SBS Kirundi - SBS mu Kirundi

Karave Nyandwe talks about the process required to obtain a driver’s license in Australia. - Karave Nyandwe aratubwira intambwe yaciyemwo kugira aronke uruhusha rwo kunyonga umuduga muri Australia.

Mw'ikoraniro kaminuza ry'umugambwe CNDD-FDD, Jenerari Majoro Evariste Ndayishimiye niwe yatowe kugira azoserukire umugambwe mu matora y'imirije yo muri Rusama, 2020. Woba uzi abandi bamaze kwemera k'umugaragaro yuko bazitoza murayo matora?

Mbega Abarundi, Abanyarwanda eka n'abandi banyamahanga boba bahimbaza gute umusi wiswe Australia day? Hoho mbega uwo musi bose bawubona kimwe? Umviriza ico aba na bariya bawiyumvirako. Mugihe bamwe bashima, abandi bavuga yuko abaje ubwambere muri Australia batwaye baranazimanganya uburenganzira bw'abasangwabutaka.

Habonetse igipfungu c’umwotsi kinini cane mu kirere kitari bwigere kiboneka mu gisaga c'intara ya Victioria muri rino ci. Uwo mwotsi nyene wari mu kirere watumye umukinyi wa Tennis akomoka mu gihugu ca Slovania azwi nka Dalila Jakupovic yiyonjorora mu rukino yariko arakina rumuha uburenganzira bwo kubandanya iryo higanwa.

Uwahoze ari Papa Benedigito XVI yongeye kwemeza yuko atampinduka ashigikiye rijanye no kurekura aba patiri kurongora. Ashikirije aho ahagaze mu gihe Papa Francis we, ashobora guha amahirwe abarongoye akabahezagira nkaba patiri.

Abantu benshi bahitamwo ubwenegihugu bwa Australia. Abantu barenga imiriyoni zitanu nibo bamaze guhabwa ubwenegihugu kuva 1949.

Kuba mu gihugu ciza, gifise inzuzi, ibiyaga n’inkombe ntaworeka kwipfuza kumenya ingene wogendesha ubwato ukaniga kuroba. Ivyo navyo bikaba ari bimwe mu bikorwa abanye Australia bakunda kurusha. Ariko hamwe n’uko kuryoherwa, birafise ikiguzi kijanye n’ukwitwararika hamwe n’ivyankenerwa, n’amategeko bijanye mu ntumbero yo gukingira abo muri kumwe n’abandi bose.

Jeremie Ngendakumana avugira umugambwe mushasha PDG-Girubuntu yaganiriye na SBS Kirundi aho yavuze yuko uwo mugambwe ngo uje guharanira demokarasi hamwe n'intwaro ibereye. Uyo mugambwe ukaba ugiye gushiraho umuco w'ubuntu kuko ngo woba uriko uratakara mu bantu, ivyo vyose bikazoshira imbere intwaro ibereye eka mbere no gushinga amabanga umuntu abifitiye ubumenyi.

Inyabwonko zahawe ubwenge bw'ubuhimbano ubu zirashobora gupima no gutora kanseri ifatira mu mabere zitibeshe na gato hifashishijwe " mammogram''

Inzu zirenga 1500 nizo zimaze gusha zigatokombera mu ntara ya New South Wales, muri kino kiringo c’imiriro, hamwe n’izindi zigera 653 zononekaye. Ihuriro ry'amashirahamwe ajejwe gukingira impanuka avuga yuko ibimaze kwononekara bigera ku miriyoni 700 z'amadorari y'amanye Australiya

Imihana yaraturiwe, abantu baricwa abandi barahunga. Bamwe mubarongoye abandi mu Minembwe bavuganye na SBS Kirundi barayibwira ivyo bipfuza bivuye ku mpande zose. Muriki kiganiro muraza kwumva ingene aba n'abariya batungana urutoke ku biriko bibera mu Minembwe ariko kandi bose ngo ico bipfuza ni kimwe kandi bagihurijeko. None ngo habuze iki ngo bije mu ngiro?

