Sterk saman

Hávarður Máni lést 2. september 2025 eftir að hafa verið fastur í geðrofi í rúmt ár. Hilma Dögg, móðir hans segir okkur söguna hans og ferlið eftir að hann lést.

Klara, móðir Anítu, sem nú er vistuð í einangrunarklefa á Hólmsheiði vegna plássleysis segir okkur frá stöðunni og meðferðinni sem dóttir hennar þarf að þola.

Óskar er þriggja barna faðir að vestan sem ólst upp við mikinn alkóhólisma, rótleysi og vanrækslu. Hann byrjaði ungur í neyslu til að deifa eigin vanlíðan og flýja raunveruleikann. Hann hefur verið í bata í rúm fimm ár.

Guðbjörg Inga sem var þekkt áður sem önnur af tvíeykinu Jói og Gugga er búin að vera edrú og í bata í 15 ár. Hún byrjaði ung í neyslu og segir okkur sína sögu.

Ísak er 25 ára strákur úr Hafnarfirði sem passaði aldrei inn í skólakerfið og lenti í einelti. Hann leitaði mjög ungur í neyslu og fann þar fyrst frið og upplifði að tilheyra.

Tómas er 38 ára tveggja barna faðir sem fæddist í Bandaríkjunum þar sem mikil neysla og ofbeldi, af öllum toga, einkenndi heimilislífið og hans uppvöxt. Hann á stóra, mikla og átakanlega sögu.

Fanney er 38 ára gift, tveggja barna móðir sem hefur þurft að eiga við kerfið vegna eldri dóttur sinnar en fær hvergi aðstoð.

Tinna er 41 árs gift, fjögurra barna móðir sem var ættleidd frá Sri Lanka. Hún var lögð í einelti í grunnskóla og um átta ára aldur ættleiddu foreldrar hennar 12 ára dreng sem misnotaði hana kynferðislega.

Hafdís Bára er tveggja barna móðir og mikil sveitastelpa sem hefur gengið í gegnum hreint helvíti vegna seinni barnsföður síns. Löngu og ömurlegu ofbeldissambandi lauk með morðtilraun af hans hálfu.

Edda Ósk lenti í klóm ofbeldismanns sem sýndi fyrst sína réttu hlið eftir að hún var orðin ólétt af dóttur þeirra. Síðan hafa liðið 12 ár af ofbeldi en hún lokaði á allt eftir að dóttir hennar var tekin með í fíkniefnaviðskipti í desember.

Kara hefur lent í röðum áfalla sem hún hefur verið að vinna í síðustu ár. Áföllin eru stór og ná yfir mörg ár. Í dag er hún þakklát fyrir sársaukann og lærdóminn en hún hefur verið edrú í 11 ár.

Hún er 44 ára fjögurra barna móðir og hjúkrunarfræðingur sem segir okkur frá ofbeldissambandi sem braut hana niður, sneri börnum og barnaverndarkerfinu gegn henni og börnum hennar.

Sindri Daði er 48 ára gamall faðir númer eitt, tvö og þrjú. Hann á stóra fortíð og sögu en frábært líf í dag.

Ragna Guðrún er 23 ára stelpa með BS í sálfræði. Hún er barn alkóhólista og faðir hennar tók eigið líf árið 2018 eftir harða baráttu við sinn sjúkdóm.

Ólafur Egill Egilsson er þjóðþekktur fyrir sín verk innan kvikmyndageirans og leikhúsanna. Hann er aðstandandi og hefur skoðanir á málefninu. Hann segir okkur sína sögu.

Bjartur Hrafn er 26 ára strákur sem ólst upp við erfiðar aðstæður og í fósturkerfinu frá átta ára aldri.

Björg Magnúsdóttir er 41 árs oddviti Viðreisnar í Reykjavík. Hún er á slæmri íslensku no bullshit kona sem vill láta verkin tala, koma inn og stytta alla ferla og setja fólk í fyrsta sæti. Við áttum gott spjall.

Tinna segir frá þessu ferli sem dómsmálið hefur verið eftir líkamsárás árið 2022. Hvernig kerfið vinnur með gerendum og gegn þolendum. Margt nýtt sem ekki hefur verið sagt frá áður.

Brynja Ýr Baugsdóttir er móðir drengs sem aðeins 17 ára lenti í alvarlegu ofbeldissambandi með 18 ára stelpu. Hún vill opna umræðuna um að strákar og menn lendi líka í ofbeldi.

Blanca, eins og hún kallar sig, flutti frá Vestmannaeyjum sjö ára eftir áföll. Hún byrjaði að deyfa sig með áfengi og hassi aðeins tíu ára.

