Moiesstudio

Domat klëmmt d'Zuel vun Eoliennen am Land op 78, vun deenen déi allermeescht vun der Entreprise Soler bedriwwe ginn. Hiren Direkter Paul Zeimet gëtt Explikatiounen.

Et wäert an Zukunft méiglech si fir EU-Länner, Migranten a Flüchtlingslagere baussent der EU ze schécken. Déi néideg gesetzlech Reegelung dofir gouf en Donneschdeg endgülteg adoptéiert. Ass Lëtzebuerg un esou engem Modell interesséiert? A wat denkt den Innenminister iwwer de Projet vun engem neie Krisen-Interventiouns-Mechanismus, bei deem och kéinten Asylprozedure kuerzfristeg ausgesat ginn? Dat froe mir de Léon Gloden am live-Interview.

Léiert de Martin Rajna elo scho kennen. Den néngten a jéngste Chefdirigent vun de Lëtzebuerger Philharmoniker huet am Opus Interview no der éischter Tutti-Prouf virgëschter verroden, wéi d’Chimie ass a wat fir dësen Optrëtt musikalesch geplangt ass. An dësem Gespréich hate mir och d’Méiglechkeet fir den 31 Joer jonken ungareschen Dirigent bësse besser kennen ze léieren. Den Opus iwwerdréit dem Martin Rajna säin Amtsuntrëttsconcert live aus der Philharmonie, haut den Owend um hallwer 8.

Et gëtt Kritik un der Decisioun, zwee russesch Oligarche vun der Lëscht vun den europäesche Sanktioune géint Russland erofzehuelen. Lëtzebuerg hat sech jo dofir agesat, de Geschäftsmann Mikhail Fridman, deen de Grand Duché op Schuedenersatz verklot huet, vun där Lëscht ze sträichen. D’EU-Chefdiplomatin Kaja Kallas huet d’Decisioun vun där leschter Woch bedauert. Si géif dee ganze Sanktiouns-System ofschwäche seet iwwerdeems den Europadeputéierten Ivars Ijab. Op där anerer Säit géing Russland alles maache fir d’EU dozou ze bréngen, d’Ukrain net méi ze ënnerstëtzen. D’Danièle Weber huet mam lettesche Liberale geschwat.

Och Enn September leien d’Waasserstänn a ville Flëss a Baachen nach däitlech ënner dem normale Beräich. Zu Hunchereng ass d’Mierbech zënter Méint dréchen, zu Hesper beweegt sech och d’Uelzecht nach op engem ganz niddregen Niveau. D’Waasserverwaltung rechent domat, datt esou Drécheperioden an Zukunft méi dacks optriede kënnen.

E Gespréich mam Architekt Christian Bauer, dem éischte Lauréat vum Lëtzebuerger Architekturpräis, deen am Juni fir säi Liewenswierk ausgezeechent ginn ass.

D’Spuerkeess erhéicht op den Dag vun haut hir Zënsen ëm ee Véirel, also ëm 0,25 Prozent. Wat bedeit dat fir d'Clienten? Froen un de Claude Hirtzig vun der BCEE.

Wéinst deem déiwe Waasserstand kéinte verschidde Schëffer just nach zu 10 Prozent beluede ginn, seet de Raphaël Wisselmann, Chef-Ingenieur vun der Rhäin-Kommissioun.

Zënter der Rentrée fueren dräi grouss Camionë bei d’Lyceeën uechter d’Land an erméiglechen et Schüler, fir verschidden Handwierksberuffer kennen ze léieren. Gëschter hat den Educatiounsministère eng Visitt vum "SkillsTruck" organiséiert, deen um Campus Geesseknäppche steet. Hei dréint sech alles ëm Holz a Metall.

D’Fussballnationalekipp vun den Hären huet gëschter Owend um 2. Spilldag vun der UEFA Nations League mat 0:3 géint Island verluer. An der Paus stoung et schonn 0:2 fir d’Islänner. D’Lëtzebuerger konnten domat hir gutt Leeschtung bei der 2:1 Victoire leschte Samschdeg a Bulgarien net confirméieren.

