Fókus

Ólafur Laufdal og Dagur Gunnarsson eru báðir húðflúrarar en upphaf þeirra í bransanum er gjörólíkt. Á meðan Dagur byrjaði sem lærlingur á stofu, byrjaði Ólafur í bílskúr hjá foreldrum sínum með vél sem hann keypti erlendis.

Þessi þættur er fyrir alla en sérstaklega fyrir fólk sem hefur áhuga á tattúum. Við förum yfir rauð flögg í fari viðskiptavina og húðflúrara. Hvað skal varast, hvaða tattú er vinsæl í dag og rifjum upp stóra málið í fyrra þegar upp komst um tattúartista sem hafði verið að áreita viðskiptavin.

Aníta Ósk Georgsdóttir er móðir, dóttir, vinkona, eiginkona og svo margt annað. Hún er hárgreiðslumeistari að mennt og starfaði sem leiðbeinandi í grunnskóla áður en hún fór í veikindaleyfi. Í haust fer hún í starfsendurhæfingu hjá Virk og lítur hún björtum augum fram á veginn.

Aníta er hægt og rólega að læra að lifa upp á nýtt eftir að hafa verið greind með geðhvörf. Hún fékk greininguna eftir að hafa farið í fyrsta sinn í maníu í október 2022. Hún var þá stödd á Ítalíu með samstarfsfélögum sínum og endaði örmagna á sjúkrahúsi.

Í þættinum fer hún yfir sögu sína. Hún var greind með þunglyndi og kvíða fjórtán ára og lagðist fyrst inn á geðdeild þegar hún var ólétt af eldri dóttur sinni. Hún lýsir aðdragandanum að maníunni og hvernig hún var að trekkjast upp marga daga fyrir. Þó það hafi verið erfitt að ganga í gegnum þetta segist Aníta vera sterkari fyrir vikið og við greininguna hafi hún fundið meiri frið. Hún skilur sjálfa sig betur og líðanin er betri eftir að hafa loksins verið sett á rétt lyf.

Aníta var tvístíga að koma í viðtalið en ákvað að kýla á það til að sýna fólki að það er ekki dauðadómur að greinast með geðhvörf og að fólk með geðsjúkdóma lítur alls konar út. Hún segir að ef saga hennar geti hjálpað bara einni manneskju þá sé hennar markmiði náð. 

Söngkonan, laga- og textahöfundurinn Katrín Myrra Þrastardóttir er gestur vikunnar í Fókus. Hún fékk fyrsta ofsakvíðakastið sitt árið 2021, en fyrir það hafði hún aldrei glímt við kvíða eða einhvers konar andleg veikindi. Hún var á þeim tíma búin með jógakennaranámið, stundaði núvitund og hafði ferðast ein til fjölda landa. Það var því mikið áfall að vera greind með ofsakvíðaröskun (felmtursröskun) og þurfa að læra að lifa með því.

Katrín Myrra fer einnig yfir ferilinn, að þora að láta slag standa, konur í tónlistarbransanum og segir frá því hvernig líf hennar breyttist eftir að hún fór ein í ferðalag til Taílands, Balí og Víetnam.

Embla Wigum er ein stærsta samfélagsmiðlastjarna Íslands með rúmlega 2,7 milljónir fylgjenda á TikTok og Instagram. Hún er algjör snillingur með förðunarburstann og hafa myndbönd hennar slegið í gegn, mörg hafa fengið milljónir áhorfa, sum hver tugi milljóna.

Embla ræðir um áhrifavaldabransann í London, þar sem hún er búsett, upphafið á ferlinum, hvernig venjulegur vinnudagur lýsir sér, ráð fyrir aðra sem vilja fylgja í hennar fótspor og svo margt meira.

Alrún Ösp Herudóttir hefur verið mjög virk í BDSM senunni hér á landi um árabil. Hún ræðir um samfélagið, BDSM-hneigð, bindingar, samþykki, og traust. Þá ræðum við BDSM-partý hér á landi og hvað á sér stað á slíkum viðburðum og margt fleira í þættinum.

