Naweekaktueel

26 September 2026: Die liggaam van 'n halfnaakte vrou in Mooifontein-begraafplaas naby Tembisa aan Oos-Rand gevind. Suid-Afrika beoog om 'n handelsooreenkoms oor kritieke minerale met Amerika te sluit. Kritiek oor die weermag se tentatiewe planne om die R4 en R5 met nuwe dienswapens te vervang.

Wessel Pretorius toetsry Haval se H7 HEV Super Luxury.

19 September 2026: Ons praat met kenners oor hoe vroue hulleself moet beveilig. Die Springbok-kaptein het 'n sterk boodskap teen geslagsbaseerde geweld. Suid-Afrika verower goud by die Toutrek Wêreldkampioenskap in Mosselbaai.

Wessel Pretorius toetsry die Omoda C7 Elegance.

12 September 2026: Die VF+ sê gemeenskappe moet groter seggenskap hê oor die samestelling van munisipale begrotings en tariewe. Die familie van een van ses Suid-Afrikaners wat steeds in Nepal vermis word, bly hoopvol dat sy steeds leef. 'n Suid-Afrikaanse egpaar in Amerika kyk terug na die terreuraanvalle op New York 25 jaar gelede.

Wessel Pretorius bespreek Augustus se nuwe voertuigverkope.

5 September 2026: Hoekom bly vroue in verhoudings waarin hulle mishandel word? Ons praat met 'n kenner. 'n Doktorsgraad-gegradueerde van Atlantis deel haar storie. 'n Voorskou van die groot stryd tussen die Bokke en All Blacks vanmiddag.

29 Augustus 2026: Meer as 50 000 geslagsgebaseerde geweldsake word elke jaar by die polisie aangemeld. Om stamselle te skenk, kan moontlik aan pasiënte met lewensbedreigende bloedverwante siektes 'n beter kans op lewe gee. Ons praat met oudBok Kobus Wiese oor vanmiddag se groot kragmeting in Kaapstad.

Wessel Pretorius toetsry ‘n Geely E2 Apex.

22 Augustus 2026: Raadslede in Knysna skuil in plekke van veiligheid ná die moord op drie ANC-lede. Huldeblyke stroom in ná die skietdood van die bokslegende, Zolani Tete. Die eerste van drie titaniese kragmetings tussen die Springbokke en die All Blacks vind vanmiddag plaas.

15 Augustus 2026: Omgewingsgroepe en vissersgemeenskappe langs die Wildekus is verheug oor die Konstitusionele Hof-uitspraak teen Shell. Meningspeilings wys die ANC se steun is op 'n afwaartse kurwe - ons praat met 'n politieke ontleder. 'n Groot taak wag op die Bulls vanaand teen die All Blacks.

Wessel Pretorius toetsry ‘n GAC GS3 Emzoom Nova.

Wessel Pretorius toetsry ‘n Volvo XC90 T8.

8 Augustus 2026: Die DA stel sy verkiesingsmanifes vir die plaaslike regeringsverkiesing bekend, met groot beloftes van betroubare en goedkoper krag- en watervoorsiening. Al hoe meer vroue stres oor hulle geldsake. Die pasaangestelde Nasionale Raad vir Geslagsgebaseerde Geweld en Vrouemoord moet die regering se strategiese plan teen dié verskynsel oor die volgende drie jaar implementeer.

Wessel Pretorius toetsry die kruisvoertuig wat die meeste gekoop word in Suid-Afrika, die Chery Tiggo Cross.

1 Augustus 2026: Voornemende kiesers kan vandag, tydens die OVK se tweede registrasiedag, by hulle stemlokale registreer vir die plaaslike verkiesings op 4 November. Die SAUK vier sy 90ste verjaarsdag. Suid-Afrika het nou 25 medaljes by die Statebondspele, nadat hulle gisteraand nog twee gewen het.

25 Julie 2026: Die EFF stel sy verkiesingsmanifes in Limpopo bekend. Die oorlog in die Midde-Ooste is besig om weier uit te kring. Die SAUK en RSG-nuuskopieskrywer en nuusleser, Helena van Vuuren, vertel staaltjies uit haar ryk joernalistieke loopbaan van 39 jaar, voordat sy volgende week aftree. Die 55-jarige skrywer en aktivis, Bettina Wyngaard, sterf.

18 Julie 2026: Die DA eis verpligte leefstyloudits op staatsamptenare, veral binne wetstoepassingsagentskappe. Ondanks 'n groeiende behoefte, bly tuisversorging 'n minder gewilde beroepskeuse in Suid-Afrika. Rooibossaad gaan vir die eerste keer ooit op ’n ruimtesending.