De Guy Schons presentéiert seng nei CD.

Mir hunn de President vun hirer Prolek-Genossenschaft, de Vic Wirtz, gefrot, ob dat wierklech eng dauerhaft Solutioun ass.

D'Julie Piccini vun der Hëllefsorganisatioun erkläert, wéi am Jemen ka gehollef ginn.

Mir froen de Literaturprofesser Christof Hamann, dee gëschter owend d'Laudatio fir de Guy Helminger gehalen huet.

Mir blécke mat eisem Fussball-Expert Roland Schaack op de Match vun haut den Owend.

De Frank Jester, bekannt als "Barfußarzt", ass iwwer de Weekend vum nërdlechste Punkt vu Lëtzebuerg op dee südlechste gaang. Ouni Schong an ouni Geld.

Theeme Fridden, Europa an d‘Spiritualitéit hu gëschter déi lescht Etapp vum Poopst Leo zu Metz markéiert. Wéi vill Persoune gëschter zu Metz present waren ass schwéier ze soen, mee de Chiffer wäert net wäit ewech si vun 100.000 Mënschen, déi de Poopst Leo wollte gesinn oder u senger Mass deelgeholl hunn. D‘Carole Schimmer huet dës Impressioune vu Metz aus matbruecht.

A Frankräich gouf e Roman aus der Auswiel fir de Prix Goncourt geholl, well de Verdacht besteet e wier mat KI geschriwwen. Wéi ginn d'Lëtzebuerger Editeure mat esou Fäll ëm?

De sobere franséischen Drama zeechent de Portrait vun enger alkoholsüchteger Actrice - dem Michel Delage säi Kinostip!

Déi lescht Deeg gouf am Usbekistan déi 46. Schacholympiad gespillt. Mat derbäi war och d'Lëtzebuerger Nationalekipp, déi um Enn am Mëttelfeld ofgeschloss huet. De President vun der Lëtzebuerger Schachfederatioun, Olivier Jeitz, freet sech virun allem driwwer, datt dräi ganz jonk Schachspiller mat op Samarkand gereest waren. De Generatiounsproblem an de Lëtzebuerger Veräiner wier amgaang sech ze léisen.

Vu Mëtt August bis an de November eran hunn d'Pilzen Héichsaison – normalerweis. Dëst Joer ass dat anescht: Wéinst der Dréchent loossen déi beléifte Schätz aus dem Bësch op sech waarden. Wéi eng Konsequenzen huet dat fir de Bësch a wéi eng Pilze profitéieren eventuell esouguer vum waarme Wieder? Doriwwer schwätze mir mam Lëtzebuerger Expert Fernand Schiltz.

De Christoph Arndt vum Deutschen Zentrum für Luft- und Raumfahrt (DLR) gleeft un d'Potential vun deem nohaltegen, stroum-baséierte Fliger-Sprit.

Eng Persoun, hiren Alldag, a mir sinn dobäi. Am Zeenewiessel Portrait kritt een eng subjektiv Perspektiv op dat wat zu Lëtzebuerg leeft an eis all eppes ugeet. An der éischter Episode kucke mir engem jonke Fierschter iwwert d’Schëlleren. De Cédric Farinon ass a sengem Alldag konstant domadder konfrontéiert, datt Beem krank sinn oder stierwen. Hie gesäit de Bësch awer net als Patient, mee als een Ierwen, dat iwwer Joerhonnerte weider gereecht gëtt. Seng Léift fir de Bësch huet de Cédric och geierft. Vu sengem Papp, dee rezent gestuerwen ass. Den Jamie Reinert huet d’Episode realiséiert a verréit, wat Iech hei erwaart.

