61 - 覺察自己的重複模式
想解決人生大大小小嘅課題,都先要發現佢哋就係課題,我就係有個習慣就係久唔久留意下自己有啲乜嘢事情係重複出現,令我有似曾相識嘅情緒感受,亦都因此可以開啟到療癒嘅契機!
Fri, 29 Mar 2024
60 - 氹下自己 療癒內在小孩
上集講到內在小孩好容易受傷,其實成長過程入邊應該傷過無數次,如果想開始處理一下自己受傷嘅部份,有冇啲簡單嘅嘢可以做到?
Wed, 21 Feb 2024
59 - 農曆新年:內在小孩是如何受傷的?
過時過節,面對咁多大人同埋所謂長輩,小朋友難免感到無所適從,回想返自己細個嘅農曆新年,大人講乜嘢小朋友都一定會受到影響,究竟我哋喺農曆新年期間內在小孩會受傷幾多次😂
Mon, 12 Feb 2024
58 - 最高興奮度和最少阻力之路
成日都會聽到巴夏嘅教導,就係話遵從你嘅興奮去行事,呢個就係讓你幸福快樂美滿成功嘅方程式。聽到呢一個講法,地球人就會諗,吓我鍾意做嘅嘢唔會有錢㗎喎?
究竟應該點樣理解呢一個最高興奮度呢?
Wed, 31 Jan 2024
57 - 別讓頭腦吃過量垃圾
除咗心情狀態唔好,會突然間食垃圾食物之外,原來平日狀態差少少都會hold 唔住變成盲目地俾個世界將啲資訊塞入嚟!為咗維護自己能夠有獨立而清晰嘅思考,真係唔可以坐响度人哋講乜你睇乜㗎 !
Tue, 05 Dec 2023
56 - 拯救者人格
雖然大家都可能係出於一片好心想將個世界變成一個更好嘅地方,但係如果以拯救者人格去生活,就會變成有好多人需要你去幫、等你去幫,搞到自己好似好重要咁,又或者非你去做不可,做下做下就會進入犧牲,一來能量消耗好大,二來就係其實每個人都有自己嘅時間表,宇宙自有定奪,邊度有咁多人要幫?
Sun, 26 Nov 2023
55 - 乜嘢叫做能量交換?
人誕生在世界上已經係能量交換中,因為我哋使用地球嘅資源,但係我哋又會有嘢貢獻出去。人同人之間相處更加係能量交換。點理解自己拎緊啲咩出去交換,又如何定義價值呢?
Wed, 08 Nov 2023
54 - 睇劇學嘢:業力點計數? 【亞瑟府的沒落】
【含劇透】呢個導演每次拍嘅嘢都發人深省,會令人諗好多嘢,今次呢一套劇都有啲估到嘅套路,但係一樣精彩,而且到最後都真係令人反思好多。
Sat, 28 Oct 2023
53 - 家族排列:你了解你寵物嘅經歷同感受嗎?
家族排列係一個非常之有效嘅系統,可以協助處理好多你本身唔知道點樣解決嘅事情,作為動物嘅家長,好多時佢哋有一啲情緒、行為模式可能難以解釋,透過了解佢哋嘅經歷同埋感覺,可以協助清理呢一啲創傷同壓力,令佢哋回復身心健康。
嚟緊響2023年10月23號有一個寵物主題嘅家族排列工作坊,由家族排列師Sue同Brenda主理,Sue自從領養咗隻狗仔之後,亦都非常之用心地為佢做咗好多療癒,協助佢做返隻開心嘅小狗。
聽聽兩位老師講下家族排列工作坊如何運作。
寵物情緣 家族排列慈善工作坊
http://bit.ly/3ZIdcwT
Mon, 02 Oct 2023
52 - 打破慣性反應 脫離限制第一步!
得閒留意下身邊嘅人甚至係自己,會唔會係以「習慣」去俾反應?呢一個壞習慣會導致我哋不停用相同嘅思想迴路去做判斷,於是重複又重複咁樣去驗證自己嘅限制,日子耐咗就會變得非常强大,令自己更加難於接受新嘅事物同埋做出改變。
Sat, 23 Sep 2023
51 - 天使數字 成日都見到111 222 333⋯⋯
講開天使不如又講下天使數字,或者天使日常俾我哋嘅各種信息!