Elín er 24 ára stelpa úr Garðabænum sem ólst upp við vanrækslu og andlegt ofbeldi. Hún þróaði snemma með sér fíknihegðun sem byrjaði með mat en endaði í áfengi og lyfjum eftir magaermisaðgerð.

Ingibjörg er móðir sem hefur gengið í gegnum margt. Hún fer ekki fögrum orðum um kerfið sem hefur brugðist henni og fimmtán ára syni hennar illa.

Barbie er 37 ára stelpa sem á stóra og átakanlega sögu frá því hún var skírð yfir kistu afa síns og til dagsins í dag.

Nonni Lobo hefur verið óstöðvandi í að berjast fyrir týndu börnunum eftir andlát sonar síns á Stuðlum. Hann þekkir stöðuna betur en flestir.

Þórdís Rögn Jónsdóttir hannaði og bjó til Bata - appið eftir að litli frændi hennar lést eftir ofskömmtun. Hún og samstarfsmenn hennar vinna í samstarfi við meðferðaraðila.

Steinunn er 44 ára aðstandandi.

Katarina kom þriggja ára til Íslands frá Rússlandi. Hún passaði ekki inn hjá jafnöldrum í skóla og upplifði höfnun. Kynntist manni frá Albaníu á Íslandi 18 ára og var í 8 ára ofbeldissambandi.

Klara er móðir Anítu sem hefur setið inni á Hólmsheiði síðan í september en þá var hún í tíu vikur í einangrun. Klara segir sögu þeirra og einelti af hálfu lögreglu sem spannar sjö ár.

Móðir sextán ára stúlku með fjölþættan vanda. Kerfið hefur brugðist, hún er komin í búsetuúrræði en hvað mun taka við?

Karen Ösp er 37 ára móðir, kennari og aðstandandi en bróðir hennar, Jón Einar, lést í október 2017 eftir langa baráttu við fíkn. Hún gefur okkur innsýn í líf aðstandandans og hans líf í baráttunni.

Förum yfir stöðuna í samfélaginu, hrátt og eins og hún birtist okkur. Hún er ekki góð nú í lok nóvember.

Steinunn er 33 ára, þriggja barna móðir og samfélagsmiðladrottning í bata frá fíknisjúkdómi. Hún hefur sterkar skoðanir á normæliseringu áfengis í okkar samfélagi.

María hefur barist við kerfið fyrir son sinn sem glímir við fíkn. Hún sendi hann í meðferð til Suður-Afríku sem var hvorki auðvelt fyrir hana né gerðu yfirvöld henni það auðvelt.

Gerður er móðir, eiginkona og leikskólakennari frá Akureyri. Hún segir sögu Hjalta sonar síns sem lést aðeins 22 ára að aldri eftir að kerfið hafði brugðist honum illa.

Silja er 33 ára, tveggja barna móðir sem hefur glímt við andleg veikindi frá unga aldri. Hún lenti í alvarlegu bílslysi á unglingsárum sem setti líf hennar og heilsu á hliðina. Hún nýtir sína erfiðu reynslu til góða í dag.

Ester er 43 ára, tveggja drengja móðir með áfallasögu. Yngri sonur hennar var týndur í lífinu þegar hann flæktist í vef ofsatrúarmanna á netinu. Hann hefur verið heilaþveginn og það var fyrir um sex mánuðum þegar vinur hans féll fyrir eigin hendi sem hann bað um aðstoð.

Vigdís er fædd og uppalin í Noregi. Eftir brösótt unglingsár varð hún móðir sextán ára. Sonur hennar glímdi við fíkn og lést aðeins 22 ára, í febrúar 2022.

Bragi Haukur er 34 ára faðir á einhverfurófi í bata frá fíknivanda. Hann hefur átt í mikilli baráttu við barnavernd síðustu ár eftir að barnsmóðir hans varð bráðkvödd í júlí 2022.

Steindór stofnaði nýlega samtökin STRAX í dag í minningu Bríetar Irmu og Almars, vina sinna sem féllu fyrir eigin hendi. Við viljum aðgerðir í geðheilbrigðismálum og kerfinu öllu, allt niður í litlu börnin.

Hvað er um að vera í samfélaginu? Gulur september, minnihlutahópar, ofbeldi, kerfið og allt hitt.

Eva María er 22 ára stelpa sem þróaði með sér alkóhólisma í framhaldsskóla, hélt honum niðri en veiktist aftur eftir barnsburð, þá rétt tvítug.

