牛哥講經丨廣東話哲學、書籍分享

原片：https://youtube.com/live/MRNvstSUNkEhttps://youtube.com/live/MRNvstSUNkE

1949年，二戰落幕之後，歐洲國家百廢待興。一本過千頁嘅巨著喺巴黎面世，提出「不合時宜」嘅觀察——呢本書隨即被社會名流痛斥為「淫穢荒謬」，後來被梵蒂岡列為禁書。作者以一人之力，得罪咗大半個法國，包括社會上嘅保守派男性、提倡生育嘅國家機器、仲有唔少女性主義者。

呢本四面受敵嘅書，就係西蒙・波娃所寫嘅《第二性》。

上次，我哋講到有唔少女性主義者唔鍾意《第二性》，始終，內文當中，的確會見到有唔少對女性嘅負面描述。

除咗因為西蒙・波娃寫《第二性》嗰陣並唔係企喺女性主義嘅立場去睇男性／女性，或者討好女性。更重要嘅係，佢所關注嘅議題係：女性點解係第二性——亦即係，點解社會將女性視為次等人類。

而西蒙・波娃無諗住寫一本溫柔嘅心靈雞湯嚟撫慰女性嘅傷口；相反，佢選擇當頭棒喝，用高標準嚟批評某啲女人喺牢籠中嘅自我欺瞞。閱讀佢嘅文字，就好似望住一場密集嘅無差別轟炸——男性、女性、語言、神話，無一倖免。

今集，係第43次得閒讀書會，我哋會跟住《第二性》譯者邱瑞鑾（音：聯）所寫嘅譯者序，嘗試鳥瞰一下《第二性》全書，你會發現：當局部嘅攻擊，飽和到好似地圖炮一般，佢想做嘅，唔係將眼前一切夷為平地，而係病根深入，如果唔經過刮骨嘅話，任何所謂嘅治療都只會得個桔——要解放女性，實際上係對「人」呢個概念嘅重新定義（今集解釋唔晒，去到下集講引言嘅時候，會更加清晰）。

到底七十年前嘅「不合時宜」，到今日已經過時，定依舊能夠點出社會嘅痛處？依家，我哋一齊揭開呢本《第二性》嘅譯序。

本集章節：

開始 00:00

時代背景與寫作計劃：反思母性天職 05:42

對女性之負面描述 12:24

女人點解會成為次等人類 20:54

第二性——他者 27:12

後續影響 46:16

補：文學批評先驅 56:49

＊

如果想支持呢個廣東話哲學podcast，就記得加入各平台嘅會員，會員福利非常豐富：

半本書都買唔到嘅價錢——每日只係兩個幾，就可以無限聽過百集用心製作嘅會員podcast，無論係中國哲學、西方哲學、上至宗教神話、下至咖啡、歷史嘅知識，都可以隨時隨地收聽，享受廣東話知性之旅。唔知啱唔啱聽，就可以用一用個試用計劃。

如果你畀出一本書嘅價格，咁就不得了，每日六蚊，就可以由頭開始咁精進中國哲學知識，睇晒接近二十集線上讀書組，同你一齊閱讀各地研究，論述先秦同宋明理學入門，仲有詳細筆記，方便吸收——但要小心，呢度講嘅中國哲學，同你印象中非常唔同……

p.s. 如果加入patreon，建議用網頁版，避免apple收30%稅。

感謝所有加入嘅會員，你哋嘅支持，令呢個頻道可以確實咁營運落去。

＊

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利：

https://www.youtube.com/channel/UC6i3xQE-WhlKsu9l1cqzEQw/join

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

鄂蘭導讀系列

鄂蘭，《極權主義的起源》導讀（1）：「黑暗時代」——鄂蘭眼中嘅羅莎．盧森堡同卡爾・雅斯培丨西哲幼稚園EP27丨劉國英，《當代歐陸哲學家臉譜》https://open.spotify.com/episode/1pC4ozeuRpNDJvXXFkI9om?si=mzZmCZX8Th-TH5KL7_9Shg

鄂蘭，《極權主義的起源》導讀（2）：「極權主義」——以「一切都是可能的」製造「多餘的人」與「極端的惡」丨西哲幼稚園EP28丨劉國英，《當代歐陸哲學家臉譜》

https://open.spotify.com/episode/0FZHHPn765jks2VFGmWUys?si=WdHgdaq9S0Gv3RfhfWEADg本集

鄂蘭，《人的條件》導讀（2）：「行動生活」——勞動、製作、行動丨西哲幼稚園EP30丨劉國英，《當代歐陸哲學家臉譜》

https://open.spotify.com/episode/2K9BSDI52iYi4NnZcMJfAo?si=qGcqsKI3QiuN9q7SEIu5yA

鄂蘭，《人的條件》導讀（3）：「脆弱的Polis」——反思power同政治嘅「必要之惡」丨西哲幼稚園EP31丨劉國英，《當代歐陸哲學家臉譜》

https://open.spotify.com/episode/2lGPsHbH2j4CBQjKYiiOV2?si=mRy4bSqKRqaBUDhWy3Mjpg

－－－－－－－－－－－－－－

如果想支持呢個廣東話哲學podcast，就記得加入各平台嘅會員，會員福利非常豐富：

半本書都買唔到嘅價錢——每日只係兩個幾，就可以無限聽過百集用心製作嘅會員podcast，無論係中國哲學、西方哲學、上至宗教神話、下至咖啡、歷史知識，都可以隨時隨地收聽，享受廣東話知性之旅。唔知啱唔啱聽，就可以用一用個試用計劃。

如果你畀出一本書嘅價格，咁就不得了，每日六蚊，就可以由頭開始咁精進中國哲學知識，睇晒接近二十集線上讀書組，同你一齊閱讀各地研究，論述先秦同宋明理學入門，仲有詳細筆記，方便吸收——但要小心，呢度講嘅中國哲學，同你印象中非常唔同……

－－－－－－－－－－－－－－

引子：

雖然鄂蘭經常否認自己係哲學家，但其實喺《極權主義的起源》嘅終章，佢已經為自己頒布咗一個哲學任務：建立一套哲學人學（philosophical anthropology），以便說明人喺存在論層面上係自由，從而為其他層面嘅自由定下基礎。

鄂蘭繼《極權主義的起源》之後嘅另一部著作，係《人的境況》（The Human Condition, 1958，又譯「《人的條件》），目的就係要為「人之 為自由存在」作存在論層面嘅說明。《人的條件》喺一開始就以定義行先，但我哋今集試下大概講下《人的條件》嘅幾個特別睇法，下集先再講佢嘅定義，相信你會更容易掌握鄂蘭點解要咁樣定義。
喺第一部分，「私人與公共領域」：我哋會以「自由」嘅兩種境況，連接《極權主義的起源》同《人的條件》，然後理解鄂蘭點樣用希臘城邦嘅私人同公共領域嘅自由，回應柏林嘅「積極自由」（positive liberty）同「消極自由」（negative liberty）。

第二部分，「人之自由之可能」：鄂蘭嘅其中一個哲學任務，就係解決人嘅自由點解可能。當我哋以沙特作為對比，就會明白鄂蘭答案嘅特色。

第三部分，「反思柏拉圖」：我哋可能會以為柏拉圖代表住希臘思想嘅高峰，但同好多西方哲學家一樣，鄂蘭認為柏拉圖消除咗一啲希臘城邦嘅美好特質。

第四部分，原文共賞。我哋會睇下鄂蘭〈哲學與政治〉（Philosophy and Politics） 嘅原文——鄂蘭認為，柏拉圖之所以寫出《理想國》同洞穴寓言，  根本原因係一個歷史創傷。

依家，我哋回憶一下鄂蘭對極權主義嘅反省先，然後思考公共空間同自由嘅關係。

《心經》廣東話全文朗讀、意譯丨印順，《般若波羅蜜多心經講記》

幾經艱辛，終於完成咗《細讀心經》系列。

論述《心經》嘅書非常多，

我認為印順法師所著嘅《般若波羅蜜多心經講記》

可以喺宗教性、哲學性、通俗性之間取得平衡。

宗教性，表現到佛教徒閱讀《心經》嘅心得同要點；

哲學性，透過字詞定義同描述概念關係，得清晰圖像；

通俗性，《講記》唔厚，比喻甚多。

為咗慶祝完成《細讀心經》系列，我會喺呢一集會做三樣嘢：

1）用廣東話讀出《心經》經文

2）我會用廣東話將印順嘅《般若波羅蜜多心經講記》濃縮，嘗試意譯《心經》，並補充些少背景知識。一方面，協助大家重溫我哋喺《牛哥解經》一共八集嘅細讀心經系列，另一方面，等大家可以喺一個基本脈落下理解《心經》內容。

3）講講完成《細讀心經》系列嘅感想

引子 00:00

朗讀《心經》 02:03

意譯《心經》 03:55

小感想 11:52

按：

解釋一下我對菩提薩埵嘅讀法

薩埵對應Sat-tva

如果從廣東話嚟講，埵讀做「朵」，其實係幾啱音，但唔少人會讀咗做「多」（我估係因為薩多比薩朵順口）

我自己嘅習慣係讀「陲」，一嚟係因為薩埵以前係有寫成薩陲，二嚟係現代人對「垂」字讀成「陲」會熟悉啲（易記啲）

原片：https://youtube.com/live/23Ubj7B3RSk

下一集：https://youtube.com/live/MRNvstSUNkE

講起《第二性》呢個書名，你嘅腦海好可能會浮現「女性主義」同「西蒙・波娃」呢兩個概念，但係，2026年嘅《第二性》法文直譯譯本嘅譯者序提醒我哋，《第二性》成為女性主義經典，可以話係一場美麗嘅誤會——事關，西蒙・波娃一開始，根本無打算宣揚女性主義，因為佢覺得女性主義運動應該到佢嗰個時代就應該完結，但去到晚年嘅訪談同行動，我哋可以見到佢有所改變，並且同大眾解釋：「今天，我為什麼是個女權主義者」——到底一個非女性主義者，點樣寫出女性主義者經典，再喺幾十年之後，成為女性主義者呢？

今次導讀，我哋唔會講到《第二性》嘅內容，而係會從西蒙・波娃嘅自述、訪談嚟睇下寫作《第二性》嘅緣起、西蒙・波娃嘅身份認同點解轉變，為往後集數作準備。

今集分成三個部分：

00:00 開始

03:47 唔係女性主義者

12:29 激進嘅女性主義者

22:25 總結、一啲感想

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《第二性》、《波伏瓦訪談錄》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

【宣傳：10月12日中環酒吧分享】

𝙏𝙖𝙡𝙠 𝙣 𝙒𝙖𝙡𝙠 ．微 醺 哲 學

日期｜12/10（一）

時間｜7:30 PM

地點｜Rizzy Cafe & Bar（香港中環雲咸街29號LKF 29地舖）

名額｜25人

主講｜牛哥, 廣東話哲學Podcast《牛哥講經》創辦人

費用｜$200

報名｜https://luma.com/1zu49ymh

----------------------------------------

每月最後一個星期三夜晚九點直播

（如有字幕，字幕由ai生成，我無時間檢查，如有需要，自行取用）

本集內容：

00:00 開講

01:44 開場白

03:42 第一個投稿（中秋）

23:22 第二個投稿（男扮女裝）

01:03:56 莊太量事件

01:26:56 錫蘭爆破唐綺陽

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

原片：https://www.youtube.com/live/myWQhvjqlKU?si=Jb_JZwXuk5LUl6EU

有啲問題，無人諗住過問、就算諗過，亦未必有人敢過問。

就好似以往嘅世界，大家都接受「神」嘅存在。第一個敢於詢問「神」存唔存在嘅人，會被人視為異端、瘋子。異端、瘋子嘅數量足夠多、時間過得足夠耐，就成為我哋今日每個人心中嘅疑問，而你我行出街同人講：「神存唔存在呢？」唔會再被綁喺火刑柱之上。

如果好彩嘅話，第一個人嘅勇氣、認真，會被後世記錄、讚揚。而今日我哋要講嘅康德，佢就提出咗一個石破天驚嘅基源問題——以往嘅西方哲學就算嘈到七彩，都基本上都無問過呢個問題。

今集，我會同你講講康德哲學嘅起點同埋為咗方便你理解，我用「拼圖遊戲」幫你理解康德嘅工作。但今集只係做到同你介紹遊戲規則，下集先可以同你一齊玩呢個拼圖。

呢個係康德，而我唔識得通靈，所以我需要用兩集嘅時間，先解釋呢幅拼圖嘅意義畀你知。

我之前出過podcast，但呢次係改版，內容鋪排係有所修改。

依家，我哋就慢慢睇下一幅拼圖，可以點樣跟住康德，為知識劃界。

開始 00:00

基源問題：石破天驚 02:17

拼圖遊戲：迦利略式轉向 11:11

結語 33:33

按：四分五十二秒處，我將「緒論」之「緒」讀咗做「豬」，正音應為seoi5。感謝聽眾ymtse216 提醒。

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《康德知識論要義》＋《黑格爾新釋》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

原片：https://youtu.be/4JBpK90qmww

7月頭，我參加咗維城文化搞嘅「南亞人離散故事」，當中一次參觀祆教導賞嘅活動，親身行咗入Prayer Hall，聽講呢個活動非常搶手，又一年先搵到機會搞一次，而Prayer Hall平時好少開放畀非教徒，所以想同大家分享下呢個活動嘅觀察同感想。

－由於會堂入面係唔可以公開相片，所以我一陣會形容下內部；另外，我會藉由祭司嘅講法，簡介一下巴斯人嘅歷史

歡迎你嚟到萬里路遊記EP1。本身遊記想以西葡旅行開始，但呢次祆教活動記憶猶新，就搶先推出。

活動原訂係六月尾舉行，不過因為紅雨而改咗期，好彩改期之後可以順利舉辦到，最近嘅天氣真係相當極端，一時大太陽，一時驟雨，啲活動搞手一定好頭痕。

講返呢次祆教導賞活動，活動係喺銅鑼灣禮頓道101號善樂施大厦舉行……

本集章節：

00:00 開講

01:39 善樂施大厦

04:58 Prayer Hall

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

原片：https://youtube.com/live/wiRK6BAmDaA

你有無發現身邊越嚟越多人確診或者談論抑鬱？一個咁細嘅香港，就有超過三十萬人確診。如果留意男女比例，你應該會發現女性抑鬱係高於男性，根據西方精神流行病學嘅研究，世界各地女性患上抑鬱症嘅比率，幾乎係男性嘅兩到三倍。但係關注抑鬱嘅臨床心理學家，安德魯．所羅門，喺《正午惡魔》指出：「女性揭發的憂鬱為男性的兩倍，但男性自殺的可能性為女性四倍之多。」

面對統計數據，我哋可以點樣解釋女性更可能被揭發有抑鬱症，男性更可能自殺嘅現實呢？

今次，我哋會藉由社會學家許雅淑嘅《何苦為男》，解釋父權社會對男性心理嘅影響，以及臨床心理學家嘅《正午惡魔》解釋男性抑鬱嘅特點。

你會發現，與其直接話男性更少抑鬱，更平實咁講，係男性同女性抑鬱嘅表現唔同，而男性抑鬱嘅表現走向一個極端，就會出現「自殺」嘅憾事。

男人的隱藏式憂鬱 03:29

砲彈休克症 11:35

苦無出路，到走上絕路 24:13

依家，我哋先睇下男性嘅「隱藏式憂鬱」先。

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《神經可塑性》＋《原子習慣》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

原片：https://youtube.com/live/XPBmu2O3vHs

對應集數：https://youtube.com/live/Ep4inBEheQ4?feature=share

你有無諗過，你係經常唔誠實咁看待自己、看待他人？

喺心理學上有個有趣實驗，研究人員走咗去問啲司機，問佢哋覺唔覺得自己嘅駕駛技術好過其他人，結果發現：「90%嘅司機覺得自己嘅駕駛技術好過其他人」。

呢個觀察成日被攞嚟當成係普通人自以為是嘅例子。

不過，近年嚟學界對呢個發現嘅解釋已經轉變咗好多，由最初話係「自我強化」（self-aggrandizement），轉為話係「認知偏差」。

其實，我哋好多時對事情或者自己，都會抱有一種樂觀嘅偏⾒。諾貝爾經濟學獎得主丹尼爾・康納曼喺《快思慢想》當中，就提醒我哋：樂觀可以推動資本主義嘅發展，因為樂觀可以令人冒險創意——雖然喺美國，一間細公司可以維持五年嘅機率只有35％，但基本大家都唔覺得呢個統計數字會應用到自己身上。

呢種樂觀偏⾒從好處講令人勇往直前，但從壞處講就係令人唔清楚自己嘅狀態。所以，今集我會同你先用《快思慢想》，了解多啲我哋嘅樂觀偏⾒。然後用《原子習慣》嘅兩個方程式，幫助你客觀咁審視自己，從而改變自己固有嘅行為。

引子 00:00

你係咪一個更好嘅人？ 05:19

所謂習慣 17:08

法則1：令提示顯然易見 

提示處處可見 24:11

習慣記分卡：覺察自身習慣——當你自己係陌生人之認識你自己 31:55

唔好再得閒飲茶——畀個時間同地點 44:06

習慣堆疊 55:58

後記 01:05:09

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《神經可塑性》＋《原子習慣》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

原片：https://youtu.be/e6FnewkUZek

特洛伊戰爭點解會出現？其實係源自三個女神爭一個金蘋果……

無啦啦講金蘋果故事，係因為我睇完電影《奧德賽》有少少嘅感受。

我原先對史詩《奧德賽》只係得返好淺嘅印象，加上對電影《奧德賽》無咩太大期望，所以無乜做功課就入咗去睇。整個觀賞過程經歷咗四個心境變化：

睇之前：啲選角得唔得㗎？

睇緊（頭兩個鐘）：有啲悶+急尿

睇到最後：！？我居然睇咗三個鐘

睇完：越諗越好睇，明白佢選角嘅原因甚至可以話，選角選得好有趣（有睇就知唔係好關咩DEI 事我唔敢講100%無關，但可以詮釋成無關）

由於Nolan展現嘅電影《奧德賽》同我印象中嘅史詩《奧德賽》好唔同，所以引起咗我去搵返相關嘅神話故事同特洛伊戰爭起源嘅興趣。

我暫時嘅結論係：將電影《奧德賽》同原著嘅史詩《奧德賽》對比，你就會發現Nolan改寫咗個神話，變成咗一個非常「現實」嘅「歷史」故事。

呢個位，我諗起Tom Holland喺訪問話nolan能夠將唔可能變成可能，因為nolan唔鍾意用CG，但又將一啲難以想像嘅畫面呈現喺觀眾眼前。而我覺得喺電影《奧德賽》，nolan係將劇情上嘅唔可能（神話），變成可能（歷史）。所以遲下我去分享電影《奧德賽》嘅時候，會嘗試用現代嘅神話心理學解釋。

我唔會補充晒全個特洛伊戰爭，只係會抽取同電影比較相關嘅資料作補充。

歡迎你返到嚟第22集有文有路，今集，我哋要講講特洛伊地理與家譜補充——伊利亞德同特洛伊有咩關係？然後再講埋「金蘋果事件」，睇下雅典娜點樣會想特洛伊陷落。

原片：https://youtube.com/live/xdJgruZSpjs

你有無諗過，明明重拾惡習咁容易，但點解建立好習慣會咁困難？有時候，你已經自覺自己真心付出努力，但係嘗試做「好習慣」都只係能夠三分鐘熱度，維持得幾日。相反，即使你已經立定咗幾多信心去戒食垃圾食物、唔睇廢片、唔拖延……但種種壞習慣仲係如影隨形。

《原子習慣》嘅作者詹姆斯・克利爾（James Clear）認為，當我哋嘗試改變習慣嘅時候，我哋好多時都會有兩大類錯處：

我哋改變緊嘅對象錯咗（改錯對象）

我哋嘗試改變嘅方式唔啱

今集，我哋就要一齊搵返啱個對象嚟改。搵完個對象，我哋仲會用埋《神經可塑性》嚟睇下點樣同呢個啱嘅對象建立一個好關係。

開始 00:00

改變三層次 02:49

信念之重要 10:24

改變身份認同 20:00

建立成長型思維 54:56

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《神經可塑性》＋《原子習慣》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利：

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

原片：https://youtube.com/live/JYgf4Zo1Rjk

如果我同你講，中世紀只係出現過一場大規模獵巫，你會唔會覺得匪而所思、難以接受？

今集，我會同你一齊從引發大規模獵巫行動嘅《女巫之槌》講起，藉由論述印刷術同獵巫行動嘅關係，你會發現：資訊流通可能嘅壞影響，而大規模、持續發酵嘅獵巫，的確唔係出現喺中世紀社會……依家，我哋先簡介下女巫形象先。

你心目中嘅女巫，擁有住點樣嘅形象？

喺各大洲嘅各個時代，人類社會都曾經深信有魔法、深信有女巫，但唔同社會對女巫嘅想像同反應，各有不同，有啲文化好驚女巫、有啲文化能夠包容、甚至係尊重女巫：

有啲社會相信女巫會控制靈魂、同死者交談、預測未來；

有啲社會相信女巫會偷走牛隻、尋找寶藏。

有啲地方相信女巫會帶嚟疾病、令粟米田枯萎、調製愛情靈藥；

但去到另一個地方，又會認為女巫會喺半夜摸入人哋間屋做啲家務，然後偷走牛奶。

喺某啲地區，大家認為施展巫術嘅多數係女性（中文當中嘅「巫」係預設咗女性，因為男性巫師係叫做「覡」（音：轄））；但去到另外一啲地區，通常會認為係男性施展巫術。

通常嚟講，女巫／巫術社會會係文明開初時候嘅特徵，隨住時代行進，社會就會慢慢唔在意咩女巫唔女巫——因為女巫往往會被安置喺體制之外。

可能同我哋嘅常識唔同，喺中世紀嘅大部分時間入面，大多數歐洲社會就係屬唔太在意女巫。

中世紀嘅天主教會並無將女巫視為對人類嘅重大威脅，有啲教會人士甚至仲積極勸阻民眾唔好去獵巫。根據極具影響力嘅十世紀文獻《主教會規》（Canon Episcopi，入面定義咗中世紀教會對巫術嘅教義），佢哋認為巫術多數只係幻覺，而「相信有巫術存在」呢件事本身，就已經係一種違反基督教教義嘅迷信。

亦即係話，中世紀教會認為女巫同魔法根本就唔存在，只係日耳曼異教徒殘留嘅迷信幻覺。 如果有人聲稱自己可以騎住掃把飛、或者識得落降頭，教會嘅做法唔係燒死佢，而係叫佢去懺悔。

「所以，歐洲的獵巫熱潮其實不能說是中世紀的現象，而是一種近世現象。」

呢點，我最近有預備緊凱爾特文化嘅集數，正正同啱啱所講嘅日耳曼異教徒有關。大家可以期待一下。

當我哋回望歷史，會發現話中世紀出現獵巫係唔太準確，因為歐洲最瘋狂、最血腥嘅獵巫大屠殺係集中爆發喺15世紀末到17世紀（即近代早期 Early Modern Period）。

呢個時期正正就係歐洲經歷緊文藝復興、宗教改革，甚至係科學革命萌芽嘅時代。當達文西喺度畫蒙娜麗莎、莎士比亞喺度寫劇本、哥白尼同伽利略喺度仰望星空嗰陣，歐洲各地嘅火刑柱就燒得最猛烈。

而通常理解，中世紀係完結於東羅馬帝國滅亡，亦即係1453年。

呢場獵巫熱潮點嚟？我哋要返去1420年代同1430年代嘅阿爾卑斯山脈講起。

《女巫之槌》，由瘋子到教皇代表 07:31

獵巫熱潮 23:08

一把口一百種真相 31:12

最嚴重的獵巫事件 37:25

科學革命真正的引擎 42:49

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《連結》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

相信耶和華嘅，唔一定相信拉比。

上集我哋提到《舊約》嘅正典化過程。

而早喺拉比對《舊約》呢個區塊定案之前，有一班異議份子就已經唔願意相信整套拉比制度嘅權威，佢哋多數都仲係接受聖經文本鏈入面嘅第一個區塊——佢哋稱之為《舊約》。但佢哋唔相信後續嘅《米示拿》同《塔木德》。呢班異議份子，就係基督徒。