通常大家都好想知見到111 222 333呢啲重複數字點解。其實每組數字或者每個天使訊息對任何人都有獨特嘅意義,所以不能夠有一個世界通用嘅解釋。不如學下點理解宇宙透過天使傳遞俾你嘅message啦~
Fri, 08 Sep 2023
50 - 身心靈初心者 認識大天使
記得自己初初開始身心靈的學習,非常喜歡有關於大天使的知識!從大天使去感覺自己正在被宇宙支持、被宇宙保護、亦都感受被愛,是一種非常美妙的感覺。跟大家分享一下我們認識的大天使,以及我們在日常生活中如何連結他們。
#大天使 #archangel
零極限摺傘
https://docs.google.com/forms/d/e/1FAIpQLSeq1OGOKLZ-cZIEZ-6t9wxzHGHUhmm8TzjmQvhTzYhpUXemZA/viewform
Mon, 28 Aug 2023
49 - 瑪雅曆法備忘錄
雖然喺唔同渠道都分享過瑪雅曆法迎接新年嘅準備,但係都不忘再聽多一次,睇睇今年應該用乜嘢心情去開放接納新轉變!
Wed, 09 Aug 2023
48 - 零極限使用簡介
I’m sorry 對不起
Please forgive me 請原諒我
Thank you 謝謝你
I love you 我愛你
點解呢四句說話係樣能量歸於和諧嘅密碼?咁好用梗係要成日用,以零極限去整理生命中的起伏!
Sun, 30 Jul 2023
47 - 迎接新一頁 漫長的自我和解之路
人生最重要嘅事情之一,就係能夠同自己和解。我哋自細就被教育到自己係唔完美的、有好多缺點,而且點做都唔夠好。但係我哋其實唔需要完美,唔需要100分,但我哋需要誠實接納所有的自己,呢個先至係開啟豐盛道路、迎接更多幸運嘅方法。
Mon, 24 Jul 2023
46 - 無意識跳掣溝通
人嘅習慣真係好有趣,慣性潑冷水、放負、乜都唔得、唔好,都係來自經驗創造嘅反應迴路。人生想要改變,就要喺呢個位放個哨站,觀察下自己對事情被俾出啲咩反應。
Sat, 13 May 2023
45 - 乜嘢叫做覺知?有又點冇又點?
成日講要提高覺知、要有Awareness ,其實有乜分別?冇覺知係一個點嘅反射機制,有覺知又會點生活?
Sat, 06 May 2023
44 - 身心靈答問大會 第三回
經歷了療癒之夜,有好多同學嘅提問都非常有趣,得到大家嘅允許,就以呢一個機會,嘗試解答更多嘅問題,希望你有共鳴!
Q- 如何可以輕鬆不費力地manifest 豐盛,但現實中嘅債務未完全清理好?
Q- 高我是如何連結或者感受到?/ 如何連結指導靈和閱讀訊息呢?/ 如何可以得知是神聖圓滿的答案及選擇?
Wed, 05 Apr 2023
43 - 身心靈答問大會 第二回
經歷了療癒之夜,有好多同學嘅提問都非常有趣,得到大家嘅允許,就以呢一個機會,嘗試解答更多嘅問題,希望你有共鳴!
-從事咗不喜歡嘅工作,近10年,到30歲仍然未搵到自己熱愛的,現在才轉工,像是重新開始太遲。點算?
-性格比較多愁善感,亦多情緒,可以分享一下你哋有情緒時如何幫自己走出嚟?
Wed, 05 Apr 2023
42 - 身心靈答問大會第一回
經歷了療癒之夜,有好多同學嘅提問都非常有趣,得到大家嘅允許,就以呢一個機會,嘗試解答更多嘅問題,希望你有共鳴!