Það mætti segja að hjónin Katrín Bjarkardóttir og Stefán John Stefánsson séu sértækir fagmenn í draugagangi. Þau halda úti vinsæla hlaðvarpinu Draugasögur og ferðast með hlustendur um myrkustu horn heimsins. Þau eru gestir vikunnar í Fókus og ræða um það sem er fyrir handan, hvernig draugagangur lýsir sér, hvernig er hægt að losna við drauga, þeirra fyrsta reynsla að sjá eitthvað að handan og margt fleira. Þau fara einnig yfir reimda staði á Íslandi og eftirminnilegustu upplifanir þeirra, eins og þegar þau náðu röddum á upptöku í Hvítársnesskála eða þegar Stefán vaknaði við að sjá huggulegan prest standa yfir sér, sá maður dó fyrir mörgum árum. Allt þetta og svo margt fleira í Fókus.

Arna Vilhjálms sigraði Biggest Loser árið 2017. Hún fer yfir vegferð sína bæði fyrir og eftir keppnina, leitina að sjálfsást og hvernig tilfinningin var að komast loks á leiðarenda. Arna fer einnig yfir ákvörðun hennar að gangast undir efnaskiptaaðgerð, magaermi, allt ferlið og hvernig henni líður í dag. Arna ætlaði aldrei að verða þrítug, hún bjóst við að lífið yrði búið fyrir þann áfanga. Í dag er hún 33 ára, hamingjusöm í eigin skinni og spennt fyrir framtíðinni.  Allt þetta og svo margt meira í Fókus. 

Jóna Margrét skaust fram á stjörnusviðið í vetur þegar hún lenti í öðru sæti í Idolinu. Hressi persónuleiki hennar var smitandi í gegnum skjáinn en á bak við brosið hefur Jóna gengið í gegnum margt. Þegar hún var í kringum átta ára gömul fékk hún taugaáfall sem sneri veröld hennar á hvolf. Hún varð hrædd við allt og alla, fór ekki í bíl í sjö mánuði og þorði varla út fyrir hússins dyr. Það tók hana mörg ár að vinna úr áfallinu og þakkar hún fjölskyldu sinni fyrir að hafa komist í gegnum þetta. Í dag er hún á betri stað en viðurkennir að hún sé ekki hundrað prósent hún sjálf ennþá, hún á erfitt með að tjá tilfinningar en þar kemur tónlistin sterk inn. Hún finnur mikla svörun í tónlist og er það hennar sálfræðitími.

Daginn sem Móna Lind byrjaði á blæðingum vissi hún að eitthvað væri að. Nú tæpum tveimur áratugum síðar hefur hún gengist undir þrjár aðgerðir vegna endómetríósu og er öryrki vegna sjúkdómsins. Hún á tvær dætur og mætti segja að fæðing þeirra yngri sé lyginni líkast. Móna Lind segir frá mögnuðu heimafæðingunni og mörgu öðru í Fókus.

Athafna- og áhrifavaldaparið Hafdís Björg Kristjánsdóttir og Kristján Einar Sigurbjörnsson, kallaður Kleini, eru gestir vikunnar í Fókus, spjallþætti DV.

Parið hefur haldið sig til hlés frá sviðsljósinu undanfarna mánuði, sérstaklega Kleini sem hefur verið í pásu frá samfélagsmiðlum síðan í lok júlí í fyrra. Þau opna sig um síðastliðið hálft ár, hvað þau hafa verið að braska og bralla, hvað sé fram undan og margt fleira.

Gullsmiðurinn, einkaþjálfarinn og fitnesskeppandinn Unnur Kristín Óladóttir er gestur vikunnar.

Hún snýr til baka á keppnissviðið í maí eftir fimm ára pásu. Undanfarna mánuði hefur hún unnir hörðum höndum að byggja sig upp, bæði líkamlega og andlega, eftir mjög erfitt tímabil. Hún missti matarlyst, átti erfitt með að finna gleðina og brosa, hún hafði fjarlægst fólkið sitt og fann að hún var búin að ná botninum. Þá var bara eitt í stöðunni: Standa á fætur og rífa sig upp.