Fir d’Zweete Kéier bannent kuerzer Zäit kënnt ee Poopst an d’Groussregioun, nom Poopst François dee virun zwee Joer zu Lëtzebuerg empfaange gouf, kënnt haut de Poopst Leo fir seng leschten Etapp op Metz. Zu Paräis an zu Lourdes war den Interessi extreem grouss. Op béid Plazen hunn eng Millioun Persounen un den zwou Massen Deel geholl. Och zu Metz ass de Mëtteg ënnert anerem eng Mass.

Mir schwätze mam Organisateur vum traditionnelle Semi-Marathon, dem José Azevedo.

D’Lëtzebuerger Guiden a Scouten hunn de leschte Weekend op hirem Kongress eng nei Verbandsspëtzt gewielt. Déi nei Ekipp geet hiert Mandat mam Slogan “Mir wuessen zesummen” un. Zwee vun de fënnef neie Cheffen, d'Aurélie Dell an de Charel Donven, sinn am Studio zu Gaascht, fir e wéineg an den Detail ze goen, wat si déi nächst dräi Joer konkreet wëllen ëmsetzen.

Am Virfeld vun deem aussergewéinlechen Zyklus vu véier Matcher huet den Eric Ewald mam Nationaltrainer Jeff Strasser a mam Leandro Barreiro iwwer dee laangen Zäitraum zesummen als Grupp geschwat, hir "Winner"-Mentalitéit an hir Ambitioune fir déi véier Partien.

"Wann et ëm d'Bezuele vu Schuedensersatz geet, ass een an der EU ganz oft eleng", esou d'Erklärung vum Ausseminister am 100,7-Interview.

De Maurice Molitor seng perséinlech Analys vun enger Pressekonferenz, déi senger Meenung no iwwerflësseg, vläicht souguer kontraproduktiv war.

Méi wéi 50.000 Leit kommen all Dag aus der Belsch op Lëtzebuerg schaffen. Knapp all Zéngte vun hinne kënnt aus der däitschsproocheger Gemeinschaft. An deem Deel am Oste vun der Belsch gëtt awer dringend no qualifizéiertem Personal gesicht. Fir d’Awunner drop opmierksam ze maachen, wéi eng Méiglechkeeten et an der däitschsproocheger Belsch ginn a firwat dat besser ass wéi all Dag ze pendelen, gouf lo eng Campagne lancéiert.

Am Kader vum Reamenagement vun der Place de la résistance zu Veiane goufe bis ewell ronn 160 mënschlech Skeletter um fréiere Kierfecht vun der Trinitarierkierch fonnt. Zënter August lafen archeologesch Ausgruewungen op der Plaz. D'Andrea Bischof vum nationalen Archeologie-Institut INRA erkläert am Interview mam Paule Rodesch, wat déi mënschlech Iwwerreschter iwwert d’Liewen zu Veianen a fréieren Zäite kënne verroden.

Mir froen d'Direktesch vum Institut national des langues, d'Maisy Gorza, firwat et esou schwéier ass Lëtzebuergesch Proffen ze fannen.

... an Dir kënnt mat ofstëmmen: Haubentaucher, Feldsperling a Wintergoldhähnchen sinn déi 3 Vullenaarten, déi zur Auswiel stinn.

Mam Spuetestéch, gëschter, fir hire Weltraumcampus op der Kockelscheier ass d’SES an eng nächst Phas gaangen, hir industriell Phas. De Chef vun der Société européenne des satellites, Adel Al-Saleh, huet dann och vun engem nächste Meilesteen an der Entwécklung vun der SES geschwat.

Den aktuelle Vel’OH-System vun der Stad Lëtzebuerg leeft 2028 aus - da gëtt eng nei Ausschreiwung gemaach an d’Vëlosflott gëtt moderniséiert. Aktuell ass d’Firma JCDecaux den zoustännege Prestataire. De Stater Mobilitéitsschäffe Patrick Goldschmidt hofft op een Zitat: “Méi performante System”, wéi hie vis-à-vis vum Tageblatt sot. Wéi gutt fonctionéiert den aktuelle System a wéi zefridden ass d’Stad Lëtzebuerg domat?