基督宗教喺公元一世紀出現嗰陣，當時仲未係一個統一嘅宗教，而係由好多唔同嘅猶太運動組成。呢啲猶太運動唯一嘅共識，大概就係大家都認為：（哈拉瑞總結）「如果要說誰對於耶和華的話語擁有最終的權威，那應該是耶穌基督，不是拉比制度。」

雖然基督徒接受拉比嘅審核結果——《舊約》，同意〈創世記〉、〈撒母耳記〉同〈以賽亞書〉都係神聖嘅經文，但佢哋認為拉比對呢啲經文有所誤解。例如，〈以賽亞書〉7:14寫到「主自己要給你們一個兆頭，必有童女（almah）懷孕生子，給他起名叫以馬內利（Immanuel）」

拉比認為，呢度嘅 almah 意思係「年輕嘅女子」，而 Immanuel 就係「神與我哋同在」（希伯來文嘅 immanu 係「與我哋同在」，而 el 就係神）

於是成段經文嘅解讀就係：喺猶太人艱苦抵抗外來帝國壓迫嘅時候，神答應咗要幫助猶太人民度過苦難。

（詳情可以聽【以色列=/=與神角力？】真一神論興起2.1：解析「以色列」之名——「迦南神學確實深切影響了《聖經》，而且紮根之深，深到難以從種族、文化甚至宗教上去明確區分迦南人和以色列人」丨生活雜談EP57丨《造神》第七章）

但係基督徒認為 almah 嘅意思係「處女」，Immanuel 嘅意思係「神會親自降生為人」，所以呢段經文正正就係預言緊：神聖嘅耶穌將會透過聖母瑪利亞降生喺世上。

當我哋檢視《新約》嘅正典化過程，你會發現喺未有一個統一嘅基督教會、耶穌已經復活升天嘅情況下，當基督宗教拒絕拉比制度、接受咗另一套新神啟嘅可能，佢哋同時亦打開咗另一道通往混亂嘅大門——佢哋喺眾多解讀方式同訊息當中，無辦法作出最後嘅裁決，決定唔到邊啲先係真正嘅神啟。結果係，書卷越寫越多。

今集，係第37集得閒讀書會，《聖經》區塊鏈2，我哋要睇睇《人類大歷史》嘅作者，哈拉瑞所寫嘅《連結》，檢視一下《新約》嘅形成過程。

內容分成以下部分：

《新約》出現  09:11

教會決定經文，經文形塑教會 23:23

教會：富國強兵 30:45

壟斷書籍製作 35:44

印刷革命：混亂開始 45:04

歐洲印刷革命 47:48

依家，我哋由《新約》出現開始講起。

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《連結》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

每月最後一個星期三夜晚九點直播（如有字幕，字幕由ai生成，我無時間檢查，如有需要，自行取用）現代社會似乎唔太鍾意“obsession“呢個概念，如果將obsession翻譯成書面語，大概係「成癮」、「著迷」、「沉迷」。仲記得細細個啲大人因為細路仔打機，覺得係沉迷、上癮，係唔好嘅事。其實，大人依然要小朋友「著迷」、「沉迷」，只不過係要「著迷」、「沉迷」於考試。所以，唔可以「沉迷」睇課外書，但要「沉迷」睇教科書；唔可以「沉迷」於彈吉他，但要「沉迷」於彈鋼琴。呢個現實反映住，其實人要「沉迷」，先有所成。用廣東話嚟表述“obsession“，就係「痴」，如果用民國文人嘅語言，就係「癖」。如果可以畀人話係「中國哲學痴」，咁照道理都係一個成就。今次，我哋會從情痴講到物痴本集內容：00:00 開場白同投稿18:18 OBSESSION 電影43:35 《聊齋志異・阿寶》59:43 胡適，〈廬山遊記〉1:18:53 胡適，〈介紹我自己的思想〉🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

訂購新書：⁠https://forms.gle/5XL1RJFKh12T7mSq8⁠

呢次係喺《德尼思化》搞嘅新書分享會，我將整個訪問切成兩個部分，第二部分（即係呢集）主要係同戈登講講呢本哲學入門書想做到啲咩。

＊請原諒我呢集把聲收得唔好＊

戈登寫咗一篇訪問稿，非常感激，引述如下：

／／

四、一個叫間生的讀者，與一封封來得太早也太遲的信

《致間生》不是純粹的哲學導論，書裡有一個故事：患病的父親，將難以言說的思想，書寫十五封書信，給主角間生逐一展閱。書中主角，中學生的間生，代表了開始啟蒙、正在成長的「讀者」，有自己的家庭、有困難的處境，有必須慢慢長出的疑問。

牛哥說，對他而言寫小說是很大的挑戰。他一早想好第一封信與最後一封信，因為故事到達高潮時，需要有一封信解開整個謎團。但怎樣在中間鋪排，怎樣令故事既不過分沉重，又不失去哲學重量，並不容易。

他不希望把父親患病寫成單純的家庭悲劇，更想把它放在生活日常：有病，有難處，但仍然有熱血，有一種普通人繼續生活的力量。

牛哥提到「間生」名字的真正秘密，要到書的後段才揭曉。這個保留，令《致間生》對一眾讀者而言，像一封慢慢拆開的信。

五、由科學、神話、宗教，到中國哲學：思想的前菜與湯

《致間生》先談科學，再談神話與宗教，最後才走向哲學。

看似奇特的安排，來自牛哥多年 Podcast 的經驗。早期他想講孔子便直接講孔子，想講中國哲學便直接進入主題；但後來朋友提醒，很多人不聽，只因缺少進入的脈絡。牛哥用吃飯比喻思想鋪排。主菜如果是中國哲學，前面便需要前菜和湯。現代人未必仍然嚴肅思考宗教問題

，所以不能一開始就從宗教開始；還要再往前，由科學開始。

科學給現代人一個冷峻的宇宙圖像：世界巨大、冷酷，人在其中渺小而孤獨。這種孤獨不是錯覺，而是現代人生活在宗教心理的母體被打破之後，必然感到的空曠。

科學能描述世界，不等於能回答關於意義的問題。這些問題，宗教曾試圖回答，神話曾以形象承托人的恐懼與希望，哲學也曾一步步把問題重新放到人的心上。

因此，《致間生》看似談很多東西，其實有一條連續的思想脈絡：沒有神的世界、神尚未被問題化的世界；開始追問神是否存在的世界；再到今日，人帶著科學所展示的荒謬感，重新問自己應該如何生活。

牛哥想讓讀者看見，我們絕非憑空站立，實乃站立在一層又一層文化沉積之上。

「可以把一件事講清楚；但把一件事講得太簡單，它就不再是原本那件事。」

六、短影音時代裡，尋找哲普以外的定位

人是文化動物，我們隨時代而變動，那哲學思想是否仍能在現今可行？尤其，像《致間生》側面描繪的，短影音與社交平台的時代，哲學傳遞如何可能？

牛哥比想像中樂觀，但他的樂觀並不天真。

他不認為自己主要是在做「普及」。普及有其必要，也有很多人已經在做：十幾分鐘講一個哲學家，一條短片介紹一個概念，這些都能讓人知道某些知識。但哲學真正重要的不是結論，是思考過程。

過度簡化哲學思想，它就不再是原本那件事。牛哥不是拒絕媒介，不是拒絕傳播，只是不願意讓哲學在被傳播時失去深度。

因此，《致間生》不是要令完全沒有閱讀習慣的人突然變成讀者，而是希望遇見那些原本已經在附近徘徊的人。它像一盞燈，讓同路人知道：原來也有人在這條路上。

七、孤獨的必然，文化承擔的起點

牛哥在《致間生》的自序，以及間生的故事，常常指涉人類的存在情境，生命必然伴隨的孤獨。那麼，當他做了《牛哥講經》五年，寫書幾經波折，面對可能沒有人看、沒有人理會，牛哥如何跨過那些時刻？

牛哥說，他從小便會在夜裡想未來、來生、死亡，想人生完結之後會怎樣。令人害怕的未必是答案，是面對問題時，無人與你相伴的孤獨。

用廣東話長期談中國哲學與自己的思想，在香港並不常見。節目可以很快出名，也可以很快停止；真正困難的是持續。牛哥承認，做得愈久，愈會面對現實限制，也愈感到與最初那個理想主義的自己有距離。

但他仍然留下來。原因不是他從不懷疑，他始終覺得，有些思想如果沒有人說，會很可惜。例如唐君毅這樣的思想資源，如果只留在學院、書架或博物館，沒有人用廣東話重新打開，很難成為今日我們的精神養分。

牛哥說，從第一年開始，他一直問自己同一個問題：「如果我不說了，誰說？如果我都不說，那還有誰說？」

「科學告訴我們世界是荒謬的；到了哲學，人心就是對這個荒謬的一個答案。」

八、儒家的悲劇性：在殘破世界裡仍然相信人心

回答人類的孤獨，生存的意義，《致間生》為什麼會以中國哲學作主軸？

牛哥說，他理解的儒家毫不樂觀，甚至帶有濃厚悲劇性質。儒家不是因為世界美好，所以相信人心；相反，是因為世界殘破，人沒有一個外在上帝、未來人或超越意志替我們安排秩序，所以只能回到人心，嘗試建立秩序，嘗試愛護他人。

這個說法，也回應了《致間生》的整條思想路線。科學讓人看見宇宙的荒謬，神話顯示人需要以故事面對荒謬，宗教曾經承托意義，而到了哲學，人心成為對荒謬的一種回答。孤獨因此不再只是負面狀態。

孤獨是可以的，孤獨甚至可以是好東西。因為人在孤獨，才會真正感到問題不是別人的。正因為問題不能外判，人心才有被召喚的可能。

就像《致間生》，是牛哥多年來孤獨的結晶。它不是從零開始的單一作品，像一張地圖，把過去五年的聲音、閱讀、思考與廣東話書寫重新連在一起。

它是給間生的信，也像是牛哥寫給過去自己的信。那個過去的自己，可能曾經在夜裡望向某種無邊的黑暗，感到孤獨，感到世界沒有答案。多年之後，他沒有把孤獨抹去，用廣東話把它寫成一段可被他人聽見的旅程。

全文請參閱 ⁠https://delisver.com/creation/dbznWioqFEgWf6ti6RJo

星期一病咗，無更新到。抱歉。

訂購新書：https://forms.gle/5XL1RJFKh12T7mSq8

呢次係喺《德尼思化》搞嘅新書分享會，我將整個訪問切成兩個部分，第一部分（即係呢集）主要係同戈登一齊回憶一下點解會由Podcast，步步走向寫一本廣東話哲學書嘅經歷。

＊請原諒我呢集把聲收得唔好＊

戈登寫咗一篇訪問稿，非常感激，引述如下：

／／

牛哥談《致間生》：

廣東話書、孤獨與寫給年輕人的信

一句 Podcast 開場白，後來成為一本廣東話哲學書的起點。

今年，香港知名的哲學 Podcast 《牛哥講經》，與本地獨立出版社「格子盒作室」合作，出版以廣東話書寫的哲學小說《致間生──孤獨時代嘅哲學旅程，由荒謬走向自由⋯⋯》。這是香港出版現場中少見的文化實驗：此書以廣東話為書寫語言，每章哲學表述之後，皆有延伸到 Podcast ，在紙本與聲音之間建立新的閱讀形式。

《牛哥講經》數以千計小時的內容，如何將多年來研讀經典的心得，濃縮到近四百頁的厚度，成為其知識世界的地圖？牛哥為什麼要選擇廣東話，廣東話作為哲學表述的語言，又有什麼與眾不同之處？《致間生》怎樣一反西方傳統哲學史的時代順序，從科學、神話、宗教一路走向哲學，重新組織一條給現代讀者進入思想的路徑？

「廣東話對我來說，是最直接、最沒有修飾的語言。」

一、廣東話非裝飾，是思考發生的地方

「歡迎大家返嚟《牛哥講經》，《牛哥講經》用廣東話詮釋經典比你聽。」

《牛哥講經》最早階段的開場白，也預告了，多年之後，牛哥會選擇以廣東話書寫《致間生》。

牛哥自言，小學、中學時沒有特別熱愛廣東話。廣東話只是每天使用的語言，正因為太近，反而不覺珍貴。學校訓練他用書面語寫作，也訓練他把粵語、口語、日常說話排除在文章之外。

直到某日，他在網上看見有人用廣東話寫認真的文章。那一刻，他想起胡適「我手寫我口」的命題：如果一個人平日用廣東話思考，為何寫作時要多轉一重語言？

牛哥形容，以前寫作時，腦中先出現故事或句子，再轉成書面語。這個轉換看似微小，卻足以令思想的流轉停頓。尤其對哲學寫作而言，這一層轉譯會更明顯，中間多了一層隔膜。

因此，廣東話在《致間生》的嘗試，不是地方色彩，不是反叛姿態，是牛哥最直接、最少修飾、最貼近思考本身的語言。

他不接受廣東話只能粗俗、只能閒談的想像。廣東話可以日常，也可以文雅；可以有笑聲，也可以承載嚴肅思想。

二、從「我手寫我口」到「我手寫我心」

《致間生》的自序中，牛哥把「我手寫我口」再推前一步，成為「我手寫我心」。這是他對寫作狀態的精確描述。

他說，寫作時不一定是在心裡先讀出一句完整的話，然後把它記錄下來。很多時候，是一邊寫，一邊想，甚至幾乎同步。這時候，寫下來的不是口中已經說出的話，是心裡正在形成的想法。

日常說話有很多語氣詞，有停頓，有「啦」、「啫」等。它們有對話功能，但如果全數照搬到紙上，文字反而會變得累贅。所以「我手寫我心」不是照錄口語，是在口語與文字之間找一個位置：保留母語思考的直接性，同時讓文字經過必要的整理。

換言之，牛哥並非將廣東話當作聲音的重述，是把廣東話當作思想的器官。

「我不完全在記錄我口怎樣說，而是在記錄我心怎樣想。」

三、入門書如踏腳石：答案之外，好奇之必要

每個人都有其啟蒙時刻，於伸手不見五指的黑暗，忽然看見一線撕裂黑幕的光明，從此，世界不一樣了。

談起哲學啟蒙，牛哥提到《蘇菲的世界》、《哲學的故事》。這兩本書之於許多人，不是終點，而是入口。他形容為「踏腳石」：人要過河，未必會記住每一塊石的形狀，但那塊石曾讓人跨過一道原本過不去的激流。

《蘇菲的世界》最令他難忘的，不是完整的哲學史脈絡，而是某些畫面。例如柏拉圖的洞穴比喻，有人走出洞穴，看見光，看見彩色世界。這未必能完整說明柏拉圖，卻足以刺激一個年輕人渴求更多知識。

牛哥關心的，正是這種讓年輕人好奇的契機，如何在中國哲學中重新出現。西方哲學有不少成功的入門故事，但中國哲學一不小心就變成哲學史：清晰、準確，卻少了故事帶來的牽引。若只是直接把孔子、老子、莊子、宋明理學放到讀者面前，對沒有背景的人來說，實在難以貫連。

因此，《致間生》不是單純介紹哲學概念，嘗試把思想放回可以被年輕人進入的故事之中。它希望成為踏腳石，也希望成為同路人。

／／

全文請參閱 https://delisver.com/creation/dbznWioqFEgWf6ti6RJo

訂購新書：https://forms.gle/BPxeT9Zsgp3TgWmd6

可獲親筆簽名、限量明信片

原片：https://youtube.com/live/ngz1itb7HPg

如果你問亞當，佢有無靈魂，佢好可能會反問你，你係咪問緊佢有無內非什。

你可能會覺得牛頭唔搭馬嘴，但咁係因為你唔熟悉希伯來文。

不過，講解希伯來文之前，我哋首先要延續上集嘅內容——上帝創造世界，到底係點樣嘅故事？

如果我哋細心留意一下《創世記》第一、二章嘅內容，你應該可以見到有兩個創世故事——一個係先造世界，再造人類，另一個係先造人類，再造佢眼前嘅世界。

就好似上集結語所講，敍事方式嘅唔同，並唔係表示一種矛盾，而係視點唔同。今集，我哋同樣要跟隨《世界哲學史》嘅其中一位作者，關東學院大學國際文化學部比較文化系教授高井圭介（高井啓介）嘅文章，〈舊約聖經和猶太教中的世界與靈魂〉，睇下一同觀賞兩個創世故事，會得出點樣嘅創世圖像。

另外，我哋仲會簡單解釋下希伯來文內非什、尼夏馬、魯阿巴嘅意思。咁你就會發現，猶太人對靈魂嘅睇法，同現代西方嘅靈魂觀係非常唔同。

今集內容包括：

開始 00:00

第三至四節：甚好的世界 06:36

背景補充：靈魂，內非什 12:27

第二十節：有生命的物 24:18

第二章七節：有靈的活人？ 28:33

背景補充：氣息，尼夏馬與魯阿巴 44:47

反思：靈魂與內非什 55:22

結語 59:11

建議配合集數：《非理性的人》

註：書中的確混用內非什、尼非什

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：《世界哲學史1 古代篇（I）哲學的起源：從智慧到愛智》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

原片：https://www.youtube.com/live/hRW27oQgaAc?si=5GbXdVN6IaUZS5HK

猶太教係一個非常古老嘅宗教，從比較宗教嘅視角睇嚟，佢嘅論述當中有唔少巴比倫文化嘅隱約痕跡，但同時，佢嘅一神論形態又係當時中東地區嘅非主流形態。

為咗了解猶太教嘅獨特之處，我哋會跟隨《世界哲學史》嘅其中一位作者，關東學院大學國際文化學部比較文化系教授高井圭介（高井啓介）嘅文章，〈舊約聖經和猶太教中的世界與靈魂〉，藉由「巴比倫之囚」嘅歷史，明白猶太人點樣一步步吸收周邊文明，一邊提出咗一種嶄新嘅宗教改革，建立出獨一無二、至今仍然震撼人心嘅世界觀。

因而，我哋要簡單講講猶太教嘅歷史同地理位置。再由《創世紀》嘅言語創世模式，講講猶太思想嘅特徵。下集，我哋會講埋《創世紀》對靈魂嘅理解（內非什）嘅理解。

歡迎你返到嚟第35次得閒讀書會，今集內容包括以下部分：

猶太教簡史：簡述以色列分裂為南北國，最終第一聖殿被徹底摧毀嘅歷史

埃及與巴比倫之間：以色列嘅地理同歷史，令到整個猶太文化收到眾多埃及同巴比倫嘅影響……

智慧的開端：我哋話哲學係愛智慧嘅學問，咁猶太文化有無哲學呢？佢哋又點睇智慧呢？

第一節：被造物與創造者：翻開《創世紀》嘅第一章第一節，再對比其他神話，你會發現一個存在喺世間以外嘅神，實在係非主流

第三節：以言語創造世界：我哋通常會認為《聖經》講述上帝創造係「從無到有」，但從考據上講，情況係複雜得多。

建議配合集數：

《連結》，有關死海古卷嘅集數

《造神》，真一神教系列嘅集數

依家，我哋由猶太教簡史開始講起。

開始 00:00

猶太教簡史 04:20

埃及與巴比倫之間 12:05

智慧的開端 22:15

第一節：被造物與創造者 29:13

第三節：以言語創造世界 34:56

結語 51:36

閱讀材料：《世界哲學史1 古代篇（I）哲學的起源：從智慧到愛智》🐮 Follow IG：https://www.instagram.com/cowgortalk🐂

加入讀物農莊，一齊閱讀，一齊討論！https://www.patreon.com/cowgortalk

【文稿可於Patreon免費閱讀】

成為頻道會員並獲得福利

支持牛某製作更多內容

【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

劉笑敢先生喺 2026 年 6 月 30 日凌晨喺香港辭世，享年79歲。好遺憾未有機會講多啲佢對道家嘅研究，僅此公開其中一集講述劉笑敢先生作品嘅會員集數，以作紀念。

——「莊子與沙特的生活年代、社會背景有極大不同，但他們都代表了社會下層（莊子）或社會中層（沙特）的知識分子在社會現實生活中找不到出路、卻又非要發現一條小路的痛苦探索」

專門研究道家嘅劉笑敢喺一九八零年代寫咗《兩種自由的追求・莊子與沙特》（下稱《兩種自由》）呢本書仔，顧名思義，就係要將兩位相隔超過二千年嘅中西哲人作比較，更要對比兩者嘅自由觀。一睇到呢度，心水清嘅讀者就會問，到底兩者可唔可以有效咁比較呢？到底先秦哲學講唔講到「自由」呢？

劉笑敢對於呢兩條問題嘅答案都係：可以。

喺呢個總共四到五集嘅小系列「命中自由」，我希望能夠同你用少少嘅時間，重溫兩位哲人從巨大嘅「命」限底下，所思索嘅自由。為此，我哋會睇下點解莊子同沙特係可以有效對比，以及兩者對自由嘅睇法到底係點。

由於我唔完全同意劉笑敢嘅論述（佢本人喺《兩種自由》寫完十年後，寫嘅〈後記〉亦指出《兩種自由》嘅限制或未盡之處），所以我並唔會只使用《兩種自由》嘅理解。而我會使用劉笑敢嘅論述，只係因為箇中有令人容易記憶、以及有部分有意義嘅對比。對於沙特哲學嘅補充，會使用勞思光嘅《存在主義哲學新編》；對於莊子哲學嘅補充，會使用徐復觀嘅《中國人性論史》。

今集，我哋主要從背景同文學手段嚟對比兩者。內容包括：

「人物對比」：雖然莊子同沙特生活喺唔同文化、地區，但如果我哋嘗試抽取佢哋背景嘅特徵，咁就會發現兩者有相當多可以對比嘅地方。

「以文學翅膀思考」：雖然莊子同沙特都以文學為手段呈現思想，但兩者所使用嘅文學方式有所不同。劉指出莊子係「莊子是中國古代第一個浪漫主義文學家」，而沙特就係存在主義嘅文學流派領袖。

立即預訂新書：https://forms.gle/aaxTrLyYvNyLFNjt8

00:00 講下個書名

08:07 開始講目錄

《蘇菲的世界》係我好鍾意嘅書；呢本書嘅三個部分係對應《蘇菲的世界》所提到嘅一個寓言，我今次無提到，但你估唔估到？

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

原片：https://youtu.be/FLdC2tj47AA

當你聽到「尼采」呢個名，第一時間會諗起咩？係「上帝已死」嘅宣言，定係尼采本人癲咗？無論你對尼采嘅印象係點，你或者都應該興幸我哋今日仲會聽聞過尼采嘅思想。

曾經有一段時間，尼采思想成為咗西方世界嘅禁忌。因為喺納粹德國時期，尼采嘅「超人」、「權力意志」等概念，被奉為法西斯主義嘅泉源。有一張著名嘅歷史相片，顯示希特拉到訪魏瑪嘅尼采檔案館時，企喺尼采嘅半身雕像前深情凝視。

納粹黨透過報紙同宣傳品，向德國民眾植入「元首係偉大哲學家思想繼承人」嘅錯覺，以此進行政治洗腦。希特拉對尼采嘅喜愛，並唔只有狂熱。1920年代，當希特拉喺獄中嘅時候，佢博覽群書，更作出以下評斷……

本集章節：00:00 開講🐮 Follow IG：https://www.instagram.com/cowgortalk🐂

加入讀物農莊，一齊閱讀，一齊討論！https://www.patreon.com/cowgortalk

【文稿可於Patreon免費閱讀】

成為頻道會員並獲得福利

【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

新書預購中：

https://forms.gle/jc5aFYB63fc1kB2M6

中國哲學集數目錄：https://www.patreon.com/posts/zhong-guo-zhe-ji-156585043?utm_medium=clipboard_copy&utm_source=copyLink&utm_campaign=postshare_creator&utm_content=join_link開始 00:00目錄：漢 02:00魏晉 05:52唐 10:57宋明 16:26清 39:02新儒家－牟宗三 45:00－唐君毅 50:43當代學者－鄭宗義 54:54逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《中國哲學集數目錄》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