Áslaug Einarsdóttir er kona á besta aldri, hún er móðir sem hefur þurft að berjast mikið fyrir barninu sínu en komið að lokuðum dyrum í mörg ár. Hún er í bata frá fíkn eftir meðferð í Karabíska hafinu fyrir tveimur árum.

Kara er 32 ára kokkur og boxari sem á stóra og mikla áfallasögu. Hún hefur verið í bata frá fíknivanda í mörg ár og unnið mikla og erfiða áfalla- og sjálfsvinnu undanfarin ár.

Elísabet Long er 46 ára kona með 30 ára edrúmennsku. Hún hefur farið fyrir 12 spora starfi á Íslandi og var ein stofnanda Alano klúbbsins. Hún ólst upp við erfiðar aðstæður og hefur átt viðburðarríkt líf.

Júlía er 43 ára kona sem hefur sterkar skoðanir. Hún skrifaði meðal annars lokaritgerð í Hagfræði um það hvernig mætti spara peninga og hversu mikið það kostar okkur sem samfélag að framfylgja fíkniefnalöggjöfinni eftir.

Eva Marý er 28 ára stelpa úr Hafnarfirði sem hefur verið edrú og í bata frá fíknisjúkdómi í rúmlega ár. Hún hefur verið á svörtustu stöðum samfélagsing, flúði Konukot til að búa í tjaldi og upplifir nú frelsi í fyrsta skipti.

Bergur er 53 ára strákur sem hefur glímt við kvíða og þunglyndi frá unga aldri. 32 ára ætlaði hann að enda líf sitt en varð svo heppinn að ná að snúa lífi sínu upp í að elska sjálfan sig, með mikilli vinnu.

Sólrún er ein af þeim sem brennur fyrir málstað jaðarsettra. Hún var í hópi þeirra sem gerðu þættina Óminni og Fólk eins og við.

Sara er 32 ára, tveggja barna móðir sem hefur upplifað ansi mörg áföll á sinni ævi. Hún flúði mjög erfiðan raunveruleika á unglingsárum í neyslu.

Ég, Tinna, lenti í líkamsárás í vinnu í mars 2022 sem setti líf mitt á hvolf. Eftir sjö ár af mikilli uppbyggingu var allt tekið frá mér.

Ég fer yfir ferlið, kerfið og ýmislegt fleira.

Týndu börnin eru of mörg á Íslandi og úrræðin nánast engin.

Móðir 16 ára drengs sem hefur upplifað að kerfið hafi brugðist allt frá grunnskóla byrjun segir sögu þeirra.

Maggi Gnúsari er 36 ára úr Hafnarfirði. Hann ólst upp við mikinn alkóhólisma. Hann fékk heilablóðfall þriggja ára gamall og lifir með eftirköst þess. Hann á áfallasögu og segir frá lífi sínu í þættinum.

Ingunn er 46 ára móðir sem á áfallasögu frá unglingsárum, hún lenti svo í tveimur bílslysum sem enduðu með miklum taugaskaða og verkjaástandi. Hún hefur undanfarin tvö ár leitað sér bata og stefnir á opnun heilsuseturs til að aðstoða aðra í sömu stöðu.

Geir kom til pabba síns og Kötu, sem gekk honum algjörlega í móðurstað, aðeins tveggja ára. Blóðmóðir hans lést. Hann var tengslaraskaður og 16 ára lenti hann í líkamsárás sem setti af stað varnarkerfið hans og leiddi til neyslu.

Nonni er magnaður maður sem á stóra sögu. Hann ólst upp við alkóhólisma, þróaði með sér fíkn, sat inni og var í mörg ár í undirheimum Íslands. Saga hans einkennist af áföllum, sorgum og sigrum.

Þórdís er 56 ára móðir sem var alin upp við alkóhólisma og ofbeldi. Var misnotuð sem barn og lenti í miklu og grófu ofbeldi sem unglingur. Hún leitaði í áfengi en hefur verið edrú í 35 ár.

Svala kom að spjalla um nýja verkefni Matthildar samtakanna sem heitir Reykur. Við töluðum um margt neyslutengt og fleira.

Viktor er 25 ára strákur sem hefur verið í bata frá fíknisjúkdómi í tvö ár. Hann þurfti nokkrar innlagnir og meðferðir til að meðtaka að hann þyrfti að stoppa neyslu alveg og taka ábyrgð.

Gunnar Diego er 38 ára, þriggja barna faðir sem hefur verið á flótta undan sjálfum sér nánast alla tíð. Hann var alinn upp við alkóhólisma og vanrækslu, lenti í einelti, leitaði í vímuefni og það er aðeins byrjunin.