Unnur spurði sjálfa sig: Hver er ég? Við tók mikil vinna, bæði líkamleg og andleg, sem hefur skilað henni ótrúlegum árangri.

Hún ræðir þetta og margt annað í þættinum.

Fjölmiðlakonan og laganeminn Nína Richter var afburðanemandi í grunnskóla og ætlaði sér að verða lögfræðingur. En að vera í námi og borga leigu á sama tíma reyndist of erfitt og hún hætti í framhaldsskóla. Eftir að systir hennar lést úr krabbameini var hún týnd og fann enga fótfestu í lífinu í nokkur ár. Hún flutti um tíma til Spánar, kom síðan heim og byrjaði í kokkanámi, kláraði handritagerð og leikstjórann við Kvikmyndaskólann og var loksins byrjuð að finna sig. Metnaðinn hefur Nínu aldrei skort, stundum með aðeins of mikinn metnað en hún hefur alltaf fundist hún þurfa að sanna sig. Sjálfsmyndin sködduð eftir einelti í æsku en krakkar útsettu hana því hún fæddist með skarð í vör.

Árið 2019 var Nína komin á endastöð, búin að keyra sig í kaf í vinnu og var komin með lífshættulega blóðeitrun. Þá fékk hún vakningu að eitthvað þyrfti hún að gera öðruvísi. Spólum nokkur ár fram í tímann og nú er Nína í lögfræði við HR og náði svo góðum árangri síðustu önn að hún komst á forsetalistann.

Nína ræðir allt þetta og svo margt meira í nýjasta þætti af Fókus.

Umsjón hefur Guðrún Ósk Guðjónsdóttir

Styrktarþjálfarinn Rakel Hlynsdóttir lenti á vegg árið 2018. Hún var með mikið þunglyndi og kvíða en engum hefði dottið það í hug. Hún faldi sjúkdóminn vel og barðist við hann í hljóði. Það kom síðan tímapunktur þar sem hún varð að leita sér hjálpar því lífsviljinn var að hverfa en innst inni vissi hún að hana langaði að lifa. Rakel hefur alla tíð verið með mikið keppnisskap sem hefur meðal annars skilað henni góðum árangri í handbolta og ólympískum lyftingum. Þarna fann hún fyrir keppnisskapinu taka yfir, nú var keppnin að lifa og hún var ákveðin að sigra.

Rakel lauk endurhæfingu fyrir nokkrum mánuðum og lítur björtum augum fram á veginn. Hún ræðir um allt þetta og svo margt fleira í þættinum.

Glamúrfyrirsætan Alda Coco er gestur vikunnar í Fókus. Hún fer um víðan völl í þættinum og ræðir meðal annars um fyrirsætubransann, Einkamál.is málið svo kallaða, fegrunaraðgerðir og kjaftasögur. 

Ljósmyndarinn, hlaðvarpsstjórnandinn og áhrifavaldurinn Helgi Ómarsson var í ofbeldissambandi í átta ár. Það tók hann langan tíma að átta sig á því sem væri að gerast fyrir hann, en ofbeldið var andlegt og vissi hann ekki hvað gaslýsing og narsisissti var á þeim tíma. Með mikilli sjálfsvinnu er hann kominn á þann stað sem hann er í dag og berst fyrir vitundavakningu um andlegt ofbeldi. 

Ragga Holm ólst upp á ástríku heimili en þekkti aldrei blóðmóður sína. Þegar Ragga var 23-24 ára fékk hún vinabeiðni frá henni, en ákvað að samþykkja hana ekki. Nokkrum vikum síðar dó blóðmóðir hennar og var í fyrstu talið að hún hafi verið myrt. Það kom síðar í ljós að þetta hafi verið slys. Málið vakti mikla athygli og segir Ragga það hafa verið áfall að vera í búð og sjá mynd af móður sinni á forsíðu dagblaða. 