Wessel Pretorius bespreek 'n luisteraarsbrief oor bande.

11 Julie 2026: Uitleweringsprosedures begin ná die inhegtenisneming in Johannesburg van die 45-jarige Ndodana Tshuma, 'n verdagte in die moord op sy vrou en twee kinders in die Verenigde Koninkryk. Die families van 21 jeugdiges wat in Junie 2022 by die Enyobeni Taverne oorlede is, eis die streng vervolging van die mense wat in die geregtelike doodsondersoek geimpliseer word. Die Amerikaanse president, Donald Trump, sê die VSA en Iran stem saam om gesprekke voort te sit, maar die skietstilstand is verby.

Wessel Pretorius bespreek 'n luisteraarsbrief oor batterye.

Wessel Pretorius bespreek Junie 2026 se voertuigverkope.

4 Julie 2026: Die Regering van Nasionale Eenheid het vandeesweek sy tweede bestaansjaar gevier - ons praat oor die belangrike wetgewingsbesluite wat geneem is, en vra hoe die RNE vaar? Amerika vier vandag sy 250ste bestaansjaar - President Trump sê die VSA het homself weer ten volle as wêreldleier bewys, maar is Amerika meer verdeeld as ooit? Ons praat met oudBok Corne Krige oor die stryd tussen die Wêreldkampioen en Engeland vanmiddag op Ellispark.

Wessel Pretorius praat oor wat die Wet op Verbruikersbeskerming sê oor wie verantwoordelik is vir foute wanneer 'n gebruikte voertuig gekoop word.

27 Junie 2026: Waar lê die balans tussen die toepassing van immigrasiewette en die beskerming van menseregte? Vandag is Wêreld Doofblind-dag - ons praat oor die uitdagings en tegnologiese vordering wat reeds gemaak is. Ons bespreek Bafana Bafana se reg-of-weg wedstryd môreaand teen Kanada.

20 Junie 2026: Die Verkiesingskommissie vra die jeug om vir die November-verkiesings te registreer. Kenners sê Amerika het as die groot verloorder uit die stryd teen Iran gestap. Ons bring hulde aan Pa's, en Udo Carelse sê wat dit vir hom beteken om 'n Pa te wees.

Wessel Pretorius toetsry 'n Suzuki Across.

13 Junie 2026: Reaksie op die president se hofaansoek om die afsettingskomitee se werk vir eers te staak. Aanlynweddenskappe op sportwedstryde neem toe, terwyl die sokkerwêreldbeker-koors hoog loop. Die Suid-Afrikaanse Nasionale Bloediens vier sy 25ste bestaansjaar.

Wessel Pretorius bespreek Mei se voertuigverkope.

6 Junie 2026: Die kanse op 'n vredeskikking in die Midde-Ooste lyk skraal. Johannesburg stort miljoene liter se onverwerkte riool in riviere. Die Blitsbokke skraap deur na die kwarteindstryd in Bordeaux. Die Bulls en Stormers tree oorsee aan vir die VRK-halfeindstryde.

Wessel Pretorius toetsry ‘n JMC Vigus dubbelkajuit-bakkie.

30 Mei 2026: 'n Vredesooreenkoms is steeds nie tussen Amerika en Iran bereik nie. 'n Nuwe boek onthul hoe onwettige goud deur 'n netwerk van private raffinaderye gesmokkel en gewas word. Die Krugerwildtuin vier sy 100ste bestaansjaar.

Wessel Pretorius toetsry ‘n Changan Hunter-dubbelkajuitbakkie.

23 Mei 2026: Twee toeriste sterf in die Krugerwildtuin. “Agter elke misdaadstatistiek is 'n getraumatiseerde slagoffer, 'n bedroefde familie en 'n gemeenskap wat in vrees leef,” sê die waarnemende minister van polisie, professor Firoz Cachalia. Die parlemêntere proses om president Cyril Ramaphosa in 'n staat van beskuldiging te plaas, kan maande lank sloer. Die Shackbuilder, Quinton Adams, beteken meer vir mens as net hout en sink.

Wessel Pretorius toetsry die vol-elektriese BYD Dolphin Surf Dynamic.

16 Mei 2026: Meer as 100 000 mense dakloos in Kaapstad ná die stormweer. 'n Hartroerende storie van desperaatheid en hoop in die Baviaanskloof. 'n Verpleegster praat oor die uitdagings van haar beroep.

Wessel Pretorius toetsry 'n nuwe Chinese sportnutsvoertuig.