Q-知道自己唔識speak up,近年識得同人地溝通自己覺得唔舒服的地方,但好多時候對方唔接受我嘅溝通方法,對方從此疏遠,唔明白自己的意圖,雖然自己覺得成長成熟了同感覺更舒服了,但對方唔同步應該如何處理?
Q-細個成日俾人take advantage, 或人容易恰我,到已成長嘅而家,仍然好怕俾人恰,蝕底,點解關閉唔到個結呢?
Mon, 20 Mar 2023
41 - 平衡物質生活與靈性生活
任何人响生命呢條道路上面,永遠都係前進當中,每一日都要努力地平衡自己,其實誠實接納已經係好好嘅第一步。唔係清心寡欲等於好高造詣,相反,人在俗世,時刻有覺知已經要俾個叻自己!
Wed, 08 Mar 2023
40 - 獨立思考之必要
呢排戴唔戴口罩又成為討論焦點,經過咗過去三年,大家培養出獨立思考嘅習慣未?
Fri, 03 Mar 2023
39 - 以不同角度看待事情 就是你要的出路!
每個人都渴望追尋人生意義,但如果一開始已經告訴你人生意義是什麼,難道你就會心甘情願的向着這個意義一直走嗎?我們每個人都不需要大意義,只要每天每天好好的過着日子,每一個小事情都用心去經歷,自然能夠走上有意義的道路!
Wed, 22 Feb 2023
38 - 每個人心裏的五十道陰影
在Netflix 看了一套頗有意義的紀錄片,心理咨詢師Phil Stutz透過他自己開發的一套系統,協助client從接納自己、尋回自己生命力開始,重拾對生命的熱情與希望。正正因為能夠接納自己,才能找到內心的平安。
Sat, 11 Feb 2023
37 - 信念系統之自己打自己|麻利|夢妮妲|
人類最複雜就係信念系統,有陣時啲呢啲信念系統極度隱藏,導致我哋不停摧毁自己一手建立嘅東西;越係想成功,越係會令自己失敗,究竟搞乜嘢呢?
Mon, 02 Jan 2023
36 - 付出而不索取,係順利工作嘅通行證|麻利|夢妮妲
做嘢之前成日諗呢樣嗰樣,其實要順利和諧,最重要係set intention!之前有個工作得到夢妮妲提醒,”to give not to take”,即刻打通咗個腦!
Mon, 26 Dec 2022
35 - 犧牲定係付出?界線响邊度?|麻利|夢妮妲
好多人都喜歡付出,因為覺得自己咁樣會好偉大,但係人生去到某啲階段就會發現,付出不為回報其實係假象,因為我哋要嘅回報並不一定係實際嘅東西,可能我哋只係需要人哋關心、認同、或者讚賞。咁究竟過度犧牲係點樣嘅事?過度付出又係點呢?有冇一個平衡嘅位置?
Thu, 01 Dec 2022
34 - 塔羅、解夢、阿卡西,全部都係為咗認識冇限制的自己|麻利|夢妮妲
做人就好似被搓圓㩒扁嘅泥膠一樣,幾十年人越來越唔似貓唔似狗咩都唔係。做咨詢有時係為咗以另一個角度另一個鏡頭佢重新認識自己,重新發掘自己,重新記起自己。
Tue, 15 Nov 2022
33 - 小我與大我 EGO & HIGHER VERSION OF ME|麻利|夢妮妲
小我EGO係協助我哋肯地球生活嘅人格之一,但係佢學埋學埋好多嘢,有陣時唔突破佢,或者唔穿越佢,就會阻住我哋提升自己、同埋邁向更多發展。咁究竟應該點樣轉換模式,令自己可以接觸到更高版本嘅自己?