Ni urudandazwa rudasanzwe kandi rwahiriye abatari bake mu bafasha abantu kurondera impapuro z'ubwimukira zo muri Australia. Hamwe n'ivyo hariho n'abandi barya amafaranga y'abantu babizeza nya viza ku buryo bisigaye vyagwiriye. Kubw'amategeko ahari ubu, nta vyinshi ategekanya mu gukingira abashikiwe n'ubwo buriganya.

Reta ya Australia mu gutera intege aba dogiteri ba baga abantu, abubatsi, abacungera inyamaswa, abahinga muvya siyanse, blacksmiths, abavuza imiti kama yashizeho viza nshasha ku bipfuza kuba no gukora hagati mu gihugu. Itegeko ry'iyo visa rigasaba yuko utegerezwa kuba hagati mu gihugu ikiringo c'imyaka itatu imbere yuko basaba uburenganzira bwo kuba muri Australia kuri viza izwi nka permanent resident.

Ivyatanguye nk'ubusuma bw'intungwa bigeze mu bw'icanyi. Muri komine Minembwe ibihumbi vy'abasanzwe baba murako gace bamaze guteshwa izabo, abarenga ijana bamaze guhitanwa niyo migwano.

Indwara ya kanseri ibangamiye abanya Australia haba mu gihe co mu ci canke igihe bari mu bikorwa akenshi bibera hanze yo mu nzu. Ubwo irindi ci ryegereje, hariko harakoreshwa uburyo bwose bushoboka bwo kwigisha abantu ingaruka ziyo ndwara ifatira ku rukoba n'ingene boyirinda.

Mu gihe amashuri, ibiro vya reta nivy'abikorera utwabo vyugaye, inzu zirenga amajana zimaze gusha mu bice bimwe bimwe mu ntara za New South Wales na Queensland kubera imiriro ya Nyakanga. Bamwe mu bamaze gushikirwa niyo miriro baragira inama abandi. None n'ibiki ukwiye kumenya?

Abimukira hamwe n'abafise viza z'agateganyo ni bamwe mubakubagurwa mu kazi kabo. Nubwo bimeze gutyo bakaba bagiye kugira uburenganzira bwo gufashwa ku buntu mu gihe bituye ubutungane mu ntara ya New South Wales. Ubwo butungane buzofasha abageramiwe cane kurusha abandi bari muri Asutralia nk'abakozi mbere banabamenyeshe uburenganzira bwabo co kimwe no kubafasha barihwe amafaranga batarishwe.

Patrick Rufangura ariko ararangiza ivyirwa vyiwe vya PhD kuri kaminuza imwe muri Sydney, yakoze ubushakashatsi bushobora guhindura amateka y'isi mw'isuzumwa ry'indwara harinze gufatwa amaraso. Ng'uku uko yabisiguye.

Iyo visa ihabwa impfumvyi izwi nka Orphan Relative visa (subclass 117) n'imwe muri visa abimukira bashaka kuba muri Australia bosaba. Ariko ikibazo ni, Ni nde yemerewe kuyisaba? Asabwa iki?

Mu gihe ingingo zo kurwanya COVID-19 zakuweho, bamwe batekewe n'ubwoba bwo gusubira mu buzima busanzwe. Menya bimwe ukwiye kwirinda kugira ngo udahava usanga wuzuranye ifaranga, ukabura abawe.

Inyuma y'umwana urenga umuririmvyi A.T.M JEFF adakora cane, uwo muririmvyi arahishura ingene umuziki wamufashije mu gihe yari yataye ivyizigiro vyo kuririmba inyuma y'isanganya ryahatswe kuzimanganya ubuzima bwiwe.

Abakiri bato mubanye Australia babandanya bisokora murico gisata ku rugero ruteye amakenga. Ivyo bikaba vyatumye ababijejwe eka n'amashirahamwe yandi guhamagarira reta ngo ikore ibishoboka ico gisata gihurumbirwe.

