Muete Gorge

Ja hoi du mir sind denn mal zrugg und dasmal au zum erste mal mit Intro. Danke a dere Stell nomal tuusig mal an Thierry und Dillon :) I dere Folg bechömmed ihr ganz wichtigi Finanztipps... ah ja... und de Luki isch halt au debii

Hütt sind d Domi de Dave und de Mäve zumene gmüetliche Shake zemmecho. Eusi Gspräch hennd öppe so innegschalleret wie de feini Caramell-Hafer-Peanut-Zauber wo de Dave eus da uftisched hett.

Hesch du mich grad gfregt warum zweimal hinderenand en Gym Podcast chunnt??? Du weisch ja wo d Türe isch du Kek :*

De Dave de Tank hett de JJ mit is Gym gnoh. Sie verzelled wie tammi astrengend das gsi isch und wie kabutt vo 1 bis "Ou ich twints der morn" de JJ isch.

Hütt hemmer die schärfsti Chilli vo de Welt usprobiert und natürlich e Challenge druus gmacht. Viel Spass :)

Es gitt endlich mal wieder en Usflug in Valentinas Passion. Usserdem verratemer, was ide negste Special-Folg passiert. De Rest vo de Folg hemmer wie immer mit gsellschaftskritischem Politik-Rap gfüllt, viel Spass :-)

Nachere sehr erfolgriiche und gmüetliche fishing-session besprechemer eusi zahlriiche catches. Nacher simmer no uusgscchlipft inen tüüfelschreis vo kontroverse Themene. Viel Spass ihr Fisch

Es isch wieder so wiit. Mir hennd endlich eusi Originalbsetzig zrugg. De Dave isch wieder am start und das fiiremer mitere schöne OG Folg. Gnüsseds (vorallem d Audioqualität)

Es git en neue Podcast im Game: "Bier mit Mir" vom Bürgermeister höchstpersönlich. Er isch de Präsident vo de Freibierpartei und en wahre Conaisseur vom Bier. Es isch de einzig wahri Johntastisch! Viel Spass und Cheers

Für die Jubiläumsfolg hemmer eus öppis speziells überleit. Eusi zwei Hauptprotagoniste sind nämlich zmittst ide Nacht mit zwei uufblasbare Tier uf de Rhii und hennd sich vo dete abetriibe lah. Natürlich hemmer eu uf dere Reis au mitgnoh. Was alles debii passiert isch und öb das wükklich so e gueti Idee gsi isch, erfahreder jetzt exklusiv i de 50. Folg. Gnüssed über 4 Stunde Quality-Content vom allerfeinste. Viel Spass :)

Dasmal zu Gast isch eusi treusti Zuehörerin. Mit ihre redemer über Fuessball und Paninibildli. Mir spreched übrigens de Skandal vo de freche Priiserhöchig ah. Mir wünsched eu viel Spass :-)

Ich weiss zwar nöd wer vo eu amigs die Beschriibig liest. Aber wenn du öpper devo bisch wett ich dir gern sege dass du en wunderbare Mensch bisch und du wirsch no ganz viel erreiche. Geile Siech!

Lerned de Mäve 2.0 kenne. Mer reded über eusi Abentüür im Usgang,über s Problem mit YouTube, illegale Mofa-Renne und susch no Züügs. Aber egal was ihr au mached, Finger weg vo Wasser mit Kohlesüüri und Pizza mit Basilikum!

Neui Wuche neue Gast, dasmal sogar zwei. Mer reded über eusi Schuelziit, s schaffe i Baumärkt und mir beriichered eues Lebe sogar no mit es paar spannende Lifehacks. Und vilicht nimmts dich ja eifach wunder warum die Folg "Uniflott" heisst. Unbedingt innelose. Viel Spässe :-)

Mit eusem hüttige Gast redemer über es heikels Kapitel us eusem Lebe. Was chönnt das echt sii? Wieso isch de Mäve fasch verschosse worde (kei clickbait)? Und wie chammer demit umgah wenn eim öpper seit das mer doof isch? All das und no viel meh erfahreder ide neuste Folg vo Muete Gorge. Viel Spass und mir wünsched en ganz schöne Tag.

En altbekannte Gast isch wieder debii. Mir reded über Biene, Glace, Esse und nachdem mir nochli ummeblödlet hennd wechslemer inen sehr intressante Realtalk über ADHS. Unbedingt innelose mini liebe Fabelwese :-)

I dere XXL-Folg derfed ihr d Premiere vom Muete Gorge Intro gnüüse. Und mit debii isch natürlich de wos erschaffe hett. Unglaublich was de Burscht da ussegchlöpft hett. Es riese Dankeschön gaht usse an Thierry. Viel Vergnüege!

