Naweekaktueel

Byna die helfte van Suid-Afrika se gesuiwerde drinkwater kom nié by die verbruiker uit nie weens grootskaalse infrastruktuurverval. Gautengers reageer op die afskakeling van die omstrede e-tolstelsel. Selfstandig en uitgesproke - ons ontleed die jongste navorsing oor die sogenaamde Generasie Z.

Wessel Pretorius toetsry ‘n Japanese sportnutsvoertuig.

Mangaung is die land se swakste presterende metro. ‘n Herrie in VSA omdat Moskou jare lank diplomate met ultrasoniese wapens teiken. Ons bring hulde aan veteraan-omroeper Hennie Maas.

Suid-Afrikaners sal van 1 April af nie meer elektroniese bankoorplasings na buurlande kan doen nie. Kanker neem geweldig toe by mense jonger as 50. Opposisiepartye dreig met die hof oor grondhervorming. Gierigheid onder die soeklig ná die Markus Jooste-debakel.

Wessel Pretorius toetsry 'n Indiese bakkie.

Meer as 90 mense is dood en byna 200 beseer in ’n ISIS-aanval in Moskou. Die Speaker van die Nasionale Vergadering onder druk om te bedank ná korrupsie-aanklagte. Magnus Heystek reageer op Markus Jooste se dood.

Wessel Pretorius bespreek 'n luisteraarsbrief.

Die GOOD-party maak sy verkiesingsmanifes aanlyn bekend. Die Parlement soek groter seggenskap in die begroting wat hy van die nasionale tesourie kry. Irma Stern se ikoniese skildery, THE SMOKER, word eersdaags in Kaapstad opgeveil.

Wessel Pretorius toetsry 'n Japanese sedan en 'n Suid-Koreaanse sportnutsvoertuig.

80% van Suid-Afrikaners het geen vertroue in hulle politieke leiers nie. Arbeidsreg is onder die loep ná 'n hofbeslissing oor diskriminasie teenoor 'n werker op grond van ouderdom. Die helderste gravitasiekolk tot nog toe, is pas deur Chileense sterrekundiges ontdek.

Wessel Pretorius toetsry'n bakkie, en beantwoord 'n luisteraarsvraag.

Dis vandag is presies twee jaar sedert die Russiese inval in Oekraïne. 'n Ma vertel van haar stryd teen haar baba se rare siekte. Een van RSG se getrouste luisteraars deel op haar honderdste verjaarsdag herinneringe oor die Natte en Sappe.

Wessel Pretorius praat oor die finaliste in die Motor van die Jaar-kompetisie.

Die jongse misdaadsyfers word ontleed. Johanneburg se se metroraad ontken dat hulle motoriste boelie by padblokkades. Rusland se enigste de facto opposisieleier, ALEXEI NAWALNI, sterf in aanhouding.

Wessel Pretorius toetsry 'n plaaslik-vervaardigde bakkie.

Elke maand sedert Junie 2023 was die warmste op rekord - hoe bekommerd moet ons wees? Ons praat met 'n politieke ontleder oor die EFF se verkiesingmanifes. Daar is ’n aansienlike groei in stroomdienste.

Wessel Pretorius toetsry 'n haastige Land-Rover.

Meer as 23 000 stemlokale in van vanoggend af oop vir die registrasie van kiesers. Die Amerikaanse senaat sê die sosialemedia-reus, META, het bloed op hulle hande. 'n Kenner praat oor Suid-Afrika se besoedelde riviere.

Die Internasionale Geregshof beslis dat Israel maatreëls instel om aanhitsing tot volksmoord in Gaza te verhoed. Afriforum lê 'n formele klag by die Openbare Beskermer, en eis dat beweerde korrupsie by NSFAS ondersoek word. Suid-Afrika en Brittanje snoer kragte saam om navorsing oor aansteeklike siektes wêreldwyd te doen.

Wessel Pretorius bespreek ‘n luisteraarsbrief.

Wessel Pretorius gee wenke vóór jy die langpad aandurf.

Vandag is die begin van die 16 Dae van Aktivisme Teen Geweld Teen Vroue en Kinders. Die Lee Matthews-verhoor is weer in die kollig. Wêreldwyd sterf meer as twee miljoen prematuurbabas in hulle eerste maand. Sake wat veral die Bruingemeenskap raak, word op ’n indaba bespreek.