Wari uzi yuko wotozwa ihadabu muri Tasmania kubera gukoresha GPS kuri terefone yawe uri mu ngendeshwa. Turabashikiriza amategeko y'ibarabara atazi ariko yogufasha kwirinda kwica amategeko mu ma barabara yo muri Australia.

Muri Australia havugwa yuko hashobora guhagarikwa ubwoko bugera umunani bw'amabere batera mu bakenyezi, kuko ayo mabere ashobora kuba intandaro y'indwara ya cancer ifatira mu maraso, ariko gushika ubu ivyo bikaba bikiriko biratohozwa.. Ikigo Therapeutic Goods Administration (TGA) cavuze yuko kibaye gihagaritse igurishwa ryayo mabere mu kiringo c'amezi atandatu.

Umwana umwe kuri bane mu baba muri Australia baranyuzurwa ku mashuri aho biga. Nk'umuvyeyi birashobora ku kugora mu kumenya ico wofata mu gihe umwana wawe anyuzuwe canke mu gihe anyuzura abandi. Uko biri kwose ni vyiza kugenda kurondera ubufasha kubahinga bakakugira inama.

Inyuma y'amezi arenga ane, kominote zo muri NSW na Victoria zashize imbere izo zizobanza gukora ubwa mbere zihuye inyuma y'amezi atari make kubera ingingo zo kurwanya ikiza. Menya bimwe muvyo bashize imbere kurusha ibindi.

Ingaruka mbi ikiza COVID-19 gisiga mu mubiri w'umuntu zirutwa n'ivyiza uruncanco rumuha. Benshi muba ny'Afrika batanguye kurinduka mu kwikingiza, aho mu misi iheze ngo wasanga no kubiyaga hagati yabo atari ku bwinshi. Kurikirana Muganga Ndayisaba uko yasiguye.

Woba uzi amagara y'umutima wawe? Ni vyiza ko umenya inyishu yavyo kuko indwara y'umutima ihitana benshi muri Australia. Ivyigwa vyo mu 2017 vyerekana yuko umwe mubanye Australia batatu ntibazi ibimenyetso vyibanze.

Inyuma y'imisi irenga ijana- imiryango yaratandukanijwe n'ababo, abikorera utwabo barugara, abarenga 350 barapfa, ariko ibintu vyasubiye mu buryo kuri bamwe, none bamwe n'abandi bafise ivyihuta kurusha ibindi bagiye gukora. Ng'ibi.

Abantu bafise indwara zo mu mutwe akenshi bisanga bagize ubumuga bwo k’umubiri. Zirengangijwe, indwara zo mu mutwe zirashobora guteza ibindi bibazo bikomeye cane. Ariko habonetse ubufasha ku gihe, umuntu arashobora gukira akaba mu zima kandi agakomera cane.

SBS yatanguje igikorwa gisubiramo serivsi z’indimi ikoreshwa mu gihe ico kinyamakuru citegurira guhimbaza imyaka 50. Ivyo vyigwa bizokoresha ivyavuye muri rusansuma kugira ngo bifashe itunganywa z’indimi zizokoreshwa mu myaka itanu iza.

Imbuga hwaniro (Social media) zahinduye ubuzima bwa benshi kuba bwiza, ariko kandi zihungabanya mbere zinamugaza benshi burundu. Ariko wari uzi yuko woshobora guhindura ikoreshwa ryazo bigahindura umwimbu w'ubuzima bwawe? Umviriza uko vyogenda.

Muri Ntwarante 2021, ibitigiri vy'abafise 'Bridging' viza muri Australia vyariyongeye ku rugero rutaribwabeho. None 'Bridging viza ni izahe, zoba zizanana n'ubuhe bwigenge?