預訂新書：

https://forms.gle/g1CJHiQNXJxJo9KM6

致讀者：

如果你係第一次閱讀牛某文字嘅讀者，容我自我介紹一下先。

我係廣東話哲學 podcast《牛哥講經》嘅主持。《牛哥講經》已經經營超過四年時間，期間以過百萬字講解唔同嘅書本，範疇包括歷史、哲學、心理學……雖然我會喺《牛哥講經》嘅集數之間加插自己嘅諗法，但我始終冇機會同大家用長少少嘅篇輻分享自己對哲學嘅勝法。

結果，得到機會，可以寫出呢一本奇特嘅哲學入門書；得以用我嘅語言，同你分享哲學。

呢本書：

點解要咁寫呢？咁就要請你睇埋落去。

中國哲學集數目錄：https://www.patreon.com/posts/zhong-guo-zhe-ji-156585043?utm_medium=clipboard_copy&utm_source=copyLink&utm_campaign=postshare_creator&utm_content=join_link

原片：https://youtube.com/live/RUixbxylZKM

開始 00:00目錄：背景知識 04:38上古 11:24周 29:20先秦 40:44－孔子 45:17－老子 53:26－墨子 01:00:21－孟子 01:02:55－莊子 01:07:48－荀子 01:23:08總結 01:29:48 魏晉宋明新儒家－牟宗三－唐君毅當代學者－鄭宗義逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《中國哲學集數目錄》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

原片：https://youtube.com/live/vMZ_hubbSzg?feature=share

神經工具包：承認以「生理性嘆息」攔截負面意念關注可量化嘅客觀事實寫日記「分析你的意念。了解為什麼你會被觸發去做那些負面的事情，可以幫助你更有效地應對這些觸發因素。」「承認自己取得的小勝利並恭喜自己。」本集章節：00:00 開講🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！

成為頻道會員並獲得福利https://www.patreon.com/cowgortalk【文稿可於Patreon免費閱讀】【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

有時，我哋快樂過生活；有時，我哋拼命去生存。但我哋好少時間思考點樣改變自己嘅生命——不論係生活定生存緊。如果打開字典，查下「生命」係咩意思：「生命（名詞）將動物和植物與無機物區分開來的狀態，包括生長、繁殖、功能活動和在死亡前持續變化的能力。」就好似無夢想同一條咸魚無分別，唔變化其實都展現唔到生命力。所以，《神經可塑性》嘅作者表示，「生命是我們必須書寫的一個故事。創造它。不要安於現狀。」經過之前四次共讀，我哋經歷完《神經可塑性》呢本書嘅第一階段，大致了解到神經可塑嘅原理，以及大腦喺唔同情況嘅運作方式。依家，終於去到第2階段，歡迎你返到嚟第32次得閒讀書會，今次係我哋第五次共讀《神經可塑性》，我哋會講講【神經科學改造潛意識】，睇下神經科學家點樣用七個方法，保證重組你嘅潛意識。今集內容包括：開始 00:00點解重組潛意識？ 05:42擺低部電話 13:54視覺化想像 視覺化想像：運動員例子，菲比斯 28:07 視覺化想像與現實連結 32:48習慣 習慣：重複剌激 41:02 習慣：空間重組 48:24制定策略，為挫折做好準備 51:20責怪不如相信 1:00:44跨越恐懼、征服自我破壞 1:09:00 積少成多 跳入深水區神經工具包 1:14:24逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

本集內容對應：https://open.spotify.com/episode/53OkkyF5PQBkGg5v23Ho8P?si=mq-EZT2sQ8CaLFIXnMzPiA

有好多人都想成長，例如更加完整咁樣表達自己嘅意見、加強自己喺談判同埋業務上能力、激發更加多嘅靈感……佢哋會選擇大量嘅閱讀、參與唔同嘅研習講座，以致輸入知識。但係，只要輸出嘅方法唔啱，自我成長嘅目標，依舊會遙遙無期。咁，係因為大腦構造嘅緣故。

講出呢種諗法嘅人，係《最高學以致用法》嘅作者樺澤紫苑，佢作為一個精神科醫生，抱持住一個信念：一個能夠持續交出成果嘅人，絕大多數都係重視輸出多於輸入，因為大腦喺你輸入咗知識入去之後，要靠你將輸入嘅知識再作輸出，先會將呢個知識視之為「重要情報」，從而轉換成長期記憶去儲存。

作者就係要用呢本書仔，去幫助我哋理解大腦嘅基本構造，順從住腦科學嚟活用你嘅時間，幫你達致確切嘅成長。有啲人睇唔起輸出嘅作用，會覺得自己小學、中學，望兩眼本書就記得住，好似海綿咁吸晒啲知識。

但係呢個能力對於大多數人嚟講喺二十歲就會玩完，過咗二十歲，大腦就會停止爆發性成長，如果你諗住靠細個嘅小聰明嚟喺二十歲打後去學新嘢，咁就真係只能夠祝君好運。

不過，根據作者嘅調查，大約有九成嘅打工仔都係以輸入嚟學習或者工作，咁佢哋實際會記到嘅嘢會好少，亦累積唔到咩經驗。簡言之，就係因為「不擅輸出」，而白白浪費時間。不過你又唔好誤會，以為作者唔鍾意輸入。

作者表示，自己每個月嘅閱讀量，平均都有20本以上，已經持續咗30年嘅時間。只不過係到咗某一日，佢突然之間發覺，無論自己再睇多幾多嘅書，自己仍然毫無成長。從此之後，佢就開始刻意加強自己嘅輸出，直到今日。喺佢寫呢本書嘅時候，佢已經係一個出版28本書嘅作家……

本集章節：開講 00:00 一，背景知識 12:52一之一，定義 一之二，輸出量決定成長曲線 一之三，輸出as一種運動 二，基本法則 31:28二之一，兩週三次，變長期記憶！ 二之二，輸入輸出化循環，成長螺旋式上升！ 二之三，輸入輸出黃金比例，就係3：7！ 二之四，輸出結果要檢視 二之五，「反饋」四方法 二之六，輸出六好處 三，以科學為根基之表達術 44:55三之一，說1，講講昨日亦輸出 三之二，說2，用多啲正面語言，增加幸福感 三之三，說3，講人壞話，百害無一利 三之四，表達1，非語言溝通 三之五，眼神接觸 三之六，表達2，緩衝說法 三之七，打招呼 三之八，閒聊 三之九，提問1，開始前提問，決定學習方向 三之十，提問2，適當提問，加深討論深度總結 1:40:22

星期一夜晚九點直播（如有字幕，字幕由ai生成，我無時間檢查，如有需要，自行取用）

閱讀材料：《最高學以致用》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon閱讀】

原片：https://youtube.com/live/oGLcwKmOZRM

你有無發現，有一種傳統男人好少表達自己嘅情感？佢哋好似永遠都沉默寡言、一直固作堅強。喺呢一種傳統男人身上，清華大學社會學博士許雅淑見到一種「特苦」。呢種人身陷特苦、壓力、痛苦，但係又唔能夠自覺到特苦、壓力、痛苦嘅來源，因為來源係結構性問題。許雅淑講到：「身為女人，我看見父權體制賦予身邊男人的不只是特權，還有特苦；更多的期待，就是更多的壓力、更多的痛苦。」

不論男女，都喺父權社會嘅結構下受到限制、變形。而許雅淑對父權社會加諸喺男性嘅壓力感到極大同情，佢講到：「我一生最大的痛苦，並非來自身為女性的處境，而是眼睜睜目睹自己所愛的男性親人承受巨大的痛苦，卻無能為力。」

佢口中最愛嘅親人，就係佢嘅爸爸（我哋稱佢為許爸爸）。許爸爸成世人都愛好逞強，唔食煙、唔飲酒，係一個盡責嘅藍領工人，信奉住嚴厲管教嘅方式，對許雅淑嘅大哥、二哥都好嚴，不苟言笑，所以親子之間嘅溝通缺乏咗「愛」——許爸爸同阿哥之間，好難正常傾偈，好多時講唔夠一兩句就直接進入嗌交衝突嘅模式。

許爸爸成日抱怨，話好後悔供成班兄弟姊妹接受高等教育，搞到佢哋成日頂撞佢。其實，許雅淑與他的兄弟姊妹唔係有心頂撞，只係想表達自己嘅意見同睇法。只係表達自己嘅意見同睇法對爸爸嚟講，就係唔順從、就係反叛。許爸爸因而難過失望，而又為作者帶嚟極大嘅痛苦，因為許雅淑唔知應該點樣令佢明白：順從並唔係表達愛嘅唯一方式。

傳統父親嘅愛，用唔到言語表達，而傳統父親亦都唔識點講；或者應該話，佢哋自己都唔清楚咩係愛，更莫講話要表達出嚟——因為唔識得愛人，所以亦都唔知被愛係咩滋味，以為被愛係一種資格，需要用成就去換取被愛嘅權利。

許雅淑形容到：「我心疼地看著身邊的男人們很努力成就些什麼，來證明自己值得被愛，他們拚命讀書、拚命賺錢、拚命往上爬，甚至不顧後果追求社會認定的功成名就，想藉此來換取被愛的資格，卻忘了自己一直被愛著。」為此，喺安徽大學社會與政治學院任教、擔任社會治理研究中心研究員嘅許雅淑就想運用自己嘅社會學知識，說明現代男性困境、解構父權世界，最終寫作出《何苦為男》呢本書。

歡迎你嚟到第31次得閒讀書會，今日，我哋就係要繼續睇下呢本《何苦為男》嘅前言，睇下佢所觀察到嘅現代男性困境，以及佢點理解父權社會。

開始 00:00

抗拒女性主義的男性 08:07

男人的幸運 11:44

男性有咩困境？ 19:10

父權體制 25:59

本書結構 33:00

寫給在父權體制下受苦的所有人 39:00

建議閱讀：《愛的藝術》逢星期三夜晚九點直播（如有字幕，字幕由ai生成，我無時間檢查，如有需要，自行取用）

閱讀材料：《何苦為男》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得更多福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

本集對應第31次得閒讀書會：https://youtube.com/live/oGLcwKmOZRM

「一直以來，男性都誤將女人視為競爭對手，事實上，父權體制才是男性受苦的根源。」

父權體制嘅影響有時明顯，有時隱晦，透過各種方式影響緊所有人。雖然女性主義嘅崛起對父權體制帶嚟衝擊，但男性對女性主義嘅排斥同抗拒從來都冇減少過，甚至仲有越演越烈嘅趨勢。

「我寫這本書的初衷，就是希望男性也能加入改變父權體制的行列。許多男性在父權體制下並不快樂，但他們很難理解為什麼這套以男人為中心的體制會帶給他們這麼大的痛苦。」

關注性別議題嘅美國社會學博士Allan G. Johnson，寫咗一本《性別打結: 拆除父權違建》，作者總結到：「在父權體制下，身為男人並不是被壓迫的群體，相反地，男人是父權體制之中的主導性別，這樣的位置讓他們得到某些好處，但也必須付出一定的代價，這就是他們受苦的原因。」

依家，我哋了解一下咩叫男性係父權社會嘅主導性別。

曾經，良知呢一個概念，係陽明哲學嘅「把柄」、亦係喚醒孟子學嘅救命稻草。學者指出，佢好可能經由傳教士嘅翻譯，輾轉傳到去現代西方哲學之父——笛卡兒嘅頭腦當中。而良知學事實上東渡日本，將日本從德川幕府嘅極端封建制度中拯救出嚟，引領住明治維新嘅志士推動改革。

可惜嘅係，呢股充滿力量嘅思潮，喺現代經已褪色，由百死千難所證嘅信念，變成大眾陌生嘅概念。為此，我將會同學識合作舉辦第二個課程，叫做「良知、啟蒙與維新：王陽明哲學與失序時代」，希望藉由【陽明學源起】以及【陽明學影響】兩大部分，從學術脈絡、人物傳記、中西比較及東亞傳播四個維度，協助大家立體咁重構王陽明嘅精神世界。

以下，介紹一下呢個課程。

先講第一大部分，【陽明學源起】。

宋代理學發展到明代，留低咗兩大懸而未決嘅難題，學術陷入僵局。我哋會用史家錢穆嘅《陽明學述要》總結出兩次內容。喺第一堂〔理學困境與心學醞釀：宋學所遺留的問題與明代學風簡介〕，我哋會用變化氣質同萬物一體掌握宋明學風嘅變化。

喺第二堂〔良知百死千難中得來：王陽明人生與其哲學大綱〕，就會見到王陽明憑住跌宕起伏嘅人生，從明代官場嘅濁流、刺客嘅刀鋒當中，提供新嘅哲學進路。我哋會睇下陽明點樣喺百死千難中體悟良知，明白點解熊十力面對馮友蘭話良知只是個假設嗰陣，要拍檯大罵。

所以，【陽明學源起】呢個部分實際上比較傳統，係用短時間了解陽明學嘅時代背景同思想大綱，約略知道良知、致良知、立意等等概念嘅意思。

去到第二大部分，【陽明學影響】，就比較有趣。

第三堂會係〔「我思」與「良知」：笛卡兒與王陽明，東西方啟蒙者的跨時空對話〕，我哋會使用鄭澤綿嘅《誠意關》，藉由「『知』的平等主義」嘅理論框架對比陽明同西方啟蒙哲人笛卡兒，發現東方嘅「良知」與西方嘅「理性」，竟然遙相呼應。人話講，就係陽明可以象徵住中國文化自發嘅啟蒙精神。

同西方對談，只停留一堂。第四、五堂都會使用張崑將嘅《德川日本儒學思想的特質：神道、徂徠學與陽明學》。第四堂係〔士人與武士文化之別：橘逾淮為枳，中日風土之別，如何孕育不同特色的陽明學？〕，陽明學東渡日本，我哋睇下點解喺「士大夫文化」同「武士文化」嘅土壤差異下，同一套學問會結出不同果實。

第五堂係〔亡國之學與革命志士：從清儒的空談誤國指責，到日本維新的精神動力〕，睇下陽明學點解一方面喺清朝被指「空談誤國」，去到日本明治維新卻變成「改革之光」。

整個課程就只係五堂，難度唔高，但我希望跨文化對話可以幫助你發現，良知亙古亙今，但佢嘅呈現總係「鳶飛魚躍」般活潑靈動。若然我哋可以多角度嘅檢視、立體建構對良知嘅理解，或者可以借古鑑今，了知良知嘅現代呈現——希望有機會同你睇下良知學點樣跨越地域，傳到西方、傳到日本，成為另一形態；從而思考一下，當佢跨越時間，傳到現代，形態會係點樣呢？

本集為會員podcast試聽。對應牛哥解經(18)

https://open.spotify.com/episode/5XFRUKOlrmGl4YrGZByOh5?si=YKWrXmamRPOCnkV3N526sQ

如有興趣，請加入會員支持！十分感謝！

－－－－－

喺上集，我哋通過牛頭人神話見到變形神話嘅兩種形態──失敗同成功。今集，將會係「夢與神話」系列嘅最後一集，我哋會用英雄嘅冒險之旅（成年式）所代表嘅公式作為理論嘅總結，呢一個公式包括三個部分：分離（隔離）X、傳授奧秘（啟蒙）Y、歸來（回歸）Z，我稱之為「xyz 圓圈」。

漫遊者出版社嘅《千面英雄》，喺封面寫到：「從神話心理學到好萊塢（荷里活）編劇王道」，所謂嘅王道，就係指好嘅劇本，都係會喺「xyz 圓圈」當中發揮。換言之，無論係美國隊長、iron man定係蝙蝠俠，佢哋嘅故事都係以「xyz 圓圈」嘅形式展現。

認識「xyz 圓圈」，除咗可以幫助你從故事、電影中閱讀更多，更能夠令你更投入到故事、電影當中，因為「xyz 圓圈」透露住神話嘅意義。

今集內容分成兩大部分：

「悲劇與喜劇」：我哋會睇睇作者（坎伯）係點睇悲劇與喜劇，以及悲劇與喜劇同神話嘅關係

「英雄與神」：我分出五個部分。

－「xyz圓圈」，詳細少少睇下「xyz圓圈」係咩意思；

－「佛陀與摩西」，用「xyz圓圈」睇下佛教同基督宗教嘅記述；

－「神話與內心」，睇下神話嘅現代意義

－「神話與神仙」，跟住坎伯一齊分出神話同神仙故事嘅分別

－「世界軸心」，作為《宇宙與歷史》嘅補充

傳說，西施會心痛。你有無諗過除咗天生心臟病之外，西施仲有咩可能心痛？

其實，呢種感覺，可能就係醫學上所謂嘅「心碎症候群」（broken-heart syndrome）。佢發作起上嚟同真正嘅心臟病冇乜分別，嚟得好急，但好彩去得亦快。

「心碎症候群」顯示住「心碎」唔係誇張嘅形容詞。科學研究指出，大腦面對「失去」嘅反應，同面對肉體上嘅痛楚係一模一樣嘅。有啲研究甚至表明，因為失去而引起嘅心痛，可以同斷骨嘅痛比擬。

而心碎嘅感覺，作者相當明白。我哋今次同樣以作者年輕時嘅親身經歷作為開始。當年得26歲嘅作者，曾經試過喺實驗室入面，痛到成個人縮喺地下。佢心入面勁驚，好肯定呢種劇痛唔止係驚恐突發咁簡單，甚至以為自己死得。當作者不停追問「我係咪要死」嘅時候，一個神經科學博士生好淡定咁答：「你唔會死嘅。」當時作者測量到自己嘅靜止心跳高達每分鐘110下，連同學都講笑話佢個心跳得快到就快著火。

一個健健康康嘅後生女，無啦啦點會搞成咁？原來，一切都源於極度強烈嘅壓力同「失去」。當時作者為咗讀大學，啱啱搬去一個新城市，點知男朋友喺佢到埗兩日之後，就狠心撇低咗佢。面對新學校、新環境、停學八年後重返校園嘅壓力，加上一段本身已經極唔健康嘅感情突然告終，佢個心終於宣告「罷工」。點解失戀或者失去一個人會咁痛？如果你理解神經可塑性第一定律，咁你應該大概知道答案。日積月累，你所愛嘅人已經深深烙印喺你大腦嘅神經元網絡入面。你放工會第一時間打畀佢，有好消息會第一時間同佢講，大腦神經元嘅發射模式已經習慣咗呢個次序。當呢個人突然消失，大腦嘅發射模式被迫打亂，大腦就會覺得極之吃力同痛苦。失去會推高壓力水平，令你陷入求生模式，甚至搞到你失眠，成晚眼光光不斷反芻過去。如果你明白呢種「終結」所帶嚟嘅痛苦，實在係you are not alone。因為「終結」對我哋每一個人都會造成傷害。作者發現，絕大多數人都為緊某啲嘢而暗自悲傷。有啲痛係令人無法接受（例如失去至親），有啲痛就源於失去最好嘅朋友，甚至乎，失去嘅可以係一個夢想——「悲傷也意謂著對你本應擁有的生活和未來感到悲傷。」。經歷過感情同生活嘅重創，作者開始回想人生中其他嘅「失去」，當中最深刻嘅，係考唔入醫學院嘅殘酷現實。自從爸爸喺佢十一歲過身，作者就應承過爸爸會學醫，學醫亦成為佢大半世人嘅目標。佢足足食咗十一次白果（大家下次心情低落，不妨諗下佢被拒絕過十一次，心理或者會平衡啲）。直至有一晚，經歷過種種「心碎」同痛楚嘅洗禮，攤喺床上面嘅作者突然開竅。佢審視內心深處，發現自己根本唔係真係咁想做醫生。呢個所謂嘅「夢想」，只不過係佢為咗兌現承諾，一直對自己重複講嘅故事；故事講得太多，連自己都呃埋。佢冷靜一諗：就算真係做咗醫生，最後咪又係會專攻精神病學或者神經學？講到尾，佢真正熱愛嘅，一直都係研究大腦。天下無不散之筵席，每一個「終結」往往都伴隨住痛苦。但正如作者嘅經歷話畀我哋知，當大腦捱過咗神經元重組嘅劇痛，嗰份痛楚反而會逼使我哋誠實面對自己，加以成長。最終，佢喺痛苦之中，搵到屬於自己真正嘅目標——令大家了解大腦運作方式，陪伴大家走出困境。因而，今集我哋繼續呢本《神經可塑性》，完成當中嘅階段1。今集內容包括以下部分：開始 00:00傷心的大腦 0:12:05失去與補償機制 0:28:38多巴胺與戒斷作用 0:29:44血清素與身體發炎 0:36:21催產素與時間 0:42:06內啡肽與內源性大麻素 0:55:21神經科學處理完結或失去 0:58:53舒適感 1:08:52逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利!【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

預備新書過程中，回憶起《裸猿》呢本書，雖然當初錄音同書寫都未成熟，但我依然覺得呢本書好值得同我哋最近講嘅書——《槍炮、病菌與鋼鐵》以及《人類大歷史》一同閱讀。所以製作呢個合集，希望大家可以從動物學家（《裸猿》作者，德斯蒙德・莫利斯）、人類學家（《槍炮、病菌與鋼鐵》作者，賈德・戴蒙）、歷史學家（《人類大歷史》作者，哈拉瑞）嘅著作當中，回顧人類久遠嘅過去。

以下，係一個小小嘅簡介：

平日我哋照鏡，見到自己衣冠楚楚、手揸住杯咖啡趕返工，覺得自己人模人樣，可能會自覺自己係「萬物之靈」，擁有高度文明同理性，同大自然森林入面嗰啲「野獸」截然不同。

但係，如果今日有一位外星動物學家嚟到地球，完全唔理會我哋嘅哲學、藝術同科技，純粹用生物學嘅眼光嚟觀察我哋，佢會見到啲咩？——佢唔會見到高高在上嘅智人，佢只會見到一種行路姿勢古怪、手短腳長、幼兒發育極度緩慢，而且全身光脫脫無毛嘅奇特靈長類動物。好可能，佢會將我哋歸類為「裸猿」。

喺之前嘅內容，我哋講過老子嘅「自然狀態」、孔子嘅「人倫」，甚至荀子嘅「性惡論」，我哋可以見到哲學家眼中嘅「人」。但今次，我哋用最赤裸而客觀嘅動物學角度，去重新檢視「人」為何物。

今次要睇嘅，係英國動物學家德斯蒙德・莫利斯（Desmond Morris）嘅《裸猿》（The Naked Ape）。我哋會睇下本來喺森林舒舒服服食果實嘅祖先，點解要行一條九死一生嘅「演化歪路」，而人類社會嘅一夫一妻制、辦公室嘅權力遊戲，甚至係你平時忍唔住狂食零食嘅衝動，原來全部都係遠古時代遺留落嚟嘅動物本能……

本集內容對應：

S2EP3 智人點解咁特殊？動物學家研究猿人起源，發現咗演化上嘅關鍵分別｜《裸猿》（上）https://open.spotify.com/episode/4wcIS8kut1MOqBBHXZzbZO?si=RHPpLyUFSkCZ-CPHxOQE3Q

S2EP4 人類點解咁少毛？裸體係爲乜？從動物學角度分析人類性行爲｜《裸猿》（下）https://open.spotify.com/episode/0QXhwmriqMPT341BqtlAUJ?si=BpigsnmVQg6o2IxuiShRBA

以及半集會員podcast

【石屎森林嘅裸猿】演化心理學家：人類天生貪食、多夫多妻？遠古人類活得比現代勞工仲舒適？丨生活雜談EP45丨《人類大歷史》（5）丨哈拉瑞史觀5.1https://open.spotify.com/episode/3gKmVVa3B8RZI5eU4MEasy?si=ocIHoApxSCW1vLxuOrZrCw

原片：https://youtube.com/live/_4bAsUuAeYU

為本文之補充，放於最後。

每月最後一個星期三夜晚九點直播（如有字幕，字幕由ai生成，我無時間檢查，如有需要，自行取用）本集內容：

00:00 開始

02:52 第一篇投稿－threads多惡意08:34 第二篇投稿－善惡不過係偶然之毫無意義

1:06:00 第三篇投稿－中學老師的惡意

1:21:00 第四篇投稿－泥菩薩之自說自話的巴別塔

02:06:56 第五篇投稿－自以為的善意有時比惡意更可怕

02:08:31 第六篇投稿－如何對惡意保持平常心？

02:35:37 threads共賞

02:38:23 《平凡的邪惡》第二章共讀

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

亦歡迎支持呢個廣東話哲學podcast嘅運作https://www.patreon.com/cowgortalk【文稿可於Patreon免費閱讀】【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