Wessel Pretorius toetsbestuur 'n klein sedan en 'n groot sportnutsvoertuig.

Die Onafhanklike Verkiesingskommissie moedig landsburgers aan om vir aanstaande jaar se verkiesing te registreer. Die Gautengse regering ontken mafiabetrokkenheid by 'n multimiljoen rand behuisingsprojek aan die Wesrand. Handelaars in Gauteng is warm onder die kraag oor 'n besluit deur die provinsiale regering om die uitreiking van dranklisensies te staak om onwettige verkope te fnuik.

Ford Suid-Afrika vier eeufees.

Die Vryheidsfront Plus stel sy verkiesingsveldtog bekend, en die DA en Good hou verkiesingskonferensies. Wynproduksie daal wêreldwyd tot op die laagste vlakke sedert 1961. Elke jaar op 11 November word enkellopendes se status gevier.

Wessel Pretorius toetsry twee bakkies.

Die Minister van Finansies speel oop kaarte met Amerikaanse beleggers oor Suid-Afrika se ekonomiese sake. Kerkleiers en die Gautengse regering bespreek 'n aksieplan om rooftoge by kerke in die provinsie te bekamp. Die Springbokke besoek Durban sonder kaptein Siya Kolisi.

Wessel Pretorius toetsry 'n elektriese Sweed.

Die Hooggeregshof in Johannesburg bevind dat alle ouers geregtig is op vier maande se ouerskapverlof. Die minister van bosbou, visserye en omgewingsake, Barbara Creecy, sê Suid-Afrika is steeds daartoe verbind om klimaatsverandering te takel. Die oudste studentekoerant in die land, vier sy 85e bestaansjaar.

Wessel Pretorius toetsry 'n Suzuki.

Kommentaar op 'n meningsopname wat die ANC net 41% steun in aanstaande jaar se verkiesing gee. Groot afwagting vir die halfeindstryd tussen die Bokke en Engeland. Ons praat met Oudbok Jannie du Plessis.

Is daar politieke wil om die probleme by Eskom op te los? Ons hoor by ‘n regskliniek in Stellenbosch hoe vroue kop bo water hou in tawwe ekonomiese tye. Ons praat met 'n vroue-wynmaker, en hoor meer van die dokumentêr, My broer Gertjie.

Wessel Pretorius bespreek 'n luisteraarsvraag.

Minstens vyf soldate sterf in 'n brand by die Lohatla-opleidingsterrein in die Noord-Kaap op die vooraand van 'n groot weermagoefening. Die debat oor Wes-Kaapse onafhanklikheid vlam weer op. Ons praat oor die nuwe vermoëns waaroor kunsmatige intelligensie nou beskik.

Wessel Pretorius toetsry 'n nuwe buksie van Toyota.

Nege mense sterf vanjaar weens hondsdolheid. OKOSA uitgetrap vir die voortdurende gesukkel wat Suid-Afrikaners ervaar met konnektiwiteit en datakoste. Die Johannesburg Eiendomsmaatskappy wat in beheer is van byna R9-miljard se bates, word bestuur deur 'n ontvangsdame en ‘n kassier met ANC-bande.

Wessel Pretorius toetsry Mazda se nuwe vlagskip.

Hoender- en eierprodusente se verliese neem ernstig toe weens die voëlgriepepidemie. Miljoene mense in die Oos-Kaap weet nie waar hulle volgende maaltyd vandaan sal kom nie. Die Springbokke pak die Iere vanaand in Parys, in hulle derde wedstryd van die Rugbywêreldbeker.

In ons weeklikse motorrubriek bespreek Wessel Pretorius die Bakkie van die Jaar.

Prins Mangosuthu Buthelezi word vandag begrawe. Professor Theo Venter praat oor sy nalatenskap. Ons kondig Suid-Afrika se Bakkie van die Jaar aan. Heinrich Klaasen maak met 174 lopies maalvleis van die Aussies.

In ons weeklikse motorrubriek toets Wessel Pretorius 'n Indiese sportnutsvoertuig.