Nokkrum árum síðar ákvað Ragga að fara í áfengismeðferð en það var hrottaleg líkamsárás sem hún segir hafa markað ákveðinn vendipunkt í hennar lífi. Það var annað hvort að fara upp eða niður og hún hafi ákveðið upp. 

Heilsumarkþjálfinn og stjörnuspekingurinn Hera Gísladóttir fer um víðan völl. Hún skaust fram á sjónarsviðið fyrir áratug þegar hún og athafnamaðurinn Ásgeir Kolbeins byrjuðu saman. Hera er sterkur karakter með bein í nefinu og lét ekki slúðursögurnar hafa áhrif á sig, sérstaklega ekki orðróminn um að hún hafi látið fjarlægja rifbein til að grennast. 

Nú eru tíu ár liðin, þau eiga saman son og hafa staðið saman í fyrirtækjarekstri um árabil en hún segir lykilinn vera samskipti og deilir nokkrum góðum sambandsráðum.

Fyrir nokkrum árum fékk hún mikinn áhuga á stjörnuspeki, fyndið að segja frá því að þetta byrjaði allt þegar hún dró Ásgeir með sér í ræktina og reyndi að kenna honum ævintýralegar æfingar. Nú er hún með Orkugreiningu, ásamt unnustanum og stjörnuspekingnum Gunnlaugi Guðmundssyni. Hún segir það ótrúlegt hvað það geti hjálpað fólki mikið að fá stjörnukort sitt - eða orkugreiningakort - og það geti verið tól í að betrumbæta líðan og hámarka árangur. Allt þetta og svo margt meira í nýjasta þætti af Fókus.

Spákonan Ellý Ármannsdóttir gerir upp árið, hvaða lexíur hún lærði og hvað hún ætlar að taka með í næsta ár. Hún mætti með tarot-spilin og spáði fyrir nokkrum þekktum einstaklingum og stórum atburðum. Hún sagði meðal annars að það myndi gjósa, sem það gerði örfáum dögum síðar. Þátturinn var tekinn upp um miðjan desember. Ellý spáði einnig fyrir ríkisstjórninni og örlögum hennar... 

Rapparinn og áhrifavaldurinn Vigdís Ósk Howser Harðardóttir fer um víðan völl í þættinum. Við ræðum um Reykjarvíkurdætur-ævintýrið, sóló ferilinn sem tók við, deitmenninguna og hvenær best sé að sofa hjá, sjálfsástarferlið og margt annað.  

Bolli Már Bjarnason hafði lengi dreymt um að reyna fyrir sér í uppistandinu. Stuttu áður en hann varð 31 árs hugsaði hann: Ef ekki núna, hvenær? Hann auglýsti fyrsta uppistandið í vor og það hefur gengið vonum framar. Hann opnar sig um ferðalagið, föðurhlutverkið, hvernig það hafi verið að alast upp sem sonur tveggja presta og ýmislegt annað.

Söngkonan og lagahöfundurinn Dagbjört Rúriksdóttir drakk fyrst Breezer fyrir busaball í framhaldsskóla, með árunum ágerðist neyslan og endaði hún í harðri kókaínneyslu áður en hún varð edrú í desember 2019. Hún öðlaðist andlega vakningu stuttu síðar og hefur síðan þá unnið hörðum höndum að gera upp fortíðina og gangast við mistökum sínum.

Gunnar Ingi Valgeirsson er tónlistarmaður og hlaðvarpsstjórnandi sem vakið hefur athygli fyrir þætti sína, sem fjalla á óheflaðan hátt um vanda fíkniefnaneytenda á Íslandi.

Söngkonan Stefanía Svavarsdóttir ræðir um tónlistarferilinn, lífið, hvernig það var að vera einstæð móðir, ólétt og atvinnulaus í heimsfaraldri, hvernig hún leitaði sér hjálpar við meðvirkni og hversu hamingjusöm hún er í dag. 