Hariho ivyiza n'imfashanyo uronka ivuye muri reta/ intara uherereyemo iyo uguze inzu ubwa mbere. Ariko iyo umaze kugura inzu ukayiriha imyaka mike, ngo har'ivyo kwitonderwa mu gihe wokwipfuza gusaba ingurane ngo urihe ideni, vyasiguwe na Dogiteri NDAYISABA Gilbert, umwigisha w'ivy'ubutunzi muri kaminuza muri Melbourne.

Umurwi w'abantu wavuganye na SBS Kirundi washikirije ingaruka COVID-19 yabagizeko co kimwe no mu miryango. Bamwe babuze ababo, abandi nabo bibabera vyiza mu kuronka akanya ko gupfundika imigambi ya kazoza, mu gihe abandi bo mu miryango yabo bamugaye.

Yanse ivyigwa bisanzwe ahitamo gukora umuziki, Indirimbo ziwe zari zimaze kurabwa n'ama miriyoni y'abantu, Mu gihe umuvyeyi wiwe Beltrand Habiyakare yari yahisemo kumushigikira muri viyo bikorwa vyiwe, ariko Christopher Habiyakare yagiye ibukama asiga abo bavukana mu marira menshi,.

Ingurane ihindagurika itanga amahirwe menshi aho ushobora no gukuramo amahera, mu gihe ingurane idahindagurika ituma uriha y’amafaranga nyene mu kiringo mwemeranije. Mu gihe uhise kuvavanura niyo nyungu idahinduka, ihadabu ishobora kuba nini cane.

Umuryango wa Paul Rusesabagina ntiwatangajwe n'ingingo yashikirijwe na sentare nkuru y'Urwanda kuri Rusesabagina. Hirya y'ingumvu Ububirigi na reta zunze ubumwe z'Amerika ziriko zirakora, uwo muryango usaba ikipe ya Arsenal na PSG guhagarika amasezerano bifitaniye n'Urwanda.

Hamwe n’impinduka mu bijanye n’imfashanyo reta iha abantu, zitegekanijwe gushirwa mu ngiro kuva itariki 1 Nzero 2022, abahawe uburenganzira bwo kuba ngaha bazorindira imyaka ine imbere yuko baronswa imfanshanyo na reta.

Eimable Manirakiza, w'imyaka 24, umuhinyanyuzi w'umuziki, yakunda no gusenga cane yaburiwe irengero kuva muri Ruheshi. Ivyo vyabaye imbarutso, ikibano cose kija mu vyambu hamwe n'inzego zibijejwe, ariko vyose bidadanuka inyuma y'amezi abiri atowe mu ruzi.

Mu gihe umugabo yugariweko imbibe mu Burundi kubera COVID-19, Aline Butoyi hamwe n'abana bane bose banduye umugera wa coronavirus barasinzikara cane> mu nzu nyene barimo harimo abandi bahungu biwe bo batigeze bandura. Bishoboka gute?

Mu gihe guma muri Melbourne na Sydney zongerejwe, kwinonora hamwe n'ibibanza biberamo ntibiremererwa kwugurura. Ukudahura n'abantu hamwe no kwugaranwa ntibisigura gusa ukudahura n'abandi ariko n'ibangamirwa ry'amagara y'abantu mu mitwe.

Abantu bishimiye ingingo ya reta yo gusubizaho ubuzima busanzwe muri Mildura (VIctoria), ariko igiporizi kikaba congereje kugira gicungere uwinjira mur'ico gisagara avuye ahandi.

Abantu bafise indwara zo mu mutwe akenshi bisanga bagize ubumuga bwo k’umubiri. Zirengangijwe, indwara zo mu mutwe zirashobora guteza ibindi bibazo bikomeye cane. Ariko habonetse ubufasha ku gihe, umuntu arashobora gukira akaba mu zima kandi agakomera cane.

Guma mu rugo ihuriye he n'ibihe wabayemo muri kahise? Delphine Yandamutso arahishura ingaruka zibonekeza iyo umuntu aguma agufatira ingingo na cane cane muri bino bihe vya guma mu rugo.