Reaksie op die afsterwe van die voormalige IVP-leier en politieke veteraan, Mangosuthu Buthelezi. Regslui na bewering betrokke by die kaping van geboue in die Johannesburgse middestad. Meer oor die afgelope Afrika-klimaatsberaad in Nairobi.

In ons weeklikse motorrubriek toets Wessel Pretorius twee Chinese sportnutsvoertuie.

Johannesburg se brand-tragedie plaas die kollig op die erge verval, verrotting en munisipale wanbestuur van die middestad. 'n Deurbraak in die oorlog teen transitorowers. Die rolprentvervaardiger, André Scholtz, word vereer vir sy lewenslange bydrae tot die Suid-Afrikaanse rolprentbedryf.

In sy weeklikse motorrubriek toets Wessel Pretorius 'n Suid-Koreaanse sportnutsvoertuig.

Nuwe navorsing wys dat 'n bloedtoets nie meer prostaatkanker betroubaar diagnoseer nie. Die seun van die sogenaamde Springs-monster praat oor sy folterings.Ons ontleed die Bokke se pragoorwinning oor die All Blacks.

In sy weeklikse motorrubriek toets Wessel Pretorius 'n Fransman.

Ons vind op grondvlak uit wat aangaan op Swellendam ná vandeesweek se grootskaalse geplunder. 'n Onverwagse wending in Argentynse politiek. 'n Mutasie van die Coronavvirus lei tot grootskaalse vrektes onder Ciprus se katte.

In sy weeklikse motorrubriek, toets Wessel Pretorius 'n Suid-Koreaan.

Omstrede oudpresident Jacob Zuma is 'n vry man. Die DA se Gautengse provinsiale kongres vind vandag plaas. 'n Huldeblyk aan die ikoniese sanger Rodriguez wat vandeesweek op 81 oorlede is.

Wessel Pretorius toetsry 'n blitsvinnige Sweed.

Pogings om 'n nuwe Openbare Beskermer aan te stel, skep erge spanning. Die Suid-Afrikaner, Lauren Dickason, staan in Nieu-Seeland tereg op aanklagte van moord op haar drie kinders. 'n Kenner vertel wat haar gesigsplooie verklap. El Salvador en Brasilië verklaar oorlog teen dwelmbendes.

Wessel Pretorius toetsbestuur 'n petrol-vrek.

Nuwe middel vir Alzheimers maak kundiges baie opgewonde. Riel, 'n kortfliek wat 'n stukkie van die magiese erfenis van die Rielddans vertoon, maak die naweek sy buiging. EFF-ondersteuners vier vandag die party se tiende bestaansjaar.

In ons weeklikse motorrubriek bespreek Wessel Pretorius luisteraarsvrae.

Ons praat met 'n ingenieur oor die herstelwerk aan Johannesburg se middestad ná vandeesweek se ontploffing. Op 19 Julie 1961 word die eerste fliek op 'n vlug tussen New York en Los Angeles vertoon - ons ondersoek die aanloop daartoe. Hoe gemaak wanneer jou handelaar sê dat jou voertuig ‘n peperduur nuwe turbo-aanjaer benodig?

Wessel Pretorius toetesbetsuur 'n haastige Brit.

Wessel Pretorius bekyk verlede maand se plaaslike voertuigverkope.

Ons praat met die hoofrolspelers in die Alison Botha-drama ná die parool vir haar verkragters. Twee nuwe marienespesies word by Richardsbaai en Port Alfred se strande opgetel. Die Britte wys Kaapstad aan as hulle gunsteling reisbestemming.

Die gevaar van omskakelaars en sonpanele moet nie onderskat word nie. Ons fokus op nuwe verwikkelinge in die sosiale media-sfeer, en stap saam deur Iran se westelike Zagrosberge met Helene Rautenbach.

Wessel Pretorius toets 'n kompakte sportnutsvoertuig.

Ons ontleed die Openbare Beskermer se bevinding, wat president Cyril Ramaphosa kwytskeld van enige oortreding in die Phala Phala-skandaal. SASSA waarsku begunstigdes teen onnodige skuld om hulle toelaes mee aan te vul.

Wessel Pretorius toets 'n nuwe sportnutsvoertuig.

