Nuuspod

Die Wes-Kaap word deur talle mense voorgehou as ’n paradys met ’n heelwat beter infrastruktuur as die ander provinsies in Suid-Afrika. ’n Mens sien dit oombliklik raak as jy ’n Wes-Kaapse dorp binnery. Skoon strate, strate sonder slaggate, netjiese dorpe. Maar die provinsie het ook sy kopsere. Een daarvan is werkloosheid en ’n tekort aan behuising. Die gevolg is onwettige grondbesettings en ander vorme van onwettige behuising. Beloftes van behuising deur die staat realiseer ook nou al jare lank nie. Mense sonder heenkome word dus net meer en die armoede al hoe groter. Nuuspod het Cloetesville in Stellenbosch besoek om self te sien hoe erg die probleem is en die verslag saamgestel.

Die verbod op sigaretverkope tydens fase vyf tot drie van die grendeltydperk het die onwettige sigaretbedryf ’n groot hupstoot gegee. Miljarde rand se wins is gemaak en die staat het ’n enorme verlies aan belastinginkomste gely. Die skrywer en oud-inkomstediensman, Johan van Loggerenberg, het aan Nuuspod gesê die verbod het ’n reeds wankelende stryd teen smokkelhandel verder verdiep, met nuwe rolspelers wat tot die kryt toegetree het.

Die skrywer en politieke kommentator Ismail Lagardien skryf in Daily Maverick dat die moontlikheid om president Cyril Ramaphosa te herroep, nie net wensdenkery is nie. Hy sê die ANC se geskiedenis dui daarop dat dit ’n werklikheid kan word. Volgens die artikel kan ’n groep in die ANC wat Radikale Ekonomiese Transformasie voorstaan, selfs met die EFF saamwerk om van Ramaphosa ontslae te raak. Die politieke ontleder prof. André Duvenhage, het drie maande gelede iets soortgelyk gesê, maar sy ontleding is nie positief ontvang nie. Nuuspod het in die lig van Lagardien se artikel met Duvenhage gepraat en aan hom gevra hoe sake in die ANC staan en wat president Cyril Ramaphosa se posisie in die party is.

’n Voortvlugtende plaasaanvaller en vermeende moordenaar is vasgetrek, ses jaar na die moord van Christine Robinson naby Thabazimbi. Dit volg na ’n suksesvolle FB-veldtog om die Zimbabwiër wat vir jare vrylik in en uit SA beweeg het, vas te trek. Die onafhanklike gemeenskapsveiligheidskenner Ian Cameron het aan Nuuspod vertel wat gebeur het.

Die DA het sy nasionale kongres as 'n aanlyn kongres vir 31 Oktober geskeduleer. Nuuspod het in die lig hiervan met die leier van die party, John Steenhuisen gepraat en aan hom gevra hoe so 'n kongres sal werk. Hy laat hom ook uit oor Helen Zille, plaasaanvalle, BLM en die ANC se swak hantering van Covid19

Toe Cindy Kruger (’n skuilnaam) van Alberton ’n week of drie gelede negatief getoets het na haar stryd met Covid19, het sy gedink sy is gesond. Wat sy inderdaad was, maar sy moes vinnig uitvind dat mense se persepsie oor die virus nie noodwendig ooreenstem met die feite nie. Sy is op Vrydag 24 Jullie gevra om die Spar in Brackenhurst, Alberton te verlaat omdat sy klante ongemaklik maak. Sy het aan Nuuspod vertel wat met haar gebeur het.

'n Groep gewapende mans het vanoggend probeer om 'n kerk in Centurion te beroof. Pastoor Kobus Erasmus wat die diens gelei het, vertel wat gebeur het.

Frans Pretorius, 'n diabeet van Roodepoort in Gauteng, is die week uit die hospitaal ontslaan na hy Covid19 opgedoen het. Nuuspod het aan hom gevra hoe hy nou voel.

Wimpie du Toit, die boer van Petrusburg wat die afgelope naweek wreed aangeval is, sê die meeste mense is eintlik goed Hy het aan Nuuspod vertel dat hy nog steeds hoop het vir die land,

Plaasaanvalle het die afgelope drie weke ontplof, en die ergste lê nog voor. Nuuspod het met Ian Cameron van Afriforum, Pieter Groenewald van die Vryheidsfront Plus en Annette Steyn van die DA hieroor gepraat.