Bykans die helfte van Suid-Afrikaanse kiesers bly dalk weg van die stembus - en sommige politieke partye besef dit. Honderde munisipale amptenare in die visier oor finansiële ongerymdhede. Inwoners van die Noord-Kaap sê hulle moes geliefdes aan die dood afstaan weens ambulanse wat nie betyds opdaag nie.

Wessel Pretorius bespreek 'n luisteraarsbrief.

Vrae oor die groot aantal verwerpte eise van die Padongelukkefonds. 'n Super El Niño dalk later vanjaar Suid-Afrika se voorland - 'n klimatoloog verduidelik. 'n Lewenstoekenning aan die veteraanakteur Tobie Cronjé.

Wessel Pretorius toetsry die BYD Shark 6 dubbelkajuitbakkie.

Is die Straat van Hormuz oop of nie? Trump sê ja. maar Iran sê nee. Vuurwapenverwante misdaad bly in die kollig te midde van voortslepende bloedvergieting op die Kaape Vlakte. Ons praat met die uittredende Kommissaris van die Suid-Afrikaanse Inkomstediens, Edward Kieswetter.

Dis 'n tweemanstryd vir die posisie van federale leier van die DA. Ons praat met DA se uittredende leier, John Steenhuisen, en die uitredende voorsitter van die Federale Raad, Helen Zille. Die minister van basiese onderwys, Siviwe Gwarube, vra die Spesiale Ondersoekeenheid om leefstyloudits op senior amptenare te doen.

Wessel Pretorius bespreek 'n luisteraarsbrief oor 'n outomatiese handrem.

Ons vind uit wie die man is wat van 1 Mei af die skoene van Edward Kieswetter sal volstaan as die Inkomstediens se nuwe hoof. Meer soldate word in provinsies ontplooi, wat gemengde reaksie onder inwoners uitlok. Kommer oor Suid-Afrika se posisie as die land met tweede hoogste gevalle van velkanker ter wêreld.

Wessel Pretorius toetsbestuur 'n inprop-hibriede Volvo XC60.

Jemen se Hoethi-beweging raak betrokke by die Iran-oorlog. SANRAL wil self bepaal wáár rusgeriewe langs nasionale paaie geleë mag wees. Die Klein Karoo Nasionale Kunstefees vier sy 30ste bestaansjaar. Suid-Afrikaners word aangemoedig om hulle ligte tydens Aarde-uur af te skakel.

Wessel Pretorius praat oor die situasie by Volkswagen Suid-Afrika.

Menseregtedag word vandag gevier, en ons bespreek die uitdagings en probleme wat die land teister. 'n Vurige debat in die parlement oor die oorlog in die Midde-Ooste. Ons praat met die land se pampoenkoning.

Wessel Pretorius toetsry ‘n Chery Tiggo 7 CSH Plus.

Die Amerikaanse Minister van Verdediging, Pete Hegseth, sê die land gaan voort met sy oorlog teen Iran, en dat president Donald Trump sal bepaal hoe lank die oorlog duur. Ons praat met inwoners van Amman in Jordanië en Beiroet in Libanon oor die wyer impak van die oorlog. Suid-Afrika het nie 'n tekort aan water nie. Die land verlóór sowat 47% van alle behandelde water.

Wessel Pretorius bespreek 'n luisteraarsbrief.

Iran vra verskoning aan sy buurlande vir sy teenaanvalle op Amerikaanse en Israelse weermagbasisse. Die JSE bloei te midde die konflik in die Midde-Ooste. Is daar nog 'n mark vir gedrukte media?

Wessel Pretorius bespreek 'n luisteraar se navraag.

Die VSA en Israel val Iran aan. 'n Broodnodige kragtarief-toegewing aan smelterye in die ferrochroombedryf. 'n Fliek wat Bruinkultuur op 'n ander manier uitbeeld, kom na die grootskerm.

Wessel Pretorius bespreek 'n luisteraarsvraag oor die aankoop van ’n eerste nuwe motor.

Die Suid-Afrikaanse landbousektor verwelkom 'n hofuitspraak in Amerika teen president Donald Trump se handelstariewe. Misdaadstatistiek weerspieel nie suksesvolle vervolgings nie, sê kritici. Staatsdiensvakbonde betoog teen verhoogde mediese premies.

Wessel Pretorius toetsry 'n Chinese sportnutsvoertuig.

Kan die Nasionale Waterkrisiskomitee die land se waterprobleme oplos? Die Noordwes-regering plaas die Matlosana-munisipaliteit in Klerksdorp onder administrasie. 'n Nuwe studie werp lig op hoekom sommige mans gewelddadig raak teenoor hulle lewensmaats.

