroeg om sake te bespreek. Iemand sien per ongeluk vir Cor raak...

Stefan lê klem daarop dat die maatskappy moet belê in elektroniese hulpmiddels soos paneelkameras vir elke trok. Shorty word geroep om na die nuwe paneelkameras te kyk, en hy is in die wolke want diot sal sy werk makliker maak. Shorty kry ‘n interessante oproep van ‘n spesiale vriend wat hy al jare lank ken. Dan is daar ‘n klop aan die deur...

Shorty Swanepoel is behoorlik in die warm water. Rian du Preez ontbied hom om vir hom al die inklok- en uitkloktye van elke drywer, asook die dieselstrokies van die Mosambiekse aflewering, te bring. Cor is terug, en hy en Rian bespreek die gemors waarin Shorty hulle gedompel het. Cor ontvang ‘n oproep van ‘n vreemde nommer. Dit verander hulle planne drasties.

Piet du Preez belê ‘n noodvergadering, maar nie om te gesels oor Cor se verdwyning nie. Dit gaan oor ‘n verdagte Fortuna Trans-trok wat verlate staan op die Mosambiekse grens. ‘n Stewige boete moet betaal word. Rian kry ‘n interessante oproep. Cor is dalk veel nader as wat almal dink.

Daar is ‘n ligte atmosfeer in die kantore van Fortuna Trans. Dit is net nog ‘n doodgewone oggend by die Du Preez-familie se onderneming, tot Anika ‘n oproep ontvang. Piet du Preez, die sakemagnaat en eienaar van Fortuna Trans, se jongste seun word vermis. Weet Anika meer as wat sy voorgee? Waar is Cor du Preez?

Lena kry nie klaar gehuil nie. Emma hou nie op om haar te verras nie. Die kersversierings word weer geskuif. Lena en Emma maak boeke op. Die pakkamer kry ‘n nuwe naam.

Ben nooi Hannes vir koffie en skok hom. Rudolf is erg ontsteld. Hy soek raad by Oupa Krismis. Dis weer tyd vir groet en afskeid. Die kersversierings en huismense is ewe hartseer.

Lena bespreek haar ontsteltenis met Hannes, wat nie raad het nie. Oupa Krismis soek naarstigtelik na ‘n oplossing vir die kersversierings se jongste krisisse. Hy is verstom om te sien wie staan nader om te help. Hy beleef ‘n aand wat hy nooit sal vergeet nie.

Daar is ‘n geskarrel in die sitkamer want ‘n Kersboom word versier, en alles moontlik word gedoen om te verseker dit loop nie op ‘n deurmekaarspul uit nie. Luma neem ‘n groot besluit. Hoe goed daar ook al beplan is, eindig die dag op ‘n droewige noot.

‘n Hartseer Lena soek raad by Gloria. Gloria klop dadelik by Oupa Krismis aan vir bystand. Waaroor gaan al die drama? Worsie kom uiteindelik terug van sy naweekuitstappie vanaf Daisy. Die kersversierings hou asem op. Waarmee is Lena so bedrywig?

Hannes en Emma begin met Hannes se stapoefeninge. Gloria maak seker die kersversierings weet dis Welwillendheidsdag en almal weet wat dit beteken. Laataand begelei ‘n ontstelde Rudolf vir Gloria tuin toe. Wat het hy op sy hart?

Dis Oukersaand. Ben sit half verlore in die tuin. Lena druk hom in ’n hoek, en die twee praat hulle harte leeg. Luma en Lux besluit dis tyd om Blink uit sy wroeging te help. Almal se harte moet vol van die Kersfeesgees wees. Ben het ‘n groot versoek vir Oukersaand. Daar is ‘n klop aan die deur, en pandemonium breek los in die huis.

Rudolf ontpop in ‘n storieverteller. Oupa Krismis en Rudolf maak vrede. Emma bly tog te geheimsinnig, en Ben kan dit nie meer hou nie. Emma het nóg ’n verrassing, en dit neem die wind heeltemal uit Ben se seile.