Sat, 05 Nov 2022
32 - 溝通的法則|麻利|夢妮妲
人類能夠用語言溝通,但係回想一下自己每日講嘅嘢、每日上網發表嘅嘢,究竟真係同人溝通緊,表達緊自己嘅想法,定係將自己處理唔到嘅情緒垃圾同埋信念系統掉出街,透過講人哋嘅嘢就唔使反思自己嘅嘢;或者透過評論別人嘅嘢,就可以鞏固自己嘅信念系統?只要多啲提醒自己,改變自己把口講啲乜嘢、改變自己上網講啲乜嘢,已經會為自己人生帶嚟好大嘅轉變,因為說話就是振動頻率,振動頻率斷定你生命中嘅每個體驗。
Wed, 19 Oct 2022
31 - 心碎時刻 Heart Breaking💔|麻利|夢妮妲
人生總會經歷過心碎時刻,咩叫心碎,係一種點嘅狀況,碎咗又執唔執得返🥲
Sat, 08 Oct 2022
30 - 情感忽視這回事|麻利|夢妮妲
原來除咗情感勒索,仲有情感忽視呢一樣嘢,即係當你明明要好好感受情緒,轉個頭就有嘢拎走咗你嘅注意力,而且話俾你聽你嘅情緒係冇需要被照顧,彷彿轉移情緒係即刻要做嘅事。呢個行為會令我哋唔識得珍惜黃金時間,去消化我哋自己嘅情緒同感受。
Wed, 28 Sep 2022
29 - 估唔到Sandman睡魔咁鬼勁!|麻利|夢妮妲
【Sandman睡魔】開頭覺得佢又慢又靜,點知故仔寫得好厲害!一路睇一路驚呼哇頂!可以咁嘅咩!咁都諗到?咁都講得通?呢集廿幾分鐘講唔到幾多,即管講下覺得最精彩嘅部份,有劇透啊!
Fri, 16 Sep 2022
28 - 燒腦系列!宇宙的七個法則!|麻利|夢妮妲
原來震動頻率係咁玩!做人真係唔使咁辛苦,本身宇宙嘅設計原來如此,只係我哋打緊一個冇攻略冇說明書嘅game,看似要花好多氣力探索,但知道咗呢七個法則,就可以創造更好嘅生命體驗。
Fri, 09 Sep 2022
27 - 生命意義係乜?原來宇宙係要呢啲!|麻利|夢妮妲
成日問靈魂落嚟地球做乜?人生有乜意義?點解人要有肉身?宇宙對我有咩期望?原來就係咁簡單可以理解到成個宇宙設計係點玩!🤯🤯🤯🤯完全炸開咗個腦!希望你都喜歡呢集💙
Gaia TV “Initiation “ by Matia De Stefano
Fri, 02 Sep 2022
26 - 瑪雅曆法第二回:今年風高浪急呀|麻利|夢妮妲
上集講完瑪雅曆法新一年嘅開始,跟住落嚟其實仲有好多要注意嘅地方,成日都話唔好等到跌落海先學游水,如何做足準備?
Wed, 24 Aug 2022
25 - 腎臟掌管嘅係生命力!要好好照顧每一個身體嘅器官!
腎臟掌管嘅係生命力!要好好照顧每一個身體嘅器官!
能量按摩係一個好奇妙嘅事,未必需要用力,最重要係帶住能量嘅流動,讓身體嘅唔同地方都可以放鬆。Adele遠赴澳洲去學習呢一個能量按摩手法,Sacred Esoteric Kidney Massage 會帶俾身體一種可以完全放鬆嘅體驗。
愛自己,由照顧好自己身體做起!
Fri, 19 Aug 2022
24 - 瑪雅曆之自我存在紅月年|麻利|夢妮妲
現已進入了新一個瑪雅曆法新年,能量的轉換非常劇烈,相信大家已經感受到,本集節目在較早前錄影,當時以預告方式,希望讓大家了解到這個自我存在紅月年 self-existing red moon並不容易,但只要提高覺知,我們可以更靈活、敏銳、柔軟地撐過去。一起加油!
Wed, 10 Aug 2022
23 - 觀察、發掘、改咗佢!唔需要複製原生家庭嘅bugs! | 麻利 | 夢妮妲
成長實在帶嚟太多入晒DNA嘅模式,無論好唔好用,我哋都會用咗,直至到我哋發現有問題,就要將佢哋搵出嚟然後放低佢。自己人生、自己話事。
Fri, 29 Jul 2022
22 - 搞清楚真正目標,就沒有懷才不遇|麻利 |夢妮妲
人係好複雜嘅動物,因為有思想。而思想又會隱藏好多信念系統,將我哋思考嘅方式變得非常之複雜,一層一層,阻礙我哋發掘我哋真正嘅潛力。呢個世界上其實有冇懷才不遇?定係我哋誤會咗我哋想要嘅嘢?又或者我哋成日好驚人哋點睇自己,所以根本唔夠膽講自己真正想要係乜嘢?