Wessel Pretorius vind meer uit oor die gewilde oumotor-skou op George, wat op 14 Februarie plaasvind.

'n Kategorie 2 begrafnis vir die bekroonde digter, navorser en kultuur-aktivis, dr. Diana Ferrus. 'n Herrie bars los oor die Withuis se plasing van 'n video wat die voormalige presidentspaar, Barack en Michelle Obama, as ape uitbeeld. 'n Nuwe inisiatief op WhatsApp wat vroue en kinders in nood 24 uur per dag kan gebruik om ondersteuning en hulp te kry.

Wessel Pretorius kyk na die Motor van die Jaar-finaliste, en 'n moontlike 50%-heffing op ingevoerde Chinese en Indiese voertuie.

Betrekkinge tussen Israel en Suid-Afrika vertroebel verder nadat dié lande mekaar se senior diplomate uitskop. Huldeblyke stroom in ná die dood van die bekende Suid-Afrikaanse digter en kulturele aktivis, dr. Diana Ferrus. Altesaam 85 mense sterf in die oorstromings in Mosambiek.

Families neem afskeid van hulle jong kinders wat vandeesweek in 'n gru-taxiongeluk op pad skool toe gesterf het. Die Suid-Afrikaanse Menseregtekommissie maak verdoemende bevindinge oor die voertuie waarin skoolleerlinge vervoer word. Wat presies lê opgesluit in president Trump se Vredesraad, en sy jongste kommentaar oor NAVO?

Wessel Pretorius berig oor oorname van Nissan se aanleg buite Pretoria, en hy bespreek 'n luisteraarsbrief.

Wessel Pretorius toetsry Suid-Afrika se goedkoopste hibriede voertuig, die Chery Tiggo Cross 1.5 Hybrid Comfort.

Die regering stel nuwe perke in vir bestaande skoolgeld-verligtingsprogramme. Werkgewers word versoek om altyd werksoekers se kwalifikasies te verifieër. 'n Suid-Afrikaanse animasie-fliek laat die rekords spat by die Amerikaanse loket.

Wessel Pretorius kyk na 2025 se motorverkope.

Ons kyk terug na insiggewende profielonderhoude wat in die loop van 2025 uitgesaai is. Van onderhoude wat gekenmerk is deur versoening en ‘n pad van aanvaarding en diep vergifnis, tot onderhoude met politici oor wat hulle die naaste aan die hart lê, die onvoorwaardelike liefde van ‘n ma vir haar outistiese kind, hoekom pa’s se rol nog nooit so belangrik was in kinders se lewe soos nou nie, ‘n oud-onderwyser se onbaatsugtige diens op die Kaapse Vlakte, ‘n wêreldbekende pianis se stryd teen ‘n siekte wat haar vreugde steel om die klavier meesterlik te kan bespeel, en ‘n botanis wat Suid-Afrika se naam hoog hou.

Ons bring vir jou ‘n in-diepte oorsig oor die jaar se grootste nuusgebeure, plaaslike en internasionaal. Op plaaslike vlak gee ons ‘n oorsig oor die verdwyning van Joshlin Smith en die skuldigbevinding van Joshlin se ma, Kelly Smith, haar vriend, Jacquen Appollis, en Steveno van Rhyn; en die bewerings deur die KwaZulu-Natalse polisiekommissaris, Nahlanhla Mkhwanazi dat die polisiemag en die strafregstelsel deur misdaadsindikate geïnfiltreer is, en dat daar wydverspreide bewerings van korrupsie en politieke inmenging is, en die totstandkoming van die Madlanga Kommissie van Ondersoek en die Parlementêre Ad Hoc-komitee om dié bewerings te ondersoek. Op internasionale vlak gee ons ‘n in-diepte oorsig oor die oorlog in Gasa en die eerste tydelike skietstaking wat bereik is, hoe humanitêre hulp gestaak is en hoe die humanitêre krisis in Gasa vererger; en hoe die politieke landskap in Amerika verander het sedert president Donald Trump vir ‘n tweede termyn ingehuldig is, en hoe die verhouding tussen Amerika en Suid-Afrika oor die afgelope jaar ontvou het.

Wessel Pretorius toetsry 'n Mazda CX5.

Owerhede is bekommerd oor motoriste se swak padgedrag. Gee Suid-Afrika se 77 lede van die nasionale uitvoerende gesag werklik uitvoering aan die Grondwet se bepalings om die lewensgehalte van alle burgers te verbeter? Ons praat met die FW de Klerk-stigting hieroor. Hoe moontlik is 'n vredesooreenkoms tussen Rusland en Oekraïne werklik?