Inyuma yo kumenyeshwa yuko mutoya wiwe yanduye coronavirus, Kaneza Sandrine yababajwe no kubona mwene wabo aremvye, akorora, afise umuriro,...ariko atemerewe kumwegera. Ngo abavyeyi bashobora kuba bo batanduke kandi babana kubera bamaze kwikingiza urucanco rwa COVID-19.

Amaze kumenya ko yanduye yafashe intambwe zo kwirinda nkuko yabigiriwe inama n'inzego zijejwe gukurikirana amagara y'abantu, none ngo mu misi itatu gusa azoba yakize kandi yasubiye mu bikorwa vyiwe. Mu kiyago twagiranye yashoboye no kugira inama abatemera ivy'urukingo rwa COVID-19.

Benshi bafise ubwoba bwo kwicandagisha ikiza coronavirus ariko Dr Ndayisaba Emanuel arahishura impamvu zikomeye umuntu akwiye guha agaciro akicandagisha ico kiza. Yasiguye ubumuga ico kiza gisiga mu muntu mu gihe aticandagigishije hama akagirirwa amahirwe agakira.

Imfanshanyo itangwa na reta biciye mu mashirahamwe iraboneka kubafise viza z'agateganyo co kimwe n'abasaba ubuhungiro bariko baraca mu bihe bikomeye. Amashirahamwe yababa 200 niyo ariko aratanga ubwo bufasha hamwe n'ibifungurwa ku bantu babikeneye mur'ibi bihe vy'ikiza COVID-19.

Ukaba wiga canke ukora kandi ufise umwana akiri muto muhira, urashobora guhabwa imfanshanyo muvyo gushira umwana wawe mwirerero muri Australia. Ukaba ukwije ibisabwa ubufasha uronswa na reta buzovana n'umushahara wawe.

Umuco n'akaranga nivyo biranga abene gihugu kanaka. Muri Queensland, abanyrwanda bariteguye guhimbaza imico n'akaranga hirya y'ikiza COVID-19 kigisibije.

Abantu barasaba ko hobaho gushira amanga abantu bakicandagisha ngo ikiza coronavirus kibashe guhera vuba abantu basubire mu buzima busanzwe. Ng'uku uko vyashikirijwe nabo twavuganye.

Abavyeyi bategerezwa gufasha abana bariko barigira mu rugo ngo nabo COVID-19 yabateye kwumva bacitse intege no mu bikorwa vyabo bari basanzwe bakora umusi kuwundi. Umviriza uko bagiye kubitorera umuti.

"Buy Now Pay Later" iriko irahurumbirwa cane n'abantu muri Australia aho abashika imiriyaridi zirenga 5.6 z'abantu bayikoresha nkuko vyibonekeza mu vyegeranyo vya 2018-19. Ariko hamwe n'ivyo hariho ivyinyegeje kubantu bakoresha izo serivisi nyinshi bituma bagoka muvy'amafaranga.

Mu gihe umuntu agumye muri Australia inyuma yaho viza yiwe itakarije igihe mur'ico gihe baca bahaba inyuma y'amategeko, mbere bakaba bonatahukanwa mu gihugu bazananyemo. Hoho waruziko vyoviramo ingingo y'imyaka itatu udahabwa viza yo muri Australia?

Ibikorwa vya benshi vyaragizweko ingaruka kubera ikiza coronavirus. Abakorera mu rugo co kimwe n'abatakaje ubuzi. Ariko ngo "ntamvura idahita"

Benshi bagera muri kino gihugu bafise indoto, ariko ugasanga barateshutse. Ariko ngo mu gihe uhisemo kutavirira ico wiyemeje, ntacotuma udashikira indoto zawe. Dr Rutagengwa kuri SBS Kirundi

Iyi inkuru isesengura ibijanye n'ibibanza ngira kamaro vy'abasangwabutaka bifise akamaro biri hafi yawe kandi ukwiye kwiga no kwubahiriza.