有聽眾投稿：／／見到啲唔合理或者有”惡意”嘅回覆時點樣保持平常心？／／我當時回應咗好多內容，但用文字會清晰啲。我認為惡意總會存在而惡意就係一種被困主要可以分成兩種：基於無知嘅惡意基於自欺嘅惡意（例如《平凡的邪惡》嘅受審者）主要分別在於：前者係被動咁被困例如受社會、教育、文化、家庭所影響，而本人不自知而後者係主動咁被困例如因為信服於官僚制度、某某宗教信條，而本人明知惡而行惡如果有一隻雀仔被困，你都會因為佢而感受到失去自由嘅滋味你會期望佢有一日可以展翅高飛，因為自由係佢嘅自然但一個人嘅思想自由，縱觀歷史，係極罕有嘅情況甚至可以話，喺文明中被思想所困，方係自然人過去會被國家、社會、宗教牢牢困住思想美國哲學家 William Barrett 指出中世紀教會與其話係一種神學體系不如話係堅固嘅心理母體我當時總結《非理性的人》嘅內容：／／因為佢會環繞一個人由出生到死亡、成年同婚禮嘅儀式。只要一個人係活著，佢呼吸嘅空氣都同教會相關；教會嘅儀式、象徵、概念、教義就成為呢個人嘅一部分。教會以外就係黑暗之地，教會以內就係教贖嘅保證。／／

若然中世紀太過久遠咁可以翻開George Orwell嘅《1984》箇中仍然述說住權力、政治對人心嘅控制總之，人嘅思想被困，係文明嘅常態西方經歷啟蒙，先慢慢提倡以個人理性對抗文明之於人嘅枷鎖再由殘忍嘅殖民競爭，將啟蒙傳遍世界你可能會問，點解人會接受思想被困？因為人會逃避自由。國立政治大學心理學系林耀盛好簡潔咁總結弗洛姆嘅答案：「透過《逃避自由》的論述，佛洛姆對歐洲中世紀乃至當代社會作了歷史性分析，耙梳經濟、政治、宗教等結構如何在自由與控制之間爭奪權力。他敏銳地觀察到，人類為了安全生活，而有秩序結構的需求，但這樣的秩序結構取得權力後，反而帶給個體疏離的深層焦慮，因而產生逃避自由的現象。他深入剖析希特勒政權是如何在已有民主概念的社會中逐漸生成。相對地，在美國的民主社會，自由的意涵也並非全然是積極性的意義，人們有時會產生一方面追求自由，另一方面又不免陷人與自由掙扎的矛盾狀態 。」人逃避自由，亦被困於某思想當中

面對被困者所提供嘅惡意我認為四大聖哲為人提供咗四種方向耶穌嘅寬恕孔子嘅直斥蘇格拉底嘅分析以及佛陀嘅慈悲但總歸嚟講，佢哋都係一種大方向就係耶穌所講嘅「他們所作的，他們不曉得」於是，你可以選擇用愛嚟感化佢用仁心嚟震撼佢用分析嚟擊破佢用慈悲嚟望住佢通通都係期望佢有一日會離開被困然後提醒自己若然我唔係一個被困嘅人唔會因困而呈露惡意咁我係一個極幸運嘅人因為過去不被困者，都不受待見四大聖哲，誰得善終？

原片：https://youtube.com/live/wHlLde7Igo4

「直到你將無意識加以意識化之前，它會一直指引你的人生，而你會稱之為命運。」──卡爾．榮格（Carl Jung）喺未有足夠科學工具之前，人已經將意識分成表意識同潛意識，或無意識。可惜嘅係，即使有咗科學工具，大家都仲未係好了解潛意識。神經科學，正正係想將「無意識加以意識化」。而神經科學其中一個成果，就係話畀我哋知，你嘅大腦會無意識地沉迷負面事物。有啲時候，我哋會「自嘲」，覺得講下笑無傷大雅。但咁樣，只係不知不覺咁滿足緊大腦對負面資訊嘅需求。大腦係一個好老實嘅執行器官，當你成日講「我真係好廢」，大腦就會將呢句說話當成指令，令你產生「羞愧感」，最後放棄嘗試。你以為你只係講笑，但其實你喺度幫自己寫緊一個「必定失敗」嘅劇本。其實，講出口嘅說話，影響力絕對比你想像中深遠。因為我哋嘅言語會塑造我哋嘅思考，而思考會塑造感覺；感覺又會決定行為，行為最終會決定信念。呢個正正就係「認知行為治療」（CBT）嘅核心金字塔：「言語 ➔ 思考 ➔ 感覺 ➔ 行為 ➔ 信念」。想像一下，我哋講嘅說話就好似流水咁，啱啱講出口嗰陣睇落微不足道，但慢慢就會向下滲透到我哋生命嘅最核心。如果說話可以塑造我哋嘅思考方式，咁即係話，佢哋同時可以改變我哋嘅心境，甚至改變大腦入面嘅神經化學物質，從而影響我哋嘅情緒。因此，言語嘅力量真係好強大，但我哋總係會忘記呢一點……又或者，我哋由一開始就無意識到，原來一句說話嘅影響力可以去到咁深遠。——因為對大腦嚟講，維持現狀（即使係負面嘅現狀）感覺上係最安全（相比之下，否定自己就好難）。點解人會鍾意自嘲？神經科學研究顯示，大腦對負面情緒嘅反應遠遠大過正面情緒。呢個極有可能係人類演化出嚟嘅結果。我哋每個人都好容易有種傾向——不斷諗埋啲衰嘢。喺心理學上，呢個就叫做負面偏見（Negativity Bias）。作者曾經問過佢嘅追隨者對自己有咩負面假設，當中嘅回覆令人哭笑不得：如果我喺工作上遇到挑戰，我一定會失敗，而我嘅團隊亦都會討厭我提出嘅建議。我暗戀嘅人，係絕對唔會鍾意我嘅。我好驚去諗一啲正面嘅嘢，因為抱有希望，最終只會換嚟失望。我永遠都無可能成為最叻嗰個，咁我又何必去試呢？每次同同事傾完啲正常嘅公事之後，我轉身行開嗰陣，總係會覺得自己頭先講咗啲蠢說話。我拍拖係唔會有好結果嘅。有陣時，我哋仲會發現：明明過咗好開心嘅一日，只要臨尾發生一件倒霉事，好心情就會瞬間灰飛煙滅；喺社交平台出 post 收到一大堆讚，只要有一條惡意留言，就足以令你耿耿於懷成個禮拜。簡單嚟講，就係個個都「阿源上身」。呢種負面偏見，不單止會變成我哋日日同自己洗腦嘅悲情劇本，仲會反映喺日常行為度——例如，我哋好鍾意「加鹽加醋」去誇大嗰日遇到嘅衰嘢。不過，作者好鍾意喺社交場合度播下「正面嘅種子」。佢會主動問人：「今個星期你有無遇到咩開心嘅大小成就呀？」一開始，對方通常會話「無咩好事發生過啦」，然後順勢大吐苦水，話今個星期有幾黑仔。但當話題慢慢傾落去，作者就會適時點醒佢：「等陣先，你頭先講嗰件事，其實已經係一個好值得開心嘅小成就喎！」咁嘅話，有趣嘅事就會發生：佢哋會慢慢意識到，原來自己遇到嘅好事，比原本留意到嘅多好多。去到傾偈差唔多完嗰陣，佢哋面上通常已經充滿笑容，滔滔不絕咁講述返啲美好事情。當然，衰嘢依然存在，但佢哋嘅態度已經無咁執著，可以退一步用更加中立嘅立場去睇件事。發現：「就像宇宙沒有搞陰謀對付我，它大概也｛沒｝有搞陰謀對付你。」順帶一提，喺對話入面多啲問對方「今日、今個星期或者個假期最鍾意嘅部分」，其實係一個好正嘅溝通技巧。因為人係唔會忘記你帶畀佢哋嘅感覺；當佢回憶起好事而覺得開心，佢對你嘅印象，亦會自動同呢份「愉快感」掛鈎。既然知道我哋嘅大腦有呢個預設設定，依家，我哋就一齊去深入理解下你潛意識當中嘅「負面偏見」到底係點樣嚟，以及「負面偏見」點樣害緊你嘅思維。內容包括以下部分：引子 00:00負面偏見時的大腦運作 14:08預設模式網絡 18:54中央執行網絡 20:58顯著性網絡 23:00解決方法之原則：大腦網絡重整 26:20長期抑制、增強作用 32:20神經可塑性第一定律 37:09在意負面、忽視負面 47:44改變負面偏見的方法 自我調節 52:00感激可塑性 01:00:59練習感恩 01:08:14自我覺察 01:13:22小總結 01:20:17逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！

成為頻道會員並獲得福利：https://www.patreon.com/cowgortalk【文稿可於Patreon免費閱讀】Apple podcast有三日試用、patreon有七日試用！【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

原片：https://youtube.com/live/YV2LM2Qkc2o

一般嚟講，藝術家講故事情節嘅方法，都係根源於人類基本嘅生物機制，呢種「生物戲碼」係喺幾百萬年嘅演化過程當中慢慢產生，而古往今來嘅種種故事都總會有「生物戲碼」嘅情節，亦都可以幫助我哋理解生活嘅諸多面向。有啲詩人、編輯同電影製片偶然會講吓官僚制度嘅力量，但係事實證明，麻煩嘅官僚制度始終係好難令人明白嘅故事嚟。雖然理解「生物戲碼」唔能夠幫我哋理解官僚制度。但係，「生物戲碼」本身都值得我哋去了解一下，而哈拉瑞認為，要了解咩係「生物戲碼」，最好就係以人類藝術嘅頂尖之作《羅摩衍那》嘅情節為例，咁就能夠好好說明。今集內容包括以下部分：引子 00:00

生物戲碼

－kill bill？面對官僚制度，平民總係唔理解，而當官僚制度失衡，就會出現平民…… 41:26逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《連結》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利！

Apple podcast有三日試用、patreon有七日試用！【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

有一次，作者喺意大利阿爾卑斯山租車，因為無睇條款而無帶信用卡。呢個明明畀多啲押金就解決到嘅小問題，竟然令佢徹底崩潰，將成個袋嘅嘢倒晒出嚟發脾氣；但十分鐘解決問題後，佢又失控大笑。短短一個鐘內情緒大幅盪動，正正因為佢當時長期處於高昂嘅警覺狀態，成個人就好似隻「驚弓之鳥」。

唔難發現，當自己極度情緒化、無辦法正常思考嗰陣，我哋會衝動行事，情緒負荷過重，覺得自己永遠都控制唔到佢哋。咁係因為我哋嘅情緒反應，同大腦入面控制唔同認知過程嘅各個網絡係密切相關，所以情緒會影響我哋感知同處理資訊嘅能力。有啲人喺內心深處相信自己嘅靈魂極其敏感，或者相信自己完全控制唔到情緒。而作者認為我哋唔應該避開或者放棄控制情緒。情緒係必要，因為佢可以幫我哋了解內在同埋周遭發生緊啲咩事。

我哋喺生活入面所做嘅決定，極少係完全唔帶任何形式嘅情緒。雖然我哋無辦法完全控制生起啲咩情緒，但實際上，我哋透過「情緒調節」去控制情緒嘅能力，比我哋想像中強得多。

有陣時，焦慮唔係只係由負面情況而嚟，當你遇到人生高峰以後，亦可能會遇上奧運後憂鬱症（Post-Olympic depression）「奧運後憂鬱症」（Post-Olympic depression）係由運動心理學家史考特．戈德曼（Scott Goldman）所創造嘅術語。呢個真切嘅術語道出咗運動員──不論係獲勝者定係失敗者──喺奧運比賽結束之後所感受到嘅情緒低落。有好多運動員都表示自己喺得獎之後，會失去目標、自我價值低落、困惑同嚴重憂鬱。「奧運後憂鬱症」嘅徵狀會持續幾個星期，若然唔及時治療，就可能變得更為嚴重，而佢哋亦可能只會怪罪自己嘅身體出咗問題。其實，呢種低落，係源自於先前極端嘅高潮，而出現嘅反彈時刻，表示運動員嘅生理同心理資源都已經耗盡，而情緒低落係身體嘗試達到體內平衡（homeostasis）嘅方式，亦即係以重新調整內在狀態，嚟作自我調節。就好似出面好熱，你個身體就會用流汗嚟控制你嘅內部溫度一般。

運動員心理素質都好強，但佢哋都依然會受神經物質嘅豐富所左右，何況係我哋呢啲凡人呢？記住，神經物質係暫時而動態，佢會波動，亦會好大程度上影響我哋點樣知覺自己，又會令我哋陷入反芻或者諗太多嘅循環。今集，我哋就要睇睇作者點樣從壓力運作嘅理論，講到去實用嘅打破壓力迥路嘅方法，從而嘗試控制我哋嘅神經物質釋放或去除。再次提醒，作者指出，明白理論／運作方式，可以令我哋實行方法時候更有效。今集內容包括以下部分：

（時間只係大約）00:00 引子 情緒調節之運作方式 大腦結構 07:38失衡狀態 14:39面對慢性壓力 工具1 by 神經科學家安德魯．胡伯曼博士 21:50工具2－釋放BDNF 27:27面對急性壓力－工具3 36:58培養情商－情緒之輪 40:40打破焦慮迥路 53:42逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】

會員podcast有過百集內容等緊你！【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

【本集為會員集數公開，歡迎你加入會員，收聽更多專屬內容】

好多人對叔本華嘅印象，都係一個髮型蓬亂、憤世嫉俗嘅阿伯，擁有住狂人一般嘅凝視。但其實，佢曾經係一個目光炯炯、才華橫溢嘅富家公子。

如果有得揀，你會唔會想做佢呢？含住金鎖匙出世，環遊歐洲，精通幾國語言，二十幾歲就寫出震撼世界嘅哲學鉅著。

但係，命運為佢標註嘅價格係昂貴嘅：佢要面對阿爸嘅自殺、被阿媽趕出家門並永遠斷絕關係；甚至當佢滿懷熱誠向當時嘅文壇領袖歌德請教時，得到嘅只係客氣而淡漠嘅回應。

一連兩集，我哋會總覽一下叔本華嘅人生。我會同你藉由南安普頓大學（University of Southampton）專門研究歐陸哲學嘅哲學教授克裡斯托弗・賈納韋（Christopher Janawa），喺牛津通識系列所寫嘅《叔本華》，探討叔本華嘅生平、性格與哲學思想嘅形成。

如果你有留意，我係有講過尼采生平，仲想介紹一下佢嘅哲學，但係寫尼采哲學簡介嘅途中，始終覺得要補充一下叔本華先。所以，我哋由叔本華嘅生平講起。今集內容包括：

家族背景：孤獨人生。我哋會睇下呢個擁有「脫俗不羈」嘅外表、「炯炯有神」嘅目光嘅富家子弟，點樣面臨家庭嘅完全破裂。

學術發展：東西結合。叔本華嘅哲學體系，將三套哲學思考結合。但呢種做法，對於當時嘅人過於新鮮，從佢同歌德嘅短暫合作，就可以略知一二。

依家，我哋一齊走入叔本華充滿痛苦同抗爭，又引人深思嘅人生。

－－－－－－－－－－－

立即加入patreon 會員：https://www.patreon.com/cw/cowgortalk

＊七日免費試用，試啱再課金

＊享受過百集會員內容

＊加入discord群組，一同閱讀

＊掌握牛某最新動態

＊支持牛某製作更多內容

收到一位中學生問點樣正確思考哲學問題，所以臨時轉咗主題做「哲學」。

今集同你一齊思考讀哲學需要考慮啲乜，以及乜嘢係正確思考。

每月最後一個星期三夜晚九點直播。

🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

原片：https://www.youtube.com/live/N4YTHF_lPyY?si=edomDvFDPqCKJfSZ

如果你有機會親手接觸人嘅大腦，你知唔知最緊要做咩動作？

《神經可塑性》嘅作者，神經科學家妮可・維諾拉從教授得到嘅提醒係：記住要不停轉動人腦，先唔會喺上面留低指紋。

呢個道理，除咗喺大腦研究上有用，喺我哋使用自己嘅大腦嘅時候，亦同樣適合——我哋需要得閒郁下我哋個腦，如果唔係，個腦就會因為長期停留喺某處，而得到印記。言下之意，係咪講緊我哋平時個腦唔係點郁？的確如此。

如果我哋當大腦係硬件，而大腦當中嘅記憶、思想、習慣同行為係軟件，咁活用大腦嘅時候應該關注硬件定軟件？答案係，both，兩者都需要健康咁運行，就好似一部新macbook，都要行最新嘅word檔，先可以顯出科技嘅方便。但係，如果部新macbook一次過運行緊好多個程式，咁佢開一個新程式嘅時候，可能會lag，因為佢要維持原本嘅運作已經好busy。電腦「運行緊好多個程式」，會lag，人腦亦都有好多習慣喺你無意識到嘅情況下運行緊，習慣聽落係軟件嘅事，但其實習慣更會刻喺你個腦入面——神經元嘅連結。

「每個神經元建立的這些連結（肉眼看不見）決定了你將如何度過一天，而且它們是按照你的生活方式進行編程的。它們也是由我們的同儕和前人預先編程的。這讓我意識到，如果我們不掌控我們生活的方向盤，我們本質上就是過著別人為我們編程的生活。」

可能會有唔少人對「過著別人為我們編程的生活」有住同感。好多人以為，人老咗，個腦就似乾咗嘅水泥咁，定晒型、改唔到。

有一啲朋友，覺得自己被生活「困死」咗。佢哋做緊一份好討厭嘅工，但又覺得：「唉，命嚟嘅，我成世人淨係識做呢樣，仲可以點？」可能佢細細個讀工程，身邊啲人就同佢洗腦，話佢個腦淨係識「分析」、無「創意」，結果佢就算心入面幾想試下藝術、試下創作，佢都唔敢跨出嗰一步，因為佢真心相信自己「唔係創意嘅材料」。

當我哋話習慣更會刻喺你個腦入面、「過著別人為我們編程的生活」嘅時候，唔知你會唔會覺得好得人驚呢？咁又唔使太驚，因為咁樣只係顯示緊我哋嘅大腦係plastic，唔係講緊你個腦膠，而係你個腦係可塑。

「希臘文的plastikos，而後者意指能夠塑形的」

我哋個腦係有一種超能力，叫「神經可塑性」（Neuroplasticity）。雖然大家平時講「整容手術」（Plastic Surgery），直覺就係諗起執靚個樣、整到成個babe咁，但其實呢個詞嘅本意係「塑造」。大腦「塑造」對我哋嚟講簡直係大福音——因為佢話畀我哋聽，我哋個腦嘅「硬件」係可以升級嘅！只要你肯去郁佢，你係絕對有能力揼低嗰啲衰習慣，或者擺脫嗰啲你自以為改唔到嘅行為。

——只要你肯開始嘗試新嘅嘢，你個腦入面嘅神經元就會自己搵路、重新開多幾條線路出嚟。佢哋因為唔知自己可以改，結果連試都唔試，就咁輸咗畀個標籤。

「這些自動的想法被一遍又一遍地重複，在我們大腦的溝通路徑中得到加強，從而塑造了你的思維方式。但我在這裡要告訴各位，我們是可以創造新的路徑和改變這些信念的。本書準備你展示這是如何做到。」

今集內容包括以下部分：

第一大部分：神經重塑理論背景12:00 自動性與突觸溝通 24:26 童年人格發展與觀察性知識 38:24 專走捷徑的大腦第二大部分：分清壓力點解咁重要？49:08 三種壓力54:58 警覺性壓力58:35 急性壓力01:02:45 適應不良性壓力

提示：三月八日有線下讀書組！

《新編中國哲學史》應該係喺香港最出名／最多人讀過嘅哲學史，亦都唔少人對呢本書評價唔錯。我當初第一次讀完《新編中國哲學史》之後，都覺得呢本書顯出咗哲學史應該有嘅清晰。老實講，呢本書我已經放低咗好多年，因為之後都再無咩機會睇返佢。

如果大家有機會睇唔同嘅學術論文，你應該會發現一個有趣現象——馮友蘭，甚至係胡適嘅哲學史都間唔中有人會引用下，但勞思光嘅哲學史，我印象中係極少人引。一直以嚟我都無好關心呢個現象點解會出現，只係大概覺得學界對香港出產嘅哲學家無太多關注。

最近，我又抱有返個使命感，想同大家分享有系統嘅中國哲學，之前講過胡適嘅《中國哲學史大綱》，今日就講勞思光嘅《新編中國哲學史》。

嘗試教導他人，呢個行為果然係最好嘅老師，預備講述勞思光嘅《新編中國哲學史》嘅過程當中，我發現自己對勞思光嘅工作有咗新嘅認識——勞思光模仿康德，為哲學史畫界。

今次呢個系列叫做《純粹《新編中國哲學史》批判》，呢個名當然係源自於康德嘅《純粹理性批判》。如果大家對康德哲學有認識，應該會知道「純粹」同「批判」喺康德語境下，係有特殊意涵，我用嘅係鄧曉芒嘅翻譯：

「它是對理性的籲求，要求它重新接過它的一切任務中最困難的那件任務，即自我認識的任務，並委任一個法庭，這個法庭能夠受理理性的合法性保障的請求，相反地，對於一切無根據的非分要求，不是通過強制命令，而是能按照理性的永恆不變的法則來處理，而這個法庭不是別的，正是純粹理性的批判。但我所理解的純粹理性批判，不是對某些書或體系的批判，而是對一般理性能力的批判，是就一切可以獨立於任何經驗而追求的知識來說，因而是對一般形而上學的可能性和不可能性進行裁決，對它的根源、範圍和界限加以規定，但這一切都是出自原則。」（第一版序，頁xxxii）所謂批判，就係建立理性嘅法庭，審視一套知識嘅根源、範圍同界限；

而所謂純粹，康德講到：「但先天知識中那些完全沒有摻雜任何經驗性的東西的知識則稱為純粹的。」（導言，頁2）所以，純粹就係指無雜質。

如果要我用一句說話總結勞思光喺《新編中國哲學史》嘅工作，就係〔去除原始或古代思想當中嘅雜多觀念，為中國哲學嘅根源、範圍同界限加以規定，澄清中國文化精神方向〕。

你有咗呢個框架，就會明白勞思光係用咩基準嚟判斷乜嘢係哲學。

先旨聲明，我唔同意勞思光嘅理解，我喺會員podcast以及學識課程《從巫師走到儒家—上古中國文化史》已經多番強調認識中國上古文化對我哋理解中國哲學精神係極為重要。但我唔會因人廢言，或者因為立場唔同就矮化對方，相反，我認為勞思光精神可嘉，所以我會嘗試呈現出佢呢種做法嘅優點，然後從我嘅立場作出回應。

為咗理解勞思光嘅觀點，我哋會一齊閱讀第二章，〈古代中國思想〉。

今集內容包括以下部分：

原始雜多

古代中國之思想要點

《詩經》：形上天

易經：宇宙論

書經：政治理想

原始信仰

人格天

神鬼

命

上次，我哋講到各地唔同族群開始將啲野生植物慢慢馴化。其實古人行出呢步大棋嗰陣，根本係蒙查查，完全唔能夠預知個結果會點。佢哋唔係計劃幾千年後要建立咩大帝國、發明咩文字；佢哋只係單純想搵多啖飯食，填飽個肚。結果，徹底改寫人類嘅命運——自己嘅生活方式會由「周圍走」變成「定死喺度」，亦決定咗佢哋子孫後代喺歷史上坐咩位置——係做手執洋槍嘅征服者，定係做被病菌同鋼鐵蹂躪嘅土著（被征服者）。

而我哋要面對呢本書最核心嘅謎題之一：點解農業嘅發展咁唔公平？

如果我哋打開地圖睇下，地球上其實有好多地方環境極之優越。例如美國嘅加州、氣候溫和嘅歐洲、澳洲嘅東南部，甚至係赤道以南嘅非洲。呢啲地方土地肥沃、風涼水冷、陽光充足。以今日嘅眼光睇，加州係世界級嘅大糧倉，歐洲嘅葡萄園多到數唔晒。

但係好奇怪，喺古代，呢啲「風水寶地」竟然係農業嘅荒漠。住喺呢度嘅原住民，雖然守住咁靚嘅地，但係幾千年嚟都係靠打獵同採集維生，完全發展唔出農業。相反，有啲睇落無咁靚嘅地方，例如中東嘅乾旱地帶（新月沃土），反而快人一步，理想達到，開始咗糧食生產。

點解個時間表會差天共地咁遠？點解有啲族群可以喺萬年前就開始起步，有啲就要等到幾千年後，甚至要等外人入侵先識得種田？

我哋亦都可以跟住作者思考，美國原著民馴化唔到蘋果，係邊度出錯咗？今集內容包括以下部分： 人廢，定地廢?：簡介文化決定論同環境決定論 農業無得揀： 農業謎題： 新月沃土的優勢： ———————————— 輸在起跑線嘅輸家： 總結：

睇《單身即地獄》嘅時候

成日見到男女嘉賓一去到天堂島就問對方：

「你理想型係咩？」

我就喺度諗：

要了解一個人，知道佢嘅理想型到底重唔重要呢？

到底理想型之於對愛情嘅想像，係好事定壞事呢？

諗諗下

我覺得「理想型」似乎係用緊柏拉圖故事當中嘅「人球神話」

但「人球神話」當中所講嘅唯一、完美

並唔適用於凡人嘅愛情

「人球神話」下

我哋總會將自己嘅期望投射到對象身上

佢要如何高如何矮

佢要如何靚如何聰明搵到自己嘅命中註定就係搵到達到所有條件嘅某某

彷彿愛情係一場條件滿足嘅尋覓對象早在某處

對象被我所決定

對象被我所尋找

但凡人嘅愛情

會發現對方總有缺點

佢唔係完美劃一、等待被人從貨架上揀選嘅商品最初，彼此嘅結合未必可以構成完美「人球」但彼此能夠互相欣賞、成長

最終要構成嘅

係彼此認定嘅形狀而非註定嘅面目

其實，人球神話並非出自代表柏拉圖思想嘅角色

柏拉圖之於愛情，有更深刻嘅理解佢以女祭司狄奧提瑪同蘇格拉底道出箇中思考“For love, Socrates, is not, as you imagine, the love of the beautiful only." 