Wessel Pretorius toetsry 'n Ford-sportnutsvoertuig.

Reddingspogings by 'n Hindoe-tempel in Durban wat ineengestort het, gaan voort. Menseregte kan met een woord saamgevat word. Nóg 'n Suid-Afrikaanse rolprent word staande toegejuig in Londen.

Wessel Pretorius toetry 'n Nissan-bakkie.

Die polisie is op soek na verdagtes in die sluipmoord op Getuie D by die Madlanga-kommissie. Moody's hou sy kredietgradering oor Suid-Afrika se staatskuld onveranderd. Ons profielonderhoud fokus op 'n bekende stem hier by RSG.

Wessel Pretorius vergelyk twee intreevlak-sedans met mekaar.

Moorde en voorvalle van roof neem af, maar beteken dit bestendigheid in alle dele van die land? Oorstromings in die suide van Thailand eis 145 lewens. 'n Ma van die Vrystaat deel haar kommer oor haar seun wat daar vasgekeer is. Die Springbokke wil hulle jaareindtoer op 'n onoorwonne noot teenWallis eindig.

President Cyril Ramaphosa open die G20-leierskapsberaad in Johannesburg. Geslagsgebaseerde geweld word deur die regering as 'n nasionale krisis verklaar. Wat beteken dit? Die Springbokke kom later vandag in Ierland te staan teen een van hulle grootste teenstanders.

Wessel Pretorius gee wenke vóór jy volgende maand die langpad aandurf.

Die Madlanga-kommissie hoor getuienis aan oor hoe die Ekuruleni-metropolisie 'n misdaadverdagte glo gemartel, vermoor en in 'n dam gegooi het. ANC- en EFF-parlementslede het harde woorde vir die Minister van Finansies, Enoch Godongwana. En in ons profielonderhoud vind ons uit dat ekonome ook 'n sagte kant het.

Wessel Pretorius ontleed die jongste motorverkope.

President Donald Trump gaan niemand na die G20-beraad in Suid-Afrika stuur nie. Die FW de Klerk Stigting vra dat bendegeweld as 'n prioriteitsmisdaad verklaar word. 'n Groot eerbewys van die VN aan Sherwin Bryce-Peace, ons korrespondent in die VSA.

Wessel Pretorius toetsry 'n hibriede Chinese sportnutsvoertuig.

'n Web van bedrog span stywer by die Madlanga-kommissie. Twee derdes van die bevolking in Soedan is vlugtelinge weens die burgeroorlog in dié land. Parlementslede besluit dobbel is, 'n euwel en moet strenger beheer word.

Wessel Pretorius toetsry 'n Chinese kruisvoertuig.

Ons praat met kenners oor die geloofwaardigheid van ons SA Polisiediens en die polisieminister se plan om geweld op die Kaapse Vlakte hok te slaan. 'n Klein wynprodusent praat oor die groot ekonomiese impak van die Trump-administrasie se 30%-tariefverhoging. 'n Wereldbekende klassieke pianis praat oor haar reis om vrede te maak met 'n siektetoestand wat beperkings kan plaas op haar vermoë om die klavier meesterlik te kan bespeel.

Wessel Pretorius bespreek 'n luisteraarsbrief.

Suid-Afrika is nie 'n staat wat misluk nie, die gebreke in die stelsel is dalk bedoel om so te wees, sê 'n professor van Noordwes-Universiteit. Palestyne in Gasa begin met die proses om die brokstukke van hulle lewe aanmekaar te sit. Ons fokus op Fanie du Toit, die aanbieder van, Leefwêreld van die Gestremde.

Wessel Pretorius berig oor September se buitengewoon goeie verkope.

Reaksie op die Konstitusionele Hof se uitspraak dat ouers nou kraamverlof tussen hulle kan deel. Solidariteit lê 'n handelsraamwerk aan die Withuis voor te midde van kritiek deur die Suid-Afrikaanse regering. Medici sê die fyn lyn tussen uitbranding en depressie is besig om te vervaag. 'n Ontdekkingsreis van meer as twee dekades oor die doen en late van 'n onkonvensionele Britse militêre eenheid tydens die Anglo Boere-oorlog word neergepen in 'n boek.

Wessel Pretorius toetsry ‘n Chery Tiggo 7 Legacy.

Ons leer ken die prokureur wat haar toespits op geslagsgebaseerde geweld. September is doofheid-bewustheidsmaand. Die Bokke is slaggereed vir die Poemas in Durban.

Wessel Pretorius toetsry ‘n Ford Ranger XLT.