Fri, 22 Jul 2022
21 - 其實,真係要你教我咩叫關愛座咩?| 麻利 | 夢妮妲 |
一個人身心狀態健康,知道點樣去愛、尊重、包容,就唔使等個世界去搞啲咩關愛座,唔使有啲咩規矩去限制啲人做人要有美德。今集有啲嘢係可能會激動少少,例如有啲咩我唔buy,希望大家有啲心理準備👽
Fri, 15 Jul 2022
20 - Zero Limit Ho'oponopono covered by Lil' Ashes
Fri, 15 Jul 2022
19 - 做諮詢點做先最有效用?|麻利 |夢妮妲|
有時做咨詢過程中會覺得自己get到所有嘢,離開咗一陣又好容易打回原形,究竟以咩心態去做咨詢、點樣先可以持續受惠於所接收到嘅資訊呢?
Fri, 08 Jul 2022
18 - 你同金錢傾掂數未㗎? |麻利 |夢妮妲|
又係一個講極都可以繼續講嘅題目,每個人與生俱來擁有豐盛,但係點解到頭來好似同錢銀關係唔係幾好呢?好好檢視下自己點用錢、點揾錢,絕對值得花時間搞掂佢,享受一個暢通無阻嘅人生。
Fri, 01 Jul 2022
17 - 情緒給你的訊息| 麻利| 夢妮妲|
提高生活覺知的其中一個方法,就是知道情緒來敲門的時候,究竟他們想對你說什麼。看懂情緒背後那一封信,自然知道自己真正的需要,也會得到排解的方法。
Fri, 24 Jun 2022
16 - 量子療愈催眠技術 | 前世回溯 | QHHT
前世回溯QHHT
「量子療愈催眠技術」(Quantum Healing Hypnosis Technique,QHHT)係來自Dolores Cannon的前世回溯催眠技巧,究竟會帶大家經歷啲乜嘢,同埋會解鎖咗一啲乜嘢嘅信念?進入催眠狀態之後,可以解答到好多平日以人格腦袋諗都諗唔到嘅嘢。Dolores Cannon寫過一系列非常有趣嘅書籍,《迴旋宇宙》(三冊)、《地球守護者》、《三波志願者與新地球》等等。
而我嘅催眠過程究竟發生咗啲乜嘢,有啲乜嘢學習呢?希望响呢度可以同大家分享。
Wed, 15 Jun 2022
15 - 週期性劣質drama引起的人生劇場 | 麻利 | 夢妮妲
做人真係好複雜,因為有好多事情如果你唔想面對,或者你選擇逃避,到最後就會生出好多枝節出嚟要你去應付。無論疾病、意外,或者大大小小非常戲劇性嘅事情,有機會源自潛意識無意中產生嘅「需要」。大家都會認為,邊個會想搞咁多嘢出嚟令到自己咁辛苦?但事實係人真係會從不同嘅事情入邊獲得「利益」無論係好事定係壞事,都有機會有所得着,你可以想要關心、你亦都可以想要關注,甚至只係一個逃避現實嘅機會,全部都係「利益」。當然,能夠成長蛻變都係一個好處。不如就講下我冇乜講過嘅話題,講住少少先,反正咁耐以來都未分享過🤫
Wed, 08 Jun 2022
14 - 簽名真係改變命運㗎! |麻利 |Maria Lam
大家都有個概念就係覺得簽名一定要簽得好複雜,否則好容易俾人哋冒簽,但其實越簽得清楚嘅簽名先至越難冒簽!同埋簽名都會顯示你個人究竟有冇數學頭腦?金錢觀念?你同屋企、家族嘅連結又如何?你做嘅所有嘢,有冇獲得支持?你份人又係唔係一個完美主義者呢?