Lísa er sex barna móðir sem missti Helga, son sinn, fyrir tæpu ári síðan. Hann fékk sýkingu í hjartað vegna fíknar sinnar og lést á Landspítalanum. Hún er þakklát fyrir að hafa fengið tækifæri til að vera hjá honum og kveðja hann.

Margrét er á 77. aldursári og hefur lifað viðburðaríku lífi. Lífið varð þó allt öðruvísi en hún ætlaði sér enda mörg áföll.

33 ára gömul kona sem þróaði með sér fíkn eftir áföll á fullorðinsárum. Lenti í ofbeldissambandi og mætti miklum fordómum hjá lögreglu. Geðdeild var hennar síðasti kostur en þar mætti hún einnig fordómum og mjög vondu viðhorfi.

Sigurrós segir sögu Gunnars heitins, bróður síns, sem lést á Betra líf þann 16. febrúar 2022. Hann fannst tveimur sólarhringum seinna en eigandi Betra lífs hafði neitað að opna herbergi hans fyrr en lykt fór að berast þaðan.

TW! Áslaug María er mögnuð móðir í Garðabænum sem á stóra sögu. Hún ólst upp við alkóhólisma, vanrækslu og mikið ofbeldi af öllum toga. Faðir hennar nauðgaði henni frá 5-14 ára.

Atli er 33 ára strákur úr Breiðholtinu. Hann er yngstur af fjórum bræðrum sem ólust upp hjá einstæðri móður. Hann leiddist út í neyslu og mikla paranoju. Batahúsið hefur bjargað lífi hans.

Sigurrós Yrja er 42 ár fjögurra barna móðir að norðan í bata frá fíknisjúkdómi og átröskun, sem hún byrjaði að þróa með sér aðeins 10 ára gömul. Mögnuð kona með einstaka nærveru.

Eru það fordómar sem koma í veg fyrir að eitthvað róttækt sé gert í þessum málaflokki? Hvernig getum við byggt upp sterkari einstaklinga sem eru tilbúnari fyrir lífið?

Sólveig er 26 ára stelpa úr Laugardalnum. Hún hefur verið í neyslu í 10 ár og farið í nokkrar meðferðir án árangurs. Hún er komin á endastöð, að eigin sögn og á leið til Danmerkur í meðferð í byrjun desember.

Aþena er 23 ára lögfræðinemi sem á stóra sögu. Hún byrjaði ung í neyslu sem fór hratt niður á við með miklum og stórum áföllum.

Ólafur Ingi er fimmtugur faðir númer eitt, tvö og þrjú. Hann á stóra sögu áfalla, sorga og sigra. Hann fann sína lausn innan al-anon samtakanna þegar hann var orðinn fullorðinn.

Sigga er eiginkona og móðir sem alin er upp í alkóhólískri fjölskyldu. Hún talar um hvernig fjölskyldumynstrið litar allt hennar líf og hvernig hún hefur náð að halda sér í bata og fjarlægð.

Þórunn er ein af stofnendum Hampfélagsins, er með mikið ADHD og var hluti af síðustu kynslóð tossabekkja Hagaskóla. Hún veit allt um CBD og THC.

Hulda Fríða er mögnuð, 73 ára eiginkona, móðir, amma, langamma og uppkomið barn alkóhólista sem giftist einnig alkóhólista, í fyrra skiptið. Hún á stóra og mikla sögu.

Börn sett í úrræði með hálf fullorðnum einstaklingum sem sitja í gæsluvarðhaldi. Er það vegna þess að litið er á fólk sem notar hugbreytandi efni sem annars flokks? Allt breytt til hins verra eftir að Rótin tók yfir Konukot og ýmislegt fleira.

Berglind eða Begga hefur nú barist við kerfið í mörg ár en nú hefur sonur hennar, 11 ára, fengið greiningu eftir blóð, svita og tár.

Gígja er fertug móðir, dóttir og eineggja tvíburi sem á stóra sögu. Hún er hugsjónakona og vill réttlæti og virðingu stjórnvalda hvað varðar Laugaland, meðal annars.

Garibaldi er 26 ára strákur úr Garðabænum sem fór ungur að sýna áhættuhegðun og endaði í mikilli morfín neyslu. Hann er í dag í bata frá vímuefnavanda og segir okkur söguna sína.

Birna er fjögurra barna móðir og amma og á mann í fangelsi. Hún á merkilega sögu og hafa viðhorf hennar og verkefni mikið breyst umtalsvert síðustu ár.