Plaasaanvalle, bendegeweld op die Kaapse Vlakte, die rookverbod, Leon Schuster en Helen Zille is van die sake wat deur vandeesweek se paneel bespreek word.

Frans du Toit vertel aan Nuuspod hoe sy ma en broer wreed aangeval is.

Die verteenwoordigende begrafnisorganisasie Fira sê daar is minder sterftes as verlede jaar die tyd ten spyte van Covid19. Johan Rousseau praat met Nuuspod.

Die fliek Losing Lerato se draaiboek is tydens die Ramsgate Internasionale Filmfees bekroon as beste draaiboek. Nuuspod het die draaiboekskrywer Ricardo Arendse gevra om kommentaar te lewer op die groot toekenning.

Deksametasoon, vroue en kinders, die verloop van Covid19 in SA, VBS Bank, plaasaanvalle en Donald Trump is van die kwessies wat in vandeesweek se program onder die loep kom.

Eckard Potgieter speel plaaslike musiek en lewer kommentaar op nuusgebeure.

Piet Plagiaat gooi sy kennersoog oor van die week se nuusgebeure.

Die radioman Jody Hendricks verjaar op 22 Junie. In pleks can geskenke, soek hy bydraes vir minderbevoorregtes.

Freek Robinson, nuusleser, omroeper en skrywer,  en Jaco Kleynhans van die Solidariteit Beweging bespreek die week se nuus. Die Konstitusionele Hof se beslissing oor die Kieswet, Cyril Ramaphosa se posisie in die ANC, die DA se optrede teen plakkers en polisiegeweld word onder die vergrootglas geplaas.

'n Musiek- en kommentaarprogram deur Eckard Potgieter.

Mediaberigte die afgelope tyd sinspeel daarop dat pres Cyril Ramaphosa in 'n stryd om politieke oorlewing is. Prof André Duvenhage het 'n paar weke gelede al hieroor gewaarsku. Dit het tot 'n fel debat tussen hom en ander ontleders gelei. Nuuspod het hom genader vir sy reaksie op die jongste berigte.

In 1993 het die destydse minister van buitelandse sake, Pik Botha, 'n gedig aan Tossie Lochner, die radiojoernalis, geskryf. Gedagtig aan die tyd waarin ons leef, kon die gedig net sowel vandag geskryf gewees het. Luister hoe dra Tossie die gedig voor.

Die inperkingstyd in Suid-Afrika weens die Covid 19 pandemie het ‘n geweldige groot impak op wildboere en die jagbedryf spesifiek gehad. So sê die wildboer Wiaan van der Linde van Wintershoek Safaris in die Noord-Kaap. Die jagbedryf is met die aanvang van vlak 3 weer oop verklaar, maar menige wildboer is onseker oor die toekoms. Van der Linde het in die lig hiervan aan Nuuspod vertel wat hulle doen en hoekom dit moeilik gaan wees om weer kop op te tel.

Die leier van die Vryheidsfront Plus, Pieter Groenewald, reageer op skerp toename in plaasaanvalle die afgelope week, asook die feit dat plaaswagte weer mag patrolleer,na inperkingsmaatreëls dit verbied het.

Vier mans van Koster is die afgelope naweek dood in 'n riool-mangat op die dorp. Die vier het probeer om 'n drein te herstel wat die munisipaliteit agterweë gelaat het. Rosette Schoeman, voorsitter van die GPF vertel wat gebeur het.

Die sanger Adam Tas maak planne om landbouprodukte goedkoper op verbruikers se tafel te sit. Dit volg na hy weens 'n inkomstetekort agv die inperking begin het om groente te verbou en te verkoop. Hy het aan Nuuspod vertel hoe sy planne, in samewerking met Saai, gaan werk.

Die DA sê hulle is bly dat plaaswagte weer operasioneel mag wees in die lig van 'n skerp toename in plaasaanvalle die afgelope week. Plaaswagte kon ingevolge inperkingsregulasies nie die afgelope twee maande plase patrolleer nie. Die skerp toename in plaasaanvalle sedert vlak 3 in werking getree het, noodsaak plaaswagte om aktief in hulle omgewing te wees sê die DA se skaduminister vir landbou, Annette Steyn.

Ons praneel bespreek deurtrap die dood van George Floyd en antwoord die vraag waarom dit in SA ook weerklink. Die verskillende hofsake teen die regering se inperkingsregulasies kom ook aan die bod.