"What then?" 

"The love of generation and of birth in beauty.”－－Translated by Benjamin Jowett

愛，唔係因為對方為美、要佔有其美。

而係要為對方建構、孕育美。

本月主題：理想型
兩個建議方向：

你對於伴侶嘅理想型係點？你現實中嘅伴侶合唔合乎理想型？你相唔相信有「靈魂伴侶」？

主題只係提議，你可以按呢個題目投稿，亦可以按自己心中所定嘅題目書寫。
期望見到你嘅作品！
「牛言信箱」將於2月4日（星期三）夜晚九點開始。

漢譯《金剛經》有最少六種唔同版本：

一、姚秦：鳩摩羅什譯本（約公元四O一至四一三年）

二、北魏：菩提流支譯本

三、南朝陳代：真諦譯本

四、隋朝：達摩笈多譯本

五、唐代：玄奘譯本

六、唐代：義淨譯本

結果，得到廣泛流傳嘅，係最古老嘅鳩摩羅什譯本，亦即係話，往後無一個譯本能夠取代鳩摩羅什嘅版本。

鳩摩羅什嘅翻譯，仿彿係喺淺顯直白嘅語意同艱澀深奧嘅符咒之間遊走，令一部漢譯《金剛經》創造咗漢語文學史上獨樹一幟嘅美麗文體，又稱「譯經體」。

而鳩摩羅什一生傳奇，顛沛流離，佢好似唔單止喺翻譯文字，而係用佢奇幻詭譎嘅人生，帶領漢文世界嘅大眾，深刻領悟「云何應住？云何降伏其心？」

今集，我哋就要睇睇鳩摩羅什嘅翻譯有咩特色，以及《金剛經》同鳩摩羅什人生嘅對應。

戰國時期，各國之間不斷打仗、兼併，古老嘅社會結構開始崩潰，政治同經濟關係瓦解——各國為咗生存，紛紛推行變法改革，全民皆兵，建立官僚政治，用法律同官制嚟維繫國家，重新規範人同人之間嘅關係。

喺呢種新舊交替嘅過程中，有一部分武士由舊有嘅血緣網入面解脫出嚟，而因為種種原因，佢哋冇被納入新嘅官方體制，變成咗脫離主流社會嘅游民。佢哋喺新舊社會交替嘅縫隙入面，憑自己嘅行動去搵一種新嘅、人與人之間嘅連結方式，開始建立一個新嘅民間社會。由此產生嘅新人際關係，就係「任俠風氣」，而建立出嚟嘅新民間社會，就係「游俠社會」。

呢一場身份解放，使人唔再係氏族嘅附屬品，佢哋獲得自由，但亦都失去咗保障。劉邦就係捕捉到呢種「自由游民」嘅巨大能量，組編反秦力量。因而，唔了解呢種社會風氣，就好難明白劉邦成為「平民皇帝」嘅根本原因。

歡迎你返到嚟有文有路（20），【歷史癲過《尋秦記》（4）】，有文有路，文化方見道。今集，我哋會透過李開元嘅《秦崩》，了解劉邦偶像嘅故事。

提提你，我喺1月31日會同本土文房合辦一個實體讀書組！歡迎參加！天命最高，人何必「知命」？——「命」的歷史流變與儒道處世智慧

「誰求誰，春秋都只聽天地號令。天命誰能扭轉運程……」

這段歌詞早已成為香港人的「集體回憶」。寥寥數語，刻劃了歷史巨輪滾滾前進的無情，冷酷地揭示確定的結局——即使人能回到過去，仍是「天命最高」。

若然我們重回諸子的時代，向這群身在局中、未知結局的哲人叩問「命」的意涵，又會得到何種啟示？

這次分享，我們會梳理「命」從周初到先秦的流變，在看似「天命最高」的宇宙當中，探尋古人如何定位自己，安身立命——既然「天命最高」，人何必「知命」？

大綱：

商周帝天：宗神到道德天【傅斯年，《性命古訓辨證》】

《易經》：於命恐懼與道德承擔【劉紀璐，《中國哲學導論》】

墜命受命論：民監說作為人道主義之黎明【傅斯年，《性命古訓辨證》】

孔孟：知其不可而為之——正命【徐復觀，《中國人性論史》】

莊子：知其不可而不為——安命【王博，《莊子哲學》】

總覽：憂患意識與道德意識【牟宗三，《中國哲學的特質》】

康德哲學係一座大山。威爾・杜蘭喺《哲學的故事》講到：

「研究康德的哲學時，這世上我們最不願做的一件事，就是去讀康德自己的著作。我們的哲學家像又不像耶和華，彷彿是從雲端在對你講話，只是沒能配上耀眼閃電雷霆萬鈞的氣勢；他蔑視具體實例，他的說法是，因為它們會讓他的書中內容顯得過多。（在經過如此的壓縮之後，這麼精簡的一本書也包含了約莫八百頁的內容）」

勞思光亦講過：

「這本書｛純粹理性批判｝本身就是頭緒紛繁。許多論證重複得次數太多，另一些則常常匆匆說過。」

即係有啲論證老是常出現，有啲論證好似無論證過咁。常人如你我，要閱讀康德原文會係非常痛苦。

所以，我會同你用勞思光嘅《康德知識論要義》當中嘅「基源問題研究法」，去睇下康德喺《純粹理性批判》（簡稱一批）嘅藍圖，搵出貫穿康德嘅中心思想，從繁重文本當中理清一條道路。

所謂簡明，我會用唔同比喻幫你理解康德；因為入門，我唔會亦唔可能解釋所有論證。

我主要會將唔同部分嘅推論結果組合，話畀你聽，如果我哋接受唔同部分嘅推論結果，咁就會同康德一樣，可以為知識劃界。

今集會分成四個部分：

第一部分係「重智傳統」。講講西方主客問題嘅難關。

第二部分係「難讀之書」。從字詞歧義、句子矛盾、康德長氣講下點解康德咁難睇。順便睇下康德對於「經驗」嘅兩層睇法。

第三部分係「基源問題」。睇下勞思光點樣用基源問題一語道破康德核心思想，我哋都會睇下康德一批嘅結構，從結構分析康德嘅思想進路。

第四部分係「康德要義」。我會用拼圖幫你理解康德點樣突破前人所製造出嚟嘅困局。

分咁多個部分，係畀大家有多啲休息時間。_____Instagram： ⁠@cowgortalk⁠YouTube：⁠讀物農莊 Anybooks Farm⁠Patreon：⁠patreon.com/cowgortalk⁠【文稿可於Patreon免費閱讀】

秦始皇同漢高祖劉邦，你覺得佢哋差幾多歲？

喺教科書入面，一個係滅六國嘅千古一帝，一個係滅秦建立漢朝嘅開國君主，感覺好似隔咗成個世代咁。但歷史學家李開元話你知：佢哋其實係同代人，只係差咗 3 歲！

秦始皇生於公元前259年，漢高祖生於公元前 256 年；秦始皇死嗰陣五十歲（公元前 210 年），漢高祖死嗰陣六十二歲（公元前 195 年）。佢哋曾經喺同一個天空下生活咗四十七年。 

從自然年齡嚟講，嬴政同劉邦係同一代人。

—「隔代」嘅印象，「是時代區分割裂人物，歷史觀念影響了歷史時間的結果。」

所以，你唔好以為劉邦係一個秦國人，佢其實同秦始皇一樣，係一個確確實實嘅戰國人！當我哋打破咗這個「隔代」嘅錯覺，就會發現劉邦嘅故事，其實係一個47歲先開始人生事業嘅「戰國游俠」逆襲史。歡迎你返到嚟有文有路（19），【歷史癲過《尋秦記》（3）】，有文有路，文化方見道。今集，我哋會透過李開元嘅《秦崩》，由沛縣嘅風土人情講起，發現劉邦喺戰國末年，其實係一個鍾意讀書嘅模範少年，但結果，佢誤入歧途，成為父親口中嘅「無賴」，變成混跡江湖嘅「遊俠」……

按：感謝youtube聽眾@keithngck 提醒。

文中表示／／有趣嘅係，兩位都係「燕王」，成為一個歷史巧合。／／屬於筆誤，因為太子丹最終並無做到「燕王」。應該話，歷史巧合係，盧綰同太子丹都與「燕」相關。

僅此致歉，多謝提醒。

－－每月一次牛言信箱－－

本月主題：新生
兩個建議方向：

你相唔相信一個惡人會改邪歸正？喺邊一次體驗中，你最感受到新生嘅感覺？

本月參考文本／戲劇：《不良一族尋愛記》

主題只係提議，你可以按呢個題目投稿，亦可以按自己心中所定嘅題目書寫。期望見到你嘅作品！

你應該有聽過漢高祖劉邦係「真龍天子」嘅傳說，話佢阿媽夢見同條龍交配先至生咗佢。

「其先劉媼嘗息大澤之陂，夢與神遇。是時雷電晦冥，太公往視，則見蛟龍於其上。已而有身，遂產高祖。」

呢個故仔聽落好似好荒謬？一個咁荒謬嘅故事，點解會出現喺尊重事實、鍾意做田野調查嘅歷史學家——司馬遷嘅《史記》之上呢？

歷史學家李開元話你知，司馬遷寫呢段神話嗰陣，其實係話中有話。若然我哋剝開神話嘅外衣，還原戰國末年沛縣那種豪放嘅民風，你會發現「真龍天子」可能唔係神蹟，而係一場發生喺濃霧中嘅「野合」。亦即係話，司馬遷想暗示一個無人夠膽明講嘅秘密——劉邦可能係一個私生子。

歡迎你返到嚟有文有路（18），【歷史癲過《尋秦記》（2）】，有文有路，文化方見道。今集，我哋跟隨李開元嘅腳步，重返劉邦嘅出生地，由一塊喺沛縣出土嘅古老石碑講起，重新審視這位開國皇帝充滿疑點嘅身世之謎，揭開「龍霧橋」背後嗰段關於「野合」與「造神」嘅千古謎團。

你有無聽過漢朝有一個侯爵，個名叫做「羹頡侯」？翻譯成現代廣東話，即係「飯菜刮鑊侯」。

堂堂漢朝開國皇帝劉邦，點解要畀個咁肉酸嘅封號自己親侄仔？原來呢一切，都源於當年一餐飯嘅恩怨。

如果要講漢高祖劉邦嘅發家史，除咗有張良、韓信呢啲大人物，其實佢身邊仲有一班性格鮮明嘅屋企人。面對曾經睇唔起佢嘅大嫂、老實過頭嘅二哥，同埋滿腹墨水嘅細佬，劉邦嘅態度可以話係愛恨分明。歡迎你返到嚟有文有路（17），【歷史癲過《尋秦記》（1）】。今集，我哋會藉由日本就實大學人文科學部教授李開元所寫嘅《秦崩》，了解劉邦嘅原生家庭，睇下呢位平民皇帝發跡之後，點樣用最市井、最記仇，但又最真實嘅方式，去處理佢嗰本難唸嘅家庭經——係「一人得道，雞犬升天」，定係「君子報仇，十年未晚」呢？

依家，我哋就要將劉邦還原返做「劉季」先。

新疆克孜爾到依家仲有好多佛教洞窟，有啲洞穴仲早過敦煌。克孜爾石窟入面嘅壁畫有個特點，就係壁畫係直接傳承自古天竺，所以無漢化痕跡，入面嘅飛天造型拙樸，有啲仲隱約見到膊頭上面有翼，同後期漢化飛天嘅飄帶祥雲好唔同。

雖然今時今日，從世界地圖一望，會覺得新疆同印度距離好遠，加上之間具有高山險阻，大河阻隔，沙海橫亙，烈日暴雪，但唔好忘記，當年人類為咗商業、為咗信仰，喺荒漠間會走出條漫長嘅路。

於是，從喀什米爾、阿富汗、巴基斯坦到新彊，構成古代嘅絲綢之路——從大山同荒漠間靠綠洲連繫起來嘅一串鏈狀道路，作為商人嘅富貴險途，信仰者嘅宗教歷練。

克孜爾（今日新疆嘅庫車綠洲）就係其中一個中途站，喺古代，佢就叫做龜茲國，位於塔克拉瑪干沙漠北岸，嗰度商販雲集，經濟繁榮。呢個安逸嘅綠洲，四周都係險阻，隨時會有天災人禍。

旅行者經過一重又一重嘅難關，冒住財物失去，性命不保嘅風險，終於抵達呢個小國，得到一夕安寢。

但旅行者亦會從風聞嘅故事知道，呢個小國歷來受四周強大敵人嘅侵擾，柔然、嚈噠、匈奴，都曾經控制過呢個地區。

今集，我哋要講嘅人物，同龜茲國有莫大嘅關係，佢嘅人生，決定咗龜茲國嘅滅亡。

提提你，我哋計埋會員podcast，已經用印順法師講過五集《心經》入門知識，有興趣記得去聽。

－－每月一次牛言信箱－－

本月主題：城市老鼠、鄉下老鼠
兩個建議方向：

伊索寓言中，有一個城市老鼠同鄉下老鼠嘅故事。你會做城市老鼠定鄉下老鼠？你會唔會同情蕾潔？

主題只係提議，你可以按呢個題目投稿，亦可以按自己心中所定嘅題目書寫。
期望見到你嘅作品！

謹此以呢集，悼念2025年11月26日大埔宏福苑死難者。

今集只能做到內容整理，定有好多未有談及之處。只想做到記錄事件，以及作出少許提醒。

每月最後一個星期三夜晚九點直播（如有字幕，字幕由ai生成，我無時間檢查，如有需要，自行取用）

本月主題：三十
兩個建議方向：

孔子三十而立，你點睇三十？ 你會同三十歲嘅自己講咩？

主題只係提議，你可以按呢個題目投稿，亦可以按自己心中所定嘅題目書寫。🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

唔知你聽到「祇樹給孤獨園」當中有一千二百五十人喺度上堂，會唔會好奇一千二百五十人要點樣上堂呢？我哋中學時候嘅早會，台上嘅講者都要靠枝咪嚟傳聲，佛陀時候無咪呢類擴音設備，咁台下嘅人會唔會聽唔到呢？

其實，我哋從現代嘅佛教團體上堂辯經嘅情況，就可以知道當年嘅千二百五十人眾係點樣上堂。

而當年嘅千二百五十人眾，會喺上堂之前，聯群結隊，到市區乞食，因而，《金剛經》一開頭就講到乞食。到底乞食喺佛教當中有咩意義呢？

建議配合集數：

第二次德牛讀書組，【佛陀，黑格爾式嘅時代之子】簡述古印度歷史，略講「中道」。

🐮 Follow IG：https://www.instagram.com/cowgortalk🐂

加入讀物農莊，一齊閱讀，一齊討論！https://www.patreon.com/cowgortalk

成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join

【聽Podcast】

🎧 Apple Podcast：https://podcasts.apple.com/hk/podcast/%E7%89%9B%E5%93%A5%E8%AC%9B%E7%B6%93%E4%B8%A8%E5%BB%A3%E6%9D%B1%E8%A9%B1%E5%93%B2%E5%AD%B8-%E6%9B%B8%E7%B1%8D%E5%88%86%E4%BA%AB/id1572447901

.🎧 Spotify：https://open.spotify.com/show/0yFR7YKUcAhkoEM6HWlJPA?si=3cb0a5f7200a460a

🎧 KKBOX：https://bit.ly/3RneS9t

九月，我哋得到聽眾（CK）i_am_ck_fish嘅推介，一行五人去到灣仔嘅喜萬年飲茶。由灣仔地鐵站行去，大概十分鐘就到。

喜萬年位於地庫，喺地面行緊嘅你可以望下邊度係英皇集團中心，然後搵下邊度有扶手電梯落去。

落到去地庫，樓底唔高，係一個小型商場，周圍有唔少得意鋪頭，仲有間黑膠碟鋪。入面見到黃子華出過嘅歌嘅CD。講返喜萬年。喜萬年啲檯算大，配合樓底矮，所以係有啲逼。五個人坐咗個十人大檯，因為當時都無乜客人。感覺上樓面員工多過客人。

我哋去到嘅時間大概係兩點半，原來三點截單，三點半落場，所以一坐低就即刻叫嘢食。所有服務都好快，除咗叫人埋單，都唔覺畀人催緊（可能只係我feel 唔到）。落單無耐，先嚟咗個叉燒包。

叉燒包唔同一般嘅白色中式包，而係用咗啡皮，表面焗到少少深嘅啡色。一食就知，的確如聽眾所言，並非預製。雖然無咩特別驚艷嘅地方，但足以令人期待之後嘅菜色。

之後上咗一道牛輾同鹹蛋釀叉燒。……

作家蔣勳寫過好多嘅書，如果要數佢寫得最好嘅，大概就係《傳說》同《如是我聞：金剛經筆記》，因為佢寫故事的確有一手。喺如是我聞：金剛經筆記》，佢將自己學習《金剛經》嘅故事、背景知識都寫晒落去。你睇嘅時候，無一種修行嘅感覺，而係好似書名所講，就係一位文人對《金剛經》嘅筆記。

我希望以蔣勳嘅《如是我聞：金剛經筆記》引起各位對呢部漢傳佛教重要經典嘅嘅好奇。如果要用哲學方式去讀，我推介大家試試吳汝鈞嘅《金剛經哲學的通俗詮釋》。或者我哋講完蔣勳，就講吳汝鈞。

總之，一連幾集《金剛經》前置知識，我哋就要用《如是我聞：金剛經筆記》呢本書，講講《金剛經》入門。

今集，我哋睇下「祇樹給孤獨園」嘅故事、以及思考一下《金剛經》作為一部口傳筆記，入面嘅文字可唔可信？

上集我留低咗一個問題畀大家：對道嘅頓然徹悟，對人有咩益處呢？

係咪個人會開心咗、精神咗？

牟復禮會回答到：無。

雖然無益處，但係道家經典吸引到咁多人讀，應該總係有某啲用。或者我哋可以用一個屈機嘅表述——「無用之用」嚟形容道家學問嘅作用。有趣地，呢個「無用之用」嘅學問，生出咗好多極度著重實用嘅後學。

點解有人讀完「無用之用」嘅學問，會解釋出一套主張實用嘅思想呢？

今集，我哋就要講下「無用之用」嘅道家，同佢實用嘅後學。今集內容包括：

「悟道無益」：咁我哋會先理解一下，道家式悟道同宗教悟道嘅神聖體驗有咩分別

「道的實用面向」：睇睇先秦道家嘅實用面向。

建議配合集數：

線上讀書組（10）：絕對冷靜嘅學問：串連孫子到老子嘅內在連結；閱讀《老子》「柔伏」嘅生活智慧。丨〈中國思想史上一項基本性的翻案: 老子辯證思維源於孫子兵法的論證〉〈孫老韓合說〉

每月最後一個星期三夜晚九點直播（如有字幕，字幕由ai生成，我無時間檢查，如有需要，自行取用）本集內容：開始🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

如果有一個排行榜係排緊世界上被翻譯得最多嘅著作，咁《道德經》照道理係一定上榜——淨係英文譯本就已經係琳瑯滿目，令人眼花撩亂。不過，講起嚟都幾奇怪，明明只係五千幾字，點解會搞出咁多花臣呢？

最簡單嘅答案就係，因為《道德經》呢本書仔好麻煩。我哋先唔講《道德經》現實上有好多版本（例如上集所提到嘅馬王堆帛書版），撇除林林總總嘅版本，只係關注喺依家通用嘅《道德經》版本，又稱今本《道德經》。

大約喺公元3世紀，今本《道德經》就已經定好，共有八十一章，流傳至今，已經超過一千五百年。每章從幾十字到百幾字不等，上集講到，牟復禮話《道德經》嘅行文類似於詩歌。既然係類似於詩歌，箇中嘅意涵就可以有千變萬化嘅詮釋，就好似《一人之境》、《K歌之王》係講緊一個點樣嘅故事，已經係人言人殊。廣東歌百幾二百個字都有咁多詮釋，更何況係有五千言嘅文言詩歌呢？

其實，《道德經》仲可以分成兩個部分，呢兩個部分就以書名嚟命名，於是就叫《道篇》同《德篇》（亦可以叫做《道經》同《德經》，下文就沿用牟復禮嘅用法）。《道篇》同《德篇》點樣分，有好多講法。問題關鍵在於，道同德到底係咩意思呢？之前所提到嘅「道」好難講明，而「德」亦同樣難搞。

我哋會用兩集嘅時間，睇睇牟復禮點樣幫我哋入門《道德經》。今集就睇睇道同德大概係咩意思。

建議配合集數：

牛哥解經（16）：牟宗三易經思想1丨玄思高於邏輯；道嘅雙重性係道家嘅玄思，而非儒家嘅玄思丨《周易哲學演講錄》第一講，〈易傳──儒家的玄思〉

牟宗三嘅易經哲學，其實埋藏咗佢對道家哲學嘅理解；牟宗三為道家哲學所分出嘅兩層，相當有趣。有機會你可以睇睇《才性與玄理》，無機會嘅，就睇睇佢講周易。而事實上，若然我哋將《易經》同《道德經》一齊睇，會更有趣味。

🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

哲學，係乜嘢呢？胡適認為，哲學，係回應時代嘅聲音，係內心面對唔協調而作出嘅反省。墨子哲學就好明顯對應住儒家，見證住儒家嘅內部問題，用一個應用角度去轉化出一個新嘅學派。

我哋可以繼續問落去，儒家哲學又對應住個乜嘢時代呢？我哋往往會認為中國哲學唔係源自孔子，就係源自老子，喺孔子老子之前，中國就係簡單嘅封建、迷信社會。其實咁樣只係推崇孔子老子嘅結果，並唔係真實。「大凡一種學說，決不是劈空從天上掉下來的。我們如果能仔細研究，定可尋出那種學說有許多前因，有許多後果。譬如一篇文章，那種學說不過是中間的一段。這一段定不是來去無蹤、去無痕跡的。定然有個承上啟下、承前接後的關係。要不懂他的前因，便不能懂他的真意義。要不懂他的後果，便不能明白他在歷史上的位置。」（胡適，頁三一）