Steindór sem er þekktur sem ADHD pabbi á stóra sögu en hefur snúið lífi sínu við og aðstoðar nú fólk sem markþjálfi meðal annars.

Erika fæddist í Bandaríkjunum og var yfirgefin af móður sinni aðeins fjögurra ára gömul. Hún ólst upp við mikla vanrækslu og allt kerfið brást henni og bróður hennar.

Berglind eða Linda eins og hún er kölluð hefur þurft að jarða tvo syni sína, Viggó Emil og Ingva Hrafn. Hún segir okkur söguna sína og þeirra.

Ívar er 41 árs, sex barna faðir og tónlistarmaður sem nýfarinn er að skrifa bækur. Flestir þekkja hann sem annan helming hljómsveitarinnar Dr. Mister & Mr. Handsome. Hann hefur snúið lífi sínu við og gert upp fortíðina.

Tinna skiptir um hlutverk í þessum þætti og fer yfir hluta af sinni sögu.

Guðbjörg er 44 ára kona sem þekkti ekkert annað en að flýja vanlíðan. Henni var sagt að hún væri ljót og feit. Hún var send að heiman 12 ára gömul og leigði herbergi. Þessi magnaða kona segir söguna sína í þættinum.

Andri Már er 34 ára faðir og verðandi eiginmaður sem á stóra sögu. Hann hefur verið í bata frá vímuefnavanda í 7 ár en áfallasaga hans byrjar í frumbernsku.

Sigrún er 45 ára, fjögurra barna móðir utan að landi. Hún ólst upp við alkóhólisma og fátækt. Hún þróaði með sér alkóhólisma eftir hjáveituaðgerð eftir að hún átti sitt fjórða barn.

Móðir sem barist hefur við kerfið með dóttur sinni, sem glímir við fjölþættan vanda. Hún segir barnavernd og BUGL hafa brugðist fjölskyldunni og segir sögu sína og þeirra í þættinum.

Fyrrverandi lögreglumaður sem brennur fyrir málefni jaðarsettra. Skrifaði mastersritgerð um stuðning við fangelsaða foreldra eða skort þar á.

Gunnar, sem er ekki hans rétta nafn, á risa stóra áfallasögu sem hann sagði frá í síðasta þætti. Í þessum þætti fer hann yfir bataferlið en hann varð edrú og fann lausn inni í fangelsi.

Gunnar, sem er ekki hans rétta nafn, á risa stóra áfallasögu og þróaði með sér fíkn á unglingsárum. Hann segir söguna sína í þættinum.

Freyr er fimmtugur eiginmaður og faðir sem hefur mikið unnið við fjölmiðla í gegnum tíðina. Við ræðum söguna hans og almennt um lífið.

Inga Hrönn er hlustendum kunn. Hún er tveggja barna móðir og segir okkur frá reynslu sinni af nýlegu falli, svokallaðri fallbraut og hvernig hún komst inn á geðdeild og er nú á leið í meðferð.

Kristel Ben er fertug eiginkona, móðir og verðandi amma sem á sögu áfalla, sorga og sigra. Hún lenti ung í misnotkun, ólst upp í alkóhólisma, var ung einstæð móðir og upplifði mikla fátækt svo eitthvað sé nefnt.

Guðrún Ósk er 33 ára, þriggja barna móðir úr Keflavík sem á stóra sögu áfalla og neyslusaga hennar byrjar þegar hún var aðeins 13 ára gömul.

Ingibergur er meistari!

Talia Mjöll er tvítug stelpa sem á stóra sögu sem aðstandandi. Móðir hennar hvarf úr lífi hennar í átta ár og á meðan bjó hún við mikið ofbeldi.

Jói Dagur er 35 ára og á magnaða sögu. Hann ólst upp við góðar aðstæður og mikinn kærleik en lenti í stóru áfalli aðeins sjö ára gamall.

Unnar er 33 ára, fjögurra barna faðir sem á stóra sögu. Hann hefur verið í bata frá vímuefnavanda í 8 ár og fer óhefðbundna leið í sínum bata. Hann byrjaði að fikta við neyslu 11 ára, var á sveitaheimilum þar sem var mikið ofbeldi sem mótaði hann og lenti nokkrum sinnum í fangelsum.

Súsanna er 32 ára eiginkona og móðir sem hefur þurft að takast á við ýmis verkefni og gert með miklu æðruleysi. Hún er í bata frá vímuefnavanda og hefur verið í fjölda ára ásamt því að hafa barist við krabbamein í mörg ár.