Hierdie week op die Volk Jou Ook bring Eckard Potgieter hulde aan Piet Botha wat op 2 Junie 'n jaar terug oorlede is.

Amerika en drive through strip clubs is in Die Nies

Emile Coetzee, 'n geskiedkundige aan Noordwes Universiteit, vertel hoe die gang van SA se geskiedenis in vier verskillende jare op 31 Mei verander is. 'n Boeiende stukkie geskiedenisles.

Kallie Kriel van Afriforum reageer op die hofsaak wat die organisasie gewen het teen gedwonge kwarantynmaatreëls

Piet Plagiaat, 'n ou bekende in 'n nuwe gedaante, het by Nuuspod aangesluit met 'n weeklikse Niesberig.

Die politieke ontleder dr Pieter Mulder, joernalis Jean Oosthuizen en onderwyskenner Danie van Wyk gesels oor die week se nuus. Terug skool toe, oop kerke, rassespanning in Amerika en plaaslike politiek is op die agenda.

Die minister van basiese onderwys, Angie Motshekga, sal na verwagting vandag afkondig dat skole se opening met nog 'n week uitgestel word. Jaco Deacon van Fedsas het met Nuuspod gepraat.

In dié episode speel Eckard Potgieter 31 songs waarvan 28 Afrikaans is. Hy probeer ook uitwerk wat gaan gebeur by n kerk as die polisie daar aankom en daar is 51 mense by die diens. .

Terwyl die land se drinkers gereed maak om drankwinkels te oorval ma streng beperkings die afgelope tyd, vertel Tossie Lochner waar die Italiaanse wyn Est! Est! Est! se naam vandaan kom.

Die toenmalige staatsman Jan Smuts se geboortedag 150 jaar gelede is die week op 24 Mei herdenk. Emile Coetzee, 'n geskiedkundige aan NWU, gee 'n oorsig van Smuts se lewe.

Die omroeper Nic de Jager, wat die gewilde Nic se goed op RSG aanbied, het onlangs 'n ATKV Mediaveertjie gewen vir sy program. Nuuspod het hom gevra hoe hy die inperkingstydperk hanteer, waarmee hy sy tyd verwyl en wat hy van die Coronavirus dink.

Nege mense is dood weens tuisgemaakte alkohol die afgelope naweek. Dit volg na die streng verbod op die verkoop van alkohol tydens die staat van inperking. Verskeie ander mense is ook in die tyd weens dieselfde redes dood en noodeenhede by hospitale sê daar is 'n toename in gevalle met simptome verwant aan tuisgebroude alkohol. Nuuspod het die wynmaker Bertus van Niekerk gevra wat mense moet doen om veilig te bly.

Dana Snyman plaas hom in die skoene van rokers.

Die bekende wynskrywer Emile Joubert het pas na 'n stryd met die Coronavirus uit die bed opgestaan. Hy het met Nuuspod daaroor gepraat.

Wêreldwyd word al hoe meer stories vertel van eienaardige gedrag wat sommige diere tydens die staat van inperking openbaar. In die bydrae vertel Johan Mocke van 'n duif wat tydens sy oggendwandeling nadergestaan het vir 'n geselsie.

Flip Buys van die Solidariteit beweging, Johann Abrie van Modimolle en Alida Kok van Akademia bespreek die week se nuus.

Volk jou ook en Nuuspod vat hande. Lekker, hoendervel-oomblikke, saam met een van Afrikaanse musiek se doyens, Eckard Potgieter.

Die voormalige medewerker van Monitor en Spektrum in Italië, Tossie Lochner, het na 'n koerantberig in Beeld besluit om aan Nuuspod raad te gee oor opnames. In die proses onthul sy watter vreemde "ateljee" sy in Italië gehad het. En wag vir die einde ... ja, sy sê dit!

Grendelgramme, 'n minister met 'n plan is beter as een met 'n gun, drognuusdissipels, ID bedrog om voor in die drankwinkel se ry te staan en 'n muis wat jou wrintiewaar 'n berg baar is die week op Nuuslem se agenda.