Kritiek teen die ANC se ingesteldheid teenoor die Wes-Kaap. Die afgelope week is Wêreld Vlugtelingedag gedenk - ons het stores van hoop uit Libanon. Nadat 'n vrou lewendig begrawe word, ondersoek ons of dit in Suid-Afrika kan gebeur.

Wessel Pretorius skuif agter die stuur van twee Duitse waens in.

Die Afrikasending na Rusland en Oekraïne ontvou nie sonder struikelblokke nie. Ons kry die jongste oor die weer in die Wes-Kaap. Wildboere se stryd om as landbouers erken te word, duur voort. Ons praat met 'n historikus op die vooraand van die bekendstelling van die nuwe Shaka Zulu-reeks.

Wessel Pretorius toets die nuwe weergawe van 'n ou bekende.

Wetenskaplikes bevestig dat El Niño begin vorm aanneem in die Stille Oseaan. Dieetkundiges fokus toenemend op die impak van super geprosesseerde kos op die liggaam. Dr. Anna-Marie Jansen van Vuuren praat oor die grootste dokumentêre fees van sy aard in Afrika.

Hoe vinnig moet mens op 'n sinkplaatpad ry? Wessel Pretorius bespreek dié kwessie in sy weeklikse motorrubriek.

'n Beweerde aanslag op mediavryheid is onder die soeklig. 'n Vuurvreter-gemeenskapsveiligheidsaktivis word aangekla van teistering, nadat sy voor beweerde dwelmhandelaars se huis uitkamp. Sowat 200 Suid-Afrikaanse brandbestryders is op pad Kanada toe om bosbrande te help bestry.

Wat lê in die toekoms en wag op die inwoners van Gqeberha? Ons praat met die stad se nuwe burgemeester, Gary van Niekerk. Waarvoor moet jy op die uitkyk wees vir cholera? Ons vra 'n kenner. Die Cannes-filmfees in Frankryk betower jong en aspirantrolprentmakers.

Wessel Pretorius bespreek 'n luisteraarsbrief.

Toyota Suid-Afrika wil so gou moontlik elektrisiteit aan die nasionale netwerk lewer.

Mediese dokters is betrokke by grootskaalse bedrog in staatshospitale. Reaksie op die dood van 'n oudambassadeur en stigter van die DP. Die regering wil die uitwerking van beurtkrag op voertuigvervaardigers verlig. 'n Plaas in die Klein Karoo maak die wêreld se beste olyfolie!

Suid-Afrika se diplomatieke bande met Amerika is stroewer as ooit ná bewerings dat die land wapens aan Rusland verskaf het. Ons ondersoek die omvang van kuberbedrog in Suid-Afrika. Ons skakel oor na Turkye in die aanlop tot môre se verkiesing.

In ons weeklikse motorrubriek toets Wessel Pretorius 'n Italianer.

Die Verenigde Koninkryk se eerste kroning in 70 jaar vind vandag plaas. Ons dek die geleentheid met staaltjies uit prins Charles se verlede en minder bekende feite oor hom en die koninklike familie. Die Stormers en Bulls pak mekaar in Kaapstad. Ons praat oor 'n planeet wat deur 'n ster ingesluk is.

In sy weeklikse motorrubriek beantwoord Wessel Pretorius 'n luisteraarsvraag.

Burgerlikes word geteiken in die Oekraïense stad, Bakhmoet. Alle militêre veterane mag nou vir 'n pensioen aansoek doen. Die prys van 'n basiese maandelikse kosmandjie skiet die hoogte in.

Suzuki het sy nuwe Grand Vitara bekendgestel. Die nuwe model, geklee in ‘n stylvolle baadjie, boks nou in 'n hoër gewigsklas. Justin Kennerley het die motor in die Suid-Kaap gaan toets.

Wêreldwyd neem die aantal bejaardes drasties toe. Die vraag is: Kan hulle dit bekostig om so lank te leef? SASSA-begunstigdes moet hulle Posbank-kaarte so gou moontlik hernu gegewe die voorlopige likwidasie van die Suid-Afrikaanse Poskantoor. 'n Regskenner kritiseer gister se Appèlhof-uitspraak teen Afriforum. Meer skilpaaie as normaal spoel vanjaar uit tydens die seeskilpad-broeiseisoen in die Oos-Kaap.