Stjörnuspeki – Orkugreining

Loftmerkin – Tvíburinn og Vogin Loftið – heimur hugmynda og tengslaTvíburi, Vog og Vatnsberi tilheyra loftinu. Loftið tengir saman, flytur upplýsingar og hugmyndir á milli fólks og lifir sterkt í samskiptum, tengslum og hugsun. En hvað gerist þegar loftið verður of mikið og við festumst uppi í höfðinu? Tvíburinn – hugmyndir, húmor og endalaust upplýsingaflæðiTvíburinn er forvitinn, fljótur, félagslyndur og þarf oft að hafa marga bolta á lofti. Hann miðlar, tengir fólk saman og sáir hugmyndum – en í niðurspíral getur hann farið í ofhugsun, slúður, leiða og lofað meiru en hann nær að framkvæma. Af hverju þarf Tvíburinn alltaf að „skreppa“?Það þarf eitthvað að vera að gerast. Nýtt fólk, nýjar upplýsingar, ný verkefni og nýjar hugmyndir. Tvíburinn getur verið eins og kónguló í miðju tengslaneti sem veit hver þekkir hvern, hvert á að fara og við hvern þarf að tala. Vogin – miklu ákveðnari en margir haldaVogin vill frið, fegurð, réttlæti og jafnvægi og er góð í að sjá fleiri en eina hlið málsins. Hún getur virst óákveðin vegna þess að hún vill fyrst vega og meta. Þegar hún hefur hins vegar komist að niðurstöðu getur hún verið mjög ákveðin – „stálhnefi í silkihanska“. Þegar friðarsókn Vogarinnar verður að meðvirkniVogin vill forðast átök og getur þess vegna látið of mikið yfir sig ganga, þagað og reynt að halda öllum góðum. Þá safnast orkan upp þar til hún springur eða fer í hina vogarskálina. Verkefnið er ekki að forðast átök heldur að læra málefnalega ákveðni og standa með sjálfri sér.

1. Hvernig væri heimurinn ef allir væru sama stjörnumerkið?Hvað myndi gerast ef það væru bara hrútar á jörðinni? Eða bara steingeitur, fiskar eða ljón? Það kemur fljótt í ljós hvers vegna við þurfum á öllum 12 merkjunum að halda – hvert þeirra hefur sitt hlutverk og saman mynda þau ákveðna lífskeðju. 2. Ljónið kann að tala – en kann það að hlusta?Ljónið hefur sterka þörf fyrir að tjá sig, segja frá og láta ljós sitt skína. En þegar tvö sterk ljón hittast getur komið upp ákveðið vandamál: Hver ætlar eiginlega að hlusta þegar báðir vilja segja söguna? 3. Dolly Parton – hvernig getur þessi kona verið Steingeit og Meyja?Sól í Steingeit, tungl í Meyju og rísandi Meyja hljómar kannski ekki eins og augljós uppskrift að glimmeri, risastórum hárkollum og showbusiness. En þegar líf Dolly Parton er skoðað betur kemur jarðarorkan ótrúlega skýrt í ljós: vinnusemi, skipulag, viðskiptavit, þúsundir laga og heilt viðskiptaveldi. 4. Af hverju sagði Dolly Parton NEI við Elvis Presley?Elvis Presley vildi syngja „I Will Always Love You“, en til þess hefði Dolly þurft að gefa eftir stóran hluta höfundarréttarins. Hún neitaði. Árum síðar tók Whitney Houston lagið og ákvörðun Dolly reyndist henni gríðarlega verðmæt. Stundum sést Steingeitin og Meyjan best þegar kemur að stóru ákvörðununum. 5. Stjörnumerkið þitt segir langt frá því alla söguna.Dolly Parton er frábært dæmi um hvers vegna ekki er nóg að spyrja: „Hvaða merki ertu?“ Þegar stjörnukortið hennar er skoðað í heild – pláneturnar, húsin og afstöðurnar – kemur miklu stærri mynd í ljós. Þar sjáum við bæði skemmtikraftinn, viðskiptakonuna og konuna sem hefur látið gríðarlega gott af sér leiða.