Fri, 03 Jun 2022
13 - 一篇字講晒你份人係點,呢個世界仲有冇秘密? | 麻利 | Maria Lam
原來識字緊要過識人,好多人表面一個性格,內裏另一個性格,偏偏寫字就會將所有嘅真性情表露無遺,究竟係咪真係咁外向?呢個人需唔需要個人空間?佢有冇好多嘢收收埋埋唔想講?佢係一個左腦思考定係右腦創意嘅人?字跡分析,淨係學下入門技巧,都已經好多嘢玩!
Fri, 27 May 2022
12 - 自我價值影響人生所有經歷 |麻利 |夢妮妲
成日話機會係留俾有準備嘅人,究竟嗰個準備係乜嘢?就係準備好調整自己自我價值嘅定位。自我價值穩固嘅人,先知道自己值得。亦都因為知道自己值得,所以美好嘅機會同埋豐盛嘅人生先至能夠逐一校準位置,响佢哋生命路途上面出現。
Fri, 20 May 2022
11 - 講一世都可以嘅【自我價值】!!!麻利|夢妮坦
以一個完全知道自己係圓滿嘅狀態,我哋成為初生嬰兒嚟到地球,點知個地球係玩扣分制!搞下搞下,經過咁多成長過程,自我價值已經低到無可再低。究竟點樣先可以提升自己對自己嘅觀感,認知到自己係值得獲得美好嘅生活,然後因此可以改變到人生嘅經歷?
Fri, 13 May 2022
10 - 你嘅筆跡隱藏好多秘密!麻利 筆跡專家Maria Lam
Tue, 10 May 2022
9 - 謝絕餵食!獨立思考!麻利 | 夢妮妲
呢個世界咁多資訊,仲係咪需要傳媒話你知你要睇啲乜嘢?獨立思想好重要!亦都係free our mind 嘅第一步!係咪乜嘢都要知先?定係可以揀自己需要知啲乜?
Fri, 06 May 2022
8 - The Good Place |【月老】生死 執念 彼岸
The Good Place【月老】:生死執念彼岸
Fri, 29 Apr 2022
7 - 家族排列 | 不能缺席的家庭成員
透過家族排列,處理每個缺席嘅成員殘餘能量,搞返清楚邊啲係屬於你自己人生嘅事,我哋先至能夠自由地生活。
Fri, 22 Apr 2022
6 - 家族排列|你同錢係咪好朋友?|上
原生家庭與豐盛之流 你同錢嘅關係好唔好?點解永遠左手嚟右手去?
Fri, 15 Apr 2022
5 - 家族排列:你同錢係咪好朋友?|下
Fri, 15 Apr 2022
4 - The Good Place | 小太郎一個人生活 | 父母 家庭 成長|麻利 夢妮妲|上
Netflix有套改編漫畫嘅【小太郎一個人生活】裏面有好多非常細緻嘅描寫,呢個故事非常之温暖但同時會令到你睇嘅時候覺得非常之心噏。
Fri, 08 Apr 2022
3 - The Good Place | 小太郎一個人生活 | 父母 家庭 成長|麻利 夢妮妲|下
Netflix有套改編漫畫嘅【小太郎一個人生活】又有動畫版,又有真人版。入面小太郎自己一個人生活,但係裏面有好多非常細緻嘅描寫,大人成日以為細路仔乜都唔知,其實小朋友從小已經知道好多嘢,每一句說話、每一個決定,都會造成烙印。呢個故事非常之温暖,但同時會令到你睇嘅時候覺得非常之心噏。或者學習成為一個大人之前,先要學習照顧好自己內在嘅嗰一位小朋友。
Fri, 08 Apr 2022
2 - The Good Place -熱定身拉定筋 走出舒適圈 Part 1
Time to get yourself moving!! 要起身行動都要等時機,究竟乜嘢斷定一個時機?
Fri, 01 Apr 2022
1 - The Good Place -熱定身拉定筋 走出舒適圈 Part 2
要衡量自己從乜嘢地方獲得安全感,自然可以輕鬆出走 :)
Fri, 01 Apr 2022