儒家同道家雖然開創咗中國哲學嘅脈動，但佢哋都只係文章嘅中段，被前因所影響，對後世產生後果。前因可能係原來嘅思潮，或原來嘅時勢；後果就係產生出新嘅思潮同自己對抗，甚至因此產生出一個新嘅時勢。明白一個學派承上啟下嘅地方，先可以知道呢個學派嘅位置。「所以時勢生思潮，思潮去生時勢，時勢又生思潮。」（同上）

呢一個《從巫師走到儒家—上古中國文化史》線上課程，就係想用少少時間，同你一齊去搵返孔子所面對嘅時勢——搵返中國神話嘅原始面貌，再好快咁睇下巫術社會到儒家之間嘅過渡。

立即加入：

https://www.hok6.com/course-group/590

本集章節：00:00 開講🐮

Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

當太史公司馬遷撰寫史記嘅時候，遇到一大麻煩——因為司馬遷所定義嘅道家創始人——老子嘅身世一直都係眾說紛紜。喺眾多嘅記載當中，司馬遷確信老子就係《道德經》嘅作者。至於，呢一個老子係唔係被孔子曾經問禮嘅周朝史官呢？大概司馬遷係相信嘅，因為佢記載到，孔子讚頌老子，講到：「吾今日見老子，其猶龍邪！」｛而孔子本人係鳳｝。但係其他嘅記載，例如話老子有百六歲、二百歲，仲有「老萊子亦楚人也，著書十五篇，言道家之用，與孔子同時云。」等等講法，司馬遷就只能加個「或曰」在前，表示可能係咁、有人咁話，等讀者自行判斷。的確，老子有太多神怪嘅故事。例如老子母親懷胎幾十年先生下老子，而老子一出世就係頭髮皆白，仲手持藤杖。佢之所以叫老子，係因為佢係一個「老邁嘅孩子」；仲有故事話老子做咗史官多年之後，騎住青牛西出關，中途被關守所阻，被逼留下五千言嘅《道德經》，然後一去不返，去到現今中亞，甚至有人話老子就係佛陀。此之謂老子化胡說，詳細論述，我哋已經喺「「老子化胡說」係佛教僧人間接整出嚟？看似無稽嘅講法，其實係三國時期嘅宗教鬥爭嘅里程碑！？丨哲學即食麵（10）丨童瓊慧，〈東晉南朝時期「化胡說」轉變之析論〉」講過。呢度就點到即止。大致咁講，大家都會同意老子就係《道德經》嘅作者，但到底《道德經》幾時成書，就係一大問題。今集就要睇睇兩套理論點講。建議配合集數：EP46 個個都講仁，唔通真係有仁咩？老子話天地不仁，有爲嘅政府只會壓迫人民｜《中國哲學史大綱》（四）先秦諸子入門（1）：兩個範疇通老子，垃圾義下再析無丨老子文本的「無」丨——「對我來說，這就是《道德經》所有古古怪怪的修辭的祕訣，也是道家哲學的大門。」丨線上讀書組（18）丨《老莊思想與共生哲學》宋明理學入門（4）：【考周敦頤無極觀（1）】：析老子「無」之三層，觀魏晉有無之辨——總覽老子、何晏、王弼、裴頠、郭象對「無」之理解丨魏晉本體之「無」丨劉紀璐，〈從無到無限 周敦頤宇宙論的本源〉本集章節：00:00 開講🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

高敏感人，即係點？

要回答呢個問題，最好就交畀《高敏感情緒自救手冊》嘅作者卡魯恩・霍爾（Karyn D. Hall）。佢係心理學家、辯證行為治療（DBT）治療師，休斯頓辯證行為療法中心主任，佢專長研究嘅，係高敏人——同大多數人相比，高敏人即係會更頻繁、更持久咁經歷強烈情感嘅人群。

而作者認為情緒高度敏感既係一種天賦，亦係一種負擔。因為高敏人好多時都係具有兩面性：

有啲人喺情緒嘅洪流中受益匪淺

有啲人就掙扎喺負面情緒中，難以自拔，好難留意到呢啲情緒背後嘅積極意義。

點解高敏人都係情緒高度敏感，但係會得到咁唔同嘅結果呢？

如果你係一個情緒敏感嘅人，咁你對他人嘅關心、狂喜嘅快樂、強烈嘅情感連繫，以及對大自然嘅熱愛，都會為你嘅人生增添目標感、意義同滿足感。但如果情緒一再將你吞噬，太大嘅負擔就可能令你唔會覺得高度敏感係一種天賦。學識管理情緒唔單止可以減少你嘅痛苦，仲可以幫你享受情緒帶嚟嘅更多恩賜。

管理情緒需要你承認同接受自己嘅情緒，用健康嘅方式應對唔舒服嘅感覺，並學會揀選合適嘅行為去管理情緒。

例如，當你覺得唔舒服時，糾結於需唔需要請人幫手照顧活潑好動嘅小朋友。結果你可能會瘋狂購物直至荷包扁晒，可能會暴飲暴食，又或者會對你心愛嘅人亂發脾氣。

我哋會一齊慢慢讀呢本書，每一個章節後面仲會有一啲練習題。當你讀到一啲對你有幫助嘅技能或者觀點嘅時候，記得我哋喺《最高學以致用法》當中所講嘅：要記錄呢一啲嘅觀點，然後將觀點確切咁樣輸出。

無論你嘅情緒係唔係高度敏感都好，希望你都可以更加了解自己嘅情緒，得到一個更加輕鬆、愉悅嘅日常生活，而唔係被情緒操控。

我哋會假設你係一個情緒敏感嘅人嚟論述，如果你唔係情緒敏感，咁你就可以睇下情緒敏感嘅人係點樣諗嘢——因為你唔係，你家人、伴侶、朋友都可能係。

【高敏感情緒管理101－第一堂】認識高敏感之兩面——恩賜與詛咒

高敏人嘅基本特徵

愛好大自然

對他人情感高度敏感

過度包容或過度偏執

人際中嘅誤解

對拒絕敏感

情緒打工仔

選擇困難症

直覺強者（半盲）

創造力

強烈嘅正義感

不斷變化嘅身份

情緒點解咁敏感？

高敏人一定係心理障礙者？

小結

建議配合集數：

牛哥讀經（14）丨伯特蘭・羅素1丨如果想開心，不如「一天天的少關心自己」？羅素為你分析人類三大心病，揭露畏罪狂、自溺狂、自大狂嘅共通點丨傅雷譯，《幸福之路》，〈甚麼使人不快樂？〉

牛哥三個字｜不快樂

為咗得出情緒敏感嘅積極意義，依家我哋就要了解一下情緒敏感嘅特點。

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《高敏感情緒自救手冊》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利：

https://www.youtube.com/channel/UC6i3xQE-WhlKsu9l1cqzEQw/join

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

每月最後一個星期三夜晚九點直播

（如有字幕，字幕由ai生成，我無時間檢查，如有需要，自行取用）

本集內容：

開始

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利：

https://www.youtube.com/channel/UC6i3xQE-WhlKsu9l1cqzEQw/join

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

是次精華取自2025年8月牛言信箱：

https://www.youtube.com/live/G4DDec0pjOA?si=r9uqdMVSC-yet8SS

作者介紹：

安德斯·韓森（Anders Hansen）

瑞典精神醫學專家，仲有斯德哥爾摩經濟學院嘅MBA學位。喺全球最有聲望嘅卡羅琳醫學大學（亦係頒發諾貝爾生醫獎嘅機構）接受培訓，累積咗多年研究成果，至今發表咗超過2000篇醫學論文，係世界級嘅研究者。出版咗多本關於大腦嘅書，成為瑞典超級暢銷作家。佢喺瑞典嘅地位同《真確》作者漢斯·羅斯林差唔多，係瑞典嘅國民醫師，同時亦係一位好受歡迎嘅演講者，即將喺瑞典電視臺播出有關大腦嘅系列紀錄片。

佢喺《真正的快樂處方》開頭就寫到一場令佢改變對大腦認知嘅研究：「這些年來，我讀過數以千計的研究成果，如果非得從中選擇一個最吸引我的，將會是這項不僅改變我對醫學和健康的看法，而且在一定程度上改變我對整個生活看法的研究。……」

【此為廣東話字幕之重製版本】

呢次會係一次三部曲，三部曲依次係：孤獨感、被拋擲、無條件。今集係第三部曲，亦係最後一部曲，會講講「無條件」。

上兩次嘅三個字，提到孤獨、被拋擲係人所共通嘅不得已，不得已之下，就係無條件，此話何解？今集內容包括：

1.智人係一個演化之下嘅不安於現狀、唔順從本性嘅動物

2.人有住與生命嘅終始隔離、與他人隔離、與世界隔離嘅原始芒昧。人係既孤獨又被拋擲。

3.人係不得已嘅倫理主體，一個又講人倫又講主體性嘅矛盾存在。從不得已嘅起源，迎接不得已嘅命限。其中一個命限，就係身處於人倫當中，亦即係處境。

正因為以上三點，人先能夠無條件去做事。

陶國璋用九個字講盡儒家面對根本芒昧嘅情感。

西班牙存在主義哲學家José Ortega y Gasset 對笛卡兒嘅「我思故我在」嘅反思，得出“I am I and my circumstances“

用無條件貫穿海德格對此在（dasein)嘅思考、卡繆嘅《反抗者》

最後，送一首詩畀一位朋友，同埋一首歌畀你。

____

Instagram： @cowgortalk (https://www.instagram.com/cowgortalk/)

Patreon：patreon.com/cowgortalk (https://www.patreon.com/cowgortalk)

文字版：cowgortalk.wordpress.com (https://cowgortalk.wordpress.com/)

牟復禮係一位西方漢學家，佢為美國大學生設計咗一個中國文化入門，最終編成咗呢本《中國思想淵源》。我哋之前喺牛哥解經（11）講過佢論述中西思想不同，如果你有聽過，應該都會覺得佢思想相當敏銳，例如佢指出：

「對於外來者而言，他最難以發現的是中國沒有創世的神話，這在所有民族中，不論是古代的還是現代的，原始的還是開化的，中國人是唯一的。這意味著中國人認為世界和人類不是被創造出來的，而這正是一個本然自生（spontaneously self generating life）的宇宙的特徵，這個宇宙沒有造物主、上帝、終極因、絕對超越的意志，等等。」

以一個西方人視角，要留意到中國文化無西方式上帝，其實唔係易事。而我哋現代人往往用西方思維思考，以此回望中國哲學，就會覺得晦暗不明。但牟復禮就嘗試喺西方背景，離開西方嘅獨斷，捕捉返中國文化嘅精神所在。

適逢最近會講多啲道家思想，所以我就打算同你一齊用《中國思想淵源》嚟得到一個簡單易明嘅道家哲學入門。

建議配合集數：

牛哥解經（11)：西方漢學家為美國大學生所寫嘅中國文化入門；從神話角度切入，顯示中西宇宙論嘅唔同丨《中國思想淵源》

S2EP53 莊子哲學入門（2.1）：「天之小人，人之君子」——戰國狂人莊子，喺亂世中決意「游戲污瀆之中自快」丨王博《莊子哲學》第一章〈狂人與狂言〉

S2EP54 莊子哲學入門（2.2）：游戲人間，選擇「陸沉」；從寓言呈露狂氣，思考何謂語言丨王博，《莊子哲學》第一章〈狂人與狂言〉

本集章節：

00:00 開講

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利：

https://www.youtube.com/channel/UC6i3xQE-WhlKsu9l1cqzEQw/join

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

【此為廣東話字幕之重製版本】

呢次會係一次三部曲，三部曲依次係：孤獨感、被拋擲、無條件。今集係第二部曲，會講講「被拋擲」，希望你會鍾意。上次三個字講到孤獨感係本然嘅情況，當人被逼面對孤獨感，又唔去將自己投身於諸神，就會發現要忘記本然嘅孤獨，實在係難事。體會孤獨以後，我哋仲會發現自己係被拋擲，人唔單止孤獨、仲係被拋擲，探掘落去，會得出啲乜嘢思考呢？今集會講講：

・莊子嘅《齊物論》點樣思考人生嘅原始芒昧

・陶國璋對被拋擲嘅思考

・命限嘅不可控，不可知

・儒家所講嘅承擔

・「不得已」呢三個字嘅意思

依家，一齊喺被拋擲當中思考。

_____

Instagram： @cowgortalk (https://www.instagram.com/cowgortalk/)

Patreon：patreon.com/cowgortalk (https://www.patreon.com/cowgortalk)

文字版：cowgortalk.wordpress.com (https://cowgortalk.wordpress.com/)

今時今日你走去問人時間係咩意思，大部分人都會話：時間係直線行進，可以分成過去、現在、未來。時鐘會清楚標示一日嘅時間，而日曆可以話畀我哋知今日係一年當中嘅邊一個部分。科學話畀我哋知，世界已經行進咗137億年。

以上嘅時間觀，係人類最近所發現。喺大部分嘅人類歷史當中，時間都唔係直線，而係一個周而復始嘅圓圈——過去又係未來，未來又係過去，因為起點又係終點。

直線時間觀好容易配合一種「悲觀」嘅世界觀一齊出現——末日論，佢述說住直線嘅時間有其終點，而終點將會係最後嘅末日審判。最為人熟知嘅例子自然係基督教嘅世界觀：上帝創造世界，有起點，有過程，有終點，正如《啟示錄》所講，耶穌喺預言日期接近嘅時候，耶穌話佢自己就係呢部史詩嘅「阿爾法和亞米茄，是首先和末後，是開始和終結。」

而周而復如嘅時間觀就提供咗另一個觀點，Alpha同Omega（開始同終結）係同一件事——Alpha就係Omega，Omega就係Alpha，因為時間就係不斷循環，所謂到達終點，就係重回起點，就好似我哋用筆畫圓圈，圓圈嘅完成係終點接觸到起點，而一接觸到起點，又可以繼續畫圓嘅過程，容許佢再次接以終點接觸到起點。呢個就係對永恆喺直覺上最合理嘅思考方式——進程、循環、無終止。

相反，直線時間觀就好難想像永恆，永恆可以點樣講時間開始呢？時間開始之前係點呢？一條線點能可能無窮延伸而無盡頭呢？

今集，係第14集哲學即食麵，我會同你一齊睇下《世界是這樣思考的》，思考時間係直線同周而復始嘅分別，以及時間觀對世界觀嘅影響。

《世界是這樣思考的》嘅作者係朱立安・巴吉尼，如果你對呢個名無印象，咁你可能對佢寫嘅另一本暢銷書有印象——《自願被吃的豬》。相較之下，《世界是這樣思考的》寫得比較認真，但係較少人睇。我嘅建議係，《自願被吃的豬》唔太需要睇，而《世界是這樣思考的》更值得睇。

本集章節：

00:00 開講

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利：

https://www.youtube.com/channel/UC6i3xQE-WhlKsu9l1cqzEQw/join

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

【此為廣東話字幕之重製版本】

呢次牛哥三個字會係一次三部曲，三部曲依次係：孤獨感、被拋擲、無條件。希望你會鍾意。今集係第一部曲，會講講「孤獨感」，呢次（同下次）三個字會作為ep.55嘅補充，未聽記得聽返。唔知你最近一次感到孤獨係幾時呢？你有無諗過孤獨嘅意義？我會話，所有嘅宗教、哲學都係始於孤獨感，孤獨感提出疑問「人嘅依傍應該落在何方？」而宗教同哲學就為此去作出解答，兩種截然不同嘅解答。為此，我喺度落個斷言，「所有相信宗教嘅人都係孤獨」、「所有哲學家都係孤獨」。一陣再解釋。今次我會用老子嘅自述、林家謙嘅一人之境去解構一下孤獨感。講講點解會感到孤獨感、孤獨感嘅來源、同埋感受到孤獨感嘅後果。依家，我哋聽聽一段深夜N車嘅自說自話。

最近重睇緊《進擊的巨人》嘅動畫，我發現諫山創喺頭十集已經鋪墊咗艾連同阿爾敏嘅最終分歧嘅原由。

而呢個伏筆當中所強調嘅恐懼，其實貫穿咗整部《進擊的巨人》。回想聯合軍對於帕拉迪島人嘅恐懼，我發現可以對應到之前講《古典時代瘋狂史》嗰陣，傅柯對恐懼嘅刻畫，所以我哋會分析一下，聯合軍點解會認為清除帕拉迪島人會係必要之惡，甚或係神聖任務。

歡迎你返到嚟有文有路（16），有文有路，文化方見道。依家，我哋先回憶伏筆嘅情節，之後先再解釋伏筆何在。

本集章節：

00:00 開講

10:29 解釋伏筆

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利：

https://www.youtube.com/channel/UC6i3xQE-WhlKsu9l1cqzEQw/join

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

話說，喺大約一百三十五億年前，宇宙發生咗一場大霹靂（Big Bang），物質、能量、時間同空間就咁出現。呢啲宇宙嘅基本規律同特徵，就係「物理學」嘅研究範圍。

過咗大約三十萬年，物質同能量開始結合，形成更複雜嘅結構，變成原子，再由原子組成分子。關於原子同分子嘅交互作用嘅故事，就係「化學」嘅世界。

大約三十八億年前，喺地球呢粒行星上，有啲分子連繫起來，形成一種好複雜又精細嘅結構，叫做生物。生物嘅故事，就係「生物學」嘅內容。

但係，「物理學」、「化學」、「生物學」嘅一直都無被任何存在發現，直到到咗大約七萬年前，有啲屬於智人（Homo sapiens）呢個物種嘅生物開始創造更複雜嘅架構，叫做文化。文化累積，就構成各種各樣嘅學科，得以認識呢個世界（包括以上所講嘅「物理學」、「化學」、「生物學」）。而認識人類文化嘅代代發展，就係「歷史學」嘅基礎。

《人類大歷史》嘅作者哈拉瑞認為，人類歷史有三大重要轉捩點：

首先，七萬年前嘅「認知革命」，令人類有咗語言同想像力，歷史正式開始。

跟住，一萬二千年前嘅「農業革命」，人類開始種植同養殖，歷史嘅步伐加快咗發展。

到咗五百年前，「科學革命」出現，改變咗人類嘅思維同生活方式，歷史進入全新階段。

呢本書想要講述嘅，就係呢三大革命點樣影響人類同其他生物嘅命運。

而喺開始嘅時候，我哋首先要過一過界，離開一下歷史嘅範圍，先講一講「生物學」嘅內容，咁就能夠更加了解到「認知革命」對人類有啲乜嘢影響。今集內容包括：

古人與動物：兩百五十萬年前，已經有一班同現代人好似樣嘅「遠古人類」出現，但佢哋同動物嘅差異，比你想像中近好多。

生物分類：我哋先認識下生物分類，咁你就會明白一個屬之下得一個人種係一件幾奇怪嘅事

智人黑歷史：地球上曾經有其他人種，對智人而言係一個可能嘅黑歷史……

思考之代價：為咗思考，人類付出咗幾大代價？

每月最後一個星期三夜晚九點直播（如有字幕，字幕由ai生成，我無時間檢查，如有需要，自行取用）虛冲，【五律】牘獨讀以下為此詩之註： [1] 押廣東話 /oeng/ 韻。 [2] 牘：讀音「讀 /duk9/」。 [3] 晉．陶淵明〈自祭文〉：「欣以素牘，和以七絃。」，此指書籍。 [4]《晉書．卷一一．天文志上》：「東壁二星，主文章，天下圖書之祕府也。」此指藏書之處。 [5] 晉．陶淵明〈與子儼等書〉：「常言五六月中，北窗下臥，遇涼風暫至，自謂是羲皇上人。」比喻悠閑自得。 [6] 《文選．曹丕．燕歌行》：「明月皎皎照我床，星漢西流夜未央。」夜未盡。本集內容：開始 00:00第一篇投稿 00:35 第二篇投稿 1:19:53 唐君毅，《人生之體驗》1:37:28說文化 1:38:21🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

上一次我哋講到拜火教係第一個世界性宗教，雖然佢依家已經唔太注目，但係佢確切地影響咗後嚟好多唔同嘅文化、宗教。今集，我哋就跟住作者去睇下哲學嘅登場。作者表示，喺以前學習哲學嘅時候，通常會區分出前蘇格拉底時期，同蘇格拉底之後嘅哲學。因為從哲學嘅觀點嚟睇，蘇格拉底嘅出現的確係一個非常之大嘅轉捩點。但係，而家對於蘇格拉底嘅出現有冇咁重要，就多咗好多嘅討論。所以，作者會用比較中立嘅立場嚟稱呼呢一段時期——古希臘哲學。今集內容一啲都唔難，我哋只係跟住作者走馬看花，了解下個時代背景。內容包括： 知識大爆炸 哲學始祖泰利斯與「本原」 赫拉克利特、恩培多克勒、德謨克利特 畢達哥拉斯與巴門尼德 蘇格拉底之真實與虛像 蘇格拉底之時代背景 蘇格拉底之方法 蘇格拉底之日常與死亡 點樣評價蘇格拉底？依家，我哋先睇睇睇咩係知識大爆炸先，以及知識大爆炸會點樣影響古希臘哲學家。逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《哲學與宗教全史》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

本次精華出自第一次牛言信箱。https://www.youtube.com/live/zrRHJ99q9vg?si=A93H-P4ZdoYd9VMe

唐君毅喺《人生之體驗》當中，寫到〈論哲學〉，全文如下：

「當你讀哲學書只是一心去看它如何解决哲學問題，一心想看其結論，你不能認識哲學之真價值。

你當自哲學中看出哲學家心靈之磅礡萬物以爲一。

哲學家以他的心游泳于知識之百川，然而他最後要歸宿于一中心觀念。

他要以一中心觀念說明世問一切知識何以可能。

他視其中心觀念如海，以倒吸千江之水。

他縱身自真理之江海，舉示人類知識境界中萬脈朝宗之大觀。

你必須如此看哲學，你將了解哲學之價值。」

牛某：同意，如果你為咗解決哲學問題而走去讀哲學，好可能會失敗，或者失望……

為咗令大家更容易掌握牛某動向，所以將一次過整個月報＋節目預告，等大家可以好快咁用月報回顧上一個月，然後大約知道下個月我哋會做咩。大家記得珍惜八月嘅節目，因為九月牛某就會基本上停止更新。到最後我會同大家解釋。

我喺文稿已經列出標題同link，大家可以即時重溫。

喺七月我哋成功更新咗15集嘅內容，其中會員內容6集，公開內容9集。

公開內容方面，我哋喺有文有路講咗兩集蔡瀾：

蔡瀾忠告年青人：年青人唔好躺平，要玩盡呢個世界！蔡瀾最愛嘅菜色，竟然係呢道！？丨有文有路（14）丨《人生真的很好玩：是我玩這個世界，不是這個世界玩我》https://youtu.be/I1gRBozwqbk

蔡瀾憶倪匡：外星人遇屍變，信上帝後毅然戒酒，八十歲再遇初戀——重溫倪匡最後一次公開演講（2019年書展）丨有文有路（15）丨《人生真的很好玩：是我玩這個世界，不是這個世界玩我》

https://youtu.be/VcVqw7vMd7c

兩次得閒讀書會，講咗《槍炮、病菌與鋼鐵》同《哲學與宗教全史》：

《槍炮、病菌與鋼鐵》共讀（6）：從野生到馴化：點解達爾文嘅《物種起源》係從人類馴化動植物開始講起？成功馴化嘅植物，其實都係自然世界嘅「畸形」？丨得閒讀書會（17）丨〈第七章 杏仁的前世今生〉https://youtube.com/live/4Mcj1NulhSs

《哲學與宗教全史》共讀（3）：總覽先蘇－蘇格拉底思想：經歷最好同最壞嘅時代之後蘇格拉底為希臘哲學帶嚟點樣嘅新轉向？丨得閒讀書會（18）丨〈第三章，哲學的誕生與「知識大爆炸」〉〈 第四章……https://youtube.com/live/4P7PCFmxElc

仲有四集嘅discord讀書組：

【荀孟性論之爭，誰勝誰負？】：荀子對孟子性論之系統批判丨discord讀書組（番外第3）丨Kim-Chong Chong, XUNZI'S SYSTEMATIC CRITIQUE OF MENCIUShttps://youtube.com/live/_zZY9w8gstc

【Bernard Williams（1）】Socrates' Question丨discord讀書組（35）丨Ethics and the Limits of Philosophyhttps://youtube.com/live/RErhqQqTCoY