Talle onderwysers het laat blyk dat hulle bang is om terug te keer skool toe. Ryk Brink, 'n onderwyser in die Wes-Kaap skryf op Facebook: I thought I was doing OK with the whole situation until today. My wheels came off. I have to choose between risking my health and life and earn an income (with high risk of exposure to the virus at school) or to use some of my retirementfunds, lower my risk by isolating most of the time at home for the next year - and hope for a vaccine by June 2021. After that I can teach again. I now have to assess what is going to be the best for my health and well-being in the long run. I have until the first of June to decide... Hy deel in die bydrae sy vrese met Nuuspod

Verskeie foto's en video's met gerugte van 'n Chinese militêre inval is die laaste ruk in omloop. Die gewaande inval word ook met die Coronavirus-pandemie verbind. Kaptein Jaco Theunissen van die weermag sê egter dit is alles drognuus.

Die minister van basiese onderwys, Angie Motshekga, beledig die onderwysstelsel sê Fedsas. Dit volg na Motshekga Woensdagaand afgekondig het dat graad 7 en 12 leerlinge op 1 Junie teruggaan skool toe. Die minister het 'n konsortium aangewys om die proses te fasiliteer. Jaco Deacon van Fedsas sê die minister erken hiermee dat die departement nie in beheer is van die plan om kinders te laat terugkeer skool toe nie.

Veterane van die ou Suid-Afrikaanse Weermag is vasgevang in ellendige omstandighede sonder kos en behoorlike versorging. So sê die Veterane Bystandfonds wat deur oudlede gestig is om dié oudsoldate by te staan. Talle van hulle gaan boonop gebuk onder post-traumatiese stres wat nooit behandel is nie. Die bystandfonds sê hulle probeer om landwyd hulp te verskaf. Nuuspod het met die fonds se beskermheer Philip Moolman gepraat.

In dié episode gesels Jan-Jan Joubert, Leon Wessels en Johan Booysen oor magsvergrype deur die polisie, die opheffing van die inperkingstydperk, die president se laaste toespraak en die oënskynlike stilte van die EFF.

Dr Piet Croucamp, politieke ontleder aan Noordwes Universiteit, erken dat hy en ander ontleders dalk onprofessioneel was in hul reaksie op 'n mening van prof André Duvenhage. Maar ...

Die politieke ontleder prof André Duvenhage sê die radiostasie RSG se objektiwiteit is nie wat dit moet wees nie. Hy beskuldig ook mede-ontleders van onprofessionaliteit. Dit volg na Duvenhage op twee van RSG se programme sy mening oor die ANC en pres Cyril Ramaphosa moes verdedig teen wat hy meen 'n georganiseerde aanslag was.

‘n Sakekonsultant van Suid-Afrika, Mariheca Otto, is pas terug in die land na sy vir agt weke in Bali ingeperk was. Otto is tans vir twee weke kwarantyn in Sandton, Johannesburg. Sy het aan Nuuspod vertel hoe dit gebeur het dat sy in Bali ingeperk was.

Die adjunk uitvoerende hoof van Agri SA, Christo van der Rheede sê koshulp hoef nie na staatspakhuise gestuur te word nie. Daar bestaan nie sulke regulasies nie. Daar bestaan talle ander maniere om kos te versprei, sê Van der Rheede aan Nuuspod.

Die hoteleienaar Deon Steyn, van Magoebaskloof, sê hy is dankbaar oor Solidariteit en Afriforum se moontlike regshulp. Dit volg na hy nie in aanmerking kon kom vir Covid19-hulp nie omdat sy hotel nie aan BBBEEE vereistes voldoen nie. Steyn sê hy het die kwessie met min Tito Mboweni bespreek.

Solidariteit en Afriforum gaan die hoteleienaar Deon Steyn bystaan om geldhulp te kry. Rapport het gister berig dat Steyn se hotel in Magoebaskloof bykans al sy werkers moes laat gaan omdat Steyn nie vir Covid19-hulp kwalifiseer nie. Die hotel voldoen glo nie aan BBBEEE vereistes nie. Dirk Hermann van Solidariteit sê hulle regspan vergader reeds vandag om te kyk na verskeie regsopsies om namens Steyn op tree, insluitende die moontlikheid om hom ook deel van die grondwethof-aansoek te maak.

Nuuspod se weeklikse nuusbesprekingsprogram waar nuuslesers en luisteraars, nuusmakers en ontleders die week se nuus saam bespreek. In vandag se episode praat Nuusbril met Helen Zille, Ricardo Arendse en Liela Groenewald.