Guðni Gunnarsson er gestur þáttarins og að þessu sinni förum við djúpt í mátt orðanna, ábyrgð, vitund og það að taka aftur valdið í eigin lífi. Hvað er „guðníska“? Erum við heppin eða gæfurík? Hvað þýðir það raunverulega að vilja eitthvað – og hversu mikil áhrif hafa orðin sem við notum á veruleikann okkar? Við skoðum líka stjörnukort Guðna og veltum fyrir okkur hvernig sterk Sporðdrekaorka, Merkúr og Mars endurspegla manninn, hugsunina og lífsstarfið. Þáttur um sjálfsþekkingu, heimild, viðnám, gagnrýni og muninn á því að þekkja viskuna – og að lifa hana. Hér eru nokkrir punktar um efni þáttarins. 1. „Þú ert ekki heppinn – þú ert gæfuríkur.“Hvað ef „heppni“ er ekki til? Guðni setur fram áhugaverða sýn á muninn á því að vera heppinn, lánsöm manneskja og gæfurík – og hvernig við sjálf tökum þátt í að skapa aðstæður lífs okkar. 2. „Ef þú ert bara að reyna – ætlarðu þá í raun að gera það?“Það er gríðarlegur munur á mig langar, ég ætla, ég reyni og ég vil. Í þættinum er farið djúpt í orðið „vilji“ og þá hugmynd að raunverulegur vilji birtist fyrst þegar við framkvæmum. 3. Hversu mikið vald ertu búinn að gefa öðrum yfir líðan þinni?Símtal sem þú „verður“ að svara. Skilaboð sem þú „átt“ að bregðast við. Ásakanir eða skoðanir annarra sem þú hleypir inn. Hvar liggja mörkin milli samskipta og þess að afhenda öðrum valdið yfir eigin lífi? 4. „Gagnrýni“ þýðir ekki það sem við höldum.Að rýna eitthvað til gagns er eitt. Að ráðast á, ásaka eða rífa niður er allt annað. En hvers vegna tökum við skoðanir annarra svona auðveldlega inn á okkur – og þurfum við yfirhöfuð að gera það? 5. Stjörnukort Guðna útskýrir ótrúlega margt.Sól og Satúrnus í Sporðdreka, Venus í Sporðdreka, Mars í Vatnsbera og sterkur Merkúr. Kortið sýnir mann sem vill fara alla leið niður á kjarnann, umbreyta veikleikum í styrk og hefur lítinn áhuga á yfirborðinu.

Í þessum fyrsta þætti förum við yfir öll 12 grunnmerki stjörnuspekinnar. Þið ykkar sem viljið læra meira um stjörnuspeki ættuð að hlusta á öll merkin til að fá innsýn í hvernig þau eru í grunninn. Fyrir þá sem vilja svo stökkva beint í sitt merki þá eru hér tímapunktar fyrir þau hér. Inngangur        0:00 – 4:49 Hrúturinn        4:49 – 10.28 Nautið             10:28 – 16:03 Tvíburinn         16:03 – 25:07 Krabbi              25:07 – 30:01 Ljónið              30:01 – 38:41 Meyjan            38.41 – 47:47 Vogin               47:47 – 53:54 Sporðdreki      53:54 – 1:01:53 Bogmaður       01:01:53 – 01:10:14 Steingeit          01:10:14 – 01:20:35 Vatnsberi        01:20:35 – 01:25:45 Fiskur              01:25:45 – 01:32:38 Lokaorð           01:32:38 – 01:35:02

Í þætti vikunnar förum við yfir kortið hjá hinum magnaða Eckhart Tolle sem skrifaði bókina Mátturinn í núinu. Lítum sömuleiðis á kortið hjá markþjálfanum Tony Robbins ásamt fleiri pælingum. Skoðum svo niðurspíral seinni sex merkjanna: Meyja, Ljón, Krabbi, Tvíburi, Naut og Hrútur.

Í þætti vikunnar förum við yfir kortið hjá forstjóra Icelandair, Boga Nils Bogasyni, sem í vikunni fékk markaðsverðlaun ársins, sömuleiðis skoðum við kortið hennar Ingu Tinnu eiganda Dineout sem var verðlaunuð af FKA, félags kvenna í atvinnurekstri og svo er það tónlistarkonan Laufey sem vann Grammy verðlaun. Við skoðum svo niðurspíral sex merkja, en það eru: fiskur, vatnsberi, steingeit, bogmaður, sporðdreki og vog. Í næstu viku klárum við svo hin sex merkin.

Í þættinum berum við saman kort Dags B Eggertssonar fráfarandi borgarstjóra og Einars Þorsteinssonar núverandi Borgarstjóra og leggjum mat á mismunandi stjórnunarstíl þeirra og hvort það verði Reykjavík til hagsbóta að hafa fengið nýjan borgarstjóra.

Fyrsti vinur þáttarins er Halldóra Geirharðsdóttir ( Dóra Wonder ) sem segir okkur frá því hvernig stjörnuspekin hefur gagnast henni í daglegu lífi, starfi og í samskiptum, meðal annars við maka. Þessi þjóðargersemi sem Dóra er, stendur á tímamótum og hefur verið að vinna með Orkugreininguna sína síðustu mánuði. Þú getur fengið allar upplýsingar um Orkugreininu á heimasíðu okkar stjornuspeki.is og selfmastery.is   Hér eru punktar úr þættinum sem Dóra talar um:   „Ætlar að verða atvinnulaus í janúar“ „Óttast ekki gvervigreindina“ „Bannaði dóttur sinni að fara í prufur í Þjóðleikhúsinu“ „Les ekki gagnrýni þar sem hún hefur meitt hana“ „Braut framtönn um daginn á Bubbasýningunni og er hrædd um að slasast meira“ „Hefur fórnað framanum fyrir fjölskylduna“ „Var boðið að leika með SNL leikurum“