【Bernard Williams（2）】The Archimedean point丨discord讀書組（36）丨Ethics and the Limits of Philosophyhttps://youtube.com/live/x8QdwDSjXV0

【Bernard Williams（3）】Foundations:Well-Being丨discord讀書組（37）丨Ethics and the Limits of Philosophy

唔好唔記得仲有第一次牛言信箱。

同埋牛哥講經＿胡適文稿(epub)

kobo有得免費睇：https://www.kobo.com/tw/zh/ebook/w_r2S-HQqj-gU6QR_w4m5Q?sId=3d78bad3-6e6f-4017-bd8d-a1763264dd00

會員內容方面，先講講會員podcast，我哋更新咗4集！：

牛哥解經（26）：細讀心經（2）——心經之融相即性觀，解「舍利子。色不異空。空不異色。色即是空。空即是色。受、想、行、識，亦復如是。」句丨印順法師，《般若波羅蜜多心經講記》https://www.patreon.com/posts/niu-ge-jie-jing-133428226?utm_medium=clipboard_copy&utm_source=copyLink&utm_campaign=postshare_creator&utm_content=join_link

【faker書單】睡眠的秘密7：科學睇穿夢境——日本科學家已經成功解構到夢嘅內容！？佛洛伊德最前膽同失敗嘅地方係咩？——「在我看來，在夢的研究領域中做出最大科學貢獻的人，是佛洛伊德。我認為現代神經科學家並沒有給他應有的榮耀。」丨生活雜談EP33丨《為什麼要睡覺》https://www.patreon.com/posts/fakershu-dan-de-134393615?utm_medium=clipboard_copy&utm_source=copyLink&utm_campaign=postshare_creator&utm_content=join_link

生活雜談EP32（讀書組版）丨《最高學以致用》共讀（3）丨精神科醫生教路：以腦科學同心理學為基礎嘅輸出法，教你立即解鎖大腦學習同成長嘅終極秘訣https://www.patreon.com/posts/sheng-huo-za-tan-133872660?utm_medium=clipboard_copy&utm_source=copyLink&utm_campaign=postshare_creator&utm_content=join_link

生活雜談EP34（讀書組版）丨《最高學以致用》共讀（4）丨精神科醫生教路：二十個實用秘訣、七個訓練方法，確保你成功踏上每日輸出之路https://www.patreon.com/posts/sheng-huo-za-tan-134912523?utm_medium=clipboard_copy&utm_source=copyLink&utm_campaign=postshare_creator&utm_content=join_link

線上讀書組更新咗兩集：

宋明理學入門（4）：【考周敦頤無極觀（1）】：析老子「無」之三層，觀魏晉有無之辨——總覽老子、何晏、王弼、裴頠、郭象對「無」之理解丨魏晉本體之「無」丨劉紀璐，〈從無到無限 周敦頤宇宙論的本源〉https://www.patreon.com/posts/song-ming-li-xue-134396410?utm_medium=clipboard_copy&utm_source=copyLink&utm_campaign=postshare_creator&utm_content=join_link

宋明理學入門（5）：【考周敦頤無極觀（2）】：周子開山論無極，竟以老子喚仁理——「無極而太極，太極本無極」配合現代物理學嘅詮釋，揭示《太極圖說》之宇宙演化觀丨宋儒宇宙論之端https://www.patreon.com/posts/li-ji-jia-ru-li-135138630?utm_medium=clipboard_copy&utm_source=copyLink&utm_campaign=postshare_creator&utm_content=join_link

原片：https://www.youtube.com/live/4Mcj1NulhSs

香港出名山多，你行山有冇試過見到一啲五顏六色嘅野生植物，然後頭腦當中閃出一個念頭：唔知好唔好食呢？

的確，有一啲嘅野生植物，生得好似我哋平時見到嘅士多啤梨同藍莓，唔單止味道幾好、仲食得落肚，只係佢哋通常會細隻少少。有啲野莓食得，但有啲嘢就唔食得，就好似野生蘑菇唔可以亂咁試，因為呢個世界上有好多種嘅野生蘑菇都會致命。仲有野杏仁，因為有幾十種嘅野杏仁含有致命嘅氰化物（當年納粹毒氣室所使用嘅化學毒品，就正正係氰化物）。

既然呢個世界野生嘅食物咁危險，唔知你腦入邊會唔會有一個疑問：所有人類農作物嘅前身都係野生植物，咁野生植物係點樣變成作物嘅呢？呢一個係令人困惑嘅問題。

上集我哋提到農業取代狩獵嘅好處，但係農業點解可以由差過狩獵，變成取代狩獵呢？啱啱提到，好多野生植物係有毒，其實野生植物仲可以難以入口、原本個樣非常奇怪（就好似野生粟米咁）。點解原始人能夠出咗「馴化」植物呢一條絕世好橋呢？佢哋又係點樣做到呢？

我哋先定義一下「馴化」植物嘅意思：「栽種植物，（不管有意或無心）使它們發生遺傳變化，變得對人類消費者更有用。」

但佢實際上係講有意地將植物栽種，使得受栽種嘅植物產生遺傳變化，得以為栽種者所用。而我哋嘅作者顯然唔係好識緊扣定義，一陣我哋就會見到佢問題所在

依家，「馴化」植物嘅工作已經交由專業嘅科學家去做，佢哋了解全人類擁有嘅幾百種作物，藉由種出種子同埋根之後，搵出箇中最優良嘅後代，之後就會再培植呢一啲優良後代。不斷重複呢個揀選同栽種嘅過程，運用遺傳學嘅知識嚟培育出最優秀嘅品種，仲可以用最新嘅技術，透過遺傳工程來轉殖優秀嘅基因。

呢啲工作已經極度專門，例如，加州大學戴維斯分校就有一個學系係專門研究蘋果（果樹栽培系），仲有一個係專門研究葡萄同埋酒（葡萄與釀酒學系）。

但係咁專業繁瑣嘅工作，嗰啲10,000年前嘅農夫到底係點樣馴化到植物呢？佢哋既冇分子遺傳學嘅知識，連現成嘅農作物亦都冇見過，咁又點解能夠會有馴化植物嘅靈感呢？呢一班史前農夫根本唔係知道個結果先咁做。

咁史前農夫係唔係無心插柳，誤打誤撞咁樣去馴化咗植物？

按照我哋嘅常規，又要同作者一齊拋出一啲嘅問題。

「他們既然不知道自己在做什麼，怎麼會把有毒的杏仁改良成安全的食物呢？對野生植物，除了把果實變大、更無毒性，還使植物發生了什麼變化？即使是有價值的作物，馴化的時間也大不相同：例如，豌豆在公元前八千年已經馴化，橄欖約在公元前四千年，草莓則得等到中世紀，而山核桃（pecan）更遲至一八四六年。許多野生植物就是美食，自古口碑載道，如橡實，至今仍未馴化。為何有些植物容易馴化，甚至像是自投懷抱，而有些偏偏桀傲難馴？為何橄欖樹在石器時代就馴化了，橡樹至今威武不屈，連最頂尖的農業專家都束手無策？」

今集內容：

開始 00:00

從植物觀點看 07:28

從人類觀點看

選擇 13:35

變化 29:45

人造 51:43

馴化三階段 1:00:42

而作者首先邀請我哋脫離一下人類視角，從植物嘅觀點嚟睇吓馴化呢一回事。

逢星期三夜晚九點直播

（如有字幕，字幕由ai生成，我無時間檢查，如有需要，自行取用）

閱讀材料：

《絲綢之路：從波斯帝國到當代國際情勢，橫跨兩千五百年人類文明的新世界史》

🐮 Follow IG：https://www.instagram.com/cowgortalk

🐂 加入讀物農莊，一齊閱讀，一齊討論！

https://www.patreon.com/cowgortalk

【文稿可於Patreon免費閱讀】

成為頻道會員並獲得福利：

https://www.youtube.com/channel/UC6i3xQE-WhlKsu9l1cqzEQw/join

【聽Podcast】

🎧 Apple Podcast：https://podcasts.apple.com/podcast/id...

🎧 Spotify：https://open.spotify.com/show/0yFR7YK...

🎧 Google Podcast：https://bit.ly/3Cknf1m

🎧 KKBOX：https://bit.ly/3RneS9t

正所謂一醉解千愁，過去嘅文人愁情多，亦好鍾意飲酒，但係鍾意飲酒還鍾意飲酒，點解佢哋會嗜酒如命，甚至飲到就死都要繼續飲呢？

一個狄龍同倪匡嘅故事，或者表明咗部分答案。

有一次黃霑生日，搵埋啲老友搞咗場宴會，狄龍坐喺蔡瀾旁邊，倪匡就坐喺對面。

倪匡同蔡瀾手上面已經各有一杯白蘭地，就問狄龍飲唔飲酒。狄龍點一點頭，指住酒杯，向侍應講：「嚟一杯殺蟲水。」

侍應驚訝咁倒酒，問到：「點解要將酒叫做殺蟲水，殺嘅係咩蟲？」

狄龍懶洋洋咁答到：「殺肚入面嘅酒蟲。」

大家聽到，都拍晒手叫好。狄龍平時有着大俠嘅形象，大家都唔知道原來佢可以搞書生式嘅幽默。書生幽默同酒蟲有咩關係？

倪匡就接住講酒蟲嘅故事：

一個人飲酒飲到窮，決心戒酒，但係肚入面嘅酒蟲，就好似要伸出來捉住舌頭，令人不得不飲。

有一日，佢叫人拎咗幾罈美酒放在面前，又將自己放喺一棵樹上面，幾個時辰之後，酒蟲忍唔住從佢嘅口中爬咗出嚟。

呢一個人從此唔再飲酒，但係後來亦都窮死、餓死。

至於點解會窮死、餓死？倪匡啊就話《聊齋》無記載到，但呢個係一個好題材，值得寫一寫。

酒蟲、文人之間有咩關係呢？呢個係一個有趣問題。

蔡瀾喺《人生真的很好玩：是我玩這個世界，不是這個世界玩我》記載咗好多同倪匡嘅故事，佢甚至有為倪匡立傳嘅諗法——「產生一個念頭，就是替倪匡兄寫一傳記。我想我有資格擔任這個工作。」於是我喺書中挑選咗三個倪匡同酒精嘅故事，嘗試為以上問題作出解答。

今集係《有文有路》嘅第15集，我會同你回憶一下蔡瀾記憶中嘅倪匡，先以驚險嘅酒精屍變開始、然後睇下酒過三巡以後，倪匡同蔡瀾點樣思考死亡、最後，倪匡因為信仰戒咗酒一段時間，佢因咩事破戒、破戒之後竟然可以搵返初戀……

而我可以話標題雖然好似幾誇張：外星人遇屍變，信上帝後毅然戒酒，八十歲再遇初戀，但你聽晒之後就會發現我無改錯標題。

依家，我哋首先由一個「鬼故事」開始。

若然我哋打開歷史教科書，揭去講授第一次世界大戰起因嘅部份，我哋通常都會見到歐洲地圖，而戰爭嘅原因會係：歐洲各國長年以來嘅海軍競賽、德國皇帝同將軍盲目好戰，而當兩粒子彈從普林西普嘅白朗寧左輪手槍中飛出，擊殺奧匈帝國王儲斐迪南大公，導火線觸發，大戰突然發生。而英國同俄國就係歐洲嘅守護者，將德國野心殲滅。但係英國牛津大學，教授全球歷史（global history）嘅歷史學家彼德．梵科潘（Peter Frankopan）並唔同意以上嘅「常識」，佢喺《絲綢之路：從波斯帝國到當代國際情勢，橫跨兩千五百年人類文明的新世界史》當中，指出一戰嘅出現，根本原因在於英國對俄國喺中亞擴張嘅忌諱，恐懼世界霸主嘅地位被俄國奪走。梵科潘寫到：「到一九一四年為止，這些對立已經膨脹到了要在歐洲爆發戰爭來決定帝國命運的程度：一系列在倫敦、柏林、維也納、巴黎和聖彼得堡的門廊上發生的不幸事件和漫長積鬱的誤會，並不是各個帝國打得筋疲力盡的原因，造成帝國精疲力竭的原因，是已經醞釀了好幾十年的控制亞洲的爭奪。埋伏在第一次世界大戰背後的並不是德國幽靈，也並非是俄國作祟——總而言之，所有的陰雲都是在東方積聚起來的。正是英國絕望地試圖阻止陰雲繼續增長，從而在把世界推向戰爭邊緣的過程中起了重要作用。在弗朗茨・斐迪南（FranzFerdinand）遇刺之前，俄國對英國構成的威脅，就像癌細胞一樣在這個世紀中不斷增大，在這個過程中，俄國把自己從一個以農業經濟支撐、搖搖晃晃的老舊王國，轉變成一個經過改革、雄心勃勃的帝國。這樣的情形不斷地搖響著倫敦的警報，隨著越來越固定而且數額越來越大的貿易量，一切已經變得十分清楚了，俄國的成長和擴張不僅僅會對英國的利益產生競爭，而是有取代英國霸權的威脅。」英國同俄國喺「東方積聚起來」嘅「陰雲」，就係以波斯（伊朗高原）作為起點。歡迎你返到嚟得閒讀書會（16），今次係【一戰真相（上）】，我哋會用《絲綢之路：從波斯帝國到當代國際情勢，橫跨兩千五百年人類文明的新世界史》呢本書，跟住牛津大學史家，發現第一次世界大戰嘅真正導火線係伊朗高原（波斯）衝突——英俄兩國自十九世紀就為中亞明爭暗鬥，結果爭出戰火！所以今集內容會探討一下大英帝國的崛起同衰落、英國東印度公司嘅輝煌同醜聞，當英國失去美洲殖民地，英俄開始喺中亞嘅激烈霸權爭奪——以波斯為起點，係牽動全球命運嘅「東方陰雲」。從日不落帝國嘅黃金時代到俄國嘅雄心崛起，了解呢場帝國博弈點樣將世界推向戰爭邊緣。揭開一戰背後不為人知嘅歷史真相。因而，我哋雖然要講一戰真相，但我哋唔會咁快將目光放喺歐洲地圖，而係由英國開始講起，再睇到中亞地區。我哋將會以以下部分探討：00:00 開講07:12 帝國之路——英國之黃金時代 07:14由海島到日不落 15:32 英國東印度公司之興衰 32:10 美國獨立戰爭 36:55 危機之路——兩雄之爭 44:13 打破平衡——俄國與法國之間 01:07:51俄國興起 波斯臣服 逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《絲綢之路：從波斯帝國到當代國際情勢，橫跨兩千五百年人類文明的新世界史》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

呢次會係一次三部曲，三部曲依次係：孤獨感、被拋擲、無條件。今集係第三部曲，亦係最後一部曲，會講講「無條件」。

上兩次嘅三個字，提到孤獨、被拋擲係人所共通嘅不得已，不得已之下，就係無條件，此話何解？今集內容包括：

1.智人係一個演化之下嘅不安於現狀、唔順從本性嘅動物

2.人有住與生命嘅終始隔離、與他人隔離、與世界隔離嘅原始芒昧。人係既孤獨又被拋擲。

3.人係不得已嘅倫理主體，一個又講人倫又講主體性嘅矛盾存在。從不得已嘅起源，迎接不得已嘅命限。其中一個命限，就係身處於人倫當中，亦即係處境。

正因為以上三點，人先能夠無條件去做事。

陶國璋用九個字講盡儒家面對根本芒昧嘅情感。

西班牙存在主義哲學家José Ortega y Gasset 對笛卡兒嘅「我思故我在」嘅反思，得出“I am I and my circumstances“

用無條件貫穿海德格對此在（dasein)嘅思考、卡繆嘅《反抗者》

最後，送一首詩畀一位朋友，同埋一首歌畀你。
_____
Instagram： @cowgortalk
Patreon：patreon.com/cowgortalk
文字版：cowgortalk.wordpress.com

原影片網址：https://youtube.com/live/yVsaQmSoHJA

自從人類開始意識到超自然存在之後，就產生出咗對於太陽神、同大地母神嘅單純信仰，然後慢慢擴展到相信自然萬物都有神，步入到原始嘅多神教時代。其後，人類歷史上第一個、以及影響後世眾多宗教嘅世界宗教誕生咗，佢就係「瑣羅亞斯德教」（aka拜火教）。喺公元前1000年左右（誤差大約係300年），喺古代波斯，而家伊朗高原嘅東北部，有一個叫做「查拉圖斯特拉」（Zarathustra）嘅宗教家誕生咗。如果用英文嚟讀佢個名，咁就係瑣羅亞斯德（Zoroaster）。(sor ro aster)對於當時嘅社會嚟講，查拉圖斯特拉顯然係一個極度聰明嘅人，而佢創立嘅宗教，教義明確，非常具有邏輯。一般認為，查拉圖斯特拉所創立嘅拜火教，佢嘅內容基本上係以移居到波斯嘅雅利安民族信仰為主。喺波斯古王朝入邊，最著名嘅時代就係擴展為世界帝國嘅阿契美尼德王朝（西元前五五○～三三○年），而呢一個皇朝嘅創立者居魯士二世（西元前五五○～五三○年在位）嘅時代，人民已經普遍信仰住拜火教。拜火教以波斯為中心，傳播到去中亞地區，甚至喺唐朝嘅時候傳入中國，被稱為「祆教」而波斯嘅阿契美尼德王朝被亞歷山大大帝擊潰之後，接住落嚟嘅王朝就分別係塞琉古王朝同埋安息帝國，後嚟，薩珊王朝（二二六～六五一年）擊敗咗安息帝國，拜火教就成為咗薩珊王朝嘅國教，宗教典籍亦都開始完備靠住地理優勢，波斯地區成為宗教嘅大熔爐。到底拜火教係點樣成為第一個世界宗教呢？我哋將會以以下部分探討：00:00 開講 11:45 舞蹈宗教家——摩尼出現 28:15 拜火教之二元論 42:01 守護靈與洗禮 49:10 拜火 54:07 閃族與拜火教 58:34 影響世界

相關／延伸集數：

生活雜談EP5：中東宗教1丨亞伯拉罕諸教的初期處境：阿拉伯半島上的異教徒、共生與壓迫丨《被隱藏的眾神》生活雜談EP6：中東宗教2丨曼達安教：繼承巴比倫知識、鄙視亞伯拉罕、確信施洗約翰嘅「基督徒」?丨《被隱藏的眾神》生活雜談EP8：中東宗教4丨摩尼教背景：從馬吉安到華倫提努，諾斯底派對舊約上帝有住另類詮釋，認為物質世界係低等神明所造……丨《被隱藏的眾神》、《光明的使者──摩尼與摩尼教》生活雜談EP15：中東宗教5丨摩尼人生：從伊拉克沼澤區出生，成為橫跨歐亞嘅「光佛」，最後喺獄中戰勝死亡丨《光明的使者──摩尼與摩尼教》

原片：https://youtu.be/I1gRBozwqbk

唔知你有無喺threads／ig之類見過呢個故事？有一次夜航嘅飛機，遇到氣流，成架飛機震得好犀利，個震一直持續。有個男人一路飲酒，旁邊有個澳洲大肥佬，肥佬好驚，望住飲酒嘅男人，問到：「You die before？」飲酒嘅男人話：「I lived before。」（我活過）呢個男人，就係蔡瀾。而呢個故事，記載喺蔡瀾2022年出版嘅《人生真的很好玩》。無論係從呢個故事，定還是書中嘅文章，我哋都可以見到蔡瀾任性嘅一面，呢度所講嘅任性，唔係細蚊仔嘅無理取鬧，而係好似小朋友咁任其情性而活。而喺2025年6月25日，呢位任性嘅老頑童離世。等我哋藉由呢本書仔（《人生真的很好玩：是我玩這個世界，不是這個世界玩我》）當中嘅自述同三個故事，回顧一下佢嘅思想。本集章節：00:00 開講01:28 蔡瀾自述10:09 人間好物15:30 人間好吃🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

有一個男人坐咗喺一塊岩石之上，右手手踭支撐喺左邊大髀，微微低着頭，右手手背抵住下巴。呢一個係羅丹好出名嘅雕刻作品《沉思者》。呢一個人到底喺度諗緊啲乜嘢呢？據講，羅單本人係將呢一座雕像命名為《詩人》，但係喺佢死咗之後，呢個作品就被稱為沉思者，因為重新鑄造呢一座雕像嘅工匠盧第耶認為一個雕像正喺度沉思。思考，係人類一個重要嘅特徵。法國哲學家巴斯卡就講過：「人類是會思考的蘆葦。」相比起好多動物，人類並唔高大，亦都冇尖牙利爪，唔擅長爬樹，跑得又唔快，更加唔可以喺水入邊生活。即使係咁樣，人類仍然能夠成為地球上面嘅霸主，正正係因為人懂得思考。思考，以致人類征服自然、創造文明、產生文化。但係，幸福同埋唔幸福亦都接踵而來——因為人可以思考真理，亦都可以思考虛無。無論人身處係邊一個時代，佢都總會思考。當中，有少數具有卓越思考能力嘅人，創造世界、人生、死後世界等等嘅抽象概念，並以此作為人生意義寄托。《哲學與宗教全史》嘅作者出口治明表示：「大致上來說，我認為這就是哲學與宗教逐漸形成的過程。」依家，我哋就從作者嘅人生經歷開始，睇下佢點睇哲學同宗教對佢個人嘅影響。本集章節：00:00 開講序言07:57 哲學與商場（現實） 21:35 何謂哲學、何謂宗教？用字典回答 46:16 現代回答 50:58 哲學、宗教仲有咩用？ 第一章，宗教誕生之前 01:04:40 思考時間 01:34:49 馴化與宗教逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《哲學與宗教全史》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

上兩集，我哋提到社交平台令整體青少年更易陷入「內化型障礙」（internalizing disorders），亦即係焦慮、抑鬱，以及社交平台滿足唔到一個理想童年所需要嘅親身遊玩。其實，從更小嘅角度講，社交平台對兩性嘅影響各有不同，而社會心理學家喬納森・海特（Jonathan Haidt）喺《失控的焦慮世代》指出：「社群媒體對女孩的傷害大於男孩。」原因在於，雖然男女心理上喺好多方面上非常相似，但係有一啲事實上嘅性別差異「是跨文化與跨時代的普遍現象。」——人類內心普遍存在住兩套動機或目標，分別係自主性（agency）同共融性（communion），而研究發現，男性傾向專注喺自主性，而女性傾向專注喺共融性，呢個傾向嘅不同，導致社交平台對兩性嘅影響有所唔同。今集，係有文有路嘅第13集，有文有路，文化方見道，我哋會藉由了解共融性，理解社交平台對女性嘅損害。依家，我哋先由社交平台危害女性嘅數據開始入手。本集章節：00:00 開講01:44 社交媒體危害女性之證據07:50 自主與共融11:44 第一個負面影響🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

原片：https://youtube.com/live/R7-wvhTSIxA

人類將自己呢個物種命名為智人（Homo sapiens），亦即係有智慧嘅人類。呢一個命名蘊含住濃厚嘅理性主義嘅樂觀，當我哋回望過去十萬年，我哋會發現智人的確發明、發現、征服過嘅事物，係罄（音：hing3）竹難書，此等智慧，非常偉大，但智力唔單單具有創造力，仲有破壞力。

而人類破壞力之大，唔單單係可以消滅一個地方嘅人，甚至係消滅所有人類、地球上嘅一切生靈。當人類經過一二戰嘅洗禮、冷戰出現，令各國儲備足以完完整整咁樣毁滅地球嘅末日武器，當冷戰稍稍降溫，人類又面臨岌岌可危嘅生態崩潰邊緣，但人並無直面問題，十個煲九個蓋，於是仲去整多個煲，反而創造出一個可能會反過嚟奴役人或者消滅人嘅新技術——人工智能（AI）。

哈拉瑞嘅問題係：「要是我們智人真的那麼聰明、有智慧，為什麼這麼愛走上自我毀滅的道路？」

哈拉瑞邀請我哋從更加深入層次去思索呢個問題。人類累積咗大批嘅資訊，內容從DNA嘅分子到遙遠嘅星系都無所不包，但係我哋似乎仲未有辦法去回答生命當中最大嘅問題

我哋究竟係邊個？我哋應該要追求啲乜嘢？乜嘢先係美好嘅生活？我哋應該點樣過上美好嘅生活呢？

當我哋冷靜落嚟去思考嘅時候，我哋會發現自己雖然掌握好大量嘅資訊，但係依然好似遠古嘅祖先一樣，容易受到幻想同埋錯覺嘅迷惑，群眾嘅理性係可能會消失，最近嘅例子就係納粹主義同史大林主義。