Íþróttakonan og einkaþjálfarinn Margrét Edda Gnarr opnar sig um eineltið í æsku, baráttuna við átröskun og áfengisvanda, bataferlið og hvernig lífið hefur breyst eftir að hafa fengið einhverfugreiningu fyrir nokkrum árum.

Dr. Erla Björnsdóttir ræðir allt það helsta sem þú þarft að vita um svefn, hvað er að hafa neikvæð áhrif á svefninn, hvernig við getum bætt hann og útskýrir af hverju konur þurfa meiri svefn.  

Gestur þáttarins er dansarinn Hanna Rún Bazev.

Gestur þáttarins er tónlistarmaðurinn Júlí Heiðar.

Gestur þáttarins er Tobba Marinós athafnakona.

Umsjón hefur Guðrún Ósk Guðjónsdóttir.

Heiðrún Finnsdóttir ákvað að snúa blaðinu eftir að hafa verið send á sundæfingu með eldri borgurum á Grensás. Hún er þjálfari í dag með jákvæðnina að vopni, þrátt fyrir að hafa gengið í gegnum mörg áföll. Hún missti föður sinn og stjúpmóður í bifhjólaslysi á Kjalarnesi og segir erfitt að vita til þess að enginn vilji axla ábyrgð.

Gestur þáttarins er Ásgrímur Geir Logason sem heldur úti hlaðvarpinu Betri helmingurinn.

Umsjón hefur Guðrún Ósk.

Þórhildur heldur úti vinsælu síðunni Sundur og saman á Instagram og býður upp á námskeið fyrir einstaklinga og pör. Umsjón hefur Guðrún Ósk Guðjónsdóttir.

Gestur þáttarins er Gummi Kíró, umsjón hefur Guðrún Ósk Guðjónsdóttir.

Gestur þáttarins er Berglind Saga Bjarnadóttir sem er betur þekkt sem Saga B. Hún opnar sig um tónlistina, kjaftasögurnar og ferðalögin í nýjasta þætti af Fókus Umsjón hefur Guðrún Ósk Guðjónsdóttir.

Melkorka Torfadóttir er hársnyrtir, móðir og afrekskona í fitness sem hefur lagt mikla vinnu í að komast á þann stað þar sem hún er í dag. Hún náði að losa sig úr ofbeldissambandi og vann úr þeirri erfiðu reynslu með hjálp Bjarkarhlíðar, Stígamóta og Kvennaathvarfsins og segir sögu sína til að vekja athygli á mikilvægi þess að þolendur fái hjálp eftir að hafa komist undan ofbeldismanni sínum.

Gestur þáttarins er Kristín Sif Björgvinsdóttir útvarpskona. Umsjón hefur Guðrún Ósk Guðjónsdóttir.

Gestur þáttarins er ísdrottningin Ásdís Rán.

Umsjón hefur Guðrún Ósk Guðjónsdóttir blaðamaður.

Gestur þáttarins er Ásthildur Björt frá Black Kross Tattoo. Umsjón: Guðrún Ósk Guðjónsdóttir.

Gestur þáttarins er Atli Óskar, leikari og framleiðandi. Umsjón Tómas Valgeirsson.

Gestur þáttarins er Valgeir Elís, maðurinn sem sagði að Laddi væri látinn en hann hefur gengið í gegnum margt á ævinni. Valgeir hefur meðal annars farið í magaermisaðgerð í Lettlandi og svuntuaðgerð í Tyrklandi. Umsjón: Guðrún Ósk Guðjónsdóttir.

Gestur þáttarins er Margrét Hrafnsdóttir, kvikmyndaframleiðandi. Umsjón Lilja Katrín Gunnarsdóttir.

Gestur þáttarins er Steindi Jr., grínisti með meiru. Umsjón: Tómas Valgeirsson.

Gestur þáttarins er Helgi Steinar Gunnlaugsson, uppistandari með meiru. Umsjón hefur Tómas Valgeirsson.