Mu gihe izindi ntara ziri muri guma rugo, intara ya South Australia yashoboye guhimbaza imyaka 59 Uburundi bwikukira mu gutunganya inkino hamwe n'ibirori vyitabiriwe n'abantu batari bake hirya ya COVID-19

Mu gihe Uburundi buhimbaza imyaka 59 bwikukiye, bamwe mu ndongozi z'imigamwe ntibemeranya ku gihe Uburundi bukwiye kwikukira, mbere bihitana n'ubuzima bwariko araharanira uko kwidegemvya kw'Uburundi.

Abanye Australia batari bake ntibaha agaciro urwete rujanye no gutatura ivyoshika inyuma yo kwitaba Imana bibaza yuko badafise ubutunzi bukenewe canke bukwiye. Ariko abahinga bahanura yuko ukwiye gutangura kuvyiyumvira mu gihe wakuze. Ushobora kuronka ubufasha mu vy'amategeko ariko har'ivyo ukwiye kwitararika cane cane.

Mu myigaragamvyo isaba guhagarika ubwicanyi bubera i Minembwe, Abanyamulenge basaba inzego za Australia co kimwe no mu karere kibiyaga binini gutabara amazi atararenga inkombe.

COVID-19 ntiyakiriwe kumwe kuva ikicitwa ikiza. Ubwo inanco zatanguye gutangwa, abantu ntibavyumva kumwe. Bamwe bati tuzokwiteza icanco , abandi bati shwiii. None ni kubera iki?

Kuba impunzi vyatanguye kera kandi abantu bitwa impunzi mu buryo butandukanye. Indwi yahariwe impunzi itangura 6 Ruheshi buri mwaka. Uyu mwaka icivugo ni 'ubumwe'. Ubwo bumwe bushoboka gute ? Slyvia Niyonsaba yabaye impuzi kuva mu 1972 aratwiganira.

Umushingamateka akaba n'umunyabigega w'intara ya Queensland muri Australia yashikirije umurundikazi Therese Miburo agashimwe gahabwa umunyagihugu yafashije cane kurusha abandi mu kibano.

Jennifer Robinson yafashije Julian Assange niwe agiye kuzofasha Noel Zihabamwe mu birego yatanze mu muryango mpunzamakungu ONU, aho yareze Urwanda. Ubuserukizi bw'Urwanda muri Singapore ntaco bwashimye gushikiriza kur'ivyo birego.

Abanyafurika hamwe n'Abayahudi n'imwe mu miryango yagize kahise karanzwe n'ubwicanyi hamwe n'ivangura rifatiye ku rukoba. Iryo sano rikaba ryabaye imbarutso yo gushiraho imishikirano hagati yiyo miryango ibiri.

Africanova umwe mu baririmvyi ba kera mu Burundi yakoresheje indirimbo mu gushimira abitanze kugira Uburundi bube bumemze uko buri. Vuba ngo agiye gushira ahabona zimwe mu zindi ndirimbo nshasha n'izakera.

Umwami Mwambutsa IV akaba ari we se w'umuganwa Rudoviko Rwagasore ntiyigeze yipfuza yuko arendegera mu buzima. Ariko Rwagasore akiri mu mashuri y'intango yafashwe nabi, ategekwa kwoza imisarani abikorana n'amarira menshi. Africa Nova aradusigurira

Mu gihe umuntu agumye muri Australia no mu gihe visa yiwe yataye igihe, aba ahabaye biciye inyuma y'amategeko kandi arashobora gusubizwa inyuma agakurwa muri Australia, ivyo bishobora kuba imbarutso yo ku kwima viza mu kiringo c'imyaka itatu.

Mu gihe isi giye guhimbaza umusi wahariwe ibidukikije, umwe wese aterwakamo ko kwitwararika ibidukikije gutyo tubashe kubikingira ngo umwe wese azosige umurage mwiza.

Benshi bafise impamvu zitandukanye zibatera kwimukira hagati mu gihugu. Abimukira hagati mu gihugu ntibasangiye impamvu. Ng'izi imamvu zimwe zimwe womenya.