因而，我哋可以問嘅問題係「為什麼人類那麼會積攢資訊與能力，但在智慧的累積上，卻又如此差強人意？」

00:00 開講 10:30 兩個寓言 20:25 網絡與力量 32:21 「天真的資訊觀」 40:30 「天真的資訊觀」之流行 45:33 「天真的資訊觀」之願景 53:40 鐵幕之落，矽幕升起 1:20:18 民粹主義與資訊

上集，我哋提到《失控的焦慮世代》嘅作者，社會心理學家喬納森・海特（Jonathan Haidt）藉由研究數據得出Z世代嘅童年經歷2010－2015年間嘅「大重塑」期（智能電話同社交媒體大流行）之後，青年患上內化型障礙（焦慮同抑鬱）嘅比例大增。智能電話、社交媒體大流行同內化型障礙嘅關係到底係咩呢？好直覺嘅回答，就係令青年沉迷 虛擬世界，唔鍾意同人講嘢。但係，社會心理學家得出一個更深刻嘅回答：虛擬世界嘅生活，違反人類童年嘅建立歷程——打機／玩社交平台違反童年需求，但係玩遊戲(例如捉伊人）就合乎童年需求。今集，係有文有路嘅第12集，有文有路，文化方見道。我哋一齊嚟了解下理想童年同現實之間嘅距離。我哋先嚟了解人類童年嘅特點所在先。本集章節：00:00 開講01:37 童年與遊戲 05:29 人生而玩樂 16:31 互動與集體24:25 總結🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

原片：https://www.youtube.com/live/LOua2lihdUk?si=xg1d_CNL4h4tLk6y

上集我哋講到農業優勢同起源地。但事實上，農業喺一開始嘅時候，並無之前所提到嘅優勢，之前所提到嘅優勢，更似係農業成熟之後嘅結果。今集，我哋要跟住作者去問。本來呢個地球上嘅所有人都過住狩獵採集嘅生活， 但係點解有人擅自改變， 變成生產糧食？ 相信咁樣做嘅人有佢嘅原因， 咁我哋就可以問： 喺新月沃土嘅居民組喺公元前8500百年就開始耕作， 但係氣候、 結構同樣屬於地中海嘅西南歐， 要去到三千年之後先有農民耕作， 點解佢哋時間差咁遠呢？本集章節：開講 00:00 第六章 下田好，還是打獵好？ 農狩共存 08:10澄清農業誤解 11:22農業取代狩獵 27:57逢星期三夜晚九點直播（如有字幕，字幕由ai生成，我無時間檢查，如有需要，自行取用）閱讀材料：《槍炮、病菌與鋼鐵》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

每一個時代之間嘅人都有着代溝， 但我哋同新世代嘅距離，唔係代溝咁簡單。對於童年並唔係活喺電話／ 互聯網時代嘅長輩嚟講， 佢哋會覺得自己係地球人， 而新一代就好似火星人咁。 呢一班火星人 會有好奇怪嘅習慣， 成日機不離手， 如果父母唔容許子女用電話嘅話， 子女會威脅父母， 嚴重嘅，仲會提出自殺。以往係笑話般嘅句式：「唔做乜乜，就會死咩」、「遲啲乜乜，就會死咩」，對於新世代嚟講唔再係戲言，漸漸化成現實，因為青少年精神疾病嘅比率，已經達到前所未有咁高。但係父母卻搵唔到解決方法，家長覺得子女被困喺電話入面，只係一時嘅唔懂事，所以，家長唔係用太 嚴厲嘅規管， 就係太過樂觀嘅放縱，期望之後會有所改善； 殊不知，子女唔係唔懂事，佢哋正正係知道依家現實世界嘅運作方式就係依賴網絡世界嚟建構人際關係，而網絡世界已經成為咗佢哋人格成長嘅一大部分，反而係子女覺得父母唔理解呢個世界點運作，亦唔明白父母點解唔明白自己。父母同子女之間，成為地球人同火星人嘅交流，當火星人病咗嘅時候，地球人卻搵唔到方法去幫手。社會心理學家喬納森・海特（Jonathan Haidt）寫出《失控的焦慮世代》，就係為咗幫地球人去明白火星人點解病咗。歡迎你返到嚟有文有路嘅第十一集，有文有路，文化方見道，今集，我哋了解下智能電話、社交媒體同Z世代焦慮、抑鬱嘅關係。首先，我哋睇下呢班火星人身處一個點樣嘅處境先。本集章節：00:00 開講02:40 焦慮、抑鬱之數據09:55 互聯網爆發期🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

各位：

衷心感謝各位陪伴，今日迎嚟《牛哥講經》成立四週年。

尋日（6月12日）同大家喺live度回顧一週年嗰陣嘅《五十集而自述》、藉由各位留言回憶以往集數，以及從各位投稿嚟講講離別之情。結果得出咗個破天荒嘅五個鐘直播，好開心同大家一齊經歷呢段時間。

如果大家想重溫內容，可以到patreon、podcast（建議spotify）、youtube睇返重播，聽下牛某嘅真心說話。其中，我提到一個頻道公告，係一個唔容易嘅決定，希望大家明白。

由於好多說話已經喺直播講咗，我喺度只係簡單講幾句。

四年時間，世界變化之大，實在令人難以適從，希望呢個小小嘅podcast可以陪你從風高浪急嘅轉變，得到一絲喘息空間；為你喺資訊氾濫嘅世界，細細閱讀前人智慧、當今發現。

而《牛哥講經》亦經歷咗好多變化，若然要強行搵出一個不變嘅地方，就係我依舊希望藉由用廣東話詮釋經典，為你，即便身在何處都好，都可以以廣東話聆聽、閱讀、思考。

來年希望繼續得到你嘅支持。再次感謝你嘅陪伴，希望我可以繼續用廣東話詮釋經典，畀你聽。

牛某

2025.06.13

本次章節：
00:29 一齊聽返第50集

01:13:51 正式開始回顧四週年
1:40:19 頻道公告
01:59:21 留言板
3:42:55 離別之情

原片：https://www.youtube.com/live/HV62oa7RN4Y

上次我哋講到西班牙殖民者同印加國王阿塔花普嘅故事，我哋會見到殖民者嘅優勢，大概可以講成《槍炮、病菌與鋼鐵》（雖然槍炮唔係主因），而我哋再上次講過，作者其實唔係最著意於呢啲近因，而係想搵出個終極因，今次，我哋就了解一下作者所關懷嘅終極因嘅背景知識，亦即係農業嘅背景知識。逢星期三夜晚九點直播（如有字幕，字幕由ai生成，我無時間檢查，如有需要，自行取用）本集章節：開講 00:00 第四章 農業與征服 10:22一，卡路里與人口 二，務農與定居三，作物與儲糧 四，原料複製五，騎乘萬物六，與病同存第五章 如何在歷史上領先群倫 51:55講講方法五個農源發源地閱讀材料：《槍炮、病菌與鋼鐵》🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

上集提到冷戰呢個緊張時期，以美國為首同以蘇聯為首嘅政治聯盟互不相讓，結果係盟友之間嘅內部關係變得堅壯，而美國同歐盟似乎成為咗穩固嘅政治、經濟隊友，共同提倡民主政治、自由貿易（當然，呢種自由貿易主要係開放畀西方內部）。不過，蘇聯解體以後，自由貿易開始出現較為明顯嘅反對呼聲。美國對於關稅嘅態度，亦有暗湧。即使民主黨嘅克林頓、奧巴馬喺在任期間有推動全球貿易，例如奧巴馬推動咗《跨太平洋夥伴關係協定》（TPP）。 但係，民主黨內部有唔少聲音反對自由貿易，特別係嚟自工會同銹帶（Rust Belt）嘅議員。因而，民主黨並唔係一面倒反對關稅，呢點我哋睇拜登在任期間對關稅嘅手段就可以知道，佢實際上係無全面取消到2016－2020特朗普時期嘅關稅，甚至喺某啲行業加關稅到100％，例如係電動車。我哋可以問嘅問題係：反全球化係咪勢在必行？既然係咁，我哋就要先了解全球化嘅好處同壞處到底係咩。今次，係有文有路嘅第10集，我哋會一齊繼續睇下《貿易大歷史》嘅作者點樣分析全球化嘅好與壞，最後會補充歷史學家哈拉瑞嘅睇法。依家，先由西雅圖戰役講起。本集章節：00:00 開講02:10 西雅圖戰役03:14 保護主義嘅真相12:30 自由貿易之無形好處15:00 自由貿易之無形壞處24:46 講講未來

逢星期三夜晚九點直播（如有字幕，字幕由ai生成，我無時間檢查，如有需要，自行取用）本集章節：00:00 開講12:06 背景知識24:20 阿塔花普落難記50:21 分析落敗閱讀材料：《槍炮、病菌與鋼鐵》

中國文化將講出嚟嘅哲學稱之為道。但中國文化唔係始於哲學。春秋戰國嘅諸子都知道，喺文字仲未發達嘅過去，有一個「不言之道」嘅時代。道，就係言說（概念），而不言之道就係言說之先嘅時代。唐君毅喺《中國哲學原論・原道篇》就指出，孔子雖然言道，但係佢依然「知有一不言之道在」。但係，不言之道嘅內容係咩呢？點解我哋依家對呢個不言之道如此陌生呢？因為孔子編寫《六經》，正正係將過去嘅不言之道隱藏，引導中國文化走上有言之道。佢要呈現一套唔講 God，只講聖人嘅新學說。要了解呢個不言之道嘅時代，就要透過考古證據、符號、甲骨文、文化對比，嚟揭露箇中嘅時代特徵。呢個課程會藉由李澤厚、余英時、徐復觀等學者嘅見解，構建出相對完整嘅「從巫師走到儒家」嘅歷程，從考古發掘、歷史重整、對比史料，重新搵出前《六經》時期，拼出一幅「不言之道」嘅圖像——一個巫師嘅世界。一齊睇下無「上帝」嘅文化，會點樣面對人生。透過認識這段不言之道的文化史，我哋會更加容易掌握中國哲學，對道、仁心、禮樂呢啲概念有一個更基本而清晰嘅理解。報名：https://www.hok6.com/course-group/590(Patreon會員有優惠，詳情請睇：https://www.patreon.com/posts/liu-yue-xin-li-130257049?utm_medium=clipboard_copy&utm_source=copyLink&utm_campaign=postshare_creator&utm_content=join_link）

原片：https://youtube.com/live/nS5Xl-7HQ9I

上次我哋講到作者認為人類族群之間嘅差異係源自於地理（環境），而終極因實際上就係有無可以畜養嘅動物。

今次，我哋就要由史前嘅人類演化講起，好快咁睇下人由非洲到全球嘅傳播路線，然後你會發現美洲同澳洲無可以畜養嘅動物並唔一定係偶然。而南太平洋諸島嘅特殊地理（千姿百態），令作者賈德・戴蒙認為係一個好好嘅地點作觀察。

本集章節：

00:00 開講

06:30 第一章 從伊甸園到印加帝國

更新世下之人類演化

10:00 三猿

21:14 五十萬年前之直立人嘅兩個重要分支

30:19 五萬年前之智人「大躍進」

48:26 大躍進後第一次擴張——澳洲

1:09:11 何謂起點優勢？

1:15:16 第二章，歷史的自然實驗

閱讀材料： 《槍炮、病菌與鋼鐵》

藉由前兩集嘅內容，我哋可以見到貿易發展史實際上就係邁向現代全球化嘅過程。全球化明面上帶嚟好多好處（尤其對消費者而言），但佢同時都埋藏咗好多國與國嘅衡突。二十世紀，甚至到今時今日，都仲有唔少衝突嘅實際原因係基於全球化。而當中一個衝突之處，就係港口。

今集係有文有路嘅第九集，我會同你睇睇全球化底下，港口點解會變得越嚟越重要；從歷史當中，我哋會見到港口往往係「危險地帶」——無論係戰亂定日常，佢都緊緊扼住全球貿易嘅咽喉。而未來將會出現嘅新航道，將會預告國與國之間嘅談判同衝突……依家，我哋先總結一下全球化嘅過程先。

逢星期三夜晚九點直播（如有字幕，字幕由ai生成，我無時間檢查，如有需要，自行取用）

每一本好書都想解決一個或多個問題，《槍炮、病菌與鋼鐵》要解決嘅問題係源自於一個新幾內亞（New Guinea）政治人物亞力（Yali）嘅問題：

「為什麼是白人製造出這麼多貨物，再運來這裡？為什麼我們黑人沒搞出過什麼名堂？」

{點解係白人整嘢、運過嚟賣，但黑人無整到啲咩出嚟？｝

｛點解係白人殖民黑人，而唔係黑人殖民白人？｝

呢個問題令作者賈德・戴蒙印象深刻，因為問題雖然簡單，但的確對於亞力嚟講係最基本嘅事實。明眼人都會見到，一般嘅新幾內亞人同歐洲人／美國人仲有好大差異——當時嘅新幾內亞仲係由澳洲治理，但努力爭取獨立。（今日，新幾內亞已經成為巴布亞紐幾內亞（Papua New Guinea），係一個自治政府。）

對於新幾內亞人嚟講，同歐美人嘅差異係直接而平面，因為佢哋嘅視角並無離開佢哋身處嘅土地。佢哋見到白人嚟到呢個地方，公然鄙視新幾內亞人，話佢哋「原始」、「落後」。呢種差異｛西方文明，非洲原始｝係一個基本事實，但係真實嘅原因卻好難說明。

有好多歷史學者已經放棄給予一個正面答案。而賈德・戴蒙本來嚟新幾內亞係為咗研究唔同鳥類喺新幾內亞嘅生活情況，要佢提供一個解答，可謂係強人所難。於是，「與亞力一席話後，這些年來，我一直在研究人類演化、歷史與語言的其他面向。經過二十五年，本書是為了回答亞力的問題而作。」本集章節：00:00 開講06:31 不平等何來？17:53 族群間有生物差異37:16 寒冷創意，熱帶遲鈍40:54 氣候乾燥之河谷低地44:55 研究西方殖民史49:40 作者計畫閱讀材料：《槍炮、病菌與鋼鐵》

「活人與死者都不需要擔心死亡，因為前者不受死亡的影響，後者則是不復存在。」

人對死亡或多或少都有啲直覺上嘅恐懼，今次我哋會睇下Shelly Kagan作為一個物理論者會點樣思考死亡嘅壞處，亦即係死亡之所以壞嘅原因——佢認為死亡之所以壞，唔能夠歸因於死亡令他人傷感，而係因為剝奪，因而呢種立場又叫做剝奪說。

物理論者嘅基本立場

死亡導致他人傷感

剝奪說

另外，古希臘哲學家伊壁鳩魯對於死亡有一個著名論證：

「所以，所有禍害當中最令人害怕的死亡，對我們其實毫無傷害，因為我們只要存在，就不受死亡的影響；而死亡一旦來臨，我們就不再存在。因此，活人與死者都不需要擔心死亡，因為前者不受死亡的影響，後者則是不復存在。」

Kagan會用兩種詮釋嚟理解伊壁鳩魯，我稱之為時間假設，以及存在者可載，不存在者不可載。然後我哋會睇下剝奪說會點樣回應伊壁鳩魯。以下係我分出嘅部分：

00:00 開講

04:25 物理論者嘅基本立場

18:24 死亡導致他人傷感

29:22 剝奪說回應伊壁鳩魯——死亡對邊個有害？ 54:20 事情成立，需要時間假設

1:04:36 存在者可載，不存在者不可載

1:13:52 剝奪說與未曾存在者

主流嘅觀點認為，如果想得到人生當中夢寐以求嘅嘢，例如係大隻、成功、財富自由、唔使煩惱、可以有多啲時間做自己鍾意嘅嘢……咁就唔使問阿貴，最好嘅方法就係設定確切目標。

好多年以來，《原子習慣》嘅作者詹姆斯・克利爾（James Clear）都係用呢一種方式面對習慣，亦即係話，將每一個習慣視為達成目標嘅手段，呢種就叫做目標優先嘅心態。經過年月嘅洗禮之後，佢發現到呢種目標優先嘅心態係一種誤入歧途，因為成果同自己所設定嘅目標係冇乜關係，而喺同自己遵循着系統息息相關。

系統同埋目標有啲乜嘢唔同呢？著名諷刺漫畫《呆伯特》嘅作者史考特．亞當斯講到：「目標是你想要達到的成果，而系統是讓你達到那些成果的過程。」

系統聽落去相當重要，咁咩係系統呢？

如果我係球隊教練，咁我嘅目標就係要奪得冠軍，而我嘅系統就係要徵集球員、管理教練同訓練模式。

如果我係企業家，咁我嘅目標就係建立起價值百萬美金嘅事業，而我嘅系統就係測試產品概念、請人、行銷

如果我係一個音樂家，咁我嘅目標就係演奏好一首歌，我嘅系統係管理練習嘅頻率、處理困難嘅部份、尋找指導者

有趣嘅問題係：如果我哋徹底無視目標，只係關注系統，仲能唔能夠成功呢？

作者嘅回答係，答案係肯定嘅。

以運動為例，但凡牽涉競技嘅運動嘅目標當然就係想隊波攞到高分，但係攞到高分唔係靠住望住個計分板就得。

「真正能帶來勝利的唯一方法，就是每天都進步。贏得三屆超級盃的美式足球教練比爾．沃爾希是這樣說的：「分數會顧好自己。」同樣的道理也適用於人生其他領域。想要更好的成果，就不要管目標了，把焦點放在系統上就好。」

目標能指引方向，但進步靠系統實現。過分專注目標而忽略系統，往往事倍功半，因為要進步就要靠系統。諗得太多個目標，而用太少時間去設計個系統，就會出現好多問題。

今集係十分鐘跟住《原子習慣》改變人生（3），我會同你一齊睇下點解作者要咁強調目標係方向、系統係進步——原來目標優先嘅心態，會令人陷入嘅四個誤區，使人追求目標會越追越攰。

「我們缺乏對話。」

當教宗方濟各諗起一個故事，佢就會如此感嘆道。

呢個故事喺教宗方濟各曾經所駐嘅教堂，首都主教座堂（ Metropolitan Cathedral）門面描繪住——約瑟同佢嘅兄弟重逢嘅故事。約瑟曾經被兄弟所賣，經歷入獄、誣蔑，最終因為解夢能力，成為埃及宰相，喺饑荒時期救返前嚟求助嘅兄弟，最終彼此以擁抱消融幾十年嚟嘅恩怨，然後佢哋向對方問到：「我的父親仍健在嗎？」

對於教宗方濟各嚟講，呢個故事對我哋嘅時代有重大嘅提醒，因為我哋生活喺一個築牆而非建橋嘅世代，人與人之間被錯誤資訊、蜚短流長、偏見、誹謗、中傷所分裂，習慣見到文化中嘅嘩眾取寵，而無辦法同他人完全坦誠、開放。無論係對話定係接觸，往往都會失敗告終。

不過，唔願意溝通並唔係人嘅天性，只係我哋唔容易放低阻礙自己同他人對話嘅身段，以霸道、唔願聆聽、挑釁言辭嚟阻隔自己同他人。

靠住首都主教座堂門面嘅重要提醒，喺跨宗教對話方面，教宗方濟各作為一個榜樣，同猶太教嘅思科卡拉比開啟對話——要知道，喺好長時間以嚟，猶太教同天主教嘅宗教領袖都無對話機會。

呢度補充少少天主教同猶太教之間喺歷史上曾經有過嘅張力。喺中世紀，歐洲嘅宗教衝突同誤解導致猶太人屢受迫害，甚至被指責為耶穌受難嘅「兇手」，令兩教關係處於緊張嘅狀態。直至二十世紀，梵蒂岡第二次大公會議（1962-1965年）通過《教會對非基督宗教態度》（拉丁語：Nostra Aetate），正式否定猶太人集體承擔耶穌之死嘅罪責，開啟兩教和解之路。但即使係咁，真正嘅宗教領袖對話仍然罕有。因此，教宗方濟各同思科卡拉比嘅會面，唔單止係個人友誼，更係跨越數世紀隔閡嘅歷史性一步。

而思科卡拉比係咁樣回憶兩者嘅會面：

「有一天，我們安排了時間與地點，讓兩個人可以坐下來好好聊一聊。我們討論的話題是關於生命本身，透過我們所處的社會、對世界的關懷，以及周遭環境中可以明顯感受到的善與惡來表達我們的觀點。我們兩人的交談完全屬於私人性質——如果你不把神的臨在算進來的話。雖然我們沒有口口聲聲提到神（也許應該要？），但我們感受到祂一直都在。 這樣的聚會後來固定舉行，每次都有不同的討論議題。有次聚會是在我的猶太會堂的辦公室舉行，我介紹那些裝飾在牆上的裱框，講到其中一個是偉大的思想家亞伯拉罕・約書亞・赫舍爾（Abrabam Joshua Heschel） 拉比的手稿，以及其它一些文件。 但我的朋友沒有在聽我說話，而只專注於掛在赫舍爾文件旁邊的一幅賀詞，那是幾年前他在猶太新年時送給這個會堂的。在我稍加整理一向零亂的辦公室時，我看到他仍然注視著那張有他自己簽名及日期的賀詞。我的好奇心油然而生。那一刻他的心中在想什麼？我把那張紙裱裝起來有哪裡特別嗎？我會將它保存並展示出來，是因為我認為那是一份跨宗教對話能在這世上達成的珍貴見證，是因為這個原因嗎？我沒有問他。有時，沉默的片刻本身就構成一種答案。」（頁15－16）

有一次，當佢哋喺教宗方濟各嘅辦公室傾偈，教宗方濟各因為想拎兩本關於拉丁美洲貧困議題嘅書畀思科卡拉比睇，轉身入到書房摷下書。呢個時候，思科卡拉比喺辦公室入面隨意張望，喺書架上見到一啲相，而其中，有一個相框裝住思科卡拉比送畀教宗方濟各嘅禮物——一張兩人聚會時影嘅相。

喺當刻，思科卡拉比就決定邀請教宗方濟各一齊將兩人傾談嘅部分內容寫成書。教宗方濟各回憶到：「當他提議將我們的一些對話彙集成書出版時，我衝口而出就說「好」。後來我獨自省思此事，我想，我會毫不思索地贊同，是因為我們這樣的對話已進行了一段時間，這段深刻的經驗鞏固了我們的友誼，也見證了我們雖有各自不同的宗教信仰，卻仍然可以並肩同行。」（頁12）

呢一本書係一個見證，顯示真誠嘅溝通終究能令兩個人、兩個文化、兩套思想建立關係。教宗方濟各講到：

「與思科卡拉比相處時，我從不需要折損我天主教徒的身分，他也同樣不需要委屈他猶太教徒的身分，這不僅是因為我們彼此尊重，也是因為我們對宗教交談的了解。這條道路的挑戰是：如何懷著尊重與關懷，與臨在的天主一同前行，力求完美無缺。本書就是對這條道路的見證。我將思科卡拉比視為我的兄弟、我的朋友。我深信，在這些心靈反省的過程中，我們兩人的心永遠都不會停止注視著主教座堂的那個門面，它是那樣強而有力，讓人滿懷希望。」（頁12）

今集，係有文有路嘅第八集，我哋打斷一下關稅系列，藉由佢哋嘅第一場對話——〈找尋天主的路徑〉，感受兩個宗教領袖點樣共同詮釋神與人嘅關係。內容有三個部分：

天主與路徑——兩個宗教領袖，會點樣一同用「路徑」呢個概念講述自己同神嘅關係？

約伯與看見——教宗方濟各認為約伯故事提醒人要親眼看見天主，而思科卡拉比補充到從約伯故事，正正見到神唔係單純賞善罰惡嘅電腦

禮物與任務——教宗方濟各指出天主為人提供禮物同任務，但只顧任務嘅人係得咗「巴貝耳症」（詳情內文再講）。思科卡拉比補充到《米德拉什》同《塔木德》點理解巴別塔寓言