Gestur þáttarins er Telma Huld Jóhannesdóttir leikkona, en hún hefur leikið í myndum á borð við webcam og Eden. Umsjón: Tómas Valgeirsson.

Gestir þáttarins eru Eyþór Gunnlaugsson og Sólrún Freyja Sen, sem framleiddu þættina Óminni ásamt öðrum, en þættirnir fjalla um vímuefnanotkun ungmenna. Umsjón Lilja Katrín Gunnarsdóttir. 

Gestur þáttarins er Patrekur Jaime, áhrifavaldur. 

Gestur vikunnar er Magnea Jónsdóttir sem segir okkur frá lífinu í LA.

Gestur þáttarins er Elli Egilsson, listamaður. Umsjón: Guðrún Ósk Guðjónsdóttir.

Gestir þáttarins eru Vigga Þórðardóttir og  Birkir Steinn Erlingsson fra samtökunum Anonymous for the Voiceless. Umsjón Guðrún Ósk Guðjónsdóttir.

Gestur þáttarins er María Birta Bjarnadóttir leikkona. Umsjón hefur Guðrún Ósk Guðjónsdóttir.

Gestur þáttarins er Berglind Saga Bjarnadóttir, eða @berglindsagab eins og hún er þekkt á Instagram. Umsjón Guðrún Ósk Guðjónsdóttir. 

Gestur þáttarins er Arnar Pétursson hlaupari. Umsjón, Lilja Katrín Gunnarsdóttir

Í þættinum ræða þær Tara Margrét og Erna Kristín um fitufordóma og líkamsvirðingu. Umsjón: Guðrún Ósk.

Embla Ósk Ásgeirsdóttir er gestur þáttarins að þessu sinni. Umsjón með þættinum hefur Guðrún Ósk Guðjónsdóttir. 

Gestur þáttarins er Hanna Rún dansari.

Gestur þáttarins er Snævar Sölvi Sölvason, leikstjóri kvikmyndarinnar Eden sem var frumsýnd nýlega. Umsjón; Tómas Valgeirsson.

Gestur þáttarins er Valgerður Árnadóttir, meðstjórnandi hjá samtökum grænkera á Íslandi. Umsjón með þættinum hefur Guðrún Ósk Guðjónsdóttir.

Gestir Þáttarins eru FÁSES meðlimirnir Laufey Helga Guðmundsdóttir og Ísak Pálmason. Umsjón Lilja Katrín Gunnarsdóttir.

Gestur þáttarins er Baldvin Z leikstjóri.

Gestur þáttarins er Lína Birgitta Sigurðardóttir, áhrifavaldur og viðskiptakona.

Gestur þáttarins að þessu sinni er Kristín Þóra Haraldsdóttir leikkona sem hefur gert það gott í myndum eins og Lof mér að falla og Andið eðlilega. Umsjón: Aníta Estíva Harðardóttir og Tómas Valgeirsson.

Föstudagsþátturinn Fókus er vikulegur þáttur í hljóði og mynd í umsjón dægurmáladeildar DV. Undir hatt dægurmáladeildar DV falla undirsíðurnar Fókus, Bleikt og Matur og því er óhætt að lofa því að efnistök verða fjölbreytt í þættinum.

Föstudagsþátturinn Fókus er frumsýndur í hljóði og mynd alla föstudaga á dv.is. 

Hægt er að horfa á þáttinn hér:  https://www.dv.is/spilari/fokus-sigga-dogg-05-04-19/ 

Umræðuefni Föstudagsþáttarins Fókus, hlaðvarpsþáttar dægurmáladeildar DV, eru fegrunaraðgerðir að þessu sinni. Gestir þáttarins eru þau Viktor Andersen og Alda Guðrún Jónasdóttir, en þau eiga það sameiginlegt að vera ófeimin að ræða um þær fegrunaraðgerðir sem þau hafa gengist undir. 

Föstudagsþátturinn Fókus er birtur í hljóði og mynd alla föstudaga á dv.is.