Indwi yahariwe guhariranira ni gihe abanye Australia bakwiye kwemanga kahise hamwe n'imico n'akaranga bityo bakubaka imishikirano myiza hagati y'abasangwabutaka bazwi nka Aboriginal n'aba Torres Strait Islander.

Ngo kwirekura ukavuga akari imurore akenshi birafasha mu gihe uwiyemeje kugufasha umwugurukiye akamubwira ukuri. Ngo ariko akenshi abantu benshi usanga bavuga canke batanga amakuru atariyo. Ivyo navyo biragira ingaruka zidasanzwe.

Federation of Rwandan Communities in Australia yateguye ibirori vyogushimira ingabo z'abasirikare barenga 650 bagiye mu Rwanda gufasha inyuma ya jenoside yabaye mu mwaka 1994. Menya ico abo banyarwanda basaba co kimwe n'ubutumwa bafise.

Birasanzwe kubona uruja nuruza rw’abantu bariko baragendesha indidiri zikoresha amabateri mu bisagara bitandukanye muri Australia. Ariko benshi ntibazi yuko izo ndidiri hariho ibisagara bimwe bimwe zitemerewe gukoreshwamo.

Kubaho udafise viza muri Australia biguha canke bikwima ubuhe burenganzira. N'ibiki wemerewe gukora canke kudakora mu gihe uba utararonka iyo viza?

Mbe hategekanijwe iki k’umuntu viza yiwe itaye igihe muri Australia? N’igiki ukwiye gukora mu gihe wisanze viza yawe yataye igihe?

Abantu benshi basigaye baratahuye gukora ibintu ubibangikanije yaba mu kazi canke mu rugo. gufata amasanamu n'igikorwa gisaba kwitonda, kuko vyoroshe guhusha ntusubirize ayo masanamu. Umwe mu bakenyezi bakora umwuga wo gufata amasanamu yavuganye na SBS kirundi.

Umukenyezi ngo akwiye gushemagizwa ibihe vyose atari kurindira rimwe mu mwaka. Australia igiye guhimbaza uyo musi, mu gihe uwujejwe intara ya NSW ashikirije amategeko mashasha kubera COVID-19.

Mu gihe Australia buca ihimbaza umusi wahariwe umuvyeyi, ngo izina "mukase" rikwiye gukurwaho. Ivyo biri mu kiganiro Therese Miburo yashikirije, aho yanashikirije icese gihayagiza umuvyeyi.

Woba umaze kugura imodoka hama ugasanga ifise vyinshi ukwiye gukoresha? Ivyo birasanzwe mu gihe woba udafise ubumenyi bukwiye muvy'amamodoka. Ariko urashobora gukora ubushakashatsi ku giti cawe kugira ugure immodoka ijanye n'amafaranga ufise kandi ikomeye.

Gutahura amabi akorerwa mu ngo no kumenya icokorwa ni kimwe muvyofasha kugabanya amabi akorwa mu ngo. Umviriza uko bamwe mu bitabiriye ishirwa ahabona ry'ubushakashatsi bwakozwe n'ibigo bibiri.

Inyuma y'igifungo c'imyaka ibiri muri gereza " Bukeyeneza" arahishura amabanga yo muri gereza mu bigo vyo muri Australia.

Urwanda rwibuka abahitanywe na jenoside yakorewe abatutsi uko umwaka urangiye. Mu birori vyo kwibuka vyabereye muri Queensland-Australia, bo bashoboye kwibuka abantu bose bahitanywe n'iyo jenoside atari abatutsi gusa. Kurikirana uko babishikirije,...

Abaje muri Australia siko bose baronka amahirwe yo gushikira mu buzima busanzwe nk'abandi bose. Kurikirana "Bukeyeneza" (iryo si izina ryiwe ry'ukuri) yinjiye muri Australia akisanga mu gasho ikiringo c'imyaka 2.