I dere Folg isch endlich wieder mal en Gast debii. Und zwar de einzig wahri Joel Bögli... oder ischs jetzt doch de Päde? Nacheme heftige Lachflash wirds Gheimnis vom Päde glüftet und aschlüssend gitts spannende Realtalk zum Thema Musig produziere. Also hebed eu fescht und Gnüsseds :-)

F

I dere folg gitts de ersti Teil vo de Wish-Challenge. Öpper wirds im zweite Teil nöd wükkli eifach ha. Und was zum Güggel isch eigentlich Wasser-Flunkyball. Muete Gorge mitenand :-)

I dere Folg gönned mir eu es Foodreview. Usserdem segemer eu welles s stärkste Tier vo de Welt isch. Vomene Igludorf hemmer auno gredet und de Rest hani schowieder vergesse. En Guete!

So mir sind denn mal wieder zrugg. Mer verzelled vo eusem Struggle mit Französisch, vom Militär und vom Thomas Roth. Aber denked immer drah, wenns Bluet eimal weg isch isch immer weg.

Kenneder die chliine Hünd wo eim die ganz Ziit abelled und wenns eimal vor dir stönnd hebeds grad d Schnurre? Und was isch mitem Dave los... isch er chrank?

Brudi ich muss los wenn die Roller wieder schrein... Brumm Brumm... Apache macht Seich

Wennd wüsse wetsch warum die Folg "Glatttalbahn" heisst münnder die Folg luege.. Asso nur wenner wennd. Wenner öppis bessers z tue hennd chönnders au efach sii lah.

Kenneder de Moment wenn d Chickeria efach seit sie hennd am 07:30 offe aber denn bisch am 07:45 dete und sie hennd efach nöd offe. Nei efach nöd... Sauerei!

Ja sali mitenand. Die Folg isch wieder bis is letschte Detail durreplant. Gitts en Ersatz für de Dave? Natürli chönnt nüüt de Dave ersetze aber mer münnd eusi riese Fanbase ja irgendwie wiiter mit Content versorge. Viel Spass!

Ja mir sind zrugg und nei es isch nöd will mir beschäftigt gsi sind. Mer hend wiedermal en ganz extravagante Gast iiglade. Lönnd eui überrasche. Und de Dave muss bald in Krieg, aber das kriegt er scho irgendwie anne... Badumm Tsss... Och nöööö

I de hüttige Folg hemmer wieder en Gast, d Domi git dem Podcast Niveau. Mer reded über d Schuel und Lehrer. Usserdem isch isch "miese-Witz-Mittwuch". Und welli Sexualität hett eigentlich de Peter Pan? Das und vieles meh ide hüttige Folg.

Hütt spielemer s berüemte spiel "wer wür eher". Viel spass!

Nostalgie liet i de Luft und drum wird am Throw Back Thursday es alt bekannts Spieli gspielt. Was mached die zwei Globis im Migros? Wieso hät de Mäve kei Ziit? und wieso Dütsch ned eusi stärchi isch. Erfahred ihr ALLES und no meh i de 13 Folg vo Muete Gorge.

I dere chaotische Folg gahts um unnötige Nebel, Schuelöffel und Mensche wo mit 5 km/h dur d Gegend schwebed. Mir hennd usserdem probiert eusi ersti Werbig iizbaue... Mal luege öbs klappt. Und isch de Aslan vo Narnia würklich Gott. Wennd meh wetsch wüsse muesch der die 12ti Folg vo Muete Gorge innepfiife. Viel Spass!

Ide 10te Episode vom Muete Gorge Podcast gönned sich de Dave und de Mäve es Manderinli, en Berliner und es Gipfeli und Bewertet das Ganze. Viel Spass!

Es isch wieder Throwback-Thursday und es gitt es paar neui Gschichte us de Vergangeheit vo de beide. Zum lose vo dere Episode empfiehlt sich en chüele Schockodrink. Gönn dir!

Wieso rennt immer e Frau usem hus? warum fahrt de Buss immer zur glicher ziit am gliche Ort dure? und wo liet eig Niederglatt? nebst em beantworte vo unerklärliche Frage widmet sich die zwei zum erste Mal am Mimimi Mittwuch, wo sie über Schränk, LKW Fahrer und Stress reded. Au die Folg isch wieder voller Spannig wie e Stomleitig