Laang Zäit war den Dan Lorang Trainer vun der däitscher Triathleetin Anna Haug. Du koum de Wiessel an de Vëlossport, wou hie sech bei RedBull-Bora hansgrohe een Numm als Trainer gemaach huet. Rezent ass hie bei d'Ekipp Lidl-Trek gewiesselt. De Jean-Claude Majerus hat d'Geleeënheet, mam Dan Lorang iwwer seng Karriär als Coach ze schwätzen.

Mir schwätze mat eisem Korrespondent op der Plaz, dem Philip Crowther.

De Michel Delage stellt eis déi nei Filmer vir, déi dës Woch an de Lëtzebuerger Kinoen ulaafen.

D'Buch vum Earl Spencer suergt fir Opreegung am Vereenegte Kinnekräich an doriwwer eraus. Mir hu mat eiser London-Korrespondentin Marie Billon driwwer geschwat.

Den 19.9.1991 ass déi 5.300 Joer al Läich duerch Zoufall fonnt ginn. Déi Entdeckung huet de Bléck op d'Kofferzäit revolutionnéiert. E Gespréich mat der Directrice vum Südtiroler Archeologiemuseum Elisabeth Vallazza.

Froen un de Paul Reuter, Luxair-Pilot a Vize-President vun der European Cockpit Association (ECA).

Den däitschen Europadeputéierten Tobias Cremer huet viru 6 Méint an engem Rapport fir méi enk Relatioune mat Kanada plädéiert. Elo geet et effektiv an déi Richtung. Seng Reaktioun?

De Service national riicht sech haaptsächlech u jonk Leit vun 18 oder 19 Joer, déi wärend 10 Méint d’Geleeënheet kréien ze erliewen, wat et heescht, Zaldot ze sinn.

Haut ass de Welt-Alzeimer-Dag. Domat gëtt op eng Rei Demenzkrankheeten opmierksam gemaach, un deene weltwäit geschätzt 55 Millioune Leit leiden. Dorënner ass Alzheimer déi heefegst. Zu Lëtzebuerg bekëmmert sech d’ALA  – d’Association Luxembourg Alzheimer – ëm d’Belaange vu Mënsche mat Alzheimer. Nieft der Berodung vu potentiell Erkrankten an hire Familljen, bedreift d’ALA och Dagesfoyeren an ee Wunn- a Fleegeheemer hei zu Lëtzebuerg, speziell fir demenzkrank Persounen.

Dat war fir d'Rentrée eis Fro vun der Woch. D'Meenungen doriwwer gi wéineg iwwerraschend wäit auserneen. Mir hunn Är Iddien zesummegefaasst an och an der Politik nogefrot

Wat bedeiten d'Resultater vun deene Wale fir déi zwee Bundesländer? A wéi eng Konsequenze kéinte se um nationale Plang kréien? D'Analys vum 100,7-Korrespondent Matthias Kirsch.

Um Lampertsbierg war gëschter traditionell d’Arrivée vun der leschter Etapp am Tour de Luxembourg. D’Etappevictoire war no spektakulären 177km en solitaire fir den Hollänner Mathieu van der Poel. Entgéint dem wat sech virun de 5 Deeg Course erwaart gouf, konnt hien de Generalklassement awer net gewannen. Mir kucken op seng Leeschtung an och déi vun de Lëtzebuerger Cyclisten.

De Manuel Atug ass Grënner a Spriecher vun der däitscher AG Kritis. Hie gesäit nach vill Loft no uewe wat d'Detektioun vun - an de Schutz virun - Dronen ugeet.

Déi Lëtzebuerger Kënschtlerin presentéiert den Owend fuschnei Titelen an der éischter Aircheck-Session vun dëser Saison. D'Cally Kerschen huet den Event mat organiséiert.