Kominote y'abanyarwanda mu ntara ya Queensland izokwibuka abahitanywe na jenoside yakorewe abatutsi ngo ariko s'abo gusa hariho n'abandi bazokwibukwa. None ngo ni bande?

Bamwe mu Banyarwanda bari bitabiriye igikorwa co kwibuka abahitanywe mwi honyabwoko ryabaye mu 1994, bavuze ico kwibuka bisigura kuri bo.

Reta ya Australia iriko iriga ukuntu yo kworosha amategeko ajanye no gusaba ingurane kugira ngo ivy’ubutunzi mu gihugu bishobore kwiyongera. Ngo ariko hazobanza kwisunga ibisabwa kuwugurana kugira ngo barabe yuko yujuje ibisabwa, abahinga bakaba bagira inama abantu yuko ubu ariho abantu bakiwye gushishoza muvyo gusaba ingurane kurusha uko bavyigeze.

Ihonyabwoko ryabaye mu Rwanda ryahitanye, abasaga umuriyoni. Bamwe bati hishwe abatutsi gusa, abandi bati n'abahutu barishwe. Ikirenzeko, amatariki ubwo bwicanyi bwabereyeko ntiyemeranywa na bose.

Mu gihe COVID-19 isa niyiriko iragabanuka, mbega abakristu biteguriye guhimbaza gute pasika mu gihe bamwe bagitegetswe ku kuguma mu rugo? David Runezerwa yabisiguriye SBS Kirundi.

Ubushakashatsi bwerekana yuko abanye Australia babiri kuri batanu bafise amakenga kubijanye n’isuku aho basanzwe bakorera aho ni mugihe ica kane bahagaritswe umutima n’imyanda itaboneka ku jisho kuvaho ikiza ca coronavirus gitanguriye. Mu gihe abakozi benshi bariko barasubira mu bibanza basanzwe bakoreramo, woba uhagaritswe umutima no gukoresha uburyo rusangi bwo kwiyunguruza kandi ukaguma mu bandi benshi musangiye ikibanza co gukoreramo?

Bimwe mu bibera mu miryango yabanya Afrika ngo akenshi usanga batanamenya yuko ari ihohoterwa gushika mu gihe bahuye n'uwubajijura canke uwabiciyemo akababwira. Ubushashakashstsi bwerekana yuko benshi muba nya Afrika bataratahura iryo hohoterwa ritandukanye. Ikigo ca Kaminuza Western Sydney University hamwe na n'ishirahamwe GLAPD vyaraye bishize ahabona ubwo bushakashatsi.

Abarundi barashikiriza agahinda bafise k'urupfu rw'uwuwahoze arongoye Tanzania, ariko abandi nabo ngo impuzi zizoroherwa. Umviriza uko umuhinga mu vya politique David NIYONSABA asigua

Imyidogo ni yose ku basanzwe baba mu mazu ya reta. Ibibazo bahura navyo murayo mazu ngo ntibishoka bikemurwa ngo rimwe rimwe kubera ivangura rifatiye ku rukoba.

Australia yiyemeje gufasha abantu biciye mu mashirahamwe afasha abagendana uburwayi bwo kwibagira mu ntumbero yo gushigikira abageze muzabukuru muri bino bihe vya COVID-19.

Urupfu rw'uwahoze arongoye Tanzania Dr. John Pombe magufuli rwatunguye benshi, rusiga amarira mubakunzi. Magufuli yumvikanye kenshi adaha agaciro ikiza COVID-19, yishwe n'indwara yari amaranye igihe, nkuko vyashikirijwe n'icegera c'umukuru w'igihugu.

Reta ya Australia yashize ahabona urutonde rw'ingene abanyagihugu bazokwicandagisha, kandi ku ubuntu. Ariko bamwe mu barundi baba mur'ico gihugu bafise ukundi babibona.

Impamvu zitera abantu kwimuka bava mu ntara baja mu yindi ziratandukanye. Ariko woba uzi ivyo ukwiye kwitwrarika kurusha ibindi?